اشعار حضرت رقیه(س)

نصف شبده کوچ ایدوب کاروان دایانمادی
هرچه سسلدیم بابا ساربان دایانمادی
.
.
بیر یتیم و بی کسم من غریب خوار و زار
قورخولی قرا گیجه پهن دشت و ریگزار
هم صدا اولور منه سسلننده کوهسار
مغربه یتوب مهِ آسمان دایانمادی
.
.
وار نه باشدا معجریم نه ایاقدأ باشماقیم
خسته ائیلیوب منی پاپیاده قاچماقیم
داش دگوب ایاقیمه پارچالاندی بارماقیم
باغلیانمدیم اونى آخدى قان دایانمادی
.
.
وئرمه دون سسیمه سس سسلدیم هرایه من
گوزدن آتموسان منی ایلرم گلایه من
چوخ بجادور ایلسم شمردن شکایه من
دردیمی دیوم سنه نیزه بان دایانمادی
.
.
سالدی چوللره منی ساربان بابا بیله
عمه مون حضورینه یتسم ایلرم گله
سؤیلرم ندن بی بی کوچ ایدنده قافله

• چهارشنبه
• 10
• مهر
• 1398
• ساعت
• 14:49
• نوشته شده توسط
• ابوالفضل عابدی پور

سبک : اصغریم ای شیرین زبانیم ...
.
.
آی منیم یارلی قوناقیم
اولدی ویرانه لر اطاقیم
چوللری قاچمیشام دالینجا
باخ قاباردی بابا ایاقیم
.
نار هجرونده سینمی داغلامیشام
نیزلر باشینه باخوب آغلامیشام
منی آتما
چوخ آغلاتما
.
.
.
.
.
باخ بابا گور نه حاله قالدیم
هر گلندن سراغین آلدیم
یولارا بسکه باخدیم آغلار
من بو آز سنیده قوجالدیم
.
حسرتیم وار منی قوجاقه آلاسان
گوشواره قولاقیمه سن سالاسان
منی آتما
چوخ آغلاتما
.
.
.
.
.
آلدیم هر دردی من بوجانه
باشلادیم نوحه یانه یانه
قلبیم اولدی کباب او ظالم
عمَّمَه ویردی تازیانه
.
باخ بابا عمَّمَین آخان گوز یاشینا
گوگلون آل چوخ دگوبدی قمچی باشینا
منی آتما
چوخ آغلاتما
.
.
.

• چهارشنبه
• 17
• مهر
• 1398
• ساعت
• 14:59
• نوشته شده توسط
• ابوالفضل عابدی پور

صبا حسینه ویر خبر
قیزون رقیّه جان ویرور
سنون کفن سیز ئولماقون
خرابه ده نشان ویرور
قیزون رقیّه جان ویرور
.
.
بابا بابا دیور یانور ایدور نظر صاقا صولا
یقین یولون گوزَتلوری تیکوبدی چوخ گوزین یولا
بو قدر قویما گوزلری یولوندا انتظار اولا
نوید وصلون اولسا گر حیات جاودان ویرور
.
.
پوزوبدی حالی حالیمی گرک ئولونجه دل یانا
اگرچه نار غصّه دن یاخوندی قلبیم اودلانا
تمام غصّه بیر یانا ولی بو غصّه بیر یانا
قوری یر اوسته بیله جان بو طفل ناتوان ویرور
.
.
حرملرون باخور یانور آناسی اشکبار اولور
جنازه اوسته باش آچوب باجیسی ساچلارین یولور
قولوندا قمچی یرلرین گورنده گوزلریم دولور
حنوطی خاک غسلینی بو چشم خون فشان وی

• پنج شنبه
• 18
• مهر
• 1398
• ساعت
• 13:05
• نوشته شده توسط
• ابوالفضل عابدی پور

راحت جان روح روان رقیه رقیه
آهو باخیش غنچه دهان رقیه رقیه
ائتمه منیم باغریمی قان رقیه رقیه
.
.
گوز یاشیوی خون دله قاتوبسان قاتوبسان
وصلتِ دلداره قزیم چاتوبسان چاتوبسان
قبریده سن قاره کفن یاتوبسان یاتوبسان
عمّون اولوب قدی کمان رقیه رقیه
.
.
صحنۀ عشقیمده گوزل بهاریم بهاریم
عمرومه دوز بخت ائویمه وقاریم وقاریم
گور نجه سلب اولدی منیم قراریم قراریم
آچ گوزیوی یاتما اویان رقیه رقیه
.
.
عمه لرون دویمادیلار سوزوندن سوزوندن
غصه توزون سیلمدیلر یوزوندن یوزوندن
آخدی ئورک قانی قرا گوزوندن گوزوندن
حالیوه اولمادی یانان رقیه رقیه
.
.
پنجۀ جبریله قزیم تالاندون تالاندون
چوللری قول باغلی گزوب دولاندون دولاندون
درد

• سه شنبه
• 23
• مهر
• 1398
• ساعت
• 14:06
• نوشته شده توسط
• ابوالفضل عابدی پور

سلام اولا غمی آرامینی آلان بالیا
سلام اولا گئجه آج شامیده قالان بالیا
.
سلام اولا یوزی زهرایه بنذین بالیا
دیار کرب وبلادن قرا گین بالیا
.
سلام اولا اورگین تیر غم بولن بالیا
قوناقینون دوداقیندان ئوپوب ئولن بالیا
.
سلام اولا غمینی اکبره یازان بالیا
گجه مزارینی ئوز عمّه سی قازان بالیا
.
رقیه کیمدی دیوم گلشن حیا گولیدی
رقیه زینب علیا جنابه سوگُلیدی
.
دوتوب خدایه طرف صورت محجّبه سین
یخوب یزیدی پوزوب طمطراق و دبدبه سین
.
رقیه کیمدی دیوم سفره صفا دوزیدی
رقیه فاطمه نون اوغلونون گوزل قیزیدی
.
رقیه کعبه عشقی طواف ایدن حاجیدی
رقیه اکبره باب الحوائجه باجیدی
.
اوخی تواریخی کهنلمین کلامینه باخ
ملائکه سوپورو

• سه شنبه
• 23
• مهر
• 1398
• ساعت
• 14:08
• نوشته شده توسط
• ابوالفضل عابدی پور

قمچی اثرین ساخلادی قوللاردا رقیه
ویرانه ده قالدی گوزی یوللاردا رقیه
.
.
شاماتیده یورقون بدنه قاره گیَردی
دیدارینه کیم گلدی دیدی عالی سیَردی
قلبی دوتولاردی سوزین اللهه دیَردی
بیر گون داریخوب قوش کیمی چخدی قفسیندن
آز قالدی یانا یر یوزی اودلی نفسیندن
.
.
اگلشدی خرابه قاپوسیندا یولا باخدی
شاید باباسی شامه گله شاد اولا باخدی
گون باتدی خبر اولمادی صاق وصولا باخدی
ویرانه ده دردین دیه غمخوارینه گَلدی
رؤیاده باباسی گجه دیدارینه گَلدی
.
.
یانمشدی فراقینده دایاندی قاباقیندا
گوردی یارالی صاحب خانه قوناقیندا
قان قطره سینه گوزلری دوشدی دوداقیندا
دیداریمه گلدون دیدی ای غملی قوناقیم
ویرانم ایشقلاندی صفا تاپدی

