اشعار و پندیات

نه دوستا وفا ايلدي نه دشمنه دنیا
بئل باغلاما قالماز نه سنه نه منه دنیا

بير آی سنی گولدورسه بير ايل آغلاداجاقدي
عیش عشرتوي دوندره جاق شيونه دنیا

هر نحويله ايستور قاتا باشون ائده مشغول
سيمانه ،گٔجه ، آجره، تيرآهنه دنيا

قسطا، واما، چک ، سفتيه عمرون هدر ائتدي
گييماق يماق ايچماق ماشینا مسکنه دنیا

بو عمرده عقبايه عزيزيم نه قازاندون
تا دوندره قبری سنه بير گلشنه دنیا

بئل باغلاما هر دوغدوغوني بوغدي بو بيمان
دائم دوغاجاقدي بوغاجاقدي گنه دنیا

هی انديره جاق مينديره جاق يوخدي دوامی
اگمه بئليوي تا مينه دنیا أنه دنیا

بير عدّیه ميداندي چاپور تند سمندی
بير عدّه ني اما سيخوري منگنه دنیا

نه ياخشيا رحم ايلوري دنیا نه يامانه
قالدي نه سليمانه نه اهريمنه دنیا

قُوزير يخير عزل ايلوري نصب ايلوري دائم
هر گولدوره نین اشگين الير دامنه دنیا

رفتارده گفتارده سعی ايله "کريمي"
قبروندن آچا جنتّه بير روزنه دنیا

• یکشنبه
• 9
• خرداد
• 1400
• ساعت
• 17:18
• نوشته شده توسط
• یوسف اکبری

فرق قویماز ای بشر پیر و جوانه آیریلیق
اود سالار گر دوشسه هر بیر دودمانه آیریلیق

پنجه سیندن بیر نفر اولماز سلامت قورتارا
بیلمیوب بیلمز ندور هرگز بهانه آیریلیق

رستم دستانلاری بیر لحظه ده ایلر شکار
تیر زهرآلودینی قویسا کمانه آیریلیق

پهلوان اولسون یاتیردار سعی ایله من من دیمه
تنگ ایدیبدور عالمی هر پهلوانه آیریلیق

یاخچی باخسون زندگی مثل نمایش نامه دی
باخماز اوردا تا ابد سود و زیانه آیریلیق

هرکسه بیر نقش ویرمیش کارگردان ازل
نقش قورتارجاق چکر بیرآندا کانه آیریلیق

فکر باطلدور دیسون دنیانی من ترک ایتمرم
سنله سایون تک گزور شانه به شانه آیریلیق

مال دنیایه منیم دل باغلیانناندور سوزوم
گتدی قارون تک شهی دنیاده جانه آیریلیق

عالمین گنجی اونون گنجینه سیندیدی ولی
ایتدی بایقوش تک، او یرده آشیانه آیریلیق

قصری اولموشدی اونون ورد زبان عام و خاص
ایلدی تبدیل بیر ویران مکانه آیریلیق

جوخلارین گوردوم اوزون دنیاده جاویدان بیلور
هامیدان اوّل اونی ایتدی نشانه آیریلیق

تا نفس وار سعی ایله اولما اسیر نفس دون
چونکی حاکمدور زمین و آسمانه آیریلیق

بیرگونی گوردون سنونده باغلادی پرونده وی
ایلدی تقدیم دست بایگانه آیریلیق

اوندا چاتماز دادیوه مال و منال دنیوی
اعتنا ایتمز منال بیکرانه آیریلیق

هرنه اندازه چاغیرسان بیر یره چاتماز سسون
دوندرر گوز یاشیوی بیر گونده قانه آیریلیق

آیریلیقدان بوردا منظوریم ئولومدور والسلام
رحم قیلماز باتوان و ناتوانه آیریلیق

کیمدور آیا نوحیجه دنیاده چوخ عمر ایلین
هامیدان چوخ نوحی چکدی امتحانه آیریلیق

چوخلاری فکر ایلیوردی عمر جاویدانی وار
خط بطلان چکدی عمر جاودانه آیریلیق

تیره تپراقه (سرابی) باش قویار آخر هامی
باخماز اوندا شان سلطان و شبانه آیریلیق

• سه شنبه
• 11
• خرداد
• 1400
• ساعت
• 16:11
• نوشته شده توسط
• یوسف اکبری

ای بشر عاقبت عمروه فکر ایله مدام
دقت ائت زندگیده عمر گران گئتمه لیدی

دولانور چرخ زمانه نجه گور سرعتیلن
ائتمه دنیایه گوره آه و فغان گئتمه لیدی

گول عمرون سولاجاقدور یتیشین وقته خزان
قالاجاقدور نه بهار و نه خزان گئتمه لیدی

افتخار ایلمه چوخ قدرت بازولریوه
رستم اولساندا یقین تاب و توان گئتمه لیدی

قدرتون واردی اگر دادینه چات مظلومین
دهریده ظالم اولان اشک فشان گئتمه لیدی

هر گون اعمالیوی دنیاده ئوزون ایله حساب
اولسا عمرونده سنون کون و مکان گئتمه لیدی

عمری طولانی اولان نوح نبی قالدی مگر
سنه ده قالمیاجاق روح روان گئتمه لیدی

(سالک) اول عترت پیغمبریلن قرآنه
یئتیشن وقته اجل جسمیده جان گئتمه لیدی

• چهارشنبه
• 12
• خرداد
• 1400
• ساعت
• 22:43
• نوشته شده توسط
• یوسف اکبری

بیر گونی مَنزلیمیز ظُلمت ویا نور اولاجاق
بیری نادم عَملیندن بیری مَسرور اولاجاق

آلاجاق نامه ی اَعمالینی هَر کیمسه اَله
هَربَشر ائتدیگی اعمالیله محشور اولاجاق

داد اوساعت که قورار حَیّ اَزل مَحکمه سین
اَلی بوش اوندا یقین بندهء مَقهور اولاجاق

اوردا نَه توسعه واردور نَدَه وار رِشوه آلان
نَه بیری مَحکمه دن قاچماقا مجبور اولاجاق

