اشعار مخصوص امام محمد تقی (ع)

ای گؤزوم بولوط کیمین بو مجلس عزاده آغلا
جان وئرن جوانلیقیندا حضرت جواده آغلا
حضرت جواده آغلا
.
.
امّ فضل، زهری وئردی بو امامه اؤز ائوینده
حضرته ایشیقلی گوندوز دؤندی شامه اؤز ائوینده
ایسته دی سو حسرتیله باخدی جامه اؤز ائوینده
زهر اودوندا پارچالانمیش اؤدلانان فؤاده آغلا
حضرت جواده آغلا
.
.
آغلیان غمِ جواده، مستحب عبادت ایلور
کاظمینی یاده سالسا ایله بیل زیارت ایلور
آغلا صدقیله کی مهدی، مجلسه نظارت ایلور
ناله ائت شکسته نی تک گل فغان و داده آغلا
حضرت جواده آغلا
.
.
هر آتانین اوغلو ئولسه غمده نی کیمین سیزیلدار
بو جوان ئولن امامه هر جوان حزین سیزلدار
فکر ائله آتاسی قؤیموش قؤینونا الین سیزیلدار
سنده س

• سه شنبه
• 1
• مرداد
• 1398
• ساعت
• 11:36
• نوشته شده توسط
• ابوالفضل عابدی پور

ای شیعه بو عزاده، گل نی مثالی داده
ایچدیردی اوز عیالی، زهر جفا جواده
.
عمری گئدر فنایه داش شیشیه توخانسا
قوشلار اولالا ویلان اود دوشسه لانه یانسا
بو بیر اشاره بسدی هرکیم اشاره قانسا
معلومیدی نه ایلر زهر جفا فواده
.
کیم دوشسه بو جهاندا غم غصه بسترینه
دردین دیر ایوینده ایستکلی همسرینه
تسکین ویرر عیالی قلب مکدرینه
گور مهربان عیاله کیمدی چاتا وفاده
.
اولدی عیالی اما نامهربان جوادین
بیر قوش کیمی ایوینده سیندیردی قول قانادین
زهر جفایه آخر توش ایلدی فوادین
زهرانی یاسه گتدی دل داغلی سرگشاده
.
سنی اگر آزیدی غم غصه سی چوخیدی
بو فوق العاده نسگل قلبینده بیر اوخیدی
اوز منزلینده حتی امنیتی یوخیدی
دردی حسن ت

• چهارشنبه
• 2
• مرداد
• 1398
• ساعت
• 12:53
• نوشته شده توسط
• ابوالفضل عابدی پور

تقی آقا امام المتقیندی
یقینا سرور اهل یقیندی
.
منزه بنده ناب خداوند
خدایه چاتماقا حبل المتیندی
.
سخاوت اللری ذاتینده واردی
مکرمدور کرمده بی قریندی
.
ئوزی گنجینۀ مهر و محبت
بلا شک گوهر در ثمیندی
.
رضا اوغلی رضای حقه راضی
امانتداریدور دینه امیندی
.
خدا یئرده وئروب شان و جلالین
ملک لر تک ولی بالا نشیندی
.
بو گون شیعه جواده یاس دوتوبدی
زمین و آسمان یکسر حزیندی
.
ائدوبدور ییرمی بش ئیل عمر اما
بلالر لشگری بو غمکشیندی
.
اولوب مسموم زهریلن بو معصوم
چتین لحظه او حالی مضطریندی
.
دولاندیردی یوزون کرب و بلایه
دئدی عشقیم فقط جدیم حسیندی
.
دوشوبدور یادیمه شاه شهیدان
ائله حالیم پریشان و غمیندی
چخور جانیم نفس

• پنج شنبه
• 3
• مرداد
• 1398
• ساعت
• 10:41
• نوشته شده توسط
• ابوالفضل عابدی پور

گل اوغول عازم اولور عالم عقبایه جواد
گل وداع ایله گیدور محضر طاهایه جواد
.
یثربی ترک ایله بغداده یتور فوری اوزون
آتاوین بیر کسی یوخدور بالا سن باغلا گوزون
قوی الون باشیمه دیندیر ایشیدیم بیرده سوزون
سنی دنیاده بیلور عمرینه سرمایه جواد
.
گل جمالوندن اوغول دویمادی دنیاده آتون
صید اولوب قوش کیمی بیر مکریلی صیاده آتون
جان ویرور سسلیور ایندی سنی امداده آتون
بیرده ایستور باخا اول چهره زیبایه جواد
.
اولمادی قسمت اوغول من سنی داماد ایلیم
اگلشم طوی گونی مجلسده سنی شاد ایلیم
گوگلوی غصه و غمدن او گون آزاد ایلیم
ناگراندور بالا آخر غم فردایه جواد
.
آتاسیزلیق بیلورم مشکل اولار هر اوشاقا
بالاخص طویدا آتا اولم

• پنج شنبه
• 3
• مرداد
• 1398
• ساعت
• 10:49
• نوشته شده توسط
• ابوالفضل عابدی پور

یاندی اورگیم سینه ده اودلاندی الهی
امداده گلن یوخدی، جگر یاندی الهی
.
عَموم کیمی قاتل منه ئوز همسریم اولدی
دشمن ئوز ایویمده منه ئوز دلبریم اولدی
نالان بو مصیبتده گینه مادریم اولدی
نالَم بو گجه گویلره قوزاندی الهی
.
اؤلدوردی منی،دختر مأمون خطاکار
آغلار منیم احوالیمه گویلرده کی قوشلار
شاهددی ئورک سوزلریمه بو در و دیوار
احوالیمه داغ داشدا پریشاندی الهی
.
عَموم حسنی جعده او گون ایلدی مسموم
جانانه وئرن لحظه ده جان،او شه مظلوم
یانینده اونون حاضریدی زینب و کلثوم
بیکس ئؤله سن دهریده آساندی الهی؟
.
گر گلسه بوگون شیعه لریم داد و فغانه
گوز یاشلاری دریا کیمی گر اولسا روانه
واردور یری قان آغلویالار شاه جن

• پنج شنبه
• 3
• مرداد
• 1398
• ساعت
• 10:52
• نوشته شده توسط
• ابوالفضل عابدی پور

یتوب موسم حزن و حسرت
اولوب شیعیان غرق محنت
مصیبات ابن الرضاده
گیوب عاشقان قاره خلعت
.
عالم تیکوب گوز عنایات ابن الکریمه
ادرکنی ادرکنی آقا جوادالائمه (۲)
.
چخوب عرشه افغان شیعه
ویروب جان جواد الائمه
.
.
.
.
قیلوب ترک اوز زادگاهون
کسوب موطنیندن نگاهون
اولوب عازم کوی بغداد
آچوب خوان عالم پناهون
.
پیشوازینه معتصم چخدی انظاریلرده
باشلاندی سور و ضیافت بر و بامیلرده
.
چخوب عرشه ...
.
.
.
.
قوروب حجه اللهه دستان
ویروب ام فضله بو فرمان
ایده قاید عصری مسموم
فروغ ایلیه ماه تابان
.
قتاله فتوا آلوب چخدی راه وفادن
شرم ایتمدی مرتضی دن رسول خدادن
.
چخوب عرشه ...
.
.
.
.
تالان اولدی دارالامانی
پرآشوب اولوب دود

• پنج شنبه
• 3
• مرداد
• 1398
• ساعت
• 11:30
• نوشته شده توسط
• ابوالفضل عابدی پور

منه محرمیم ایتدی
جسارت آنا یاندیم
ویروب ظلمیله زهرِ
عداوت آنایاندیم
.
گتورسم دله واردی منیم چوخ سوز ایویمده
گزورقاتل جانی همیشه گوزایویمده
ایدوبدور منی مسموم اوجانی اوز ایویمده
یاخور جانیمی سوز حرارت آنا یاندیم
.
جوادم اوز آتام تک جلای وطن اولدوم
دوشوب غربته غرق ملال ومحن اولدوم
بوحالیله مثال امام حسن اولدوم
نشان ویردیم من اونا شباهت آنایاندیم
.
اومظلوم اوز ایوینده اولوب من کیمی مغموم
اونون تک اوز ایویمده من اولدوم آنا مسموم
او اولدی ایله مظلوم من بیله مظلوم
گوروب دلده اونون تک جراحت آنا یاندیم
.
نجه صاق صولا دوندی آنا من دونّم
او دردیله بوروندی ایله منده بورونّم
اودایاندی سوروندی ایله منده سو

• پنج شنبه
• 3
• مرداد
• 1398
• ساعت
• 12:31
• نوشته شده توسط
• ابوالفضل عابدی پور

رضانی ئولدوره نین نسل نحسی اُمّ الفضل
امامی ایلدی مسموم آلوبدی طاقتینی
.
قالوبدی اوچ گون اگرچه جنازه سی یرده
بو قصدیلن گوره مردم بدن عفونتنی
.
ولیک گوردوله بغداد اولوبدی عطر آگین
جماعتین بیله خوش بو چوخاتدی حیرتنی
.
او عطری ایتدیله تعقیب اهالی بغداد
بو عطریلن آقا شهرین یغوبدی ملّتنی
.
گوروبلر عطر امام جواد بیتیندن
چخور سمایه یقین ایلیوبله رحلتنی
.
فنا جهاندا قالوب یرمی بش ایل حجت حق
شهید اولوبدی گوروب جایگاه رفعتنی
.
غریب خاک خراسان بالاسین امّ الفضل
ویروبدی شیعه لره قورتاروب اذیّتنی
.
یانقلی سینه لرین عرشه قوزانوب آهی
جهانیانه بلندیردیلر مصیبتنی
.
امام هادی قاباقجا دالیجا شیعه لری
مُشایعت ایل

