اشعار ترکی مخصوص امام زمان (عج)

دوداقوندن گرایچسم آب حیوان
گلربوجسم بی روحیمه صد جان

نگاریم جانه گلدیم گلمه دون سن
سنه قربان اولا بو پیر هجران

گل ای سیمین بدن رعنا قد آخر
الف قد داله دوندی اولدی چوگان

اورک قان دیده گریان فرقتوندن
دولاندی بارشه چون ابر نیسان

یورولدوم جانه گلدیم درد الیندن
بویورقون جانیم اولسون جانه قربان

گوزوم سوسوده دلخونم حبیبیم
من دلخونه جانا ایله احسان

یازاندا(جائدم) هجران کلامین
اولوبدور پارچا پارچا قلبیم القان

طبیبیم من ئولن گون باشیم اوسته
ئوزون لطف ایت تلاوت ایله قرآن

• یکشنبه
• 19
• اردیبهشت
• 1400
• ساعت
• 18:31
• نوشته شده توسط
• یوسف اکبری

گینه جمعه گینه هجران
گینه درده دچارم من

گینه یوخدور خبر سندن
گوزوم یولدا خمارم من

گینه سن گلمه دون، گویا
خزان ویرموش بهارم من

گینه ای مونس جانان
فراقوندن نزارم من

گینه سوسوده دور گوزلر
گینه گریان وزارم من

گیچه مین جمعه عمرومدن
گینه مشتاق یارم من

حریق عشقینه یاننام
محق سوزونارم من

منم من یازما یاز جائد
عجب بی بند وبارم من

گرایتسه پرتو افشانی
یقینا خاکسارم من

• یکشنبه
• 19
• اردیبهشت
• 1400
• ساعت
• 18:34
• نوشته شده توسط
• یوسف اکبری

طوطی طبعیم سنین عشقینده اشعار آختارور
باده ی وصل ایشماقا، میخانه ده یار آختارور
وصفینه لایق گزور دُرّ گهربار آختارور
بلبل شوریده دوزمور هجره، دیدار آختارور
حضرت صاحب زمانه راه گفتار آختارور

السلام ای مهدی دین، رحمتً للعالمین
ای امامت حلقه سینده آخرین مسند نشین
خاک پاییندن ئوپن جنّ و بشر، روح الامین
عالم و آدم حضور انوریندن خوشه چین
عشق راکد دی آقا، گرمیِّ بازار آختارور

چرخه ی دوران چونوبدور بازی بی ارزشه
فیکر ادور وهابی لر دینی سالوبلار لرزه
بیلمیور عباس آقا سیلی وورار گردنکشه
همچنانکه لرزه سالموش طمطراق داعشه
گل سپاه شیعیان سن مثلی سردار آختارور

برخی اما گوئیا خواب زمستانی ده دور
هی دیور سوریه و لبنانه بو حرمت ندور
شامده زینب گوزی غیرتلی ایرانی ده دور
سوری قارداش گوزلری قاسم سلیمانی ده دور
مغرض دین گردنی شمشیر مختار آختارور

عشق یعنی سن، نه آیری عارضی بیر ممکنات
علت غایی ئوزونسن، که تاپور معنی حیات
محکم البت سندن اولموش مرسلات و بیّنات
سن ظهور ائت حلّ اولا دونیاده کلّ مشکلات
یول ایتیرمیش شیعه لر، ماهِ شب تار آختارور

سس توشر گویلرده بیر گون، منجی دنیا گلور
هاشمی خالی یوزونده، شاخه ی طوبا گلور
قدّی رعنا، چهره حورا، آیه ی عظما گلور
غم یئمه ای منتظر عاشق، گل زهرا گلور
گنگ عالم، شکّرین لعل شکربار آختارور

