یارب نه روا شیعه لرین گوزیاشی آخسین
بیلمم نقدر حسرتیلن گوز یولا باخسین
مهدیله بیزیم اورتیا چوخ فاصله دوشموش
هجران اوتی آز قالدی یانان دللری یاخسین
اصلاح ائله اعمالمیزی تا گوره مهدی
پروندیه بلکه آقامیز لطفله باخسین
گویا که کوسوبدی بو قدر بیزدن اوزاخدی
ای کاش بارشماخ اوزیگین بارماقا تاخسین
شمشیر شررباری نیامینده قالوبدی
وئر اذن ظهوره قلجی گون کیمی شاخسین
یا حسین مهدیه سن ایله دعا تئز گلسین
شیعیه تکجه اودور باب رجا تئز گلسین
آند وئروک سنی مظلومه ننون زهرایه
اودا سسلردی بالام مهدی خدا تئز گلسین
هم آنون قانی قالوب یرده او قانی آلسون
هم سنون قانوی آلماقه آقا تئز گلسین
بو آیون اون بشینه نیمه ی شعبان گونینه
ایسته الله فرجین ایتسون عطا تئز گلسین
جشن مولودینی بیز جشن ظهوریله قاتاخ
یارالی قلبیمیزه بلکه دوا تئز گلسین
"زعفره"وئر صله بیر تذکره ی کرب و بلا
آلتی گوشه حرمه دلده نوا تئز گلسین
به سبک(کربلا کربلا ای تربت...)
یامهدی یامهدی ای شیعه نون آقاسی
عاشق لر اولسونلار گوزلریوین فداسی
ماه دل آرا مهدی یوسف زهرا مهدی
گویلردن یئرلره نور منجلی گلدی
دئدیلر وارث و دلبند علی گلدی
عشق و معرفتون بوگون مشعلی گلدی
بوگون ئورک دینجلدی
دنیایه رهبر گلدی
ماه دل آرا مهدی یوسف زهرا مهدی
گلوبدی تا اولا سرور و شاه جهان
تار و پود هستی تار زلفینه قربان
بو جمع ده دردمند واردی ائت درده درمان
سن سن صاحب زمان
سن سن هر درده درمان
ماه دل آرا مهدی یوسف زهرا مهدی
زینت عرش و فرش نور چشم فاطمه
ملک لر ائدوللر گل آدیوی زمزمه
دوزللر عشقونن عاشق لرون هر غمه
سنه ایلروک سلام
ای شاه والا مقام
ماه دل آرا مهدی یوسف زهرا مهدی
قلمیم زاره گلوب ایستیور اعجاز ائلیه
درد و غم دفترینی بیر گئجه ده باز ائلیه
سیزدن امداد آلا اوز شعرینی آغاز ائلیه
قصدی یوخ چوخلاری تک بعضیسینه ناز ائلیه
فقط ایستور یازا بو جامعه نون موشکولونی
بلکه بو یئل آپارا شر و فسادین کولونی
گلون ای هم وطنان گردش دورانه باخون
حوریلر بنزرینه جلوه ی شیطانه باخون
خار و خس بیر ساعاتا عطریلی سنبل اولوری
قوردونان تولکی قوزی قارقادا بلبل اولوری
سیرچه مین رنگه دوشور سوندا قناری اولوری
دالدادا گل آچوری یوزده سارالوب سولوری
بو سوزی سیزلره عرض ایلیوروک جاهل لر
شرم ائدون ملتیدن یاتمیون ای غافل لر
پاسلیدی پنجره قالدیق قارادا شرم ائلیون
آز بیزی اوینادون آخر آرادا شرم ائلیون
لنگه دوشسه گر ایشوز چاکر باایمان سیز
ارخیدن کئچدی سویوز قوخمالی بیر شیطان سیز
خوف ائدون توبه ائدون یاتمیون ای گمره لر
ستمون باتلاقینا باتمیون ای گمره لر
اولاجاق بیر گونی کی منجی دنیا گله جاق
بیزه امداد ائلیه یوسف زهرا گله جاق
یاحسین سسلیجاق عشق و وفا کسب ائده جاق
قبر زهرایه اوزی قاره علم نصب ائده جاق
او گونی آل رسولین بو گول یاسمنی
چکه جاق محکمیه ملته ظلم ایلینی
سبک(عزتیم ابالفضل...)
ای گوزل شهنشاه
ای جمالی چون ماه
اولدون حجت الله
یا بقیت الله
سن نرجسین ایستکلی دلداریسن
سن اهل عشقین شانلی سالاریسن
گوزلره ضیاء درد لره دواسن
ادوه فدا ختم الاوصیا سن
ای گوزل شهنشاه
ای جمالی چون ماه
اولدون حجت الله
یا بقیت الله
@asharevelai ???
شانلی شهریاریم
عزت و وقاریم
دلده کی قراریم
شان و اعتباریم۲
ادون اولوبدی دیللرین ازبری
یا حجت ابن الحسن العسکری
گلمیوب اقا عالمه مثالون
یوسفی سالوب حیرته جمالون
ای گوزل شهنشاه ....
@asharevelai ???
شهریار عالم
ای امیر خاتم
خادموندی عیسی
سائلون دی حاتم
خضر نبی دائم کنارون ددی
عاشق ئورکلر انتظارونددی
سن او شاه سن آیه وار قولوندا
گل آقا قالوب گوزلریم یولوندا
ای گوزل شهنشاه.....???
@asharevelai
حق ستاندی مهدی
قهرمان دی مهدی
جدی مرتضی تک
قان الاندی مهدی
بیر گون گلر الده اقام ذوالفقار
ظلم اهلینی مولا ائدر تارومار
گوللنر جهان طلعت جلی دن
نه فلک دولار ذکر یا علی دن
ای گوزل شهنشاه....
سبک(دم اویس است از قرن میاید...)
