اشعار ترکی مخصوص امام زمان (عج)

عاشقان مژده ــ مِهرتابان اولدی عیان
گوئیا گلدی ـــ جسم دنیایه گینه جان
ایلییب محشر ـــ حُسن دلداری یارادان
نام محبوبی گل دیاخ باهم اوجادن

نرجسین ای دلبری
حجت ابن العسکری

آدیوا جانلار فدا
ای آقا اوغلی آقا

(یااباصالح ای جهانین سروری)

دیلده یوخ قدرت ـــ روی زیبادن دانیشا
اولمییب اولماز ـــ قطره دریادن دانیشا
سویله سائل لر ــ لطف مولادن دانیشا
بوگجه بسدی ــ ماه زهرادن دانیشا

یارادیب حی ازلی
چوخ دل آرا بو گوزلی

ایلییب شرمنده آیی
ایکی عالم یوخدی تایی

(یااباصالح ای آدی درده دوا)

گون کیمی آخر ــ ابرین آلتینان چخاجاخ
ریشه کفری ــ تیغ عدلینن قیراجاخ
عدل وقِسطیله _ عالمینی دولدوراجاخ
ظالمین کاخین ــ حیدرین اوغلی یخاجاخ

ذولفقار الده گله جاخ
قدرتین عالم گوره جاخ

خاتَمه وِرسه سفره
سَپَروخ گول کوچه لره

(یا اباصالح ای جهانین سروری)

قدرتین مولا ـــ خالق داوردن آلیب
جلوه ی حُسنون ــ روی پیغمبردن آلیب
صولت و سَهمین ــ فاتح خیبردن آلیب
عصمتین قطعاً ــ حضرت کوثردن آلیب

ای حُسینی، ای حَسنی
ای شهنشاه مدنی

سنی سسلر اهل ولا
یاز اوزون بیر کرب وبلا

(یااباصالح ای جهانین سَروَری)

• جمعه
• 29
• اسفند
• 1399
• ساعت
• 15:38
• نوشته شده توسط
• یوسف اکبری

(مناسب برای شورکف زنی)

یا مولا سن سن بیر اختر تابان
ائتدون دنیانی گلستان
نه دییم من شانیوه لایق
سنه عالملر اولا قربان (۲)

حالیمی آقا سن بولَسَن/سسلرم سنی یابن الحسن

اگرچه منده یوخ لیاقت/گل ایله سن منه عنایت

گوشه ی چشمیله باخ ای سرور عالم منه
سن جهانین سروری مولا گدایم من سنه (2)

سسلرم یابن الحسن۳

مولا جان لطفیله باخ بو گدایه
گلدیم شوریله نوایه
آقا بو عاشقلریویله
منی یولا کرب و بلایه (2)

خسته جسمه وار جان بولوسن/دویمارام من اوردان بولوسن

بولوسن اوردا کی نلر وار/اوردا یاتیب اوجا علمدار

دوزدی بایرامدی ولی ایندی بلوط تک دولموشام
من عَمون عباسه چوخداندی کی عاشق اولموشام

سسلرم یابن الحسن ۳

عالمده سنسیز من پست و حقیرم
لطف ائت مولا که فقیرم
آقا سنسن دار و نداریم
(بیکَسم )عشقونده اسیرم (2)

هجریوه داخی یوخدی دوزوم /واردی قلبیده چوخلی سوزوم

آقا اگرچه روسیاهم /قاپوندا قووما بی پناهم (2)

ای امید اهل عالم فخر اولاد خلیل
درگهوزده من اوشاقلیقدان آقا اولدوم دخیل (2)
سسلرم یابن الحسن ۳

• جمعه
• 29
• اسفند
• 1399
• ساعت
• 15:40
• نوشته شده توسط
• یوسف اکبری

هنوز اشک تریم عارضه رواندی منیم
فراق یاریده قلبیم دولوبدی قاندی منیم

بو قلبیمین قانیدور عارضیمده اشک زلال
سولان عذاریمه باخسان سوزوم عیاندی منیم

جهان طبیب اولا دلد دریمه دوا بولمز
بو عشق دردی یانان قلبیده نهاندی منیم

رقیب طعنه سی ایل تهمتی قوشون مثلی
توکولدی اوستومه صبریم ایوی تالاندی منیم

خدنگ نازینی آتدی ایدوبدی قدّیمی دال
اوزوم قوجالمشام عشقیم ولی جواندی منیم

گَلر نگار اگر بیرده بخت یار اولسا
گورر رقیب یاتان بختیمی اویاندی منیم

ویرنده جان باشیم اوسته گلوب اوتورسون کاش
همیشه عمرده حسرت اولان او آندی منیم

بو عشقین اوسته گیدم داره اُف دیمرم
ایدن بو حالیمه غبطه قوجا جواندی منیم

مقام عشقده یعقوبیا دایان صبر ایت
دله گتیرمه غم اوسته غمیم قالاندی منیم

• جمعه
• 1
• مرداد
• 1400
• ساعت
• 20:49
• نوشته شده توسط
• یوسف اکبری

دوشدی اَله بیر بهانه
یازدی قَلم عاشقانه
عرضِ حاجت ایلیه بیر
حضرت صاحب زمانه (عج)

گورنه گوزل خلق ایدوب الله او حضرتی
عالمی روشن ایلیوب ماهِ طلعتی

نخل دینه چون ثمردی
بو بَشر کَیفَ بَشردی

یابن زهرا یابن زهرا

لطف ایلیوب ذات سبحان
نَرجسه ایلوبدی احسان
بو شهنشا هه سَزادی
عاَلم اهلی اولسا قربان

نورِ خدا جلوه گر اولدی جمالینا
عاشق اولوب جنّ و مَلَک خط و خالینا

زلفی چون لیلِ دُجادی
صورتی شمس الضحادی

یابن زهرا یابن زهرا

معدنِ جود و کرامت
وارثِ ختمِ رسالت
هیچ گدانی درگهینده
ایله مز مولا خجالت

بابِ رَجا ایتدی اونی حیّ دادگر
کیم گَله امّیدیله نومید اولار مگر؟

ای جهانین پادشاهی
ماسوانین تکیه گاهی

یابن زهرا یابن زهرا

نور حق ایتدی تجلّا
جلوه ایدوب حیّ یکتا
عالمینه ویردی زینت
بو گُلِ گلزار زهرا

مست ایلیوب عطری بوتون عالمی،خدا
ای قاشینا،گوزلرینه،گوزلریم فدا

گول یوزی چوخ باصفادی
عادتی جود و سخادی

یابن زهرا یابن زهرا

قالمادی دیلده داخی قرار
عُمرولره یوخدی اعتبار
(بیکَسوخ) گَل تز هرایه
لطف ایله هجرانی قورتار