• پنج شنبه
• 3
• مرداد
• 1398
• ساعت
• 12:37
• نوشته شده توسط
• ابوالفضل عابدی پور

ای گوز آغلا حضرت موسی الرضا آغلار بوگون
نوجوان اوغلی اولوب مسموم آقا آغلار بوگون
سندہ ساخلا عزا
دردیوه قبل دوا
بو امامی بلر
شیعه مشکل گشا
.
.
ساکنان عالم بالا اولوب ماتم نشین
باغ جنتدہ پریشان دلدی ختم المرسلین
بو مصیبتده معزّا دور أمير المومنین
هم صدا دور مرتضا و مصطفی آغلار بوگون
.
.
آل اطهارین جوادی منبع جود و کرم
کامیاب اولدی شهادتدن دوتوب آفاقی غم
وار گمانیم عالم معناده ایمدی دم بدم
وای اوغول سسلر خانم خير النساء آغلار بوگون
.
.
اولدی ام الفضل جعده بی وفا تک خیره سر
عاطفتدن شوهره نسبت ایدوب صرف نظر
زهر ویردی ایلدی پیغمبر اوغلون خونجگر
کهنه دردی تازه لندی مجتبا آغلار بوگون
.
.
سم مهلکدن اول

• شنبه
• 12
• مرداد
• 1398
• ساعت
• 11:01
• نوشته شده توسط
• ابوالفضل عابدی پور

عطا و جود جوادالائمیه صلوات
گل وجود جوادالائمیه صلوات

بیوردی عالمه بیز اعتبار معرفتوخ
گوزل سرود جوادالائمیه صلوات

سوروشسا حضرت سجادیدن او حضرتی کیم
دییر سجود جوادالائمیه صلوات

هم اول قیام ، قیام آفرین عشقه درود
هم اول قعود جوادالائمیه صلوات

مزاری یرده ولی جایگاهی عرشیده دور
دینن صعود جوادالائمیه صلوات

ئولنده باخ قاپیا قورخما دادیوه گله جاخ
دمِ ورود جوادالائمیه صلوات

• سه شنبه
• 20
• آبان
• 1399
• ساعت
• 12:09
• نوشته شده توسط
• یوسف اکبری

یابن‌موسےالرضا شیعیه احسان ائله
اوگوزل قبرووه سن بیزی مهمان ائله

نور چشم رضا - مرقَدی جان فزا
یابنَ زهـــــرا(۲)

ای جواد ای گُل گلشن آل عبا
ماتمونده ائدر عالَم و آدم نوا
مرقد پاکووه شیعه‌لر اولسون فدا
شیعه‌نی دعوتِ روضهٔ رضوان ائله

نور چشم رضا - مرقَدی جان فزا
یابنَ زهـــــرا(۲)

شهر بغدادیده ظلمیله مسموم اولان
اثرِ زهریدن عارضی گول تک سولان
جگری دوغرانوب لبلرینه قان دولان
سسلدون گل آنا یاسیمه افغان ائله

نور چشم رضا - مرقَدی جان فزا
یابنَ زهـــــرا(۲)

بو عزاده آقا باشه قرا باغلاروق
یانه‌یانه سنون محنتووه آغلاروق
قاره کوینک گیوب سینه‌میزی داغلاروق
لطفووی شامل شیعهٔ نالان ائله

نور چشم رضا - مرقَدی جان فزا
یابنَ زهـــــرا(۲)

معتصم مکریله دعوت ائدوبدور سنی
غرق آه و غم و محنت ائدوبدور سنی
جَبریله دعوت شربت ائدوبدور سنی
سویله‌دی میل ائدوب حظِّ فراوان ائله

نور چشم رضا - مرقَدی جان فزا
یابنَ زهـــــرا(۲)

شربتی میل ائدوبسن جگرون قان اولوب
محنتوندن آنون فاطمه گریان اولوب
جنّتی تَرک ائدوب حُجرووه مهمان اولوب
سسلنوب جان بالا آز ئوره‌گیم قان ائله

نور چشم رضا - مرقَدی جان فزا
یابنَ زهـــــرا(۲)

ای رضانین جوان اوغلی جوادیم بالا
هِی‌چالوب‌ال‌ایاق‌دوشمه‌چوخ‌حالدان حالا
آز منیم قلبیمون مجمرینه کوز قالا
سینه‌می داغلیوب آز منی گریان ائله

نور چشم رضا - مرقَدی جان فزا
یابنَ زهـــــرا(۲)

معدن جودیسن بابِ سخادور آدون
سن رضا اوغلیسان رمز شفادور آدون
عالمین دردینہ عین دوادور آدون
شیعه‌نین دردینه یکسره درمان ائله

نور چشم رضا - مرقَدی جان فزا
یابنَ زهـــــرا(۲)

شاعرت تشنۂ جام سبوی شما
طالبِ(فیضی)از بخشش کوی شما
عالمی روشن از جلوهٔ روی شما
منیچون خانهٔ قبری چراغان ائله

نور چشم رضا - مرقَدی جان فزا
یابنَ زهـــــرا(۲)

• شنبه
• 24
• آبان
• 1399
• ساعت
• 19:55
• نوشته شده توسط
• یوسف اکبری

یا جوادالائمه کان سخا
معدن علم و حلم و عشق و صفا
سنسن الگوی بخشش و احسان
اسوه جود و مظهر تقوا
"ياجوادالائمه ادركني"

چوخدي جود و كرامتون مولا
در و گوهردي قيمتون مولا
درس احسان ويروبسن حاتمه سن
داغدي دريادي همتون مولا
"ياجوادالائمه ادركني"

سنسن الگوي زهدوجود و سخا
سنسن آيينه دارعشق و صفا
اولميشوخ درگهونده جمله دخيل
قسمت ايله بو جمعه كرب و بلا
"ياجوادالائمه ادركني"

زهر عدوانه ياندي اكبادون
خم اولوبدور او قد شمشادون
محرمون اولدي قاتلون عجبا
چاتمادي شيعيانه فريادون
"ياجوادالائمه ادركني"

ایلدی ام فضل رذل و پلید
دیلده کی کینه سین اوقدری شدید
مانع اولدی سنه سوویرسینلر
اولدون آخرده سنده تشنه شهید
"ياجوادالائمه ادركني"

ایتدیلرهلهله چالیشدون سن
نار جهله اوگون آلیشدون سن
قوری یرده آقا ویروبسن جان
باغ جناته شهپرآچدون سن
"ياجوادالائمه ادركني"

پشت بامه قویوبلا پیکروی
یاندیروبلا بوغمده مادروی
بال و پر آچدیلار کبوترلر
سایه ده قویدیلار تن و سروی
"ياجوادالائمه ادركني"

ایلدی ام فضل رذل و پلید
دیلده کی کینه سین اوقدری شدید
مانع اولدی سنه سوویرسینلر
اولدون آخرده سنده تشنه شهید
"ياجوادالائمه ادركني"

سوزیتیشدی شهیدعطشانه
کربلاده او تشنه قربانه
آه او وقتدن که عصرعاشورا
شاه عطشان گلیبدی میدانه
"شاه عطشان حسين ادركني"

یوزدوتوب منکران قرآنه
لشکر زرخرید سفیانه
ایتدی فرمایش ای سپاه دغا
ویرمیون ضربه دین و ایمانه
"شاه عطشان حسين ادركني"

باغبان گللری سوسوز درمز
غيرتين اهل حق بادا ويرمز
دعوتیم وار سیزه قوناقم من
میزبان میهمانی اولدورمز
"شاه عطشان حسين ادركني"

سیزاگرعاملان قرآن سیز
بی حیالر اگرمسلمان سیر
اولدرورسیز پیمبرین نوه سین
سیزمگرتابعان شیطان سیز
"شاه عطشان حسين ادركني"

کور اولوب گوزلروز جهالتدن
گوزآچون بیرجه خواب غفلتدن
گورکیمی صف چکوبسیز اولدیره سیز
سیزرها اولماسیز بونکبتدن
"شاه عطشان حسين ادركني"

من حسینم سلاله حیدر
زاده بندقلب پیغمبر
من حسینم امیراهل یقین
جمله احراره مرشدوسرور
"شاه عطشان حسين ادركني"

ایتمرم اعتنا بوطوفانه
من اوزوم کشتیم غریقانه
مین بیله کربلاده گورسم اگر
اگمرم باش یزید نادانه
"شاه عطشان حسين ادركني"

سیزده گریوخدی بیرتن آزاده
سيم و زر دينوزي ويروب باده
لشگر"اِن لّم یکُن لّکمْ دینُُ"
لااقل مرد اولون بو صحراده
"شاه عطشان حسين ادركني"

یعنی ای قوم کین حیاایلیون
حقیلن باطلی سوا ایلیون
من مباداکه اولمه میشم
خیمیه حمله دن ابا ايليون
"شاه عطشان حسين ادركني"