• سه شنبه
• 23
• مهر
• 1398
• ساعت
• 15:18
• نوشته شده توسط
• ابوالفضل عابدی پور

سبک : ای نامت از دل و جان ...
.
حسرتله عمری گئچن باده ایچن پیالۀ غمدن
دلدن افغانه گلن جانه گلن دویان بو عالمدن
کاروان غم گوزلی
دفتر عشقین غزلی
عزالی پروانه
چراغ ویرانه
.
.
.
.
.
ای دردی دلده قالان الده قالان نشانه سی لایلای
گلزار عشقه سالان آه و فغان ترانه سی لایلای
بلبل پربسته قیزیم
کربلادن خسته قیزیم
طنابی قولّاردا
یورولدی یولّاردا
.
.
.
.
.
.
قازدیم قبرین گئجه من مرغ چمن قویولدی توپراقه
تا ئولدی غملی بالا شال عزا چکیلدی آفاقه
من نه چکدیم بیلدی بالام
غربت ائلده ئولدی بالام
نجه بو درده دوزوم
قرایه بوکدوم ئوزوم
.
.
.
.
.
سجّاد ائتدی آه وفغان گوردی عیان او نیلی اعضانی
گویا بیر آیری علی اَسدی اَ

• سه شنبه
• 23
• مهر
• 1398
• ساعت
• 16:09
• نوشته شده توسط
• ابوالفضل عابدی پور

ای عمه روزگاریدن
یورولموشام داریخمیشام
بو چرخ کج مداریدن
یورولمیشام داریخمیشام
.
.
باشیمدان عمه جان بابام خیالینی آتانمورام
فراقینه دؤزنمیرم وصالینه چاتانمورام
قوجاقینه چؤخ اورگدیب خرابه ده یاتانمورام
بو غصه لی دیاریدن یورولمیشام داریخمیشام
.
.
آلوبلا گوشواره می، دئمم طلامی ایستیرم
نه وار طعامه رغبتیم نه ده سو جامی ایستیرم
بو نسگیل ئولدورر منی فقط بابامی ایستیرم
داخی بوشام تاریدن یورولمیشام داریخمیشام
.
.
گرکدی میزبان ادب نشان وئره قوناقینه
بابام گلنده قورخورام دورانمیام ایاقینه
ایاقلاریمدا یاره وار نه جور چیخیم قباقینه
یول اوسته زخم خاریدن،یورولمیشام داریخمیشام
.
.
بابام گلن زمان منه حمایت ای

• سه شنبه
• 23
• مهر
• 1398
• ساعت
• 16:38
• نوشته شده توسط
• ابوالفضل عابدی پور

ای دستگیر شامیان ایوای بالام وای
ویردون خرابه یرده جان ایوای بالام وای
.
.
دور بیر اوتور آچ گوزلرون ای نور عینیم
آخر سنه مهمان گلوب بیکس حسینیم
یا گورموسن عرشه چخوبدور شور و شینیم
اولموش منه ورد زبان ایوای بالام وای
.
.
قویدون عجب آغلار منی ای زار و خسته
بو پاره پاره قلبیمی قیلدون شکسته
توپراقلار اوسته یاتما دور گل سینم اوسته
یاندیم الولاندیم امان ایوای بالام وای
.
.
بو دهریده هر بیر غمه دوزدوم دایاندیم
هر بیر دیاری شمریلن گزدیم دولاندیم
اما سنون احوالیوه بیر اوزگه یاندیم
باغریم اولوبدور لخته قان ایوای بالام وای
.
.
نه وار سسیمه سس وئرن نه بیر گلن وار
گورسون خرابه گوشه سینده بیر ئولن وار
یرده

• سه شنبه
• 23
• مهر
• 1398
• ساعت
• 17:02
• نوشته شده توسط
• ابوالفضل عابدی پور

لای لای ای ناله سی آفاقه چاتان نازلی بالا

لای لای ای پاره حصیر اوسته یاتان نازلی بالا

لای لای ای گوز یاشینی قانه قاتان نازلی بالا

لای لای ای عمه لرین گوزدن آتان نازلی بالا

عمون اولسون سنه قربان یارالی جان یارالی

یارالی جان یارالی جان یارالی جان یارالی

عمون اولسون سنه قربان یارالی جان یارالی

لای لای ای غصه قرارین آلانیم نازلی بالا

لای لای ای درده ربابی سالانیم نازلی بالا

لای لای ای نیمهٔ شبلر یوخودا نازلی بالا

قارداشی اصغره لای لای چالانیم نازلی بالا

گئدوسن اصغره مهمان یارالی جان یارالی

یارالی جان یارالی جان یارالی جان یارالی

عمون اولسون سنه قربان یارالی جان یارالی

• چهارشنبه
• 28
• آبان
• 1399
• ساعت
• 12:17
• نوشته شده توسط
• یوسف اکبری

ای دل دعاده سسلن لبیک یا رقیه
صبح و مساده سسلن لبیک یا رقیه
خوف و رجاده سسلن لبیک یا رقیه
گیت کربلاده سسلن لبیک یا رقیه
گل شور و شینه سسلن لبیک یا رقیه
یالوار حسینه سسلن لبیک یا رقیه

لبیک یا رقیه دلده شعاریمیزدی
آنداولسون حقه‌بو قیز شأن و وقاریمیزدی
عالم بیلور رقیه باغ و بهار یمیزدی
خالی قالان مزاری اصل دیاریمیزدی
یوز دوت دمشقه سسلن لبیک یا رقیه
گل شور و عشقه سسلن لبیک یا رقیه

هاردا رقیه آدی گلسه بیزه حرمدی
الله یانیندا بو قیز ای شیعه محترمدی
زینب دیردی بو قیز عینا"منیم ننمدی
دریای لطف‌و احسان دخت شه کرمدی
چوخ با کرمدی سسلن لبیک یا رقیه
ثابت قدمدی سسلن لبیک یا رقیه

من قطریم رقیه دریای بی کراندی
تا وار جهان رقیه محبوبه‌ی جهاندی
کیمدور بوقیز قلوب عشاقه حکمراندی
دشمن لری ذلیل و رسوای هر زماندی
بو سوز عیاندی سسلن لبیک یا رقیه
وقتی الاندی سسلن لبیک یا رقیه

• چهارشنبه
• 28
• آبان
• 1399
• ساعت
• 12:40
• نوشته شده توسط
• یوسف اکبری

من رقیه چمن آل علی بلبلیم
اوچ‌یاشیم‌ واردی حسین‌بن‌علی سوگولیم

شرف و شو کتیم عالمده منیم والادی
جدیم احمدی آنام فاطمه ی زهرادی
آستانیمدن ائدن کسب شرف حورادی
سینیم آزدی ولی دریای حیا و ادبم
من آنام فاطمه تک دهریده والا نصبم

منی عالم تانیور شاه ولانین قیزیام
اختر چرخ ادب مهرو وفا اولدوزویام
روضه‌لر سفرسنین هم دادیام هم دوزویام
بلون ای اهل ولا فاطمه ی ثانی منم
گلشن آل علینون گل ریحانی منم

قاپیمی کیم چالا عالمده گرفتار اولماز
آدیمی صدقیله سسلنسه بشر خوار اولماز
بی حجابدان منه اعلان ایدورم یار اولماز
حفظ‌دین‌حفظ‌حجاب‌اصل‌مرامیمدی منیم
ذکر تسبیح خدا دلده کلامیمدی منیم

افتخاریم بودی من دخت شه ذوالکرمم
زینب عمم کیمی هر عرصده ثابت قدمم
کوری چشم عدو صاحب صحن و حرمم
اجنبی ایستوری خمپاره ویرا بو حرمه
یخارام ایولرینی آند اولا قانلی علمه