شاهد ظلم اولار هر کیمسیه اعضای بَدن
اعتراف ائتمگه فِسق اَهلیده مجبور اولاجاق

چارسیز درده گرفتار اولاجاق اهل گناه
خوفیدن تیتریر اَعضاء، نِجه مغرور اولاجاق

(نادره)رحم ائله یارَب بو حسین خاطرینه
شعرینی پای مَلخ بیلسون اودا مور اولاجاق

• شنبه
• 12
• تیر
• 1400
• ساعت
• 14:04
• نوشته شده توسط
• یوسف اکبری

ای بشر یاتما اویان حال جهانی خبر آل
بی تَوقُّف سووشان چرخ زمانی خبرآل

قاچوری توسَن عمرون نجه گور قبره طرف
لحظه لر ایلیوری عمرووی فانی خبرآل

یاتیشوبدور قَرَه تپراقیده یان یانه هامی
لَحَد آلتیندا اولان سِرّ نهانی خبرآل

هانی بَس بالش پَر قو هانی بَس رَخت حَریر
بو یامان گونده هانی مَحرمون هانی خبرآل

اورا بیر یردی که همسایه دی درویش و غَنی
خوف بَرزخده قالان پیر و جوانی خبر آل

اوزولوب هر یاتانون مال و منالیندن اَلی
بیر کفنن صورا یوخ آیری گمانی خبر آل

نَه سلاطینه او مَنزلده قالار دَبدَبه لَر
نَه گِدا اوردا چَکر حسرت نانی خبر آل

نوش ائدر کُلّ خَلایق ئولومین شَربَتینی
اَجل آخرده یخار خورد و کَلانی خبرآل

قویما نَفسون بوغا گرداب ضَلالتده سنی
مَنزل وصله چاتان گوهر جانی خبر آل

ئولنون نامه ی اعمالیدی تپراقه گئدن
یازیلان نامیه باخ یاخشی یامانی خبرآل

سرمه ی غفلتی(نادر)گل ئوزون اَشکیله یو
صورادان مَنزلت روح و روانی خبرآل

• شنبه
• 12
• تیر
• 1400
• ساعت
• 16:55
• نوشته شده توسط
• یوسف اکبری

عُمرین قطاری سرعَتیلن بی صدا گئدور
بیرلحظه یوخ دایانماقی صبح ومَسا گئدور

قویدون اِلیکه عَرصه ی دنیایه سَن قَدم
میندون قطاره بیلموسَن امّا هارا گئدور

انسان مسافر آدلاناجاق تا نَفَس گلور
آخر نَفَسدی مقصد نا آشنا ، گئدور

بیر یردَه سندَه دوشمَلی سن مَنده ای عزیز
امّا هَله بو یولّاری بی اِعتنا گئدور

ناگَه او دونگَه لَر که اوشاقلیقدی رَد اولار
شهر جَوانلیقی نِجه تِز ای خدا گئدور

بَعضیلَرون قطاری قوجا چوللَری گَزور
داغلار نَماسی جِلوه لَنور خوش نَما گئدور

مقصد هایاندی اوردا سَنه کیمدی مُنتظر
خوشدور تَدارکین گورَه هر بینوا گئدور

اَسباب مَنزلی گَل ئوزون یولا مقصده
حَسرتلی گونلَرون سنیلَن ای بَسا گئدور

اوردا دُلاری ، شِمشِ طَلانی ، سایان هانی
نَه مُلک اورا گِئدَر نَه عزیزیم بَنا گئدور

میز رَیاستیله بو عُنوانیده قالار
هر بیر عَمل ولیکن اورا جابجا گئدور

گَل خیر و شَرّی ئوز عَملوندَه قیاس ائله
آذوقَه گور قالور سنه یا که فَنا گئدور

بِئل باغلاما که قِیدووَه اولادیلَر قالا
آسوده دور اوکیمسه که دِینی اَدا گئدور

یارَب قطار عُمریمیزی گوزلَه جایماسین
سَن سَن بیلَن که دوز گئدوری یا خطا گئدور

آخرده توش اولار دَریَه یا وِرار داغا
هَر اول قطار عُمر که بی رَهنما گئدور

خاتم ایکی نشانه قویوبدور هِدایته
هرکس قبول ائدوب اولاری بی بَلا گئدور

قرآنیلن ئوز عِترتینی تاپشوروب بیزه
هر تَک تَکی بو یولدادی بیر مُقتدا گئدور

اَل اوزمَسوک اگر بِله آیدین چراغیدن
روحین قوشی بو مقصده ساری رضا گئدور

(نادر) آماندی آز قالوسان مَقصده اویان
آرام جان تاپار او که چوخ باحیا گئدور

• شنبه
• 12
• تیر
• 1400
• ساعت
• 17:15
• نوشته شده توسط
• یوسف اکبری

دنیا وفاسی تک نه سلیمانه قالمادی
هر ذی نَفَس بولر کی هیچ انسانه قالمادی

عالم بولر بو مطلبی دنیا قالان دگور
نه شاهه نه گدایه نه سلطانه قالمادی

اعمالیوی خوش ایله نه غفلتده یاتموسان
عاقیلده گئتدی بس هانی دیوانه ؟ قالمادی

ری ملکی سعدین اوغلونی سالدی ضلالته
حکمی اولوبدی باطل و افسانه قالمادی

پیغمبر اوغلی اولسادا انسان ئولوب گئدر
ئولدوردی نوحی یوسف کنعانه قالمادی

تکرار ائله بو مطلبی یاز « صادقی » دئنن
دنیا فنادی فانی بو غمخانه قالمادی

• پنج شنبه
• 7
• مرداد
• 1400
• ساعت
• 11:39
• نوشته شده توسط
• یوسف اکبری

علت ندور کی بعضی بشر سوز بولن دگور
بعضی ندندی اخم ایلیندور گولن دگور

بعضی ندندی چوخ دانشوب آغردار باشی
بعضی ندندی هر سوز اولا دیلًنن دگور

بعضی سی اورگنوب ادبی اهلبیتیدن
بیر عده مین ایل اورگده سن اورگنن دگور

بعضی سی سیندرار اورگی بعضی سی قولی
بو فکر خامیلن کی بو هرگز ئولن دگور

قول سینسا « صادقی » بولوسن جورلنوب گئدر
اما اورک کی سیندی داخی جورلنن دگور

یاز دفترونده سن بو سوزی یادگار اولا
هر نیلسن بیر عده سی وار دوز بولن دگور

• پنج شنبه
• 7
• مرداد
• 1400
• ساعت
• 12:59
• نوشته شده توسط
• یوسف اکبری

قورخورام بیر گون اولا قوهوم قارداش یاداولا
محبت دن دیلده فقط آداولا

قورخورام یالان اولا سوز لیریمز
حقیقتی گورمویه دای گوزلریمیز
قورخورام عفت ایته آراداا
ستون دین ویلان قالا هاوادا

قورخورام ایشلریمیز ریا اولا
ربا یین ربا ویرن مباه اولا
قورخورام قارداشنی قارداشی یادان چخادا
مسلمانیق ایته اصلاا آراداا

قورخورام حق سوزون اینکار ایدلر
بیر ایدلر کنه اوجور گزه لر
قورخورام حرمت گیده آرادان
چکه بیزی امتحانا یارادان

قورخورام دین اولونا فراموش
حق سوزونه ویرمیه بیر نفر گوش
قورخورام ظلم ستم جوش ایده
بیر ایدلر دینی فراموش ایده

قورخورام طغیان ایده جنایت
قارداش ایده قارداشینا خیانت
شهیدلرین قانلاری یادان چیخا
اوگونلر اصلان یادیمیز دان چیخا

گون سایورخ صاحب دوران گله
بلکه اورک اوندا آز جا دینجله
ظلم اوینین خراب اولا بناسی
شیعه لرین داده گله آقاسی

آلا اله ذولفقار حیدری
روشن اولا شیعه لرین گوزلری
دولدورا عدلیله بوتون یر یوزون
دنیادا اعلان ایلیه حق سوزون

قان آلا اشراریدن اول آقا
شاد ایلیه شیعه نی اول مه لقا
نسلینی یردن کسه ظالملرین
روشن ایده شیعه لرین گوزلری

عرض ایدرم ای مه تابان آقا
مهدی قاپوندا قویوب اوز تپراقا

• چهارشنبه
• 20
• مرداد
• 1400
• ساعت
• 18:11
• نوشته شده توسط
• یوسف اکبری

عارف اولان شیرین قاتماز آجیا
کیفلی قارداش رحم ایلمز باجیا
بیر چورگه محتاج اولان حسینچی
دگر یوزمین ربا یین حاجیا

