اشعار راه شام

ای ساربان گَل بیردایان من کارواننان قالمیشام
بیرخستیم،یول اوستیم،جسمیله جاننان قالمیشام

اِقبالیمی سن پیلوسن هِی بو قطاری هِیلوسن
رحم ایله باری بیر دایان من خانماننان قالمیشام

بو قافلونده وارکسیم،چاتسا اونا یورقون سسیم
منده قوشولام اِئلره ، اول مهرباننان قالمیشام

داغلار بویی واردورغمیم، یاهِی لَر اولدی همدمیم
ایندی یوواسیز بیر قوشام هر آشیاننان قالمیشام

یازسا قلم بوسوزلری آغلار گورنلَر گوزلری
گَلمور سسیم دردیم دیم آخر بیاننان قالمیشام

گَلم قطارین زَنگینه ، کونلوم یانار آهنگینه
بیلمم نجه آیریلمیشام اِئللرده ساننان قالمیشام

دنیادی بیر غُربتسرا ، (نادر) اونا وِئرمه بها
ساتدون جَنانی بوغدیا باخ گور هایاننان قالمیشام

• چهارشنبه
• 18
• مرداد
• 1402
• ساعت
• 00:57
• نوشته شده توسط
• یوسف اکبری

یانا یانا او زمان اذن ویردی گوزیاشنا
خطاب ایدوب بو دلیله آتاسینون باشنا

نه ظلم ایدوب بابا گور سنگدل سپاه منه
که روز روشن اولوب لیله ی سیاه منه

آلوبلا معجر گلدوزیمی جفائیله
آچاندا غارت الین قوم دین تباه منه

گورنده ظلمیله گلدوز معجریم آلینوب
ویروبدی قمچی ووران معجر سیاه منه

ایدوبله ناقه ی عریانه گه سوار منی
اولوبدی توشه ی ره یولدا رنج راه منه

ووروب یخوبلا گهی چولده قالموشام یالقوز
تاپولمیوب اولا بیر کیمسه دادخواه منه

ایاق یالین دولانوب چولده دوشموشم دلسیز
کنار خار مغیلان اولوب پناه منه

قابار ایاقلاریمون قانی، قانلی گوزیاشیم
نشان ویروبدی عیان قانلی بیر میاه منه

دولانموشام چولی چوخ صاق قول

• پنج شنبه
• 28
• شهریور
• 1398
• ساعت
• 09:29
• نوشته شده توسط
• TzwSVsOw

دایان گیتمه ناقه دن منی
سالدی ساربان عمه
بالون قالوب قورخولی چولده
گیتمه مهربان عمه
باغریم اولدی قان عمه (2)

گیجه وقتی قورخولی صحرا عمه قورخمیوم نیلوم
اوزوم اوشاق قالمیشام تنها عمه قورخمیوم نیلوم
اولور هردم وحشتیم عظما عمه قورخمیوم نیلوم
ایدوب زبس بیم و واهمه قلبیمی مکان عمه

نچون منی تک قویوب گیدوب اکبر ملک طلعت
نچون منی یاده سالمیور اول جوان مه صورت
یوخونناشوب زهره چاک ایده بو یتیمه نی وحشت
قالوب هاردا دادیمه گلسون اکبر جوان عمه

ندن منیم دادیمه مگر گلمیور عموم عباس
گورور منی بیله خونجگر گلمیور عموم عباس
اولور گوزده روی جلوه گر گلمیور عموم عباس
نیه گلوب مهر لطفینی وئرمیور نشان عمه

یتیشمه س

• پنج شنبه
• 28
• شهریور
• 1398
• ساعت
• 09:50
• نوشته شده توسط
• TzwSVsOw

غروب اولاندا گیدر قلبیدن قراری یتیمون
قرا گیینده هوا قالماز اختیاری یتیمون

شفق رنگ طلایی گیور لباس شبانه
دوشر بیر آیری حالا حال اضطراری یتیمون

هزار هزاریه نسگل اولور سرود عزاسی
هزار درده دونر دردی از هزاری یتیمون

ائدر یول اوستونی دیواریلر کنارینی ماوا
گر اولماسا ایوی آرتوق اولار فشاری یتیمون

ایکی الیله گوررسن ایکی دیزینی قوجاقلار
توکر سرشگین ایکی چشم اشکباری یتیمون

اولا محال گل آرزوسی بیرده شکوفا
طبیعت ایتسه کمک اولسا مین بهاری یتیمون

ساتار گلیب گیدنه در اشگینی آلان اولماز
عیاریدن کم اولار در پر عیاری یتیمون

کمان دلدن اوچار تیر آهی مقصده چاتماز
فقط یانقلی ئورکلر اولار شکاری یتیمون

یوخو

• پنج شنبه
• 28
• شهریور
• 1398
• ساعت
• 10:13
• نوشته شده توسط
• TzwSVsOw

باخدی چون اکبرینون نیزده لیلا یوزینه
گوردی زلفی توکولوب چون شبِ یلدا یوزینه
.
.
ای صبا بیرجه اَس اول زلفِ پریشانی داغیت
خانمان دلِ ویرانۀ لیلانی داغیت
دلِ ویرانۀ لیلا کیمی دنیانی داغیت
قویما دوشسون داخی اول زلفِ سمن سا یوزینه
.
.
چون کنارایتدی صبا زلفِ شکن درشکنی
گورونوب هاشمی خال و خطِ وجه ُالحَسنی
آتدی سازنده لر اول وقت دف و دایره نی
بیر باخوب اکبره بیر باخدیلا لیلا یوزینه
.
.
دئدیلر کیمدی بوعورت بیزی نالان ایلین
یوخسا لیلادی بو مجنون کیمی افغان ایلین
سنی ای تازه جوان قانوه غلطان ایلین
نجه محشرده باخار حضرتِ زهرا یوزینه
.
.
قاشلارون طاقی اوغول سورۀ یاسین اوخوری
باخا هر کیم یوزیوه آیۀ تحسین ا

• سه شنبه
• 9
• مهر
• 1398
• ساعت
• 16:17
• نوشته شده توسط
• ابوالفضل عابدی پور

دوشوب زمانه ده قارداش نه چوخ بلایه باشون
جدا بدندن ایدوب ووردولار جدایه باشون
دل ویروب قضایه باشون
دوزدی هر جفایه باشون
.
.
ازل گونی باشون اولموشدی همدم خنجر
کَسوب علاقه سین اولدی جدائیله همسر
جدادن اینجیدی یاتدی کُل اوسته، ایمدی گیدر
که خیزران سالا بیر اوزگه ماجرایه باشون
.
.
بلای دشمنه باشون عجب مسلّمدور
همیشه درد و بلا چَکماقا مصمّمدور
باشوندا شور سنون بُلمورم نه عالمدور
رضا ویروب مگر عالمده هر بلایه باشون
.
.
قویاندا سجدیه باش اوّل شهادتده
شهادت ایلدی جاری باشون او حالتده
تمام عضو قالوب سجده گاه طاعتده
اوجالدی کلمه ی تکبیریله جدایه باشون
.
.
ویرور بو شام یولی باشوا نه چوخ زحمت
گورر نه کُول

• سه شنبه
• 9
• مهر
• 1398
• ساعت
• 16:26
• نوشته شده توسط
• ابوالفضل عابدی پور

شامین یولوندا دختر سلطان مشرقین
یوزدوندروب جدا باشنا عرض ایدوب حسین
.
بولمم بو یولدا باشیمه قارداش نلرگلور
غم منده یوز گوروب گونی گوندن بترگلور
.
راز درون سینمی فاش ایلسم حسین
آغلار گوزومدن اوز اوزونه اشک ترگلور
.
چوخ اشک توکموشم گوزومون یاشی قورتولوب
گوزدن عوض سرشکیمه خون جگر گلور
.
بیر کارواندی کعبۀ دلدن عروج ایدوب
آدین قویوبلا گوزیاشی شام و سحر گلور
.
از بس بو یولدا شمرشرارت دالینجادور
بو فرقه دن همیشه بیزه شورو شر گلور
.
اهل جفا کمندینه سالدی قضا بیزی
اهل وفایه اهل جفادن خطر گلور
.
آهو سوروسی تک دوشن آردونجا چوللره
بیر دسته آهوان حرم دور ملر گلور
.
شب تیره ساربان بیله بیرحم یول اوزاق
قمچی