• دوشنبه
• 20
• اردیبهشت
• 1400
• ساعت
• 19:47
• نوشته شده توسط
• یوسف اکبری

سن سیز گیچن عمروم نقدر بی ثمر اولدی
اوندان کی گرفتاریوم عمروم هدر اولدی

آواره دالونجا او قدر چوللری گزدیم
کیم حالیمی گوردی دیدی بو دربدر اولدی

دوزسپمه منیم یارمه دیرچلمیه جکدی
خاصیتی شاید دونوب آخر شکر اولدی

الاندا اوزوم شک ایدورم عشق یولومدان
ابلیسیله بوقاره کونول همسفر اولدی

سن سیز منه هیش نسخه،دوا ایتمدی ای جان
هر آیه و قران و دعا بی اثر اولدی

یاندری تظاهر اوتی ایمانی الهی
اما منه هجران اوتی اوندان بتر اولدی

شرمندیم الله عملیمدن اوز اوزومدن
طوفان بلاده اورک آسیمه سراولدی

بیلدوم نیه اعلان ظهور ایلمور آقا
شاید عملیم قلبینه تیر سه پر اولدی

• سه شنبه
• 21
• اردیبهشت
• 1400
• ساعت
• 14:42
• نوشته شده توسط
• یوسف اکبری

ای محوّل موسم تحویل احوال اولدی گل
قامت شمشادیلر هجرانیدن دال اولدی گل

جدیوون گفتاریدور اوغلوم گلر جمعه گونی
یابن زهراآخرین آدینه سال اولدی گل

جورطاغوت زمان یاندیردی قلب عالمی
فتنه لردن سینهٔ گردون؛ لگدمال اولدی گل

آخرالایامیده جدین دیوب مهدی گلر
صدق حرف و گفتهٔ پیغمبر و آل اولدی گل

وصلین امّیدینده شاعر یازدی ثبت ائتسون قلم
هجریدن قاصرقلم ،شاعرلرین لال اولدی گل

• دوشنبه
• 27
• اردیبهشت
• 1400
• ساعت
• 14:38
• نوشته شده توسط
• یوسف اکبری

گل طاها یابن الحسن
مرآت خدا یابن الحسن
یاحضرت مهدی

سنه قربان جان جهان
ای معدن اسرار نهان
یاحضرت مهدی

ای یوسف زهرا
احسانیده دریا
مین حاتم طایی
سلطانیسن آقا

سن امید ماسواسن
گل باغ مصطفاسن
سنه جان شیعه قربان
شرف اهلینه آقاسن

گل باغ آل طاها
گل آماندی یابن زهرا
سنه گوز تیکوبدی دنیا
گل آماندی یابن زهرا

آقا مقدمون مبارک آقا مقدمون مبارک

سنی گوزلور آل علی
ای مقصد آمال علی
ای یوسف زهرا

یورولوبدی شیعه لرین
ای زینت جنات برین
ای یوسف زهرا

ای معدن غیرت
دریای کرامت
صد حاتم طایی
گردیده غلامت

گل عزیز جان زهرا
گل بی نشان زهرا
سنی سسلیور هرایه
هامی عاشقان زهرا

نَقَدَر غم فراقه
دوزه شیعه یابن حیدر
سو یرینه باغلیوب قان
گوزه شیعه یابن حیدر

آقا مقدمون مبارک آقا مقدمون مبارک

ای منتقم خون خدا
گوزلور سنی شاه شهدا
ای مظهر یزدان

غم شیعه لرون صبرون آلوب
عَمّون حرمی باغلی قالوب
ای زینت قرآن

ای شاه ولایت
گل ایله عنایت
وور بام دمشقه
بیر پرچم نصرت

نَقَدر عراق و شامه
ایده جک جسارت اعدا
نَقَدر یمنده قانلار
آخاجاق مثال دریا

گل اوزون جهاندا مولا
نظر ایله شبعیانه
نَقَدر شهید آناسی
قالاجاقدی یانه یانه

آقامقدمون مبارک آقا مقدمون مبارک

• سه شنبه
• 28
• اردیبهشت
• 1400
• ساعت
• 13:44
• نوشته شده توسط
• یوسف اکبری

نیمه شعبان اولدی دنیا گلستان اولدی
ویر خبر اهل عشقه دردوزه درمان اولدی

یولارا باخ ....صاحب عصریدور گلن
مقدموندن.....فرحلنوب باغ و چمن

یابن زهرا(۴)

مژده ویرون جهانه گلدی شه زمانه
مظهر عدل حیدر دادگر زمانه

دل ربای.......کل محباندی گلن
تکیه گاه....... ملت ایراندی گلن

یابن زهرا(۴)

شامل حالیمیزدی رحمت بی کرانه
گول گتیروب ملکلر بلبل اوخور ترانه

گول سپولر......فرشته لر صاق صولونا
باغلیولار .......و ان یکادی قولونا

یابن زهرا (۴)

ای ثمر ولایت لاله ی باغ جنت
شیعه لرون اقاسی صود ویره نیوه رحمت

یابن زهرا....... مقدمیوه گل سپرم
جان حیدر......گلسون ایاقین اپرم

یابن زهرا(۴)

گول چیچگیم همیشه دوداقلارون گول اولسون
بستر رختخوابون سوسن و سنبل اولسون

گوزل مولا.......قربان اولوم گوز یاشیوا
سلام اولسون....اوچ یوز اون اوچ یولداشیوا

یابن زهرا(۴)

ای شه بی قرینه تنگه گلیبدی سینه
ویر بیزه بایراملیغی کرب وبلا مدینه

سن سن آقا........سرور کل عالمین
قیل عنایت.........تذکره ی قبر حسین

یابن زهرا(۴)

• سه شنبه
• 28
• اردیبهشت
• 1400
• ساعت
• 13:47
• نوشته شده توسط
• یوسف اکبری

سنی ای عشقی منی درده سالان ایستیورم
بیر زمان گیزلینیدی ایندی عیان ایستیورم

گلمیشم درگهیوه لطف ائله سن جانیمی آل
جان سنوندور بئله فکر ائتمه که جان ایستیورم

قلم عشقیویلن سینه مین اوستونده اگر
قتلیمین نقشه سینی چکسون اینان ایستیورم

گورسم اول قامتیوی شوق آلاجاقدور نفسیم
ایندی من گورمگیوه تاب و توان ایستیورم

آز دئسم سن چوخ حساب ایله بو بیتی گوزلیم
سنی عمریم قَدَر ای روحِ روان ایستیورم

گوزلرون قصد ائده گر عالمی مجنون ایلیر
منده لیلا بَگَنَن بیر دلی جان ایستیورم

سنه تسلیم ائلینده اؤزیمی باشدا الیم
بی خبر فکر ائله دی سندن امان ایستیورم

#داورین عمری گچوب بیرده جوان اولمیاجاق
سنی درک ایلمگه آیری زامان ایستیورم

• چهارشنبه
• 29
• اردیبهشت
• 1400
• ساعت
• 20:53
• نوشته شده توسط
• یوسف اکبری

یابن الحسن قادن آلوم گل آقا
یورولموشام چک باشیما ال آقا
نه وقتیدور صحرالری گزورسن
ظهور ایله بیر آزدا دینجل آقا

یابن الحسن بیزه ده یول سال آقا
یورولموشوق گویلوموزی آل آقا
یاخشیلاراگونده قوناق گیدورسن
بیر گیجه ده پیسلریله قال آقا

یابن الحسن غم قلبیمه قالانوب
غصه یوروب منی صبریم جالانوب
چوخ سوزوم وار حضوریوه دیماقا
گورنمورم ئورگیم پارچالانوب

یابن الحسن گل باشیوا دولانیم
گوزلریوه قربان اولا اولانیم
بویورگوروم هانسی چولی گزورسن
هانسی چولی فراقونده دولانیم

یابن الحسن گوز بولاغی سولانوب
اشکیم ئورگیم قانینا بولانوب
قورخوم بودور گیج گله سن خوار اولام
چوخلارینون رایی گورّم دولانوب