من همانم که اورک ملکلرین قان ایلدیم
کربلا شاهینی ویرانیه مهمان ایلدیم
من یزیدین قصرینی آهیمله ویران ایلدیم
قویمارام داعش و وهابینی من اوز باشینا
باشلارین‌خورد الیوب‌چالام‌حقیقت داشینا

آهیمین وار کسری سوده ی الماس کیمی
بیچه‌جاخ هرزه علف‌تک اولاری‌داس کیمی‌
واردی غیرتلی عموم حضرت عباس کیمی
ظلمه باش اگممیشم چاتمشام عالی هدفه
دشمنیم خوار اولاجاق آند اولا شاه نجفه

آدینی شیعه قویانلار گرک هوشیار اولالار
پیرو مکتب دین جان بکف یار اولالار
هاردا ظلم اولسا گرک وارد پیکار اولالار
خطر احساس ایلیوب بید مثالی اَسَلَر
دشمن آل علی نسلینی یردن کَسَلَر

اهل تقوا اولا کیم فوری تاپار حق یولونی
بی دفاع ملته خاطر سپر ایلر قولونی
عموم‌عباس‌کیمین‌فدیه‌ویررصاق صولونی
دایانار مردیله مردانه دیر حق سوزونی
ساتمازعالمده‌اوجوز پست ومقامه ئوزونی

گون همان گوندی یقینیمدی همان یوم بلا
گنه تکرار اولونور واقعه ی کرب وبلا
شمریلر باش کسیری هاردادی مردان خدا
قویمیون حرمله‌لر عرصده فرصت تاپسین
بیرق‌کفری یخین جانلاری وحشت تاپسین

کوفه اهلی کیمی سیم و زره آلانمیاسیز
دینی دنیایه ساتان کافره آلانمیاسیز
وعده‌ی دشمن پست و شره آلانمیاسیز
یاپشین پرچممین‌گوشه‌سینی‌عشقیله سیز
یالوارون حضرت زهرا ننمه صدقیله سیز

مشکلوز اولسا دیون حضرت زهرا ننمه
گوزی قانیله دولان غملری عظما ننمه
پشت درده یخلان ام ابیها ننمه
هم آنام صورتینه هم منه سیلی ویرلیوب
یوزی دیواره دیوب رشته ی الفت قریلوب

درد گوشوارنی هم من بلورم همده آنام
او یانان درده و مصیبتده گرک منده یانام
یول گیدنده در و دیواره آنام تک دایانام
قبره منده گئجه یاری گیدرم فاطمه تک
بلمورم عممه کیم ایلیجاخ اوندا کمک

بو خرابه اولاجاقدی منیم اصل وطنیم
دینجلر تپراقین آلتدا بو گورمیش بدنیم
افتخاریمدی قرا کوینگیم اولسا کفنیم
تیکمیشم یولارا مدتدی بو آغلار گوزومی
باباما عرض ایدرم گلسه یانقلی سوزومی

چوخ‌چتین‌لحظه‌دی‌بولحظه‌منیم‌تک اوشاقا
عمرومون آخریدی جان یتشوبدی دوداقا
گوگلوم ایستیر منی اکبر آلا بیرده قوجاقا
(ماه پری) یازما دایان قلبلری قان ایلدون
یازدون آغلار‌گوزیله گوزلری گریان ایلدون

• پنج شنبه
• 29
• آبان
• 1399
• ساعت
• 20:37
• نوشته شده توسط
• یوسف اکبری

شیعه بی باک ترین مکتبی ایجاد ایلیوب
شیعه ویرانه حریتی اباد ایلیوب
شیعه حزب شرفی قانیله بنیاد ایلیوب
شیعه چوخدان قوشولوب بیعت پروانه لره
اگمیوب اگمیجک باشینی بیگانه لره

شیعه مستکبر و طاغوتیله پیکاریده دور
رمز پیروزی بی وقفه سی ایثاریده دور
اوج پرواز و تجلاسی سر داریده دور
قلب میداندا گزر جاهد نستوه کیمی
شیعه ظلمین قاباقیندا دایانار کوه کیمین

شیعه بوینون نه سلاطینه نه تهدیده بورار
قاف غیرتده ابوالفضل کیمین خیمه قورار
شیعه نون باشیده گئتسه سوزونون اوسته دورار
شیعه تاریخ بشرده حرکت باعثی دی
یعنی یتمیش ایکی وارسته قانین وارثیدی

شیعه عالمده گرک عاطفه فریادی اولا
یتیشه بیر یره کی معرفت استادی اولا
ئوز زمانینده پیام آور آزادی اولا
دوشه زینب کیمی چولدن چوله حقدن دانیشا
گلمیه قمچی الیندن دیله حقدن دانیشا

کوفه دن شامه وورا باشه حسین وای چاغیرا
توش اولاندا آقاسی داشه حسین وای چاغیرا
باخا سر نیزه ده قارداشه حسین وای چاغیرا
دئیه ای فاطمه ریحانی فدا گوزلروه
اوخی قرآن باجوون جانی فدا گوزلروه

ای قلم شام یولوندان سوز آچیلدی غمه باخ
گئچمه سوزدن دایانوب بو محن اعظمه باخ
کاروان اسراده علم ماتمه باخ
ناگهان گوردیله گویده مه روشن دایانوب
نیزه شاه شهیدان حرکتدن دایانوب

نیزه ترپنمدی سعی ایلدی دشمن نه قدر
هامی حیرتده قالوب بیربیرینه ائتدی نظر
دئدیلر راز امامی تک امام اوغلی بیلر
گلدی سجاد باخوب وضعه اولوب حالی غمین
اسرادن دئدی یولدا ایتنی واردی یقین

اسرادن سان آلوب فورا او دم زینب زار
گوردی اول غم زده پروانه لرین هاموسی وار
جمع ماتم ده فقط یوخدی بیر اوچ یاشلی نگار
مضطرب اولدی اوشاقلار اوجالوب آه و نوا
زجر مامور اولوب آهوی گریزانی تاپا

گئتدی تاپسون دل ظلمت ده رقیه خانمی
دئمورم گوردی نه حالت ده رقیه خانمی
قیتروب فورا او ساعت ده رقیه خانمی
گلدی دوز گئتدی خانم راس شهیدانه طرف
باخدی نه زینبه نه جمع اسیرانه طرف

ئورگین قهریله دریای بلایه ووردی
راس سلطان جنانیله مقابل دوردی
گوردی بیر ایش کی هامی قلبیلری یاندیردی
محفلی محفل عشقیله صفا فرض ائله دی
چوخ ادبلن یارالی باشه سلام عرض ائله دی

دئدی ای شاه سنه روح و روانیم قربان
قوریان لبلروه سوز نهانیم قربان
باخ منه دردیم آزالسون سنه جانیم قربان
تیتریئن دل دوداقیم مشگله سالمیش ئوزومی
دانیشا بیلمیورم سن اوخی گوزدن سوزومی

آتسا هر بلبلی گر باغ و چمن والله ئولر
کیمی صحراده اسیر ائتسه محن والله ئولر
قورخودان من کیمی احواله دوشن والله ئولر
ئولمدیم گلدیم ئوزونلن بابا صحبت ائلیم
زجریدن محضر پاکونده شکایت ائلیم

وار یادوندا دئیریدون منه مرضیه مرام
ایندی بیر دقت ائله ای ئورگی داغلی امام
هر جهتدن باخاسان فاطمیه اوخشیورام
عمری تک خارین الیلن گل عمریم سولدی
بیر گوزوم قانی آزیدی اودا تکمیل اولدی