حسینچی نین اوغلی قزی گلینی
کج اورگتمز ایاقینی الینی
قرآن دیوررشوه ربا یینلر
ایاق آتدا قویار اوز ساقلینی

چوخ کمسه لر ایتدی بیوک ادعا
حسین قاراسیله اولدولار آقا
اما فرصت اللرینه دوشنده
سویی سوده سودی قاتدیلار یاغا

سن دوز اولسان سویی توکسن چراغا
الله اونی تبدیل ایده جاق یاغا
سرسری جوانی سالار دریه
چادار یوز باشیندا قوجانی داغا

عزیز ایللر سیزه بیر شعر اوخودوم
شعرینن اگنوزه کوینک توخودوم
قوی حق دییم ناحق منی اولدورسین
ایله بوللم اولیندن یوخودوم

عمر شبیهدور بیر کاسا سویا
وِره لر اوشاقین الینه اویا
یریدیگجه چالخالانیب داشاجاق
یاداکی الیندن دوشوب آشاجاق

• پنج شنبه
• 21
• مرداد
• 1400
• ساعت
• 12:36
• نوشته شده توسط
• یوسف اکبری

عید او گوندور بیزه قرآن اولا حاکم جهانا
آنلیا دینینی هر وقت گله هر کیم جهانا
یا گرک اولمیا دنیا یوزونون زور دیه نی
یاگرک قهراً و قطعا چکیلوب اودّا یانا

عید او گوندور بیزه غفلتده یاتانلار اویانا
رنگ آزادی و عدله هامی اللر بویانا
یا گرک عالمِ اسلام علمی سایه سالا
یا گرک قدرت بازو نقدر وار دایانا

بو امامین سوزودور جنگیدن اول بویوروب
مثل آینه دی بو کلمه مفصل بویوروب
یا گرک بیر نفر اسلامیده جان ساخلامیا
یا گرک فتنه نی قرآن ایده منحل بویوروب

• جمعه
• 22
• مرداد
• 1400
• ساعت
• 12:18
• نوشته شده توسط
• یوسف اکبری

ای دل بو فنا دهره چوخ آلانما آماندور
سیماسی فریبنده آدین چکمه یاماندور
درمان ایلمز درده ولی دردی کلاندور
بی رحم دی هر وردیگین آخر آلاجاقدور
تنها بو یالان دنیادا بیر آد قالاجاقدور

عمرین چاپاراق مرکبی بیر گون دوراجاقدور
بیر گون ملک الموت سنه تور قوراجاقدور
آخر بو حیات گلشنی نی سولدوراجاقدور
الدن نَقَدر ثروتون اولسا آتاجاقسان
قدونجه قرا تپراقین آتدا یاتاجاقسان

بیر گون آنادان اولما کیمی گَل ها گَلون وار
بیر گون گدیشون وار قباقیندا اجلون وار
منکر ملکی گورسه الونده عملون وار
دوزدور سنه اول گجه مهمان اولاجاقدور
قبرون ولی بیر عمر گلستان اولاجاقدور

احسان ایلسه دهریده هر وارلی واریندان
یوخسولدا گیدوب آشماز اونون دام دواریندان
آسوده یاتار قونشوسونون آه و زاریندان
قونشی گرک ارثیه سی نی قونشودان آلسین
بو عرف ده یوخدور بیری اُلسین بیری قالسین

بیر عده یاشیل یاپراق ایچینده یاشاییلار
بیر عده گجه غصه گونوز غم داشاییلار
بیر عده دوشوبلر علنی یوز قاشاییلار
بیر یاندا فقط حیله فیریلداق دی یالاندی
بیر یاندا چالیب چاپما اوغورلوقدی تالاندی

• جمعه
• 22
• مرداد
• 1400
• ساعت
• 13:34
• نوشته شده توسط
• یوسف اکبری

ای بشر بوشلاما جدیتی بیهوده دولانما
بیر اوخی فلسفه خلقتی بیهوده دولانما
گور ندور خلقتوین علتی بیهوده دولانما
حفظ ایله حرمت شخصیتی بیهوده دولانما
قوی بولونسون آدوین قیمتی بیهوده دولانما

نوریدن خلق ایدوب الله سنی سن نور جلی سن
فطرتون پاک و منزه غنی منشور جلی سن
تاپگلان منطقهٔ ایمنی قیل طور جلی سن
حقه اظهار ایله عبدیتی بیهوده دولانما
قوی بولونسون آدوین قیمتی بیهوده دولانما

وار سنون رتبهٔ انسانلقون حفظ ایله جهاندا
قالما ای درّ گرانمایه قرانلقدا نهاندا
گر دیسون نفسیوه لبیک یاشورسان هیجاندا
عقلون الدن وره جاق حرمتی بیهوده دولانما
قوی بولونسون آدوین قیمتی بیهوده دولانما

زندگی سنگ مهک مثلی دی انسان اونا معیار
بنده لیک گل دی گلستان دا ولی نفس و طمع خار
غره لنمه بو فنا دهرده بیر ذره پولون وار
چالما چوخ باشلارا مال ثروتی بیهوده دولانما
قوی بولونسون آدوین قیمتی بیهوده دولانما

چالما چوخ باشلارا مال ثروتی قارون مثالی
وردی الدن او قدر قدرتی اول جاه و جلالی
چکدی یر کامینه اول حضرتی هم مال و منالی
قالمادی دهرده هیچ عزتی بیهوده دولانما
قوی بولونسون آدوین قیمتی بیهوده دولانما

عمر بی پایه ده یوخ پایه سی دنیا سنه قالماز
ورمیوب فایده هیچ سایه سی ورسه دیمه آلماز
هر کیمین آج یاتا همسایه سی آیا او آجالماز
سلب اولار مالی نین امنیتی بیهوده دولانما
قوی بولونسون آدوین قیمتی بیهوده دولانما

ای ربا رشوه یه رونق ورن اوز فکریوه قالما
ملتین اوینادب اولادینی چولدن چوله سالما
سن که آلچاقداسان آلچاق کیشی بیهوده اوجالما
شیطانین شارلاتانین آیتی بیهوده دولانما
قوی بولونسون آدوین قیمتی بیهوده دولانما

• جمعه
• 22
• مرداد
• 1400
• ساعت
• 14:05
• نوشته شده توسط
• یوسف اکبری

ای بشر ایستوسن عالمده آدین زنده قالا
هم بو دنیا هم او دنیاده ده باشون اوجالا
سعی قیل یاخشی یاشایشدا چالش قالما دالا
بش گونین عیش و نشاطینه چوخ آلانمیاسان
بیر گونه بش یوز ائل آواره قالوب یانمیاسان

نفس عماریه عقلین گوجونی ساتمیاسان
آللانیب یا که جهاندا بیرین آلاتمیاسان
ذره سرمایه وه دنیاده حرام قاتمیاسان
حرمتون آرتاجاق آسوده بیر انسان اولاسان

پاک دور نطفتون الله سنی اعلا یارادیب
خلقتین مزرعه سینده گل رعنا یارادیب
قدرتون هر نه دن آرتیخ دی توانا یارادیب
یرلری گویلری تسخیره بشر سن چکوسن
هر نه ای علمیله زنجیره بشر سن چکوسن

