اشعار ترکی مخصوص امام زمان (عج)

کونلوم فراق یاریده یار ، ایستر ایستمز
یارین یولوندا اولسادا خوار ایسترایستمز

آهیم اوجالسا پهنهء آفاقی یاندیرار
آهین شَراری سینهء زار ایستر ایستمز

هم شوق وصله هم بِله هجرانه آغلارام
غَلطان سِرشکی توزلی عُذار ایستر ایستمز

بلبل قوناندا ایستدیگی گُل بُداقینه
وصل عالمینده خَنجر خار ایستر ایستمز

مجنون وصال لیلیه صحرا لَری گَزر
یورقون یخیلسا نازِ نگار ایستر ایستمز

یاریم منیله اولماسا دنیانی نیلورم
نوری گَزن گوزوم نِجه نار ایستر ، ایستمز

پروانه نی هَله دِئمورم اولسون اولماسون
اَنوار شمعی بو شب تار ایستر ایستمز

جیران قاچاندا چوللَر اَرا دوشسَه بَنده گر
اوچی گوروشمگین او شکار ایستر ایستمز

اول حاله قالمیشام که اَجلده آتوب منی
شوریده باش بو حالیده دار ایستر ایستمز

(نادر) بو یولدا عشقه طرف خالصانه گِئت
خالص قزیل مَحکده عَیار ایستر ایستمز

• یکشنبه
• 21
• دی
• 1399
• ساعت
• 16:39
• نوشته شده توسط
• یوسف اکبری

ئورگیم غصه لیدی،یابن الحسن ایله نظر
عربستاندا اولور شیعه لرون قانی هدر
جرمی آیا ندی اعدام اولونوب شیخ نمر؟

اف اولا آل سعودین،نسخ ماضیسینه
لعن اولا حکمینی امضا ائلیین قاضیسینه

قالمیشام یابن الحسن،هانسی بلادن دانیشیم
ویر اجازه آقا،تا،جور و جفادن دانیشیم
حاجیلار ظلمی گورن،قانلی منادن دانیشیم

بولارین شیعه نی ،ئولدورمه دی،اصل هدفی
باخما سقلرینه،هیچ بیرینون یوخ شرفی

لعن اولا مفتیلرین،باطل اولان مکتبینه
لعن اولا دهریده عبدلوهابین،مذهبینه
ابن عبدالعزیزین،هم ئوزونه،منسبینه

گله جاق مهدی آقا رشته ی ظلمی قیراجاق
اولارین یکسره شخصیتینی،سیندیراجاق

نسل خولی و عمرسعدیله،مرواندی اولار
سایه ی شیطان و اسرائیله هر دم سیخیلار
چاپوری توسن ظلمی،ولی بیر گون یخیلار

دگجک،شیشه ی عمری اولارین حق داشینا
ائله ئوز دوستلاری،بیر گون توکجک کول باشینا

• دوشنبه
• 22
• دی
• 1399
• ساعت
• 19:50
• نوشته شده توسط
• یوسف اکبری

اولدی نیمه ماه شعبان تنه جان گلوب
مرحبا مبارك گل عشق و ايمان گلوب
میرمومنان گلوبدی //// صاحب الزمان گلوبدی

سامرا اولوبدی درخشان گلوب ماه عشق
باشدا تاج شاهي جهانه گلوب شاه عشق
مژده شیعیانه داخي غمدن آزاد اولون
مهدي گلدي باز اولدي آخرده درگاه عشق
میرمومنان گلوبدی//// صاحب الزمان گلوبدی

عرش و فرشه دولدی بوگون جن و انسان سسی
هلهله ایدولله گلور حور و غلمان سسی
عسکری ایوینده نه شور نه غوغا اولوب
قوزانور سمایه هر آیینه قرآن سسی
میرمومنان گلوبدی//// صاحب الزمان گلوبدی

نرگس اولدی الله بوگون عالمه مفتخر
گلدی عالمه چون که دلدار ثانی عشر
شکر ایدوب خداوند حی و قدر قدرته
نرگسه عنايت قيلوبدي بيله گل پسر
میرمومنان گلوبدی//// صاحب الزمان گلوبدی

گلسه انتقام شهیدانی مولا آلار
عالمه اناالمهدی فریادی طوفان سالار
لرزه دشمنان خدانین دوشر جانينيه
جان کفر و شرکه گلر اود قالار
میرمومنان گلوبدی//// صاحب الزمان گلوبدی

(آذرین ) گوزتله اوجوز ساتما سن ایمانی
ایتمه بایگانی ایوينده غریب قرآنی
سویله صاحب عصره مولا اوزون تز يتير
یرده قویما قالسین آنون جانی اصغرقانی
میرمومنان گلوبدی//// صاحب الزمان گلوبدی

• چهارشنبه
• 24
• دی
• 1399
• ساعت
• 09:48
• نوشته شده توسط
• یوسف اکبری

اي حجت ثاني عشر / درده دوا مهدي
عالم قدوموندن اوپر / اي مه لقا مهدي
گوزل جانان **** سنه قربان
سن سن بيزه مولا //// بيزه بير قيل نظر
ميلادونده شيعه //// سنه قربان كسر
يابن الحسن اي خسرو خوبان آقا
ميلادون سنون حيدره تبريك اولا

اي عسكرينون دلبري /// حيدر نما سن سن
دنيايه خوش گلدون آقا /// درده دوا سن سن
اي نرگسين جانانه سي /// عطرون نه خوشبو دي
كان كرامت سن آقا ///مشكل گشا سن سن
گوزل جانان **** سنه قربان
سن سن بيزه مولا //// بيزه بير قيل نظر
ميلادونده شيعه //// سنه قربان كسر
يابن الحسن اي خسرو خوبان آقا
ميلادون سنون حيدره تبريك اولا

بوگون دولوبدي سامرا /// نور امامتدن
حور و ملك گويدن انور /// شوق ولايتدن
نرگس بوگون فخر ايليور /// دنياده نسوانه
اولدي خرامان عسكري /// بيله سعادتدن
گوزل جانان **** سنه قربان
سن سن بيزه مولا //// بيزه بير قيل نظر
ميلادونده شيعه //// سنه قربان كسر
يابن الحسن اي خسرو خوبان آقا
ميلادون سنون حيدره تبريك اولا