یابن الحسن گوزی یولدا قالان وار
نامه یازوب بولاغلارا سالان وار
چوخلارینون الی الدن اوزولوب
سراغیوی داغ داشلاردان آلان وار

یابن الحسن آی قلبیمون قراری
ولایتون گلشنینون هَزاری
ئولکه میزون اوشاقلاری قوجالوب
تیز گل آقا قوتار بو انتظاری

یابن الحسن سنده دی درمانیمیز
وصلتیمیز ، غمیمیز ، هجرانیمیز
ایلّر بویی آدینه لر سایموشوق
تیز گل آقا قوتارسون هرمانیمیز

یابن الحسن آلا گوزون فداسی
گوزلریمه دوشسون گوزون قاداسی
من دیمورم بیزه خاطر گله سن
فاطمه نون توختامیوب یاراسی

• چهارشنبه
• 5
• خرداد
• 1400
• ساعت
• 20:37
• نوشته شده توسط
• یوسف اکبری

یوسف زهرا و نرگس نازلی یاریم هارداسان
سنسیز عالم عالم اولماز تاجداریم هارداسان

مولا ! آقا ! زهرا بالاسی هارداسان
مولا ! آقا ! درد لر دواسی هارداسان

درد هجرانه دچارم اشکبارم هارداسان
مهر و عشقونده همیشه پایدارم هارداسان
ای عزیز فاطمه گل انتظارم هارداسان
ای فضیلت مهر والفت جویباریم هارداسان

من ازلدن طالب می ساقی و پیمانیم
هم شرار عشقیوه پر یاندیران پروانیم
گونده مین یول گل آقا گل سسلیین دیوانیم
گل دولانیم باشیوا ای مه نگاریم هارداسان

وارمیدیم سن گلوب بودللری شاد ایله سن
بند غمدن هردل محزونی آزاد ایله سن
خانۀ ظلمی یخوب حق دینه امداد ایله سن
داد گستر داد خواه ای غمگساریم هارداسان

گل آقا سنسیز بیزه کاشانه اولدی قعر گور
بام قرن اوسته صدای آه و وای بوف کور
پردۀظلمت سالوبدی سایه یوخ بیرذره نور
سسلنور بو ذیحیات یوخ دور قراریم هارداسان

دفتر آسوده لیقدان آد سیلیندی وار شعار
روی خوش گورستموری دیگر بیزه چرخ مدار
زور گویان ایستوری اولسونلا صاحب اقتدار
حتک حرمت ایلیوللر شهریاریم هارداسان

گل آقا انسانلارا انسانلیقین روحون یارات
خواب غفلتده یاتان بعضی مسلمانی اویات
یـر یـوزونده تک لوای حق و قرآنی اوجات
فصلی دوندر وصله ای فصل بهاریم هارداسان

بال وپر بسته قوشام دام ایچره گرچه دانه وار
لب تر ایتماقه قفسده سو لب عطشانه وار
لیک آرتوخ احتیاج سن تک مه تابانه وار
سایه وی سال باشیم اوسته تاجداریم هارداسان

«عدلیم» خسته گویول گل نورویله ویرجلا
مظهر مهر و وفاسن کان عشق و هم صفا
وار مریضه بیر قیزیم لطف ایله تا تاپسون شفا
راضی اولما عرشه چاتسون آه و زاریم هارداسان

• یکشنبه
• 9
• خرداد
• 1400
• ساعت
• 23:06
• نوشته شده توسط
• یوسف اکبری

آچدی نرگس گلی مثلی اولماز
آختارارسان بیله گل تاپولماز
تا قیامت خزان اولسا سولماز
خالق سبحان * کریم ومنان
گلشن دینه آچدوروب
سرو گلستان
ابا صالح یابن زهرا

گورمیوب روزگار بیربیله گل
عارضی لاله تک زلفی سنبل
گل ستاندا گلوب شوره بلبل
مهره مثلدی*چون بی بدلدی
دنیانون اهلی بولوری
گلدن گوزلدی
ابا صالح یابن زهرا

دولدوروب عطری کون ومکانی
قائم ایلوب قیامه جهانی
سسلیون سیزده صاحب زمانی

الله مظهر* خورشید خاور
قائم اولوب قیامینه
مهرمنور
ابا صالح یابن زهرا

نورحقدن جهان اولدی پرنور
آچدی گوز شیعه سی اولدی مسرور
نوری ایلرعدوچشمنی کور
ابن حسندی * سروچمندی
مهدی صاحب الزمان
فخرزمندی
ابا صالح یابن زهرا

اهل دل اولدی بوگونده دلشاد
باغ دین عطرینه اولدی آباد
عاشقانین ایدرغمدن آزاد
بومه تابان* عامل قرآن
مهدی موعوددی گلن
منجی انسان
ابا صالح یابن زهرا

آتش عشقه یانوخ شراروخ
گول فراقینده گل بی قراروخ
گلشن عشقیوه گرچه خاروخ
خسرو عادل* شمس قبایل
سنسیز اولابولموری گل
حل مسائل
ابا صالح یابن زهرا

فاطمه یوسفی سرو قامت
گوز تیکوبدور سنه بو جماعت
بسدی غیبت گل ایله کرامت
یوسف زهرا* قامتی طوبا
فصل بهاری گل گتور
ای گل زیبا
ابا صالح یابن زهرا

هرنیوخ بندۀ حق پرستوخ
عاشق محو یار الستوخ
بادۀ عشقوه مست مستوخ
عصرین امامی* قرآنا حامی
هیئتین اهلینون سنه
واردی سلامی
ابا صالح یابن زهرا

مهدیا خوش گلوبس جهانه
دل سوزون (عدلی) گتدی بیانه
ایستوری کربلا عیدیانه
شاه ولایت* ایله عنایت
کرب و بلاده جدیوی
ایتسون زیارت
ابا صالح یابن زهرا

