اشعار مخصوص امام محمد تقی (ع)

دردون دواسی واردی جواد الائمه ده
قلبون صفاسی واردی جواد الائمه ده
.
.
بیگانیه اَل آچما اونا دردیوی دئمه
مأیوس اولما اُوزمه الین غصّه چوخ یمه
هردردون اولسا ساخلاما دیلده اونا دینه
حقین رضاسی واردی جواد الائمه ده
.
.
مشکل گشادی فاطمه نین اوغلی هر زمان
عالملره عطاسی اولوب گون کیمی عیان
صاف اعتقادیله اونا ایت دردیوی بیان
دردون دواسی واردی جواد الائمه ده
.
.
دامان رحمتیندن اَل اُوزمه جهانیده
عمرون نقدری واردی سورون آستانیده
داده یتر چاغورسان اونی هر زمانیده
لایق عطاسی واردی جواد الائمه ده
.
.
آیلار گرک او نور روخوندان جمال آلا
غنچه گل آچماقی لب لعله مثال اولا
اهل ادب کمالی بو گلدن کمال آلا
حُسنین ب

• سه شنبه
• 27
• اسفند
• 1398
• ساعت
• 22:01
• نوشته شده توسط
• ابوالفضل عابدی پور

بو آده قربان – مراده قربان
جانیم امام – جواده قربان
گل جناندی – رضایه جاندی
او مرد علم و – جهاده قربان

سلام او جوده – او گل وجوده
نمازی رونق – وئروب سجوده
معین قرآن – ولی سبحان
عزیز زین العباده قربان

امام معصوم جواد مظلوم
جوان چاقیندا – گئدوب جهاندان
ائشیسه هر کس – ویرر اونا سس
دئیر او سوزان نهاده قربان

گلوب باشا معتصم جفاسی
جوان ئولوب هادینون آتاسی
شهید اولان ام فضل الینده
منادی اعتقاده قربان

دی لعن اولا فرقه عناده
جنازه او چ گون قالوب اراده
ائدوبدی قوشلار فغان هواده
دئدی او نیکو نژاده قربان

غمی جوادین – جهانی داغلار
ملکلر اما حسینه آغلار
جواد ئوزی جدینی چوخ ایستر
سوسوز کسیلدی مناده قربان

حسین شهیدانه سرور اولدی
فدای الله اکبر اولدی
گلنده مهدی دیر بو عالم
او حامی عدل و داده قربان

جناب زینب او حاله آغلار
حسینه الاندا سینه داغلار
قدم قویوب قتلگاهه گوردی
قالوبدی باشسیز اراده قربان

• دوشنبه
• 19
• آبان
• 1399
• ساعت
• 17:05
• نوشته شده توسط
• یوسف اکبری

باش آچوب امام هادی آغلابوعزاده شیعه
فاطمه آناسی آغلارحضرت جواده شیعه

ایلوب اون بیریمجی معصوم دهریدن بقایه رحلت
پورثامن الائمه نورمحفل ولایت
بلّیدورجوادآدندان کان جودیدور او حضرت
وای آقادیوب مساکین گلدی آه وداده شیعه

معتصم جفاوظلمه ائتدی امّ فضلی تحریک
سؤندی مشعل امامت جمله عالم اولدی تاریک
اهل کین بوماجراده بیربیره دییردی تبریک
چاتدی دشمنان اسلام ظلمیله مراده شیعه

گل کیمی چاتوب اومولارُشده فاطمه باغیندا
هی نفس چکوب یاناردی سینه سی آناداغیندا
جدّه سی کیمی جهاندان اینجیدی جوان چاغیندا
اولمادی ترحم‌اصلاًخصم بی حیاده شیعه

یوخ سؤزوم دؤزوب بلایه جمله اولیای معصوم
ای بساجواد،مثلی بیرکس اولمیوبدی مظلوم
ائتدی دشمن اول امامی یرمی بش یاشیندامسموم
زهرائدوب اثروجودی یاندی غمسراده شیعه

مَرده مایهٔ شعفدوراولسامحرمی حیالی
بی وفااولوب جوادین ئوزائوینده کی عیالی
وئردی زهرکینه آخرحضرتین پوزولدی حالی
جان وئروب ولیّ سبحان حال غم فزاده شیعه

باشلادی اوگون ملکلرعرشیده عزاسرودین
یخدی امّ فضل خائن ظلم الیله دین عمودین
آتدی حضرت جوادین غرفه دن یره وجودین
قالدی اوچ گون اول امامین پیکری آراده شیعه

یوخ سوزوم تقی ملالی قلب کائناتی داغلار
لیک حشراولونجاهرگؤزآغلاساحسینه آغلار
واحسین دیوب«کلامی»اشکینی عذاره باغلار
فاطمه گلی ستملن صولدی کربلاده شیعه

• دوشنبه
• 19
• آبان
• 1399
• ساعت
• 17:07
• نوشته شده توسط
• یوسف اکبری

قلبيم گينه ده محنت اياميله قان دي
احواليم امام جوادين حالينه يان دي

دشمن اوز اوينده اوني مسموم ايليوبدي
پيشم بو مصيبتده گينه آه و فغان دي

قالسين هله قاتل آقانين محرمي اولدي
هيچ باخمادي دشمن آقاميز تازه جوان دي

تحريك ايليوب معتصم دون او پليدي
مسموم ايليوب حضرتي دل مرثيه خوان دي

تاثير ايلدي زهر جفا سولدي جمالي
اكبادي اولوب پاره اورك دردي نهان دي

فرمايش ايدوب جرعه سو اولسا يانيرام من
قاتل ولي بو واقعه ده رقص كنان دي

زهرين اثريندن ايليور ناله او حضرت
هيچ باخمادي قاتل بو طبيب دل و جان دي

ال چالديلا كل چكديلر اول مظلوم امامه
سو ويرمديلر ارض و سما گريه كنان دي

آخرده قاليب پشت بام اوستينده جنازه
گون ايستي سي تاثيرايليوب پيكري ياندي

گوردي هامي آچميشدي قاناد نچّه كبوتر
زهريله يانان پيكرينه سايه سالان دي

لطف ايله حسين زائري بو (آذرين) اولسون
بيرعمر غريب جدووه چون سينه ويران دي

• چهارشنبه
• 24
• دی
• 1399
• ساعت
• 18:40
• نوشته شده توسط
• یوسف اکبری

یاران قورولوب بزم عزا عرش خداده
آثار محن ظاهر اولوب ارض و سماده
مهدی آقامیز آغلیور ئوز جدی جواده
بوغمده گرک سینه سینی داغلیا شیعه
قاره گیینه،باشه ویروب،آغلیاشیعه

ذی القعدآیینون آخری بیز قاره گیینوک
گوزیاشی توکوب گرد غم و یاسه بورونوک
قسمت اولا گر قبری,یوزی اوسته سورونوک
بو غمده یانان سینه ی پر سوز رضادی
بو غمکدیه بانی غریب الغربادی

ای شیعه ی اثنا عشر ای ملت ایران
همت الیون حفظ اولونا عترت و قرآن
نعمتدی بیزیم مملکته شاه خراسان
بوگونده ولی قلبینی غم تیری بولوبدی
گوزیاشی توکون شاهیمیزون اوغلی ئولوبدی

هرکس که اولوبدور غمی دنیاده زیاده
اولسون متوسل بو گجه باب مراده
ویرسون قسم اول پادشهی اوغلی جواده
صدق دلیله کیم اولا بو بزمیده حاضر
البته وئرر حاجتینی اوغلونا خاطر

من بنده ی شرمنده ی خلاق جلیلم
بوشدور بو الیم سائلم و ابن سبیلم
بودرگهه بیرعمریدی منتله دخیلم
نه شاعرم و نوحه گر ونوحه سرایم
من عاشق شوریده سر ابن رضایم

گر حضرت جانان منه لطف ایلیه رخصت
مدحین یازارام دفتره در حد بضاعت
وار معتبر اخباریده مشهور روایت
من نظمه چکوم حظ ائده عشاق حسینی
ایلوبدی روایت بو سوزی شیخ کلینی

اولاد نبی عالم عالمدی مسلم
هر تک تکی اولموش بلی سر اللهه محرم
یحیادی دیوربوخبری زاده ی اکثم