گوزلر يولون دا انتظار /// قالدي آقا تز گل
درده بيزي داي فرقتون /// سالدي آقا تز گل
اي منقم اي قان آلان /// خنجر بلوندن چك
يرده علي اصغر قاني /// قالدي آقا تزگل
گوزل جانان **** سنه قربان
سن سن بيزه مولا //// بيزه بير قيل نظر
ميلادونده شيعه //// سنه قربان كسر
يابن الحسن اي خسرو خوبان آقا
ميلادون سنون حيدره تبريك اولا

فارسي

ای حضرت صاحب زمان / کان وفایی تو
بر درد عشاق جهان / جانا دوایی تو
آیینه دار مرتضا /برعسکری دلدار
معنای فتح و مجری /صلح و صفایی تو
به ما مونس ***** گل نرگس
ماه رخ تو شد به زمین جلوه گر
شرمنده شد از نور جمالت قمر
یابن الحسن ای خسرو خوبان آقا
میلادت مبارک گل باغ وفا

اي ماه برج معرفت / تا كي نهاني تو
اميد دلهاي حزين / جان جهاني تو
چشم انتظاران رهت / داده زكف طاقت
گرچه نهاني ازنظر / در بين جاني تو
نظر بر ما ***** كن اي مولا
اي منتقم خون شهيد ان عشق
باز آ و رجز خوان به ميدان عشق
یابن الحسن ای خسرو خوبان آقا
میلادت مبارک گل باغ وفا

• چهارشنبه
• 24
• دی
• 1399
• ساعت
• 09:54
• نوشته شده توسط
• یوسف اکبری

اي حجت ثاني عشر / درده دوا مهدي
عالم قدوموندن اوپر / اي مه لقا مهدي
گوزل جانان **** سنه قربان
سن سن بيزه مولا //// بيزه بير قيل نظر
ميلادونده شيعه //// سنه قربان كسر
يابن الحسن اي خسرو خوبان آقا
ميلادون سنون حيدره تبريك اولا

اي عسكرينون دلبري /// حيدر نما سن سن
دنيايه خوش گلدون آقا /// درده دوا سن سن
اي نرگسين جانانه سي /// عطرون نه خوشبو دي
كان كرامت سن آقا ///مشكل گشا سن سن
گوزل جانان **** سنه قربان
سن سن بيزه مولا //// بيزه بير قيل نظر
ميلادونده شيعه //// سنه قربان كسر
يابن الحسن اي خسرو خوبان آقا
ميلادون سنون حيدره تبريك اولا

بوگون دولوبدي سامرا /// نور امامتدن
حور و ملك گويدن انور /// شوق ولايتدن
نرگس بوگون فخر ايليور /// دنياده نسوانه
اولدي خرامان عسكري /// بيله سعادتدن
گوزل جانان **** سنه قربان
سن سن بيزه مولا //// بيزه بير قيل نظر
ميلادونده شيعه //// سنه قربان كسر
يابن الحسن اي خسرو خوبان آقا
ميلادون سنون حيدره تبريك اولا

گوزلر يولون دا انتظار /// قالدي آقا تز گل
درده بيزي داي فرقتون /// سالدي آقا تز گل
اي منقم اي قان آلان /// خنجر بلوندن چك
يرده علي اصغر قاني /// قالدي آقا تزگل
گوزل جانان **** سنه قربان
سن سن بيزه مولا //// بيزه بير قيل نظر
ميلادونده شيعه //// سنه قربان كسر
يابن الحسن اي خسرو خوبان آقا
ميلادون سنون حيدره تبريك اولا

فارسي

ای حضرت صاحب زمان / کان وفایی تو
بر درد عشاق جهان / جانا دوایی تو
آیینه دار مرتضا /برعسکری دلدار
معنای فتح و مجری /صلح و صفایی تو
به ما مونس ***** گل نرگس
ماه رخ تو شد به زمین جلوه گر
شرمنده شد از نور جمالت قمر
یابن الحسن ای خسرو خوبان آقا
میلادت مبارک گل باغ وفا

اي ماه برج معرفت / تا كي نهاني تو
اميد دلهاي حزين / جان جهاني تو
چشم انتظاران رهت / داده زكف طاقت
گرچه نهاني ازنظر / در بين جاني تو
نظر بر ما ***** كن اي مولا
اي منتقم خون شهيد ان عشق
باز آ و رجز خوان به ميدان عشق
یابن الحسن ای خسرو خوبان آقا
میلادت مبارک گل باغ وفا

• جمعه
• 26
• دی
• 1399
• ساعت
• 18:24
• نوشته شده توسط
• یوسف اکبری

بزندی سراسرعالم امکان
مهدی گلدی دنیایه شاداولدی یاران
باغ جناندازهراگولدی دوباره
قویدی قدم عالمه حجت دوران
آچدی گوزون جهانه//آقاصاحب زمانه
تهنیت اولسون بیزدن منتظرانه
یامهدی یامهدی مولا یامهدی 2

قورتاردی غم عزیزان باشلاندی بهجت
یتیشدی شیعیانه وقت مسرت
حوریلربشیگینون اطرافین آلوب
خدمت ایلمگه چکوللر منت
دیده لری شهلادی//چون سرودل آرادی
چیخوب پرده دالیندان ماه زهرادی۲
یامهدی یامهدی مولا یا مهدی۲

گوزلریمیزیولدادی تامولاگله
گله شیعه نون قلب زاری دینجله
دعاایلیون یاران غیبت قوتارا
زهرانو گوزل اوغلی سفردن گله
ای صاحب زمانه//ای زهرادن نشانه
ویربرات کربلا سن عیدیانه
یامهدی یامهدی مولا یامهدی ۲

• دوشنبه
• 11
• اسفند
• 1399
• ساعت
• 22:50
• نوشته شده توسط
• یوسف اکبری

ای عمرومون دادی دوزی
لایلای بالام لایلای
ای عرش عشقون اولدوزی
لایلای بالام لایلای
گل نازیم هم آوازیم
لای لای بالا لای لای بالا لای لای بالا۲

سنسن بهارعمرومون
زیبا گلی مهدی
زهراآنامدن قلبینه
ای سویگولی مهدی
باغ ولانین آخرین
آی بلبلی مهدی
شه خوبان سنه قربان
لایلای بالالایلای بالا لایلای بالا۲

نیانی غمدن قورتاران
خوش گلموسن مهدی
ظالملری آغلار قویان
خوش گلموسن مهدی
زهرانون ای قانین آلان
خوش گلموسن مهدی
دادیم دوروم دان اولدوزوم
لای لای بالا لایلای بالالایلای بالا۲

