اشعار مخصوص امام موسی کاظم

آقا یا موسی ابن جعفر
میوه ی قلب پیمبر
گل خوش بوی بهشتی
ا یلدون شهری معطر
سنی ایستر پاک اورکلر
ای عزیز ا هل باور
جشن میلادون مبارک
عشقیوین بازاری رایج
آقا یاباب الحوائج<۴>

ای عزیز اهل ایمان
یاور صدیق قرآن
سن ملکسن یا بشرسن
یاگل خوش بوی رضوان
سن سفیر کبر یا سن
سنه جان شیعه قربان
کی وئروب فیض وجودین
خوش ثمر عالی نتایج
جشن میلادون مبا ک
عشقیوین بازاری رایج
آقا یاباباب الحوایج<۴>

• دوشنبه
• 7
• تیر
• 1400
• ساعت
• 12:21
• نوشته شده توسط
• یوسف اکبری

هارون دَنی گتدی منی جانه الهی
پیک اَجلی یولّا بو زندانه الهی

گوندوز منه زندانیده لِیل غم اولوبدی
ایللَربویی مَحبسده بو قَدّیم خَم اولوبدی
زنجیر اَریمیش پیکریمه همدَم اولوبدی
جسمیم اَریدی تا یتَه پیمانه الهی

من خَلوت زندانیده مُشتاق عبادت
ظُلمینده تاپوب سِندی شاهَکده جسارت
ائتدی نَه ستملر منه بو کان شَقاوت
حسرتلیم اول خَلوت عِرفانه الهی

غُربتده اَسیرم بیر عیادت ائدنیم یوخ
مَحبسده غَریبم گَلنیم یوخ گئدنیم یوخ
شهپرسیز اولان بیرقوشام امّاچمنیم یوخ
اوغلوم گَله جَک شام غریبانه الهی

هو حَق بِله زندانیده هَنگِ نَفَسیمدی
وصل عالمی خَلوتده منه سجده بَسیمدی
تَرلانه مِثالم که بو زندان قَفَسیمدی
تنگ اولدی قفس یارَه لی ترلانه الهی

هارون ائلین ظلمی دوزَنمز اوجا داغلار
یکسر سارالار گورسه بو احوالیمی باغلار
بغدادیده من ، یثرب اَرا قزلاریم آغلار
معصومه باخار یولّارا اَلانه الهی

گرچه منی زندانیده چوخ یوردی بو دشمن
حاشا باش اَگم ظالم غَدّاره بیلورسن
جَدّیم کیمی لا کلمه سینه مُمتحنم من
باشدان اَیاقا گر بویانام قانه الهی

یارب سن ئوزون ایله کرم ائت منه امداد
یورقون بدنی ایله بو زندانیدن آزاد
زهرا نَنه مَه قوش منی اولسون ئورگیم شاد
اَعوانیم اگر چه گَلر افغانه الهی

• یکشنبه
• 13
• تیر
• 1400
• ساعت
• 21:54
• نوشته شده توسط
• یوسف اکبری

الهی بندهء عشقم گوزل نام و نشانیم وار
دلیل عشقیمه بوینومدا طوق آسمانیم وار

منه محبس دگول میعادگاه عشقدور زندان
سنیله درد دل ایتماقلیقا عالی مکانیم وار

جبینیم سجده ده دل محضرونده ذکره مشغولم
عجب محراب عشقم وار عجب ورد زبانیم وار

یانان بیر شمع تک اوز آتشینده اودلانور قلبیم
گورنمز شعله سی بیگانیه سوز نهانیم وار

دونوبدور دود آهیم ابره قلبیم آسمانینده
ستاره تک آخان گوزدن یوزه اشگ روانیم وار

غریبم بیکسم زندانیم،ساقینیده کنده
قوجا بیر سید اولسامدا گینه درده توانیم وار

طبیبه یوخ نیازیم دلده دردیم درد عشقوندور
دایانام مین بیله درد اولسا تا جانیمده جانیم وار

خیال ایلور منی محبوس ایدوب هارون کین پرور
ولی فکر ایلمور شهبازه لایق آشیانیم وار

وئریب زهر جفا قلبیم یانور جسمین دوتوب لرزه
یوزوم توپراقلار اوسته دلده داد و الامانیم وار

منه هر گون ویرور بیر نوعیله سند دنی ایذا
بو خلوتگاهیده گور نه ستمگر میزبانیم وار

اگر چه یالقزام یوخ همدمیم بو کنج غربتده
ولی اوز شهریم ایچره بیر صفالی گلستانیم وار

نچه نازلی گلوم وار نچه ایلدی باغبانسیزدور
گوزی یولدا قالان نسرین و یاس و ارغوانیم وار

بهشتین گلشنی حسرت چکر بیر یول یوزین گورسون
رضا آدلی او گلشنده گل نزهت فشانیم وار

کناریمده اگر اولسیدی جان اوسته او دل خسته
ائدردی رو به قبله بیر گورردیم مهربانیم وار

باخور احوالیمه فریاد ایدور زنجیریله کنده
سیزیلدور محبس غم گور نه سویلور میهمانیم وار

خدا بو جمعیله بیر وقفه (اصلی) کاظمین ایستر
او غملی بُقعَده گورسون اَحِبّا، نه فغانیم وار

اوخییوم آغلیوم نوحه یازوم تا روز محشرده
خانم زهرا بویورسون بیر یانقلی نوحه خوانیم وار