بیرگون من ئوزوم,زائریدیم قبر رسوله
مشغول طوافیدیم ئوزوم قبر رسوله

ناگاه گوزوم گوردی او دم ابن رضانی
مشغول طوافیدی او مصداق معانی
حیران ائلمیشدی حرکاتی عرفانی
من ماتیدیم اوشهده اولان عزت وجاهه
گیتدیم قاباقا عرض سلام ائتدیم او شاهه
چوخ رٲفتیله رد سلام ائتدی اومولا
عرض ایلدیم ای نابغه ی حکمت وتقوا
سندن نچه مطلب سوروشوم اینجیمه اصلا
باخدی منه حکمتله او والای خدابین
من یاخشی بیلوردوم اوسوالات جوابین

القصه نچه مساله من ایلدیم عنوان
فی الفور جوابین بویوروب قویمادی نقصان
گوردوم ئوزومی مور او مولانی سلیمان
عرض ائتدیم آقا سنده اولان حکمته احسن
سن تک آقا, عالم بجرن نهضته احسن

ای معدن لطف وکرم و علم وفضیلت
فخر ایلیه جک سن کیمی مولایه شریعت
وارآیری سوالیم منه مانعدی خجالت
بو مساله ده ماتم و حیرانم ئوزومده
واللهی غرض یوخدی منیم صونکی سوزومده

لبخند ویروب ائتدی بیان اول شه حق بین
ای عالم گم کرده ره مذهب و آیین
ویرم دیمه میش مساله نین فوری جوابین
قویما اوره گونده قا لاچوخ درد و ملالون
یحیی بیلورم شرح امامتدی سوالون

حیرتده قالیب عرض ائلدیم ای شه خوبان
اللهه قسم حق و حقیقت بویورورسان
کیمدور دئ گوروم ایندی بیزه حجت دوران
حضرت بویوروب من نبوی خوی و مرامم
من حجت دورانم امام بن امامم

عرض ایلدیم ای سرور احرار زمانه
گورست منه بو مطلبه بیرعمده نشانه
ناگاه عصاسی آقانین گلدی بیانه
بومنظره واللهی منی حیرته سالدی
حیران ائلیوب قلبیدن آرامیمی آلدی

بو واقعه دن مطلبیم آخر اله گلدی
ظلمت قوتاریب مژده ی رحمت دله گلدی
موسای زمانین اوز عصاسی دیله گلدی
سس گلدی عصادن بوآقا شاه جهاندی
حجتدی بو دورانه شه عصر و زماندی

بیر شاه که ایلردی ملائک اونا خدمت
افسوس اونون قدرینی هچ بیلمدی امت
ئوز همسری ایلوبدی او مولایه خیانت
مسموم ائلدی زهر جفائیله جوادی
قان آغلا که قالدی آتاسیزحضرت هادی

زهریله الولاندی وجودی او امامین
جنتده آچوب باش باباسی حضرت یاسین
عرش اهلی ائدوب نوحه اولوب فاطمه غمگین
ئوز عورتینه ائتدی خطاب اول نبوی خو
آخر نفسیمدورئولورم وئر بیر ایچیم سو

بیر لحظه بلادن بیلوسن اولمادیم ایمن
آخر نفسیمدور یانورام سوز عطشدن
چوخ ناله ائدوب ابن رضا دوشدی نفسدن
سوگتدی کنیزون بیری فع عطش اتسون
مانع اولوب اول کینه روش قویمادی گتسون

گلزار بتوله گینه باد غم اسیلدی
بو غمده یانارشیعه اگرناب و اصیلدی
ناگاه جوادون سسی بالمره کسیلدی
آچدی قاپونی عورت بیرحم و جفاکار
گوردی که یوموب گوزلرینی سرور احرار

گوردی که دوشوب پیکری یوز اوسته ترابه
بو عورت بی عاطفه لایقدی عذابه
مینلر بئله عورت اولا قربان او ربابه
اصغر آناسی همسریدی شاه زمانه
درس شرف و عشق ویروب خیل زنانه

یول سالدی اوگون قافله که وادی شامه
گوز آلتی باخوردی او خانیم رأس امامه
از بس اوتانوردی دیلی دونموردی کلامه
ظاهرده چوخ آغلوردی دیوردی بالام ایوای
خلوتده ائدوب نوحه دیوردی آقام ایوای

ای سرورعطشان سر و پیکرسنه قربان
نوزادی ئولن من کیمی مادرسنه قربان
ای روح بقا صود امراصغر سنه قربان
من هئچ دئمورم همسرووم یا که عزیرم
فخریم بودی درگاهووه منتله کنیزم

شادی جهان سنسیزحسین اولسون حرامیم
سنسن شرفیم,صاحبیم,اربابیم,امامیم
زینبدی منیم دهریده الگوی مرامیم
سندنصورا عمروم کچه جک غم سیاقیندا
عهدیم بودی سن تک من ئولم گون قاباقیندا

قورتارسوزی باخ ساعته شب نیمه دی(ناعم)
بو شعریله عقباده یقین بیمه دی(ناعم)
دلبسته نه جاه و حشم و سیمه دی(ناعم)
بو شعره برات ایستوری سلطان سخادن
بیرکرب وبلا اخذ ائلیه ابن رضادن

• چهارشنبه
• 13
• اسفند
• 1399
• ساعت
• 22:57
• نوشته شده توسط
• یوسف اکبری

عاشقان بشير امشب، با فؤاد شاد آمد
اين ندا ز دل سر زد، يار خوش نهاد آمد
حضرت جواد آمد، حضرت جواد آمد

يك ستاره بدرخشيد، همچو ماه تابان شد
ديده ی مه و خورشيد، روشن و چراغان شد
از قدوم پُر يُمنش، اين جهان گلستان شد
بلبلان گلشن را، نو گل مراد آمد
حضرت جواد آمد، حضرت جواد آمد

سوى مردم عالم، حجّت ودود آمد
عطر بخش بر جانِ، مشك و عطر و عود آمد
پادشاه دنياىِ، علم و حلم و جود آمد
احتجاج هايش بين، باب اجتهاد آمد
حضرت جواد آمد، حضرت جواد آمد

در دهِ‏ رجب سال، صد و نود و پنجم
چشم باز كرد و شد، نور ديده ی مردم
شكرللَّه اى ياران، عمّه‏اش بُود در قم
زاده ی شه طوس و، زبده ی عباد آمد
حضرت جواد آمد، حضرت جواد آمد

زد قدم بر اين دنيا، نهّمين امام ما
شد ز نور رخسارش، همچو روز، شام ما
اى صبا ببر اينك، سوى او سلام ما
مژده ده به پروانه، شمع عدل و داد آمد
حضرت جواد آمد، حضرت جواد آمد

انس و جان صف اندرصف، حوريان خم اندر خم
دست بوس و پا بوسند، بهر يار خوش مقدم
گشته موسم شادى، رفته از دل ما غم
آن شه خراسان را، پاره فؤاد آمد
حضرت جواد آمد، حضرت جواد آمد

گول گولور گولوستاندا، بلبل ايليور چه چه
شاد اولون، بو مولوده، سيزده سويليون به به
دفتريم گولومسوندى، ايلدى قلم قه قه
يارين آدينى ئوپدوم، بيلميسن نه داد گلدى
حضرت جواد گلدی، حضرت جواد گلدی

دلبرا بو عشّاقين، چاره ی نجاتين وئر
مستحقّ احسانوق، حُسنوين زكاتين وئر
سن بو جَمعه بايراملوق، كربلا براتين وئر
ياندى قلبيميز چون كه، كربلادن آد گلدى
حضرت جواد گلدی، حضرت جواد گلدی

• دوشنبه
• 16
• فروردین
• 1400
• ساعت
• 17:47
• نوشته شده توسط
• یوسف اکبری

بشارت ای یاران
که حضرت جانان
مدینه را امشب
نموده گل باران

بهار شادیها ی اعتقاد آمد
خجسته میلاد امام جواد آمد
امام جوادآمد . امام جوادآمد

دهد صبا مژده که فجر نور آمد
که غم گریزان شدبدل سرورآمد
مدینه زندوه زمانه دور آمد
ملک فلک یکسر به وجدوشورآمد

نسیم شیدایی وزید و شاد آمد
خجسته میلاد امام جواد آمد
امام جوادآمد - امام جواد آمد

عزیز جان مولا . تو شکر و قندی
که کام زهرا را حلاوت افکندی
امام هشتم را عزیز و دلبند ی
به ضامن آهو تو شهد لبخندی

بهار شادیها چه خوش نهاد آمد
خجسته میلاد مامام جواد آمد
امام جواد آمد امام جواد آمد

گول پیمبر سن بهالی گو هر سن
عزیز حیدرسن رضایه دلبر سن
که جان سنه قربان جهانه سرورسن
فلک دیور به به ملک دیور احسن

