اَمان سِند لَعین و دون الیندن
نچه خُرما یِدیم ملعون الیندن
خلاص اولدوم ولی هارون الیندن
تاپوپ روحیم صفا الحمدُللّه
چخوبدور محبسیندن سِرّ لولا
گلوبدور قزلارین گورسون اومولا
ائدوب معصومه دقّتله تماشا
دئدی گلدون بابا الحمدللّه
دئدی فاش ایله ای یورقون مسافر
گوروم تا اون بیرایل هاردیدون آخر
دگلدون نامیه پیغامه قادر
بیزی سالدون یادا الحمدللّه
عالم معناده آقا زندانی ترک ایلدی
تا اهلبیتینن وداع ائده
آقا قاپونی دقُّ الباب ائلدی...
خانم معصومه سؤال ایلدی؟؟؟
سسلندی کیمسن سس گلوبرنجور قیدِ محبسم
اللّه قوناقی ایستسون٬ من بیر غریب و بیکسم
ردّ ایلمز حقدن اگر٬ هرنه تقاضا ایلسم
هر درده درمان ایستدیم٬ فورا کرامت ایلدی
آچدی قاپونی آغلادی عرض ایتدی اهلا مرحبا
گرمستجاب الدّعوه سن یاسیّدی ایله دعا
دوز اون بیرایلدی آیریلوب بو دودماندان بیرآقا
هئچ بیلمیروک ساقدور وَیا درک شهادت ایلدی
فرمایش ایتدی شوقیدن عاشق سیاقی آغلاما
ایله تحمّل شدّت درد فراقی آغلاما
موسیٰ منم معصومه جان یاندیر چراغی آغلاما
سن هرنه ایتمیشدون دعا اللّه اجابت ایلدی
من بو ائوه سالم گَلم روز وشب ایلردون دعا
قالمور وجودیمدن منیم الّا قوری نقش ونما
گَل باشووی قوی سینمه سالما ولی قول بوینوما
چون ظالمه خم اولمادی زنجیر جرأت ایلدی
حضرت موسی ابن جعفر علیه السلام
معجزه از آن حضرت
گریز به مصائب کربلا
سلام اولا سیزه ای اهل دل! بو ناظمدن
کی ایستورم دانیشام من امام کاظمدن
آناسی کیمدی؟ حمیده، آتاسی کیم؟ جعفر
بویوک آناسیدی زهرا و جدّی پیغمبر
بو مطلبی اوخودم «تحفة المجالس»دن
نفیسدور ساییلور تحفه ی نفایسدن
بودور نظر کی چکم نظمه یاخشی جریاندی
بو نوعی نقل ائلیور راوی، آدی «ظبیان»دی
امامیله نبوی مسجدینده شوقیله
ناهار چاغی دانیشیردوق کمال ذوقیله
او دمده محضرینه شاملی بیر جوان گلدی
امامه تا ائلیه مطلبین بیان گلدی
ادبله اللری صدرینده بیر سلام ائله دی
حضور حضرته صدقیله احترام ائله دی
اؤزاق یولی بیلوسن عرض ائدوب نئجه گلدوم
امیدیله درِ باب الحوائجه گلدوم
واریمدی بیر یئکه مشکل الینده حیرانم
عنایتیله اؤنی حلّ ائله پریشانم
بویوردی ایله بیان ای جوان! ندور الان
خدا کرامت ائدر مُشکلون اولار آسان
دئدی کی شامیده محنتله زندگی ائدورم
وفالی شیعه ام آللهه بندگی ائدورم
واریدی بیر آتام ایستردی «آل سفیانی»
بویژه «معاویه»ئیله «یزید» و «مروانی»
بونا گؤره اؤنولا چوخ نزاع ائدردیم من
غضبلی حالیده اؤنلا وداع ائدردیم من
چوخیدی ثروت و سرمایه سی بو دنیاده
ئولوب گئدوب الی بوش، ایندی دار عقباده
من اوغلویام ولی مندن ائدوب مالین پنهان
هایاندا مخفی ائدوب بیلمورم، سنه قربان!
واریمدی ایندی نیازیم او ماله محتاجم
دولانمیشام باشیوا کعبه سن من الحاجم
لدنّی علمیله آگه ائله منی آقا!
کی هاردا گیزلَدوب اموالینی آتام آیا؟
«امام موسیِ کاظم» یازوبدی بیر نامه
وئروب جوانه بویوردی آپار بونی شامه
صورا بویوردی او حضرت کی ای اولان شامی!
بو نامه نی سن آپار چارشنبه آخشامی
او یئرده کی آتاوی دفن ائدوبسن اوردا دایان
ائلیکی اولدی گئجه یاری سسله: «یا درجان»!
او حینده گله جاق بیر نفر سلام ایله
بو نامه نی وئر اؤنا یاخشی احترام ایله
سنون آتاوی او حاضر ائدر همان یئرده
گئدر کناره گؤزوندن او دمده هر پرده
بیز اهل بیتی آتوندان سوروش گؤرن دمده
نه امر، ایله سه ایله عمل بو عالمده
خلاصه نامه الینده او شامه، یولاّندی
قولاق وئرون دالینا تا گؤراق نه جریاندی
گئدوب گئجه یاری قبرستانا او با ایمان
بدون واهمه بیردن چاغیردی یا «درجان»!
باخاندا بیر کیشی گؤردی دیور: منم «درجان»
قباقه گل دیء نه ایستورسن ای جوان! الآن
وئروبدی نامه نی اُول ناشناسه دقّتله
آلوب باخوب ئوپوب اُول دست خطّی حرمتله
دئدی جوانه دایان بوردا اولگیلان ناظر
گئدوم سنون آتاوی ایلیوم بو دم ظاهر
بیر آز سووشدی قییتدی یانیندا بیر حیوان
او حالتی گورن اولسا قالار عجب حیران
سالوبلا بویونونا زنجیر او قاره حیوانین
جوانین اُول جریان وحشته سالوب جانین
اشاره ایله دی «درجان» او حیوانا فی الحال
دئدی جوانه: آتوندور بو ای عجیب احوال!
تعجّبیله جوان سؤیله دی: معاذالله!
نیه بو شکله دوشوبدور آتام؟ او دم ناگاه
گلوبدی نطقه او حیوان به قدرت خالق
مخاطب ایله دی اوز اوغلونی کی ای عاشق!
بو شکله دوشماقیمین واردور علّتی اوغلوم!
اؤنا گؤره چکورم بو مذلّتی اوغلوم
جهاندا قلبیمی ائتدیم عداوتین کانی
همیشه مدح و ثنا ائتدیم «آل سفیان»ی
علیّ و آل علی له عداوت ائتدیم من
بنی امیّه چیلرله رفاقت ائتدیم من
بنی امیّه نین احوالینه سن آگاه اُول
یانیلّا آتش دوزخده گونده یئتمیش یول
بودور سفارشیم اوغلوم! آماندی دقّت ائله
پیمبر عترتینه خدمت و محبّت ائله
عذاب و درد و گرفتاری سُنّییه چوخدی
منه بو برزخ آرا بیر یئلیک دوران یوخدی
اولار کی آل رسولی سووُلّه دنیاده
او اهلبیتله محشور اولولاّ عقباده
علی یولوندا قدم وور بیر آیری یول گئتمه
مرام عترتی عمرون بویوندا ترک ائتمه
اشاره اهلی اولوب درک ائله اشاراتی
علی الینده دی عقبانین اختیاراتی
آماندی اؤزمه الون دامن امامتدن
اوزاقه گئتمه گیلن درگهِ ولایتدن
گئت ایندی اُول ائوه کی اگلشردیم اُول یئرده
شکاف، ایله کی صندوق واردی صول یئرده
منی دعا ائله حالیم اولوبدی برهم اوغول!