معاشران ای عاشقان بشارت
اولوبدی مهدی خاتم وصایت
بزندی یرگوی های دوشوب جهانه
کماله چاتدی مذهب امامت
بوگون دولوبدی عالمه صفا
امام اولوبدی ختم الاوصیا
منیم پناهیم
جلال و جاهیم
شرفلی ماهیم
یا مهدی ۲
مهدی
فخر اولیادی
مهدی
دردیمه دوادی
مهدی
عالمه اقادی
بوگون دولوبدی عالمه صفا
امام اولوبدی ختم الاوصیا
?{[■مهدی یا بقیت الله■}]?
@asharevelai
بو مه لقا آیینه ی شرفدی
بو گوهر حیثیته صدفدی
جمالی بنذور جدی مصطفایه
وقاری عینا خسرو نجفدی
دیور ملکلر گویده یک صدا
امام اولوبدی ختم الاوصیا
ملک مثالی
گوزل جمالی
یوزونده خالی
محشردی
اهل عالمینه سایه
شاخدی نوری نه سمایه
واردی صاق قولوندا آیه
دیور ملکلر گویده یک صدا
امام اولوبدی ختم الاوصیا
نیلیوم عشقونده بو دل عاشق و دیوانه دی
سنکیمی شمعه نه تک من چوخلاری پروانه دی
ایت کرمدن بیر نظر هوهو دیین دیوانه وه
گوزلرون قربانی جانیم نرگس مستانه دی
عاشقان سرخوشدی گورسون روی ماهون منتظر
عارفان میخانه ده الده دوتان پیمانه دی
سورۀ ولّیل دورجانا او زلف عنبرون
سن شبیه مصطفا سن عارضون جانا نه دی
باغلیدی تاردلیم اول طرۀ ولّیلیوه
قوی قدم بوگوزلراوسته مقدمون شاهانه دی
آیۀ نور اعلی نوروندی چون دُرّ صَدف
سنکیمی نوری اولوب جدون حسین بیردانه دی
نهضت خونین ایدوب همراه اولوب زینب اونا
ثاری ثارالله اولوب دور چون یولی مردانه دی
هم مظاهر ویردی هم بیر صود امر جانانینه
ماجرای کربلا نه قصه و افسانه دی
تک نه شیعه عیسوی لر آغلیوب دور اصغره
محفل غم مسجد و میخانه وکاشانه دی
(عدلی) بیرعمرقاره پوش اولدی حسینه آغلادی
بیله فکر ایلور اجانب عقلی یوخ دیوانه دی
ساقيا دولدور پياپی جام وير اولدی بهار
عشرتيم آرتار منه همدم اولا دلدار و يار
خواب غفلتدن اويان لطف بهاره ايت نظر
شادي و عشرتددي بلبل اوخور ليل ونهار
پيردوران نوجوان و بو جهانون اهلي مست
باخ بهارون فيضينه آيات حقدن ابتشار
بلبل شوريده دل عاشقدي گُل اوسته اوخور
نغمه سي دلكشدي اما واراوركده غم هزار
گرچه وارهرياندا گُل غنچه آچوب خوش رنگ بو
ياريمون بير عطري وار گلسه مني ايلر خُمار
(عدليا )فصل بهار وگل چيچك يوخ سنده حال
هجرينه افسرده اُولما ايت دُعا گلسون نگار
من كيمم دلداده و شوريده سر
هجراليندن باغريقانم قلبي ياره در به در
هركيم احواليم سوروشسا واهمه اِتمه دِنه
مو پريشان جان به لبدي چون دگوب تير نظر
چشم گريان آه دلده ايسترم من بوگجه
صبح آچولسا اسميه باد صبا وقت سحر
شعله ور ايلرجهاني گر چكم آه اوسته آه
آتشين عشقه آلوشدورام يانار هم خشك وتر
بير آييم وار آسمان و كهكشاندا يوخ تايي
نوروني اوندان آلار بونه فلك شمس و قمر
بولمورم ابرين داليندا گزله نوب چخماز ندن
ايليوب حيران و سرگرداندي اولاد بشر
دلده سوداسي اورك قان جام عشقيندن خمار
رهسپارم دنيادا دنيا محل رهگذر
حسرتم ديدارينه عمروم گچور بو خسته جان
گوزلوري بيرگون گَله اما صنمدن يوخ خبر
لطف يزدان شامل اولسا بير جمعه گَلسه آقام
بولدورر بير عده يه آيا نه دور بو خيرو شر
اوچ يوز اون اوچ ناصريله كعبه دن ايلر ظهور
تا ايده دين ملكون آباد مهدي زهرا گَلر
آتش عشقه اگر چه اود دوتوب (عدلي) يانار
ياندورار هجران اودي بو امتي اوددان بتر
دوشموشم ديلدن نظردن بی وفادور روزگار
سيرناموزوني واردي جسم خسته دلفكار
عاشقم بير دلبره هجران اودوندا شعله ور
آز قالور ديوانه ايتسون تا ايدم من انتهار
ساقي عزت ويروب بير ناب مي مستم خراب
گور ميونجه مه جمالین اولمارام من هوشيار
اي صبا چاتمور اليم اُول پيك حق مندن آپار
بير سلام عرض ايله معشوقه دِنه اي گُل عذار
دلبرا صبريم تالاندي ياندورور هجران غمي
گُل اياقوندان اوپوم من لب اولا چون شهد بار
گور مسم اولسم اگر قبريمده يازسونلا گرگ
بو اُولن ناكام اُولوبدي حك اولا سنگ مزار
ساقيا دولدور قدح ميل ايله سون( عدلي) گينه
سسله سون يابن الحسن گَل دل اولوبدي بيقرار
ای حُجّت حق عالِم و عالَم سنه مایل
عالَم سنیلن عالَم اولار خسرو عادل