• دوشنبه
• 11
• اسفند
• 1399
• ساعت
• 22:52
• نوشته شده توسط
• یوسف اکبری

رویونله گوزل،ماه دلارایه نه حاجت
بوگوزلریلن،نرگس شهلایه نه حاجت

طوباقدووی گورسم اگرای گل نازیم
مفتون اولارام،شاخهٔ طوبایه نه حاجت

سنسیزاوره گیم،غمزده کنعاندی حبیبیم
سن گلسون اگر،یوسف رعنایه نه حاجت

خوشدورکه اولام،سجده نشین سرکویون
کویونداخوشام،دیروکلیسایه نه حاجت

بیربوسه اگرقسمت اولالعل لبوندن
سرمست اولارام،ساغرومینایه نه حاجت

گوزیاشون آخور،دُرّکیمی صورت نازه
گنجینیه باخ،لٶلٶلالایه نه حاجت

گیسولروون پیچ وخمینده من اسیرم
من خوشلامیشام زلفووی،یلدایه نه حاجت

"ناعم"سیخیلیب کویووه ای جان جهانیم
جنتدی منــه،،جنت الاعلایه نه حاجت

• شنبه
• 23
• اسفند
• 1399
• ساعت
• 16:40
• نوشته شده توسط
• یوسف اکبری

در اهنگ: ( یوسف زهرا بیا ... )

نیمـة شعبـانیـده منجـی عـالـم گلـوب
پـاره ای از سینـة حضـرت خـاتم گلوب
یارِ ضعیفان گلوب * روحی لره جان گلوب
دردی اولانلاره دِه * دردلره درمان گلوب
عشقیمه آدی سَنَد - یـا اباصـالح مدد

یـوخـدی نظیـرون شهـا شـاه ظفـرمنــدی سـن
بَضعِــة جـان علـی فـاطمــه دلبنــدی سـن
معنـی قـرانی سـن * جنته ریحانی سن
سنده ابوالفضل کیمی * فاطمنون جانی سن
عشقیمه آدی سَنَد - یـا اباصـالح مدد

سـن داریخـان دیللـرین صبـح مَسـا آهـی سن
آزدی دئسـم گـر سنـه شـاهیلـرین شاهـی سن
سینیـه حَکدی آدون * نان و نمکدی آدون
آدلار ایچینده سنون * سیدی تکدی آدون
عشقیمه آدی سَنَد - یـا اباصـالح مدد

فاطمـه دشمنللـری گورنجـه طغیـان ائدور
زینبـه ظلـم ایلیـوب قلبیللـری قان ائدور
ای گـلِ اهـل ولا * قویما اورکللر دولا
شیعه لره رحم اله * گل ائوین آباد اولا
عشقیمه آدی سَنَد - یـا اباصـالح مدد

ای شـه کـون و مکـان یابـن الحســن السـلام
درده گلـوب سینـه لـر سن بـول آنـان ائت قیام
سروی کیمی آچ خولون - شیعه گوزتلور یولون
گل آقا جـان شیعـه لر - تا آلالار ساغ صولون
عشقیمه آدی سَنَد - یـا اباصـالح مدد

• جمعه
• 3
• بهمن
• 1399
• ساعت
• 19:43
• نوشته شده توسط
• یوسف اکبری

گزورم لحظه به لحظه سنی دیوانه کیمی
گوزله یادان چیخادارسان منی بیگانه کیمی

یاندیریر شمعی کیمی گر سنی غمللر گوزلیم
شعله عشقیوه یانام آقا پروانه کیمی

تا اوتوندا آلیشام ؛ چونکی وفا ایلینم
بولدورم عشقیمی من عاشق مستانه کیمی

بو کیچیک قلبیمی من عشقیوه عنوان الدیم
سنده قبول اله بو قلبیمی کاشانه کیمی

آپاروب عشقیوی گر حبث ادلر زنداندا
گجه گیزلین گلرم یانیوه زندانه کیمی

گر دئسون منن اوتور قال بو حهنمده ؛ اینان
الرم دوزخی بو قلبیمه بیر خانه کیمی

گر جهنملیخ اولام سنده بهشلیخ اولاسان
گئدرم خواهشه من تا دره یزدانه کیمی

دییرم دوزخه گتسین سنی گر سویله سه یوخ
گجه داغ داشدان آشوب گلم او رضوانه کیمی

• دوشنبه
• 13
• بهمن
• 1399
• ساعت
• 16:39
• نوشته شده توسط
• یوسف اکبری

در آهنگ (گل پونه ها )

لطف ائـدوب حی تبارک
جشـن میلادون مبارک - یابن الزهرا (2 )
قامتون زیبا لَبـون آی
گوزلرون گونن ده گویچک -یابن الزهرا (2)

شوریله سینه دولوبدی*یابن الزهرا خوش گلوبسن
نیمـة شعبان اولوبدی * یابن الزهرا خوش گلوبسن یابن الزهرا

ای اولان هــر درده درمـان
خوش گلوبسن،خوش گلوبسن
آدیــوه عشـق اهــلی قربان
خوش گلوبسن ،خوش گلوبسن

شـوره زهـرا و علی و –
حضرت خاتم گلوبدی – جان گلوبدی (2)
جنت العـلا بَـزَنـدی -
مُنجـی عالـم گلوبدی - جان گلوبدی (2)

گل آچوب گلشنده گللر * گلـدی آقـالـر آقاسی
شاد و خُرم اولدی دل لر* گلدی زهرانین بالاسی یابن الزهرا

ای اولان هــر درده درمـان
خوش گلوبسن،خوش گلوبسن
آدیــوه عشـق اهــلی قربان
خوش گلوبسن ،خوش گلوبسن

ای اولان دردیم دواسی
شیعـه لـر آدون فداسی – یابن الزهرا (2)
عشقوون جان مبتلاسی
هارداسان زهرا بالاسی - یابن الزهرا (2)

نـور چشـم مـرتضـاسن * هم عزیز قلب طاها
هاردا قالدون بسدی تئز گل * ای عزیز جان زهرا یابن الزهرا

غم ائدوبدور قلبی ویران
یابن الزهـرا یابن الزهـرا
گل گلـن یـولاره قـربان
یابن الزهـرا یابن الزهـرا

