اشعار راه شام

راه شام

منی ناقه دن یخوبدور یره ساربانیم عمّه
گل اماندی چولده قالدیم باشیوا دولانیم عمّه

پوزولوب او وقتیدن که شه کربلا جلالی
سنه گوز تیکوبدی یکسر بابامون اسیر عیالی
بو یتیمین حالتیندن ایله کاروانی حالی
بولوسن که یوخدی سندن صورا مهربانیم عمّه

قیز عیالی پا پیاده نه روا چولی دولانسون
بیله وقتیده کیمیم وار منیم حالتیمه یانسون
گل آپار اوزون و یا که دینه کاروان دایانسون
اوجالا اماندی قویما فلکه فغانیم عمّه

نه یولی نشان ویرن وار نه پناه اولان بو زاره
اُلورم یورولموشام من نجه گلموم آه و زاره
من اُلم اگر بو چولده منی کیم قویار مزاره
اوزولوب الیم اِئلیمدن کیمه وار گمانیم عمّه

سنه زحمتیم اگرچه یتیشو

• سه شنبه
• 18
• مهر
• 1396
• ساعت
• 06:46
• نوشته شده توسط
• علی ببیرپور

راه شام - جدا ماندن حضرت رقیه از کاروان

ای صبا صحراده قالدیم کوچ ایدوبدور قافله
بی پناهم قورخورام تنگه گلوبدور حوصله

قافله سالاره دی گتمه دایان بیرلحظه دور
اوچ یاشیندا بیربالا سیزدن آچوبدور فاصله

سسلوری هی عمّه سین امّا اونا ویرمورجواب
آج سوسوزدی چولده یوخدی زاد راه وراحله

گه دورورگاهی قاچور رخسارینه اشکین اَلور
خارو خَسدن هرایکی پا یاره دورهم آبله

سود امرقارداشونون اوخلانماقون یاد ایلوری
قورخوری صدآه و وا بیرده آتا تیرحرمله

دی بابامون باشینه ایتسون توقف تاگیدوم
هم دوداقلارین اوپوم هم ایلییوم اوندان گله

عمه مه بیرسوز دِمَم مظلومه دورقلبی یانار
من یتو شسم کاروانه قورتولار بو مسئله

عمّه

• سه شنبه
• 18
• مهر
• 1396
• ساعت
• 07:21
• نوشته شده توسط
• علی ببیرپور

زبانحال جناب سکینه بسر جناب علی اکبر در راه شام

ایشیق گوندوز دونوب شامین یولوندا چون شب تاره
علی اکبر باشین گوردی سکینه گلدی گفتاره

خم ابرولرون قارداش علی محراب طاعتدور
یوزون قبله مقام قربده عشقون عبادتدور

تاپوب تجرید کامل قید جسمانیدن عالمده
اسیر جذبۀ حسنون موحّد دن عبارتدور

یوزیمه اللریمه اشگیمیله شست و شو ویرَّم
وضو خون جگردن، اهل عشقه خوش طهارتدور

دیَر تکبیر نوک نیزه ده سلطانِ دین باشی
نماز عشق رکن و فعل و شرطی اوزگه صورتدور

خدایه حمد اولا عهد السته ایلدیم ایفا
خطاب آیۀ اوفو جوابی بو اسارتدور

ائدر راکع خضوعیله منی بوینومدا کی زنجیر
یوزوم اوسته یخار ناقه سجودیم اوزگه حالتدور

شهادت و

• پنج شنبه
• 20
• مهر
• 1396
• ساعت
• 02:56
• نوشته شده توسط
• علی ببیرپور

راه شام
زبانحال حضرت رقیه سلام الله علیها

من ناقه دن دوشدوم دایان گئتمه ای عمه
یولار اوزاق من ناتوان گئتمه ای عمه

سالدون نه تئز گوزدن منی ائتدون پریشان
قالدیم یول اوسته باغری قان گئتمه ای عمه

وئر بیر خبر تا کاروان اهلی دایانسون
من تک انامدا آتش اندوهه یانسون
گئتسین رئیس قومدن بیر مهلت آلسین
تاپسون منی اول مهربان گئتمه ای عمه

مرغ دلیم ای عمه جان فریاده گلدی
جدَّه م منی یاد ایلیوب امداده گلدی
گل باشیمی آل سینووه زهراده گلدی
گل اول بیزیله همزبان گئتمه ای عمه

گوزده دونوب اشک تریم بالمرّه قانه
بیر حس سیز بلبل کیمی گللم فغانه
سالدی عجب ذلتلره دور زمانه
تیر غمه اولدوم نشان گئتمه ای عمه

اودوم صغ

• پنج شنبه
• 20
• مهر
• 1396
• ساعت
• 02:58
• نوشته شده توسط
• علی ببیرپور

شه تشنه زینب خون جگر
بیری نیزده بیری ناقه ده
باجی قارداش اولدیلا هم سفر
بیری نیزده بیری ناقه ده
بیریسی اوخوردی کلام حق
دم نی ده لحن حجازیلن
گه ائدردی راز و نیازینی
او خدای بنده نوازیلن
ولی زینب اوخشاریدی اونی
دوه اوسته سوز و گدازیلن
بیری بی بدن بیری دیده تر
بیری نیزده بیری ناقه ده
او باشی جداده گورن زمان
بیر عجوزه داشه ائدوب نشان
گوروب حالی زینب بینوا
ائدوب اشگ دیده سینی روان
باشینی ویروب دم محمله
یاریلوبدی باشی آخوبی قان
او باشی کسوک بو شکسته سر
بیری نیزده بیری ناقه ده
بیله سوز نه نوعی گئدوبدولر
ره شامی قوم ظلامیله
ویرولوبدی نیزه لر اوستونه
شهدا باشی نه نظامیله
دوه اوسته عورت اوشاق هامی
قولی

