اشعار ترکی مخصوص امام زمان (عج)

ای شیر خدانین محنینده یانان اوغلی
قربان سنه ای فاطمنون قان آلان اوغلی

ای مَروه‌صفا قاشلاری،ای گُل یوزی کعبه
شایسته‌دی تا‌گوزلرون اولسون بیزه قبله

مقیاسیمه باخ خامه‌مین آقا دیلی یانسین
واردی یِری تا کی باشیوا قبله دولانسین

سن گلسن اگر غافل اولانلار اویاناردی
حُجاج کیمی دوریوه کعبه دولاناردی

ای خال لبی شیعه‌لرون مُهر نمازی
گل‌عرشه چاتوب‌سینه لرون سوز وگدازی

وئردون نه‌گوزل جلوه سولان‌ گلشنه مولا
گور نه یاراشور تاج امامت سنه مولا

رَخشنده جبین‌لر رُخ رخشانیوه قربان
باشونده کی اُول تاج زَر افشانیوه قربان

تااینکی‌گوروب قدیوی ‌داغلار کیچیلوبدی
والله بویووا رَخت امامت بیچیلوبدی

تا مَسند عشق ایچره او قامت اوجالاندی
گویا کی علی بُرج امامتده دایاندی

• چهارشنبه
• 15
• بهمن
• 1399
• ساعت
• 22:03
• نوشته شده توسط
• یوسف اکبری

واردی سیزدن بیر سوالیم خانه آغلار ؟آغلاماز ؟
ئولسه صاحب خانه‌لر کاشانه آغلار ؟آغلاماز ؟

مست‌اولوب‌خوار ایلسه‌ئوز ساقیسین‌میخاره‌لر
ساقینون احوالینه میخانه آغلار ؟آغلاماز ؟

عشق جامین‌سیندیریب‌گوزدن‌شرابی سالسالار
سینه‌سی ایلوب وَرم پیمانه آغلار ؟آغلاماز ؟

شمعی‌مظلوم ایلیوب ظلمیله خاموش ائتسه‌لر
شمعین اوسته اوتلانان پروانه آغلار ؟آغلاماز ؟

زلفوین نظمین پوزوب یئل‌لر داغیتسا بیر گونی
گورسه‌پوزقون‌تئل‌لرون‌گُور شانه‌آغلار؟آغلاماز؟

آشنالر ئوز دیاریمده منی گوزدن آتوب
سهلیدور دوسلار منه بیگانه آغلار ؟آغلاماز ؟

عشقه‌خاطر‌هر‌نَئیم وار وئرمیشم بیر جان‌قالیر
گُور منه اوستون جیران دیوانه آغلار ؟آغلاماز ؟

ایله ویران اولموشام درد فراقونان گوزل
حالیمه مخروب اولان ویرانه آغلار ؟آغلاماز ؟

من #پریشانم ‌منی‌ درد‌ فراقین‌ یاندیریب
من کیمی دنیاده بو هجرانه آغلار ؟آغلاماز؟

• چهارشنبه
• 22
• بهمن
• 1399
• ساعت
• 14:46
• نوشته شده توسط
• یوسف اکبری

بایرام اولاندا گوزلویرم ئوز نگاریمی
تا وصلتیله بلکه تاپام بیر قراریمی

غمدن ائله ئورک سخلیب دای یورولمشام
آلله یئتیر گله یولدان غمگساریمی

بیر بولبولم که نغمه لریمنن محن یاغیر
گولسوز منیمده بولن یوخ عیاریمی

گوزیولداقالسا،غملی ئورک غصه دن دولار
هئچ کیمسه بیلمزعرشه چیخان آه و زاریمی

گلسه اگر او سئوگیلی یاریم،سئوینمدن!
وئرم یولوندا شوقیله دار و نداریمی

بایرامدا گلدی گلمدون ای دیللر ایستگی!
سنسیز نئجه عزیزلییم ایندی بهاریمی

یازدیقجا شرح فراقی قلم بیر دولومسادی
ائتدی نظاره بیر دیده ی اشکباریمی

آرام سویلدی"حیدرییه"آغلاما بیر آز
ساخلا نگاره سن سوزوی،من نگاریمی

• یکشنبه
• 8
• فروردین
• 1400
• ساعت
• 11:57
• نوشته شده توسط
• یوسف اکبری

شمس رخسارونده سایسیز آی ستاره گورسنور
بیر خزان‌سان کی دالونجا مین بهاره گورسنور

بیرگورَن‌گُوز ایستیور‌ گُورسون‌کی‌غم‌مانوسی‌سن
روحیون سر تا سرینده چوخلی یاره گورسنور

خوش‌گونه‌عادت ائدن‌لرخوشلوقی سندَن‌آلوب
سرنوشتیون بَس نَدَن بیر بیله قاره گورسنور

کیپریگیم آلتیندا گویا حَک ائدوبلر آدیووی
گُوز یومولجاخ گوزلره آدون دوباره گورسنور

گوزلرینده بیر گوزلیک وار منی مَست ایلیور
دشمنه باخما بو گوزلر سنگ خاره گورسنور

او گوزون بولمز عیارین عشقه نا محرم اولان
هاردان اُول گوزلر عیاری ؛ بی عیاره گورسنور

