چه چیزی را میخواهید جستجو کنید؟
یوسف فاطمه مین یوسف زیبایه دییر
یَد و بازوسی ، یدِ حضرت موسایه دییر
جان وئرور مُردیه عیسا ، چاغرور یا مهدی
نجه بَس من دئمیوم هر دمی عیسایه دییر
قدی قد قامت اسلامیدی عباس کیمین
قامتین صاف ائلسه عرش معلایه دییر
یوزده کی قاره خالی نقطه بِسمِلَه دی
نَبوی خالیدی چون مُهر تولایه دییر
شب یلدادی اُوزون بیر گجه ، مهدی آقامون
هجرینون هر گجهسی مین شب یلدایه دییر
شهریاریم گَل بیزی هجرونده نالان ائیلمه
رحم ائله بو فرقتینلن قلبی القان ائیلمه
بوندان آرتیق صبریمیز یوخدور آغا دیل یاریه
چوخ پریشانوخ سنی زهرا پریشان ائیلمه
آچ نقاب زولفی روئیندن ایشقلانسین جهان
ال چالان ناکسلری شاد و خرامان ائیلمه
علتی واردی دعالر بی اثردی مهربان
بیز پیسخ سن یاخشیسان پیس یاخشی دیوان اییلمه
تیر مژگانین کونول مولکونده اَکمیش لاله لر
بیله گلزاری غم هجرینده ویران ائیلمه
سن صداقت اهلیسن چوخدور فقیرین مثلی شه
قلزم جود و کرمسن لطفی نقصان ائیلمه
اي خالِقين يراوسته كي سيماسي هارداسان
وی خلقتون کليدِ مُعَمّاسی هارداسان
آئينه ي جلال خداوندِ لامكان
حقّ عشقينون حقيقی تجلاّسی هارداسان
عالم ياراندي پنج تنين عشق پاكينه
آل اللَّهين بقيَّه و ماناسي هارداسان
فرزند صالح و خلفِ ختم مرسلين
پيغمبرين نشانه ی زيباسي هارداسان
مولا علی مثالی عدالتده يؤخ تايون
اي حيدرين سُلالۀ والاسی هارداسان
زهرا باغينداعطرلی گل چوخدی بی گمان
ای نرگسون گُلی؛گؤزی شهلاسی؛هارداسان
جود و كرمده قافه مثاليدی مجتبی
قاف كرمده پَر ويران عنقاسي هارداسان
جدّون حُسَيْنْ دينه فدا وئردی هر نه سين
ای جدّی تک؛قيامين الف باسي هارداسان
سجّاديدن عبادتي هر عابد ئورگنر
ای سجده سين سِئوَن حقِ يکتاسی هارداسان
باقر مثالی علمی سؤکوب تازه دن قوشان
دهرين يگانه عالم و داناسی هارداسان
نشر ايليوبدي شيعه ني صادق جهان آرا
اَهل تشيُّعون ايکی دنياسي هارداسان
موسي ابن جعفراون نئچه ايل دوشدی زندانا
زندانی لر اميدي ؛ شکيباسي هارداسان
زهر جفا رضانی شهيد اِئتدی طوسيده
شمس الشّموس زائر شيداسي هارداسان
جود جوادي اي هامي دنيايه گوسترن
جود و كرامت اهلی نين آقاسي ؛ هارداسان
گل سامراده هادي عشقه سلام ايله
طعنه ويرولاّ ايندي ده اعداسي ؛ هارداسان
آند اؤلسون عسكري ده اؤلان وقر و هيبته
يوخ شيعه نون فراقوه ياراسي هارداسان
سن لنگر زمين و زمان سان بو دهريده
سن سن بهشت سدره و طوباسي؛هارداسان
آخر نه قدري حسرتيلن گوز تيكيم يولا
گل درديمين علاج و مداواسي هارداسان
بير يؤل دا مطلعه قاييديب؛ سؤيله(آذرين)
اي خالِقين يراوسته كي سيماسي هارداسان
مژده ويرون شيعيان جسميلره گلدي جان
تاج امامت قويوب باشينه صاحب زمان
اي گل باغ جنان _ مهدي صاحب زمان
مهدی زهرابوگون عالمه سلطان اولوب
شیعه لرین دیلده کی دردینه درمان اولوب
شاه جهان فاتح قلعه دیوان اولوب
گولدی گل و گلستان نوریله دولدی جهان
بیربیله شاهین جهان جانینه قربان اولا
شهد و عسل دن گرک باغ و گلستان دولا
شادوخرامان ویرر شاه و گدا قول قولا
شکرکی اولدون امام حیف کی اولدون نهان
دیلده کی آلاموه شیعه لر اولسون فدا
یاخجی ذخیره ایدوب سن کیمی شاهی خدا
گوش به فرماندیلار امروه ارض و سما
خاصه اولار جانفدا امرایلسون شیعیان
شیعیه بیرقیل نظر ای پسرفاطمه
قویمادوشه هجرده منتظرون ماتمه
لطف ایله چیخ پرده دن ویر سفرون خاتمه
مقدموه گول سپرفخریله پیروجوان
منتظرعاشقلرین قویماگوزین دیده تر
سن بیلوسن یوخدی دای بیزده دعاده اثر
نظم دگوب بیربیره گل ایله ختم سفر
ای گل نرگس گیدوب غارته هرگلستان
غبار خاک راهون ای نگاریم سجده گاهیم دور
طریق عشق پاکون هر زماندا شاهراهیم دور
یاغور انوار بی همتا او شرف نوری جمالیندن
نه سوئلر سوئله سین اوزگه، دوداقین قباه گاهیم دور
سنین عشقیندن آیریلمام، آیریلام بندبندیمدن