• دوشنبه
• 8
• شهریور
• 1400
• ساعت
• 15:02
• نوشته شده توسط
• یوسف اکبری

قلم ایدور بو حدیثی که زینت دفتر
دیوبدی شرحینی بیر اهل ذکر و اهل خبر

اوشخص لر که امام ایلیوبدی ذات اله
هاموسی پاک و منزه دیلر بدون گناه

لباس عصمته قامتلری برازنده
هاموسی مخبر علم گذشته آینده

مقام معنوی و عزو جاهده برتر
بشردی هر بیریسی خلقتده کیفه بشر

صفات ذات خدایه مثال آیینه
ایدوبله فیض افاضه جهان دیرینه

هاموسی واقف اسرار اعظم و ممتاز
هاموسینا ویروب الله قدرت اعجاز

سند بو عرضیمه وار چوخ کتابیده زنده
عجیب معجزه لر گوسنوب محلنده

بو گونکه سکه بازار عشقه قیمت وار
بنام موسی جعفر بو بزمه زینت وار

به عون حضرت معبود جلت العظمه
او اهل ذکر دین معجزی چکوم قلمه

عقیده آئینه سی نور کبریا تاپسون
صفالی قلبلروز جلوه صفا تاپسون

وطندن ایتدیله تبعید سبط طاهانی
ایدوبله بصرده اول امام زندانی

حدود دورد ایل الوبدور اوشهرده محبوس
ایدوبله کنده و زنجیر ظلمیله مآنوس

رئیس محبس شهریدی فضل کج رفتار
امامی راکع و ساجد گوروبدی لیل و نهار

اورکده حجت حقدن خطر ایدوب احساس
یازوب خلیفیه ای مفخر بنی عباس

پوزوبدی موسی جعفر نظام زندانی
بو شهر دن آپارون آیری شهره موسانی

یتشدی نامه سی هارون پست و بیداده
یازوب اوسیدی تبعید ایله بغداده

اهانتیله ولی سال یولا او دلگیری
ترحم ایلمه بوینوندان آچما زنجیری

مطیع امر خلیفه امامی خوار ایلدی
نجه دیمیشدی خلیفه ایله سوار ایلدی

مراقت ایتدی نچه جیره خوار او رنجوره
فلک اسیر سلیمانی ایلدی موره

واریدی کشتی ایچنده مسافرین زیاد
هاموسی چهره سی بشاشیدی اورکلری شاد

طوییدی مجلس عیشه قورولموشید بساط
اوجالمشیدی سمایه صدای شور و نشاط

گتورموشیدی دله سازنی نوازنده
گیدوردی کشتی اوخوردی ترانه خواننده

هاموسی جشن ایلیوب بیر بیره چالوردی الین
مسافرین آپاروردی اوزیله تازه گلین

سفینه اوسته قضا جشنی ایلدی معکوس
پوزوبدی مجلسی گلدی نوایه تازه عروس

سوروشدیلار ندی دردون ندور بو آه و نوا
بویون باغیم دیدی ناگه آچیلدی دوشدی سووا

او سلسه منه سرمایه جلالتیدی
بهاسی چوخ چوخیدی گردنیمده زینتیدی

تاپولماسا او جواهر منه وار ایرادی
گلین عزیز دوتار یادگار دامادی

او غنچیم گل آچا لحظه لرده من سولدو م
آپارمیون منی بغداده قاره بخت اولدو م

طوی اهلینی بوقضیه ایدوبدی سر گردان
دیدیله آعلاما بو درده یوخدی بیر درمان

شناور اولسا دا کشتی ایچنده دوشسه سویا
بویون باغین اله گلسین بو نهردن حاشا

واریدی کشتی ده بیر سر نشین فرزانه
خطاب ایدوب الارا چاره وار بو عنوانه

دیدیله ساغر مقصود چوخ چتیندی دولا
بو درده چار تاپولسا گرگدی معجز اولا

دیدی گدانی بلی اهل تاج ایدن واردی
همین بو کشتیده درده علاج ایدن واردی

اوسیدی که گورور سوز چکوبله زنجیره
قلمله گلمز اونون وصف حالی تحریره

جناب ختم رسولون اودور عزیز اوغلی
بلالی فاطمه نون غملی اشگریز اوغلی

قسم بیزی یارادان خالقه سوزوم دوز دور
امام میزدی سراپا وجودی معجز دور

گیدون جضورینه یا حجت جلیل دیون
اتگینه ال آتون دلدن الدخیل دیون

طوی اهلی ملتجی اولدی حضور والایه
الندن ئوپدیله یالواردیلار او مولایه

دیدیلر ای نفسی اهل حقه سرمایه
سنی قسم ویروروک احترام زهرایه

فدا اولاق او خدا ذکرینی دین دوداقا
بیزیم بو تازه عروسه آقالیق ایله آقا

گلین ایتورسه اگر طوی گونونده گردنبند
نه اوزی شاد اولی نه ایل قبیله سی خرسند

بیزیم عقیده میزه ای ریاض عصمته گل
بو ایشین عاقبتی نو عروسه یاخشی دگل

امام ذکر ایدوب اسمای ذات یکتانی
ستایش ایلدی پروردگار سبحانی

یوزینی شطه دوتوب صادر ایلدی فرمان
اوزون بو نهرده ای ماهیان سرگردان

ئوزوزی سلسله هریرده دور اورا یتورون
بیروز بو تازه عروسین بویون باغین گتورون

شناوران ایشیدبدوراطاعت ایتدی سوزه
بالیقلارون بیری فورا سودان چخوبدی اوزه

اوجالدی آغزین آچوب عقدی کشتیه آتدی
امامه عرض سلام ایلدی سویا باتدی

بو اقتداری تحیرده کیم گوروب قالدی
گتوردی سلسله سین بوینونا گلین سالدی

یتشدی سوز بو یره اشگیمی گرک الیم
سوزون گریزینه کرب و بلایه گتملیم

اوچولده بیر طوی اولوبدور طویون چراغی سونوب
تزه گلین گینوب قاره، طوی عزایه دونوب

باشنا نقل و شباش و نه شاخه گُل سَپلوب
یانوبدی حجله سراسی باشنا کول سَپلوب

اولوبدی سُرمه سی دود سیاه مژگاندا
باتوبدی نامزدی قاننه بیاباندا

گلینلیگین گینوبدور نه آغ حریر دونون
نه قند اووبدی باشی اوسته اقرباسی اونون

اَشدّ محنته طاقت اگرچه یوخ سنده
نچاره دقّت ایله ایندی بو نچه بنده

بو غملی طویدا گلون اشک چشمی نقل ایده‌گون
حُسینیله حسنی راضی ایلیوب گیده گون

سُرادقاتده شعله طلایی چتر آچدی
الی باشندا چخوب چوللره قاچان قاچدی

هراسدن بالالارین اسوردی دیل دوداقی
قووردی اُوچی کیمی هر عرب یتیم اوشاقی

اَدبلی قزلار اسیریدی قوم بی ادبه
تزه گلین‌ده دچاریدی وحشی بیر عربه

عرب دیمه نه عرب غول پست دشت و دمن
عروسی قودی او چولده دوشوبدی حوصله دن

غضبلنوب ایلدی نیزیه شکاری هدف
یارالانوبدی یخلدی نوۀ شاه نجف

توانی اولمادی دورسون ایاقه غشّ ایتدی
قولاقلاریندا اولان گوشواره‌سی گیتدی

نفس چکوردی او بیچاره قز چوخ آهسته
جناب زینب کبری گلوب باشی اوسته

باخوب باخوب دیدی جان جان گلین بالام لای لای
قانیلا تل‌لری اَلوان گلین بالام لای لای

اورگی غملی گونی قاره غصّه‌لی بی‌بوین
غریب جانی سنه قربان گلین بالام لای لای

یاخار حنا النه طوی گونونده تازه عروس
حنایه اولمادی امکان گلین بالام لای لای

الون حنالی دگُل، قاره زلفوی امّا
حنا کیمی بوریوب قان گلین بالام لای لای

دیون بو اوخشامانی شأنوه گوزل یاراشور
قولاقی یاره لی جیران گلین بالام لای لای

مثال شانه سنون قانلی زلفون دردی
ایدر اورکلری شان شان گلین بالام لای لای

گلین قویار باشنا تاج، دوزموسن سنده
تِلوه قرمزی مرجان گلین بالام لای لای

گلین فراغتیه تختده گیدر هوشه
گوز اوسته سُرمه‌لی مژگان گلین بالام لای لای

گلین قویار باشنی ناز بالشون اوسته
یرون اولوبدی بیابان گلین بالام لای لای

سنون کیمی دوگولوب باش آچیق قالار هرگز
آتاسین ایتسلر عریان گلین بالام لای لای

ایاقه دور آپاروم یاتسون حجله گاهونده
دِیَرَم اوردادا هر آن گلین بالام لایلای

• دوشنبه
• 8
• شهریور
• 1400
• ساعت
• 23:28
• نوشته شده توسط
• یوسف اکبری

یاتما آسوده نجفده ای ولیّ لم یزل
بیر کفن ایله تدارک محبسِ هارونه گَل

ئولدوروب موسانی هارون ایلیوب عزم ِشکار
بیر نفر یوخ نعشین ایتسون باری زنداندان کنار
گَل اوزون بغداده قویما نعشینی زنداندا خوار
هاردا لایقدی امامِ هفتمه بیله محل