او یئرده وار ایکی یوز مین دمشقی درهم اوغول!
او پوللارین هاموسین ای بالا! بفوری گؤتور
ولیک الّی مینین محضر امامه یئتور
امام موسی ِکاظم امامِ برحقدی
عزیز فاطمه دی حقّی حقّ مطلقدی
جوان کی آگه اولوب بو عجیب سؤزلردن
آتاسیئیله او «درجان» یوخ اولدی گؤزلردن
جوان که آگه اولوب بو عجیب سوزلردن
آتاسیئیله او « درجان » یوخ اولدی گوزلردن
قییتدی گلدی جوان چاتدی اوز مرامینه
یتوردی مبلغ مذکوریده امامینه
یازیلدی معجزه سی چاتدی خاص و عام الینه
امام حقّی گرکدور چاتا امام الینه
قلم گریزه چکه مطلبی گوزل یئردی
اؤرک منیله بو منظورین اوسته ال وئردی
وروبلا سلسله روباهیلر ایکی شیره
ایکی امام الینی باغلیوبلا زنجیره
بیریسی موسی کاظمدی کُنج زنداندا
قان آغلار اهل ولا٬ گلسه آدی هر یاندا
دئمه او حضرته بیر آغلیان تاپولمادی
یولا باخان گوزینی باغلیان تاپولمادی
گلوبدی گوشه ی زندانه حضرت زهرا
دیوبدی بیله یانایانه حضرت زهرا
هَزاره تک چمنیندن اوزاق دوشن ای وای
بیر عمری اوز وطنیندن اوزاق دوشن ای وای
داریخما اللریمیله گوزیوی باغلیارام
بالالارون عوضیندن بو یئرده آغلیارام
گوزی گجه گونوزی یوللارا باخان بالا وای
بو سلسله یاراسیندان قانی آخان بالا وای
ستمله قوللاری باغلار قالان بالام لایلای
حیالی قیزلاری آغلار قالان بالام لایلای
ایکیمجی حضرته کی ویردیلار آغیر زنجیر
عزالی سیدسجادیدور اولوب دلگیر
جفالی سلسلیه باغلانوبدی قوللاری
او حالیله ائلیوب طیّ غملی یوللاری
جهازسیز دوه اوسته مریض و دلخسته
باخوردی نیزه باشینداکی باشه پیوسته
دیوردی ای باغینا صرصر خزان اسیلن
بلالی باشی قفادن جفائیلن کسیلن
او قانلی گوزلرون آچ باخ بو بی کس و یاره
کسوبدی بوینومی زنجیر ایلیوب یاره
دیار کوفه نی بیر نحویله سووشدوردوق
نقدری ویردیلا یاره دیله سووشدوردوق
بلالی شامیده دوندی منیم گونوم شامه
سپوبله اؤد باشیما اؤدلانوبدی عمامه
سالار جهانه شرر درد دللریم بابا
بو نیسکیل اولدی کی باغلیدی اللریم بابا
بو شهریده بیزه هئچ کیمسه احترام ائتمور
نه عمّه مه نه منه بیر نفر سلام ائتمور
چالولاّ ال بیزه باخدوقجا بی مروّتلر
گولولّه بیز اسرایه بو دین سیز عورتلر
«بشیر» یازدی بو شعری فقط بو منظوره
که بلکه ایلیه هدیه «علی ببیرپور»ه
مژده مژده ای شیعیان علی
چراغان شده آسمان علی
با نور کوکب/ شد روشن امشب
زهرا خوشحال است/ آمده زینب
زینب یازینب (۲)
زهرا زهرا زهرا دختر آورده
دریا دریا دریا گوهر آورده
زینب چو زهراست/ مانند دریاست
گوید فرشته/ نامش چه زیباست
زینب یازینب (۲)
گلی از گلشن احمدی آمد
عطر گل محمّدی آمد
مشتاق نوریم/ غرق سُروریم
در بزم شادی/ پُر شوق و شوریم
زینب یازینب (۲)
بیر گول آچدی که عالمین سووندی
زینب گلدی حسن حسین سووندی
طاها سووندی/ مولا سووندی
شاد اولدی عالم/ زهرا سووندی
زینب یازینب (۲)
فرشته لر دسته دسته گول سپور
حوری لر زینبین الیندن ئوپور
شاد اولدی یکسر/ آل پیمبر
شیعه٬ علی دن/ بایراملیق ایستر
زینب یازینب (۲)
بهشته دوندی مدینه دیاری
گلدی دنیایه عشقین عیاری
حیدره زینت/ کوثره عزت
اسوه ی عفت/ الگوی عصمت
زینب یازینب (۲)
دوزدور که حق یولدا باشی اوجالار
اما غملر الینده تئز قوجالار
آغارار باشی/ آخار گوزیاشی
گئدر الیندن/ یئددی قارداشی
زینب یازینب (۲)
کیم آغلاسا بونا٬ بویوردی طاها
حسن حسینه آغلیوبدی گویا
درده دوادی/ قلبه صفادی
دیون هر یئرده/ مشکل گشادی
زینب یازینب (۲)
بو محبسده دلگیرم الله - گرفتار زنجیرم الله
دیین کیمسه هارونه یوخدی- که بی جرم و تقصیرم الله
معصومه هجرینده زنداندا -دل داغلیام من
اون بیر ایل اولدی که زنجیریله باغلیام من
««به عنوان واگیر میشود استفاده کرد»»
{ باب الحوائج اسیرم اوزوم بی کسم من
چوخداندی قول باغلیام گوشه محبسم من }
گولم آیری دوشدوم چمندن - اوزاقلاشدیم اهل وطندن
داخی جانه گلدیم یورولدوم - نه ایستور جفا اهلی مندن
ای قورتاران یونسی بطنِ ماهیدن الله
ئولدور داخی دینجلیم بو قفسدن من الله
اورک تنگه گلدی جفادن - ولی یوخ گلایم بلادن
منه بیر نفر آشنا یوخ - خبر ویرسین اوغلوم رضادن
گویلوم چوخ ایستور گورم بیرده اوغلوم رضانی
ای کاش اولیدی یانیمدا بو هجران زمانی
غریبه اورک داغلامازلا - غریبه یانوب آغلامازلا
قالار گوزلری یولدا حسرت - ئولنده گوزون باغلامازلا
معصومه‌نی بار الها یتور - بیقرارم
جان اوسته دیدارینه حسرتم انتظارم
ایدوب ودیعه لرین امّ احمده تسلیم
بویوردی ساخلا یادوندا همین وصایانی
او دم که ایسته دیلر بو ودایعی سندن
بُل ئولدوروبله من دلفکار و نالانی
بولاری ایسته سه هر کیم او حُجّتُ الله دور
مُطاعیدور مَلَک و اِنس و جِنّه فرمانی
امام عترتینی بیر به بیر وداع ایلدی
وصیّت ایلدی صبره بنات و نسوانی
اویاتمادی یوخودان خورداجا بالالارینی
بیوک لرین ولی عرشه اوجالدی افغانی
بُلوردولر او سفردن داخی قِییتمیه جاق
ویروبله زهر، یتوب باشه عهد و پیمانی
بُلنمورم نجه اهل حرمدن آیریلدی
بُلر مسافر اولان بو وداع ئوخرانی
آرایه آلدیلا بابُ الحوائجی بالالار
اولوبلا بیر دیلیله هر بیری نواخوانی
