اشعار راه شام

دوشوب زمانه ده قارداش نه چوخ بلایه باشون
جدا بدندن ایدوب ووردولار جدایه باشون
دل ویروب قضایه باشون
دوزدی هر جفایه باشون
.
.
ازل گونی باشون اولموشدی همدم خنجر
کَسوب علاقه سین اولدی جدائیله همسر
جدادن اینجیدی یاتدی کُل اوسته، ایمدی گیدر
که خیزران سالا بیر اوزگه ماجرایه باشون
.
.
بلای دشمنه باشون عجب مسلّمدور
همیشه درد و بلا چَکماقا مصمّمدور
باشوندا شور سنون بُلمورم نه عالمدور
رضا ویروب مگر عالمده هر بلایه باشون
.
.
قویاندا سجدیه باش اوّل شهادتده
شهادت ایلدی جاری باشون او حالتده
تمام عضو قالوب سجده گاه طاعتده
اوجالدی کلمه ی تکبیریله جدایه باشون
.
.
ویرور بو شام یولی باشوا نه چوخ زحمت
گورر نه کُول

• سه شنبه
• 9
• مهر
• 1398
• ساعت
• 16:26
• نوشته شده توسط
• ابوالفضل عابدی پور

من حسینون قیزیام، چوللری مضطر گزورم
قالمیشام یئرده، منی ترک ائدوب ائللر، گزورم
.
نه غذا ایستیورم من،نه ده سوتشنه سی ام
نیمه شب،غرق تَعَب،یاره لی بیر سَرگزورم
.
`مرغ باغ ملکوتم نیَم ازعالم خاک”
که سینوب بال وپریم،چوللری بی پر گزورم
.
بیر یارالی باجیام،نازیمی لطفیله آلا
علی اکبرکیمی بیر نازلی برادر گزورم
.
التفاتین کسوب اکبر،ندورآیاسببی
کوسوب اکبردیه سن،صود امر اصغر گزورم
.
زینب عمّمده ایتیردی منی بوصحراده
بومحن سالدی منیم قلبیمه آذر، گزورم
.
بوتیکانلار،نه تیکان،خنجره چوخ بنذری وار
ایاقیم آلتداباخوب،چکمگه نِشتَرگزورم
.
ائله غارت زدیَم،معجریمی دشمن آلیب
یارامی باغلاماقا،بیرقره معجر گزورم
.
بوگئجه

• چهارشنبه
• 10
• مهر
• 1398
• ساعت
• 14:49
• نوشته شده توسط
• ابوالفضل عابدی پور

دوشنده ناقه دن هر ماه پاره یولّاردا
وُروبلا قمچی گلوب آه و زاره یولّاردا

اگر چه چیخمیشیدی سیره بیر فلک اولدوز
یتنجه شامه آخوب چوخ ستاره یولّاردا

دوشوبدی بیر سوری گویا چوله غزال حرم
وُروبلا قلب جهانه شراره یولّاردا

جفا و ظلمدن اول گل کیمی سولان قیزلار
اولوبلا گلشن دینه هزاره یولّاردا

او یوزلری که ایدوب گون حیا او یوزلردن
باتوبلا توپراقا گرد و غباره یولّاردا

اوغول باشی ورولوبدور آنا مقابلینه
آنا باخوب توکوب اشگین عذاره یولّاردا

باجی گورنده مقابلده قارداشین باشنی
گلردی حسرتیله آه و زاره یولّاردا

سکینه ایستدی اکبر باشین آلا گوردی
گرکدی عجز ایلیه نیزه داره یولّاردا

ولیک بولدی آلانماز او باشی حسرتیله
جدایه ناقه دن ایتدی نظاره یولّاردا

دیمم نه چکدیله امّا بو قدری عرض ایدرم
دوشوبدی آل علی چوخ فشاره یولّاردا

یتنده هر قیزا محنت دولاردی ابر کیمی
یوزین دوتاردی شه تاجداره یولّاردا

دیردی گور بابا سنسیز نجه بو غمزده نون
دونوب ایشیق گونوزی لیل تاره یولّاردا

او گل که عزّت و نازه جهاندا عادت ایده
نجه دوزر دایانار جور خاره یولّاردا

یاناردی هر بالا تاپمازدی دردینه چاره
دیردی دردینی پروردگاره یولّاردا

دوشور خیالیمه امّا بو یرده بیر محنت
او محنت ایلدی چوخ قلبی یاره یولّاردا

اسیرلردن ئولوب یولدا نچّه نازلی بالا
قویوبدی بس اولاری کیم مزاره یولّاردا

نصیب اولسا سنه (اعظمی) خرابۀ شام
رقیّه غملرین ایله شماره یولّاردا

• پنج شنبه
• 29
• آبان
• 1399
• ساعت
• 20:31
• نوشته شده توسط
• یوسف اکبری

بیر قافله دور کوفه ایلن شام آراسندا
یوز شامه قویوب عصریله آخشام آراسندا

مشغولیدی گتماقلقا بیراهه یولیلان
فکری چاتا شامه سحر و شام آراسندا

بیر قافله دور قافله یوخ آیری متاعی
عورتدور اوشاق قوم بدانجام آراسندا

مینمیشله سنق محمله بو عورت اوشاقلار
آدلاری قالوب خارجی ظلّام آراسندا

خردا قیز اوشاقلار هاموسی قولقولا باغلی
اول قوشلارا بنذرله قالا دام آراسندا

باشلار دوزولوب نیزه ده بیر طُرفه نظامه
باش نیزه ده که نَهی دی اسلام آراسندا

اکبر باشی قاسمله ویروب باش باشا یولدا
محملده آنالار ایکی ناکام آراسندا

بیر تازه گلین معجری یوخ نیلسون آخر
گزلتدی یوزین زلف سیه فام آراسندا

عباس باشی محمل کلثومله همدوش
صحبتلری وار رمزیله پیغام آراسندا

مضطر آلاسان بیتوه بیر بیت جزاده
بوش به بهی دنیاده نه انعام آراسندا

• پنج شنبه
• 29
• آبان
• 1399
• ساعت
• 20:47
• نوشته شده توسط
• یوسف اکبری

ای منای کربلاده جان وئرن عطشان یارالی
نیزه باشینده یارالی باشوه قربان یارالی
پریشان بابام وای
لب عطشان بابام وای

تنگ اولوب دنیا بابا بو چولده آل بوترابه
اولموشام دشمن اسیری باغلانوب قوللار طنابه
وای منه وای چاره سیز قیزلاروه ایوای ربابه
دوشموشم بیر درده یوخدور دردیمه درمان یارالی
پریشان بابام وای
لب عطشان بابام وای

گؤزلریندن چوخ ایراق اولسون منی بابا یوروبلار
جسمیمه سندن صورا چوللرده هی قمچی ووروبلار
قوی دیوم اکبر آلان گوشواره می مندن آلوبلار
آخدی دریا تک قولاقیم یاره سیندن قان یارالی
پریشان بابام وای
لب عطشان بابام وای

سینمه دست فلک ووردی بابا قارداش یاراسین
نیزه باشینده گؤرور حور و ملکلر باش یاراسین
طاقتیم یوخدور دوداقینده گؤرم من داش یاراسین
صورتین بنذور هلاله قان ایدوب الوان یارالی

خاطریمده وار بابا سنلن دیوب سنلن گولردیم
دردیم اولسیدی بیلردین دردین اولسیدی بیلردیم
اولماسیدی زینب عمم من بو یوللاردا ئولردیم
عممه قربان اولا بو خسته و بیجان یارالی
پریشان بابام وای
لب عطشان بابام وای

کاش منی دشمن ووراندا دادیمه حیدر گلیدی
اصغریم بوردا اولیدی مهربان اکبر گلیدی
یا که امداده عموم عباس نام آور گلیدی
گلمدی عباس و اکبر قالمیشام نالان یارالی
پریشان بابام وای
لب عطشان بابام وای

