اشعار حضرت رقیه(س)

ای منیم نازلی قیز بالام لای
دورگینان یوما گوز بالام لای
یاتما بو توپراقلارین اوسته
گوزلریوی آچ ئوز بالام لای

آچ گوزون ای عمه سینی درده سالان
صبحه چان قانلی باش سینه سینده یاتان
بالام لای لای گولوم لای لای (2)

بیر گئجه آغلادی رقیه
قلبیلر داغلادی رقیه
هی دئدی هاردادی بابام بس
چاره نی باغلادی رقیه

سسلدی هارداسان یتیش داده بابا
سالگینان سن رقیه نی یاده بابا
بالام لای لای گولوم لای لای(2)

گه دیردی هارداسان اکبر
گلگینن ای عزیز خواهر
وئردولار دیل یاراسی دشمن
ائتدیلر گللریزی پرپر

سن گئلن دردلری حکایت ائلرم
بونلاری عباسه شکایت ائلرم
بالای لای لای گولوم لای لای(2)

دوشموشم تای توشلار گوزوندن
سیلیلر دیدی چوخ ئوزومدن
ائتدیلر چوخ شماتت هر گون
سالدیلار عاقبت دوزومدن
من دئدیم اکبر الده گوشواره گلر
سالماقا باشه معجره قاره گلر
بالام لای لای گولوم لای لای(2)

قورتاریبدی دوری و هجران
بیر طبقده گلدی او مهمان
عاشقین معشوقه سی گلدی
قلب عاشق اولدی ولی قان
سسلدی عمه گوزیاشی کیم سیلجک؟
قانلی باش بیلمدیم طبقده گلجک
بالام لای لای گولوم لای لای(2)

آغلادی گوزیاشین سوزولدی
باجیلار دورینه دوزولدی
اوندا که سن یئره دوشنده
گلدی سس دای رقیه م اولدی

گوردولر ئولدورور آناسی ئوزونی
اوخشیور اللرده ئولن ئوز قیزینی
بالام لای لای گولوم لای لای(2)

اول باشی آلدی تئز قوجاقه
بوسه وئردی قانلی دوداقه
جان وئروب دوشدی توپراق اوسته
جان فدا ایلدی قوناقه

عمه سی عرض ائدوب سنه نولدی بالام
دیل سوزون فاش ائلمدی ئولدی بالام
بالام لای لای گولوم لای لای (2)

• جمعه
• 15
• مرداد
• 1400
• ساعت
• 20:44
• نوشته شده توسط
• یوسف اکبری

ای منیم غم گونی یاریم عمه
دور گلوب خسته دلداریم عمه
پیشواز ایله یورقون قوناقی
خوش دءنن گلدی سرداریم عمه
طشتیده گتدیلر باشی عمه
بوسه دور ایندی پاداشی عمه

تک گلوبدی عجب شاه عالم
هاردادی یار و یولداشی عمه

غصه لر قلبیمی یاره اءتدی
اغلاماقی منه چاره اءتدی
باخ بابا قیشلاریمین یاراسین
خاریلر دشتیده پاره اءتدی
سیندی انگشترین قاشی. عمه
هی اخیر باخ گوزوم یاشی عمه

تک گلوبدی عجب شاه عالم
هاردادی یار و یولداشی عمه

سن گوزوم نوریسن جان یارالی
اولموشان قانه غلطان یارالی
سیندی قلبیم بابا ایریلیقدان
دیدیمه گلدین الان یارالی
قان اولوب گوزلریم یاشی عمه
وار نقدر بو قیزون یاشی عمه

تک گلوبدی عجب شاه عالم
هاردادی یار و یولداشی عمه

زجر و شمر یولار اوسته دوزولدی
وقت. غارت قولاقیم اوزولدی
باشیمه وئردیلار. قمچی. هر دم
گوزلریمون قاراسی سوزولدی
قلبیمون گلدی سیرداشی عمه
صبریمون سیندی باخ داشی عمه

تک گلوبدی عجب شاه عالم
هاردادی یار و یولداشی عمه

• شنبه
• 16
• مرداد
• 1400
• ساعت
• 12:38
• نوشته شده توسط
• یوسف اکبری

بالا قیزلار توکولوب چوللره آهو مثلی
یوز قویوب سمت بیابانه حسینون گوزلی

درک ایدوب واردی کمینینده اونون اعدادن
ایسته دی اوندا مدد فاطمه ی زهرادن

سسلدی داده یتیش آی ننه یاندی اورگیم
اورگیم مثلی یانور نار جفاده اتگیم

آغلیور گور نجه گلشنده گل یاس منه
بویور ای بضعه ی طاها بو گل یاسمنه

بیر قیز عالمده اولا شیر خدانون نوه سی
اولا اولاد رسول الله اونون خویش وکسی

بیر قیز عالمده اولا اکبر و اصغر باجیسی
قاره معجرله اولا کعبه عشقین حاجیسی

مست ایدن لعل شکرخاسی بوتون قدوسی
دائما بوسه گه زینب اولان مه روسی

بیر قیز عالمده گزه گلشن وباغ وچمنی
مات ایدن فیض کمالی بوتون اهل وطنی

بیر قیز عالمده اگر طیب الانفاس اولسا
بیرقیزین نازچکنی حضرت عباس اولسا

بیربیله قیز آناجان من قالان احواله قالار
قوریوب دل دوداقی سوزعطشدن سارالار

بیر بیله قیز غم اوخون سینه عشاقه ساچار
پا برهنه الی باشدا تیکان اوستونده قاچار

• جمعه
• 29
• مرداد
• 1400
• ساعت
• 22:23
• نوشته شده توسط
• یوسف اکبری

ای منیم دلبریم
نازلی نیلوفریم
آناما بنزریم
آچ اوگوزل گوزلریوی یاتما رقیّه

هم ‌دادیم هم ‌دوزوم
سُوزولن اولدوزوم
غربت اِئلده قیزیم
بو بینوا عمّه وی آغلاتما رقیّه

وای- نجه بو گوزلریوی باغلاسین عمّون
وای- ‌آنام ای ‌وای چاغوروب آغلاسون عمّون

وای رقیّم ایوای (3) ایوای رقیّم

ای اسیر مُحن
یورولان غُصه‌دن
اشکی قانه دُونَن
قلبنی تیر غم بولن رقیّم ایوای

ای صفای حرم
دردی چوخ عُمری کم
دیرم دَمبَدم
قمچی‌لر آلتیندا ئولن رقیّم ایوای

وای - گوزون آچ که قورتاروب غم فراقون
وای- ایاقا دور گوزلیم گلوب قوناقون

وای رقیّم ایوای (3) ایوای رقیّم

وای بلالی باشیم
اولدی قان گوزیاشیم
یارالی یولداشیم
دردیوه درمان گتوروب اویان رقیّم

یانارام آغلارام
عالمی داغلارام
گوزیوی باغلارام
دور دیلیمون اَزبَری اولدی جان رقیّم

کاش- بوقدر عشقیده زینب یارئییدی
کاش- بو قرا تلّلری بیرده دارئییدی

وای رقیّم ایوای (3) ایوای رقیّم

ای حسینون گُلی
یورولان بلبلی
اکبرین سویگُلی
کاش باشون اوستونده سنون دلبر اولیدی

منه آرام جان
ای بَلالر یوران
سن ویرن وقته جان
آلماقا آغوشه سنی اکبر اولیدی

وای- غصّه‌لَردن بیلورم که دینجلردون
وای- اکبرین گوزلرینه باخوب گولردون

وای رقیّم ایوای (3) ایوای رقیّم

• یکشنبه
• 31
• مرداد
• 1400
• ساعت
• 10:11
• نوشته شده توسط
• یوسف اکبری

ای عمه مگر روضه رضواندی خرابه
عشق اهلینه یا محضر جاناندی خرابه

مدّتدی گوزوم یاشنه ویرمشدیم اجازه
عمّه منی چکسون بیله بیر مجلس رازه
یتدیم نه یاخین وقته او مقصود درازه
صد شکر که مقصود دل و جاندی خرابه

ایلوب ایله بیر جلوه شعاع رُخ جانان
بو جمع پریشانی قویوب واله و حیران
بیر روضۀ رضواندی بو منزلگه ویران
یا جلوه گه موسی عمراندی خرابه