گنه سوزوم دولانور شاه کربلا باشینا
گوزیمده جلوه لَنور کربلا سلیمانی
یغوبدی باشینه بِلقِیس رو حرملرینی
گورر اورک گوزی اولسا او شور و غوغانی
خیالی وار گیده امّا اوشاقلار اَل چَکمور
گورولّه هلهله و های و هوی اعدانی
بیری دیور بیزی بیرده مدینیه قِیتر
اماندی قیلما نشیمن بو غملی صحرانی
بیری دیور بو سوسوزلوق منی هلاک ایلدی
بابا قوجاقیوه آل بیرده بو لب عطشانی
بیری دیور بابا گیتمه داخی سو ایستَمورم
اسیر ایده لّه سن ئولسن بنات طاهانی
تصوّر ایله حسینون پوزولماز احوالی
گورنده حالی پریشان رباب و لیلانی
گوروب حیا ایدوری اکبری ئولن لیلا
دوروب اوزاقدا دیور گور بو خانه ویرانی
سنقدی قلبیم عزیزیم، منیده بیر دیندیر
کنیزلر بُلوسن چوخ سُوَلّه مولانی
اَلیم اورکده قالوب تازه بیر جوانیم ئولوب
قویان تاپولموری قبره او ماه سیمانی
بونی بُلورسن اوغولسوزلارین یوزی گُلمز
جهاندا کیمدی گورن شادکام ثَکلانی (1)
یوخوندور اَلده علاجون گیدورسن ایمدی که گیت
ولیک قویما قالا یرده اکبرین قانی
اَلین فداسی اولوم ذوالفقارون آل اَلیوه
بو چولده ایله عیان سهم شاه مردانی
علیّ اکبریمون قاتلین ازل ئولدور
گیدنده شامه گوزوم گورمَسون او ترسانی
ولی اوزوم بُلورم قانلی گوز یاشیم قوروماز
اگرچه دولدوراسان قانیله بو میدانی
یارالی سان، اورکیم دوزموری ویروم زحمت
گیدیرسن ئولماقا بو کوی عشق قربانی
باشیم اوجالیقی گَل باشیوه دولانوم گیت
سنه داخی بُلورم یوخ قِییتماق امکانی
اشاره ایله او شه لیلینی ایدوب ساکت
بُلر مسافر اولانلار بو سرّ عظمانی
امام دوندی بویوردی آنام باجی زینب
گورنمَسوز داخی بیرده بو قانه غلطانی
حلال ایدون منی، منده سیزی حلال ایلدیم
گرک نشان ویرم عالمده عهده ایفانی
کسوب علاقه سین، الله بُلور نجه گیتدی
گوزیندن عارضه توکدی اشک حمرانی
قلم دایاندی حسینی، دایان اورکدن یان
دوباره شرح ایله حال امام موسانی
جان وئردی زنداندا زهرانین بالاسی
امامِ کاظمین باشلاندی عزاسی
السلام علیک یا موسی بن جعفر
زهر جفاایله دوغرانیب دی جانی
طشت ایچره توکولدی لخته لخته قانی
سسلدی هرایه بقیعدن آنانی
آغلاتدی زهرانی یاندیردی دنیانی
جان وئردی زنداندا زهرانین بالاسی
امامِ کاظمین باشلاندی عزاسی
السلام علیک یا موسی بن جعفر
ناگهان قان آخدی، گول کیمین لبلردن
زهر دشمن الدی، توان اول پیکردن
گلمدی مناجات، بی رمق حنجردن
دشمنلر کام الدی، اول گلِ پرپردن
جان وئردی زنداندا زهرانین بالاسی
امامِ کاظمین باشلاندی عزاسی
السلام علیک یا موسی بن جعفر
ای امام هفتمین موسی ابن جعفر السّلام
ای اولان باب الحوائج وی امام اوغلی امام
لطفوه محتاجدور هستی کماکان هر نَفَس
نفسوه وابسته دور ذرات عالم لاکلام
هانسی بیر بیماردور درمان سنیلن تاپماسین
درد بی درمانینه سندن آلار درمان سِقام
مهر گردون هاردا آرایش ویرردی گلشنه
غنچه وش اول لبلرون گر ایتمسیدی ابتسام
سن او گلسن جنت ایچره اولماسان اولماز شمیم
نکهتوندن جنتُ الاعلا اولوب مشکین مشام
بلکه خجلت چکمسین نور رخوندان آفتاب
اون بیر ایل محبسده ایتدون گوندوزی لیل ظلام
قاف وحدت که دیوبلر سن اونون سیمرغیسان
قاف وحدت مرغی اولماز هیچ زمان پابندِ دام
انتظامون گرچه پوزدی بی مروّت دشمنون
انتظاموندان تاپوبدور ماخلق نظم و نظام
سلطنتدن عزل اولونماز حقّدن منصوب اولان
مُلک عالم سیطرزدن چخمیوب چخماز مدام
استقامتدن دوشردی اولماسیدوز کائنات
سیزدن اولموش آسمان بیستون صاحب قوام
سلطنت تختون زمین دور تاج فرقون آسمان
سن او شهسن شه لر اولموش درگهونده چون غلام
آسمانین توسن دوّاری که اولموش چموش
گاموون آلتندا هر لحظه اولوبدور رامِ رام
بو امیدیلن که اُپسون خاک ایوانون سنون
ایلییَر دور حریمونده ملائک ازدحام
ریزه خوار خوان احسانون نه بیر حاتمدی بس
قاسم الارزاق آلار دست نوالوندن حُطام
مَحرَم کوی محبت دوریوه ایلر طواف
محترم سنلن اولوبدور مُحرِم بیتُ الحرام
رشتهء حبل المتینسن امر ایدوب یزدان پاک
ماسوا ملزَم اولوبلار ایلسونلر اعتصام
فخر ایدوبدور گر هامی صاحب نسب آبائینه
سن کیمین فرزنده فخر ایلوب نبی فخرِ فخام
هر کس اوز علمی قَدَر تعریف و تمجیدون ایدر
بسدی شانونده که سنسن نائب خیراَلانام
مصحف یزداندا که تاپشوردی ختم المرسلین
ذات پاکوزدور یقین تفسیر آیات عظام
اولمیوب رِجس و دَنَس اولماز شئونوزده سیزون
نصّ واضحدور بویورموش کردگار لاینام
سن سلیمان ولاسن حشمتون مافوق درک
حشمت و جاهوندن آلمیش مین سلیمان احتشام
موسیِ طور حقیقت پرتوندن نور آلار
بیر دمون احیا ایدر مین عیسیِ والامقام
مین خلیل اللّهی فیضون ایلییَر اوتدان رها
گر مبارک لبلرون امر ایلیه بَرداً سَلام
اول عصائیکه وروب موسی یاروب نهری گچوب
در حقیقت سندن ایلوب اول پیمبر اخذِ وام
نهر آدی گلدی دوشوب یاده یَلِ نهر فُرات
اونداکی راکبله مرکب نهر آبه ووردی گام
یِل ووروب نهر فراته تا سرینلشدی او آب
سسلنوب یابن علی ای سرور خشکیده کام
لبلرون سوز عطشدن پارچالانمش غنچه تک
کهربا آسا سارالمش بو لبان لعل فام