گوزلرون گوزدی و یا مرجاندی یا الماسیدور
یا شرابِ نابیدور چشم خماره گورسنور

من مسلمانم منی کافر ائدر آخر گوزون
گل گوزومدَن باخ ، او گوزلَر ماهپاره گورسنور

هر زادا اوخشاتدیم آخر اَول دَیَرلی گوزلرون
گوردوم اولمور ، گوزلرون چشم نگاره گورسنور

گوز علینون گوزلریمیش کُفر نعمت ائتموشم
چونکی عِینُ الهی‌دور ، پروردگاره گورسنور

ای #پریشان یوسف زهرایه یالوار صدقیله
بلکه گوردون گوزلری بو چشم زاره‌ گورسنور

• چهارشنبه
• 22
• بهمن
• 1399
• ساعت
• 14:51
• نوشته شده توسط
• یوسف اکبری

ناخدای کشتی آلعبا یابن الحسن
ای یگانه منجی دهر فنا یابن احسن
هارداسان ای لنگر ارض و سما یابن الحسن
سینه لردن کوچ ایدوب حُجب حیا یابن الحسن
فرشیدن عرشه چیخوب ظلم و جفا یابن الحسن

بیز سنی وئرّوخ قسم فتاح خیبر حیدره
قانیله الوان اولان یثربده کی میخ دره
کربلاده دین و حق اوسته کسیلمیش اللره
غارتین اول گیر و دارینده عقیق انگشتره
گَل اوزون آچ پرچمِ عدلی آقا یابن الحسن

سن علیّ اصغرین نازک بوغازی داده گل
قطعه قطعه اکبره خاطر آقا امداده گل
سن بیل عمّون زینبون قانلی باشی فریاده گل
گون به گون طغیان ایدیر ظلم و ستم دنیاده٬ گل
دردمندوخ یاحبیبی وئر دوا یابن الحسن

کشور ایران محّب عترت اطهاریدی
منبع روحِ شرف سرلوحهٔ احراریدی
حیف تبعیض و تملّق منشأ آزاریدی
غصه ی درد جوانان بیر فقط بیکاریدی
سن اوزون بو ملتی ایله دعا یابن الحسن

قویما بو گول تک جوانلارین ایوی برباد اولا
پرچم عدلی اوزون گل آچ ایوین آباد اولا
داعش و تکفیریلر ایستیر نفاق ایجاد اولا
وئر « فقیره» سوزِ شعری مطلبی انشاد اولا
یاندیریر بو قلبیمی درد و بلا یابن الحسن

• جمعه
• 24
• بهمن
• 1399
• ساعت
• 17:46
• نوشته شده توسط
• یوسف اکبری

غیرتین منبعی سن یامهدی
حیدرین مظهری سن یامهدی
شرفین گوهری سن یامهدی
دیللرین ازبری سن یامهدی
فاطمه دلبری سن یامهدی
هامینون سروری سن یامهدی
قلبیمه نوروصفا یامهدی
آدیوه شیعه فدا یامهدی

خلقتین پیکرینه جان سن سن
ظالمین قلبین ائدن قان سن سن
شیعنون دردینه درمان سن سن
منجی مکتب قران سن سن
سالان عالملره طوفان سن سن
"حیدرین"شعرینه عنوان سن سن
قلبیمه نور وصفا یامهدی
تئز ظهور ایله آقا یامهدی

• پنج شنبه
• 26
• فروردین
• 1400
• ساعت
• 11:12
• نوشته شده توسط
• یوسف اکبری

یتیر‌ امداداه یا مهدی جهان کانون شر اولدی
او عصر جاهلیّتدن بو دوران چوخ بتر اولدی
نجابتدن خبر یوخدی شرف زیر و زبر اولدی
سن آگهسن ندن مولا دعالر بی اثر اولدی

شرافت اولسا انساندا اوزون هر جلوه یه سالماز
گر اولسا غیرت آثاری تظاهر فکرینه قالماز
گوزی نامحرمه باخماز دف نامردینی چالماز
حلالدان سود اَمن اوغلان بِولله قاشلارین‌آلماز
گینه حق سوزلری مولا «فقیره» دردسر اولدی

سینَم پاتدیر گلایم وار، او بی غیرت آتالاردان
او بی ایمان و بی عصمت او عفّت آنالاردان
سراپا ائیلیر آرایش، اولور غافل بالالاردان
یانیندا او قیزی واللاه چیخیر مین بیر اَدالاردان
بو تزینات شیطانی آنالاردا هنر اولدی

قیزا از بس وئروب زینت اوزاقدان چون عروسکدی
تفاخر ائیلیر اقوامه قیزیل گول تک قیزیم تکدی
ایتیردیم رشتهٔ بحثی سوزوم هاردان هارا چکدی
آتا دینمیر، دینه بولمور نیه؟ چونکی مترسکدی
فراری قیزلارا باعث او بی غیرت پدر اولدی

منی بو غمده دیندیرمه یانیخ قلبیم الولاندی
بو نه اوضاعدی ایراندا، بو نه آئین قرآندی؟
نمادی روسری باشدا فلاکت عرشه قوزاندی
همان مادر که عرض ایتدیم اوزی استاد شیطاندی
گوز آچ سن بی تعصب باخ!!! بو دوراندا نَلر اولدی