• دوشنبه
• 13
• بهمن
• 1399
• ساعت
• 16:41
• نوشته شده توسط
• یوسف اکبری

یَابْنَ الْحَسَن ای نور خدا قائم سرمَد
سلطان جهان وارثِ بَر حقِّ محمّد

ای گون باتانین٬ گون چیخانین سرور و شاهی
سندن صورا یوخ شیعه لرین پشت و پناهی

گَل خاکِ بقیعی آقا بیتُ الحَسَن ایله
گیزلینده قالان٬ فاطمه قبرین عَلَن ایله

وهّابیلرین نسلینی کَس ریشه کن ایله
ایرانیمیزی گَل اوزووَه سن وطن ایله

• پنج شنبه
• 5
• فروردین
• 1400
• ساعت
• 12:06
• نوشته شده توسط
• یوسف اکبری

یابن الحسن ندن دی چوخ انسان یالا دیور
علت ندور بیر عده مسلمان یالان دیور
اوچ یوز اون اوچ نفر که سنون وار بجز اولار
یکجا ویکصدا هامی یکسان یالان دیور
هرنه فرج دعا سی اوخلار اینانما سن
هرتک تکی بروح شهیدان یالان دیور
مصلح یولین یهودیده گوزلور مسیحیده
چوخ سهلیدور یهودی مسلمان یالان دیور
قاءل اولان ظهوروه آخر یالان دیمز
شاهدی آیه آیه ی قرآن یالان دیور
بو حجتیه انجمن جمکرانچیلار
یکسر بغیر رهبر ایران یالان دیور
واعظدی موعظه ایلیور گورمورم اثر
زاهد ایدور عبادت سبحان یالان دیور
شاعرده ظاهرایازور شعر جدوه
اما یازور که میل ایلسون نان یالان دیور
هرکیم سنون تولدوین سالگرد ینه
بازاری ایلیوبدی چراغان یالادیور
گزلینجه جز ءی مبلغی ایسته فقیر ایچون
ثابت ایدیم که صاحب میلیان یالان دیور

اما تظاهراته بیوک سفره پهن ایدور
بش یوز جماعته ویروراحسان یالان دیور

چوخلاری ایستیور ایوی خلقه نشان ویره
هیءت سالور بو نیمه ی شعبان یالان دیور
جوشن کبیری کونده اوتوز یول چیخور باشا
بیر زره یوخدی بخشش واحسان یالان دیور
اولسا ریایی ایش آدینی باشدا یازدیرار
گر بی ریا بیر ایش گوره چوخدان یالان دیور
سسلوردی کوفه ملتی جدون حسینی ده
اولمادی بیر نفردیه قربان یالان دیور
اولده گوندروبدی نماینده مسلمی
گورسون که کوفه اهلی نه میزان یالان دیور
هریرده گزلنوبسن آقا چخما آشکارا
هرکیم که سسلنور سنی الان یالان دیور
چک تیغوی امام زمان آل بوقانلاری
محوه ایله بینوالره سیلی ویرانلاری
گردنکشانی ور که ضعیفانی ویردیلار
ظالملری که جمع پریشانی ویردیلار

• دوشنبه
• 13
• بهمن
• 1399
• ساعت
• 16:45
• نوشته شده توسط
• یوسف اکبری

آمانسیزام بو دونیاده حقدن آمان گلمسه
دردیم اولار دریا کیمی درده یانان گلمسه
یالان دوزه پرده چکیر حق آرادان محو اولور
زمانه میز بد گله جاق صاحب زمان گلمسه

هاردا قالیبدیر گوره سن ذوالفقارین صاحبی
کیمه وئریب اختیارین اختیارین صاحبی
کار کاسیبا ظلم اولونور یوخ بولارین صاحبی
یوخسول ایاخدان دوشه جک داده چاتان گلمسه

"حیدری"یازسان نه قدر سوزکی یئتشمز باشا
ایندی زامان قارداشیدا دشمن ائلر قارداشا
یاخجی دییبلر بابالار کیشی یاشا آز یاشا
قوردا هاچان میدان اولار داغا دومان گلمسه!

• یکشنبه
• 8
• فروردین
• 1400
• ساعت
• 12:07
• نوشته شده توسط
• یوسف اکبری

مستِ مستم حالیمی مستانه لردن آل خبر
مِـی ایچنده دردیمـی پیمانه لردن آل خبر

فرقتوندن اولموشام میخـاره لر مِثلـی دَلـی
بیر گون ئولسم‌نعشیمی‌میخانه لردن آل خبر

اولموشام‌شهر ودیاریمده‌غریب‌اوغلی غریب
ئوز دیـارینده ئـولـن بیگانه لردن آل خبر

ایله ویران اولموشام فرقت غمیندن ای نگار
چولده مَخروبه اولان ویرانه لردن آل خبر

عشقون‌ایلوبدی ‌منی‌دیوانه‌لر سردسته سی
اِقتدا ایلوب منه دیوانه‌لردن لردن آل خبر

دیلده‌آدون‌فکر ائدورسن‌آز‌دولاندیم چوللری؟
خانه‌خانه،چول بَه‌ چول،کاشانه‌لردن آل خبر

شعله‌ی عشقونده‌ یاندیم گولدولر پروانه‌لر
من یـانان وقته گُولن پروانه لردن آل خبر

لااقل بیر دفعه‌گل سویله پریشان نیلسون
آز دئنن فرقت غمین فرزانه لردن آل خبر

• چهارشنبه
• 22
• بهمن
• 1399
• ساعت
• 14:53
• نوشته شده توسط
• یوسف اکبری

زلف سیاهی برگ گل اوسته نقاب ایله
یعنی حجاب ایله من خانه خراب ایله

صبح اولجاقین گوز آچ یوخیدان لاله لرکیمی
سندر غرور نرگسی بیر انقلاب ایله

سَپ صحنِ گلشنه گوزلیم آلنوون تَرین
هر الده اولسا شیشهء دل پُرگلاب ایله

تقدیردور بو گللرون عمرینده وارشتاب
ساقی آماندی می ویرَه جَکسَ شتاب ایله

ویر عطرزلفووی یئلَه مست ایله عالمی
آواره لر دعاسینی تز مستجاب ایله

جان قیمتیله گرچه خریدارِ نازوام
ناز ایتمه سُونده ایتمه ، اقلاً عِتاب ایله

• پنج شنبه
• 12
• فروردین
• 1400
• ساعت
• 11:43
• نوشته شده توسط
• یوسف اکبری

مهدی ای قلبیم صفاسی هارداسان
ای خانم زهرا بالاسی هارداسان

سن گل بی خار عالمسن آقا
عزت دنیا وعقباسن آقا
نورچشم وپور خاتمسن اقا
ای اولان عالم،فداسی هارداسان

