اشعار و پندیات

ال چکن هر بیر ریاستدن یقین دانا اولار
ما ل دنیا و ریاست طـعمۀ دنیا اولار

ایتمسه حقّ ضعیفانه توجّه سلطنت
اول ریاست درده دگمز پَست و هم اَدنا اولار

گر فضانی دولدورا حبّ ریاست هم غرور
مرغ عشقه یر قفس دور لاجرم سُکنا اولار

در بدر اولسا حقیقتدن عدالتدن بیری
میل ایدر زهر هلاهل میزبان اعدا اولار

ایت صبوری دنیا دا گرمشکلون حلّ اولماسا
نکته دانه چون صبوری لازم الاجرا اولار

حق سنی کِتم عدمدن ایلیوب صاحب وجود
عامل اول حمد و ثنایه بو عمل زیبا اولار

حاجتی سن حقدن ایسته یوم گوزون نااهلیدن
قدیوی معبوده اگسن اول قدون رعنا اولار

شاکراول که شکرنعمت نعمتون افزون ایدر
ساجد وراکع اولانلار دیده سی شهلا اولار

هرنه ایستورسن ایسته ایستمه قوت و یموت
یرچوخ اولسا قارداچوخ پاروایدن ایذا اولار

کشت زار معرفتده احترام والدین
بهرمند ایلرسنی صدق و صفا پیدا اولار

حیله وتزویری (عدلی) جسم وتندن ایت اوزاق
شاعران ایچره سنون نطقون قوی گویا اولار

• یکشنبه
• 14
• دی
• 1399
• ساعت
• 22:22
• نوشته شده توسط
• یوسف اکبری

ای بشر شاه اولاسان یا که گدا اُلملی سن
یا غنی سن یا که جزء فقرا اُلملی سن

نوح تک دنیادا عمرون اولا گرعَمرایده سن
خضرتک گر ایچسن آب بقا اُلملی سن

کاسه گر دولسا سوئی آخری لبریزاولاجاق
ظرف عمرون داشارآخرایکی پااُولملی سن

یتیرنده باشون اوسته ملک الموت اگر
یالواروب عجزایدسن هرنه دعا اُلملی سن

شمع تک شعله چکوب تاسحره قالسان اگر
وار نسیم سحری اسسه صبا اُلمَلی سن

نقدرصدق وصفا واردی صداقت گینه وار
چون صداقت که گیدرگیتدی صفا اُلملی سن

مهر دریاسی حسیندی بواورک اوردا بالیق
سعی ایله چخما سودان اولما جُدا اُلملی سن

دردیون دردینه درماندی علی آل علی(س)
اولماسا گر حالوا بیرجه دوا اُلملی سن

مرحبا «عدلیه» هیچ دوتمادی عمرونده مقام
دیدی بو منزلته یوخدی وفا اُلملی سن

• چهارشنبه
• 17
• دی
• 1399
• ساعت
• 22:41
• نوشته شده توسط
• یوسف اکبری

ای دل غمديده منی غملره ايلدون سپر
خوار اِئلدون زمانه ده روحيمه ايلدی اثر

دورۀ معرفت هانی كَمدی بو عصريده ادب
بو صفت زمانه دی او تدادی ياندی بال و پر

ياخشی پيسه زمانه ده فرق ندن قويانموروق
چون گورورخ مساويدی هم قازاشی هم ده ضرر

ريشه قيران گُل ايلدی آلدی نقدری اعتبار
بو دَدِ معتبرليقا قان اودورام خونِ جگر

بس كه يالان دانشموشوخ دل اونا عادت ايليوب
آللها دشمن اولموشوخ ليك خداده واردی صبر

اولما پناه اغنيا بدعت و رسم بددی بو
كج يولی گيتمه بير دايان راه خدادی معتبر

اولسا اصالت آدمه اُلسه قالار بيرآد فقط
جسمووی يورماخسته دی ايلمه بيله خسته تر

ياخشیلاراولدولرگيدوب ترك ايلدی زمـانه نی
واضح و روشن ايليوب بيزده گرگ ايداخ سفر

حاصل عمرمن اولوب فكربجای زندگی
ايلموری رها منی دهريده فكر خيرو شر

قدريوی بولميوب بيری بولميه كاش تاابد
منصب شاهلوقون كه وارحسينه اولموسان نوكر

سن كه حسين وزينبه عاشق اولوبسان(عدليا)
ايليوب اوزلری نظرسنده تاپولدی بو هنر

يازكه فدا اولوب حسين دينينه دينی تا قالا
پرچمی قانلی دور هنوزوار نقدر جهان اسر

نهضته ال قويوب حسين ايلدی شوريلن قيام
واردی ادامه سی هنوز ريشه سالوبدی پرثمر

پايه سی عشق و خونيدی خون خدای لم يزل
ايل بويی ياحسين سسی دولدوری عالمی گلر

نقطۀ عطف دور بيزه ماه محرمده دَهَه
وار يری شيعه سی توكه گوز ياشنی شام وسحر

صود امرين ويرَنده ليك نُه فلكی گتدی غمه
فاطمه نين اوغلی حسين شيعه لره نور بصر

واردی قلوب شيعه ده مهر و محبّتون حسين
چوخلاری قبريوی گوره آرزی ايدورايله نظر

بيرده برات كربلاايستوری (عدلی) ای شها
گوز تيكوب آستانوه گوزلور اولا هاچان خبر

• چهارشنبه
• 17
• دی
• 1399
• ساعت
• 22:59
• نوشته شده توسط
• یوسف اکبری

فانی دنياده بشر سند نصورا بير نام اولار
خير عمل سندن گيدر قالسا قالان آلام اولار

طول ويرمه بو اَمَلْ لر سود ويرمز ايت عمل
گلمسه دم باز پس اُولماق سنه بير گام اولار

اولماچوخ راحت طلب آزعمروده يوخ دوروفا
گر قناعت پيشه اولسان قلب و دل آرام اولار

مست می انفاق اگرايتسه صفادن ايله مز
باسخاوت ايليين مستی دولی بير جام اولار

مال چوخالسا مين بلا دامون قورار تور آتماقا
تا سالا بند كمنده سالسا محكم دام اولار