• یکشنبه
• 9
• خرداد
• 1400
• ساعت
• 23:07
• نوشته شده توسط
• یوسف اکبری

یوسف صفت فاطمه ای سیّد وسالار
قوی تاج امامت باشا گل ای شه مختار

ای وارث دین آیت حق قائد اعظم
حُبون علی تک جنّت وبُغضوندی جَهنّم
سال نوریوی ای نورجهان جان دوعالم
گل گورنجه بیرعدّه ایدور قرآنی انکار
قوی تاج امامت باشا گل ای شه مختار

ای غائب اولان غیبیده خلقی ایدن ارشاد
سنلندی آقا ملک خرابات اولی آباد
تعجیل ایله گل اُمّت حق تا اولا دلشاد
گلسن داخی اِنکار ایلمزشرعی بو اشرار
قوی تاج امامت باشا گل ای شه مختار

دین بیردی خدا بیردی رسول نقطۀ پرگار
یتمیش اوچ اولان فرقه ایدرحق اوزون اظهار
یتمیش ایکی سی فرقۀ باطلدی گنهکار
ای حاکم مطلق ندورحکمون بوله اغیار
قوی تاج امامت باشا گل ای شه مختار

ای حبل متین دین حقین امرینه بسته
کشتی گله دوشدی اولوری غرق وشکسته
گل ساحله چک غرقیدی بواُمّت خسته
پس پرده ده قالما اوزیوی ایله پدیدار
قوی تاج امامت باشا گل ای شه مختار

ای گنج ثَمین کُنج خراباتیده پنهان
کفرون سپهی چیره اولور گل شه خوبان
ای قائم حق قطب زمان محور امکان
هجران اودی دیوانه ایدور عاقلی آغلار
قوی تاج امامت باشا گل ای شه مختار

ای شمع شبستان اولان ای صورتی چون ماه
هجرانیوه یوخ تاب وتوان دل چکوری آه
سسلورسنی عاشق لر آقا با دل آگاه
بازارمحبتده سنه چوخدی خریدار
قوی تاج امامت باشا گل ای شه مختار

هرمحفل وعشق ایچره ایدوللر آدیوی یاد
یا مهدی بیا وردی اولوب دل لره فریاد
گل خانۀ ظلمون اولا تا بنیه سی برباد
طاغوت زمان ویرمور امان ذیقیده ابرا
قوی تاج امامت باشا گل ای شه مختار

ای وارث حیدر ولی الله و امامت
عاصی لره ای شافع اولان روزقیامت
بیرغمزۀ چشمونله اگر ایتسن عنایت
بو شیعه لرون جنّته گیتماقه تاپار بار
قوی تاج امامت باشا گل ای شه مختار

دنیا بویی وارشان ومقام عزّ وجلالون
قویما دلینه داغ غم و هجرجمالون
حقدن طلب ایت تا اولا قسمت او وصالون
(عدلی) او وصالونلا ایدرطبعینی سرشار
قوی تاج امامت باشا گل ای شه مختار

• یکشنبه
• 9
• خرداد
• 1400
• ساعت
• 23:08
• نوشته شده توسط
• یوسف اکبری

آختارورام تاپام سنی کوچه بکوچه کوبکو
عارض ماهوی گورم اولام سنیله روبرو

نورجمالون ایلیوب جلوه لیدی کون و مکان
مُشک ختن هواسی وارشهرودیاری سوبه سو

دامنیوه الیم چاتا ای گل سر زمین عشق
درد دل ایلرم سنه کلمه به کلمه مو به مو

تاریدن آیرولا تارون زلفیوه شانه کاش و یرام
گر چه صبااسر ایدر پیچ به پیچ و تو به تو

عشقون اورکده حکّ اولوب سنکیمی یاره عاشقم
شهرۀ شهرایدوب منی دل دله لیک خو به خو

تک نه من عاشقم سنه چوخلاری عشقیوه مرید
مهریوی حق ویروب بیزه چشمه به چشمه جوبه جو

سن خُم عنبرین سن عطریوی دولدوروب سما
توده اولورفضایه چون عطربه عطر وبو به بو

لعل لبوندی شهد گون کوثر و نیل و سلسبیل
مرده نی زنده ایلییر ذرّه به ذرّه مو به مو

غم یمه( عدلی) چوخ ویرور طعنه بو جاهل و دنی
لطفونی شامل ایلسه لال اولی هم اوهم ده بو