ای مهری اولان شمسة ایوان ولایت
سالسان او گوزل نوریوی ظلمت اولی زایل
گل معركة عدلوی قورحق اله گلسون
مظلومه امان ویرمور آقا فرقة باطل
سن حبل متین مُجری احكام خداسن
سنسیز اولا بولمز بو قدر حلّ مسائل
دوندردی یوزون چوخلار آقا حكم خدادن
گل امر ایله قرآن یر اوزونده اولا عامل
ای محرم اسرار خدا عصرین امامی
دریای شرف جود و كرم علمیده فاضل
وار عالمیان ایچره ظهورین اولاجاقدی
اولدی او گوزل ساعته عیسی اوزی قائل
تعجیل ایله چوخ منتظرون واردی ظهوره
گل گورسد اوزون ای شه فرخنده خصایل
عاشقلرون هر گون سنی سسلور آقاجان گل
سن مُنتَظَره مُنتظِرین عشقیده كامل
جرأت تاپوپ اشرار جهاندا اولوب عاصی
سال سایه وی دیوانه لر اوسته اولا عاقل
قوی تاج امامت باشا گل طاقت آزالدی
بسدی نقدر هجره دایانسون بو قبایل
بایرامدی ولی آغلا بیر آز گو گلون آچولسون
چون آغلاماسان جدّینه گَلمز اَله حاصل
گوز یاشیوی جام شوقینه دولدور ایله پنهان
زهرایه آپارحشریده بیر تحفة قابل
اول حالته آغلا اُسرا ناقه لر اوسته
بیر عدّه پیاده ایدوری طی منازل
باشلار ویرولوب نیزیه همراهی اوشاقلار
بیر آن دیمه زینب بالالاردان اولی غافل
شرح ایتموری خامه اُسرایه نه لر اولدی
هرتك تكی دینجلماقا چوخ اولدولا مایل
زینب اورگی قانیله دولموشدی او ساعت
باخدی یارالی باشه اودم دیلده تمایل
بیردن اوخودی نیزه باشوندا یارلی باش
كهف آیه سین اولموشدی اونون جدّینه نازل
بیر قدرت قلب اولدی خانم زینبه گویا
سسلندی فدا عشقوه ای شمس قبایل
زینب اولاقربان او گوزل لحنوه قارداش
قرآن اوخی شرمنده اولا دون و ارازل
تدریس ایله قرآنی اوخی نوحوی «عدلی»
محشر گونی امداده گلر خسرو عادل
امتحان ایلور بیزی سندن خدای ممتحن
بدنظردن ساخلاسون آللهون ای وجه الحسن
سن گلنده گل آچار هر یر اولار باغ جنان
سنسیزهیچ بلبل چمن گورمزگوررزاغ و زغن
روی ماهون ویرنشان رخساره توک زلف عبیر
عطرینه شرمنده ایله تا اولا باغ و چمن
دین و قرآن سنسیز اولدی ملْاَعبه تزگل آقا
اذن آل آللهیدن گل نهضتون ایله علن
من دالونجا بس هارا اُفتان وخیزان حا ل گلوم
راضیم غربت چکم ایل لربویی دور از وطن
اول وجود عالم آراوی ازلدن لطف ایدوب
خالق رحمان ویروبدی بیزلره صاحب زمن
(عدلینون) قالمور الینده پر بها انگشترین
حیله و تزویریله الدن آلوبدی اهریمن
عاشقم بير دلبره چون چهره زيباسي وار
چشم و ابروسی گوزلدی قامت طوباسی وار
جان عالمدي وجودي عالمينه پر ثَمر
ذي حياته رزقه باعث اولماسا هر ير سَمر
قالموش حيرتده نجوم وزهره وشمس وقمر
نـور واحدن يارانموش هم قد رعناسي وار
بو عزيز مصطفي دور زادة خيرالنسا
درد بي درمانه درمان هر غريبه آشنا
كشتي دين و طريقت رهنماسي ناخدا
معجز موسايِ عمراندور دَمِ عيساسي وار
بـو علي اوغلي وصي مصطفي خيرالانام
چشمة زمزم گوزي رخساري دور بدر ِتمام
زمزم و نوريله تاپموش دل رفو زخم التيام
منبع جود و كرمدي سينة سيناسي وار
بار الها چوخ چتيندي درد ايام فراق
آختاررورگوزگورمورامّا چشم بينادن اوزاق
خون زهراني حسيني هانسي وقته آلاجاق
ذولفقار حيدري الده حق یكتاسي وار
گر ظهوره امر ايده الله رحمان و رئوف
نوروني سالسا جهانه آي باتار ايلر خسوف
شمس ديني شمس گورسه گيزلنراولسون كسوف
«عدلي»شيعه حقدي چون مهدي كيمي مولاسي وار
عمریست آوارۀ عشق تو ام من به روز و شب
ای از تبار رسول اطهر و هاشمی نسب
پرده ز رخ بیفکن دل مستفیض کن
یک لب سخن بگوبشنوم ازتنگ لعل لب
قدّم خمیده گشت دیگرز انتظار دوست
یک بار سخن نگفتی و دارم بسی عجب
مجنون وار عمریست در پی ات روان
گه درمدینه جویمت گهی شام و گه حلب
نالـد وجود دست وپا زند بند تار من
برروی دیده مینهم قدمت آیی به صد ادب
دوری مکن ز عاشقت ای قبله گاه دل
از دل برون ببر برود تاب و لرز و تب
گلزارعشق شورندارد وچمن مسکن زغن
بی توندارداین گلستان صفاوچمن طرب
آلوده گشته برریا مسجد ومحراب ودیرها
زان ناله خیزدازعجم شیخ وشاب وهم عرب
معیار دین زکف این وآن برفت حرام