شهرِ غربتدور دگل یثرب یغیشون اقربا
نعشینی یردن گتورسون ایتسون اِظهارِ وفا
نه روادور جسمِ پاکی قعر ِمحبسده قالا
گر چه درک ایتمیش امامی کنجِ زنداندا اَجل

اون بیر ایل محبوس کیمدور کنج ِزنداندا هاچان
زهريله مسموم اولوب آخر ویروب زنداندا جان
نه گلن وار نه گیدن نه بیرجه زنجیرین آچان
حلّ مشکل سنده دور بو مشکلی گَل ایله حَل

دور ایدر دورانِ دون دائم دنی لر کامیجه
شیعه نون باغری بو غمده دونم سون قانه نجه
قالدی زنداندا جنازه آخر اوچ گون اوچ گجه
نه اولوب تشییعه اقدام و نه تدفینه عَمل

اوچ مصیبت بو جهاندا لرزه اَفلاکه سالوب
اوچ غم آرامِ بتولِ اَطهری اَلدن آلوب
اوچ امامون نعشی اوچگون اوچ گجه یرده قالوب
هر اوچی اولماز ولکن بیره بیره هرگز مَثَل

زهر ِکین گر چه بو شاهون دوغرادی اکبادینی
ئولمه میشدی گیتدی امّا گوردی اوز اولادینی
گورمدی اوغلی تقی تک چرخین هر بیدادینی
نظم ِعالم ظلم ِاُم الفضلیدن تاپدی خلل

بی سبب گوز یاشی یوزده بیله رنگین اولمیوب
عشقیده نقصان اولور تا اشک خونین اولمیوب
هیچ امامون نعشینه بیر بیله توهین اولمیوب
بامیدن نعشین سالان اللّر اولیدی کاش شَل

جان ویرنده کنج ِزنداندا امامِ هفتمین
الده بیرکاسه سو دورموشدی مُسیّب دل غمین
جان ویرن وقته حسین امّا دئدی شمرِ لعین
ساقی کوثر آتان جنّتده ، وار نهرِ عسل

ایلیوب از بس بو سوز قلبِ شه ِدینه اثر
سوزشِ دل اولدی افزون تازه دن یاندی جگر
دل یاراسی اوخ یاراسیندان چتین دور مختصر
گورمیوب گورمز روا بو ظلمی بیر اهلِ جدّل

قالدی اوچ گون نعش موسیٰ لیک عریان اولمادی
زینبون زلفی کفن، یا غسلى القان اولمادی
نسگل اولدی کربلاده بیر سلیمان اولمادی
تا بو محنت لر اولیدی عرّته بلکه بَدَل

نه سببدور بلمورم کرب و بلاده شیعیان
نه تاپولدی دورت نفر حمّال نه بیر نردبان
اون نفر لشکردن آیریلدی دلیم لال اول دایان
قورخورام آهِ بتول آفاقی ایتسون مشتعل

بیر نفر اولموب دیسون ای قوم ِبی رحم و شرور
هانسی مذهبده روا بیر بیله جور و ظلم اولور
بیر بدنده قالمیوبدور طاقتِ سُمّ ستور
باشینی از بس کَسَنده اینجدوب شمرِ دَغَل

یا شهیدِ کربلا ، وی خامسِ آل عبا
(شأنینون) آگاهسن قلبینده وار بو مدّعا
فیضِ عظمایه یتوب قسمت اولیدی کربلا
حالینه شامل اولیدی حقّدن معنای گَل

• دوشنبه
• 8
• شهریور
• 1400
• ساعت
• 23:32
• نوشته شده توسط
• یوسف اکبری

الهی بندهء عشقم گوزل نام و نشانیم وار
دلیل عشقیمه بوینومدا طوق آسمانیم وار

منه محبس دگول میعادگاه عشقدور زندان
سنیله درد دل ایتماقلیقا عالی مکانیم وار

جبینیم سجده ده دل محضرونده ذکره مشغولم
عجب محراب عشقم وار عجب ورد زبانیم وار

یانان بیر شمع تک اوز آتشینده اودلانور قلبیم
گورنمز شعله سی بیگانیه سوز نهانیم وار

دونوبدور دود آهیم ابره قلبیم آسمانینده
ستاره تک آخان گوزدن یوزه اشگ روانیم وار

غریبم بیکسم زندانیم،ساقینیده کنده
قوجا بیر سید اولسامدا گینه درده توانیم وار

طبیبه یوخ نیازیم دلده دردیم درد عشقوندور
دایانام مین بیله درد اولسا تا جانیمده جانیم وار

خیال ایلور منی محبوس ایدوب هارون کین پرور
ولی فکر ایلمور شهبازه لایق آشیانیم وار

وئریب زهر جفا قلبیم یانور جسمین دوتوب لرزه
یوزوم توپراقلار اوسته دلده داد و الامانیم وار

منه هر گون ویرور بیر نوعیله سند دنی ایذا
بو خلوتگاهیده گور نه ستمگر میزبانیم وار

اگر چه یالقزام یوخ همدمیم بو کنج غربتده
ولی اوز شهریم ایچره بیر صفالی گلستانیم وار

نچه نازلی گلوم وار نچه ایلدی باغبانسیزدور
گوزی یولدا قالان نسرین و یاس و ارغوانیم وار

بهشتین گلشنی حسرت چکر بیر یول یوزین گورسون
رضا آدلی او گلشنده گل نزهت فشانیم وار

کناریمده اگر اولسیدی جان اوسته او دل خسته
ائدردی رو به قبله بیر گورردیم مهربانیم وار

باخور احوالیمه فریاد ایدور زنجیریله کنده
سیزیلدور محبس غم گور نه سویلور میهمانیم وار

خدا بو جمعیله بیر وقفه (اصلی) کاظمین ایستر
او غملی بُقعَده گورسون اَحِبّا، نه فغانیم وار

اوخییوم آغلیوم نوحه یازوم تا روز محشرده
خانم زهرا بویورسون بیر یانقلی نوحه خوانیم وار