• چهارشنبه
• 10
• مهر
• 1398
• ساعت
• 13:58
• نوشته شده توسط
• ابوالفضل عابدی پور

صحرا او فصله خیره اولوب داشلار آغلادی

باخدی جداده بیر بیرینه باشلار آغلادی

تپراقه لمعه لمعه انیب استعاره لر

تا طمطراقیله یولا دوشسون ستاره لر

امن یجیب دیلده سوار اولدی ناقیه

نور محمد ائیسی وئرن ماهپاره لر

تا وصف ائده او طفللرین شأن وشوکتین

(شاهی) سوزین آذانلارا سالدی مناره لر

شربت گتیردی ساقی عرفان سپهردن

ایچدی قدح قدح او سوسوز نور خواره لر

سس گلدی عرشدن نچه یول ای بو قیزلارین

زیب و زرین سویوب آپاران بد قواره لر

اولدوز توکوب قباقینه صراف آسمان

ائیلور درست او طفل لره گوشواره لر

شامین یولوندا عدنه گئدن یئل لر اونلارین

زلفون آچوب هواده ائدور استخاره لر

طوفان سوروشدی کیمدی صلابت معلمی

داغلار او خیردا قیزلارا قیلدی اشاره لر

بو صبرو صولتیله باخاندا جدالره

نی لر کیمی نوا ائدر اول قلبی یاره لر

فوراً وئرور او ناله لره قمچی لر جواب

یئل لر گلیب دیله دیور ای بختی قاره لر

ساکت اولون وگر نه ویریب ئولدورر سیزی

بو تازه کارباره چاتان هیچ کاره لر

جسمینده بونلارین نه خرد ایشلیور نه رحم

ایشلر فقط یالان دانیشان آرواره لر

بونلار گدادیلر که چاتیبلار صدارته

بونلار قان ائیلیینده قورار جشنواره لر

بونلار گلوی بلبله پیکان ویراندیلار

بونلار کبوترین قانادین سیندیراندیلار

• پنج شنبه
• 29
• آبان
• 1399
• ساعت
• 20:03
• نوشته شده توسط
• یوسف اکبری

کوفیان گور نجه یاندردی منی
اشک محنتله بویاندردی منی

بی بی زینب منه رحم ایله دایان
کاروان گئتدی آدامسیز قالدیم

عمّه من چرخ حیا اولدوزیام
خاندانِ علوینون دوزویام
هامیدان یاخچی تانورسان منی سن
آتامون من دیلی شیرین قیزیام
بی بی زینب ...

بو فنا دهره کی گلدیم آنادان
منی نازیله یاراتدی یارادان
سیرِ اقبالیمی دؤندردی فَلَک
خوش گونوم گئتدی تماماً آرادان

چرخِ دون سالدی بلایه باشیمی
آتا قارداش منیم آتدی داشیمی
صود امر جیرانیما دلخوشودوم
اوچیلار اوخلادی غم یولداشیمی

سندروب چرخ دنی شهپریمی
حبس ائدوب دیلده شیرین سوزلریمی
باخورام قورخولی صحرایه مَلول
توکورم دامَنَه اشکِ تریمی

عمّه سن مندن اوزاق یاتمازیدون
درد و غم یولداشیوی آتامزیدون
ئولمَسِیدی منیم اللرده آتام
سن بو تئزلیکده منی آتمازیدون

سنه قربان بئله تک قویما منی
قورخورام اینجیده بو قوم دنی
یول قرانلوق من ئوزوم خردا اوشاق
یورقونام ساخلا گئدن قافله نی

شمر الیندن یایاقیم یارَه لَنوب
تشنه لیکدن دوداقیم پارَه لَنوب
ایستورم قافلیه ساری قاچام
یره گلمور ایاقیم یارَه لَنوب

سینه ده تنگه دوشوبدور نفسیم
بو فنا عالم اولوبدور قفسیم
بیر دایان قوللاریوی بوینوما سال
واردی آغوشیوه دلدن هوسیم

آز قالور قلبیمی غم تیری بُوله
بیر ترحُّم ائله بو خسته دله
منی چوللرده قویوب گئتسون اگر
ایلَرَم جدّیمه محشرده گله

غصّه دن ساغر صبریم جالانوب
تللریم گرد و غباره بویانوب
سسلورم هر کیمی من یوخدی جواب
اوره گیم لاله مثل پارچالانوب

عمر شیرینه چاتوب دستِ عدم
آتورام صحنۀ مُحنتده قدم
غرق دردم نه دوا وار نه طبیب
نیلیوم بس بو چوله نابَلَدم

بختی قاره اوشاقام خونجگرَم
برگ گل تک غم الینده اَسَرَم
یتشون دادیمه اللهه گوره
یوخدی الدن دوتانیم دربدَرَم

• پنج شنبه
• 29
• آبان
• 1399
• ساعت
• 20:15
• نوشته شده توسط
• یوسف اکبری

دوشنده ناقه دن هر ماه پاره یولّاردا
وُروبلا قمچی گلوب آه و زاره یولّاردا

اگر چه چیخمیشیدی سیره بیر فلک اولدوز
یتنجه شامه آخوب چوخ ستاره یولّاردا

دوشوبدی بیر سوری گویا چوله غزال حرم
وُروبلا قلب جهانه شراره یولّاردا

جفا و ظلمدن اول گل کیمی سولان قیزلار
اولوبلا گلشن دینه هزاره یولّاردا

او یوزلری که ایدوب گون حیا او یوزلردن
باتوبلا توپراقا گرد و غباره یولّاردا

اوغول باشی ورولوبدور آنا مقابلینه
آنا باخوب توکوب اشگین عذاره یولّاردا

باجی گورنده مقابلده قارداشین باشنی
گلردی حسرتیله آه و زاره یولّاردا

سکینه ایستدی اکبر باشین آلا گوردی
گرکدی عجز ایلیه نیزه داره یولّاردا

ولیک بولدی آلانماز او باشی حسرتیله
جدایه ناقه دن ایتدی نظاره یولّاردا

دیمم نه چکدیله امّا بو قدری عرض ایدرم
دوشوبدی آل علی چوخ فشاره یولّاردا

یتنده هر قیزا محنت دولاردی ابر کیمی
یوزین دوتاردی شه تاجداره یولّاردا

دیردی گور بابا سنسیز نجه بو غمزده نون
دونوب ایشیق گونوزی لیل تاره یولّاردا

او گل که عزّت و نازه جهاندا عادت ایده
نجه دوزر دایانار جور خاره یولّاردا

یاناردی هر بالا تاپمازدی دردینه چاره
دیردی دردینی پروردگاره یولّاردا

دوشور خیالیمه امّا بو یرده بیر محنت
او محنت ایلدی چوخ قلبی یاره یولّاردا

اسیرلردن ئولوب یولدا نچّه نازلی بالا
قویوبدی بس اولاری کیم مزاره یولّاردا

نصیب اولسا سنه (اعظمی) خرابۀ شام
رقیّه غملرین ایله شماره یولّاردا

• پنج شنبه
• 29
• آبان
• 1399
• ساعت
• 20:31
• نوشته شده توسط
• یوسف اکبری

سبک : واردی باشیمدا یاحسین هوای بین الحرمین

لطف ایلیوب بیر آز زمان ساخلا قطاری ساربان
واردی بو چولده بیر قالان گئتمه اماندی کاروان

قافله دن قالوب دالا سوز و گداز ایدن بالا
هر گئجه گؤزیاشی توکوب راز و نیاز ائدن بالا
بیلمورم هئچ هایاندادی سینمه ناز ایدن بالا
عمه لر اولدی ناگران گئتمه اماندی کاروان

خورداجا نوحه خوانیمیز قافله دن آرالیدی
فاطمه سه ساله دی قارداشیمون مارالیدی
بس که ووروبلا جسمینه قمچی قولی یارالیدی
ائتمیه قورخورام توان گیتمه اماندی کاروان