گوزلرین زحمتیله آچدی گوروب
لشگرایلوبدی خیمه لرهوسین
شاه ایشیتدی چکنده سون نفسین
دشمنین شادلیقیلا هلهله سین
"شاه عطشان حسين ادركني"

صحنه نی گورجگین جوشوب قانی
آسمانه چخوبدی افغانی
سویلدی ای خدای داداریم
قویماگورسین حسین بوطغیانی
"شاه عطشان حسين ادركني"

عهدیمه ايتموشم وفا الله
ویرمیشم عشقه چوخ فدا الله
عالم ذریده کی پیماندان
ذره جه ایتمرم ابا الله
"شاه عطشان حسين ادركني"

چوخ چتیندی ولی منه غارت
کینه ي کوفیان بی غیرت
خصم نامردی سن سزاسین ویر
قویمیوبدور عطش منه قدرت
"شاه عطشان حسين ادركني"

هربلاکی دیدون بلی دیمیشم
بیلوسن حق یولوندا نیلمیشم
ویردیم اوغلانلاریملا قارداشیمی
قاسم اولدی نه غصه لریمیشم
"شاه عطشان حسين ادركني"

قویمادای قان بوقلب زاره دولا
قابض الروحی یولا جانیم آلا
غیرتیم ایلمز بو امری قبول
من باخام زینبه جسارت اولا
"شاه عطشان حسين ادركني"

الغرض شمردون بو اثناده
مقتله گلدی اول زنازاده
بیرچوخوریرده تاپدی اول شاهی
گلدی زینب او دمده فریاده
"شاه عطشان حسين ادركني"

کشمکش اولدی شمروزینب آرا
ال آتوبدور خانم يالين قليجا
شه ده ناظردی یرده بو عمله
بيرتكان ويردي تيغه شمردغا
"شاه عطشان حسين ادركني"

ياره لندي او با وفانين الي
فاطمه ناليه گلوبدي ولي
قاني ممزوج اولوب حسين قانينا
گلدي حتي اوقانلي دشته علي
"شاه عطشان حسين ادركني"

دخت حيدر او شير دريا دل
قدرت خنجري ايدوب باطل
گوردي قاتل مراده چاتمياجاخ
ال آتوب قمچيه همان جاهل
"شاه عطشان حسين ادركني"

ويردي شلاقه تا عدو جولان
خانه عشقي ايلدي ويران
ناليه گلدي گوزياشي آخدي
گوردي بو صحنه ني شه عطشان
"شاه عطشان حسين ادركني"

لبلرين باز ايدوب شه بيكس
شمره سسلندي اي يل ناكس
زينبه سويلدي كي خيميه گيت
شمره فرمايش ايتدي باشيمي كس
"شاه عطشان حسين ادركني"

(آذرين) نوحه ياز موسان دل شب
سوزلرون گوزياشا اولوبدي سبب
ياز بو مصراعي سن اورك باشينا
"انسانين" زينتي "ادبدي "ادب"

• سه شنبه
• 30
• دی
• 1399
• ساعت
• 16:57
• نوشته شده توسط
• یوسف اکبری

ای آدی فرخنده و زیبا جواد
ای بوتون اَمراضه مداوا جواد
آدی ائـدر قلبـی مُصفا جواد
جُود و کرم قطردی دریا جواد
ذکــرِ لب ِ اهــل ِ تـولا جواد
حیدری خصلت لره دارا جواد
پـاره جـان شـه بطها جواد
نـور دل حضـر ت زهرا جواد
چـاره ائـدر دردیـوه مولا جواد
عشقین اگر واردی دئنن یا جواد

مملکـتِ عشقیـده سلطـانی سن
عـارف و استـاد و سخنـدانـی سن
آنـدولا زهــرا خـانیمیـن جـانینـه
چـاره سیـزون دردینـه درمـانی سن
سجـده ده لـرزان ولـی میـدانیـده
قولسـوز ابوالفضـل کیمـی اصلانی سن
شیعه لرون عشقی سنه چوخدی ، چون
فاطمـه دلبنـدی ، رضـا جـانی سن
ایلیَــر عشاقـه عطـایـا جواد
عشقین اگر واردی دئنن یا جواد

سن آقا اوغلی آقـاسان ، شاهی سن
جدون حسین مِثلی فَـدَینـاهی سن
هانسی اورکـده چوخـالا درد و غم
سن او دلیـن غصه لری ، آهی سن
ای گـلِ گلـزار خـانیـم فـاطمـه
مشکلـومـه دردیمـه آگـاهـی سن
یئـرده غلط دور سنه اولدوز دئمک
چونکی گوی اولدوزلارینه ماهی سن
غرق کرامتدی سراپا جواد
عشقین اگر واردی دئنن یا جواد

عشقیـوه مـن عـاشـقِ مستانیم
سهلیـدی مستـانه کی دیـوانیم
شاهیمون ای سویگلی دردانه سی
من تانیشـام سانمـا کی بیگـانیم
فاطمنـون شمـع شبستـانی سن
منـده سنـون شمعیـوه پـروانیم
آتـش عشقـونـده آلیشدیر منی
عـاشیقـوم عشقیـده مـردانیم
پور رضا ضامن دنیا جواد
عشقین اگر واردی دئنن یا جواد

شاه شهیدان کیمی سن نابی سن
گُهـر پُـر قیمـت و کَمیابی سن
سَهـو اِلـدیم کَلمـة کمیابیـده
یوخ نجـه کمیاب آقا نایابی سن
صورتیوی گورسه ملک لر دییَر
سن اله او گویده کی مهتابی سن
حقیوی حیدر کیمی دانسا عَدو
سن گینه علمللـره اربابی سن
قوخما ائدر لطفیده غوغا جواد
عشقین اگر واردی دئنن یا جواد

• پنج شنبه
• 2
• بهمن
• 1399
• ساعت
• 22:09
• نوشته شده توسط
• یوسف اکبری

مـه لقـا جواد دل ربـا جواد
اولسا مشگلون سسله یا جواد
ماهیمیز جواد – شاهیمیز جواد
گویللره چاتوب – آهیمیز جواد
یابن فاطمه

عذتیـم جواد – شـوکتیم جواد
سنله چوخلاشوب حُرمتیم جواد
وار سنیلـه چـون بیعتیم جواد