که ماه شب تاب ره رشاد آمد
خجسته میلاد امام جواد آمد
امام جواد آمد - امام جواد آمد

• جمعه
• 11
• تیر
• 1400
• ساعت
• 11:02
• نوشته شده توسط
• یوسف اکبری

امام با سخـــــا گــــــــلوب
رضایه آی تک بالا گلوب
بزندی گوگــــــده ستاره لر
مَــــهِ بُــــرج ولا گلوب

مـــــژده اولسون آل عبایه
آتاسی حضــــرت رضایه
عاشقـــانه ، اهــــل ولایه
(بـــــــــو ولادت مبارک2)

گُـــل آچوب غنچه ی جنان
گـــلوبــــدی روح و روان عشق
تقـــــی آدی عشــــــق اتقیا
اختر کهـــــــکشان عشق

بـــــــزنوبدی جنت الاعلا
شــــاد و خــــرم اهل تولا
یوزی آی تک قامتی رعنا
(بو ولادت مبـــــــــارک2)

عِلــــم وحکمت امیـــــریدی
سُخنــورانـــون دَبیـــــریدی
عزیز زهـــــرا گُــــل رسول
هــــــامی شاهلار کبیریدی

دُر دُردانـــــه ی رضادی
نوه ی پـــاک مرتضادی
هدفــــی راه انبیــــــادی
(بو ولادت مبـــــــارک2)

شیعــــــه قربــان مـرامیـــــوه
او نشر اولـــونمـــوش پیامیوه
دیللر احســـــن فــــــرشته لر
قعــــود و هــــــــم قیامیوه

پسر سلطــــــــان خراسان
گل خوشــبوی باغ ایمان
آتاسی افتخــــــــار ایران
(بو ولادت مبــــــــارک)2

ایله بـــــو جمعه بیــــــر نظر
رضـــــا بالاسی علـــــی سیَر
دنن ســــــــن (پوریا ) جواد
بــــــرات کــــربلا ویــــرر

عشقیمیـــز شاه شهــدادی
حرمی جنت خــــــدادی
آقامیز مـــــــاه کربلادی
بو ولادت مبارک2

• پنج شنبه
• 17
• تیر
• 1400
• ساعت
• 10:41
• نوشته شده توسط
• یوسف اکبری

دوشر خیالیمه هر دم کی صحبت بغداد
گوزوم دولار دیرم السّلام امام جواد

سلام اولا سنه ای زهریلن اولان مسموم
جوانلیقیندا اولان زندگانیدن محروم
آتاسی تک اورگی داغلی سینه سی مغموم
گئدن مزاره دوداقلار کبود دل نا شاد

واریدی شهرتی جود و سخاده نا محدود
اودور جواده ملقّب اولوبدی آیت جود
گئجه گونوز ائلین حیّ کردگاره سجود
نه کینه باغلادی بیلمم امامه اهل عناد

عیال صالحه نعمتدی دار دنیاده
بلادی مردون اولا همسری خطا زاده
ایکی امامی بو درد ئولدروب باخ اسناده
بیری امام حسندی بیری امام جواد

بیری قاتیب سوا زهری بیریسی انگوره
هزار لعن بو نسوان پست و منفوره
آچیبلا دست خیانت امام معجوره
نه دین نه حرمت شوهر بیلوبدی اهل فساد

الهی ماتیدی عقلیم بو سرّه قَلّ و دَل
انیس اولور نیه بیر نانجیبه صاحب بذل
نئجه کی همسر امامه اولوبدی اُمّ الفضل
تمام سلسله ی خانمانی بد بنیاد

نقدر جهل مرکب چکور گوزه پرده
همای معرفتی گورمیور برابرده
اوزینی دولت اهریمنه ائدیب برده
آتیبدی نوری دوشوب ناره بنده ی بیداد

ایلیکی زهرلن ابن الرضا اولوب مسموم
سو ایستیوبدی کنیزاندن شه معصوم
و لیک قویمادی بیر کس وئره سو قاتل شوم
دئدی گرک وئره جان تشنه ائتمیون امداد

امام بستر رحلتده گوزلری یولدا
نه گوردی اوغلی گلوب باشلیوبدی شور و نوا
توکر عذارینه گوز یاشی وای دیور بابا
سنی بو حاله سالیب هانسی خائن شیّاد

آلیب امام جوادون باشین دیزی اوسته
گوز آچ دیور بابا بالینوه من خسته
مدینه دن گلورم صحبت ایله آهسته
وصیّت ایله منه ای شفیع یوم معاد

سنه فدا اولوم ای نفسی طیب و طاهر
غم ایلمه سنه سو وئرمدی زن کافر
اگر وارون سوا میلون من ایلیوم حاضر
بو غصّه دن سنی من ایلیوم بابا آزاد

دئدی اوغول سنه آللّه وئره بسی حسنه
بهشتدن سو آنام فاطمه گتیردی منه
امور دینی آتون واگذار ائتدی سنه
مدینیه قیدیب شیعیانی قیل ارشاد

امام تشنه حسین تک غریب جان وئردی
چکیب جوارینه جدّی اونا مکان وئردی
"صفا" ارادت قلبین بئله نشان وئردی
کمک ایله سیزه شایسته شعر ائده انشاد

حسینون آدی گینه اولدی شعریمون نمکی
گرک ایتیرمیه هر کیم دوزین ییوب امکی
گزیب حسین بلی قنداقه سینده نه فلکی
شفا وئریب بلگی فطرسه عزیز عباد

یخیلمیشیدی اوزی مقتل وصالینده
یهودی بیر قزی درک ائتدی مرگ حالینده
حسین قانیلا اونا بیر فرشته بالینده
طبابت ایلدی تاپدی شفا ائوون آباد

یهودی زادیدی کوفه ده همان دختر
مریضدی اوزی افتاده دائم البستر
تانمیوردی حسین کیمدی دخت نیک اختر
همای بختینه والهدی ایندیده اوتاد

• دوشنبه
• 4
• مرداد
• 1400
• ساعت
• 12:42
• نوشته شده توسط
• یوسف اکبری

اگر امام جواد ایلسه ئوزی یاری
صحیفده قلمیم ثبت ائدر بو اشعاری

امامیدور بو امام رضایه نسبتی وار
سخی دور هر کیمون اولسا غم و گرفتاری

گرک توسل ائده بو امامه هر کیمسه
امور دنیوی ده اولسا امر دشواری

بودور کرم قاپوسی بوش الیله قیترمز
گدانی , گر ائده دردین امامه اظهاری

واریدی دوقوز ایل عمری آتاسی جان وئردی
امامته یتیشوب گورسنوبدور انواری

مدینه شهری دوباره اولوبدی نورانی
خلیفه گوردی کی کم رونق اولدی بازاری

ائدوب بو ایشده او مامون بی حیا تدبیر
چاغوردی قصرینه بغدادیده او غمخواری

واریدی بیر قیزی تزویج ائدوبدی مولایه
کی دائم ایوده آلا اوز قیزوندان اخباری

کتبده وار او قیزون ام فضلدور لقبی
وئروب امامه آز عمرینده چوخلی آزاری

چوخ ایستیًردی او ملعون امامی خوار ائلیه
یغاردی مجلسینه دور و بردن اغیاری

بو فکریلن کی همیشه امامی تنگه سالا
قوراردی مجلس بحث و سوال اجباری

هلاک اولوبدی او ملعون گئدوب بو دنیادن
امامیلن ائلدی معتصم بو رفتاری

یازوب عیاشی کی نقل ایلیوب سوزی ذرقان *
بو مستندی کی تفسیریده گلوب , آری

دوءادین اوغلونی گوردوم کی چوخ پریشاندی*
سورشدوم حالینی ائتدی منه بو اقراری

خلیفه محضرینه گئتمیشیدیم ای ذرقان
اوتورمیشیدی ابی جعفریلن انصاری

او مجلس ایچره بیان ایلیوم نه لر گوردوم
گلوبدی بیر جریان اولدی مایه خواری

گتوردیلر او یره بیر نفر کی سارقیدی
هراسیدن سارالوب معلومیدی رخساری

ایلیکی ثابت اولوب سرقتی خلیفه دئدی
گرک بونون بو گون اولسون قصاص کرداری

سوال ائدوبدی خلیفه کی حد اسلامی
نجور بو شخصه بو مجلسده ایلیاق جاری

دئدیم گرک قیرالا اللری مچ دستدن
دلیلینی سوروشوب مچ نیه ؟ دئدیم باری

کتاب حقده دئیوب « فامسحواء » یوزیله الی
فقیه لر بیرآزی تصدیق ائتدی بو کاری

بیر عده سی دئدیلر قطع اولا گرک مرفق *
کی بعد « ایدیکم » وار مرافق آماری

بیر عده سی دئدیلر شانه دن گرک کسیله
کی شانه دندی الین ابتدا و مقداری

خلیفه دوتدی یوزون عرض ائدوب ابی جعفر
سیزون رایوز ندی بو امره ایله اظهاری

بیوردی معتصمه معذور ایله من دئمیوم
کی حکمینی دئدی عالملروزده هوشیاری

بو سوزده آند ایچوب اول ظالم ستم پیشه
گرک سوزون دیه سن ایلیوب چوخ اصراری

بیوردی حکم خداوندی من سیزه دئیرم
مکرر ائتمه ابی جعفره سنی تاری

بو سارقین کسیلر بیر الینده بارماقلار
مگر او کی آدی ابهام اولوب نوشتاری?

