اشعار ترکی مخصوص امام زمان (عج)

مرتب سازی براساس
 رامین محمد زاده

غزل حضرت امام زمان(عج) -(واردی سیزدن بیر سوالیم خانه آغلار ؟آغلاماز ؟) * رامین محمد زاده

319

غزل حضرت امام زمان(عج) -(واردی سیزدن  بیر سوالیم خانه آغلار ؟آغلاماز ؟) واردی سیزدن بیر سوالیم خانه آغلار ؟آغلاماز ؟
ئولسه صاحب خانه‌لر کاشانه آغلار ؟آغلاماز ؟

مست‌اولوب‌خوار ایلسه‌ئوز ساقیسین‌میخاره‌لر
ساقینون احوالینه میخانه آغلار ؟آغلاماز ؟

عشق جامین‌سیندیریب‌گوزدن‌شرابی سالسالار
سینه‌سی ایلوب وَرم پیمانه آغلار ؟آغلاماز ؟

شمعی‌مظلوم ایلیوب ظلمیله خاموش ائتسه‌لر
شمعین اوسته اوتلانان پروانه آغلار ؟آغلاماز ؟

زلفوین نظمین پوزوب یئل‌لر داغیتسا بیر گونی
گورسه‌پوزقون‌تئل‌لرون‌گُور شانه‌آغلار؟آغلاماز؟

آشنالر ئوز دیاریمده منی گوزدن آتوب
سهلیدور دوسلار منه بیگانه آغلار ؟آغلاماز ؟

عشقه‌خاطر‌هر‌نَئیم وار وئرمیشم بیر جان‌قالیر
گُور منه اوستون جیران دیوانه آغلار ؟آغلاماز ؟

ایله ویران اولموشام درد فراقونان گوزل
حالیمه مخروب اولان ویرانه آغلار ؟آغلاماز ؟

من #پریشانم ‌منی‌ درد‌ فراقین‌ یاندیریب
من کیمی دنیاده بو هجرانه آغلار ؟آغلاماز؟

  • چهارشنبه
  • 22
  • بهمن
  • 1399
  • ساعت
  • 14:46
  • نوشته شده توسط
  • یوسف اکبری
ادامه مطلب
فروشگاه پرچم
 رامین محمد زاده

حضرت امام زمان(عج) -(شمس رخسارونده سایسیز آی ستاره گورسنور) * رامین محمد زاده

294

حضرت امام زمان(عج) -(شمس رخسارونده سایسیز آی ستاره گورسنور) شمس رخسارونده سایسیز آی ستاره گورسنور
بیر خزان‌سان کی دالونجا مین بهاره گورسنور

بیرگورَن‌گُوز ایستیور‌ گُورسون‌کی‌غم‌مانوسی‌سن
روحیون سر تا سرینده چوخلی یاره گورسنور

خوش‌گونه‌عادت ائدن‌لرخوشلوقی سندَن‌آلوب
سرنوشتیون بَس نَدَن بیر بیله قاره گورسنور

کیپریگیم آلتیندا گویا حَک ائدوبلر آدیووی
گُوز یومولجاخ گوزلره آدون دوباره گورسنور

گوزلرینده بیر گوزلیک وار منی مَست ایلیور
دشمنه باخما بو گوزلر سنگ خاره گورسنور

او گوزون بولمز عیارین عشقه نا محرم اولان
هاردان اُول گوزلر عیاری ؛ بی عیاره گورسنور

گوزلرون گوزدی و یا مرجاندی یا الماسیدور
یا شرابِ نابیدور چشم خماره گورسنور

من مسلمانم منی کافر ائدر آخر گوزون
گل گوزومدَن باخ ، او گوزلَر ماهپاره گورسنور

هر زادا اوخشاتدیم آخر اَول دَیَرلی گوزلرون
گوردوم اولمور ، گوزلرون چشم نگاره گورسنور

گوز علینون گوزلریمیش کُفر نعمت ائتموشم
چونکی عِینُ الهی‌دور ، پروردگاره گورسنور

ای #پریشان یوسف زهرایه یالوار صدقیله
بلکه گوردون گوزلری بو چشم زاره‌ گورسنور

  • چهارشنبه
  • 22
  • بهمن
  • 1399
  • ساعت
  • 14:51
  • نوشته شده توسط
  • یوسف اکبری
ادامه مطلب
 رامین محمد زاده

شب یلدا و امام زمان(عج) -(یوسف فاطمه مین یوسف زیبایه دییر) * رامین محمد زاده

365

شب یلدا و امام زمان(عج) -(یوسف فاطمه مین یوسف  زیبایه دییر) یوسف فاطمه مین یوسف زیبایه دییر
یَد و بازوسی ، یدِ حضرت موسایه دییر

جان وئرور مُردیه عیسا ، چاغرور یا مهدی
نجه بَس من دئمیوم هر دمی عیسایه دییر

قدی قد قامت اسلامیدی عباس کیمین
قامتین صاف ائلسه عرش معلایه دییر

یوزده کی قاره خالی نقطه بِسمِ‌لَه دی
نَبوی خالیدی چون مُهر تولایه دییر

شب یلدادی اُوزون بیر گجه ، مهدی آقامون
هجرینون هر گجه‌سی مین شب یلدایه دییر

  • چهارشنبه
  • 22
  • بهمن
  • 1399
  • ساعت
  • 15:07
  • نوشته شده توسط
  • یوسف اکبری
ادامه مطلب
 مجید قلعه بیگی

حضرت مهدی(عج) -(شهریاریم گَل بیزی هجرونده نالان ائیلمه) * مجید قلعه بیگی

265

حضرت مهدی(عج) -(شهریاریم گَل بیزی هجرونده نالان ائیلمه) شهریاریم گَل بیزی هجرونده نالان ائیلمه
رحم ائله بو فرقتینلن قلبی القان ائیلمه

بوندان آرتیق صبریمیز یوخدور آغا دیل یاریه
چوخ پریشانوخ سنی زهرا پریشان ائیلمه

آچ نقاب زولفی روئیندن ایشقلانسین جهان
ال چالان ناکسلری شاد و خرامان ائیلمه

علتی واردی دعالر بی اثردی مهربان
بیز پیسخ سن یاخشیسان پیس یاخشی دیوان اییلمه

تیر مژگانین کونول مولکونده اَکمیش لاله لر
بیله گلزاری غم هجرینده ویران ائیلمه

سن صداقت اهلیسن چوخدور فقیرین مثلی شه
قلزم جود و کرمسن لطفی نقصان ائیلمه

  • جمعه
  • 24
  • بهمن
  • 1399
  • ساعت
  • 17:41
  • نوشته شده توسط
  • یوسف اکبری
ادامه مطلب
 مجید قلعه بیگی

حضرت مهدی(عج) -(ناخدای کشتی آلعبا یابن الحسن) * مجید قلعه بیگی

486

حضرت مهدی(عج) -(ناخدای کشتی آلعبا یابن الحسن) ناخدای کشتی آلعبا یابن الحسن
ای یگانه منجی دهر فنا یابن احسن
هارداسان ای لنگر ارض و سما یابن الحسن
سینه لردن کوچ ایدوب حُجب حیا یابن الحسن
فرشیدن عرشه چیخوب ظلم و جفا یابن الحسن

