مَقاتلدَه مُوَرخلَر خَبر وِئرمِیش قَضایادَن
یازُوبلار نَقلِ گُوناگُون او شامِ فِتنَه اَفزادَن
هَرَه بیر گُوشَه دَن بیر خَط آیرمِیش آبِ دَریادَن
او دَریا که اِئدَر جُنبِش بَلاى آلِ طاهادَن
هَمین بُو قِصّه نی مَن تاپمیشام بیر کَنزِ اِنشادَن
تاپُوب پایان او گُونکه ماجَرای سِیّدِ بَطحا
عِبیدالله یازُوب بیر فَتح نامَه اِیلدی اِمضا
وِئرُوب بیر قاصِدِ کُوفَه نَژادِه شامَه گِئتسُون تا
اوُنا هَمراه اوُلوب بیر ناظرِ اوُضاعِ عاشیورا
یَزیدی دِیل بَه دِیل آگاه قِیلسُون شَرحِ دَعوادَن
یِتیشدی فَتح نامَه آرتِیرُوب هِند اوُغلینا بِهجَت
اِئدُوب مُخبِر قَضایانی یَزیدَه مُو بَه مُو صُحبت
خُصوصی مَجلسَه عَمرو اِبنِ عاصی اِیلدی دَعوَت
چَکیلدی سِرّی نَقشَه تا گَلندَه عِترتِ عِصمَت
آلیشسُون زِینَبُون قَلبی دِیزی دُوشسُون تَوانادَن
واریدی بیر نَفر نَقاشِ مِصری ماهِر و اُستاد
اِئدَردی بیر دُوگی اوُسته بیر آدَم عَکسینی اِیجاد
هَمان نَقاشَه اَمر اِئتدی یَزیدِ خانمان بَر باد
وُقُوعِ کَربلانُون عَکسین اِئتسُون رَنگیلَه بُنیاد
اِیلَه عَکسی که قان اوُلسُون اوُرکلر بیر تَماشادَن
وِرُودِ بارگاهَه مُتَصل یِدّى اُطاقیدی
اُطاقلار تُو بَه تُو بَزمِ یَزیدَه چون رَواقِیدِی
اُطاقِ هَفتُمِین پِیوَست بابِ تَخت و طاقیدِی
اوُنُون دِیوار و سَقفی صاف و سیمِین رَنگی آقیدِی
اوُنی نَقاش اِئدُوب آئینه تَک چَربِ مُصَفّادَن
دانیشدی مَردِ کُوفی نَقشَه نی نَقاشِ فَن چَکدی
ازَل بیر خِیمهء شاهانَهء زَر پیرَهَن چَکدِی
او زَرّین خِیمِیَه چُوخ خِیمَه لَر اَطرافدَن چَکدِی
کَناریندَه اوُنُون بیر حِجلهء کُوچَک بَدَن چَکدِی
وِئروب تَرتیب أو حِجلَه أوستَه اوُرتُوک قارَه دِیبا دَن
او عالی خِیمه دَه بیر قُبّه زَر تَختِ رَوان چَکدِی
او تَختی بیر نَفر خاتُونِ عُلیایَه مَکان چَکدِی
او خاتُونی حَریمِ بانوانَه حُکمران چَکدِی
قَباقِیندَه دُوروب اوُلادِ هاشِم مِهرِبان چَکدِی
عِبارَت دور او خاتُون زِینَبِ مَحجُوبِ کُبرادَن
اوُیاندا صَف چَکُوب بیر عِدِهء پِیر و جَوان چَکدِی
حُسینی عَرشِهء عِزتّدَه با اِجلال و شأن چَکدِی
اَبُوالفَضلون اَلیندَه پَرچَمِ شَمشیر نِشان چَکدِی
مَهابَتلَه اوُنی اُردوی شاهَه پاسبان چَکدِی
اوُلور تابَندَه آثار وَفا رُخسارِ زیبادَن
نِقاب و مَعجر آلتدا بیر بُولُوک اَهلِ حَرَم چَکدِی
هامُوسین رَختِ عِصمَتدَه عَزیز و مُحتَرَم چَکدِی