قویما یانسین قلبوی سوز عطشدن ایچ سودان
قالسین عطشان لبلرون بیر لحظه راضی اولمارام
گوش دل آلدی سویون آوازینی ویردی جواب
التماس ایتمه کنار اول ایتمه هرگز فکر خام
سلسبیل و کوثر و تسنیم تک اولسان مَعین
ایچمرم تا ایچمیوب فرزند کوثر تا وارام
حاشَ لله من ایچم سو، قالسین عطشان سروریم
یوخ مروّت نامهء عباسده بیله مرام
تا سوسوز قیزلار خیام ایچره اَمَر اوز لبلرین
بو سودان دریا قَدَر اولسا بلر نفسیم حرام
آل حیدر تشنه لقدان نه چکوب کیمدور بُلَه
بو سوسوزلوق شرحی تا محشر اولوبدور مستدام
ختم قیل اولماز وفای حضرت عبّاس ختم
بو فنا دنیاده گیتسه بو وفا تاپماز ختام
ای ابوالفضل ای امید و ملجاء اهل بلا
اول کسیک اَللرله گل ایسته خدای ذوالکرام -
قائم آل اللّهین ایتسون ظهورون عنقریب
ذوالفقار حیدری آلسون اَله ایتسون قیام
مطلع شعری ویروب محمودی ذره لقب
دست مهرونله اونون آلامینه ویر التیام
بیر خبیر آدلی جواندا دردی وار ایستر دوا
ویرگیلن درمانینی لطفونله ایتسون اخذ کام
خوشدی ذکر اولسا وثاقی دن که عمرون صرف ایدوب
هیئت موسی ابن جعفرده خلوصیلن تمام
من (نگینینده) سیزه وار عرض حالی لطف ایله
جمله حاجاتیم روا اولسون اَلوزله والسَّلام
گل باور . ای حجت داور
.یاموسی ابن جعفر - جان ولا
سنه قربان هر لحظه محبان
ای یاور قرآن - درده دوا
بو جشن میلاد عشق و باور
مبارک اولسون مبارک او لسون
تولدون یا موسی ابن جعفر
مبارک او لسون مبارک اولسون
گل تقوا . ای فخر مسیحا
دلداده ی زهرا .جان شرف
حقه یاور . یاموسی بن جعفر
ای زاده ی حیدر .شاه نجف
بو جشن میلاد عشق و باور
مبارک اولسون . مبارک اولسون
تولدون یا موسی ابن جعفر
مبارک اولسون . مبارک اولسون
چخدی زندانیده جانیم گل آنا یازهرا
اوج ائدوب عرشه فغانیم گل آنایازهرا
گل منیم قیدیمه قال
باری سن گوگلومی آل
غریبم من غریبم من غریبم من
اون بیر ایل باغلادیلاراهل جفااللریمی
کنج زندانیده قان ایلدی اشگ تریمی
آرتیروب دشمن قرآن ستم و غملریم
یوخدی یارای توانیم گل آنا یازهرا
گل منیم قیدیمه قال
باری سن گوگلومی آل
غریبم من غریبم من غریبم من
انتظارم سنه گل باشیمی دامانوه آل
آخرین لحظه لریمدورآناجان قیدیمه قال
رافعتیله اوسلامت قولوی بوینوما سال
ای منیم روح وروانیم گل آنا یا زهرا
گل منیم گوگلومی آل
باری سن قیدیمه قال
غریبم من غریبم من غریبم من
بیحیاهارون ائدوبدی منی ظلمیله اسیر
ویردی قولاریمامحبسده ستمله زنجیر
قوجاوقتیمده چوخ اینجتدی اونامرد شریر
ائتدی زندانی مکانیم گل آنا یازهرا
گل منیم قیدیمه قال
باری سن گوگلومی آل
غریبم من غریبم من غریبم من
یوخدی هارونیده انصاف ومروتدن اثر
گورمیوب دهریده عمرونده عطوفتدن اثر
قویمادی گلشن عمرومده لطافتدن اثر
قالموری شرحه توانیم گل آنا یازهرا
گل منیم قیدیمه آل
باری سن گوگلومی آل
غریبم من غریبم من غریبم من
رنج زندانی منه آرتیروب اول شوم وعنید
اولدی مامورستم سند جفاکاروپلید
بوغریب وطنین دردوغمین ائتدی مزید
اوج ائدوب دادو امانیم گل آنا یازهرا
گل منیم قیدیمه قال
باری سن گوگبومی آل
غریبم من غریبم من غریبم من
سندبی شرمین الیندن گونوزوم شام اولدی
ویردی غیظیله یوزومدن گوزومه قان دولدی
ائله بیرظلم ایلیوبدی گل عمروم سولدی
یشتوب فصل خزانیم گل آنا یازهرا
گل منیم قیدیمه قال
باری سن گوگلومی آل
غریبم من غریبم من غریبم من
قعرزندانیده اولدی منه مونس آهیم
یاندورب قلبیمی دشمن پوزولوبدور جاهیم
دوزموشم هرغمه عالیمدی بونا اللهیم
چوخ اولوب درد گرانیم گل آنایازهرا
گل منیم قیدیمه قال
باری سن گوگلومی آل
غریبم من غریبم من غریبم من
دیده ی محُتَضر عالمده گزر ائلرینی
تادئسون محرم اسراره اورک سوزلرینی
تاپشورا گلشن عمرونده اولان گللرینی
محَرم سّر نهانیم گل آن یازهرا
گل منیم قیدیمه قال
باری سن گوگلومی آل
غریبم من غربیم من غریبم من
قیل قدم رنجه یوغربتده منی یادایله
دام ظلمتدن ئوزون گوگلومی آزاد ایله
موسی کاظمی زندانیده دلشاد ایله
رفعتون ورد زبانیم گل آنا یا زهرا
گل منیم قیدیمه قال
باری سن گوگلومی آل
غریبم من غریبم من غریبم من
کیمسه گلموربومکانه منه دلدار اولسون
محرم رازیم اولوب دردیمه غمخوار اولسون
جان وئرن وقته بوغربت زدیه یاراولسون
تک سنه واردی گمانیم گل آنایا زهرا
گل منیم قیدیمه قال
باری سن گوگلومی آل
غریبم من غریبم من غریبم من
نارغمده آلیشار شیعیه اثنا عشری
ایسلادار صفحه ی رخساره آخان اشگتری
یتورر حضرت زهرایه آقام بوخبری
شمع تک یاندی(جوانیم)گل آنایازهرا
گل منیم قیدیمه قال
باری سن گوگلومی آل
غریبم من غریبم من غریبم من
عزیزان گلدی دنیایه امام موسی کاظم
اولوب دنیایه پیرایه امام موسی کاظم
وروب الله او مولانی بو اهل دینه سرمایه
کلام اللهی ایلیبدور تلاوت آیه به آیه
بشیکده طفل چاقینده کلام الله دوداقینده
ملکلر حوری لر حیران قالبلار عرش طاقینده
اولوبدور حجت روی زمین اول خسرو خوبان
امام هفتم و شاه جهان دور حامی قرآن
حقیقت نهمین نور هدا شمس تجلادور
آتاسیندان صورا کل جهانه میر و مولادور
خدیو و خسرو جن و ملک انسان و هم حورا