یانیخ قلبیم آخان اشکیم، بو فرقتده گواهیم دور
نچه مدتدی گوزیاشیم منیم تنها امیدیم دور
نچه مدتدی ویرانه منیم تنها پناهیم دور
نگاریم پرده دن دای چیخ، فراقه طاقتیم یوخدور
بو هجرانی وصال ائیله گوزل، فریادِ آهیم دور
اگر نالایقم اما، سنین لطفون فراوندور
من آگاهم بو هجرانه، منیم چوخلی گناهم دور
فقیرم یوسف جانان گوز آلتی لطف ائله بیر باخ
سنین او گوشه چشمیم جهاندا تکیه گاهیم دور
گَل بیرگجه نی باهم اولاخ زار گلینجه
گولزاره گیداخ لاله دَیخ، خار گلینجه
ای شام سیاهیمده یتیر، پارلیان اولدوز
گَل سیره چیخاخ بو گجه اغیار گلینجه
بلبلری تا مست ایلیَح آغلاماقیلان
هجران یتیریر، دیدهٔ خونبار گلینجه
جان نقدیله آللام سنی من، کامه یتیررم
تا مصریده بازاره خریدار گلینجه
سن مملکتِ عشقیده سلطان وفاسن
لطف ائیله منه طعنهٔ گفتار گلینجه
بیر بیله گوزلیک که سنه پای وئروب الله
ناز اییلمه گَل جانیمی آل، دار گلینجه
مهلت وارکن باخ «خویا» وار چوخ سنه عاشق
تک من دگول، باخ منه زوّار گلینجه
چوخ چکمویجخ عالمی گلزار ایدَجکسن
یول گوزلویوروخ لحظهٔ دیدار گلینجه
یاریم بَگَنر من بولورم شعرِ « فقیری»
منده یازارام شعریمی سردار گلینجه
هجران غمی عالمده منی درده سالوبدی
چون باد خزان کی چمنی درده سالوبدی
مدتدی گلستاندان اوزاق بلبل اولوبدی
فقدانی اونون یاسمنی درده سالوبدی
گوسترمير اوزون فاطمه نين سرو چماني
بوغصه و محنت سمني درده سالوبدي
داي سايه الطافي بيزيم كوچه يه دوشمور
بو ايستي هوا هر گلني درده سالوبدي
گوزدن ياشي يوخ قاني سوزور دشت و فلاته
بير روضه سي دشت و دمني درده سالوبدي
شايد هاميدان چوخ آقانين سوز صداسي
يثربده امام حسني درده سالوبدي
سويلور سنه عمه نه گلوب اونداكي گوردون
دشمن او شه بي كفني درده سالوبدي
گوردون او چوخور يرده نجه دوزدون آي عمه
رعيت نجه شاه زمني درده سالوبدي
عمه نجه طاقت ايلدون اونداكي گوردون
شام اهلي او عريان بدني درده سالوبدي
دورت ميندنه اوخ ياره سي آفاقي پوزوبدي
بو منظره هر بير گورني درده سالوبدي
ازبس چوخيدي ياره بدنده غمي حتي
كهنه او حصيري كفني درده سالوبدي
چالدي ال اياق گودي مقتلده لب عطشان
احوالي اونون جان و تني درده سالوبدي
هجران غمي اي (آذرين) عالملري داغلار
فيكرايلمه تنها كي سني درده سالوبدي
ای صبا دوشسه گذارین مه لقالر کوئینه
سویله یاره بی نظر سال مبتلالر کوئینه
باوفادور شأنینه نقصان یتیرمز بیر محبت ائیلسه
گلسه او سلطان خوبان بینوالر کوئینه
قاره بختم، عشق سوداسینده تاوان وئرمیشم
آه کی یول تاپمادیخ زولفی قرالر کوئینه
آشنا اولدوخ غمیله، آشنالیخ گورمه دیخ
بی سبب یول سالمیشوخ دیر آشنالر کوئینه
نقد جانی ساخلیوب کونلوم کفِ اخلاصیده
سویلیون دلداره گلسون جانفدالر کوئینه
عشقدن محروم اولان مجنونی تحقیر ائیتمسون
عشق سالموش شیخ صنعانی بلالر کوئینه
خاک راهون توتیای چشم ایدن عاشقلرون
بی سبب یوز قویمویوبلار دلربالر کوئینه
گه غمه شهلر اولور پابسته گاهی ده فقیر
خوش اونون اقبالینه چاتدی صفالر کوئینه
مژده وير باد صبا ناطق قرآن گله جك
نااميد اولما مسلمان شه دوران گله جك
كعبه ديوارينه تكيه ايده جك جمعه گوني
الده شمشير علي سينه ده فرقان گله جك
آلاجاخ جدي پيمبردن اوگون اذن جهاد
انقلابين ايده جك عالمه اعلان گله جك
كعبه دن عازم اولار يثربه اول آقاميز
ايتمگه مدفن زهراني نمايان گله جك
صورا اذن حقیله اشراری احضار ایده جک
خصم زهرايه ويره كيفر او جانان گله جك
باخماظالم ير اوزينده هله طغيان ايليور
ايلين ظلم اويني عدليله ويران گله جك
داخي مظلومه دينن صبرايلسين غم يمسين
خصم ظلم وستم ويارضعيفان گله جك
ديمه غايبدي نظردن نظري يوخدي بيزه
قوجايعقوبه دينن يوسف كنعان گله جك
ايتمگه ير يوزيني جايگه صلح وصفا
معدن مهرووفا خسروخوبان گله جك
دوزدي تاثيرايلميردرديميزه قرص ودوا
گنه بيچاره لرين دردينه درمان گله جك