ثانی ِ ثانی بیابانیده تاپدی منی تک
من دئدیم یوخدی الیمده سند ملک فدک
دئدی تکرار اولا یثربده کی برنامه گرک
ووردی بیر سیلی او دم جانیمی سالدی خطره
یوخودی دوره ده دیوار یوزوم دگدی یره

اوچ گئجه سن ساچیمی هورمدون الان منه باخ
آخی آغوشیده یر وئرمدون الان منه باخ
کوچه ده گر آنووی گورمدون الان منه باخ
سپمیشوک حق یولونا هر ایکیمیز قان یارالی
فاطمه سینه دن اما من ایاقدان یارالی

سرنوشتی عجب اوخشور بو ننه ایلن نوه نین
اودا اللرده ئولوب ئولملیم منده یقین
ولی بیر فرق ائدروک عاقبت ای سرور دین
اونا حیدر ائلیوب غسل کفن بوکدی گئنه
من قرا معجر ایچینده گئدرم قبر ائوینه

• پنج شنبه
• 29
• آبان
• 1399
• ساعت
• 20:56
• نوشته شده توسط
• یوسف اکبری

یتیمه بیر قیزام بابا یارالیام یارالیام
باشیمدا قاره معجریم عزالیام عزالیام

بابا بابا ديور ديليم آخور عذاره گوزياشيم
نه وارعليّ اكبريم نه واردي خيردا قارداشيم
خرابه يرده گوزياشيم اولوبدی یار و یولداشیم
نواليام نواليام نواليام نواليام

نيه بو نازدانه وی گوزوندن آتموسان بابا
مني گوزوندن آتموسان مرامه چاتموسان بابا
گجه چاقيندا من اوياق هاياندا ياتموسان بابا
فراقوه دوز نمورام ياراليام ياراليام

خرابه گوشه سينده گل بالووي آل قوجاقوه
آلاندا سن قوجاقوه دوداق قويوم دوداقوه
گرگدي جاني بذل ايدم سنون گوزل اياقوه
ديم بابا گوزل بابا وفاليام وفاليام

غروب اولاندا بو یره گلور بو شامون اهلی چوخ
گلن باخوب منه دیوريتيمه دورآتاسي يوخ
دلور بو طعنه لر منيم اورگيمي مثال اوخ
باشيم بلا ليدور بابا بلاليام بلاليام

آخوندي ايستيور گوره منيم مزاريمي بابا
منيم فراقيم ايليوب يانان ديلین بابا يارا
رقيه واي رقيه جان اولور ياراسينا دوا
ديور منيم كيمين اودا عزاليام عزاليام

رباعی

یتیمت را پدر جان یاد کردی
مرا زین آمدن. دلشاد کردی
در این ویرانه این ویرانه دل را
به یمن مقدمت آباد کردی

• چهارشنبه
• 19
• آذر
• 1399
• ساعت
• 00:04
• نوشته شده توسط
• یوسف اکبری

آی بالا یاتما اویان
آی کیمی باتما اویان
گوزلرون نن گوزلیم
عمه وی آتما اویان

آخینان گوزلریوه قربان اولوم
او شیرین سوزلریوه قربان اولوم

تیرِ آلام و محن
قلبیمی بولدی قیزیم
غَمِ هجرونده بی بون
غصه دن ئولدی قیزیم

گوندوزوم شامه دونوب آغلیارام
بختیمون شمعی سونوب آغلیارام

قلبیمون طاقتی سن
ائللریم شوکتی سن
اکبرون سویگولوسی
سینمون زینتی سن

گوزلرون آیه ویرور سان گوزلیم
او خمار گوزلره قربان گوزلیم

گوزیاشیم قاندی بالا
اورگیم یاندی بالا
عمه وه رحم ایله دور
دیده گریاندی بالا

اکبر اکبر دینیم آچ گوزیوی
رخت ماتم گینیم آچ گوزیوی

اولدی شرمنده بی بون
کفنون یوخدی بالا
جسمیوه قربان اولوم
یاره سی چوخدی بالا

قاره معجرله سنی کفن ائدرم
یاره لی پیکریوی دفن ائدرم

• جمعه
• 28
• آذر
• 1399
• ساعت
• 23:43
• نوشته شده توسط
• یوسف اکبری

به سبک(از صلابت ملت و ارتش و...)

مژده شیعیان برج عشقه مه ، ولا گلوب
شاد اولوب رباب دختر شاه کربلا گلوب

شوره گلدی عاشقان مکتب علی
چون جهانه گلدی یار زینب علی

یا رقیه، خوش آمدی ، یا رقیه2

مه لقا گلوب جان فزا گلوب
اهل عفته مقتدا گلوب

جهان عشقین یانوب مشعلی
گلوبدی دخت حسین علی

یا رقیه جان رقیه جان
جان سنه قربان رقیه جان

دختر حسین چاره سیز درده لره ، دوا ائدر
حاجتی اولان عاشقین حاجتین ، روا ائدر

عاشقانی دعوت ایله قبریوه خانیم
خورداجا مزاریوه فدا اولا جانیم

یا رقیه ، خوش آمدی ، یا رقیه 2

آیه سان وئرور گوزلرون سنون
شاهه ناز ائدور نوکرون سنون

مگر سنون تک گوزل ماه اولار؟
سنون قاپوندان گدا شاه اولار

یا رقیه جان رقیه جان
جان سنه قربان رقیه جان

• شنبه
• 29
• آذر
• 1399
• ساعت
• 23:42
• نوشته شده توسط
• یوسف اکبری

ای سه ساله سالک عرفان سلام اولسون سنه
ای آدی هر دردیچون درمان سلام اولسون سنه

سن بهشته دؤندروبسن منزل ویرانه نی
ای وئرن ویرانه یئرده جان سلام اولسون سنه

ای گزن صحرالری پای پیاده صبح و شام
شام ویراندا دوشن جاندان سلام اولسون سنه

ای قولون قمچی یوزون سیلی گووردن مه لقا
ای ایاقی یاره لی جیران سلام اولسون سنه

ای خیامه اوت ووران ساعتده دامانی یانان
صاق صولا شهپر چالان طرلان سلام اولسون سنه

وار یوخی الدن گئدن گوشواره سین دشمن آلان
قاره معجرلن گزن ویلان سلام اولسون سنه

ای دوشن زینب کیمی بیر باش دالیجا چؤللره
دختر غمدیده سلطان سلام اولسون سنه

وای بابا دیلده وفاسیز کوفه ده ئوز دردینه
نیزه باشیندن آلان درمان سلام اولسون سنه

ای یاتان ویرانه ده تپراقلار اوسته آج سوسوز
اکبره جانین وئرن قربان سلام اولسون سنه

ای گؤرنده عمه سین دایم باباسین ایستیین
میهمانه میزبان مهمان سلام اولسون سنه

ای یارالی باشی گؤرجک گؤز یوموب دیلدن دوشن
قبرینی زینب قازان جانان سلام اولسون سنه

ای گئدن قبره قرا بیر معجریلن نصف شب
دفنی زهرایه اولان همسان سلام اولسون سنه

کانال اشعار عباسی معروفان اهری

• سه شنبه
• 2
• دی
• 1399
• ساعت
• 23:10
• نوشته شده توسط
• یوسف اکبری

رقیه گل قوجاقیمه هله شکایت ایلمه
گوز آلتی باخما نیزیه منی خجالت ایلمه

قزیم ندن بو گوزلرون دولومسنوب دولوم دولوم
ایدیم نه چاره سنکمی منیمده باغلیدی قولوم

