اشعار مخصوص امام موسی کاظم

سبک: می گذردکاروان ...
.
.
.
ای گل نازیم رضا
محرم رازیم رضا
عرشه چیخور سینه دن
سوزو گدازیم رضا
.
تیکمیشم من بو غربت آرا
منتظر گوزلری یولارا
گل رضا گل رضا گل رضا (2)
.
.
.
جسمیده جانیم رضا
روح و روانیم رضا
جاریدی رخساریمه
اشک روانیم رضا
.
یوخ منه غربتده آغلیان
منتظر گوزلری باغلیان
گل رضا گل رضا گل رضا (2)
.
.
.
جان یغیشیب سینمه
حبسیده توشم غمه
غصه لی احوالیمه
داغ داش ائدور زمزمه
.
آتوی سال اوغول یاده گل
قاره گی شهر بغداده گل
گل رضا گل رضا گل رضا (2)
.
.
.
جانه گتوردی محن
یوخدی منه باش چکن
بستریمی گلمسون
قبلیه یوخ دوندرن
.
آغلادور چوخلی بو غم منی
یوخ آچان ایاقدان کنده نی
گل رضا گل رضا گل رضا (2)

• شنبه
• 2
• فروردین
• 1399
• ساعت
• 21:34
• نوشته شده توسط
• ابوالفضل عابدی پور

آنا زهرا جان وئرور اوغلون
موسی جعفر تئز یتیش داده
دوتوب اود سینم یانور تئز گل
بو دم آخر سال منی یاده
.
هارای هارونین جفاسیندن
هارای ظلم نارواسیندن
.
آه و واویلا (2)
.
.
.
یتیش داده غملی چاقیمده
حالیمه آغلا سینه وی داغلا
غریبانه جان وئرور اوغلون
غملی زنداندا گوزلرین باغلا
.
هارای هارونین جفاسیندن
هارای ظلم نارواسیندن
.
آه و واویلا (2)
.
.
.
غریب ئولسه غملی زنداندا
گوزلرین آخر باغلیان اولماز
چیخار جانی غملی غربتده
اوخشیان اولماز آغلیان اولماز
.
هارای هارونین جفاسیندن
هارای ظلم نارواسیندن
.
آه و واویلا (2)
.
.
.
دئدیم حقدور مکتب قرآن
دوشدوم آخر بو غملی زندانه
غل و زنجیر آلتدا جان وئردیم
عمر غمبار

• شنبه
• 2
• فروردین
• 1399
• ساعت
• 21:35
• نوشته شده توسط
• ابوالفضل عابدی پور

سبک: ای شاه مظلومان حسین ... آی قارداشیم آی قارداشیم ...
.
هدایتی تبریزی
.
زنداندا سولدوم ای خدا
سن راضی سن من راضیم
غم چکماقا من بینوا
سن راضی سن من راضیم
.
.
اهل ولایه سرورم
ظلمیله تحقیر اولموشام
چوخ چوخ اذیّت چکمیشم
بو سجن ده پیر اولموشام
جان هر ندن شیرین اولار
من جان دن سیر اولموشام
ائتسین اذیّت اشقیا
سن راضی سن من راضیم
.
.
یوخدور انیس و همدمیم
زنجیر اولوب همدم منه
زندان فشاری ، غربتیم
تأثیر ایدیر کم کم منه
احوالمی بیلسه اگر
آغلار حرا ، زمزم منه
اولدوم اسیر ابتلا
سن راضی سن من راضیم
.
.
من نورم اما ظلمتِ
زندان ظلمت مسکنیم
پاک و مبرّا رجسدن
آلوده اولماز دامنیم
سلم و رضاده کاملم
لا حکمووه ی

• شنبه
• 2
• فروردین
• 1399
• ساعت
• 21:38
• نوشته شده توسط
• ابوالفضل عابدی پور

به سبک (حسین جان گل علمدارون ...)

هایانداسان ، آنا زهرا
یولوندا گوزلریم قالیب گل
داریخمیشام ، یئتیش داده
اورکده سوزلریم قالیب گل

غریب بالان گلوب نوایه
حسینیلن گلون عزایه

بو غمده وار ، یئری سینم
مثال نی نوایه گلسین
نه وار باجی ، نه وار قارداش
بو سون نفس هرایه گلسین
اوزون آگه ، سن ای مادر
حسینه عاشقم ازلدن
دعا ایله بو روحیمون
هماسی کربلایه گلسین

باشیما سایه سین سالان یوخ
سینان بو گویلومی آلان یوخ

بو زنداندا ، آدامسیزلیق
ائدوبدی حالیمی پریشان
اگرئولسم ، کیمیم واردی
گوزومی باغلیا آنا جان
داریخدیم دای، منه وئرهای
بو آخرین نفس لریم دی
یئتیش داده ، بو اثناده
جمالیوی گوروم وئریم جان

نه گوزلریمی باغلیان وار
نده من ئولسم آغلیان وار

• دوشنبه
• 1
• دی
• 1399
• ساعت
• 16:41
• نوشته شده توسط
• یوسف اکبری

فارسي

شده دنيا معطر
بگو الله و اکبر
شکفت از باغ صادق
گل موسی بن جعفر
بود امشب شب كسب نتايج
به دنيا آمده باب الحوايج
بگو بادا مبارك4

به عرش حي سبحان
همه شاد و غزلخوان
به نور روي ماهش
شده عالم چراغان
بگو لطف خداوند تبارك
بود بر حضرت صادق مبارك
بگو بادا مبارك4

تركي

اولوب گون تك هويدا
گل باغ تولا
حميده شاد و خندان
گلوب دنيايه موسي
بهار عشق و ايمان دي بو مولا
تمام درده درمان دي بو مولا
اياباب الحوائج4

هامي درده دوا سن
مريضانه شفا سن
بيزه وير عيديانه
بقيع و كربلا سن
آقا موسي بن جعفر مير خوبان
سني سسلر هامي درمانده هرآن
اياباب الحوائج4