بیزه شهرت اولوب مکه گیدخ حجّه اولاخ حاجی
بیری محتاج نان شب ایویندن اولدی اخراجی
بیرینده وار اوقدری پول بیری گون مزد محتاجی
قالوب ازبسکی قارنی آج اوزونی ایئلیر حراجی
بو غمده صاحبِ عصرین یانیخ قلبی ملر اولدی

یازان فرق ائیلمز کیمدی فلانی یا «فقیر» اولسون
گرکدی شیعهٔ حیدر علی تک دست گیر اولسون
مگر انصافدور بیر قیز جهاز اوسته اسیر اولسون
آتاسی غصه مرگ اولسون آناسی غمله پیر اولسون
چوخ انسان تاپمادی چاره ایویندن دربدر اولدی

• جمعه
• 24
• بهمن
• 1399
• ساعت
• 20:02
• نوشته شده توسط
• یوسف اکبری

«در سبک من مانده ام تنهای تنها»

ای یوسف زهرا کجایی-فریاد از این هجر و جدایی
جان زهرا کی میایی
ذبح القفا را روضه خوانی-یادر مزار بی نشانی
غایب از چشم جهانی

کی میرسد یوم وصالت،،بیقرارم بیقرارم
چینم گل بوسه ز خالت،،بیقرارم بیقرارم

سلطان عشقی دادخواهی-بر مُلک دلها پادشاهی
تکیه گاهی سرپناهی
تو طالب خون حسینی-تو وارث بدر و حنینی
نورعینی مهر و ماهی

دیگر بُریدیم از فراقت ،،یابن زهرا یابن زهرا
محتاج یک گوشه نگاهت یابن زهرا یابن زهرا

عاشق سئور گورسون نگارین-باشه یتورسون انتظارین
بوشلاسین دار و ندارین

دار و نداریم نقدجاندی-گل فرقتیندن جاندا یاندی
وئردی الدن اختیارین

هجران منی سالدی ایاقدان،،یابن زهرا یابن زهرا
قلبیم اولوب سینمده شان شان یابن زهرا یابن زهرا

ای مظهر ختم رسالت-وی وارث خون ولایت
یوخدی طاقت بو فراقه
قانلار کی آخدی کربلاده-قویما قالا مولا آراده
گل یتوشدی جان دوداقه

گل ذوالفقار الده هرایه،،جان زینب جان زینب
عصیان چیخوبدی نُه سمایه جان زینب جان زینب

• شنبه
• 25
• بهمن
• 1399
• ساعت
• 22:35
• نوشته شده توسط
• یوسف اکبری

بیرده گر ایسته دیگیم یاریله دیداریم اولا
او قَدَر یالوارارام تا کی هواداریم اولا

حسرتین چکموشم ائیلّر بویی گیزلین گجه لر
بلکه بازاره گلوب سانکی خریداریم اولا

یانموشام هجریده، سینمده گلوب افغانه
ینه انصاف دگول یاندیرا دلداریم اولا!