حلال گشت به فتوای مفتی وهم خطب
(عدلی) بنال به درد دین گریه به افعال بد
پاسخ بده سئوال شد این موجب آن شد سبب
کونلوم فراق یاریده یار ، ایستر ایستمز
یارین یولوندا اولسادا خوار ایسترایستمز
آهیم اوجالسا پهنهء آفاقی یاندیرار
آهین شَراری سینهء زار ایستر ایستمز
هم شوق وصله هم بِله هجرانه آغلارام
غَلطان سِرشکی توزلی عُذار ایستر ایستمز
بلبل قوناندا ایستدیگی گُل بُداقینه
وصل عالمینده خَنجر خار ایستر ایستمز
مجنون وصال لیلیه صحرا لَری گَزر
یورقون یخیلسا نازِ نگار ایستر ایستمز
یاریم منیله اولماسا دنیانی نیلورم
نوری گَزن گوزوم نِجه نار ایستر ، ایستمز
پروانه نی هَله دِئمورم اولسون اولماسون
اَنوار شمعی بو شب تار ایستر ایستمز
جیران قاچاندا چوللَر اَرا دوشسَه بَنده گر
اوچی گوروشمگین او شکار ایستر ایستمز
اول حاله قالمیشام که اَجلده آتوب منی
شوریده باش بو حالیده دار ایستر ایستمز
(نادر) بو یولدا عشقه طرف خالصانه گِئت
خالص قزیل مَحکده عَیار ایستر ایستمز
ئورگیم غصه لیدی،یابن الحسن ایله نظر
عربستاندا اولور شیعه لرون قانی هدر
جرمی آیا ندی اعدام اولونوب شیخ نمر؟
اف اولا آل سعودین،نسخ ماضیسینه
لعن اولا حکمینی امضا ائلیین قاضیسینه
قالمیشام یابن الحسن،هانسی بلادن دانیشیم
ویر اجازه آقا،تا،جور و جفادن دانیشیم
حاجیلار ظلمی گورن،قانلی منادن دانیشیم
بولارین شیعه نی ،ئولدورمه دی،اصل هدفی
باخما سقلرینه،هیچ بیرینون یوخ شرفی
لعن اولا مفتیلرین،باطل اولان مکتبینه
لعن اولا دهریده عبدلوهابین،مذهبینه
ابن عبدالعزیزین،هم ئوزونه،منسبینه
گله جاق مهدی آقا رشته ی ظلمی قیراجاق
اولارین یکسره شخصیتینی،سیندیراجاق
نسل خولی و عمرسعدیله،مرواندی اولار
سایه ی شیطان و اسرائیله هر دم سیخیلار
چاپوری توسن ظلمی،ولی بیر گون یخیلار
دگجک،شیشه ی عمری اولارین حق داشینا
ائله ئوز دوستلاری،بیر گون توکجک کول باشینا
اولدی نیمه ماه شعبان تنه جان گلوب
مرحبا مبارك گل عشق و ايمان گلوب
میرمومنان گلوبدی //// صاحب الزمان گلوبدی
سامرا اولوبدی درخشان گلوب ماه عشق
باشدا تاج شاهي جهانه گلوب شاه عشق
مژده شیعیانه داخي غمدن آزاد اولون
مهدي گلدي باز اولدي آخرده درگاه عشق
میرمومنان گلوبدی//// صاحب الزمان گلوبدی
عرش و فرشه دولدی بوگون جن و انسان سسی
هلهله ایدولله گلور حور و غلمان سسی
عسکری ایوینده نه شور نه غوغا اولوب
قوزانور سمایه هر آیینه قرآن سسی
میرمومنان گلوبدی//// صاحب الزمان گلوبدی
نرگس اولدی الله بوگون عالمه مفتخر
گلدی عالمه چون که دلدار ثانی عشر
شکر ایدوب خداوند حی و قدر قدرته
نرگسه عنايت قيلوبدي بيله گل پسر
میرمومنان گلوبدی//// صاحب الزمان گلوبدی
گلسه انتقام شهیدانی مولا آلار
عالمه اناالمهدی فریادی طوفان سالار
لرزه دشمنان خدانین دوشر جانينيه
جان کفر و شرکه گلر اود قالار
میرمومنان گلوبدی//// صاحب الزمان گلوبدی
(آذرین ) گوزتله اوجوز ساتما سن ایمانی
ایتمه بایگانی ایوينده غریب قرآنی
سویله صاحب عصره مولا اوزون تز يتير
یرده قویما قالسین آنون جانی اصغرقانی
میرمومنان گلوبدی//// صاحب الزمان گلوبدی
اي حجت ثاني عشر / درده دوا مهدي
عالم قدوموندن اوپر / اي مه لقا مهدي
گوزل جانان **** سنه قربان
سن سن بيزه مولا //// بيزه بير قيل نظر
ميلادونده شيعه //// سنه قربان كسر
يابن الحسن اي خسرو خوبان آقا
ميلادون سنون حيدره تبريك اولا
اي عسكرينون دلبري /// حيدر نما سن سن
دنيايه خوش گلدون آقا /// درده دوا سن سن
اي نرگسين جانانه سي /// عطرون نه خوشبو دي
كان كرامت سن آقا ///مشكل گشا سن سن
گوزل جانان **** سنه قربان
سن سن بيزه مولا //// بيزه بير قيل نظر
ميلادونده شيعه //// سنه قربان كسر
يابن الحسن اي خسرو خوبان آقا
ميلادون سنون حيدره تبريك اولا
بوگون دولوبدي سامرا /// نور امامتدن
حور و ملك گويدن انور /// شوق ولايتدن
نرگس بوگون فخر ايليور /// دنياده نسوانه
اولدي خرامان عسكري /// بيله سعادتدن
گوزل جانان **** سنه قربان