• دوشنبه
• 2
• مهر
• 1397
• ساعت
• 10:36
• نوشته شده توسط
• ابوالفضل عابدی پور

من یتیمی چوللره
سالدی ساربان بابا
قانلی باشووه فدا
هارداسان دایان بابا
آچ او قانلی گوزلرون بیر نظاره قیل منه
گلمیشم بو قورخولی چولده گور نه شیونه
ظلمیله ئولر بالون دوشسه دام دشمنه
گلسه ئولدورر یقین زجر و ساربان بابا
بو قرنقلوق گئجه ایله وحشت آلموشام
اود دوتوب جگرلریم یاده زجری سالموشام
خالقیم گواهیدور من نه حاله قالموشام
قویما ایلسون بالون چوللری مکان بابا
من سیزیلدارام یانار اهل عالم آهیمه
هی نظاره ایلرم باشدا غم سیاهیمه
خردا قیز گور ایلمز بو مکاندا واهمه
ئوز ایاقینون سسین درک ائدن زمان بابا
بخت و طالعیم منی گور بابا هارا چکوب
گون باتوبدی عالمه پردۀ قرا چکوب
بو اَسَفلی منظره قلبیمه یارا چکوب

• سه شنبه
• 3
• مهر
• 1397
• ساعت
• 10:44
• نوشته شده توسط
• ابوالفضل عابدی پور

گلوب او یولدا قالان قیز که کاروانه یتیشدی
گوروب آتاسینی غم صوتی کهکشانه یتیشدی

اسیر گمشده چاتدی قطار آل عبایه
خزینه صاحبینه گوهر یگانه یتیشدی

غم عندلیبی قویوب پشت سرده دشت و فلاتی
ترانه ایلمگه غملی گلستانه یتیشدی

قویوب ادب الینی سینه سینه گلدی سلامه
گوزونده اشک تری شاه انس و جانه یتیشدی

اورکلنور قیز اوشاقی گورن زماندا آتاسین
اودور او خیردا قیزا صحبته بهانه یتیشدی

دئدی قیزین نچه ساعتدی آیریلوب اُسرادن
فغان سسی اوجالوب عرش لامکانه یتیشدی

جِدانون اوسته دایاندون هامی بو مطلبی بولسون
گُلون تعصّبی عالمده باغبانه یتیشدی

ایاق یالین تیکان اوستونده کاروانی گزوردوم
الیم نه بیر کسه چولده نه خانمانه

• یکشنبه
• 24
• شهریور
• 1398
• ساعت
• 09:32
• نوشته شده توسط
• علیرضا گودرزی

ساخلا ناقه‌می کاروانیدن
واردی بیر قالان گیتمه ساربان
گرتاپولماسا سویگلی بالام
گیتمرم دایان گیتمه ساربان

آخر وداعنده قارداشیم
تاپشوروب منه بیربیر عترتین
ایتمرم فراموش اؤلونجه من
قارداشیم حسینون وصیّتین
شه اوزی بولوردی یقین همین
شاهزاده‌نین بیله ساعتین
ناقه‌دن ییخار ساربان قالور
چولده باغْریقان گیتمه ساربان

چُوخدی گرچه اوز اهل‌بیتنه
اُول شه رَؤفون محبّتی
وارخصوص بو نازنینله
شاه بی‌کسون اوزگه اُلفتی
نیزه‌ده یارالی باشی دوروب
گیتموری او اُلفتدی علّتی
گیتمز اوز بالاسی تاپولماسا
حَشره‌دین اینان گیتمه ساربان

گورموسن نجه سوز آهله
کلِّ عالمی یاندیرور یاخور
نیزه‌ده آچورقان دولان گوزون
متّصل گَلن یولّ

• دوشنبه
• 25
• شهریور
• 1398
• ساعت
• 10:46
• نوشته شده توسط
• علیرضا گودرزی

قالموشام بو قؤرخولى چؤل‌لرده تنها قورخورام
کاروانى قویما گئتسین ساخلا بابا قورخورام
برج‏ عشقه ‏اولدوزام
اوچ‏ یاشیندا بیر قیزام

آند وئرّم اى بابا زهرا آنامه من سنى
سالماگؤزدن بو قیزى سن گل اؤزون درک ائت منى
گلمه‌سونده، یولاّ، عمّم زینبى، نه دشمنى
تا یئتورسون کاروانه بى محابا قورخورام

زجر گلسه بو چؤله ظلم و جفاسین بولدورر
بو قرانلوق چؤلده عمریمون چراغین سؤندورر
تازیانه‌یلن منى اُول بى‌مروّت ئولدورر
کربلادن گورموشم جؤرین سراپا قورخورام

اى بابا احوالیمه بو چؤلده اؤولار آغلیار
آشنالر سهل‌دور بو غمده اَغیار آغلیار
من کیمى هر گول سارالسا حالینه خار آغلیار
دشمنیم بى رحمدور یوخ رحمى ‌اصلا قورخورام

• دوشنبه
• 25
• شهریور
• 1398
• ساعت
• 09:47
• نوشته شده توسط
• علیرضا گودرزی

امر ایله ئوزون دایانسون
غملی کاروانی عمّه
قالمیشام بو چولده الان
دل دونوبدی قانه عمّه

کوچ ائدوب گئدوبسن الان عمّه سندن هئچ خبر یوخ
قالمیشام بو چولده تنها کاروانیدن اثر یوخ
بیلمورم هایاندی بو یر بیر بئله یره گذر یوخ
قیل نظر عنایت ایله سن بو خسته جانه عمّه

قالدی خردا بیر سفیرون گوزلرینده اشک حسرت
بیلمورم نه سمته گئتدون عمّه ای سحاب رحمت
من غریبی سالما گوزدن ای منه مدال عزت
سایه وی جهاندا وئرمم کل بو جهانه عمّه

همرهین بو چولده قالدی قورخورام اماندی گئتمه
رنگی گول کیمی سارالدی قورخورام اماندی گئتمه
گون باتوب هوا قاردالدی قورخورام اماندی گئتمه
اشک خون آخار عذاره گلَّم هی فغانه عمّه

درد و غصّه ل

• دوشنبه
• 25
• شهریور
• 1398
• ساعت
• 10:01
• نوشته شده توسط
• علیرضا گودرزی

دوشنده یاده بولوط تک توکور گوزوم یاشی
نظرده جلولنن غنچه تک علی باشی
.
نجه دیوم نجه باش قلبی یاندرور آهیم
او باشی گورسه قان آغلار اود ایچره ابراهیم
.
نجه دیوم نجه باش نوح گورسه رنگی سولی
اوباشدان اوتری عموسی سالوبدی یولدا قولی
.
نجه دیوم نجه باش ماه تک سالوب نوری
ایدوبدی صحن گلستان کلیم تک طوری
.
نجه دیوم نجه باش هر غمه شکیبادی
او باشه فخر ایلین حضرت مسیحادی
.
نجه دیوم نجه باش دیللره سالور شرری
خیالی باشدا ندور باشلیوب آغیر سفری
.
نجه دیوم نجه باش باخ اوباشدا اعجازه
یقین رسول کیمی قصد ایدوبدی معراجه
.
نجه دیوم نجه باش عفوایله امام زمان
ووراندا نیزیه باشی آخوبدی گوزلره قان
.
نجه دیوم نجه باش باش