زولفونون عطرینی من باد صبادن آلورام
قورخورام ناز اییلیه تاکی گرفتاریم اولا

اونون ابروی کَجی ایتدی کمان قامتیمی
یری وار ایندی هامی مایهٔ آزاریم اولا

گوزلری قتلیمه فرمانی وئروبدی بولورم
آغاجی کاشکی قولی تللریده داریم اولا

من ازلدن گوزونون لبلرینین خسته سیم
جانیمی آلماقا کاش فرصت دیداریم اولا

گورمه میش عاشقییم بیر بئله تحقیر ائیلمه
اؤپرم اللرینی، مَحرم اسراریم اولا

ینه قلبی داریخوب یازدی « فقیرخوئی»
حجرالأسودیم او لبده کی شهواریم اولا

• شنبه
• 25
• بهمن
• 1399
• ساعت
• 22:54
• نوشته شده توسط
• یوسف اکبری

گل داخی ظلم و ستم عرشه چاتوب یامهدی
چوخلار انسانیتی باشدان آتوب یامهدی

نئدور علت گئجه نی چوخلاری آج صبح ائلیور
بعضی اما زروسیم اوسته یاتوب یامهدی

باشینی آچدی خانم قاشینی آلدیردی آقا
نیه عفت بو زمان قانه باتوب یامهدی

چوخونا حیله ده شیطان ئوزی شاگردلیق ائدور
شرف و غیرتی چوخلاری ساتوب یامهدی

ننوین خاطرینه گل داخی تاخیر ائلمه
هجرانون گوزیاشیمی قانه قاتوب یامهدی

• پنج شنبه
• 26
• فروردین
• 1400
• ساعت
• 12:52
• نوشته شده توسط
• یوسف اکبری

او زماندان که اورک راهی بازار اولدی
قلما ثبت ایله دیل محو رخ یار اولدی

گزورم کوچه به کوچه یانورام عشق اودونا
سوز عشقیندن آدیم شُهره ی بازار اولدی

شوق وصلیله اونون لیل و نهاریم کچیلور
دیل دوشوب تاب و تبه محنتی بسیار اولدی

غملیم غصه لیم گوز دولانور حسرتیلن
بلکه بیر لحظه منه یار ئوزی غمخوار اولدی

منی مجنون مثلی دشت و بیابانه سالوب
او کی گلشنده یوزی زیب چمنزار اولدی

سایورام هفته به هفته کچور آدینه لریم
فاطمه یوسفینون فرقتی دشوار اولدی

منده کی یوخدی لیاقت ، ئوزی بیر لطف الیه
یتیشم وصله گورم موسم دیدار اولدی

(ثاقبا)یاز بیله ای زیب گلستان علی
نوکرین دردینه درمان ایله بیمار اولدی

• پنج شنبه
• 9
• اردیبهشت
• 1400
• ساعت
• 15:48
• نوشته شده توسط
• یوسف اکبری

چوخلاری گوزلری یولدا شب یلدا گله جاق
صله ارحامه هامی قلبی مصفا گله جاق

بیزده عشاق گل فاطمیوک دیده براه
ال دعاده بس هاچان یوسف زهرا گله جاق

دلبرا غملر الیندن بیزی گل ایله رها
تاگوره اهل فتن درده مداوا گله جاق

نه اولار جمعه گونی گون سنه تعظیم ایله سون
تاگوراخ وجده هامی عالم بالا گله جاق

ای علینون ثمری باغ ولانون گهری
بونا بیز معتقدوک سرورو مولا گله جاق

«ثاقبا» هر گیجه همچون شب یلدادی بیزه
بس هاچان هانسی سحر، اُول شه والا گله جاق

• پنج شنبه
• 9
• اردیبهشت
• 1400
• ساعت
• 16:27
• نوشته شده توسط
• یوسف اکبری

منم پور حیدر،امام زمان
عدالت فرم مهدیِ قهرمان
منم حقّ مستضعفانی آلان
منم شیعهٔ حیدره پاسبان
نقدری گوروب ظلمی دل داغلویام
منی کی عدالت فرین اوغلویام

فقط آیة الله عُظما منم
فقط رهبر اهل تقوا منم
نگهبان آیین طاها منم
علیدن سورا شاه عقبا منم
بابام وئردیقی سرّ هو منده دی
بو طوماره چوخ بندهدشرمنده دی

بابا ای شهنشاه عالی هدف
امیر دو عالم نگار نجف
بو گلزاره چوخ چیخدی هرزه علف
ایاقلاندی هم عزت و هم شرف
بابا آچ گوزون ظلم و تبعیضه باخ
نلر اولدی گوزلردن اولسون ایراخ

نه عالی عدالت رعایت اولور
نه تبعیص ظلم و خیانت اولور
نه منبر نه کرسی له غارت اولور
نه اسلام آدیلا جنایت اولور
اول آسوده یوخدی ستم گستری
نه واردی جفا، نه چپاولگری

حقوق جماعت مقرر اولوب
هامی بیربیرله برادر اولوب
یتیمان غنی له برابر اولوب
نه غنچه جوانلاردا پرپر اولوب
جهاندا نه جبار و خونخوار وار
نه آج وار نه بیرکس بدهکار وار

هامی اهل حق یار قرآنیدی
طرفدار آئین و ایمانیدی
هامی دشمن ظلم و شیطانیدی
بورا مهدِ جاناندی رضوانیدی
ز بس بیربیره هامّی خدمت ایلیر
ملائك بو خلقه حسادت ایلیر

نه واردی مجالسده بحث فساد
نه واردی جواندا غم اعتیاد
چیخوب رأس منبرلره عدل و داد
فقط واردی تشویق یوخ انتقاد
تاپانمور یازا فاز منفی «فقیر»
هامی سو کیمی پاکیدی بی نظیر

• سه شنبه
• 28
• بهمن
• 1399
• ساعت
• 22:28
• نوشته شده توسط
• یوسف اکبری

فارسی

عرش خدا را قائمه ای
مانده ی نسل فاطمه ای

آیتِ عشقی نفسِ دین مبینی
تو شرف و تاج سر روح الامینی
ای،،کرمش دریا
گُل،،پسر زهرا
وارث خیر الابشر و شاه دل آرا
یابن الحسن یابن الحسن یوسف زهرا(2)

هر شب جمعه دیده ترم
بر در هئیت مینگرم

سینه زنان مویه کُنان دیده به راهم
فاصله بین من و تو داده گناهم
من،،غرق گناهم
تو،،پشت و پناهم
دست من و دامن تو روی سیاهم
یابن الحسن یابن الحسن یوسف زهرا(2)

ترکی

عالم امکانین گوزلی
رحمتی زهرا،عدلی علی

لطف ائله زهرایه گوره بو سسه سس وئر
گل آغاجان شیعه لره تازه نفس وئر
ای،،صاحب صولت
گَل،،معدن غیرت

آنداولا عباسه بیزی یوردی بو فرقت
یابن الحسن یابن الحسن یوسف زهرا(2)

شمع رخون پر‌انه سیم
خالِ لبون دیوانه سیم

چوللری محزون دولانان حالیوه قربان
گول دوداقیندا او قارا خالیوه قربان
یابن الحسن یابن الحسن یوسف زهرا(2)

