اشعار ویژه حضرت مسلم (ع)

مرتب سازی براساس
کربلایی نوید آسال اردبیلی

متن شعر ترکی زبانحال حضرت مسلم علیه السلام -(بوکوفه ده سفیرون ) *کربلایی نوید آسال اردبیلی

854
2

متن شعر ترکی زبانحال حضرت مسلم علیه السلام  -(بوکوفه ده سفیرون ) بوکوفه ده سفیرون
قانه بویاندی مولا
بوشهربی وفایه
گلمه آماندی مولا
.
.
گلسون سنی بوملت خنجرله یوخلیالار
سینونده غم شرارین عالمده ساخلیالار
گراصغری گتیرسون ال اوسته اوخلیالار
نارجفاده قلبیم جان اوسته یاندی مولا
.
.
نور جمالون ای شه ناز ایلر آفتابه
بیرغم گراندی اما بوخانه سی خرابه
گلمه بوشهره مولارحم ایله سن ربابه
اصغرسیزاول جنابه زندان جهاندی مولا
.
.
گلسون بواهل کینه اوخلان سنی سراقلار
خنجرله بو جماعت اکبر تلین داراقلار
قاسمون آتلو اعدا گل پیکرین ایاقلار
گوزیاش توکن بوعمده کروبیاندی مولا
.
.
بند وفانی بی شک اهل فتن قیرالّار
آئینه حیانی نخوتله سیندیرالّار
بیعت گرایتمسون سن سینوندن اوخ ویرالّار
ل

  • یکشنبه
  • 13
  • مرداد
  • 1398
  • ساعت
  • 09:37
  • نوشته شده توسط
  • ابوالفضل عابدی پور
ادامه مطلب
فروشگاه پرچم

متن شعر ترکی زبانحال حضرت مسلم علیه السلام -(شاه دینون یاریم من ) * حاج داود بیدق داری

721

متن شعر ترکی زبانحال حضرت مسلم علیه السلام  -(شاه دینون یاریم من ) شاه دینون یاریم من
کوفه ده اواریم من
سسلرم هر لحظه مولا
یابن زهرا یابن زهرا
.
شمع تک عشقونده یاندیم
کوچه لرده تک دولاندیم
کوفه ده یوخ جای مأوا
یابن زهرا یابن زهرا
.
یا حسین احوالیمه آغلار در و دیوار کوفه
باغلانان قوللاریمه شاهد دی بو بازار کوفه
.
کوفه ده یوخ جای مأوا
یابن زهرا یابن زهرا
.
.
.
.
.
.
.
قید عشقه بسته یم من
عاشق وارسته یم من
باغلیدور قولّاریم اما
یابن زهرا یابن زهرا
.
دوره می دشمنلر الدی
گوزلریمده گون قرالدی
محشر اولدی اوندا گویا
یابن زهرا یابن زهرا
.
یا حسین اوغلانلاریم قربان زلف اکبر اولسون
اذن وئر بو شهریده جانیم فدای اصغر اولسون
.
کوفه ده یوخ جای مأوا
یابن زهرا یابن زهرا

  • دوشنبه
  • 21
  • مرداد
  • 1398
  • ساعت
  • 12:02
  • نوشته شده توسط
  • ابوالفضل عابدی پور
ادامه مطلب

متن شعر ترکی زبانحال حضرت مسلم (ع) -(ای صبا من تک گل شور و شینه ) * محمد قربانی وصال تبریزی

743
-1

متن شعر ترکی زبانحال حضرت مسلم (ع)  -(ای صبا من تک گل شور و شینه ) ای صبا من تک گل شور و شینه
منیم دیلیمجه عرض ائت حسینه
.
منده غم حالی عیاندی
کوفیه گلمه اماندی
ذره ذره جسم و جانیم
شمعی تک اوت دوتدی یاندی
.
فرقتون شمعی سونیدی
گردش عالم دونیدی
من سنه نامه یازاندا
کاش الیم اوندا سنیدی
.
گلمه مولا ....
.
.
.
.
گل قالوب گوئیا خار الینده
قالموشام اوجور اشرار الینده
.
گل قالوبدی خار ایچینده
گزموشم انظار ایچینده
ایپ قولوما سالدی اعدا
سورودی بازار ایچینده
.
چوخ یارام وار بی طبیم
اوز ائلیمنون بی نصبیم
آند اولا اصغر جانونا
کوفه شهرینده غریبم
.
گلمه مولا ....
.
.
.
.
شهر اهلی اوت قلب زاره وردی
هر گلن مسلمه یاره وردی
.
اوستومه اوباش توکولدی
دیده دن قانیاش توکولدی
غفلتا”

  • سه شنبه
  • 22
  • مرداد
  • 1398
  • ساعت
  • 14:12
  • نوشته شده توسط
  • ابوالفضل عابدی پور
ادامه مطلب

متن شعر ترکی زبانحال حضرت مسلم بن عقیل علیه السلام -(یاحسین کوفه لیلرعهده وفاایلدیلر ) * علیرضا حضرتی (ناعمی)

867

متن شعر ترکی زبانحال حضرت مسلم بن عقیل علیه السلام  -(یاحسین کوفه لیلرعهده وفاایلدیلر ) یاحسین کوفه لیلرعهده وفاایلدیلر
کوفه ده مسلمی آماج بلا ایلدیلر
ای امام الثقلین/وارث میرحنین
قلبیم القانه دونوب/کوفیه گلمه حسین
.
.
ای شهنشاه سنه مسلموین جانی فدا
کوفیه گلمه که یوخ کوفه نون اهلینده وفا
ملتینده نه وفاوارنه شرف وارنه حیا
اولمویان ظلمی بواشراررواایلدیلر
.
.
خبریم واردی آتان چوخ بولاراخدمت ائدوب
ابوالایتامیمیش،ایتامینه چوخ رأفت ائدوب
آج قالوبدور،فقرایه چورگین قسمت ائدوب
آتاوین دِینینی حقونده ادا ایلدیلر
.
.
کوفه ده ذرّه جه هئچ رنگ صداقت یوخوموش
ملتینده سنه ای شاه لیاقت یوخوموش
شهرحیدرده عجب،بوی ولایت یوخوموش
سیندیروب باغلادیقی عهدی جفاایلدیلر
.
.
یوللامیشدی آقاجان اون ایکی مین نامه

  • دوشنبه
  • 21
  • مرداد
  • 1398
  • ساعت
  • 11:56
  • نوشته شده توسط
  • ابوالفضل عابدی پور
ادامه مطلب
 مهدی عبادی(بیکس)

حضرت مسلم(ع) -(غربت ئولکه ده قالمیشام غریب) * مهدی عبادی(بیکس)

375

حضرت مسلم(ع) -(غربت ئولکه ده قالمیشام غریب) غربت ئولکه ده قالمیشام غریب
بو دیاره سن گلمه یا حسین

آز قالور کَسیلسین باشیم منیم
ظلم و کینه دن گلمه یا حسین

گلمه یا حسین

دوره می قوشون آلدی سربه سر
ایتدیلر هجوم تا بو بیکَسه

منده سسلدیم یا علی اودم
حمله ایلدیم قوم ناکَسه

یاره ووردولار یاره اوستونه
عمر رشته سين ایستدی کَسه

باغلانوب قولوم اولموشام اسیر
ووردی هر گَلَن گلمه یا حسین

بی وفا چخوب کوفه امّتی
بیعتی حسین سیندیریبدیلار

مرتضی عَموم تک چوخ اینجیدوب
غمله قلبیمی دولدوروبدیلار

اولماسین گوروم هیچ کیمی غریب
تک گوروب منی چوخ ووروبدیلار

گوزلوری سنون قانیوی توکه
لَشگرِ فِتَن گلمه یا حسین

نامه یازدیم امّا خجالتم
حقّی داندیلار قوم اشقیا

اکبرین بولار قانینی توکَر
عون و فَضلیوی ئولدورر آقا

رحم ایله حسین شیرخواره وه
قان توکن دی بو فرقه ی دغا

گَلَسن اینجییَر گول بالالارون
چوخدی یول کَسن گلمه یا حسین

واقفم بو قومون اورکده کی
کینه سيندن ای شاهِ ذوالحَسَب

نه وَفا بولور، نه حَیا بولور
نه قالوبدی بیر غیرت عَرب

گوشواره لردن اوتور یَقین
قیزلارون دوشر درده بی سَبب

قَتل و غارتین نقشه سين چَکور
زَجر شمریلن گلمه یا حسین

حُجَت خداسن یِر اوسته سن
ماسِوا یِتَر سنله ایمَنه

وار او قُدرتین باخسان آتَشه
اود دونَر حسین، باغ و گلشنه

بامیدَن سنه یوللورام سلام
فرقی یوخ اوزاق، یا یاخین سنه

حیف اولا سنی گورمَرم داخی
شاهِ مُمتَحَن، گلمه یا حسین

ای کرامَتین کانی یا حسین
باشه چاتدی عُمروم بَلالیَم

(بیکَس) و غریبم بو شهریده
ائل قبیله دن من آرالیَم

آخرین نَفَسدی عم اوغلی جان
بَسکی قان گیدوبدی یارالیَم

اوز خیالیمی باشدان آتمیشام
بو دیاره سن گلمه یا حسین

  • پنج شنبه
  • 21
  • اسفند
  • 1399
  • ساعت
  • 17:32
  • نوشته شده توسط
  • یوسف اکبری
ادامه مطلب