مُقابلدَه دایانمِیش اَل اَل اوُستُوندَه خَدَم چَکدِی
بُو جاه و حِشمتَه دَستِ جَفا آخَر قَلَم چَکدِی
کَمَندِ مُحنَتِ اَیّامَه سالدی تَختِ اَعلادَن
بِئشیکدَه خواب نازَه غُوطَه وَر بیر سُود اَمر چَکدِی
دُوتوب گُهوارَه نی بیر قیز اوُنا لایلای دِییر چَکدِی
وُرودِ کَربَلانی عِزّتیلَن سَر بَه سَر چَکدِی
قَلَم آغلار صُورا نَقاشِ مِصر اوُردا نَه لَر چَکدِی
مُکدّر خامَه دَن نامَه قَلَم شَرمَندَه طُغرادَن
وِئروب دِیواردَه تَرتیب اِیکی تابلُو مَهارَتلَه
هَمین تابلُولار آغلاتدی یَزیدِی او قَساوَتلَه
اَبُوالفَضلی دُوروب قُولسُوز بَدَن دُولمُیش جَراحَتلَه
لِجامِ مَرکَبیندَن بیر نَفر دُوتمِیش شَقاوَتلَه
عَمُودی اَندیرُور عَبّاسی یِخسُون زِینِ بالادَن
اِیکیمِجی نَقشَه دَه بیر اوُخ قُوتاردِی دَستِ نقاشدان
یَزیدُون قَلبینَه دَگدی اَگر چه سَختدی داشدان
دُوروبدور تَلّیدَه زِینَب اوُجالدُوب اللّرین باشدان
دُولوب لَشگر خِیامَه باجی اِیستَر چارَه قارداشدان
حُسین نِیم خِیز اوُلوب گَلسُون هَرایَه قانلی دَریادَن
اوُیاندا سَهمگَین وُسعَتلی طُولانی بیابان دور
آلو قالخُور هَوایَه خِیمَه لَردَن آتَش اَفشان دور
خانم عُورَتدی شَهزَادَه بالا قِزلار گُریزان دور
قاچا قاچدور آچُوخ باش دور قُووان چُوخ گُور نَه طُوفان دور
اوُشاقلار نَقش باغلار تُپراق اوُستَه ضَربِ اَعدادَن
خِلاصَه نَقشَه نی نَقّاشِ مِصری چون تَمام اِئتدِی
على اوُلادِینی مَحزون یَزیدی شادکَام اِئتدِی
بَزندی مَجلسِ سُفیان اِذنِ بار عام اِئتدِی
حیاط و بارگاهَه شامُون اَهلى اِزدِحام اِئتدی
دایاندی گردِشِ چَرخِ فَلک آواز و غُوغادَن
یَزید اَمر اِیلدی تا مَجلسَه آلِ عَبا گلسُون
رُباب و زِینَب و کُلثوم و هم زِین العبا گلسُون
کِئچُوب یِدّی اُطاقدان اَهلِ بِیتِ مُصطفی گلسُون
یاراسی تازه لَنسُون قَلبِ زِینَبدَن نَوا گلسُون
بَلای روزِ عاشُورا ظُهور اِئتسُون او مأوادَن
او ظُلم آبادُون آل الله اُطاقِ اوّلین کِئچدی
اُطاق دُومین و سِومیندَن دِل غَمین کِئچدی
اُطاقِ چارُم و پَنجُمدَن آهِ آتَشین کِئچدی
اُطاقِ شِشمین وَصفی هامُوسیندان چَتین کِئچدی
اُطاقِ هَفتُمین دُولدی صَدای واحُسینادَن
بَلالی کارِوانی ساخلادی مأمور هَمان یِئردَه
گُوتُوردِیلَر به فُوری نَقشهء دِیواردَن پَردَه
حُسینُون قَتلگاهین دَرک اِئدوب زِینَب بَرابَردَه
اوُتُورمیش شِمر حُسینُون سینَه سیندَه خَنجَر حَنجَردَه