• یکشنبه
• 3
• اسفند
• 1399
• ساعت
• 22:07
• نوشته شده توسط
• یوسف اکبری

بیز منتظروک منتَظَرآقا گل آماندی
گل جمعه دی شیعه ،گوزی یولدا نگراندی

فتاح قلوب هامی عشاق جگر خون
گل گل دوتولوب قلب ایوی واللهی دوماندی

ای شمسیدن آرتوخ یوزیوون نور و جلاسی
درمانده لرون قلبی دولی غصه دی قاندی

ای ناجی کل بشریّت شه شه والا
مظلومیلرین پیشه سی آهیله فغاندی

سندن صورا یوخ ذره رجاکیمسیه جانا
امید ایوی گل گلمه سون الساعه تالاندی

تاخیره دوشوب گلماقون ار«ثاقبه»خاطر
من روسیهم ،منتظر اما که قالاندی

لطف ایله قدم رنجه بویورای شرف الناس
گل گور نقدر قلبیلره غصه قالاندی

زهرا بالاسی هامیدان آرتوخ بو ظهوره
صدیقه ی کبرا گوزی یولدا گل آماندی

• شنبه
• 11
• اردیبهشت
• 1400
• ساعت
• 21:19
• نوشته شده توسط
• یوسف اکبری

السلام ای ایکی دنیانین اولان سلطانی
السلام ای شرفین حیثینین میزانی

السلام ای دژ مستحکم آیات بلا
آغلادان درد و غمی زین اَب کبرانی

گینه قلبیم داریخوب آنداولا آغلار گوزوه
ظلم و تبعیض و تملّق داغیدور دنیانی

ای علینون بالاسی شاه عدالت اوغلی
یوخ عدالتدن اثر ظلم دوتوب هریانی

آغا گل رحمه بو ملته سن بیل زهرا
قویما افغان و یمن،مصره دونه ایرانی

علوی شیعه لرون رهبری سنسن آغاجان
لشگر و ارتشیدی شیعه لرون ایمانی

یا علی دئ اوزون آچ پرچم عدلی آغاجان
گلمه سن صاحبیمیز یوخدی بیزیم،وجدانی

گورنه هنگامه سالوب دهریده داعشله سعود
الده بازیچه ائدوبلر علناً قرآنی

شمر و خولی و سنان،حرمله یومدی گوزونی
گوزلرون آچدی ولی اوللارون هم پیمانی

منبریز غارت اولوب آنداولا زهرا آدینا
سن کی یاخشی گوروسن بو ستم و ایذانی

بعضیسی تخت طلاده یاتیری صبحه کیمی
بعضی نین یاتماقادا یوخدی یری وجدانی

بئله تبعیض و تملق بیزی جانه گتوروب
پوزوری رشوه ربا مملکتِ ایرانی

پِش چکوللر که علی شیعه سیوخ صبح و مسا
مرتضی هاردا گزَوب شهرلری پنهانی

یازورام قلبمی یاندیردی گینه بو مطلب
بشرون فهمینه توهین ایلوری چندانی

حال انسان هله مشغولیدی یارانَیله
بیری ده دَب ائلمیشدی سبدِکالانی

اغنیا عیشیده مشغولیدی،ذلّتده «فقیر»
گورسن شیرخدانین بویودی میزانی

• یکشنبه
• 3
• اسفند
• 1399
• ساعت
• 22:20
• نوشته شده توسط
• یوسف اکبری

گلنده جمعه قلبیم قان اولار گل
ئورکده غصه غم میهمان اولار گل

قدم رنجه بویورسون، باغ هستی
هزاران رنگیله الوان اولار گل

دولاندی آیلار ئیللر گلمه دون سن
الف قدیم دونوب چوگان اولار گل

گل ای والا قدی طوبای جنت
حضورونله جهان رضوان اولار گل

فراقوندن قُوا یوخ سینه لرده
سنیله سینه لر شادان اولار گل

معطر نکهتوندن مُشک و عنبر
گل و گلزاریله بستان اولار گل

الا ای قبله گاه ماه کنعان
مُسَجَّر مو مه کنعان اولار گل

یازار«ثاقب»عدالت یر یوزونده
محبت ایله سون عنوان اولار گل

• شنبه
• 18
• اردیبهشت
• 1400
• ساعت
• 14:26
• نوشته شده توسط
• یوسف اکبری

فارسی

ای رهبر کون و مکان
ای صاحب عصر و زمان
ذکر لبِ اهل جنان
مهدی آقاجان

گل واژه ی شور و شعف
دروازه ی شهر شرف
امیّدِ امام نجف
مهدی آقا جان

نوای مان،شنو خدای عاشقان
دگر بُریده ایم از این فراق یار مهربان

هر صبح و مسا
دستم به دعا
بیا بیا بیا بیا

دیوانه شدیم -- رسوایِ زمانه شدیم

دلبند یگانه ی عشق
دُر دانه ی خانه عشق
شاهنشه مُلک وفا
مهدی آقا جان

سرمایه ی آل عبا
بند دل خیر نسا
مُردیم ز غم تو بیا
مهدی آقا جان

به عرش لامکان رسد صدایمان
دگر برُیده ایم از این فراق یار مهربان

شمس ازلی
دلبند علی
بیا بیا بیابیا

دیوانه شدیم-- رسوایِ زمانه شدیم

ترکی

ای قبله ی رازیم آغا
گَل، رهبرِ نازیم آغا
سن پرده نشین اولاسان
دنیا نیه لازم آغا

رسوا اولاروخ--بیکس قالاروخ

ای فاطمه نون گوزلی
گَل،مانده ی نسل علی
یوخ بیزده فراقه دوزوم
گلَ شیعه لر اولدی دلی