فروغ مکتب مردان غیرتمند عاشورا
امام کاظمه همتا یوخویموش اوز زمانیندا
اثر قویموشدی بی تردید حسینین قانی قانیندا
بجردیب بیر اوغول مثل رضا سلطان خراسانه
وجودین فخر دنیایه خصوصا اهل ایرانه
کمال صدقلن خلق جهانه رهنما اولدی
آتا باب الحوائج دور اوزی مشکل گشا اولدی
دیدیم یاز ای قلم اهل دله موسی بن جعفردن
کرامت درسی نی تحصیل ایدوب ختم پیمبردن
اوزی باب الحوائج دور ایوی دارالشفا خلقه
ایله صاحب کرم دور که باخور صبح و مسا خلقه
ولایت اهلی نین صدق و صفالی میر و مولاسی
گیچر الله یانیندا هم سوزی هم مهر و امضاسی
یوزینده گوزلرینده نور حق الحق هویدادور
حقیقت بندگی اللهه اوز آنیندا پیدا دور
عبادت ساحه سینده جسمی تیترردی هم آغلاردی
فقط قورخاردی اللهدان دمادم هردم آغلاردی
خطاب ایلردی یارب دویمورام من بو عبادتدن
منه بیر جای خلوت ور بو درگاه جلالتدن
او یرده بیر سن اول بیر من تاپوم بیر حال عرفانی
قوی عرفان ساحه سینده ساخلیوم بو جسملن جانی
غرص الله او مولانین دعاسین مستجاب ایتدی
اونا بیر محفل خلوت عبادت انتخاب ایتدی
غل و زنجیرین آلتیندا یتیبدور عمری پایانه
"امین" ایستور یازا نوحه گلور هی آه و افغانه
اولسون سلام حضرت موسی بن جعفره
ذریّهٔ پیمبر و زهرا و حیدره
آئینهٔ صفات خداوند ذوالجلال
عبدیتینده صادق اولان بنده پروره
حیران قویان عوالمی اوز اقتدارینه
دلدن ایدن توکلی نی حی داوره
هفتم ولی برحق پروردگاردور
عالم دیولله باب الحوائج او سروره
دینین یولوندا سوگلی جانانه جان دیدی
با ذکر نام حق اوزینی سالدی سنگره
اوّل ایشیتدی لفظ بلی للولا دیدی
تاب ایلرم بویوردی نقدر اولسا غملری
دریای صبردور دایانیب دوزدی اون بیر ائل
دل ورمیشیدی دلدن او فرزانه دلبره
آیرلدی ایل تباریدن البته ظلملن
گلدی وجوده اول شه ایچون آیری منظره
هارون ناخرد ایله بیر ظلم ایدوب اونا
حق لعنتین روا گوره ای کاش او کافره
عصرین امامین ایلدی زندانی بی سبب
یاندیردی عالمین اورگین مرد هِی وَره
محکم دلیلی وار بو سوزین یوخدی شبهه سی
مشکل دگول بو جمله غرض اهل باوره
ویرمشدلار که حلقهٔ زنجیری بوینونا
وصل ایلمشدی بوینونی زنجیر اللره
الله دیوردی سندن ایله بیر یر ایستورم
سنلن بو عمریمی یتیرم باشه یکسره
بیر بیر سوواردی گونلری گونلردن اول خدیو
سنگین ایدردی غملر او جسم مطهره
جاندان سالیب رطوبت زندان وجودینی
سِند اوغلی گاه گاه اونا ایلردی مسخره
گه تازیانه الده گلرمیش حضورینه
اوج ایلیردی اوندا فقط آهی گوگلره
گون بیر گون اولدی سویلدی الله یورولموشام
قورتار منی اقلّی گلیب ورماسین هره
غربتده بیر گون اولدی غریبانه جان وریب
جانسیز وجودی آخدی دوشوب بحردن بره
تشییع ایدنده پیکرینی سِند نا نجیب
تسلیم ایدوب حقارتلن حمل ایدنلره
جداً"امینی" آغلاماق عنوانی ایلیوب
چنگ توسلین ویروب اول شاه محشره
سنون شخصیتون والادی مولا
سخاوبخششین دریادی مولا
اگر غربتده قالدون محبس ایچره
سنه روضه دوتان زهرادی مولا
بوگون غرق عزا بغداد اولوبدی
تشیع دشمنی دلشاد اولوبدی
درزندان آچیلدی به گمانم
عزیزفاطمه آزاد اولوبدی
سنه منزل اولوبدور کنج زندان
سنه آغلاردی حتی اول نگهبان
آقا معصومه جانی وربراتیم
امیر کاظمین ای کان احسان
یاتما آسوده نجفده ای ولیّ لم یزل
بیر کفن ایله تدارک محبسِ هارونه گَل
ئولدوروب موسانی هارون ایلیوب عزم ِشکار
بیر نفر یوخ نعشین ایتسون باری زنداندان کنار
گَل اوزون بغداده قویما نعشینی زنداندا خوار
هاردا لایقدی امام ِهفتمه بیله محل
شهرِ غربتدور دگل یثرب یغیشون اقربا
نعشینی یردن گتورسون ایتسون اظهارِ وفا
نه روادور جسم ِپاکی قعر ِمحبسده قالا
گر چه درک ایتمیش امامی کنجِ زنداندا اجل
اون بیر ایل محبوس کیمدور کنج ِزنداندا هاچان
زهريله مسموم اولوب آخر ویروب زنداندا جان
نه گلن وار نه گیدن نه بیرجه زنجیرین آچان
حل ّمشکل سنده دور بو مشکلی گَل ایله حَل
دور ایدر دوران ِدون دائم دنی لر کامیجه
شیعه نون باغری بو غمده دونمسون قانه نجه
قالدی زنداندا جنازه آخر اوچ گون اوچ گجه
نه اولوب تشییعه اقدام و نه تدفینه عمل
اوچ مصیبت بو جهاندا لرزه افلاکه سالوب
اوچ غم آرام ِبتولِ اطهری الدن آلوب
اوچ امامون نعشی اوچگون اوچ گجه یرده قالوب
هر اوچی اولماز ولکن بیره بیره هرگز مَثَل
زهر ِکین گر چه بو شاهون دوغرادی اکبادینی
ئولمه میشدی گیتدی امّا گوردی اوز اولادینی
گورمدی اوغلی تقی تک چرخین هر بیدادینی
نظم ِعالم ظلم ِاُم الفضلیدن تاپدی خلل
بی سبب گوز یاشی یوزده بیله رنگین اولمیوب
عشقیده نقصان اولور تا اشک خونین اولمیوب
هیچ امامون نعشینه بیر بیله توهین اولمیوب
بامیدن نعشین سالان اللّر اولیدی کاش شَل
جان ویرنده کنج ِزنداندا امامِ هفتمین
الده بیرکاسه سو دورموشدی مُسیّب دل غمین
جان ویرن وقته حسین امّا دئدی شمرِ لعین
ساقی کوثر آتان جنّتده ، وار نهرِ عسل
ایلیوب از بس بو سوز قلبِ شه ِدینه اثر
سوزشِ دل اولدی افزون تازه دن یاندی جگر
دل یاراسی اوخ یاراسیندان چتین دور مختصر
گورمیوب گورمز روا بو ظلمی بیر اهلِ جدّل
قالدی اوچ گون نعش موسیٰ لیک عریان اولمادی