• چهارشنبه
• 24
• دی
• 1399
• ساعت
• 18:52
• نوشته شده توسط
• یوسف اکبری

آنا یا فاطمه گل جان ویرورم
گوشه حبسده نالان اولورم
جان یتوب سینمه گلمورنفسیم
آخرین دمده سنی گوزلیورم
اورگیم اودلانوری .... گل وجودیم یانوری
آنایافاطمه گل۴

جمله آمال دلیم اولدی سراب
اون بیر ایلدی چکورم رنج و عذاب
بیلوسن کی گوزومون نوری رضا
بومصیبتده اولوب قلبی کباب
گلمیور کان وفا ....بو سیه چاله رضا
آنایافاطمه گل۴

یوخ بیلن قالمیشام آیا نه حالا
رخت خوابیمدی بو زندان داعبا
قعر زندان منه غمخانه اولوب
همدمیم کنده و زنجیر جفا
گل بالون جانه گلیب .... استخوانی اریب
آنایافاطمه گل۴

سند نادان یولومون اوسته دوروب
دام پرکینه بو مظلومه قوروب
کنده نین ضربینه ساقین ازیلیب
سلسله بوینومی والاهی یوروب
محنتیم باشدان آشیب.... جام صبریم ده داشیب
آنایافاطمه گل۴

عشقوون سکه سی رایج دی ننه
باخیشون درده معالجدی ننه
دردمندم بوزمان گرچه منیم
لقبیم باب الحوایج دی ننه
گل بو بحراندا آنا .....دردیمه ایله دوا
آنایافاطمه گل۴

• دوشنبه
• 29
• دی
• 1399
• ساعت
• 22:53
• نوشته شده توسط
• یوسف اکبری

شـرافت اهلینـه سلطان – آقام موسی بن جعفردی
عـزیـزِ ذاتِ اَلـرحـمان – آقـام موسی بن جعفردی
یقینـاً معنـی قـران – آقـام مـوسی بن جعفـردی
مریضـون اولسا شک اِتمـه یاپوش صدقیله دامانین
مریضه چون وئرن درمان – آقام موسی بن جعفردی
آدی بـاب الحـوائجـدی مـریضـه چـاره دور ، اما
اوزی آواره زنـدان – آقـام مـوسی بن جعفـردی
اسیـر عشقیـم ، شاهـد بو سـوز قلب و آهیمدور

طریـق حَقیـده عشقـی یقینـاً شـاهـراهیمدور
یاییلسیـن کـون امکـانه آقـام دریـای رحمتدی
یول آیری درگهه سالمام ، کی درگاهی پناهیمدور
گرک عـرش معلایه گـوزل خطیلـه حَک اولسون
غُلامـم درگهینده من ، آقام موسی ده شاهیمدور
کی بولسون یکسره شاهان – آقام موسی بن جعفردی

چاغیـرسا کیم اونی داده گلـر امدادینه قربان
وئریلمیش عشقینـه عالم ، ملکلر آدینه قربان
نصب عالی ، ثَمر عالی ، شَجر هم سلسله عالی
مثالی گلمیـوب گلمـز بوتون اجدادینه قربان
قیزی معصومه دور اوغلی رضادی مفخر ایران
تمـامـاً ملـت ایـران گـوزل اولادینه قربان
بـوله بـو عالـم امـکان – آقام موسی بن جعفردی

اورک وئر شاهیمه ؛ سانما دل اهلین غرق آه ایلر
نیـازیـن هـر نَـدی ایسته آقام حَتمی بِراه ایلر
اگـر لطف ایلیـوب باخسا اولار تپراق طلا مِثلی
و یـا بیـر ذَریـه باخسا یقینیـم واردی ماه ایلر
کرملـی شـاهیـدور واللـه گدانی نا امیـد اتمز
گـدا گـر دوز گـدا اولسـا امامیـم پـادشاه ایلر
گـدانی ایلین سلطان – آقام موسی بن جعفردی

نتیجـه آختـاران بولسـون آقـام عِنـدِ نتایجدی
مقـامی فهم و درکیمنن یقینیم واردی خارجدی
مـریض عشـق مولایم طبیبـه یوخ نیازیم ، چون
غـمِ عشقـی منـه درد و اوزی درده معـالجدی
مریضون اولسا گر قوخما آقامنان ایسته درمانین
دئنـن دردون بـاخـار والله آخی باب الحوائجدی
او زیبـا آدینه قربان – آقام موسی بن جعفردی

دئنـن دردون یقیـن ایله آلارسان دردیوه درمان
نقـدری مشکلـون اولسا ائدر مشکللرون آسان
آدی هـر درده درماندی ولی اوز دردیده چوخدی
اسیـر درد و مشکلـدی او خستـه جانینه قربان
عـزیـز جان زهـرانی ایاقـدان سالدی دشمنللر
بوکوب قدین غم هجران ، اَریدی جسمینی زندان
شهید خسته زندان – آقام موسی بن جعفردی

کیمون وجدانی گر اولسا کمک ایلر زمین گیره
تـوتار اَل شخـص با ایمان یقین اُفتاده و پیره
نَدَن دلبند زهرایه نه یار اولدی نه ده غمخوار
اولا لعنت بئلـه بَختَ بئلـه مَنحـوس تقدیره
اوقـد قالـدی رطوبتده گویَردی پیکری یکسر
وِئرنمـوردی تکان حتی آقام بوینوندا زنجیره
دییردی فاطمه جان جان – آقام موسی بن جعفردی

عـزیـز جـان زهـرانی عجیبـه یُـوردی بـو دوران
اَریـدی جسمینی غمللـر ، نَحیفـه جانینـه قـربان
دَینـده جسمینـه شَـلاق دییـردی آی ننه یاندیم
گوزی یاشلی اورک داغلی دییردی فاطمه جان جان
اِلـه القـانیلـه زنجیـر یـاراده لختـه لنمیشـدی
تکان وئردیخـجه زنجیره آخوردی لخته لخته قان
اولاردی سینه سی سوزان – آقام موسی بن جعفردی