هرگز دیمرم عمّه بو یر عرش خدادور
ویرانه دی امّا حرم اهل وفا دور
زمزم کیمی گوز یاشی آخور بیت صفادور
اهل دله بیر کعبۀ رحماندی خرابه

بیر یاندا سولوب گل کیمی رنگ رخ سجّاد
بیر یاندا چکور خوردا اوشاقلار هامی فریاد
گل یوزلیلر ایلوب ایله ویرانه نی آباد
گویا گورونور طُرفه گلستاندی خرابه

گر چه گتوروب گوگلومی محنت غم و درده
یوخ دلده توانا که دییم دردیمی بیرده
چکسمده من عمّه اگر اوز سرّیمه پرده
کاشف منیم احوالیمه هرآندی خرابه

بیر نحویله معلوم اولوب عمّه بو حزینه
مطلق بو یقینیم دی ئولور بوردا سکینه
مدفون اولی ویرانه ده قیمتلی خزینه
اوّل گونی چون مخزن یزداندی خرابه

• چهارشنبه
• 10
• شهریور
• 1400
• ساعت
• 14:57
• نوشته شده توسط
• یوسف اکبری

منزلیم هر چند ویراندور بابا خوش گلمسن
حسرت فردوس رضواندور بابا خوش گلمسن

کیمسه بولمور وار ندن ویرانه ده بو قدر شور
دمبدم ساعت به ساعت نور حق ایلر ظهور
ایلیوبسن بو خرابه منزلی سن رشک طور
جلوه گاه پور عمراندور بابا خوش گلمسن

گرچه شیون روز و شب منله بابا دمسازدور
نالمه باعث اوزی کشف اولمیان بیر رازدور
بو دمون گوز یاشی تشریفوندی پای اندازدور
گوزلریم وار سرّی گریاندور بابا خوش گلمسن

بو یتیمه قیزلار ایچره ای شهنشاه حجاز
گلماقون بو نصف شب ویردی منه بو امتیاز
ایتمدیم باور ایسترم گرچه جنابون پبشواز
بولمدیم فکریم پریشاندور بابا خوش گلمسن

من بو فکریله توکردیم دائم اشک آلیمی
گُل یوزین بیرده گوروب شرح ایلیِیدیم حالیمی
ایمدی دل یوخدور دیَم اوز صورت احوالیمی
گورموسن گوگلوم دولی قاندور بابا خوش گلمسن

منزلیم گرچه محقّردور، قوری یردور یریم
لیک حقّیمدور سنه گوز مَردُمینده یِر ویریم
بولمرم نه دللریله من جنابون دیندیریم
هر نه گلسه فکره نقصاندور بابا خوش گلمسن

بو کسیک باشون دلیل شاهراه عشقدور
هر کسون کیفیّت حالی گواه عشقدور
گرچه ویراندی بو منزل خانقاه عشقدور
مجمع جمع فقیراندور بابا خوش گلمسن

ذکر ایدر بو کثرتون هر فرد فردی یا احد
جمله سی واصل به حقدور ایلیوب هو حق مدد
سن اوزون پیر طریقت سن دگلسن نابلد
عارضون مرآت عرفاندور بابا خوش گلمسن

چوخ تشکّر ایلرم باخدوقجه اوز اقبالیمه
آخِر عمریمده یتدوم اوّل آمالیمه
گرچه درویشم اولوب شَهدَن رعایت حالیمه
منظریم دیدار سلطاندور بابا خوش گلمسن

آختارور بیر بیله منزل دائماً خلوت نشین
فرشی خاک اولسون چراغ بزمی آه آتشین
چوخ شرافت وار بو یره حجّتّ روی زمین
سیّد سجّاد درباندور بابا خوش گلمسن

بیر اوزون مدّت سراغوندِیدیم آخِر من سنون
کربلادن شامه دین ویرمزدی فرصت دشمنون
سالموشام یاخشی اَلَه بو نصف شبده دامنون
بو سعادت لطف یزداندور بابا خوش گلمسن

جان ویریردیم من دیدیم جانانیمی یارب یتور
یاخشی وقته گلمسن قال نعشیمی یردن گوتور
بو سنق پوزقون پریشان قافله سندن اوتور
مو کنان چاک گریباندور بابا خوش گلمسن

مدّت عمرون یتور باشه اولور (صافی) تمام
قویما وقتون ضایع اولسون ایت گیلن خدمت تمام
نوحه نون سال مطلعین آخرده آعلا صبح و شام
منزلیم هر چند ویراندور بابا خوش گلمسن

• یکشنبه
• 4
• مهر
• 1400
• ساعت
• 16:09
• نوشته شده توسط
• یوسف اکبری

___________________________________
آی منیم یارلی قوناقیم_اولدی ویرانه لر اطاقیم
چوللری قاچمیشام دالینجا_باخ قاباردی بابا ایاقیم

نارهجرونده سینمی داغلامیشام
نیزلر باشینه باخوب آغلامیشام

((منی آتما___چوخ آغلاتما))
___________________________________
باخ بابا گور نه حاله قالدیم_هر گلنن سراغین آلدیم
یولارا بسکه باخدیم آغلار_من بو آز سنیده قوجالدیم

حسرتیم وار منی قوجاقه آلاسان
گوشواره قولاقیمه سن سالاسان

((منی آتما___چوخ آغلاتما))
___________________________________
آلدیم هر دردی من بوجانه_باشلادیم نوحه یانه یانه
قلبیم اولدی کباب او ظالم_عممه ویردی تازیانه

باخ بابا عممین آخان گوز یاشینا
گوگلون آل چوخ دگوبدی قمچی باشینا

منی آتما___چوخ آغلاتما
___________________________________
باشیوی سینم اوسته آلام_تختیدن من یزیدی سالام
اربعینه گیدنده ائللر_من ولی تپراق آلتدا قالام

بو گیجه عمرومون بابا آخریدی
قبریمی آرزو ایدن (ماه پریدی)

منی آتما___چوخ آغلاتما
_______________

• شنبه
• 17
• تیر
• 1402
• ساعت
• 17:03
• نوشته شده توسط
• یوسف اکبری

درسبک
کربلا منتظرماست.....

بابا جان نیزه باشیندا نئلر اولدی ده گوروم
نیه اوش یاشدا بالون دربه در اولدی ده گوروم

بیزه بیر قطره ده سو اولمادی قسمت باباجان
زینبون توکدی یوزه گریه ی حسرت باباجان
بیر گئجه یاتماموشام خیمه ده راحت باباجان
نیه عمم تالانیب خون جگراولدی ده گوروم

یاغدیریب تیر بلا اکبریوه قوم دنی
دشت محنتده اونون نیزلر اولدی کفنی
بویانیب قانه بابا اصغریون گول بدنی
جانثارون نیه بس صود امر اولدی ده گوروم

اهل کین قویمادیلار قارداشیوی سوگتیره
سویی مخیمده یانان طفل وبناته یتیره
اولدی عباسین اودم غیرت وایمانه گوره
نیه سقانی وئیران مین نفر اولدی ده گوروم

نوجوان قاسمی ظلمیله الین دوغرادیلار
قلب زهرانی گینه کوفه لیلر داغلادیلار
قیزلارین زینبیلن سینه وییریب آغلادیلار
کفنی قاسمه آیا سپر اولدی ده گوروم

تلیدن مقتله زینب نگران باخدی اوگون
قانلی میدانی گوروب قلبینه قان آخدی اوگون
حالیوه آغلادی گوی ایلدیریمی شاخدی اوگون
نیه قسمت بیزه آه وشرر اولدی ده گوروم

هانسی یئرده بئله مهمانه جفا اولدی بابا
هانسی پیکر نچه گون چولده رها اولدی بابا
دهریده کیم سنی تک دینه فدا اولدی بابا
منی تک هانسی بالا دیده تر اولدی ده گوروم

سن گئدنن سورا من صبح ومسا آغلاموشام
اکبری یاده سالیب سینمی چوخ داغلاموشام
دادیمه یوخدی یتن عممه بل باغلاموشام
هانسی جیران بئله چولده ملر اولدی ده گوروم

نیزه اوسته منیلن هم سفریدین باباجان
بیلیرم حالیمه سن باخبریدین باباجان
دشت وصحراده گئجه چون قمریدین باباجان
هانسی ملت بیزه تای در به در اولدی ده گوروم