سن سن بيزه مولا //// بيزه بير قيل نظر
ميلادونده شيعه //// سنه قربان كسر
يابن الحسن اي خسرو خوبان آقا
ميلادون سنون حيدره تبريك اولا
گوزلر يولون دا انتظار /// قالدي آقا تز گل
درده بيزي داي فرقتون /// سالدي آقا تز گل
اي منقم اي قان آلان /// خنجر بلوندن چك
يرده علي اصغر قاني /// قالدي آقا تزگل
گوزل جانان **** سنه قربان
سن سن بيزه مولا //// بيزه بير قيل نظر
ميلادونده شيعه //// سنه قربان كسر
يابن الحسن اي خسرو خوبان آقا
ميلادون سنون حيدره تبريك اولا
فارسي
ای حضرت صاحب زمان / کان وفایی تو
بر درد عشاق جهان / جانا دوایی تو
آیینه دار مرتضا /برعسکری دلدار
معنای فتح و مجری /صلح و صفایی تو
به ما مونس ***** گل نرگس
ماه رخ تو شد به زمین جلوه گر
شرمنده شد از نور جمالت قمر
یابن الحسن ای خسرو خوبان آقا
میلادت مبارک گل باغ وفا
اي ماه برج معرفت / تا كي نهاني تو
اميد دلهاي حزين / جان جهاني تو
چشم انتظاران رهت / داده زكف طاقت
گرچه نهاني ازنظر / در بين جاني تو
نظر بر ما ***** كن اي مولا
اي منتقم خون شهيد ان عشق
باز آ و رجز خوان به ميدان عشق
یابن الحسن ای خسرو خوبان آقا
میلادت مبارک گل باغ وفا
در اهنگ: ( یوسف زهرا بیا ... )
نیمـة شعبـانیـده منجـی عـالـم گلـوب
پـاره ای از سینـة حضـرت خـاتم گلوب
یارِ ضعیفان گلوب * روحی لره جان گلوب
دردی اولانلاره دِه * دردلره درمان گلوب
عشقیمه آدی سَنَد - یـا اباصـالح مدد
یـوخـدی نظیـرون شهـا شـاه ظفـرمنــدی سـن
بَضعِــة جـان علـی فـاطمــه دلبنــدی سـن
معنـی قـرانی سـن * جنته ریحانی سن
سنده ابوالفضل کیمی * فاطمنون جانی سن
عشقیمه آدی سَنَد - یـا اباصـالح مدد
سـن داریخـان دیللـرین صبـح مَسـا آهـی سن
آزدی دئسـم گـر سنـه شـاهیلـرین شاهـی سن
سینیـه حَکدی آدون * نان و نمکدی آدون
آدلار ایچینده سنون * سیدی تکدی آدون
عشقیمه آدی سَنَد - یـا اباصـالح مدد
فاطمـه دشمنللـری گورنجـه طغیـان ائدور
زینبـه ظلـم ایلیـوب قلبیللـری قان ائدور
ای گـلِ اهـل ولا * قویما اورکللر دولا
شیعه لره رحم اله * گل ائوین آباد اولا
عشقیمه آدی سَنَد - یـا اباصـالح مدد
ای شـه کـون و مکـان یابـن الحســن السـلام
درده گلـوب سینـه لـر سن بـول آنـان ائت قیام
سروی کیمی آچ خولون - شیعه گوزتلور یولون
گل آقا جـان شیعـه لر - تا آلالار ساغ صولون
عشقیمه آدی سَنَد - یـا اباصـالح مدد
گزورم لحظه به لحظه سنی دیوانه کیمی
گوزله یادان چیخادارسان منی بیگانه کیمی
یاندیریر شمعی کیمی گر سنی غمللر گوزلیم
شعله عشقیوه یانام آقا پروانه کیمی
تا اوتوندا آلیشام ؛ چونکی وفا ایلینم
بولدورم عشقیمی من عاشق مستانه کیمی
بو کیچیک قلبیمی من عشقیوه عنوان الدیم
سنده قبول اله بو قلبیمی کاشانه کیمی
آپاروب عشقیوی گر حبث ادلر زنداندا
گجه گیزلین گلرم یانیوه زندانه کیمی
گر دئسون منن اوتور قال بو حهنمده ؛ اینان
الرم دوزخی بو قلبیمه بیر خانه کیمی
گر جهنملیخ اولام سنده بهشلیخ اولاسان
گئدرم خواهشه من تا دره یزدانه کیمی
دییرم دوزخه گتسین سنی گر سویله سه یوخ
گجه داغ داشدان آشوب گلم او رضوانه کیمی
در آهنگ (گل پونه ها )
لطف ائـدوب حی تبارک
جشـن میلادون مبارک - یابن الزهرا (2 )
قامتون زیبا لَبـون آی
گوزلرون گونن ده گویچک -یابن الزهرا (2)
شوریله سینه دولوبدی*یابن الزهرا خوش گلوبسن
نیمـة شعبان اولوبدی * یابن الزهرا خوش گلوبسن یابن الزهرا
ای اولان هــر درده درمـان
خوش گلوبسن،خوش گلوبسن
آدیــوه عشـق اهــلی قربان
خوش گلوبسن ،خوش گلوبسن
شـوره زهـرا و علی و –
حضرت خاتم گلوبدی – جان گلوبدی (2)
جنت العـلا بَـزَنـدی -
مُنجـی عالـم گلوبدی - جان گلوبدی (2)
گل آچوب گلشنده گللر * گلـدی آقـالـر آقاسی
شاد و خُرم اولدی دل لر* گلدی زهرانین بالاسی یابن الزهرا
ای اولان هــر درده درمـان
خوش گلوبسن،خوش گلوبسن
آدیــوه عشـق اهــلی قربان
خوش گلوبسن ،خوش گلوبسن
ای اولان دردیم دواسی
شیعـه لـر آدون فداسی – یابن الزهرا (2)
