مهدی زهرا گوز آچدی عالمه اولسون مبارک
عدنِ اعلاده ،رسولِ خاتمه اولسون مبارک
بَزَندی آسمان
گلوب صاحب زمان
اباصالح مدد_اباصالح مدد
____
غرق ائدوب شور و نشاطه بو بالا کُلّ جهانی
بو گجه اولدی گُلِستان عسگرینون دودمانی
شاد اولوب جنتده زهرا،صف چکوب فوج ملائک
بو گجه یکسر،چراغان ایلییوبلر آسمانی
بَزَندی آسمان
گلوب صاحب زمان
اباصالح مدد_اباصالح مدد
___
نیمه شعباندی یارب،دردیمیزه سن دوا ویر
جانِ نرجس،مامِ مهدی،گل مریضانه شفا وئر
داریخوبدی چوخ ئورکلر،یانمیشوق نارِ فراقه
بار اِلاها،عیدیانه بیر برات کربلا ویر
بزندی آسمان
گلوب صاحب زمان
اباصالح مدد_اباصالح مدد
__
گوزوموز یولدا قالوبدی،غیبیدن بیر سس اوجالسون
اِذن حقلن مهدی گلسون،فاطمه نون قانین آلسون
تار و مار ائتسون یهودی،ریشه کن آل سعودی
دشمنانِ اهلبیتون جانینه بیر لرزه سالسون
بزندی آسمان
گلوب صاحب زمان
اباصالح مدد_اباصالح مدد
- پنج شنبه
- 19
- مرداد
- 1402
- ساعت
- 00:26
- نوشته شده توسط
- یوسف اکبری