اسرا ایچره بابا بیر گون ایتیردیم یولوی
تانیا بیلمدیم اول دشتیده من ساق سولومی
اشقیا قمچی لر ی یاره ائدیب ال قولومی
نیه بو غملی سفرپر خطر اولدی ده گوروم

گولدی شام اهلی بیزه خارجی اولدی آدیمیز
عرشه چاتدی بومصیبتده بیزیم فریادیمیز
حب اولاد علی اولدی بیزیم ایرادیمبز
نیه محنت بیزیلن هم سفر اولدی ده گوروم

• شنبه
• 17
• تیر
• 1402
• ساعت
• 18:42
• نوشته شده توسط
• یوسف اکبری

الله گون باتدی
شام اهلی یاتدی
لطف ایله رقیه بیر دینجلسین
گوزلریم یولدادی اکبر گلسین

قلبیم یارالی
ائلدن آرالی
آز قالور تیر غم قلبیم دلسین
گوزلریم یولدادی اکبر گلسین

آسمان تیره
گوزلریم خیره
یدّی گویده یوخوم بیر ستاره
کیم دوشوب من دوشن روزگاره

یاریم گلمدی
جان دینجلمدی
دل گلوب نالیه دلبر گلسین
گوزلریم یولدادی اکبر گلسین

من آغلیاندا
دل داغلیاندا
عمّم زینب دییر صبریم آلما
آنامی رقیه یاده سالما

یوزوم نیلوفر
زهرایه بنذر
سسلورم داده سرلشکر گلسین
گوزلریم یولدادی اکبر گلسین

یولّاردا دلدن
دوشدوم محملدن
ساربان ناقه نی سوردی گئتدی
دردیمون دریاسی طوفان ائتدی

چوللرده تنها
دئدیم یازهرا
سس گلدی صبر ایله مادر گلسین
گوزلریم یولدادی اکبر گلسین

درک ائت الهی
من بی پناهی
اولاد حیدری گوگلوم ایستور
اکبری اصغری گویلوم ایستور

هانی ششماهه
باتمیشام آهه
رباب آغلور دیور اصغر گلسین
گوزلریم یولدادی اکبر گلسین

• پنج شنبه
• 19
• مرداد
• 1402
• ساعت
• 00:02
• نوشته شده توسط
• یوسف اکبری

? یورولموشام سویولموشام
اولوبدی منزلیم بابا خرابه شام

بال و پری سینان قوشام
اولوبدی منزلیم بابا خرابه شام?

☑️ بند اول

خوش گلدین دردیمین درمانی
آچ گوزون گوزلرون قربانی

باشیوه نه گلیبدی بابا
آخیری لب لریوین قانی

هجرین دن بابا گلدیم جانه
جان قوربان سن کیمین مهمانه

دردانه قیزیوا گور ایندی
مسکن دی گوشه ی ویرانه

بو گوشه ی خرابه دن
اینجی میشم نولور بابا منی قوتار

جانه دایانمیشام اینان
یانینجا بو وطن غریبی نی آپار

? یورولموشام سویولموشام
اولوبدی منزلیم بابا خرابه شام

بال و پری سینان قوشام
اولوبدی منزلیم بابا خرابه شام?

☑️ بند دوم

ای نور ذوالجلاله مظهر
عالمده اهل عشقه رهبر

گُل جسمین کربلا ده قالدی
خوش گلدین ای سر بی پیکر

روز و شب گوزلریم گریان دی
فریادیم گوی لره قوزاندی

هر یان دا آغلادیم هجرین دن
ووردولار قمچی جسمیم یاندی

باش دان ایاقه پیکریم
مثال یاسمن دی جور و ظلم دن

گوندوزومی ائدیبله شام
گیلی لیم بابا سنان و زجر دن

? یورولموشام سویولموشام
اولوبدی منزلیم بابا خرابه شام

بال و پری سینان قوشام
اولوبدی منزلیم بابا خرابه شام?

☑️ بند سوم

بو چرخ کج روش دن سیرم
مردم شامیدن دلگیرم

قالمیشام ائیله بیر احواله
اوچ یاشیم واردی اما پیرم

معذورم ای همای رحمت
دیداره گلدین اولدی زحمت

دورمورام گر ایاقه عفو ائت
یوخ بابا دیزلریم ده طاقت

صفای گلشنیم سولوب
اورک دولی ملال و درد و گله دی

گوزلریوا فدا اولوم
دورانمیرام ایاخلاریم آبله دی

? یورولموشام سویولموشام
اولوبدی منزلیم بابا خرابه شام

بال و پری سینان قوشام
اولوبدی منزلیم بابا خرابه شام?

☑️ بند چهارم

بو غمدن جانیمه اوت سالدیم
هر محنت گلدی جانه آلدیم

بیر نصف شب ملالیم آرتیب
وحشتلی چولده تنها قالدیم

ناقه دن دوشماقیم بیر یانه
بیر یانه سیلی خصمانه

قورخوم نان ساغ سولا تا قاچدیم
توش اولدوم خار مغیلانه

او چول ده مین ایلین غمی
خدایه آند اولا گلیب دی باشیما

رحم ائلین تاپیلمادی
بابا منه یتیمه نین گوز یاشینا

? یورولموشام سویولموشام
اولوبدی منزلیم بابا خرابه شام

بال و پری سینان قوشام
اولوبدی منزلیم بابا خرابه شام?

• جمعه
• 24
• شهریور
• 1402
• ساعت
• 21:21
• نوشته شده توسط
• یوسف اکبری

زبانحال حضرت زینب به حضرت رقیه در خرابه شام

گلن خاطری درده رقیه بالام ایوای
ویرن جان قوری یرده رقیه بالام ایوای

قیزیم رنج و مصیبت سنی ایلدی خسته
گهی یولدا پیاده گه عریان دوه اوسته
گتوردی سنی دشمن بوشامه قولی بسته
ویرن جان قوری یرده رقیه بالام ایوای

بویولاردا دگوبدی ز بسکه سنه سیلی
یوزوندن هله گتموب قیزیم نقشه نیلی
الونجه یاناجاقدوربو نسگللری لیلی
ویرن جان قوری یرده رقیه بالام ایوای

گلوبدورسنه مهمان بابان شاه لب عطشان
دور اگلش ایله صحبت او شیرین دله قربان
بیله نازیله یاتما اورکلراولی آلقان
ویرن جان قوری یرده رقیه بالام ایوای

قوناقه اولی حرمت بومرسوم جهاندی
دورییرایله نوازش قیزیم باتما امان

• پنج شنبه
• 20
• مهر
• 1396
• ساعت
• 08:40
• نوشته شده توسط
• علی ببیرپور

زبانحال حضرت رقیه (س) با رأس مطهر امام حسین (ع)

حاج علی زلفی تبریزی

شمر شوم ‌الیندن بابا
گور نه گلمیشم افغانه

اللر باغلیدی زنجیره
یوخ همدم من نالانه

محزون چوللری دولاندیم بابا
رنگ محنته بویاندیم بابا
گوردوم جوریلر دایاندیم من بابا

ای داد الامان (۴)

گوردوم یولدا باشون بابا
نوک نیزه ده غرق خون

فریادیم اوجالدی عرشه
اولدوم دلشکسته محزون

ممکن اولمادی چکم آغوشه
سنمش قلبیمه اولا بیر توشه
دمساز اولمادون بو زار و مدهوشه

ای داد الامان (۴)

جور وظلم زجر بی دین
قلب زاریمی یاندردی

باخموب بیکسم یولاردا
سیلی تازیانه وردی

بابا من هارا هارا ویرانه
گوزدن خون دیل آخور دامانه
قلبیم غصه دن دونوبدی القان

• پنج شنبه
• 8
• شهریور
• 1397
• ساعت
• 02:23
• نوشته شده توسط
• علی ببیرپور

ازعشقت ای معشوق من دل بر ندارم
من جزتو باباجان دگر دلبر ندارم
.
وقتی دلم میگیرد از جور زمانه
همدم بجز لالایی اصغرندارم
.
اندر طواف شمع رخسارت عزیزم
پروانه ای هستم که دیگر پر ندارم
.
این زخم خنجر چیست بر روی گلویت
آیا توبابای منی؟ باور ندارم
.
تولاله خونین دشت کربلایی
منهم که بابا کم زنیلوفرندارم
.
لبهای تو از خیزران زخمی ومنهم
یک جای سالم در تن وپیکر ندارم
.
بابا بیا امشب مپرس از گوشواره
منهم سوال از دست وانگشتر ندارم
.
بهرمداوای لب خونین ومجروح
جز اشک چشم و گوشه معجر ندارم
.
ای دختر ارباب بنگر سوی #بابک
در سوگ تو جز دیده های تر ندارم
.