دلیلینی سورشوبدور خلیفه بو سوزده
جواب وئردی بویورموش رسول مختاری

محل سجده اولار یدی عضویدن معلوم
گر اولماسا بیری اولماز بو سجده زینهاری

ایاقداکی ایکی بارماقدی بیرده زانولر
ایکی الین کفی پیشانی اولموش آدلاری

اگر الی کسه سوز شانه یا کی مرفقدن
بو سجده ناقص اولار یوخ بو سجده نون باری

دلیلی واردی قرآندا « مساجد لله » *
دیوب بو جمله نی اوز مصحفینده اسراری

بو حکمی تا ائشیدوبدور خلیفه شاد اولدی
سووبدی حکم ابی جعفری ائدوب جاری

نجه دیوم سنه ذرقان او سنٌی مجلسده
فقیه لر هاموسی چکدی ذلت و خواری

گئچوبدی بیر نچه مدت امامه ظلم ائلدی
آتاسی تک بودا مسموم ائدوب او غمباری

گلیدی معتصمه لعنت خدا گویدن
کی ام فضله ائدوبدور بو قتلیده یاری

وئروبله زهرلی انگور دوغرانوب جگری
ائدوبله جعده کیمی بو جفانی تکراری

بو یرده یاده دوشور زهریلن ئولن آقامیز
حسینیلن باجیسون سسلیوبدی ناچاری

یانا یانا دئدی تئز گل جگرلریم یاندی
خبر ائله باجی بیرده گله علمداری

یازاندا لطفیله « جعقر فنایی » گلدی دیله
کی « صادقی » بو گریزین اولار خریداری

(1) . زُرقان (بروزن عثمان) لقب ابو جعفر بوده كه مردى محدث بوده است و فرزندش بنام «عمرو» استاد اصمعى محسوب مى شده است. (مجلسى، بحار الأنوار، الطبعه الثانيه، تهران، المكتبه الاسلاميه، 1395 ه".ق، ج 50، ص 5، پاورقى).
(2) . ابن ابى دُؤاد (بر وزن غُراب) در زمان خلافت مأمون، معتصم، واثق و متوكل عباسى، قاضى بغداد بوده است (مجلسى، همان كتاب، ص 5، پاورقى)
(3) مرفق : آرنج دست
(4) ابهام : اشاره به انگشت ابهام یا شصت

آیات اشاره شده در شعر:
سوره مائده: آيه 5 ( «فَامْسَحُوا بِوُجُوهِکُمْ وَاَیْدِیْکُمْ» ) ( «فَاغْسِلُوا وُجُوهَکُمْ وَاَیْدِیَکُمْ اًّلىَ الْمَرافِقِ» )
سوره جن: آيه 18 ( «وَ اَنّ الْمَساجِدَِ للهِ فَلا تَدْعُوا مَعَ اللهِ احَداً» )

منبع : تفسیر عیاشی 1: 319 ح 109.

• پنج شنبه
• 7
• مرداد
• 1400
• ساعت
• 12:32
• نوشته شده توسط
• یوسف اکبری

ظلمـیله مسمـُوم کیـن اولـدی عـزیز بوتـُراب
آخدی رخساره جوادین گوزیاشی مثل سحاب

معـدن جـُود و سخــا فـرزند دلبــند رضــا
اختـــر بـُرج امامتــدی جــواد اولیـــا
یرمی بش ایل عمر ائدوب عالمـده میـر ماسـوا
گورمدی خوش گون آزعمرونده اولوب قلبی کباب

تولانوب دنیـایه ساتدی ام فـَضل ایمانینی
ساخــلادی عطشان ولی حضرت سبحانینی
عاقبت قتله یتـوردی دین حق سلــطانینی
جهده ی ملعونه تک اولدوردی بیرعالی جناب

زهراثـر ائتدی امامه دوغـرادی اکبـادینی
اولمیوب بیرکیمسه بولسون سـُوزیله فریادینی
داد آلان بیرگون آلار مظلــوم امامون دادینی
واریری بوغمــده گلــسه نالیه شیخیلـه شاب

بیرکنـیزی منقلـب ائتدی جوادون غملری
سوگتوردی بلکه سیـراب ایلـیه اول سروری
قویمادی سومیل ائده مظـُلوم امامون همسری
اولدی بومحنتده غمگین عدنیده ختمی مآب

واریری گلسه فغان و نالیه شمس الشموس
الدوروب زهریله اوغلون بیرستمکاره مجوس
بومحـُنده قان اولوب قلب غـریب عرض طوس
آغلیـوب آغـلاتدی عرش وفرشی میـرنُه قبُاب

عالم معــناده گلدی اوغلــونون بالینـینه
پارچالانمیش دیل دوداقی گوردی یاندی حالینه
باشیـنی آلدی دیزاوسته آغـلادی احوالیـنه
یاده سالدی نینوانون غملـرین اول مستـطاب

جلوه گر اولدی گوزونده حال سلطان وحیــد
جدینین آینه سین ائتمیشدیلراوُل دم شهیـد
قطعه قطعه دوغرامشدی پیکرین قوم عنیــد
نعشنی یغــدی عبایه ایلـدی بیله خطـاب

دوندریب گــوزیاشیمی قانه علی قوم دغـا
نیلـورم سندن صـُورادنیـا من ایتسه وفـا
جدیمه مندن سلام ایت ای قتـیل اشقیا
بیرده عرض ایت اولدی مهجوراهل بیتیله کتاب

جان وئرنده هرآتا ایلــروصیت بوسیـاق
کاش اولا تابوتیمه اوغلوم اولن وقته دایـاق
ئوزالیلـه تاپشـورا قبــره ائده احیـارواق
عکس اولوب کرب و بلاده گتدی دلدن صبروتاب

سعی ائله دوتسون الوندن پورزهرای بتـول
فارغ اول اندوه و غمدن اولما عالمده ملـول
دم وئروب یازدون بواشعاری گل باغ رسـول
ضامن آهو (جـوانی)عرضوه وئردی جواب

• شنبه
• 9
• مرداد
• 1400
• ساعت
• 21:59
• نوشته شده توسط
• یوسف اکبری

ظلمـیلـــه مسمـُوم کیـن اولـدی عـزیز بوتـُراب
آخدی رخساره جوادین گوزیاشی مثل سحاب

معـدن جــــُود و سخــا فــرزند دلبــند رضــا
اختــــر بـُــرج امامتــــدی جـــــواد اولیـــا
یــرمی بش ایـل عمر ائدوب عــالمـده میـر ماسـوا
گورمدی خوش گون آزعمرونده اولوب قلبی کباب

تولانـــوب دنیـایه ساتـــدی ام فـَضل ایمانینی
ساخــــلادی عطشان ولــــی حضـرت سبحانینی
عــاقبـــت قتلــه یتــــوردی دیـــن حق سلــطانینی
جهـــده ی ملعــــونه تک اولدوردی بیر عالی جناب

زهـــــر اثـر ائتــدی امامه دوغــــرادی اکبـادینی
اولمیــوب بیرکیمسه بولسون سـُوزیله فریادینی
داد آلان بیرگــون آلار مظلــوم امامون دادینی
واریــــری بــو غمــــده گلــسه نالیــــه شیخیله شاب

بیـــر کنیــزی منقلـب ائتدی جـــوادون غملری
سوگتـــوردی بلکــــه سیــــراب ایلــیه اول سروری
قویمـادی سومیل ائده مظـُلوم امامون همسری
اولدی بومحنتده غمگین عدنیده ختمی مآب