دیده لر یولدا قالوب ای مه لقا
آغلیان گوزلریوه جانیم فدا
سن شه عالمسن اما بیز گدا
آی هامی گللر گلابی هارداسان

مظلمون اشگین گوزوندن یوخ سیلن
ظالمه چوخدور حمایت ایلین
شیعنون دردین ولی یوخدور بیلن
ای اولان مظلوم پناهی هارداسان

تئز ظهور ائت یوخدی طاقت فرقته
گل صفا وئر بو پوزولموش گلشنه
بیز قسم وئروخ سنی غیرتلی عمون زینبه
ای اولان شیعه آقاسی هارداسان

• چهارشنبه
• 25
• فروردین
• 1400
• ساعت
• 17:10
• نوشته شده توسط
• یوسف اکبری

اذن وئرسن سِوگیلی دلبر غلام اوللام سنه
تا ابد ای عشق پیغمبر غلام اولام سنه

او سر زولفون کیمی حالیم پریشاندور منیم
آغلاماقدان قان اولور گوزللر٬ غلام اوللام سنه

بولمورم او حلقهٔ زولف سیاهینده نه وار
اولموشام آوارهٔ چوللر غلام اوللام سنه

گَل منی یاندیرما هجران آتشینده رحم ائله
بیر نظر بسدور گُل حیدر غلام اوللام سنه

کیم سنه یوسف دئسه حقّونده انصاف ایتمویوب
یوسف کنعان اوزی سوئلر غلام اوللام سنه

یوسفه بیر عمر یعقوب آغلادی یابن الحسن
آغلوری شیعه سنه یکسر غلام اوللام سنه

چوخ دولاندیم عالمی سندن وفالی گورمه دیم
آنداولا زهرایه تا محشر غلام اوللام سنه

بیر باخیش باخسان گوز آلتی ای عزیز فاطمه
گور منه او بیر باخیش نیلر؟ غلام اوللام سنه

اولماسا لایق «فقیر» اؤپسون لبِ شاهنشهی
جای پایی آرزو ایلر غلام اوللام سنه

• جمعه
• 24
• بهمن
• 1399
• ساعت
• 18:02
• نوشته شده توسط
• یوسف اکبری

دولدوروب دنیانی ظلمت یابن زهرا هارداسان
ای امید شیعیان دلبند طاها هارداسان

گل ظهور ایله اقا بسدی بو هجران خستیوخ
ای اولان زینت فنا دنیایه مولا هارداسان

جان عالم قربان اولسون اول هلالی قاشیوه
قامتی عباس اقام تک سرو و رعنا هارداسان

مظلومون اهی چاتوب عرشه اولوب هران ملر
ظالمین نسلین کسن دنیاده اقا هارداسان

روزگارین گردشی بعضیلرون قارون ائدوب
سینه مظلومه قویدی چوخلاری پا هارداسان

شیعیان حیدرون امیدی سن سن مهدیا
اختارور زیبا جمالون خلق دنیا هارداسان

سن ظهور ائتسن الارسان انتقامین محسنین
شاد اولار اوندا علی اول شاه عقبا هارداسان

تک سنون امیدیوه دنیاده"حیدر"زنده دی
ای گزن صحرالری هر گونده تنها هارداسان

• پنج شنبه
• 26
• فروردین
• 1400
• ساعت
• 11:26
• نوشته شده توسط
• یوسف اکبری

گَل منی یاندیرما هجرینده گوزل انصاف ائله
یوخدی طاقت عاشق دلخسته ناز ائلمه

یوخدی دنیاده مروّت عهدینه بِل باغلاما
خون دلدن ایتموشم پژمرده رخساری بِئله

شاکریم دیوانه لیق آدی اولوب حک سینمه
اول منه لیلا، دوشوم مجنون کیمی چولدن چوله

یوخدی امیّدیم چاتا بیرده الیم دامانینه
عاشقین تقدیرینه یانماخ یازوبلار یوخ گِله

نرگس مستون خیالی عقلیمی الدن آلوب
برقِ چشمینن «فقیرین» جانینی آل دینجله

طاقتیم یوخدور گورم اغیاریله یار اولموسان
آیریلیق دردی منی سالدی ایاقدان نارگیله

ماه کنعانسان ولی اولدون رقبین سوگلی
گول گرک خاره نصیب اولسون خزانلار بلبله

یولدا قالدی گوزلریم ای جاندان آرتیق گلمه دین
وعدهٔ وصلیله سالدون سن منی چوخ مشکله

گامه دین پوزدون« فقیرخویونون» پرگارینی
بیرقدم گلمخ قایتماخدا واریدی فاصله

• شنبه
• 25
• بهمن
• 1399
• ساعت
• 22:59
• نوشته شده توسط
• یوسف اکبری

ظلم عرشه دایانوب داده یتیر یامهدی
ذوالفقار الده گل امداده یتیر یامهدی
آغا گل گور نجه بیر عده نی طغیان ایلیری
بوقَدَر ظلمی نه نصرانی مسلمان ایلیری

آغا گَل کشور اسلامیده انسانلارا باخ
سنی زهرا بو ایکی اوزلی مسلمانلارا باخ
ایاق آلتوندا قالان شیعه ده وجدانلارا باخ
چوخ سوزوم وار اوتانیر خامه،الیمده آلیشیر
بیزی ارشاد ایلینلرده یالاننان دانیشیر

گجه هئیتده اولور اشکی یوزوندن جاری
یاحسین سسلوری اما اوزون آل گفتاری
گینه رایجدی گونوز رشوه ربا بازاری
نیه عجّل فرجه فکری پراکنده ائدَخ
چاغوراخ صاحب عصری اونی شرمنده ائدخ؟

آغا بیر عده گینه دعوی قدرت ایلیری
آدینی شیعه قویوب خلقه خیانت ایلیری
بیزه هر نیلیری اول میز ریاست ایلیری
مطلبیم شیعه دی،،،چونکی بیز علی نوکریوخ
ظلم ایداخ ظلمه اَیَخ باش،دِئه روخ حیدریوخ؟؟