هـرایه سسلـدی اوغلیـن کی یعنی خسته ام تئز گل
غریبـم کُنـج زنـدانـدا ، اورک بشکستـه ام تئز گل
اوزم مشکـل گشـا امـا ایشیـم مشکللـره دوشـدی
ننـم زهرا کیمـی درد و غمـه سـر دستـه ام تئز گل
اوقـدری سِنـدِ بی ایمـان وئریوبدور جسمیمـه شلاق
سیزیلدور پیکریم یکسر ، اوغول جان اوسته ام تئز گل
وئرن زندانی لرده جان – آقام موسی بن جعفردی

بِه حَمدِالله کی مولامین آدین خامم گوزل یازدی
قلـم اربابیمـون آدین اورکده حک ائدوب قازدی
اوزی لطف ایلدی بی شک یازام مدح و ثناسینن
عنایت ائتمسیـدی چون قلم بیر کلمه یازمازدی
اگر چه من توانیـم جک امامیمنـن قلـم وئردیم
ولی شـأن و مقامینـن نللـر یازسام گینه آزدی
پریشان یاز ؛ دئنن هر آن – آقام موسی بن جعفردی

• پنج شنبه
• 2
• بهمن
• 1399
• ساعت
• 22:23
• نوشته شده توسط
• یوسف اکبری

جان اوسته‌یم اوغلوم یتیر امداده رضا جان
تک قویما آماندور منی گل داده،رضا جان

گل وادیِ بغداده سنه چوخلی سوزوم وار
غمدن اَریدیم،ماتم و اندوهه دوزوم وار
الطاف خداوند تبارک ده، گوزوم وار
بیر حاله سالوب سندِ دنی یالقیز امامی
ناقص قالوری حول عباتده قیامی

بیر یرده اسیرم که نه وار آب و هواسی
ویرماقدان آغیردی منه چوخ جور و جفاسی
ائیله قَردوب پیکریمی قمچی یاراسی
احوالیمه بوینومداکی زنجیرلر آغلار
شرمنده‌دی مندن نچه ایللردی ایاقلار

غربتده غریب اؤلسه مگر، آغلویان اولماز؟
بیر سیّدِ پیره اورکی داغلویان اولماز
سن گلمه‌سن اوغلوم گوزومی باغلویان اولماز
گَل بیرده گوروم گول یوزوی سید رضوان
صون لحظه‌ده جانانه ویریم جانیمی آسان

عرش اهلینی ائتدیم بو غمه واله و مجذوب
حیران قالوب الله بولوری صبریمه ایوب
دوران دولانوب یوسفی گوزلور گینه یعقوب
یوسف‌ده گلوب سن کیمی شیرین دهن اولماز
سن گلمه‌سن اوغلوم آتاوی دفن ائدن اولماز

ایللر بویی اولدوم دل غمخانه‌ده محبوس
عمرومدن ال اوزدوم یاشاماخدان داخی مایوس
من کُنده و زنجیریله اولدوم بالا مانوس
صبریم داشوب آخر بو قدَر قمچی یمه‌کدن
اللهدان اؤلوم ایستمیشم ایندی اورکدن

غربتده اوگون یومدی گوزون موسی جعفر
قان آغلادی احوالینه زهرا و پیمبر
بغداده گلوب بزم عزا قوردی ملک لر
زنیدانیده سس دوشدی اؤلوب شاه خوش انفعال
گول نعشینی یردن گوتوروب دورت نفر حمّال

هر نحویله دفن اولدی اوگون سرور خوبان
بیر شاعر شیعی اوخدی حضرته قرآن
اوچ گجّه ولی قالدی حسین پیکری،عریان
اولدی کفنی خنجر و سرنیزه و پیکان
مقتلده داغیتدی سینه‌سین سمّ ستوران

ویردی او قَدَر یاره او شاهنشه اعدا
نه حاله قالوب یوخدی یازام شرحینه یارا
آواره او گودالی گزوب زینب کبری
گوردی توکولور سرعتیله مقتله لشگر
بعضی گوتوروب داش الینه بعضیسی خنجر

گوردی یخیلیب قتلگهه نور دو عینی
سالموش آرایا دشمن او شاهِ حرمینی
گودالیده داشلوردی هامی،یالقیز حسینی
بیرکسلیقی اوردا ایلدی قلبیدن احساس
قانلی لبیله سسلدی گل هارداسان عباس

• دوشنبه
• 4
• اسفند
• 1399
• ساعت
• 22:51
• نوشته شده توسط
• یوسف اکبری

چکور جانیم اذیت کینهٔ اشرار دنیادن
یتوبدی عرشه نالَم ای خدا دیوار دنیادن

نه ائتمیشدوم که سالدی باشیمی دنیا مصیباته
اولان بیر تکجه سن سن با خبر اسرار دنیادن

سرای عشقیدن آیریلدی جانیم محبسه دوشدی
بهار گلشنیم اولدی خزان آزار دنیادن

عیال و اهلیدن کچدیم،یوخوم بیرکس کناریمده
بقای دینه خاطر اوزدوم أل پرگار دنیادن

ائدور مظلوملاری محکوم،اولور ظالم لری حاکم
حقیقت دل ده بیزارم بئله معیار دنیادن

ألیمله نقدِ جانی وئرمیشم والا تجارتده
غُل و زنجیر و زندان آلموشام بازار دنیادن

ملاقات إیلیَن یوخدور،گوروب حالیم دییَن یوخدور
نئدن ای عشق اسیری دولموسان غمبار دنیادن

دییردیم محنت ائتموش سینه‌می غمخانه غربتده
قالوب حسرت گؤزوم دستِ خیانتکار دنیادن

گلوب اوغلوم آچِیدی قاپلارین بو غملی زندانین
گوروب آسوده باغلاردیم گؤزوم بو دارِ دنیادن

آلوب بو ناله‌می باد صبا موسی بن جعفردن
رضایه سویلویَردی مختصر ایکاش او ازبردن

بو نیسگیل غرق ائدن سینَم‌ده داشمیش محنتیم اوغلوم
آلوب جانیمدن عشقین اشتیاقی طاقتیم اوغلوم

گرفتار اولموشام من دام بیر صیاد ظالم ده
یوزون بیردم زیارت ائتمگه یوخ فرصتیم اوغلوم

گمانیم واردی کسمزسن بو گؤزلردن سن امّیدی
واریمدور بیر سنه آخر نفس ده زحمتیم اوغلوم