عصر فرهنگ تمدن ده مگر جاهل اولار
عاقلا قادر و داناده مگر کاهل اولار
حق گلر گون کیمی پامال اورگون باطل اولار
عمر سرمایه دی هیچ کیمده ولی قالمیاجاق
یوز مین ائل عمر ایده انسان گینه فیض آلمیاجاق

ایلیوب حضرت خاتم اوزی منبرده بیان
خواب غفلتده یاتان لار هامیسی قویدی زیان
آنلاسین گونده نچه مرتبه قرآن اوخویان
دوتمیا مفته اروج قیلمیا بیهوده نماز
چون اونی صبح و مسا گوزلوری هر اهل نیاز

گیت علی شیر خدادن یولین اورگش عملین
بیر دوز احسانیوه دنیا بویی باغلانماز الین
عمرون آخر چاتاجاق باشه گلنده اجلین
مطمئن اول ملک الموت آلاندا جانوی
اوندا بیر بیر سایاجاخلار اوزیوه احسانوی

خوش اونین حالینه احسانینه خاطر آزالا
جرم و تقصیری مجازاتی ثوابین یازالا
خلق اونین مجد و جلالیله مزارین قازالا
ظاهرا قبر اولی باطنده ولی قصر عدن
قورتولار اهل بهشت اولسا هامی واهمه دن

آختار عمرونده "امینی"اوزیوه راه نجات
ثبت اولا نامهٔ اعمالیوه شأن و درجات
قالما آواره عوض اولسا حیاتیله ممات
یول دوز اعمالیله هموار اولاجاقدور اُلنه
رد اولار جمله موانع لر او یولدان گلنه

• جمعه
• 22
• مرداد
• 1400
• ساعت
• 14:20
• نوشته شده توسط
• یوسف اکبری

دوتور بیر عده افراد بشر دورد اللی دنیانی
ییور مینلر ضعیف و ناتوان لار هی اورک قانی

قناعتجیل یازیخ حرصین دیشین یوز دفعه سیندیرسین
چکور اصراف ایدنلر کامینه امواج دریانی

جهان چوخ عبرت انگیز اولماقیندان دم وریر یاران
ولیک عبرت آلان بو دهر فانی دن گورون هانی

غبار آلود بیر آئینه دور انسانلارین عمری
سحر ذرات گونلن بیللنیر آخشام اولور فانی

بساط عیش لر سرگرم ایدور انسانی بش اون گون
سالور اثنای یولدا سیندیرور تز عهد و پیمانی

او گون جبریله باخما اسمعیله گتدی قوچ قربان
بو گون دوران دونوب انسانلارین انساندی قربانی

حریم کعبه دن سیلکیب الین وارستگی گیتدی
گلوم حجاج یوزدن بیر قالور حفظ ایتسین ایمانی

دولان بیر یاخشی مومن تاپ دیسین الله یاغش گوندر
قبول ایتسین دعاسین حق اونون حقینده بیر آنی

کرامت راه و رسمین یردن اورگشمک زمانیندن
گیچور مین دورت یوز ائل هاردان تاپوم مقداد و سلمانی

جهانین وار یوخی یا آز چوخی مطرح دگول ایندی
او مطرح دور که ظالملر فقط آلسینلا میدانی

بشردن با دوشوب تنها قالان شردی شرارت دی
شعور و عقللر الان وروللر قتل فرمانی

"امینی" چوخ یازیب پوزماخ نتیجه بخش اولا بولمز
اوزون چوخ یورما بسدور کورلاما دفترله دیوانی

• جمعه
• 22
• مرداد
• 1400
• ساعت
• 18:34
• نوشته شده توسط
• یوسف اکبری

قولاق ور ای اوغول منه
واریمدی بیر سوزوم سنه
مواظب اول که اگنیوه
گییندیله نیم تنه

زمانه چون خراب اولور
اورکلر آهنین دولور
قوجالماقیندا فکرین ایت
جوانلقین گلی سولور

بیر عده قوی دیوم باری
نه دین تانیلا نه تاری
گجه دوشوللر ایولره
گونوز دعاده قولاری

اوغول بو فانی دنیادا
وررسن عمریوی بادا
او حور اولا ملک اولا
اینانما صونکی آروادا

چوخ اویما گل جمالینه
ویریلما ملک و مالینه
کفایت ایله هر زمان
اوغول یارین کمالینه

گوزتله ایلمه حاجی
اوزیوه اوزگنی باجی
باخیلا دوست و دشمنی
یارادا باخما قیقاجی

اوغول گیدنده هر هارا
اینانما بد اصیل یارا
اوزی گیدوب اویون چادار
سنی سالار الوولارا

منیم واریمدی مختصر
زمانه دن بیر آز خبر
دوشور اوتا بیر عده لر
اولور بیر عده بختور

بیر عده لر قان آغلایر
بیر عده سینه داغلایر
بیر عده ده بیر عده یه
بیلینی مفته باغلایر

آیخ دولان آماندی ها
زمانه پیس زاماندی ها
مواظب اول بیر عده نین
دیدیکلری یالاندی ها

گوتور نصیحتی اله
چتینله شیبدی مسئله
زمانه نین آداملاری
قورولا بیر بیره تله

کیشی نین اولسا غیرتی
آلیب دوتار نصیحتی
اوز اولکه سینده شیر اولار
پیشیک آپارماسین اتی

گوزوم قالیب او دریادا
وار اوردا بیر اوزون جادا
گوزتله کسمه یولاری
گوجون واریندی سال جادا

"امینی" تاپدی یارینی
سویر یارین دیارینی
ایگیت گرک دی ورمیه
الیندن اختیارینی

• یکشنبه
• 24
• مرداد
• 1400
• ساعت
• 11:10
• نوشته شده توسط
• یوسف اکبری

قرآن دیینه دهرده هر کیمسنه باخسا
عقباده اونی یولدا یوباندیرمیاجاقلار
جنت ده یولین گوزلین البته عمل دور
یول اوسته جهنمده ده یاندیرمیاجاقلار

اود یوخدی جهنمده گلوم زاهده باخما
یامدیرماسالار اوزلری اود یامیاجاقلار
بیر عده اوزی شعله ور ایلور اوتی قارداش
اونلاردا که قرآن دییه نی قانمیاجاقلار

هر کیمسه فرومایه دی بو نکته نی بولمز
گر اولسا غلط دفتر اعمالیده سیلمز
اوز سیر و سلوکینده ادامه یولا ورسه
یول باغلی قالا بیر یانا نیلر چکیلنمز

عادل دی خداوند تعالی هامیلاردان
ظلم ایلمز انسانه دوز اولسا عملینده
انسان اوزی دور خیر و شر اعمالینه حامل
اعمالینی حمل ایلیجاقدور اوز الینده

قرآن وروب انسانلارا بیر عالی سفارش
اوز ایشلرینه اوزگیه بیل باغلاماسینلار
بش گون بو فنا دهرده آز عیش و نشاطه
ایللر بویی عقباده گیدوب آغلاماسینلار

انسان اوزی انسانلقین البته گوزتلر
بیر لحظه خلاف ایشلره اوز آدینی یازماز
بعضی لری بیچاره فرومایه دی نیلک
یوخسا ایاقی آلتینی هیچ کس اوزی قازماز