دردیمیز چوخدی ولی قدرتیمیز یوخدی آغا
دهریده عَمْر کیمی عاص کیمی چوخدی آغا
بعضینین موعظه سی قلبینیزه اوخدی آغا
چونکی عامل دگی بعضی او دِئَن سوزلرونه
دینی بازیچه ایدوبلر علنی اوزلرینه

دوز، حلالدان سودامَن، ظالمه باش اگمویَجخ
الی گیتسه الینی ظلم الینه وئرمویَجخ
بو «فقیرین» سوزودی هر قاپویا گلمویجخ
بیر اشاره ایلدیم هر کسه باش اگمموشم
نه تملّق نه ده ال هر اله من وئرمَموشم

• سه شنبه
• 28
• بهمن
• 1399
• ساعت
• 22:24
• نوشته شده توسط
• یوسف اکبری

ای یوسف زهرا، شرفِ هستی عالم
فرزند سلحشور علی،جاهد اعلم
ای حجت بر حق خدا،قائد اعظم
چیخ پرده ی غیبتدن،ابر مردِ دلاور
اوضاع قاریشوب،ملتِ مظلومی اَزیلّر

ای رهبرِ شایسته ی بر حق ولایت
ای گوهر رخشنده ی دریای شرافت
برپا ائله عدلِ علوی، مردِ عدالت
بیر عصریده یوخ،حقیمیزی الدن آلوللار
بو ملّتِ محرومی یامان درده سالوللار

گر مکّه ده منشأ تاپولوب منبع ایمان
پیغمبره نازل اولونوب مکه ده قرآن
الساعه اولوب مرکز تکفیر عربستان
اسلام بئلین بوکدی اگر قوم یهودی
دین آدینه،دینی یخیری آل سعودی

ای منجی عالم پسر شاه ولایت
گل گور نجه غوغا ائلوری جرم و جنایت
اسلامیده کیم زائرینه ائتدی خیانت
یازدیم بو سوزی پرده ده،چون سینه یارادی
بوندان سورا حج،شیعه لره کرب و بلادی

یوخ شیعه لرون سینه ده،سندن سورا تابی
ای داعشیان،آل سعودیله وهابی
آند اولسون ابوالفضله بودی شیعه جوابی
چیخسون گوزوز ای حامی ننگین سقیفه
تا محشر کبری بیزه حیدردی خلیفه

قلبیم داریخوب هارداسان ای یوسف زهرا
سن بول آناوین جانی یتیر داده یوبانما
سندن سورا یوخ،دادرسِ امّت طاها
اوچ پر اوخیلا،سینه ی ایمانی سوکوبلر
اول اوخ کی آچوب سینه ده یِر،کینه اکوبلر

بیر عده یه بازیچه اولوب دین پیمبر
دکانِ تجارت اولونوب،روضه و منبر
مرحبلر اوچون یوخدی داخی فاتح خیبر
چوخلاری دئیوب حقّی،بظاهر آلوشوللار
باطنده علی جانی،یالاننان دانیشوللار

بیر عده نین عالمده دی زر بود و نبودی
احسان ائلوری یوخ ولی مستضعفه سودی
ظاهریده مسلمانیدی،باطنیده یهودی
بیر عده نین احوالی،پراکنده دی مولا
ساده یازیرام،چوخلاری شرمنده دی مولا

بعضی چابالور صبحه کیمی،بحر بلاده
بعضی چالوشور،صبح و مسا،رنج و جفاده
بعضی پر قوده یاتوری،تخت طلاده
تبعیض و تملق،پوزوری حالِ "فقیری"
داش باشینه گر اولسا بو دنیانین اسیری