آیریلیقون الدن آقا طاقتی آلوب
گَل او گَلن یولدا گوزوم منتظر قالوب

گول جمالون ایله ظاهر
گَل آنان زهرایه خاطر

یابن زهرا یابن زهرا

• جمعه
• 29
• اسفند
• 1399
• ساعت
• 15:43
• نوشته شده توسط
• یوسف اکبری

مست ایلسه یاریم منی مستانه لبیندن
باشه چکرم باده نی پیمانه لبیندن

درده سالوب هجری منی درمانی تاپولمور
گلسه چاتارام بیرگونی درمانه لبیندن

عاشق اولانون ذکری گرکدور اولا یاهو
بیرحرف اونون چیخمیا افسانه لبیندن

ازبردی منه اسم شریفی گیجه گوندوز
آدین ایشیدوب گلمیشم ایمانه لبیندن

هردم گوزومه جلوه ایدور ساغر لعلی
راضی دگولم که اوپه پیمانه لبیندن

چوخ حسرت اولوبدور منه لعلیندن اوپم لیک
پی در توکوری گوهر دردانه لبیندن

گل بیرده ایدوم بوسه الیندن ایاقیندان
لب اوسته دوشن خالیله جانانه لبیندن

میخانه ده آچسا لبینی نازلی نگاریم
مخمور اولاجاق باده و میخانه لبیندن

یعقوبیه گل گلشن حسنونده مکان ویر
مرغ دلینه لطف ایله بیر دانه لبیندن

• جمعه
• 1
• مرداد
• 1400
• ساعت
• 20:52
• نوشته شده توسط
• یوسف اکبری

اورگیم سوزلرینی دیلده نهاد ایلمیشم
شب جمعه اولونوب مهدینی یاد ایلمیشم

سایا گلمیر بو غیابین زمانین چاره ندی؟
بو غیابونده ولی نفسله جهاد ایلمیشم

کاش دیسونلر که صاباح مکه ده تکبیر دئدون
بو سوزیله بو سینان قلبیمی شاد ایلمیشم

آقا قربانون اولوم تز گل اماندی تزگل.
سن گلنجک اخی ظالیمله عناد ایلمیشم

بی حجابی و جفا وار، چوخالوب اهل ریا
دفتریمده بو فسادلاریده آد ایلمیشم

چوخی تکذیب ايلیور گلمز امام مهدی
چوخلارین اما اقا اهل مراد ایلمیشم

یاز "خدایی" سوزوی گوی اورگین دینجله تا
دیرم مهدی اقا من سنی یاد ایلمیشم

• شنبه
• 16
• مرداد
• 1400
• ساعت
• 23:12
• نوشته شده توسط
• یوسف اکبری

یوسفیمیز ای پسر فاطمه
گل آقا هجرانیوه وئر خاتمه

گوزلریمیز یولدادی هر روز و شب
قلبیده آشوب ائلیور تاب و تب

کلبۀ احزانیده دل داغلاروخ
گوزلریمیز کور اولا تا آغلاروخ

یوسف ئوزی ائتدی وفا عهدینه
رجعت ائدیبدور آتانین مهدینه

عاشقینه گؤرسدیب آخر ئوزون
آچدی وصالیله او یعقوب گوزون

سنده گل ای صاحب عصر و زمان
شیعه و کنعانینه یوسف نشان

گل سیل ئوزون سِیله دؤنن یاشلاری
قانینی آل ذبح اولونان باش لاری

گل فقرانین ئورگین شاد ائله
منتظر عاشقلریوی یاد ائله

قرمزی بیر پرچمیلن ائت قیام
ایله بنا محکمه ی انتقام

مجرمه قیل غیظ و غظبدن نگاه
شوریله سن قور علوی دادگاه

جمع ائله وهابی لری بیر طرف
بی خرد اعرابی لری بیر طرف

بیر طرفه دشمن آل اللهی
بیر طرفه حیدر و ثاراللهی

حکم لره حیدری مقیاس ائله
حاکم اجرائینی عباس ائله

قوی جوره عالم ده علی صولتین
اوغلو نمایان ائلسین قدرتین

وورسون عُمر سینه سینه مین میخی
حرمله نین حلقینه اوچ پر اوخی

قنفذه بیر سیلی محکم وورا
ضربتبله دنده سینی سیندیرا

سِیل ائده هند اوغلونون القانینی
تشنه عمرسعدین آلا جانینی

قانیله ظلم اهلینی ایسلاندیرا
آل امّیه هامیسین یاندیرا

عدل چراغین ائلیه منجلی
ضربه ووراندا چاغیرا یاعلی

• سه شنبه
• 3
• فروردین
• 1400
• ساعت
• 13:52
• نوشته شده توسط
• یوسف اکبری

ای ظهورونده سالان نه فلکه ولوله گل
انتقام آلماقا شمشیریوی دور آل اله گل

گل آنان فاطمه نین قانینی آل ثانی دن
غم اوخی سینه لری قویما بو قدری دَلَه گل

نقدر بیز ایشیداخ قنفذ ظالم ستمین
نقدر شیعه لرین شور و نوایه گله گل

گل اوزون یغ بو قرا پرچمی منزل ردن
واردی یا سَیّدی سنده نقدر حوصله گل

گل نشان ویر بیزه زهرانین او گیزلین قبرین
آغلا دور شیعه نی قان سَیّدی بو مسئله گل

آناوا ظلم الین آچدی اوز ائوینده ثانی
عرشه زهرانین ایویندن اوجالوب هلهله گل

ای گزن چوللری گوز یاشلی؛ ئورکلر قاندی
گل (علومیده) سالا دامن وصلون اله گل

• سه شنبه
• 9
• شهریور
• 1400
• ساعت
• 20:04
• نوشته شده توسط
• یوسف اکبری

گیسوی مشک دلبری دنیایه ویرمرم
هر تار زلفنی شب یلدایه ویرمرم

بیر جلوه جلال جمال جمیلینی
چرخ اوسته بدر کامل ااولان آیه ویرمرم

ابرولرین هلال نوه قیلمارام عوض
هم گوزلرینده نرگس شهلایه ویرمرم

هر بیر نفس ده نکهت درج دهانینی
احیای موت ایدن دم عیسایه ویرمرم

گلبرگ لبلرینده اولان شهد شکری
مین حوض آب کوثر طوبایه ویرمرم

ویرم دیسم تکلمنون بیرجه کلمه سین
قطعا یالاندی نطق مسیحایه ویرمرم

نازیله سرو قامتینون بیر خرامینی
حاشا خرام نخله طوبایه ویرمرم

مژگان اوخیله سینه می سودایه ویرموشم