بیز سنی وئرّوخ قسم فتاح خیبر حیدره
قانیله الوان اولان یثربده کی میخ دره
کربلاده دین و حق اوسته کسیلمیش اللره
غارتین اول گیر و دارینده عقیق انگشتره
گَل اوزون آچ پرچمِ عدلی آقا یابن الحسن

سن علیّ اصغرین نازک بوغازی داده گل
قطعه قطعه اکبره خاطر آقا امداده گل
سن بیل عمّون زینبون قانلی باشی فریاده گل
گون به گون طغیان ایدیر ظلم و ستم دنیاده٬ گل
دردمندوخ یاحبیبی وئر دوا یابن الحسن

کشور ایران محّب عترت اطهاریدی
منبع روحِ شرف سرلوحهٔ احراریدی
حیف تبعیض و تملّق منشأ آزاریدی
غصه ی درد جوانان بیر فقط بیکاریدی
سن اوزون بو ملتی ایله دعا یابن الحسن

قویما بو گول تک جوانلارین ایوی برباد اولا
پرچم عدلی اوزون گل آچ ایوین آباد اولا
داعش و تکفیریلر ایستیر نفاق ایجاد اولا
وئر « فقیره» سوزِ شعری مطلبی انشاد اولا
یاندیریر بو قلبیمی درد و بلا یابن الحسن

  • جمعه
  • 24
  • بهمن
  • 1399
  • ساعت
  • 17:46
  • نوشته شده توسط
  • یوسف اکبری
ادامه مطلب
 مجید قلعه بیگی

درد و دل با حضرت مهدی(عج) -(یتیر‌ امداداه یا مهدی جهان کانون شر اولدی) * مجید قلعه بیگی

274

درد و دل با حضرت مهدی(عج) -(یتیر‌ امداداه یا مهدی جهان کانون شر اولدی) یتیر‌ امداداه یا مهدی جهان کانون شر اولدی
او عصر جاهلیّتدن بو دوران چوخ بتر اولدی
نجابتدن خبر یوخدی شرف زیر و زبر اولدی
سن آگهسن ندن مولا دعالر بی اثر اولدی

شرافت اولسا انساندا اوزون هر جلوه یه سالماز
گر اولسا غیرت آثاری تظاهر فکرینه قالماز
گوزی نامحرمه باخماز دف نامردینی چالماز
حلالدان سود اَمن اوغلان بِولله قاشلارین‌آلماز
گینه حق سوزلری مولا «فقیره» دردسر اولدی

سینَم پاتدیر گلایم وار، او بی غیرت آتالاردان
او بی ایمان و بی عصمت او عفّت آنالاردان
سراپا ائیلیر آرایش، اولور غافل بالالاردان
یانیندا او قیزی واللاه چیخیر مین بیر اَدالاردان
بو تزینات شیطانی آنالاردا هنر اولدی

قیزا از بس وئروب زینت اوزاقدان چون عروسکدی
تفاخر ائیلیر اقوامه قیزیل گول تک قیزیم تکدی
ایتیردیم رشتهٔ بحثی سوزوم هاردان هارا چکدی
آتا دینمیر، دینه بولمور نیه؟ چونکی مترسکدی
فراری قیزلارا باعث او بی غیرت پدر اولدی

منی بو غمده دیندیرمه یانیخ قلبیم الولاندی
بو نه اوضاعدی ایراندا، بو نه آئین قرآندی؟
نمادی روسری باشدا فلاکت عرشه قوزاندی
همان مادر که عرض ایتدیم اوزی استاد شیطاندی
گوز آچ سن بی تعصب باخ!!! بو دوراندا نَلر اولدی

بیزه شهرت اولوب مکه گیدخ حجّه اولاخ حاجی
بیری محتاج نان شب ایویندن اولدی اخراجی
بیرینده وار اوقدری پول بیری گون مزد محتاجی
قالوب ازبسکی قارنی آج اوزونی ایئلیر حراجی
بو غمده صاحبِ عصرین یانیخ قلبی ملر اولدی

یازان فرق ائیلمز کیمدی فلانی یا «فقیر» اولسون
گرکدی شیعهٔ حیدر علی تک دست گیر اولسون
مگر انصافدور بیر قیز جهاز اوسته اسیر اولسون
آتاسی غصه مرگ اولسون آناسی غمله پیر اولسون
چوخ انسان تاپمادی چاره ایویندن دربدر اولدی

  • جمعه
  • 24
  • بهمن
  • 1399
  • ساعت
  • 20:02
  • نوشته شده توسط
  • یوسف اکبری
ادامه مطلب
 مجید قلعه بیگی

انتظار فرج -(غبار خاک راهون ای نگاریم سجده گاهیم دور) * مجید قلعه بیگی

246

انتظار فرج -(غبار خاک راهون ای نگاریم سجده گاهیم دور) غبار خاک راهون ای نگاریم سجده گاهیم دور
طریق عشق پاکون هر زماندا شاهراهیم دور

یاغور انوار بی همتا او شرف نوری جمالیندن
نه سوئلر سوئله سین اوزگه، دوداقین قباه گاهیم دور

سنین عشقیندن آیریلمام، آیریلام بندبندیمدن
یانیخ قلبیم آخان اشکیم، بو فرقتده گواهیم دور

نچه مدتدی گوزیاشیم منیم تنها امیدیم دور
نچه مدتدی ویرانه منیم تنها پناهیم دور

نگاریم پرده دن دای چیخ، فراقه طاقتیم یوخدور
بو هجرانی وصال ائیله گوزل، فریادِ آهیم دور

اگر نالایقم اما، سنین لطفون فراوندور
من آگاهم بو هجرانه، منیم چوخلی گناهم دور

فقیرم یوسف جانان گوز آلتی لطف ائله بیر باخ
سنین او گوشه چشمیم جهاندا تکیه گاهیم دور

  • شنبه
  • 25
  • بهمن
  • 1399
  • ساعت
  • 22:09
  • نوشته شده توسط
  • یوسف اکبری
ادامه مطلب
 مجید قلعه بیگی

حضرت ممهدی(عج) -(ای یوسف زهرا کجایی) * مجید قلعه بیگی

1042
-1

حضرت ممهدی(عج) -(ای یوسف زهرا کجایی) «در سبک من مانده ام تنهای تنها»

ای یوسف زهرا کجایی-فریاد از این هجر و جدایی
جان زهرا کی میایی
ذبح القفا را روضه خوانی-یادر مزار بی نشانی
غایب از چشم جهانی

کی میرسد یوم وصالت،،بیقرارم بیقرارم
چینم گل بوسه ز خالت،،بیقرارم بیقرارم

سلطان عشقی دادخواهی-بر مُلک دلها پادشاهی
تکیه گاهی سرپناهی
تو طالب خون حسینی-تو وارث بدر و حنینی
نورعینی مهر و ماهی

دیگر بُریدیم از فراقت ،،یابن زهرا یابن زهرا
محتاج یک گوشه نگاهت یابن زهرا یابن زهرا

عاشق سئور گورسون نگارین-باشه یتورسون انتظارین
بوشلاسین دار و ندارین

دار و نداریم نقدجاندی-گل فرقتیندن جاندا یاندی
وئردی الدن اختیارین

هجران منی سالدی ایاقدان،،یابن زهرا یابن زهرا
قلبیم اولوب سینمده شان شان یابن زهرا یابن زهرا