• دوشنبه
• 4
• اسفند
• 1399
• ساعت
• 22:30
• نوشته شده توسط
• یوسف اکبری

یابن الحسن ، ای شه کون و مکان
دالدالانوب سایووه هفت آسمان

گون سنه خاطر یئره نورین سالور
آی دا که سندن آقا فرمان آلور

لطفووه وابسته دی هفت آسمان
سنله قالیب زنده زمین و زمان

حق سنه وئرمیش نئجه گور اختیار
گوزلرووه باغلیدی لیل و نهار

بیر باخیشون یئر گویه فرمان وئرور
مهر و مهه رخصت جولان وئرور

گورست آقا جلوهٔ پیغمبری
مشتریدور گوزلرووه مشتری

عطرون آقا گللری سرمست ائدور
عشقووه بلبللری پا بست ائدور

خاک رهون سرمه دی حورا لره
هر نفسون جاندی مسیحا لره

سن دانیشاندا یئره مرجان یاغور
نور یاغور ، آیهٔ قرآن یاغور

ماه رخون ایله عیان ای زعیــم
طوریده لبیک دئسون تا کلیم

قامتووی ایله نمایان آقا
تا سنه عیسی ائلسون اقتدا

یوسف اگر گورسه خَد و خالووی
عالمی حیران ائدن اجلالووی

جلوه رخسارووی گورسه اگر
بارماقینی شوقیدن حتما کسر

شعره سیغیشمور حسناتون سنون
شعره ییغیشمور وجناتون سنون

من هارا ، مدحون هارا یابن الحسن
چوخدی اوره کده یارا یابن الحسن

قوی آقا بیر آز الیوم درد دل
عفو ائله مولا ، خجلم من ، خجل

بیر نظر ائت گردش دورانه باخ
ظلم الیوب عالمی ویرانه باخ

ظلم و ستم سایه سالیب عالمه
ظلم اولونور خیل بنی آدمه

واردی سوزوم عفو ائله یابن الحسن
چوخدی اوره کده گله یابن الحسن

حق دانیشان دیللر آقا لال اولوب
خون شهیدان نئجه پامال اولوب

ظلم و ستم رونق بازار اولوب
ملته ابلیس جلودار اولوب

ترسه اولوب مملکتون هر ایشی
عورته بنذور قویوب آدین کیشی

رخت زنانه گیوری قاش آلور
معرکهٔ فسقیده شاباش آلور

بعضی زنان مذهبی ایلوب خراب
باطل اولوبدور آقا حکم حجاب

ائوده محبت ائلمور محرمه
زینت ائدور صورتی نامحرمه

بعضیده اولموش اوقدر ناسپاس
اللهی گورمور ، الیور اختلاس

حقینی پامال الیور ملتین
مال حرامه ساتور حیثیتین

نقل محافلدی یالان ، سیدی
غیبت ائدورخلق عیان ، سیدی

فسق و فجوریله بو دنیا دولوب
ایندی ربا ، خلقه مربا اولوب

مصحف قرآنه باخان یوخ آقا
آیهٔ رحمانه باخان یوخ آقا

سینه لری گرچه محن داغلیوب
مذهبی بو هیئتیلر ساخلیوب

هیئتیلر اُسوهٔ غیرتدیلر
تابع فرمان ولایتدیلر

هیئتی غوغاده ایتیرمز ئوزین
هیئتی نامحرمه تیکمز گوزین

هیئتی عاقل اولار ، هذیان دئمز
هیئتی هر لقمه نی والله یئمز

هیئتی هریئرده ریادن قاچار
هیئتی واللهی ربادن قاچار

هیئتی اولماز ابداً ناسپاس
هیئتی الحق ، ائلمز اختلاس

هیئتی یا شاعر و یا نوحه خوان
سینه ویران ، شوره گلن ، آغلیان

نوحه دین نوحه دئمز پاکته
ساتماز حسینون آدینی ثروته

سینه ویران شهرتی باشدان آتار
باشدان آتار شهرتی ، عرشه چاتار

دادلیدی قوی منده دیوم بو سوزی
کیم گوره بیلمور بیزی چیخسون گوزی

هیئتی ام ، هیئتی ام هیئتی
واردی وجودیمده علی غیرتی

هیئتی ام خاک ره حیدرم
عالمه من بیر توکونی وئرمرم

• شنبه
• 9
• اسفند
• 1399
• ساعت
• 10:39
• نوشته شده توسط
• یوسف اکبری

داده گل ای شه عصر و زمانه
سایه ی رحمتووی سال جهانه
سسلورم یابن الحسن گوزلورم تاگله سن
یابن زهرا
العجل یابن الحسن۲ یابن زهرا

فرقتوندن آقاجان من فکارم
باخورام یوللاراچوخ بیقرارم
گوزلریم یولداقالوب باغ عمروم سارالوب
یابن زهرا
العجل یابن الحسن۲ یابن زهرا

ابرظلمت بوریوب آسمانی
ظلم اولورخلقه عیان ونهانی
قالمیوب ذره وفا اهل دنیاده آقا
یابن زهرا
العجل یابن الحسن ۲ یابن زهرا

آل اله تیغ شرر بارعلینی
ویرنشان عالمه پیکار علینی
ظالمون نسلینی کس چکمسون بیرده نفس
یابن زهرا
العجل یابن الحسن۲ یابن زهرا

گل مهیاایله تزکاروانی
جمع ایله دورووه بو عاشقانی
شیعه لر باغلیاصف قبرزهرایه طرف
یابن زهرا
العجل یابن الحسن ۲ یابن زهرا

ویرمه میش شیعه لر الدن قرارین
ویرنشان لطفیله زهرامزارین
شمع غم یاندیراروخ بزم ماتم قوراروخ
یابن زهرا
العجل یابن الحسن۲ یابن زهرا

• یکشنبه
• 10
• اسفند
• 1399
• ساعت
• 23:15
• نوشته شده توسط
• یوسف اکبری

تصنیف خوشه چین

آمده نیمه ی ماه شعبان
آسمان وزمین شد چراغان
سامراگشته چون رشک جنت
ازقدوم شه عصرودوران
میرسد-به گوش ازسمانغمه ی یامهدی
عاشقان-رسیده کنون دوره ی هم عهدی
میبرد-دل عاشقان عارض تابانش
میدهد-صفابرجهان نغمه ی قرآنش
مرحبا مبارک بود مقدمت یامهدی۲

مخالف
مهدی ای/گل آل یاسین منجی دین
گشته عالم برای تو آذین
وصل تو/همه آرزویم آبرویم
پرکن از باده ی خود سبویم
آمدی-جهان راکنی خانه ی عدل وداد
برکنی-درخت ستم را شها ازبنیاد
آمدی-زنی پرچم فتح خودبرعالم
میشود-زیمن قدومت دوعالم خرم
مرحبا مبارک بود مقدمت یا مهدی۲

اوج مخالف
ای آخرین حجت حق/صاحب عصری وشاه دوران
هستی توای نورمطلق/حامی بی کسان وضیفان
میزنم-فقط دم زعشق شما یامولا
میکشم-نفس من به اذن شما یا مولا
مرحبا مبارک بود مقدمت یامهدی۲

ترکی

ای قلم سوزلرونده اثروار
آشنادن بیزه خوش خبروار
پیک حقون دیلینده دمادم
مژده ی فتح ونصروظفروار
عالمی-منورایدیب صورتون یامهدی
بنذیور-رسول اللهه طلعتون یامهدی
مقدمون مبارکدی بوعالمه یامهدی۲

مخالف
منتظر /گوزوم یولداقالدی هارداسان گل
ای شه مشفق و مهربان گل
گل آقا/بیزیم باشیمیزه سایووی سال
جدوون قانینی خصمیدن آل
شیعه لر-سنون گوزلیورمقدمون یامهدی
نصب اولوب-گوزل پرچون عرشیده یامهدی
مقدمون مبارکدی بوعالمه یامهدی۲

• دوشنبه
• 11
• اسفند
• 1399
• ساعت
• 23:08
• نوشته شده توسط
• یوسف اکبری

یکسر بزنوب کون و مکان اولدی
چراغان یتوب نیمه شعبان
دنیایه قدم قویدی بو گون حجت یزدان گوزل آدینه قربان

اولوب نوری هویدا گلوب مهدی زهرا
بو نور ازلیدن جهان اولدی مصفا

گلوبدور مه تابان _ مه عالمه قربان

بیر گول آچیلوب ائتدی بو دنیانی گلستان بودور عطریلی ریحان
بلبل اوخیور نغمه عشق شوریله هر آن اولوب شاد و خرامان

گل باغ جناندی صفای دل و جاندی
بو مولود محسّن عزیز دو جهاندی

گلوبدور مه تابان _ مه عالمه قربان

باغ شرفون بیر گولودی گور نه گوزلدی گوزلیقدا مثلدی
شعبان آینون اون بشی بو عالمه گلدی بو گولدنده گوزلدی

ائدوب عالمی حیران بودور سرور دوران
دیر عشقیله (سالک) گلوب دردیمه درمان

گلوبدور مه تابان _ مه عالمه قربان

• یکشنبه
• 23
• خرداد
• 1400
• ساعت
• 19:09
• نوشته شده توسط
• یوسف اکبری

سامرا اولدی چراغان
محشر ایتدی ذات سبحان
نَرجسین بو گون ایویندن
چخدی گویا مِهر رخشان

