اشعار ترکی مخصوص امام زمان (عج)

ای آب حیات و شه اقلیم شرافت
ای نور رخی دهری دوتان مهر فضیلت
ای آیت حق مظهر ذات احدیّت
ای قامتی طوبادن اوجا ، حُسنی قیامت
رحمت سنه ای نور خدا سایۀ رحمت

ای آل عبانون گوزلی جان سنه قربان
فرزند برومند علی جان سنه قربان
ای ملک ولایت ده ولی ، جان سنه قربان
ای ذات حقین قدرت الی جان سنه قربان
احسن سنه ای اسوه و تندیس صلابت

طاووس جنان تاج سر و سرور عالم
درّ ادب و کنز سخا ، میر و معظّم
سلطان سلاطین جهان ، والی خاتم
جام لب نین تشنه سی مین کوثر و زمزم
به به نه حلاوت ، نه ملاحت ، نه زعامت

سرسلسلۀ اهل کرم ، ساقی عرفان
مصباح هدا ، کان عطا ، سرور خوبان
مخمور می حسن و کمالاتی قریبان
حور و ملکین تاج سری ، اش

• یکشنبه
• 2
• تیر
• 1398
• ساعت
• 11:05
• نوشته شده توسط
• ابوالفضل عابدی پور

ای جلوۀ جانان جانان جانان
جانلار سنه قربان(2)
.
ای ساقی جام لم یزل
شأنی بی بدل
وقت اولوبدی،گل
جانلار سنه قربان(2)
.
.
ای سینه سی دریا دریا دریا
وی یوسف زهرا(2)
.
دلداده و دلبرِ نرجس
نرجسه مونس
رونق مجلس
وی یوسف زهرا(2)
.
.
ای دولت پاینده گل
وی نیّر تابنده گل
دللر دوشوبدور بنده، گل
.
گل دللره صفا وئر
وار دردیمیز دوا وئر
.
.
.
.
.
.
.
.
.
تاج سرِ کیهان کیهان کیهان
جانلار سنه قربان(2)
.
چیخ پردۀ غیبتیندن سن
فرقتیندن سن
غربتیندن سن
جانلار سنه قربان(2)
.
.
قدقامتِ دوران دوران دوران
جانلار سنه قربان(2)
.
.
گوز یولدادی منظر ِصفا
گوزلره ضیا
شیعیه آقا
جانلار سنه قربان(2)
.
.
ای ماه درخشنده گل
وی منصبی

• دوشنبه
• 31
• تیر
• 1398
• ساعت
• 13:32
• نوشته شده توسط
• ابوالفضل عابدی پور

بهاری سنسیز عزیزیم جهاندا نیلیورم
وصالون اولماسا بو عمریمی کول ایلیورم
.
غمیله لیل ونهاریم کیچورفراقوندن
عزیز فاطمه گل قوی ئوپوم ایاقوندن
.
سارالدی گلشن آراگل دوشوب طراوتدن
هزارناله ایدور غملیدور فراقتدن
.
سلاله ی نبوی زیب جنت الاعلی
فدای مقدمون ای عالمینیچون مولا
.
سنیله فصل خزان یاز اولوب آچار گوللر
سنیله نغمه اوخورگلستاندا بولبوللر
.
سنیله شیعه چاتار جمله عشق و آماله
سنیله لاله آچارصد هزارو،صدژاله
.
وجود اقدصون ای روحیمه روان سرور
خیال پاکون اولوب لحظه لحظه جان پرور
.
آماندی قامتیم آقا دونوبدی چوگانه
قوتار فراقی گل ای مرتضایه دردانه
.
عریضه دور آقاجان «جائد»عاجزانه دییر
گلنده سن بو جهان رخت

• شنبه
• 19
• مرداد
• 1398
• ساعت
• 14:22
• نوشته شده توسط
• ابوالفضل عابدی پور

گلزار کویون ایچره رقیبین صفاسی وار،
رویون گؤره ن بیر عاشقه یؤز مین جفاسی وار
.
سندن مُرادا چاتماغیم اؤلموش محال، چون،
حسرتده قالماغیمدا رقیبین رضاسی وار
.
جُور و جفالاری اؤ مهین مندن اؤترؤدؤر،
امّا رقیبه گؤر نئجه مهر و وفاسی وار
.
هر گؤن رقیب سِیر ائله ییر خاک کویونو،
اؤز سؤرتَرَم آیاغینا، چون توتیاسی وار
.
هر دردی خسته جانیما آسان گؤرؤنسه ده،
لاکن رقیبیمین داها مشکل بلاسی وار
.
عاشقلرین حیاتی وصالیندادیر فقط،
گر بو میسّر اؤلسا، رقیبین فناسی وار
.
سؤیله #فضولی صبر و قرارین نه اؤلدو بس،
نه سنده بیر دؤزؤم، نه رقیبین حیاسی وار
.

• سه شنبه
• 22
• مرداد
• 1398
• ساعت
• 14:01
• نوشته شده توسط
• ابوالفضل عابدی پور

امیرملک ولا صاحب الزمان مولا
کفیل آل عبا شاه انس و جان مولا
جمال اطهری چون شمس جاودان مولا
فدا اولوم سنه ای میرآسمان درگاه
ضیائ چشم نبی وی شهنشه ذیجاه
.
.
قلوب شیعه فراقونده بی قرار اولموش
ایشیقلی گون آقاجان دیده لرده تاراولموش
ندیده،چشم جهان حسنیوه خمار اولموش
گوزل جمالیوه حیراندی یوسف کنعان
هزاریوسف کنعانی قیلمیسان حیران
.
.
گوزومده گردرهون سرمه یاامام زمان
نبیل سلسله آیات حضرت سبحان
وجوداطهری مفهوم مصحف قرآن
گوزوم سحابیدی اولموش غمونده بارانی
زمان وصلیدی جانا قوتار بوهجرانی
.
.
سلیل حیدرکرارواحمده هم نام
وجوداقدسی،قدقامتی قیامت تام
جمال انوریوی گورسم ئولمرم ناکام
نولارجهاندا سنون گول یوزون