نیمه ی شب ایتیرمیشم غملرین آشناسینی
من گرک آختاریب تاپام قارداشیمون بالاسینی
تاپسام اقللی باغلارام قمچیلرین یاراسینی
یاره لر ایندی وئردی قان گیتمه اماندی کاروان

اسسه اگر جفا یئلی گل بدنون تکان وئرر
واردی ئورکده یاره سی قالسا بو چولده جان وئرر
نیزه باشیندا یاره لی باش یئرینی نشان وئرر
من تاپارام اولسا امان گیتمه اماندی کاروان

همدم و یار و همسفر ایندی فراهم اولماسا
منله سه ساله یولداشیم ناقه ده با هم اولماسا
من وطنه گیدنمرم نازلی رقیه م اولماسا
یوخدی باشیمدا سایه بان گیتمه اماندی کاروان

وای اگر ایندی یل اسه ابرلر آلتدا آی باتا
وحشت ائدر محالیدی گؤزلرینی یوموب یاتا
سیزده دعا ائدون بالام قافلیه گلوب چاتا
سس وئره زنگ کاروان گئتمه اماندی کاروان

کانال اشعار عباسی معروفان اهری

• سه شنبه
• 2
• دی
• 1399
• ساعت
• 23:16
• نوشته شده توسط
• یوسف اکبری

نیزه باشندا باشون گون تک حسین شامه گیدر
گون وورولموش نیزیه بو گون قیامتدور مگر

کوفیان قارداش سنی تا قانه غلطان ایلدی
زینب بی خانمانی خانه ویران ایلدی
فرقتون تاراج صبر و غارت جان ایلدی
اوستومه غملر یاغوب اولدوم برادر دربدر

زینبی که سن گورنمزدون اونی دلگیر اولا
نه روادور ایندی قارداش بستۀ زنجیر اولا
درد بی درمان الیندن ایله جاندان سیر اولا
سیل تک هر دم توکه بی اختیار اشک بصر

سینه پرغم، دیده پرنم، غصه همدم، دل کباب
شمع تک نه جاندا تابیم وار منیم نه گوزده خواب
آل طاها با نقاب و خاصه دشمن بی حجاب
وار یری گر اود دوتوب قارداش یانا بیر خشک و تر

عشق چون آتش،یوزون چون شمع و من پروانیم
بی سبب دور یوخسا باشون بیله سرگردانیم
بیر نهایتده او باشون عاشق حیرانیم
که تمام ماسوادن ائتمیشم قطع نظر

ایلیوب عشقون منی مجنون کیمی صحرانشین
همدمیم دور نالۀ شبگیر و آه آتشین
خرمن غم گورمیوبدور من کیمی بیر خوشه چین
دامن تحصیلیمه دولموب مگر خون جگر

لمعه لمعه پرتو نور جمالون یا اَخا
رهروان وادیِ عشقه اولوبدور رهنما
بیله باشه، بیله نور عارضه، جانیم فدا
نور حق قارداش عجب وجهوندن اولموش جلوه گر

نه روادور بیله بیر باشه اولا منزل تنور
که ظهور ایلر جمالیندن اونون آیات نور
یوسف مصری خیالینده ایده نورون خطور
قبردن باش قوزیوب سویلر که ما هذا بشر

تاپمیوب غمدن کدورت قلبیمون آیینه سی
بو دل ویرانه دور هرچند غم گنجینه سی
قابل سوز محبت دور باجون چون سینه سی
هر بلا گلسه سنون عشقونده ایلر جان سپر

عشقِ شوکت سوز جامین چون آلوب نوش ایلدیم
زینبیّت قیدینی مُطلق فراموش ایلدیم
ترک جان ائتماق نواسین زینت دوش ایلدیم
عاشق جانان گرک جانیندن اولسون بی خبر

کشف اولا ایستردی سرّ جانفروشی زینبه
وئردی استاد ازل درس خموشی زینبه
چوخ ریاضتله یتیشدی قاره پوشی زینبه
طرح قسمتده حسینه یتدی قارداش ترک سر

گَرد غم از بس یاغار بو چولده پی در پی اخا
خیره گوزلر چهرۀ مقصوده تاپماز پی اخا
سالک صحرای عشق ایستر که ایتسون طی اخا
بو شب تار و ره پر خار و دشت پر خطر

عالمه ایلوب تجلی پرتوِ نورِ حسین
جهد ایدوب «هندی» اوزون ائت سنده منظورِ حسین
بیله که واردور کلامونده سنون شورِ حسین
اولموسان عشق حسینیله یقین شوریده سر

• سه شنبه
• 14
• بهمن
• 1399
• ساعت
• 20:40
• نوشته شده توسط
• یوسف اکبری

چوللرده گزور،،،باجون غرق عزا
باشدایارا،هردم ایلور
آه ونواحسینیم
زینبون گئدور،،،باشی غرق بلا
دیلده دعــا،ذکری اولوب
حسینیم وا حسینیـــــم
باشی بلالی زینب ائلدن آرالی زینب۲
اوره ک یارالی زینب
ایله بیرنظر نواخوان اولوب
پریشان اولوب واحسینیم

من ئوزوم گوردوم،،،اوحال بحراندا
اوطوفاند،،،اوصحراده
غملـــــــی یئللر اسیلدی
من ئوزوم گوردوم،قارداش سنی عطشان
غرق حرمان ظلم الیلـــــــــــــه
باشون دالدن کسیلـــــــــــــــدی
یاندی آمال زینب سوزدی اقبال زینب
دولاندی حال زینب
آرایه آلدی باجووی غملر
هریرده سسلر واحسینیم

غم یئمه قارداش،،یاروفادارم
علمدارم،،قیزلارووا،،،
پرستارم حسینیــــم
گرچه باغلیدور،طنابیله قولوم
ساقیم سولوم،بومکتبه
هوادارم حسینیـــــــــــــم
گلبرگ یاسووام من،،بهراحساسووام من
آیری عباسووام من
هریره گئتسم،سوزومده دورّام
غمله چاغورّام،،،واحسینیم

سنله ازلدن،باغلامیشام پیمان
جان جانان،،جانیم السون
سن قربان حسینیــــــم
قییتمرم بو،،شرافتلی یولدان
راه قرآن،راه دین و
راه ایمان حسینیــــــم
علیَه دخترم من اوشاهه مظهرم من
وفــــــــــــــــالی خواهـــــــــرم من
ال چکمرم بو،،،راه ولادن،
عهدووفادن،،،،واحسینیــــــــــم

هجرونده قارداش،،،هردم سینه داغلور
یانیب آغلور،،یوزه اشکی
هردم باغلــــــــوررقیه
اوآغلیاندا،،،دشمن اولوریاغی
اواوشاقی،،،ظالمانه
ویرورآل امیــــــــــــــــــه
رقیه یاوریمدی،،،منیم بال وپریمدی
آنامابنذریمدی
اوغملی قیزی،،جان تک بسلرم
هردم گوزلرم،،،،واحسینیـــــــم

• سه شنبه
• 19
• اسفند
• 1399
• ساعت
• 22:02
• نوشته شده توسط
• یوسف اکبری

کَربَلا ظُلمی یتُوب اِتمامَه خوش گَلدُون باجی
عازِم اوُل باشیم دالنجا شامَه خوش گَلدُون باجی

پِیشنهاد اِیتدیم قَضایانی ازَل گُوندَن سَنَه
بُو شَهادَتدَه شَریکِ اَعظم اوُلدُون سَن مَنه
من شَهادتلَه بُو صَحرادَه یِتیشدیم اِیمَنَه
سَندَه وِیر اوُزعهدِیوی اَنجامَه خوش گَلدُون باجی

اِیتمَه غَم مُونِس دِی بُو یُولدا غَم و شِیوَن سیزَه
قُورخما جُرئت اِیلینمَز بیر نَفر دُشمَن سیزَه
قانلو باشیلَه بُو یُولدا پاسبانَم مَن سیزَه
سَنسَن اَمّا دادرَس اِیتامَه خوش گَلدُون باجی

عالَمِ اَرواحدَه بُو ماجرای جانگُداز
حَتم اوُلوب تا مَذهبِ اِسلام اوُلسُون سَرفَراز
مَن اوُزوم بَرنامَه می خَتم اِیتدیم آلدیم اِمتیاز
قانیلَه یازدِیم سُنَه بَرنامَه خوش گَلدُون باجی