کیمدور دیه جهانی بو سودایه ویرمرم

• یکشنبه
• 4
• مهر
• 1400
• ساعت
• 14:05
• نوشته شده توسط
• یوسف اکبری

دِئییب دانیشماغا سنسیز جهان تامارزی قالیب
گوزل جمالینا ای گل زمان تامارزی قالیب

قارا بولودلاری گون تک فضاده محو اِئیله
قدیم یاغیشلارا پیر و جوان تامارزی قالیب

تَرَحُّم ائیله اومان چوخدو فیضِ وصلین‌دن
عدالتین تامینا اِنس و جان تامارزی قالیب

آزادلیق حُکمینی سن صادر ائیله حرمت‌ایلن
همایِ رحمتووه آشیان تامارزی قالیب

یازیلدی شأنیوه تجنیس قصیده قوشما غزل
کتابِ عشقینی یازسین رمان تامارزی قالیب

نه مثنوی نه مُسَمَّطْ نه مُستزاد بایاتی
مخمّس‌ایله گارایْلْی یازان تامارزی قالیب

گل آچ او گل دوداغیندان بیر آز گولوش پایلا
گل اوزلو چهره‌لره آغلایان تامارزی قالیب

«قیزیل‌قلم»سنه لایق غزل یازا یارادا
نه چاره طبع‌ده یوخ‌دور توان تامارزی قالیب

• چهارشنبه
• 7
• مهر
• 1400
• ساعت
• 22:27
• نوشته شده توسط
• یوسف اکبری

قائم آلِ عباسن آقا قربانون اولوم
چاره‌سیز‌درده دواسن٬آقا قربانون اولوم

سَحَری سُفرووی جبریلِ امین هاردا سالوب؟
ساکنِ هانسی سَراسن؟ آقا قربانون اولوم

کربلانی گزوسن یاکه بقیع زائریسن؟
هاردا مشغول بُکاسن؟ آقا قربانون اولوم

سن‌شب‌ِجمعه‌نی آخرنجه صبح ایلیوسن؟
غملیسن٬ غرقِ نواسن آقا قربانون اولوم

گون‌چیخینجا یوخی‌گَلمز نگران گوزلرووه
صبحه‌جک٬ غرقِ دعاسن‌آقا قربانون اولوم

ای بیزیم‌صاحبیمیز٬ گَل‌داخی‌قان اولدی‌اورَک
عالَمه قبله نماسن آقا قربانون اولوم

اِنس و جِنّ وملکوتین گوزی یولّاردا قالوب
منجیِ ارض و سَماسن٬ آقا قربانون اولوم

قاپوین سائلیدور٬ پیر و جوان٬ شاه و گدا
سن امیرالاُمَراسن٬ آقا قربانون اولوم

کیم دوتا دامنووی صدقیله٬ تز مَطْلَب آلار
هامی امراضه شفاسن آقا قربانون اولوم

فیضِ اَکمَلدی آدون٬(فیضی)نه یازسون٬نه دئسون؟
شعریمه شور وصفاسن٬ آقا قربانون اولوم

• پنج شنبه
• 5
• فروردین
• 1400
• ساعت
• 16:15
• نوشته شده توسط
• یوسف اکبری

صاحب الزمان مهدی
لاله جنان مهدی
آدیوه اَزَل گونم آقا
عاشقم اینان مهدی

یوسُف دل آراسَن
بند قلب طاهاسن
شیعه لر سنه قربان
سن عزیز زهراسن

صاحب الزمان مهدی
لاله جنان مهدی
آدیوه اَزَل گونم
عاشقم اینان مهدی

نور کبریا مولا
یار باوفا مولا
از قدیم اولوب نائل
یا حبیبی یا مولا

صاحب الزمان مهدی
لاله جنان مهدی
آدیوه اَزَل گونم آقا
عاشقم اینان مهدی

• چهارشنبه
• 18
• مرداد
• 1402
• ساعت
• 15:05
• نوشته شده توسط
• یوسف اکبری

مشاميمه يتشور عطر يار جمعه گونو
اودور کی قلبيم اولور بيقرار جمعه گونو

حديث واردی عبادتدی انتظار فرج
ثمر وئرور شجر انتظار جمعه گونو

يئنه گوزوم سريير بلمورم ندير سرّی
ولی ديولله گلور بير نگار جمعه گونو

ياتاندا جمعه نين آخشامی خوش يوخو گورورم
معبّر آختارورام دُرّوار جمعه گونو

ئورکلرين چولو تبديل اولار گولوستانه
تلطّف ايله سه پروردگار جمعه گونو

آدی گلنده گل نرگسین، طراوته باخ
اولور ديل اهلينه مثل بهار جمعه گونو

بئله خيال ائديرم گوللر ايچره خلق ائليوب
او نرگسين گولونو کردگار جمعه گونو

سحر چاغی اونا خاطير بنفشه لر آچيلير
گونش باتاندا او گوللر سولار جمعه گونو

ظهور مرکبينين شيحه سی قولاقه گلور
گلر او وارث دلدل‌سوار جمعه گونو

ايکی بؤله آرادان عمرو مثلی دجّالی
غلافيدن چيخاجاق ذوالفقار جمعه گونو

فقط ظهوره گوره گون لره اؤلوب سيد
نچون آچار گل هفت و چهار جمعه گونو

او گونکی گيزلين اولوب گوزلرين قاباغيندن
اينانمشام اولاجاق آشکار جمعه گونو

قناری لر اوخويولّار گوروش ترانه سنی
دعای عهد اوخورام بی شمار جمعه گونو

غزال تک منی قيلسا قوناق بير باخيشا
ئوره کدن ايله يرم افتخار جمعه گونو

سه شنبه لر گئدورم جمکرانه ياری گؤرم
يقين اولور گلور اول تکسوار جمعه گونو

دعای ندبه نی گوزياشيميله ايسلاديرام
ايکی گوزوم چون اولور اشکبار جمعه گونو

چيخانداگون ديرم بس ظهور ائدوب مهدی
اودور اولور ديليم امّيدوار جمعه گونو

يواش يواش ائله کی گون باتور ئورک سيخيلور
يواش يواش اولورام دلفکار جمعه گونو

او آخرينجی گونو گوز لين لره يازدی
«بشير» بو غزلی يادگار جمعه گونو

• جمعه
• 20
• فروردین
• 1400
• ساعت
• 22:59
• نوشته شده توسط
• یوسف اکبری

سرشگ حسرت آخور چشم انتظاریمدان
سوروشموسان نیه بو غملی روزگاریمدان
ندور بو ناله چیخور قلب داغداریمدان
گیجه گونوز یانورام آهِ شعله باریمدان
خبر دوت ای گوزلیم حال احتضاریمدان