افضل دی هامی خلق دن انسانلارین آدی
چون عقللری وار هامی دان تز قاناجاقلار
اما بیری جاهل دی و یا کافر مطلق
اونلار دا دوشوب اودلارا بیر گون یاناجاقلار

بش گون بشره آت مینوب اویناتماقا باخما
بیر گونده اونا بیر دلی آت سورتوشه جاقدور
اویناخلاسا راکب اوزی نی ساخلیا بولمز
هر نیلسه یوخ چاره سی بیر گون دوشجاقدور

چوخلار گلین عشقینده گلستاندا گزوللر
ای غافل اوزون یورماگیلن وقتی بهاردی
بلبل گله بیگانه اولوبدور دیه بوللم
القصه بهار فصلی گلین یولداشی خاردی

قرآن دیور انسانه مکافات عمل وار
بیرگون بو فنا دهری گوزیندن آتاجاقدور
دوزدور که دویوب گتمیاجاق گیتدیره جاقلار
تپراقلارین آلتیندا دویونجا یاتاجاقدور

قورتولماسی مشکل دی مکافات عملدن
هر کیمسه نین اعمالینی معیار ایدجکلر
یا نار جهنمده یانیب کول اولاجاقلار
یا جنته خوشنود و خرامان گیدجکلر

شاعر یازیب اوّلده بو بیر جمله نی قارداش
«زاهد منی آلاتما جهنمده اود اولماز
اونلار که یانیلار اوتی بوردان آپاریلار»
سنده ایلیه بولسن عزیزیم بو سیاق یاز

آلاندیلا شمریله عمر سعد ستمگر
دنیاده نه گون گوردی نه محصول ری آلدی
بیر گونده اولار ظالم دوران دوشر آتدان
دنیاده بیله فکر ایلیون پوچدی خیالدی

اوز نفسینه ظلم ایلدی ملعون و لعین شمر
بیر شوم خیالیلن او شمشیر اله آلدی
الدورمگه گلمیشدی حسین بن علی نی
الدوردی ولی اوز اوزونی اودلارا سالدی

ائللردی "امینی" قلمیندن سوز آلبدور
هرسوز که آلیب دفتر عرفاندا یازبدور
چوخلار آدینی دینچی حسینچی قویوب اما
مشکل قباقیندا ولی یولداندا آزبدور

• یکشنبه
• 24
• مرداد
• 1400
• ساعت
• 11:13
• نوشته شده توسط
• یوسف اکبری

دنی دنیا سنه بیل باغلادی کیم آلاندی
ایله بول یای گونی یانقین تنوره سالاندی
یمه دی گی مه دی بیچاره ایله نالّاندی
ایاقینده نالی چیگنینده فقط یوک چکدی
هره دن بیر جوره بیر نچه داما توک چکدی

دنی دنیا سنه بیل باغلادی کیم خار اولدی
او قارانلق گجه لر مثلی گونی تار اولدی
ایشی آه اولدی فقط ناله اولوب زار اولدی
ابدی منزله بیچاره الی بوش گیتدی
یوکونی سالدی دالیندان یره ناخوش گیتدی

دنی دنیا سنه بیل باغلادی چوخ انسانلار
گولوب البته چوخ انسانلارا چوخ حیوانلار
خروسین اولماسا گر حالی تویوخلار بانلار
ایله قاقیلدایب آخر گزجاقدور هاوادا
خروسیندا اتی بیرگون پیشجاقدور تاوادا

دنی دنیا سنه بیل باغلادی هر فرزانه
سنه فرزانه دی انسانه ولی افسانه
نه باخار اللها پیغمبره نه قرآنه
ایله بیچاره نی یولدان چکجاق شیطانلار
چتین ایشدور اونا بیرده یارانا امکانلار

دنی دنیا سنه بیل باغلادی بیر عده خبیث
اوزی نین ظاهری زیبادی ولی باطنی پیس
اوجور انسانلارین حقینده گلوب چوخلی حدیث
خسرة الدنیادی والاخره یوخ ایمانی
اولاجاق بیر گون الیندن گیدجاق امکانی

دنی دنیا سنه بیل باغلادی چوخ شاه و گدا
اوزینی ایلدی ظالملره بیر دفعه فدا
دوتاجاق اونلاری بولسین هامی خون شهدا
سن "امین" ایله دعا قوی گیده باطل گَله حق
او قدر قالموری مولائيله حاصل گَله حق

• یکشنبه
• 24
• مرداد
• 1400
• ساعت
• 11:14
• نوشته شده توسط
• یوسف اکبری

سمند فانیه ای سوگلیم سعی ایت سوار اولما
دوش عاقللر صفینده سیر قیل دیوانه وار اولما
کنار ایلر مسیروندن سنی بو چرخ کج پندار
آییخ گَز تا گرفتار فریب روزگار اولما

فلات زندگی ده پیچ و خم آلچاق اوجا چوخدور
بویان دریا اویان داغ داش دره هموار یول یوخدور
فریبا دنیانین سینمیش الینده گورسنن اوخ دور
او تیراندازیدن گیزلَن که اوخلاره دچار اولما

ایوینده یاریلن دور یات دولان اغیاره یول ورمه
که قوی بلبل دولانسین گلسِتاندا ساره یول ورمه
قزل گل بَسله ورسین گل گلابین خاره یول ورمه
حیا و حرمتون قالسین الونده شرمسار اولما

کلیم اول طور سیناده دوشَن راز و نیاز ایله
مناجاتون قوتاردون باشلا تبلیغ نماز ایله
غنی سن قالما غفلتده دولان رفع نیاز ایله
خدای مهربانه بنده اول بی بند و بار اولما

بو سوز مندن سنه سندنده خلقه عرض و حال اولسون
مُصاحب تاپ دوز اولسون دوزلی اولسون با کمال اولسون
گیینسین معرفت پیراهنین صاحب جلال اولسون
گیدوب نا آشنا نا کس لریلن همقطار اولما

غرض نامرد آداملان یولداش اولما اوردا یا بوردا
قاچار نامرد آدام یول یولداشین اما ورَر قوردا
سسون قویماز اوجالسین ساخلیار پنهاندا سانسوردا
تیکان چاتسین یاراندان یاغی لر چوخ انتظار اولما

عقیل اول باشیوی بیهوده دنیاده دولاندیرما
گچیردوب اوز اوتون اوزگه اجاقین بیله یاندیرما
ایلون وار طایفه ن وار قوم و خویشین وار اوتاندیرما
آمان گوندور که ننگ قوم و خویش و ایل و تبار اولما

خدا ، عاقل یارالداندا یارالدیب نسل انسانی
آیرسینلار دییبدور بیربیریندن کفر و ایمانی
چالیشدیرماق نه لازم دور مسیحا و مسلمانی
باشارسان مصلح اول بنیانگذار کارزار اولما

تعارف سیز نصیحت دور اوزوم سن یاخشی انسان اول
شریف اول با شرافت اهل قرآن اول مسلمان اول
مسلمان اول مسلمانلار ایچینده اهل ایمان اول
شراب سلسبیل ایچ اول خمار اهل قمار اولما

باشون چیگنینده یان دورما اگیلمه هر گَلن پَسته
قالار بدنام آدون دنیاده اولسان پَسته وابسته
اوزون اوز یاریویله گَز دولان آهسته آهسته
غیور اول باشعور اول شاهباز اول بی بخار اولما