ظلم اليندن ضعفانين گوني اولميش شب تار
ظلماتي ايده روشن مه تابان گله جك
شهدا قاني قاليب يرده آقام وارثيدي
انتقام شهداني آلا هرآن گله جك
(آذرين)قوش اوزوي حضرتين عاشقلرينه
گله جك شيعه لرين دردينه درمان گله جك
می امیدیله گلوردم باغلادین میخانه نی
عاقبت پوزدون فراقینده دل دیوانه نی
همدم اولدون سن رقیبمله،منی ویردین یره
سانما بو ایشده مقصر، عاشقِ بیگانه نی
منده چون مجنون کیمی چوللردی وادیم،خسته یم
دیللره سالام جنون تک منده بو افسانه نی
مبتلای درد عشق اولدوم،گرک عشقه یانام
چوخ قیناردیم روز وشب من قصهٔ پروانه نی
موج اشکیم قورخورم ایش وئرسین آخر قلبیمه
سوزِ جاناندان بنا قیلدوم اوگون کاشانه نی
یدّی گویده قالمویوب ایندی منیم بیر اولدوزوم
وئرمه رم خلد برینه ایندی بو پیمانه نی
درد بی درماندی بو قصه آلیش جیزلان «فقیر»
خشتِ حسرتله بنا قیلدون آخی غمخانه نی
ای دل چاتاجاخ غم سوزی پایانه داریخما
عشقین ده یتر دولتی سامانه داریخما
هجران سوزی بالمره گیدر مجلسیمیزدن
وصلت یازیلار دفتر و دیوانه داریخما
بسدور داخی ناله ایلمه هجر و فراقه
ای شمع گلر نالووه پروانه داریخما
بیرعمرخمار رخ چون قرص قمرسن
تزلیکجه دولارعشقیله پیمانه داریخما
قلبون ایوینی ایتسون اگر عشقه مزین
مسکن اولاجاخ یاره بوغمخانه داریخما
یعقوبه دیون آغلاما دای درد فراقه
یوسف گله جک بیرده بو کنعانه داریخما
مجنون کیمی آواره دولانما بوجهاندا
لیلی ده چاتار سویگولی جانانه داریخما
هرجمعه اویان شوق وصالیله نگارین
آماده ایله قلبووی مهمانه داریخما
ای قلبی اسن شوق وصالینده طبیبون
دردون یته جک بیرگونی درمانه داریخما
مشرقدن اولار ماه رخ یار نمایان
ایفا ایلییر حق اوزی پیمانه داریخما
اوضاع جهان درهم اولوب جور و جفادن
گلسه گتیرر عزتی انسانه داریخما
گلسه بیزه ده اورگده جک اصل عزانی
نوحه دیه جک شاه شهیدانه داریخما
گلسه علم عشقی ویرار قله قافه
اثبات ایلییر حقینی دورانه داریخما
گلسه داغیدار دهریده ظلام تفاقین
اشراری سالار گوشه زندانه داریخما
یئراوسته آچارسفره احسان و عدالت
عزت قییدار دینیله قرآنه داریخما
عشقونده ثبات قدمون(آذرین) اولسون
عشق اهلی چاتار سویگولی جانانه داریخما
قلبیم غمیلن دولدی گینه گلمدی دلدار
یاربی هاچان گوزلریمه گورسنه جک یار
پروانه صفت شمع فراقینده آلیشدیم
هجران اودی آخر قان اولان قلبیمی داغلار
بیرعمر زبس آغلامیشام درد فراقه
آغلیر منیم احوالیمه حتی قره داشلار
نه نوحه نه ندبه نه نوا دردیمه دیمور
بلبلده چمنده من غمدیده نی اوخشار
ماه رخووین پرده سین آت یوسف زهرا
سنسیز اولوب آیینه غم کوچه و بازار
بیریول او گوزل گوزلرویلن بیزه بیرباخ
یوخدور بو یانان قلبیلره مونس و غمخوار
یعقوب زمان هجروه کور اولدی یوبانما
سرگشته گزورکوینگوین عطرینی دلدار
دای گل آقاجان باغ و گلستانه صفا ویر
گورنه یولوی گوزلوری هرگلشن و گلزار
عباس عمووین پرچمینی آل اله تزگل
سنسن سپه دینه برازنده علمدار
"عجّل" ديورم يوخ ولي تاثيري دعامون
چوخلار فرجوندن گوره ال گويلره قوزار
امواج گنه راه دعاني ايليوب سدّ
گل سن ايله غفلت زده انسانلاري بيدار
لطف ايليه سن (آذرين) اولسون سنه نوكر
عشقيله سني گورسده خلقه دم ديدار
هارداسان ای نازلی یاریم،شهریاریم،هارداسان
مهربان،شیرین زبان،ای تاجداریم هارداسان
چکموشم یارا خیالیمده ائله گول صورتین
هر گوزلدن سن گوزلسن سن نگاریم، هارداسان
چکموشم غنچه لبونده،دوزلی بیر خال سیاه
دم به دم وئررام او خاله بوسه،یاریم هارداسان
گلموسن،گلسن گجه گوندوز دولاننام باشیوه
روز و شب یولدا قالوب چشم خماریم هارداسان
سن اوزون یاخشی بولورسن هجریوه یوخ طاقتیم
وصلیوه چوخ بیقرارم،ای قراریم هارداسان
اولماسام وصلینده لایق ای عزیز فاطمه
بیر گوزآلتی لطف ائله،نولار،وقاریم هارداسان
وصلیوه سرمست اولوب،وصفینده نقصان ایلدیم
یابن زهرا گل اولوب دیلده شعاریم،هارداسان