زینبون زلفی کفن ، یا غسلى القان اولمادی
نسگل اولدی کربلاده بیر سلیمان اولمادی
تا بو محنت لر اولیدی عرّته بلکه بَدَل
نه سببدور بلمورم کرب و بلاده شیعیان
نه تاپولدی دورت نفر حمّال نه بیر نردبان
اون نفر لشکردن آیریلدی دلیم لال اول دایان
قورخورام آهِ بتول آفاقی ایتسون مشتعل
بیر نفر اولموب دیسون ای قوم ِبی رحم و شرور
هانسی مذهبده روا بیر بیله جور و ظلم اولور
بیر بدنده قالمیوبدور طاقتِ سُمّ ستور
باشینی از بس کَسَنده اینجدوب شمرِ دغل
یا شهید ِکربلا ، وی خامس ِآل عبا
(شأنینون) آگاهسن قلبینده وار بو مدّعا
فیضِ عظمایه یتوب قسمت اولیدی کربلا
حالینه شامل اولیدی حقّدن معنای گَل
الهی بندهء عشقم گوزل نام و نشانیم وار
دلیل عشقیمه بوینومدا طوق آسمانیم وار
منه محبس دگول میعادگاه عشقدور زندان
سنیله درد دل ایتماقلیقا عالی مکانیم وار
جبینیم سجده ده دل محضرونده ذکره مشغولم
عجب محراب عشقم وار عجب ورد زبانیم وار
یانان بیر شمع تک اوز آتشینده اودلانور قلبیم
گورنمز شعله سی بیگانیه سوز نهانیم وار
دونوبدور دود آهیم ابره قلبیم آسمانینده
ستاره تک آخان گوزدن یوزه اشگ روانیم وار
غریبم بیکسم زندانیم،ساقینیده کنده
قوجا بیر سید اولسامدا گینه درده توانیم وار
طبیبه یوخ نیازیم دلده دردیم درد عشقوندور
دایانام مین بیله درد اولسا تا جانیمده جانیم وار
خیال ایلور منی محبوس ایدوب هارون کین پرور
ولی فکر ایلمور شهبازه لایق آشیانیم وار
وئریب زهر جفا قلبیم یانور جسمین دوتوب لرزه
یوزوم توپراقلار اوسته دلده داد و الامانیم وار
منه هر گون ویرور بیر نوعیله سند دنی ایذا
بو خلوتگاهیده گور نه ستمگر میزبانیم وار
اگر چه یالقزام یوخ همدمیم بو کنج غربتده
ولی اوز شهریم ایچره بیر صفالی گلستانیم وار
نچه نازلی گلوم وار نچه ایلدی باغبانسیزدور
گوزی یولدا قالان نسرین و یاس و ارغوانیم وار
بهشتین گلشنی حسرت چکر بیر یول یوزین گورسون
رضا آدلی او گلشنده گل نزهت فشانیم وار
کناریمده اگر اولسیدی جان اوسته او دل خسته
ائدردی رو به قبله بیر گورردیم مهربانیم وار
باخور احوالیمه فریاد ایدور زنجیریله کنده
سیزیلدور محبس غم گور نه سویلور میهمانیم وار
خدا بو جمعیله بیر وقفه (اصلی) کاظمین ایستر
او غملی بُقعَده گورسون اَحِبّا، نه فغانیم وار
اوخییوم آغلیوم نوحه یازوم تا روز محشرده
خانم زهرا بویورسون بیر یانقلی نوحه خوانیم وار
وجود موجدی موجود چشمِ جویایه
عیاندی انفس و آفاق ، کونیده آیه
بصرتیله بو عدلینه ایلینده نظر
جمال شاهدین اولماز نیازی اخفایه
صراحتا اودی قرآندا منزل قرآن
همین بو مطلبه نازل ایدوب نچه آیه
کمالِ مرحمتیله کمالِ توحیده
ارائه راه ایلیوب شاهراهِ پویایه
گورن بو آئینه ده عکسِ جلوهء یاری
سالار تعشّق دل تک ، جمال زیبایه
دیمز مگر اولی ذکری همیشه یا محبوب
ایدر عاشقی ارشاد ، روحی احیایه
همین بو خوانِ محبت عموم ایچون دوشنوب
گلوب رقیمهء دعوت بشر مسمّایه
بونیله بیله که یوخ دعوتنده اِستثنا
گنه چوخ آز یتیشن وار بو فیضِ عظمایه
تاپان موافقِ میزانِ عشق مشهودی
تاپوب مدارجِ عالیّ عشقیده پایه
خلیل اولوب اود ایچینده دلنده یا معبود
اودا مخاطب اولوب ، حقدن سلامایه
و یا اولوب ذکریّا دلنده یا محبوب
یتوب او موهبتِ بی بدیل ، یحیایه
مراسمِ ادبیله کلام ایجازی
باخ اَنبیای طریق ولایه پیمایه
فقط مراتبِ اعلای عشقِ اعلاده
یتوب پیمبرِ اکرم ، مقامِ والایه
او قدر مرتبهء عشقینه ویروب ترفیع
که مایل اولدی تقرّبده قربِ ادنایه
دالنجه اون ایکی بر حق وصی سی نسبتیله
مه و نجوم اولوب شمسِ عالم آرایه
هامی پیمبره تک تک هاموسی وارث اولوب
آتوبلا صورتی پابند اولوبلا معنایه
کسوبله علقهء دل ، جمله ماسواللهدن
سالوبلا شوق فقط وجه ربّ اعلایه
ایناموسان گذر ائت، حبس گاهِ بغداده
نظاره قیل او محبسده کی زوایایه
وجودِ حضرتِ موسی ابن جعفره بیر باخ
وار ابتلاسی نه چوخ محنت و بلایایه
بویوندا سلسله، کُنده ایاقدا، اون بیر ایل
لوای حمدی سرافراز اولوب ثریّایه
دیر همیشه خدایا بو گرشهء وحدت
چوخ آز نصیب اولوب عالمده چوخ اَخِلّایه
سپاس بی حد و پایان اولا جلالتوه
یتورموسن منی اَنعَم و عطایایه
گوزومده گوشهء زندان، تمامِ دنیادور
خوشام رضایتویله ها می قضایایه
حقیقتا عجبا دور چرخ وارونه
عجب علاقه سالوب اهلِ عشق ایذایه
ایدور جفائیله مالک رقابی زندانی
ویرور تسلّطیله تاج و تخت ، ادنایه
سالور او حالته موسی ابن جعفری هارون
غمی مؤثر اولور ، قلبِ سنگِ خارایه
او گونکه چرخ دولاندی مراد هارونه
لوای بخت سالوب شوم فرقینه سایه
مرتّب ایلدی بیر مجلس ملوکانه
که نفس خواهشی بستیدی بیرجه ایمانه
گلوب او مجلسه ارکان دولتی یکسر
حضوره امریدی چون جمله پیر و برنایه
باخوب او مجلسه چشم نشاطیله دوشدی
غروریله دولی باشی غریبه سودایه
دیدی او باده ی وجد و سروریدن سرمست
وار احتیاجی بو بزمین ابوعطاهایه
گلیدی شعر اوخییدی سروریم آرتیدی
یتیدیم عمریده بو گون هامی تمنّایه
ابوعطاهیه هارون زمانی شاعریدی
حکیم و عالمیدی فرض ایتمه ادنایه