عشقوون جان مبتلاسی
هارداسان زهرا بالاسی - یابن الزهرا (2)
نـور چشـم مـرتضـاسن * هم عزیز قلب طاها
هاردا قالدون بسدی تئز گل * ای عزیز جان زهرا یابن الزهرا
غم ائدوبدور قلبی ویران
یابن الزهـرا یابن الزهـرا
گل گلـن یـولاره قـربان
یابن الزهـرا یابن الزهـرا
یابن الحسن ندن دی چوخ انسان یالا دیور
علت ندور بیر عده مسلمان یالان دیور
اوچ یوز اون اوچ نفر که سنون وار بجز اولار
یکجا ویکصدا هامی یکسان یالان دیور
هرنه فرج دعا سی اوخلار اینانما سن
هرتک تکی بروح شهیدان یالان دیور
مصلح یولین یهودیده گوزلور مسیحیده
چوخ سهلیدور یهودی مسلمان یالان دیور
قاءل اولان ظهوروه آخر یالان دیمز
شاهدی آیه آیه ی قرآن یالان دیور
بو حجتیه انجمن جمکرانچیلار
یکسر بغیر رهبر ایران یالان دیور
واعظدی موعظه ایلیور گورمورم اثر
زاهد ایدور عبادت سبحان یالان دیور
شاعرده ظاهرایازور شعر جدوه
اما یازور که میل ایلسون نان یالان دیور
هرکیم سنون تولدوین سالگرد ینه
بازاری ایلیوبدی چراغان یالادیور
گزلینجه جز ءی مبلغی ایسته فقیر ایچون
ثابت ایدیم که صاحب میلیان یالان دیور
اما تظاهراته بیوک سفره پهن ایدور
بش یوز جماعته ویروراحسان یالان دیور
چوخلاری ایستیور ایوی خلقه نشان ویره
هیءت سالور بو نیمه ی شعبان یالان دیور
جوشن کبیری کونده اوتوز یول چیخور باشا
بیر زره یوخدی بخشش واحسان یالان دیور
اولسا ریایی ایش آدینی باشدا یازدیرار
گر بی ریا بیر ایش گوره چوخدان یالان دیور
سسلوردی کوفه ملتی جدون حسینی ده
اولمادی بیر نفردیه قربان یالان دیور
اولده گوندروبدی نماینده مسلمی
گورسون که کوفه اهلی نه میزان یالان دیور
هریرده گزلنوبسن آقا چخما آشکارا
هرکیم که سسلنور سنی الان یالان دیور
چک تیغوی امام زمان آل بوقانلاری
محوه ایله بینوالره سیلی ویرانلاری
گردنکشانی ور که ضعیفانی ویردیلار
ظالملری که جمع پریشانی ویردیلار
مستِ مستم حالیمی مستانه لردن آل خبر
مِـی ایچنده دردیمـی پیمانه لردن آل خبر
فرقتوندن اولموشام میخـاره لر مِثلـی دَلـی
بیر گون ئولسم‌نعشیمی‌میخانه لردن آل خبر
اولموشام‌شهر ودیاریمده‌غریب‌اوغلی غریب
ئوز دیـارینده ئـولـن بیگانه لردن آل خبر
ایله ویران اولموشام فرقت غمیندن ای نگار
چولده مَخروبه اولان ویرانه لردن آل خبر
عشقون‌ایلوبدی منی‌دیوانه‌لر سردسته سی
اِقتدا ایلوب منه دیوانه‌لردن لردن آل خبر
دیلده‌آدون‌فکر ائدورسن‌آز‌دولاندیم چوللری؟
خانه‌خانه،چول بَه چول،کاشانه‌لردن آل خبر
شعله‌ی عشقونده یاندیم گولدولر پروانه‌لر
من یـانان وقته گُولن پروانه لردن آل خبر
لااقل بیر دفعه‌گل سویله پریشان نیلسون
آز دئنن فرقت غمین فرزانه لردن آل خبر
اذن وئرسن سِوگیلی دلبر غلام اوللام سنه
تا ابد ای عشق پیغمبر غلام اولام سنه
او سر زولفون کیمی حالیم پریشاندور منیم
آغلاماقدان قان اولور گوزللر٬ غلام اوللام سنه
بولمورم او حلقهٔ زولف سیاهینده نه وار
اولموشام آوارهٔ چوللر غلام اوللام سنه
گَل منی یاندیرما هجران آتشینده رحم ائله
بیر نظر بسدور گُل حیدر غلام اوللام سنه
کیم سنه یوسف دئسه حقّونده انصاف ایتمویوب
یوسف کنعان اوزی سوئلر غلام اوللام سنه
یوسفه بیر عمر یعقوب آغلادی یابن الحسن
آغلوری شیعه سنه یکسر غلام اوللام سنه
چوخ دولاندیم عالمی سندن وفالی گورمه دیم
آنداولا زهرایه تا محشر غلام اوللام سنه
بیر باخیش باخسان گوز آلتی ای عزیز فاطمه
گور منه او بیر باخیش نیلر؟ غلام اوللام سنه
اولماسا لایق «فقیر» اؤپسون لبِ شاهنشهی
جای پایی آرزو ایلر غلام اوللام سنه
گَل منی یاندیرما هجرینده گوزل انصاف ائله
یوخدی طاقت عاشق دلخسته ناز ائلمه
یوخدی دنیاده مروّت عهدینه بِل باغلاما
خون دلدن ایتموشم پژمرده رخساری بِئله
شاکریم دیوانه لیق آدی اولوب حک سینمه
اول منه لیلا، دوشوم مجنون کیمی چولدن چوله
یوخدی امیّدیم چاتا بیرده الیم دامانینه
عاشقین تقدیرینه یانماخ یازوبلار یوخ گِله
نرگس مستون خیالی عقلیمی الدن آلوب