گلیلی باخما نیزیه اشاروه فدا اولوم
منه دی هر گلایوی اونا شکایت ایلمه

گل ای گوزل حسینمون گوزل بالاسی آی بالا
انام بتوله اوخشیان گوزون فداسی آغلاما

گل ای گوزل حسینمون گوزل بالاسی آی بالا
انام بتوله اوخشیان گوزون فداسی آی بالا
او گوزلرون بو سینمه گله قاداسی آی بالا
باخوب جدایه آغلاما بله قیامت ایلمه

بو کاروانی نیزه ده اوقانلی باش دایاندیروب
دالونجا گوزیاشین توکوب جهانی آهی یاندیروب
جداده سن گلن یولا اوقدری گوز دولاندریب
محبتون اسیرینی انیس محنت ایلمه

غم و بلایه صبر ایله سن ای غزال فاطمه
مگر مقام صبردن چخار عیال فاطمه
گرگ سه ساله فاطمه اولا مثال فاطمه
گل ایندی دن شکایته بو قدری عادت ایلمه

دیدی که عمه کوسموشم گلنمرم قوجاقوه
کم اعتنالیق ایتموسن موقتی قوناقوه
او باشه خاطر عفو اله دولاشسام ال ایاقوه
دوشوب میننده ناقیه گوزتله غفلت ایلمه

منه یقیندی سینمیوب هله یانیندا حرمتیم
ولی بولورسن عمه جان شکسته قلب اولار یتیم
بابام منه خبر ویروب دمشقه جکدی زحمتیم
دمشقده من اولمسم قبول زحمت ایلمه

گلایه سین که آندیروب ادبلن اول مودبه
یولون بلالرین دیوب او دختر محجبه
بو سوزلرین تاثری اوخ اولدی قلب زینبه
دیدی فراقه یانمشام یانقلی صحبت ایلمه

قزیم دی دردون آغلیوم دویونجا من فغانیله
بوشات بو جام چشملن اورک دولوبدی قانیله
الون اوپوم حلال ایله باریش بیر عمه جانیله
گوز اوسته ویرمسم یرون منی اجابت ایلمه

یتیم اوشاقی ناز ایده وظیفه دور بیوکلره
آنام یقین الین چکوب بو توز باسان هوروکلره
گرگدی گوزلریم چکم تبرکا بو توکلره
اولنجه مندن اوزگه سین بو فیضه شرکت ایلمه

اورکلنوب او قیز دیدی باخ عمه لطف داوره
سالوب آنام بتولیده منیم دالیمجا چوللره
منی گزوب تاپوب آنام آلوبدی زیر شپره
اوپوب باساردی باغرینا دیردی وحشت ایلمه

دیدی قیزیم بو گل یوزون ندن سولوب منیم کیمی
یوزونده سیلی ردی وار کبود اولوب منیم کیمی
گل اوخشیاق بیر آغلاشاق گوزون دولوب منیم کیمی
بو شرطلن دویولمگون منه حکایت ایلمه

او چولده بیر بیریمیزی آنا بالا قوجاقلادون
او محسنی من اصغری هی اوخشادوق هی آغلادوق
اورک آلشدی اشگیلن اوت اوستنه سو باغلادوق
دیدیم قویوب گیدوب منی اسیررفرقت ایلمه

بابامدا که آتوب منی نه وقتیدور قویوب گیدوب
لباس انس و الفت و علاقه نی سویوب گیدوب
فلک یخان رقیه دن چوخ اینجیوب دویوب گیدوب
دیدی قضانون امرینه قزیم قضاوت ایلمه

گلر بابون خرابه دن تاپار بلا خزینه سین
گورر بلالی زینبین رقیه سین سکینه سین
یارالی باشی آختارار فقط رقیه سینه سین
دیر بو دار فانیده قزیم اقامت ایلمه

• جمعه
• 5
• دی
• 1399
• ساعت
• 23:21
• نوشته شده توسط
• یوسف اکبری

بو گئجه وار خرابه نون آیری هواسی عمه جان
دور ایاقا بو منزلون گلدی صفاسی عمه جان

لطف ایلیوب قوناق گلوب عمه بابام بو منزله
باش چڪه باغبان ڪیمی ڪنج خرابه ده گله
گور نه ایشیق سالوب باشی بو گئجه غملی محفله
هانسی گونون اولار بئله نور و ضیاسی عمه جان

شڪر ایلیرم زیارتین حق منه نائل ایلیوب
لطف و عنایتین منیم حالیمه شامل ایلیوب
چوخ دولانوب یقین بابام طی منازل ایلیوب
خسته دی یاتمیوب یقین یوخدی قواسی عمه جان

قیزلارا عمه وئر خبر آغلاماسونلا بو گئجه
عارضه اشڪ آلینی باغلاماسونلا بو گئجه
گلدی بابام اورڪلرین داغلاماسونلا بو گئجه
دینجله گر ، یقین گئدر رنج و عناسی عمه جان

ڪرب و بلاده من گورن وقتیده جسم اطهری
باشی یوخیدی جسمیده داش دولوسیدی بستری
باشی گلوبدی بس هانی عمه یارالی پیڪری
ڪیمسه نین اولمیوب بئله درد و بلاسی عمه جان

گلدی بابام خرابیه عمه قوتولدی محنتیم
یوخدی داخی بو هجریدن دلده سنه شڪایتیم
قوی منی ممڪن اولسا تڪ ، وار بو باشیله صحبتیم
طشت طلاده دردیمین گلدی دواسی عمه جان

باخدی بیرآز او طشتیده یاره لی باشه اول بالا
عرض ایلدی بو باشیوه جانیم اولا بابا فدا
هانسی شل اولموش ال ائدوب باشیوی جسمیدن جدا
هم من اولوم بو باشیوین هم ده فداسی عمه جان

وار یری سس گله بئله آغلاما نازلی دلبریم
ای آناما مصیبت وغصه و غمده بنزریم
قوی دوداقون دوداقیمه دینجله بلڪه لبلریم
بیرده دئمه بو لبلرون واردی یاراسی عمه جان

آخشام اذان دئین زمان "صادقی "یازدی بو سوزی
دوشدی خرابه یادینه ایسلانوب اشکیله یوزی
گور نه سنون دلینجه خوش دفتره ثبت ائدوب ئوزی
بو گئجه وار خرابه نون آیری هواسی عمه جان

• شنبه
• 6
• دی
• 1399
• ساعت
• 20:51
• نوشته شده توسط
• یوسف اکبری

خرابه ده رقیه جان
سن آغلادون من آغلادیم
نَنَم باخیش باخان زمان
سن آغلادون من آغلادیم

چَکنده آهی سینَه دن شرار غمدی هِی شاخور
دولاندا قاره گوزلرون گُل اوسته شَبنَمی آخور
بِله خیالیمه گَلَر جوان ئولَن نَنَم باخور
اولاندا خاطرات عیان
سن آغلادون من آغلادیم

ئولونجه آغلاسام اگر روادی تَک بو نِسگیله
دئدون بی بی هاچان گَلَر بابام خرابه مَنزله
او توزلی تِللره باخوب دئدیم بیرآزدا صبر ائله
دئدون که عمره یوخ گمان
سن آغلادون من آغلادیم

هامی یاتان زمانیده آچاندا اَل دعایه سن
گلوبدی نالووِین سسی یاواش یاواش او گوشه دن
تمام غملرون اولوب دِیَنده بو سوزی عَلن
دِئدون اَجل هایانداسان
سن آغلادون من آغلادیم

بی بون فدا او گوزلره دانیش منیله آی قیزوم
گِئدک مدینه شهرینه سنیله واردی چوخ سوزوم
سَحر ستاره سی کیمی آماندی باتما اولدوزوم
گجه نی صبحه تَک اینان
سن آغلادون من آغلادیم