• سه شنبه
• 26
• شهریور
• 1398
• ساعت
• 10:54
• نوشته شده توسط
• علیرضا گودرزی

گر چه غمون علی دل ایوین ترک و تاز ایدر
امّا خوشام بو عشق منی سرافراز ایدر
.
عشقون سالوبدی لیلینی مجنون کیمی چوله
عشق عقلدن خیال ایوینی بی نیاز ایدر
.
سن اولموسان مخالفه مغلوب عراقیده
سانما آنان دوباره خیال حجاز ایدر
.
گوگلیمده واردی عشق حقیقی اودور سبب
گوردوقجا سرزنش منه اهل مجاز ایدر
.
یاندورما یانموشام منه گَل ناز آز ایله
عشّاقه گرچه رسمیدی معشوق ناز ایدر
.
امّا گورنده عاشقینین صبری قورتولوب
ناز ایلمز، گر ایلسه ده ناز آز ایدر
.
من سرّیمی محالیدی اغیاره بُلدورم
امّا آخار سرشک تریم کشف راز ایدر
.
گوردوقجا گُل یوزون گوزوم ابر بهار تک
قان یاش توکر یانار جگریم سوز و ساز ایدر
.
قانلی یوزوندن ایتسه

• سه شنبه
• 26
• شهریور
• 1398
• ساعت
• 10:56
• نوشته شده توسط
• علیرضا گودرزی

خلق ایدندن پیکرون پیکر تراش پیر اوغول
بوینوما زلف سیاهوندان سالوب زنجیر اوغول

اولموشام افسانه گویا دیده ی شهلا کیمی
عاذر عشقم منه لطف ایلسن لیلا کیمی
کاسه ی چشمیم لبالبدور منیم دریا کیمی
زورق چشمیم سینیبدور اولموشام چون پیر اوغول

نرگس مستون کیمی سرمست اولوب مستانیم
جستجوی شمعیده پرسوخته پروانیم
سنده، من محو اولموشام روحیم گیدوب افسانیم
بیر نشانه واردی روحیمدن قالان تصویر اوغول

ای غزال خوش خرام مرغزار زندگی
وحشیانه بو سپاه شام ایدوب درّندگی
یوخدی سیر گلستان و گلشنه زیبندگی
تا سنی صیّاد ایدوب ظلمیله غافلگیر اوغول

بو گیاه زلف ایدوبدی صورتون باغ بهشت
هر یانا گیتسه باشون گلّم نه دیر و نه کِنِشت

• پنج شنبه
• 28
• شهریور
• 1398
• ساعت
• 09:33
• نوشته شده توسط
• علیرضا گودرزی

دوشدوم دوه دن،ساخلا بی بی یولدا قطاری
صبر ائیله دایان،قویما منی تک سنی تاری
.
بو چرخین عجب دهریده برنامه سی واردی
صحرای بلاده منی سالدی گجه یاری
.
سس وئر سسیمه،هارداسان ای امّ مصائب
هرآن ائلورم سن گلسن لحظه شماری
.
سن دادرس عترت شاه شهداسن
بنیان حیاتین قورولوب سنده قراری
.
چوخ ایئلور اذیت منی بو خار مغیلان
بیر بیر ایاقیمدان چکورم گورنجه خاری
.
تاپشوردی بابام وقت وداعده سنه عمه
سال یادیوه سن خیمه ده کی قول و قراری
.
شهزاده یه مشکلدی آخی درد اسارت
قویما سینا زهرا قیزینین شأن و وقاری
.
یوخ بیر نفر امداده گله قورخورام عمه
لطف ائیله یتیر دادیمه،سوندور بو شراری
.
قویما سوزوم اشکیم کیمی دوشسون یره،لط

• پنج شنبه
• 28
• شهریور
• 1398
• ساعت
• 09:42
• نوشته شده توسط
• علیرضا گودرزی

طریق شامیده بیر گون او فرقۀ باطل
غروبیدی عربستان چولین ائدوب منزل
.
یوخودی بیر آبادانلوق نه ائو نه شهر و دهات
گوز ایشلدوقجا بیابان و کوه و دشت و فلات
.
او یرده قیلدی مکان قوم ارزل اعراب
قورولدی خیمه و چادر گچوب طنابه طناب
.
حسین باشینی صندوقه قویدی شمر لعین
ووربدی قفل ایلیوب موم و مهر اول بی دین
.
دوزولدی دوره ده مستحفظ و قراوللر
گئجه قرانلوقیدی یاندی خیلی مشعللر
.
گونون حرارتی گوندوز قوتاردی حدتیله
همان گیجه سویوق اولدی کمال شدتیله
.
لحاف و بستر ایچینده قشون یاتوب راحت
قالوبلا چولده بیر عده پناه سیز عورت
.
نه منزل اولدی نه حایل نه خیمه و نه اساس
هوادن حفظ ایلسون لااقل یوخیدی لباس
.
گیجه زمانی

• پنج شنبه
• 28
• شهریور
• 1398
• ساعت
• 12:38
• نوشته شده توسط
• ابوالفضل عابدی پور

ای عمه یوخدی کیمسه اولا دادرس منه
بو دشت پر خطرده ویره باری سس منه
.
دوشدوم کجاوه دن یره قالدیم بو چولده من
یوخ بیر نفر ای عمه اولا همنفس منه
.
من بر یتیم اوشاق بو بیابان خوفناک
گیتدوز هامی پناه اولی کیم بورا بس منه
.
هر قدر سسلیرم سسیمه یوخدی سس ویرن
ویرَّم قولاق سس ویری هردم جرس منه
.
گاهی قاچوب گهی اوتوروب طاقتیم گیدر
زحمت ویرور بو چوللری چوخ خاروخس منه
.
گه قافله دالنجا باخوب گاهی آغلارام
صحرا اولور بو وسعتیله بر قفس منه
.
یوخ اوزگه چاره آغلارام آه و فغانیله
بو قدر آغلاماق ویری آخر هوس منه
.
بو دشت هولناک اوزوم طفل نابلد
عمَّه علاوه یوز ویری غم پیش و پس منه
.
حالیمدن ایله حالی امام مریضی س