برقِ چشمینن «فقیرین» جانینی آل دینجله
طاقتیم یوخدور گورم اغیاریله یار اولموسان
آیریلیق دردی منی سالدی ایاقدان نارگیله
ماه کنعانسان ولی اولدون رقبین سوگلی
گول گرک خاره نصیب اولسون خزانلار بلبله
یولدا قالدی گوزلریم ای جاندان آرتیق گلمه دین
وعدهٔ وصلیله سالدون سن منی چوخ مشکله
گامه دین پوزدون« فقیرخویونون» پرگارینی
بیرقدم گلمخ قایتماخدا واریدی فاصله
ظلم عرشه دایانوب داده یتیر یامهدی
ذوالفقار الده گل امداده یتیر یامهدی
آغا گل گور نجه بیر عده نی طغیان ایلیری
بوقَدَر ظلمی نه نصرانی مسلمان ایلیری
آغا گَل کشور اسلامیده انسانلارا باخ
سنی زهرا بو ایکی اوزلی مسلمانلارا باخ
ایاق آلتوندا قالان شیعه ده وجدانلارا باخ
چوخ سوزوم وار اوتانیر خامه،الیمده آلیشیر
بیزی ارشاد ایلینلرده یالاننان دانیشیر
گجه هئیتده اولور اشکی یوزوندن جاری
یاحسین سسلوری اما اوزون آل گفتاری
گینه رایجدی گونوز رشوه ربا بازاری
نیه عجّل فرجه فکری پراکنده ائدَخ
چاغوراخ صاحب عصری اونی شرمنده ائدخ؟
آغا بیر عده گینه دعوی قدرت ایلیری
آدینی شیعه قویوب خلقه خیانت ایلیری
بیزه هر نیلیری اول میز ریاست ایلیری
مطلبیم شیعه دی،،،چونکی بیز علی نوکریوخ
ظلم ایداخ ظلمه اَیَخ باش،دِئه روخ حیدریوخ؟؟
دردیمیز چوخدی ولی قدرتیمیز یوخدی آغا
دهریده عَمْر کیمی عاص کیمی چوخدی آغا
بعضینین موعظه سی قلبینیزه اوخدی آغا
چونکی عامل دگی بعضی او دِئَن سوزلرونه
دینی بازیچه ایدوبلر علنی اوزلرینه
دوز، حلالدان سودامَن، ظالمه باش اگمویَجخ
الی گیتسه الینی ظلم الینه وئرمویَجخ
بو «فقیرین» سوزودی هر قاپویا گلمویجخ
بیر اشاره ایلدیم هر کسه باش اگمموشم
نه تملّق نه ده ال هر اله من وئرمَموشم
ای یوسف زهرا، شرفِ هستی عالم
فرزند سلحشور علی،جاهد اعلم
ای حجت بر حق خدا،قائد اعظم
چیخ پرده ی غیبتدن،ابر مردِ دلاور
اوضاع قاریشوب،ملتِ مظلومی اَزیلّر
ای رهبرِ شایسته ی بر حق ولایت
ای گوهر رخشنده ی دریای شرافت
برپا ائله عدلِ علوی، مردِ عدالت
بیر عصریده یوخ،حقیمیزی الدن آلوللار
بو ملّتِ محرومی یامان درده سالوللار
گر مکّه ده منشأ تاپولوب منبع ایمان
پیغمبره نازل اولونوب مکه ده قرآن
الساعه اولوب مرکز تکفیر عربستان
اسلام بئلین بوکدی اگر قوم یهودی
دین آدینه،دینی یخیری آل سعودی
ای منجی عالم پسر شاه ولایت
گل گور نجه غوغا ائلوری جرم و جنایت
اسلامیده کیم زائرینه ائتدی خیانت
یازدیم بو سوزی پرده ده،چون سینه یارادی
بوندان سورا حج،شیعه لره کرب و بلادی
یوخ شیعه لرون سینه ده،سندن سورا تابی
ای داعشیان،آل سعودیله وهابی
آند اولسون ابوالفضله بودی شیعه جوابی
چیخسون گوزوز ای حامی ننگین سقیفه
تا محشر کبری بیزه حیدردی خلیفه
قلبیم داریخوب هارداسان ای یوسف زهرا
سن بول آناوین جانی یتیر داده یوبانما
سندن سورا یوخ،دادرسِ امّت طاها
اوچ پر اوخیلا،سینه ی ایمانی سوکوبلر
اول اوخ کی آچوب سینه ده یِر،کینه اکوبلر
بیر عده یه بازیچه اولوب دین پیمبر
دکانِ تجارت اولونوب،روضه و منبر
مرحبلر اوچون یوخدی داخی فاتح خیبر
چوخلاری دئیوب حقّی،بظاهر آلوشوللار
باطنده علی جانی،یالاننان دانیشوللار
بیر عده نین عالمده دی زر بود و نبودی
احسان ائلوری یوخ ولی مستضعفه سودی
ظاهریده مسلمانیدی،باطنیده یهودی
بیر عده نین احوالی،پراکنده دی مولا
ساده یازیرام،چوخلاری شرمنده دی مولا
بعضی چابالور صبحه کیمی،بحر بلاده
بعضی چالوشور،صبح و مسا،رنج و جفاده
بعضی پر قوده یاتوری،تخت طلاده
تبعیض و تملق،پوزوری حالِ "فقیری"
داش باشینه گر اولسا بو دنیانین اسیری
یابن الحسن ، ای شه کون و مکان
دالدالانوب سایووه هفت آسمان
گون سنه خاطر یئره نورین سالور
آی دا که سندن آقا فرمان آلور
لطفووه وابسته دی هفت آسمان
سنله قالیب زنده زمین و زمان
حق سنه وئرمیش نئجه گور اختیار
گوزلرووه باغلیدی لیل و نهار
بیر باخیشون یئر گویه فرمان وئرور
مهر و مهه رخصت جولان وئرور
گورست آقا جلوهٔ پیغمبری
مشتریدور گوزلرووه مشتری