وَطنده غم شَراره سی چَکر زبانه آغلارام
خرابه خاطراتیمیز اولار فَسانه آغلارام
بو قاره تِللره بالا وِراندا شانه آغلارام
اَسنده صَرصَر خزان
سن آغلادون من آغلادیم

وار اوخشارون او جیرانا قَیالاری گَزر گِئدر
یوروبدی اوچیلار اونی زمانه دن کوسَر گِئدر
بو دَهرین اولمیش عادتی که گُللَری اَزر گِئدر
اِئدنده دردووِی بیان
سن آغلادون من آغلادیم

حسین عزیزمصطفی دیار عشقه شهریار
وار حاجتی بو نوکرین گلوبدی دَرگهون چالار
او (نادرم) که تاپمیشام سنون آدونلا افتخار
یازاندا نوحه باغریقان
سن آغلادون من آغلادیم

• شنبه
• 20
• دی
• 1399
• ساعت
• 23:01
• نوشته شده توسط
• یوسف اکبری

سن دلبند عالمینی سن
سن زهرانین نورعینی سن
مِثلون گلمز بیرده عالمه
نور چشمـان حسینی سن

« سن »
عزت و جلال و افتخار شیعه سن
فاطمه مثـالی اعتبـار شیعه سن

سن غملرون خُرسندی سن
زهرایه سن دلبندی سن
باغلی قالان یولاریوه خسته جانلا فدا
قبــریــوه پیــر و جـوانلا فدا

میـلادونـده عاشقـانیـوه
یـاز بـرات کربلانی سن
درمان ایله دردلره خانیم
عَموون ایستکلی جانی سن

« سن »
آسمان عشقیده ایشیق ستاره سن
مُستحـق و دردمنده راه چاره سن
لطف ایله باخ بو سائیله
بو بایراموندا وئر صله

باغلی قالان یولاریوه خسته جانلا فدا
قبــریــوه پیــر و جـوانلا فدا

حَـک اولمـوش بـال مَلک لره
حاکم سن سن بو اورک لره
بد خواهون هر قدری اولسادا
اوج ایلـر آدون فلـک لره

« سن »
اوچ یاشینـدا شـاه زاده دمشقی سن
شیعیانه جان و مال و روح و عشقی سن
وهابی بولسون زنده سن
حشره کیمی پاینده سن

باغلی قالان یولاریوه خسته جانلا فدا
قبــریــوه پیــر و جـوانلا فدا

• جمعه
• 3
• بهمن
• 1399
• ساعت
• 19:49
• نوشته شده توسط
• یوسف اکبری

بیلموسن گوردوک نَلَر اشرار و اوباشدان بابا
ایندیکی‌وار وقتیمیز قوی‌باشلیوم باشدان بابا

حین غارتده همین میدانی گوردون گورمه‌دون
خیمه‌اوستن آت‌چاپان اعدانی‌گوردون گورمه‌دون

من گجه باشسیز یاتان مردانی گوردیم بیربه‌بیر
سن گونوز غارت اولان نسوانی گوردون گورمه‌دون

اونداکی بیردن هجوم ائتدی اوتوزمین بی ادب
سنده آیا من گورَن طوفانی گوردون گورمه‌دون

اندیرنده سیلی‌لر داشدان آغیر النن عرب
قان قولاقیندن آخان طفلانی گوردون گورمه‌دون

گُلدن استقبال ائدنده قمچی باخدون باخمادون
سیلی‌لر پرپر ائدن ریحانی گوردون گورمه‌دون

قانلی صحراده قاچاندا پابرهنه قیزلارون
هرقدمده معجر زهرانی گوردون گورمه‌دون

اولدی بیر صحرایِ محشر عرصهٔ غارت بابا
تیتردی ارکان ایمان آغلادی حکمت بابا

• سه شنبه
• 14
• بهمن
• 1399
• ساعت
• 19:53
• نوشته شده توسط
• یوسف اکبری

در آهنگ (میگذرد کاروان)

گئتمه دایان ساربان _ گوزیاشیم اولدی روان
یولدا رقیه‌ام قالوب _ زینب اولوب باغریقان
بوردا گرک من قالام _ دردینی جانه آلام
قلبی سینیق‌دور دایان صبر ائله گلسین بالام

بالامی یولدا ترک ائتمَرم
رقیه‌ام گلمسه گئتمَرم

ای کاروان ای ساربان
قالدی بالام گئتمه دایان

عَمه‌سینی ترک ائدوب کامینه گویا چاتوب
یاره‌لی‌یورقدن‌دوشوب‌قوش‌کیمی حتماً‌یاتوب
بیر نچه گوندی اونی قارداشی گوزدن آتوب
شاید اَیاقلارینا خار مغیلان باتوب

قلبیمی قان ائتمه ساربان
قالدی بالام گئتمه ساربان

ای کاروان ای ساربان
قالدی بالام گئتمه دایان

رحم ائله وار اوچ یاشی یوخدی اونون بیرکسی
ایندی اونی زَهره چاک ایلدی چُول ناله‌سی
قورخولی‌وحشتلی ‌چول ‌هی دولانیر یئل‌سَسی
ایندی ئولَر قورخودان فاطمه ریحانه‌سی

قارداشیم حسینون جانیدور
زهرانین غملی ریحانیدور

ای کاروان ای ساربان
قالدی بالام گئتمه دایان

داده کیمی یولاسان تابشور اونی وورماسین
چوخ‌یُوروب‌آغلاتماسین وَقرینی سیندیرماسین
آت دوشونه سالماسین رشته‌ی غم قیرماسین
یاسلیدی گویولون آلوب قلبینی یاندیرماسین

کینه‌سین یولدا بولدورمسین
آللها خاطر ئولدورمسین

ای کاروان ای ساربان
قالدی بالام گئتمه دایان

• یکشنبه
• 19
• بهمن
• 1399
• ساعت
• 22:47
• نوشته شده توسط
• یوسف اکبری

سبک: آی گوزلریمون نوری...

ای میوه جان لایلای
آهوی جنان لایلای
گوهر کیمی ویرانه
منزلده نهان لایلای

لایلای یارالی طرلان
داغ داشدا گزن ویلان
لایلای قره گوز جیران
عمّون گوزوه قربان

لایلای کمگیم لایلای
سولموش چیچگیم لایلای
گوزیاشلی گیدن قبره
قاره لئچگیم لایلای
زنگ سفریم لایلای
محکم سپریم لایلای
سن یات سُؤله سون زینب
وای دربدریم لایلای

آغزیمدا دادیم لایلای
باغلی قانادیم لایلای
قالدی قره گون سنسیز
دیللرده آدیم لایلای
غنچه دوداقیم لایلای
آلما یاناقیم لایلای
زهرا ننمه بنذر
یورقون قوناقیم لایلای

داغلار لالاسی لایلای
ریحان خولاسی لایلای
گل یوزلی شیرین سوزلی
قارداش بالاسی لایلای
پوزقون تفاقیم لایلای
دوتقون شافاقیم لایلای
سن گوزدن اولان گوندن
سوندی چراغیم لایلای

شیون سالانیم لایلای
ائلدن قالانیم لایلای
دیلسیزلره شیرین دیل
لایلای چالانیم لایلای
ائللر هوسی لایلای
گوزلر گله سی لایلای
بختی کفنی قاره
زهرا نوه سی لایلای

یانسون فلکی سالدی
ایتگین سنی ئللردن
دردون یازیا گلسه
حتما کئچر ایللردن
دوشمز سنون آلامون
دنیا بوئی دیللردن
غم غصه سی تاریخه
آوازه سالان لایلای