گِیتمَه سَن شامَه قالور حَتمی قَضایا نا تَمام
نا مُناسِب آد قُویار اَطفالیمَه اَشرارِ شام
مَن کُول اوُستین سَندَه زِندان گُوشه سین اِیلَه مَقام
اِبنِ مَرجانَه یِتیشسُون کَامَه خوش گَلدُون باجی

اوُلسا بُو یُولدا دِیارِ کُوفَه اوّل مَنزِلون
قِیل بَیان شیرِ خدایَه اوُلسا هَر دَردِ دِلون
حَل اِیدرمُشگل گُشا دور شیرِ یَزدان مُشگُلون
شیرِ زَن سَن مَحضرِ ضَرغامَه خوش گَلدُون باجی

عِترَتیمدَن اِبنِ مَرجانَه آلا داد اِیستَسَه
مَجلِسِ عامَه سیزی اوُل کینه بُنیاد اِیستَسَه
سیّدِ سَجّادی ئلدورماقَه جَلّاد اِیستَسَه
وُورما سیلی صُورتِ گُلفامَه خوش گَلدُون باجی

مَن شَهادَت سِرّینی هَر یِردَه اِعلان اِیلَرَم
نُوری مِیلَه دِیرِ تَرسانی دِرخشان اِیلَرَم
راهِبی تابِع لَریلَه مَن مُسلمان اِیلَرَم
سَندَه تَبلیغاتِ خاص و عامَه خوش گَلدُون باجی

وار رِضای حَق سِیزی شاماتَه اِعزام اِیلَرَم
مَن قَباقُوزجَه دُوشُوب تَروِیجِ اِسلام اِیلَرَم
سنَدَه اِقدام اِیلَه هر اَمرَه مَن اِقدام اِیلَرَم
رُونَق آرتُورماقلیقا اِسلامَه خوش گَلدُون باجی

اِیلیُوب اِخطار جَدّیم وار رِضای کِردِگار
اوُلسُون آل اللّهه مَسکَن مَجلسِ شُرب و قُمار
خِیزرانیلَه کَسُوک باشیمدَه بیر هِنگامَه وار
سَلب اِیدر آرامُون اوُل هِنگاَمه خوش گَلدُون باجی

گُوزلُوری وِیرانَه دَه دام اَلدَه صَیادِ سِتَم
زَخم خُوردَه خَستَه دِل گَلسُون غَزالانِ حَرم
بیر سُوری آهُو کیمی قُویما اِیدَه اَطفال رَم
تَک بَه تَک دُوت سال اوُزون اوُل دامَه خوش گَلدُون باجی

گِیتمَه سَن شامَه پُوزالهءار نَقشِهء آمالیمی
گِیزلَدُولّر شامین اَهلی صُورتِ اَحوالیمی
باشیوَه هَر یِردَه یِغ باشسِیز قالان اَطفالِیمی
دؤز دایان هَر مُحنَتِ ایّامَه خوش گَلدُون باجی

ظُلمینی باجی یَزید عالَم لَرَه اِعلان وِیرَر
شامدَه مَسکَن سِیزَه بیر مَنزلِ وِیران وِیرَر
آج سُوسُوز نازلُو رُقَیّم تُوپراق اوُستَه جان وِیرَر
هَمدَم اوُل هَمدَمِ آلامَه خوش گَلدُون باجی

آشکارا لُطف اِیلَه شاها سَنی زَهرا آنان
قَبروَه گَلسُون بُواِیل حُضّار و #سعدى_زمان
اِیلسُونلَر قَتلگاهُوندَه بُو مِصراعی بَیان
کَربَلا ظُلمی یِتُوب اِتمامَه خوش گَلدُون باجی

• شنبه
• 14
• مرداد
• 1402
• ساعت
• 22:01
• نوشته شده توسط
• یوسف اکبری

اورکیمون غمی گَلمز شماره آی قارداش
گئدر منیله بو محنت مزاره آی قارداش

اگر چه واقف اسرار قلب عالمسَن
بیرینه زینبون اِیلور اشاره آی قارداش

دیردیم ئولم اگر بیر گونوم اولا سَنسیز
ئولوب ولیک دیریلدیم دوباره آی قارداش

ئولیدی زینبون ای کاش،، یاره لی باشیوا
جداده ایلمییدی نظاره آی قارداش

اَلیمده یئتمور اقلاََ او قانلی صورتیوه
اورکده دردیمه گَل اِیله چاره آی قارداش

او یاره لی باشیوین وار یری گوزوم اوسته
عنایتون اگر اولسا بو زاره آی قارداش

نولار که زینب محزونی بیر سوووندورَسَن
قویام سولان یوزی قانلی عذاره آی قارداش

سَسیمی آلسان اگر سَس یتور باتان سَسیمه
باجون فدا او لب دُر نثاره آی قارداش

بویور گوروم سنه قربان هانی علمدارون
قرار ویر بو دل بی قراره آی قارداش

ویرانمیوبدی جدایه گمان او باشی عدو
گورنموری گوزومه آشکاره آی قارداش

دیوللٓه آت دوشونه آسلیبدی بیر ظالم
باجون یانار بو غم جانشکاره آی قارداش

سینوبدی ضرب عمودیله اول بلالی باشی
دل آچمیوبدی ولی اعتذاره آی قارداش

آناسی ام بنینین ایوی اولا آباد
ئولونجه فخر ائدر اول با وقاره آی قارداش

او قانلی گوزلرون آچ اکبره هَلٓه بیر باخ
صبا سَریب تئلینی گلعذاره آی قارداش

چَکوبدی نقشینی نقاشی صورتینده اونون
فدا اولوم بیله نقشه، نگاره، آی قارداش

گهی خیال ایدورم جَدیمیز ایدوب رجعت
دوشوب جداده یولی بو دیاره، آی قارداش

جداده قاسمه باخ، ناقه ده عروسه هَلٓه
باخیری حسرتیله یار یاره آی قارداش

سَریه قاسمه هردم که اوخشاما باشلار
یانار یانان اورک اول داغداره آی قارداش

ربابیدن دئمه باغری دولوبدی آلقانه
سالوبدی قلبینی غملر فشاره آی قارداش

جداده سود امرین کیم گورَور قالور حیران
دئیر بو شیردی یا شیرخواره آی قارداش

ویروبدی بیر ببره نظم و نظام ارواحی
جدا باشیندا بو گوچک ستاره آی قارداش

ملایک متقرب گلور زیارتینه
یولون هاچان که سالور بیر گذاره آی قارداش

هزار مرتبه هر گون رباب ئولر دیریلَر
گوزی دوشنده او چشم خماره آی قارداش

عتیق نوحه یازار سینه داغلیار شب و روز
گوزون یاشین اَلر هرآن عذاره آی قارداش

دئیر او گوز که حسینه جهاندا آغلاماسا
دونیدی گوندوزی چون لیل تاره آی قارداش

• دوشنبه
• 16
• مرداد
• 1402
• ساعت
• 22:29
• نوشته شده توسط
• یوسف اکبری

حُسن یوسف دهریده محشر به پا اِیلر علی
باخسا یوسف حُسنیوه بالله صفا اِیلر علی

نوک نِی ده گورسنور دنیا بویی ذوق و صفا
حُسنیده یوسفدن افضلسن سنه جانیم فدا
پای ویروب الله سنی لیلایه دنیاده بالا
مثلوی هانسی آنایه حَق عطا اِیلر علی

یوسفه عاشق زلیخا، عترت طاها سنه
سن اوغول طاهایه بنزرسن، فدا لیلا سنه
یوخ گوزلیقدا او مولادن صورا اولا سنه
گورسه حُسنون یوسف کنعان ثنا ایلر علی

ای اولا جانیم فدا اول دیده خونباریوه
حُسنیده یوسف سنون حاشا چاتا معیاریوه
یوسف مصری اوزی حیران قالوب ایثاریوه
عشقیوه یوسفدن افضل جان فدا ایلر علی

چوخلاری حیرتده قالمیش نیزه ده معراجیوه
لیلیده اِیلور تماشا باشدا قاندان تاجیوه
یوخ منیم آیا نَیم ای جان فدا منهاجیوه
لیلیه عشقون ئولونجه اکتفا ایلر علی