پایگاه حفظ و نشر آثار عباسی معروفان اهری

• دوشنبه
• 24
• آذر
• 1399
• ساعت
• 14:46
• نوشته شده توسط
• یوسف اکبری

ائللریندن آرالی
گزور حسین مارالی
قولوندا قمچی ردی
ایاقلاری یارالی

اوخوردا قلبی غمدن
دوشوبدی پیچ و تابه
الی ئورک باشیندا
یوزون قویور ترابه
دیور منی خدایا
یتور آنام ربابه
باتوبدی آی یتیشدی
ستاره نین زوالی

قرا گجه اسیرِ
دیار پر خطردی
ائلیندن آشنادن
نه وقتدی بی خبردی
گهی دوروب ایاقه
گهی یئره دوشردی
قولی قانادی سئنمیش
پرنده نون مثالی

بو درده تاب ائدنمز
سه ساله خوردا بیر قئز
سیاهیِ شبانه
دوشه چوله آدامسیز
نه یار و نه معینی
بلا چولونده یالقیز
فراق اوتوندا حسرت
گزور ره وصالی

سنان و شمر الیندن
گلوب فغانه آغلور
شرار غم ئورکده
چکور زبانه آغلور
ئورک یانور بو طفلِ
شیرین زبانه آغلور
دواسی یوخدی الده
قالوبدی دست خالی

کانال اشعار عباسی معروفان اهری

• سه شنبه
• 2
• دی
• 1399
• ساعت
• 23:13
• نوشته شده توسط
• یوسف اکبری

نیزه باشندا باشون گون تک حسین شامه گیدر
گون وورولموش نیزیه بو گون قیامتدور مگر

کوفیان قارداش سنی تا قانه غلطان ایلدی
زینب بی خانمانی خانه ویران ایلدی
فرقتون تاراج صبر و غارت جان ایلدی
اوستومه غملر یاغوب اولدوم برادر دربدر

زینبی که سن گورنمزدون اونی دلگیر اولا
نه روادور ایندی قارداش بستۀ زنجیر اولا
درد بی درمان الیندن ایله جاندان سیر اولا
سیل تک هر دم توکه بی اختیار اشک بصر

سینه پرغم، دیده پرنم، غصه همدم، دل کباب
شمع تک نه جاندا تابیم وار منیم نه گوزده خواب
آل طاها با نقاب و خاصه دشمن بی حجاب
وار یری گر اود دوتوب قارداش یانا بیر خشک و تر

عشق چون آتش،یوزون چون شمع و من پروانیم
بی سبب دور یوخسا باشون بیله سرگردانیم
بیر نهایتده او باشون عاشق حیرانیم
که تمام ماسوادن ائتمیشم قطع نظر

ایلیوب عشقون منی مجنون کیمی صحرانشین
همدمیم دور نالۀ شبگیر و آه آتشین
خرمن غم گورمیوبدور من کیمی بیر خوشه چین
دامن تحصیلیمه دولموب مگر خون جگر

لمعه لمعه پرتو نور جمالون یا اَخا
رهروان وادیِ عشقه اولوبدور رهنما
بیله باشه، بیله نور عارضه، جانیم فدا
نور حق قارداش عجب وجهوندن اولموش جلوه گر

نه روادور بیله بیر باشه اولا منزل تنور
که ظهور ایلر جمالیندن اونون آیات نور
یوسف مصری خیالینده ایده نورون خطور
قبردن باش قوزیوب سویلر که ما هذا بشر

تاپمیوب غمدن کدورت قلبیمون آیینه سی
بو دل ویرانه دور هرچند غم گنجینه سی
قابل سوز محبت دور باجون چون سینه سی
هر بلا گلسه سنون عشقونده ایلر جان سپر

عشقِ شوکت سوز جامین چون آلوب نوش ایلدیم
زینبیّت قیدینی مُطلق فراموش ایلدیم
ترک جان ائتماق نواسین زینت دوش ایلدیم
عاشق جانان گرک جانیندن اولسون بی خبر

کشف اولا ایستردی سرّ جانفروشی زینبه
وئردی استاد ازل درس خموشی زینبه
چوخ ریاضتله یتیشدی قاره پوشی زینبه
طرح قسمتده حسینه یتدی قارداش ترک سر

گَرد غم از بس یاغار بو چولده پی در پی اخا
خیره گوزلر چهرۀ مقصوده تاپماز پی اخا
سالک صحرای عشق ایستر که ایتسون طی اخا
بو شب تار و ره پر خار و دشت پر خطر

عالمه ایلوب تجلی پرتوِ نورِ حسین
جهد ایدوب «هندی» اوزون ائت سنده منظورِ حسین
بیله که واردور کلامونده سنون شورِ حسین
اولموسان عشق حسینیله یقین شوریده سر

• سه شنبه
• 14
• بهمن
• 1399
• ساعت
• 20:40
• نوشته شده توسط
• یوسف اکبری

توکولوب قانلی تلین صورت زیبایه علی
نیزه ده اوخشوری زولفون شب یلدایه علی

نه قیامتدی گزیر نیزه ده والشمس و ضحیٰ
گوئیا گویلره معراجه گیدوبسن عجبا
زلف شبرنگین اولوب زینت آیات خدا
هتک حرمت ائله بیل ائتدوله طاهایه علی

گرچه زولفون توکولوب گول ئوزوه سایه سالوب
حکمتی وارپی او گون ابر سیاه آلتدا قالوب
یِل ویرا تل داغیلا هر نولی اللاهه قالوب
چوخ سوزوم واردی سنه آنداولا زهرایه علی

یارادوب نیزه ده عالم باشیون قانی اوغول
کوفیان بیرده نِئیه ویردولا قرآنی اوغول
وئرمه رم خُلد برینه بو تماشانی اوغول
دم وئرَر قانلی گوزون روح مسیحایه علی

یل اسیر توز قونوری نیزه ده قانلی تلیوه
قویسالار ناله کنان یالوارارام قاتیلوه
وئره تا شانه چکم قانه باتان کاکلیوه
گوره سن راضی اولالّار بو تمنایه علی

باخمارام بیرده اوغول حشره کیمی گول ئوزونه
نجه یثربده باخوم باجیون آغلار گوزونه
بالا هجرانه یانوم یا دایانوم ائل سوزونه
کربلاده اولان اولدی داخی لیلایه علی

قرمزی خط نَدی باشینده قلج یاره سیدی؟
یاکی اوخلار دوزولوب کعب و سنان یاره سیدی
جوان اوغلی اؤلنون والله اؤلوم چاره سیدی
اف اولا حشره کیمی گردش پرگاره علی

روز محشرده «فقیرین» ایشی مشکل اولاجاخ
فقط الله بولوری اوردا نه حاله قالاجاخ
فاطمه شاید اونون اوردا الیندن دوتاجاخ
شافع اول سنده غلامِ در زهرایه علی