• سه شنبه
• 9
• شهریور
• 1400
• ساعت
• 11:10
• نوشته شده توسط
• یوسف اکبری

ای امام هفتمین موسی ابن جعفر السّلام
ای اولان باب الحوائج وی امام اوغلی امام

لطفوه محتاجدور هستی کماکان هر نَفَس
نفسوه وابسته دور ذرات عالم لاکلام

هانسی بیر بیماردور درمان سنیلن تاپماسین
درد بی درمانینه سندن آلار درمان سِقام

مهر گردون هاردا آرایش ویرردی گلشنه
غنچه وش اول لبلرون گر ایتمسیدی ابتسام

سن او گلسن جنت ایچره اولماسان اولماز شمیم
نکهتوندن جنتُ الاعلا اولوب مشکین مشام

بلکه خجلت چکمسین نور رخوندان آفتاب
اون بیر ایل محبسده ایتدون گوندوزی لیل ظلام

قاف وحدت که دیوبلر سن اونون سیمرغیسان
قاف وحدت مرغی اولماز هیچ زمان پابندِ دام

انتظامون گرچه پوزدی بی مروّت دشمنون
انتظاموندان تاپوبدور ماخلق نظم و نظام

سلطنتدن عزل اولونماز حقّدن منصوب اولان
مُلک عالم سیطرزدن چخمیوب چخماز مدام

استقامتدن دوشردی اولماسیدوز کائنات
سیزدن اولموش آسمان بیستون صاحب قوام

سلطنت تختون زمین دور تاج فرقون آسمان
سن او شهسن شه لر اولموش درگهونده چون غلام

آسمانین توسن دوّاری که اولموش چموش
گاموون آلتندا هر لحظه اولوبدور رامِ رام

بو امیدیلن که اُپسون خاک ایوانون سنون
ایلییَر دور حریمونده ملائک ازدحام

ریزه خوار خوان احسانون نه بیر حاتمدی بس
قاسم الارزاق آلار دست نوالوندن حُطام

مَحرَم کوی محبت دوریوه ایلر طواف
محترم سنلن اولوبدور مُحرِم بیتُ الحرام

رشتهء حبل المتینسن امر ایدوب یزدان پاک
ماسوا ملزَم اولوبلار ایلسونلر اعتصام

فخر ایدوبدور گر هامی صاحب نسب آبائینه
سن کیمین فرزنده فخر ایلوب نبی فخرِ فخام

هر کس اوز علمی قَدَر تعریف و تمجیدون ایدر
بسدی شانونده که سنسن نائب خیراَلانام

مصحف یزداندا که تاپشوردی ختم المرسلین
ذات پاکوزدور یقین تفسیر آیات عظام

اولمیوب رِجس و دَنَس اولماز شئونوزده سیزون
نصّ واضحدور بویورموش کردگار لاینام

سن سلیمان ولاسن حشمتون مافوق درک
حشمت و جاهوندن آلمیش مین سلیمان احتشام

موسیِ طور حقیقت پرتوندن نور آلار
بیر دمون احیا ایدر مین عیسیِ والامقام

مین خلیل اللّهی فیضون ایلییَر اوتدان رها
گر مبارک لبلرون امر ایلیه بَرداً سَلام

اول عصائیکه وروب موسی یاروب نهری گچوب
در حقیقت سندن ایلوب اول پیمبر اخذِ وام

نهر آدی گلدی دوشوب یاده یَلِ نهر فُرات
اونداکی راکبله مرکب نهر آبه ووردی گام

یِل ووروب نهر فراته تا سرینلشدی او آب
سسلنوب یابن علی ای سرور خشکیده کام

لبلرون سوز عطشدن پارچالانمش غنچه تک
کهربا آسا سارالمش بو لبان لعل فام

قویما یانسین قلبوی سوز عطشدن ایچ سودان
قالسین عطشان لبلرون بیر لحظه راضی اولمارام

گوش دل آلدی سویون آوازینی ویردی جواب
التماس ایتمه کنار اول ایتمه هرگز فکر خام

سلسبیل و کوثر و تسنیم تک اولسان مَعین
ایچمرم تا ایچمیوب فرزند کوثر تا وارام

حاشَ لله من ایچم سو، قالسین عطشان سروریم
یوخ مروّت نامهء عباسده بیله مرام

تا سوسوز قیزلار خیام ایچره اَمَر اوز لبلرین
بو سودان دریا قَدَر اولسا بلر نفسیم حرام

آل حیدر تشنه لقدان نه چکوب کیمدور بُلَه
بو سوسوزلوق شرحی تا محشر اولوبدور مستدام

ختم قیل اولماز وفای حضرت عبّاس ختم
بو فنا دنیاده گیتسه بو وفا تاپماز ختام

ای ابوالفضل ای امید و ملجاء اهل بلا
اول کسیک اَللرله گل ایسته خدای ذوالکرام -

قائم آل اللّهین ایتسون ظهورون عنقریب
ذوالفقار حیدری آلسون اَله ایتسون قیام

مطلع شعری ویروب محمودی ذره لقب
دست مهرونله اونون آلامینه ویر التیام

بیر خبیر آدلی جواندا دردی وار ایستر دوا
ویرگیلن درمانینی لطفونله ایتسون اخذ کام

خوشدی ذکر اولسا وثاقی دن که عمرون صرف ایدوب
هیئت موسی ابن جعفرده خلوصیلن تمام

من #نگینینده سیزه وار عرض حالی لطف ایله
جمله حاجاتیم روا اولسون اَلوزله والسَّلام

• شنبه
• 14
• مرداد
• 1402
• ساعت
• 23:52
• نوشته شده توسط
• یوسف اکبری

☑️ بند اول

سلام عزیز عالمین
تویی مرا نوردوعین
فدای صحن و مرقدت
غریب شهر کاظمین

تویی آقای من منم گدای تو
تموم زندگیم آقا فدای تو

دوباره حروله با ذکر یا حسین
دوباره سینه زنها به شور و به شین
دوباره پر زده مرغ قلبم به سوی کاظمین

?یا باب الحوائج / یا موسی بن جعفر

☑️ بند دوم

آقا دلم تنگه برات
برای ایون طلات
منو ببر به کاظمین
بشم غلام زائرات

برای نوکرا صاحبی لازمه
صاحب و شاه من امام کاظمه

آقا این نوکرت گشته پای تو پیر
عشق تو کرده این رو سیاهو اسیر
توروجون رضاومعصومه آقا دستم بگیر

?یا باب الحوائج / یا موسی بن جعفر

☑️ بند سوم

مرقدیوه فدا اولوم
قبله دی اهل جنته
واردی گوزوم او قبریده
ایسته گلیم زیارته

نگار عالمین بیزلره نورعین
ایستیری نوکرین برات کاظمین

آقا بو نوکرین دردین ائيله دوا
قیل کرم شیشه ی قلبیمه ور جلا
گویلوم ایستیر اولام همجوار حرم کربلا

?یا باب الحوائج / یا موسی بن جعفر(ع)

• پنج شنبه
• 23
• شهریور
• 1402
• ساعت
• 00:29
• نوشته شده توسط
• یوسف اکبری

☑️ بند اول

سلام آقای عالمین
سلام دلیل شور و شین
سلام به قبر پاک تو
سلام عزیز کاظمین

سلام میدم برات آقا
سلام به زائرات آقا
سلام به گنبد طلات آقا

دلم رو برده ضریحت مولا
منم دعوت کن تو رو به جان زهرا

مگه دلت میاد برای دیدنت نیاد
اونی که روز وشب براتشو ازت میخواد
گداتو رد نکن آقام آقام امام جواد

? آقام آقام آقام غریب کاظمین آقام

☑️ بند دوم

باید بسوزم از غمت
رسید شبای ماتمت
آقا فدا بشم برات
وفا نداره همسرت

همون پلید بی حیا
یه روز یه کاری کرد آقا
شدی به زهر کینه مبتلا

میون جور و جفا جون دادی
ندادن آبت تا از نفس افتادی

ولی سر تو رو نبریدن که از قفا
نمونده پیکرت به زیر سم مرکبا
نرفته پیرهنت به غارت حرامیا