فخـر ائدر سنه شیعه لر آقا
محنتونده گوز یاش اللر آقا
یابن فاطمه

یازموشوخ آدون قاره پرچمه
چون دییر سنون آدون عالمه
لطف اله اوزون خسته سینمه

سایوه سنون دالدالانموشام
عشقوه آقا گور نه یانموشام
یابن الفاطمه

جـان فـدا اولا سنده عزته
فخری سن بوتون اهل امته
یا امـام جواد باخ بو هیئته

با اوزون بو سینه وئرانلارا
لطـف ائله آقـا آغلیانلارا
یابن فاطمه

ایله سیدی سن دعا بیزه
رحـم ائله گلنده بلا بیزه
قسمت ایله کربوبلا بیزه

کربلاده چونکی یاتوب حسین
قتلگهـده قـانه باتوب حسین

• سه شنبه
• 14
• بهمن
• 1399
• ساعت
• 20:03
• نوشته شده توسط
• یوسف اکبری

دوشنده یادیمه شخصیّت امام جواد

چکر یانان جگریم اُمّ فضل اَلیندن داد

اولار که شیعه ی اثنی عشردی شهرتی وار

ائمّیه اولارین عشقی وار، ارادتی وار

مدام ایده لّه توسّل بو اون ایکی نوره

دیمز بو آدلاری هر کیمسده دلده ظلمتی وار

اولوب ائمّه اوز عصرینده تک به تک مظلوم

هامی سنین دله تاثیر ایدن کدورتی وار

بو سهلیدور که اولوب آل مصطفی مقهور

اُلونجه شیعه لرین سینه ده جراحتی وار

اولونمیوب اولارا لامَحاله بیر مجمع

بیری بیریله قبورین اوزاق مسافتی وار

بیری نجفده یاتوب باشدا وار قلج یاراسی

اودور سبب نجفین عرشه اشرفیّتی وار

اونون ولایتیدور روح مذهب و ایمان

اونیله نعمت اسلامین اکملیّتی وار

یاتوب بقیعیده دوردی، بیری خراساندا

بیر آتا بیر بالا سامرّه ده اقامتی وار

بیرین فرات کنارینده کربلاده سوسوز

شهید ایدوبله، اونون بیر اوزون حکایتی وار

بیرینی گوشه ی زنداندا حبس ایدوب هارون

بیر عمر کُنده و زنجیریله رفاقتی وار

باخور اورک گوزی بغداده، دل گَلور داده

او شهریده بیر امامین جوار رحمتی وار

آدی امام محمّد تقی، آتاسی رضا

هامی غمه اوزینون صبری وار، رضایتی وار

جواد دور لقبی، منبع سخاوت دور

خدا بُلور نجه بیر جوری وار، سخاوتی وار

ایگیرمی بِش ایل ایدوب عمر او سرور مظلوم

جوان اَلوبدی، آز عمرینده چوخ مصیبتی وار

اگر گوزوم یاشی قویسا گرک یازام باشدان

بیان ایدم نه قَدَر قصّه ی شهادتی وار

او گون که ایلدی یحیی بن اَکثَمی مغلوب

مُبرهَن اولدی نه اندازه اعلمیّتی وار

امام قتلینه اقدام ایدوب او بی ایمان

گَتوردی ظاهره هر مکره ماهریّتی وار

سِعایت ایلدی مامون یانیندا بیر نچه یول

دیدی بونون سنه چوخ رخنه ی ریاستی وار

دیولّه خلق بودور حجّت خدا خَلقه

بو حقّی غصب ایده مامون مگر لیاقتی وار؟

بو بیر طرفدن، اویانداندا گَلدی اُمُّ الفضل

یتوردی محضر مامونه هر سِعایتی وار

دیدی بابا منی ویردون بو هاشمی نسبه

بونون سنیله بُلورسن اوزون عداوتی وار

مدام او بیرسی عیالین منه ویرور ترجیح

دیور بونون سنه بی منتها فضیلتی وار

علاوه سَبّ ایدوری هم سنی هم آتاوی

دیور نه قدر مزخرف کلامه فرصتی وار

بو سوزلری ایشیدن وقت مستیدی مامون

اودور که مُذمِن خَمرین مدام عقوبتی وار

اَیاقه غیظیله دوردی او بی حیا فوراً

دیدی تقی منی سَبّ ایلسون نه قدرتی وار

چاقوردی بیر نچه بی رحم محرم اسرار

دیدی سیزون بُلورم قلبیزون قساوتی وار

گَلون منیله نه حکم ایتسم ایلیون اجرا

بو امره ایلسه هر کیمسه سبقت عزّتی وار

خلیفه حاجِبی یاسردی راوی مطلب

دیر خلیفه نی گوردوم کمال وحشتی وار

تمات غیظیله شمشیرین ایلیوب عریان

امام منزلینی قصد ایدوبدی سرعتی وار

گَلوب نه گوردی یاتوب حجره ده امام جواد

همان او حجره ده سجّاده ی عبادتی وار

ایدوب عبادت اولوب خسته، یوخلیوب راحت

بیر آز زمان بیله معلوم خواب راحتی وار

جمالی مَضجَعینی(خوابگاه) گون کیمی منوّر ایدوب

ایشیقلانور دیه سن آفتاب طلعتی وار

یوزین دوتوب دیدی محرملرینه اول بی دین

بونون منه بُلوسوز متّصل خیانتی وار

چَکون قلجلاروزی دوغریون بو گُل بدنی

دایانماقین بیله بیر وقتیده نه علّتی وار

چَکوب قلجلاری بی رحم لر غلافیندن

یوزینده باخمادیلار نور حقّ علامتی وار

امامی دوغرادیلار قطعه قطعه، بند به بند

امامه باخ نجه اعجازی وار، کرامتی وار

آچلدی صبح گَلوب هوشه بی حیا مامون

ز بسکه مستیدی بُلموردی نه جنایتی وار

گَلوب حضوره یاسر دیدی گئچن گئجه نین

خلیفه هیچ بُلوسن نه بیوک سیاستی وار؟

گئجه تقیّ جوادی یتورموسن قتله

جزاده سندن اونون جدّینه شکایتی وار

ایشیتدی بو سوزی مامون پوزولدی احوالی

دیدی بو سوز ندور؟ عرض ایتدی عین صحّتی وار

جواب ویردی دایانما، خبر گَتور فوراً

حیات مژده سی هر کیم ویره بشارتی وار

گَلوبدی یاسر امام جواد محضرینه

گوروب گَلور سسی، خوش لحنیله قرائتی وار

نماز صبحی قیلوب باشلیوبدی تعقیبات

خدای لَم یَزَل و لا شَریکه طاعتی وار

ویروب سلام دیدی سیّدی سنه قربان

خلیفه نین سنه بی منتها مودّتی وار

حضوریزه منی گوندردی حالیزی سوروشام

وجودیزون ایشیدوب مختصر نقاهتی وار

آچوبدی نطق گهربارینی بویوردی امام

خلیفه نین عملیندن یقین ندامتی وار

گئجه گَلوب منی تیغیله بند بند ایلدی

او امره ایمدی پشیمان اولوب، نه حکمتی وار؟

دعای حفظ اوخوموشدوم یاتاندا من یاسر

همان دعاده خدا حفظی وار، حراستی وار

دیوب بو سوزلری پیراهنین کنار ایلدی

بویوردی باخ گور او ضربتلرین سرایتی وار؟

باخاندا گوردوم امامین وجودی سالمدور

قلج نشانه سی یوخ، گُل کیمی لطافتی وار

کمال وجدیله گَلدیم حضور مامونه

دیدیم خلیفه امامین عجب جلالتی وار

نه دوغرانوبدی، نه جسمینده بیر قلج یری وار

نه انکسار مزاجی، نه ضعف حالتی وار

ایشیتدی بو سوزی شاد اولدی، سویلدی بُلدوم

شراب اُمّ خبائثدی، جرم و حرمتی وار

شراب ایچن اوزی اوز عقلینی ایدر زائل

محمّد عربینون گوزل شریعتی وار

او گونکه گوندن او ملعون شرابی ترک ایلدی

دیدی بو جرم دگل، کفریله شراکتی وار

قیزین چاقوردی، دانیشدیردی، ایلدی تهدید

دیدی سنه آتاوون عمده بیر وصیّتی وار

گَلوب دیه سن منه بیر سوز تقیّ هادیدن

یقینون اولسون او دم نفسیوون هلاکتی وار

سِعایت ایتمدی اوندان صورا او ملعونه

اورکده ساخلادی هر کینه و خصومتی وار

او ساعت اولدی که مامون جحیمه واصل اولوب

یرین گویون اونا تا روز حشر لعنتی وار

ایدوبدی غصب خلافت برادر مامون

او ظالمین دیمه ماون کیمی شقاوتی وار

آدی صحیفه ی تاریخه معتصم یازیلوب

جفا و جوریده مامونیدن زیادتی وار

او بی حیا اوزینه اُمّ فضلی راغب ایدوب

امام قتلینه بُلدی اونون غریمتی وار

امام قتلینه مامور ایتدی محرمینی

دله موثّر اولان قصّه ی شهادتی وار

دیسم نه نوعیله مسموم اولوب دلیم یانسون

کیمون ایشیتماقا بو ماجرانی طاقتی وار

یازوب صریح مناقبده ابن شهر آشوب

اونون بو مطلبه بیر معتبر روایتی وار

اورکده قبره آپارّام آناسنا دیرم

علوم صاحبینون هاردا بیر روایتی وار

بو قدر عرض ایده بُلّم که زهرلی دسمال

اولا وفاتینه علّت، خدا مشیّتی وار

یازار ولیک بو طرزیله مجلسی مرحوم

اونون روایتینون عیبی یوخدی، نسبتی وار

امامه ویردیله مسموم رازقی انگور

امام گوردی وجودینده زهر شدّتی وار

اَلی اورکده ایدوب راست قبلیه قدّین

دیدی یانور جگریم، قلبیمون حرارتی وار

من ایمدی که اُلورم بیر ایچیم گَلون سو ویرون

سو ویرماقین سوسوزا حق یانندا اجرتی وار

بابام دیوب سو ویرون جان ویرنده مُحتَضِره

شراره ی عطشین میّته صعوبتی وار

بیری کنیزلریندن سو دولدوروب بیر جام

که ظاهر ایتسون امام زمانه خدمتی وار

کنیزین آلدی اَلیندن او جامی اُمُّ الفضل

کیمون جهاندا بیله بیر وفاسیز عورتی وار؟

چالوب یره دیدی سو ویرمیون سوسوز اُلسون

حسینه بو سوسوز اُلماقلیقون اشارتی وار
گَلوب امام علیّ النّقی گوروب آتاسین

گوگلده سوز عطش، گوزده اشک حسرتی وار
دیدی بابا گوزون آچ سو گَتورموشم سنه من
سو ایستمه، گوروسن دشمنین شمادتی وار

آلوب ایچوب سویی، سیراب اولدی، جان ویردی

حسینه ایمدی ده امّا عطش اذیّتی وار

اُلنده چوخ سو دیدی کربلا غریبی حسین

سوسوز کَسیلدی باشی، تشنه کام شهرتی وار

جواد رخلت ایدوب، معتصم اولوب مسبوق(پیشی گرف

• چهارشنبه
• 13
• اسفند
• 1399
• ساعت
• 23:00
• نوشته شده توسط
• یوسف اکبری

دل درهوای تو یاحضرت جواد
عالم فدای تو یا حضرت جواد
برگوش صالحان همواره میرسد
بانگ رسای تو یاحضرت جواد
یاحضرت جواد(۴)

چشم جهان بودروشن زنورتو
جنات حق بود شهرشعور تو
دل میتپدکنون ازشوق و شورتو
افتدبپای تو یاحضرت جواد

ای مقتدای ما مولا امام ما
دربارگاه حق میر همام ما
ازلطف توبودشیوا کلام ما
درسرسرای تویاحضرت جواد

برشمع حسن تو پروانه چون منم
سنگ ولای تو برسینه میزنم
از کید اهرمن همواره ایمنم
تحت لوای تو یا حضرت جواد