• پنج شنبه
• 18
• مهر
• 1398
• ساعت
• 13:26
• نوشته شده توسط
• ابوالفضل عابدی پور

اکبریم گلینجه اولسم دفنیمی یوباندیر عمّه
نعشیمی آلیب ال اوسته، باشینه دولاندیر عمّه

یوخ سوزوم بو اولمک عمّه امر حیّ‌ لم یزل‌‌دی
باجیلار اولنده امّا قارداشی اولا گوزلدی
ائیلیین بیر آزجا تأخیر، بلکه اکبریمده گلدی
کفن و دفنیمی بیر آز سن ساخلا ال یوباندیر عمّه

گوزلرون فداسی اوللام خسته سن بی‌بی آز آغلا
اولدورر اوزون حَرَملر آز بو قلب زاری داغلا
اللرون قاداسین آللام گل بو گوزلریمی باغلا
قانلی اشگیلن سارالمیش رنگون آز بویاندیر عمّه

گرچه قاره گون الینده قورتارور بو بختی قاره
وار ولی بیر عمده دردیم، گل سنه ائدیم اشاره
ناگهانی گلسه اکبر، گوزلریمی آچ دوباره
اکبری منیله بیر آن روبرو دایاندیر عمّه

شئمری سن چاغیرما عمّه قلبیده جراحتیم وار
قولدان آچماسین طنابیم دیلده آیری نیّتیم وار
قبره قوی بو حالتیلن جدّیمه شکایتیم وار
سنده خلقه ظلم شمری، نطقیویله آندیر عمّه

باشون آچما ائتمه ناله، قلبیم اولدو غصه دن قان
سن منه آنالیق ائتدون جانیوه رقیّه قربان
باشیم آلما سینون اوسته، توپراق اوسته قوی وئریم جان
زحمتیمی چوخ چکیبسن، آز منی اوتاندیر عمّه

آغلاما دئمه غریبیبی‌وطن، رقیّه لای‌لای
هئچ دیله گتیرمه جیسمی، بی‌کفن رقیّه لای‌لای
سسله شئمر شوم الیندن، دینجلن رقیّه لای‌لای
قلب اهل شامی، آه آتشیمه یاندیر عمّه

بی‌سبب دئنن بو غمده قانه گوز یاشیم دولانماز
الده اولدوروب بو طفلی شمریدون گینه اوتانماز
قمچیلر یئرینی امّا گورمیینجه خلق اینانماز
کوینگیم چیخارت بو خلقی سن اوزون ایناندیر عمّه

• جمعه
• 5
• دی
• 1399
• ساعت
• 23:41
• نوشته شده توسط
• یوسف اکبری

عمّه بو نجه دوراندی

گویا که شب هجراندی

گوردوم آتامی رویاده

عمّه بو گجه مهماندی

گلدیم داخی من جانه عمّه

یوخ طاقتیم هجرانه عمّه

شامین هواسی غم‌فضادی

یوردی منی ویرانه عمّه

گوزدن آخار اشگ تر عمّه

گویلوم بابامی ایستر عمّه

صبر ایتدیم هامی آلامه

دوزدوم محن ایّامه

غم چکمه دیمیشدی بیر گون

دیداریوه گلّلم - شامه

ایندی بابام بس هاردا قالدی

درده منی هجرانی سالدی

گلمور ندن گورسون رقیّه

ویرانه‌ده گل تک سارالدی

گوزدن آخار اشگ تر عمّه

گویلوم بابامی ایستر عمّه

دلدن نجه بو غم گیتسون

بیر قیز نقدر تاب ایتسون

بیر کیمسه دیین یوخ شمره

عمّه منی آز اینجیتسون

دلدن اوجالمیش آهِ سردیم

آز سنّیله وار چوخلی دردیم

گلسه بابام - سیلی گویردن

رخساری عمّه گورسدردیم

گوزدن آخار اشگ تر عمّه

گویلوم بابامی ایستر عمّه

• چهارشنبه
• 1
• اردیبهشت
• 1400
• ساعت
• 13:34
• نوشته شده توسط
• یوسف اکبری

بلبل باغ و چمنیم رقیه رقیه
قمری غنچه دهنیم رقیه رقیه

قارداشیمون آهو باخیش بالاسی بالاسی
جانیمه گلسون گوزیوون قاداسی قاداسی
جان بالا سنسن اِئلیمون صفاسی صفاسی
گل دیله شیرین سخنیم رقیه رقیه

قویما گوزل صورتیوی ترابه ترابه
رحم ایله باری گوزلیم ربابه ربابه
قورخورام اولسون وطنون خرابه خرابه
ذکر اِیدم الده ئولنیم رقیه رقیه

اولدی قیزیم چوخ باشیوون بلاسی بلاسی
غارته گیتدی قولاقون طلاسی طلاسی
توختامادی هیچ ایاقون یاراسی یاراسی
طُرّه سی پوزقون سَمَنیم رقیه رقیه

سوز عطش پارچالیوب ایاقون ایاقون
یاتما بالا وار بو گیجه قوناقون قوناقون
سعی ایله گوسترمه اونا ایاقون ایاقون
داغدان آغیر دور محنیم رقیه رقیه

تاب اِله دون هر نه گلوب بلایه بلایه
گلمه دون اصلا گوزلیم نوایه نوایه
ایلمه مندن آتاوا گلایه گلایه
یاره لی، نیلی بدنیم رقیه رقیه

زجر دنی سیلی ویروب یوزوندن یوزوندن
قان قاریشوخ یاشی آخوب گوزوندن گوزوندن
عمه لرون دویمادیلار سوزوندن سوزوندن
قلبیمی القان ایدنیم رقیه رقیه

دمبدم آغلاردون علی اکبره اکبره
اوخشاما سویلردون علی اصغره اصغره
رسم اِلیوب (ثاقب) عجب منظره منظره
اصغره لایلای دیه نیم رقیه رقیه

• چهارشنبه
• 8
• اردیبهشت
• 1400
• ساعت
• 16:40
• نوشته شده توسط
• یوسف اکبری

گلدی بابام ویرانیه ای با وفا عمه
بو میهمانه جانیمیز اولسون فدا عمه

سالدی عجب یاده منی آرام جان گلدی
روحیم داریخمیشدی بی بی روحه روان گلدی
یوخ دوره سینده لشکری شاه جهان گلدی
اما دوداقی حیف اولا اولموش یارا عمه

قرآنه قرباندور بابام قربانی اولام من
مهمانیم اولدی بو گئجه مهمانی اولام من
کرب و بلادن هر گئجه گریانی اولام من
باش چکماقا اطفالینه گلدی آتاعمه

قانه دونوبدور گوزیاشیم ای باغری قان عمه
دوشموش بلایه بو باشیم ای باغری قان عمه
هاردا قالوبدور قارداشیم ای باغری قان عمه
گلمور بی بی شامه ندن اول مه لقا عمه

(سالک) یازاندا نوحه سین آغلار یانا یانه
سولموش یوزه گوز یاشینی باغلار یانا یانه
درد و غمیدن قلبینی داغلار یانا یانه
وار حاجتی ایله ئوزون حاجت روا عمه

• پنج شنبه
• 13
• خرداد
• 1400
• ساعت
• 13:16
• نوشته شده توسط
• یوسف اکبری

فارسی

خوش اومدی بابا
خرابه گشته با صفا
رقیــــه رو ببیــن
شـــــده اسیر اشقیا

موهام پـریشونه
ببین چشامو گریونه
عمه بابام اومــــد
پیش رقیه میمونه

چرا تو تنهایی کجاست سقای لشگرت
دلِ پُراز خـــــونم تنگـه برای اکبرت
چرا نیــــــومـــده پیشم علی اصغرت