بو زندانه گلوب بوینومدا کی زنجیری ردّ إیله
قوجاقلاش بیر منیله تا قوتارسین حسرتیم اوغلوم

قرا زندان لار عمرومدن آلوب ظلمیله چوخ ایللر
سماده آغلادار زهرانی سونسوز غربتیم اوغلوم

بئله غمخانه کُنجینده منی بیر کس دانیشدیرمور
گلوب بیردم دانیشدیرسان منی وار صحبتیم اوغلوم

سویوق توپراقلار اوسدونده یتیش قویما چیخا جانیم
بلالی باشیمی آل سینون اولسون راحتیم اوغلوم

گلوب گورسون گؤزوم نمناکیدور قلبون داریخدیرما
عذاره جاری ائتمک گوزیاش اولموش عادتیم اوغلوم

وطن مهجوری اولدوم،دوزدی غم جانیم سیخوب امّا
اوجالدی قدیمی أگدیقجه زنجیر عزتیم اوغلوم

ستمگر زورینه باش أگمرم ئولسم ده جدّیم تک
منه خوش دور قفس توپراقی اولسا تربتیم اوغلوم

او وصلت بخش ألین‌لن گل،یوزومدن قان سرشکیم سیل
او مَه رخساریوه قوی بیرده گولسون صورتیم اوغلوم

منی دفن إیله بو بوینومدا کی زنجیریله باهم
اسارت له چیخب جانیم قوی اولسون قسمتیم اوغلوم

• چهارشنبه
• 4
• فروردین
• 1400
• ساعت
• 20:07
• نوشته شده توسط
• یوسف اکبری

یارب بیری بو کنجِ غریبانیه گلمز
دیداره مگر بیرکسی زندانیه گلمز

گل اوغلوم رضا - سنه جان فدا
ئولور موسی بن جعفر

تاریکیدی هر یانی یانان مشعلی یوخدور
امداد إلیَن بیرجه معینون ألی یوخدور
ایللردی بو ظلمت ائوینون گئت گلی یوخدور
دلداریه حتی بیری غم خانیه گلمز

وار چوخلی جراحاتیم آلوب ألدن علاجیم
گل روشن ائله بزمیمی ای نور سراجیم
سن سن آتاوین فخری رضا،باشداکی تاجیم
سن گلمسون امّید ألی بیگانیه گلمز

چکمیش غم غربت یارالی سینمه داغی
گل بیر بو عزاخانه‌مین اول سنده قوناغی
آزاد ائله جان طایریمی سِیر ائده باغی
یوخسا که بهار عطری بو‌ ویرانیه گلمز

سؤنمز آلیشان حسرتیوه قلبیده اود لار
آغلور منیم احوالیمه گویلرده بولود لار
بیر بیر آزالیر بو دمِ آخرده اومود لار
بیر عمر اولا بو لحظه ی طولانیه گلمز

ای روحه صفا گل که أجل منتظریمدی
جانیم ده اولان راحتی سندن صورا کیمدی
بیر دفعه گؤزوم ماهِ رُخین گؤرسه بسیمدی
چیخماقدادی جان،راحتی بیر ثانیه گلمز

• چهارشنبه
• 4
• فروردین
• 1400
• ساعت
• 20:08
• نوشته شده توسط
• یوسف اکبری

عالم معناده آقا زندانی ترک ایلدی
تا اهلبیتینن وداع ائده

آقا قاپونی دقُّ الباب ائلدی...
خانم معصومه سؤال ایلدی؟؟؟

سسلندی کیمسن سس گلوبرنجور قیدِ محبسم
اللّه قوناقی ایستسون٬ من بیر غریب و بیکسم
ردّ ایلمز حقدن اگر٬ هرنه تقاضا ایلسم
هر درده درمان ایستدیم٬ فورا کرامت ایلدی

آچدی قاپونی آغلادی عرض ایتدی اهلا مرحبا
گرمستجاب الدّعوه سن یاسیّدی ایله دعا
دوز اون بیرایلدی آیریلوب بو دودماندان بیرآقا
هئچ بیلمیروک ساقدور وَیا درک شهادت ایلدی

فرمایش ایتدی شوقیدن عاشق سیاقی آغلاما
ایله تحمّل شدّت درد فراقی آغلاما
موسیٰ منم معصومه جان یاندیر چراغی آغلاما
سن هرنه ایتمیشدون دعا اللّه اجابت ایلدی

من بو ائوه سالم گَلم روز وشب ایلردون دعا
قالمور وجودیمدن منیم الّا قوری نقش ونما
گَل باشووی قوی سینمه سالما ولی قول بوینوما
چون ظالمه خم اولمادی زنجیر جرأت ایلدی

• پنج شنبه
• 5
• فروردین
• 1400
• ساعت
• 12:14
• نوشته شده توسط
• یوسف اکبری

مژده مژده ای شیعیان علی
چراغان شده آسمان علی
با نور کوکب/ شد روشن امشب
زهرا خوشحال است/ آمده زینب
زینب یازینب (۲)

زهرا زهرا زهرا دختر آورده
دریا دریا دریا گوهر آورده
زینب چو زهراست/ مانند دریاست
گوید فرشته/ نامش چه زیباست
زینب یازینب (۲)

گلی از گلشن احمدی آمد
عطر گل محمّدی آمد
مشتاق نوریم/ غرق سُروریم
در بزم شادی/ پُر شوق و شوریم
زینب یازینب (۲)

بیر گول آچدی که عالمین سووندی
زینب گلدی حسن حسین سووندی
طاها سووندی/ مولا سووندی
شاد اولدی عالم/ زهرا سووندی
زینب یازینب (۲)

فرشته لر دسته دسته گول سپور
حوری لر زینبین الیندن ئوپور
شاد اولدی یکسر/ آل پیمبر
شیعه٬ علی دن/ بایراملیق ایستر
زینب یازینب (۲)

بهشته دوندی مدینه دیاری
گلدی دنیایه عشقین عیاری
حیدره زینت/ کوثره عزت
اسوه ی عفت/ الگوی عصمت
زینب یازینب (۲)