ساقی عزّتون ویروب بیردولی جام می سنه
اول می حقدی نوش ایله جام به جام سبو سبو

• یکشنبه
• 9
• خرداد
• 1400
• ساعت
• 23:12
• نوشته شده توسط
• یوسف اکبری

هارداسان ای یوسف زهرا اوکلر قاندی گل
دین گئدور تاراجه، فصل غارت ایماندی گل

سینه چاکان ولایت درده اولموش مبتلا
روزگارین گردشیندن شیعه لر گریاندی گل

مرده نامردی ائدوب حاکم بو چرخ فتنه گر
خار اولوب شخصیّت عشاّق سرگرداندی گل

آج یاتیر چوخلار دیینمور بیرکس ئوز دردینی
آبرو داران عصره زندگی زنداندی گل

شیعه نون تنها امیدی رجعتوندور سیّدی
سنسیز ای مولا شریعت گلشنی ویراندی گل

هاردادی نسوان چادر بر سر ایران زمین
تا کی گورسونلر نه فتنه حاکم ایراندی گل

بی حجابیله دولوبدور کوچه و بازاریمیز
یاندی قلبیم غیرت و وجدانیمیز عریاندی گل

گلمسون الدن گئدور ناموسمیز ای ذوالکرام
اهل تقوایه بودوران بیر یامان دوراندی گل

• سه شنبه
• 11
• خرداد
• 1400
• ساعت
• 16:24
• نوشته شده توسط
• یوسف اکبری

گل ای امام زمان غرق نعمت ایله بیزی
ایتیرمیشوک یولی مولا هدایت ایله بیزی

علی کی ئولدی عدالتده ئولدی دنیاده
علی گِدن یولا لطفونله دعوت ایله بیزی

بیزیمده گوگلیمیز ایستور کی اهل جنت اولاخ
به احترام رضا اهل جنت ایله بیزی

آماندی قویما کمنده دوشاخ او آهو تک
عمون رضایه گوره گل ضمانت ایله بیزی

• چهارشنبه
• 12
• خرداد
• 1400
• ساعت
• 11:43
• نوشته شده توسط
• یوسف اکبری

اولدی فراق یاریده اکبادیمیز کباب
یارب اولیدی هجر ایوی بو قلب تک خراب

مینلر بهاره رونق اولان یار اگر گَله
گُل فرش ایدر قدومینه شوقیله شیخ و شاب

یلدا کیمین او زلف لرین شرحدور اوزون
بیر تاری شرح اولاا، اولاجاق مین کتاب و باب

یارین وصالین ایستوری عشاقی بو زمان
یارب نولار دعالرینی قیلسان استجاب

بیر چشم مرحمت سالا گر ذرّیه نگار
اول ذرّه دن وجوده گلر مینلر آفتاب

از بس رفیعدور او شهین آستانه سی
صف النّعال درگهیدور خاک نه قباب

دلداده لر وجودی اولار وصل حایلی
محو ایتگلن وجودوی تا قالمیا حجاب

انگشتر وصاله (نگین) لایق اولماسان
الّا که شاهیمیز ایده فضلیله انتخاب

• چهارشنبه
• 12
• خرداد
• 1400
• ساعت
• 17:41
• نوشته شده توسط
• یوسف اکبری

ای عزیز مصطفی ای یوسف زهرا بیا
حافظ قرآن و دین ای حجت یکتا بیا

زینت ارض و سمایی حجت روی زمین
پادشاه انس و جنی ای شه والا بیا

ما خلق چشم انتظار و دل غمین از هجر تو
ای امام منتظر از غیبت کبری بیا

کل عالم بی تو گشته ظلمت محنت سرا
تو بتاب اندر افق بر ظلمت دنیا بیا

ماه و سال عمر من ای منتظر بی تو گذشت
انتظارم ای امام کل ما فیها بیا

عاشق رویت منم در حسرت دیدار تو
در کجا گردم به دنبالت من تنها بیا

در بقیع یا کربلایی سامرا یا کاظمین
هر کجا هستی عنایت کن دمی بر ما بیا

تا نیایی این دلم هرگز نمی‌گیرد قرار
می‌تپد در سینه ام ای مونس دلها بیا

(سالک) دل خسته ام مولا صدایت میزنم
انتظارم بی قرارم یوسف زهرا بیا

• چهارشنبه
• 12
• خرداد
• 1400
• ساعت
• 22:09
• نوشته شده توسط
• یوسف اکبری

نیلییم یارب گئنه آب و هوا آلوده دی
نی فقط آب و هوا کل فضا آلوده دی

بسکه قلبیم قان اولوبدور گردش ایامیدن
آز قالور جانیم چیخا صحن و سرا آلوده دی

دوشموشم درده دواسین تاپمیشام عمرومده لیک
چاره اولمور دردیمه چونکه دوا آلوده دی

مات و حیرانم دعاده بس نیه یوخدور اثر
مستجاب اولمور ندن گویا دعا آلوده دی

ایندی بیر دور زماندی یوخ عدالتدن خبر
دوز قضاوت ایلین آزدی قضا آلوده دی

درهم و دیناره خاطردی جهان فانیده
چوخ خیانتلر اولور پی دن بنا آلوده دی

بعضیسی کسب معاش ایلور ربادن روز و شب
درکی یوخ درک ایلسون فعل ربا آلوده دی

هر کیم عمرونده ربا و رشوه دن تأمین اولا
فرقی یوخدور شاه اولا یا که گدا آلوده دی

ایلین چوخدور خیانت دین اسلامه یقین
هر کیم ائتمور دینینی دینه ادا آلوده دی

کاش اولا اولگونکه (سالک) مهدی صاحب زمان
کعبه دن اولسون عیان دار فنا آلوده دی

گوزله یول حتما گلر عصر و زمانین صاحبی
پاک و اصلاح ایلیر هاردان هارا آلوده دی

• شنبه
• 15
• خرداد
• 1400
• ساعت
• 18:30
• نوشته شده توسط
• یوسف اکبری

مشکل گشا مهدی درده دوا مهدی
عاشقلرین سسلر مشکلده یا مهدی

گوزلرسنی گوزلر سن سن بیزه دلبر
مهدی اولوپ سوزلر کان سخا مهدی
مشکل گشا مهدی درده دوا مهدی
عاشقلرین سسلر مشکلده یا مهدی
جانیم اولا قربان هر دم سنه مولا

اولسام سنه نوکر عرض ائیلرم آقا
سن سن بیزه مولا ای زادهء طاها
ای سید والا دردانة زهرا
مشکل گشا مهدی درده دوا مهدی
عاشقلرین سسلر مشکلده یا مهدی

عهد تورا مولا من گرچه بشکستم
بایاد تو مستم من عاشقت هستم
کی می رسد مولا بر دامنت دستم
مشکل گشا مهدی درده دوا مهدی
عاشقلرین سسلر مشکلده یا مهدی

• پنج شنبه
• 27
• خرداد
• 1400
• ساعت
• 15:54
• نوشته شده توسط
• یوسف اکبری

ای منتقم خون شهیدان خدایی
ای مهدی زهرا گل طاها به کجایی
کی می شود آندم که رسد مژدة دیدار
بر درد همه در به دران چاره نمایی
ای جان جهان نور عیان یوسف زهرا
کی می شود آن طلعت زیبا بنمایی
این منتظران دیده تر از داغ فراقت
وین خونجگران خونجگر ازدرد جدایی
جانا به کجایی که فدایت همه جانها
در شهر نجف سامره یا کرب و بلایی
آن دیده که خون شد زغم جدّ غریبش
جانِ همة ما بودش جمله فدایی
باز آ که جهان منتظر آن رخ زیباست
کی می شود از پردة غیبت به در آیی
هر کس که بود سائل دربار ولایت
آید به درت ای شه خوبان به گدایی
خون شد زغم دوری تو دیدة یاران
کی می شود آیا که تو زیبا ز در آیی
ای پور حسن زادة زهرا گل نرگس
قربانیِ آن ، چشم تو این ، جان ولایی
ای مهدی مولا آقاجان هاردا قالیپسان
ای یوسف زهرا سنه جانلار اولا قربان
سنسیز آقاجان عمروموزون فایداسی یوخدی
بیر لحظه ده سنسیز یاشاماق بیزلره چوخدی