• پنج شنبه
• 28
• شهریور
• 1398
• ساعت
• 12:39
• نوشته شده توسط
• ابوالفضل عابدی پور

یانا یانا او زمان اذن ویردی گوزیاشنا
خطاب ایدوب بو دلیله آتاسینون باشنا
.
نه ظلم ایدوب بابا گور سنگدل سپاه منه
که روز روشن اولوب لیله ی سیاه منه
.
آلوبلا معجر گلدوزیمی جفائیله
آچاندا غارت الین قوم دین تباه منه
.
گورنده ظلمیله گلدوز معجریم آلینوب
ویروبدی قمچی ووران معجر سیاه منه
.
ایدوبله ناقه ی عریانه گه سوار منی
اولوبدی توشه ی ره یولدا رنج راه منه
.
ووروب یخوبلا گهی چولده قالموشام یالقوز
تاپولمیوب اولا بیر کیمسه دادخواه منه
.
ایاق یالین دولانوب چولده دوشموشم دلسیز
کنار خار مغیلان اولوب پناه منه
.
قابار ایاقلاریمون قانی، قانلی گوزیاشیم
نشان ویروبدی عیان قانلی بیر میاه منه
.
دولانموشام چولی چوخ

• پنج شنبه
• 28
• شهریور
• 1398
• ساعت
• 12:47
• نوشته شده توسط
• ابوالفضل عابدی پور

غیرتلی عموم وار نیه امدادیمه گلمور
باخمور او منیم ناله و فریادیمه گلمور
دیلرکی اوزون قولاری وار یادیمه گلمور
چیخدی او مهون قامت رعناسی یادیمدان
بیر حرف خیالیمده منیم قالمور آدیمدان
.
سعد اوغلی وئروب شمریله زجره بئله دستور
آختارماقا اول خوردا قزی اولدیلا مامور
هر تک تکی اولموشدی جفا اتمگه مشهور
شهزاده ئیدی یاره واریدی ایاقندا
گتدیله او مظلومه نی آتلار قاباقیندا
.
گورجک باباسین تیر غمی قلبینه ساچدی
اول یاره لی باشین دولانا باشینه قاچدی
دوردی الی قوینندا شکایت دیلین آچدی
عرض ائتدی گرک دردیمه درمان اده سن سن
هیچ یوخدی امیدیم بابا من سیز گیده سن سن
.

• یکشنبه
• 31
• شهریور
• 1398
• ساعت
• 13:56
• نوشته شده توسط
• ابوالفضل عابدی پور

ماجرای شام ائدوب از بس بو زاری تلخکام
ایلیوبدور گوندوزی زینب غمی بو گوزده شام
.
گر یولون دوشسه بقیعه ای نسیم صبحدم
محضر زهرایه مندن عرض ایله اول سلام
.
بیرده دی قبرونده راحت یاتموسان آیا نئجه
باش گوتور توپراقیدن ای دختر خیرالانام
.
باش آچوقدور قیزلارون شام خراب ایچره خانیم
معجره حسرت چکور اول زینب والا مقام
.
بس که نا محرم آلوبدور دوره سین شاماتیده
گوندرور بو طرزیله گوزیاشلی یا زهرا پیام
.
لطف ایله معجر گتور قیزلار خجالتدن ئولور
آز قالور غمدن اولا بو زیبنبون عمری تمام
.
آل طاهانی اسیر ایلوبدی دژخیمان شام
نه حلالی درک ائدور بولمور ندور آیا حرام
.
ساز و نی الده چالور کف شام و کوفه لشکری
هرگز اول

• یکشنبه
• 31
• شهریور
• 1398
• ساعت
• 14:05
• نوشته شده توسط
• ابوالفضل عابدی پور

باخدی چون اکبرینون نیزده لیلا یوزینه
گوردی زلفی توکولوب چون شبِ یلدا یوزینه
.
.
ای صبا بیرجه اَس اول زلفِ پریشانی داغیت
خانمان دلِ ویرانۀ لیلانی داغیت
دلِ ویرانۀ لیلا کیمی دنیانی داغیت
قویما دوشسون داخی اول زلفِ سمن سا یوزینه
.
.
چون کنارایتدی صبا زلفِ شکن درشکنی
گورونوب هاشمی خال و خطِ وجه ُالحَسنی
آتدی سازنده لر اول وقت دف و دایره نی
بیر باخوب اکبره بیر باخدیلا لیلا یوزینه
.
.
دئدیلر کیمدی بوعورت بیزی نالان ایلین
یوخسا لیلادی بو مجنون کیمی افغان ایلین
سنی ای تازه جوان قانوه غلطان ایلین
نجه محشرده باخار حضرتِ زهرا یوزینه
.
.
قاشلارون طاقی اوغول سورۀ یاسین اوخوری
باخا هر کیم یوزیوه آیۀ تحسین ا

• سه شنبه
• 9
• مهر
• 1398
• ساعت
• 16:17
• نوشته شده توسط
• ابوالفضل عابدی پور

دوشوب زمانه ده قارداش نه چوخ بلایه باشون
جدا بدندن ایدوب ووردولار جدایه باشون
دل ویروب قضایه باشون
دوزدی هر جفایه باشون
.
.
ازل گونی باشون اولموشدی همدم خنجر
کَسوب علاقه سین اولدی جدائیله همسر
جدادن اینجیدی یاتدی کُل اوسته، ایمدی گیدر
که خیزران سالا بیر اوزگه ماجرایه باشون
.
.
بلای دشمنه باشون عجب مسلّمدور
همیشه درد و بلا چَکماقا مصمّمدور
باشوندا شور سنون بُلمورم نه عالمدور
رضا ویروب مگر عالمده هر بلایه باشون
.
.
قویاندا سجدیه باش اوّل شهادتده
شهادت ایلدی جاری باشون او حالتده
تمام عضو قالوب سجده گاه طاعتده
اوجالدی کلمه ی تکبیریله جدایه باشون
.
.
ویرور بو شام یولی باشوا نه چوخ زحمت
گورر نه کُول