دوزدور که حق یولدا باشی اوجالار
اما غملر الینده تئز قوجالار
آغارار باشی/ آخار گوزیاشی
گئدر الیندن/ یئددی قارداشی
زینب یازینب (۲)

کیم آغلاسا بونا٬ بویوردی طاها
حسن حسینه آغلیوبدی گویا
درده دوادی/ قلبه صفادی
دیون هر یئرده/ مشکل گشادی
زینب یازینب (۲)

• یکشنبه
• 22
• فروردین
• 1400
• ساعت
• 21:53
• نوشته شده توسط
• یوسف اکبری

بو محبسده دلگیرم الله - گرفتار زنجیرم الله
دیین کیمسه هارونه یوخدی- که بی جرم و تقصیرم الله

معصومه هجرینده زنداندا -دل داغلیام من
اون بیر ایل اولدی که زنجیریله باغلیام من

««به عنوان واگیر میشود استفاده کرد»»

{ باب الحوائج اسیرم اوزوم بی کسم من
چوخداندی قول باغلیام گوشه محبسم من }

گولم آیری دوشدوم چمندن - اوزاقلاشدیم اهل وطندن
داخی جانه گلدیم یورولدوم - نه ایستور جفا اهلی مندن
ای قورتاران یونسی بطنِ ماهیدن الله
ئولدور داخی دینجلیم بو قفسدن من الله

اورک تنگه گلدی جفادن - ولی یوخ گلایم بلادن
منه بیر نفر آشنا یوخ - خبر ویرسین اوغلوم رضادن
گویلوم چوخ ایستور گورم بیرده اوغلوم رضانی
ای کاش اولیدی یانیمدا بو هجران زمانی

غریبه اورک داغلامازلا - غریبه یانوب آغلامازلا
قالار گوزلری یولدا حسرت - ئولنده گوزون باغلامازلا
معصومه‌نی بار الها یتور - بیقرارم
جان اوسته دیدارینه حسرتم انتظارم

• سه شنبه
• 7
• اردیبهشت
• 1400
• ساعت
• 20:44
• نوشته شده توسط
• یوسف اکبری

ایدوب ودیعه لرین امّ احمده تسلیم
بویوردی ساخلا یادوندا همین وصایانی

او دم که ایسته دیلر بو ودایعی سندن
بُل ئولدوروبله من دلفکار و نالانی

بولاری ایسته سه هر کیم او حُجّتُ الله دور
مُطاعیدور مَلَک و اِنس و جِنّه فرمانی

امام عترتینی بیر به بیر وداع ایلدی
وصیّت ایلدی صبره بنات و نسوانی

اویاتمادی یوخودان خورداجا بالالارینی
بیوک لرین ولی عرشه اوجالدی افغانی

بُلوردولر او سفردن داخی قِییتمیه جاق
ویروبله زهر، یتوب باشه عهد و پیمانی

بُلنمورم نجه اهل حرمدن آیریلدی
بُلر مسافر اولان بو وداع ئوخرانی

آرایه آلدیلا بابُ الحوائجی بالالار
اولوبلا بیر دیلیله هر بیری نواخوانی

گنه سوزوم دولانور شاه کربلا باشینا
گوزیمده جلوه لَنور کربلا سلیمانی

یغوبدی باشینه بِلقِیس رو حرملرینی
گورر اورک گوزی اولسا او شور و غوغانی

خیالی وار گیده امّا اوشاقلار اَل چَکمور
گورولّه هلهله و های و هوی اعدانی

بیری دیور بیزی بیرده مدینیه قِیتر
اماندی قیلما نشیمن بو غملی صحرانی

بیری دیور بو سوسوزلوق منی هلاک ایلدی
بابا قوجاقیوه آل بیرده بو لب عطشانی

بیری دیور بابا گیتمه داخی سو ایستَمورم
اسیر ایده لّه سن ئولسن بنات طاهانی

تصوّر ایله حسینون پوزولماز احوالی
گورنده حالی پریشان رباب و لیلانی

گوروب حیا ایدوری اکبری ئولن لیلا
دوروب اوزاقدا دیور گور بو خانه ویرانی

سنقدی قلبیم عزیزیم، منیده بیر دیندیر
کنیزلر بُلوسن چوخ سُوَلّه مولانی

اَلیم اورکده قالوب تازه بیر جوانیم ئولوب
قویان تاپولموری قبره او ماه سیمانی

بونی بُلورسن اوغولسوزلارین یوزی گُلمز
جهاندا کیمدی گورن شادکام ثَکلانی (1)