• چهارشنبه
• 10
• مهر
• 1398
• ساعت
• 13:41
• نوشته شده توسط
• ابوالفضل عابدی پور

ای پسر نرجس ای خلفِ حضرتِ عسکری
خدا خودش داده از همه دنیا به تو برتری
خدایِ عالم رو قسم میدیم به حضرتِ زهرا
نمونه بیش از این منتظر
ِاومدنت دنیا

بی تو غروبِ جمعه ها حال و هوای شهرِ ما دلگیره
جمعه به جمعه یادِ تو باعث میشه تا این دلم نمیره
طاووس اهل جنتی تو ناجیِ این امتی آقایی
آئینه دارِ رحمتی تا کی بگو در غیبتِ کبرایی

وقتی تو می آیی غصه میره از یاد دنیا میشه چراغونی
عالم همه پُر از عدله علیِ واره چشمی نمیشه بارونی
تو تنها باغی از نسلِ پیمبری وارثِ ذوالفقاری
عصایِ موسی رو دمِ مسیحا رو خصلتِ خوبا رو داری

آی یوزی نورانی هامی خلایقدن اوجا شانی
گزلریمه عصیان پرده چکیبدی گورمورم سنی
اولیدی کاش آی

• پنج شنبه
• 22
• اسفند
• 1398
• ساعت
• 11:14
• نوشته شده توسط
• ابوالفضل عابدی پور

بیر دلبریم وار عارضی رخشنده آفتاب
یوخ یوخ ،اونون گُل عارضینه بنده آفتاب
تطبیق ایلسم یوزونی آفتابیله،
اولماز نظیر اونا اولی شرمنده آفتاب
بیر کهکشاندی صورتی خورشید آفرین
گورمز اونون نظیرینی تابنده آفتاب
.
کیمدور بو حُسن صاحبی مرآت سرمدی
ناموس دهر قائم آل محمدی
.
.
.
.
اوخشار نگاریمین یوزینه آفتاب ؟ یوخ
وجه اللهه قیاس اولور ماهتاب ؟ یوخ
نور امامدن گون ایدر نورین اقتباس
واردور بو سوزده جای سوال و جواب ؟ یوخ
گوندن هامی کرات جهان مستفیض اولار
بو استفاضیه اولی مانع سحاب ؟ یوخ
.
کیمدور بو حُسن صاحبی مرآت سرمدی
ناموس دهر قائم آل محمدی
.
.
.
.
وَالشَّمس یعنی آند اولا شمسه دیوب خدا
وَالشَّمسدن اونون یوزی

• سه شنبه
• 27
• اسفند
• 1398
• ساعت
• 22:01
• نوشته شده توسط
• ابوالفضل عابدی پور

کیمون که اولمیا عالمده بیر گمان قاپوسی
آچوقدی باغلی دگل صاحب الزمان قاپوسی
بیزه جهانیده یوخ چاره آیری بیر قاپیدان
به غیر فاطمه نون ظلمیلن یانان قاپوسی
.
.
ووروبلا اوت بیزیم هر چند آشیانیمیزه
گتوره بیلمیوروک درد دل زبانیمیزه
گرکدی بیز دئمیک درد دل کناره ولی
ویرک عریضه کیمه؟! صاحب الزّمانیمیزه
.
.
هاچانا تک چکه جک سن آقا نقاب اوزووَه
هاچان اولار آچیلور بیر فرجلی باب اوزووَه
هاچان بو شیعه لرون آرزوسینه چاتاجاق
باخاجیوک هاچان آخر او کتاب اوزووَه
.
.
هره بو مجلسه بیر نوعی ایلیور خدمت
او خدمتون عوضینده اؤرکده وار نیّت
زمان صاحبینون خاطرینه بار خدا
حسین زیارتینی ائتگیلن بیزه قسمت
.
.
گلن بو مجلسه،نوم

• دوشنبه
• 15
• اردیبهشت
• 1399
• ساعت
• 12:28
• نوشته شده توسط
• ابوالفضل عابدی پور

گر اُمید اولسا وصاله، آیریلیق مشکل دگول
عاشقه بو یولدا هئچ درد و بلا نِسگل دگول
.
گول اودور گلزاری ائتسین هم معطّر هم گوزَل
هر او گولده اولماسا عطر و لطافت، گل دگول
.
دوقّوز آی بلبل گرَک دُوزسون اوچ آیدان خاطره
آیری قوش‌دور دوزمَسه بو فرقته، بلبل دگول
.
وار دیلیمده عشقون اوّلدن گوگول ایستر سنی
دیل دگول هر دیل کی اوز دلدارینه مایل دگول
.
گورمَسم گوز گوزگوسونده گول جمالون، وای منه
چون گوزوم منزل‌دی، مهمان گلمَسه منزل دگول
.
قوی ایاقون گوزلریم اوسته ایشقلانسین گوزوم
گورمورم چوخداندی حتماً گوزلریم قابل دگول
.
غم یَمینده قویما غرق اولسون `بشیر”ی، دوت اَلین
آیریلیق غم بحری‌دور، وصلت کیمین ساحل دگول

• دوشنبه
• 15
• اردیبهشت
• 1399
• ساعت
• 12:54
• نوشته شده توسط
• ابوالفضل عابدی پور