• جمعه
• 24
• بهمن
• 1399
• ساعت
• 19:46
• نوشته شده توسط
• یوسف اکبری

کربلادن او گونکی واویلا
اُسرا کاروانی دوشدی یولا
خار الینده اسیر اولوب گوللر
رسمدی روزگاره بو معنا
نیزه باشینده ذبح اولان باشلار
باخوب آغلار او باشلارا اُسرا
هامی خستیدی جنگ و غارتدن
قاره پوشیدی عترت طاها
بیری اوخشاردی قارداشین دیلده
بیری آغلاردی دیلده وا ولدا
بیری قورخاردی ناقه دن دوشسون
الغیاث الغیاث ائدور نجوا
چونکی دستوریدی قشون فوراً
آپارا شامه باشلاری اعدا
سالدی بیراهه دن یولین لشکر
تئز چاتا مقصدینه قوم دغا
اُسرا قیرخ ضعیفه عورت اوشاق
سرگروهیدی اوردا زین العبا
سرپرستیدی خردا اطفاله
زین اب یادگار شیر خدا
گوز گوتورمزدی لحظه قزلاردان
گله بیر حادثه خجالت اولا
بیلمورم یانمادی نیه چرخون
اورگی زینبه ندن آیا
اودا یار اولدی لشکر شامه
آچدی آل عبایه دست جفا
ویردیلار بیر اوشاقی یولدا دوشوب
گئجه وقتیدی دشت ناپیدا
یورقونیدی ز بس رقیّه خانم
یوخلیوب دورمادی او ماه لقا
بیر زمان آچدی گوزلرین گوردی
بیر بیاباندی بیر اوزی تنها
ائتمدی باور ایتمگین اوّل
بیله فکر ایلدی گورر رؤیا
سیلدی بیر گوزلرین سالیبدی نظر
سسلدی عمّه ناز دانه بالا
گوردی سس یوخدی ال آتیب باشینا
سس چکیب آغلادی او مه سیما
هر نه اطرافینه نظر سالدی
الغرض یوخدی گوردی بیر یارا
اللرین قویدی باشینه بیردن
چکدی بیر آه جان گزا دیلدن
دئدی ای قانه غرق اولان بابا
یتیش امداده مهربان بابا
یاخجی تاپشیردون عمّمه گئتدون
اودا مندن کوسوب عیان بابا
هامی گوزدن سالیب بو رنجوری
یوخدی احوالیمه یانان بابا
بیلمورم کاروان سالیبدی منی
نه زمان ایلورم فغان بابا
چاتسا دامانوه الیم بیر ده
ایلرم شکوه بی کران بابا
سن منه مهربانیدون هامیدان
آتمادون گوزدن هئچ زمان بابا
یقین احوالیمه منیم سنده
اولموسان ایندی ناگران بابا
قورخورام بیلسه ئولدوره ئوزینی
آنام، ای روحیمه روان بابا
آتاسیز گوردی روزگار منی
محنته ایلدی نشان بابا
چولون آهولریله دمسازم
قوشلاری منله نغمه خوان بابا
قالموشام غم الینده آواره
در به در غملی آشیان بابا
هانی رأفتلی اللرون باشیما
اولا بو چولده سایبان بابا
قورخیدان پیکریم دوتوب رعشه
قالمیوب طاقت و توان بابا
گل منی بیر ده کاروانه یتیر
گلسه زجر ئولدورر عیان بابا
بسکی بی رحمدی گوزوم قورخوب
دیلی تلخیدی جان ستان بابا
ویردی بیر سیلی گورمدیم یولیمی
گوزومه دولدی لخته قان بابا
شل اولا اللری او ملعونین
منی ایلوبدی نیمه جان بابا
کاش تئز قورتارا قرا گئجه نی
روز روشنده وار امان بابا
یا قاچیب کاروانی تئز دوتارام
تاپارام یا بیر هم زبان بابا
شامه جن گر چی یاره دور ایاقیم
گلّم ای محنتی گران بابا
نقدر واردی جان دوداقیمده
قاچارام وار توان ایاقیمده
آغلادی آغلادی او بیچاره
دئدی ای چاره سیزلره چاره
بیر قیزام اوچ یاشیندا یا ربّی
قالمیشام چولده زار و آواره
یول قرانلوقدی گوزلریم گورمز
توخانور هی ایاقلاریم خاره
یورولوب اوتدی یوخلادی او خانم
آچدی گوز بیر زمان او مه پاره
بیر خانم گوردی رأفتله آلوب
باشین آغوشه بنزیور یاره

دئدی کیم سن خانم منه خاطر
بئله اشکون رواندی رخساره
گورورم چوخ جوانسن دیه سن
وار باشوندا نه علّته قاره
بیر گوزون قاندی صورتون نیلی
کیمدی باعث بو سوءِ رفتاره
سنیده اولما یولدا زجر ویریب
منی آگاه ایله بو اسراره
عمّه مه اوخشیور گوزل روشون
گل سن آللّه منیله گفتاره
دئدی زهرا سنه نه نون قربان
نه شیرین دیلسن ای شکر پاره
چکدی آغوشینه دوداقین اوپوب
دئدی جان جان دانیش من زاره
دگولم اوزگه باغری قان نه نوم
منده دوشدوم جهاندا آزاره
منی ثانی ویریب گوزوم قاندی
سینمی توش ائدیبدی مسماره
بیر قولوم تازیانه دن قالخماز
واردی جسمیمده ایندیده یاره
گله جک قان آلا بالام مهدی
سالاجاق اود وجود اشراره
غاصبان خلافتی چکه جک
ید قدرتله بند قهّاره
غم یمه سنده کاروانه چاتیب
یتیشرسن دوباره دیداره
آپارارسان منیم دیلیمجه سلام
اُسرای بنات اطهاره
اوپ حسینونده قانلی لبلرینی
مُزد اولا مام دیده خونباره
دیله دوتدی باشینا ال چکدی
گولوم اللّه دئدی نه گویچکدی
بیر سه ساله خانمدی دل نگران
گوزی اطرافینه باخور حیران
بویلانور هی باخور اویان بویانا
سسلیور عمّه ایلیور افغان
گلدی بیر سس قولاقینه ناگه
گاه اولوب شاد گاه اولوب گریان
دئدی امداد ایله خداوندا
اولمیا زجر پست و بی ایمان
ایکی آتلو سواره ظاهر اولوب
ولی اللرده تازیانه عیان
قورخوسیندان دوروب ایاقه خانم
اَل اَل اوسته سلامه آچدی زبان
اَل آتیب زجر تازیانه سینه
گوز یاشین ایلدی رقیّه روان
سارالیب رنگی کهربایه دونوب
ویرمیون سویلدی یوخومدی توان
دگسه بیر تازیانه ئوللم من
یولومی گوزلیور هامی طفلان
سیز سوروز آتلاروزی من گللم
ترکوزه مینمرم اولار عصیان
منه عمّم دیوب گناهدی چوخ
حفظ حجابین ائدنمسه نسوان
من حسین بن مرتضی قزیام
نصّ آیات عفت قرآن
بش ایل عمّم وئریبدی درس حجاب
کوفه نسوانینه وقیر زنان
قویدیلار یاخجی اوجینا مزدین
دوزوموزدان دادانلار ای دوران
بیر عموم واردی صاحب غیرت
بیلسه مندن کوسر او با ایمان
واردی بیر خردا خواهشیم سیزدن
نار غمدن اولوبدی قلبیم قان
گئتسه آهسته مرکبوز خوشدی
آچارام اجروزه دعایه لسان
یاره دور هر ایکی ایاقلاریم
بسکی خاره داشا اولوبدی نشان
تاپسا شدت ایاقدا یاره لریم
وار یقینیم بو چولده وئرّم جان
گرچه گلسه اجلده یالواررام
دیرم وئر منه بیر آزدا امان
سوز وئریب شامده بابام گلسون
اوردا، احوالیمی منیم بیلسون
گلدی القصّه شمع و پروانه
تاپدیلار بیر بیرین یانا یانه
زینبی گورجکین رقیّه آتیب
اوزین آغوش گرم جانانه
دئدی عمّه سنی چوخ اینجیتدیم
اودی قوشدون منی غریبانه
کیمون امّیدینه آتیب گئتدون
منی بو قورخولی بیابانه
زینبون جوشه گلدی غصّه لری
دئدی یاندیم بو درد پنهانه
منی بو غصّه ایلیردی هلاک
گلمسیدون بو جمع نالانه
سنی اکبر جانی باغشلا منی
پرده چک بو گلیلی عنوانه
بابوا مندن ایلمه شکوه
شرمدن گوز یاشیم دونر قانه
گل دئدی عمّه جانوه قربان
چکدی آغوشینه عزیزانه
دئدی دوشدون هایاندا محملدن
غرقیدی دیده اشک طوفانه
گئتمیوردی بابون دایانموشدی
نیزه لر اوسته مرد مردانه