واریـــری گلــسه فغـــان و نالیه شمس الشموس
الدوروب زهــریله اوغلون بیرستمکاره مجوس
بـومحـُنده قــان اولــوب قلب غـــریب عرض طوس
آغلیـــوب آغـــلاتدی عــرش و فــرشی میـرنُه قبُاب

عـــالم معـــناده گلــدی اوغلــونــون بالینـینه
پارچـالانمیش دیل دوداقــی گـوردی یاندی حالینه
باشیـنی آلــدی دیــزاوستــه آغـلادی احوالیـنه
یــاده سالدی نینــوانون غملـرین اول مستـطاب

جلوه گر اولدی گوزونده حال سلطان وحیــد
جـدینین آینـه سین ائتمیشدیلــر اوُل دم شهیـد
قطعــه قطعــه دوغــرامشدی پیکرین قوم عنیــد
نعشنی یغــدی عبـــایه ایلـــدی بیلــه خطـاب

دوندریب گــوزیاشیمی قانه علی قوم دغـا
نیلـــورم سندن صـُورا دنیـا من ایتسه وفـا
جدیمــه منــدن ســلام ایت ای قتـیل اشقیا
بیــرده عــرض ایت اولدی مهجور اهل بیتیله کتاب

جــان وئرنــده هــرآتا ایلــروصیت بو سیـاق
کاش اولا تابوتیمه اوغـلوم اولن وقته دایـاق
ئوزالیلـــه تاپشـورا قبــره ائده احیـــا رواق
عکس اولوب کرب وبلاده گتدی دلدن صبروتاب

سعی ائله دوتسون الوندن پور زهـرای بتـول
فارغ اول اندوه و غمدن اولما عالمده ملـول
دم وئروب یازدون بواشعاری گل باغ رسـول
ضامن آهو (جــوانی)عـرضوه وئردی جواب

• دوشنبه
• 11
• مرداد
• 1400
• ساعت
• 11:13
• نوشته شده توسط
• یوسف اکبری

شب سروروشب صفادی
تولددلبررضادی
به به عزیزحیدرگلیبدی
دردانه پیغمبرگلیبدی
شیعیه یارویاورگلیبدی
یاجوادالائمه یامولا
ای گل فاطمه یابن الزهرا

گل غنچه لندی چمن سووندی
عطربهشته دنیابوروندی
میلادجودواحسان مبارک
طلوع ماه تابان مبارک
زهرااولوبدورخندان مبارک

گلوب جهانه ارزنده گوهر
اولدی انادان ششماهه اصغر
غنچه باغ ولایه قربان
نوه پاک طاهایه قربان
سرورقلب زهرایه قربان
یاعلی علی یاعلی اصغر

ئولونجه عشقین جهانه ویرمم
بیرتارمویین جنانه ویرمم
پاره قلب حسیندی اصغر
ربابه نوردوعیندی اصغر
دردانه عالمیندی اصغر

• دوشنبه
• 18
• مرداد
• 1400
• ساعت
• 11:44
• نوشته شده توسط
• یوسف اکبری

گینه بیر گل گلستان ولایت ده خزان اولدی
او گلشن ده گَزن بلبلرین ده باغری قان اولدی
صبا ای باد غم سن گیت خبر ور قوی رضا گلسین
ده اوغلون جان ورور جانانه گل دردون کلان اولدی

سموم ظلملن مسموم اولوب اوغلون جواد ای شاه
محبانین ملالین دمبدم ایلور زیاد ای شاه
امام هادیه بیر دادرس یوخ ایله یاد ای شاه
وروب الدن آتاسین شغلی آه اولدی فغان اولدی

امان اول ام فضلین ایتدیگی ظلم و جفاسیندن
امام نهمه گستردیگی مهر و وفاسیندن
گلبدور شیعه لر فریاده زهرین ماجراسیندن
جگرلر دوغرانبدور پرده پرده لخته قان اولدی

اولوب دین ناخداسی غرق بیر طوفانلی دریاده
قالیب نوح زمان طوفان ایچینده یوخ سالان یاده
سالیب طوفانلی یللر ولوله وادی بغداده
غمین اول ماجرادن قلب کل انس و جان اولدی

بو درد و محنت عظما سالبدور عالمی درده
چکنمز تا قیامت بو جفانین اوستونه پرده
هدف بولمم ندور ظلام دهر و کینه پرورده
بو قدری مخفیانه ظلم اونلاردان عیان اولدی

او مولا خلقتین گنجینه سینده درّ نابیدی
حمایت ایله سیدی هر کیم اوندان چوخ ثوابیدی
کمال اولسیدی ام الفضل ده بیر آفتابیدی
مداریندن چیخوب محو اولدی رسوای جهان اولدی

تجلاسی واریدی اول امامین بزم عرفاندا
هدایت مشعلیدی هم طریق دین و قرآن دا
ولیک ایمان و انصاف اولمادی اول نانجیباندا
گورورسن دین و قرآنه بد اولدی بدگمان اولدی

ایا ای صاحب عصر ای امام انس و جان تز گَل
گرفتار اولدی مین درد و ملاله شیعیان تز گَل
قالیب یرده حسینین قانینه یوخ قان آلان تز گَل
دولاندی قرن لر دوران گیچوب آخر زمان اولدی

شهید کربلا یتمیش بیر عاشق وردی قرآنه
اوزی مقتل ده ظلمیلن بویاندی قرمزی قانه
داغلدی قطعه قطعه گل وجودی قانلی میدانه
حسین الدی عیال و عترتی بی خانمان اولدی

قلم الده "امینی" صبح و شام ایلور فغان آغلور
آخور رخسارینه جیحون کیمی گوز یاشی قان آغلور
یازاندا غم کتابین شاعرانه هر زمان آغلور
او قدری آغلیوب آغلاتدی اوز طبعی روان اولدی

• جمعه
• 22
• مرداد
• 1400
• ساعت
• 18:42
• نوشته شده توسط
• یوسف اکبری

نوش ایدوب اوغلون تقی جامِ اَجل یا فاطمه
باشیوه دور قاره سال بغداده گل یا فاطمه

ایستدی بیر شاخه گل باغِ امامتدن کسه
محرمی ایتدی جَفا بو نوجوانِ بی کسه
ناله سی شمس الشّموسین چخدی چرخِ اطلسه
وای اوغول وای سسلدی صبحِ اَزل یا فاطمه

گر چه اهل عترتون اهل جفا مظلوم ایدوب
لیک بو اوغلون غمی عالم لری مغموم ایدوب
من دیمم اوز عورتی نه نوع یله مسموم ایدوب
پرده ده لازم دی قالسون بو عمل یا فاطمه

چوخ آز عمر ایتدی جهاندا بو سمیّ مصطفی
اولدی آز عمریله امّا چوخ بلایه مُبتلا
گاه توهین ایلدی گه دوغرادی اَهل جَفا
بلکه ایتسون لر شئونین مُبتذل یا فاطمه

قلب عالم قلبینی تا دخت مامون داغلادی
قویدی یالقوز ایوده بو شاهی قاپونی باغلادی
وا اماما سسلدی سُکّان اَفلاک آغلادی
ویردی یالقوز جان حبیبِ لَم یَزل یا فاطمه

یوز قویوب دیواره گه سولموش دوداق لار غنچه وش
بیر بیره لَمس ایلیوب گاهی دیردی اَلعَطَش
کربلا مَظلومی تک جان اوسته گه ایلردی غش
گه دونردی صاق صولّا قلبی نده اَل یا فاطمه

بیر کنیزی غم اِحاطه ایلدی چون دایره
الده بیر کاسه گلوب مَظلوم اِمامه سُو ویره
اُمّ فضل آلدی الیندن کاسه نی چالدی یره
تشنه جان ویردی اولوب عکس العمل یا فاطمه

اُمّ فضل بی حیا تا حاصل ایتدی مدّعا
بامه حمل اولدی جَنازه آه یا خِیرَالنّسا
نولدی بولمم، کوچه ده قالدی امام الّاتقیا
گون ایوی گل جسم ینه اولدی مَحل یا فاطمه

قالدی اوچ گون یرده نَعش سَرور اَبرار زار
وارث اولدی جَدّینه بو نو جوانِ گُلعذار
سرورِ مَظلوم یله امّا بونون چُوخ فَرقی وار
یوخ مُصیبت ده حُسینه بیر بدل یا فاطمه

گر چه اوچ گون کوچه لرده قالدی بو اوغلون تقی
اولمای مُثله ولی جِسم تَقیّ مُتّقی
آه او گوندن کربلا دَشتینده اَشرار شَقی
تاپدی جرات ختم اولّا ساعت جَدل یا فاطمه