آیری بیر زینت ویروبدور زخم خنجر باشیوه
قل هوالله نقشینی حَقدور چٓکن گوز قاشیوه
انفس عالم فدا نقشون چَکن نقاشیوه
بیر ایله صورتگری تنها خدا ایلر علی

سن اوغول حَقدن منه دنیاده دُر نابیسن
کاروان عشقیمه بیر کاروان مهتابیسن
شوق وصل احمد مختاریدن بی تابیسن
فکریوی قانلی عذارین بر ملا ایلر علی

عشقیله قران یولوندا سن گیدوب اولدون شهید
اِیلدون من بی کسی زهرا یانیندا رو سفید
نیسکیلون قان آغلادور لیلانی، ای دینه مرید
گول خزان اولسا اِیله بلبل نوا ایلر علی

درد هجروندن نه تک قان آغلیور لیلا سنه
آغلیوب قان شاه دین و تشنه لب سقا سنه
وار یری قان آغلاسا گر دیده دنیا سنه
نیسکیلون عشاق قلبون غم سرا ایلر علی

تیر غمدن دل گینه توش اولدی محنت داشینه
بولمورم اهل جفا نیلوبدی سقا باشینه
آت دوشوندن هِی باخور مظلوم ئولن قارداشینه
اهل درمان دردینه بیله دوا ایلر علی

نام سقادور #عتیقه آرترور مهر و وفا
سعی اِیدر عباس آدیلا اِیلیه ذوق و صفا
ملتجیدور حضرت زهرایه ایلر التجا
وردینی یا فاطمه یا مرتضی ایلر علی

• دوشنبه
• 16
• مرداد
• 1402
• ساعت
• 22:31
• نوشته شده توسط
• یوسف اکبری

رسم عالمدور گولی آفت خزان اِیلر علی
گر گوله یِتسه خزان بلبل فغان اِیلر علی

نوک نٕی ده ای منیم آفت گورن پَرپَر گولوم
یا منی دیندیر جِدادن، یا دعا اِیله ئولوم
گورسَنوب مَندن قصور آیا، بویور تا من بولوم ؟
کیم آناسیندان اورک دردین نهان اِیلر علی

گل عذارینده واروندور قرمزی قاندان نقاب
سَسلیرم سَس ویرمیسَن قلبیم اولور غمدن کباب
بیر دئمورسَن آیریلقدان آز قالور ئولسون رباب
عاقبت تیر غمون قلبی نشان اِیلر علی

سن اوزون نوک جداده اِیلیسن طیّ طَریق
عشقیوه حیران قالوب پیغمبر عهد عتیق
منده عریان ناقه ده بحر مصیباته غریق
صبریمی آخر مصیباتون تالان اِیلر علی

اِیلوسن زمرهَ ملایکله جِداده قیل و قال
ای منیم اِیستَکلی دلداریم اگر تاپسان مجال
نیزه دن باخ گور نجّه، قَدیم اولوب هجرونده دال
آیریلیق دردی یاماندی باغری قان اِیلر علی

بولمزیدیم اوچ پر اوخ آمالیمی اِیلر هدر
اوخلانارسان قلب میداندان گلر غملی خبر
هیچ بولورسن اوخلانان دَمده اوغول چَکدیم نَلر
ناگهان گوردوم که عَمه ن الامان اِیلر علی

بیله فکر اِیتمه که من، سَن اوخلاناندا بولمدیم
نچّه یول ئولدوم دیریلدیم کیم دِئیر من ئولمدیم
کربلایه تا قدم قویدوم او چولده گولمدیم
اِیستسه هر نِینَیه دور زمان اِیلر علی

اوچ گیجه گوندوز او چولده اِیلدوخ آه و نوا
سن سویا خاطر ولی من شدت غمدن بالا
تیتریردی ناله میزدن سرزمین کربلا
کیمسه بیز تک ناله اوچ گون، همزمان ایلر علی

کربلاده سو دالیجا کیم دئیر که قاچمادیم
یا غمونده تیر غم بو داغلی قلبه ساچمادیم
نیسکیل اولدی باغلادیم قولارون امّا آچمادیم
بو غمه دل داشدان اولسا گور توان اِیلر علی

آلدی تا مَندن سنی اول سرور و سالار عشق
باغرینا باسدی او لحظه قُلزم ذَخّار عشق
باشلانوب سَنله دوباره گرمی بازار عشق
عهدینه ایفا اِیدن سود و زیان اِیلر علی

تا سَبوی عشقیله، ساقی مَستان اولدی مَست
قانیوی آتدی گویه میداندا پیر می پرست
لازمیدی اولسون امضا نامه روز اَلست
هر گون آخشاملار شفق شرحین بیان ایلر علی