? آقام آقام آقام غریب کاظمین آقام

☑️ بند سوم

میگن تو دشت کربلا
رسید به آسمون نوا
فتاد میون خاک و خون
حسین عزیز مصطفی

شده به روی نی سرش
چقد غریبه خواهرش
میگه به پیکر برادرش

دلم رو نشکن بلند شو از جات
عزیز خواهر زینب فدای زخمات

نمونده طاقتی برای قلب مضطرم
جوابمو بده آخه منم یه خواهرم
پاشو ببین داداش چی اومده به این سرم

? حسین آقام آقام حسین آقام آقام آقام

☑️ بند چهارم

حسین بو قوم بی حیا
وروب طنایی قول قولا
گئدیر باجین بو دشتدن
اوزون بو زاری سال یولا

دوشور یولا بو قافله
گلیب بالالارین دیله
بو یول خطرلیدی دعا اله

آخیر رخساره گوزومدن قان یاش
علاجیم یوخدی شمره اسیرم قارداش

اولوبدی اکبرین آناسی غمله دلکباب
اویاندا آغلیری بالاسی اوخلانان رباب
بویاندا نو عروس الیری گوزدن اشک ناب

? حسین آقام آقام آقام حسین آقام آقام آقام

• شنبه
• 25
• شهریور
• 1402
• ساعت
• 00:43
• نوشته شده توسط
• یوسف اکبری

در آهنگ : رخسار حسینه دیوانه منم من...

ای جان پیغمبر - یا موسی بن جعفر
ای دلبند حیدر - یا موسی بن جعفر

سن نور چشمـان حضرت خاتم سن
سن حَلال درد و مشکلات و غم سن
زنـداندا مأنـوس زنجیـر ماتم سن
ای یاره لی پیکر - یا موسی بن جعفر

محنتونـده دائـم گـوزیاشی روانم
نیسگلونده مولا سینه سی سوزانم
زندانـدا اَرییَـن جسمیـوه قربانم
آغلار سنه گوزلر - یا موسی بن جعفر

بازار عشق ایچره آدون اولوب رایج
سن سن دردمنـدهَ طبیـب ِ معالج
دردیمـه درمان ائت یا باب الحوائج
سسلییر مریضلر - یا موسی بن جعفر

دیزلـریمی ماتمـونده قوجاخلارام
محنتونـده قلـب عالمـی داغلارام
دردهَ گلر سینم وای دیوب آغلارام
ای گلشنی پر پر - یا موسی بن جعفر

نیسگلونـده نه گجه نه گوندوزوم وار
کاظمینـونده بیر عمرودور گوزوم وار
حرمیووه گلسم سنه چوخ سوزوم وار
یوردی سنی غمللر - یا موسی بن جعفر

ای سلطان محشـر ؛ ای حسیـن دوران
لطف ایله اورک قان گوزیاشلی پریشان
گلسـون حرمیـووه اولسون سنه قربان
سسلسون مکرر - یا موسی بن جعفر

• پنج شنبه
• 2
• بهمن
• 1399
• ساعت
• 22:21
• نوشته شده توسط
• یوسف اکبری

آنا یافاطمه گَل اوخشورام بیماره زنداندا
کسیلمیش راه چاره٬ قالمیشام آواره زنداندا

حسینه آغلارام امّا من ئولسم آغلیان یوخدور
ئورکدن داغلیام داغلی٬ منه دل داغلیان یوخدی
گرئولسم بو قرانلوقدا٬ گوزومی باغلیان یوخدور

شرافت باغینه بیرلالهٔ وجدان ساچان یوخدور
بو زندان بیر ائله یِردور چخوب بوردان قاچان یوخدور
چخور جان بیر نفر زنجیری بوینومدان آچان یوخدور

• پنج شنبه
• 5
• فروردین
• 1400
• ساعت
• 12:15
• نوشته شده توسط
• یوسف اکبری

ای خدا زندانیده محبوس بی تقصیره باخ
جان وئرن وقتیمده بو بوینومدا کی زنجیره باخ

شاهد اول سن گور نئجه هارون منی مظلوم ائدوب
بیر اوزون مدّتدی بو زندانیده مغموم ائدوب
عاقبت مین جور و ظلمیله بو گون مسموم ائدوب
جانیمه زهر عداوت ایلین تآثیره باخ

شکر اولا درگاهیوه ای خالق ربّ جلیل
سن کریم پروردگار و منده بیر عبد ذلیل
قالمیشام اولادیمه حسرت اؤزوم زار و علیل
گوشۀ زندانیده احوال عبد پیره باخ

سالدی زندانه منی اول ناکس بی شرم و عار
مین جفائیله ائدوبدور محنت هجره دچار
خلقه اسلامیّتین هر لظه ایلر آشکار
بی حیا هارونیده بیر حیله و تزویره باخ

دمبدم هارون الیندن یوز وئرور ذلّت منه
آرتوری ظلم وستم هر لحظه هر ساعت منه
حلقۀ زنجیر و کنده اولدی هم صحبت منه
آه آتشباری گور بیر نالۀ شبگیره باخ

هجر معصومه خدایا منده قویموب اختیار
گوزلریم یولدا قالوب یوخ بیر غمین و غمگسار
بی کسم توپراقلار اوسته ایمدی ئولّم خوار و زار
کنده و زنجیر ظلمه باغلانان نخجیره باخ

هر بلا گلسه رضایم وار بو جانه منّتی
لیک چوخ دلتنگ ائدوب اوغلوم رضانون فرقتی
نوش قیللّام دمبدم جام و بلا و محنتی
ملک جسمیمده سپاه غم ائدن تسخیره باخ

عرض ائدوب راز و نیازین حضرت معبودینه
عاقبت ائتدی وفا اؤز وعدۀ معهودینه
تاپشوروب جان نقدینی اولدی بو سودا سودینه
قتلینه هارون بی دین ایلین تدبیره باخ

جان وئروب زندانیده گر چه امام هفتمین
دفن ائدوب نعشین سلیمان دوتدی ماتم دلحزین
جانو ئرنده کربلاده تشنه لب سالار دین
هر زمان سویلردی یارب گردش تقدیره باخ

عهدیمی باشه یتوردوم ای خدای مهربان
من خریدارم اؤزوم هر ظلم ائدللر کوفیان
ایمدی وئرّم خنجر برّان دمینده تشنه جان
بارالهی پیکریمده زخم تیغ تیزه باخ

گرچه یوخ بیر رحم ائدن ای خالق ربّ رَئوف
دیدۀ زینب کیمی آغلار جراحات سیوف
مین بئله یاره دگه هرگز دئمم بیر کلمه اوف
خاک و خون ایچره دوشن اعضانی گور تخمیره باخ

راضی ام شمر ستمگر زینب غم پروری
قولّاری باغلی دولاندیرسون پیاده چوللری
چخماسون دیندن کناره جدّیمون امّتلری
عاصیان ، غم دفترینده ایلین تحریره باخ

(کهنمویی) قورتولاندور نچّه گون عمرون یقین
دوت حضور قلبیله موسی ابن جعفر دامَنین
مطلع اشعاریوی یاز بیرده آخرده غمین
بارالهی حبسده محبوس بی تقصیره باخ