تا اَله گلدی عُمر سَعد جَفا جُو مَطلبی
اَمر ایدوب ایتسون له مُثله اُول وجود اطیبی
داغدار اِیتدی بو غَم قَلبِ جَنابِ زینبی
اللِری باشدا دیدی فریاده گل یا فاطمه

ایتدیلر قربان کیمی قسمت حسینین پیکرین
ساربان بی حَیا کسدی بیلک دن اللّرین
بَجدله بَذل اِیلدی اَنگشتیله اَنگُشترین
قانلی باشی شامه گزدی اَل بَه اَل یا فاطمه

ایلدی اَعَرابِ وحشی آل طاهانی اَسیر
کوفه و شامه آپاردی قیزلارون قومِ شَرّیر
هانسی قانون بیر بیله ظلمی بولر آیا جَدیر
شاهزاده طاهرات عُریان جَمل یا فاطمه

نوکرون (صابر) خانم یا فاطمه دِلخُون اُولوب
بیر اُوزون مدّتدی نا کس کسلره مَدیون اُولوب
فکری پُوزقون رُوحی خَسته مُحنتی اَفزون اُولوب
بورجی دُورت یوز مین ریال دور ماحَصَل یا فاطمه

• یکشنبه
• 14
• شهریور
• 1400
• ساعت
• 14:14
• نوشته شده توسط
• یوسف اکبری

بو غُربت ئولکَه دَه من زار و ناتوان ئولورَم
یُوخومدی حالیمَه بیر کَس باخُوب یانان ئولورَم

آتام رضا کیمی گِیزلین وِیروبلَه زَهر مَنه
ستَملَه باغریم اوُلوب مِثلِ لاله قان ئولورَم

حَیاتِ گُلشنیمُون نَخلی گُل کیمی سارالُوب
بَهارِ عُمریم اوُلوب ظُلمیلَه خَزان ئولورَم

آدیم تَقی کیمی شُغلیم اوُلوب تَقیّه مَنیم
نه قَدرَی دُشمنی اِیویندَه اِیدوب مَکان ئولورَم

جَواد و حَیّ و قُدیمین حُضورینَه گِیدورم
بُو قان اوُلان جِگریم اَلدَه اَرمَغان ئولورَم

اَگر چه ظاهرِ صُورتدَه بیر یارام یُوخدی
اِیدوبدی قَلبیمی مین زَخمِ کَین نِشان ئولورَم

اَلیم اوُرَکدَه یُوزوم تُوپراق اوُستَه جان وِیرورَم
بُو حَسرتیلَه خدایا مَنِ جَوان ئولورَم

اِیدوب مَعاملَه کالی بَکالی مَنلَه رَقیب
وِیروبدی زَهر آپاروبدی بَهارِ جان ئولورَم

شَهادَتیم منَه بیر سُود اوُلوب بُو غُربتدَن
غَریب ئولماقیمی بُولمُورَم زِیان ئولورَم

مَنه بُو ظلم اِیدَه نی من دُوشَن گُونَه دُوشسُون
تاپُولماسُون گُوروم اَحوالینَه یانان ئولورَم

یُوزیمَه باغلی قُویُوب چاره یُولّارین بُولورم
عَلاج دَردیمَه یُوخدی داخی گُمان ئولورَم

بُو یالقُوز اِیودَه گرک جان وِیرَم نه حَسرتیلَه
گُوزوم قالا قاپُودا هر نَفَس هر آن ئولورَم

مَدینَه شَهری دَگُول جَمع اوُلا بَنی هاشِم
آلا کَناریمی اِئل اَقربا یِکان ئولورَم

مَگر آتاسی ئولن نُوجَوان آتا نَعشین
اوُغول گَلوب گُوتُومَز جان وِیرَن زَمان ئولورَم

اوُغول نُولور مَنی جان وِیرمَه میش گَلوب گُورَه سَن
گُورم او گُل یُوزون اِی سَروِ بُوستان ئولورَم

آتا بالا نُولی بیر قُول بُویُون اوُلاق مَنیلَه
اوُرکدَه قالمیَه حَسرتلَریم نَهان ئولورَم

شکسته قَلبیلَه #وافی سَنُون اَلون دُوتارام
جَزا گُونی سَنی تَک قُویمارام اِینان ئولورَم

• یکشنبه
• 15
• مرداد
• 1402
• ساعت
• 13:42
• نوشته شده توسط
• یوسف اکبری

سال یوز دوخسان بشِ هجرتده حَیّ لامکان
حُجّت هَشتم رضایه قیلدی لطفِ بیکران

بیر اوُغول اِیتدی عَطا مَسنَد نِشینِ حَق اوّلا
فیضِ رَحمت کسب اِیده اِهلِ زمین و آسمان

اِیلدی مَعطور او زیبا گُل اِمامَت گُلشنین
نِکهتندَن بَهروَر اوُلدی مَشامِ قُدسیان

آدینی جَدّی رَسول اَللّهیله هَمنام اِیدوب
کُنیَه سین اِیتدی اَباجَعفَر او فَخرِ اِنس و جان

اوُلدی اَلقابی تَقی و مُرتضی و هم جَواد
قانِع و مُختار مَشهُور اوُلدی اوُل پاکیزَه جان

یِدّی اِیل حَضرت کِچرتمشدی بَهارِ عُمریدَن
طُوسیدَه بابِ کُباری اِیلدی تَرکِ جَهان

ظُلمِ ماُمُون اَلرشید آغلاتدی زیبا گُوزلَرین
تیرِ آلامَه مُبارَک قَلبینی اِیتدی نِشان

حَلقِ مَردمدَن بُلند اوُلدی صَدای اِعتراض
سالدی ماُمُونِ جَفاکاری فِشارَه شیعیان

خَلقون اِحساساتنی فکر اِیلیُوب اِئتسُون خَفَه
حیلیَه قیلدی تَوَسُل اوُل بَد اَندیشِ زَمان

اوُز قزی مَلعونَه اُمّ الفَضلی چوخ تاکیدیلَه
حُجّتِ حَقه وِیروب قیلسُون حِصُولِ آرمان

قالدی بیر مُدّت اِمامِ مُقتدا بَغدادیدَه
سیرَتِ ماُمُونِ ظالمدَن اوُلوبدور باغریقان

مُوسِمِ حَجّیدی یُوز قُویدی طَوافِ کَعبیَه
قُورتاروب اَعمالِ حَجّی مُفخَر کرّوبیان

شَهرِ یَثربده اوُلوب ساکن عَراقه گِتمدی
جَدّینُون گُویا جَواریندَه قالوبدور میهمان

فِیضِ عالَمگیرینی خَلقه اِفاضَه اِیلدی
دانش اَخذ اِیتدی وِجودیندَن ثَقاة نُکته دان

پیشبُردِ مَکتبِ قرآنه قیلدی اِهتمام
تار و پُود هَستی اِسلامیانه وِیردی جان

درک اِیدوب مأمُونِ بَد کِرداری صَیّاد اَجل
خاکِ ذِلّت ذِلّتیلَه پِیکرین اِیتدی نَهان

آلدی آغُوشَه خِلافَت نُوعَروسین مُعتصَم
ضِدِ اَحکامِ اِلهی خَلقه اوُلدی حُکمران

نامَه یازدی اِیستدی بَغداده عَصرون حُجَتین
یا مُحمّد قالما یَثربدَه من اوُلّام ناگِران

هر نَه اَمر اِیتسُون عَم اوُغلون خِدمَته آمادَه دور
عِزّت و اِجلالیلَه بَغدادیدَه گَل اِیت مَکان

زادگاهین اِیستدی سَبطِ نَبی تَرک اِیلسُون
اوُغلونی قائم مَقام اِیلوبدی اوُل طَیّب رَوان

کشف اِیدوبدور رَمزیلَه گِتسَم دوباره گَلمَرم
اِیلدی چوخ پُر اَسف حالیلَه تَرکِ خانمان

اِی طَبیعت اِی جَهانِ مادی و اَدنا نَواز
مَردمِ اَحراریلَه سَن سازگار اوُلدون هاچان؟

دَستگیر اوُلدی هَمیشه چَکمَدی راحت نَفَس
اَهلِ اِستبداد اَلیندَن زُمرهء آزادگان

نُوبهارِ عَدلَه اَسدی صَرصَرِ جُور و سِتم
فاطمه اوُغلانلارین بیربیر اِیدوب گُل تَک خَزان

گَلدی بَغدادَه یِتیشدی مُوکبِ اِبن الرِضا
مُعتَصَم پیشوازینَه چخدی به حالِ اِمتنان