یوخوندور اَلده علاجون گیدورسن ایمدی که گیت
ولیک قویما قالا یرده اکبرین قانی

اَلین فداسی اولوم ذوالفقارون آل اَلیوه
بو چولده ایله عیان سهم شاه مردانی

علیّ اکبریمون قاتلین ازل ئولدور
گیدنده شامه گوزوم گورمَسون او ترسانی

ولی اوزوم بُلورم قانلی گوز یاشیم قوروماز
اگرچه دولدوراسان قانیله بو میدانی

یارالی سان، اورکیم دوزموری ویروم زحمت
گیدیرسن ئولماقا بو کوی عشق قربانی

باشیم اوجالیقی گَل باشیوه دولانوم گیت
سنه داخی بُلورم یوخ قِییتماق امکانی

اشاره ایله او شه لیلینی ایدوب ساکت
بُلر مسافر اولانلار بو سرّ عظمانی

امام دوندی بویوردی آنام باجی زینب
گورنمَسوز داخی بیرده بو قانه غلطانی

حلال ایدون منی، منده سیزی حلال ایلدیم
گرک نشان ویرم عالمده عهده ایفانی

کسوب علاقه سین، الله بُلور نجه گیتدی
گوزیندن عارضه توکدی اشک حمرانی

قلم دایاندی حسینی، دایان اورکدن یان
دوباره شرح ایله حال امام موسانی

• شنبه
• 18
• اردیبهشت
• 1400
• ساعت
• 15:04
• نوشته شده توسط
• یوسف اکبری

ای امام هفتمین موسی ابن جعفر السّلام
ای اولان باب الحوائج وی امام اوغلی امام

لطفوه محتاجدور هستی کماکان هر نَفَس
نفسوه وابسته دور ذرات عالم لاکلام

هانسی بیر بیماردور درمان سنیلن تاپماسین
درد بی درمانینه سندن آلار درمان سِقام

مهر گردون هاردا آرایش ویرردی گلشنه
غنچه وش اول لبلرون گر ایتمسیدی ابتسام

سن او گلسن جنت ایچره اولماسان اولماز شمیم
نکهتوندن جنتُ الاعلا اولوب مشکین مشام

بلکه خجلت چکمسین نور رخوندان آفتاب
اون بیر ایل محبسده ایتدون گوندوزی لیل ظلام

قاف وحدت که دیوبلر سن اونون سیمرغیسان
قاف وحدت مرغی اولماز هیچ زمان پابندِ دام

انتظامون گرچه پوزدی بی مروّت دشمنون
انتظاموندان تاپوبدور ماخلق نظم و نظام

سلطنتدن عزل اولونماز حقّدن منصوب اولان
مُلک عالم سیطرزدن چخمیوب چخماز مدام

استقامتدن دوشردی اولماسیدوز کائنات
سیزدن اولموش آسمان بیستون صاحب قوام

سلطنت تختون زمین دور تاج فرقون آسمان
سن او شهسن شه لر اولموش درگهونده چون غلام

آسمانین توسن دوّاری که اولموش چموش
گاموون آلتندا هر لحظه اولوبدور رامِ رام

بو امیدیلن که اُپسون خاک ایوانون سنون
ایلییَر دور حریمونده ملائک ازدحام

ریزه خوار خوان احسانون نه بیر حاتمدی بس
قاسم الارزاق آلار دست نوالوندن حُطام

مَحرَم کوی محبت دوریوه ایلر طواف
محترم سنلن اولوبدور مُحرِم بیتُ الحرام

رشتهء حبل المتینسن امر ایدوب یزدان پاک
ماسوا ملزَم اولوبلار ایلسونلر اعتصام

فخر ایدوبدور گر هامی صاحب نسب آبائینه
سن کیمین فرزنده فخر ایلوب نبی فخرِ فخام

هر کس اوز علمی قَدَر تعریف و تمجیدون ایدر
بسدی شانونده که سنسن نائب خیراَلانام

مصحف یزداندا که تاپشوردی ختم المرسلین
ذات پاکوزدور یقین تفسیر آیات عظام

اولمیوب رِجس و دَنَس اولماز شئونوزده سیزون
نصّ واضحدور بویورموش کردگار لاینام

سن سلیمان ولاسن حشمتون مافوق درک
حشمت و جاهوندن آلمیش مین سلیمان احتشام

موسیِ طور حقیقت پرتوندن نور آلار
بیر دمون احیا ایدر مین عیسیِ والامقام

مین خلیل اللّهی فیضون ایلییَر اوتدان رها
گر مبارک لبلرون امر ایلیه بَرداً سَلام

اول عصائیکه وروب موسی یاروب نهری گچوب
در حقیقت سندن ایلوب اول پیمبر اخذِ وام

نهر آدی گلدی دوشوب یاده یَلِ نهر فُرات
اونداکی راکبله مرکب نهر آبه ووردی گام

یِل ووروب نهر فراته تا سرینلشدی او آب
سسلنوب یابن علی ای سرور خشکیده کام

لبلرون سوز عطشدن پارچالانمش غنچه تک
کهربا آسا سارالمش بو لبان لعل فام

قویما یانسین قلبوی سوز عطشدن ایچ سودان
قالسین عطشان لبلرون بیر لحظه راضی اولمارام

گوش دل آلدی سویون آوازینی ویردی جواب
التماس ایتمه کنار اول ایتمه هرگز فکر خام

سلسبیل و کوثر و تسنیم تک اولسان مَعین
ایچمرم تا ایچمیوب فرزند کوثر تا وارام

حاشَ لله من ایچم سو، قالسین عطشان سروریم
یوخ مروّت نامهء عباسده بیله مرام

تا سوسوز قیزلار خیام ایچره اَمَر اوز لبلرین
بو سودان دریا قَدَر اولسا بلر نفسیم حرام

آل حیدر تشنه لقدان نه چکوب کیمدور بُلَه
بو سوسوزلوق شرحی تا محشر اولوبدور مستدام

ختم قیل اولماز وفای حضرت عبّاس ختم
بو فنا دنیاده گیتسه بو وفا تاپماز ختام

ای ابوالفضل ای امید و ملجاء اهل بلا
اول کسیک اَللرله گل ایسته خدای ذوالکرام -

قائم آل اللّهین ایتسون ظهورون عنقریب
ذوالفقار حیدری آلسون اَله ایتسون قیام

مطلع شعری ویروب محمودی ذره لقب
دست مهرونله اونون آلامینه ویر التیام

بیر خبیر آدلی جواندا دردی وار ایستر دوا
ویرگیلن درمانینی لطفونله ایتسون اخذ کام

خوشدی ذکر اولسا وثاقی دن که عمرون صرف ایدوب
هیئت موسی ابن جعفرده خلوصیلن تمام

من (نگینینده) سیزه وار عرض حالی لطف ایله
جمله حاجاتیم روا اولسون اَلوزله والسَّلام