ای بیزیم عصرین امامی بیزی سن یاری ائله
چوخ چتین درده دوشوب شیعه هواداری ائله

بیز گنه کاروک آقا ناله لرین یوخ اثری
سن دعا ایله رضا حضرت داداری ائله

نچه مدتدی بلا یر اوزینه سایه سالیب
بیر عنایتله بلادن یر اوزین عاری ائله

متخصص لریمیز خسته دی مولا یورولوب
ای خانم فاطمه نین اوغلی مددکاری ائله

بیرتبسمله پرستاریلره قوتی ویر
مهربان قشر پرستاری پرستاری ائله

یان یانا شیعه لرون قبره گیدور یوخدی علاج
آقاجان شیعه لری بیمه اجباری ائله

بولارین حضرت زهرایه ارادت واریدی
آنووین خاطرینه شیعیه دلداری ائله

بیزده یوخ چاره خانم زینبه غمخوار اولاغون
غملی بو لحظه لر اوز عمه وه غمخواری ائله

باغلیولار حرمی سینه ویرانلار اوزینه
هیتیلردن آقا ایندی طرفداری ائله

قویما تعطیل اولا مولا بوعزاخانه لری
باغلی صحن ایچره ملکلرله عزاداری ائله

قویما بو غملی علملر آقاجان یرده قالا
یتشور ماه محرم سن علمداری ائله

چوخلی وعده ویریلور واکسن ودرمانه گورا
بو آخان گوز یاشی گل واکسن بیماری ائله

تکلیفی روشن ائله چون حرم ایستور اورگیم
من اولوم یاکی قالیم نطق گهرباری ائله

اربعینه اورگیم ایندیدن آماده اولوب
سنده آماده بیزه غملی اوگلزاری ائله

ای علی اوغلی،علی مثلی یتیملرئآتاسی
غملی ایتامه آقا مهریله تیماری ائله

معجزیلن بوبلانین کس آقا ریشه سینی
شاد آنون فاطمه نی همده بو زواری ائله

قوی دئیک کرب وبلاده ایوون آباد حسین
تاپشیر عباسه بولارنان گوزل همکاری ائله

الی بوش هیچ بیرینی قووما قاپوندان قارداش
مهدی فاطمه نین لشکرینی یاری ائله

کیم گیور قاره غریب مهدیمیزین یاوریدی
قره کوینگلی اولان لشکره سرداری ائله

• یکشنبه
• 11
• آبان
• 1399
• ساعت
• 17:29
• نوشته شده توسط
• یوسف اکبری

حُسن گل و بهاره باخ، رحمت کردگاره باخ
گلشن و لاله زاره باخ، عشقیده اعتباره باخ
مملکت کمالیده، سویملی شهریاره باخ
دولت پایداره باخ، عزت و افتخاره باخ
ای گوزی منتظر قالان، مهدی نامداره باخ

دعوت مصطفی سی وارصولت مرتضی سی وار
عصمت فاطمیّه سی، جلوه ی مجتبی سی وار
وصف شجاعت ایسته سن اونداحسین قواسی وار
مثل امام ساجدین سجده سی وار دعاسی وار
خاتم الاوصیادی بو، شوکت و اقتداره باخ

حامی باقر العلوم ، حافظ علم جعفری
وارث کاظم و رضا ، جود جواده مشتری
سبط امام هادی و پور امام عسکری
آل جلوات مهدینی، وئر صلوات حیدری
اونلا نفس گئدور گلور دُؤن یوزونه دوباره باخ

• دوشنبه
• 19
• آبان
• 1399
• ساعت
• 16:23
• نوشته شده توسط
• یوسف اکبری

افسوس‌اولا غیبت ‌داغیدوب لانهٔ‌ دینی
ویران ائلیوب بخل و حسد، خانهٔ دینی
ای آدینی نوکر قویان ارباب شهیده
چوخ زیر و زَبر ایلمه کاشانهٔ دینی

اندامیوه سن جامهٔ ابلیسی گیورسن
غیبتده مَثَل لاشهٔ انسانی ییورسن
داغلاردان آغیر معصیتون وار، نه سببدن؟
توز تپراقیجان معصیتِ خلقی، دیورسن؟

غیبت ائلین شخصیده یوخ ذرّه صداقت
غیبت ائلین شخص جفاپروره لعنت
پیغمبر اکرم بویوروبدور بوحدیثی
بدتردی زنادن، عَملِ عاملِ غیبت

گَل معرفتین مملکتیندن گُذر ایله
وجدانون اگر وار بو حدیثه نظر ایله
گوردون که عزا مجلسی غیبتکده اولموش
گئتمکدن ائله مجلسه(فیضی) حذر ایله