هایانداسان دعا ائله ظهوریوه
گَلَخ او جمعه دسته جمعی سینه زن حضوریوه

گوزلرور سنی انس و مَلک
حیراندی زمین و فلک
هایانداسان هایانداسان

تنها قالاروخ--رسوا اولاروخ

• یکشنبه
• 3
• اسفند
• 1399
• ساعت
• 22:24
• نوشته شده توسط
• یوسف اکبری

ذهنیم مشوش اولموش بیلمم ندور بوحالیم
قلبیم غمیله دولموش افزون اولور ملالیم

سنسیزدونوب خزانه عمروم بهاری ای جان
القانه دوندی باخ گورگوزلرده اشک آلیم

آرام جان هستی دلبند پاک زهرا
گل کهربایه دونموش هجرانیدن جمالیم

ای شهریارشهر عشق عاشقانه سرور
سنسیزجهانه سلطان اولسامدایوخ جلالیم

صاحب جلال و حشمت طوبای باغ جنت
لطفوندی تا یازیلدی قرطاسیده مقالیم

گوزیولدیام ئولن گون دیدم رکابون اولسون
مرهون رحمت ایتسون آسوده دور خیالیم

مرآت حی سبحان شمس الضحادی وجهون
نجم السمادی گوزلر قول النبی مثالیم

«ثاقب»یازار دوباره آدینه تاپدی پایان
دیداره قالدیم حسرت ای ماه خوش خصالیم

• شنبه
• 18
• اردیبهشت
• 1400
• ساعت
• 14:35
• نوشته شده توسط
• یوسف اکبری

صورت نا دیده گر تصویر اولا مشکلدی بو
سوز که ناسنجیده دی تفسیر اولا مشکلدی بو

زاهد ومفتی وصوفی اولماق آسان دور ولی
نفس دیوی جسمیده زنجیر اولا مشکلدی بو

کفرو استبداد ایوین ممکندی که ویران اولا
لیک هرکاخ ظلموله تعمیر اولا مشکلدی بو

نچّه گون ممکندی جاهل دهریده قاضی اولا
هر طرفدن علم اگر تحقیر اولا مشکلدی بو

پیر نادان گرچه آسان مسندی گتدی اله
عقل و دین گر تابع اول پیر اولا مشکلدی بو

خانۀ ایمانی بخّ بخّیله سندیردی گر
رَیب وتزویره جهان تسخیراولا مشکلدی بو

مثل روبه حیله ایتدی حق یولونی باغلادی
بولمدی چون شیرغافلگیراولا مشکلدی بو

بعد احمد قطب عالم حیدرو اولادی دور
آیری برنامه اگر تقدیراولا مشکلدی بو

کیمسه بیت المالیدن ناحق ایده گر سد جوع
غیرخاک گوریلن گر سیر اولا مشکلدی بو

سهل ساندی کفریله هرغزوه نی مولا علی
اوچ نفرده گوردی گر تزویر اولا مشکلدی بو

بارالها اذن ویرعصرین امامی تا گله
ناخدایه بحریده تأخیر اولا مشکلدی بو

قوی سوزی بی پرده عرض ایلوم بولون
یاخشی یا پیسدی اگرتدبیراولا مشکلدی بو

کافر مسلم نمایوخ بیزده یوخ تسلیم حق
(عدلینون ) بو نغمه سی تحریر اولا مشکلدی بو

صورت ابیاتینی گرایستسن تغییر ویر
قلب لرده بو زمان تأثیر اولا مشکلدی بو

• جمعه
• 8
• اسفند
• 1399
• ساعت
• 22:21
• نوشته شده توسط
• یوسف اکبری

دوداقوندن گرایچسم آب حیوان
گلربوجسم بی روحیمه صد جان

نگاریم جانه گلدیم گلمه دون سن
سنه قربان اولا بو پیر هجران

گل ای سیمین بدن رعنا قد آخر
الف قد داله دوندی اولدی چوگان

اورک قان دیده گریان فرقتوندن
دولاندی بارشه چون ابر نیسان

یورولدوم جانه گلدیم درد الیندن
بویورقون جانیم اولسون جانه قربان

گوزوم سوسوده دلخونم حبیبیم
من دلخونه جانا ایله احسان

یازاندا(جائدم) هجران کلامین
