شاه بیت
از مرحوم حافظی تبریزی
استاد_گنجی_اردبیلی
من یتیمه بیرقیزام یوخدورآتام نازیم چکه
حالیمه بوچرخ دوّارآغلادی من آغلادیم
یاره لنمیش لبلرون عطری صفای روحیدور
ئوپدوم اوُل لبلردن عطّارآغلادی من آغلادیم
هانسی بی ایمان ووروب یاره ثناخوان لبلره
حالووه عیسی.سرِدار.آغلادی من آغلادیم
ناقه دن دوشدوم تیکانلاردان ایاقیم یاره دی
اولمادی مرحم قویان.خار.آغلادی من آغلادیم
قیزلارایچره هاموّدان بختی گونی قاره منم
بختیمه اقبالیمه یارآغلادی من آغلادم
ای بابا تا چشم خونبار آغلادی من آغلادیم
آغلامیردیم آل اطهار آغلادی من آغلادیم
استاد_بدرخانی
یازماقا بیر بیت حتی منده توفیق اولمادی
یکسره هی طبع سرشار آغلادی من آغلادیم
سید بشیر حسینی
گوللروندن آیریلاندا ای وفالی باغبان
باد هجران اسدی گلزار آغلادی من آغلادیم.
حالیمه شامین یولوندا هم چولون آهولری
هم ایاقیمه باتان خار آغلادی من آغلادیم
ای طبیب عشق! باخدوقجا یارالی باشیوه
قارداشیم سجاد بیمار آغلادی من آغلادیم
کوفه ده بازاره چکدی اهل بیتی اهل کین
ضجّه چکدی اهل بازار آغلادی من آغلادیم
ساز و دف چالدی مغنّی قلبیمه ویرسین یارا
گوردی تار زلفمی تار آغلادی من آغلادیم
بیر گجه نوحه یازیردیم آتش آهیم دوشوب
دفتریم اودلاندی خودکار آغلادی من آغلادیم
غم چکن اولادیوه سندن صورا هر ئولکه ده
زینب عمّه م اولدی غمخوار آغلادی من آغلادیم
منزل ویرانه‌ده آهیم اوجالدی هر گجه
اودلانوب شمع شب تار آغلادی من آغلادیم
باجیمی بیر شامی ایستوردی کنیز آلسین ولی
قویمادی عمّه م، خریدار آغلادی من آغلادیم
وار نه سرّی بیلمورم طوفان عشقونده سنون
اولدی هر کیمسه گرفتار آغلادی من آغلادیم
دامنیم اودلاندی غارتده یاناندا خیمه‌لر
سوندوروب بیر نیک‌پندار آغلادی من آغلادیم
کوفه‌ده امّ حبیبه تا بیلوبدور بیز کیموق
ایله‌دی اوز لطفین اظهار آغلادی من آغلادیم
کیم مریض اولدی بی بیم اول دی پرستاری اونون
باخدی بیماره پرستار آغلادی من آغلادیم
هر قیزا سیلی دگنده سسلنوب یا فاطمه
آهیله هر لاله رخسار آغلادی من آغلادیم
قوی دولانیم باشیوه گلدون منه باش چکمه یه
نقطه‌ی عشقونده پرکار آغلادی من آغلادیم
یاده سالدی اُول صفالی قبرینی "سیدبشیر"
قلبینی کیم ائتدی زوار آغلادی من آغلادیم
خرازی
عشق بازارینده سودا ایلدیم تا عشقوی
قالدی سودایه خریدار آغلادی من آغلادیم
باور ائدمیردیم اولا شمرین الینده باش سنین
خنجر شمر ائدی اقرار آغلادی من آغلادیم
الده بیر دسته پوزولموش لاله دوتدون یاریوه
حضرت حق وقت دیدار آغلادی من آغلادیم
رضا_نادری
سیل غمده وقریمی حفظ ایلدیم سیندیرمادیم
حالیمه تا اینکه کفار آغلادی من آغلادیم
غم غم اوستن باشلانوب تکرار اولور اخبار شام
لاجرم بو غملی اخبار آغلادی من آغلادیم
صبره امر ائتدون بابا دوزدوم ولی پوزدی منی
داشدی عمم صبری هر بار آغلادی من آغلادیم
سایه سالدی باشیمه باشون اویاتدی بختمی
حالیمه بو بخت بیدار آغلادی من آغلادیم
گلدیلر دیداره شام اهلی بولوبلر تا کیموخ
حالیمی گوردوقجا زوار آغلادی من آغلادیم
شام بازارینده دوشدی،گوزلریم گوشواریه
گوردوم اوندا اهل بازار آغلادی من آغلادیم
شام بازارینده دوشدی،گوزلریم گوشواریه
گوردوم اوندا اهل بازار آغلادی من آغلادیم
بیر نفر ایستوردی آلسون اصغرین گهواره سین
آل ور اوسته پاسلی دینار آغلادی من آغلادیم
زاهد
اولمادی غم خانه سینده ذلفومه شانه چکن
دردیمین حالینه اغیار آغلادی من آغلادیم
عابد
گورجگین لیلانی زینب دولدروبدور گوزلرین
کربلاده جمله انصار آغلادی من آغلادیم