ای مظهر ختم رسالت-وی وارث خون ولایت
یوخدی طاقت بو فراقه
قانلار کی آخدی کربلاده-قویما قالا مولا آراده
گل یتوشدی جان دوداقه

گل ذوالفقار الده هرایه،،جان زینب جان زینب
عصیان چیخوبدی نُه سمایه جان زینب جان زینب

  • شنبه
  • 25
  • بهمن
  • 1399
  • ساعت
  • 22:35
  • نوشته شده توسط
  • یوسف اکبری
ادامه مطلب
 مجید قلعه بیگی

غزل حضرت مهدی(عج) -(گَل بیرگجه نی باهم اولاخ زار گلینجه) * مجید قلعه بیگی

236

غزل حضرت مهدی(عج) -(گَل بیرگجه نی باهم اولاخ زار گلینجه) گَل بیرگجه نی باهم اولاخ زار گلینجه
گولزاره گیداخ لاله دَیخ، خار گلینجه

ای شام سیاهیمده یتیر، پارلیان اولدوز
گَل سیره چیخاخ بو گجه اغیار گلینجه

بلبلری تا مست ایلیَح آغلاماقیلان
هجران یتیریر، دیدهٔ خونبار گلینجه

جان نقدیله آللام سنی من، کامه یتیررم
تا مصریده بازاره خریدار گلینجه

سن مملکتِ عشقیده سلطان وفاسن
لطف ائیله منه طعنهٔ گفتار گلینجه

بیر بیله گوزلیک که سنه پای وئروب الله
ناز اییلمه گَل جانیمی آل، دار گلینجه

مهلت وارکن باخ «خویا» وار چوخ سنه عاشق
تک من دگول، باخ منه زوّار گلینجه

چوخ چکمویجخ عالمی گلزار ایدَجکسن
یول گوزلویوروخ لحظهٔ دیدار گلینجه

یاریم بَگَنر من بولورم شعرِ « فقیری»
منده یازارام شعریمی سردار گلینجه

  • شنبه
  • 25
  • بهمن
  • 1399
  • ساعت
  • 22:50
  • نوشته شده توسط
  • یوسف اکبری
ادامه مطلب
 مجید قلعه بیگی

غزل حضرت مهدی(عج) -(بیرده گر ایسته دیگیم یاریله دیداریم اولا) * مجید قلعه بیگی

272

غزل حضرت مهدی(عج) -(بیرده گر ایسته دیگیم یاریله دیداریم اولا) بیرده گر ایسته دیگیم یاریله دیداریم اولا
او قَدَر یالوارارام تا کی هواداریم اولا

حسرتین چکموشم ائیلّر بویی گیزلین گجه لر
بلکه بازاره گلوب سانکی خریداریم اولا

یانموشام هجریده، سینمده گلوب افغانه
ینه انصاف دگول یاندیرا دلداریم اولا!

زولفونون عطرینی من باد صبادن آلورام
قورخورام ناز اییلیه تاکی گرفتاریم اولا

اونون ابروی کَجی ایتدی کمان قامتیمی
یری وار ایندی هامی مایهٔ آزاریم اولا

گوزلری قتلیمه فرمانی وئروبدی بولورم
آغاجی کاشکی قولی تللریده داریم اولا

من ازلدن گوزونون لبلرینین خسته سیم
جانیمی آلماقا کاش فرصت دیداریم اولا

گورمه میش عاشقییم بیر بئله تحقیر ائیلمه
اؤپرم اللرینی، مَحرم اسراریم اولا

ینه قلبی داریخوب یازدی « فقیرخوئی»
حجرالأسودیم او لبده کی شهواریم اولا

  • شنبه
  • 25
  • بهمن
  • 1399
  • ساعت
  • 22:54
  • نوشته شده توسط
  • یوسف اکبری
ادامه مطلب
 مجید قلعه بیگی

غزل حضرت مهدی(عج) -(ای صبا دوشسه گذارین مه لقالر کوئینه) * مجید قلعه بیگی

433

غزل حضرت مهدی(عج) -(ای صبا دوشسه گذارین مه لقالر کوئینه) ای صبا دوشسه گذارین مه لقالر کوئینه
سویله یاره بی نظر سال مبتلالر کوئینه

باوفادور شأنینه نقصان یتیرمز بیر محبت ائیلسه
گلسه او سلطان خوبان بینوالر کوئینه

قاره بختم، عشق سوداسینده تاوان وئرمیشم
آه کی یول تاپمادیخ زولفی قرالر کوئینه

آشنا اولدوخ غمیله، آشنالیخ گورمه دیخ
بی سبب یول سالمیشوخ دیر آشنالر کوئینه

نقد جانی ساخلیوب کونلوم کفِ اخلاصیده
سویلیون دلداره گلسون جانفدالر کوئینه

عشقدن محروم اولان مجنونی تحقیر ائیتمسون
عشق سالموش شیخ صنعانی بلالر کوئینه

خاک راهون توتیای چشم ایدن عاشقلرون
بی سبب یوز قویمویوبلار دلربالر کوئینه

گه غمه شهلر اولور پابسته گاهی ده فقیر
خوش اونون اقبالینه چاتدی صفالر کوئینه

  • دوشنبه
  • 27
  • بهمن
  • 1399
  • ساعت
  • 09:24
  • نوشته شده توسط
  • یوسف اکبری
ادامه مطلب
 مجید قلعه بیگی

حضرت مهدی(عج) -(منم پور حیدر،امام زمان) * مجید قلعه بیگی

372

حضرت مهدی(عج) -(منم پور حیدر،امام زمان) منم پور حیدر،امام زمان
عدالت فرم مهدیِ قهرمان
منم حقّ مستضعفانی آلان
منم شیعهٔ حیدره پاسبان
نقدری گوروب ظلمی دل داغلویام
منی کی عدالت فرین اوغلویام

فقط آیة الله عُظما منم
فقط رهبر اهل تقوا منم
نگهبان آیین طاها منم
علیدن سورا شاه عقبا منم
بابام وئردیقی سرّ هو منده دی
بو طوماره چوخ بندهدشرمنده دی

بابا ای شهنشاه عالی هدف
امیر دو عالم نگار نجف
بو گلزاره چوخ چیخدی هرزه علف
ایاقلاندی هم عزت و هم شرف
بابا آچ گوزون ظلم و تبعیضه باخ
نلر اولدی گوزلردن اولسون ایراخ

نه عالی عدالت رعایت اولور
نه تبعیص ظلم و خیانت اولور
نه منبر نه کرسی له غارت اولور
نه اسلام آدیلا جنایت اولور
اول آسوده یوخدی ستم گستری
نه واردی جفا، نه چپاولگری

حقوق جماعت مقرر اولوب
هامی بیربیرله برادر اولوب
یتیمان غنی له برابر اولوب
نه غنچه جوانلاردا پرپر اولوب
جهاندا نه جبار و خونخوار وار
نه آج وار نه بیرکس بدهکار وار

هامی اهل حق یار قرآنیدی
طرفدار آئین و ایمانیدی
هامی دشمن ظلم و شیطانیدی
بورا مهدِ جاناندی رضوانیدی
ز بس بیربیره هامّی خدمت ایلیر
ملائك بو خلقه حسادت ایلیر