• پنج شنبه
• 27
• خرداد
• 1400
• ساعت
• 16:02
• نوشته شده توسط
• یوسف اکبری

آغلارام گیجه گوندوز آیری دوشموشم سندن
گوزلیور یولووی گوز آیری دوشموشم سندن
وار اورکده تک بیرسوز آیری دوشموشم سندن
آغلیرام دییللر دوز آیری دوشموشم سندن

قانه دوندی گوزلرده گوزیاشیم آقاسنسیز
تا نه وقته چان گوزلریوللارا باخاسنسیز
گوزیاشیم فراقیندن صورته آخا سنسیز
وار اورکده تک بیر سوز آیری دوشموشم سندن

آیریلیق دگول آسان گوزلریم سنه قربان
باغریم اولدی غمدن قان گوزلریم سنه قربان
ایله دردیمه درمان گوزلریم سنه قربان
یاره لر آچیپدی گوز آیری دوشموشم سندن

سسلیرم سنی دیلدن یانه یانه یامولا
لطف ائدیپ نظر ائیله عاشقانه یامولا
گوز یاشی فراقینده دوندی قانه یا مولا
قلبیدن گلیر سوز دوز آیری دوشموشم سندن

یوخ لیاقتیم اما عشقیوه گرفتارم
سویگولوم گولوم سنسن منده تکجه بیرخارم
من ولایی یام اما چوخلی معصیتکارم
آغلارام گیجه گوندوز آیری دوشموشم سندن

• پنج شنبه
• 27
• خرداد
• 1400
• ساعت
• 16:04
• نوشته شده توسط
• یوسف اکبری

شب میلاد نور آمد شب جشن و سرور آمد
مبارک باشد این میلاد که با آن عشق وشور آمد
یا مولا یا مهدی میلادتان مبارک

حقیقت را ثمر آمد شب هجران به سر آمد
در این شب مژده ای یاران جهان را تاج سر آمد
مبارک باشد این میلاد که با آن عشق وشور آمد
یا مولا یا مهدی میلادتان مبارک

شده یاران همه دلشاد زغمها گشته دل آزاد
به یاران این شب میلاد به لطف حق مبارک باد
مبارک باشد این میلاد که با آن عشق وشور آمد
یا مولا یا مهدی میلادتان مبارک

گیجه گیچدی سحر گلدی گول اوزلی بیر قمر گلدی
ایشیقلیق آرتدی دنیاده حقیقت جلوه گر گلدی
مبارک باشد این میلاد که با آن عشق وشور آمد
یا مولا یا مهدی میلادتان مبارک

آدی شیرین عسل گلدی سوزومده باش غزل گلدی
بیزیم مولاگوزل لیقدا گوزل لردن گوزل گلدی
مبارک باشد این میلاد که با آن عشق وشور آمد
یا مولا یا مهدی میلادتان مبارک

گل نرگس گل ریحان مبارک مقدم جانان
همه جانها بر او قربان که ما جسمیم و ایشان جان
مبارک باشد این میلاد که با آن عشق وشور آمد
یا مولا یا مهدی میلادتان مبارک

• شنبه
• 29
• خرداد
• 1400
• ساعت
• 20:48
• نوشته شده توسط
• یوسف اکبری

صدمژده یاران، ای غم گساران،
شدنیمةشعبان ، دنیاگلستان
جانها فدای رویت مولامهدی جان
خورشید رحمت، تاشد نمایان،
لبهای یاران شد ، زین مژده خندان
شد سامرا از ، روی تو روشن ،
وز حسن تو دنیا، شد باغ و گلشن
فرزند زهرا، دلبندحیدر
،همنام احمد ، جان محّمد
روشن شدعالم از ، آن ماه رخشان
جانها فدای رویت مولامهدی جان
ازشرق عصمت ، نوری دمیده ،
کزجلوة رویش ، شد خیره دیده
شد سامرااز ، آن روی زیبا ،
روشنتر از روز و ، چون ماه تابان
جانها فدای رویت مولامهدی جان
ای جان عالم ، بردوری تو ،
طاقت نداریم ما ، طاقت نداریم
در انتظارت ، مابیقراریم ،
مشتاق دیدارت ، ای گلعذاریم
در انتظارت ، ای یار زیبا ،
همواره روز وشب ، را می شماریم
قربان روی تو ، هم جسم و هم جان
جانها فدای رویت مولامهدی جان
هستی تو زیبا ، دلبندطاها
زیباتر ازماه ، رخسار جانان
مستضعفان از ، هجر تو گریان ،
باز آ که بخشی ، برغصّه پایان
جانها فدای رویت مولامهدی جان
سوزد ولایی ، از داغ این تب
دارد همیشه ، نام تو بر لب
خواهد که بیند ، روی تو یک شب،
با لطف تو گردد ، هر مشکل آسان
جانها فدای رویت مولامهدی جان
گلدی عزیزان، نیمة شعبان
اولدی گوزل گولدن ، دنیا گلستان
سیماسی گویچک، اولجاق نمایان ،
سسلندی شیعه لر، خوشحال وخندان
میلادین مهدی جان اولسون مبارک
گوزل لیقدا تک ، گل لر دن گویچک،
میلادین ای مولا، اولسون مبارک
مهدی یا مولا ، دلبند طاها
،جان سنه قربان ، مولامهدی جان
میلادین مهدی جان اولسون مبارک