• شنبه
• 24
• آبان
• 1399
• ساعت
• 19:39
• نوشته شده توسط
• یوسف اکبری

آی گوزوم باخ یولا دلبر بو یاخینلیقدا گلر
قاش گوزی قامتی محشر بو یاخینلیقدا گلر

دئمه گلمز کی حقیقتدن اوزاقدیر بوسوزون
چونکه اهل دیله دلبر بو یاخینلیقدا گلر

روح ایمان و دیانتدی یقین ایله یقین
جدّی پیغمبرخ بنذربویاخیلیقدا گلر

مرد ایثار و فتوّت شرف اهل نظر
خلف ساقی کوثر بو یاخیلیقدا گلر

قلب عالمده اکن مهرو محبت آغاجین
اولمییا قلب ائوی مضطر بویاخیلیقدا گلر

یاشیل عمّامه باشیندا قره قاش گوز گوزلیم
حق طلب عالمه سرور بو یاخیلیقدا گلر

بلبلی شوقه چمنزار وفاده گئتیرن
باغ عبدییته زیور بو یاخینلقدا گلر

منشأجود و کرم خاتم مرسل نوه سی
سن بیل الله ائله باور بو یاخینلیقدا گلر

قالمیوب گون بولود آلتیندا یقین قالمییاجاق
گوندن آیدیم مه انور بو یاخینلیقدا گلر

آقامین آدینه قربان اوزی فرمایش ائدوب
گلماقی اولدی میسّر بو یاخینلیقدا گلر

گوز بولاغیندن آخان گوزیاشینا آند اولسون
آیت حضرت داور بو یاخینلیقدا گلر

سوزلرین ماحصلی «مژدۂ» وصلتدی غرض
اذن حقی اوکی گوزلر بو یاخینلیقدا گلر

• سه شنبه
• 27
• آبان
• 1399
• ساعت
• 12:33
• نوشته شده توسط
• یوسف اکبری

نجـه مهـدی عـلم عـشقی بپا ایلییـه جـاق
نجه مهدی کی انا المهدی صدا ایلییه جاق

نجه مهدی ستم و ظلمی فنا ایلییه جاق
عدل قرآن و علـینی بو بـنا ایلیـیه جاق

نجه مهدی بشری غرق دعا ایلیـیه جاق
پیسیلن یاخچینی البته جدا ایلییه جاق

نـجـه مـهـدی کـی محبـان خانـم زهــرانی
کوثره دعوت ائدوب عشقی عطا ایلییه جاق

نجه مهدی کی باخان فاطمه بنذر گوزونه
مبتلا هر نـقـدر اولـسـا دوا ایلـیـیه جاق

نجـه مـهـدی قـوراجـاق دولـت عالمـتـابیـن
اوچ یوز اون اوچ نفری آری ندا ایلییه جاق

نجه مهدی کی گلنده یئر اوزی گول اولاجاق
قورولــان نـرده لـری دور بقیـعدن یولاجـاق

نجه مهدی قاباغیندا هامـی عالم اسـه جاق
حکمرانان بقیع بوینونی بیر بیر کسه جاق

سالاجاق گنبد و گلدسته بهار ایلییه جاق
نرده نی دور بقیعدن بو کنـار ایلیـیه جاق

یازاجاق گنبده شیر اوغلیدی بی واهمه دی
شرف آئینه سـی عالمـده فـقـط فـاطـمـه دی

• پنج شنبه
• 29
• آبان
• 1399
• ساعت
• 20:21
• نوشته شده توسط
• یوسف اکبری

الله الله اورک لخته قاندی
هاردا قالدی مسافر؟ یوباندی
من سنی گورماقا بی قرارم
صبریمین کاسه‌سی دای جالاندی

منتظر گوزلریم یولدا قالدی
یوسف فاطمه هاردا قالدی

ای بهشتیم منیم هاردا قالدون
هجرانیندا بیزی درده سالدون
هی قنوتیمده سجاده سالدیم
سجده ده من سنون عطرین آلدیم

منتظر گوزلریم یولدا قالدی
یوسف فاطمه هادا قالدی

گوزلرین دهریده نوری سن سن
خلقتین اصل منظوری سن سن
یونس و خضر و عیسی و موسی
عاشیقین باشدا کی شوری سن سن

منتظر گوزلریم یولدا قالدی
یوسف فاطمه هاردا قالدی

دردلره گل اوزون ایله چاره
قلبیلر غصه دن اولدی یاره
پرده نی ردّ ایله سن اوزوندن
قوی دویونجا باخاخ گل عذاره

منتظر گوزلریم یولدا قالدی
یوسف فاطمه هاردا قالدی

فرقتونده اورک قاندی تز گل
قلبیمن باشی اوتلاندی تز گل
گلمدون سینمی دلدی غملر
شمع و پروانلر یاندی تز گل

منتظر گوزلریم یولدا قالدی
یوسف فاطمه هاردا قالدی

هاردا قالدون آقا داده تز گل
ای امیدیم گل امداده تز گل
غصه و غملره دای دوزوم یوخ
سسلیر شیعه فریاده تز گل