• سه شنبه
• 9
• مهر
• 1398
• ساعت
• 16:26
• نوشته شده توسط
• ابوالفضل عابدی پور

یارب سن اوزون قیل منه یاری، گئجه یاری
قورتار غم الیندن بو فکاری، گئجه یاری
.
.
من بُرج محبّتدن آخان اولدوزام الله
وحشتلی بیاباندا آدامسیز قیزام الله
سندن سورا یوخ دادرسیم، یالقوزام الله
رحمت نظرون سال منه ساری گئجه یاری
.
.
یوخ قافله موزدن اثر، آهیم اوجالوبدی
آرامیمی وحشت نئجه گور اَلدن آلوبدی
هئچ بولمویورم عمّه لریم هاردا قالوبدی
امدادیمه گلمور بیری باری گئجه یاری
.
.
احوالیمه قان آغلوری گؤیلرده آی اولدوز
داغلی اورگیمده اوجالور ناله ی جانسوز
شه زاده علی اکبره بیر ناز ائلیَن قیز
الآن دولانور تک بو دیاری گئجه یاری
.
.
بو بی کسین احوالینی ای کاش بوله عمّه م
یولدا گؤزومی قویمویا، داده گله عمّه م

• چهارشنبه
• 10
• مهر
• 1398
• ساعت
• 14:02
• نوشته شده توسط
• ابوالفضل عابدی پور

من حسینون قیزیام، چوللری مضطر گزورم
قالمیشام یئرده، منی ترک ائدوب ائللر، گزورم
.
نه غذا ایستیورم من،نه ده سوتشنه سی ام
نیمه شب،غرق تَعَب،یاره لی بیر سَرگزورم
.
`مرغ باغ ملکوتم نیَم ازعالم خاک”
که سینوب بال وپریم،چوللری بی پر گزورم
.
بیر یارالی باجیام،نازیمی لطفیله آلا
علی اکبرکیمی بیر نازلی برادر گزورم
.
التفاتین کسوب اکبر،ندورآیاسببی
کوسوب اکبردیه سن،صود امر اصغر گزورم
.
زینب عمّمده ایتیردی منی بوصحراده
بومحن سالدی منیم قلبیمه آذر، گزورم
.
بوتیکانلار،نه تیکان،خنجره چوخ بنذری وار
ایاقیم آلتداباخوب،چکمگه نِشتَرگزورم
.
ائله غارت زدیَم،معجریمی دشمن آلیب
یارامی باغلاماقا،بیرقره معجر گزورم
.
بوگئجه

• چهارشنبه
• 10
• مهر
• 1398
• ساعت
• 14:49
• نوشته شده توسط
• ابوالفضل عابدی پور

دوشنده ناقه دن هر ماه پاره یولّاردا
وُروبلا قمچی گلوب آه و زاره یولّاردا

اگر چه چیخمیشیدی سیره بیر فلک اولدوز
یتنجه شامه آخوب چوخ ستاره یولّاردا

دوشوبدی بیر سوری گویا چوله غزال حرم
وُروبلا قلب جهانه شراره یولّاردا

جفا و ظلمدن اول گل کیمی سولان قیزلار
اولوبلا گلشن دینه هزاره یولّاردا

او یوزلری که ایدوب گون حیا او یوزلردن
باتوبلا توپراقا گرد و غباره یولّاردا

اوغول باشی ورولوبدور آنا مقابلینه
آنا باخوب توکوب اشگین عذاره یولّاردا

باجی گورنده مقابلده قارداشین باشنی
گلردی حسرتیله آه و زاره یولّاردا

سکینه ایستدی اکبر باشین آلا گوردی
گرکدی عجز ایلیه نیزه داره یولّاردا

ولیک بولدی آلانماز او باشی حسرتیله
جدایه ناقه دن ایتدی نظاره یولّاردا

دیمم نه چکدیله امّا بو قدری عرض ایدرم
دوشوبدی آل علی چوخ فشاره یولّاردا

یتنده هر قیزا محنت دولاردی ابر کیمی
یوزین دوتاردی شه تاجداره یولّاردا

دیردی گور بابا سنسیز نجه بو غمزده نون
دونوب ایشیق گونوزی لیل تاره یولّاردا

او گل که عزّت و نازه جهاندا عادت ایده
نجه دوزر دایانار جور خاره یولّاردا

یاناردی هر بالا تاپمازدی دردینه چاره
دیردی دردینی پروردگاره یولّاردا

دوشور خیالیمه امّا بو یرده بیر محنت
او محنت ایلدی چوخ قلبی یاره یولّاردا

اسیرلردن ئولوب یولدا نچّه نازلی بالا
قویوبدی بس اولاری کیم مزاره یولّاردا

نصیب اولسا سنه (اعظمی) خرابۀ شام
رقیّه غملرین ایله شماره یولّاردا

• پنج شنبه
• 29
• آبان
• 1399
• ساعت
• 20:31
• نوشته شده توسط
• یوسف اکبری

بیر قافله دور کوفه ایلن شام آراسندا
یوز شامه قویوب عصریله آخشام آراسندا

مشغولیدی گتماقلقا بیراهه یولیلان
فکری چاتا شامه سحر و شام آراسندا

بیر قافله دور قافله یوخ آیری متاعی
عورتدور اوشاق قوم بدانجام آراسندا

مینمیشله سنق محمله بو عورت اوشاقلار
آدلاری قالوب خارجی ظلّام آراسندا

خردا قیز اوشاقلار هاموسی قولقولا باغلی
اول قوشلارا بنذرله قالا دام آراسندا

باشلار دوزولوب نیزه ده بیر طُرفه نظامه
باش نیزه ده که نَهی دی اسلام آراسندا

اکبر باشی قاسمله ویروب باش باشا یولدا
محملده آنالار ایکی ناکام آراسندا

بیر تازه گلین معجری یوخ نیلسون آخر
گزلتدی یوزین زلف سیه فام آراسندا

عباس باشی محمل کلثومله همدوش
صحبتلری وار رمزیله پیغام آراسندا

مضطر آلاسان بیتوه بیر بیت جزاده
بوش به بهی دنیاده نه انعام آراسندا

• پنج شنبه
• 29
• آبان
• 1399
• ساعت
• 20:47
• نوشته شده توسط
• یوسف اکبری

ای منای کربلاده جان وئرن عطشان یارالی
نیزه باشینده یارالی باشوه قربان یارالی
پریشان بابام وای
لب عطشان بابام وای