حضرت مسلم(ع) -(مُسلم آدیم دور ای قُوم اِسلامه حامیم من) * صادق تائب

1146

حضرت مسلم(ع) -(مُسلم آدیم دور ای قُوم اِسلامه حامیم من) مُسلم آدیم دور ای قُوم، اِسلامه حامیم من
ئولدورمیون حسینین قائم مَقامیّم من

سانمون که خود سَرانه بو سر زمینه گلدیم
اِثباتِ حَقّدن اوتری ای اهلِ کینه گلدیم
مأمور ایدوب اَمیریم تَرویجِ دینه گلدیم
اردوی شاهِ عِشقه اَرشد نِظامیّم من

ای کوفیان واریم دور پیغمبری له نسبت
سانمون حَقیر بِیله شَرم اِیلیون جَماعت
سالدوز منی اَیاقدان اَشرارِ بی مُروّت
باغِ شَریعت ین بیر سروِ خرامیّم من

عِلّت نَدور که قتلیم تشکیل ینی قورور سوز
ئولدورماقیم دان اوتری سیز صَف به صَف دورورسوز
اَمریم یتوب تَمامه آیا ندن ورورسوز
صیّادِ مرگین آخر مَحبوس دامیّم من

بو عَرصه گاهی چوخ تَنگ ایتمون بو دل فکاره
سال دوز بو زاری دلدن باغلان دی راهِ چاره
صَد پاره دور وجُودیم وُرمون یارا دوباره
ئولدورمِ یون امان سیز اسلامه حامیّم من

مهمان آدیله اوّل بو زاری دَعوت اِیت دوز
بو سر زمینه گلدیم اوّلده بیعت اِیت دوز
بو نَقضِ عهده آخر نُولدی که سِبقت اِیت دوز
فکر ایتم دوز امامین روح و قوامیّم من

اِیلوب منی امامِ برحَقّ برگزیده
بو شهرِ شُومه والی ای قُومِ بَد عَقیده
ایمدی منه اِیدرسوز اَسبابِ قَتل چیده
شَرم اِیلیون اِمام ین نایب امامیّم من

بو کوی حَقّده یُوخ دور باش ویرماقیم دا باکیم
خوش دور منه داغلسون بو جسمِ چاک چاکیم
لذّت ویرور بو رُوحه آخدوق جا خونِ پاکیم
برجِ صداقتین بیر بدرِ تمامیّم من

اولسام فنا بو یولدا بُولّم که وار بَقاسی
دگدوقجا یاره آرتار بو گوگلی مون صَفاسی
صُون دَمدَه لیک وورمون ای قُوم دل یاراسی
ایتمون منه شَماتت شَخصِ گرامیّم من

بو کُوفه اِیچره گر چه بی یار و اَقرَبایم
هم یالقوزام غَریبم رَنجُور و مُبتلایم
یوخ سس ویرن سَسیمه حسرتله آشنایم
قومِ قُریش ین اَمّا ذوالاِحترامیّم من

اُود لّار دلِ جهانی بو دردِ بی عَلاجیم
جان اُوستیم یانیم دا نه وار آنام نه باجیم
صُون دَمدَه آشنایه چُوخ واردی اِحتیاج یم
جامِ لقای یارین خُشگیده کامیّم من

سیزلرده یُوخ مُروّت ای تابعانِ سُفیان
ووردوز او قَدر سالدوز بو بیکسی اَیاقدان
یُوخسا منِ غَریبی سیز بُول موسوز مُسلمان
دانش سرای دینده شاگردِ نامیّم من

قانه بویان مشام من چون تیر خورده آهو
یاندی دلیم عَطشدن ای اَشقیای بَد خو
جانیم یتوب دوداقه بیرجه اِیچیم ویرون سو
گر چه مِیِ الستین سر مستِ جامیّم من

اولسا اگر بو یرده بیر قاصدِ مَدینه
عرض ایلسون حسینه گلمه بو سَر زمینه
مهمانی ئولدورلّر بو یرده اهلِ کینه
کافرلرین قتیلِ تیر و حسامیّم من

مُسلم غَمی نده (تائب) قان آغلا سینه داغلا
نسگلّرین خیال ائت اَشگون عذاره باغلا
چوخ دل نشیندی مَطلع ذَکر اِئت دوباره آغلا
مُسلم آدیم دور ای قوم، اِسلامه حامیّم من

  • چهارشنبه
  • 17
  • شهریور
  • 1400
  • ساعت
  • 11:27
  • نوشته شده توسط
  • یوسف اکبری
ادامه مطلب

متن شعرترکی زبانحال حضرت مسلم (ع) -(گیت ویر خبر حسینه باد صبا اماندی ) * اکبر بیضائی بنابی

588

متن شعرترکی زبانحال حضرت مسلم (ع)  -(گیت ویر خبر حسینه باد صبا اماندی ) گیت ویر خبر حسینه باد صبا اماندی
ظلمیله کوچه لرده مسلم قانا بویاندی
.
گلمه داخی بو شهره یوخدور وفا ائلینده
تنها وار ادعاسی بو مردمین دیلینده
قالدیم بو کوچه لرده اشرار کین الینده
ای فاطمه بالاسی قدیم داخی کماندی
.
ابلاغ ایله سلامیم ایستکلی شهریاره
تک قالموشام بو یرده یوخدی الیمده چاره
جان قالمیوب بدنده از بس وروبلا یاره
صبریم ائوی ستملن بو کوفه ده تالاندی
.
سایسز یارا بو یرده الدن آلوب دوزیمی
دوندردی اهل کوفه شامه بو گوندوزیمی
بیر آشنا یوخومدی تا باغلیا گوزیمی
بو کوفه نین هواسی بحرانلیدی دوماندی
.
یوخدور ایلیم بو یرده بو زاره آغلاسونلار
گوز یاشلارین عذاره شوریله باغلاسونلار
برپا ایدوب عزامی هم

  • یکشنبه
  • 13
  • مرداد
  • 1398
  • ساعت
  • 09:34
  • نوشته شده توسط
  • ابوالفضل عابدی پور
ادامه مطلب

متن شعر ترکی زبانحال حضرت مسلم ابن عقیل (ع) -(دوره‌می دورد طر‌ف آلیب ) * مرحوم میرزا جبار مضطر اردبیلی

1997
7

متن شعر ترکی زبانحال حضرت مسلم ابن عقیل (ع)  -(دوره‌می دورد طر‌ف آلیب ) دوره‌می دورد طر‌ف آلیب
آتلی پیاده یا حسین
اکبری یوللا یالقوزام
کوفیه داده یا حسین
.
.
ائتمیشم اول قَد‌َر بو گون
جنگ و جد‌ل یورولموشام
جانیمه دویموشام یتیب
باشه اجل یورولموشام
ائتمیر‌م اول جسار‌تی
دادیمه گل یورولموشام
خواهشیم اوندادیر فقط
سال منی یاده یاحسین
.
.
تیغلرین سوواردیلار
کوفه ‌نین اهلی زهریلن
دسته به دسته قتلیمه
ائیلیر هجوم قهریلن
بیر نفرم یارالیام
جنگ ائدیرم بو شهریلن
قالدیم اوزوک قاشی کیمی
گور نه آرادا یا حسین
.
.
گلمه بو شهرکوفیه
دوشمه بو من دوشن حالا
یوللا عم اوغلو‌مین بیرین
بلکه گلیب قصاص آلا
یا اول ابالفضل گلیب
منله وئریدی ال اله
قویمویا من اسیر اولام
ابن زیاده یا حسین
.
.
کوفه

  • سه شنبه
  • 15
  • مرداد
  • 1398
  • ساعت
  • 11:16
  • نوشته شده توسط
  • ابوالفضل عابدی پور
ادامه مطلب
 محمدرضا محمدی (ناعم)

نوحه زبانحال حضرت مسلم(ع) -(ای آدی هر درده دوا حسینجان حسینجان) * محمدرضا محمدی (ناعم)

470

نوحه زبانحال حضرت مسلم(ع) -(ای آدی هر درده دوا حسینجان حسینجان) ای آدی هردرده دوا
حسینجان،حسینجان
مسلم اُلوردینه فدا
حسینجان،حسینجان

راه حقیقتدی حسین،مرامیم۲
آدون اولوب زینت هر،کلامیم۲
صون نفسیمده سنه وار،سلامیم۲
من ئولورم دیلده دعا
حسینجان،حسینجـــان

کوفه نین اصلایوخوموش،
صفاسی۲
روحی سالوردردوغمه،هواسی۲
مردمینون یوخدی آقا،وفاسی۲
رحم ائلموللرقوناقا،حسینجان حسینجان