صفات احسنت لن باخ بو خلقین یاخشی سین دیندیر
حلالیله حرامین دوت نظرده جانیوه سیندیر
نه شور اولسون نه چوخ شیرین نه
مین نه بوینوا میندیر
کُبار اول افتخار اول باوقار اول بی وقار اولما

حریم عصمت اسلامی ده اسلامی سیرتیلماز
حیانین پرده سی هیچ بیر مسلمانیله یرتیلماز
او کافردور، مسلمانه مسلمان افترا قیلماز
اوزوم ای من اوزوم گوزله گوزَتله عیب دار اولما

آماندور اصلیوی اصلان کیمی دوت بداصیل اولما
یامانلیق باغلاما اوز آدیوه اصلاً بخیل اولما
نجیب اول نانجیب ناکس لره هرگز دخیل اولما
کفیل اول کس لره ، ناکس لره یوخ اعتبار اولما

پیام دلنشین ذات یکتا واردی قرآندا
عیوب مردمی هرگاه گوردون ساخلا پنهاندا
الوندن گَلسه قیتَر ، توپ کیمی اویناتما میداندا
تحمل ایله صبر ایله صبور اول بی قرار اولما

گیدرسن غفلته یومما گوزون بیدار قال یاتما
ابوسفیانلارین مثلی گلوم دیناره دین ساتما
گولوب شیطانیلن باهم اولوب انسانی آغلاتما
سویندیر خلقی خلاقین یانیندا اشکبار اولما

"امینی" خامه دن چک ال قوی اشعارون تمام اولسون
تمام ائللردی آیلاردی یازیرسان صبح و شام اولسون
گرکدور سوز چورک مثلی نه چوخ یانسین نه خام اولسون
اگر دوز پیشمه سه شعرون بوراخ صاحب شعار اولما

• یکشنبه
• 24
• مرداد
• 1400
• ساعت
• 14:38
• نوشته شده توسط
• یوسف اکبری

وفاسیز روزگارین عادتی دایم خیانتدور
ئورگ بو عالمه وئرمه اگر قصدون سعادتدور

توقف گاه دنیایه گلنلر قالمیوب گئتدی
گئدر سونرا گلنلرده گئدن لردن وصیتدور

ورق وور صفحه ی تاریخی دنیا گورکیمه قالدی؟
اسیر رنگهای روزگار اولماق حماقتدور

آماندی زرق و برق روزگاره ساده آلانما
بئش اون گون فانی عالمده اولار سنده امانتدور

ائشیتدیم بو سوزی بیر گون دئدی بیر پیر فرزانه
کتاب زندگینون فصل فصلی درس عبرتدور

ئولوم حقدور گلر بیر گون الونده فرصتون اولماز
دمی دمنن آییر وار بیر مثل کی "دم غنیمتدور"

خلایق فانیدور دنیاده هئچ کیم جاودان قالماز
قالان اولسا فقط بیر یاخچی آد ، بیرده شرافتدور

اگر کی والدینون ساقدلار دنیاده حرمت قئل
آنا دریای رحمتدور آتا تاج سعادتدور

آنا نور الهی دور ایاقی آلتدادور جنت
مقام مادره بو سوز پیمبردن روایتدور

سنه بیر سوز دئیوم سعی ائت یادوننان چخمیا بو سوز
شرف غیرت عدالت بو ایکی جمله عبارتدور

محبت والدینونله ائله اعماق جانوننن
اگر نیت بهشت اولسا ، محبت یوخ تجارتدور

آنا تک قالسا بیر ائوده سراقین دوتماسا اوغلی
اوغول علامه ده اولسا، بونی بیل بی شرافتدور...

• سه شنبه
• 26
• مرداد
• 1400
• ساعت
• 11:03
• نوشته شده توسط
• یوسف اکبری

زال عفریت جهان اوینادی چوخ جانلارینان
پنجه لر نرم ایلدی رستم دستان لاریلان
کامینه چکدی سلیمانلاری میلیان لاریلان
فرصت زور و توانایی ویروب هر احده
کله سی اوسته ییخوبدور اونی زیر لحده

بو همان هیوره دنیادو زنی هرزه روان
اونون اوستونده توکولدی یره هر دوره ده قان
توپ فوتبال کیمی چوخ باشلارا ویرمیش جولان
بشرون اوسته آتم بمبی توکن پنجه لری
هضمه ویرمیش قره تپراقدا گورونمز اثری

یوخدی تاریخی نی بو کهنه سرانون اوخیان
صحنه سینده سینما پرده سی دور دور زمان
مختلف شکل لر اول پرده ده ایلر هیجان
نئجه آیینه ده انسان نظر ایلر ئوزونه
گورسنن پرده ده کی شکلدو عکسون گوزونه

ایاق آلتدا قاریشوب تپراقا اعضای فنا
مغز سلطان و زبان وزرا دست گدا
استخوان علما پیکر مردان خدا
قیندوب شیر ژیان لار اورگین ریگ تراب
اریدوبدور سوموگون شیره سین ایلوبدی مذاب

نئجه ماشین دوزلور پیکره آهنیدن
خلق اولوب جوهر و تپراقیدن اعضای بدن
یل دور اود دور سو دور انسانی ماشین تک یریدن
روح راننده سی دور روحسیز انسان یریمز
صانعی ذات خدا ویرمسه فرمان یریمز

ئوزوه گر باخاسان یاخچی حسابه گیده سن
اسکلت اوستن اتیلن دری نی رد ایده سن
گوروسن اوندا نئجه گولملی بیر شکلیده سن
خواهشون غرق ایدوب بار کثافت ده سنی
روشون گمره ایدوب شوق ریاست ده سنی

نازنین لر کی دوتوب جامه کرباس حقیر
قو توکی دی تشکی گیدیگی اطلاس و حریر
مرغ و ماهی یدیگی ایچدیگی فالوده و شیر
بوکولوب گور نئجه کرباسه بگنمزدی اونی
توکولوب آغزینا کافور یینمزدی اونی

جاهلا مجلس عیشونده کیچن لذته باخ
عارفا صوم و صلاتونده اولان زحمته باخ
عوضینده ویریلن دوزخه باخ جنته باخ
نه قالور جاهله لذت نه قالور عارفه غم
بو آلور لذته نیران بو قویار عدنه قدم

حظ نفسه عظمت لو یروی ساتما بشر
دست بازیچه ده ایمانوی اویناتما بشر
سرمه غفلتی چکمه گوزوه یاتما بشر
قبر تاریکیده والله اویانارسان یوخودان
نفسوه اوندا بیلرسن کی ویروبسان نه زیان