منتظر گوزلریم یولدا قالدی
یوسف فاطمه هاردا قالدی

• پنج شنبه
• 29
• آبان
• 1399
• ساعت
• 20:26
• نوشته شده توسط
• یوسف اکبری

يولين گوزتله نگارين چك انتظارگلر
فرج دعاسين اوخي وقتي چاتسايارگلر

بوانتظارفرج بئير بويوك عبادت دور
بويول گوزتلمگه ائيله افتخارگلر

اينان شمادته قويمازغيورشيعه لرين
سواردل دل اولوب الده ذوالفقارگلر

قورارحكومت عدل علي ني عالمده
ائدر عدالتيله صلحي برقرار گلر

آقام ظهورائلينده جهان اولارگلشن
قيش اولسادا دولانوب ائيل اولار بهارگلر

جناب فاطمه قبرين گورنميوب شيعه
بالاسي گلسه تاپوب ائيلر آشكارگلر

قانين آلار ئوزي مظلوم كربلانين آقا
اوگلسه شيعيه قدرتله اقتدارگلر

گورنمورخ يوزين اما بئزي گورور مولا
گورنده اوندا كي يوخدور بئيره هاوارگلر

بئيزه وظيفه بودور حق دئيوب دوزوب دایاناق
ائدنده پرده ني الله ئوزي كنارگلر

خلاصه ايله سوزي « اشرفي » بوبيتيله
داريخما شیعه اگروقتي چاتسايارگلر

• دوشنبه
• 10
• آذر
• 1399
• ساعت
• 22:47
• نوشته شده توسط
• یوسف اکبری

اولین جمعه ی سال اولدی آقا ایله ظهور

نور سیمائیله دنیانی ائله وادی طور

آند وئروک سنی زهرا آناوین عفّتینه

بو قدر اولماگیلان محنت غیبتده صبور

شیعه لر جمعه نمازین آقا تعطیل ائلیوب

فیض عظما بو جماعتدن اولوبدور داخی دور

باغلانوب درب مساجد آچیلوب باب الم

بو عملدن اولوب ابلیس دنی غرق سرور

خلقین آرامش و آسایشینی سلب ائلیوب

آدی ویروس، عملده ولی شیطان شرور

بیزه امداد ائله مولا بو بلادن قوتاراخ

قویما ابلیس قباقینده سینا پاک غرور

بیر بلا دور بو بلا هامونی مجرم تانیوب

هرکسین اوز ائوین ایتموش‌اوزینه محبس زور

بله معلوم اولونور وقت ظهورون یتیشوب

چونکه آفاقی بوتون چولقالیوب ظلمیله جور

سایه ی لطفیوه چک شیعه لری ای شه دین

قویما تشخیص و بصیرت گوزیموز تا اولا کور

قیل عنایت هامیموز لایق درگاهون اولاخ

درس پر بار ولایتدن ائدک کسب شعور

اولسا توفیق رکابوندن ئوپک فخر ائلیک

سندن آیریلمیاق عالم بویی تا یوم نشور

آند وئروک سنی زنداندا گویرمیش بدنه

آچ سعادت قاپیسین "زعفره "ای مطلع نور

• چهارشنبه
• 12
• آذر
• 1399
• ساعت
• 22:49
• نوشته شده توسط
• یوسف اکبری

گـلـسه جهان روضه‌‌ی رضوان اولار

یــوخسولادا زندگی آســــان اولار

گلسه شرافت باغین آبــاد ائــــدر

بـنده دوشـــن ملّتی آزاد ائــــدر

گـلـسه اگـر آنـد اولا پیـغمبره

آنــد اولا نامـوس شه مـحشره

عشقینه ظالـم لری قربان ائـــــدر

قـصرلرین خاکیله یکسان ائـــــدر

• یکشنبه
• 16
• آذر
• 1399
• ساعت
• 18:49
• نوشته شده توسط
• یوسف اکبری

گون گچوب نيمه شعبان يتيشوب ماحصلي
نعمتين عا لمه ايلوبدي خدا ارزاني

گون كيمين عالم تاريكي ايشيقلانديردي
ويردي اون بير آيا جلوه رخ چون رخشاني

منجي دين خدا دور شرف كون و مكان
قان آلان مصلح دين شاد ايدجك انساني

گرمركب اولا دريالر آغاج لاردا قلم
يازا شا نينده ملكلر بونا يوخ امكاني

آدي مهدي دور هدايت گرعدا لت پيشه
گلدي تا قالميا يرده شهدانون قاني

• چهارشنبه
• 19
• آذر
• 1399
• ساعت
• 23:43
• نوشته شده توسط
• یوسف اکبری

یارادوب نیمه ی شعبان
نوریدن بیر مه تابان
فخر ایدر بو خلقتیندن
اوزینه خدای سبحان
دیللره زمزمه گلدی
مهدی فاطمه گلدی
یوزی آیدی چوخ گوزلدی
گوزل آدی چون عسلدی
گلمیوب تای اونا گلمز
بی بدیل و بی مثلدی
مفخر ختم رسالت
عالمه همای رحمت
دیللره زمزمه گلدی
مهدی فاطمه گلدی

• چهارشنبه
• 19
• آذر
• 1399
• ساعت
• 23:48
• نوشته شده توسط
• یوسف اکبری

بیر گون عالملری آیینه نور ایلر آقا
الده برنامه سی اعلان حضور ایلر آقا

غیبدن ظاهر اولار جامه عدل اگنینده
مسند حقده دوروب رفع امور ایلر آقا

یار و انصاری رکابینده گزر یئر یوزونی
دولانوب عالمی هر ملکه عبور ایلر آقا

هر یئره گئتسه بیر عده چاغورار یا مهدی
باخوب انصارینه احساس غرور ایلر آقا

ظالمه ویرمز امان فاسدی رسوا ائلییر
چشمه فسق و فساد و شری کور ایلر آقا

سالار اوت بار دگر نسل ابو سفیانه
فتنه برنامه لرین زنده بگور ایلر آقا

دولانار حال مکدرله بلا چؤللرینی
کربلا واقعه سین بیرده مرور ایلر آقا

جدینون ماتمینه گؤزدن اولار اشکی روان
ئورگین غصه لره سنگ صبور ایلر آقا

فاطمه قبری نه مدتدی نهاندور آقامیز
گلسه بیربیر آییروب فک قبور ایلر آقا

جمعه لر مهدیه مختصدی زهرا بالاسین
گؤز گؤرنمز ولی دللرده ظهور ایلر آقا

عشقوی ذره کم ائتمه آقیا منتظر اول
اولماسا عشق مگر قلبه خطور ایلر آقا!؟

پایگاه حفظ و نشر آثار عباسی معروفان اهری

• دوشنبه
• 24
• آذر
• 1399
• ساعت
• 14:50
• نوشته شده توسط
• یوسف اکبری

ای گل باغ زهرا...قائم آل طاها
عالمه نور ساچارسان...اولسان اگر هویدا
ای گوزل آقام
سن گوزومون ضیاسی سن
ای گوزل آقام
شیعه لرون آقاسی سن
ای گوزل آقام

قلبیلره صفاسن....عشقیده باوفاسن
تز گل آقا یوبانما...دردیمیزه شفاسن
ای گوزل آقام
محفیلمون چراغی سن
ای گوزل آقام
شیعه لرون دایاغی سن
ای گوزل آقام

تز گل ئوزون هرایه....قویما قالاخ بلایه
منتقم اول جهاندا....خون شه ولایه
ای گوزل آقام
سن دیلیمون ازبری سن
ای گوزل آقام
بو خلقتین زیوری سن
ای گوزل آقام

• سه شنبه
• 9
• دی
• 1399
• ساعت
• 19:35
• نوشته شده توسط
• یوسف اکبری

سبک: میگذرد کاروان...