نه واردی مجالسده بحث فساد
نه واردی جواندا غم اعتیاد
چیخوب رأس منبرلره عدل و داد
فقط واردی تشویق یوخ انتقاد
تاپانمور یازا فاز منفی «فقیر»
هامی سو کیمی پاکیدی بی نظیر

  • سه شنبه
  • 28
  • بهمن
  • 1399
  • ساعت
  • 22:28
  • نوشته شده توسط
  • یوسف اکبری
ادامه مطلب
 مجید قلعه بیگی

غزل حضرت مهدی(عج) -(می امیدیله گلوردم باغلادین میخانه نی) * مجید قلعه بیگی

245

غزل حضرت مهدی(عج) -(می امیدیله گلوردم باغلادین میخانه نی) می امیدیله گلوردم باغلادین میخانه نی
عاقبت پوزدون فراقینده دل دیوانه نی

همدم اولدون سن رقیبمله،منی ویردین یره
سانما بو ایشده مقصر، عاشقِ بیگانه نی

منده چون مجنون کیمی چوللردی وادیم،خسته یم
دیللره سالام جنون تک منده بو افسانه نی

مبتلای درد عشق اولدوم،گرک عشقه یانام
چوخ قیناردیم روز وشب من قصهٔ پروانه نی

موج اشکیم قورخورم ایش وئرسین آخر قلبیمه
سوزِ جاناندان بنا قیلدوم اوگون کاشانه نی

یدّی گویده قالمویوب ایندی منیم بیر اولدوزوم
وئرمه رم خلد برینه ایندی بو پیمانه نی

درد بی درماندی بو قصه آلیش جیزلان «فقیر»
خشتِ حسرتله بنا قیلدون آخی غمخانه نی

  • پنج شنبه
  • 30
  • بهمن
  • 1399
  • ساعت
  • 11:42
  • نوشته شده توسط
  • یوسف اکبری
ادامه مطلب
 مجید قلعه بیگی

انتظار فرج -(هارداسان ای نازلی یاریم شهریاریم هارداسان) * مجید قلعه بیگی

452
-1

انتظار فرج -(هارداسان ای نازلی یاریم شهریاریم هارداسان) هارداسان ای نازلی یاریم،شهریاریم،هارداسان
مهربان،شیرین زبان،ای تاجداریم هارداسان

چکموشم یارا خیالیمده ائله گول صورتین
هر گوزلدن سن گوزلسن سن نگاریم، هارداسان

چکموشم غنچه لبونده،دوزلی بیر خال سیاه
دم به دم وئررام او خاله بوسه،یاریم هارداسان

گلموسن،گلسن گجه گوندوز دولاننام باشیوه
روز و شب یولدا قالوب چشم خماریم هارداسان

سن اوزون یاخشی بولورسن هجریوه یوخ طاقتیم
وصلیوه چوخ بیقرارم،ای قراریم هارداسان

اولماسام وصلینده لایق ای عزیز فاطمه
بیر گوزآلتی لطف ائله،نولار،وقاریم هارداسان

وصلیوه سرمست اولوب،وصفینده نقصان ایلدیم
یابن زهرا گل اولوب دیلده شعاریم،هارداسان

پادشاهیم،دادخواهیم،عالمینین گوهری
من «فقیرم» یعنی ای دار و نداریم هارداسان

  • یکشنبه
  • 3
  • اسفند
  • 1399
  • ساعت
  • 21:59
  • نوشته شده توسط
  • یوسف اکبری
ادامه مطلب
 مجید قلعه بیگی

فراق یار -(عرش خدا را قائمه ای) * مجید قلعه بیگی

287

فراق یار -(عرش خدا را قائمه ای) فارسی

عرش خدا را قائمه ای
مانده ی نسل فاطمه ای

آیتِ عشقی نفسِ دین مبینی
تو شرف و تاج سر روح الامینی
ای،،کرمش دریا
گُل،،پسر زهرا
وارث خیر الابشر و شاه دل آرا
یابن الحسن یابن الحسن یوسف زهرا(2)

هر شب جمعه دیده ترم
بر در هئیت مینگرم

سینه زنان مویه کُنان دیده به راهم
فاصله بین من و تو داده گناهم
من،،غرق گناهم
تو،،پشت و پناهم
دست من و دامن تو روی سیاهم
یابن الحسن یابن الحسن یوسف زهرا(2)

ترکی

عالم امکانین گوزلی
رحمتی زهرا،عدلی علی

لطف ائله زهرایه گوره بو سسه سس وئر
گل آغاجان شیعه لره تازه نفس وئر
ای،،صاحب صولت
گَل،،معدن غیرت

آنداولا عباسه بیزی یوردی بو فرقت
یابن الحسن یابن الحسن یوسف زهرا(2)

شمع رخون پر‌انه سیم
خالِ لبون دیوانه سیم

چوللری محزون دولانان حالیوه قربان
گول دوداقیندا او قارا خالیوه قربان
یابن الحسن یابن الحسن یوسف زهرا(2)

  • یکشنبه
  • 3
  • اسفند
  • 1399
  • ساعت
  • 22:07
  • نوشته شده توسط
  • یوسف اکبری
ادامه مطلب
 مجید قلعه بیگی

درد دل با حضرت امام زمان(عج) -(السلام ای ایکی دنیانین اولان سلطانی) * مجید قلعه بیگی

338

درد دل با حضرت امام زمان(عج) -(السلام ای ایکی دنیانین اولان سلطانی) السلام ای ایکی دنیانین اولان سلطانی
السلام ای شرفین حیثینین میزانی

السلام ای دژ مستحکم آیات بلا
آغلادان درد و غمی زین اَب کبرانی

گینه قلبیم داریخوب آنداولا آغلار گوزوه
ظلم و تبعیض و تملّق داغیدور دنیانی

ای علینون بالاسی شاه عدالت اوغلی
یوخ عدالتدن اثر ظلم دوتوب هریانی

آغا گل رحمه بو ملته سن بیل زهرا
قویما افغان و یمن،مصره دونه ایرانی

علوی شیعه لرون رهبری سنسن آغاجان
لشگر و ارتشیدی شیعه لرون ایمانی

یا علی دئ اوزون آچ پرچم عدلی آغاجان
گلمه سن صاحبیمیز یوخدی بیزیم،وجدانی

گورنه هنگامه سالوب دهریده داعشله سعود
الده بازیچه ائدوبلر علناً قرآنی

شمر و خولی و سنان،حرمله یومدی گوزونی
گوزلرون آچدی ولی اوللارون هم پیمانی

منبریز غارت اولوب آنداولا زهرا آدینا
سن کی یاخشی گوروسن بو ستم و ایذانی

بعضیسی تخت طلاده یاتیری صبحه کیمی
بعضی نین یاتماقادا یوخدی یری وجدانی

بئله تبعیض و تملق بیزی جانه گتوروب
پوزوری رشوه ربا مملکتِ ایرانی

پِش چکوللر که علی شیعه سیوخ صبح و مسا
مرتضی هاردا گزَوب شهرلری پنهانی

یازورام قلبمی یاندیردی گینه بو مطلب
بشرون فهمینه توهین ایلوری چندانی

حال انسان هله مشغولیدی یارانَیله
بیری ده دَب ائلمیشدی سبدِکالانی

اغنیا عیشیده مشغولیدی،ذلّتده «فقیر»
گورسن شیرخدانین بویودی میزانی

  • یکشنبه
  • 3
  • اسفند
  • 1399
  • ساعت
  • 22:20
  • نوشته شده توسط
  • یوسف اکبری
ادامه مطلب
 مجید قلعه بیگی