چشم دل مرا نور بصر تویی
ورد زبان من شام و سحرتویی
جان جماعت اثنی عشر تویی
جانها فدای تویا حضرت جواد

تصویرروی تو افتاده بردلم
چون مرتضاتویی حلال مشکلم
برلطف حضرتت دانی که مایلم
افتم بپای تو یاحضرت جواد

اهل کرامتین جاه و جلالیسن
لطف و عنایتین اوج کمالیسن
آنداولسپن عالموت شورو نشاطینه
هرزبده شاعرین قال و مقالی سن

دنیا غزلدی سن جان قصیده سن
پیغمبراوغلونانوردودیده سن
دنیای خلقتین اسرارینه قسم
روح همایش شعرعقیده سن

شطرنج عشقیده دنیانی مات ایدن
ایمانی زیورهرشش جهات ایدن
جدون حسین کیمی ای مظهرشرف
سن سن عقیده نی رکن حیات ایدن

یوم ولادتون یازیم بونغمه نی
خادم قبول ایله درگاهووه منی
اون دورد مطهرون ای اون بیریجی سی
(مژده)گجه گونوز فریاد ایدر سنی

• جمعه
• 29
• اسفند
• 1399
• ساعت
• 12:14
• نوشته شده توسط
• یوسف اکبری

گلدی دوباره رجب/روحه گلوبدی طَرَب
قدم جهانه قویدی/صاحبِ جود و اَدب

امامِ جواد/ای صاحب جود و سخا
امامِ جواد/ویر بو اورکلره صفا

دَهُّم ماهِ حَرام/گلوبدی گویدن پیام
روشن ایدوب جهانی/امامین اوغلی امام

بو ماهِ مُنیر/صفا ویروبدی عالمه
گلوبدی یره/چاره ایده درد وغمه

امامِ جواد/ای صاحب جود و سخا
امامِ جواد/ویر بو اورکلره صفا

آناسی بیر مَلیکه/گوزل آدی سَبیکَه
ایدردی سجده دائم/خدای لاشریکه

دیردی یا رَب/عَجب کرامت ایلدون
بیله گوزل پای/ منه عنایت ایلدون

امامِ جواد/ای صاحب جود و سخا
امامِ جواد/ویر بو اورکلره صفا

ای صاحب ِ کرامت/ای شاهِ با سخاوت
جشنِ تولدونده/ایله بیزه عنایت

اللرونده/وار گوزوموز ای محترم
نولور مولا/بیزلره سن ایله کَرَم

امامِ جواد/ای صاحب جود و سخا
امامِ جواد/ویر بو اورکلره صفا

شهنشهِ ماسوا/میوه ی قلبِ رضا
براتِ کاظمینی/بو جمعه ایله عطا

(بیکَسم)من/واردی اورکده چوخ سوزوم
ایله احسان/او اللرونده وار گوزوم

امامِ جواد/ای صاحب جود و سخا
امامِ جواد/ویر بو اورکلره صفا

• یکشنبه
• 1
• فروردین
• 1400
• ساعت
• 18:06
• نوشته شده توسط
• یوسف اکبری

اولوب عرش اوسته ملائک غَزَل خوان
گلوب وارث سلطانِ خراسان

عَجب زیبادی
شَهّ والادی
ایکی عالَمده
بیزه مولادی

مدد یا مولا 4

مدد یامولا یا مولا یا مولا 4

ویرون مژده سیز کُلِّ شیعیانه
جوادُالائمه گلوب دنیایه

کَرَمده دریا
جَمالی زیبا
گُلِ حیدردی
عزیزِ زهرا

مدینه شهری تازه دن گوللَندی
گوز آچدی موسی الرضانین دلبندی

گُلِ اَحمَردی
عجب دلبَردی
غم و محنتده
بیزه یاوردی

بو گونلرده کی هر کیم پَریشاندی
آقامین گول آدی دردینه درماندی

چاغیر امداده
گَلَر فریاده
دوادی آدی
دلِ ناشاده

اَیا شاهِ خراسانین بالاسی
آقا سیزسیز(بیکَس) لرین آقاسی

دوا سیزدَندی
شِفا سیزدَندی
خطا بیزلَردن
عطا سیزدَندی

• یکشنبه
• 1
• فروردین
• 1400
• ساعت
• 18:12
• نوشته شده توسط
• یوسف اکبری

مولا – مولا - ای لالـه ی ولایت
مولا - مولا - دریـــای اسقامت
گلدی یوم شهادت - دوتدی جهانی محنت
یا جـــــوادالائـــمه - بـــاتدی عزایه امت
یاجواد الائمه3

مولا - مولا - ای شاهلارون کبیری
سنســــن- آقا- شیعـــه لرون امیری
آقالره آقـــــاسن - گنجــــینه ی ولا سن
معنای عشق و عزت - هر دردیمه دواسن
یاجواد الائمه3

مولا - مولا - قبرون نه یا صفادی
کاظمیــنون - چــون جنت خدادی
سن نور لم یزلسن - مــــــولای بی بدل سن
یوسف سنه تای اولماز - گوزللردن گوزل سن
یاجواد الائمه3

مولا - مولا- سن راه حقده یاتدون
مقصـــدیوه - الله یـــولوندا چاتدون
بزم عزاده مـولا - عالم سراسر آغلار
زهرای اطهر آغلار - باشینه قاره باغلار
یاجواد الائمه3

شهید اولدون - شیعه اولوبدی مغموم
اوز ایوینده - دشمن ایدوبدی مسموم
غریب در وطن سن - غــرق غم و محن سن
عزتده شاه عطشان - غربتده چون حسن سن
یاجواد الائمه3

ماتمونده - اورک غمیندی طاها
آغلار حیدر - قلبی یارادی زهرا
گیــــدی قــــَرانی اُمـت - بـاتدی غمه مدینه
گل تک صولوب سارالدون- ای شاه بی قرینه
یاجواد الائمه3

مولا - مولا - ای معنی سخاوت
کرب و بلا (پویایه) ایله قسمت
ایله بیزه عنایت ای شیعه لر آقاسی
گوگلوم حسینی ایستور جنتدی کربلاسی

• سه شنبه
• 22
• تیر
• 1400
• ساعت
• 11:43
• نوشته شده توسط
• یوسف اکبری

گـُــلِ باغ حــیدر آمد بند قلب کــوثر آمد
گُل بریزید بر قدومش با سخاوت رهبر آمد
شده عالم باغ و گلشن گشته جنت نور باران
چشم زهرا گشته روشن بار دیگر حیدر آمد
سما غوغا شده - رضا بابا شده
مُنـَــوَّر چشمِ حیــــدر و زهــرا شده
شهِ مُلک وِلا امیرِ با سخا

پســــر شـــــاه خراســان نوگل بستان احمد
معدن تقوا و حلم و علم و در حکمت سرامد
به جلالت چون پیمـــبر در عدالت مثل حیدر
عصمت او فاطمیُّ شیعـه را رهبر خوش آمد
سفیر راه عشق - منـــور ماه عشق
جواد آیینه ی - جمـال الله عشق
شهِ مُلک وِلا امیرِ با سخا

ترکی

نهمین خورشید عصمت صاحب جود و کرامت
آیـــه ی تطهیره معــنا ابر رحمت روح غیرت
گوزی چخسون گوزمینلر گور نجه بر شاهیمیز وار
اوخشور عـــزتده حسینه مثل سقا کان غیرت
جمالی بـــی مثل - شیریندی چون عسل
اوخیون وان یکاد - گـــوزللــردن گوزل
شهِ مُلک وِلا امیرِ با سخا

بو گجه بایراملوخ ایسته حضرت مــوسی الرضادن
قیل توســـــل صـــدقیلن شاه سَریرِ اِرتِضادن
دنن ای شاه خــــراسان دردلره سن ایله درمان
ویر شفا امراضه مولا بخشش و جود و سخادن
دنن ای (پوریا) - امــام با سخا
صفالی قبریوی - بیزه ایله عطا
شهِ مُلک وِلا امیرِ با سخا

• جمعه
• 25
• تیر
• 1400
• ساعت
• 10:56
• نوشته شده توسط
• یوسف اکبری

چکوبدی غربته یا رب _ منی دست قضا نیلوم
نه چاره اولموشام ایندی _ گرفتار بلا نیلوم
ابو جعفر جوادم من
امام دین مرادم من

الهی ملک غربتده _ پریشان اولمیوم نیلوم
نئجه اطرافه باخدیقجا_ اورک قان اولمیوم نیلوم
دوشنده یادیمه یثرب _ نوا خوان اولمیوم نیلوم
یوخومدی چاره بو درده _ شکیبا اولمیوم نیلوم
ابوجعفر جوادم من _ امام دین مرادم من

آیردی معتصم آخر _ منی غم آشنالردن
جوار قبر طاهادن _ ننم زهرای اطهردن
منه مونسدی بیر عورت _ ضمیری نطفه ی شردن
اورکده نیّتین بیللم _ اولار چوخ بی وفا نیلوم
ابوجعفر جوادم من _ امام دین مرادم من

زمانه ایلیوب همسر _ منه بیر مار خوش خالی
واری ئولدورمگه دیلده _ عیاندور شوم آمالی
ندن دشمن اولوب بیلمم _ منه بو دختر والی
دعا من ایلرم امّا _ تاپا روحی شفا نیلوم
ابوجعفر جوادم من _ امام دین مرادم من