تیغیمی چکدیمائلدیم،اراده۲
حمله وراولدوم سپه،عناده۲
قالدی یارالی بدنیم،آراده۲
باشیمی ایلله جدا،
حسینجان حسینجان

یوخدی بوملتده آقا،شرافت۲
نامه یازوب تیلدیلر،خیانت۲
طاقتیمی الدن آلوب،جراحت۲
یوخدی وجودیمده قوا
حسینجان حسینجان

غصه لی ،افسرده وغم، نصیبم۲
کوفه دیارینده آقا،غریبم۲
لحظه دیدارووه،بی شکیبم۲
سنده گوزوم واردی آقا
حسینجان حسینجان

هریره گئتدیم سوزومی،دانیشدیم۲
حقی بیان ایلمگه٫چالیشدیم۲
سوزعطشدن آقاجان، آلیشدیم۲
سیندی دیشیم،دوشدی سووا
حسینجان حسینجان

یالوارورام اصغرووی، گتورمه۲
قاسمووی،اکبرووی ،گتورمه۲
زینب غمپرورووی، گتورمه۲
قمچی ویراللارباجووا
حسینجان حسینجان

کوفه ده بی کسلره اَل چالان وار
چالان وار
دیلسیزاوشاقه آقااوخ آتان وار
آتان وار
بامیلراوستن سیزه داش ویران وار
ویران وار
داش توخانار قیزلارووا
حسینجان حسینجان

یامسلم بن عقیل(ع)

آقا،برای شخص شماسفره چیده اند

نقشه برای حضرت سقاکشیده اند

مردان زره خریده و آماده ی نبرد

زنهابرای سنگ زدن دوره دیده اند

  • پنج شنبه
  • 14
  • اسفند
  • 1399
  • ساعت
  • 18:00
  • نوشته شده توسط
  • یوسف اکبری
ادامه مطلب
 حسین خدایی زنجانی

احوالات حضرت مسلم(ع) -(کوفه ده مسلم قالوب تنها حسینجان گلمه سن) * حسین خدایی زنجانی

930

احوالات حضرت مسلم(ع) -(کوفه ده مسلم قالوب تنها حسینجان گلمه سن) کوفه ده مسلم قالوب تنها حسینجان گلمه سن
محشر کبری اولوب برپا حسینجان گلمه سن

السلام ای سرور خوبان سلامیم وار سنه
شهر غربتدن اقا غملی پیامیم وار سنه
فرصتیم آزدی ولی نثر وکلامیم وار سنه
اولدی کل کوفیان اعدا حسینجان گلمه سن

من سفیر عشقیوم باخمام نقدری غم گله
راضی اولمام قامتین بو پیکر اوسته خم گله
لذتی واردی باشیم قانی یوزه نم نم گله
جانیوه قربان اولوم مولا حسینجان گلمه سن

قاف عشقونده پر آچدیم تا باشیم عرشه چیخا
قویمارام بو بی حیالر پایه ی دینی یخا
باخمارام زخم سنان و خنجر و حتی اوخا
گلمگین اوسته قوپوب دعوا حسینجان گلمه سن

کوفیان یازدیغلارین ظلمیله اثبات ائتدیلر
جان نثار مکتب عشقه جسارت ائتدیلر
نقض پیمان ائتدیلر فورا خیانت ائتدیلر
نامه ی فتنه اولوب امضا حسینجان گلمه سن

قولاریم باغلاندی تا باب وفا باغلانماسین
سویلویوم قلبیم سوزون قلبین اقا داغلانماسین
دویمادیم سندن آقا, حسرت اورکده قالماسین
قانه دوندی بو دل دریا حسینجان گلمه سن

مجلس اعدایه گلدیم یوخدی بیر ذره گیله
ایستدیم سو میل ائدم قانیم سوا وئردی صله
قلبیدن عرض ایلدیم مولا عقیله لطف ائله
نامه می امضا ائده زهرا حسینجان گلمه سن

گورموسن حتما دوشنده زخمی طرلانی یئره
اوجیدن قاتل سالوب من زار و تنهانی یئره
گور نه خوشدی جاری اولموش باشیمون قانی یئره
قانیله اولموش یوزوم زیبا حسینجان گلمه سن

عشق عیارین هر نقدر وئرسان محک دل ایستیر
گل وصالین هر زمان بستاندا بلبل ایستیر
بو "خدایی" یاحسین بیر شان افضل ایستیر
سن ائله پرونده سین امضا , حسینجان گلمه سن

  • شنبه
  • 16
  • مرداد
  • 1400
  • ساعت
  • 23:53
  • نوشته شده توسط
  • یوسف اکبری
ادامه مطلب

حضرت مسلم(ع) -(ای جماعت من گلِ گلزارِ ایمانم بیلون) *مرحوم محمدتقی قمری گلزار دربندی

467
3

حضرت مسلم(ع) -(ای جماعت من گلِ گلزارِ ایمانم بیلون) ای جماعت من گلِ گلزارِ ایمانم بیلون
دین گلستانی نده بیر سروِ خرامانم بیلون

شاهبازِ اوجِ عزّت، آشیانیم فوقِ عَرش
طایرِ فَرخنده سِیر باغِ رِضوانم بیلون

اصلِ فطرتده قُریشم، نسلِ پاکِ هاشمی
چرخِ عزّت بُرجی نه بیر ماهِ تابانم بیلون

چون حَسَبده اِبنِ عَمَّم، مُصطفی دلبندیم
هم نَسَبده دین ایچون مَرصوص بنیانم بیلون

حمزه دور عَمّ کباریم، شاهِ اقلیمِ وفا
مسندِ تختِ وفاده مَنده سُلطانم بیلون

بیر عَموم شهبازِ جنّت، جعفرِ طیّاریدور
بارگاهِ رَفعته شَمعِ شَب ستانم بیلون

وار جَلالیم، ابنِ عَمِّ کربلا سلطانی نه
جانشینِ میرِ بطحا شاهِ دورانم بیلون

گوشوارِ عرشه نائب، مُسلمِ ابنِ عَقیل
منزیل تده آصفِ مُلکِ سُیلمانم بیلون

گوندورب دی چون منی مصرِ بلا بازاری نه
گلمیشم ، بیر یُوسفِ یَعقوب کَنعانم بیلون

ایتمیون هیچ اوزگه فکر، ای لشکرِ فرعون یان
سیزلره دریا یاران مُوسی ابنِ عُمرانم بیلون

اولموشام شیرِ خداونده شجاعت وارثی
دهریده قائم مَقامِ شیرِ یَزدانم بیلون

قالعِ خِیبر علیِّ المُرتضا دور لّافتا
من داخی قلّاعِ رُکنِ قُومِ سُفیانم بیلون

جوش ایدوب دعوا گونی دریای قَهرِ سِطوتیم
گر تلاطم ایلسم دریای عُمّانم بیلون

رَعد تک اولّام خُروشان، چرخه سالّام اضطراب
عرصه گاهِ رَزم یده بنیاد طُوفانم بیلون

هیبتی ندن نَعره مون لرزاندی دوقّوز کوهِ قاف
معرضِ جَنگاه ایچینده شیر غُرّانم بیلون

صف شکن، اعدا فکن، ضَرغامِ صَحرای نبرد
دُشمنه هیجا گونون ده مَردِ مِیدانم بیلون

ای اولانلار ظاهراً اسلام، باطین ده یَهود
یوخ مگر انصافوز آخر من مسلمانم بیلون

وورمسوز اُول قَدر یاره قان آچوب فَوّاره لر
طاقتیم یوخ لاله تَک اَلقانه غَلطانم بیلون

یوخدی باکیم ئولمگیمدن، وار باشیم دا عشقِ یار
اولسا مین جانیم اگر عَبّاسه قُربانم بیلون

کوچه لرده قالدی سَرگردان ایکی اوغلان لاریم
اونلارون احوالینه چوخ دیده گریانم بیلون

تا نفس وار وِرد و ذِکریم یاحسین دور یاحسین
گلشنِ ماتمده بیر (قمریّ) نالانم بیلون

  • دوشنبه
  • 15
  • شهریور
  • 1400
  • ساعت
  • 23:05
  • نوشته شده توسط
  • یوسف اکبری
ادامه مطلب
 ودود آذرین خلخال

زبانحال حضرت مسلم(ع) -(مني تك گوروبدي اعدا ؛ ايليور جفا حسين جان) * ودود آذرین خلخال

347

زبانحال حضرت مسلم(ع) -(مني تك گوروبدي اعدا ؛ ايليور جفا حسين جان) مني تك گوروبدي اعدا ؛ ايليور جفا حسين جان
بورا گلمه اهل كوفه ؛ ايلمز وفا حسين جان

من او مسلمم كه گيچديم ره حقده جان و سردن
باشيما رضايم الله گله هرنه بو سفردن
قاپوا حسين دخيلم داخي گيتمرم بودردن
منه نوشيدور يولوندا گله هربلا حسين جان

