یا بن الحسن گل گل گلماق وقتیدی
بو زماندا دای یاشاماق سختیدی
اشیتمیشدوخ فساد دوتسا دنیانی
قوراجاقسان الله دیین دیوانی
بس هاچان گلوسن ایمان قوتولور
بلوط گلوب گون قاباقی دوتولور
سن بول زهرا جانی گورسد ئوزیوی
آییت جماعتی دئنن سوزیوی
بیری دیور گلمز یوخدور یاوری
بولممیشدن نجور ائدور داوری
دنیا ایستمه سه سن تک سروری
هله سلامتدور ایران رهبری
سسله اناالمهدی بقیة الله
انا منتقم ابن ثار الله
بیری یازور گلمه یوخدی سپاهون
چونکه کدر دوتوب قلب سیاهون
کربلایه دیور گیدور یماغا
مکّدده شعار گیدور دیماغا
نه خبردی نه وار مگر مشدده
سینسین آغزی حدی چاتسین اشدّه
روحانی دئینی بو اینانموری
جمعه خطبه سینده هیچ دایانموری
ترپشماغا یوخدی یرینن جانی
یواش یواش دانیر الله قرآنی
دییور بعضی ایشلر اولوب مکّده
آچما عیبی قوی سوز قالسون کعبده
غیبتی تهمتدی سنون عملون
قیامتدن مگریوخدی خبرون
سن گل آقا منتظر وار انشالله
سندن اوتور دیده تر وار انشالله
منده یوخدی عمل قَرَه دی یوزوم
سندن اوتور هیچ آغلامیوب گوزوم
ولی اوشاقلارون ندور گناهی
مظلوملارین بس هایاندا پناهی
او که عراق دای بلشوب تپراقا
اوکه یمن بنذیر سولان یپراقا
او که افغانستان قالدی خرابه
اوکه سوریه دی باتدی ترابه
گل کعبه دن باشلا بیوک چالشی
نابود ایله آمریکینن داعشی
اولار دییور بو انتظار واهیدی
ظالم مظلوم اولار خواه نخواهیدی
اوکه دانور سنی فتنه پیشه دی
چوخی دییور بو بیر یالان ریشه دی
عوام ائشیدنده بیله خبری
امامین بس دئیور هانی اثری
گل سن گلن یولا قربان جانیمز
توکولسون سن گلن یولدا قانیمز
گل گل باخما گلمه گلمه سوزینه
یاوه دییور ایله شاعر اوزینه
مگر فساد بوندان آرتیق اولاجاق
قان توکولماق بونداندا چوخ اولاجاق
قویما چوخ توکوله مظلومون قانی
بی گناه آلینا مردمون جانی
ظلم آلیب بولورم او قراریوی
گلنده سن گتور ذوالفقاریوی
روحیم قاناد چالور آز قالیر ئوچه
مگر وابسته سن اوچ یوز اون اوچه؟
قانوزدا وار هیهاتٌ من الذلة
گلماقیوا آقا بس ندور علت
یرده خالقیمین شمشیری سنسن
آل محمدین تک شیری سنسن
خلقون پیغمبر تک خلق اعظمدی
نه فلک امریون سنون ملزمدی
علی گوجی بیلگینده وار آقا
حسین قانی داماریندا وار آقا
حسن صبری رگلرینده جاریدور
راز و نیازونده سجاد واریدور
باقرین علمیندن علم آپارمیسان
صادق مکتبیندن حلم آپارمیسان
محبسلر غریبی موسی بن جعفر
سنده جدون کیمی اولموسان مضطر
آل محمدین عالِمی رضا
ارث وئروب سنه بو علمی خدا
جوادالائمه جدّوندی سنون
عرشیدنده آرتوخ حدّوندی سنون
الله ایستیوبدی چوخ اوجالموسان
علی النقی تک تیز قوجالموسان
لقبده عسگری آتان حسندور
ذوالفقارین ظالم باشی کسندور
حجة ابن الحسن حجت لقبون
اصغر انتقامی اولوب هدفون
ابوالفضل کیمی واردی غیرتون
نه فلکه بسدی تک شجاعتون
هرکس دییور گلمه ایستمور ئوزی
کوریدی گورماقا یوخ سنی گوزی
ایستمیین سنی بوکولسون بیلی
دیین سنه گلمه لال اولسون دیلی
بس گل رخصت اولسا خالقدن سنه
دوزدی کمک چخماز«صادقدن»سنه
چونکه عبّاس تک واردی غیرتون
یر گویی تتردر تک شجاعتون
- چهارشنبه
- 6
- مرداد
- 1400
- ساعت
- 20:16
- نوشته شده توسط
- یوسف اکبری
ادامه مطلب