پادشاهیم،دادخواهیم،عالمینین گوهری
من «فقیرم» یعنی ای دار و نداریم هارداسان
شد یاران نیمه شعبان/ عالم شد شاد و غزلخوان
آمد حجت حق مهدی/نرجس خاتون شده خندان
زاده زهرا. ماه دل آرا .قائم آل الله
چهره منور . یاس معطر. شبه رسول الله
آیت حی تبارک ای گل نرگس
جشن میلادت مبارک ای گل نرگس
چون آمد شاه معظم ....شد روشن دیده عالم
دنیا لبریز صفاشد...رفت از دل غصه و ماتم
حافظ قرآن . رهبردوران . نورخدا آمد
خسرو خوبان . اسوه ایمان . مرد وفا آمد
آیت حی تبارک ای گل نرگس
جشن میلادت مبارک ای گل نرگس
آمد امشب گل حیدر ... رویت شد ماه منور
ازشوقش عسکری تاصبح... زد بوسه بر رخ دلبر
از رخ ماهش . نورجمالش . دل شده نورانی
خشکی و دریا .عرش معلا . گشته چراغانی
آیت حی تبارک ای گل نرگس
جشن میلادت مبارک ای گل نرگس
ترکی
گللندی صحنه گلشن .... شاد اولدی لاله و سوسن
گوزآچدی یوسف زهرا... بیله مولوده مین احسن
سامرا شهرین . بریله بحرین. ایلدی نورانی
عالم بالا . عرش معلا . اولدی چراغانی
آیت حی تبارک ای گل نرگس
جشن میلادون مبارک ای گل نرگس
خوش گلدون قمر زهرا... ای نور بصر زهرا
گلدون شاد اولدی اورکلر... پیک خوش خبر زهرا
بقیه الله . شاه دل آگاه . جهانه خوش گلدون
زاده حیدر. ماه منور. جهانه خوش گلدون
آیت حی تبارک ای گل نرگس
جشن میلادون مبارک ای گل نرگس
گل ای قائم آل الله .... گل ای آخرولی الله
اصغرقانی قالوب یرده ... ای طالب دم ثارالله
قوی اولا یاران . هامی محبان . قدوموه قربان
ای شه دوران .قالدی سلیمان . جلالوه حیران
آیت حی تبارک ای گل نرگس
جشن میلادون مبارک ای گل نرگس
شب غمیمده سحر یوخ الله
بوکوچه لردن گذر یوخ الله
بوجمعه لردن یورولموشام دای
گوزل یاریمنان خبر یوخ الله
گوزومده قانیاش ، سینمده وار آه
بقیه الله ، بقیه الله
فراقون ایتمیش اورک اوین قان
کویر سینم اولوبدی شان شان
گوزوم یولوندا دونوبدی قانه
ایله تجلا مه درخشان
گوزومده قانیاش ، سینمده وار آه
بقیه الله ، بقیه الله
شب سیاهه قمرسن آقا
امید هر منتظرسن آقا
جهانی یکسر دوتوبدی ظلمت
دینن هاچان بس گلر سن آقا
گوزومده قانیاش ، سینمده وار آه
بقیه الله ، بقیه الله
جمالوی گورست ای دل آرا
عزیز حیدر عزیز زهرا
ننون مزاری قالیب نشان سیز
گلیب نشان ویر اوقبری مولا
گوزومده قانیاش ، سینمده وار آه
بقیه الله ، بقیه الله
آیینه دار روی پیمبر
همنام احمد هم شان حیدر
ایلر تفاخر دنیایه نرجس
اولموش سنون تک مولایه مادر
گوزومده قانیاش ، سینمده وار آه
بقیه الله ، بقیه الله
دنیا دولوبدی ظلم و عناده
مظلوم اولانلار آه و نواده
گل ظالمی سال تختدن اشاقه
عدل حاکم ایله بو غم سراده
گوزومده قانیاش ، سینمده وار آه
بقیه الله ، بقیه الله
ای یار اینان سن کیمی گل پیرهن اولماز
سن تک گوزلیم دلبر غنچه دهن اولماز
سایونده گزیب لذت جناتی آپاررام
کویون کیمی هیچ گلشن و باغ و چمن اولماز
شمشیر دوبردی ایله بیل قاشداکمانون
ابرولرون تیغی کیمین صف شکن اولماز
صحبت ایلینده توکولور بال دوداقوندان
مین "شیرین" اولا سن کیمی شیرین سخن اولماز
مژگان سیاهون آپارور عقلیمی باشدان
قاره گیلووه اوخشار عقیق یمن اولماز
ای یارسفرکرده گیدنلر هامی گلدی
تزگل سفرعشقه سنون تک گیدن اولماز
هجرونده بیابانلاری دیوانه دولانام
من تک بیری آواره دشت و دمن اولماز
یوخ منده او طاقت کی دوزم داغ فراقه
هر منتظر البته اویس قرن اولماز
بسدور داخی هجرونده اورک قانه دونوبدی
هجران غمی تک بیرده یانقلی محن اولماز
ماه رخوی گورسه قمر گیزلنجکدی
چیخسون آقا قرص قمری دای گورن اولماز
چوخ غمده اولوب (آذرین) البته احاطه
هجرون اوخی تک قلبیمی اما دلن اولماز
گلدی سپهر عشقین ماه تابانی_روشن ائتدی نوری عرض و سمانی
آچدی باغ وصحراده عطریلی لاله_ عالم بو عطریله دوندی جنانه
اهل ولایه سروردی مهدی_کل عالمه رهبردی مهدی.