• شنبه
• 29
• خرداد
• 1400
• ساعت
• 20:53
• نوشته شده توسط
• یوسف اکبری

عاشقان بشارت باد ، لطف کبریاآمد
غنچه ی گل نرگس مظهر صفا آمد
پور مرتضی، آمد، حجّت خدا آمد
عالمی منّورشد،نورکبریا آمد

با نگاه زیبایش، عالمی مسخّرشد
شادمان ازاین میلاد دودمان حیدرشد
با وجوداین شادی،عمرغصّه هاسرشد
چونکه یوسف زهرا مشعل هدی آمد
پور مرتضی، آمد، حجّت خدا آمد
عالمی منّورشد،نورکبریا آمد

گشته نیمة شعبان،آمد آن مه تابان
شیعیان همه شادان،از ولادت جانان
آمد آیت رحمان،جسم خاکیان را جان
حجّت خدا مهدی،علّت بقا آمد
پور مرتضی، آمد، حجّت خدا آمد
عالمی منّورشد،نورکبریا آمد

جان فدای آن مولا،اوکه یوسف زهراست
بستة به هر تارِموی اوهمه دلهاست
منتظر به دیدارش، چشم مردم دنیاست
برجهان قدم بنهاد، یارِدلربا آمد
پور مرتضی، آمد، حجّت خدا آمد
عالمی منّورشد،نورکبریا آمد

فاطمه دی آناسی،عسکری دی آتاسی
نرگسین گولی مهدی،گوزلرینین ضیاسی
جانیما گلیدی کاش، گوزلرینین قاداسی
مشعل هدی گلدی ،حجّت خداگلدی
عالمی ائدیپ روشن نورکبریا گلدی

صاحب زمان مهدی،ای جهانه جان مهدی
یولووی گوزوم گوزلور،جان عاشقان مهدی
جان اولا سنه قربان ، ایندی هارداسان مهدی
مشعل هدی گلدی ،حجّت خداگلدی
عالمی ائدیپ روشن نورکبریا گلدی

قلبیمی آلاندا غم،سسلرم آدین هردم
آدیوی یازیپ ویرّام هر یئره گوزل پرچم
ایلََرم جانی قربان ، نازلی گوزلری گورسم
مشعل هدی گلدی ،حجّت خداگلدی
عالمی ائدیپ روشن نورکبریا گلدی

• شنبه
• 29
• خرداد
• 1400
• ساعت
• 20:56
• نوشته شده توسط
• یوسف اکبری

منم غلام مهدی عاشق نام مهدی
مهدی جان عشق من ودلبرمن
مهدی جان رهبر من سرور من
منم غلام مهدی عاشق نام مهدی
مست می ولایم تشنة جام مهدی
تویی مولا عبد خدای لامکان
تویی مولا مظهر خلّاق جهان
فدای تو جان تمام خاکیان
فدای تو اهل زمین و آسمان
مهدی جان عشق من ودلبرمن
مهدی جان رهبر من سرور من
منم غلام مهدی عاشق نام مهدی
مست می ولایم تشنة جام مهدی
شعبان شد موسم میلاد شما
در هرجا گشته سخن یاد شما
یا مهدی ، جان به فدای روی تو
می خندد شیعة دلشاد شما
مهدی جان ،‌ عشق من ودلبرمن
مهدی جان ، رهبر من سرور من
منم غلام مهدی عاشق نام مهدی
مست می ولایم تشنة جام مهدی
یا مولا هاردا قالیپسان ای آقا
یا مولا گوزلریمیز باخیر یولا
یا مولا فاطمه نین عزیزی گل
یا مولا قویما کی قان یئرده قالا
مهدی جان عشق من ودلبرمن
مهدی جان رهبر من سرور من
منم غلام مهدی عاشق نام مهدی
مست می ولایم تشنة جام مهدی

• شنبه
• 29
• خرداد
• 1400
• ساعت
• 21:02
• نوشته شده توسط
• یوسف اکبری

نیمة شعبان گول آچیپ هامی دشت ودمن
بلبل اوخورلاله یانیر گوزل اولموش چمن
نرگس آچیپ گوزلرینی گول آچیپ یاسمن
غنچة باغ نبوی آقا یابن الحسن
نوگل زهرا وعلی آقا یابن الحسن

ای سوزومون باش غزلی آقاجان هارداسان
لبلری شیرین عسلی آقاجان هارداسان
تک گل گلزار علی آقاجان هارداسان
جمله گوزل لر گوزلی آقاجان هارداسان
گل سخن وغنچه دهن آقایابن الحسن

درپی دیدار تو ام شده ام بی قرار
می کند آن خال رُخ ات دل ما را شکار
کی شود آن دم که شود مه ما آشکار
مست جمال تو شوند همه خرد وکبار
هست به هرلحظه سخن آقا یابن الحسن
غنچة باغ نبوی آقا یابن الحسن
نوگل زهرا وعلی آقا یابن الحسن

واله وسر مست ، همه پی دیدار تو
گوشة چشمی زتو بس که شوم یار تو
ای به فدای نگه و لب و گفتار تو
چون تو طبیبی همه را همه بیمار تو
پادشه کلّ زمن آقایابن الحسن
غنچة باغ نبوی آقا یابن الحسن
نوگل زهرا وعلی آقا یابن الحسن

بیز سنه فدیه اوزوموز آقاجان هارداسان
چوخدی اورکده سوزوموزآقاجان هارداسان
یولدا قالیپدی گوزوموز آقاجان هارداسان
قربان اولیدیم سنه من آقا یابن الحسن
غنچة باغ نبوی آقا یابن الحسن
نوگل زهرا وعلی آقا یابن الحسن

تک سنه عالمده آقا یاراشیر سروری
برهمگان رهبری وبه جهان سروری
بهر حکومت به خدا زهمه بهتری
اولدی ولایی آقاجان قاپیزین نوکری
دردین اگر واردی دینن آقایابن الحسن
غنچة باغ نبوی آقا یابن الحسن
نوگل زهرا وعلی آقا یابن الحسن