روادی اوت سالا عرشه منیم بو ناله‌لریم
قالانسا قلبیده عمرومجه حسرتیم کدریم
او بلبلم سینوب هجران الینده بال و پریم
نولار آخاندا گوزومدن دوباره اشگ تریم
سیله محبّت الون اشگیمی عذاریمدان
خبر دوت ای گوزلیم حال احتضاریمدان

شرار عشقیوه جان و دلیله یانمالیام
یولوندا باشیمه هر نه گله - دایانمالیام
چون عاشقم هامی بیر رنگیله بویانمالیام
اجازه ویرسن اگر سویگولوم دولانمالیام
دالونجا دوشموشم آواره اوز دیاریمدان
خبر دوت ای گوزلیم حال احتضاریمدان

بو نوعیله که سنه عرض احترامیم وار
سحر نسیمینه تاپشورموشام پیامیم وار
حضوره یوللامیشام بیر نچه کلامیم وار
هایاندا اولسان اورکدن سنه سلامیم وار
اوزون زمان خبریم یوخ وفالی یاریمدان
خبر دوت ای گوزلیم حال احتضاریمدان

گرکدی کونلومی سن‌سیز جهاندا قان ایلیم
بو جانی مین دفعه قربان یولوندا ویرمه لیم
اوتانیرام که دیم منده سن‌سیز ئولمه لیم
منی بو حالیمله کیم گوروب دیور ده ‌لیم
گلوبدی تنگه هامی ائلّلر آه و زاریمدان
خبر دوت ای گوزلیم حال احتضاریمدان

وورولموشام بلوسن قاشلارون کمانه‌سینه
اورک اسیریدی زلف سیاه‌دانه‌سینه
خدنگ عشقیوی آت قلبیمون نشانه‌ سینه
بو کونلومون قولاق آس - یاندیران ترانه‌سینه
گلونجه گیتمیه کاش جانیم اختیاریمدان
خبر دوت ای گوزلیم حال احتضاریمدان

نقدری یوللاریوا " هاتف " اگلشوب باخاجاخ
چاتاجاق عمری باشا - شمع تک یانوب آخاجاق
سنی‌ده آهیم اودی یاندیروب یقین یاخاجاق
منی اوزوم بلورم ییخسا حسرتون ییخاجاق
ئولنده‌ده گله‌جکدور بو سس مزاریمدان
خبر دوت ای گوزلیم حال احتضاریمدان

• یکشنبه
• 5
• اردیبهشت
• 1400
• ساعت
• 21:55
• نوشته شده توسط
• یوسف اکبری

زمانه ایتدی منیم قدیمی کمان آقاجان
فراق و هجریوه صد آه و صد فغان آقاجان

ایاقلارون گوزومه قوی بویور قدم رنجه
گلن قدملریوه فدیه دوربو جان آقاجان

گوزومده گوز یاشیم القانه دوندی یا مولا
اولوبدی ورد زبان آه و الامان آقاجان

جنانه سنسیز آقا میل و رغبتیم یوخدور
گوزل یوزوندی منه روضه ی جنان آقاجان

امیر کشور جان پادشاه عالمیان
فدا گوزل یوزیوه جمله انس و جان آقاجان

یازوبلا یوسف کنعانی تختینون اوسته
اولوبدی پرده نشین یوسف جنان آقاجان

حصار پرده نی رد ایله گل جمالوندن
نه وقته جک اولا گون پرده ده نهان آقاجان

خطادی یازدی قلم گون، جمال انوریوی
نه گون برابروندی نده ماه آسمان آقاجان

جمال پاکیوی گون گورسه سجده گاهه دوشر
مه و ستاره ایدر سجده ،عرشیان آقاجان

قسم خدای لم یزله قبله گاه عالَمسن
بهانه کعبه دی سن روحیسن روان آقاجان

کمانی قاشلارا کبپریکلروندی پیکان تک
هدف او اوخلارا بو قلب نا توان آقا جان

قلمدی قاصر و الکن زبانم آتما منی
عنایت ایله «ثاقبه» لطفون عیان آقا جان

• پنج شنبه
• 9
• اردیبهشت
• 1400
• ساعت
• 16:35
• نوشته شده توسط
• یوسف اکبری

یابن الحسن زهرا گولی گل آقا
قوی قدمین گوزومه دینجل آقا

گل ای سپهرمعرفت اولدوزی
گوزل آدی محفل عشقین دوزی

گل قلبیمه سایه سالوب غم آقا
فرقتوندن قدیم اولوب خم آقا

گل غم یلی گلشنلره اسوبدی
قورد قورداخلار شیرنعره سین کسوبدی

گل گلمه سون قیزیل گول بیتمیه جک
شیعه سنسیزاهدافه یتمیه جک

گل ای علی خیبرشکن بالاسی
قلبی قاندور داغ داشلارین لالاسی

گل گور چاتوب وهابیلر قدرته
روبه صفتلر مینوبلر جراته

گل ای بیکس اولانلارین بیر کسی
چوخ کم چیخور بوغازلاردان حق سسی

قان لکه سی وار آناوین گوزونده
سیلی یری سیزیلدیور یوزونده

فاطمه نون سینموش قلبین اله آل
گل اظهارا جهانه ولوله سال

تعجیل ایله عالمه ولوله سال
گل محسینین نا حق باتان قانین آل

داغ داشلاردا گورونمیور چیچکلر
گل آماندی قانه دونوب ئورکلر

گوز تیکوبدور یولووا چوخ دیده لر
گل سنه قربان اولا بو شیعه لر

یوخدی لیاقتیم دییم گل آقا
گل چوللری دولانما دینجل آقا

من عاصیم رحمتونده گوزوم وار
گل سنه دیلده بیر کلمه سوزوم وار

سنه قربان آدیم سانیم اولانیم
گل ای علی بالاسی باشیوه دولانیم

(ثاقب) یازار زهرا گولی گل آقا
قوی قدمین گوزومه دینجل آقا

• شنبه
• 11
• اردیبهشت
• 1400
• ساعت
• 20:45
• نوشته شده توسط
• یوسف اکبری

(ا) الا ای آخرین فرمانده صاحب لوا گَل گَل
(ب) بیزی یاندیرما هجرانه آماندی آی آقا گَل گَل