اولوبدور پارچا پارچا قلبیم القان

طبیبیم من ئولن گون باشیم اوسته
ئوزون لطف ایت تلاوت ایله قرآن

• یکشنبه
• 19
• اردیبهشت
• 1400
• ساعت
• 18:31
• نوشته شده توسط
• یوسف اکبری

گینه جمعه گینه هجران
گینه درده دچارم من

گینه یوخدور خبر سندن
گوزوم یولدا خمارم من

گینه سن گلمه دون، گویا
خزان ویرموش بهارم من

گینه ای مونس جانان
فراقوندن نزارم من

گینه سوسوده دور گوزلر
گینه گریان وزارم من

گیچه مین جمعه عمرومدن
گینه مشتاق یارم من

حریق عشقینه یاننام
محق سوزونارم من

منم من یازما یاز جائد
عجب بی بند وبارم من

گرایتسه پرتو افشانی
یقینا خاکسارم من

• یکشنبه
• 19
• اردیبهشت
• 1400
• ساعت
• 18:34
• نوشته شده توسط
• یوسف اکبری

سن سیز گیچن عمروم نقدر بی ثمر اولدی
اوندان کی گرفتاریوم عمروم هدر اولدی

آواره دالونجا او قدر چوللری گزدیم
کیم حالیمی گوردی دیدی بو دربدر اولدی

دوزسپمه منیم یارمه دیرچلمیه جکدی
خاصیتی شاید دونوب آخر شکر اولدی

الاندا اوزوم شک ایدورم عشق یولومدان
ابلیسیله بوقاره کونول همسفر اولدی

سن سیز منه هیش نسخه،دوا ایتمدی ای جان
هر آیه و قران و دعا بی اثر اولدی

یاندری تظاهر اوتی ایمانی الهی
اما منه هجران اوتی اوندان بتر اولدی

شرمندیم الله عملیمدن اوز اوزومدن
طوفان بلاده اورک آسیمه سراولدی

بیلدوم نیه اعلان ظهور ایلمور آقا
شاید عملیم قلبینه تیر سه پر اولدی

• سه شنبه
• 21
• اردیبهشت
• 1400
• ساعت
• 14:42
• نوشته شده توسط
• یوسف اکبری

ای محوّل موسم تحویل احوال اولدی گل
قامت شمشادیلر هجرانیدن دال اولدی گل

جدیوون گفتاریدور اوغلوم گلر جمعه گونی
یابن زهراآخرین آدینه سال اولدی گل

جورطاغوت زمان یاندیردی قلب عالمی
فتنه لردن سینهٔ گردون؛ لگدمال اولدی گل

آخرالایامیده جدین دیوب مهدی گلر
صدق حرف و گفتهٔ پیغمبر و آل اولدی گل

وصلین امّیدینده شاعر یازدی ثبت ائتسون قلم
هجریدن قاصرقلم ،شاعرلرین لال اولدی گل

• دوشنبه
• 27
• اردیبهشت
• 1400
• ساعت
• 14:38
• نوشته شده توسط
• یوسف اکبری

بیاتوای یارم/به غم گرفتارم
زدردهجرانت مولا همیشه بیمارم
تویی تودلدارم/امیروسالارم
بلای عشقت را آقا زدل خریدارم
بیااباصالح۴

تویی گل نازم/شکوه آوازم
توبال پروازم مولا توبال پروازم

مخالف

تویی دردودرمانم مولا مولا
تویی روح و ریحانم مولا مولا
تویی دین وایمانم مولا مولا
بیا توای یارم/به غم گرفتارم
بلای عشقت را آقا زدل خریدارم
بیا اباصالح۴

زتو صفاخواهم/زتوعطاخواهم
شب ولادت یا مخدی کرب وبلا خواهم

مخالف

ای نورچشم زهرا مولا مولا
مصلح کل دنیا مولا مولا
وصلت پایان غمها مولا مولا
بیاتوای یارم............

گل ای امیدجان/سنه جانیم قربان
جهانی گل اصلاح ایله که ظلم ایدوب طغیان

مخالف

سنسن مهرازلی مولا مولا
آل طاهاگوزلی مولا مولا
عشقون شیرین غزلی مولا مولا
بیاتوای یارم.......