• سه شنبه
• 2
• شهریور
• 1400
• ساعت
• 15:01
• نوشته شده توسط
• یوسف اکبری

من هشتگ رهای فضای مجازی ام
با حرف و خط «فاصله» درگیر بازی ام

حاشیه را هر آینه دنبال میکنم
شک را ترند میکنم و حال میکنم

مسئول بولد کردن هر شک و شبهه ام
این روزها اینیستاگرام است جبهه ام

هر پیج ، لشکریست و پستش تفنگ آن
هر کپشن است ماشه و هشتگ فشنگ آن

هشتگ شدم که شایعه را خوب پر کنم
می‌آیم از مجاز که حق را ترور کنم

من هشتگ رهای فضای مجازی ام
از من خدا نه، من ولی از خویش راضی ام

من تیغ را نبرده به حلقوم میکُشم
در دست ظالمانم و مظلوم میکشم

روزی من ز سفره‌ی آشوب میرسد
از خاور میانه به من خوب میرسد

از پیش حرفهای خدا میکنم عبور
از روی مرزهای حیا میکنم عبور

من مثل گیسوان زنان سرکشیده ام
پا از گلیم خویش فراتر کشیده ام

نام حسین را به همه میدهم نشان
اما به سبک کوفه میارم به راهشان

من هشتگ رهای فضای مجازی ام
سرگرم از گلیم خودم پا درازی ام

اشرار برده اند به ارثیه ام هنوز
آری سلاح دست معاویه ام هنوز

دیدم علی زرنگ تر از هر تلاطم است
تنها حریف تیغ علی جهل مردم است

گفتم علی به درد حکومت نمیخورد
آزادی شما به ولایت نمیخورد

من در سقیفه رفتم و زنگ خطر زدم
من بوده ام که فاطمه را پشت در زدم

درکوفه شایعات «زیادم» ضریب خورد
طوری که کل کوفه ز دستم فریب خورد

من هشتگ رهای فضای مجازی ام
من را ببین چه اسلحه‌ی کارسازی ام

من تیغ بودم و تن اکبر دریده ام
یعنی تن شریف پیمبر دریده ام

با طعنه ها به جنگ‌ بنی هاشم آمدم
با سنگ‌کوفیان به سر قاسم آمدم

اما یکی فریب ضریب مرا نخورد
عباس نامدار فریب مرا نخورد

درد حسین را فقط عباس چاره کرد
در دست های شمر امان نامه پاره کرد

من از حسد عمود به فرق سرش زدم
با تیرهای عقده به چشم ترش زدم

وقتی به خاک خورد علمدار قافله
رفتم شبیه تیر به دستان حرمله

طفل حسین ذبح شد از تیر حرمله
گفتم به لشکر عمر سعد ! هلهله!