• دوشنبه
• 16
• مرداد
• 1402
• ساعت
• 22:33
• نوشته شده توسط
• یوسف اکبری

او اوخ آتان که سنی قانیله خضاب ایلیوب
اوخون آتاندا ، منیم قلبیمی کباب ایلیوب

او اوخ یخوب ایویمی روزگاریمی چووروب
سَنی اگر چه فرات اوسته کامیاب ایلیوب

او اوخ نجه اوخوموش بولمورم ، دیولّه ولی
همان اوخون تایی سقّانی دلکباب ایلیوب

دوشر خیاله هاچان که او اوچ پر اوخ دئیرم
نه خاطره سَنه ده اوچ پر انتخاب ایلیوب

یتیشمیشم بویره فکریمی اولوب راحت
مقام عشقده بیر قهرمان حساب ایلیوب

گه آغلورام سنه گاهی باخوب فرحلنیرم
یوزونده نور خدا گور نه بازتاب ایلیوب

او قان دولان گوزیوه گوزلریم اولا قربان
دوباره قانلی باشون نی ده انقلاب ایلیوب

صبا آلور گوزل عطرون مشامیمه یتیرور
خمار و نشئه، منی عطر و بوی ناب ایلیوب

مشامیمه یتیشن عطریوه اوزوم قربان
او اوچ پر اوخ گولومی ایله بیر گلاب ایلیوب

اوجاتموسان باشیمی عرشه سن ایوین آباد
منی شهید آناسی هر گورن خطاب ایلیوب

ولی ئورکده منیم نچّه نیسکیلیم واردور
خدا بولور که نجٓه فکریمی خراب ایلیوب

بیری بودور کی سو اوستونده باغلادوم اَلیوی
آنان خیال ایلیردی اوغول ثواب ایلیوب

اودم سودوم یوخودی ناعلاج قالمیشدوم
دیمه آنام اَلیمی بسته طناب ایلیوب

گلوبدی سینمه سوت ایندی منّتون چَکیرم
سالوبدی جانیمه اود، قلبیمی کباب ایلیوب

وریدیلر او باشی سینم اوسته ساخلاردوم
هزار حیف اولا که خصم دون جواب ایلیوب

نّئیون یوخوندی عتیقا بو دار فانی ده
بو بس کی اصغر آدی دیده وی پرآب ایلیوب

• دوشنبه
• 16
• مرداد
• 1402
• ساعت
• 22:34
• نوشته شده توسط
• یوسف اکبری

ای عشقیله مبهوت ایدن خلق جهانی
تفسیر ایدن عالمه اسرار نهانی

سکّانِ سماواتی سالان حیرت محضه
مستغرق ایدن بحر بلایاده بلانی

وی قانلی باشی زمره ی ارواح مَطافی
مبهوت قالوب عرشیده جمع صُلحانی

بو نیزه دی یا نخله سینادی کلیمه ؟
ترجیح ویروب جنّته موسی بو فضانی

بیر ترجمه دور قانلی باشون دینِ مبینه
اَعما نه بولر ترجمه یِ نوکِ جدانی

قرانیدی قران اوخیور نوک جداده
تفسیر ایله ای مصحف ناطق عَجَبانی

یوخ گوش کر اهل ذلالتده لیاقت
شاد ایلوری بو لحنِ حجازی اسرانی

جانلار اولا اول نهضت خونینوه قربان
اهلِ دله کعبه ایلدون کرب و بلانی

دریای کرمسن ، کرمیندن سنون حتی'
نازلی بالاوین قویمادون آخسون یره قانی

اوجوندا آخان قانی دوتوب گویلره
سپدون
باشدان باشا زینت ایلدون عرش خدانی

مامور ایلدون منده گِدم بزم شرابه
منکوب ایدرم بزمیده جمعِ سفرانی

شامات منه بِئر علم من اَسداللّه
زینبده حمایل ایلیوب تیغ دو تانی

عِرق اَسدالّله گلوب منده خروشه
سن باخما که غم ، قدّیمی ایلوبدی کمانی

اهلوندن او یرده نگران اولما حسینیم
تسخیر اِیدر آهیله ، رقیّم او مکانی

سن زینبیوه حقدن اوزون ایسته سعادت
شش گوشه مزارینده ائده اشک فشانی

دفنونده گلوب شرکت ایدم اولمادی ممکن
قسمت اولا منده گورم ای کاش او بنانی

صد حیف اوزاخ دوشدی علمدارون اوزوندن
جمع اولدی کنارینده بقیه شهدانی

یاتدی ایاقون آتدا علی اکبر ادبدن
سیننده یاتوب ، غنچه خونین دهانی

شامه گیدور آردونجا ولی باشی جداده
قان آغلادور احوالی اونون بی کس آنانی

گاهی او باشی اوینادوری نیزه ده لشگر
باخدوقجا ربابین اوجالور عرشه فغانی

گاهی آیرور باد صبا تللری تلدن
اول منظره قلبیندن آلور تاب و توانی

افسوس که چاتمور الی بیر نوکِ جدایه
تا بلکه زیارت ائلیه نازلی بالانی

عهدیمدی حسین طعنه وورام عهد عتیقه
بو عهد، نمایان ایلیر، عهد و وفانی

• دوشنبه
• 16
• مرداد
• 1402
• ساعت
• 22:35
• نوشته شده توسط
• یوسف اکبری

☑️ بند اول

ای روح و روان عشق بیکران
ظلمیله اولوب زینبین باغری قان

قول باغلی اسیر اطفال صغیر
یورقون قافلن ایندی شامه گدیر

آی قارداش
فراقون منی درده سالدی
بو غملی دیلین تابین آلدی
گوزوم نیزه باشیندا قالدی

آی قارداش
اورک ده یانیر مین شراره
نی اوستن منه ایت نظاره
گونوم اولدی باخ گوزده قاره

وای یارالی منیم نور عینیم
وای اولن الده قارداش حسینیم

? وای یارالی یارالی یارالی

☑️ بند دوم

قیزلارین سسی ای وای ناله سی
یوخدی عترت حیدرین بیر کسی

غمله دیل دولوب گوللرین سولوب
خیردا قیزلارین یولدا بیمار اولوب

آی قارداش
یانیر سوز آهیله سینه
یوروبدی بیزی اهل کینه
قالیب چولده آغلار سکینه

آی قارداش
ندور چاره بو دلکبابه
سالیر غم بیزی پیچ و تابه
اوزون وئر تسلا ربابه

وای ربابین غمی دیلده چوخدی
وای ربابی قوجالدان بیر اوخدی

? وای یارالی یارالی یارالی

☑️ بند سوم

آخدی بیر گئجه غملی اولدوزون
توشدی ناقه لردن رقیه قیزین

تا هوشه گلیب گوردی یوخ کسی
قوزاندی گویه وای بابام وای سسی

آی قارداش
ندور بئیله ظلمون دلیلی
او خیردا قیزا دیدی سیلی
یوزون زجر دون ائتدی نیلی

آی قارداش
رقیه ن گلیب آه و زاره
ایاغی دچار اولدی خاره
یارالاندی قارداش دوباره

وای اولوب دیل غمینده پریشان
وای تیکان یرلریندن آخیر قان

? وای یارالی یارالی یارالی

• شنبه
• 25
• شهریور
• 1402
• ساعت
• 00:31
• نوشته شده توسط
• یوسف اکبری

گینه قلبیم گلوب درده
اماندور ساربان گیتمه
سکینم قالدی چوللرده
اماندور ساربان گیتمه
.
.
حسینین گورموسوز گیتمور
جداده نازنین باشی
باخور اوز گلدوقی سمته
توکور رخساره گوز یاشی
او نحویله ایدور واقف
سالور نظاره داغ داشی
اوشاقلاردان قالوب یرده
اماندور ساربان گیتمه
.
.
حسینیم بیر به بیر آخر
وداعینده من زاره
عیالین تاپشوروب گیتدی
ندور ایمدی منه چاره
عزیز جانیمی یالقوز
قویوم بو چولده آواره
اولوم شامه روان بیرده
اماندور ساربان گیتمه
.
.
حسینین جانینه هرگز
سکینم اولماسا پیدا
ایشیق گوندوز لرین قیلّام
بو جمعین لیلۀ یلدا
نقدری آتش ظلمه
منی یاندورسا بو اعدا
گوره للر اجرین آخرده
اماندور ساربان گیتمه
.
.
منیم ت

• پنج شنبه
• 28
• شهریور
• 1398
• ساعت
• 13:20
• نوشته شده توسط
• ابوالفضل عابدی پور

کربلادن او گونکی واویلا
اُسرا کاروانی دوشدی یولا
خار الینده اسیر اولوب گوللر
رسمدی روزگاره بو معنا
نیزه باشینده ذبح اولان باشلار
باخوب آغلار او باشلارا اُسرا
هامی خستیدی جنگ و غارتدن
قاره پوشیدی عترت طاها
بیری اوخشاردی قارداشین دیلده
بیری آغلاردی دیلده وا ولدا
بیری قورخاردی ناقه دن دوشسون
الغیاث الغیاث ائدور نجوا
چونکی دستوریدی قشون فوراً
آپارا شامه باشلاری اعدا
سالدی بیراهه دن یولین لشکر
تئز چاتا مقصدینه قوم دغا
اُسرا قیرخ ضعیفه عورت اوشاق
سرگروهیدی اوردا زین العبا
سرپرستیدی خردا اطفاله
زین اب یادگار شیر خدا
گوز گوتورمزدی لحظه قزلاردان
گله بیر حادثه خجالت اولا
بیلمورم یانمادی نیه چرخون
اورگی زینبه ندن آیا
اودا یار اولدی لشکر شامه
آچدی آل عبایه دست جفا
ویردیلار بیر اوشاقی یولدا دوشوب
گئجه وقتیدی دشت ناپیدا
یورقونیدی ز بس رقیّه خانم
یوخلیوب دورمادی او ماه لقا
بیر زمان آچدی گوزلرین گوردی
بیر بیاباندی بیر اوزی تنها
ائتمدی باور ایتمگین اوّل
بیله فکر ایلدی گورر رؤیا
سیلدی بیر گوزلرین سالیبدی نظر
سسلدی عمّه ناز دانه بالا
گوردی سس یوخدی ال آتیب باشینا
سس چکیب آغلادی او مه سیما
هر نه اطرافینه نظر سالدی
الغرض یوخدی گوردی بیر یارا
اللرین قویدی باشینه بیردن
چکدی بیر آه جان گزا دیلدن
دئدی ای قانه غرق اولان بابا
یتیش امداده مهربان بابا
یاخجی تاپشیردون عمّمه گئتدون
اودا مندن کوسوب عیان بابا
هامی گوزدن سالیب بو رنجوری
یوخدی احوالیمه یانان بابا
بیلمورم کاروان سالیبدی منی
نه زمان ایلورم فغان بابا
چاتسا دامانوه الیم بیر ده
ایلرم شکوه بی کران بابا
سن منه مهربانیدون هامیدان
آتمادون گوزدن هئچ زمان بابا
یقین احوالیمه منیم سنده
اولموسان ایندی ناگران بابا
قورخورام بیلسه ئولدوره ئوزینی
آنام، ای روحیمه روان بابا
آتاسیز گوردی روزگار منی
محنته ایلدی نشان بابا
چولون آهولریله دمسازم
قوشلاری منله نغمه خوان بابا
قالموشام غم الینده آواره
در به در غملی آشیان بابا
هانی رأفتلی اللرون باشیما
اولا بو چولده سایبان بابا
قورخیدان پیکریم دوتوب رعشه
قالمیوب طاقت و توان بابا
گل منی بیر ده کاروانه یتیر
گلسه زجر ئولدورر عیان بابا
بسکی بی رحمدی گوزوم قورخوب
دیلی تلخیدی جان ستان بابا
ویردی بیر سیلی گورمدیم یولیمی
گوزومه دولدی لخته قان بابا
شل اولا اللری او ملعونین
منی ایلوبدی نیمه جان بابا
کاش تئز قورتارا قرا گئجه نی
روز روشنده وار امان بابا
یا قاچیب کاروانی تئز دوتارام
تاپارام یا بیر هم زبان بابا
شامه جن گر چی یاره دور ایاقیم
گلّم ای محنتی گران بابا
نقدر واردی جان دوداقیمده
قاچارام وار توان ایاقیمده
آغلادی آغلادی او بیچاره
دئدی ای چاره سیزلره چاره
بیر قیزام اوچ یاشیندا یا ربّی
قالمیشام چولده زار و آواره
یول قرانلوقدی گوزلریم گورمز
توخانور هی ایاقلاریم خاره
یورولوب اوتدی یوخلادی او خانم
آچدی گوز بیر زمان او مه پاره
بیر خانم گوردی رأفتله آلوب
باشین آغوشه بنزیور یاره