گوزی قالمیشدی سن دوشن یولدا
لعل اشکین دوزردی مژگانه
هاردا بس دِیدی ناز دانه بالام
چوخ اشاریله بو پریشانه
کربلاده کفیل ائتمیشدی
منی چوخ قارداشیم اسیرانه
صحبت ایله منه گوروم دشمن
سنی یولّاردا اینجدیب یا نه
وئر نشان بیر باخوم ایاقلاروا
فکر ائدیم یاره اولسا درمانه
قویمارام دای یره قوجاقیمدن
غم یمه ای عزیز دُردانه
چکدی نازین محبتیله ویریب
توزلی تپراقلی زلفینه شانه
اوپدی قانلی یارالی لبلردن
ال چکیب باشینه طبیبانه
گوزیمون نوری ناگران اولما
بو قدر یانما نار هجرانه
بیزه حافظدی خالق سبحان
ایسته حقدن "صفایه" فیض جنان

• دوشنبه
• 4
• مرداد
• 1400
• ساعت
• 21:22
• نوشته شده توسط
• یوسف اکبری

رحم ائله آهسته گئت ای ساربان
قــالدی یولدا دختــرشیرین زبان
اشـگ دیدم اولدی قان
ســـاربـان کتــمه دایان

ساخــلا بیردم کاروانی عمه سی
آختاروب تاپوسون اوزیبانورسی
بلمورم هارداقــالوب گلمورسسی
سسلورم سس وئرموراول دُر گران
اشـگ دیدم اولدی قان
ســـاربـان کتــمه دایان

خوفلی صحرا قرانلوق منظره
آرتیــراروحشت سـراسـر دللره
نیلــراوچ سینیده قیـزبوغملره
واریری ایتسون نوائیله فغان
اشـگ دیدم اولدی قان
ســـاربـان کتــمه دایان

قالدی بحرغمده طوفاندا بالام
تکــدی ایمدی بوبیــاباندا بالام
واریقـــینیم آغلــور الانـدا بلام
آختــارور غملی قطــاری ناگران
اشـگ دیدم اولدی قان
ســـاربـان کتــمه دایان

باغــلانوبدورقـیدظلمــیله قولی
آختاروربوچولده صاقیله صولی
تاپمــوری اوُل نازدانه قیــزیولی
داده سسلورهارداسان گل عمه جان
اشـگ دیدم اولدی قان
ســـاربـان کتــمه دایان

بـودل شبــده ائدرنالــه حــزین
دودآهینــدن یـانـارعــرش برین
غملی رخساره توکر اشگ ترین
قطره قطره ژاله مثلی بی امان
اشـگ دیدم اولدی قان
ســـاربـان کتــمه دایان

روزعــــاشــــوراده شاه مشرقین
زینب غمــــــدیدیه نـور دوعین
تاپشوربدوربوقیزی مظلوم حسین
‌ ساخلیــام گـوزمنزلینده هرزمان
اشـگ دیدم اولدی قان
ســـاربـان کتــمه دایان

ابرغم سـایه سالــوبدورباشیمه
رحم ائله باری آخان گوزیاشیمه
بو بالا استکلــیدورقــارداشیمه
کــربلا زهــراسیدور روحه روان
اشـگ دیدم اولدی قان
ســـاربـان کتــمه دایان

باخ اوشیرین دیل قیزین اقبالینه
خط بطـــلان چکــدیلـــر آمالیــنه
جنت اهلــــی آغلـــیار احوالیــــنه
سینه چاک ایلرغمینده قــدسیان
اشـگ دیدم اولدی قان
ســـاربـان کتــمه دایان

بیــریتیمه قیـــزدی رنجــــوربلا
ئولدورب قارداشلارین اهل جفا
عــــزتین الدن آلــــوبدور اشقیا
یاندورب ظلمیله قلبین کوفیان
اشـگ دیدم اولدی قان
ســـاربـان کتــمه دایان

سسله امداده(جــوانـی)زینبـی
عاجزانه عــرض ائله بومطلـبی
آلماسین سندن بوعالی منصبی
نوکرآل الله اول فخرایت عیان
اشـگ دیدم اولدی قان
ســـاربـان کتــمه دایان

• یکشنبه
• 10
• مرداد
• 1400
• ساعت
• 14:22
• نوشته شده توسط
• یوسف اکبری

شامه گئدور اسیران مهمان حسینه خاطر
قیزلار اولوبدی یولدا گریان حسینه خاطر

یاره اولوب ایاقلار از بس دیوبدی داشلار
گون تک ایشیق سالوبدی نیزه باشیندا باشلار
زینب دئدی حسینیم الان قرآنی باشلار
لبلر تلاوت ائتدی قرآن حسینه خاطر

کیم بو غم و فراقین هجرانینی بیلردی
اهسته ام کلثوم گل یا اخا دیردی
زینب حسین دینده ، قمچی باشا انردی
چوخ دیدی باشه قمچی هرآن حسینه خاطر

دلخسته دی اوشاقلار بی حد ستمدن الله
قانه دونوب اورکلر چوخ درد و غمدن الله
چشم امیدلری وار صاحب علمدن الله
نهر اوسته یاتمیش عباس بی جان حسینه خاطر

بیکس رباب گزور هی شش ماهه قهرمانین
اوخچی که گیزلنوبدی پنهان ائدوب کمانین
سویلور رباب شل اولسون الری اوخ آتانین
اوغلوم اولوب نشانه پیکان حسینه خاطر

بو کاروان گئدور یول سرعتله شدتیله
بعضی اسیر پیاده همرادی زحمتیله
زینب باخور دمادم اول باشه حسرتیله
دیلدن دیور که گتمز ایمان حسینه خاطر

بوقدری ظلم و جوری کیم هاردا گورموشیدی؟
باش اوسته قمچی الده جور اهلی دورموشیدی
زینب قوجاقی اوسته بیر قیز اوتورموشیدی
سویلوردی عمه اولام قربان حسینه خاطر

سالمیش حصاره ماهی یتمیش ایکی ستاره
داش سجده گاهه دیمیش قانی آخوب عذاره
سو تشنه سیدی مولا اولموش دوداقی پاره
ای کاش اولیدی دنیا ویران حسینه خاطر

الله باغیشلامز هیچ بو ظلمیله ن جفایی
اما سیزون قاپیزدا عالم ائدر گدایی
مولا عنایت ائتدون شاعر اولا "خدایی"
عقباده زینب ائت سن احسان حسینه خاطر

• دوشنبه
• 11
• مرداد
• 1400
• ساعت
• 17:36
• نوشته شده توسط
• یوسف اکبری

آهسته گیت ای سرکاروانیم قارداش
چون قافله دن وار بیر قالانیم قارداش

عشقونده حسین اولدوم دلی دیوانه
قانلان دولی دور قلبیمده کی پیمانه
ای شمع محبت گور هانی پروانه
چوللر ده گزور باشوا دولانیم قارداش

ای نیزه ده آی اولدوزلاری سای بیر آن
ظلمت گجه مه اوز نوروی یای بیر آن
منده سالارام چولدن چوله های بیر آن
بلکه تاپولا چولده قالانیم قارداش

آردینجا گزور قول باغلی باجون زینب
اولموش بو ایشیق گوندوز گوزومه چون شب
گون تک یارالی روشندی سنه مطلب
اودلاندی غمونده یاندی جانیم قارداش

سن نیزه ده گز من ناقه لر اوستونده
عشقونده ایاقلاریمده حسین کونده
گوزدن باجوی آتما بویامان گونده
سندن صورا یوخ یاده سالانیم قارداش

چوخ ناگرانام ایستکلی رقیمدن
گون تک سارالیب سولموشدی یوزی غمدن
سن شهد شهادت جامین ایچن دمدن
باشیم آغاریب گیتدی توانیم قارداش

اولمیدی اگر قانیمده حسین قانی
قالمازدیم اخا زهرا ننه مین جانی
سینم که اولوب غم غصه لرین کانی
هر دم چوخالور درد کلانیم قارداش

مدتدی ((امین)) اولموش قاپوا نوکر
بیر الده علم بیر الده قلم دفتر
آغلار گوزیلن ایلوبدی آدون ازبر
هم آغلیانیم هم آغلادانیم قارداش