من هشتگ رهای فضای مجازی ام
در قلب کوفیان سبب کینه سازی ام

با هر طریق بود قوی تر ز یک سپاه
بردم حسین را به هیاهوی قتلگاه

سرنیزه‌ی سنان شدم و با سنان زدم
با بی سلاح رفتم و زخم زبان زدم

با هر سلاح بر بدنش طعنه ها زدم
با هر هزار و نهصد و پنجاه تا زدم

با طعنه ها زدم به تنش مثل دشنه ای
گفتم حسین آب حیاتی و تشنه ای

تنها حسین ماند ، و یک جسم زیر و رو
خورشید سر برهنه و یک خنجر و گلو

آه ای حسین قاتل تو تیغ جهل بود
با جهل سر ز عشق بریدن چه سهل بود

• سه شنبه
• 3
• آبان
• 1401
• ساعت
• 10:33
• نوشته شده توسط
• فاطمه سرسخت

دئدیم ای خالق حی توانا
منه رحم ایله ای رحمان و دانا

اوجا سس گلدی گویدن ای گنهکار
اولوبسان اوز الینن سن گرفتار

نقدری بزل و بخشش ایلدیم من
سالیب یاده منی شکر ائتمدین سن

دولاندون بی هدف هر یانی اما
اویمده اولمادین بیر لحظ پیدا

نه تک سن هامی انسانلار یاتیبلار
مقدس دینی دنیایه ساتیبلار

گرفتار اولمیان چالمور بو بابی
ملالتده اوخور فورا کتابی

منه ای بنده دنیادن دانیشما
جهالتده قالان جَمعه قاریشما

اولار شیطانه خدمت ایلیوللر
سنه هر یاندا حزیان سویلیولر

اوزاخ اول بو جماعتدن همیشه
بولاردا یوخدی چون بنیاد و ریشه

اگرچه سن مسلمانسان و لکن
اولوبسان خانه ی شیطاندا ساکن

سنی بیهوده دوسلار آلادیبلار
آنون شام و سحرده آغلادیبلار

یانیمدا واردی بیر والا مقامون
جهاد ایله چوخلاسین احترامون

آچیخدی توبه بابی هر زماندا
منی یاد ایله هر کون و مکاندا

اورک سینسا من اوردا حاضر اولام
اومحزون بنده نین من نازین آلام

اویان یاتما جهالت بسترینده
خطا جولان ائدیبدی دفترینده

گوز آچدیم سسلدیم ای رب رحمان
منی ائتدون بو گون زاره و پشیمان

گذشت ایله بو شخص رو سیاهی
سفاهت ایلیوب چوخدور گناهی

قسم وئرم سنی کربوبلایه
صفا و مروه و سعی و صفایه

بوغازی اوخلانان طفل ربابه
حیالی زینبه اول دل کبابه

ابالفضل رشید و با وقاره
که اولدی القم اوسته جسمی پاره

او بیکس جان ویرن عطشان شهیده
که باش اگموبدی عمال یزیده

اگر یازسان منی نوکر حسینه
جهاندا آغلارام یکسر حسینه

اونون چون با وفا عباسی واردی
بیلور هامی دل دریاسی واردی

دخیل اولسام وئرر فورا جوابی
مریدی حشریده چکمز عذابی

ائده بیلمز اونون وصفین (عبادی)
علینین اوغلودی بی انتهادی

• شنبه
• 17
• تیر
• 1402
• ساعت
• 19:55
• نوشته شده توسط
• یوسف اکبری

قدرزر زرگر اگر بیلمسه خسران آپارار
قافل اولسان عمل خیریوی شیطان آپارار

کیم اولا همتیلن شیفته ی علم و ادب
هرنه استاد دسه شوقیله فرمان آپارار

بویوروب حضرت پیغمبر اوزی اعرابه
علم وایمانی یقین فرقه ی سلمان آپارار

نقدر محکم اولا بنیه و بنیادد بنا
ائتمه تردید اونی سهمیلی طوفان آپارار

نصف شب کیم آپارا نان و غذا ایتامه
کامیاب ایلر اونی خالقی احسان آپارار

باخما حسرتله سلاطین جهانه آییخ اول
خانه ی قبره هامی پیکر عریان آپارار

یتمیش ایل عابد اگر کسب ائلیه اجروثواب
کاهل اولسا هامیسین غیبت وبهتان آپارار

داغیدار سینه سینی فرقت الوندن یعقوب
گوزونون نورینیده یوسف کنعان آپارار

• شنبه
• 17
• تیر
• 1402
• ساعت
• 20:02
• نوشته شده توسط
• یوسف اکبری

ای بشر اعمالیوه قیل راه چاره دهریده
که اولارسان طعمه بیرگون موروماره دهریده

چوخ تکبر ایلمه سنده اولرسن عاقبت
بووفا سیز عالمه لعنت دیرسن عاقبت

الی آتمیش ایل سنه آقا دیین پیر و جوان
سن اولنده هاموسی گریان اولالار بیر زمان

اربعیونونده ولی موروثه بحثی باشلانار
هرکس اوزسهمین آپارسا،ارث میراثه قانار

قاره کوینک عاقبت اولادین اگنیندن چیخار
نوعروسین اوقراکوینگی مین سمته سیخار

تپراق التیندا ولی کیمدی سنه یاوراولا
ایسته خلاق جهاندان که گلن حیدراولا

همنشینون بیرکفندی بیرده اعمالون سنون
کارساز اولماز بویرده مال واموالون سنون

هرایشیندن بازخواست ایلله بی چون وچرا
عدل وانصافیله الله ایلیر حکم قضا

اشک حسرت سیل تک جاری اولار رخساریوه
قبراوینده یوخدی بیرکس تاگله دیداریوه

گر آدون شیعه یازیلسا تاپولار چاره سنه
بخت و اقبالی آچار پیرهن قاره
سنه

بیلیسن خالق اودی شیعه یه ایلوبدی حرام
دل غمین اولماچاتار داده اوحالینده امام

قویماز اوز شیعه لرون دوزخه قویسونلا قدم
دست مولا چکجاخ دفتره لطفیله قلم

لطف رب ازلی حالیوه چوخ شامل اولار
حب مولا گر اولا باغ جنان حاصل اولار

• شنبه
• 17
• تیر
• 1402
• ساعت
• 20:36
• نوشته شده توسط
• یوسف اکبری

دِلا گَر گُوهرِ مَقصُود خواهی دُیده دَریا کُن
زِ فِیضِ دانهء اَشگ آستین پُر دُرَّ لالا کُن

بِقُوسِینِ عَلایِق چَند چُون پَرگار سَرگَردان
دَرون نِه پای و جا از نُقطهء مُوهُوم اَدنی کُن

زِ فِیضِ شَمسِ لاهُوتی در اِین نادُوسِ ناسُوتی
بِتَهلیلاتِ اِکسیریِه نَفسِ مُردِه اِحیا کُن

بِدار الخِیرِ حِکمَت نِه رُخُ و در عِینِ دَروِیشی
بِنِه اَکلیلِ زَر بَر سَر بِه تَختِ هر مِسی جا کُن

اَگر نَقشِ بَقا خواهی در اِین مُرآتِ طَبعانی
هَیُولا را بِصُورت آر و صُورَت را هَیُولا کُن

چو دِیوِ خِیرِه دَر چاهِ طَبیعَت سَرنِگُون تا کِی
بیا بَر شِکلِ اِنسانی نِگاهی سُوی بالا کُن

اَگر چون پُورِ عِمران طالبِ نُورِ تَجلائی
عَصای مَسکَنَت بَر دَست گِیر و سینِه سِینا کُن

یکی کُن جُوهَرِ رُوح و جَسد با نَقشِ لاهوتی
رهِ تُوحید گَیر و تَرکِ تَثلیثِ نَصاری کُن

نَمیگُویم زِ اِیجاد طَبیعی سَر بِزَن لِیکَن
بِتَکلیف از اَدای آنچه آنجا خواهی اَینجا کن

زِ گَنجِ عقل میراثِ پدَر دَست آور و بِنشین
بِصَدرِ عِلم و بَر قُدّوسیان تَعلیم اَسما کن

چو کَرکَس بَر سَرِ مُردارِ دُنیا پَر زنان تا کِی
بِقافِ قُرب نِه پای و مَکان بَر فَرقِ عُنقا کُن

• یکشنبه
• 15
• مرداد
• 1402
• ساعت
• 13:07
• نوشته شده توسط
• یوسف اکبری

نماز والاترین اسرار هستی
به درگاه خدا با شور ومستی

نماز زیباترین وجه عبادت
رسیدن تا به اوج هر سعادت

نماز لبخند بر اندام ایمان
سراپا عبد محض امر یزدان

نماز گلواژه ی راز و نیاز است
مدد از ذات حی بی نیاز است

نماز پرواز تا عرش برین است
تقرب بر خدای عالمین است

نماز معراج روح مومنان است
صفای سینه ی پیغمبران است

نماز انوار چشمان رسول است
انیس و مونس جان بتول است

نماز یعنی همیشه طاعت حق
ز خود بیگانگی و عبد مطلق

نماز یعنی دل از دنیا بریدن
به لبیکی دل خود را گشودن

نماز یعنی اطاعت با ولایت
عبادت را نشاید بی ولایت

نماز یعنی ندای حق شنیدن
بسوی عرش اعلی پر کشیدن

نماز یعنی خدا را بنده بودن
ز لطفش دائما شرمنده بودن

نماز یعنی خدا را شکر کردن
به سینه عشق حیدر مهر کردن

نماز یعنی به غیر از او ندیدن
ز نفس پر گنه دوری گزیدن

نماز دریای عشق کبریایی است
دلی که با خدا شد کربلایی است

• سه شنبه
• 17
• مرداد
• 1402
• ساعت
• 22:40
• نوشته شده توسط
• یوسف اکبری

الله یارادوب جوهر انسانی نمازه
لطف ائتمیش اونا نعمت الوانی نمازه

اشرف ائلدی آدمی مخلوقینه خالق
وئردی اونا بو رُتبهء شایانی نمازه

مَامور ائلیوب آغلیا تا گویده بلوطلار
آماده ائده گُلشن و بُستانی نمازه

داغلاردان اوجا مَنزَلت انسانه وئروبدی
تاحفظ ائلسون عالم امکانی نمازه

ائتدی بَشرین نَفسینی سَرکش گوره کیمدور
فِدیه ائده بو طینت حیوانی نمازه

اِبلیسه غَضبلندی همان قادر قَهّار
چون ساخلامادی حُرمت رُجحانی نمازه

ترک ائت دئدی جَنّاتی خبیث اولدی وجودون
بَذل ایلمیشم روضهء رضوانی نمازه

بیرلحظه عِناده دایانوب گوردی جَزاسین
قوودی قاپوسینان بِله شیطانی ، نمازه

شایسته اولان بنده لره وئردی نَبوَّت
صادر ائده تا بیزلره فرمانی نمازه

مَبعوث ائلدی حضرت یاسینی بو معبود
دعوت ائلیه کُلّ مسلمانی نمازه

همَّتله توکوب لات و مَناتی یره حیدر
آماده ائدوب کعبهء یزدانی نمازه

چون کوفه ده محرابه یخیلدی شه مردان
باش یاره لَنوب آخدی یرَه قانی نمازه

باخ گور بو نمازون نجه وار شَان فُزونی
اولمادی رضا لطمه یتَه آنی نمازه

اول حالیده اَمر ایلدی اوغلوم حسن ایندی
مسجدده گرک حفظ ائده اَرکانی نمازه

روحیم سنه قربان اولا ای فاتح خیبر
وئردون نَه گوزل جِلوهء نورانی نمازه

اوغلوندا سنون گلدی او گون کرب و بلایه
قربان ائده تیمیش ایکی قربانی نمازه

گودالیده تکبیر دئدی تشنه دوداقلار
اِحیا اولا تا سجدهء طولانی نمازه

تپراقه قویوب یوز مَلکوت اولدولاحیران
تعقیب اوخیور جسمیله هم جانی نمازه

جانانه دئدی من وئررم مین بِله جانی
تا شیعَه لریم ائتمیه عُصیانی نمازه

وئردیم بِله سوداده الهی نَه واریمدور
حَتّی صوداَمر اصغر عطشانی نمازه

#نادر ئوزُووی گُوزلَه بُو نَفسین خَطَریندَن
دُشمَندی هَمین لَذّتِ نَفسانی نَمازَه

• سه شنبه
• 7
• شهریور
• 1402
• ساعت
• 23:21
• نوشته شده توسط
• یوسف اکبری