اشعار حضرت رقیه(س)

ای عمه روزگاریدن
یورولموشام داریخمیشام
بو چرخ کج مداریدن
یورولمیشام داریخمیشام
.
.
باشیمدان عمه جان بابام خیالینی آتانمورام
فراقینه دؤزنمیرم وصالینه چاتانمورام
قوجاقینه چؤخ اورگدیب خرابه ده یاتانمورام
بو غصه لی دیاریدن یورولمیشام داریخمیشام
.
.
آلوبلا گوشواره می، دئمم طلامی ایستیرم
نه وار طعامه رغبتیم نه ده سو جامی ایستیرم
بو نسگیل ئولدورر منی فقط بابامی ایستیرم
داخی بوشام تاریدن یورولمیشام داریخمیشام
.
.
گرکدی میزبان ادب نشان وئره قوناقینه
بابام گلنده قورخورام دورانمیام ایاقینه
ایاقلاریمدا یاره وار نه جور چیخیم قباقینه
یول اوسته زخم خاریدن،یورولمیشام داریخمیشام
.
.
بابام گلن زمان منه حمایت ای

• سه شنبه
• 23
• مهر
• 1398
• ساعت
• 16:38
• نوشته شده توسط
• ابوالفضل عابدی پور

ای دستگیر شامیان ایوای بالام وای
ویردون خرابه یرده جان ایوای بالام وای
.
.
دور بیر اوتور آچ گوزلرون ای نور عینیم
آخر سنه مهمان گلوب بیکس حسینیم
یا گورموسن عرشه چخوبدور شور و شینیم
اولموش منه ورد زبان ایوای بالام وای
.
.
قویدون عجب آغلار منی ای زار و خسته
بو پاره پاره قلبیمی قیلدون شکسته
توپراقلار اوسته یاتما دور گل سینم اوسته
یاندیم الولاندیم امان ایوای بالام وای
.
.
بو دهریده هر بیر غمه دوزدوم دایاندیم
هر بیر دیاری شمریلن گزدیم دولاندیم
اما سنون احوالیوه بیر اوزگه یاندیم
باغریم اولوبدور لخته قان ایوای بالام وای
.
.
نه وار سسیمه سس وئرن نه بیر گلن وار
گورسون خرابه گوشه سینده بیر ئولن وار
یرده

• سه شنبه
• 23
• مهر
• 1398
• ساعت
• 17:02
• نوشته شده توسط
• ابوالفضل عابدی پور

ای دل دعاده سسلن لبیک یا رقیه
صبح و مساده سسلن لبیک یا رقیه
خوف و رجاده سسلن لبیک یا رقیه
گیت کربلاده سسلن لبیک یا رقیه
گل شور و شینه سسلن لبیک یا رقیه
یالوار حسینه سسلن لبیک یا رقیه

لبیک یا رقیه دلده شعاریمیزدی
آنداولسون حقه‌بو قیز شأن و وقاریمیزدی
عالم بیلور رقیه باغ و بهار یمیزدی
خالی قالان مزاری اصل دیاریمیزدی
یوز دوت دمشقه سسلن لبیک یا رقیه
گل شور و عشقه سسلن لبیک یا رقیه

هاردا رقیه آدی گلسه بیزه حرمدی
الله یانیندا بو قیز ای شیعه محترمدی
زینب دیردی بو قیز عینا"منیم ننمدی
دریای لطف‌و احسان دخت شه کرمدی
چوخ با کرمدی سسلن لبیک یا رقیه
ثابت قدمدی سسلن لبیک یا رقیه

من قطریم رقیه دریای بی کراندی
تا وار جهان رقیه محبوبه‌ی جهاندی
کیمدور بوقیز قلوب عشاقه حکمراندی
دشمن لری ذلیل و رسوای هر زماندی
بو سوز عیاندی سسلن لبیک یا رقیه
وقتی الاندی سسلن لبیک یا رقیه

• چهارشنبه
• 28
• آبان
• 1399
• ساعت
• 12:40
• نوشته شده توسط
• یوسف اکبری

شیعه بی باک ترین مکتبی ایجاد ایلیوب
شیعه ویرانه حریتی اباد ایلیوب
شیعه حزب شرفی قانیله بنیاد ایلیوب
شیعه چوخدان قوشولوب بیعت پروانه لره
اگمیوب اگمیجک باشینی بیگانه لره