بابا حسین مدد بابا حسین حسین مدد2

بهشتمـــــو ببـــین
تـــو سرنوشتمو ببین
رو گونه های من
بابا جون اشکمو ببین

پیشم بمــــــون بابا
بده به من اَمون بابا
کبوده صورتم
از دست قوم دون بابا

خودم خرابه ام ولــی دلم تو کربلاست
دو گوشواره ام تـو دست قوم اشقیاست
تمام خستگیـــــــم برای را ه شامیاست

بابا حسین مدد بابا حسین حسین مدد2

ببین چیــــا دیدم
غم پُر از جفا دیدم
سرتو رو بــابا
خودم رو نیزه ها دیدم

منو کتک زدند
به زخ من نمک زدند
بببین رقیــــه تو
ز کینه ی فدک زدند

شبیه زهــــــرا رو بی آشیونه میزدند
حرومیا منـــــــو با هیچ بهونه میزدند
کی گفت بابا بابا با تازیونه میزدند

بابا حسین مدد بابا حسین حسین مدد2

ترکی

خوش گلدون آی بابا
خرابم اولدی با صفا
نه گلدی باشیمه
دیـــــــوم با شور و با نوا

یارالیـــــام بابا
باشـــــی قرالیام بابا
نه وقتیدور که من
سندن آرالیام بابا

اماندی باخ منه وروبلار اوت بو گلشنه
جنایت ایتـــــدیلر لعنت اولا بو دشمنه
عمم باخا باخـــــا یارا وروبدولار سنه

بابا حسین مدد بابا حسین حسین مدد2

کسوبله چاره می
آلـــوبلا گوشواره می
چکوب آلیدیلار
حتی باشیمدا قاره می

بیزی سویوبـــدولار
عمه می چوخ وروبدولار
باشون کسنده شمر
خیمه نی یاندوروبدولار

باشی بلالیــــــــم یـــــانوبدی عمــه حالیمه
باخ ایندی گور آخور گوزومده اشک آلیمه
نظاره ایتگـــــــلن اورکــــــده کی ملالیمه

بابا حسین مدد بابا حسین حسین مدد2

سنه چوخ آغلادیم
بو پاره قلبی داغلادیم
دینده داش سنه
یواش گوزومی باغلادیم

کسوبلر اللرون
هانی یارالی پیکرون
یارالیسان بابا
هانـــــی علی اصغرون

بو قوم کیـــن بابا بیزه شماتت ایلدی
جدایه وردولار باشون قیامت ایلدی
گیرنده کـــوفیه قران تلاوت ایلدی

بابا حسین مدد بابا حسین حسین مدد2

• جمعه
• 18
• تیر
• 1400
• ساعت
• 12:54
• نوشته شده توسط
• یوسف اکبری

بو دل شبده عجب اولدی سعادت بابا
حالیمه اولدی منیم حقدن عنایت بابا
شکر اولا بو منزله وئردی صفا گلماقون
لیک بو قیزلاریوه اولدی قیامت بابا
کیم باشون تندن ائتدی جدا
بو کسیک باشه جانیم فدا
جان یارالی جان یارالی
جان سنه قربان یارالی

گور نئجه حاله دوشوب ای بابا یالقوزلارون
چوخ گئجه صبحه کیمی یاتمیوب اولدوزلارون
من سوروشاندا بی بی بس نیه گلمور بابام
بولمورم علّت ندور آغلور اوغولسوزلارون
کول توکدی بو فلک باشیمه
خون دل قاتدی گوز یاشیمه
جان یارالی جان یارالی
جان سنه قربان یارالی

قوی سنه عرض ایلیوم گلدی نَلَر باشیمه
زجر و سناندور سبب گوزده گوزیاشیمه
کرب و بلادن بیزی شامه کیمی ووردولار
نه منه رحم ائتدیلر نه باجی قارداشیمه
سالدلار درده بو سینه می
قمچیله ووردولار عمه می
جان یارالی جان یارالی
جان سنه قربان یارالی

کنج خرابه منه مسکن اولوب آغلارام
کاسهٔ صبریم بابا ایله دولوب آغلارام
چوخ یولا باخدیم دئدیم ایمدی گلر قارداشیم
باشیوی گورجاق دئدیم اکبر ئولوب آغلارام
گوزیاشین رخساره باغلارام
ئولونجه اکبره آغلارام
جان یارالی جان یارالی
جان یارالی جان یارالی

ایمدی که سن گلمیسن واردی سنه بیر سوزوم
گور نئچه وقتدور بابا یولدا قالوبدور گوزوم
اصغره گو‌یلوم دوشوب سن بول آنان فاطمه
گل منی بوردان آپار منده داخی یوخ دوزوم
عمّه می‌ گوزیاشلی قویموشام
عمرومدن زهرا تک دویموشام
جان یارالی جان یارالی
جان سنه قربان یارالی

• جمعه
• 8
• مرداد
• 1400
• ساعت
• 11:31
• نوشته شده توسط
• یوسف اکبری

درسبک:#من_مانده_ام_تنهای_تنها
________________________
عمه جان گل گلدی یاریم

گلشن اولدی غم دیاریم

آلموشام باشین قوجاقه

هیچ دانیشمور شهریاریم

لبلرونده یاره چوخدی

طاقتیم بو درده یوخدی

واردی آننیندا یاراسی
داش یاراسی یا که اوخدی
جان بابا ای جان یارالی . من سنه قربان یارالی
________________________
هی ددی جان ای یارالی

آچ گوزول زهرا مارالی

سن منی چوخ چوخ سئوردون

بس ندن دوشدون آرالی

باخ بابا بو حاله زاره

قلبیم اولموش یاره یاره

گوشوارم گیتدی الدن

باخ قولاقیم اولدی پاره

جان بابا ای جان یارالی ...من سنه قربان یارالی

• شنبه
• 17
• تیر
• 1402
• ساعت
• 17:16
• نوشته شده توسط
• یوسف اکبری

بابا وحشتیله بو چولده من دئمه کی سیاحته گلمیشم
یارالی قوم اوسته یخیلماقون ائشیدوب عیادته گلمیشم

سن ئوزون مراموه چاتموسان منه چوخ چتیندی شهادتون
قوری یرده سن ، دلی داغلی من نجه شرح ائدیم غمِ فرقتون
بولورم که اجرِ جزیل آلار کیمه قسمت اولسا زیارتون
بابا فوزِ اعظمه چاتماغا بو گجه زیارته گلمیشم

دولانوب تاپونجا بو جسمیوی بابا ال حیاتیدن اوزمیشم
یریوب قاچوب یخیلوب دوروب نجه رنج و زحمته دوزمیشم
توخونوب ایاقلاریما تیکان یوزه اشک آلیمی دوزمیشم
سنه عرضِ حال ایلیم بابا اولونان اهانته گلمیشم

او قدر یارا ورولوب سنه بدنونده یوخدی شمارشی
نه بدنده باش نه الون قالور ، نه لباسی وار نه ده بالشی
منیده اوقدر وروبدولار گوزومون دونوب قانا بارشی
بابا اشکِ مرحمی سالماقا بو قدر جراحته گلمیشم

بابا شوقِ وصلتون اختیاریمی آلدی من یاتا بولمدیم
ولی خوفِ قمچینی گوزلیوب بو مرامه تئز چاتا بولمدیم
یاتیشوب حرایمِ عصمتون ، قوری یرده من یاتا بولمدیم
دوشنَم بو یاره لی سینوه ، یتم استراحته گلمیشم

باتا باتدا گون نئجه عرض ائدوم بابا جان نه نوع سویولموشوق
بابا جان گوزوندن ایراق سنون سویولوب همیده دویولموشوق
الده قمچی بی رحم کوفیان ، او قدر قووبدیلا یورولموشوق
دیل آچوب بابا سنه شمردن ایلیم شکایته گلمیشم

بابا گر مدینیه من گئدم داخی قیزلارا قاریشانمارام
دئسه لر نولوب آتا قارداشون بس هانی عَمون دانیشانمارام
یره دوشسه گر بو سوزوم منیم کوسرم داخی باریشانمارام
بابا قوی دییوم گجه یاریسی قاپووا نه حاجته گلمیشم

بابا سویگلی قیزووام اگر ایستوسن که چوخ ناله ائتمیوم
سنی فاطمه گَل ایله دعا داخی من مدینیه گئتمیوم
یا ئولوم بو یئرده یا شامده ، وطنه دوباره قئیتمیوم
بولورم کی سن ایله سن دعا یتیشر اجابته گلمیشم

سن شهید اولاندانصورا بابا اشقیا خیامی تالاتدیلار
اود ایچیندن هر بالا قیز چیخوب اونی آت قباقینه قاتدیلار
کوفه نین اراذل جماعتی اهلبیتون اوسته داش آتدیلار
اکبریم آلان گوشواره لرده گیدوبدی غارته گلمیشم

توکولنده خیمیه کوفیان بیزه بسکه شدّت ایدوب عطش
آلیشان زمانیده خیمه لر بابا نچه قیز ایلمیشدی
غش
بو سپاهِ کوفه بیزیله چوخ معجر اوسته ایلدی کشمکش
ولی معجرین ویرن اولمادی باباجان بشارته گلمیشم

سنی عمّه مون جانی آی بابا عمل ایله بیرجه بو خواهشه
بو یارالی سینوه هی آخان باباجان گوزومده کی بارشه
یوزی قاره (نادمه) وئر شفا ، گوزینی تیکوب بو گذارشه
ئوزی عاصی ، آدی حسینچیدور اودی من شفاعته گلمیشم.