حضرت امام زمان(عج) -(ای رهبر کون و مکان) * مجید قلعه بیگی

508

حضرت امام زمان(عج) -(ای رهبر کون و مکان) فارسی

ای رهبر کون و مکان
ای صاحب عصر و زمان
ذکر لبِ اهل جنان
مهدی آقاجان

گل واژه ی شور و شعف
دروازه ی شهر شرف
امیّدِ امام نجف
مهدی آقا جان

نوای مان،شنو خدای عاشقان
دگر بُریده ایم از این فراق یار مهربان

هر صبح و مسا
دستم به دعا
بیا بیا بیا بیا

دیوانه شدیم -- رسوایِ زمانه شدیم

دلبند یگانه ی عشق
دُر دانه ی خانه عشق
شاهنشه مُلک وفا
مهدی آقا جان

سرمایه ی آل عبا
بند دل خیر نسا
مُردیم ز غم تو بیا
مهدی آقا جان

به عرش لامکان رسد صدایمان
دگر برُیده ایم از این فراق یار مهربان

شمس ازلی
دلبند علی
بیا بیا بیابیا

دیوانه شدیم-- رسوایِ زمانه شدیم

ترکی

ای قبله ی رازیم آغا
گَل، رهبرِ نازیم آغا
سن پرده نشین اولاسان
دنیا نیه لازم آغا

رسوا اولاروخ--بیکس قالاروخ

ای فاطمه نون گوزلی
گَل،مانده ی نسل علی
یوخ بیزده فراقه دوزوم
گلَ شیعه لر اولدی دلی

هایانداسان دعا ائله ظهوریوه
گَلَخ او جمعه دسته جمعی سینه زن حضوریوه

گوزلرور سنی انس و مَلک
حیراندی زمین و فلک
هایانداسان هایانداسان

تنها قالاروخ--رسوا اولاروخ

  • یکشنبه
  • 3
  • اسفند
  • 1399
  • ساعت
  • 22:24
  • نوشته شده توسط
  • یوسف اکبری
ادامه مطلب
 حاج اصغر فرشچی

انتظار فرج -(صورت نا دیده گر تصویر اولا مشکلدی بو) * حاج اصغر فرشچی

384

انتظار فرج -(صورت نا دیده گر تصویر اولا مشکلدی بو) صورت نا دیده گر تصویر اولا مشکلدی بو
سوز که ناسنجیده دی تفسیر اولا مشکلدی بو

زاهد ومفتی وصوفی اولماق آسان دور ولی
نفس دیوی جسمیده زنجیر اولا مشکلدی بو

کفرو استبداد ایوین ممکندی که ویران اولا
لیک هرکاخ ظلموله تعمیر اولا مشکلدی بو

نچّه گون ممکندی جاهل دهریده قاضی اولا
هر طرفدن علم اگر تحقیر اولا مشکلدی بو

پیر نادان گرچه آسان مسندی گتدی اله
عقل و دین گر تابع اول پیر اولا مشکلدی بو

خانۀ ایمانی بخّ بخّیله سندیردی گر
رَیب وتزویره جهان تسخیراولا مشکلدی بو

مثل روبه حیله ایتدی حق یولونی باغلادی
بولمدی چون شیرغافلگیراولا مشکلدی بو

بعد احمد قطب عالم حیدرو اولادی دور
آیری برنامه اگر تقدیراولا مشکلدی بو

کیمسه بیت المالیدن ناحق ایده گر سد جوع
غیرخاک گوریلن گر سیر اولا مشکلدی بو

سهل ساندی کفریله هرغزوه نی مولا علی
اوچ نفرده گوردی گر تزویر اولا مشکلدی بو

بارالها اذن ویرعصرین امامی تا گله
ناخدایه بحریده تأخیر اولا مشکلدی بو

قوی سوزی بی پرده عرض ایلوم بولون
یاخشی یا پیسدی اگرتدبیراولا مشکلدی بو

کافر مسلم نمایوخ بیزده یوخ تسلیم حق
(عدلینون ) بو نغمه سی تحریر اولا مشکلدی بو

صورت ابیاتینی گرایستسن تغییر ویر
قلب لرده بو زمان تأثیر اولا مشکلدی بو

  • جمعه
  • 8
  • اسفند
  • 1399
  • ساعت
  • 22:21
  • نوشته شده توسط
  • یوسف اکبری
ادامه مطلب
 محمدرضا محمدی (ناعم)

سرود ولادت امام زمان(عج) -(بیا تو ای یارم_به غم گرفتارم) * محمدرضا محمدی (ناعم)

322

سرود ولادت امام زمان(عج) -(بیا تو ای یارم_به غم گرفتارم) بیاتوای یارم/به غم گرفتارم
زدردهجرانت مولا همیشه بیمارم
تویی تودلدارم/امیروسالارم
بلای عشقت را آقا زدل خریدارم
بیااباصالح۴

تویی گل نازم/شکوه آوازم
توبال پروازم مولا توبال پروازم

مخالف

تویی دردودرمانم مولا مولا
تویی روح و ریحانم مولا مولا
تویی دین وایمانم مولا مولا
بیا توای یارم/به غم گرفتارم
بلای عشقت را آقا زدل خریدارم
بیا اباصالح۴

زتو صفاخواهم/زتوعطاخواهم
شب ولادت یا مخدی کرب وبلا خواهم

مخالف

ای نورچشم زهرا مولا مولا
مصلح کل دنیا مولا مولا
وصلت پایان غمها مولا مولا
بیاتوای یارم............

گل ای امیدجان/سنه جانیم قربان
جهانی گل اصلاح ایله که ظلم ایدوب طغیان

مخالف

سنسن مهرازلی مولا مولا
آل طاهاگوزلی مولا مولا
عشقون شیرین غزلی مولا مولا
بیاتوای یارم.......

  • دوشنبه
  • 11
  • اسفند
  • 1399
  • ساعت
  • 22:57
  • نوشته شده توسط
  • یوسف اکبری
ادامه مطلب
 محمدرضا محمدی (ناعم)

سرود ولادت حضرت مهدی(عج) -(گلدی سپهر عشقین ماه تابانی) * محمدرضا محمدی (ناعم)

309

سرود ولادت حضرت مهدی(عج) -(گلدی سپهر عشقین ماه تابانی) گلدی سپهر عشقین ماه تابانی_روشن ائتدی نوری عرض و سمانی
آچدی باغ وصحراده عطریلی لاله_ عالم بو عطریله دوندی جنانه
اهل ولایه سروردی مهدی_کل عالمه رهبردی مهدی.
مبارک اولسون(۲)

منیم آقام تکدی، عالمه بزکدی،گوزللر ایچینده، گوزلدی مهدی
حُسنی دلارادی،عالمه مولادی، غیرت و ایثاره، مَثَلدی مهدی
منجی عالم،مهدی دی مهدی،وارث خاتم مهدی دی مهدی
مبارک اولسون(۲)