گرمقامون واردی نرم اول عزل اولارسان تندخوی
باخما طفل بد اداده ناز چكن بير مام اولار

خلق آرا دنيا بويی وار فرق بين علم و جهل
عام وعالم خامه يازسافرق تك بير لام اولار

مكتب مولاده (عدلی) روزوشب خدمت ايله
فانی دنياده قالان سند نصورا بير نام اولار

• چهارشنبه
• 17
• دی
• 1399
• ساعت
• 23:59
• نوشته شده توسط
• یوسف اکبری

دئدیم ای پیر خرد خَم ندن اولدی کمرون
آنا دوغدی بیله یا ارث قویوبدی پدرون

غم پنهانسی صد شوریده چون زاره گلوب
گیچه جاقلارسوزی مین سازیله گفتاره گلوب

دئدی "یوخ" باده سینه قلبیمی ائدّیم خوش و مست
گوگلی بیزارائلدیم هارداکه گوردوم اولی هست

هستینی من یوخا وئردیم ولی افسوس که یوخ
حسرت هستیده اگدی بلیمی اولدی شکست

• پنج شنبه
• 18
• دی
• 1399
• ساعت
• 13:15
• نوشته شده توسط
• یوسف اکبری

قالمیوب دنیاده مِحنت تا قیامت غم یمه
نه قالوب مال و منال و نه ریاست غم یمه

بوخراب اولموش جهان هم گولدوروب هم آغلادوب
آخره قویموب قالا عزّت نه ذلّت غم یمه

آج اگریاتسان روادی منّته اگمه باشون
مرد عاقل چکمیوب دنیاده منّت غم یمه

نچّه یوزلی بی حیا لردن اوزاق گز عمروده
رزق مقسومون ویرر صاحب عدالت غم یمه

یوز چوور درد و غمه آت بالش نازه باشون
عمری طولانی ایدر هرخواب راحت غم یمه

روزوی لله ویـرر هر کوششه انـدازه وار
گوندوزی ایشله گجه ایت استراحت غم یمه

هرمرض اولسا بدنده گولماق ایلربر طرف
جاگزین اولسون گرک گولماق ومحنت غم یمه

جان سلامت دورنفس گلدوقجا شکرحقّ ایله
صحت جان اشرفیدور سِکّه ثروت غم یمه

ذکر یزدانیله آباد ایله سن دل ملکونی
قادرومنّان سنی ایلرهدایت غم یمه

بوشلا دارونسخه نی می ایچ گجه صبحه کیمی
سجدیه راز و نمازه تاپ فراغت غم یمه

بوشلا دنیاده مقام و مکنت و هرفرقه نی
سنگ صبراول همّ و غمده ایله عادت غم یمه

(عدلی) تک سرمست جام عشق شاهنشاه دین
اولسان آخرتاپموسان سنده قداست غم یمه

• جمعه
• 19
• دی
• 1399
• ساعت
• 20:05
• نوشته شده توسط
• یوسف اکبری

پند دور قرآنون هر كلامي
اِتميندي قبول هر مرامي
هم حلالی دیر هم حرامی
مریضه شفادی قرآن
روحینه غذادی قرآن

او خونار گلر صد اسی
آتار قلبوون صفاسی
قرآندی دردلرین دواسی
امتون شفاسی قرآن
روحنون غذاسی قرآن

آتما هیچ زمان یادوندان
اوخین دویمازدادیندان
دوت عزیز هربیرزادیندان
مریضه شفادی قرآن
روحونا غذادی قرآن

زنگ قلبوی سیلندی
دشمنون قلبنی دلندی
حشریده دادیوه گلندی
مومینه قوادی قرآن
روحینه غذادی قرآن

بوکلام خدادی جماعت
ایلیون امرینه سیز اطاعت
اوندا که «عدلیا» وارمناعت
قلبینه صفادی قرآن
روحونا غذادی قرآن

• جمعه
• 19
• دی
• 1399
• ساعت
• 23:48
• نوشته شده توسط
• یوسف اکبری

آمدي از مادرت براين جهانت عور عور
عمرنوحم گركني آخربرندت سوي گور

رهنمايت خضرباشد برّ و بحرت آشكار
راه تاريك است وظلمان چشم تو اَعم‍‍‍ي وكور

بادل خود خلوتي كن تاکند دل یاد تو
عشق معبودت كند از قيد غم آزاد ودور

دل به حق دادي اگر احسن ترا محزون مباش
گركسي گويد نظر داري به حوران وقصور

شكر نعمت كن كه نعت را فراوان می کند
راز قت رزقت دهدچون يُنعِم است الله ونور

عرش فرش است آسمان ابري چوآيدآبها
رزق تو خارج شود پروردگارت داده سور

مرگ وهستي بامسمّي است مرگ راتأخيرنيست
بعدِ مُوتت زنده گردي چون دمد دو نفغ صور

چون حسيني هستي (عدلي)تاكه رفتي سوي گور
لطف يزدانت كندآزاد از آزارِ مور

• شنبه
• 20
• دی
• 1399
• ساعت
• 18:43
• نوشته شده توسط
• یوسف اکبری

جهانون كسب كاريندن عقول مردم حيراندور
بو بازار تنافرده روا تدبير شيطان دور

بيري نادانلوق اوستونده ويرورلاف هنر مندي
بيري سويلورمُريدحق دورامّاناخوش انسان دور

بيري لبخنديلن توءلور بيري آغلور بيرين توءلور
چكوب نقشه ايدورتزويرمبيّن دورنه پنهان دور

تاپولسا بير نفرايتسه اگر دعوي دل سوزي
قالوب قيده اولارنادم زمان گچسه پشيمان دور

بيري غوغا ايدور از بس ويِرور وعده يالان خلقه
منه واضحدي دنيانون كه وضعي نا بسامان دور

ايدر ترويج اولوب خودخواه اوبادآورده ثروتدن
عقيدم وار اولار انسان دگوللر بلكه حيوان دور