نئجه حضرت بویورموشدی_همان سوز آشکار اولدی
مراده چاتدی اُمّ الفضل_ایکی دنیاده خوار اولدی
امامین ایلدی مسموم _ احبّا اشکبار اولدی
بو ظلمی ائتمیوم افشا _ اگر ای آشنا نیلوم
ابوجعفر جوادم من _ امام دین مرادم من

یازولّار حضرتین اوچگون_قالیبدور نعشی منظرده
حسینه اوخشیوب حال _ وفاتی واردی دیللرده
جوادین دوشمیوب امّا _ یارالی پیکری یرده
نه سویدی بیر نفر نعشین _ اورکلر یانماسا نیلوم
ابوجعفر جوادم من _ امام دین مرادم من

بو گون جنّاتده زهرا _ سالیبدور باشینه قاره
حسینیم وای جوادیم وای _ گلور شوریله اظهاره
قیام حشره جن تاپماز _ اورکده عافیت یاره
بالام مهدی گلینجه من _ نواگر ائتمیوم نیلوم
ابوجعفر جوادم من _ امام دین مرادم من

فارسی

غریب شهر بغدادم _ اسیر دست بیدادم
جهان گشته قفس بر من _ امان از دست صیّادم
ابوجعفر جوادم من
امام دین مرادم من

امیر مُلک دادم من _ به راه دین رشادم من
خدیو کوی ایمانم _ همیشه در جهادم من
علی المرتضی جدّم _ امام پاکزادم من
کمین کرده اجل گویا _ خبر دارم ز اجدادم
ابوجعفر جوادم من _ امام دین مرادم من

امام مشرقینم من _ رضا را نور عینم من
سفیر حضرت داور _ نمادین حسینم من
هراسان نیستم از مرگ _ نوای شور و شینم من
مطیع امر معبودم _ ره دین پویم و شادم
ابوجعفر جوادم من _ امام دین مرادم من

شدم از یثرب آواره _ شب و روزم بسی تاره
نباشم ایمن از دست _ ضعیفه رذل مکّاره
مرا مسموم خواهد کرد _ ندارد این عمل چاره
شهید راه دین گردم _ به امر حق رضا دادم
ابوجعفر جوادم من _ امام دین مرادم من

• دوشنبه
• 4
• مرداد
• 1400
• ساعت
• 12:44
• نوشته شده توسط
• یوسف اکبری

آدون صفای دل و جاندی یا جوادالائمه
سوزون حقیقته برهاندی یا جوادالائمّه

امیر ملک شرف سن جهانه روح فزاسن
وصی مسند توحیدی امام رضاسن
مدیر مکتب دین عارف رضاً بقضاسن
یوزون قمر کیمی تاباندی یا جوادالائمّه

او کردگار که اوندان تاپوبدی جلوه بو خلقت
او خالقیکه بشیکده مسیحه ویردی رسالت
سنه ده یدی یاشیندا ویروبدی حکم امامت
مَلک حریموه درباندی یا جوادالائمّه

سنون قاپوندا اوجالدی لوای حق تولا
سنون درایت فکرون ویروبدی دینه تجلی
فلاسفه ، حکما سندن آلدی درس سجایا
قاپون دل اهلینه رضواندی یا جوادالائمه

آپاردی فیض کلام اهلی بحر معرفتوندن
چتین بشر یازا بیلسون کمال و معدلتوندن
اولوبدی مات یقین انبیاده منقبتوندن
مسیح شأنوه حیراندی یا جوادالائمّه

نوابغ وحکما شأنوه عیار گورنمز
محیط دهر وقارون کیمی وقار گورنمز
سنون نظیروی بو چشم روزگار گورنمز
سوزون طلیعه قرآندی یا جوادالائمّه

چتیندی نور خدا شرح وبسطی مدح رساده
آدون همیشه زبانزدی مکتب فقهاده
دریغ ایگرمی بش ایل عمرون اولدی دارفناده
غمونده خلق نواخواندی یا جوادالائمّه

اوگونکه مکر و جنایات معتصم یرین آلدی
فساد دختر مأمون جهانه ولوله سالدی
پیمبری گلی سندردی شاخه دن یره چالدی
بو فتنه دن جگرون یاندی یا جوادالائمّه

اوجالدی دست جنایت ایدوب معنادی مسرور
حدیث دردوی دست قضا ایدنمدی مستور
جگروی ایله دی پاره پاره زهریلی انگور
قلوب شیعه الولاندی یا جوادالائمّه

یازوبدی امر شهادت سنه امیر اَعاظم
گیدنده جنته روحون ملک لر اولدی مُلازم
اولوبدی جسموه مدفن جوار موسی کاظم
گوزوم بومحنته گریاندی یا جوادالائمّه

دیمگه دردوی قاصردی جمله نطق و بیانلار
دوشوب شراره غمونده تمام خرمن جانلار
عزا دوتوب سنه قان آغلیار شرفلی جوانلار
کیم اهل دیلدی پریشاندی یا جوادالائمّه

بوگئجه اهل طریقت ویروبدی شوکتین الدن
بوگئجه مسجد و منبر ویروب صلابتین الدن
بوگئجه امت حیدر ویروبدی عزتین الدن
جوان قوجا هامی نالاندی یا جوادالائمّه

روادی دل گئجه گوندوز گله غمونده نوایه
عنایت ایله آقا سنده گل بو بزم عزایه
دولاندیریم سوزی منده بو یرده کرب وبلایه
گورک حسین نجه دوغراندی یا جوادالائمّه

یارالی جدون اله خاتم وقار تاخیدی
گون ایستیوردی باتا، خیمه خیمه اولدوز آخیدی
حسین یانیدی سوسوزدان، گوزی فراته باخیدی
او لحظه قلبی ده اوخلاندی با جوادالائمّه

• چهارشنبه
• 20
• مرداد
• 1400
• ساعت
• 21:37
• نوشته شده توسط
• یوسف اکبری

جواد آل پیغمبر اولوب مسموم جان وئردی
حسینین سو دیوب جان وئرماقین عینا نشان وئردی

ز بس غم وئردی یوز چکدی همیشه ناله جانکاه
محاقه مایل اولدی چرخ عزتده اولان بیر ماه
چکوب طول مصائب رشته عمرین ایدوب کوتاه
جوان وقتینده جان اول شهریار انس و جان وئردی

ایرمی بش ایل عمرین ایلیوب اهل خبر مرقوم
بو آز عمریله اولدی اول شه دین لیک چوخ مظلوم
ایدوبلر عاقبت غربت ولایتده اونی مسموم
یانوب دلدن اونا هر لحظه یوز سوز نهان وئردی

خزانه تا بهارین صرصر بیدادی دوندردی
قضا گلچینی باغ عمرینین عشرت گلین دردی
سارالدی گلشن دینین عطشدن نو گل وردی
اونون باده صفاسین آفت باد خزان وئردی

اورکده سوز زهر کین , جمالینده ئولوم گردی
یانوب دلدن یره ئوز سینه سین حسرتله سورتردی
باخاردی صاق صولا گه گه او شاه دین سو ایستردی
دیدیقجا العطش جام جگر بیر کاسه قان وئردی

کنیزی گوردی بو حالی بیر اوزگه حالته قالدی
گیدوب بیر جام سو گتدی امامین گویلونی آلدی
سو جامین آلدی ام الفضل غیظیله یره چالدی
سوسوز ئولماقینه فتوا او بد عهد زمان وئردی

گوزی یولدا چکردی آه , بو عنوان مقتلدی
دیردی ای خدا حسرت اوخی بو سینه می دلدی
نه وار جان اوسته بیر همدم , نه بیر اوغلوم علی گلدی
سسیمه سس ئولن دمده , نه اول شیرین زبان وئردی

اولان ئوز عهدینه عشق عالمینده بند و وابسته
چکردی انتظارین اوغلونون جان اوسته دلخسته
سو جامی الده حاضر اولدی ئوز اوغلی باشی اوسته
آتائیله بالا دل دردینه شرح و بیان وئردی

آتادان گلدی آخر دم اوغول جویای حال اولدی
آتا گوردی جوانین سینه دن زایل ملال اولدی
حسینی جان وئرنده درک ایدن اما هلال اولدی
اورکدن اودلانوب احوالینه نی تک فغان وئردی

گوروب بیر زخمدار آهو کیمی دوشموش او دلخسته
چالور قان ایچره دست و پا , وورالار زخمی زخم اوسته
باخور حسرتله سویلور العطش آهسته آهسته
هلالین قلبینه رقّت بو اندوه گران وئردی

خیال ائتدی ئوزینه حق یولوندا آبرو وئرسین
گل مقصود زهرایه او چولده رنگ و بو وئرسین
او یالقیز بی کس و لب تشنیه جان اوسته سو وئرسین
نشان ئوز همتین گزلین مرام اوسته عیان وئردی

گیدوب سو گتدی سیراب ایلسین اول شاه عطشانی
گلنده گوردی یولدا شمر شوم و نامسلمانی
گوزی یاشلی , الینده قانلی خنجردن آخار قانی
دیدی گیتمه حسینه خنجریم آب روان وئردی