• جمعه
• 22
• مرداد
• 1400
• ساعت
• 14:16
• نوشته شده توسط
• یوسف اکبری

آنام اوغلی هر دیاره ائده سن اراده گلّم
دوشرم باشون دالیجا گئده هر بِلاده گلّم
دالیجا پیاده گلّم

آلیشوبدی جسم و جانیم یانوری شرار عشقه
جذبات عشقون آخر منی گور سالوب نه مشقه
چکه زینبون بو جذبه ، حلبه و یا دمشقه
نئجه گلمرم که باشون گئدوری جداده گلّم

بلی ظاهراً بو قومه قولی باغلی دستگیرم
ولی باطناً بولورسن سنه من حسین اسیرم
نئجه ایلرم شکایت گئدورم بو نوعی گیرم
بو سنه محبّتیمدور بئله پا پیاده گلّم

آییروب باشون بدندن وروب اهل کین سِنانه
باخارام سِنانه گویلوم گلی نی کیمی نوایه
دگی باشیمه نقدری بو باش اوسته تازیانه
منی تازیانه شوره گتورور زیاده گلّم

گه اولار کول اوسته مهمان آنام اوغلی غیره باشون
گهی کوفیان جداده چیخادولّا سیره باشون
دوشوب ایندی اوزگه مشقه ائدوب عزم دِیره باشون
ائدوب اقتدا او باشه من بینواده گلّم

یتوشن دگول ((شهابا)) بو مصیبت انتهایه
داخی شرج و بست وئرمه بو کلام غم فزایه
یئری وار او گونده زینب دئیه شاه کربلایه
آنام اوغلی هر دیاره ائده سن اراده گلّم

• جمعه
• 5
• شهریور
• 1400
• ساعت
• 11:56
• نوشته شده توسط
• یوسف اکبری

دگدوقجا قانلی زلفوه باد سحرعلی
سنبل کیمی جمالوه تِل تِل دوزر علی

الدن آلار بو بیکس آناوین قرارینی
اولدوقجا تار و مار او‌ گیسوی تر علی

بولَم داهی بو قانلی سفردن قیتمَسَن
اولدی همشیه لیق سفرین بو سفر علی

گئتمه دئدیم اوغول گوز ائویمدن اوزاق یئره
چوخدور بو چولده قورخلی صیّادلر علی

باش دوتمیان سوز اولدی گئتدون عاقبت
قیلدی نشانه حلقوی تیر سه پر علی

آخدی آخار سولار نئجه بیهوده چوللره
سن ایچماقا تاپولمادی بیر مختصر علی

آخر آیردی بیربیریمزدن فلک بیزی
اولدی آنان قیامته جان در بدر علی

سنله یارالی چوخ گئجه عالملریم اولوب
بیرده آنان او عالمی هاردا گورر علی

سود اولمیوبدی اوچ گجه سس سسه وئروب
سن آغلیب من آغلامشام تا سحر علی

آچ قان دولان گوزون بیر اویان خواب نازدن
دور گور قالیب نه حاله بو شوریده سر علی

دوشسه سو جامینه نگران گوزلریم اگر
سولموش جمالوون سودا نقشین گورر علی

گهواره وی اوغول نچه مدتی توز باسیب
پاک ایلیر غبارینی مژگان تر علی

ناز ائتمه بو قدر منه ای نازنین بالا
آخر بالا آناسینه بیر سس وئرر علی

دوشموش نئدن بئله چوخورا قانلی گوزلرون
معلوم اولان عطش ایلیوب چوخ اثر علی

دیداریمز اوغول داهی قالدی قیامته
اوندا آنان سو جامی الینده گَلر علی

یاندون ولی سو ایسته ماقا اولمادی دلین
بو نسگلون ربابیله قبره گئدر علی

گوز داغی ایله وئردی فراتین سویی منه
واللهی ائتمرم سووا بیرده نظر علی

بیر اوخ یامان چووردی اوغول روزگاریمی
بوندان بیله منیمده دونرگم دونَر علی

سن بزم یاره یاره لی گئتدون گوله گوله
قویدون غریب آناوی بو چولده مَلَر علی

باغریم کیمی فراتیده قانه دونیدی کاش
وئردی بو سو منه نئجه خون جگر علی

دیرناقلارون قالیبدی یئری داغلی سینه ده
سندن ربابه قالدی فقط بو اثر علی

بیر سوت اَمر گورنده پریشان اولور گوگل
مجروح سینم اوسته یئرین گورسنر علی

هر گون سنون خیالیویله بو غریب آنان
قنداقوون بوشون گه آچیب گه بَلَر علی

لای لای دئیر رقیه باجون سوز و سازیله
بوش گاهواره وی گئجه لر ترپَدر علی

سندن صورا صفالی یئری مسکن ائتمرم
چوللرده خوش گونوم گون ائوینده گچر علی

اَمدون عجب دگول اوخی میدان عشقیده
عطشان وصل سو یرینه قان ایچر علی

باد صبا دگینده اوغول قانلی تللره
الله بولور رباب نه حاله دوشر علی

• یکشنبه
• 7
• شهریور
• 1400
• ساعت
• 15:56
• نوشته شده توسط
• یوسف اکبری

مدّتدِی که بیر دَردَه گِرفتارَم عَم اوُغلی
اوُل نَرگسِ مَستون کیمی بیمارَم عَم اوُغلی

بُو دایرهء عِشقی چُو پَرگار دُولاندِیم
آخردَه گَلوب نُقطهء عِشقوندَه دایاندِیم
چُون رِشته یِتُوب رِشتیَه اوُل لَحظه وَه یاندِیم
یُوخ اوُزلوقیم آثاری سَبُکبارَم عَم اوُغلی

بو نُکتِهء عِشقَه چَکلوب پَردهء غِیبی
بی پَردَه قالا عاشق عَمو اوُغلی ندور عِیبی
یاندُوردی بُو حالیم اوُدی مُوسی و شُعیبی
مُوسی کیمی مَحوِ رُخِ دِلدارَم عَم اوُغلی

جَمعاً اُسرانُون پُوزولوب صُورتِ حالی
وار هَر بیرینُون دِلدَه عَجب طَرزِ مَقالی
یُوخ قافلَه دَه فاطمه تَک باشی بَلال
چُون هَر نَه بَلا گلسَه طَلبکارَم عَم اوُغلی

عشقوندَه بَلا تیرینَه سینم اوُلوب آماج
عِشقُون اِیلیوب طاقَت و آرامِمى تاراج
بیر لَحظه وارام نِطق گُهرباریُوَه مُحتاج
لطف اِیت مَنه مَن طالِبِ گُفتارَم عَم اوُغلی

من تاجرِ عِشقَم گِیدیرَم شامَه خریدَه
جان نَقدِی بیر اَلدَه بیر اَلیمدَه درِ دِیده
سُودای سَرِ زُلف چَکر بَزمِ یَزیدَه
گِتمُوم نِجَه من بَستهء بیر تارَم عَم اوُغلی

اوُل گُونُکه دِمشقُون گََلی بازارینَه زُلفُون
بازارِیدَه چُوخلار گَلی آزارِینَه زُلفُون
وِیرّم او زَمان جانیمی بیر تارَینَه زُلفون
گُورسُونلَه نِجَه یاخشی خَریدارَم عَم اوُغلی

عالَمدَه #سهیلی بیزَه چوَن باغلیُوب اُمّید
بُو بابدَن اِئتمَم اوُنی هِیچ بابیدَه ناُمید
اِرشاد اِیلیُوب دور اوُنی بُو نُوحه دَه #مرشد
مَندَه صَفِ مَحشردَه اوُنا یارَم عَم اوُغلی