بيري شاه و بيري شاهد بيري كتدي بيري شهري
بـيري كاسـب بيري مالك بيري سروردي سلطان دور

تاپولسا بير نفر ايتسه اگر دعوي دل سوزي
قالوب قيده اولارنادم زمان گچسه پشيمان دور

هاني وجدان شرف هاردا ندن گوزلراوني گورمز
چكن اعماق دريايه بوخلقي اهل نادان دور

گلوب تورات گلوب انجيل او موسايه بو عيسايه
فراخـوان اولدي اُمتّلربولون بولطف يزدان دور

او قانون كه گرگ ميثاق اولا مُصْلِحْ دي عالمده
فـرا خواني محمدي كتابي نفس قرآن دور

همان قرآن يوزاون دورت سورسينده واردي بسم الله
هوالله احددورهم صمد دور حي ورحمان دور

بو قـرآنه ايدون طاعت قويون وسعت تاپا حكمي
گراولسا حكمران دنياايشي مخلوقه آسان دور

بـوقرآن اوسته پيغمبرچكوب ايرمي اوچ ايل زحمت
ديوب مندنصورا حاكم علي دورحكمي رُجحان دور

علي حقدي علي شهدي علينون حكمي قرآندي
اولون تابع چاتون امنه جهنّم نار سوزان دور

يازوب بوسوزلری«عدلي»ديمه هـاردان هارا چكدي
عليني سويْمسه هركيم اوزي انصاري شيطان دور

• شنبه
• 20
• دی
• 1399
• ساعت
• 18:48
• نوشته شده توسط
• یوسف اکبری

قوجالیقدان گجه آئینه منه وئردی خبر
نَه خبردور بو خبر اِئتدی مَنی زیر و زَبَر

یِل اَسَنده او گجه آچدی آتیشقانی ،دئدیم
منیم آنلیمدا او قِوریم تِلیم اَلانه گَزر

لامپا که یاندی ساتاشدی گِنه آئینه ، گوزه
اِیستَدیم اوندا گورَم بیرده او قاش گوزدَن اثر

باخدیم آئینیه امّا آتامی گوردوم او دَم
یوز گوزومده قیریشیقلار چالور آهنگ سفر

اوندا بیلدیم نِیه چوخلاری منی سَسلور عَمی
دَهر اَله آلمیش اَلَک باشیمه گونده اون اَلَر

اِیستَدیم سِیندیرام آئینَه نی گوردوم بِلَه اِیش
چوخ اوزاقدور کِیشی لیکدَن دوزی سِیندیرسام اگر

دئدیم ای آئینه اِنصاف ائله سِیندیرما منی
سنه مونس مَنیدیم عُمر بویی شام وسحر

اوزولوب چاره فقط آهه گمان اِیلَمیشم
عُمری ساتدیم ولی بِیلمَم منه قالدی نَه ثَمر

(نادرا) سِیر زمانه نِجه سِیندیرسا سنی
چوخ اِیگیددَن سنی باشقا بیلوری اَهل هُنر

• یکشنبه
• 21
• دی
• 1399
• ساعت
• 22:37
• نوشته شده توسط
• یوسف اکبری

گون کئچر هفته گلرآی دولانار ایل سووشار
عمریمیزدور که ائدر طَیِ منازل سووشار

بله بیر قافله ده سنده مسافرسن عزیز
مقصدی قبر ائویدور یاخشی یامان بیل سووشار

بو یولون دونگه لرینده کول اَلَل لَر باشووا
قاره تِللر آغارار هم بوکولَر بِئل سووشار

ائله سرعتله گئدور بیلموسن هِچ یول آجیسین
آپارور مقصده ساری سنی حاصل، سووشار

سن گئدورسن قالاجاق مال وعیال وحَشَمون
عکسون اللرده گزر مثل شمایل سووشار

چوخ گَلَنلر دیه جک یاس دوتان اَعوانه اوگون
روزگارین ایشیدی گوز یاشووی سیل سووشار

آغلیانلار قاپودا مجلس ختمونده دورار
هم منه هم سنه بوسوز اولی شامل سووشار

او طرفده نَه گَلر باشیمیزه (نادر) اویان
او یامان گون هارادور گور بیزه منزل سووشار