دئدی کیم سن خانم منه خاطر
بئله اشکون رواندی رخساره
گورورم چوخ جوانسن دیه سن
وار باشوندا نه علّته قاره
بیر گوزون قاندی صورتون نیلی
کیمدی باعث بو سوءِ رفتاره
سنیده اولما یولدا زجر ویریب
منی آگاه ایله بو اسراره
عمّه مه اوخشیور گوزل روشون
گل سن آللّه منیله گفتاره
دئدی زهرا سنه نه نون قربان
نه شیرین دیلسن ای شکر پاره
چکدی آغوشینه دوداقین اوپوب
دئدی جان جان دانیش من زاره
دگولم اوزگه باغری قان نه نوم
منده دوشدوم جهاندا آزاره
منی ثانی ویریب گوزوم قاندی
سینمی توش ائدیبدی مسماره
بیر قولوم تازیانه دن قالخماز
واردی جسمیمده ایندیده یاره
گله جک قان آلا بالام مهدی
سالاجاق اود وجود اشراره
غاصبان خلافتی چکه جک
ید قدرتله بند قهّاره
غم یمه سنده کاروانه چاتیب
یتیشرسن دوباره دیداره
آپارارسان منیم دیلیمجه سلام
اُسرای بنات اطهاره
اوپ حسینونده قانلی لبلرینی
مُزد اولا مام دیده خونباره
دیله دوتدی باشینا ال چکدی
گولوم اللّه دئدی نه گویچکدی
بیر سه ساله خانمدی دل نگران
گوزی اطرافینه باخور حیران
بویلانور هی باخور اویان بویانا
سسلیور عمّه ایلیور افغان
گلدی بیر سس قولاقینه ناگه
گاه اولوب شاد گاه اولوب گریان
دئدی امداد ایله خداوندا
اولمیا زجر پست و بی ایمان
ایکی آتلو سواره ظاهر اولوب
ولی اللرده تازیانه عیان
قورخوسیندان دوروب ایاقه خانم
اَل اَل اوسته سلامه آچدی زبان
اَل آتیب زجر تازیانه سینه
گوز یاشین ایلدی رقیّه روان
سارالیب رنگی کهربایه دونوب
ویرمیون سویلدی یوخومدی توان
دگسه بیر تازیانه ئوللم من
یولومی گوزلیور هامی طفلان
سیز سوروز آتلاروزی من گللم
ترکوزه مینمرم اولار عصیان
منه عمّم دیوب گناهدی چوخ
حفظ حجابین ائدنمسه نسوان
من حسین بن مرتضی قزیام
نصّ آیات عفت قرآن
بش ایل عمّم وئریبدی درس حجاب
کوفه نسوانینه وقیر زنان
قویدیلار یاخجی اوجینا مزدین
دوزوموزدان دادانلار ای دوران
بیر عموم واردی صاحب غیرت
بیلسه مندن کوسر او با ایمان
واردی بیر خردا خواهشیم سیزدن
نار غمدن اولوبدی قلبیم قان
گئتسه آهسته مرکبوز خوشدی
آچارام اجروزه دعایه لسان
یاره دور هر ایکی ایاقلاریم
بسکی خاره داشا اولوبدی نشان
تاپسا شدت ایاقدا یاره لریم
وار یقینیم بو چولده وئرّم جان
گرچه گلسه اجلده یالواررام
دیرم وئر منه بیر آزدا امان
سوز وئریب شامده بابام گلسون
اوردا، احوالیمی منیم بیلسون
گلدی القصّه شمع و پروانه
تاپدیلار بیر بیرین یانا یانه
زینبی گورجکین رقیّه آتیب
اوزین آغوش گرم جانانه
دئدی عمّه سنی چوخ اینجیتدیم
اودی قوشدون منی غریبانه
کیمون امّیدینه آتیب گئتدون
منی بو قورخولی بیابانه
زینبون جوشه گلدی غصّه لری
دئدی یاندیم بو درد پنهانه
منی بو غصّه ایلیردی هلاک
گلمسیدون بو جمع نالانه
سنی اکبر جانی باغشلا منی
پرده چک بو گلیلی عنوانه
بابوا مندن ایلمه شکوه
شرمدن گوز یاشیم دونر قانه
گل دئدی عمّه جانوه قربان
چکدی آغوشینه عزیزانه
دئدی دوشدون هایاندا محملدن
غرقیدی دیده اشک طوفانه
گئتمیوردی بابون دایانموشدی
نیزه لر اوسته مرد مردانه

گوزی قالمیشدی سن دوشن یولدا
لعل اشکین دوزردی مژگانه
هاردا بس دِیدی ناز دانه بالام
چوخ اشاریله بو پریشانه
کربلاده کفیل ائتمیشدی
منی چوخ قارداشیم اسیرانه
صحبت ایله منه گوروم دشمن
سنی یولّاردا اینجدیب یا نه
وئر نشان بیر باخوم ایاقلاروا
فکر ائدیم یاره اولسا درمانه
قویمارام دای یره قوجاقیمدن
غم یمه ای عزیز دُردانه
چکدی نازین محبتیله ویریب
توزلی تپراقلی زلفینه شانه
اوپدی قانلی یارالی لبلردن
ال چکیب باشینه طبیبانه
گوزیمون نوری ناگران اولما
بو قدر یانما نار هجرانه
بیزه حافظدی خالق سبحان
ایسته حقدن "صفایه" فیض جنان

• دوشنبه
• 4
• مرداد
• 1400
• ساعت
• 21:22
• نوشته شده توسط
• یوسف اکبری

راه شام - جدا ماندن حضرت رقیه از کاروان

ای صبا صحراده قالدیم کوچ ایدوبدور قافله
بی پناهم قورخورام تنگه گلوبدور حوصله

قافله سالاره دی گتمه دایان بیرلحظه دور
اوچ یاشیندا بیربالا سیزدن آچوبدور فاصله

سسلوری هی عمّه سین امّا اونا ویرمورجواب
آج سوسوزدی چولده یوخدی زاد راه وراحله

گه دورورگاهی قاچور رخسارینه اشکین اَلور
خارو خَسدن هرایکی پا یاره دورهم آبله

سود امرقارداشونون اوخلانماقون یاد ایلوری
قورخوری صدآه و وا بیرده آتا تیرحرمله

دی بابامون باشینه ایتسون توقف تاگیدوم
هم دوداقلارین اوپوم هم ایلییوم اوندان گله

عمه مه بیرسوز دِمَم مظلومه دورقلبی یانار
من یتو شسم کاروانه قورتولار بو مسئله

عمّه

• سه شنبه
• 18
• مهر
• 1396
• ساعت
• 07:21
• نوشته شده توسط
• علی ببیرپور

بو نحویلن اؤزیوه خلقی مایل ایلمیسن
سبب ندور یوزیوه زلفون حایل ایلمیسن
.
نه بیر رقیه سنه دل ویروب علی قارداش
که مین بو قدر گوگل بند کاکل ایلمیسن
.
دگل بو مسئله ده هر باخان سنه مسئول
که پادشهلری کویونده سایل ایلمیسن
.
خط اوزره خطّ به خط قانیله چکوب جدول
حدیث عشقده شرح رسایل ایلمیسن
.
نه خال و خط نه ملاحت نه زلف نه رخسار
تمام عالمی محو شمایل ایلمیسن
.
یقین غریب آناما چوخ محبّتون واردور
جداده محمله باشون مقابل ایلمیسن
.
دگل دو شاخه و زنجیر ظلم بوینومدا
طناب عشقیدی بو سن حمایل ایلمیسن
.
باشون دالنجا اودور گلمشم بو شهره کیمی
نقدر نیزده طیّ مراحل ایلمیسن
.
ادای شعرده نقصین یتوردی اکماله
یقین که #آصفه