سرولرین قامتی
قامتِ مهدیده دی
ماه لرین طلعتی
طلعتِ مهدیده دی

اهل کسا ئوزلری
پنج تنین سوزلری
فاطمه نین گوزلری
صورت مهدیده دی

گوزلرون قربانی هارداسان؟
دردیمین درمانی هارداسان؟

گوزلریمیز یولدا قالوب سن گله سن
یابن الحسن یابن الحسن یابن الحسن

سن علوی زاده سن
بیر شه آزاده سن
گوزلریمیز یولدادی
تا چاتاسان داده سن

حرمت سجاده سن
ذائقۀ باده سن
شیعه لرین رهبری
هرایکی دنیاده سن

هجره وئر خاتمه هارداسان؟
یوسف فاطمه هارداسان؟

گوزلریمیز یولدا قالوب سن گله سن
یابن الحسن یابن الحسن یابن الحسن

باده وصلون جوشور
ساغریمون اوستونه
شعله چکور فرقتون
مِجمریمون اوستونه

وورما گیلن سن قدم
کوه و بیابانیده
گل قدمون قوی آقا
گوزلریمون اوستونه

وارسنه چوخ سوزوم هارداسان؟
یولدا قالدی گوزوم هارداسان؟

گوزلریمیز یولدا قالوب سن گله سن
یابن الحسن یابن الحسن یابن الحسن

عالمی محنت دوتوب
بسط صفا سنده دی
درده«مُصَیّـب» دوشوب
بذل دوا سنده دی

کرب و بلا مُلکینه
ظاهر اولان دمده گل
جدّین حسینون گوزی
گل کی آقا سنده دی

دوغراندی پیکرلر هارداسان؟
عطشان یاندی اصغرهارداسان؟

گوزلریمیز یولدا قالوب سن گله سن
یابن الحسن یابن الحسن یابن الحسن

• پنج شنبه
• 11
• دی
• 1399
• ساعت
• 15:08
• نوشته شده توسط
• یوسف اکبری

سبکها : ای قلم ...جامه عشقیوی ...

شکر اولا خالق مهربانه
حجتین یوللادی بو جهانه
نرگسی گل آچوب گل ستاندا
مژده اولسون بوگون شیعیانه

بو گلی که آچوب مثلی اولماز
آختارارسان بیله گل تاپولماز
آگه اولسون بو دنیانون اهلی
تا قیامت خزان اولسا سولماز

گورمیوب روزگار بیر بیله گل
عارضی لاله تک زلفی سنبل
نغمۀ عشق اوخور هر چمنده
سایه سینده گلوب شوره بلبل

دولدوروب عطری کون و مکانی
می ایچوب مست اولوب عاشقانی
قائم ایلرقیامه جهانی
سسلیون نام صاحب زمانی

نور حقدن جهان اولدی پر نور
دشمن دین وقرآن گوزی کور
فاطمه قاننی گلدی آلسون
تا اولا شیعه لر قلبی مسرور

اهل دل اولدی بوگونده دلشاد
باغ دینی ایدوب عطری آباد
حل ایدر مشکلاتی بو گلسه
ذیحاتی ایدر غمدن آزاد

فاطمه یوسفی سرو قات
گوز تیکوبدور سنه بو جماعت
منتظر قویما گوز یولدا قالسون
بسدی غیبت گل ایله کرامت

گلشن عشقیوه گرچه خاروخ
گول فراقینده گَل بیقراروخ
هرجمعه سسلروخ هارداسان گَل
آتش عشقه یانّوخ شراروخ

هر نیوخ بندۀ حق پرستوخ
عاشق محو یار الستوخ
ساقی ساغر ویروبدور پیاپی
بادۀ عشقیوه مست مستوخ

مهدیا خوش گلوبسن جهانه
بیرنظرایت بیزه بو بیانه
بانی وهیئت و ( عدلی) سندن
ایستوری کربلا عیدیانه

• پنج شنبه
• 18
• دی
• 1399
• ساعت
• 11:43
• نوشته شده توسط
• یوسف اکبری

سبک: ای گل مینای من و......

ماه اولوب کامل عیار
قورتولوبدی انتظار
نرجس خاتونیدن
گلدی دّرشاهوار

ای صبا ایله خبر
باش ویروب بوگول سحر
گوز آچوبدی عالمه بوماه رخشاندی
نصف شعباندی خدایا شیعه خنداندی

اولما شیعه اشکبار
باطل اولدی برکنار
باغلانی دست جفا
گلدی صاحب اقتدار

گول گول ِباغ حسن
شادو خرم هر چمن
نکهتیندن بلبل اولدی خرم وخندان
گلدی دنیایه گتورسون دردلره درمان

اولدی بوگوندن شعار
اولماسون دل بی قرار
مهدی موعود گلوب
تکمیل اولدی هشت وچار

شاخۀ طو بای دین
سرور اهل یقین
نیمۀ شعباندا گلدی لطف ایدوب یزدان
نور چشم شاه عشق وبندۀ سبحان

تاپدی شیعه بال وپر
شاد و خندان سربه سر
منتظر دورنصب ایده
پرچم فتح و ظفر

معدن جود و سخا
مظهر ذات خدا

شکرلله گلدی گتدی رحمت وغفران
مهدی صاحب زماندی خسروخوبان

عالمه دوشسه شرر
تاپسا دین حق خطر
قدرت یزد ا نیلن
عالمه ایلر نظر

یوسف کنعاندی بو
منبع احساندی بو
بوشه کون ومکاندی عالمه سلطان
رازدار کاینات و دلبر جانان