• دوشنبه
• 8
• شهریور
• 1400
• ساعت
• 23:45
• نوشته شده توسط
• یوسف اکبری

من ای سِند ستمگر حجَّت سبحانم ئولدورمه
امامم رهنمای عالم امکانم ئولدورمه

سالانمزدی منی زندانه هارون ستم پرور
مشیّتله اسیر گوشۀ زندانم ئولدورمه

رضای حقّه خاطر گردنیمده سلسلم واردی
و اِلّا کائناته سلسله جُنبانم ئولدورمه

آتام صادق فروغ آسمان دین و مذهبدور
ئوزومده منطقیمده صادق البرهانم ئولدورمه

بو سیما که گوررسن منده سیمای عدالتدور
ئوزوم آزادمرد آزاده بیر انسانم ئولدورمه

رئیس ملّت اولماز مُستبدّن بی لیاقتدن
یوخومدور فلسفمده نقص، بی‌نقصانم ئولدورمه

ستمگردور عدالتدن اوزاقدور بی حیا هارون
او ضدّ دیندور من هیکل ایمانم ئولدورمه

دیوب حق سوز وطندن اون بیر ایلدور اولموشام تبعید
نچه محبسده بیر مدّت

• چهارشنبه
• 22
• اسفند
• 1397
• ساعت
• 12:22
• نوشته شده توسط
• ابوالفضل عابدی پور

زندانیده وئردیم باشا پیمانیمی یارب
تقدیم ائدورم محضریوه جانیمی یارب

من سلسلۀ درد و غمه سلسله بندم
شوقیله یانان مجمر عشقونده سپندم

ال چکموری بو ظالم دوران ستمیندن
تا جانه گلم ایلیم افغان ستمیندن
حاشا ایلیم من گله زندان ستمیندن
جسمیم بو آغیر حلقۀ زنجیریله خوشدی
عشقونده اؤرک نالۀ شبگیریله خوشدی

عشق اهلینه زندان جفا جای صفادی
عشقین غمی داغ دل مجروحه دوادی
زنجیر انیسیم دی ایشیم ذکر و دعادی
عشق اهلینه بیر جنّت مأوادی بو زندان
وار جلوۀ حق سینۀ سینادی بو زندان

عشقونده بلایه دل غمدیه اولوب رام
میثاقیمی تا سن دئدیقون تک ائدم اتمام
دلسوخته عشّاقه بو محبس وئرر الهام
تدریس ائلدیم عالمه من درس وفانی
حیر

• چهارشنبه
• 22
• اسفند
• 1397
• ساعت
• 15:56
• نوشته شده توسط
• ابوالفضل عابدی پور

ای یگانه داوریم یوخدی یار و یاوریم
سندن اوزگه اولمادی دادخواه دیگریم
بیرغریب و بی کس و ناتوان و مضطرم
اون بیر ایلدی باغلانوب قید ظلمه اللریم

حق دیدیم خلایقی حقّه دعوت ایلدیم
دوز یولا جماعتی من حمایت ایلدیم
سدّ راهیم اولدی بیر مرد پست و خیره سر
ظلم بی حسابینه استقامت ایلدیم

شاهد قضیّه سن تاب اولوبدی طاقتیم
یا حکیم اولوب منیم زیور عبارتیم
بیر قوجالمیش عابدم یا مقلّب القلوب
جور و ظلم دشمنه یوخدی استقامتیم

دشمنین جنایتی الدن اختیار آلوب
بیر جنایت ایلیوب جانیمه شرر سالوب
محبسین رطوبتی بوینوموندا یاره سی
یاره اینجیدوب منی چاره لر سنه قالوب

سن منی خلاص ایله محنت و فشاریدن
قورتار ایندی جسمیمی رنج

• چهارشنبه
• 22
• اسفند
• 1397
• ساعت
• 16:02
• نوشته شده توسط
• ابوالفضل عابدی پور

خاموش ائدیبله شمع شبستان حیدری
زهریله ئولدوروبله بو موسی ابن جعفری

وار حاجتون دئ صدقیله باب الحوائجه
مشکل گشا مُلقَّب ائدیبله او سروری

زوّاردن عریضه یازین ایلیین شفیع
سیز بو غریبه قاسم و عبّاس و اکبری

یوخ الده زادِ راحیله صدقیله آغلاسین
تا ایسته سین رواقینه بو وقته بیزلری

زنداندا تورپاق اوسته قالیبدور جنازه سی
نه مادر و نه خواهر و نه یار و یاوری

بیر تخته اوسته دورد نفر حمّال حمل ائدیب
تابوتیدن کناریده قالمیشدی اللری

بو ماجرا یتیشدی سلیمان جعفره
امر ایلدی توکولدوله خدّام و نوکری

حمّالیدن آلیبلا امامین جنازه سین
فریاد سیّدا بؤرؤیوب هفت کشوری

غسلین وئریبله عزّتیله دفن ائدیب رضا
راضی ائدیب

• چهارشنبه
• 22
• اسفند
• 1397
• ساعت
• 16:15
• نوشته شده توسط
• ابوالفضل عابدی پور

گرکدی شیعه اولا حشر اولونجا غرق ملال
گوتوردی موسی جعفر جنازه سین حمّال

حسینون ایلدیلر جسم پاکینی پامال
یوخیدی دفن ائده نی لامحاله بیر حمّال

وفات حضرت کاظمده بعضی شیعه لری
دوتوبلا تعزیۀ اول غریب خونجگری

حسین ئولنده ولی قویمازیدی شمر دغا
دویونجا آغلیالار عترت شه دو سرا

ئولنده موسی کاظم واریدی دفن ائده نی
قوم اوسته قالمادی اوچ گون یارالی گول بدنی

حسین ئولنده قالوب اوچ گون اوچ گئجه عریان
حنوطی تورپاق اولوب غسلی اولدی قرمزی قان

اگر چه موسی کاظمده ، غربت ایچره ئولوب
ولی حسین کیمی آیا غریب ئولن گورونوب؟

کیمون جنازه سی اوستونده آت چاپوب عدوان
کیمون الینی کسوب ساربان بی ایمان

ئولنده موسی کاظم ز

• چهارشنبه
• 22
• اسفند
• 1397
• ساعت
• 16:16
• نوشته شده توسط
• ابوالفضل عابدی پور

بارالها گوزومون یاشی آخیر
حسرتیلن در زندانه باخیر

گلمور اوغلوم رضا
باخورام من یولا

سارالوب گل کیمی محبسده ئوزوم
وار اورکده نچه نسگیلی سوزوم
آشنا آختاروری گونده گوزوم
گلمور اوغلوم رضا
باخورام من یولا

غملیم چوخدی اورکده محنیم
اریوب کثرت غمدن بدنیم
بوردا ئولسم بیلورم یوخ کفنیم
گلمور اوغلوم رضا
باخورام من یولا

سجن هارونده دُچارم محنه
ندی جُرمیم که ورور سیلی منه
دیورم دیلده اولان دردی سنه
گلمور اوغلوم رضا
باخورام من یولا

ئولورم مونس اولوبدور منه غم
اثرائتمیش منه بو زهر ستم
غُل و زنجیر ایلیوب قدیمی خم
گلمور اوغلوم رضا
باخورام من یولا

• شنبه
• 10
• فروردین
• 1398
• ساعت
• 15:58
• نوشته شده توسط
• ابوالفضل عابدی پور