مني يولادون بو شهره اولام عشقووين سفيري
بيله كوفي لر بوشهره گلر عالمين اميري
اول احترام ايدوبلر منه خرديلن كبيري
ديديلرهاچان بو شهره ويره جك صفا حسين جان

بيله حالي گوردي مسلم سنه يازدي نامه تزگل
غم وغصه لر بو يرده يتشوب تمامه تزگل
بولار احترام ايدللر سن كيمي امامه تزگل
گوروشون تمام درده اولاجاخ دوا حسين جان

ولي كوفه ده عقيده عوض اولدي گلمه مولا
داخي يوخدي همنشينيم مني تك قويوبدي اعدا
بورا گلمه گرچه وصلون سنون ايلورم تمنا
بوغريبه كوفه اهلي ايليور جفا حسين جان

اولا آزقالير سفيرون بو زمان فداي اصغر
داخي قالميشام آدامسيزگله داده خوشدي اكبر
بويور ابن عميم عباس يتيشه هرايه آخر
گورم اولمميش او ماهي؛ ايلورم دعا حسين جان

فقط (آذرين) دگول كي قاپوا دخيل اولوبدي
هامي آستانبوس شه بي بديل اولوبدي
كيم اوزاق دوشوب قاپوندان ابدي ذليل اولوبدي
قاپوا گرگدي شاهلار اولالار گدا حسين جان

  • چهارشنبه
  • 24
  • دی
  • 1399
  • ساعت
  • 18:43
  • نوشته شده توسط
  • یوسف اکبری
ادامه مطلب
 رامین محمد زاده

احوالات حضرت مسلم(ع) -(سندن سفیرون ناگراندی گلمه گلمه) * رامین محمد زاده

400

احوالات حضرت مسلم(ع) -(سندن سفیرون ناگراندی گلمه گلمه) سندن سفیرون ناگراندی گلمه گلمه
سن بیل ننون زهرا اماندی گلمه گلمه
مسلم عم اوغلون جان وئرور
جانین سنه قربان وئرور
گلمه عم اوغلی

زور و زریله نوجوان و پیر آلوللار
دسته به دسته نیزه و شمشیر آلوللار
امضا وورانلار جعبه جعبه تیر آلوللار
اصناف کوفه اوخ ساتاندی گلمه گلمه

گلمه بولار اللهی دیناره ساتوبلار
الله کلامین کِذبی گفتاره ساتوبلار
حلاجی داره، دینی کفاره ساتوبلار
دین ساخلاماق بوردا گراندی گلمه گلمه

زهرا ائوین نامه یازانلار یخدی گلمه
پیمان شکن لرقلبیمی چوخ سیخدی گلمه
امضا ائدنلرده یالانچی چیخدی گلمه
باشدان باشا کوفه یالاندی گلمه گلمه

گلمه بولار ئوز کینه سین تئز بولدورلر
باشون کسوب اول باشه خلقی گولدورولر
باشسیز گوروب اهل و عیالین ئولدورولر
ظلمون بساطی چون عیاندی گلمه گلمه

گلمه جلال و عزتون قویما تالانسین
اوچ شعبه پیکانیله سینون پارچالانسین
اکبر جمالی حیفی دور قانه بویانسین
بی شک آناسی باغریقاندی گلمه گلمه

پیغمبری جناتیده گریان ائده لر
آل علینون خانه سین ویران ائده لر
قارداشووی ئوز قانینه غلطان ائده لر
فطرت لری بیرپارچا قاندی گلمه گلمه

ایرانه عزم ایله سنی خوش یوخلاسونلار
گلمه عراقه قویما دردون چوخلاسونلار
نقشه چکوبلر اصغری تا اوخلاسونلار
کوفه سراسر اوخ آتاندی گلمه گلمه

چولدن چوله دوشمه عیالون باشسیز ائتمه
گلمه عم اوغلی زینبی قارداشسیز ائتمه
گل بو «پریشانین» گوزون گوزیاشسیز ائتمه
دائم سنه نوحه یازاندی گلمه گلمه

  • شنبه
  • 18
  • بهمن
  • 1399
  • ساعت
  • 19:58
  • نوشته شده توسط
  • یوسف اکبری
ادامه مطلب

حضرت مسلم ابن عقیل(ع) -(ای عشق و وفا دریاسی) * محمد علی مصیبی

610

حضرت مسلم ابن عقیل(ع) -(ای عشق و وفا دریاسی) آهنگ : ای ساقی ما سرمستان

ای عشق و وفا دریاسی
آزاده لرین آقاسی
سنی زینبین جانی حسین جان کوفیه گلمه

مکتوب اولونوب چوخ نامه
وار قتلیوه چون برنامه
بو ئورکلره حاکمدی شیطان کوفیه گلمه

(( مولا – مولا ))

ذرّه وفا یوخدی حسین کوفی جماعتده
والله یاشیللار اوج استحقار و خفت ده
نامه یازوبلا گرچه سنلن باغلانوب پیمان
دللر ولی مرجانه نین اوغلی له بیعت ده

مسلم جانینی بذل ایلر
بذل شرف و فضل ایلر
جان اولسا دوباره قسمت
قربان ابوالفضل ایلر
گئچرم جانیمدان یاتماسین تا پرچم ایمان
هم ئوزوم سنه قربان اولوم هم جوت بالام قربان
(( مولا – مولا ))

بو سمته گلمه کوفه ده صدق وصفا یوخدی
از بس منافق وار ئورکلرده وفا یوخدی
بو سمته گلمه آشنالر اولدی بیگانه
بو سینه لرده جذبۀ آل عبا یوخدی

ای قلبی جفادن یاره
بئل باغلاما بو اغیاره
ویرانه دی کوفه گلمه
رحم ایله حسین قیزلاره
بو جماعتین فکری فناءِ دین و قرآندی
هاموسی منافقدی ولی اِسماً مسلماندی
(( مولا – مولا ))

کوفه همان دربار سردمدار خیبردی
کوفه همان خلوتگه آلام حیدردی
کوفه همان یردی قلجلاندی علی باشی
فزت ورب الکعبه نی افلاکه گستردی

  • چهارشنبه
  • 13
  • اسفند
  • 1399
  • ساعت
  • 23:18
  • نوشته شده توسط
  • یوسف اکبری
ادامه مطلب
 مهدی عبادی(بیکس)

حضرت مسلم(ع) -(بو شهر کوفه بی صفادی) * مهدی عبادی(بیکس)

363

حضرت مسلم(ع) -(بو شهر کوفه  بی صفادی) آقا
بوشهر کوفه بی صفادی
کوفی لرین ایشی جَفادی
‌بوردا غریبی ئولدوره للر
بو شَهرین اهلی بی وفادی

حسین حسین عزیزِ زهرا

آقا
بلا و محنته دچارم
غربتده من غریب و زارم
تَک قالمیشام دشمن ایچینده
صیّاد اَلینده کی شکارم

آقا
قانیم آخور یارالاریمدان
ای دردِ عالَمِینه درمان
سَرین سو اولمادی نصیبیم
عطشان ئولَم گَرک حسین جان

آقا
گَلمه بو شَهرِ پُربلایه
بَلا سالوب بو شَهره سایه
ناز اورگَنوب قیزون رقیّه
گَتیرمه سن اونی نوایه

آقا
جوانلاری قانه بویاللار
آنالارین مَلَر قویاللار
چوخ باجینین قارداشی اوسته
قلبین جفائیله اویاللار

آقا
باخماز بولار شأنِ امامه
بالالارون سالالّا دامه
دنیا مالیندان اوتری آخر
ووراللا اود آقا خیامه

  • پنج شنبه
  • 21
  • اسفند
  • 1399
  • ساعت
  • 17:12
  • نوشته شده توسط
  • یوسف اکبری
ادامه مطلب
 حسین خدایی زنجانی

زبانحال حضرت مسلم(ع) -(کوفیه گلمه حسین کوفه نین امنیتی یوخ) * حسین خدایی زنجانی

767

زبانحال حضرت مسلم(ع) -(کوفیه گلمه حسین کوفه نین امنیتی یوخ) کوفیه گلمه حسین کوفه نین امنیتی یوخ
مسلمی اولدورجکلر بولارین غیرتی یوخ
گل هرایه یاحسین
بو عزایه یاحسین

قالمیشام کوفه ده بی یار و هوادار نه اءدیم
نه واریم اکبر و قاسم نه علمدار نه اءدیم
کیمسه یوخ تا اءلیم دردیمی اظهار نه ادیم
وءررم جانیمی بو یولدا اقا منتی یوخ

گلمیشم کوفیه حقی سیزه اعلان اءلیم
معرفت درسی وئرم، تابع قران اءلیم
حاضرم دینه گوره ترک سر و جان اءلیم
آخر دم آقا گل بو غریبین فرصتی یوخ