گون باتدی گونوز گئتدی
آی چخدی بانا دوندی
سوسو وران اولدوزلار
گویلرده سانا دوندی
ئولدون بی بوون قلبی
هجرونده قانا دوندی
قبروندن ئوپر سویلر
ای جسمیمه جان لایلای

آز سنّده طوفانه
سالدی سنی غم سیلی
چوللرده اسیر اولدون
دگدی یوزوه سیلی
یاپراق کیمی سیلیدن
اولدی یایاقون نیلی
سلب ایتدی وجودوندن
ظلم اهلی توان لایلای

قالدیم الی قوینندا
سینم دولی حرماندی
دور بیر ئوپوشک باهم
خسته جگریم یاندی
نازلی باخشون دیلده
هردردیمه دررماندی
ای زینت آغوشیم
آهوی رَمان لایلای

گون باتدی آیون عکسی
چوللرده چایا دوشدی
شیرین سوزون ایولرده
اولدی هایا دوشدی
گوز دگدی گوزل آدون
دیللرده وایا دوشدی
عزتلی گونون اولدی
جبریله تالان لایلای

عادتدی گزر دائم
جیران قوشا چوللرده
قؤسون ئوزینی چرپار
داشلان داشا جوللرده
جیران کیمی تز چخدی
عمرون باشا چوللرده
داغ داشی اورک داغلی
ویلان دولانان لایلای

طوفان قوپا هر یرده
یللر سنه قان آغلار
چایلار جالانوب داشسا
سللر سنه قان آغلار
دوشسه تورا آهولر
ائللر سنه قان آغلار
دائم آدی دیللرده
محنتلی قالان لایلای

• چهارشنبه
• 22
• بهمن
• 1399
• ساعت
• 20:27
• نوشته شده توسط
• یوسف اکبری

قوی دیوم غملی رقیه آچدی تا غم دفترین

سر به زیر ائتدی نجه آیا یزیدون دخترین

وحشته سالدی نجه شامون اراذل قزلرین

چون بیلوردی مرده روحی ایلر احیا فاطمه

سیلدی گوزیاشین اودا بیر یول دئدی یا فاطمه

سالدی قلبین طعنه لی سوزلر اونون تاب و تبه

آشکارا گوردیکی توهین ایدوللر مکتبه

دیزلری اوستونده تز ایلشدی باخدی زینبه

یعنی تیر غیرتیله قلبیمی بوللم بی بی

من او نادانون جوابین وئرمسم ئوللم بی بی

التماس ایلور گوزی جانانیدن جان ایستیور

باوفا فرماندهیندن یعنی فرمان ایستیور

سانکی اکبردور حسیندن اذن میدان ایستیور

سسلدی زینب شرفلی جانووه عممون فدا

دور ایاقا دشمنون گئت وقرینی سیندر بالا

معجره باشدا گره وردی سه ساله قهرمان

زینبون ئوپدی الین دوردی یریندن ناگهان

فرض ائله قوزاندی یردن شعله آتشفشان

خیمه لردن قانلی میدانه گیدور گویا حسین

منزله ویرانه ده سسلندی هامی یا حسین

وئرمدی فرصت شماتت اهلی نیرنگ ائتمگه

دشمنه اولدی محیا عرصه نی تنگ ائتمگه

یول گیدور سانکی ابوالفضلدور گیدور جنگ ائتمگه

قوی بیر آزدا سوز ملیح اولسون اثر قویسون رگه

گوئیا حیدر گیدوردی مرحبی ئولدورمگه

من دئدی قانلی منانون شور عاشوراسیم

مکتب آل علینون دومین زهراسیم

قاره معجرعمه مون من خرداجا
عباسیم

من بو شهره گلمدیم غرق اولماقا گوزیاشینه

گلمیشم هند اوغلینون قصرین اوچوردام باشینه

من گل خوش رنگ و بوی گلشن پیغمبرم

سیم و زر گورستمیون چون من ئوزوم سیم و زرم

زینب عمم بوردا فرمانده دی من سرلشکرم

سیز اوشاقسوز سیز کی هئچ مرحبلره باش اگمرم

قهرمان عمم کیمی من ذوالفقار حیدرم

بی خبر سوز انقلاب کربلادن سیز هله

ناقه اوسته کوفه ده عمم له وئردوک ال اله

پایگاه ظلم و استکباره سالدوک ولوله

گلمیشوک شاماته آزادی شعارین یازماقا

آل سفیان پلیدون بوردا قبرین قازماقا

سیز گلوبسوز دختر زهرانی تحقیر ائتمگه

تپراق اوستونده یاتانلاره طلا گورستمگه

عمه مون غمدن یارالی قلبینی گوینتمگه

سیزده گر سیم و طلا وار عمه مونده آهی وار

عیبی یوخ اولسون اولان بی کسلرون اللهی وار

دوزدی بو ویرانسرای شامیده یولداشسیزام

چوخلاروز حتی خیال ایلور که من قارداشسیزام

اولمیا فکر ایلدوز عباس ئولوب من باشسیزام

قوی بابام گلسون سفردن عرض حاجت ایلرم

شامون اهلیندن سوسوز شاهه شکایت ایلرم

• چهارشنبه
• 22
• بهمن
• 1399
• ساعت
• 20:29
• نوشته شده توسط
• یوسف اکبری

خوش گلوبسن بورا بابا_ لبلرونده یارا بابا
سن هارا شاه دوعالم_ بو اوچوخ یر هارا بابا

دور _ گون کیمی باتما بابا
دور _ آچ گوزون یاتما بابا
دور _ منی آغلاتما بابا

وای یانیرام من
__________

گلموسن قالماقا بابا _ یادیوه سالماقا بابا
یا بو ویرانیه گلدون_ جانیمی آلماقا بابا

من _ دئمورم قال بابا جان
دل _ غملره سال بابا جان
گل _ جانیم آل بابا جان

وای یانیرام من
__________

یارالی جانیوه قربان _ لب عطشانیوه قربان
حلقیوون شاهرگیندن_سوزولن قانیوه قربان

دِه _ دردیوی منده بولوم
گول_ سن گولن وقته گولوم
باخ_ سن باخان وقته ئولوم

وای یانیرام من
__________

بئله گوز یاشیوه قربان_ذبه اولان باشیوه قربان
دوداقین یاره‌لنوبدی _ بابا پاداشیوه قربان

وای _ لب و دندانیوه وای
وای _ یارالی جانیوه وای
نا _ حق آخان قانیوه وای

وای یانیرام من
__________

جواب امام حسین(ع)

آغلاما غملی ستارَم _ نازنینیم ندی چارم
منده سن تک غم‌ودرده_نچه مدتدی دچارم

دور _ گوزلیم صحبت ائدک
دور_ گیتمگون واردی گئدک
دور _ کربلایه قییدَک

وای یانیرام من
__________

گلمدیم قالماقا یاتما_یادیمه سالماقا یاتما
گلموشم شامه رقیه_ جانیوی آلماقا یاتما

گل _گوزلورم تئز گَله‌سن
گل _ ایلمه چوخ گِله‌سن
گل_ بوردا بیر دینجله‌سن

وای یانیرام من
__________

گلمگیم دوزدی یوباندی_لبلریم قانه بویاندی
سسلدیم اکبری گلسین_گلمدی اکبر اوتاندی

گل _ آز خیال ایله قیزیم
گل _ آز ملال ایله قیزیم
گلدیم حلال ایله قیزیم

وای یانیرام من

• چهارشنبه
• 22
• بهمن
• 1399
• ساعت
• 20:33
• نوشته شده توسط
• یوسف اکبری

یاحسین گل بالان قوتاردی--محشره نسگیلین آپاردی
عدنیده ایلیر استراحت--شمر اونی ظلمیدن یوراردی