• یکشنبه
• 24
• شهریور
• 1398
• ساعت
• 10:14
• نوشته شده توسط
• ابوالفضل عابدی پور

شه تشنه زینب خون جگر
بیری نیزده بیری ناقه ده
باجی قارداش اولدیلا هم سفر
بیری نیزده بیری ناقه ده
بیریسی اوخوردی کلام حق
دم نی ده لحن حجازیلن
گه ائدردی راز و نیازینی
او خدای بنده نوازیلن
ولی زینب اوخشاریدی اونی
دوه اوسته سوز و گدازیلن
بیری بی بدن بیری دیده تر
بیری نیزده بیری ناقه ده
او باشی جداده گورن زمان
بیر عجوزه داشه ائدوب نشان
گوروب حالی زینب بینوا
ائدوب اشگ دیده سینی روان
باشینی ویروب دم محمله
یاریلوبدی باشی آخوبی قان
او باشی کسوک بو شکسته سر
بیری نیزده بیری ناقه ده
بیله سوز نه نوعی گئدوبدولر
ره شامی قوم ظلامیله
ویرولوبدی نیزه لر اوستونه
شهدا باشی نه نظامیله
دوه اوسته عورت اوشاق هامی
قولی

• دوشنبه
• 2
• مهر
• 1397
• ساعت
• 10:36
• نوشته شده توسط
• ابوالفضل عابدی پور

من یتیمی چوللره
سالدی ساربان بابا
قانلی باشووه فدا
هارداسان دایان بابا
آچ او قانلی گوزلرون بیر نظاره قیل منه
گلمیشم بو قورخولی چولده گور نه شیونه
ظلمیله ئولر بالون دوشسه دام دشمنه
گلسه ئولدورر یقین زجر و ساربان بابا
بو قرنقلوق گئجه ایله وحشت آلموشام
اود دوتوب جگرلریم یاده زجری سالموشام
خالقیم گواهیدور من نه حاله قالموشام
قویما ایلسون بالون چوللری مکان بابا
من سیزیلدارام یانار اهل عالم آهیمه
هی نظاره ایلرم باشدا غم سیاهیمه
خردا قیز گور ایلمز بو مکاندا واهمه
ئوز ایاقینون سسین درک ائدن زمان بابا
بخت و طالعیم منی گور بابا هارا چکوب
گون باتوبدی عالمه پردۀ قرا چکوب
بو اَسَفلی منظره قلبیمه یارا چکوب

• سه شنبه
• 3
• مهر
• 1397
• ساعت
• 10:44
• نوشته شده توسط
• ابوالفضل عابدی پور

سبک : واردی باشیمدا یاحسین هوای بین الحرمین ... ای حرمینه ناز ائدن ... عطری گلور محرمون ...
.
.
لطف ایلیوب بیر آز زمان ساخلا قطاری ساربان
واردی بو چولده بیر قالان گئتمه اماندی کاروان
.
.
قافله دن قالوب دالا سوز و گداز ایدن بالا
هر گئجه گؤزیاشی توکوب راز و نیاز ائدن بالا
بیلمورم هئچ هایاندادی سینمه ناز ایدن بالا
عمه لر اولدی ناگران گئتمه اماندی کاروان
.
.
خورداجا نوحه خوانیمیز قافله دن آرالیدی
فاطمه سه ساله دی قارداشیمون مارالیدی
بس که ووروبلا جسمینه قمچی قولی یارالیدی
ائتمیه قورخورام توان گیتمه اماندی کاروان
.
.
نیمه ی شب ایتیرمیشم غملرین آشناسینی
من گرک آختاریب تاپام قارداشیمون بالاسینی
تاپسا

• دوشنبه
• 28
• مرداد
• 1398
• ساعت
• 15:26
• نوشته شده توسط
• ابوالفضل عابدی پور

گلوب او یولدا قالان قیز که کاروانه یتیشدی
گوروب آتاسینی غم صوتی کهکشانه یتیشدی

اسیر گمشده چاتدی قطار آل عبایه
خزینه صاحبینه گوهر یگانه یتیشدی

غم عندلیبی قویوب پشت سرده دشت و فلاتی
ترانه ایلمگه غملی گلستانه یتیشدی

قویوب ادب الینی سینه سینه گلدی سلامه
گوزونده اشک تری شاه انس و جانه یتیشدی

اورکلنور قیز اوشاقی گورن زماندا آتاسین
اودور او خیردا قیزا صحبته بهانه یتیشدی

دئدی قیزین نچه ساعتدی آیریلوب اُسرادن
فغان سسی اوجالوب عرش لامکانه یتیشدی

جِدانون اوسته دایاندون هامی بو مطلبی بولسون
گُلون تعصّبی عالمده باغبانه یتیشدی

ایاق یالین تیکان اوستونده کاروانی گزوردوم
الیم نه بیر کسه چولده نه خانمانه

• یکشنبه
• 24
• شهریور
• 1398
• ساعت
• 09:32
• نوشته شده توسط
• TzwSVsOw

عمه جان دشمن سالوب محنت قطاریندن منی
نجم تک سن آیری سالما غم مداریندن منی

ای اسارت مکتبینده قزلارا آموزگار
هانسی بیر قز من کیمی دنیاده اولدی خوار و زار
شاخه می سندیردی گل تک تند باد روزگار
آیری سالدی زندگینون نوبهاریندن منی

آغلاسون آغلار گوزوم تک عمّه دنیانون گوزی
قلبنی دوتسون یانان قلبیم کیمی محنت کوزی
اؤزگه لرده بُؤلمسه سنکه بُؤلورسن بو سوزی
آرتوق ایستردی بابام دار و نداریندن منی

آشیانسیز بیر قوشام کیمدور یته امدادیمه
مانع اولدی ساربانلار نغمه و فریادیمه
اُفّ اولیدی آشیانیم یاندیران صیّادیمه
بوشلادی بیراهه ده چنگ شکاریندن منی

ظلمته دوتدی او گونکه عترت طاها گونی
باتدی اسلامون چوخوریرده جه

• دوشنبه
• 25
• شهریور
• 1398
• ساعت
• 09:27
• نوشته شده توسط
• TzwSVsOw

ساخلا ناقه‌می کاروانیدن
واردی بیر قالان گیتمه ساربان
گرتاپولماسا سویگلی بالام
گیتمرم دایان گیتمه ساربان

آخر وداعنده قارداشیم
تاپشوروب منه بیربیر عترتین
ایتمرم فراموش اؤلونجه من
قارداشیم حسینون وصیّتین
شه اوزی بولوردی یقین همین
شاهزاده‌نین بیله ساعتین
ناقه‌دن ییخار ساربان قالور
چولده باغْریقان گیتمه ساربان

چُوخدی گرچه اوز اهل‌بیتنه
اُول شه رَؤفون محبّتی
وارخصوص بو نازنینله
شاه بی‌کسون اوزگه اُلفتی
نیزه‌ده یارالی باشی دوروب
گیتموری او اُلفتدی علّتی
گیتمز اوز بالاسی تاپولماسا
حَشره‌دین اینان گیتمه ساربان

گورموسن نجه سوز آهله
کلِّ عالمی یاندیرور یاخور
نیزه‌ده آچورقان دولان گوزون
متّصل گَلن یولّ

• دوشنبه
• 25
• شهریور
• 1398
• ساعت
• 10:46
• نوشته شده توسط
• TzwSVsOw