اولیدی هر نجه بیر مجلس ملوکانه
اونی ایدردیله احضار او بزم کبرایه
کیدوب گتوردوله هارونیدن اولوب مامور
همان او بزمه برازنده شعر و انشایه
بداهتاً نچه اشعار ایلدی ایراد
که محتویدی او اشعاری چوخ مزایایه
دیدی خلیفه نه قدری بدنده روحون وار
یته بولرسن هامی عیش و نوش دنیایه
اولوب بو شعریده خندان و شادمان هارون
اورکدن ایلدی تحسین او نطق گویایه
ادامه ویردی کلامه او مرد روشندل
ایکیمجی شعره ایدوب پند مرگی پیرایه
ولی او وقت او که روحون بدندن آیریلدی
قویالّا جسمیوی ظلمات تحت غبرایه
اولار یرین حشراتی انیس قبر سنه
گیدر وجودیوین اعضای نرمی یغمایه
خلیفه اوندا بولرسن جهاندا نیلموسن
هدر کیدوب بو گرانمایه عمر سرمایه
دگیشدی حالینی فوراً بو شعر هارونین
چکوب سس آغلادی، آخدی سرشکی سیمایه
دیدی بو شعریوی ایله دوباره سن تکراری
دوادی دلده کی بیر درد بی مداوایه
دوباره سویلدی، آغلوب گینه او دل مرده
گوروب او ناصحی زیبنده بذل و اعطایه
دیدی نه ایسته سن ایسته عطا ایدوم سنه من
ولو خلافتیم اولسون دل آچمارام لایه
جواب ویردی که دنیانی ویرسن ایستمورم
ولی بو عرضیمی قویسون خلیفه اجرایه
نه وقته جان قالاجاق بو غریب زنداندا
نه قدری صبر ایده جاق ظلم تاب فرسایه
ایدوبدی گوشه ی زندانی اون بیر ایل منزل
بو مدّتی نه گوروب گون نه بیر باخوب آیه
ووروبلا بوینونا زنجیر، ایاقینه کونده
روا دگل بو ستم جسم بی توانایه
قالوب بیر عمردی حسرت عیالینون یوزینه
باخار بویونداکی زنجیره کونده ی پایه
مرخّص ایله گیدوب بیر بالالارین گورسون
بو امر خوش گلی پروردگار دانایه
جواب ویردی عجب امری یادیمه سالدون
رضای حقدی یتورّم سنی تمنّایه
صباح گل یازارام محبسه که موسانی
خلاص ایدوب سنه ویرسونله یولّا بطحایه
دیر او شخص قییتدیم کمال وجدیله
که توشه سالدیم اله رستخیز کبرایه
دیردیم اوز اوزیمه چوخ بویوک سعادتدور
نصیب اولوب منه، جای ثنادی یکتایه
پیمبر اوغلونی محبسدن ایلسم آزاد
یتر باشیم ایکی دنیاده عرش اعلایه
خلاصه صبح آچیلدی فریضه ایتدیم ادا
گیدردیم عهد خلیفه یتیشسون ایفایه
خیال خامیله من رهسپاریدیم ناگاه
مصادف اولدوم عجب وقعه ی غم افزایه
ساتاشدی گوزلریمه یولدا دورت نفر حمّال
که دوردی حاملیدی بیرجه نعش بالایه
قویوب جنازه نی بیر نردبان کوتاهه
او حالیله که اولار شرحی خجلته مایه
دیدیم خدا گوره سن هانسی بیر غریبدی بو
دیار غربت آرا رحلت ایلوب عقبایه
آدین سوروشدوم اولاردان بیری جواب ویروب
غریبدی اوزی، لیک آدلاناردی موسایه
بو قدر بیز بولوروخ اصلیده مدینه لیدور
همان مدینه که منسوب اولوبدی طاهایه
دیولّه گوشه ی زنداندا جان ویروب بو غریب
الی یتیشمیوب اهل و عیال و قربایه
دیدی سیزون دیدیقوزدان پیمبر اوغلودی بو
بتر حسب نسبی ، مرتضایه زهرایه
علاوه اوز اجلیله وفات ایلمیوب
ویروبله زهر جفا بو غریب و تنهایه
قویون یره سیزی تاری جنازه سین باری
گیدون خبر آپارون شهریده احبّایه
گلوب اماملرین عزّتیله دفن ایده لر
روا دگل بو اهانت بو شاه والایه
دونوب صبایه طرف سویلدی او مرد حکیم
که ای پیام آپاران شهرهای دنیایه
صبا مدینه ده زهرانی گیت خبردار ایت
نه خواب نازدی بغداده گل تماشایه
یتوب شهادته اوغلون اوزون نمازینی قیل
همی خبر ویر آناسی بتول عذرایه
گلوب اوغول باشی اوستونده باشینی آچسون
نیازمند اولی چون هبر غریب ، ثکلایه
همین خبر بو قدردی یازوبدی (ذهنی زاد)
عیاندی کسر خبرده ، خبرده دانایه
یاتما آسوده نجفده ای ولیّ لم یزل
بیر کفن ایله تدارک محبسِ هارونه گَل
ئولدوروب موسانی هارون ایلیوب عزم ِشکار
بیر نفر یوخ نعشین ایتسون باری زنداندان کنار
گَل اوزون بغداده قویما نعشینی زنداندا خوار
هاردا لایقدی امامِ هفتمه بیله محل
شهرِ غربتدور دگل یثرب یغیشون اقربا
نعشینی یردن گتورسون ایتسون اِظهارِ وفا
نه روادور جسمِ پاکی قعر ِمحبسده قالا
گر چه درک ایتمیش امامی کنجِ زنداندا اَجل
اون بیر ایل محبوس کیمدور کنج ِزنداندا هاچان
زهريله مسموم اولوب آخر ویروب زنداندا جان
نه گلن وار نه گیدن نه بیرجه زنجیرین آچان
حلّ مشکل سنده دور بو مشکلی گَل ایله حَل
دور ایدر دورانِ دون دائم دنی لر کامیجه
شیعه نون باغری بو غمده دونم سون قانه نجه
قالدی زنداندا جنازه آخر اوچ گون اوچ گجه
نه اولوب تشییعه اقدام و نه تدفینه عَمل
اوچ مصیبت بو جهاندا لرزه اَفلاکه سالوب
اوچ غم آرامِ بتولِ اَطهری اَلدن آلوب
اوچ امامون نعشی اوچگون اوچ گجه یرده قالوب
هر اوچی اولماز ولکن بیره بیره هرگز مَثَل
زهر ِکین گر چه بو شاهون دوغرادی اکبادینی
ئولمه میشدی گیتدی امّا گوردی اوز اولادینی
گورمدی اوغلی تقی تک چرخین هر بیدادینی
نظم ِعالم ظلم ِاُم الفضلیدن تاپدی خلل
بی سبب گوز یاشی یوزده بیله رنگین اولمیوب
عشقیده نقصان اولور تا اشک خونین اولمیوب
هیچ امامون نعشینه بیر بیله توهین اولمیوب
بامیدن نعشین سالان اللّر اولیدی کاش شَل
جان ویرنده کنج ِزنداندا امامِ هفتمین
الده بیرکاسه سو دورموشدی مُسیّب دل غمین
جان ویرن وقته حسین امّا دئدی شمرِ لعین
ساقی کوثر آتان جنّتده ، وار نهرِ عسل