مبارک اولسون(۲)
منیم آقام تکدی، عالمه بزکدی،گوزللر ایچینده، گوزلدی مهدی
حُسنی دلارادی،عالمه مولادی، غیرت و ایثاره، مَثَلدی مهدی
منجی عالم،مهدی دی مهدی،وارث خاتم مهدی دی مهدی
مبارک اولسون(۲)
مهدینون یوزونده،نور شرافت وار، حقه بشارت وار،شور و صفا وار
کرملی الینده،جودو سخا واردی،اهل تولایه، لطف و عطا وار
مهدی آقادی، نور هدی دی،کویونده والله، حاتم گدادی
مبارک اولسون(۲)
مژده ویرون یاران ... مهدی امام اولدی
صبح ظفر گلدی ..... غصه تمام اولدی
قویوبدی باشه تاج امامت حجت حق مهدی
خلق جهانه ویردی سعادت حجت حق مهدی
یامهدی آقا یامهدی۳
باغ و گلستاندا .... آچدی قزل گللر
شاد و غزلخوان دی ... شاخه ده بلبللر
دیولله به به بو شاخ شمشاد عجب دل آرادی
بوسرو زهرا خلق جهانه سرور و مولادی
یامهدی آقا یامهدی۳
جناندا شوقیندن ... اولوبدی زهرا شاد
فرحلنوب حیدر ... اولوب نبی دلشاد
بزندی گویلر باغ جناندا جشن و سرور اولدی
حور و ملکلر گلدی یراوسته شوره جهان دولدی
یامهدی آقا یامهدی۳
یره گوی اهلیندن ... صوت هلا گلدی
بشارت ای یاران ... درده دوا گلدی
بو بیر آقادی خوان عدالت آچار بو دنیاده
منشا فیض و رحمت حقدی شفیعدی عقباده
یامهدی آقا یامهدی۳
جهان دگرگوندی.... حقلر اولوب باطل
اوزون دعا ایله .... فرج اولا حاصل
مریض اولانلار بستر غمده دییلّه یامهدی
سنی گوزتلیر بوعاشقان هیئت "یامهدی"
یامهدی آقا یامهدی۳
در آهنگ (کجا سفر رفتی... )
امیـر جـان مهدی
مَـه جنـان مهدی
درگاهونده شه گدادی
جانـلار آدیوه فدادی
جانیم درده مبتلادی
عـزیـز زهـرا هـایانداسـان تئـز گل
عزیـز زهـراسن
شفیـع عقبـاسن
هر درده آدون دوادی
بیمـاره یادن شِفادی
آدون چشمـه بقادی
عـزیـز زهـرا هـایانداسـان تئـز گل
اورکـده کـی ملالیـوه جـانیم قربان
یوزونـده کی او خالیـوه جانیم قربان
گـل ای مـه لقـا - سنـه جـان فـدا – قربانین اولوم من
عـاشقـدی سنـه - شـاه و هـم گـدا - قربانین اولوم من
ماه بنی فاطمه تئز گل (2)
هجـروه دل یاندی
جـان سنه قرباندی
ای قلبـی درده سـالانیم
بسدی دای گل قان آلانیم
تئـز گل باشیـوه دولانیم
یـولون گـوزتلـور تمـام عاشقلـر
صبری آلوبسان گل
هاردا قالوبسان گل
سالما رخساریوه پرده
رحم ایله چهـره زرده
عالمللر گلوبدی درده
یـولون گـوزتلـور تمـام عاشقلـر
امیـد آل مصطفـا تئـز گـل تئـز گـل
عـزیـز جـان مـرتضـا تئـز گل تئز گل
ای جـان علـی - مـاه منجلـی – بسدی سیدی گل
سن سن یئر گویون – روشن مشعلی - بسدی سیدی گل
ماه بنی فاطمه تئز گل (2)
هارداسان یابن الحسن سینمه ماتم قالانوب
کاسـه صبریم آقا آیریلیغ نان جالانوب
هارداسان یابن الحسـن صبریمی غم کسدی آقا
سنی زهرا جانی گل آیریلیغـون بسدی اقا
هـارداسان یابن الحسـن گوزلیـور عالم یولووی
گـل ظهـورایله آلا شیعلرون ساغ صولووی
هارداسان یابن الحسن شیعه نی غم درده سالوب
یول گودن چوخلی جوانین کچوب عمری قوجالوب
گلمـدون سـن غم اوخی قلبیلری بولدی آقا
قوجالانلار قوجالوب چوخلاریدا ئولدی آقا
قـورخورام منـده ئـولم گورمیم اما سنی من
الله عالیمدی کی قورخوم بودی کی گلمیه سن
گلمسـن گل یـوزووی گورمسـم اوندا نِئدرم
نجه سن سیز آقاجان خانه قبره گئدرم
میـن دَنـه غصه و غـم ساخلامـوشام مـن یـادا
بولـورم گلمگیـوین چاره سی تک اللهدا
گـرک اللـه بویـورا سنـده ظهـور ایلییـه سن
تـا کی دنیـانی آقـا مملوء نور ایلییه سن
گرک اللـه بویـورا سنـده شهـا تـا گلـه سن
تا کی ظلمون اورگیم فاطمه اوغلی دله سن
گرگ اللـه اولا راضـی سنـه فـرمان الییه
یر گـویه تـا کی ظهـورون اوزی اعـلان الییه
گرک الله بویورا سنـده کی تعجیل ائده سن