• شنبه
• 29
• خرداد
• 1400
• ساعت
• 21:12
• نوشته شده توسط
• یوسف اکبری

یار مهربان گلدی
شاه انس و جان گلدی
سا مره ا یشیقلا ند ی
صاحب الزمان گلدی

گلدی جان پیغبر
نو ر دیده ی حیدر
میوه ی دل ز هرا
مهدی همایون فر

دینه باغبان گلدی
جان جاودان گلدی
سا مر ه ایشیقلاندی
صاحب الزمان گلدی

گلدی یوسف ز هرا
سالدی خلقته غوغا
آی بولوطدا گیزلندی
گون ده اولدی نا پیدا

یا ر گلفشان گلدی
چهره.گول .نشان. گلدی
سامر ه ایشیقلاندی
صاحب الزمان گلدی

گلدی یا ر مظلو مان
غمگسار مظلو مان
عدل و داد قر آ نه
جان وئره گول ایمان

قلعه ی امان گلدی
مصلح جهان گلدی
سامره ا یشیقلاندی
صاحب الزمان گلدی

ما ه د لر با گلدی
شا ه ا و لیا گلدی
عشقینون .صفاسیندن
د للر ه صفا گلدی

دینه باغبان گلدی
جان جاودان گلدی
سا مره ایشیقلاندی
صاحب الزمان گلدی

• شنبه
• 5
• تیر
• 1400
• ساعت
• 11:48
• نوشته شده توسط
• یوسف اکبری

گلل نر گس - گل زهرا علی
آی گو ز لر گو ز لی
قیصر رومه شرف نور جلی
لطف حی ازلی
آدی مهدی .ئوزی زهرا گوزلی

شرف عشقه صفا
آدی هر درده دوا
مو لا مو لا - یا بن الزهرا

گل حیدر مه ایوان ولا
هدف عشقه جلا
یوزی مرآت تجلای خدا
نور مصباح هدی
قاشلاری معنی محراب دعا
شرف عشقه صلا
گوز لری جام می صلح و صفا
درد اسلامه دوا

شرف عشقه صفا
آدی هر درده دوا
مو لا مو لا - یابن الزهرا

ای گل ناز گلستان حرم
بیزه بیر ایله کرم
حسن افکاریوه عاشقدی قلم
بیزه بیر ایل کرم
آقا گل نازیوی گلسن چکرم
بیزه بیر ایله کرم
یولوا گول توکرم . گول سپرم
بیزه بیر ایله کرم

شرف عشقه صفا
آدی هر درده دو
مو لا مو لا - یابن الزهرا

• دوشنبه
• 7
• تیر
• 1400
• ساعت
• 12:32
• نوشته شده توسط
• یوسف اکبری

ای گل زهرای اطهر
شهر یا ر ملک باور
جشن میلادون مبارک
،مهدی یامولا
د لد ا د ه ی زهرا

عرش حقدن سس گلور
جان یوسف زهرا <۲>
جشن میلادون مبارک
مهدی یا مولا

نو گل زیبای نرجس
ملک عشقین شاهی سنسن
آسمان عشق نابین
مهری سنسن ماهی سنسن
معنی شمس الضحا نین
چل چراغ راهی سنسن
کوثرقرآندا اعطینایه پر معنا
د لد ا د ه ی زهرا

عرش حقدن سس گلور
جان یوسف زهرا <۲>
جشن میلادون مبارک
مهدی یا مو لا

ای گل ایمان اعظم
جشن میلادون مبارک
جان زهرا جان خاتم
جشن میلادون مبارک
غمگسار اهل عا لم
جشن میلادون مبارک
قا ئم آل محمدروح عاشورا
د لد ا ده ی زهرا

عرش حقدن سس گلور
جان یوسف زهرا <۲>
جشن میلادون مبارک
مهدی یا مو لا

هم شرافت شهریاری
هم نجابت تاجدار ی
ما ه ایوان شریعت
مکتب عشقین وقاری
صاف اولان دللر شعاری
عدل و دادین اعتباری
منتقمسن وارث طوفان عاشورا
د لد ا د ه ی زهرا

عرش حقدن سس گلور
جان یوسف زهرا<۲>
جشن میلادون مبارک
مهدی یا مو لا

• چهارشنبه
• 9
• تیر
• 1400
• ساعت
• 13:09
• نوشته شده توسط
• یوسف اکبری

ای سفیر کبریا ... افتخار انبیا
دلربای فاطمه ... جلوهءعشق.خدا

گل رخ پیغمبری
عرش حقین زیوری
زیب عرش کبریا
یاد گار حیدری

ای - یوسف زهرا . عشقیمین شهدی
روحیم صفاسی . جانا نیم مهدی

ای گل باغ تبارک
جا ن سنه قربان

ای عزیز فاطمه ... دللره وردون صفا
مقدمیندن نو آلور... طاق عرش کبریا

گویده.عرش.اهلی.آچوب
پرچم جشن و سر و ر
یئرده عاشقلر قوروب
مجلس میلاد نور

ای- عشقی جاویدان . ماه دلا را
رحمت رحمان . یو سف زهرا

ای گل باغ تبارک
جان سنه قر با ن
جشن میلادین مبارک
جان سنه قر با ن

ای گل عشق خدا عشقیوه عالم فدا
روح عشقوندورسنون درداسلامه.دوا

ای ولایت محوری
بینوا لر یا و ر ی
ابرظلمت دوتدی گل
عرش عشق و باوری

گل ماه سعا دت شمس هدایت
و ا ر ث تیغ شا ه ولایت

ای گل باغ ولایت
جان سنه قر با ن
جشن میلادون.مبارک
جا ن سنه قر با ن

• چهارشنبه
• 9
• تیر
• 1400
• ساعت
• 13:10
• نوشته شده توسط
• یوسف اکبری