• یکشنبه
• 21
• دی
• 1399
• ساعت
• 22:46
• نوشته شده توسط
• یوسف اکبری

ای که در غفلتی و بنده ی دنیا شده ای
غرق خود بیخبر از ظلمت فرداشده ای

گوهرعمرگذشت جهل وجوانی نه هنوز
که تو مشغول فنا غافل ازعقبا شده ای

هیچ دانی بشرا آمدنت بهر چه بود
ازچه رو ساکن این منزل وماوا شده ای

رفتنی گشته مقرر پی این آمدنت
در گذرگاه اجل ازچه شکیبا شده ای

کس نماندبه عدم میروداین قافله زود
بارنابسته چرا پس تو مهیا شده ای

دهر فانی شده اسباب تعیش(نادر)
غافل ازسرزنش هاتف معناشده ای

• یکشنبه
• 21
• دی
• 1399
• ساعت
• 22:47
• نوشته شده توسط
• یوسف اکبری

ايستوسن غمدن اولا روحون رها قرآن اوخي
ايليه صحبت سنيلن تاخدا قرآن اوخي

دردمندان دردينه عمده دوا قرآن دادي
دردوه تا ايلسون قرآن دوا قرآن اوخي

وير قولاق آيات حقه موبمو اخلاصيلن
گرمريضون ايستوسن تاپسين شفاقرآن اوخي

اهل بيتي سن آيرما هيچ زمان قرآنيدن
اي مطيع خط و مشي مصطفا قرآن اوخي

"رتّل القرآن ترتيلا" بويوموش ذات حق
خانه دل ايستوسن تاپسين صفا قرآن اوخي

[آذرين]الله آدي قلبه چوخ آرامش ويرر
ايلمه عمرون تلف صبح و مسا قرآن اوخي

• دوشنبه
• 29
• دی
• 1399
• ساعت
• 23:26
• نوشته شده توسط
• یوسف اکبری

بر دم خنجر سپاری ای بشر گر جان خود
بِه که بهر زر فروشی بیش از این ایمان خود

جان٬ در این دنیای فانی٬ میرود با خوب و بد
لیک ایمان میکند ایمن تورا را از آن خود

در جهان بیوفا فکر حساب زر مکن
سعی کن با زاد نیکی پر کنی همیان خود

آنهمه سیم و زرِ فرعون جانی را چه شد؟
بُرد آیا ذره ای از آنهمه امکان خود

سعی کن قارون نباشی در جهان حاتم شوی
درددل کن یک شبی٬ یک گوشه با وجدان خود

گیرم هرساله روی برحجّ و بر کرببلا
خلق را حیران کنی از سفرهٔ احسان خود

حج اگر بوسیدنِ سنگ سیاه کعبه است!
روسیاهی گر ببینی گشنه ای همسان خود

دستگیری از یتیمان بِه ز حج اکبر است
تا شود خرج عرب از رنج بی پایان خود

حج تو حاجی جهاز دختر مستضعف است
آخرت را میخری با بذل و با احسان خود

درس آزادی بگیر از شهریار کربلا
خالی از بُغض و ریا کن در جهان دامان خود

صاحب منسب شدی از خود مشو بیخود بشر
مرد پاکی گر ببینی پینه بر دستان خود

مردی و مردانگی عدل و شرف حُکم علیست
در درون اعدام کن آن شیوهٔ عثمانِ خود

طبع شعرت هان« فقیرا» کار دستت میدهد
تا بازی میکنی با شعر خود با جان خود

• جمعه
• 24
• بهمن
• 1399
• ساعت
• 17:55
• نوشته شده توسط
• یوسف اکبری

مسلمانسان اگــر جـــــانا
مرور ائت متن قـــــــــرآنی

اولومنَن یاد ائله هر گون
بودور رســـم مسلمــــــــــانی

ایاقلا نَفْسووی گَل آت
باشوندان حُبّ دنیانی

قیـــامت باقیدور واللّه
بو دنیا فــانیدور فانی

تیکورسن فانی دنیــــایه
گوزل منزل٬ گوزل مأوا

بئلــه غــــــرقِ تَجَمُّــلسن
سنه یوخدور اولوم گویا!!!

نَدَن هئچ یاده سالمورسان
قیـــــــامت منـزلین آیــا؟

اَجَل قصد ایلَسه دوشمز
ئولوم تأخیره بیـــــــــر آنی

• پنج شنبه
• 5
• فروردین
• 1400
• ساعت
• 11:24
• نوشته شده توسط
• یوسف اکبری

بنــــــــام حَقِ دادار
بوَد واقف اسرار

غنی باشد و‌غفّــــــار
مبین باشد و ستّار

کــــــریمانه ببخشد
دهَد نعمت بسیار

چه صحــرا و چه دریا
چه انهار و چه اشجار

گل و گلشن و گلزار
درختـــــــــانِ پُر از بار

همه برگ و همه بار
همه مور و همه مار

همـــــه نــور و همـــــه نار
چه روز و چه شب تار

مه و انجم و خورشید
چه ثابت وَ چه سیـــــّار

همه ارض و سماوات
از او گشتـــــــــه پدیدار

• پنج شنبه
• 5
• فروردین
• 1400
• ساعت
• 11:27
• نوشته شده توسط
• یوسف اکبری

وئروبدی هر کیمه بیر نعمتی سحر دنیا
آلوبدی آخشام الیندن ائدوب هدر دنیا

قزیل کلامی اولان نطقی ضعفیدن قوتاروب
گوموش جمالی سارالدوب٬ ائدوبدی زر دنیا

آچان زماندا وفائیله بیر ایشین دوگونون
جفانی باشلاماقا باغلیوب کمر دنیا

بیرالده تاج دوتوب قویسا هرکیمین باشینا
بیر النن اندیره جک بوینونا تبر دنیا

هایاندا سرو گوروب اگدی قامتین آخر
هایاندا لاله تاپوپ ائتدی خونجگر دنیا

بوتون امیریلرین پوزدی هیبتین امّا
علی صلابتینه ائتمدی اثر دنیا

او مقتدانین او مِرآت غیب و لاهوتون
بیان اولاندا آدی ایندیده اسر دنیا

ثنا و ذکری اونون طاق عرشه وئردی تکان
حریف او ذکر و ثنایه اولار مگر دنیا؟

• پنج شنبه
• 5
• فروردین
• 1400
• ساعت
• 12:00
• نوشته شده توسط
• یوسف اکبری

ریانون یوخ سرانجامی ارادت تاپ سرآغاز اول
قفسده ساکت اگلشمه هما تک تیز پرواز اول

سَرِ بازارغفلتده، کرامت گوهرین ساتما
ئوتور دربارِ لیلانی، غم مجنونه دمساز اول

بو دَهر سفله پرورده، بها ویر اشک مظلومه
ال اوز طرّار نفسوندن جماعت ایچره طنّاز اول

گُل اول تا حَظّ آپارسونلار، دیار اهلی گلابوندن
اگر گل ویرمَسَه شاخون، چالیش سروِ سرافراز اول

اوتورما کُنج ساحلده، سویون رنگین بولاندرما
یول آچ ژرفای دریایه، صَدَفده گوهَرِ راز اول

• پنج شنبه
• 5
• فروردین
• 1400
• ساعت
• 12:34
• نوشته شده توسط
• یوسف اکبری

مَرْکَبین صاحبیدور٬ مَرکبی هریانه چاپار
زُهد و تقوا ائله تا بهرهٔ عرفانی آپار

معرفت تاپ صورادان گئت قوشول علّامه لره
معرفتسیز اولانی٬ کهفین ایتی فوری قاپار

خوش مَثَلدور که کوک اوستونده بیتَر هر بیر آغاج
ریشه سیز اولسا آغاج٬ خیردا نسیمیله قوپار