تنگ اولوب دنیا بابا بو چولده آل بوترابه
اولموشام دشمن اسیری باغلانوب قوللار طنابه
وای منه وای چاره سیز قیزلاروه ایوای ربابه
دوشموشم بیر درده یوخدور دردیمه درمان یارالی
پریشان بابام وای
لب عطشان بابام وای

گؤزلریندن چوخ ایراق اولسون منی بابا یوروبلار
جسمیمه سندن صورا چوللرده هی قمچی ووروبلار
قوی دیوم اکبر آلان گوشواره می مندن آلوبلار
آخدی دریا تک قولاقیم یاره سیندن قان یارالی
پریشان بابام وای
لب عطشان بابام وای

سینمه دست فلک ووردی بابا قارداش یاراسین
نیزه باشینده گؤرور حور و ملکلر باش یاراسین
طاقتیم یوخدور دوداقینده گؤرم من داش یاراسین
صورتین بنذور هلاله قان ایدوب الوان یارالی

خاطریمده وار بابا سنلن دیوب سنلن گولردیم
دردیم اولسیدی بیلردین دردین اولسیدی بیلردیم
اولماسیدی زینب عمم من بو یوللاردا ئولردیم
عممه قربان اولا بو خسته و بیجان یارالی
پریشان بابام وای
لب عطشان بابام وای

کاش منی دشمن ووراندا دادیمه حیدر گلیدی
اصغریم بوردا اولیدی مهربان اکبر گلیدی
یا که امداده عموم عباس نام آور گلیدی
گلمدی عباس و اکبر قالمیشام نالان یارالی
پریشان بابام وای
لب عطشان بابام وای

پایگاه حفظ و نشر آثار عباسی معروفان اهری

• دوشنبه
• 24
• آذر
• 1399
• ساعت
• 14:46
• نوشته شده توسط
• یوسف اکبری

ائللریندن آرالی
گزور حسین مارالی
قولوندا قمچی ردی
ایاقلاری یارالی

اوخوردا قلبی غمدن
دوشوبدی پیچ و تابه
الی ئورک باشیندا
یوزون قویور ترابه
دیور منی خدایا
یتور آنام ربابه
باتوبدی آی یتیشدی
ستاره نین زوالی

قرا گجه اسیرِ
دیار پر خطردی
ائلیندن آشنادن
نه وقتدی بی خبردی
گهی دوروب ایاقه
گهی یئره دوشردی
قولی قانادی سئنمیش
پرنده نون مثالی

بو درده تاب ائدنمز
سه ساله خوردا بیر قئز
سیاهیِ شبانه
دوشه چوله آدامسیز
نه یار و نه معینی
بلا چولونده یالقیز
فراق اوتوندا حسرت
گزور ره وصالی

سنان و شمر الیندن
گلوب فغانه آغلور
شرار غم ئورکده
چکور زبانه آغلور
ئورک یانور بو طفلِ
شیرین زبانه آغلور
دواسی یوخدی الده
قالوبدی دست خالی

کانال اشعار عباسی معروفان اهری

• سه شنبه
• 2
• دی
• 1399
• ساعت
• 23:13
• نوشته شده توسط
• یوسف اکبری

نیزه باشندا باشون گون تک حسین شامه گیدر
گون وورولموش نیزیه بو گون قیامتدور مگر

کوفیان قارداش سنی تا قانه غلطان ایلدی
زینب بی خانمانی خانه ویران ایلدی
فرقتون تاراج صبر و غارت جان ایلدی
اوستومه غملر یاغوب اولدوم برادر دربدر

زینبی که سن گورنمزدون اونی دلگیر اولا
نه روادور ایندی قارداش بستۀ زنجیر اولا
درد بی درمان الیندن ایله جاندان سیر اولا
سیل تک هر دم توکه بی اختیار اشک بصر

سینه پرغم، دیده پرنم، غصه همدم، دل کباب
شمع تک نه جاندا تابیم وار منیم نه گوزده خواب
آل طاها با نقاب و خاصه دشمن بی حجاب
وار یری گر اود دوتوب قارداش یانا بیر خشک و تر

عشق چون آتش،یوزون چون شمع و من پروانیم
بی سبب دور یوخسا باشون بیله سرگردانیم
بیر نهایتده او باشون عاشق حیرانیم
که تمام ماسوادن ائتمیشم قطع نظر

ایلیوب عشقون منی مجنون کیمی صحرانشین
همدمیم دور نالۀ شبگیر و آه آتشین
خرمن غم گورمیوبدور من کیمی بیر خوشه چین
دامن تحصیلیمه دولموب مگر خون جگر

لمعه لمعه پرتو نور جمالون یا اَخا
رهروان وادیِ عشقه اولوبدور رهنما
بیله باشه، بیله نور عارضه، جانیم فدا
نور حق قارداش عجب وجهوندن اولموش جلوه گر

نه روادور بیله بیر باشه اولا منزل تنور
که ظهور ایلر جمالیندن اونون آیات نور
یوسف مصری خیالینده ایده نورون خطور
قبردن باش قوزیوب سویلر که ما هذا بشر

تاپمیوب غمدن کدورت قلبیمون آیینه سی
بو دل ویرانه دور هرچند غم گنجینه سی
قابل سوز محبت دور باجون چون سینه سی
هر بلا گلسه سنون عشقونده ایلر جان سپر

عشقِ شوکت سوز جامین چون آلوب نوش ایلدیم
زینبیّت قیدینی مُطلق فراموش ایلدیم
ترک جان ائتماق نواسین زینت دوش ایلدیم
عاشق جانان گرک جانیندن اولسون بی خبر

کشف اولا ایستردی سرّ جانفروشی زینبه
وئردی استاد ازل درس خموشی زینبه
چوخ ریاضتله یتیشدی قاره پوشی زینبه
طرح قسمتده حسینه یتدی قارداش ترک سر

گَرد غم از بس یاغار بو چولده پی در پی اخا
خیره گوزلر چهرۀ مقصوده تاپماز پی اخا
سالک صحرای عشق ایستر که ایتسون طی اخا
بو شب تار و ره پر خار و دشت پر خطر