(پ) پوزولار حالیمی بو جمعه لر کی هی گلیر سنسیز
(ت) تمنا ایلیرم ای گوزلره جانیم فدا گَل گَل

(ث) ثنا سولیر سنه بیر دردمند منتظر ای گُل
(ج) جوابین وئرگیلن، قویما بو هجرانه یانا گَل گَل

(چ) چمنده بلبل شوریده نیلر گولدن آیریلسا
(ح) حبیبیم! مهربانیم! ای وئرن عشقه بها گَل گَل

(خ) خطا ائتدیم حبیبیم سویله دیم، هذیانیمی عفو ائت
(د) دییَر عاشقلر البته زمانی ده خطا، گَل گَل

(ذ) ذلیل اولماز سنی کیم ایسته یه دنیا و عقباده
(ر) روا بیلمه ئوله هیجرینده بو بی ادعا گَل گَل

(ز) زمان وصلیوی پروانه بیلسه اوتلارا یانماز
(س) سنی هردم طواف ایلر،تاپار دردی شفا گَل گَل

(ش) شمایل ده پیمبرسن، شجاعت ده آتان حیدر
(ص) صلابتده اولان ای مثل شاه کربلا گَل گَل

(ض) ضعیفم؛ دردمندم، سائل درگاهیوم آقا
(ط) طبیبانه باشیمین ئوستونه دردآشنا گَل گَل

(ظ) ظفرمندانه دینین پرچمین وور کعبه نین ئوسته
(ع) عدالت بایراقین اسدیر تاپا قلبیم صفا گَل گَل

(غ) غمین اولسا ئورگده، ایسته گلسین جانیمه مولا
(ف) فدایم، شایقم دردین چکم بی مدعا، گَل گَل

(ق) قدمین لطف ائله قوی گوزلریم ئوسته، ایشیقلانسین
(ک) کرامت صاحبی! ای معنی لطف و سخا گَل گَل

(گ) گلن گون ئولمسم گورسم؛ منه بیر آیری عالمدی
(ل) لبین شکّر توکر، عطرین یایار بادِ صبا گَل گَل

(م) منیم خوش حالیمه، سنلن دانشماق خوش سعادتدی
(ن) نظر حتما واریندور« آرباطان » سسلور آقا گَل گَل

(و) ولی زهرا آناوین قبرینی گل آشکار ایله
(ه) همیشه شیعیه بیر آرزیدیر بو ماجرا گَل گَل

(ی) یقینیم وار کی یوسف وصلینه بیر گون چاتار یعقوب
کور اولموش گوزلریم حتما تاپار نور و جلا گَل گَل

• دوشنبه
• 20
• اردیبهشت
• 1400
• ساعت
• 19:49
• نوشته شده توسط
• یوسف اکبری

شیعه گوزلرون آیدین اولسون گلیب ، امیرعشق
عالمی منوّر ایدیبدور مَهِ ، منیر عشق

سُرَّ مَن رَآنی دولوروبدی بوی عشق
ال به ال دولاندیرورملک سبوی عشق

الله الله بو گول نقَدری زیبادی
ماشاالله جمالی عینا طاهادی

(یابن الحسن آقام آقام یابن الحسن)

آچدی گوزلرون ......ماه عسکری
شهری دولدوروب.........عطر دلبری

ندا ویروب گویده روح الامین
جهانی دولدوردی نور یقین

(یابن الحسن آقام آقام یابن الحسن)

یابن العسکری لاله ی گلشن محمدی
آخرین امید دل مصطفی خوش آمدی

ای چراغ پرفروغ کهکشان دین
شدمنور از قدومت آسمان دین

از مقدمت ....جهان دوباره جان گرفت
شوره زارِ.......دل مرا باران گرفت

(یابن الحسن آقام آقام یابن الحسن)

قبله ی دلم .......چشم مست توست
چشم آسمان........هم به دست توست

به اذن تو شب سحر می شود
بساط ظلمت به در می شود

(یابن الحسن آقام آقام یابن الحسن)

دولدوروب جهانی بساط ستم آماندی گل
گوزلروندن عاشقلرون اشم غم رواندی گل

باشیوه دونوم بویور گوروم هایانداسان
کربلاده سن بقیعده یا که جمکران

هر یرده سن قا دان آلوم تیز گل آقا
قوی قدمون گوزوموزه دینجل آقا

(یابن الحسن آقام آقام یابن الحسن)

آند اولا سنون........گول جوالیوه
گوزتیکوب ملک......لر وصالیوه

هایانداسان قلبیمیز قاندی گل
فراق اودوندا ئورک یاندی گل
(یابن الحسن آقام آقام یابن الحسن)

• سه شنبه
• 28
• اردیبهشت
• 1400
• ساعت
• 13:46
• نوشته شده توسط
• یوسف اکبری

فارسی

شدم اسیر موی تو
بیا عزیز فاطمه
نظر کنم به روی تو
بیا عزیز فاطمه

گل رویت کی شود آقا جان نصیبم
بیا بشنو ناله های اَمَّن یُجیبم
گل زهرا بردی از دل صبرو قرارم
به جز تو من دلبر و دلداری ندارم

کجایی
حبیبم
غمت شد
نصیبم

عزیز جان فاطمه
امیر دلربا بیا
برعاشقان کرم کنی
برات کربلا بیا

بیا مولا جان بیا تا دورت بگردم
عزیز جانم تویی تو درمان دردم
زهجرانت روز و شب آقا دلغمینم
از آن میترسم بمیرم رویت نبینم

کجایی
حبیبم
غمت شد
نصیبم

ترکی

بقیع گلشنین بوگون
آلوبدی فرقه دغل
هایاندان ایلسون ظهور
اَوَل آقا بقیعه گل

آلوب دشمندن اورا بیر قاره علم ویر
آنون زهرایه گوزل بیر صحن و حرم ویر
آنوندان ایله سوال ای دردیم دواسی
ساغالمیش یا نه آنا مسمارین یاراسی

کجایی
حبیبم
غمت شد
نصیبم

• چهارشنبه
• 29
• اردیبهشت
• 1400
• ساعت
• 20:27
• نوشته شده توسط
• یوسف اکبری

مشکلون اولسا بو دنیاده دئنن یامهدی
لطفی چوخدور گلر امداده دئنن یامهدی

اسم اعظمدی آدی آدینه قربان آقادی
سعی ائله سیندیر ئوزون بو قاپودا گور هارادی
نه بشر ذکر ملائکدی بو سردارین آدی
حاجتون اولسا گل افتاده دئنن یامهدی