یاخشی تک کوفیه گلدیم نه هراسیم وار الان
نه یانیمدا بالالار تک گل یاسیم وار الان
جنته گتمگیچون توشه ، اساسیم وار الان
گدیرم جنته مهمان بورانون لذتی یوخ

شیری روبهلر ارایه سالوب اقا گوروسن؟
ظاهرا نامه لری ایتدیلر امضا گوروسن؟
جنگیده قانه باتوب بو قد و بالا گوروسن؟
ولی قرباندی سنه جانیم حسین منتی یوخ

او کسانی که نقدر یازمیش اقا نامه سنه
ایندی شمشیری چکوبدی هامی دشمندی منه
نظرین اولماسین هیچ سو وءره لر صودامنه
شمریله حرمله نین ذره قدر عزتی یوخ

گیدیرم قتلگه گوزله ءوزوندن آقاجان
دویمادیم والهی اول لحن و سوزوندن آقاجان
آقام عباسه بویور گوزله گوزوندن آقاجان
اها شرده اقاجان شرم و حیا سیرتی یوخ

نجه کی اووچی سالار گویده کی طرلانی یءره
شهپری یاره لنر هی سوزولر قانی یءره
اوجیدن آتدی عدو من تک و تنهانی یءره
کوفه نین بیعتینون درصد کیفیتی یوخ

اوتوروب گرد غریبی باشیما جان یارالی
میزبان مست می اولموش ولی مهمان یارالی
اولدی مسلمده شهید با لب عطشان یارالی
دیجکدور که "خدایی" سوزوون قیمتی یوخ

  • دوشنبه
  • 11
  • مرداد
  • 1400
  • ساعت
  • 16:11
  • نوشته شده توسط
  • یوسف اکبری
ادامه مطلب
 محمدرضا صادقی

متن شعر ترکی زبانحال حضرت مسلم علیه السلام -(دولاندیم کوچه به کوچه تاپام بیر امن ماوانی ) * محمدرضا صادقی

486

متن شعر ترکی زبانحال حضرت مسلم علیه السلام  -(دولاندیم کوچه به کوچه تاپام بیر امن ماوانی ) دولاندیم کوچه به کوچه تاپام بیر امن ماوانی
دریغا اولمادی بو کوفه ده آرامش امکانی
.
الهی رحم ائله بیر کیمسه یوخدور یاوریم اولسون
قوتارسون درد و غمدن غربت ایچره بو پریشانی
.
مگر نامه یازانلار هاردادی امدادیمه گلسون
ندندور گورسنور بو شهریده چوخ نابسامانی
.
نه واردور کیمسه احوالیم سورشسون دردیمی بولسون
نه واردور کیمسه سیراب ایلسون بو تشنه قربانی
.
نقدری سسلدیم اولاد هاشمدن منم مسلم
گلون ترک ائتمیون بو کوفه ده سیز آل طاهانی
.
نه امداده گلن اولدی نه حالیمی بولن اولدی
عجب داندی جماعت الده کی بو عهد و پیمانی
.
یهودی گلسه هر ایوده تاپار امنیت کامل
ندندور کیمسه قبول ایلمیر من تک مسلمانی
.
گلون رحم ایلیو

  • دوشنبه
  • 14
  • مرداد
  • 1398
  • ساعت
  • 10:17
  • نوشته شده توسط
  • ابوالفضل عابدی پور
ادامه مطلب

متن شعر ترکی زبانحال حضرت مسلم بن عقیل (ع) -(عاشقلرین ای سرور و سالاری حسینیم ) * حاج داود بیدق داری

665

متن شعر ترکی زبانحال حضرت مسلم بن عقیل (ع)  -(عاشقلرین ای سرور و سالاری حسینیم ) عاشقلرین ای سرور و سالاری حسینیم
درک ایله ئوزون مسلم بی یاری حسینیم
.
.
سنسن یتشن غم گونی فریاده عم اوغلی
مشکلده قالانلاره چاتان داده عم اوغلی
تک قالدی سفیرون یتش امداده عم اوغلی
قویما دوشه دیلدن بو دل افکاری حسنیم
.
.
عمریم قوتارور کوفه ده ای مهر هدایت
پرونده مه وور لطفیله سن مهر ولایت
نعمتدی منه عشقووه خاطر بوشهادت
فخریمدی باشیم گورسه سر داری حسینیم
.
.
واردور حرمونده قیزیم الان گوزی یولدا
قالدی سنون امییدیووه ای سرور بطحا
فخریمدی کنیز اولسا اگر زینبه مولا
سایونده تاپار عزت بسیاری حسینیم
.
.
عشق عالمیدور منده سنون عاشقون ای شاه
فرض ایله منی بوقاپودا سائل درگاه
سنسن بویارالی اوره گه دلبر دلخو

  • دوشنبه
  • 14
  • مرداد
  • 1398
  • ساعت
  • 10:55
  • نوشته شده توسط
  • ابوالفضل عابدی پور
ادامه مطلب

متن شعر ترکی حضرت مسلم ابن عقیل (ع) -(حسین ای آیت سبحان اماندی کوفیه گلمه ) *حاج تقی جابری تبریزی

1714
1

متن شعر ترکی حضرت مسلم ابن عقیل (ع)  -(حسین ای آیت سبحان اماندی کوفیه گلمه ) حسین ای آیت سبحان اماندی کوفیه گلمه
بو کوفی لرده یوخ ایمان اماندی کوفیه گلمه
.
بو قوم رذل و بد فطرت قوناقه ایلمور حرمت
ایدولّر ظاهراً بیعت اماندی کوفیه گلمه
.
حسین بو قوم کین پرور الینده نیزه و خنجر
آلوبلار دوره می یکسر اماندی کوفیه گلمه
.
آلوبلار تیغیمی الدن سالوبلار شیریوی دلدن
اوزاقه دوشموشم ایلدن اماندی کوفیه گلمه
.
ایدوبدی امر بیر دجّال یول اوسته قازدیلار گودال
بو کوفی لر اولوب افغال اماندی کوفیه گلمه
.
یتیشدی دشمن آماله دوشنده من او گوداله
یانان اولموب او احواله اماندی کوفیه گلمه
.
منی هر بیر یتن ووردی کناریمدن گیچن ووردی
گلن ووردی گیدن ووردی اماندی کوفیه گلمه
.
نه واردی یار و یولداشیم ق

  • دوشنبه
  • 21
  • مرداد
  • 1398
  • ساعت
  • 12:00
  • نوشته شده توسط
  • ابوالفضل عابدی پور
ادامه مطلب

متن شعر ترکی زبانحال حضرت مسلم ابن عقیل (ع) -(حسین بو کوفه نین اهلی وفادن آیریلدی ) * حاج روح الله رمضانی

518

متن شعر ترکی زبانحال حضرت مسلم ابن عقیل (ع)  -(حسین بو کوفه نین اهلی وفادن آیریلدی ) حسین بو کوفه نین اهلی وفادن آیریلدی
دونوب یاد اولدی هامی آشنادن آیریلدی
.
بولار کی یازدیلا بیز رهنماسیزوک تز گل
ال اوزدی هامیسی بو رهنمادن آیریلدی
.
اولده شمع هدایه اولوبلا پروانه
داغلدی تک تکی شمع هدادن آیریلدی
.
رضای ابن زیاد پلید و شومه گوره
بو کوفه اهلی رضای خدادن آیریلدی
.
بولارا کعبه سنیدون مناده مسلمدی
نه تز بو ناحاجیلار گور منادن آیریلدی
.
اولوبلا تابع ظلمت چکوبله نوردن ال
بولار چو شبپره نور و ضیادن آیریلدی
.
مریض بستر نرم جهالت اولدی چوخی
بو گون بو کوفده دارو دوادن آیریلدی
.
قوناقی دعوت ایدن میزبان ایدوب بیر ظلم
شعف آقا دل اهل سمادن آیریلدی
.
ادامه سی هله واردی بو ظلمون ای مولا
بو بیر

  • دوشنبه
  • 21
  • مرداد
  • 1398
  • ساعت
  • 12:01
  • نوشته شده توسط
  • ابوالفضل عابدی پور
ادامه مطلب

متن شعر ترکی زبانحال حضرت مسلم (ع) -(ای حجازی شهریاریم ) * مژده اردبیلی

758

متن شعر ترکی زبانحال حضرت مسلم (ع)  -(ای حجازی شهریاریم ) ای حجازی شهریاریم
کوفیه گلمه عم اوغلی
عزت و شأن و وقاریم
کوفیه گلمه عم اوغلی
کوفه اهلینده وفا یوخ
محنت وجور وجفا چوخ
بوجهتدن ای نگاریم
کوفیه گلمه عم اوغلی
.
یابن زهرا یابن زهرا
یابن زهرا یابن زهرا
.
.
.
بیرپریشان خاطریم وار
درد الیندن دردالیندن
کوفه شهرینده مشقّت
چکمیشم نامرد الیندن
اهل تزویر و ریانین
اولموشام دلسرد الیندن
شوکتیم سن اعتباریم
کوفیه گلمه عم اوغلی
.
.
.
کوفه شهرینده عم اوغلی
کیمدی مهمان اولدوروللر
خاصه کیم اولسا بویرده
اهل ایمان اولدوروللر
یوخ سوزوم ابن عقیلی
زار و نالان اولدوروللر
چون گئدور الدن قراریم
کوفیه گلمه عم اوغلی
.
.
.
ظاهر معناده گوزدن
بارش نیسان توکوللر
گوئیا گنج شرفد