ایلیوب از بس بو سوز قلبِ شه ِدینه اثر
سوزشِ دل اولدی افزون تازه دن یاندی جگر
دل یاراسی اوخ یاراسیندان چتین دور مختصر
گورمیوب گورمز روا بو ظلمی بیر اهلِ جدّل
قالدی اوچ گون نعش موسیٰ لیک عریان اولمادی
زینبون زلفی کفن، یا غسلى القان اولمادی
نسگل اولدی کربلاده بیر سلیمان اولمادی
تا بو محنت لر اولیدی عرّته بلکه بَدَل
نه سببدور بلمورم کرب و بلاده شیعیان
نه تاپولدی دورت نفر حمّال نه بیر نردبان
اون نفر لشکردن آیریلدی دلیم لال اول دایان
قورخورام آهِ بتول آفاقی ایتسون مشتعل
بیر نفر اولموب دیسون ای قوم ِبی رحم و شرور
هانسی مذهبده روا بیر بیله جور و ظلم اولور
بیر بدنده قالمیوبدور طاقتِ سُمّ ستور
باشینی از بس کَسَنده اینجدوب شمرِ دَغَل
یا شهیدِ کربلا ، وی خامسِ آل عبا
(شأنینون) آگاهسن قلبینده وار بو مدّعا
فیضِ عظمایه یتوب قسمت اولیدی کربلا
حالینه شامل اولیدی حقّدن معنای گَل
محبس تاریک اولار دائم گلستان مؤمنه
دینیسیز دنیادی بیر ویرانه زندان مؤمنه
ئورگدوب قرآن حقیقی مؤمنون عنوانینی
ذکر لِلَّه خائف ایلر قلبینون ارکانینی
آیۀ قرآن اوخونسا آرتیرار ایمانینی
ایلر اللهه توکّل یازدی قرآن مؤمنه
واقعی مؤمن نمازین اولسا هر یرده قیلار
دائماَ ایلر نمازی خلق ایچینده برقرار
ردّ ائدر واجب زکاتی ذمّه سینده هر نه وار
بو نچه اوصاف علامتدور مسلمان مؤمنه
دؤز دییَر مؤمن دیلیندن مؤمنون چخماز یالان
هر امانت اولسا ردّ ایلر اونی ائتمز نهان
خُلف وعده ایلمز دنیاده مؤمن هئچ زمان
مُشکل دنیا اولار هر یرده آسان مؤمنه
مؤمنه خالق اؤزی وعده وئروب قرآنیده
ایلمز مغلوب کافر حجّت و برهانیده
آخرین دیندور بو دین مغلوب ائدوب ادیانی ده
منطق قرآنی بیلسه بسدی برهان مؤمنه
مؤمنون الله و پیغمبر کیمی وار عزّتی
مؤمن عزّتده یاشار گیمز لباس ذلّتی
زنده اولسا مرده اولسا مؤمنون وار حرمتی
نصّ ائدوب بو احترامی حیّ سبحان مؤمنه
هانسی مؤمندور بو مؤمن دین یولوندا دؤز گئدن
هانسی مؤمندور بو مؤمن دینینی ترویج ائدن
هانسی مؤمندور بو مؤمن خلقه قرآن ئورگدن
قویمیَن اولسون مسلّط نفس و شیطان مؤمنه
هانسی مؤمندور بو مؤمن کیمده اولسا نور حق
هانسی مؤمندور بو مؤمن عامل دستور حق
هانسی مؤمندور بو مؤمن اهل حق منظور حق
گون کیمی هر کس که اولدی پرتو افشان مؤمنه
هانسی مؤمندور بو مؤمن مؤمنی اینجیتمیَن
هانسی مؤمندور بو مؤمن دؤز یولی کج گئتمیَن
هانسی مؤمندور بو مؤمن کافره رحم ائتمیَن
مهربانلوق ایلین هر دل پریشان مؤمنه
هانسی مؤمندور بو مؤمن خواهش نفسی آتان
هانسی مؤمندور بو مؤمن کنج زنداندا یاتان
هانسی مؤمندور بو مؤمن حق دیوب قانه باتان
جانیمیز قربان اولا هر دینه قربان مؤمنه
هانسی مؤمندور بو مؤمن باغلانان زنجیریله
روز و شب همراز و همدم نالۀ شبگیریله
محبس هارونیده مسموم اولان تزویریله
حق یولون تعلیم ائدن هر کامل انسان مؤمنه
هانسی مؤمن نعشی اوچ گون کنج زنداندا قالان
حق دیوب جدّی حسیندن ئولماقی سرمشق آلان
هانسی مؤمن جدّه سی زهرانی غمدن آغلادان
هانسی مؤمن که کفن ائتدی سلیمان مؤمنه
هانسی مؤمندور بو مؤمن باش و جانیندن گئچن
هانسی مؤمندور بو مؤمن اولماسا سو قان ایچن
هانسی مؤمندور بو مؤمن آج سوسوز مظلوم ئولن
سو اولان اؤز قلبینون قانی لب عطشان مؤمنه
(کهنمویی) حزب حق دنیاده حزب الله دور
مصطفی رهبردی حزبه مقصده آگاهیدور
آیری حزبون عضوی اولما هامّیسی گمراهیدور
دین وئرن دفترچۀ حزب اولدی قرآن مؤمنه
☑️ بند اول
سلام آقای عالمین
سلام دلیل شور و شین
سلام به قبر پاک تو
سلام عزیز کاظمین
سلام میدم برات آقا
سلام به زائرات آقا
سلام به گنبد طلات آقا
دلم رو برده ضریحت مولا
منم دعوت کن تو رو به جان زهرا
مگه دلت میاد برای دیدنت نیاد
اونی که روز وشب براتشو ازت میخواد
گداتو رد نکن آقام آقام امام جواد
? آقام آقام آقام غریب کاظمین آقام
☑️ بند دوم
باید بسوزم از غمت
رسید شبای ماتمت
آقا فدا بشم برات
وفا نداره همسرت
همون پلید بی حیا
یه روز یه کاری کرد آقا
شدی به زهر کینه مبتلا
میون جور و جفا جون دادی
ندادن آبت تا از نفس افتادی
ولی سر تو رو نبریدن که از قفا
نمونده پیکرت به زیر سم مرکبا
نرفته پیرهنت به غارت حرامیا
? آقام آقام آقام غریب کاظمین آقام
☑️ بند سوم
میگن تو دشت کربلا
رسید به آسمون نوا
فتاد میون خاک و خون
حسین عزیز مصطفی
شده به روی نی سرش
چقد غریبه خواهرش
میگه به پیکر برادرش
دلم رو نشکن بلند شو از جات
عزیز خواهر زینب فدای زخمات
نمونده طاقتی برای قلب مضطرم
جوابمو بده آخه منم یه خواهرم
پاشو ببین داداش چی اومده به این سرم
? حسین آقام آقام حسین آقام آقام آقام
☑️ بند چهارم
حسین بو قوم بی حیا
وروب طنایی قول قولا
گئدیر باجین بو دشتدن
اوزون بو زاری سال یولا
دوشور یولا بو قافله
گلیب بالالارین دیله
بو یول خطرلیدی دعا اله
آخیر رخساره گوزومدن قان یاش
علاجیم یوخدی شمره اسیرم قارداش
اولوبدی اکبرین آناسی غمله دلکباب
اویاندا آغلیری بالاسی اوخلانان رباب
بویاندا نو عروس الیری گوزدن اشک ناب
? حسین آقام آقام آقام حسین آقام آقام آقام