اؤ سوزی که ائلیوبدور سنی مین درده دچار
فاش ائدنمورسن او سرّی اولوسان زار و نزار
ئوز ائوینده دئموسن محرمیوه دلده نه وار
ایندی اخلاصیله سال یاده دئنن یامهدی

ناامید اولما نه دردون اولا درمان ائده جاق
نیّتون پاک ائله هر مشکلون آسان ائده جاق
او کریم اوغلی کریمدی سنه احسان ائده جاق
سنده صدقیله اول آماده دئنن یامهدی

عرض ائله یوخدی دؤزوم هجریوه اصلا آقاجان
بسدی اول پرده ی غیبتدن هویدا آقاجان
یانوری هجر اودونا قلب احبّا آقاجان
ذکر ائله آدینی گل داده دئنن یامهدی

سیزه مژده اولا ای امت آزاده شیَم
آقامیز بحر سخادی داخی عشاقه نه غم
سائلی بوش یولا سالماز قاپودان اهل کرم
وار گوزون لطف او مولاده دئنن یامهدی

• پنج شنبه
• 6
• خرداد
• 1400
• ساعت
• 22:41
• نوشته شده توسط
• یوسف اکبری

گوز یولدا قولاق سسده دی شاید گله یاریم
قلبیم دارخیر گلمدی الله هله یاریم

صبریم جامی داشدی ئورگیم تنگه گلوبدی
من حوصله دن چخدیم ایدیر حوصله یاریم

چوخدور غمی دردی ، کدری چوخدی ئورکده
یوخ فرصتی غمدن دل آچیب دینجله یاریم

خوش رنگ دی گلدن ، ایگی خوش عطر جناندان
گوسترمز ئوزون فاسده نه ارذله یاریم

مین قامتی طوبی خدمی وار قاپسندا
حاشا ئوزونی گوستره هر احوله یاریم

ای باد صبا یاریمه سویله بو پیامی
گلمه ، هله چوخلار سنه قورموش تله یاریم

گل گل دئینین ، قانوا عطشاندی بولورسن
خلقی گتوروب سلطیه پول و پله یاریم

مین نقشه چکیر کی سنی سالسین تورا دشمن
اجرا اولونور مرحله به مرحله یاریم

هر سمته باخیر گوز ، دوشوری شمر و سنانه
ایستیر توکه قانون نچه مین حرمله یاریم

سن گلمه اشاریله یئتیر هاردا مکانین
قوی کلّه سی اوستونده «هدایت» گله یاریم

• پنج شنبه
• 6
• خرداد
• 1400
• ساعت
• 23:12
• نوشته شده توسط
• یوسف اکبری

صفا ویروبدی گلشن بتوله ابر ایزدی
شکفته لندی غنچه سی آچوب گل محمدی

جهانیانه وعدهء ظهورینی خدا ویروب
مریض عشق اولانلارا همیشه لوق دعوا ویروب
آچوب صفالی گلشنه دوباره دن صفا ویروب
بهشته افتخار ایدر اودور که باغ احمدی

زمان صبحده چخوب شتابیله حجابدن
قرار و صبر و طاقتی آلوبدی آفتابدن
بو آفتاب عشقدور سپهر بوترابدن
زمان صبحده اولوب آیین گونون مؤیدی

جمالینی گورن دیوب که بنزیری پیمبره
اوشاقلقندان اوخشوری صلابتینده حیدره
یوزونده خال هاشمی تاپوبدی یاخشی منظره
جهانه ظلّ رحمتی سالوب گوزل رسا قدی

آتا حسن عمو حسن تمام نسبتی حسن
یوزی حسن گوزی حسن کلام صحبتی حسن
خفا و ظاهری حسن سرشت و خلقتی حسن
اوزی گوزل سوزی گوزل گوزلّرین سرآمدی

باباسی میر لافتی' آتاسی شاه کربلا
رضای حقه مرتضی' بو شاهه فاطمه آنا
ملاحتینده مصطفی' وجاهتینده مجتبی'
بونون وجودونی خبر ویروبدی جدّ امجدی

دوشنده سجدیه ویرور سجود ساجدی نشان
تکلّم ایلسه اولار علوم باقری عیان
ایدوبدی گنج سینه ده حدیث صادقی نهان
بولاردی اورگدوبدولر جهانه درس ابجدی

تمام مشکلاتیده شبیه اولوبدی کاظمه
همومه غالب اولماقی بولوبدی صبری لازمه
جهان نامنظّمین وار احتیاجی ناظمه
بو ناظم جهان خدا هایاندا قالدی گلمدی

رضای حقه وار اونون رضا کیمی رضایتی
خجل ایدوبدی حاتمی جواد تک سخاوتی
امام هادیه مثل طریقهء هدایتی
اریکهء هدایته سالاندا عدل مسندی

ظهور ایدوب آتاسینون بالادا اصل هیبتی
ائمه محترم سایوب او صاحب جلالتی
بویوکدی شأن و شوکتی اوجا مقام رفعتی
همیشه لوق خدا ویروب اونا جلال سرمدی

دولوبدی ظلموله جهان هایاندا قالدی گلمدی
ظهوره منتظر اولان هایاندا قالدی گلمدی
آناسی قانینی آلان هایاندا قالدی گلمدی
گل وصالی ای خدا ید وصالی درمَدی

• دوشنبه
• 10
• خرداد
• 1400
• ساعت
• 16:41
• نوشته شده توسط
• یوسف اکبری

گل ای قرار دل بیقرار یامهدی
گتوردی جانه بیزی اهل نار یا مهدی

عیان ائله آقا سیمای عنبر افشانی
جمالون ایلمه چوخ استتار یامهدی

اسور اورکلریمیز گورمگه نگاریمیزی
چیخور سمالره دلدن شرار یا مهدی

گلاب و دسته گل الده دوروب یول اوستونده
چکور دل اهلی سنه انتظار یا مهدی

فراقه خاتمه وئر، گوزلر اوسته قوی قدمون
نصیب اولا بیزه بو افتخار یا مهدی

فراق اودیلا آلشدیرما شیعه نون قلبین
چتیندی، عشق اودی اولماز مهار یا مهدی

دوزلمیوب هله اوچ یوز اون اوچ هوادارون؟
بویور بو مسئله نی آشکار یا مهدی

ندور دلیلی اثر قالمیوب دعالرده
اولوبدی شیعه نه درده دچاریامهدی

اوخور دعای توسل دل اهلی هجرونده ‌
یولوندا گوز یاشین ایلر نثار یا مهدی

(سرابییم) آقا بیر عمریدور کی نوکریوم
بو نوکری ائلمه شرمسار یا مهدی

ئوتورمه ئوز باشیما، صاحب اختیاریمسن
الیمده یوخدی منیم اختیار یامهدی

• سه شنبه
• 11
• خرداد
• 1400
• ساعت
• 16:07
• نوشته شده توسط
• یوسف اکبری

مهدیا عشقونده من زار و پریشان اولموشام
گوزلریم یولدا قالوب هجرونده گریان اولموشام