حجّت اکبردی بو
زاده ی کوثردی بو
قبله ی حاجات عشق
آخرین رهبردی بو

سسله گلسون (عدلنی)
چال بشارت طبلنی
گلدی ملک دینه ویر سون هرزمان سامان
قلب عالم فیض بخش و معنی ایمان

• پنج شنبه
• 18
• دی
• 1399
• ساعت
• 11:45
• نوشته شده توسط
• یوسف اکبری

گلستان ولایتده آچوبدی بیر گل زیبا
جنان عطری ویرور بو گل جهان پیر اولوب بُرنا

سحروقتی گلوب موجه کرم دریاسی رحمتدن
او موجه غرقدور عالم محبّت موجی روح افزا

یتوشدی نیمۀ شعبان تجلّی ایلدی بیرگون
اولوب نور جبینیندن منوّر دیدۀ زهرا

قدم قویدی بو دنیایه قویولدی آد اونا مَهدی
قدومی چشم دنیانی ایدوب روشن اولوب بینا

نه مولود مثلینی دوغماز بو دنیایه گلن نِسوان
آلوب نورون بو زهرادن دوغانماز مادر دنیا

امام عسگری باب و آناسی نرگس خاتون
وجودیندن ییور روزی بوعالم اهلی ما فیها

فتحنا پرچمی اَلده قیام ایلر گلر ویرسون
علم اَسسون گوزللنسون بو دوقّوزگُنبد خَضرا

گل ای شاه زَمَن تز گل حجابی چهره دن آچ گل
تجلّی ایله گون آی تک سن ای ماه جهان آرا

گل ای کشتی رحمت گل که دریا اولدی طوفانی
سن اولسان کشتی ده آمر چوخالماز جُنبش دریا

خوشام اول ساعته دیلده اَنَالحق کعبه دن گلسون
قدم قویسون گوزوم اوسته واریم دورباشدا بو سودا

ضعیفانه ایدر نُصرت اولار گمراه لارا ناجی
ویرر ظالم لره کیفر مُنافق لر اولار رسوا

شها (عدلی) گوزی یولدا نقدری منتظر قالسون
بو هجراندان قوتار بسدی گل ای فرمانده ومولا