عالمه ایلوب تجلی پرتوِ نورِ حسین
جهد ایدوب «هندی» اوزون ائت سنده منظورِ حسین
بیله که واردور کلامونده سنون شورِ حسین
اولموسان عشق حسینیله یقین شوریده سر

• سه شنبه
• 14
• بهمن
• 1399
• ساعت
• 20:40
• نوشته شده توسط
• یوسف اکبری

چوللرده گزور،،،باجون غرق عزا
باشدایارا،هردم ایلور
آه ونواحسینیم
زینبون گئدور،،،باشی غرق بلا
دیلده دعــا،ذکری اولوب
حسینیم وا حسینیـــــم
باشی بلالی زینب ائلدن آرالی زینب۲
اوره ک یارالی زینب
ایله بیرنظر نواخوان اولوب
پریشان اولوب واحسینیم

من ئوزوم گوردوم،،،اوحال بحراندا
اوطوفاند،،،اوصحراده
غملـــــــی یئللر اسیلدی
من ئوزوم گوردوم،قارداش سنی عطشان
غرق حرمان ظلم الیلـــــــــــــه
باشون دالدن کسیلـــــــــــــــدی
یاندی آمال زینب سوزدی اقبال زینب
دولاندی حال زینب
آرایه آلدی باجووی غملر
هریرده سسلر واحسینیم

غم یئمه قارداش،،یاروفادارم
علمدارم،،قیزلارووا،،،
پرستارم حسینیــــم
گرچه باغلیدور،طنابیله قولوم
ساقیم سولوم،بومکتبه
هوادارم حسینیـــــــــــــم
گلبرگ یاسووام من،،بهراحساسووام من
آیری عباسووام من
هریره گئتسم،سوزومده دورّام
غمله چاغورّام،،،واحسینیم

سنله ازلدن،باغلامیشام پیمان
جان جانان،،جانیم السون
سن قربان حسینیــــــم
قییتمرم بو،،شرافتلی یولدان
راه قرآن،راه دین و
راه ایمان حسینیــــــم
علیَه دخترم من اوشاهه مظهرم من
وفــــــــــــــــالی خواهـــــــــرم من
ال چکمرم بو،،،راه ولادن،
عهدووفادن،،،،واحسینیــــــــــم

هجرونده قارداش،،،هردم سینه داغلور
یانیب آغلور،،یوزه اشکی
هردم باغلــــــــوررقیه
اوآغلیاندا،،،دشمن اولوریاغی
اواوشاقی،،،ظالمانه
ویرورآل امیــــــــــــــــــه
رقیه یاوریمدی،،،منیم بال وپریمدی
آنامابنذریمدی
اوغملی قیزی،،جان تک بسلرم
هردم گوزلرم،،،،واحسینیـــــــم

• سه شنبه
• 19
• اسفند
• 1399
• ساعت
• 22:02
• نوشته شده توسط
• یوسف اکبری

کربلادن او گونکی واویلا
اُسرا کاروانی دوشدی یولا
خار الینده اسیر اولوب گوللر
رسمدی روزگاره بو معنا
نیزه باشینده ذبح اولان باشلار
باخوب آغلار او باشلارا اُسرا
هامی خستیدی جنگ و غارتدن
قاره پوشیدی عترت طاها
بیری اوخشاردی قارداشین دیلده
بیری آغلاردی دیلده وا ولدا
بیری قورخاردی ناقه دن دوشسون
الغیاث الغیاث ائدور نجوا
چونکی دستوریدی قشون فوراً
آپارا شامه باشلاری اعدا
سالدی بیراهه دن یولین لشکر
تئز چاتا مقصدینه قوم دغا
اُسرا قیرخ ضعیفه عورت اوشاق
سرگروهیدی اوردا زین العبا
سرپرستیدی خردا اطفاله
زین اب یادگار شیر خدا
گوز گوتورمزدی لحظه قزلاردان
گله بیر حادثه خجالت اولا
بیلمورم یانمادی نیه چرخون
اورگی زینبه ندن آیا
اودا یار اولدی لشکر شامه
آچدی آل عبایه دست جفا
ویردیلار بیر اوشاقی یولدا دوشوب
گئجه وقتیدی دشت ناپیدا
یورقونیدی ز بس رقیّه خانم
یوخلیوب دورمادی او ماه لقا
بیر زمان آچدی گوزلرین گوردی
بیر بیاباندی بیر اوزی تنها
ائتمدی باور ایتمگین اوّل
بیله فکر ایلدی گورر رؤیا
سیلدی بیر گوزلرین سالیبدی نظر
سسلدی عمّه ناز دانه بالا
گوردی سس یوخدی ال آتیب باشینا
سس چکیب آغلادی او مه سیما
هر نه اطرافینه نظر سالدی
الغرض یوخدی گوردی بیر یارا
اللرین قویدی باشینه بیردن
چکدی بیر آه جان گزا دیلدن
دئدی ای قانه غرق اولان بابا
یتیش امداده مهربان بابا
یاخجی تاپشیردون عمّمه گئتدون
اودا مندن کوسوب عیان بابا
هامی گوزدن سالیب بو رنجوری
یوخدی احوالیمه یانان بابا
بیلمورم کاروان سالیبدی منی
نه زمان ایلورم فغان بابا
چاتسا دامانوه الیم بیر ده
ایلرم شکوه بی کران بابا
سن منه مهربانیدون هامیدان
آتمادون گوزدن هئچ زمان بابا
یقین احوالیمه منیم سنده
اولموسان ایندی ناگران بابا
قورخورام بیلسه ئولدوره ئوزینی
آنام، ای روحیمه روان بابا
آتاسیز گوردی روزگار منی
محنته ایلدی نشان بابا
چولون آهولریله دمسازم
قوشلاری منله نغمه خوان بابا
قالموشام غم الینده آواره
در به در غملی آشیان بابا
هانی رأفتلی اللرون باشیما
اولا بو چولده سایبان بابا
قورخیدان پیکریم دوتوب رعشه
قالمیوب طاقت و توان بابا
گل منی بیر ده کاروانه یتیر
گلسه زجر ئولدورر عیان بابا
بسکی بی رحمدی گوزوم قورخوب
دیلی تلخیدی جان ستان بابا
ویردی بیر سیلی گورمدیم یولیمی
گوزومه دولدی لخته قان بابا
شل اولا اللری او ملعونین
منی ایلوبدی نیمه جان بابا
کاش تئز قورتارا قرا گئجه نی
روز روشنده وار امان بابا
یا قاچیب کاروانی تئز دوتارام
تاپارام یا بیر هم زبان بابا
شامه جن گر چی یاره دور ایاقیم
گلّم ای محنتی گران بابا
نقدر واردی جان دوداقیمده
قاچارام وار توان ایاقیمده
آغلادی آغلادی او بیچاره
دئدی ای چاره سیزلره چاره
بیر قیزام اوچ یاشیندا یا ربّی
قالمیشام چولده زار و آواره
یول قرانلوقدی گوزلریم گورمز
توخانور هی ایاقلاریم خاره
یورولوب اوتدی یوخلادی او خانم
آچدی گوز بیر زمان او مه پاره
بیر خانم گوردی رأفتله آلوب
باشین آغوشه بنزیور یاره