هارداسان ای جان جانان گل قدومیندن ئوپوم
ای نگار مه جبین عشقونده نالان اولموشام

دوشموشم چولدن چوله مجنون کیمین آواریم
چاره سیز بیر عاشقم چوللرده ویلان اولموشام

بیر گوله خاطردی بلبل ایلیر شور و نوا
منده بلبل تک سنه مست و غزل خوان اولموشام

آغلورام هجرونده دائم گوزیاشیم قانه دونور
فرقتوندندور بئله گوز یاشی آلقان اولموشام

مه جمالون آرزو ائتدیم گورم بیر یول ولی
گورمدیم علت اودور که قلبی شان شان اولموشام

اود دوتوب غمدن وجودیم یانمیشام بیر شمع تک
خیردالوب جسمیم ز بس دللرده عنوان اولموشام

دردمندم دردیمین درمانی مولا سنده دی
عشقوون بیماریم محتاج درمان اولموشام

(سالکم) ای جان جانان سنده جانانسان منه
گل بو جانی آل دیوم قربان جانان اولموشام

• چهارشنبه
• 12
• خرداد
• 1400
• ساعت
• 21:17
• نوشته شده توسط
• یوسف اکبری

عشقیوه بیر عمریدی ای گل گرفتار اولموشام
بسکی سنسیز قالمیشام هجرینده بیمار اولموشام
هر ایکی عالمدن آزادم اوگوندن کی گولوم
بند عشقینده سنین منده گرفتار اولموشام
چکمرم ال دامنیندن بیر تیکان تک سویگولوم
گل لرایچره تک گوزل منده سنه خار اولموشام
حقّه عاشق سنسن ای حق الیقینین مظهری
گورموشم آثاریوی هم مست ایثار اولموشام
عشقیوین میخا نه سینده تاکی اولدوم مست مست
خواب غفلتدن دوروپ گوردوم کی هشیار اولموشام
حاجتیم چوخدی بیری گور ماقلیقیندی سیدی
من فقیر لطفُوَم محتاج دیدار اولموشام
حضرت یوسف گوزلدی سن گوزل لردن گوزل
حسنیوه سرمایه سیز منده خریدار اولموشام
کوی عشقینده اگر قان پیکریمدن آخماسا
جان بوغولموش جسمیده افسوس مردار اولموشام
کربلادن اوتری آز قالمیش چیخا جان سینه دن
دست بر دامان سقای علمدار اولموشام
خوش یازیپدی عاشقین ملّا آقاجان عتیق
من سنین قربانیوَم عشقینده پروار اولموشام
جنّت و رضوان منه کوی وصالیندور سنین
من ولایی مسلکم گرچی گنهکار اولموشام

• پنج شنبه
• 27
• خرداد
• 1400
• ساعت
• 16:11
• نوشته شده توسط
• یوسف اکبری

گِنه آخشام اولدی جُمعه گِنه یاریدن خبر یوخ
بو قَرا گجه اوزاندی اونا باری بیر سَحر یوخ

نَه قَدَر او یار اوزاقدور بو کونول قَراره گَلمَز
ائله بیل منی بَگَنمور که سوزومده بیر اثر یوخ

بَزَرم کونول اِئوین تا گَله یار مهربانیم
بئله توزلی بیر مَکانه مگر آشنا گلر ؟ یوخ

او جوانلیق هاردا بیلمم قوتاروبدی دونگَه لَرده
قوجالیق یتیشدی ایوا که مَجال مُختصر یوخ

باشیمی قاتاندا دنیا من ایتیرمیشم او یاری
یاخیلور بو عمرشمعی نَه اِشیق نَه بیر شَرَر یوخ

گَلیشی هایاننان اولسا گوزی یولدا دورّام اوردا
یولونا بو جانی قویسام بِئله ئولمَگه ضَرر یوخ

یارادان بو یاری ، یاری اِئدَه جکدی یاره یاران
بِله بیر کلام حَقّه ، داها هچ اگر مگر یوخ

بو گُلون شَمیمی (نادر) دوتار عالمی تَلَسمه
ولی شرح حالی قالسون که قلمده بو هنر یوخ

• شنبه
• 12
• تیر
• 1400
• ساعت
• 19:22
• نوشته شده توسط
• یوسف اکبری

گِنه بایرامدی قلم ایستَدی مَقصوده یازا
یوسف فاطمیه ، طالِعِ مَسعوده یازا

ایستَدی طَبعیدن آلسون گِنه بیر رِشته سوزه
شعر مولودیَه تا جِلوَه لی مولودَه یازا

طَبعی آواره گوروب غَرق تَحیُّر دایانوب
باشلادی سینَه ده آهیله چیخان دوده یازا

قافِ عَنقانی نِجه شب پَره توصیف ائلَه سون
نَه سوزی واردی نَبودون بِله بیر بوده یازا

یِره قویدوم قَلمی تا که حَوالَم یتیشَه
نگرانیدیم اگر یازسادا بیهودَه یازا

دئدیم ای حکمَتیله بیر بِله مهدی یارادان
اِذن وئر تا قَلمیم شاهِدو مَشهوده یازا

مِحوَر عالم اِمکاندی دِلارای بَتول
ذَرَّه دَه ایستیوری مهدیِ موعوده یازا

او سلیماندی منیم شعریم اونا پای مَلخ
موریده سالدی ئوزون مِجمَرهء عودَه یازا

مور اولام ذرَّه اولام ،خَلعَتیم اِعطا اولاجاق
قَطره دریایه قوشولسا اودا دریا اولاجاق