• چهارشنبه
• 12
• خرداد
• 1400
• ساعت
• 16:12
• نوشته شده توسط
• یوسف اکبری

عزیزان گلدی دنیایه امام موسی کاظم
اولوب دنیایه پیرایه امام موسی کاظم
وروب الله او مولانی بو اهل دینه سرمایه
کلام اللهی ایلیبدور تلاوت آیه به آیه
بشیکده طفل چاقینده کلام الله دوداقینده
ملکلر حوری لر حیران قالبلار عرش طاقینده
اولوبدور حجت روی زمین اول خسرو خوبان
امام هفتم و شاه جهان دور حامی قرآن
حقیقت نهمین نور هدا شمس تجلادور
آتاسیندان صورا کل جهانه میر و مولادور
خدیو و خسرو جن و ملک انسان و هم حورا
فروغ مکتب مردان غیرتمند عاشورا
امام کاظمه همتا یوخویموش اوز زمانیندا
اثر قویموشدی بی تردید حسینین قانی قانیندا
بجردیب بیر اوغول مثل رضا سلطان خراسانه
وجودین فخر دنیایه خصوصا اهل ایرانه
کمال صدقلن خلق جهانه رهنما اولدی
آتا باب الحوائج دور اوزی مشکل گشا اولدی
دیدیم یاز ای قلم اهل دله موسی بن جعفردن
کرامت درسی نی تحصیل ایدوب ختم پیمبردن
اوزی باب الحوائج دور ایوی دارالشفا خلقه
ایله صاحب کرم دور که باخور صبح و مسا خلقه
ولایت اهلی نین صدق و صفالی میر و مولاسی
گیچر الله یانیندا هم سوزی هم مهر و امضاسی
یوزینده گوزلرینده نور حق الحق هویدادور
حقیقت بندگی اللهه اوز آنیندا پیدا دور
عبادت ساحه سینده جسمی تیترردی هم آغلاردی
فقط قورخاردی اللهدان دمادم هردم آغلاردی
خطاب ایلردی یارب دویمورام من بو عبادتدن
منه بیر جای خلوت ور بو درگاه جلالتدن
او یرده بیر سن اول بیر من تاپوم بیر حال عرفانی
قوی عرفان ساحه سینده ساخلیوم بو جسملن جانی
غرص الله او مولانین دعاسین مستجاب ایتدی
اونا بیر محفل خلوت عبادت انتخاب ایتدی
غل و زنجیرین آلتیندا یتیبدور عمری پایانه
"امین" ایستور یازا نوحه گلور هی آه و افغانه

• شنبه
• 23
• مرداد
• 1400
• ساعت
• 15:56
• نوشته شده توسط
• یوسف اکبری

اولسون سلام حضرت موسی بن جعفره
ذریّهٔ پیمبر و زهرا و حیدره
آئینهٔ صفات خداوند ذوالجلال
عبدیتینده صادق اولان بنده پروره
حیران قویان عوالمی اوز اقتدارینه
دلدن ایدن توکلی نی حی داوره
هفتم ولی برحق پروردگاردور
عالم دیولله باب الحوائج او سروره
دینین یولوندا سوگلی جانانه جان دیدی
با ذکر نام حق اوزینی سالدی سنگره
اوّل ایشیتدی لفظ بلی للولا دیدی
تاب ایلرم بویوردی نقدر اولسا غملری
دریای صبردور دایانیب دوزدی اون بیر ائل
دل ورمیشیدی دلدن او فرزانه دلبره
آیرلدی ایل تباریدن البته ظلملن
گلدی وجوده اول شه ایچون آیری منظره
هارون ناخرد ایله بیر ظلم ایدوب اونا
حق لعنتین روا گوره ای کاش او کافره
عصرین امامین ایلدی زندانی بی سبب
یاندیردی عالمین اورگین مرد هِی وَره
محکم دلیلی وار بو سوزین یوخدی شبهه سی
مشکل دگول بو جمله غرض اهل باوره
ویرمشدلار که حلقهٔ زنجیری بوینونا
وصل ایلمشدی بوینونی زنجیر اللره
الله دیوردی سندن ایله بیر یر ایستورم
سنلن بو عمریمی یتیرم باشه یکسره
بیر بیر سوواردی گونلری گونلردن اول خدیو
سنگین ایدردی غملر او جسم مطهره
جاندان سالیب رطوبت زندان وجودینی
سِند اوغلی گاه گاه اونا ایلردی مسخره
گه تازیانه الده گلرمیش حضورینه
اوج ایلیردی اوندا فقط آهی گوگلره
گون بیر گون اولدی سویلدی الله یورولموشام
قورتار منی اقلّی گلیب ورماسین هره
غربتده بیر گون اولدی غریبانه جان وریب
جانسیز وجودی آخدی دوشوب بحردن بره
تشییع ایدنده پیکرینی سِند نا نجیب
تسلیم ایدوب حقارتلن حمل ایدنلره
جداً"امینی" آغلاماق عنوانی ایلیوب
چنگ توسلین ویروب اول شاه محشره

• یکشنبه
• 24
• مرداد
• 1400
• ساعت
• 14:10
• نوشته شده توسط
• یوسف اکبری

یاتما آسوده نجفده ای ولیّ لم یزل
بیر کفن ایله تدارک محبسِ هارونه گَل

ئولدوروب موسانی هارون ایلیوب عزم ِشکار
بیر نفر یوخ نعشین ایتسون باری زنداندان کنار
گَل اوزون بغداده قویما نعشینی زنداندا خوار
هاردا لایقدی امام ِهفتمه بیله محل

شهرِ غربتدور دگل یثرب یغیشون اقربا
نعشینی یردن گتورسون ایتسون اظهارِ وفا
نه روادور جسم ِپاکی قعر ِمحبسده قالا
گر چه درک ایتمیش امامی کنجِ زنداندا اجل

اون بیر ایل محبوس کیمدور کنج ِزنداندا هاچان
زهريله مسموم اولوب آخر ویروب زنداندا جان
نه گلن وار نه گیدن نه بیرجه زنجیرین آچان
حل ّمشکل سنده دور بو مشکلی گَل ایله حَل

دور ایدر دوران ِدون دائم دنی لر کامیجه
شیعه نون باغری بو غمده دونمسون قانه نجه
قالدی زنداندا جنازه آخر اوچ گون اوچ گجه
نه اولوب تشییعه اقدام و نه تدفینه عمل

اوچ مصیبت بو جهاندا لرزه افلاکه سالوب
اوچ غم آرام ِبتولِ اطهری الدن آلوب
اوچ امامون نعشی اوچگون اوچ گجه یرده قالوب
هر اوچی اولماز ولکن بیره بیره هرگز مَثَل

زهر ِکین گر چه بو شاهون دوغرادی اکبادینی
ئولمه میشدی گیتدی امّا گوردی اوز اولادینی
گورمدی اوغلی تقی تک چرخین هر بیدادینی
نظم ِعالم ظلم ِاُم الفضلیدن تاپدی خلل