• شنبه
• 14
• مرداد
• 1402
• ساعت
• 22:54
• نوشته شده توسط
• یوسف اکبری

اورکیمون غمی گَلمز شماره آی قارداش
گئدر منیله بو محنت مزاره آی قارداش

اگر چه واقف اسرار قلب عالمسَن
بیرینه زینبون اِیلور اشاره آی قارداش

دیردیم ئولم اگر بیر گونوم اولا سَنسیز
ئولوب ولیک دیریلدیم دوباره آی قارداش

ئولیدی زینبون ای کاش،، یاره لی باشیوا
جداده ایلمییدی نظاره آی قارداش

اَلیمده یئتمور اقلاََ او قانلی صورتیوه
اورکده دردیمه گَل اِیله چاره آی قارداش

او یاره لی باشیوین وار یری گوزوم اوسته
عنایتون اگر اولسا بو زاره آی قارداش

نولار که زینب محزونی بیر سوووندورَسَن
قویام سولان یوزی قانلی عذاره آی قارداش

سَسیمی آلسان اگر سَس یتور باتان سَسیمه
باجون فدا او لب دُر نثاره آی قارداش

بویور گوروم سنه قربان هانی علمدارون
قرار ویر بو دل بی قراره آی قارداش

ویرانمیوبدی جدایه گمان او باشی عدو
گورنموری گوزومه آشکاره آی قارداش

دیوللٓه آت دوشونه آسلیبدی بیر ظالم
باجون یانار بو غم جانشکاره آی قارداش

سینوبدی ضرب عمودیله اول بلالی باشی
دل آچمیوبدی ولی اعتذاره آی قارداش

آناسی ام بنینین ایوی اولا آباد
ئولونجه فخر ائدر اول با وقاره آی قارداش

او قانلی گوزلرون آچ اکبره هَلٓه بیر باخ
صبا سَریب تئلینی گلعذاره آی قارداش

چَکوبدی نقشینی نقاشی صورتینده اونون
فدا اولوم بیله نقشه، نگاره، آی قارداش

گهی خیال ایدورم جَدیمیز ایدوب رجعت
دوشوب جداده یولی بو دیاره، آی قارداش

جداده قاسمه باخ، ناقه ده عروسه هَلٓه
باخیری حسرتیله یار یاره آی قارداش

سَریه قاسمه هردم که اوخشاما باشلار
یانار یانان اورک اول داغداره آی قارداش

ربابیدن دئمه باغری دولوبدی آلقانه
سالوبدی قلبینی غملر فشاره آی قارداش

جداده سود امرین کیم گورَور قالور حیران
دئیر بو شیردی یا شیرخواره آی قارداش

ویروبدی بیر ببره نظم و نظام ارواحی
جدا باشیندا بو گوچک ستاره آی قارداش

ملایک متقرب گلور زیارتینه
یولون هاچان که سالور بیر گذاره آی قارداش

هزار مرتبه هر گون رباب ئولر دیریلَر
گوزی دوشنده او چشم خماره آی قارداش

عتیق نوحه یازار سینه داغلیار شب و روز
گوزون یاشین اَلر هرآن عذاره آی قارداش

دئیر او گوز که حسینه جهاندا آغلاماسا
دونیدی گوندوزی چون لیل تاره آی قارداش

• دوشنبه
• 16
• مرداد
• 1402
• ساعت
• 22:29
• نوشته شده توسط
• یوسف اکبری

حُسن یوسف دهریده محشر به پا اِیلر علی
باخسا یوسف حُسنیوه بالله صفا اِیلر علی

نوک نِی ده گورسنور دنیا بویی ذوق و صفا
حُسنیده یوسفدن افضلسن سنه جانیم فدا
پای ویروب الله سنی لیلایه دنیاده بالا
مثلوی هانسی آنایه حَق عطا اِیلر علی

یوسفه عاشق زلیخا، عترت طاها سنه
سن اوغول طاهایه بنزرسن، فدا لیلا سنه
یوخ گوزلیقدا او مولادن صورا اولا سنه
گورسه حُسنون یوسف کنعان ثنا ایلر علی

ای اولا جانیم فدا اول دیده خونباریوه
حُسنیده یوسف سنون حاشا چاتا معیاریوه
یوسف مصری اوزی حیران قالوب ایثاریوه
عشقیوه یوسفدن افضل جان فدا ایلر علی

چوخلاری حیرتده قالمیش نیزه ده معراجیوه
لیلیده اِیلور تماشا باشدا قاندان تاجیوه
یوخ منیم آیا نَیم ای جان فدا منهاجیوه
لیلیه عشقون ئولونجه اکتفا ایلر علی

آیری بیر زینت ویروبدور زخم خنجر باشیوه
قل هوالله نقشینی حَقدور چٓکن گوز قاشیوه
انفس عالم فدا نقشون چَکن نقاشیوه
بیر ایله صورتگری تنها خدا ایلر علی

سن اوغول حَقدن منه دنیاده دُر نابیسن
کاروان عشقیمه بیر کاروان مهتابیسن
شوق وصل احمد مختاریدن بی تابیسن
فکریوی قانلی عذارین بر ملا ایلر علی

عشقیله قران یولوندا سن گیدوب اولدون شهید
اِیلدون من بی کسی زهرا یانیندا رو سفید
نیسکیلون قان آغلادور لیلانی، ای دینه مرید
گول خزان اولسا اِیله بلبل نوا ایلر علی

درد هجروندن نه تک قان آغلیور لیلا سنه
آغلیوب قان شاه دین و تشنه لب سقا سنه
وار یری قان آغلاسا گر دیده دنیا سنه
نیسکیلون عشاق قلبون غم سرا ایلر علی

تیر غمدن دل گینه توش اولدی محنت داشینه
بولمورم اهل جفا نیلوبدی سقا باشینه
آت دوشوندن هِی باخور مظلوم ئولن قارداشینه
اهل درمان دردینه بیله دوا ایلر علی

نام سقادور #عتیقه آرترور مهر و وفا
سعی اِیدر عباس آدیلا اِیلیه ذوق و صفا
ملتجیدور حضرت زهرایه ایلر التجا
وردینی یا فاطمه یا مرتضی ایلر علی

• دوشنبه
• 16
• مرداد
• 1402
• ساعت
• 22:31
• نوشته شده توسط
• یوسف اکبری

ای ساربان گَل بیردایان من کارواننان قالمیشام
بیرخستیم،یول اوستیم،جسمیله جاننان قالمیشام

اِقبالیمی سن پیلوسن هِی بو قطاری هِیلوسن
رحم ایله باری بیر دایان من خانماننان قالمیشام

بو قافلونده وارکسیم،چاتسا اونا یورقون سسیم
منده قوشولام اِئلره ، اول مهرباننان قالمیشام

داغلار بویی واردورغمیم، یاهِی لَر اولدی همدمیم
ایندی یوواسیز بیر قوشام هر آشیاننان قالمیشام

یازسا قلم بوسوزلری آغلار گورنلَر گوزلری
گَلمور سسیم دردیم دیم آخر بیاننان قالمیشام

گَلم قطارین زَنگینه ، کونلوم یانار آهنگینه
بیلمم نجه آیریلمیشام اِئللرده ساننان قالمیشام

دنیادی بیر غُربتسرا ، (نادر) اونا وِئرمه بها
ساتدون جَنانی بوغدیا باخ گور هایاننان قالمیشام

• چهارشنبه
• 18
• مرداد
• 1402
• ساعت
• 00:57
• نوشته شده توسط
• یوسف اکبری

یارالی باشُوَه قربان منِ کُلباش على قارداش
جُدادَه گُونکیمی شامَه گِیدَر بیر باش علی قارداش

مَنیم لُوحِ ضَمِیریمدَه چَکوب نَقّاش تَصوِیرون
سالوب دور بُوینُوما رِشتَه سَرِ زُلفِ گِره گِیرُون
باشُون گِیتدوقجا مَن گلّم عَجَب مُحکمدی زَنجیرون
ازَل گُوندَن بُو زَنجیری قرِیدِیم کاش علی قارداش

جُدادَه سُنبلِ زُلفون او گُل رُخسارَه اَفشان دور
مَنیم بُو قان اُولان گُوگُلوم او دور چون شانَه شان شان دور
پَریشان زُلفون عِشقوندَه اِیلَه حالِیم پَریشان دور
گُوگُل قانَه دُونُوب گُوزدَن آخار قان یاش علی قارداش