گل ننوعی گور درد فرقتون
ایلیوب منی باغریقان اوغول
تئز یتور اؤزون آز قالور وئرم
حسرتیله زنداندا جان اوغول
قویما چوخ منی ناگران اوغول

اون بیر ایلدی هارون بی حیا
ایلیوب وطندن منی جدا
مونسیم اولوب شیون و نوا
همدمیم بو مدّت فغان اوغول

یانّام آغلارام ایلرم فغان
یوخدی بیر نفر حالیمه یانان
صبح و شام اولور گوز یاشیم روان
وار نه چارم ای مهربان اوغول

گر چه بو غمیله خوشام اؤزوم
لیک هجریوه دلده یوخ دؤزوم
وار سنه بو جان اوسته چوخ سؤزوم
بیر به بیر ائدوم گل بیان اوغول

گل دویونجا بیر عطریوی آلوم
حسرتیله قول بوینووا سالوم
اولما راضی حسرتده من قالوم
آخرین نفسده جوان اوغول

غصّه دن سولوب رنگ صورتیم
عارضه آخار

• شنبه
• 10
• فروردین
• 1398
• ساعت
• 15:59
• نوشته شده توسط
• ابوالفضل عابدی پور

بو غربت ئولکه ده فغانه گلمیشم آنا
بومحبس ستم ده جانه گلمیشم آنا

(یارالیام آنا
باشی بلالیام آنا)٢

داخی آتا منیم ئورکده قالمیوب دوزوم
اوقدری آغلیرام چتین گورور داخی گوزوم
سنون کیمی آنا منیمده نیلی دی یوزوم
دگنده سیلی الامانه گلمیشم آنا

(یارالیام آنا
باشی بلالیام آنا)٢

حیالی قیزلاریم غم زمانه سینه ده
یولومدا گوزلری قالوبدولا مدینه ده
یانیللا من کیمی اولاردا نار کینه ده
بوغمده درده یانه یانه گلمیشم آنا

(یارالیام آنا
باشی بلالیام آنا)٢

قوجالمیشام نه وار'طبیب و نه دوا منه
گجه گونوزبوسوز اولوب آنا دعا منه
شهادتی داخی نصیب ائله خدا منه
یانیر دیلیم بئله بیانه گلمیشم آنا

(یارالیام آنا
باشی بلالیا

• شنبه
• 10
• فروردین
• 1398
• ساعت
• 16:11
• نوشته شده توسط
• ابوالفضل عابدی پور

آرام جاندی حیدره موسی ابن جعفر
ذرّیه دی پیغمبره موسی ابن جعفر
تاپدی شهادت گتدی تا ائتسون شکایت
هارون الیندن داوره موسی ابن جعفر

گوردی نه غملر گردش گردون الیندن
فریاد سند ظالم و ملعون الیندن
عرض ایلدی یارب آنام زهرایه خاطر
آخر خلاص ایله منی هارون الیندن

عمریم گلی زندانیده سولدی سارالدی
آرامیمی هجران غمی غربتده آلدی
هارون بی دینون الیندن من قوتولّام
مندن صورا امّا بالام معصومه قالدی

سند ابن شاهک قتلینه شورا قوراردی
قانیله قلب مصطفانی دولدوراردی
یاخمازدی زنداندا سولوب گلزار عمری
هر گون گلوب پیغمبرین اوغلون ویراردی

گتدی غم تقریریله موسی ابن جعفر
فریاد عالم گیریله موسی ابن جعفر
جان وئردی کنج حب

• شنبه
• 10
• فروردین
• 1398
• ساعت
• 16:13
• نوشته شده توسط
• ابوالفضل عابدی پور

گلشن باغ جناندور گوشه زندان منه
چون ایدور هر دم تجلی جلوه جانان منه

خلوت بزم لقادور هوش جان باشدان چیخور
حلقه زنجیر کینه لاله و ریحان منه

سینه سینادی ایلر نور حق هر دم ظهور
رشگ ایدر بو شوکتیمدن موسی عمران منه

عاشقم ایتمم گلایه یوز ویره یوز مین بلا
من او بیمارم که تنها درد دور درمان منه

هر بلایه جان و دلدن سجده شکر ایلرم
فضل جاناندور ایدوب درد و بلا احسان منه

جام صهبای وفادن ایله مستم یوخ غمیم
کاسه کاسه قان ایچیردور ساقی دوران منه

لطف جانان شامل حالیمدی بو غمخانه ده
هر چتین بیر درد و محنت وار گلور آسان منه

وصل جانان آختاران جاندان چوخ آسان ال چکر
مین اولومدن چوخ چتین دور بو غم هجران منه

• شنبه
• 10
• فروردین
• 1398
• ساعت
• 16:23
• نوشته شده توسط
• ابوالفضل عابدی پور

ای صبا ائله یثربه گذر
عرض قیل او خاتون محشره
داده گل خانم زهر کین وئروب
اهل کینه موسی ابن جعفره

دور ایاقه قبروندن ای خانم
بو عزاده شور و نوایه گل
حبس خانۀ سِنده قیل گذر
اوغلووا نظر قیل نوایه گل
یردن ئوز عزیزون گوتورماقا
قیل عجل بو ذلّت سرایه گل
ظلم الیله هارون بی حیا
چوخ اذیت ایلوب او سروره

گر اجازه اولسا خانم منه
واردی « شوری » نون آیری بیر سوزی
هانسی بیر بالالاریوون سنون
بو جهاندا بیر گولدی گول یوزی؟
قعرِ سِجنیده لیک بو بالان
دائماً گجه اولدی گوندوزی
هر مصائبه دؤزدی صبر ائدوب
شکر ائدردی خلاق داوره

بُلمورم او محبسده نچّه ایل
یدّی ایل که یا اون بیر ایل قالوب
گون بگون ائدوب جسمینی ضعیف
الدن

• شنبه
• 10
• فروردین
• 1398
• ساعت
• 16:31
• نوشته شده توسط
• ابوالفضل عابدی پور

یا فاطمه بغداده گَل سبط پیمبر جان ویرور
پابند زنجیر جفا موسی بن جعفر جان ویرور

تاریک بیر زندان یری، شامه دونوبدور گوندوزی
نیتسون بو مطموره نشین، خونین جگر، مسموم اوزی
چوخدور غمی، یوخ همدمی، یرده یوزی، آغلار گوزی
پوزقون پریشان حالیله بو زار و مضطر جان ویرور

زندان نه زندان تو به تو، شرحی غمی ایلر فزون
شرحینده عاجزدور قلم، بو قدر وار قَعرُ السّجون
خشکیده بیر نی تک بدن، ماموری بیر بی رحم و دون
بار ستمدن قدّی خم سرو صنوبر جان ویرور

نه بیر کسی وار قبلیه جان اوسته دوندَرسون یوزین
نه مهربانی باغلاسون آخِر نفسده تا گوزین
آغلار ایدر معبودینه تکرار خَلِّصنی سوزین
جاندان دویوب، جانانینه محبوبِ داور جان

• شنبه
• 10
• فروردین
• 1398
• ساعت
• 16:33
• نوشته شده توسط
• ابوالفضل عابدی پور