دیدی یوخسا بساط ظلم و کینه قورموسان ظالم
حسینی ئولدوروب زهرا گلین سولدورموسان ظالم
ندن بس اشگویله گوزلرین دولدورموسان ظالم
دوباره دانه اشکین توکوب رخساره سان وئردی

دیدی قان ائتمیشم دوزدور بو چولده قلب زهرانی
بو گون رحم ائتمیوب ئولدورمیشم معنای قرآنی
ولی بو ناله و فریادیمین وار اوزگه عنوانی
دولاندی قانیله دولموش چوخور بیر یر نشان وئردی

باخوب گوردی او یرده بیر اوجا قامت خانم عورت
دوتوبدور خیرداجا بیر قیز الیندن سینه ده حسرت
وورور باشسیز جنازه باشینه دوره او خوش فطرت
دیور قارداش سنون تک هانسی بیر مظلوم جان وئردی

باجون اولسون اورکده قالدی چوخ گزلین سوزون قارداش
دلینده العطش باخدی سویا حسرت گوزون قارداش
آتان ساقی کوثر, تشنه جان وئردون ئوزون قاراش
سنه قان سو یرینه تیغ تیز جانستان وئردی

عزادار حسین (فکری) ائدوب ترغیب اولوب بانی
چکوبدور نظمه (تائب) بو قضایای غم افزانی
نصیب ائت قبرینی یارب دیاق اوردا بو عنوانی
جواد آل پیغمبر اولوب مسموم جان وئردی

• یکشنبه
• 7
• شهریور
• 1400
• ساعت
• 22:54
• نوشته شده توسط
• یوسف اکبری

مسموم ایلیوب لر جگریم قاندی الهی
یوخدور سو ویرن دل دوداقیم یاندی الهی

اوز محرمیم آخِر منه اوز ایتدی قون ایتدی
بیله بولور ئولدوردی منی مقصده یتدی
دنیاده هم عقباده اونون عزّتی گیتدی
گوگلوم کیمی امّید ایوی ویراندی الهی

بیر ظلم یله ئولدوردی منی دختر مامون
مثلین نه گوروب دور نه گورر دیدهء گردون
مقصودی وورا تُهمت ایده دردیمی افزون
معصومه بو تُهمت مگر آساندی الهی

قلبی مده الیم، گوشهء منزلده جگر خون
شرمنده سرشک یمدن اولا وار یری جیحون
دیواریده قالموش یوزوم ای خالق بیچون
دل آتش حسرت ده الولّاندی الهی

عمّیم حسنی ایلدی اوز محرمی مسموم
امّا من مظلوم تک او اولمادی مظلوم
آچمیشدی باشی اوسته باشین زینب و کلثوم
یر گوی او غمه ایمدیده گریان دی الهی

غربتده یانیم دا نه آنام واردی نه خواهر
ال قلبیده، گوز یولدا، گوزی یاشلی مُکدّر
دشمن منه هر ظلم الین دن گله ایلر
هرگز دیمز آخِر بو مسلمان دی الهی

بیگانه اگر ظلم ایلیه سهل اولی سانماق
مشکل دی ولی ظلم احبّایه دایانماق
حقیّت یمی داندی نگاریم نجه دانماق
حقّ دشمنی نین قولینه تولّاندی الهی

من جان ویرورم بی کس و مایوس اوز ایویم ده
یوخ بیر نفر اولسون منه مانوس اوز ایویم ده
اوز محرمیم ایلوب منی محبوس اوز ایویم ده
بو ایو منه بیر گوشهء زنداندی الهی

آهیم شررین دن یری وار اودلّانا دنیا
ئولدوردی بو ملعونه منی ایتمدی پروا
باغلوب قاپونی قویدی بو ایوده منی تنها
فکر ایلمدی جان ویرور عطشان دی الهی

اوز ئولماقی ما آغلامارام ایتمرم افغان
جان اوسته فغان ایلرم اوز جَدّیمه هر آن
گون ایسّی یارالی بدنی له اوزی عطشان
عشق اهلینه عشقی عجب عُنوان دی الهی

یخدی بدنین کرب و بلا خاکینه دشمن
سان سیز یارا ووردی بدن پاکینه دشمن
دورت مین ووروب اوخ سینهء صد چاک ینه دشمن
باخماز دیلا گل پیکری شان شاندی الهی

مامون لعینون قیزی اول جُعدهء ثانی
مسموم ایلدی حضرتی یان دوردی جهانی
تا حاصل اولوب معتصم ین کام نهانی
بولمم بو نجه کینهء پنهاندی الهی

توهین ایلیوب جسم همایون امامه
امر ایتدی چخات سونلا اونون نعشینی بامه
بام اوستن آتوب لار بدنین مَعبر عامه
بیر کس دیمدی حُجّت یَزدان دی الهی

یر اوزره قالوب اوچ گجه گوندوز او بدن زار
نه آغلیانی اولدی نه بیر کیمسه عزادار
وارث اولوب اوز جَدّی حسینه او دل افکار
مظلوم جهان شاه شهیدان دی الهی

اوچ گون بدنی قالدی حسینین قوری یرده
خار و خس و خاشاک چکوب جسم ینه پرده
بو محنت عُظمی گتیروب زینبی درده
قارداش بدنین گوردی که عریاندی الهی

ای خالق بی مثل و بدل قادر و (صابر )
درباری نه سائل به کف اشراف و اکابر
قویما اولا دنیاده ذلیل اهل منابر
ظاهرده بولار دینه نگهبان دی الهی

• یکشنبه
• 14
• شهریور
• 1400
• ساعت
• 14:28
• نوشته شده توسط
• یوسف اکبری

شب شهــادت ابن الرّضــادی یازهــرا
امام عصــر ئوزی صــاحب عزادی یازهرا

دوتوب جهــانی سراسر غــم و ملال و مُحَن
جــواده مجلس ماتم به‌پادی یازهــــرا

گوزوم یــاشی اَلَنــور همــچو بارش باران
اورک مــلال و غمه مبتــلادی یازهــرا

بــهار عمر جواده اســوبدی بــاد خزان
وجــود اطهــری تُوش بــلادی یازهــرا

اورک سوزین دیــماقــا یوخــدی بیر نفر مَحْرم
بو دردی درک ایلین مجتبــــیٰ دی یازهــــرا

اولوبــدی مَحْرمــی قاتل ایچوبدی زَهْر جفــا
دلینده ذکــری فقط ربّنـــادی یازهــــرا

جیگرلری آلوشوب یوخـدی بیر ایچیم سو ویرن
سسینه سس ویرن اهــل ســمادی یازهــرا

دوشوبدی حجــره دربسته ده قالــوب یرده
بو حاله گوزیــاشیم آخسا روادی یازهــرا

قویوبدی تپراقین اوسته یوزون عزیــز رضــا
اورگی جَبْــر زمانّــان یارادی یازهــــرا

نفــس دوشوبدی شماره گوزی باخیــر قاپیا
جان‌اوســته منتــظر اَغْرَبــادی یازهــــرا

دوداقــلاری قوریوب یادیــنه دشوب جــــدّی
حســین‌حســین چاقیــرر جان‌فــدادی یازهرا

جان اوسته یوخدی گوزین باغلیان نه آغلیانی
غریــبی لر کیمــی بی آشنــــادی یازهــرا

دوشوبدی یادیمــه بیر منــظره یانیــر اورگیم
نظــر بو یرده شــه کربــــلادی یازهــــرا

دوشوبدی تپــراقا باشسیز یارالی بیر پیــکر
حسین دی بو شه گلگون قبادی یازهــــرا

• شنبه
• 17
• تیر
• 1402
• ساعت
• 15:49
• نوشته شده توسط
• یوسف اکبری

یا فاطمه امداده گل دؤوغراندی جیگریم ننه
اهل جفانین الیندن ظلمتدور سحریم ننه
دشمن جان اولدو منه ، ائویمده اؤز یاریم ننه

بیلر ایندی نه چکیرم محرمی نامحرم اولان
جدیم امام حسن کیمین ظلم ایله گول رنگی سؤلان

مجلس ماتم قورماغا باشه قارا باغلا ننه
اوغلون جواده یاس دوتوب گل دؤیونجا آغلا ننه
آی آدامسیز غریب بالام دئییب سینه داغلا ننه

وور باشیوا آنا دئنن ، آی آناسین درده سالان
دئنن حسن عموسی تک اؤز ائوینده غریب اولان

بابام رضا ده جان وئردی منیم کیمین یامان حالدا
ننه دن باجیدان بیری هئش یؤخویدی ساغدا سؤلدا
اورک باشیندا اللری ، قالمیشدی گؤزلری یؤلدا

گئتدیم آلدیم دیزیم اوسته قورو یئرده قالان باشین
گوردوم (نالان) اولوب دئییر جان جان حسین تؤکور یاشین