گَلون ای عاشقان/ایشیقلاندی جهان
خدایه شکر اولا/گلوب صاحب زمان عج

اباصالح مدد

یوزی خورشید هدایت
وارثِ شاه ولایت
جدّی پیغمبر بویوردی
آدینا طاووس جنّت

یارالدیب ذولجلال/عجب گویچک جمال
ایدیب حیران بیزی/ بوقاش،بوگوز،بو خال

اباصالح مدد

عالمین ای تکیه گاهی
شیعیانین دادخواهی
سنه دیلدن عاشقم من
ای سینیق دیللر پناهی

آقا یابن الحسن/نولور لطف ایله سن
بسیمدور بیر دفعه/ منه نوکر دیسن

اباصالح مدد

بودی فخریم رهبریمسن
غم گونونده یاوریمسن
نیلورم آیری مقامی
سن منیم تاج سریمسن

سنه من نوکرم/آدیوی سسلرم
چیخینجا جان ،آقا/قاپوندان گیتمرم

اباصالح مدد

تانیرام اهل عطانی
بوش یولا سالماز گدانی
آند اولا عمّن جانینا
گویلوم ایستیر کربلانی

منه ایله عطا/سنه جانیم فدا
گینه یاز اربعین/ پیاده کربلا

اباصالح مدد

بولوسن عبد ذلیلم
خادم آل خلیلم
(بیکَسم)غرق خطایم
بنده ی ربّ جلیلم

اوزون ایله دعا/ویره رخصت خدا
سنی زهرا آنان/یورولدوخ گَل آقا

اباصالح مدد
@Navaye_bikas

• جمعه
• 29
• اسفند
• 1399
• ساعت
• 15:10
• نوشته شده توسط
• یوسف اکبری

دوباره شد، تو دلم غوغا
اومد بازم، شب رویاها
نمونده غم، توی قلب من
میگن اومد، شه سامرّا

فخرِ عالمین/وارث حسین
یاسِ نَرجِس و/نورِ هردو عین

سرّ کائنات/چشمه ی حیات
آمده دَهَد / بر زمین نجات

نور هَل اَتی /خَتمُ الاوصیا
وارثِ دَمِ /شاهِ کربلا

زینت جَهان/شاهِ اِنس و جان
مُنجیِ زَمین/صاحب الزمان

یابن الحسن مولا مولا

گینه گلوب،بیر مَهِ تابان
درد و غمه، ایده جاق درمان
خلایقین هامیسی باهم
اولیدی گَرَک، آدینا قربان

معدن کَرَم / شاهِ مُحترَم
آدیوی آقا / منده سَسلَرم

ای شَهِ ولا /دردلره دوا
درگهونده من / اولموشام گدا

قیل نَظَر منه /عاشقم سنه
عبدِ کَمتَرَم /شاه ذولمَنه

ای مَهِ مُنیر /عالَمه امیر
من جمالیوا/اولموشام اسیر

یابن الحسن مولا مولا

• جمعه
• 29
• اسفند
• 1399
• ساعت
• 15:12
• نوشته شده توسط
• یوسف اکبری

آیریلیق دردی وِرور یاره دیوم یا دئمیوم
یاره مین دردینی من یاره دیوم یا دئمیوم

گَلمدی یار وَلیکَن یتیشوبدور قوجالیق
بیر گِلیلیک سوزی دلداره دیوم یا دئمیوم

بیرباخیش باخماقیلان غارَته گئتدی ئورگیم
وار نیازیم ولی تِکراره دیوم یا دئمیوم

گَزمیشم عشق یولوندا او چَتین دونگَه لَری
هانی مَحرَم ؟ سوزی اَغیاره دیوم یا دئمیوم

درد آغیر اولسا دیوللَر که ئولوم چاره سیدور
منِ بیچاریه یوخ چاره دیوم یا دئمیوم

گُلشنه گِئتدیم اونون نِکهَتینی گُلدن آلام
اوردادا قالمیشام آواره دیوم یا دئمیوم

بُلبلون سینه سی گوردوم بویانوبدور قانه
گُل یولوندا توخانوب خاره دیوم یا دئمیوم

(نادر) عشق عالمی بو قدر گِلایه نَه روا
گَلمَز عاشق بِله اِظهاره ، دیوم یا دئمیوم

• یکشنبه
• 13
• تیر
• 1400
• ساعت
• 12:45
• نوشته شده توسط
• یوسف اکبری

بو گیجه روشن اولوب لیله ی تاریم
قوتاریب فصل خزان گلدی بهاریم
دیون عاشقلره هجران باشا چاتدی
سوسَپون کوچه لره گلدی نگاریم

صفا تاپوب فرح لنوبدی دیللر
ویرله سس ،سسه هامی عاشقلر

گوزل آقام گوزل آقام یامهدی (عج)

قدرتیم یوخدی یازام جاه و جلالین
چکدی نقاش اَزل ماه جمالین
اهل عالم یغیشا شرح ایده بولمز
صاق یوزونده اوتوران هاشمی خالین

بو شاهکار خالق یکتادی
یازام گرک که یوسف زهرادی

گوزل آقام گوزل آقام یامهدی(عج)

باشاباش حسنودی نُزهَتدی صفادی
یوزی مرآت تجلّی خدادی
او هلالی قاشی محراب عبادت
گوزلری چشمه ی پرفیض بقادی

یوزون گورن اولاردی غرق حیرت
قیامت ایلیوبدی قد و قامت

گوزل آقام گوزل آقام یامهدی (عج)

یوزی تفسیریدی آیات مبینه
زلفی طعنه ویروری حبل متینه
شأنه باخ کیمده بیله واردی مقامات
قنداقی زینت اولوب عرش بَرینه

نشان رحمت حق یکتادی
نگاریمین جمالی بی همتادی

گوزل آقام گوزل آقام یامهدی (عج)

مرغ روحیم آقاجان ایلدی پرواز
گوشه چشمیله باخ ایله سرافراز
(بیکَسوخ )سن ایکی دنیا کسیمیزسن
بیزه بایراملیق آقا کرب و بلا یاز

قاپوزدا بیر نفر قیتمز مولا
بو جمعی کربلایه تیز تیز یولا

گوزل آقام گوزل آقام یامهدی(عج)

• جمعه
• 29
• اسفند
• 1399
• ساعت
• 15:36
• نوشته شده توسط
• یوسف اکبری