دئدی کیم سن خانم منه خاطر
بئله اشکون رواندی رخساره
گورورم چوخ جوانسن دیه سن
وار باشوندا نه علّته قاره
بیر گوزون قاندی صورتون نیلی
کیمدی باعث بو سوءِ رفتاره
سنیده اولما یولدا زجر ویریب
منی آگاه ایله بو اسراره
عمّه مه اوخشیور گوزل روشون
گل سن آللّه منیله گفتاره
دئدی زهرا سنه نه نون قربان
نه شیرین دیلسن ای شکر پاره
چکدی آغوشینه دوداقین اوپوب
دئدی جان جان دانیش من زاره
دگولم اوزگه باغری قان نه نوم
منده دوشدوم جهاندا آزاره
منی ثانی ویریب گوزوم قاندی
سینمی توش ائدیبدی مسماره
بیر قولوم تازیانه دن قالخماز
واردی جسمیمده ایندیده یاره
گله جک قان آلا بالام مهدی
سالاجاق اود وجود اشراره
غاصبان خلافتی چکه جک
ید قدرتله بند قهّاره
غم یمه سنده کاروانه چاتیب
یتیشرسن دوباره دیداره
آپارارسان منیم دیلیمجه سلام
اُسرای بنات اطهاره
اوپ حسینونده قانلی لبلرینی
مُزد اولا مام دیده خونباره
دیله دوتدی باشینا ال چکدی
گولوم اللّه دئدی نه گویچکدی
بیر سه ساله خانمدی دل نگران
گوزی اطرافینه باخور حیران
بویلانور هی باخور اویان بویانا
سسلیور عمّه ایلیور افغان
گلدی بیر سس قولاقینه ناگه
گاه اولوب شاد گاه اولوب گریان
دئدی امداد ایله خداوندا
اولمیا زجر پست و بی ایمان
ایکی آتلو سواره ظاهر اولوب
ولی اللرده تازیانه عیان
قورخوسیندان دوروب ایاقه خانم
اَل اَل اوسته سلامه آچدی زبان
اَل آتیب زجر تازیانه سینه
گوز یاشین ایلدی رقیّه روان
سارالیب رنگی کهربایه دونوب
ویرمیون سویلدی یوخومدی توان
دگسه بیر تازیانه ئوللم من
یولومی گوزلیور هامی طفلان
سیز سوروز آتلاروزی من گللم
ترکوزه مینمرم اولار عصیان
منه عمّم دیوب گناهدی چوخ
حفظ حجابین ائدنمسه نسوان
من حسین بن مرتضی قزیام
نصّ آیات عفت قرآن
بش ایل عمّم وئریبدی درس حجاب
کوفه نسوانینه وقیر زنان
قویدیلار یاخجی اوجینا مزدین
دوزوموزدان دادانلار ای دوران
بیر عموم واردی صاحب غیرت
بیلسه مندن کوسر او با ایمان
واردی بیر خردا خواهشیم سیزدن
نار غمدن اولوبدی قلبیم قان
گئتسه آهسته مرکبوز خوشدی
آچارام اجروزه دعایه لسان
یاره دور هر ایکی ایاقلاریم
بسکی خاره داشا اولوبدی نشان
تاپسا شدت ایاقدا یاره لریم
وار یقینیم بو چولده وئرّم جان
گرچه گلسه اجلده یالواررام
دیرم وئر منه بیر آزدا امان
سوز وئریب شامده بابام گلسون
اوردا، احوالیمی منیم بیلسون
گلدی القصّه شمع و پروانه
تاپدیلار بیر بیرین یانا یانه
زینبی گورجکین رقیّه آتیب
اوزین آغوش گرم جانانه
دئدی عمّه سنی چوخ اینجیتدیم
اودی قوشدون منی غریبانه
کیمون امّیدینه آتیب گئتدون
منی بو قورخولی بیابانه
زینبون جوشه گلدی غصّه لری
دئدی یاندیم بو درد پنهانه
منی بو غصّه ایلیردی هلاک
گلمسیدون بو جمع نالانه
سنی اکبر جانی باغشلا منی
پرده چک بو گلیلی عنوانه
بابوا مندن ایلمه شکوه
شرمدن گوز یاشیم دونر قانه
گل دئدی عمّه جانوه قربان
چکدی آغوشینه عزیزانه
دئدی دوشدون هایاندا محملدن
غرقیدی دیده اشک طوفانه
گئتمیوردی بابون دایانموشدی
نیزه لر اوسته مرد مردانه

گوزی قالمیشدی سن دوشن یولدا
لعل اشکین دوزردی مژگانه
هاردا بس دِیدی ناز دانه بالام
چوخ اشاریله بو پریشانه
کربلاده کفیل ائتمیشدی
منی چوخ قارداشیم اسیرانه
صحبت ایله منه گوروم دشمن
سنی یولّاردا اینجدیب یا نه
وئر نشان بیر باخوم ایاقلاروا
فکر ائدیم یاره اولسا درمانه
قویمارام دای یره قوجاقیمدن
غم یمه ای عزیز دُردانه
چکدی نازین محبتیله ویریب
توزلی تپراقلی زلفینه شانه
اوپدی قانلی یارالی لبلردن
ال چکیب باشینه طبیبانه
گوزیمون نوری ناگران اولما
بو قدر یانما نار هجرانه
بیزه حافظدی خالق سبحان
ایسته حقدن "صفایه" فیض جنان

• دوشنبه
• 4
• مرداد
• 1400
• ساعت
• 21:22
• نوشته شده توسط
• یوسف اکبری