مهدینون یوزونده،نور شرافت وار، حقه بشارت وار،شور و صفا وار
کرملی الینده،جودو سخا واردی،اهل تولایه، لطف و عطا وار
مهدی آقادی، نور هدی دی،کویونده والله، حاتم گدادی
مبارک اولسون(۲)

  • دوشنبه
  • 11
  • اسفند
  • 1399
  • ساعت
  • 23:21
  • نوشته شده توسط
  • یوسف اکبری
ادامه مطلب

حضرت مهدی(ع) -( شعريمه بير آيری حلاوت ويروب) * جابر ولد پور

409

حضرت مهدی(ع) -( شعريمه بير آيری حلاوت ويروب) شعريمه بيرآيري حلاوت ويروب
خادم دركاهينه شوكت ويروب

قامت رعناسينه قربان اولوم
ديدة شهلاسينه قربان اولوم

مهدي درواندي اباصالحون
نام دل آراسينه قربان اولوم

موسي عمراندي يقين كه اونون
طورتجلاسينه قربان اولوم

قالب بيروخيمه حان ويرديكي
اول دم عيساسينه قربان اولوم

انجمن عشق و شرافتده كي
منطق شيواسينه قربان اولوم

پردۀ غيبتده قالان ياريمون
سيرت و سيماسينه قربان اولوم

يازماميشام دلبر و دلداريمون
لعل شكرخاسينه قربان اولوم

ميكدة عزت و اجلاليده
مستي صهباسينه قربان اولوم

ياريمون اون دورد كجه ليك آي كيميت
صورت زيباسبنه قربان اولوم

من هارا مهدي هارا اي اهل دل
رتبةاعلاسينه قربان اولوم

آيت كبرادي اباصالحين
دلت فرداسينه قربان اولوم

باربلادن قوتاران عالمي
دست تواناسينه قربان اولوم

حيدر اولوب مشكل آجان اللره
با يد بيضاسينه قربان اولوم

ياكي قتيل العبرات اوغلونون
همت والاسينه قربان اولوم

رهبر بينا دل هشياريمون
باشدا كي غوغاسينه قربان اولوم

ديدة خونباريله قلبينده مي
مخشر مبراسبنه قربان اولوم

بير بيله سوزدن صورا خلاقيمون
آيت كبراسينه قربان اولوم

من كي ديديم بند دل خاتمون
نركس شهلاسينه قربان اولوم

سيزده ديون حضرت بيغمبرون
يوسف زهراسينه قربان اولوم

نامة اعمالينون آخركجه
ايتديكي امضاسينه قربان اولوم

  • پنج شنبه
  • 21
  • اسفند
  • 1399
  • ساعت
  • 12:25
  • نوشته شده توسط
  • یوسف اکبری
ادامه مطلب
 محمدرضا محمدی (ناعم)

سالروز امامت حضرت مهدی(عج) -(یابن الزهرا باشووا تاج امامت یاراشور) * محمدرضا محمدی (ناعم)

346

سالروز امامت حضرت مهدی(عج) -(یابن الزهرا باشووا تاج امامت یاراشور) یابن الزهرا باشووا تاج امامت یاراشور
قدووه قامتووه جامه ی عزت یاراشور

ای حسینون گوزل اوغلی سنه جانلارقربان
ایده جبریل سنه، قول کیمی خدمت یاراشور

سن اوشه سن که سلاطین جهان بنده وندی
الووی اوپمگه سلطان و رعیت یاراشوز

حوریلرخاک رهون سرمه ایده ر گوزلرینه
ایاقین تپراقین اتسون گوزه زینت،یاراشور

چوخلاری یوسفی ویرمیشلا گوزه لیکده مثل
یوسف اماچکه دیدارووه حسرت یاراشور

نجه کی یوسفی گورجک چوخی کسدی الینی
یارادامعجزه،زیبایی صورت یاراشور

کسیلر اللری یوسفده سنی گورسه آقا
اولماقابنده قاپوندا چکه منت یاراشور

گوزوموزیولدادی گل سایووه آل شیعه لری
اوگوزل شانووه کرسی خلافت یاراشور

شیعه نین دادینه گل ظلم اولونور شیعه لره
امتیندن آقا گر اتسه حمایت یاراشور

عیدزهرادی آچوبدور الینی سایللر
ایده سن سایلووه لطف وکرامت یاراشور

قبرزهرایه گیدنده بیزیده یادووه سال
شاهدن نوکرینه، لطف ومحبت یاراشور

ملک ایرانداسنه جشن امامت قورولوب
شاهینه امت ایده عرض ارادت یاراشور

مین امیدیله یازوب بوسوزی خلقه اوخودی
ویره سن (ناعمه) ده قول شفاعت یاراشور

  • پنج شنبه
  • 21
  • اسفند
  • 1399
  • ساعت
  • 12:30
  • نوشته شده توسط
  • یوسف اکبری
ادامه مطلب
 مهدی عبادی(بیکس)

در فراق یار -(مولا مولا شده دل ها بیقرارت یا مهدی) * مهدی عبادی(بیکس)

424

در فراق یار -(مولا مولا شده دل ها بیقرارت یا مهدی) مولا مولا شده دلها بیقرارت یا مهدی
مولا مولا عالمی چشم انتظارت یا مهدی

ای شهِ ارض و سما ای پناه عالمین
به جهان مولا تویی وارثِ خون حسین

حجّتِ روی زمین/ثمرِ باغ بتول
منتظر مانده به رَه/همه دلهای ملول

مولا مولا یابن زهرا یا اباصالح مدد

مولا مولا ایکی دنیاده نگاریم یا مهدی
مولا مولا ای منیم دارو نداریم یا مهدی

ای عزیزِ فاطمه ای شهنشاهِ جهان
یوخدی طاقت هجریوه تز گَل آقا هارداسان

بوقَدَر آیریلیقا/بولوسن یوخدی دوزوم
سنی زهرا جانی گَل/سنه قربانم اوزوم

مولا مولا یابن زهرا یا اباصالح مدد

مولا مولا ای امید اهل عالم یا مهدی
از هِجرِتو شده عالم غرق ماتم یا مهدی

شیعیان را در جهان اهل ظلمت میکُشد
یَمن و شام و عراق انتظارت میکِشد

یادِتو بر دل ما/می دهد نور و ضیا
تو خودت دعا بُکن/یابن العسکری بیا

مولا مولا یابن زهرا یا اباصالح مدد

یابن الحسن عالَمه لطف و صفا سنسن آقا
یابن الحسن خسته دیللر دینجَلر گَلسن آقا

ای علینون وارثی گَل الونده ذوالفقار
گلماقون مولا یقین کاخِ کفری تز یخار

ای اولان ماهِ مُنیر/ماسوایه مقتدا
گَل گَلن یوللاریوا/عالمین جانی فدا

مولا مولا یابن زهرا یا اباصالح مدد

  • جمعه
  • 22
  • اسفند
  • 1399
  • ساعت
  • 22:08
  • نوشته شده توسط
  • یوسف اکبری
ادامه مطلب
 محمدرضا محمدی (ناعم)

شب جمعه و آرزوی فرج -(دللرده واردی شور و نوا جمعه آخشامی) * محمدرضا محمدی (ناعم)