دینـی ناقص الیوبلـر اونی تکمیل ائده سن
گرک الله بویـورا سنده اجـابت ائده سن
تا ظهور ایلییـه سن عـالمی راحت ائده سن
گرک همیشه سنه بیزده دعـا ایلیه غون
قلبیـوین یاره سینه بلکه دوا ایلیه غون
نه دیوم گلمغیوین گرچه آقا چوخ ایشی وار
سنون عشقونده قوجالسامدا شها ارزیشی وار
دوزدی کـی گلمگیـوه خواست خدا لازمدی
ولی عشقونده دیلیـم سمت غمه عاضمدی
دوزدی کی گلمگیـوین امـری او اللـه قالوب
ولی بیـر غصـه یانان سینه لری درده سالوب
گرچه امضاء ائده جـاخ گلمگـون اول ذات جلی
بیـر گلایه الییم ایندی سنه ماه علی
چون گلاییلـه آقا بو آلیشان سینه دولی
سنون عشقونده گودور گوزلریم همیشه یولی
گلون ای عاشقلر/صفا تاپوب دیللر
سیلین سوپورون یوللاری/یولدان گلوب دلبر
آقام اباصالح 3
مولا آقام اباصالح
دولدور قَدح ساقی/ور بیر میِ باقی
می ولایتدن تز تز/ مست ایله عشّاقی
شمس هدایتدی/معدن عزّتدی
بویوردی جدی پیغمبر /طاووس جنّتدی
عزیز طاهادی /وارث مولادی
بو تازه مولوده به به /مشتری زهرادی
صاحب زمان گلدی/قلبه توان گلدی
حسینیون یا فاطمه/ قانین آلان گلدی
(بیکَس) و بی یارم/سنه گرفتارم
نولور او ششگوشه قبره /گورم کی زوّارم
چاغیـر مهدینی محنتـلی زماندا
دئنن یابن الحسن لبیک لبیک
حُسینـه شـوریله سینـه وئراندا
دئنن یابن الحسن لبیک لبیک
جفا سر رشته سین هردمقیراندا
دئنن یابن الحسن لبیک لبیک
غـرور دشمنـانی سینـدیراندا
دئنن یابن الحسن لبیک لبیک
دلِ وهـابیـــانی یـانـدیراندا
دئنن یابن الحسن لبیک لبیک
سوزومداعش لری اوتلاندیراندا
دئنن یابن الحسن لبیک لبیک
گـران قیمت تـریـن دُّر زماندی
خانیم زهرایه بیر ایستکلی جاندی
فـدایـم آدینـه صـاحب زماندی
تَــولا اهلینــه روح رواندی
دلِ دشمنللـره لــرزه سالاندی
آدی چون منتقم دی قان آلاندی
گلوب ناحق آخان قانی آلاندا
دئنن یابن الحسن لبیک لبیک
مریضِ عشقه چون حکم شفادی
طبیب عشقیـدور درد آشنادی
مُقـدس آدی هــر درده دوادی
نظیـری یوخ ، آقا اوغلی آقادی
اونون عشقینـده دللـر مبتلادی
آقـام خونخـواه دشت کربلادی
او چولده سَهمیگین طوفان سالاندا
دئنن یابن الحسن لبیک لبیک
گلـر ظلمـون بساطیـن بَـرهم ایلر
گلر گردن کشیـن قَـدیـن خم ایلر
علینـون عـاشقـانیـن بـاهم ایلر
ستـون دینی تئــز مستحکم ایلر
بـوتـون اشـراری محکـوم دَم ایلر
علی دشمنللـری قَلـع و قَـم ایلر
تـنِ دشمنللـره لـرزه سـالاندا
دئنن یابن الحسن لبیک لبیک
ای جان پنج تن _ ای مـاه انجمـن
مهـدیِ بُت شکـن - هاردا قالدون
ای سلطان عَدَن _گلمورسن بس نَدن
سولدی باغ و چمن _ هاردا قالدون
ای جان فاطمه سسلـه تکبیر
گل امـداده آقا اَلده شمشیر
هجرونده قلبیمیز لخته قاندی
زهرا گـوزلور یولون ناگراندی
هاردا قالدون ای قان آلان قلب ظلمه لرزه سالان
مهدی جان هارداسان
مولا جانم
غملـی احوالیـوه _غصلـی حالیـوه
هـاشمی خالیوه _ جانیم قربان
سن یار شیعه سن_دلدار شیعه سن
سالار شیعه سن - جانیم قربان
ای نـور کبـریـا هاردا قالدون
خون خـواه کربلا هاردا قالدون
بسدی دای آیریلیخ گل اماندی
زهرا گـوزلور یولون ناگراندی
هاردا قالدون ای قان آلان قلب ظلمه لرزه سالان
مهدی جان هارداسان
مولا جانم
محـو ایلـه داعشی _ظلم اتمک دور ایشی عصیاندی بینشی - مهدی جانم
ظلمی اتموش مسیر _گلشنللر چون اَسیر
آسوده باش کَسیر - مهدی جانم
عالمه بـاد غم اسدی تئز گل
تعجیل اله آقا بسدی تئز گل
عرشه افغانیمیز دای دایاندی
زهرا گـوزلور یولون ناگراندی
هاردا قالدون ای قان آلان قلب ظلمه لرزه سالان
مهدی جان هارداسان
مولا جانم
حسينـون اي قـان آلان
توتـوب ماتـم بو زماني