بی سبب گوز یاشی یوزده بیله رنگین اولمیوب
عشقیده نقصان اولور تا اشک خونین اولمیوب
هیچ امامون نعشینه بیر بیله توهین اولمیوب
بامیدن نعشین سالان اللّر اولیدی کاش شَل

جان ویرنده کنج ِزنداندا امامِ هفتمین
الده بیرکاسه سو دورموشدی مُسیّب دل غمین
جان ویرن وقته حسین امّا دئدی شمرِ لعین
ساقی کوثر آتان جنّتده ، وار نهرِ عسل

ایلیوب از بس بو سوز قلبِ شه ِدینه اثر
سوزشِ دل اولدی افزون تازه دن یاندی جگر
دل یاراسی اوخ یاراسیندان چتین دور مختصر
گورمیوب گورمز روا بو ظلمی بیر اهلِ جدّل

قالدی اوچ گون نعش موسیٰ لیک عریان اولمادی
زینبون زلفی کفن ، یا غسلى القان اولمادی
نسگل اولدی کربلاده بیر سلیمان اولمادی
تا بو محنت لر اولیدی عرّته بلکه بَدَل

نه سببدور بلمورم کرب و بلاده شیعیان
نه تاپولدی دورت نفر حمّال نه بیر نردبان
اون نفر لشکردن آیریلدی دلیم لال اول دایان
قورخورام آهِ بتول آفاقی ایتسون مشتعل

بیر نفر اولموب دیسون ای قوم ِبی رحم و شرور
هانسی مذهبده روا بیر بیله جور و ظلم اولور
بیر بدنده قالمیوبدور طاقتِ سُمّ ستور
باشینی از بس کَسَنده اینجدوب شمرِ دغل

یا شهید ِکربلا ، وی خامس ِآل عبا
(شأنینون) آگاهسن قلبینده وار بو مدّعا
فیضِ عظمایه یتوب قسمت اولیدی کربلا
حالینه شامل اولیدی حقّدن معنای گَل

• شنبه
• 6
• شهریور
• 1400
• ساعت
• 23:43
• نوشته شده توسط
• یوسف اکبری

محبس تاریک اولار دائم گلستان مؤمنه
دینیسیز دنیادی بیر ویرانه زندان مؤمنه

ئورگدوب قرآن حقیقی مؤمنون عنوانینی
ذکر لِلَّه خائف ایلر قلبینون ارکانینی
آیۀ قرآن اوخونسا آرتیرار ایمانینی
ایلر اللهه توکّل یازدی قرآن مؤمنه

واقعی مؤمن نمازین اولسا هر یرده قیلار
دائماَ ایلر نمازی خلق ایچینده برقرار
ردّ ائدر واجب زکاتی ذمّه سینده هر نه وار
بو نچه اوصاف علامتدور مسلمان مؤمنه

دؤز دییَر مؤمن دیلیندن مؤمنون چخماز یالان
هر امانت اولسا ردّ ایلر اونی ائتمز نهان
خُلف وعده ایلمز دنیاده مؤمن هئچ زمان
مُشکل دنیا اولار هر یرده آسان مؤمنه

مؤمنه خالق اؤزی وعده وئروب قرآنیده
ایلمز مغلوب کافر حجّت و برهانیده
آخرین دیندور بو دین مغلوب ائدوب ادیانی ده
منطق قرآنی بیلسه بسدی برهان مؤمنه

مؤمنون الله و پیغمبر کیمی وار عزّتی
مؤمن عزّتده یاشار گیمز لباس ذلّتی
زنده اولسا مرده اولسا مؤمنون وار حرمتی
نصّ ائدوب بو احترامی حیّ سبحان مؤمنه

هانسی مؤمندور بو مؤمن دین یولوندا دؤز گئدن
هانسی مؤمندور بو مؤمن دینینی ترویج ائدن
هانسی مؤمندور بو مؤمن خلقه قرآن ئورگدن
قویمیَن اولسون مسلّط نفس و شیطان مؤمنه

هانسی مؤمندور بو مؤمن کیمده اولسا نور حق
هانسی مؤمندور بو مؤمن عامل دستور حق
هانسی مؤمندور بو مؤمن اهل حق منظور حق
گون کیمی هر کس که اولدی پرتو افشان مؤمنه

هانسی مؤمندور بو مؤمن مؤمنی اینجیتمیَن
هانسی مؤمندور بو مؤمن دؤز یولی کج گئتمیَن
هانسی مؤمندور بو مؤمن کافره رحم ائتمیَن
مهربانلوق ایلین هر دل پریشان مؤمنه

هانسی مؤمندور بو مؤمن خواهش نفسی آتان
هانسی مؤمندور بو مؤمن کنج زنداندا یاتان
هانسی مؤمندور بو مؤمن حق دیوب قانه باتان
جانیمیز قربان اولا هر دینه قربان مؤمنه

هانسی مؤمندور بو مؤمن باغلانان زنجیریله
روز و شب همراز و همدم نالۀ شبگیریله
محبس هارونیده مسموم اولان تزویریله
حق یولون تعلیم ائدن هر کامل انسان مؤمنه

هانسی مؤمن نعشی اوچ گون کنج زنداندا قالان
حق دیوب جدّی حسیندن ئولماقی سرمشق آلان
هانسی مؤمن جدّه سی زهرانی غمدن آغلادان
هانسی مؤمن که کفن ائتدی سلیمان مؤمنه

هانسی مؤمندور بو مؤمن باش و جانیندن گئچن
هانسی مؤمندور بو مؤمن اولماسا سو قان ایچن
هانسی مؤمندور بو مؤمن آج سوسوز مظلوم ئولن
سو اولان اؤز قلبینون قانی لب عطشان مؤمنه

(کهنمویی) حزب حق دنیاده حزب الله دور
مصطفی رهبردی حزبه مقصده آگاهیدور
آیری حزبون عضوی اولما هامّیسی گمراهیدور
دین وئرن دفترچۀ حزب اولدی قرآن مؤمنه

• دوشنبه
• 8
• شهریور
• 1400
• ساعت
• 23:39
• نوشته شده توسط
• یوسف اکبری