بُولود تَک حَلقهء زُلفون سالوب مَه صُورته هالَه
او هالَه گُور منی قارداش سالوب آخر نِجه حالَه
اِیدندَه نِی کِیمی نالَه اُولور زَنجیر هَمنالَه
سیزیلتیمدان مَنه اُولمُوش جَرس یُولداش علی قارداش

اُولوب عُمریم گُونُوم قاره علی زُلفِ سیاهوندَن
اَسیرِ عِشقیوِی سالما کنارَه اُوز پناهُوندَن
کمانِ اَبرو خَدَنگِ غَم آلوب طرزِ نِگاهوندَن
وِروب دور قَلبیمَه مین اُوخ او بیر گُوز قاش علی قرداش

چَکُوب لوحِ جَبینوندَه اُوز عَکسین بی بَدَل مانی
مُتَرجِم اِیلیوب خَط خَط تَمام آیاتِ قُرآنی
اِیدوب اُوز قُدرَتین ظاهر یازُوب اِنا فَتحنانی
بُو نَقشَه مَحو اُولور دِلدَن باخان نَقّاش علی قارداش

اِیدندَه نالَه و شیوَن گَلندَه داد و فریادَه
وُرالّار قَمچی باشیمدان گُلور لِیلا آنام دادَه
دِلیم دُوتمُور دِیُوم شِمرَه اَمان وِیر اِی زِنا زاده
دُویُونجا اِیلَسُون صُحبَت باجی قارداش علی قارداش

گُوزیمدَه اِیلوری جِلوه سَنُون تَک قارداشیم باشی
گُوگُل بی اِختیار آغلور دُونُور قانَه گُوزُوم یاشی
گُوز آچ باخ گُور نه ظُلم اِیلور بُو شام و کُوفه اُوباشی
سَنُون بُو سُوگلی باجُون دُوگُور اُوباش علی قارداش

قُولُوم باغلو اوُزوم خَسته اوُزاق یُول باشدا یُوخ مَعجَر
قووُالّار آت قَباقیندَه مَنی بُو رَحم سیز لَشگر
یُوزیمدَه نیلیِ سیلی دِلیمدَه وای علی اکبر
یانیمدا قَمچی اَللّردَه نِچَه فَرّاش علی قارداش

#حسینی نُوکَرون اِیلور گِیجَه گُوندوز سَنه خِدمَت
رِضا اُولما قالا قارداش او قَبرِ پاکِیوَه حَسرَت
اُونا بیر اِلتفات اِیلَه وَلِیکَن قُوى مَنه مِنّت
نُولُور لُطف اِیلسَن بیر دانهء خشخاش علی قارداش

• شنبه
• 22
• مهر
• 1402
• ساعت
• 21:27
• نوشته شده توسط
• یوسف اکبری

دیار کوفه ده چون کوفه ظلمی اولدی تمام
حسین عیالی اولوب دست بسته عازم شام

کجاوه لرده گوزی یاشلی دلفکار و ملول
سیزیلداشوردولا زنبور تک بنات رسول

آخاردی یوزلرینه حسرتیله قان یاشلار
گلوردی نوک جدا اوسته نالیه باشلار

مباد کیمسه اولا بو قضیّه دن آگاه
اودور گیدردیله بیراهه فرقۀ گمراه

گلنده هر بالا فریاد و شیونه دلدن
ووراردیلار باشنا تازیانه غافلدن

بو قدر ظلم و جفادن او قوم دویمازدی
اوجادان آغلاماقا بیر بالانی قویمازدی

اوغورلامشدی هامی قورخودان نفسلرینی
گلنده نالیه قمچی کسردی سسلرینی

صغیر اوشاق یول اوزاق ساربانی کینه شعار
طناب ظلمله قول باغلی ناقه بدرفتار

ایدنده درد دلین هر یتیمه قیز اظهار
گلو

• شنبه
• 23
• شهریور
• 1398
• ساعت
• 13:46
• نوشته شده توسط
• feiz

لطف ایله خدایا کاروان دایانسون
قویما بو رقیّه چوللّری دولانسون
نصف شب بو صحراده
کیم یتیشسین امداده
رحم ایله الهی ( 2 )
.
.
.
سَسلَرم اماندور ای ایشیق ستاره
دوشموشم اِئلیمدن ایندی من کناره
قورخورام بو چولده ایله بیر نظاره
یل اَسنده صحراده
قورخوری بو شهزاده
رحم ایله الهی ( 2 )
.
.
.
قاره تپراق الله بستریم اولوبدی
یوخ یانیمدا عمّم گُل یوزوم سولوبدی
قیز اوشاقیام تک هم اورک دولوبدی
یوز ویرور بو ناشاده
غم بو غملی مأواده
رحم ایله الهی ( 2 )
.
.
.
نیزه‌لر باشیندا رأسلر دایاندی
دورِ کاروانی عمّه‌سی دولاندی
گوردی یوخ رقیّه اوندا قلبی یاندی
وای دیوب گلوب داده
خجلتم بو سوداده
رحم ایله الهی ( 2 )
.
.
.
گور

• پنج شنبه
• 28
• شهریور
• 1398
• ساعت
• 13:24
• نوشته شده توسط
• ابوالفضل عابدی پور

آچ قان دولان گوزون بو سوزه وئر جواب اوغول
کیم ایلیوبدی قانیله زلفون خضاب اوغول
.
گل برگیدن لطیفیدی بو قانلی پیکرون
انصافیدی که بسترون اولسون تراب اوغول
.
مخسوف تا گوروب قمر عارضون سنون
قانه باتوب شفقده رخ آفتاب اوغول
.
گوردوقجا تل به تل سر زلفون جبینیده
سنبل کیمی تاپور اورگیم پیچ و تاب اوغول
.
نرگس کیمی خمار گوزون حال نشئه ده
هر هوشیاری ایلوری مست و خراب اوغول
.
زلفوندی بو که قانیله الوان اولوب علی
یا لعل ایچینده گورسنوری مشک ناب اوغول
.
دولموش گوزون پیاله کیمی قانیله سنون
دنیانی سرگران ائلیوب بو شراب اوغول
.
لیلا دلیجه یاخچی دئیوب «عابد»، «احمدی»
آچ قان دولان گوزون بو سوزه وئر جواب اوغول

• سه شنبه
• 9
• مهر
• 1398
• ساعت
• 16:28
• نوشته شده توسط
• ابوالفضل عابدی پور

زبانحال حضرت سکینه(س)در راه شام

نه گجه وار نه گونوز استراحتیم قارداش

نه قالدی تاب و توانایه طاقتیم قارداش

نه شمر اوتاندی جفادن نه رحمه گلدی سَنان

نه ناله قلبینه تأثیر ائدر نه آه و فغان

نه یول توکندی نه عمریم بو یولدا اولدی تمام

نه ممکن اولدی منه لحظه ای دوتام آرام

نه ال چکر ستمیندن یو قوم سنگین دل

نه عمر باشه یتشدی نه آخره منزل

گهی پیاده گهی ناقه اوسته یول گئدرم

تعجّبم نجه بو زحمته دوام ائدرم

ملامت ایلمه ازبس اورک گلوب تنگه

ائدر شراره ی آهیم اثر دل سنگه

ولی بو سنگدله نالم ایلمز تأثیر

نه حدّی واریدی شمرین وورا منه زنجیر

طناب طرّه لرین گر قولوما اولمیا قید

اؤلورمی روبَه الینده حر

• سه شنبه
• 18
• مهر
• 1396
• ساعت
• 11:03
• نوشته شده توسط
• علی ببیرپور

راه شام
زبانحال حضرت رقیه (س)