• پنج شنبه
• 18
• دی
• 1399
• ساعت
• 11:48
• نوشته شده توسط
• یوسف اکبری

شکرلِلَه که مَهِ رحمت وغفران گلوب
معصوم اون دورد اولماقا نیمۀ شعبان گلوب

فیض حق دریا کیمی گلدی جوشه بوآیی
شاد وخرم هرچمن عالمه بش جان گلوب

سوّم شعبانیده گوز آچوب سلطان عشق
ثاری ثار لله اولان افسرشاهان گلوب

مقد میندن عرشیان شوره گلدی فرشیان
فاطمه اوغلی حسین عالمه سلطان گلوب

معدن جود و سخا مظهر ذات خدا
دین حقّه ایلسون جاننی قربان گلوب

قبلۀ حاجات عشق هم معین شاه عشق
سرو بستان علی صبر ایدوب صوندان گلوب

وه چه مولود قد بلند قول اوزون َانّی کورک
خصم دینی یخماقا فارِس میدان گلوب

بوعلمدارِ شهِ " کربلا عبّاس دور
قُلزم قَهر خدا منبع احسان گلوب

سیّد سجّاد علی صاحب نور جلی
پنجم شعبانیده لطف ایدوب یزدان گلوب

شاخۀ طوبای دین سروراهل یقین
نورچشم شاه عشق ناطق قرآن گلوب

گون کیمی ایتدی طلوع آللها ایلرخضوع
عابد معبود اولار بندۀ سبحان گلوب

اون بیر شعبانیده بیر گل دیگر آچوب
عطریلن عالم دولوب بیر مه تابان گلوب

خَلقَا و خُلقَا رسول اولماسین دللر مللول
روز عاشورا اولا دینه پشتیبان گلوب

نصف اولوب شعبان آیی گوزآچوب دنیا آیی
مهدی صاحب زمان خسروخوبان گلوب

واردی بُلبُلده شُعَف گلدی تا بیرگل گوره
آشیانون ترک ایدوب جانب بستان گلوب

ای صبا ایله خبرباش ویروب بوگل سحر
نِکهتیندن گل چمن خرم وخندان گلوب

بوآیی اَعظم سایاخ بیربیره تبریک دیاخ
اوچ اِمام و بیر وزیر فوق هر انسان گلوب

ساقیا ویرجام مِی مُطربا چال سازو نِی
فارغ ایت هر هَمّیدن دردلره درمان گلوب

بش یاشیندا امر اولوب خلقیدن پنهان اولوب
غیبتیندن حیف اولا چوخ غلط ادیان گلوب

ظلمت شبده اولان کورخُفاش جهان
گورسه طُغیان ایلمزافسرشاهان گلوب

غم فلستینه یاغورچوخ مسلمانلار باخور
اتحاّد اُولمورندن بوغمه کیوان گلوب

قان توکوبدی اشقیا بُمب آتوبلار سامرا
ظاهرا ویران اولوب گوئیا طوفان گلوب

گه آتورلُبنانه بُمب اُولدورور پیروجوان
هرآنا اوغلون گورورقانینه غلطان گلوب

ای اولان فَخر زَمَن عَجّل ای پورحسن
بسدی غیبت گل گوراخ هجریوه پایان گلوب

ای شه کون ومکان ملجأ خلق جهان
مین نچه ایلدی رجب هی گیدوب شعبان گلوب

گلمدون گوز یولدادی (عدلی) بلکه قالمادی
اولمه میش ایستورگوره ختم بوهجران گلوب

• پنج شنبه
• 18
• دی
• 1399
• ساعت
• 11:50
• نوشته شده توسط
• یوسف اکبری

عالمه قویدی قدم عالم گلستان ایلسون
گل جمالیندن جهانی باغ رضوان ایلسون

نرگسی گل دور شبستان علیدن نور آلوب
گلدی نوریله جهانی نور باران ایلسون

بیرگولیله ای دیئن عالم بهاراولما اولار
عالمه بیر گول گلوب آچسون بهاران ایلسون

دوشدی آی گون نوریدن اولدی خسوفیله کسوف
گون باتوب آی چخمادی نورون او پنهان ایلسون

مریمون عیساسی تک گلدی ویره دَم عالمه
جسم بی جان جهانی صاحب جان ایلسون

صلـح جویان جهـان مندن بشارت سیزلره
قوخمیون گلدی عدالت خانه بنیان ایلسون

کعبیه تکیه ایدر اوچ یوز اون اوچ انصاریلن
ریشۀ ظلمی یریندن خشک و ویران ایلسون

دردی چوخ درمانی یوخ مظلوم اولانلار عصریده
گلدی بیر حاذق طبیب تا درده درمان ایلسون

هر گونوم بیر ایل گچر غیبتده دی رخشان گونوم
بیر بیرگون آدینه گلر ظلمت درخشان ایلسون

(عدلیم) من جام عشقیندن خمارم روز وشب
انتظارم جرعه ویر سون مست مستان

• پنج شنبه
• 18
• دی
• 1399
• ساعت
• 11:52
• نوشته شده توسط
• یوسف اکبری

محترم دلبریم نازنینیم
دنیاگوزلوریولون مه جبینیم
گل جانیم گل منیم نورعینیم
ای وفا ملکونه بیقرینیم

کر :

مهدیا گل اماندی اماندی
فرقتوندن اورک لخته قاندی

آتش عشقه یانّام شرارم
گُل فراقینده گَل بیقرارم
باغ عشقونده من گرچه خارم
گلشن دین گُلی یاسمینیم

نیلیوم بواولوب سرنوشتیم
عاشقم لیک وارروی زشتیم
فرقتون نارو وصلون بهشتیم
ای اولان عشقی سود وزیانیم

گلشنون خاریم با وفایم
بلبل محفلم خوشنوایم
طالبم اَمر حَقّه رضایم
ای اولان یَمدَه دُّرثَمینیم

هرنَیَم بندۀ حق پرستم
عاشق محو یار الستم
عشق معشوقیدنمست مستم
خرمن حُسنه ای خوشه چینیم

فاطمه یوسفی سروقامت
گوزتیکوب یولّارا بوجماعت
بسدی غیبت گل ایله کرامت
عارضی نوگل فرّ و دینیم

گل اوپوم اللرون هم ایاقون
یاندورور قلبیمی اشتیاقون
تلخکام ایلیوب دور فراقون
ای لبی شکـّریم انگبینیم

گرچه خار گل وگلستانم
خادم اهل بیت دوستانم
(عدلیم) من سگ آستانم
درگهی دولت جاودانیم

مهدیا گل اماندی اماندی
فرقتوندن اورک لخته قاندی

• جمعه
• 19
• دی
• 1399
• ساعت
• 22:21
• نوشته شده توسط
• یوسف اکبری

جلوه ی جمال و حسنون من ایدم اگر حکایت
شمسیلن قمر ستاره اولی گل یوزه کنایت

چیره دستموش که نقّاش چکدی تااوروی ماهون
بنزدوب سنی نقدری وار پیمبره شباهت

اوخشادام آیا جمالون یوخدی آیدا اول وجاهت
گون دیسم مقابلینده بیر توکون ایدر کفایت

بش یاشندا غیبت ایتدون عالمین گوزی یولوندا
ملکا به وجه تعجیل ظاهر اول ایله عنایت

فاطمه گولی گلستان گوللری پوزولدی تز گل
بلبل آغلوری چمنده گولدن ایلوری شکایت

نقدر بولود دالیندا قالا جاق او گول جمالون
ای اولان فیوض بخشِ بوجهان تا قیامت

صنما بو آیرولوقدان جانا گلدی عاشقانون
منتظر اولان یورولدی هاچانا کیمی غرابت

صنما اورک اویندن او جمالی ایتمه پنهان
گل اوپوم الون ایاقون گرچه منده یوخ لیاقت

نـقدر دو زوم فراقه یته بولموروم وصاله
گوره گر بوگوزجمالون تا پارام آقا سعادت

روح وجانیمه بوهجرون اود ویروب سالوب شراره
خرمن وجودعشقی یاندورور ایدوب سرایت

کفرو ظلم آلوبدی مِه تک دنیانون یوزون اماندی
گَل غُبار کُفری پاک ایت اولان ای خدایه آیت

نچه زورگو الیندن تنگه گلدی بومسلمان
دینه هَتک حُرمت ایلورهر زمان تاپور فراغت

گـه فِلسطینه تجاوز گهی اَل آتور عراقه
زُلفقار الینده تز گَل حُکم ایله اولا عدالت

گَل زمان غیبتیندن گورمدوخ عدالت اولسون
عدل وداده بیر عَلَم ویر اَسدیرای شه ولایت

آیه ی حِجابه کافر چوخلاری اولوب زماندا
تاپشوروب حِجابی قرآن گَل اوزون ایله تلاوت

پیر اولوب وجود (عدلی) یتیشور تمامه عمری
وار امیدی روز محشر ایده سن اونا شفاعت

• شنبه
• 20
• دی
• 1399
• ساعت
• 20:58
• نوشته شده توسط
• یوسف اکبری