کربلا تندیری تا محشره جک ایستی قالار
عارف انسان چورکین بیر بئله تندیرده یاپار

(فیضیا) هئچ عَلَمین٬ ئوز٬ ئوزونه جلوه سی یوخ
پرچمی آلسا ابالفضل الینه٬ جلوه تاپار

• پنج شنبه
• 5
• فروردین
• 1400
• ساعت
• 15:57
• نوشته شده توسط
• یوسف اکبری

قلم یازکه شاعر شعورایستییر
شعوراوسته‌فیض‌حضورایستییر

کیم الهام آلار هاتف غیبیدن
تجلّای عشقینده طورایستییر

اشیدجک یقین لنترانی‌سوزون
ملکلر سیاقینده حورایستییر

وَلٰاکن کیم اهل شعوراولماسا
جهالت اوافکاره گورایستییر

گییر رخت‌رنگین ریب و ریا
منیّت‌بس اولمازغرورایستییر

ایاقلارگلی باغ ایمانیده
گل‌وخاره سُمِّ ستورایستییر

ویرارطعنه لرگوگده اولدوزلارا
مه مجلس آرانی دورایستییر

ویرار شانه زلف سیه فامینه
قرا زلفی آخرده بورایستییر

اوزونده چیخارگورمین لاجرم
عزا مجلسینده سرورایستییر

حقیقت یولون گورمینده گوزی
یقین چشم بینانی کورایستییر

گورریوخدی کیمسه‌حمایت‌ایدن
حمایت گراهل قبورایستییر

سالاریول که میخانه ی وحدته
شراب طهورانی شورایستییر

سالاربزم ماتمده که های و هوی
اولار‌محتشم‌نفخ‌صور ایستییر

اوحالداراوقدری خانم زینبی
ره کفره راه عبورایستییر

یازار متن قرآندا زینب آدین
جماعتدن القصه سورایستییر

دییر منزویدندن باش شاعرم
اوقادر دگول شعره من قادرم

دیدیم لال ای خشت خام اختاران
جهالتده رکن مقام آختاران

اوتان روح جانبخش زهرادن ای
مقام اوسته فعل حرام آختاران

حقیقت مرام اول حقیقت مرام
کذایی خیال و مرا م آختاران

مقام عرش حقه اوجاتماز سنی
که یعنی اولارسان مدام آختاران

خیالوندن آت بی ثمر مطلبی
بس ایله داخی اولما نام آختاران

چالیش عهد و پیمان حق اوسته قال
آدون قالماسین مستدام آختاران

جهالت سنی گوزله آللاتماسین
جهالتده ننگین کلام آختاران

خبیراول‌خبیث اولماشیطان کیمی
خباثتدی نفی دوام آختاران

سنی نفس شومین غرض آللادیب
اولوبسان طریق ظلام آختاران

شرف درسین اولاد زهرادن آل
اولار دیر که صدق‌وسلام آختاران

اورنج و مشقت که زینب چکوب
مگر اولدی پست و مقام آختاران

یزید بدانحام و شومه دیدی
سن اولدون روال لیام آختاران

نجه ارث آپاردون معاویه دن
سن اولدون ره انتقام آختاران

حسین‌دست‌بیعت‌سنه‌ویرمه دی
نجه زینب اولماز قیام آختاران

شریعت لباسینده ای ناخلف
کیم اولدی طریق حرام آختاران

ابو جهلی سن ایلدون رو سفید
او بوجهلی کافر ولی سن یزید

• پنج شنبه
• 5
• فروردین
• 1400
• ساعت
• 16:32
• نوشته شده توسط
• یوسف اکبری

ای بشر فکریوی محکوم اسارت ائله‌مه
روحون آزادیه مایلدی ملامت ائله‌مه

بشرین ارزشی حیثیّت و شخصیّتیدی
ساخلا حیثیّتووی٬ غرق کراهت ائله‌مه

الله ئوز روحینی جسمونده امانت قویدی
شرفون اولسا امانتده خیانت ائله‌مه

ساتما وجدانو وی هئچ منصبه هئچ مرتبیه
عزّت نفسیوی آماج ذلالت ائله‌مه

حق یئمه حقّیویده قویما یئییه هئچ بیرکس
بیرده کی آل محمدله عداوت ائله‌مه

دین اسلامی پیمبر بیزه شفّاف ائلیوب
حکم شفّاف شریعتده نیابت ائله‌مه

شکلیدن شکله سالوب حکم رسول‌اللهی
تازه احکامووی بو خلقه قداست ائله‌مه

عمل اِیله اَوَل احکامه صورا ایله دعا
قوری بیر راز و نیازیله ریاضت ائله‌مه

متن قرآنه عمل اِئتسون اگر عابدسن
هی یالانّان منه قرآنی تلاوت ائله‌مه

سن خلوصیله ایکی رکعت اوخی گونده نماز
یئتمیش ایل ریب و ریائیله عبادت ائله‌مه

جَبریلن جنّته داخل ائله‌مه بنده‌لری
ذات قدّوسین امورینده وکالت ائله‌مه

الله ئوز بنده‌سینین ائتدیگینه ناظردی
سن نماینده اولوب ، دینه دخالت ائله‌مه

• شنبه
• 7
• فروردین
• 1400
• ساعت
• 13:16
• نوشته شده توسط
• یوسف اکبری

دوز باخون روبهی تحسینیله شیر ایلمیون
ارذل انسانلاری عالمده امیر ایلمیون

خواهش‌ِنفسوزه‌عجز ائتمیون آزاده اولون
روحوزی دام نیازوزده اسیر ایلمیون

پند آلون پاکترین مرد جهان مولادن
اگمیون ارذله باش فاسقی پیر ایلمیون

متن قرآندی کی مثلی اولا بيلمز حقّون
عبدي معبوده خیالوزده نظیر ایلمیون

آییلون قوشمیون آلچاقلارا هرگز اوجانی
فکری اعلالری عالمده حقیر ایلمیون

فاش ايدون سِرّوزی ستّارالعیوبین یوزونه
اوزوزی خوار ایلیوب خلقی خبیر ایلمیون