فُوق العادَه حُرمَت اِیتدی حَضرتَه اَنظاریدَه
مَقدمین دُوتدی گرامی شَخصاً اوُلدی میزبان

مُقتضی موقعدَه اُمّ الفضلی تَرغیب اِیلدی
حُجّة اَلهی یِتُورسُون قَتلَه سَمّیلَه نَهان

قَتل فِتواسین وِیروب دور مُعتصَم قتّالیَه
اِیله بیر قَتلی که قَلبِ عالمَه وِیردی تَکان

مَسلَکِ شَرم وَفادَن چخدی اُمّ الفَضلِ دُون
غُصّه دَن اِنسیّه حُورا قدینی اِیتدی کَمان

دارالاِیمن دور اِمامَت دودمانی عالَمه
حِیف اَمینِ روزگاره اوُلمادی دارالاَمان

یاندی قَلبِ فاطمه اِجحافِ اُمّ الفَضلیدَن
جُعدَه نُون ظلمی دوباره دَهریدَه اوُلدی عَیان

بی مُروّت رازقی اَنگوری زَهر آلود اِیدوب
بُلمُورَم بو مَطلبین اِیلوم نِجَه شَرحین بَیان

میل اِیدوبدور زَهردار اَنگُوریدَن مَظلوم اِمام
سَمِ مُهلک جِسمِ پاکین فوراً ایتدی ناتوان

بَستَرِ مرگه یخلدی پیچ و تاب اِیتدی بدَن
بَرگ تک اَعضاسینی تترتدی زَهرِ جان سِتان

گه اَنوردی گه یاتوب بستَردَه چالدی اَل اَیاق
فرشی غَمگین اِیلیوبدور طایرِ عرش آشیان

رَسمدور آفت یِتیشسَه هر قُوشا صَیّادیدَن
طاقت و آرامی اوُلماز جان وِیرر شَهپَر زَنان

اوُدلانوبدور قَلبی اُمّ الفَضلدَن سُو اِیستدی
وِیرمدی سُو دولدوروب سُو جامینی وِیردی نشان

گُوردی جان اوُسته کَنیزین قَلبی یاندی حَضرته
اَشگِ چِشمین چِشمَه تَک رُخسارینَه قیلدی رَوان

صاحبِ اِحسانه فکر اِیتدی سُو اِحسان اِیلسُون
گُوردی اُمّ الفَضل آجقلاندی دِیدی ساکت دایان

وِیرمَه سُو قوی بستَرِ مرگیندَه جان وِیرسُون سُوسُوز
وِیرملی اوُلسیدی سُو سیراب اِیدردوم من سُودان

حَضرتِ زَهرا چراغی ظُلمیلَه خامُوش اوُلوب
شَعشَعین کَسدی بُو عالمدَن فروغِ جاودان

نُوبَهارِ عُمریدَه پَرپَر اوُلوب دور گُل کیمی
یَعنی شَهزاده علی اَکبر کیمی گِتدی جَوان

یُومجاق اَمّا گُوزلَرین عِزّتلَه قَبره قویدُولار
گُون قَباقیندَه وِجودی قالمادی بی سایه بان

اِی قَلم دُوندر سُوزی اوُضاعِ مَقتلدَن دانیش
سُولمیُوب دور کَربَلا گُلزاری تَک هِیچ گُلستان

قَتلگهدَه اَکبرین لِیلا تاپوب دور بی کفن
دَردینی اِیستُور دِیسُون قَمچی وُروردی ساربان

دور علی دور قارَه گُون لِیلانی اِیلَه بَدرَقَه
غَملی یِردَن اِیستیُور گِیتسُون بُو غَملو کاروان

قُویمِیُور دشمن مَنی بو قانلو دامندَن دُوتام
اِیله فکر اِیتمَه آنُون لِیلا گِیدور دامَن کِشان

راضیم باشیم گِیدَه باشُون دِیز اوُستَن وِیرمیَم
چونکه فُرق اِیتمز مَقامِ عِشقیدَه سُود و زیان

گزمیشَم چُوللّردَه دِیلدَن دُوشمُوشَم دِیندِیر مَنی
اَی مَسیحا دَم اَگر دِیندیرمَسُون ئولّم اِینان

باخماسان عَمّون آنُون عَطشان دُوداقُوندَن اوپَر
بیردَه بُو باشی آلام من سینیَه یُوخدور گُمان

#انورا لِیلا غَمی هاجرلَری مَجنُون اِیدَر
چوخ چَتین اوُلدی او بانُویَه مَقامِ اِمتحان

• یکشنبه
• 15
• مرداد
• 1402
• ساعت
• 13:44
• نوشته شده توسط
• یوسف اکبری

آغلا گُوزوم جَهاندا جَواد الاَئمیَه
مَسمُوم اوُلان زَماندا جَواد الاَئمیه

فانی جَهاندا سِیر اِیلَه دَهرین وَفاسینا
اَهلِ جَفانین اِیتدوقی ظُلم و جَفاسینا
همَوارَه ظُلم اِیتدولَه زَهرا بالاسینا
اِیکاش اوُلیدی بَر هَم او گُون چَرخِ روزگار
کُفر اَهلی اِیلدی اوُنا چُوخ ظُلم آشکار

مَسمُوم اِیدوب پِیمبَرین اوُغلون بیر اَهلِ نار
سالدی اِمامی یکسَر اَیاقدان او نابِکار
گُلشَن گُلی سُولان کیمی سُولدی او گُل عُذار
تأثیر اِیدوبدی زَهرِ جَفا گُل کیمی سُولوب
زَهریلَه دُوغرانُوب جِگری قَلبی قان اوُلوب

باش غَم دِیزیندَه غُربَت اِیویندَه وِیروبدی جان
تاپمُوردی بیر نَفَر اوُنا دَردین اِیدَه بَیان
غُربَتدَه جانوِیُردی او سُلطانِ اِنس و جان
سَسلَردی دادینَه گهی زَهرا آناسینی
یادَه سالاردی گُوز یُولا تیکمُوش بالاسینی

عِزّت تاپار بُو مَجلسَه هر کیم قُویا قَدَم
خَتمِ رَسولَه سُویگُولودی شافعِ اُمَم
زَهرایه نُور چِشمدی بُو مَعدَنِ کَرم
شَه لَر جَلال و شأنینَه حِیراندی بَر مَلا
زَهرا آناسیدی آتاسی شاهِ لافَتی

بیر شَخصین اوُغلی اوُلدی مَریض اَصفهانیدَه
دُکترلَرَه رِجُوع اِیلیُوب هر مَکانیدَه
عاجز قالوب هامی حُکُمالَر بیانیدَه
بِیلَه جَواب اِیدوبلَه عَلاجی مَحال دور
بیردَه یانا جَهاندا سَراجی محال دور

سُویلوبدی بیر نَفَر تانُورام بیر طَبیب مَن
وِیرّم نِشان نَجاتی اوُدور اِیلمَه مُحَن
دامن گیر اوُل اِمامِ جَوادَه حقیقی سَن
آت دامنِ نجاتِ جَوادَه بالاوی سَن
بیر دَفعه لیق ساحات اوُرگَیندَه یاراوی سَن

بیر قارَه پَرچمی اِیدوب اوُل شَخص نَذر اَزَل
تیکدِیرسین اوُل جَواد آدینا پَرچَمی گُوزل
اِیلوب قَبول نَذرینی خَلاّقِ لَم یَزَل
وِیردی شَفا او ناخُوشا خَلاقِ ذُوالمَنان
شأنِ اِمامی گُون تَک اِیدوب عالَمَه عَیان

دُکتُر لَرین او دُکتری بیر نُسخه اِی یازوب
هر کس اِینانمیُوبدی حَقی بُول که یُول آزوب
بابِ نَجاتیدَن او مَریضَه شَفا آلوب
اِی #رهبری بُو بابِ کَرم دور تَمَسّک اِیت
بُول اَرزشین صَداقتیلَه خالِصانَه گِیت

• یکشنبه
• 15
• مرداد
• 1402
• ساعت
• 13:46
• نوشته شده توسط
• یوسف اکبری

گلدی بَهار اوُلدی گِینه مُوسمِ سُرور
گُوستردی گُلدَه قدرتینی قادرِ غَفُور

یُوزدن نقاب غُنچه نی گُل ایلدی کنار
گُلزاره گلدی ناله کُنان بلبلِ صَبُور

گُلبرگ شاخه سین اوُزونه ایلیوب مَکان
مَستِ می مُحبت اولوب باشلیوبدی شُور

عرض اِیتدی نالَه سیندَه که ای بی وَفا نِگار
گُور نه ایدوبدی مندَه رِموزِ وَفا ظُهور