قاره یللر اسدی اولدی واژگون آلاله لر
باغ پیغمبرده گلزار آغلادی من آغلادیم
گل بوداقیندن باخور بیر غنچه نهر القمه
نهرو نخلستان علمدار آغلادی من آغلادیم
قان وئریب تشنه بوغازون دشتی سیراب ایلدی
عشقی تسخیر ائتماقا ثار آغلادی من آغلادیم
دگدی تا اوچ شعبه بیر اوخ کربلا سقاسیه
حضرت زهرای زوار آغلادی من آغلادیم
لحظه شق القمر تار اولدی دنیالر منه
تلین اوستن مطلع انوار آغلادی من آغلادی
نعیم
قتل و غارت تا باشا یئتدی بیز اولدوخ دستگیر
یرده من گویلرده دلدارآغلادی من آغلادیم
زجرتا وردیم سلام آلدیم جوابین سیلی دن
قچلاریمدان من چکن خار آغلادی من آغلادیم
پارچالانمیش لبلرین نه نوعیله قانین سیلیم
گوردی بو حالی طبقدارآغلادی من آغلادیم
فدایی
کربلا چیخماز یادیمدان قلبیمی قان ایلدون
علقمه چاتدیم علمدار آغلادی من آغلادیم
مشکینی اوخلار ایدیب پاره سویی گیتدی یره
باشینی سالدی اشاقه تشنه سردار آغلادی من آغلادیم
آجری بالش ایدنده اوچ یاشیندا بیر ًقیزا
حالینه باخدیقجا دیوار آغلادی من آغلادیم
گلدی تا روبندی رد ایتسون طبقدن گل بالام
طشتیده چشمان خونبار آغلادی من آغلادیم
تا گوروب قانلی دوداقی بوسه باران ایلدی
لبلرین قانین سیلیب زار آغلادی من آغلادیم
تا گوروب قانلی دوداقی بوسه باران ایلدی
یارینی ئوپدیکجه دلدار آغلادی من آغلادیم
قادر
باش یاراندا شهر غربتده تالانموش عمه مه
ناقه ده سجاد بیمار آغلادی من آغلادم
اکبرین یل زلفینه شانه وراندا نیزه ده
لیلی بیچاره ناچار آغلادی من آغلادم
قاسمین باشین گوروب ازرق عیالی داشلادی
یاررینه شاماتیده یار اغلادی من اغلادم
لعل اولاندا گول دوداقوندن سنون ,,کهف,,ایه سی
,,من تشا,,سسلندی گفتار اغلاثی من اغلادم
نیزه ده گورسنمدی ماه بنی هاشم ندن
اول باشا گوگلرده اقمار اغلادی من اغلادم
عباسی
باغلیاندا زحمتیله من ایاقیم یارسین
نی نوایه گلدی نی زار آغلادی من آغلادیم
سیلی نون ردین گوروب عمم دئدی جان جان ننه
غش ائدوب اول دیده خونبار آغلادی من آغلادیم
جمع اولور شامین بالا قیزلاری هرگون باشیمه
دیلده کی اسراره اسرار آغلادی من آغلادیم
وحید_اسدزاده
هامی یاران یا شهید اولموشدی یا ظلمه اسیر
حالیوه غربتده اغیار آغلادی من آغلادیم
تازه قان نوک جدادن چکّه ایلوردی یره
نقلی عمه مم نندی مسمار آغلادی من آغلادیم
تک نه ویرانه سنه ماتم سرا اولموش بابا
حالیوه طشت ایچره دربار آغلادی من آغلادیم
کلبه احزاندا یوسف چیخدی یادان آی بابا
حالیوه یعقوب بیمار آغلادی من آغلادیم
عباس_زاده
نيزه اوستوندن باخوردى أوت دوتان اخياميه
حاليمه قولسوز علمدار اغلادى من اغلاديم
ايستديم احوال زينب شعريده اولسون بيان
دفتريمده غملي اشعار اغلادى من اغلاديم
عبادی
شامی گزدیم پا برهنه باشیمه کول توکدولر
حالیمه دیوار بازار اغلادی من اغلادیم
ایستدیم شعریله توصیف ایلیم احوالیمی
هم قلم هم غملی اشعار اغلادی من اغلادیم
عمه میلن گلمیشم شاماته قول باغلی بابا
بی کس عمم یولدا هربار اغلادی من اغلادیم
برده لر بازارینه گتدیخ بابا بیز شامیده
تامنی گوردی خریدار اغلادی من اغلادیم
قمچیلر التیندا اشکیم اخدی سیل تک حالیمه
سس سسه قوشموشدی قیزلار اغلادی من اغلادیم
سینون اوستونده اوتوردی تا کسه باشین سنون
دیده شمر جفاکار اغلادی من اغلادیم
من اروروج دوتدوم بابا افطاریم اولدی قانلی باش
بیر طبق اوستونده افطار اغلادی من اغلادیم
پایداری ایلدیم بو یولدا من تا پای دار
چکدی داره غملرون دار اغلادی من اغلادیم
- پنج شنبه
- 19
- فروردین
- 1400
- ساعت
- 12:15
- نوشته شده توسط
- یوسف اکبری