من بداغ کشتگان غرق تبم در راه شام
دل تمنّا دارد امشب تا رسانی این پیام

آسمان ازکاروان دورم دراین صحرا غریب
اَنجُم و ماهت بگو بامن شبی باشد قریب

آسمان تاریکیت بشکست این بال وپرم
با سکوت مرگبار ویرانه کردی پیکرم

قلب من درهرطپش آهنگ تنهائی زند
نغمه های تار من هر لحظه آوائی زند

همنفس بامرگم و یاران مرا از یاد بُرد
ناله های این دلم در چنگ یک فریاد مُرد

ناله هایم بس کنید این جان من برلب رسید
در غروب آفتاب روزم برفت و شب رسید

مرغ گم گشته دیارم لب یک چشمۀ مات
من بصحرای سکوتم سرخوش ازآب حیات

جام تلخ سرنوشت روزوشبم گم کرده است
تلخی خون در رگم قَدّ منو خم کرده است

د

• پنج شنبه
• 20
• مهر
• 1396
• ساعت
• 02:52
• نوشته شده توسط
• علی ببیرپور

عشقون ایلیوب گوگلمی نخجیر علی قارداش
شاهدّی بو بوینومدا کی زنجیر علی قارداش
ظاهرده اگر شمره گرفتار کمندم
باطنده سنون زلفویله سلسله بندم
یانّام بو یانار آتش عشقونده سپندم
هریان چکر اول زلف گره گیر علی قارداش
باشون باشیم اوستونده ائدر شامه اراده
خورشید کیمی جلوه لنور نوک جداده
آردونجا باشون شامه کیمی منده پیاده
گلَّم گیده هریان بودی تدبیر علی قارداش
مجنون کیمی آفاقده دیوانۀ عشقم
عشقون بورویوب جسمیمی کاشانه عشقم
اول نرگس مستون کیمی مستانۀ عشقم
همرازیم اولوب حلقۀ زنجیر علی قارداش
آق یوزده قرا زلفون ائدوب گوگلمی برهم
اسدوقجه صبا گه داغیلور گه اولی درهم
آردونجا سورونَّم بو ره عشقده باهم
عار اولسون ا

• سه شنبه
• 3
• مهر
• 1397
• ساعت
• 10:33
• نوشته شده توسط
• ابوالفضل عابدی پور

سبک : واردی باشیمدا یاحسین هوای بین الحرمین ... ای حرمینه ناز ائدن ... عطری گلور محرمون ...
.
.
لطف ایلیوب بیر آز زمان ساخلا قطاری ساربان
واردی بو چولده بیر قالان گئتمه اماندی کاروان
.
.
قافله دن قالوب دالا سوز و گداز ایدن بالا
هر گئجه گؤزیاشی توکوب راز و نیاز ائدن بالا
بیلمورم هئچ هایاندادی سینمه ناز ایدن بالا
عمه لر اولدی ناگران گئتمه اماندی کاروان
.
.
خورداجا نوحه خوانیمیز قافله دن آرالیدی
فاطمه سه ساله دی قارداشیمون مارالیدی
بس که ووروبلا جسمینه قمچی قولی یارالیدی
ائتمیه قورخورام توان گیتمه اماندی کاروان
.
.
نیمه ی شب ایتیرمیشم غملرین آشناسینی
من گرک آختاریب تاپام قارداشیمون بالاسینی
تاپسا

• دوشنبه
• 28
• مرداد
• 1398
• ساعت
• 15:26
• نوشته شده توسط
• ابوالفضل عابدی پور

اوچ یاشیندا بیر قیزام زجره گرفتار اولموشام
من بابامی ایستیرم هجرینده بیمار اولموشام
.
بیر گولم کی غنچه وقتینده گوز آچدیم غملره
دوشموشم آیری گولومدن همدم خار اولموشام
.
درس عشقی هرزمان من عمّه لردن آلمیشام
عشق حقدن گاه مست و گاه هشیار اولموشام
.
یوخدی بابامدان خبر گلمیر سفردن نی نییم
قالمیشام آغلار بو غمده دیده خونبار اولموشام
.
نه بابام بیر باش ویریر نه قارداشیم اکبر گلیر
هاردادی بابا اسیر دست اغیار اولموشام
.
هارداسان بابا رقیه باغلی قالمیش قوللاری
من بابامی ایستیرم آیا گنهکار اولموشام
.
من علی اکبرین هامّی بیلیر دلبندی یم
دوشموشم چولدن چوله آوارة یار اولموشام
.
هاردادی عباس عموم آلسین منی آغ

• یکشنبه
• 24
• شهریور
• 1398
• ساعت
• 10:09
• نوشته شده توسط
• ابوالفضل عابدی پور

غملی بیابانیده قالدی بالام ساربان
ناقه نی ساخلا دایان ئولدی گولوم قورخودان
قارداشیمین دلبری زینبه روح وروان
قورخولی چولده قالوب ایندی اولار باغریقان
.
آغلاتما قیزلاری ساربان
آختار بو دلداری ساربان
.
گیتمه دایان ای ساربان ( 2 )
.
.
.
.
ساخلا ایاق ساربان تاپ سن او شیرین دیلی
عترت خونین دله اولموش اوقیز سیوگیلی
اوچ یاشی واردور ولی چوخدی اونون نیسگیلی
تاپ اونی سن شاد ائله خسته پریشان ائلی
.
آغلاتما قزلاری ساربان
آختار بو دلداری ساربان
.
گیتمه دایان ای ساربان ( 2 )
.
.
.
.
تاپماساخ اول جیرانی گیتمز آتاسی باشی
چشم بصیرتله باخ گوزدن آخور قان یاشی
آینه بختینه دگدی بلالر داشی
کرب و بلاده ئولوب هم آتا ه

• یکشنبه
• 24
• شهریور
• 1398
• ساعت
• 10:10
• نوشته شده توسط
• ابوالفضل عابدی پور

هرنه بلا یولوندا علی باشیمه گله
منّتدی جانه اینجیمرم ایتمرم گله
.
شمر ایلمز جفاسینی مندن مضایقه
فکری بو دور که تنگه گتورسون گلم دیله
.
اما اونون خیالی ازلدن خطا گیدوب
اولماز محبت اهلی اولان تنگ حوصله
.
هر ظلم ایستر ایلسون آخرده شمریله
دیوان کبریاده واریمدور مباهله
.
گر جان قویام مراحل عشقونده سهلدور
اوّل قدم گیچوب نظریمدن بو مرحله
.
اثبات ادّعای محبّتده شاهدیم
عدلینیدور قولومدا طنابیله سلسله
.
اولّام پیاده مرحله پیمای راه عشق
وورّام قدم قدملریم اولدوقجا آبله
.
من سندن اوتری چوللره دوشدوم روادی سن
بیر لطف ایدیب گتورمیه سن گوگلومی اله ؟
.
دوندرمه قانه گوگلومی ناز ایلمه دانیش
هر چند اولور همیشه گ

• یکشنبه
• 24
• شهریور
• 1398
• ساعت
• 10:11
• نوشته شده توسط
• ابوالفضل عابدی پور

بو نحویلن اؤزیوه خلقی مایل ایلمیسن
سبب ندور یوزیوه زلفون حایل ایلمیسن
.
نه بیر رقیه سنه دل ویروب علی قارداش
که مین بو قدر گوگل بند کاکل ایلمیسن
.
دگل بو مسئله ده هر باخان سنه مسئول
که پادشهلری کویونده سایل ایلمیسن
.
خط اوزره خطّ به خط قانیله چکوب جدول
حدیث عشقده شرح رسایل ایلمیسن
.
نه خال و خط نه ملاحت نه زلف نه رخسار
تمام عالمی محو شمایل ایلمیسن
.
یقین غریب آناما چوخ محبّتون واردور
جداده محمله باشون مقابل ایلمیسن
.
دگل دو شاخه و زنجیر ظلم بوینومدا
طناب عشقیدی بو سن حمایل ایلمیسن
.
باشون دالنجا اودور گلمشم بو شهره کیمی
نقدر نیزده طیّ مراحل ایلمیسن
.
ادای شعرده نقصین یتوردی اکماله
یقین که #آصفه

• یکشنبه
• 24
• شهریور
• 1398
• ساعت
• 10:14
• نوشته شده توسط
• ابوالفضل عابدی پور