436

شب جمعه و آرزوی فرج -(دللرده واردی شور و نوا جمعه آخشامی) دللرده واردی شور و نوا جمعه آخشامی
مایلدی دیده آغلاماقاجمعه آخشامی

امواتی یادائدون صلواتیله بوگجه
ویرسون جزای خیرخدا جمعه آخشامی

مشهد،مدینه،قمدا،نجفده،بقیعده
واردورهوای کرب وبلا جمعه آخشامی

کرب وبلا یریندن اسور کلّ عالمه
آلامیله نسیم عــــــــزاجمعه آخشامی

مهدی یانارحسینه گوره سینه داغلیار
خلوتده آغلیارآقاماجمعه آخشامی

ایلردعاظهورینه اول مظهر شرف
آل علینون حقین آلا،جمعه آخشامی

عجّل فرج دیلینده اگرشیعه ی علی
خوشدوراوشاهی ائتسه دعاجمعه آخشامی

شیعه گرکدی آغلیاهجران یاریدن
گوزیاشوزه وئره له بهاجمعه آخشامی

هردردوزاولسادلده ظهوره ائدون دعا
حاجاتوزی ائده له روا،جمعه آخشامی

(ناعم)دوگَر ملالیله باب کرامتــــی
شاهیمدی مهدی،منده گدا جمعه آخشامی

  • جمعه
  • 29
  • اسفند
  • 1399
  • ساعت
  • 11:20
  • نوشته شده توسط
  • یوسف اکبری
ادامه مطلب
 مهدی عبادی(بیکس)

سرود ولادت حضرت مهدی(عج) -(یک‌ گل ز باغ نرجسی دمیده ) * مهدی عبادی(بیکس)

499

سرود ولادت حضرت مهدی(عج) -(یک‌ گل ز باغ نرجسی دمیده ) یک‌ گل
ز باغ نرجسی دمیده
مولایمان زه ره رسیده
جهان اگر شود گلستان
چنین گلی کسی ندیده

دنیا
ز یُمن مقدمت چراغان
ای سرورم امیر خوبان
خوش آمدی ای دلبر من
فدای تو سر و تن و جان

اگرچه من پلید و زشتم
برای تو چنین نوشتم
ندارم آرزوی جنّت
فقط توی تویی بهشتم

آقام آقام آقام آقام عزیز زهرا

سن سیز
بو عالمین بهاسی یوخدی
یرین‌گویون صفاسی یوخدی
کیم‌عشقیوه اولوب گرفتار
بو دردین هیچ دواسی یوخدی

مولا
قاپوندا عبد روسیاهم
اسیر جرم‌ و اشتباهم
بیر کیمسه یوخ منه هوادار
الیمی دوت کی بی پناهم

یابن الحسن امید طاها
دوشوبدی دردا اهل دنیا
خلایقین گوزی قالوبدی
او اللرونده یابن زهرا

اوزون بو قلبه گل صفا ویر
اورکده دردیمه دوا ویر
آقالیقیندان هیچ آزالماز
گَل عیدیانه کربلا ویر

آقام آقام آقام آقام عزیز زهرا

ارباب
اوزون قوتار بو انتظاری
چکور زبانه دل شراری
سنه فقط امیدیمیز وار
گل ای اورکلرین قراری

شیعه
دوشوب بلالره جهاندا
توکولّه قانین هر مکاندا
شمادت ایلوری اجانب
دیولّه بس آقاز هایاندا

اله دوشوب گینه بهانه
سرشکیم آخدی یانه یانه
ای عالمین پناهی تز‌گل
اورک گلور گینه فغانه

بو آیریلیق اویمی یخدی
سیزیلتیم آسمانه چیخدی
بو (بیکَسه) اوزون نظر قیل
منی غم زمانه سیخدی

آقام آقام آقام آقام عزیز زهرا

  • جمعه
  • 29
  • اسفند
  • 1399
  • ساعت
  • 15:06
  • نوشته شده توسط
  • یوسف اکبری
ادامه مطلب
 مهدی عبادی(بیکس)

غزل فراق -(هر گوز گوزلیم لایق دیدار اولا بیلمز) * مهدی عبادی(بیکس)

1030
1

غزل فراق -(هر گوز گوزلیم لایق دیدار اولا بیلمز) هر گوز گوزلیم لایق دیدار اولا بیلمز
هر مدعی عشق کی دلدار اولا بیلمز

چوخلار چکیلر داره ولو عشقینه خاطر
هیچ‌کیمسه ولی میثم تمّار اولا بیلمز

عشق اوسته چکر عاشق بی چاره مصائب
اما گوره سن عشقه وفادار اولا بیلمز

مجنونی اگر یاندیرالار کوی وفاده
صبر ایلمه سه یاره سزاوار اولا بیلمز

بیر یوسف کنعانه گره پیچم الهی
اول شاهه من زار گرفتار اولا بیلمز

گردیده ی لطفون چکه بیر لحظه باشیمدان
یر گوی هامیسی گلسه مددکار اولا بیلمز

عرضیم بودی بیر لحظه منه لطف ایله ارباب
من تک سنه دوزدی آقا سرباز اولا بیلمز

هرچند سنون لایق شانون دگولم من
سن تک گله همسایه من خوار اولا بیلمز

چوخلار اولوب عالمده شها حسنووه عاشق
سویله گوروم آخر بو گنه کار اولا بیلمز؟

بیر پرده چکوب گوزلریمه ظلمت عصیان
علّت اودی رخساریوه زوّار اولا بیلمز

سن باخما منه غرق گناهم، کَرم ایله
من روسیهَ سن کیمی غمخوار اولا بیلمز

گر گلشن جنّتده گوزل گوللر آچیلسا
شاها ولی سن تک گل بی خار اولا بیلمز

عمروم ده قوتولسا غم عشقون قوتولانماز
هرچند گدا شاهه هوادار اولا بیلمز

(بیکَس)نچه ایلدی یانیسان نار فراقه
هر گوز ولی بول دیده ی بیمار اولا بیلمز

  • جمعه
  • 29
  • اسفند
  • 1399
  • ساعت
  • 15:14
  • نوشته شده توسط
  • یوسف اکبری
ادامه مطلب
 مهدی عبادی(بیکس)

سرود ولادت حضرت مهدی(عج) -(گلدی وارث ختم الانبیا) * مهدی عبادی(بیکس)

366

سرود ولادت حضرت مهدی(عج) -(گلدی وارث ختم الانبیا) گلدی /وارث ختم الانبیا
ایتدی/عالمی حُسنی با صفا
مژده/ای اهل عالم تز گَلون
گلدی/مُنتَقم خونِ خدا

نور جمالین ایتدی عیان
سامره اولدی رشک جنان
بو گجه بایراملیق آلاجاق
سسله سه آدین کیم اوجادان

ای شاه ماسوا/یابن الحسن آقا
جانیم سنه فدا/خوش گلموسن آقا

سَروِ/گلشن طاهادی آقام
ماهِ/انجمن آرادی آقام
مثلین/عالَم وآدم گورمییب
به به/گورنجه زیبادی آقام

گورنه یارالدیب حیّ قدیر
یوخدی بونا مانند و نظیر
گورمه میش هامّی عاشقیدی
قلبیلری تسخیر ایلییر