لیله ی قَدریدی یا لیلَه الاِسرا بو گجه
یا که دنیایه گلوب وارث حُسنا بوگجه

گورسنور نور بَنا گوشیله زُلف سِیَهی
او فروغ سحر اولسا اولار امّا بو ، گجه

ایکی ابرویَه مَثل شعریده اولسا دِیَه رم
ایکی مِصراعی ائدوب بیت مُقَفّا بوگجه

خَم اَبروسینه باخسا اوتانار گویدَه هِلال
یوزونه بَدری دوتوبدور اودی گویا بو گجه

صَف مُژگانی که هَر دَم دَگوری بیربیرینَه
ایکی لشگر قاریشور ائتمَگه غوغا بوگجه

بو خُماری باخیشون شهرتی جَنّاته چاتوب
گلدی بوسَه وِرا بو گوزلَره زهرا بوگجه

دوداقین کُنجِینه بیر دانه ی اِسپَندی اَکوب
نَظره گَلمیه تا نوگُل طاها بو گجه

سالاجاق رَنگیدن هر لَعلی بو لَبلَر ائلَه بیل
آچیلوب مُختصَراً لالهء حَمرا بوگجه

اَمر مُشکل بِله قامَت چَکَه نَقّاش فَلک
خَم اولار گورسَه بونی سَروِ دل آرا بوگجه

بیلورَم بو قاپی هِچ سائلی بوش قَیتَرمَز
نَه اولار (نادره) گر باخسا بو مولا بو گجه

• یکشنبه
• 13
• تیر
• 1400
• ساعت
• 15:16
• نوشته شده توسط
• یوسف اکبری

ای یاور مُستضعفان اَدرکنی یا صاحب زمان
وِی ناجی کُلّ جهان اَدرکنی یا صاحب زمان
مهدی بیا مهدی بیا

بی حُسن رویت دل شده کاشانه ی اَندوه وغم
بَر دیده گان مُنتظر کی می نهی جانا قدم
با یک نِگه ای مَه جَبین بِنما کرم بِنما کرم
زیبا رُخت را کن عَیان اَدرکنی یا صاحب زمان
مهدی بیا مهدی بیا

از هر گُلی زیباتری ، چشم و چراغ ما تویی
بابِ رجاء عاشقان ای یوسف زهرا تویی
بر عِترت خَتم رُسل ، آن وارث حُسنا تویی
بازآ تو ای روح وروان اَدرکنی یاصاحب زمان
مهدی بیا مهدی بیا

آیی اگر یَابنَ الحَسن دنیا گلستان میشود
بایک نظر هرمشکلی بی شُبهه آسان میشود
درد جهان با نسخه ی دست تو درمان میشود
دیده بِراهَت انس و جان اَدرکنی یا صاحب زمان
مهدی بیا مهدی بیا

• یکشنبه
• 13
• تیر
• 1400
• ساعت
• 16:38
• نوشته شده توسط
• یوسف اکبری

فارسی

مهدی
بیا عزیز قَلب حیدر
چراغ خانهِ ی پیمبر
زِهجر تو همیشه نالم
کجایی ای یِگانه رهبر

((یابن الحسن اُمید مایی
کی میشود آقا بیایی))

مهدی
دوباره گَشته صُبح جُمعه
زیارتِ حُسین و نُدبه
نِما نظر به عاشقانت
قَسم به مادر شَهیده

مهدی
صفای قلب شیعیانی
امام آخر الّزمانی
برون شو از نَهان و غیبت
تو که امید شیعیانی

ترکی

مهدی
اورکلرون قَراری تز گل
قوتار بو انتظاری تز گل
طاقت یوخوم هجریوه مولا
عشق اهلینون بهاری تز گل

آقام آقام آقام آقام گل 2

مهدی
آقالارون آقاسی تز گل
قلب ایوینون صفاسی تز گل
نه وقته ندبه ساخلیاق بیز
فاطمه نون بالاسی تز گل
آقام آقام آقام آقام گل 2

مهدی
ذِکریم مُعِزُاولیادی
آقام حُسیندی کربلادی
سن آغلاران جدیوه مولا
چونکه ذَبیحاَ مِن قَفادی

مهدی
سن تک حُسینه آغلاروخ بیز
بو غمده سینه داغلاروخ بیز
هر ندبه ده بِه صُبح جُمعه
حُسینه ماتم ساخلاروخ بیز

مهدی
بو بَزمیلر نه باصفادی
گوزدن یره آخان بکادی
هر گوندی عاشورا بو جَمعه
هر یر بیزه کرب و بلادی

مهدی
حُسینون کوینگون سویوبلار
جنازه سین یرده قویوبلار
اوزون دیدون قان آغلارام من
نعشینون اوسته آت چاپوپلار

مهدی
نعشیلر اوسته آت چاپاندا
زینب او صحنیه باخاندا
سسلندی یاندیم آی ننم گل
خیملر اوتلانان زماندا

مهدی
هر گونده صبح جُمعه لرده
صفاسی وار دعا سحرده
(پوریا ) سنی هرایه سسلر
گوزل دعای ندبه لرده

• پنج شنبه
• 17
• تیر
• 1400
• ساعت
• 10:54
• نوشته شده توسط
• یوسف اکبری

جمالون کعبه سینده طاق ابرو قبله گاهیمدور
دونه هجران وصاله راه وصلت شاهراهیمدور

او مهر حسنوی لوح دیلیمده نقش ایدوب مانی
گوروب صبحه کیمی یانّام اونا اشکیم گواهیمدور

مُجسَّم ایتمسم خورشید رخسارون خیالیمده
من بیچاریه زندان اولان اوز خوابگاهیمدور

ولی هانسی گئجه خلوت اولا سنله ایدم صحبت
گوزومده لیل دیجوروم کَأَنَّهْ صبحگاهیمدور

دانشسام هر کیمیله آتش آهیمله یاندرّام
بو قلبیم اوتلودور تاثیر ایدن بو سوز آهیمدور

گوزون قربانییم سیندیر اوزون گل بیر منه باش چک
داریخدیم، هجر اوتوندا یانماقیم اوز اشتباهیمدور

گذشت ائت گیچ قصوریمدن منی ایت لطفوه شامل
اَیاقون گوی گوزوم اوسته بولوم عفّو گناهیمدور

بلا و دردیله تخمیر اولوبدور روحیم اَزَّلدن
مصیبت حیطه سی ایلوم نه چاره زادگاهیمدور

پناه اول روز محشرده اوزون یعقوبیه شاها
بوله عالم پناهِ عالمِ امکان پناهیمدور

• جمعه
• 1
• مرداد
• 1400
• ساعت
• 20:58
• نوشته شده توسط
• یوسف اکبری