سعی ائدون صاف دیون سوزلروزی بير بيروزه
آرادا شخص سخن چینی سفیر ایلمیون

نور ایمانیله جلوه یارادون قلبوزده
معصیتله اوزوزی تیره ضمیر ایلمیون

سعی‌ائدون خیرعملوز اللها خاطر اولسون
عِلموزی ثروتوزی گوزلره تیر ایلمیون

سینوزون گلشنین ایمانیله آباد ائلیون
صرصر کِبریله مانند کویر ایلمیون

سیزی ایمان قانادی عرش بَرينه یتورر
قصد معراج ائلیون غصب سریر ایلمیون

قلب آگاهیله اندیشوزی اصلاح ائلیون
معصیتدن قییدون گونده کثیر ایلمیون

راه آسان سیزه اسلام اصیلین یولودی
یتیرر مقصده تغییر مسیر ایلمیون

نچه ایللردی دِیور شعر دیلیله (هادی)
اوزوزی هئچ کیمه عالمده اجیر ایلمیون

• شنبه
• 7
• فروردین
• 1400
• ساعت
• 13:18
• نوشته شده توسط
• یوسف اکبری

ای بشر بسدی اوتان بیر بئله طغیان ائلمه
روز محشرده اولان خانه وی ویران ائلمه

فانی دنیاده تلاش ائت عملین خِیر اولسون
مُنکَر و شرّی لره نفْسیوی قربان ائلمه

ئوله جک هامّی آیق اُول یوخودا قالمیاسان
گورور الله عملین بیر بئله پنهان ائلمه

اللهین نازل ائدوب قرانی تا عبرت اولا
عمل ائت معنی سینه مُنکِر قرآن ائلمه

ظالمه اگمه باشون مظلوما امداد ایله
مظلومون باسما باشیندان ئورگین قان ائلمه

هر ایشی کی گوروسن اللها خاطر گور اونی
شهرته ساری گئدوب طاعت سبحان ائلمه

کاسیبی آل نظره سفره احسانینده
اغنیانین واریدی سن اونا احسان ائلمه

اگر احسان وئریسن مردما خاطر وئرمه
ظالمی سفره احسانیوه مهمان ائلمه

یول گئدنده ئوزیوه مغرور اولوب پوز وئرمه
تولاما قوللاریوی فخر فراوان ائلمه

قارداش ئوز قارداشینی منفعته ساری ساتور
ساتما ئوز قارداشیوی تابع شیطان ائلمه

حقّی اعلان ائله سن شیعه ی حیدرسن اگر
گر بئله اولماسا دای دَعْوی ایمان ائلمه

قلبیوین خانه سینه حیدری سلطان ایله
قلبیوه هامّینی دای شاه وسلیمان ائلمه

بیر بئله یازدی (صبور) تاکی تلنگر یارانا
شعرینه ایراد ائدوب غیبتی الان ائلمه

• پنج شنبه
• 26
• فروردین
• 1400
• ساعت
• 12:36
• نوشته شده توسط
• یوسف اکبری

بشر الهی شرارت ایدور یالان دانیشور
اوزون اسیر رذالت ایدور - یالان دانیشور

داخی اورکده سنون عشقیوه تاپیلمور - یر
او قلبی جای قساوت ایدور یالان دانیشور

حقیقت عالمینی گورماق ایستمور امّا
دوروب عناده جهالت ایدور یالان دانیشور

تعّجب عالمی شیطان باخور گورنده بشر
بو قدری ظلم و شقاوت ایدور یالان دانیشور

قویوب حراجه ساتور جمله دین و ایمانین
به ظاهر حفظ دیانت ایدور یالان دانیشور

گونوز جماعتین آذوقه‌سین ایدن انبار
نماز شب قیلا همّت ایدور یالان دانیشور

حقوق خلق مسلمانی پایمال ایلین
اداره‌لرده ریاست ایدور یالان دانیشور

دیلیندن عورت اوشاقلاری گورمز آسایش
ائشیکده خلقی نصیحت ایدور یالان دانیشور

اولوبدی رأی جماعتله هیئت امناء
عمل یرینه خیانت ایدور یالان دانیشور

او شاعری که یازور نوحه شعرینه پول آلور
حسینه قصد جسارت ایدور یالان دانیشور

محرّم اولجاقی گور - نوحه‌خوانِ امروزی
پول آلماقا نجه سبقت ایدور یالان دانیشور

عزا و لهو و لعب مجلسینده شرکت ایدن
اودا - حسینه خیانت ایدور یالان دانیشور

ریادن اوتری آچوب ال - امان مُنتَظَری
کذائی مجلسه دعوت ایدور یالان دانیشور

پزشک جامعه مسئولدی جانِ انسانه
طبابت ایتمسه غفلت ایدور یالان دانیشور

او کس که شرکتی وار - احتکار داروده
یقین که قتل و جنایت ایدور یالان دانیشور

دیور رفیق شفیقم یوزونده خوش دانیشان
دالونجا دائمی غیبت ایدور یالان دانیشور

مدام کوفه‌لی تک رنگیدن دوشور - رنگه
سیاستیله رفاقت ایدور یالان دانیشور

حرام آل ویره قرآنه آند ایچور تاجر
کلام حقّی تجارت ایدور یالان دانیشور

هر ایل مشرّف اولور حجّه حاجی بازاری
سرِ معامله رغبت ایدور یالان دانیشور

بولنمورم که نه نوعی ایدوبدی - رمیِ جَمَر
هنوز شیطانا طاعت ایدور یالان دانیشور

یقین امام زمان گلسه گورسه شیعه‌لری
خلاف حکم شریعت ایدور یالان دانیشور

دعای ندبه اوخور صبحِ جمعه- بعد از ظهر
تمام فسق و فضاحت ایدور یالان دانیشور

حقوق کارگری ویرمیندن ایله سوال
نه علّت اولدی عداوت ایدور یالان دانیشور