شاعر : مرحوم سیروس مناف زاده #نادم

• دوشنبه
• 16
• مرداد
• 1402
• ساعت
• 23:56
• نوشته شده توسط
• یوسف اکبری

غَمیم اوُلمازدی آتامدان خَبَر اوُلسِیدی بی بی
بُو قَرانلُوق گِجم آیدِین سَحَر اوُلسِیدی بی بی

مَن فَلَکدَن اِیلیُوم شِکوَه و یا بَختِیمدَن
قارَه گُوندَن دانِشُوم یا که قَرا بَختِیمدَن
یُورقُونام اِینجِیمِشَم زِندِگی سَختیِمدَن
تاب اِیدردِیم گِینه بر خُوش خَبَر اوُلسِیدی بی بی

بیر غَریبَه بالاجا دُختَر اوُزوم اوُچ سالَه
دُولاشُوب قُوش کِیمی غَم رِشتَه سی پَرّ و بالَه
دُوزَه بُلمزَدی گُویَرچیندَه اِیدَردِی نالَه
لانه سی مَن کِیمی زِیر و زَبَر اوُلسِیدی بی بی

اِیله فَکر اِیتمَه رُقیّه اِیتُورُوب اوُز رَوِشین
ناز و غَمزَه یِرینَه آغلاماق اِیلُوبدی اِیشین
کُنجِ ویرانَه دَه اوُلمازدی بِلَه خاک نِشین
بُو قَرا بَخت اَگر بَختَوَر اوُلسیدی بی بی

نِی لَرَه اِیلَر اَثَر مَندَه اوُلان مَحزُون سَس
گُون بَه گُون مُحنَتیم آرتُور اوُلورام دِل وا پَس
فَلک آغلاتسا کِیمی گُولدُورَه بُلمَز هُیچ کَس
آغلامازدِیم مُحَنیم مُختَصَر اوُلسِیدی بی بی

ہُو بَلالی باشیما نِیلُوم آتام چَکمُور باش
اِیراق اوُلسُون اِیله بُل آیری دُوشُوب گُوزدَن قاش
یُوزَه کِیپرِیک سانی تُوکمَزدیم اِیکی گُوزدَن یاش
نَخلِ اُمیدیم اَگر باروَر اوُلسِیدی
بی بی

یَثُربی تَرک اِیلیَن وَقتَه شَبِ ظُلمانی
قُوشما دُوز قافلِیَه سیز او گِجَه صُغرانی
یاخشی اِیش اوُلدی، گَتُورسِیدوز او سَرگردانی
دِیری قالمازدِی بیزَه هَمسَفَر اوُلسِیدی بی بی

گُوز تِیکُوب یُولاّرا گر چِه غَمی چُوخدور دِلدَه
یِری راحتدی اَقلاً باجِیمُون مَنزِلدَه
بُوندان آرتُوق آلشاردِیم شَرَرِ نِسگَلدَه
باجیلاریم تَک اوُدا دَر بَه دَر اوُلسِیدی بی بی

سُوزُوم اَکبردَه دِی عَمّه مَنی سالمُور یادِینا
خَستَه جانیم اوُلا قُربان اوُزینَه هَم آدِینا
آجی آغزیم یِتیشَردِی گِینَه شیرِین دادِینا
ناظَرِ حالِیم او زیبا نَظَر اوُلسِیدی
بی بی

گُوز اوُیاق دور گِیجَه لَر دِلبَریمُون خاطِرینَه
گَزُور اَفلاکی او خُوش مَنظَریُمون خاطِرینَه
آیَه حَسرَت باخُورام اَکبَریمُون خاطِرینَه
باخمازِیدُوم گُویَه گر مِین قَمر اوُلسِیدی بی بی

اَکبَریم عمّه بو جَریانی بُلُور یا بُلمُور
باجِسین شامدَه زِندانی بُلیور یا بُلمُور
حالِ آشُفتِهء لِیلانی بُلور یا بُلمُور
چارَه اِیلردِی او فَرخُندَه فَر اوُلسِیدی بی بی

واردِی حَقیم دارِیخام آتَشِ سُوزانَه یانام
اَلى قُوینُوندا خَرابه قاپُوسندا دایانام
قارَه مَعجَر باشنا سالمازِیدی لِیلی آنام
ساق سَلامَت علی اَکبَر اَگر اوُلسِیدی بی بی

شام قِزلارى مَنَه بَسکه ساتُور غَمزَه و ناز
بَعضی صُحبَت دانشُولّار اِیدُورَم سُوز و گُداز
یَثرُبُون شَهرینَه بُوردان اِیلَیردُوم پَرواز
قُوش کِیمی مَندَه آچیق بال و پَر اوُلسِیدی بی بی

یاتمِیُور قَلبیمَه اَصلاً بُو اوُچُوق کُهنَه حِصار
نَه هَواسِیندَه صَفا نَه سُویُونُون لَذّتی وار
کُولگَه سی اوُددِی کِاَنّه یُومُوشاق تپراقی خار
بُوردا قالمازدِی رُقیّه مَفَر اوُلسِیدی بی بی

آنامُون نالَه سَسی قَلبیمی اِیلُوبدی کَباب
حَرمَلَه کِیمدی اِیدُور هِی اوُنا نِفرِین و عَتاب
مَلَه مَزدی مَلَر آهُو کیمی بیچارَه رُباب
سِینه سی اوُسته گُوزَل صُود اَمَر اوُلسِیدی بی بی

• سه شنبه
• 7
• شهریور
• 1402
• ساعت
• 23:42
• نوشته شده توسط
• یوسف اکبری

گلُوب او یُولدا قالان قِیز که کارِوانَه یِتِیشدِی
گُورُوب آتاسینی غَم صُوتی کَهکِشانَه یِتِیشدِی

اَسیرِ گُمشدِه چاتدی قَطارِ آلِ عَبایَه
خَزِینَه صاحِبِینَه گُوهرِ یِگانَه یِتِیشدی

غَم عَندلِیبی قُویُوب پُشتِ سَردَه دَشت و فَلاتی
تَرانَه اِیلَمَگه غَملی گُلسِتانَه یِتِیشدی

قُویُوب اَدَب اَلینی سِینَه سِینَه گَلدِی سَلامَه
گُوزُوندَه اَشگِ تَری شاهِ اِنس و جانَه یِتِیشدی

اوُرکلَنُور قِیز اوُشاقی گُورَن زَماندا آتاسین
اوُدور او خِیردا قِیزا صُحبَتَه بَهانَه یِتِیشدی

دِئدِی قِیزین نِچَه ساعتدِی آیریلُوب اُسرادَن
فَغان سَسی اوُجالوب عَرشِ لامَکانَه یِتِیشدی

جِدانُون اوُستَه دایاندُون هامی بُو مَطلَبی بُولسُون
گُلون تَعصّبی عالَمدَه باغبانَه یِتِیشدی

اَیاق یالین تِیکان اوُستُوندَه کارِوانی گزُوردُوم
اَلِیم نَه بیر کَسَه چُولدَه نَه خانمانَه یِتِیشدی