هاياندا قالـدون شها تئـز گل غـم توتوبـدي عـرض و سمـاني
گل اي نور چشم طاها
يولون گوزلور چونكي زهرا
امـانـدي گَـل شـاد اِلــه مـولا اهـل بيت و آل عبــاني
هاردا قالدون سن
صبريم آلدون سن
قاره سالدون سن
مولاجان
قَدم قوي بير جه ركابه
عَـلاج ائت غملي ربابه
محرمدي گل ؛ گتير مولا اصغره غملي گاهواره
ديور اصغر حلقي ياره
اَيا مهـدي ايله چاره
ظهور ايله كربلاده وئر بير طراوت بو لاله زاره
پرچـم اَسدي گل
صبريم كسدي گل
غيبـت بَسدي گل
مولاجان
يولون سال بيرجه دمشقه
عـلاج ايلـه مـاه عشقه
او قبرين مولا يولون دشمن باغليوبدي بو عاشقانه
او تُربت لرده گوزوم وار
رقييله چوخ سوزوم وار
آچيلسا يولار ؛ يولوم دوشسه قبرينه گلم يانه يانه
هيران قالام من
دردين آلام من
قاره سالام من
مولاجان
اَيـا اي مـاه مدينــه
يولون گوزلور چون سكينه
قسـم وئـرم اصغـره تئز گـل قبـر زينب باش سيـز قالوبدي
آلـوب دشمنلـر او قبـري
چوخالدوبلار ظلم و جَبري
آلوب دُورون هَرزه دشمنلر چون بيبون قارداش سيز قالوبدي
آلـدي غم صبرين
كَس دشمن جبرين
آل زينب قبرين
مولاجان
جـان گلشنینـه ای گُـلِ لالـه اَکَـن عاشق
گَـل ای یوزونـه پـردة غیبت چَکَـن عاشق
بیـر لحظـه کنار ایلـه نقابیـن سنـی تـاری
چون حیـدری رخساریـوه چشم زَمَن عاشق
ای فاطمنـون قـرمزی لالـه گلـی تئـز گـل
چون عطـریوی آلماقه اولوبـدور چمن عاشق
حیـران گـزورم خانـه به خانـه سنی ای یار
ای چولـری گوزیاشلـی همیشه گزن عاشق
دل خـانه سینی سنـن اوتـور هی بَـزَرَم تا
بلکـه گلسـن سینمـه ، ای گلمیَـن عاشق
دنیا منـه بیر بُت کیمیـدی من اونا عَبـدم
یکتالیغا گل چک منـی ای بُت شکن عاشق
اوخشور سنـون اُول قامتـون عبـاس رشیدَ
اولموش او گـوزل قامتـه سَـرو خُتَن عاشق
وار یوزده سنون هاشمی خـالون کی وخـاله
عاشقلرون عاشقدی کی هِـچ اَهرِمَن عاشق
سـن یوسف آل الَهـی سـن کی سنـه طاها
زهرا و علی ، بیـرده حسیـن و حَسن عاشق
اولسون بو (پریشان) او گـوزل گوزلره قربان
ای گوزلریوی هم گوروب هم گورمیَن عاشق
ای دم وئرن عیسالره
یول اورگدن موسالره
عاشقلرون وئرمز آقا
خال لبون دنیالره
ای شمس عالم (اقاجان)
گل جان خاتم
دنیا اولوب زندانیمیز _ افغانیمیز
اوجالدی عرشه گل اماندی
گل ای عزیز مصطفی _ سنه فدا
اینان کی صبریمیز تالاندی
سن سیز کساد اولموش آقا میخانه لر
یاندی کول اولدی شمعیوه پروانه لر
( آخ )
مستانه اولام _ دیوانه اولام _ پروانه اولام
شمعونده بلکه اوتلانیم
بس هاردا قالدون_بوصبری آلدون_اولما قوجالدون
دردونده من الولانیم
یوسف زهرا .....
یولاردا قالدی گوزلریم
سن سیز عبث دی سوزلریم
ای شمس آل مصطفی
گل تار اولوب گوندوزلریم
تئز گل اماندی (آقاجان )
صبریم تالاندی
سن سیز بهشته قالمارام_سوستالمارام
یولوی گوزلمکدن آقا
قوشلار کیمی پر بستیوخ_دلخستیوخ
هایانداسان دئمکدن آقا
گلزاریمیزده باد صر صر اسدی گل
زهرا بالاسی آیریلیخ دای بسدی گل
( آخ )
مستانه اولام _ دیوانه اولام _ پروانه اولام
شمعونده بلکه اوتلانیم
بس هاردا قالدون_بوصبری آلدون_اولما قوجالدون
دردونده من الولانیم
یوسف زهرا .....
گل شاد اله یولداشلاری
گل محو اله اوباشلاری
جمع ایلسم بیر سیل اولار
سن سیز آخان گوزیاشلاری
گل هاردا قالدون (آقاجان )
گل صبریم الدون
اولوبدی سینه غرق غم_ائدوب ورم
غم فراقیوه اورکلر
فدا اولوم سکوتیوه _ قنوتیوه
ائدوبدی اقتدا ملکلر
گل عشقه تبدیل ایله بو غم ماتمون
گل مکه نین بامینه وئر بو پرچمون
( آخ )
مستانه اولام _ دیوانه اولام _ پروانه اولام
شمعونده بلکه اوتلانیم
بس هاردا قالدون_بوصبری آلدون_اولما قوجالدون
دردونده من الولانیم
یوسف زهرا .....