خوش گلمیسوز عزاسینه موسی ابن جعفرین
قان آغلیون بلاسینه موسی ابن جعفرین

ماتم نشین جدّیدی صاحب عزا علی
ویر تسلیت آتاسینه موسی ابن جعفرین

معناده فاطمه باش آچوب وای اوغول دیر
آغلار یانار بلاسینه موسی ابن جعفرین

سنده نوایه گل یوزه توک اشک چشمیوی
سس ویر بو گون آتاسینه موسی ابن جعفرین

آغلا غریبه آغلاماق اللّهه خوش گلور
اولسون قسم خداسینه موسی ابن جعفرین

صدقیله اوخشا، فاطمیه نسگل اولماسون
ائت ناله ماجراسینه موسی ابن جعفرین

مسموم ایدوبدی ظلمیله هارون او بی کسی
رحم ائتموب بالاسینه موسی ابن جعفرین

یاندیردی قلب فاطمه نی هم پیمبری
باخ جدّینین نواسینه موسی ابن جعفرین

آهِ بتول شمعیدی سیماده گوز یاشی

• شنبه
• 10
• فروردین
• 1398
• ساعت
• 16:51
• نوشته شده توسط
• ابوالفضل عابدی پور

گوشۀ زندانیده
جان ویریرم گل رضا
عمق سیه چالیده
عمر ییتیشدی باشا

کنده و زنجیر دن
جسمیم اولوبدور رها
محبسِ تاریکیده
جان قوتاریر گل بالا

مقتولِ زندانم گل اوغول
زهرایه مهمانم گل اوغول

گَل غربتده
دیده م باغلا
سینه داغلا

بغدادیده
یوخ آغلیان
گل سن آغلا

ایللر اولار که منی
محبسه هارون سالوب
مقتل مرطوبیده
صبر و قراریم آلو ب

تیر مصیباتیله
قلبیمه بیر اوخ چالوب
ماه رخون گورمگه
گوزلریم حسرت قالوب

مقتولِ زندانم گل اوغول
زهرایه مهمانم گل اوغول

گَل غربتده
دیده م باغلا
سینه داغلا

بغدادیده
یوخ آغلیان
گل سن آغلا

سلسله و کنده لر
ذوب ایلییب جانیمی
سسله میشم دادیمه
حضرت جانانیمی

گل گور اوغول حالیمی
دیدۀ گ

• شنبه
• 10
• فروردین
• 1398
• ساعت
• 16:55
• نوشته شده توسط
• ابوالفضل عابدی پور

بو غربت اُلکه‌ده بی یار و بی حبیب اُلورم
نه بیر دوا گتورن وار نه بیر طبیب اُلورم

نه حالیمی سوروشان نه عیادته گَلنیم
وطندن آیری سالوبدور قضا غریب اُلورم

ایاقدا کُنده یوزوم یرده گوزلریم یولدا
اوغول دینده منه یوخدی بیر مجیب اُلورم

بالام رضانی گورم جان ویرم رضایم من
هزار حیف که دیداره بی‌نصیب الورم

بو حبسخانة تاریکه گلسه شمس شموس
غروب عمریم اولوبدور گورر قریب اُلورم

اولیدی کاش بو ساعت یانیمدا معصومه
گوریدی منده داخی قالمیوب شکیب اُلورم

سخوبدی کُنده آخوبدور توپوخلاریمدان قان
ایدوب ایاقلاریمی قانیله خضیب اُلورم

دوتوب شرر رطب زهر داردن جگریم
سالوبدی زهرین اودی قلبیمه لهیب اُلورم

اَسوبدی گلشن

• شنبه
• 10
• فروردین
• 1398
• ساعت
• 16:59
• نوشته شده توسط
• ابوالفضل عابدی پور

اون بیر ایلدی سجنیلرده من گرفتارم خدا
بستۀ زنجیر و کنده قِیدِ مسمارم خدا

اُلدوروردی شیعه نی تسلیمی اولدوم دشمنه
حبس ایدوب زندانیده ظلمون عیان ایلور منه
زهریلی خرما یدور دوب گلموشم من شیونه
ظالم هارون سالدی دیلدن بی پرستارم خدا

حق دانیشدیم حق دیدیم چون حق کلامی مو به مو
ایتدی زندانی منی هارونیده یوخ آبرو
یر نه یر زندان نه زندان چوخ قرانلوق تو به تو
مونسیم ذکر و دُعادی چشمی خونبارم خدا

اون بیر ایلدی روزوشب الله اولوب بوردا سوزوم
هی ویروبلار قویمیوبلار تا قالا منده دوزوم
ایندی جان اوسته رضانی ایستوری گورسون گوزوم
هجرالیندن گر چه یاندیم من فدا کارم خدا

بادۀ غم بس ایچیردوبلر منه یوخ دور توان
بو

• شنبه
• 10
• فروردین
• 1398
• ساعت
• 17:03
• نوشته شده توسط
• ابوالفضل عابدی پور

گوشۀ زنداندا قطب عالم امکان غریب
حضرت موسی ابن جعفر ویردی آخر جان غریب

محرم سرّ خدا آئینه اوصاف حق
مرشد لوح و قلم آگاه حال ما سبق
لنگر کون و مکان فرمانده تار و شفق
مظهر نور سعادت حجّت سبحان غریب

حامل تعلیم بسم الله رحمن الرّحیم
پیرو پیغمبر رحمت صراط المستقیم
رهبر نام آور خلق خداوند کریم
رحمةً لِلعالمین و معدن احسان غریب

منبع جود و سخا سر چشمۀ آب حیات
نور بخش کوکب و شمس و قمر فلک النّجات
باعث رزق عموم ذی حیات کائنات
حافظ آیات قرآن ناطق قرآن غریب

عالم علم علوم اولین و آخرین
وارث شاهنشه معراج ختم المرسلین
زادۀ کبری امیرالمؤمنینه جانشین
حامی اسلام و دین و مذهب و ایمان غریب

بلمورم هارون بلوب ب

• شنبه
• 10
• فروردین
• 1398
• ساعت
• 17:08
• نوشته شده توسط
• ابوالفضل عابدی پور

مدینه دن آنام گل
ئورکده وار یارام گل
سرشگیمی گوزومدن
عذاره باغلارام گل

بیر غریبم منیم دردیم بیلن یوخ
جان اوستییم ائللریمدن گلن یوخ

ننه اسیر هجرم
اوزاقدا اولدوزوم وار
نفس دوشوب شماره
ئورکده چوخ سوزوم وار
گوزوم گزور وصالین
مدینه ده گوزوم وار
آماندی گل بو لطفون
گوزومدن آتمارام گل

امام متقینم
ئورکلره امیرم
فلک سالوبدی سِندین
الینده دستگیرم
من اون بیر ئیل ائلیمدن
آرالیام اسیرم
بو درد بی دوایه
الیمده یوخ چارام گل

بو محبس جفاده
نه غملیدور اتاقیم
نه وار رفیق و همدم
نه شمع و نه چراغیم
چخاندا جانیم ای کاش
آنام اولا قوناقیم
اگر قوناقیم اولسان
گوز اوسته ساخلارام گل

اگر چه عزتیم وار
امام انس و جانم
چر

• شنبه
• 10
• فروردین
• 1398
• ساعت
• 17:11
• نوشته شده توسط
• ابوالفضل عابدی پور