نَه غَملی قافلَه نُون رَدّین آختارُوب تاپا بُولدُوم
نَه بیر کُمکچی نَه سیزدَن مَنَه نِشانَه یِتِیشدی

یُوخُیدی چارَه یُورولدُوم بابا یُول اوُسته اوُتُوردُوم
قُوجاقلادِیم دِیزیمی نالَم آسِمانَه یِتِیشدی

سَسیم باتُوب او قَدَر عَمّه عَمّه سَسلَمِیشَم مَن
نَقَدرِی غُصّه بُولُورسَن بُو خَستَه جانَه یِتِیشدی

سِیخیلدُوم اوُز پَرِیمَه پَر شِکستَه یارَه لی قُوش تَک
نَه لانَم اوُلدی او چُولدَه نَه آب و دانَه یِتِیشدی

تَرحّم اِیلمَسِیدُون جِدادَه چُولدَه ئولَردِیم
بُو غَملی عُمرُومَه لُطفونلَه پِشتوانَه یِتِیشدی

بُویُوم جِدایَه یِتُوشسِیدی گُوزلَرُوندَن ئوپَردِیم
دِریغ اوُلا باشُیوِین وَصلی نِیزَه بانَه یِتِیشدی

گَلَندَه زَجرِ لَعین کاش او چُولدَه سَندَه اوُلیدُون
گُورِیدُون اوُردا نِئجَه ظُلم لَر عَیانَه یِتِیشدی

گُورَندَه قَمچی سینی قَلبیم اَسدِی دُوردُوم اَیاقه
اوُرگیم اَسدی جَفا تِیغی اُستُخوانَه یِتِیشدی

سَلام وِئردُوم او شُومَه تَرَحّم اِیلیَه بَلکه
مَنیم مُقابِلیمَه لِیک وَحشیانَه یِتِیشدی

باشینُون اوُسته دُولاندِیردِی قَمچی سین مَنی وِورسُون
اَلیم نَه قاسِمَه نَه اَکبَرِ جَوانَه یِتِیشدی

نَه حالدا گُوردِی مَنی یُولداشی تَرَحّمَه گَلدی
چَتین زَمانَه دَه اِمدادَه مُنصُفانَه یِتِیشدی

دِئدِی مُرُوّت اِئله قُورخودان ئولُوبدی گُورُورسَن
بُو ظُلم و بُو سِتمُون رَخنَه سی جَهانَه یِتِیشدی

دُوداقی پارچالانُوب گُوزلَرُون یُومُوب باخا بُولمُور
اوُنُون بُو کَلمَه لَرِیندَن قِیزُون اَمانَه یِتِیشدی

گُورَندَه عاطفَه دُشمَندَه اِضطرابیم آزالدِی
غَرِیقِ بَحرِ غَمَه مُژدهء کَرانَه یِتِیشدی

اَیاقلاریما باتُوب نِیشِ خار گُوز گُوز اوُلوبدِی
نَه ظُلم لَر باباجان گُور بُو ناتوانَه یِتِیشدی

تَوَجّه اِیلدی عَصرُون اِمامی نُوحَه وَه #انور
اوُدور که سُوزلَریوَه رُوحِ جاودانَه یِتِیشدی

• سه شنبه
• 7
• شهریور
• 1402
• ساعت
• 23:51
• نوشته شده توسط
• یوسف اکبری

باخارام ال اوسته جنازوه
گلرم فغانه خرابه‌ده
هامیدان چوخ اکبرئوپن دوداق
بلشوبدی قانه خرابه‌ده
.
.
.
گوزلیم او گونکه ولادتون
سالوب اهل یثربی حیرته
یوزوی گورَن دئدی باخمارام
نقدر بو وار گُل جنّته
باخورام من عالم فکریده
او ولادته بو شهادته
نفسیمدن اود کیمی قوزانور
فلکه زبانه خرابه‌ده
.
.
.
او زمان که هی سنی دمبدَم
قوجاقیندا اکبر ائدردی ناز
رُخِ دلنشینوه مشتری
چوخی اهلِ یثربیدی حجاز
نه آز اولدی نازلی گونون بالا
دوشوب ائللره بئله سوزوساز
یانوری منیم کیمی نُه فلک
اوجالان فغانه خرابه‌دَه
.
.
.
سنی بحر غصّه‌ده گزدیروب
فِتَنِ زمانه بَلَم کیمی
اوره‌گون قانیلا مُژون یازوب
غموی عذاره قَلَم کیمی
یوزوی گوگرت

• سه شنبه
• 23
• مهر
• 1398
• ساعت
• 13:52
• نوشته شده توسط
• ابوالفضل عابدی پور

ئولورم خرابه ده یادینه
منی سالموری بابام عمّه جان
منه دور ایاقه علاج ایله
یاتا بُلمورم آجام عمّه جان
.
.
بو قدر مصیبت و دردیله
دیری قالموشام ندن اُلمورم
منی آل قوجاقیوه عمّه جان
قوریدور یریم یاتا بُلمورم
قولومی دوشاخه چوخ اینجیدور
یانوب آغلورام اودی گُلمورم
نه روا بو خورداجا سنّیله
بیله اوتدا من یانام عمّه جان
.
.
من اگر اَلم دوتاجاقدی کیم
بو خرابه شامیده یاسیمی
قیریلوب ایلیم، گیدوب عزّتیم
داغیدوب زمانه اساسیمی
بابام ایمدی کاش گَلوب گوره
منیم عمّه کهنه لباسیمی
هامی سرگذشتیمی بیر به بیر
اونا منده آندورام عمّه جان
.
.
من او بلبلم که خزان اولوب
سارالوبدی گُللریم آغلارام
منی گورماقا بو خرابیه
نیه

• سه شنبه
• 23
• مهر
• 1398
• ساعت
• 14:08
• نوشته شده توسط
• ابوالفضل عابدی پور

جان وئردی باوفا قیزون
ویرانه یئرده حسین
نار غم داغلی قلبیمی
یاندیردی بیرده حسین
.
زهرایه اوخشیان قیزون
دنیانی آتدی حسین
یومدی آغلار قالان گوزون
بختیم تک یاتدی حسین
.
گلدون منه جانانه
بو شام غریبانه
.
آهوی حرم ئولوب
اوچ یاشدا ننم ئولوب
.
.
.
.
ازبس وورمیشدیلار اونی
رنگی دونموشدی حسین
شمع شوقی بو عالمه
دلده سونموشدی حسین
.
گوزلر یولدا خرابه ده
هرگون سسلردی سنی
بوینی چیگنینده باخماقی
قارداش آغلاتدی منی
.
قاره گونه قالدی حسین
گل مثلی سارالدی حسین
.
آهوی حرم ئولوب
اوچ یاشدا ننم ئولوب
.
.
گوردی طشت ایچره باشووی
حیرتله باخدی بالام
خورشیدی درک ایدوب ئوزی
اولدوز تک آخدی بالام
.
ئوپدی تاخیزران یئرین
سسل

• سه شنبه
• 23
• مهر
• 1398
• ساعت
• 15:26
• نوشته شده توسط
• ابوالفضل عابدی پور

بابا گوشواره می آلدیلار قولاقیمدا واردی علامتی

ائله بیل بو لشکر کافرون یوخوموش اقللی شرافتی

گوگروبدی ظلم سنانیلن قیزوون بو دشتیده صورتی

نچه مین سپاه جهولیدن بیزه یاوری ائدن اولمادی

▫️▫️▫️▫️

گئدورم خرابه ده گوزلرم سنی بیر گئجه یاتا بیلمرم

گوزومی هر آن تیکرم یولا سنی قلبیدن آتا بیلمرم

من اوزوم کی نجم منوّرم گونی گورمسم باتا بیلمرم

گیدورم دمشقی وطن ایدم منه کربلا وطن اولمادی

▫️▫️▫️▫️

ایاقیمدا واردی یارا ولی اونا قویماقا یوخوموز دوا

حرم اهلی سربه سر آغلاشور هاموسی اولوبدیلار هم نوا

بو عطش جانیم اولا هر زمان اورگونده اوخ یارووا فدا

باشا سالمیشوک هامیمیز قرا بیزه تسلیت دئین اولمادی

• یکشنبه
• 11
• آبان
• 1399
• ساعت
• 16:03
• نوشته شده توسط
• یوسف اکبری

قویما توپراقا جمالون نازلی سُوگلیم رقیه
گل قوجاقیمه او زلفون توپراقین سیلیم رقیه

ائتمه غم اگر الوندن گئتدی عزّت و اساسون
آه چکمه غصه‌لنمه کهنه‌دور قزیم لباسون
جانیمی آلوبدی باالله ناز و عجز و التماسون
بو خرابه‌ده بوکولدی غصه‌دن بئلیم رقیه