قمچی لر اینجدوب آغلاردی بالام
دیزلرین گونده قوجاقلاردی بالام
بالام لایلای-گولوم لایلای

اوز قوجاقیمده چوخ یاتاردی--گه یاتوب گه منه باخاردی
قمچیلر یادینه دوشنده--قلبیمی یاندیرب یاخاردی

دیسگنوب چوخ گجه قالخاردی بالام
بوینومی بیرده قوجاقلاردی بالام

عمه سی او ملاله قربان--سینّی آز،اولدی سینه سوزان
چوخ گجه آج یاتوب رقیه--عاقبت تشنه آج وئروب جان

آج سوسوز چوخ گجه یوخلاردی بالام
زعفران رنگینه اوخشاردی بالام
بالام لایلای-گولوم لایلای

بالشی تکّه آجر اولدی--بستری کهنه معجر اولدی
دوشمه دی کربلا دیلیندن--وِردی اکبرله اصغر اولدی

اصغره چوخ گجه اوخشاردی بالام
آغلیوب سینمی داغلاردی بالام

• دوشنبه
• 27
• بهمن
• 1399
• ساعت
• 20:26
• نوشته شده توسط
• یوسف اکبری

بار الهی بو اوشاق کیمدی هراسان دولانور
نصف شب قورخلی صحراده پریشان دولانور

آی سالوبدور دل شب،نورینی دشت و دَمنه
آیری بیر جلوه وئروب،نیمه ی شب اول چمنه
اوینوری خار مغیلان یِل اَسن وقته گنه
قورخلی چولده او قیز تکدی هراسان دولانور
گاه بیر سمته قاچور،گه یخیلور،گه دایانور

گردش چرخ زمان محنته سالدی باشینی
ویردی قهریله فلک،پنجه ده گیزلین داشینی
اول فلک آلدی الیندن صود امر قارداشینی
شیر دل قارداشینی،کوفه لیلر دوغرادولار
بالاجا اللرینی،بیربیرنه باغلادولار

سیندیروب دست طبیعت نجه گور شهپرینی
یِل اسنده داغیدور،باشدا قرا تللرینی
قورخودان گه یوموری،گه آچوری گوزلرینی
سیخیلوب قوش کیمی بیر گوشه ده محزون دایانوب
گوزلری یولدا قالوب،غملیدی دلخون دایانوب

عاقبت گلدی دیله فاطمه ی کرب و بلا
بالاجا اللرینی قوزادی محبوب خدا
دیدی یارب من هارا،نیمه شب بو چول هارا
او قدَر آغلادی داشلاردا او چولده مله دی
قدسیان عرشیده او ناله یه قانیاش اله دی

صحبت ایلور اوزونه من علوی اولدوزویام
خوان اجلال علینون دادیام هم دوزویام
باشی دالدان کسیلن شاه جنانین قیزیام
لحظه لحظه او قیزون ناله سی عرشه اوجالوب
دئدی یا رب گورسن عمه لریم هاردا قالوب

گوردی بیر سس گلوری دختر فرخنده لقا
دیدی عمه مدی،گلوبدور منی بوردان آپارا
ناگهان گوردی بیر آتلی،بالا دوردی ایاقا
غیظیلن اندی آتیندان ثمر تخم حرام
قورخودان دست ب سینه،او خانم وئردی سلام

اهریمن اندی سلیمانه مقابل دایانوب
یرده داش،گویده کی قوشلار بئله ظلمه اوتانوب
تازیانیله سلامین عوضین ظالم آلوب
صاغ الین قوزادی ویردی او گلِ طاهایه
ایله بیل ثانی ویروب سیلی گینه زهرایه

بولمورم من نجه زهرا بالاسی دوشدی یولا
یاخشی سین یوسف زهرا بولوری،اهل وفا
یازوری بعضیلری،خاریده قاچدی او بالا
منه چوخ تزدی هله،پی آپارام مطلبینه
الغرض قافیلیه چاتدی وئروب زینبینه

باشلادی درد دیلین زینبه باشه گلنی
دئدی چوخ اینجیدوب عمه منی بو قوم دنی
گوزلریندن ایراق اوردان بوراجان ویردی منی
قورخودان آغلامادیم،گورمه دی هئچ گوز یاشیمی
بی بی آچ معجریمی،قمچی یاروبدی باشیمی

• پنج شنبه
• 30
• بهمن
• 1399
• ساعت
• 12:42
• نوشته شده توسط
• یوسف اکبری

✅سبک: چو گیسوی تو من ...

نوایه گلمویوب گلمز منیم تک نی لر عمه
منیم احوالیمه غم غصه ناله،ایلر عمــــــه

یورولدوم درد و غمدن
شماتدن ستمدن
اولان گوندن مصیبت
ال اوزمور داخی مندن
آدامسیز بالا-----وجودی یارا
غریبه نیلر عمه

کمک سیز قیز قالا غربتده،ویراندا قان آغلار
غریبین حالینه گویده ملکلر سینه داغلار
شرار هجریمی خاموش ائدن بو آغلاماقدور
ربابی گوررم هر گون دیزلرین،من تک قوجاقلار

ایاقدان دوشموشم
جفا چوخ گورموشم
ویروبلار تازیانه
گینه من دوزموشم
آدامسیز بالا----وجودی یارا
غریبه نیلر عمه

یری وار قان سوزه غربتده عمه گوزلریمدن
خبرسیز قالموشام من ائللریمدن اکبریمدن
نه بیر اوضاعده آیریلدیم وفالی قارداشیمدان
بابامدان یا عموندان،آلتی ایلیق اصغریمدن

دئدین ائلوب سفر
داریخما تِز گلَر
گوزوم یولدا قالوب
منیم شام و سحر
آدامسیز بالا--- وجودی یارا
غریبه،نیلر عمه

• دوشنبه
• 4
• اسفند
• 1399
• ساعت
• 22:14
• نوشته شده توسط
• یوسف اکبری

رقیه ای بلبل شیرین زبان
عازم اولوبدوروطنه کاروان
دوریولاسال موکبی
ایله دعــا زینبی

یاندی دلون دردیله غمخانه ده
شمع یانوب دردووه،پروانه ده
چیخدی جانون گوشهٔ ویرانه ده
دردوغمون گوزیاشیمی ائتدی قان
دوریولاسال موکبی
ایله دعازینبی

قالدی قولاقیمده شیرین سوزلرون
باخدی یارالی باشاتاگوزلرون
اسدی گل لاله کیمی دیزلرون
گوزیاشی توکدون اوقدرچیخدی جان
دوریولاسال موکبی
ایله دعازینبی

کرب وبلایه دوشه بیرده یولوم
ابربهاران کیمی خوشدوردولوم
سینه ده کی دردووه قربان اولوم
یادائدرم اورداسنی بی گمان
دوریولاسال موکبی
ایله دعازینبی

کرب وبلاحسرتی اولدون بالا
ابربهاران کیمی دولدون بالا
لاله کیمی جوریله سولدون بالا
محنتووه آغلیارهفت آسمان
دوریولاسال موکبی
ایله دعازینبی

شام وسحرآغلیاجاق گوزلریم
آدووی ذکرایلیه جاق لبلریم
ای یوزی نیلی ،آنامابنذریم
فرقتون عمّوندن آلوبدورتوان
دوریولاسال موکبی
ایله دعازینبی

• سه شنبه
• 19
• اسفند
• 1399
• ساعت
• 22:33
• نوشته شده توسط
• یوسف اکبری