ای شاه ماسوا/یابن الحسن آقا
جانیم سنه فدا/خوش گلموسن آقا

وَجهی/وَجه خدای لَم یَزل
یوخدی/شأنینه لایق بیر غَزل
یوسف/گَلسه اوزی اقرار ایدر
مهدی(عج)/خلق اولونوب مندن گوزل

گیزلنوب ایندی شمس و قمر
طلعتِ مولا ویردی ثمر
گوشه ی چشمیله باخا گر
عالمین اهلین یوسف ایدر

ای شاه ماسوا/یابن الحسن آقا
جانیم سنه فدا/خوش گلموسن آقا

جدّی/حیدره تای حبل المتین
الله/ویردی اونا اوز قدرتین
شمشیر/آلسا اَله آزاد ایدر
غمدن/جدّی پیمبر اُمتین

گَله جاق حق ،زَهَقَ باطل
دوراجاق کفریله مقابل
نجه عبّاسین قاباقیندان
قاچا بولمز قوم اراذل

ای شاه ماسوا/یابن الحسن آقا
جانیم سنه فدا/خوش گلموسن آقا

  • جمعه
  • 29
  • اسفند
  • 1399
  • ساعت
  • 15:15
  • نوشته شده توسط
  • یوسف اکبری
ادامه مطلب
 مهدی عبادی(بیکس)

سرود ولادت حضرت مهدی(عج) -(بو گیجه روشن اولوب لیله ی تاریم) * مهدی عبادی(بیکس)

430

سرود ولادت حضرت مهدی(عج) -(بو گیجه روشن اولوب لیله ی تاریم) بو گیجه روشن اولوب لیله ی تاریم
قوتاریب فصل خزان گلدی بهاریم
دیون عاشقلره هجران باشا چاتدی
سوسَپون کوچه لره گلدی نگاریم

صفا تاپوب فرح لنوبدی دیللر
ویرله سس ،سسه هامی عاشقلر

گوزل آقام گوزل آقام یامهدی (عج)

قدرتیم یوخدی یازام جاه و جلالین
چکدی نقاش اَزل ماه جمالین
اهل عالم یغیشا شرح ایده بولمز
صاق یوزونده اوتوران هاشمی خالین

بو شاهکار خالق یکتادی
یازام گرک که یوسف زهرادی

گوزل آقام گوزل آقام یامهدی(عج)

باشاباش حسنودی نُزهَتدی صفادی
یوزی مرآت تجلّی خدادی
او هلالی قاشی محراب عبادت
گوزلری چشمه ی پرفیض بقادی

یوزون گورن اولاردی غرق حیرت
قیامت ایلیوبدی قد و قامت

گوزل آقام گوزل آقام یامهدی (عج)

یوزی تفسیریدی آیات مبینه
زلفی طعنه ویروری حبل متینه
شأنه باخ کیمده بیله واردی مقامات
قنداقی زینت اولوب عرش بَرینه

نشان رحمت حق یکتادی
نگاریمین جمالی بی همتادی

گوزل آقام گوزل آقام یامهدی (عج)

مرغ روحیم آقاجان ایلدی پرواز
گوشه چشمیله باخ ایله سرافراز
(بیکَسوخ )سن ایکی دنیا کسیمیزسن
بیزه بایراملیق آقا کرب و بلا یاز

قاپوزدا بیر نفر قیتمز مولا
بو جمعی کربلایه تیز تیز یولا

گوزل آقام گوزل آقام یامهدی(عج)

  • جمعه
  • 29
  • اسفند
  • 1399
  • ساعت
  • 15:36
  • نوشته شده توسط
  • یوسف اکبری
ادامه مطلب
 مهدی عبادی(بیکس)

سرود ولادت حضرت مهدی(عج) -(گلون ای عاشقلر صفا تاپوب دیللر) * مهدی عبادی(بیکس)

388

سرود ولادت حضرت مهدی(عج) -(گلون ای عاشقلر صفا تاپوب دیللر) گلون ای عاشقلر/صفا تاپوب دیللر

سیلین سوپورون یوللاری/یولدان گلوب دلبر

آقام اباصالح 3
مولا آقام اباصالح

دولدور قَدح ساقی/ور بیر میِ باقی

می ولایتدن تز تز/ مست ایله عشّاقی

شمس هدایتدی/معدن عزّتدی

بویوردی جدی پیغمبر /طاووس جنّتدی

عزیز طاهادی /وارث مولادی

بو تازه مولوده به به /مشتری زهرادی

صاحب زمان گلدی/قلبه توان گلدی

حسینیون یا فاطمه/ قانین آلان گلدی

(بیکَس) و بی یارم/سنه گرفتارم

نولور او ششگوشه قبره /گورم کی زوّارم

  • جمعه
  • 29
  • اسفند
  • 1399
  • ساعت
  • 15:42
  • نوشته شده توسط
  • یوسف اکبری
ادامه مطلب
 مهدی عبادی(بیکس)

سرود ولادت حضرت مهدی(عج) -(جهان شده روشن زِ یُمن میلادت) * مهدی عبادی(بیکس)

533
1

سرود ولادت حضرت مهدی(عج) -(جهان شده روشن زِ یُمن میلادت) (مناسب شورکف زنی)

جهان شده روشن /زِ یُمن میلادت
صفا گرفته دل /زِ روی زیبایت
به انتظارتو /طالب دیدارت
نشسته ام در راه /خمار صَهبایت

خوش آمدی مولا

کرمده دریادی /شفیع عقبادی
عزیز اهلِ کَسا /وارث طاهادی
قامتی دل آرا /جمالی زیبادی
بسدی بو شانینده /عزیز زهرادی‌

خوش آمدی مولا

صفای قلبم تویی /دوای دردم تویی
باعث آرامشِ /این دل سردم تویی
طراوت و شادی / این رخ زردم تویی
ذکر زبان منی /همیشه وِردم تویی

خوش آمدی مولا

آچوب گوزل بیر گول /بیت ولایتده
گوزل بیر اختر دور / فُلک امامتده
دعوت اولوب هامی /شب ولادتده
غرق ایده جاق عالمی/ لطف و عنایتده

خوش آمدی مولا

شد سامرا رضوان / ز خاک پای تو
ملائکه خُشنود /ز صوت نای تو
شفای عالم در /جرعه دوای تو
رسد به گوش دل / پس کی صدای تو

خوش آمدی مولا

جهانه رهبردی /وارث حیدردی
وصی ربِ الحق /ساقی کوثردی
حُجّت والادی / حضرت داوردی
اهل جهانه آقام /پناه و یاوردی

خوش آمدی مولا

  • جمعه
  • 29
  • اسفند
  • 1399
  • ساعت
  • 15:48
  • نوشته شده توسط
  • یوسف اکبری
ادامه مطلب
راهنمای علائم موجود در فهرست:
عدد کنار این علامت نشانگر تعداد کاربرانی ست که این مطلب را پسندیده و به دفترچه شعر خود افزوده اند
عدد کنار این علائم نشانگر میزان محبوبیت شعر یا سبک از نظر کاربران می باشد
اشعار ویژه در سایت برای کاربران قابل دسترس نیست و فقط از طریق خرید اپلیکیشن مورد نظر این اشعار در داخل اپلیکیشن اندرویدی قابل رویت خواهند بود
این علامت نشانگر تعداد کلیک یا بازدید این مطلب توسط کاربران در سایت یا اپلیکیشن می باشد