  • سه شنبه
  • 22
  • مرداد
  • 1398
  • ساعت
  • 14:07
  • نوشته شده توسط
  • ابوالفضل عابدی پور
ادامه مطلب
 حاج اصغر فرشچی

متن شعر ترگی حضرت مسلم ابن عقیل علیه السلام -(گلدی چاتدی کوفیه مسلم سفیر شاه دین ) * حاج اصغر فرشچی

553

متن شعر ترگی حضرت مسلم ابن عقیل علیه السلام  -(گلدی چاتدی کوفیه مسلم سفیر شاه دین ) گلدی چاتدی کوفیه مسلم سفیر شاه دین
کوفه اهلین متّحد گوردی ازل عین الیقین
.
دفتر توحید آچوب ال قویدی دین تبلیغینه
یازدی نامه گل حسین سنسن امام العارفین
.
بولدوروب نامه یازانلار داخل بیعت دیلر
قول و فعلی دوزدی فعلا منتظر دور مؤمنین
.
قاصده ویردی یازولموش نامه نی دوشدی یولا
حیف اولا کسدی یولون یولدا بیرعدّه مُلحدین
.
بولدی تا ابن زیاد آلدی اله اول نامه نی
وحشته دوشدی اودم اعلان ایدوب شوم و لعین
.
تابع مسلم اولانلار مجرم اولموش اولماسون
جانینی آللوخ کیم اولسااوّلین وآخرین
.
چرخش دورانه اُف اولسون چونوب گون مسلمه
داندیلار نامه یازانلار یوز چوردی مسلمین
.
اقتدا ایتموش نمازه بیر گجه انبوه خلق
قورخی د

  • چهارشنبه
  • 23
  • مرداد
  • 1398
  • ساعت
  • 10:12
  • نوشته شده توسط
  • ابوالفضل عابدی پور
ادامه مطلب
 ودود آذرین خلخال

حضرت مسلم بن عقیل(ع) -(اولين فديه سلطان شهيدان مسلم) * ودود آذرین خلخال

299

حضرت مسلم بن عقیل(ع) -(اولين فديه سلطان شهيدان مسلم) اولين فديه سلطان شهيدان مسلم
كشته راه حق ومنطق و قرآن مسلم

سالك راه حقيقت گل بستان عقيل
مست و سرمست مي ناب خداوند جليل
سيرتي حيدري وصورتي زيبا و جميل
عاشق ذكر و دعا مظهر ايمان مسلم

حضرت حقين عقيل اوغلي گوزل بنده سيدي
لقبي سيف بني هاشمه زيبنده سيدي
كوفه ده مظلوم حسينون او نماينده سيدي
نجه كي حيدره مقداديله سلمان مسلم

يتشوب كوفيه برنامه سين اجرا ايلدي
نهضت حقه گوره نقشيني ايفا ايلدي
پرچم عشقي ازل كوفه ده برپا ايلدي
تاپدي ظاهرده دل ناخوشه درمان مسلم

ديديلر گلسه حسين شهره خرامان اولاريخ
اياقي آلتدا اونون عشقيله قربان اولاريخ
هرنه امر ايله سه لر گوش به فرمان اولاريخ
نامه ياز تا گله تز كوفيه سلطان مسلم

يازدي اربابينه مسلم سنه قربان تزگل
ياحسين يوردي مني تلخي هجران تزگل
كوفه گوزلور يولوي بويره مهمان تزگل
يولوا گول سپوري خسروي خوبان مسلم

كوفه ده يابن الحسن باد مخالف اسدي
ابن مرجانه بيلورسوز كي نجه ناكسدي
كوفه ده مكري اونون رشته الفت كسدي
دوستلارون دوندي اولوب هاميسي عدوان مسلم

ايش چاتوب بير يره قلبيم باشي شدتله يانور
تك قالوب كوچه لري نايب سلطان دولانور
گه گيدور گه اوتورور غمزده گاهي دايانور
ايله بيل كوفه ده هيچ يوخدي مسلمان مسلم

تكيه ديواره ايدوب سسلدي اي بادصبا
بو پيامي آپار الساعه وطنده آقاما
كوفيه گلمه دينن كوفه لي ده يوخدي وفا
ياحسين گلمه قالوب شهريده ويلان مسلم

ايندي بو منظره ني دردي اولان آل نظره
صبحه جك مهمان اولوب قورخولي كوي و گذره
طوعه نين دوشدي گوزي اوندا غريب بيرنفره
ديدي كيمسن ديدي من لبلري عطشان مسلم

ديدي بيرجرعه سوعطشان قوناقا ويرآناجان
من غريب الوطنم يوخدي كسيم حاليمه يان
اجروي فاطمه دن هر ايكي دنيا آلاسان
سويي ميل ايلسه حاله گلر الان مسلم

الغرض سوگتيروب طوعه آقا نوش ايلدي
گيتمدي قلب ايويني غم تيرينه توش ايلدي
تكيه ديواره ايدوب غصه لري جوش ايلدي
ديدي گيت منزلوه اولسا گر امكان مسلم

ديدي بو شهريده يوخ كيمسه اونا تكيه ايدم
يالقوزام چاره سيزم يوخ دي يولوم تا قييدم
گزورم شهري غريبانه هارام واردي گيدم
تانيمورسان منم اول غمكش دوران مسلم

مسلم آدين ايشيدوب طوعه اورگدن چكوب آه
ديدي منت منه قوي گل ايوه تا وقت پگاه
مسلمه طوعه اوينده اوگيجه ويردي پناه
اوخودي صبحه كيمين صوتيله قرآن مسلم

صبح آچيلدي آقا آماده پيكار اولدي
طوعه دن ايتدي خداحافظ اوركدن دولدي
طوعه نين ده ايله بيل رنگي بوغمدن سولدي
كفريله جنگ ايلسون چيخدي رجزخوان مسلم

توكولوب فوج اراذل آقاني دوره لدي
گلني پورعقيل وارد نيران ايلدي
ياعلي ديلده آقا دشمني قانه بلدي
ايليوب هرگلني قانينه غلطان مسلم

من عقيلون بالاسي معرفت آيينه سيم
هاشمي دور نسبيم حضرت حق بنده سيم
شاه عطشان دهنين يار و نماينده سيم
ايليوب كوفه ده برپا نجه طوفان مسلم

الغرض مكريله غملي اورگين داغلاديلار
آلديلا شمشيريني قولاريني باغلاديلار
دوشدي بيرحاله كي قوشلار حالينا آغلاديلار
سالدي گوداله سني قوم لعيمان مسلم

عار اولا حشره كيمي كوفه لينون غيرتينه
دشمنون دقت ايله قلبيده كي نخوتينه
ويردي بير ضربه اونون بكردني صورتينه
ديشلري سيندي دولوب آغزينا القان مسلم

محضر ابن زياده گتوروبلر او يلي
وارد مجلس اولوب عرض سلام ايلمدي
ديدوله عرض سلام ايله اميره علني
ديدي مولا دي منه شاه شهيدان مسلم

حضرتي بكر آپاريب دارالاماره بامينا
صيدي سالميشدي نجه ظالم كافر دامينا
باشيني ذبح ايلدي خصم يتيشدي كامينا
درديني باد صبايه ايدوب اعلان مسلم

اوجا يردن باشيلا قانلي بدن گلدي يره
باش و جاندان ره جاناندا گچن گلدي يره
اولين هديه سالار زمن گلدي يره
طوعه ده سسلدي ايمانوه قربان مسلم

(آذرين)عشق حسين مسلمي تسليم ايلدي
عالمه عشق و وفا درسيني تعليم ايلدي
مظلوم اربابين عزاداريني تكريم ايلدي
ايليير شك ايلمه دردوه درمان مسلم

  • چهارشنبه
  • 24
  • دی
  • 1399
  • ساعت
  • 18:48
  • نوشته شده توسط
  • یوسف اکبری
ادامه مطلب
 مجید قلعه بیگی

احوالات حضرت مسلم بن عقیل(ع) -(لوح قَدَرده حکّ اولوب شرح بلا عم اوغلی جان) * مجید قلعه بیگی

333
1

احوالات حضرت مسلم بن عقیل(ع) -(لوح قَدَرده حکّ اولوب شرح بلا عم اوغلی جان) لوح قَدَرده حکّ اولوب شرح بلا عم اوغلی جان
ملت پست کوفه ده،یوخدی وفا عم اوغلی جان

بدوِ جهان خاکیدن،کوفه لیلر دورویدی
ایشلری قتل اولیا،منطقی سیم و زوریدی
آنداولا روحِ حیدره اکثری بیشعوریدی
سن هارا کوفیان هارا، گلمه بورا عم اوغلی جان