• دوشنبه
• 11
• اسفند
• 1399
• ساعت
• 22:57
• نوشته شده توسط
• یوسف اکبری

سنی ای عشقی منی درده سالان ایستیورم
بیر زمان گیزلینیدی ایندی عیان ایستیورم

گلمیشم درگهیوه لطف ائله سن جانیمی آل
جان سنوندور بئله فکر ائتمه که جان ایستیورم

قلم عشقیویلن سینه مین اوستونده اگر
قتلیمین نقشه سینی چکسون اینان ایستیورم

گورسم اول قامتیوی شوق آلاجاقدور نفسیم
ایندی من گورمگیوه تاب و توان ایستیورم

آز دئسم سن چوخ حساب ایله بو بیتی گوزلیم
سنی عمریم قَدَر ای روحِ روان ایستیورم

گوزلرون قصد ائده گر عالمی مجنون ایلیر
منده لیلا بَگَنَن بیر دلی جان ایستیورم

سنه تسلیم ائلینده اؤزیمی باشدا الیم
بی خبر فکر ائله دی سندن امان ایستیورم

#داورین عمری گچوب بیرده جوان اولمیاجاق
سنی درک ایلمگه آیری زامان ایستیورم

• چهارشنبه
• 29
• اردیبهشت
• 1400
• ساعت
• 20:53
• نوشته شده توسط
• یوسف اکبری

هارداسان ای یوسف زهرا اوکلر قاندی گل
دین گئدور تاراجه، فصل غارت ایماندی گل

سینه چاکان ولایت درده اولموش مبتلا
روزگارین گردشیندن شیعه لر گریاندی گل

مرده نامردی ائدوب حاکم بو چرخ فتنه گر
خار اولوب شخصیّت عشاّق سرگرداندی گل

آج یاتیر چوخلار دیینمور بیرکس ئوز دردینی
آبرو داران عصره زندگی زنداندی گل

شیعه نون تنها امیدی رجعتوندور سیّدی
سنسیز ای مولا شریعت گلشنی ویراندی گل

هاردادی نسوان چادر بر سر ایران زمین
تا کی گورسونلر نه فتنه حاکم ایراندی گل

بی حجابیله دولوبدور کوچه و بازاریمیز
یاندی قلبیم غیرت و وجدانیمیز عریاندی گل

گلمسون الدن گئدور ناموسمیز ای ذوالکرام
اهل تقوایه بودوران بیر یامان دوراندی گل

• سه شنبه
• 11
• خرداد
• 1400
• ساعت
• 16:24
• نوشته شده توسط
• یوسف اکبری

گل ای امام زمان غرق نعمت ایله بیزی
ایتیرمیشوک یولی مولا هدایت ایله بیزی

علی کی ئولدی عدالتده ئولدی دنیاده
علی گِدن یولا لطفونله دعوت ایله بیزی

بیزیمده گوگلیمیز ایستور کی اهل جنت اولاخ
به احترام رضا اهل جنت ایله بیزی

آماندی قویما کمنده دوشاخ او آهو تک
عمون رضایه گوره گل ضمانت ایله بیزی

• چهارشنبه
• 12
• خرداد
• 1400
• ساعت
• 11:43
• نوشته شده توسط
• یوسف اکبری

شعريمه بيرآيري حلاوت ويروب
خادم دركاهينه شوكت ويروب

قامت رعناسينه قربان اولوم
ديدة شهلاسينه قربان اولوم

مهدي درواندي اباصالحون
نام دل آراسينه قربان اولوم

موسي عمراندي يقين كه اونون
طورتجلاسينه قربان اولوم

قالب بيروخيمه حان ويرديكي
اول دم عيساسينه قربان اولوم

انجمن عشق و شرافتده كي
منطق شيواسينه قربان اولوم

پردۀ غيبتده قالان ياريمون
سيرت و سيماسينه قربان اولوم

يازماميشام دلبر و دلداريمون
لعل شكرخاسينه قربان اولوم

ميكدة عزت و اجلاليده
مستي صهباسينه قربان اولوم

ياريمون اون دورد كجه ليك آي كيميت
صورت زيباسبنه قربان اولوم

من هارا مهدي هارا اي اهل دل
رتبةاعلاسينه قربان اولوم

آيت كبرادي اباصالحين
دلت فرداسينه قربان اولوم

باربلادن قوتاران عالمي
دست تواناسينه قربان اولوم

حيدر اولوب مشكل آجان اللره
با يد بيضاسينه قربان اولوم

ياكي قتيل العبرات اوغلونون
همت والاسينه قربان اولوم

رهبر بينا دل هشياريمون
باشدا كي غوغاسينه قربان اولوم

ديدة خونباريله قلبينده مي
مخشر مبراسبنه قربان اولوم

بير بيله سوزدن صورا خلاقيمون
آيت كبراسينه قربان اولوم

من كي ديديم بند دل خاتمون
نركس شهلاسينه قربان اولوم

سيزده ديون حضرت بيغمبرون
يوسف زهراسينه قربان اولوم

نامة اعمالينون آخركجه
ايتديكي امضاسينه قربان اولوم

• پنج شنبه
• 21
• اسفند
• 1399
• ساعت
• 12:25
• نوشته شده توسط
• یوسف اکبری

یابن الزهرا باشووا تاج امامت یاراشور
قدووه قامتووه جامه ی عزت یاراشور

ای حسینون گوزل اوغلی سنه جانلارقربان
ایده جبریل سنه، قول کیمی خدمت یاراشور

سن اوشه سن که سلاطین جهان بنده وندی
الووی اوپمگه سلطان و رعیت یاراشوز

حوریلرخاک رهون سرمه ایده ر گوزلرینه
ایاقین تپراقین اتسون گوزه زینت،یاراشور

چوخلاری یوسفی ویرمیشلا گوزه لیکده مثل
یوسف اماچکه دیدارووه حسرت یاراشور

نجه کی یوسفی گورجک چوخی کسدی الینی
یارادامعجزه،زیبایی صورت یاراشور

کسیلر اللری یوسفده سنی گورسه آقا
اولماقابنده قاپوندا چکه منت یاراشور

گوزوموزیولدادی گل سایووه آل شیعه لری
اوگوزل شانووه کرسی خلافت یاراشور

شیعه نین دادینه گل ظلم اولونور شیعه لره
امتیندن آقا گر اتسه حمایت یاراشور

عیدزهرادی آچوبدور الینی سایللر
ایده سن سایلووه لطف وکرامت یاراشور

قبرزهرایه گیدنده بیزیده یادووه سال
شاهدن نوکرینه، لطف ومحبت یاراشور

ملک ایرانداسنه جشن امامت قورولوب
شاهینه امت ایده عرض ارادت یاراشور

مین امیدیله یازوب بوسوزی خلقه اوخودی
ویره سن (ناعمه) ده قول شفاعت یاراشور

• پنج شنبه
• 21
• اسفند
• 1399
• ساعت
• 12:30
• نوشته شده توسط
• یوسف اکبری