شاهزاده‌سن سوزوم یوخ مسکنون دگول خرابه
گلموری گمانیم امّا فرشه تخت و رختخوابه
آلِ بوتراب عیالی یوز قویا گرک ترابه
نیلیوم گئدوب جلالیم بوش قالوب الیم رقیه

چیخما کوچیه گورورسن قزلار ایلوری اذیّت
گه لباسیوه گولوللر ایلیورله گه شماتت
داش آتور سنه اوشاقلار بیر کس ایلمور حمایت
بیز بو شهریده غریبوک قالمیوب ائلیم رقیه

صبر ائله قزیم قئیتسون قارداشون آتان سفردن
اکبریم گلوب قوتارسون جانیوی خرابه‌لردن
زینبین یارالی قلبی اود دوتار بو غصّه لردن
شوریله یّتر تمامه آی گونوم ایلیم رقیه

قلبیمه بو شامون اهلی غم قویوب قزیم غم اوسته
قویما گل یوزون ترابه قوی یارالی سینه‌م اوسته
دور گتور قبار ایاقون قوی بو یاشلی دیده‌م اوسته
سن امانتِ حسین‌سن ای شیرین دیلیم رقیه

آز دیلونده اصغر آدین ازبر ایله گَل فغانه
گورموسن آنان ربابین گوز یاشی دونوبدی قانه
غصه‌دن دولوبدی قلبی آختارور قزیم بهانه
صبر ائله غم و بلایه ای سولان گلیم رقیه

سن قزیم، یزید شومین اهلبیتینه قاریشما
گر قیزی نوازش ائتسه آلسا گوگلوی باریشما
سن او کافرین قزیلان گفتگو ائدوب دانیشما
گئتمه یانینه گلنده تا اوزوم گلیم رقیه

آلتی آیدی کربلادن گورمیوبدی شانه زلفون
قتلگاهدن تِلینده ساخلیوب نشانه زلفون
گل ئوپوب سولان جمالون وئر اویان بویانه زلفون
ای سپهر معرفتده بدر کاملیم رقیه

گوزیاشون یاخار یزیدین عاقبت بو خانمانین
یاندیرار شرار آهون بو صفالی دودمانین
بیر گونی الیندن آلّام شامی من بو بی حیانین
ایلرم سنه قباله خسته بلبلیم رقیه

بش گونون قوناقیوخ بیز سن همیشه‌لیک قالارسان
شامدن چوخ عزّتیله سن بیزی یولا سالارسان
بو گروه بی حیادن یاخشی انتقام آلارسان
مرحبا دئیر گورنلر شاد اولار دیلیم رقیه

گرچه عمریوی گئچیتدون درد و محنت و غمیله
مونس اولدون آه و ناله اشک چشم پُر نَمیله
شامی ایله‌سن تَصرّف سبز رنگ پرچمیله
ای منیم بو ظلمت ائوده شمع محفلیم رقیه

من «کریمی‌ام»ازلدن خادمم بو دودمانه
باشیمی وفالی ایت تک قویموشام بو آستانه
ایندی ائتمیشم الیمده من بو نوحه‌نی بهانه
سن اوزون توجه ایله واردی مشگلیم رقیه

• یکشنبه
• 11
• آبان
• 1399
• ساعت
• 16:32
• نوشته شده توسط
• یوسف اکبری

رقیه نازلی صورتون (قویما دیواره) (۲)
بو کربلا یوللارینا ( باخما آواره (۲)
رقیه آغلاما - سینمی داغلاما

سفرده دور بابان گلر ای مه انور
بوگون سحر حسیندن بر خبر گلر
گلر سنی آپارماقا شاه بی لشگر
اورکدن آه چکمه چوخ باخما یوللاره
رقیه آغلاما - سینمی داغلاما

عذاره بر بیله قزیم توکمه گوزیاشون
منیم کیمی بلالره توش اولوب باشون
بوشامون اهلی بیلمسون یوخدی قارداشون
ورولا طعنه یوخسا چوخ سن دل افکاره
رقیه آغلاما - سینمی داغلاما

خرابه دن کناره چوخ گتمه مه پاره
بو شام قیزلاری ورور قلبوه یاره
چتندی آیریلق ندیم منده یوخ چاره
که یوخدی چاره دهریده فرقت یاره
رقیه آغلاما - سینمی داغلاما

رقیه سویگلوم گولوم گول گله گوللر
سنی قفسده گورجاقین یاندی بلبل لر
منی کباب ایدور قزیم بو شیرین دللر
دوز ایندی دوشموسن بیله دام اغیاره
رقیه آغلاما - سینمی داغلاما

بابان گیدوب سنه آلا تازه گوشواره
او گوشوار عشقدور چاتماز اغیاره
بو قدر گوزیاشون قیزیم توکمه رخساره
بو تیر آهون ایلدی قلبیمی یاره
رقیه آغلاما - سینمی داغلاما

هوا دولار یاغار ولی سن کیمی دولماز
چمنده گل آچار صولار سن‌کیمی صولماز
جهاندا چوخ یتیم اولار سن کیمی اولماز
نه من جهان پر فتن گلدی اقراره
رقیه آغلاما - سینمی داغلاما

ملالون "عینی فردیدن" صبر آلوب آغلار
بو هئیت رقیه ده سینه سین داغلار
اَریر دوشونسه دردیوی غصه دن داغلار
دقیقه گولمدی جهان آل اطهاره
رقیه آغلاما - سینمی داغلاما

• چهارشنبه
• 28
• آبان
• 1399
• ساعت
• 12:30
• نوشته شده توسط
• یوسف اکبری

اى عمه! منیـم کاش ائلـه امکانیــم اولئیــدى
سینه‌مـده بو باش، بیر گئجه مئهمانیم اولئیدى

اى کاش بۇنون ذکرینى بیر آن ائشیدئیدیـم
بـۇ قانلێ دوْداقدان گئنـه قرآن ائشیدئیدیـم
هـر دم بابا جانیم چاغێریب، جان ائشیدئیدیم
قوربان بابامین جان سسینه جانیم اولئیدى

اوّلده گرک باوریمى محکـــم ائدئیدیم
پیشــوازه قاچێـب گؤزلریمـى پُر نم ائدئیدیم
گؤزیاشلاریمى جمع ائله‌ییب مرهم ائدئیدیم
الـده یارالـى لبلـه‌ره درمانیـم اولئیـدى

بیلسئیدیم اگر، اشکیمى یوللاره سپه‌ردیـم
گلسئیدى آیاغیلـه آیاق ردّین اؤپـه‌ردیـم
فرشیم یوْخودو زولفومو توْپراغه دؤشه‌ردیم
ویرانه ائویم لاییق مهمانیم اولئیـــدى

دۇتدو بـو گئجه اوّل شبدن منـى غفلــت
گؤى اهلینى دعوت ائله‌یم اوْلمادى فرصت
دوتسئیدیم عزا من بو باشین شأنینه نسبت
جئبریل گرک بو گئجه دربانیــم اولئیــدى

چـوْخ وئردی منـه زجـر، دنی گـؤز یاشـا خاطیر
سرنئیزه ده دۇرمۇشدۇ بو باش یوْلداشا خاطیـر
آلـلاه منـی حیفـظ ائتـدی فقـط بـۇ باشـا خاطیر
عئشقیمده ریضـا اوْلمـادی، نوقصـانیم اولئیـدی

آخئرده یئتیـب، چـوب-ی-جفـا دسـت-ی-یزیـده
وۇردۇ اوْنـۇ غئیظیله لـب-ی-لعـل-ی-شهیــده
زینـب بـی‌بـی‌میـن قـددین اَگیب ائتـدی خمیده
هیچ بیر دئمه‌دی یاخشێدێ ویجدانیـم اولئیـدی

• جمعه
• 5
• دی
• 1399
• ساعت
• 23:29
• نوشته شده توسط
• یوسف اکبری