مسلمه گرچه کوفیان لطف و ضیافت ائتدیلر
قول شرف وئروب بیزه کوفیه دعوت ائتدیلر
گلدی آرایه سیم و زر جمله خیانت ائتدیلر
لطف ائله گلمه کوفیه،شمس هدا عم اوغلی جان

کوفه ده جمله اشقیا،ظلملرین تمام ائدوب
قتلیوه یابن فاطمه، پیر و جوان قیام ائدوب
نامه یازنلار هامّوسی،کوفه ده ازدحام ائدوب
مست ائلیوبدی ملتی سیم و طلا عم اوغلی جان

ائیله قیام او شهریده، ترک ائلمه مدینه نی
من تانیدیم بو امّت ناکس و اهل کینه نی
فاطمه جانی در بدر ائلمه سن سکینه نی
کوفه نین آت داشین گئوت،گئتسن هارا عم اوغلی جان

فکر ائلمه خیال ائدم اوز ایکی نور دیده مه
دردِ رقیه اینجیدیر مسلمی،جان فاطمه
یوخدی طنابه طاقتی،قدرتی یوخدی هر غمه
غصه لیدی بلالیدی،کرب و بلا عم اوغلی جان

ریزه ب ریزه دوغرویار دست شقاوت اکبری
نهر فراتیده دوشر،ساقی لشگر اللری
اوچ پر اوخیله اوخلویار، حرمله دیلسیز اصغری
فرشیدن عرشه قوزانار،آه و نوا عم اوغلی جان

نظمه چکوبدی نصف شب بو سوزی دیده تو "فقیر"
لطف ائله قویما یاحسین،نفسینه تا اولا اسیر
سوزلرونین دادی اولار،گر اولا صاف چون (حقیر)
نعمتیدی بو شیعه یه، همده "خویا" عم اوغلی جان

  • یکشنبه
  • 3
  • اسفند
  • 1399
  • ساعت
  • 22:53
  • نوشته شده توسط
  • یوسف اکبری
ادامه مطلب
 مهدی عبادی(بیکس)

زبان حال حضرت مسلم (ع) -(سالیبلا مسلمی آرایه) * مهدی عبادی(بیکس)

354

زبان حال حضرت مسلم (ع) -(سالیبلا مسلمی آرایه) سالیبلا مسلمی آرایه
چاغیرمارام سنی هرایه
حسین بو شهر پر بلایه آقا گلمه

غریب و بی معین و یارم
بلا و محنته دچارم
قان ویروری دوداقدا یارم آقا گلمه

ازل گونوم خوش اولدی بو کوفیه گلنده
ولی بوگون سالیبلار بوشیریوی کمنده

ایوای یارالیم من باشی بلالیم من
سندن آرالیم من

بو شهرین هیچ صفاسی یوخدی
به جز غم و جفاسی یوخدی
کوفیلرین وفاسی یوخدی آقا گلمه

بوردا دیوب نه بیر گولرسن
دوزدی بونی اوزون بولرسن
گلسن بورا سوسوز ئولرسن آقا گلمه

بو بی وفا جماعت عناد اوسته دوراللار
خراب اولیدی کوفه قوناقه داش ووراللار

ایوای یارالیم من باشی بلالیم من
سندن آرالیم من

بولود مثالی دولموشام من
گُلچین الینده سولموشام من
سندن خجالت اولموشام من آقا گلمه

بو قان توکن شقی جماعت
ازل گون ایلیوبله بیعت
بوگون ولی ایدوب خیانت آقا گلمه

دارالاماره اوسته آهیم چخار سمایه
گلمه بوشهره مولا زینب دوشر بلایه

ایوای یارالیم من باشی بلالیم من
سندن آرالیم من

شهر ایچره(بیکَسم) حسین جان
باشدان ایاقه جسمیم القان
مسلم گلن یوللاره قربان آقا گلمه

گلشن عمر اولوبدی برباد
دوروبدی باشیم اوسته جلّاد
مسلم نه عجز ایدر نه فریاد آقا گلمه

یوخدورسنون یولوندا بو باشیمون بهاسی
قیزیم خدیجه اولسون رقیّه وین فداسی

ایوای یارالیم من باشی بلالیم من
سندن آرالیم من
آ

  • پنج شنبه
  • 21
  • اسفند
  • 1399
  • ساعت
  • 17:25
  • نوشته شده توسط
  • یوسف اکبری
ادامه مطلب
 امین اکرمی هاتف تبریز

زبانحال حضرت مسلم(ع) -(گیت صبا حسینه سویله کوفیه آماندی گلمه) * امین اکرمی هاتف تبریز

370

زبانحال حضرت مسلم(ع) -(گیت صبا حسینه سویله کوفیه آماندی گلمه) گیت صبا حسینه سویله کوفیه آماندی گلمه

نایبون ستمله بوردا قانینه بویاندی - گلمه

اهل کوفه‌نین حسین جان وار نه مهر و نه وفاسی

باشیمین منیم بو یرده واردی آیری ماجراسی

مسلمون بلالی جانی سن گلن یولون فداسی

آه و الامانیم عرشه

اود کیمی دایاندی - گلمه

آلدیلار منی آرایه هم پیاده هم سواره

جسمیم اولدی پاره پاره ووردولار ز بس که یاره

کیمسه یوخ عم اوغلی ایتسون من غریب زاره چاره

قان آخور دوداقلاریمدان

حالتیم یاماندی گلمه

بو گروه کینه اوّل ایتدیلر منیله بیعت

منده نامه یازدیم ایتدیم سنی بو دیاره دعوت

یازدیقیم او نامه‌دن من ایندی اولموشام خجالت

قوللاریم طناب ظلمه

باغلانوب آماندی گلمه

بوردا میزبان طنابه دست میهمانی باغلار

آتش فراق و محنت سینمی عم‌اوغلی داغلار

گلمه آل مصطفانی بو محنده قویما - آغلار

گلستان عمر مسلم

ظلمیله تالاندی گلمه

گلمه بو دیاره قانه غرق اولار علیّ اکبر

دوغرانار حسن نشانی - اوخلانار علیّ‌اصغر

باغلانار جفا الیله قول قولا بنات حیدر

اهل کوفه‌نین جفاسی

گون کیمی عیاندی گلمه

ای صبا حسینه سویله مسلم ایلیور تمنّا

کاروانیوی حجازه قیتر ای عزیز زهرا

ئولدورور عداوت اوسته نایبون بو قوم اعدا

ظلمیله دوداقیم اوستی

لخته لخته قاندی گلمه

نه زماندی "اکرمینون" سینه‌سینده واردی دردی

آرزو ایدوب مزارون گوز یاشین یوزه توکردی

روز و شب دیلینده ازبر بیله ورد ایدوب دیردی

گیت صبا حسینه سویله

کوفیه آماندی گلمه

  • دوشنبه
  • 9
  • فروردین
  • 1400
  • ساعت
  • 11:41
  • نوشته شده توسط
  • یوسف اکبری
ادامه مطلب
حاج ناصر تبسمی اردبیلی

حالات حضرت مسلم(ع) -( غربتده حسین مسلمی غم سالدی حصاره) *حاج ناصر تبسمی اردبیلی

322

حالات حضرت مسلم(ع) -( غربتده حسین مسلمی غم سالدی حصاره) غربتده حسین مسلمی غم سالدی حصاره
مندن الون اوز سنده دولانما بو دیاره

وار کوفه نون اهلینده بو اندازه منیّت
دعوتلی قوناقلارینه ایلولّه اذیّت
مهمانه یازوب هاردا بو رفتاری شریعت
بیل باغلاما بو مردم بی عاره دوباره

پیمان شکن انسانلاری وار کوفیه گلمه
گِت رُومه فرنگه ولی بو حُومیه گلمه
گوز گورمسه دیل وصف ایلینمّز نیه گلمه
چون یوخدی وفاسی بولارین قول و قراره

اوّل گونی چوخلار منه اولدی گرویده
جاسوسلری ویردی خبر فوری یزیده
مأمور ایلدی ابن زیادی او شقیده
آماده اولوب قتلیمه بیر عدّه سواره

هانی نون ایوینده ایلدیم عزم اقامت
مندن اونی شرمنده ایدیب اهل شقاوت
توکموشدیله بیر مندن اوتور طرح جنایت
احوالیمه قان آغلیا گلشنده هزاره

چوخداندی دیدیم اهل عیالیمدن اوزاقم
یول گوزلینیم واردی گرفتار فراقم
اولدورمیون آخر سیزه غربتده قوناقم
قویمون منی حسرت حرم و ایل تباره

مولا منی تک گوردیله بو قوم بد اختر
تک جانیمه بش یوز نفر الده ایتی خنجر
کچدی اورگیمدن او زمان قاسم و اکبر
حسرتدن اوره ک قانی روان اولدی عذاره