دؤندی جان نغمهلریم شعر فراقینده آها
قالمیوب ذرّهجه یئر کاسهی صبریمده داها
قویموشام جملهی دارائیمی ارزان یولوا
آلمیشام سکّه ی هجرانیوی جانناندا باها
او قدر حبسیدی سؤزلر ئورگیم صاندیغینا
احتیاج اولموشام احساس ائدیرم منده چاها
منتظر گؤزلریمین بلکه ده آخر گونودی
تئز یئتیش یبنالحسن ساخلاما وصلی صاباها
بَذَنــوب بـاغ جنـان گلـدي آقـالـر آقاسي
چون خدا وِئردي بوگون نَرجسهَ بير آي پاراسي
آي بوني گـورسه اوتانار
باشينا چـون آي دولانار
يوز نقابين رَدّ ائلـه سه
نورينـه گون دالدالانار
جان آقام - سنه قربان آقام - اي مَهِ تابان آقام
تضمین استاد منزوی
آلمـارام يوسفـي گرچه اوني دنيـا بَگنـوب
حُسني مشهوريدي صدقيله زليخـا بَگنـوب
او زليخـا بَگنَّنــدي سني زهـرا بَگنـوب
يوسفه سـرور سـن آقا
عالمـه رهبـر سـن آقا
فاطمه دردانه سي سن
جان پيغمبـر سـن آقا
جان آقام - سنه قربان آقام - اي مَهِ تابان آقام
رَگِ غيرتـده اولان قـان سَنيلـه تازه لَنَـر
دانيشان وقتيـده سن روح علي جِلوه لَنَـر
يِئـري سن مقدميـوه مـاه و ستـاره اَلَنَـر
سن عـزيـز زهرا سن
يِئر گويه سن مولاسن
حُسنيده يوسف قطره
مهديا سن درياسن
جان آقام - سنه قربان آقام - اي مَهِ تابان آقام
اَنبيـا دولتيـوي ؛ عشقـوي جوينـده ديلـر
قاپووا شاه و گِـدالـر هامـوسي بَنـده ديلـر
لطفـووه عالـم و آدم هامي شرمنـده ديلـر
باشيوه گَل بير دولانيم
آتـش عشقونده يانيم
گل ظهور ايله آقاجان
سايووه تـا دالدالانيم
جان آقام - سنه قربان آقام - اي مَهِ تابان آقام
وجودون ای گوزل گنجینه حسن و وجاهتدی
کناروندا سنون یوسف فقیر و بی بضاعت دی
کساد ائتماقه حسن یوسفین رونقلی بازارین
سنون بیر بئیله حسنوندن فقط بیرگل کفایتدی
نگاهون گر یئری قالسا جمالوندا یئری واردی
گل رخسارون از بسکه ظریف و با لطـا فتدی
گوروبدور نرگسین اوغلوندا نرگس گوزلرین نرگس
بینمز ئوز گوزون گـــرچه گُوزی ورد جماعتدی
امامت تک گوزل لیق حجتِ الله ختم اولموش
سنون گویچکلیقون اون بیر گوزلیقدان علامتدی
سن او بیر گویچکین گویچلیقندان بهره مند اولدون
بونی عالم بولر اثباتینه حجت نه حاجتدی
ائله دیلچسبدور که قویموری لب لبدن آیرلسون
سوز آچماق شهد وصلوندن عجب مشکل حکایتدی
کمندوندن دوشر تا سوز، اسیرون تئز دییر به به
اسیر عشقون اولماق بسکه شیرین بیر اسارتدی
هره بیر عشقیلن مشهور اولوب مولا بو دنیاده
سنون عشقونده ، مشهوریتِ اهـل ولایت دی
بو گونکی وصلوون وار مهدیا هجران کمندینده
بهار وصلووی تهدید ائــــدن پائیز فرقتدی
سنون عشاقوون جشن و سروری تک بو گونلوقدی
صباح عشاقوون حالتلری بیر ئوزگه حالتدی
دمادم آه چکماق قان اوتوب قان آغلاماق سن سیز
یولووی گوزلین عاشق لره چوخدانکی عادتدی
گرک شک ائیلیاق انصافینه انصافآ ای مهدی
دیسه کیم شور هجرانون قیامتدن علامتدی
سنون هجرونده که برپا اولان غوغا قیامتدن
علامت یوخ ئوزی چون ئوز یرینده بیر قیامتدی
سوروشما مبتلایان فراقون کسب و کاریندن
که سن سیز ایشلری دنیاده تنها کسب محنتدی
ئوزون گل اللریندن دوت ایاقدان قویما دوشسونلر
که الدن توتماق آل اللّهه بیر دیرینه خصلتدی
نگاری گورمیوب ئولماق یامان ئولماخدی داد اوندان
بله ئولماق شکنجئیلن برابر بیر مشقتدی
بولر تنها جمال یارینه حسرت قالان عاشق
که جانانانین یوزون بیریول گوروب ئولماق نه نعمتدی
ظهورون بیر عنایتدی بونا سوز یوخ ولی مهدی
اونون تعجیلی عشاقه عنایت در عنــــایتدی
اول یار پریچهره که عِلمیمدن اوزاقدی
عِلمیمدن اوزاق اولسادا٬ قلبیمده قوناقدی
هر کیم تانیوب زلفینی زیر و زبر اولدی
یعنی سر کویونده اونون باشلار ایاقدی
ایستور دوتا اول زلفی اگر اوینادا کونلوم
عیب ائتمه قوجالسامدا ئوزوم قلبیم اوشاقدی
گوزلر گئجه نین یاریسیده یاری گوزتلور
اولدوزلار اگر یاتسادا عاشقلر اویاقدی
وصف ائتمگه اول حاضر اولان غایبی(شاهی)
جسمیمده بوتون عضویلریم دیلدی دوداقدی