عطرون آقا گللری سرمست ائدور
عشقووه بلبللری پا بست ائدور
خاک رهون سرمه دی حورا لره
هر نفسون جاندی مسیحا لره
سن دانیشاندا یئره مرجان یاغور
نور یاغور ، آیهٔ قرآن یاغور
ماه رخون ایله عیان ای زعیــم
طوریده لبیک دئسون تا کلیم
قامتووی ایله نمایان آقا
تا سنه عیسی ائلسون اقتدا
یوسف اگر گورسه خَد و خالووی
عالمی حیران ائدن اجلالووی
جلوه رخسارووی گورسه اگر
بارماقینی شوقیدن حتما کسر
شعره سیغیشمور حسناتون سنون
شعره ییغیشمور وجناتون سنون
من هارا ، مدحون هارا یابن الحسن
چوخدی اوره کده یارا یابن الحسن
قوی آقا بیر آز الیوم درد دل
عفو ائله مولا ، خجلم من ، خجل
بیر نظر ائت گردش دورانه باخ
ظلم الیوب عالمی ویرانه باخ
ظلم و ستم سایه سالیب عالمه
ظلم اولونور خیل بنی آدمه
واردی سوزوم عفو ائله یابن الحسن
چوخدی اوره کده گله یابن الحسن
حق دانیشان دیللر آقا لال اولوب
خون شهیدان نئجه پامال اولوب
ظلم و ستم رونق بازار اولوب
ملته ابلیس جلودار اولوب
ترسه اولوب مملکتون هر ایشی
عورته بنذور قویوب آدین کیشی
رخت زنانه گیوری قاش آلور
معرکهٔ فسقیده شاباش آلور
بعضی زنان مذهبی ایلوب خراب
باطل اولوبدور آقا حکم حجاب
ائوده محبت ائلمور محرمه
زینت ائدور صورتی نامحرمه
بعضیده اولموش اوقدر ناسپاس
اللهی گورمور ، الیور اختلاس
حقینی پامال الیور ملتین
مال حرامه ساتور حیثیتین
نقل محافلدی یالان ، سیدی
غیبت ائدورخلق عیان ، سیدی
فسق و فجوریله بو دنیا دولوب
ایندی ربا ، خلقه مربا اولوب
مصحف قرآنه باخان یوخ آقا
آیهٔ رحمانه باخان یوخ آقا
سینه لری گرچه محن داغلیوب
مذهبی بو هیئتیلر ساخلیوب
هیئتیلر اُسوهٔ غیرتدیلر
تابع فرمان ولایتدیلر
هیئتی غوغاده ایتیرمز ئوزین
هیئتی نامحرمه تیکمز گوزین
هیئتی عاقل اولار ، هذیان دئمز
هیئتی هر لقمه نی والله یئمز
هیئتی هریئرده ریادن قاچار
هیئتی واللهی ربادن قاچار
هیئتی اولماز ابداً ناسپاس
هیئتی الحق ، ائلمز اختلاس
هیئتی یا شاعر و یا نوحه خوان
سینه ویران ، شوره گلن ، آغلیان
نوحه دین نوحه دئمز پاکته
ساتماز حسینون آدینی ثروته
سینه ویران شهرتی باشدان آتار
باشدان آتار شهرتی ، عرشه چاتار
دادلیدی قوی منده دیوم بو سوزی
کیم گوره بیلمور بیزی چیخسون گوزی
هیئتی ام ، هیئتی ام هیئتی
واردی وجودیمده علی غیرتی
هیئتی ام خاک ره حیدرم
عالمه من بیر توکونی وئرمرم
داده گل ای شه عصر و زمانه
سایه ی رحمتووی سال جهانه
سسلورم یابن الحسن گوزلورم تاگله سن
یابن زهرا
العجل یابن الحسن۲ یابن زهرا
فرقتوندن آقاجان من فکارم
باخورام یوللاراچوخ بیقرارم
گوزلریم یولداقالوب باغ عمروم سارالوب
یابن زهرا
العجل یابن الحسن۲ یابن زهرا
ابرظلمت بوریوب آسمانی
ظلم اولورخلقه عیان ونهانی
قالمیوب ذره وفا اهل دنیاده آقا
یابن زهرا
العجل یابن الحسن ۲ یابن زهرا
آل اله تیغ شرر بارعلینی
ویرنشان عالمه پیکار علینی
ظالمون نسلینی کس چکمسون بیرده نفس
یابن زهرا
العجل یابن الحسن۲ یابن زهرا
گل مهیاایله تزکاروانی
جمع ایله دورووه بو عاشقانی
شیعه لر باغلیاصف قبرزهرایه طرف
یابن زهرا
العجل یابن الحسن ۲ یابن زهرا
ویرمه میش شیعه لر الدن قرارین
ویرنشان لطفیله زهرامزارین
شمع غم یاندیراروخ بزم ماتم قوراروخ
یابن زهرا
العجل یابن الحسن۲ یابن زهرا
بزندی سراسرعالم امکان
مهدی گلدی دنیایه شاداولدی یاران
باغ جناندازهراگولدی دوباره
قویدی قدم عالمه حجت دوران
آچدی گوزون جهانه//آقاصاحب زمانه
تهنیت اولسون بیزدن منتظرانه
یامهدی یامهدی مولا یامهدی 2
قورتاردی غم عزیزان باشلاندی بهجت
یتیشدی شیعیانه وقت مسرت
حوریلربشیگینون اطرافین آلوب
خدمت ایلمگه چکوللر منت
دیده لری شهلادی//چون سرودل آرادی
چیخوب پرده دالیندان ماه زهرادی۲
یامهدی یامهدی مولا یا مهدی۲
گوزلریمیزیولدادی تامولاگله
گله شیعه نون قلب زاری دینجله
دعاایلیون یاران غیبت قوتارا
زهرانو گوزل اوغلی سفردن گله
ای صاحب زمانه//ای زهرادن نشانه
ویربرات کربلا سن عیدیانه
یامهدی یامهدی مولا یامهدی ۲