هجروندَه بسکه نالَه ایدوب تُوکمیشَم سِرِشگ
وَصلون دوباره گُورماقا قالمیُوب گُوزومدَه نُور

علت ندور شکُفته لَنورسَن بهاریدَه
گِچمور او قدر رَنگ رُخ و صُورتُون سُولور

اشخاصِ روزگار کیمی اولمُوسان دو رَنگ
یارِ دو رَنگ دوتماز اولان عاشقِ غَیور

بلبل دیندَه بو سُوزی دِل آچدی برگِ گُل
وِیردی جَواب نازیلَه اِی طالبِ حُضور

منلَه دَگُل اگر منیلَه اوُلسا اِختیار
قالّام شِکُفتَه سُولمارام اوُلمونجَه نَفخِ صُور

علّت بو دور بَهاردَه اولّام شکُفته رَنگ
گُوگدَن گَلور مَلک گَتورور مژدهء سُرور

اِیلَر خطاب گُل لَره برپا اِیدون فَرح
تَختِ خلافتَه اوُتُورور شافعِ نَشُور

گُل لَر تمام اوُلولّا او ساعت شکُفته رَنگ
بیر نچَه آی بو حالیلَه تا دور اِیدَر مُرور

فَصلِ خَزان اوُلاندا گَلور اوُزگه بیر مَلک
بیر سُوز دیُور تَمامِ گُلستانی سُولدُورور

سُویلَر بُولون سُولوب چَمنِ مُرتضی علی
اوُلادینَه تاپوب دولار اَل فِرقهء کُفُور

بُولجَک بوحالی گُل سارالوب گُلستان سُولور
بیر عُمر عَندلیب اوُلی سَر گشتَه و حُصُور

یا صاحب اَلزّمان سَنه مَعلوم دور بو سُوز
هر دوره حَقّه نا حق اوُلانلار اوُلوب جَسُور

اَجدادیُوین تمامیسی مَظلوم اوُلوبلا لِیک
جَدّون تقی غَمی دلِ دُنیانی یاندورور

سنّاً جوانیدی اوُزی امّا جَوادیدی
شُغلی سَخا وجُودیدی هر شام و هر سُحُور

سنّی یتُوب اِیگرمی بِشَه نه مَلالیلَه
گُوگُلوندَه درد و غم گُونی گُوندَن تاپوب وفُور

گه قَطعه قَطعه دوغرادولار جِسمِ پاکینی
گه زَهرلی طعامی یِماقَه اِیدوبلَه زُور

مَجبُور اِیدوبلَه بَلکه اِیچه زَهرلی شَراب
نی تَک نَوایه گَلدی بو غَمدَه قُصُور و حُور

یانسُون دِلیم دِیسَم نجَه مَسمُوم اِیدوبدولَر
قَلبِ بَشردَن اِیلَه جَفا اِیلمَز خُطور

قَلبِ رَسولِ اَکرمَه اوُد وُوردی اُمّ فَضل
بیر ظُلم اِیدوب اِمامَه که حُرمَتدَن اوُلدی دور

دَسمال قُصّه سین دِیه بُولمَم صِراحتاً
قُورخُوم بو دور اِمامدَن اِذن اوُلماسین صُدور

اَلقصّه زَهر اِمامِ جَوادَه اِیدوب اَثر
ذَرّاتِ کایناتَه او حالی سالوبدی شُور

غُربَت وِلایَت اِیچرَه وِیروب حَسرتیلَه جان
اِحضار اِیدوب حُضورَه اوُنی خالقِ شَکُور

بامَه چخاتدیلار او مُبارَک جَنازه نی
غَمخانه اوُلدی بو غَمه هم خُلد و هم قُصُور

اوُچ گُون قالوبدی گُون قباقیندا جَنازه سی
بیر کسدَه اوُلمیوب او یِرَه قُدرَتِ عُبور

ساطع اوُلوردی عَطر اِیگی اوُل جِسمِ پاکدَن
اوُل نازنین وِجُودَه دَگن وَقتیدَه دِبُور

قالدی تَمام اوُچ گِجَه گُوندوز اوُحالیلَه
فَرمان وِیروبدی مُعتصَمِ کافر و شَرُور

جِسمین وروب سالوبلا یِره پُشت بامدَن
شَرم اِیتمیُوب گِینه دولانُور گردِشِ دَهُور

جَدّی حُسینَه شرکَت اِیدوبدی بُو اَمردَه
اوُچ گُون نه اوُلدی غُسل و کَفن نه قازیلدی گُور

اوُچ گُون اَگر چه قالدی بُونُون یِردَه پِیکری
اَمّا واریدی جامَه سی جِسمی دَگُولدی عُور

عالَم گرک حسین آقا قان آغلاسُون سَنه
شَرحِ مُصیبَتُون سَنُون آفاقَه اوُد وُرور

بو سَهلیدور اوُلونمادی غُسل و کفن سَنه
سُویدی یارالی پِیکریوی لَشگرِ شَرُور

چَکمیشدی جِسمِ اَطهریوَه پَردَه لَختَه قان
عُضوِ مُقطّعاته دَگلدی کَفن ضَرُور

آت دِیرناقی هارا او مُبارَک جَسَد هارا
یِردَه یارالی جِسمُوی پامال اِیدوب سُتُور

باشون وُورولدی نِیزیَه گُورسَندی نُورِ حَق
لَفظِ اَناالحَقیلَه جُدا اوُلدی نَخلِ طُور

اَرنی دِیوب او نُوری گُورندَه کَلیمِِ حَق
لَن کَلمَه سیلَه اوُلدی مُخاطب دوتوبدی شُور

اُنظُر اِلَی الجبل دِیمدون اِیلدون خِطاب
گَل گُور مَنی اوُلاندا یِریم کُوفَه دَه تَنُور

پای مَلَخ تک اَلدَه سُلیمان حُضورینَه
بو نَظمینی #حسینی گَتُوردی بِسانِ مُور

بُولمَم نه واردی اِسمِ شَریفِ حُسیندَه
هر آن آدی گَلندَه سِرشگیلَه گُوز دُولور

• یکشنبه
• 15
• مرداد
• 1402
• ساعت
• 13:49
• نوشته شده توسط
• یوسف اکبری

☑️ بند اول

هوای آشوبه دلم
دلی که غم داره زیاد
همه ی آرزوش اینه
به حرم شما بیاد
بطلب این نوکرتو
یا امام جواد""

آقا چقده تنگه این دلم
برای گریه حالِ شور و شین
تو رو قسم به جون مادرت
منو ببر به سوی کاظمین""

بیا و تو دلم نذار
داغ صحن و رواقتو
بیقرار حریمتم
میبینم شبا خوابتو""

? یا جواد الائمه

☑️ بند دوم

دوباره این سینه ی من
پرِ غم و آه و نواس
بارون اشکام میباره
دوباره ایام عزاس
دلی که آروم نداره
دل زار رضاس""

پسرشو کشتن ای خدا
حرامیای پست و بی حیا
یه صدایی میاد از آسمون
رضا و ناله ی وا ویلتا""

میگه ای دل و دلبرم
نشدی تو زمونه شاد
چی کشیدی جوون من
پیر شدی پسرم جواد""

? یا جواد الائمه

☑️ بند سوم

پسرم این دوره زمون
نداره یک ذره وفا
تو هم عزیزم مثل من
چشیدی از زهر جفا
آبم ندادن بخوری
فتادی از پا""

یه روزی هم توی کربلا
میون خاک و خون دود و باد
به روی زانوی بابا سرش
ثمر عمر لیلا جون میداد""

هی صدا میزد اکبرم
نکن این دلمو کباب
پاشو رونق زندگیم
پسرم رو زمین نخواب

? یا جواد الائمه

☑️ بند چهارم

اویان علی اکبر اویان
غم و ملالیم چوخالیب
بالا دئنه هانچی شقی
سنی بئله حاله سالیب
غمین علی طاقتیمی
منیم الدن آلیب""

گوزومون ای ضیاسی آچ گوزون
بوکوری غملی حالین قامتیم
دانیش علی سسین مشتاقی ام
قالا اورکده قویما حسرتیم""

یوزه باغلامیشام علی
دِل زاریله گوز یمین
منی بحر مصیبته
سالاجاخدی سنین غمین

? علی اکبریم ای وای

• شنبه
• 25
• شهریور
• 1402
• ساعت
• 00:42
• نوشته شده توسط
• یوسف اکبری