علی علی دیور امّا عملده - عکس‌العمل
بنی امیّیه بیعت ایدور یالان دانیشور

اونون نه چوخ گیجه‌لر اهل عیالی آج یاتیشور
بو رختخوابینی راحت ایدور یالان دانیشور

یوخ اعتقادی ئولومدن و یا قیامتدن
دئسه که ذرّه‌جه وحشت ایدور یالان دانیشور

اگر چه شیعه‌دی دلده علی محبّتی وار
و لیک بخل و حسادت ایدور یالان دانیشور

قوتار بو سوزلری چوخ یازما "اکرمی" گرچه
بیر عدّه دائمی عادت ائدور یالان دانیشور

امان بیر عدّه الیندن که شعریوی اوخیوب
گورنده طعن و شماتت ایدور یالان دانیشور

دیولّه یوخدی سوادی بیر اوزگه شاعردن
یقین که شعرینی غارت ایدور یالان دانیشور

ندور جوابی قیامتده ای خدا گوره‌سن
او که ندیده قضاوت ایدور یالان دانیشور

• سه شنبه
• 7
• اردیبهشت
• 1400
• ساعت
• 20:18
• نوشته شده توسط
• یوسف اکبری

ای دل انصاف ایله یوخ ذره وفا دنیاده
آیریلیق دردینه یوخ آیری دوا دنیاده

ایکی گون عمریدی بوفانی جهانون گوزلیم
درده دگمز بو قدر ناز و ادا دنیاده

نص قرآنیدی یوخدور سوزومون ایرادی
قالمیوب قالمیاجاق جور و جفا دنیاده

غافل اولما گوزلیم سیر ایله بیر تاریخی
گور نلر اخذ ایلیوب شاه و گدا دنیاده

نه قالوب شاهلارا گنجینه سی بو دنیانون
نه گیدوب قبره کفن سیز فقرا دنیاده

قورخ او گوندن که آتا تیرینی صیاد اجل
غیر ممکندی گیده تیری خطا دنیاده

نینیرسن دوتا گر دامنیوی دست اجل
فایده ویرمیه تزویر و ریا دنیاده

خالقون دقت ایله ثابت و سیاره سینه
حقه تسبیح صبح و مسا دنیاده

مومن آئینه ی مومن دی پیمبر بوریوب
نچه دفتردی اگر شرح اولونا دنیاده

خوش اونون حالینه که راضیدی همسایه لری
وار یقینیم اولار آلله دا رضا دنیاده

عیب و ایرادینی هر شخصون حضورینده دینن
یولداشون ایلمه انگشت نما دنیاده

• شنبه
• 25
• اردیبهشت
• 1400
• ساعت
• 21:53
• نوشته شده توسط
• یوسف اکبری

بیر نئچه مطلبی من باب تذکر یازیرام
قولاق آس مطلبیمه اولسادا تکرار سنه

فکرووی بئش گونه خاطر بئله مشغول ائلمه
بونی بیل قالمیاجاق درهم و دینار سنه

اول محیا سفر آخرتون واردی سنون
پرخطر دور بوسفر ایلورم اخطار سنه

دهریده شاه اولاسان یاکه گدا فرق ائلمز
قبریده همدم اولار عقربیلن مار سنه

عذر بی جاسنی محشرده خلاص ایتمیجک
اولونوب چونکه حقیقت یولی هموار سنه

ایستوسن قبریوی وسعتلی اولا ایله عمل
او که تکلیف ائلیوب خالق دادار سنه

سن باش اگ خالق یکتایه فنا دنیاده
تا که جنتده سلام ایلسین ابرار سنه

اولسا دین اوسته قلم قولارون اولما نگران
حتما احسن دیجک جعفر طیار سنه

دیلووی کسسه له ده حقی آییر باطلدن
قوی باخوب فخر ائلسین میثم تمار سنه

آغلا سن کرب و بلاشاهینه عمرون قدری
حشریده لطف ائله سین قولسوز علمدار سنه

(احسان) عالمده خلایق ایشینه سالما گره
تا آچیلسین گره عالم اسرار سنه

• سه شنبه
• 4
• خرداد
• 1400
• ساعت
• 20:44
• نوشته شده توسط
• یوسف اکبری

کهنه دنیایه کونول عادتدی آزار ایلمک
یاری یاریندن ائدوب احوالینی زار ایلمک

گوئیا خوشدور اونا فرهادی شیریندن ائدوب
قیسی صحرایه سالوب لیلانی بیمار ایلمک

کهنه عادتدور اونا میدانی وئرمک جاهله
عاقلی بیر گوشه ده درده گرفتار ایلمک

اعتماد ائتمه بئله دنیایه یوخدور پایه سی
چونکه آساندور اونا انسانلاری خوار ایلمک

عارف اول انسانلیقی کشف ایله یوخسا بی عمل
درده دگمز سینه نی کشاف اسرار ایلمک

محضرعدل الهی ده عزیزیم خوش دگل
خلقین آسان ایشلرین ظلمیله دشوار ایلمک

هانسی بیر قاموسیده تعریف اولوب بیجا دگل
سائلی دیلدن سالوب سلطانی پروار ایلمک؟

تا سوال ائتدیم ندور اُولا؟ دئدی پیرخرد
گوهر عمری نثار زلف دلدار ایلمک

• سه شنبه
• 4
• خرداد
• 1400
• ساعت
• 21:00
• نوشته شده توسط
• یوسف اکبری

ای بشر فکر ائله گور کیملره دنیا قالاجاق
بو قدر دبدبه لر گئتملی دور یا قالاجاق

حشمت و جاه سلیمانون هانی بیر اثری
هانی اسکندرون آثاری کیمون وار خبری
تخت جمشیده نه گلدی هانی پرویزلری
کل مخلوق فنادور ئوزی یکتا قالاجاق

بوجهاننان هامی بی چون وچرا گئتملیدی
آقیلان قاره ، عوام و علما گئتملیدی
اغنیا و فقرا ، شاه و گدا گئتملیدی
فانی دنیاده نه ساغرنه ده صهبا قالاجاق