اوُزین گُوردی قاچُور شِمرَه طَرف وَحشَتلی صَحرادَن
اوُیاندا گُوردِیلَر عَبّاسی قُولسُوز خاکِ مِیداندا
بُویاندا اَکبَرِ شَهزادَه آلودَه قزل قاندا
قالوب آتلار اَیاقی آلتدا قاسِم بیر بیاباندا
کَسُوک باشلار جِدادَه گُورسَنُورلَر دَستِ عُدواندا
آخار قان نِیزَه دَن تُپراقَه زُلفِ عَنبَر آسادَن
هامی سَسلَندی بیردَن یا مُحَمّد یا رَسُول الله
نَه اَندازَه بیزَه ظُلم اِیلیُور گُور اُمّتِ گُمراه
دِیدِی زِینَب حُسینیم وای یِخلدی ضَعف اِئدوب ناگاه
یَزیدُون مَجلسِ جَشنی دُولاندی اوُلدی ماتَم گاه
غُبارِ غَم اَلندی دِللَرَه بُو دَردِ عُظمادَن
مُبدّل اوُلدی نَظم اَهلی مَجلِس های و جَنجالَه
حَرملَر زِینَبی آلدی آرایَه چَکدیلَر نالَه
او بانُوی اَدَب عُلیا جَنابی گَتدیلَر حالَه
کِئچندَه مَجلسَه الله بُیلور دُوشدی نَه اَحوالَه
اِئشیتدی طَعن و اِستِهزا یَهُود و گَبر و تَرسادَن
واریدِی بیر نِئچه غُرفَه او بَزمَه پَردَه سی دِیبا
یَزیدُون قِزلاری عُورتلَری اوُردا اِئدُوب سُکنا
حُسینُون هِندَه آدِلی بیر کَنیزِی شیعَهء مُولا
یَزیدُون عُورَتیدی ظاهِریندَن باطنی زیبا
باخُوردِی مَجلِسَه پَردَه دالیندا گُنجِ اِخفادَن
أو دَم که خِیزرانی اَندیرُوب سُلطانِ لامَذهَب
حُسین باشی اَلیندَه مِثل اِینکه ماه دَر عَقرَب
دِئدی یا بِنتِ زَهرا کَلّمینى نِطقَه گَل زِینَب
پُوزولدی خارجی آدِی اوُخُوندی صَحّتِ مَطلَب
اِئشیتدی زِینَب آدین هِندَه دِیسگیندی او مَعنادَن
کَنارِ پَردَه دَن فُوجِ اَسیرانَه اِئدوب دِقَت
نَه گُوردِی قُول قُولا باغلی دایانمیش عِترتِ عِصمَت
قاباقدا حَضرتِ زِینَب او خاتُونِ فَلَک حِشمت
تُوکُوب مَعجر یِئرینَه گَیسُوانین گِیزلَنُوب صُورَت
قرانلوق اوُلدی گُوندوز هِندیَه ظُلماتِ یَلدادَن
حِجابِ غُرفَه نی آچدی اوُزین دِیوانَه وار آتدی
دایاندی بَزمِدَه اَل صُورتینَه زُلفینَه قاتدی
وُوروب لَطمَه یُوزینَه زُلفی رُخسارى قانا باتدی
یَزیدَه قَهریلَه بیر سُوز دِئدی حُضّاری آغلاتدی
دِئدی ظالِم اوُتان مُورسان مَگر مَعصُومَه زَهرادَن
دِییردُون بَس بُولارَه خارجی مِلّتدور اِی کَافَر
مَنه یاغی اوُلوبلار قَتلینَه اِقدام اِئدُوب لَشگر
حُسینُون باشینی گُورّم اَلوندَه قانیلَن اَحمَر
بُولار دور سِیّدِه م زِینَب یانیندا آلِ پِیغَمبَر
سَن اِستقلالیوَه تِیشه
- شنبه
- 14
- مرداد
- 1402
- ساعت
- 22:04
- نوشته شده توسط
- یوسف اکبری
ادامه مطلب