• یکشنبه
• 15
• مرداد
• 1402
• ساعت
• 15:22
• نوشته شده توسط
• یوسف اکبری

وار گینه فکریمده شور معنوی
ایسترم تقریر اولا بیر مثنوی
.
گر عنایت قیلسا ذات ذوالجلال
وار او شور معنویده اوزگه حال
.
باشیمه دوشموش هوای کاظمین
بارگاه جانفزای کاظمین
.
اوردا بیر فرّخ لقا مولا یاتوب
عالمینه عروةُ الوثقی یاتوب
.
کیمدی بو؟ سلطان مُلک ارتضا
حجّت یزدان، جواد ابن الرّضا
.
بو بیزیم مولامیزین دلبندیدی
نور دوچشمانی، تک فرزندیدی
.
بو رضانین لولوءِ لالاسیدی
دلبری، دلداری، دل آراسیدی
.
مستمندانه اودور باب امید
هر شدائی قفلینه آدی کلید
.
جود و بذل و فضلیده یکتادی بو
بخشش و احساندا بی همتادی بو
.
شیعه گر مشکلده قالسا هر زمان
ایلمز اغیاره دل دردین عیان
.
راز قلبین قلبی آگاهه دیر
یعنی سرّین حجّ

• دوشنبه
• 31
• تیر
• 1398
• ساعت
• 12:51
• نوشته شده توسط
• ابوالفضل عابدی پور

ای گوزوم توک اشک چشمون
گل فغان و داده آغلا
معدنِ سخا و جوده
حضرت جواده آغلا
.
آغلا ای گوزوم قان آغلا
گل فغانه سینه داغلا
.
.
فاطمه بو گون ایدوبدور مجلس عزا اقامه
باش آچوب سیزیلدار آغلار بو جوان اُلن امامه
سیل تک سرشک چشمه سنده ویر گوزوم ادامه
ایمدی که آناسی آغلور سنده بو عزاده آغلا
.
.
ایله دلده بیر تصوّر حالینی بو شهریارین
گور نجه مشقّتیله قورتاروبدی روزگارین
سولدوروب خزان جفاسی باغ عمرینون بهارین
سال او سرورین ملال و غملرینی یاده آغلا
.
.
عمر ایدوبدی خمس عشرین بیر جهاندا وار روایت
بو آز عمریده چکوبدور چوخ بلا و چوخ مصیبت
خاطر شریفی تاپموب غصّه دن بیر آن فراغت
محنتی زیاد امامه ای گوزوم زیاده

• سه شنبه
• 1
• مرداد
• 1398
• ساعت
• 11:34
• نوشته شده توسط
• ابوالفضل عابدی پور

بو غربت اُلکه دَه من زار و ناتوان اُلورم
یوخوم دی حالیمه بیر کس باخوب یانان اُلورم

آتام رضا کیمی گزلین وِیروب له زَهر منه
ستمله باغریم اوُلوب مثلِ لاله قان الورم

حیاتِ گلشنی مین نخلی گُل کیمی سارالوب
بهارِ عمریم اوُلوب ظلمیله خزان الورم

آدیم تقی کیمی شغلیم اوُلوب تقیه منیم
نقدری دشمن اِیوینده اِیدوب مکان الورم

جَوار و حَیّ و قدیم ین حضوری نه گیدورم
بوقان اولّان جگریم اَلدَه ارمغان الورم

اگر چه ظاهرِ صورت دَه بیر یارام یوخ دور
ایدوبدی قلبیمی مین زخمِ کین نشان الورم

اَلیم اوُرکدَه یوزوم تپراق اُسته جان وِیرورم
بو حسرتیله خدایا اِیدوب فغان الورم

شهادتیم منه بیر سُود اوُلوب بو غربت دَن
غریب اُلماقیمی بُلمورم زیان الورم

یوزی مه باغلی قالوب چاره یولاری بلورم
علاج دردی مه یوخ دور داخی گمان الورم

مگر آتاسی اُلن نو جوان آتا نعشین
اوُغول گلوب گوتومز جان وِیرن زَمان الورم

اوُغول نولور منی جان وِیرمه موش گَلوب گُوره سن
گُورم گُوزل یوزون ای سروِ بوستان الورم

آتا بالا نولی بیر قول بویون اوُلاق بیردَه
اوُرک دَه قالمیا حسرت لریم نَهان الورم

شکسته قلبی له (وافی) سنون اَلین دوتارام
جزا گونی سنی تک قوی مارام اِینان الورم

• پنج شنبه
• 1
• مهر
• 1400
• ساعت
• 15:01
• نوشته شده توسط
• یوسف اکبری

مَسمُوم اِیلیُوبلَر جِگریم قاندی اِلهی
یُوخدور سُو وِیرن دِل دُوداقیم یاندی اِلهی

اوُز مَحرمیم آخِر مَنه اوُز اِیتدیقُون اِیتدی
بیلَه بُولور ئولدوردی مَنی مَقصَدَه یِتدی
دُنیادَه هم عُقبادَه اوُنُون عِزّتی گِیتدی
گُوگُلوم کیمی اُمّید اِیوی وِیراندی اِلهی

بیر ظُلمیلَه ئولدوردی مَنی دُخترِ ماُمُون
مِثلین نه گُوروبدور نَه گُورَر دِیدهء گَردُون
مَقصودی وُورا تُهمَت اِیدَه دَردیمی اَفزُون
مَعصومَه بُو تُهمت مَگر آساندی اِلهی

قَلبیمدَه اَلیم، گُوشهء مَنزلدَه جِگر خون
شَرمندَه سِرشکیمَدَن اوُلا وار یِری جِیحُون
دِیواریدَه قالمُوش یُوزوم اِی خالقِ بیچُون
دِل آتَشِ حَسرتدَه الولاندی اِلهی

عَمّیم حَسنی اِیلدی اوُز مَحرمی مَسمُوم
اَمّا منِ مَظلُوم تَک او اوُلمادی مَظلُوم
آچمیشدی باشی اوُستَه باشین زِینَب و کُلثُوم
یِر گُوی او غَمَه اِیمدیدَه گِریاندی اِلهی

غَربتدَه یانیمدا نَه آنام واردی نَه خواهَر
اَل قَلبیدَه، گُوز یُولدا، گُوزی یاشلی مُکُدّر
دُشمَن مَنه هر ظُلم اَلیندَن گَلَه اِیلر
هرگز دِیمز آخِر بُو مُسلماندی اِلهی

بیگَانَه اَگر ظُلم اِیلیَه سَهل اوُلی سانماق
مُشکلدی وَلی ظُلم اَحبّایَه دایانماق
حَقیّتیمی داندی نِگاریم نِجَه دانماق
حَق دشمنینین قُولینَه تُولاندی اِلهی

مَن جان وِیرورَم بی کس و ماُیُوس اوُز ایویمده
یوخ بیر نفر اولسون منه مانوس اوز اِیویمدَه
اوُز مَحرمیم اِیلوب مَنی مَحبُوس اوُز اِیویمدَه
بُو اِیو منَه بیر گُوشهء زنداندی اِلهی

آهیم شَرَریندَن یِری وار اوُدلانا دُنیا
ئولدوردی بُو مَلعونَه مَنی اِیتمدی پَروا
باغلُوب قاپُونی قُویدی بُو اِیودَه مَنی تَنها
فکر اِیلَمَدی جان وِیرور عَطشاندی اِلهی

اوُز ئولماقیما آغلامارام اِیتمَرَم اَفغان
جان اوُسته فَغان اِیلرَم اوُز جَدّیمَه هر آن
گُون اِیسّی یارالی بَدَنیلَه اوُزی عَطشان
عِشق اَهلینَه عِشقی عَجَب عُنواندی اِلهی

یخدی بَدَنین کَرب و بَلا خاکینَه دُشمَن
سانسیز یارا وُوردی بَدَنِ پاکینَه دُشمَن
دُورت مین وُوروب اوُخ سینهء صَدچاکینَه دُشمَن
باخمازدیلا گُل پِیکری شان شاندی اِلهی

مَاُمُونِ لَعینُون قیزی اوُل جَعدهء ثانی
مَسمُوم اِیلدی حَضرتی یاندوردی جَهانی
تا حاصِل اوُلوب مَعتَصَمین کامِ نَهانی
بُولمَم بُو نِجَه کینهء پِنهاندی اِلهی

تُوهین اِیلیُوب جِسمِ هُمایُونِ اِمامَه
اَمر اِیتدی چخاتسُونلا اوُنُون نَعشینی بامَه
بام اوُستن آتُوبلار بَدَنین مَعبَرِ عامَه
بیر کس دِیمدی حُجّتِ یَزداندی اِلهی

یِر اوُزره قالوب اوُچ گِجَه گُوندوز او بَدَن زار
نَه آغلیانی اوُلدی نَه بیر کیم سَه عَزادار
وارِث اوُلوب اوُز جَدّی حَسینَه او دِل اَفکار
مَظلومِ جَهان شاهِ شَهیداندی اِلهی

اوُچ گُون بَدَنی قالدی حُسینین قُوری یِردَه
خار و خَس و خاشاک چَکوب جِسمینَه پَردَه
بُو مُحنَت عُظمی گَتیروب زِینَبی دَردَه
قارداش بَدَنین گُوردی که عُریاندی اِلهی

اِی خالقِ بی مثل و بَدَل قادِر و #صابر
دَربارینَه سائل به کَف اَشراف و اَکابِر
قویما اوُلا دُنیادَه ذَلیل اَهلِ مَنابِر
ظاهردَه بُولار دَینَه نِگهباندی اِلهی

• یکشنبه
• 15
• مرداد
• 1402
• ساعت
• 13:43
• نوشته شده توسط
• یوسف اکبری