حیلیله منی سالدیلا گوداله یخلدیم
اود توکدیله باشیمه من اودلاره سیخلدیم
شمشیریله داشیله سنانیله ویریلدیم
اولقدر ویران واریدی گلموردی شماره

وای حالینه اوغلانلاریمون قالدی اراده
صبح ایلیه جکلر گجه نی هانسی سراده
یا ربی اسیر اولمیالار ابن زیاده
رحم ایله اوزون اول ایکی طفلان نزاره

ای باد صبا سویله حسینه بو غمیمدن
اوزدیم سنه خاطر الیم اهل حرمیمدن
اللّهه گوره سنده بو نوعی دوت الیمدن
قویما باتا زلفی قزیمون گرد و غباره

بیر ده اونا باش سالیغی ویر چوخ نگراندی
گوردوم دینن اعضاسینی باشدان باشا قاندی
بیر جسمیدی مین اسلحه و تیره نشاندی
سالسون باشینا عترت یاسین داخی قاره

چکمیشدیله بام اوستونه اول مرد خدانی
فوّاره کیمین باشدان آخوردی یوزه قانی
گیتمشدی قوای بدنی تاب و توانی
جان قصدینی جلاد ایدیب ای اهل اشاره

یاندیردی یانان قلبیمی بو عمده مصیبت
لطف ایله "صفا" ده تاپا بیر چشم بصیرت
مسلمده اولان عشق حسین عشق حقیقت
قلبنده هویدا اولا تا یانمیا ناره

  • دوشنبه
  • 4
  • مرداد
  • 1400
  • ساعت
  • 15:44
  • نوشته شده توسط
  • یوسف اکبری
ادامه مطلب
 موسی جوانی تبریزی

زبانحال حضرت مسلم(ع) -(عرشه چخدی مسلمون فریاد و آهی یاحسین) * موسی جوانی تبریزی

412

زبانحال حضرت مسلم(ع) -(عرشه چخدی مسلمون فریاد و آهی یاحسین) عرشه چخدی مسلمون فریادوآهی یاحسین
قالدی بیرحاله فقط حقدورگواهی یاحسین

بودیاره گلمــه ای کـون ومکانون سروری
یوخدی کوفه اهلینین قلبینده فکردیگری
ایستــیورآغـــلارقـویاجنــاتیده پیغـمبری
یاندیرا قلب رسولــی کین سپاهی یاحسین

قالمیوب شرم وحیادن کوفه اهلینده اثر
دین وانصاف و مروتدن داخی یوخدی خبر
ممکن اولسا گلماقوندان ایله مولاجان حذر
حفظ ائله اشرارالیندن عزّوجاهی یاحسین

دوره می آلدی گلــنده کــوفیه اهل فتن
ائتدیلرمینلر نفربیعت منیله مردو زن
باطنی نیتلری اولدی ولیکن تزعلن
قالمــیوب یادایلین بوبی پنـاهی یاحسین

دوشموشم بیردرده ایمدی حالیمه داغلاریانار
سوزآه ودردیمه بوشهریده باغلاریانار
غربت اولکه کوچه لرده مسلمون آغلاریانار
ایلیرشرمنده گوزیاشی میاهی یاحسین

کوفه اهلین ایلدی اغوا زیاداوغلی دنی
سیم وزر وئردی محیاایلدی بیرعده نی
سالدیلار دام جفایه هانی ابن عروه نی
ظلمیله ئولدوردوله اول بی گناهی یاحسین

آلدی هانی محنتی مندن قراریله توان
یاندی قلبیم گوزلریمده خون دل اولدی روان
روزروشن گتدی ظلمت جبریله اولدی عیان
قالمیوبدورمسلمون بیردادخواهی یاحسین

گلشن مهرووفانون بیرگلی مولاسولوب
لشگرغم قلبیمه اندوه ومحنتدن دولوب
شهرکوفه مسلمه اشراریدن ناامن اولوب
باغلانوب هرسمتیدن مکریله راهی یاحسین

گزدیم آواره دیارکوفه نی زاروغریب
اولمادی بیرکس بوشهرایچره منه یارو حبیب
ذکریم اولموشدی دیلیمده آیه ی امن یجیب
گتدی نالم درده گویا مهروماهی یاحسین

قالمشیدیم کوچه لرده نصف شب افسرده حال
شامل اولدی حالیمه لطف خدای ذوالجلال
منتهای رافعتیله بیرخانم ایتدی نوال
سوگتیردی ایلدی خوشنود الاهی یاحسین

گون چخوبدی سالدیلارنیرنگیله دامه منی
چاتدوروب آمالینه چرخ ستمگردشمنی
کاش اولیدی بیرگوریدیم بودم آخرسنی
باغلیدیم صونرا بوغملی نگاهی یاحسین

باده عشقوندی مولا غملی دللرچاره سی
اولمیوب بیجا(جوانی)بزم غم آوره سی
حشره جک آغلارقویاراحبابی قلبون یاره سی
گورمیون عالم سنون تک غملی شاهی یاحسین

  • شنبه
  • 9
  • مرداد
  • 1400
  • ساعت
  • 22:09
  • نوشته شده توسط
  • یوسف اکبری
ادامه مطلب

متن شعر ترکی در حال و هوای محرم و گریز به حاالات جناب مسلم (س) -(گجه گوندوز دولانیب گلدی گنه ماه عزا) * حسنعلی بالایی

958

متن شعر ترکی در حال و هوای محرم و گریز به حاالات جناب مسلم (س) -(گجه گوندوز دولانیب گلدی گنه ماه عزا) گجه گوندوز دولانیب گلدی گنه ماه عزا
آغلیور عالم حسینه چکیلوب عرشه قرا
سالیب آفاقه او مولانین آدی شور و نوا
یغیشوب بیرده حسینیه لره اهل ولا
نوحه خوانلار اوخیولار آقاما مدح وثنا
نجه گون باشینه منظومه ی شمسی دولانار
دولانیب شمعین اودوندا نجه پروانه یانار
نجه بلبل باغی شیدالیقی چون یاخشی سانار
یار یولی اوسته نجه منتظر عاشق دایانار
ایلروک بیزده حسین آدی گلن یرده صفا
روضه سی نقل اولونان یرده بولود تک دولاروخ
یاده سالوق سوسوز اطفالینی گل تک سولاروق
بیز حسینیله خداونده مقرب اولاروخ
آلسا الله بوحسین آدینی بیزدن نولاروخ
بیزه اربابیمیزون درگهیدور باب رجا
اوج عزتدی اولاخ درگه مولایه غلام
دوزگون انسانلارا

  • پنج شنبه
  • 3
  • مرداد
  • 1398
  • ساعت
  • 11:57
  • نوشته شده توسط
  • ابوالفضل عابدی پور
ادامه مطلب

متن شعر ترکی زبانحال حضرت مسلم ابن عقیل علیه السلام -(مسلم بن عقیل بن ابی طالبم ) * حجت مرتضایی

2520

متن شعر ترکی زبانحال حضرت مسلم ابن عقیل علیه السلام  -(مسلم بن عقیل بن ابی طالبم ) مسلم بن عقیل بن ابی طالبم
یکتنه کوفه نون لشکرینه غالبم
حامی مکتبم
حافظ زینبم
یاحسین جان۴
.
.
کوفه ده قالموشام بی کس وتنها حسین
گلمه بو وادیه زاده زهرا حسین
بوردایوخدی وفا
مردمی بی حیا
یاحسین جان۴
.
.
سن سپهرشرف اولدوزوسان یاحسین
سفره فاطمه نین دوزوسان یاحسین
من سفیرم سنه
لیک اسیرم سنه
یاحسین جان۴
.
.
تشنه دی قانیمه کوفه ده ابن زیاد
داش کیمیندور آقا بورداتمام فواد
قالموشام بی پناه
ای شه بی سپاه
یاحسین جان۴
.
.
من آپاردیم پناه طوعیه وقت غروب
قاتیلیم پشت در مجلس شادی قوروب
قالموشام تشنه لب
ای کریم عرب
یاحسین جان۴
.
.
اولموشام کوفه ده من سنه قائم مقام
ایلورم محضر پاکیوه مولا سلام
شهریارحجاز
قیلدیم

  • یکشنبه
  • 13
  • مرداد
  • 1398
  • ساعت
  • 09:40
  • نوشته شده توسط
  • ابوالفضل عابدی پور
ادامه مطلب
راهنمای علائم موجود در فهرست:
عدد کنار این علامت نشانگر تعداد کاربرانی ست که این مطلب را پسندیده و به دفترچه شعر خود افزوده اند
عدد کنار این علائم نشانگر میزان محبوبیت شعر یا سبک از نظر کاربران می باشد
اشعار ویژه در سایت برای کاربران قابل دسترس نیست و فقط از طریق خرید اپلیکیشن مورد نظر این اشعار در داخل اپلیکیشن اندرویدی قابل رویت خواهند بود
این علامت نشانگر تعداد کلیک یا بازدید این مطلب توسط کاربران در سایت یا اپلیکیشن می باشد