سرمه غفلتی پاک ائت آیق اول آچ گوزووی
بش گونون لذتینه سالما بلایه ئوزووی
گل بیرایش گور دانیشان وقتیده هرکیم سوزووی
خیریله یاد ائله سون چونکه بو معنا قالاجاق

سانما رستملره بو قدرت بازونی قالا
الف قامت سروی چوخونون دوندی دالا
آلا گوزلر آخینار، رنگ دوشر حالدان حالا
صورتین رنگی سولار سیرت زیبا قالاجاق

قاره تپراقلارون آلتیندا یاتان وقتی بشر
مونسی اوندا اولار یاخشی یامان خیریله شر
توشه ی عشق او زمان منزل عقبانی بزر
عشقه بیگانه اولانلار نجه آیا قالاجاق

شمعیدن بو سوزی پروانه گجه آلدی خبر
منی آزقالدی ایاقدان سالا بو سوزو شرر
نه حالا سن قالاجاقسان دئ گورم اولسا سحر
صبحه بو شعله ی رقصانیده یارا قالاجاق

ائشیدوب تا بوسوزی شمعین اولوب اشکی روان
رقص انواریله پروانیه تز قیلدی بیان
عشقه ای بذل ائلین شوقیله سرمایه ی جان
سن گئدنن صورا شمعی بئله سانما قالاجاق

گردش چرخی دیوم واقف اول ای خسته بدن
گجه چاتماز باشا اما دونه جکسن کوله سن
صبح اولان وقتی یاخوللام بیلورم تپراقا من
گجه نون واقعه سی صبحه معما قالاجاق

گون چیخان وقتی هامی شمعیله بیگانه اولار
انجمنده داها نه شمع و نه پروانه اولار
سوزومیز محفل ارا دیللره افسانه اولار
سنله من گئتملیوک عشقیمیز اما قالاجاق

سوز دوشوب عشقیدن ای خامه سوزه حاشیه آچ
بیر نشان ادبی سینه ی دیوانووه ساچ
کوی عرفانه گنه سال یولی تعجیلیله قاچ
شب پریله نه ایشون قافیده عنقا قالاجاق

عشقین ارکانی مسلم که علینون آدیدی
اول و آخر قرآنیمیزون هر زادیدی
زاهدا بیل بو علی صوم و صلاتین دادیدی
فانی و باقیده والله بیزه مولا قالاجاق

مدعی سوزلری دین پیکرینه ائتدی ضرر
عمریلن محکه حیدر کراری چکر
گوهر نابیله خرمهره برابردی مگر
گوهری باخسا بیلر هانسی هایاندا قالاجاق

• پنج شنبه
• 6
• خرداد
• 1400
• ساعت
• 22:53
• نوشته شده توسط
• یوسف اکبری

آماندی یابن الحسن انقلابه باخ بیزده
جهاندان اوتری بیله پیچ و تابه باخ بیزده

بیرین ریاست اسیر ایلیوب بیرین مد روز
هزار رنگه دوشن شیخ و شابه باخ بیزده

شهیدیلر آدینی قازموشوق معا بردن
اونون یرینه گلن انتخابه باخ بیزده

خضاب ایدردی شهید ئوز محاسنون قانیلان
گل ایندی لطف ایله رنگ خصابه باخ بیزده

هزا رنگه دوشوب مرد شیعه ناموسی
هزار شیوه ی حفظ حجابه باخ بیزده

ئولوبدی امر به معروف و نهی از منکر
آدون فداسی ثواب و عقابه باخ بیزده

خدایه شکر اولا چوخ با سوادیمیز واردی
رئیس و دکتر و عالیجنابه باخ بیزده

بیری دیینده خدا و پیمبرون سوزونی
مقابلینده خطاب و عتابه باخ بیزده

خدا جهنمی خلق ایلیوب یهودیلره
تفاخر عالمی عالی جوابه باخ بیزده

پاس اولمیوبدی چکی تاپشوروب ابالفضله
هزار و یک سخن بی حسابه باخ بیزده

هامی خانملارا محرمدی ، هر فروشنده
حضور شیخیده اما نقابه باخ بیزده

حجابه یوخ ، ولی ترویج بد حجابیده
بو قدری بانوی پا در رکابه باخ بیزده

به جای صوت مناجات و قاری قرآن
ترانه های خوش آهنگ نابه باخ بیزده

قدیم ایچردیله طویلاردا چای و شیرینی
گل ایندی شهد شرنگ شرابه باخ بیزده

دیوله اوچ گیجه دور آجدی قونشونون اوشاقی
مقابلنده کباب بنابه باخ بیزده

گلنده صوت اذان سانجی قلب زاری کسور
نمازه یازدیقیمیز شعر نابه باخ بیزده

اوروجلوقی دوتاروق زخم معده تا شب عید
نماز عیدیده عطر و گلابه باخ بیزده

• پنج شنبه
• 6
• خرداد
• 1400
• ساعت
• 22:55
• نوشته شده توسط
• یوسف اکبری

ای دل ندور بهانه بئله بی قرارسن
دنیادن اوتری بیر بئله بی اختیارسن

بیجا یره ئوزون وروسان آب و آتشه
دائم اسیر دامن گرد و غبارسن

بیر گون گلوب سنیده قوجاقه آلار اجل
سنده گدنلرون کیمی بی اعتبارسن

دنیا وفا نه شاهه ایدوب نه گدالره
باقی فقط خدادی عبس انتظارسن

اوچ گونن اوتری باغلا ما بئل دار فانیه
دنیا طناب داریدی محکوم دارسن

بیر گون سنی مزاره قویار اقربالرون
ناز ایلمه که صاحب ایل و تبارسن

اوچ گون سنه عزا دوتاجاخ ایستینلرون
دوردومجی گون غریبه شهر و دیارسن

ایل و تبار و شهرت و ثروت بهانه دور
اعمال خیرون اولسا یقین رستگارسن

قورخوم بودور که خیر عملون کم گله اوگون
اعمالون اولماسا هدف مور و مارسن

• جمعه
• 7
• خرداد
• 1400
• ساعت
• 15:51
• نوشته شده توسط
• یوسف اکبری