شیعه مستکبر و طاغوتیله پیکاریده دور
رمز پیروزی بی وقفه سی ایثاریده دور
اوج پرواز و تجلاسی سر داریده دور
قلب میداندا گزر جاهد نستوه کیمی
شیعه ظلمین قاباقیندا دایانار کوه کیمین

شیعه بوینون نه سلاطینه نه تهدیده بورار
قاف غیرتده ابوالفضل کیمین خیمه قورار
شیعه نون باشیده گئتسه سوزونون اوسته دورار
شیعه تاریخ بشرده حرکت باعثی دی
یعنی یتمیش ایکی وارسته قانین وارثیدی

شیعه عالمده گرک عاطفه فریادی اولا
یتیشه بیر یره کی معرفت استادی اولا
ئوز زمانینده پیام آور آزادی اولا
دوشه زینب کیمی چولدن چوله حقدن دانیشا
گلمیه قمچی الیندن دیله حقدن دانیشا

کوفه دن شامه وورا باشه حسین وای چاغیرا
توش اولاندا آقاسی داشه حسین وای چاغیرا
باخا سر نیزه ده قارداشه حسین وای چاغیرا
دئیه ای فاطمه ریحانی فدا گوزلروه
اوخی قرآن باجوون جانی فدا گوزلروه

ای قلم شام یولوندان سوز آچیلدی غمه باخ
گئچمه سوزدن دایانوب بو محن اعظمه باخ
کاروان اسراده علم ماتمه باخ
ناگهان گوردیله گویده مه روشن دایانوب
نیزه شاه شهیدان حرکتدن دایانوب

نیزه ترپنمدی سعی ایلدی دشمن نه قدر
هامی حیرتده قالوب بیربیرینه ائتدی نظر
دئدیلر راز امامی تک امام اوغلی بیلر
گلدی سجاد باخوب وضعه اولوب حالی غمین
اسرادن دئدی یولدا ایتنی واردی یقین

اسرادن سان آلوب فورا او دم زینب زار
گوردی اول غم زده پروانه لرین هاموسی وار
جمع ماتم ده فقط یوخدی بیر اوچ یاشلی نگار
مضطرب اولدی اوشاقلار اوجالوب آه و نوا
زجر مامور اولوب آهوی گریزانی تاپا

گئتدی تاپسون دل ظلمت ده رقیه خانمی
دئمورم گوردی نه حالت ده رقیه خانمی
قیتروب فورا او ساعت ده رقیه خانمی
گلدی دوز گئتدی خانم راس شهیدانه طرف
باخدی نه زینبه نه جمع اسیرانه طرف

ئورگین قهریله دریای بلایه ووردی
راس سلطان جنانیله مقابل دوردی
گوردی بیر ایش کی هامی قلبیلری یاندیردی
محفلی محفل عشقیله صفا فرض ائله دی
چوخ ادبلن یارالی باشه سلام عرض ائله دی

دئدی ای شاه سنه روح و روانیم قربان
قوریان لبلروه سوز نهانیم قربان
باخ منه دردیم آزالسون سنه جانیم قربان
تیتریئن دل دوداقیم مشگله سالمیش ئوزومی
دانیشا بیلمیورم سن اوخی گوزدن سوزومی

آتسا هر بلبلی گر باغ و چمن والله ئولر
کیمی صحراده اسیر ائتسه محن والله ئولر
قورخودان من کیمی احواله دوشن والله ئولر
ئولمدیم گلدیم ئوزونلن بابا صحبت ائلیم
زجریدن محضر پاکونده شکایت ائلیم

وار یادوندا دئیریدون منه مرضیه مرام
ایندی بیر دقت ائله ای ئورگی داغلی امام
هر جهتدن باخاسان فاطمیه اوخشیورام
عمری تک خارین الیلن گل عمریم سولدی
بیر گوزوم قانی آزیدی اودا تکمیل اولدی

ثانی ِ ثانی بیابانیده تاپدی منی تک
من دئدیم یوخدی الیمده سند ملک فدک
دئدی تکرار اولا یثربده کی برنامه گرک
ووردی بیر سیلی او دم جانیمی سالدی خطره
یوخودی دوره ده دیوار یوزوم دگدی یره

اوچ گئجه سن ساچیمی هورمدون الان منه باخ
آخی آغوشیده یر وئرمدون الان منه باخ
کوچه ده گر آنووی گورمدون الان منه باخ
سپمیشوک حق یولونا هر ایکیمیز قان یارالی
فاطمه سینه دن اما من ایاقدان یارالی

سرنوشتی عجب اوخشور بو ننه ایلن نوه نین
اودا اللرده ئولوب ئولملیم منده یقین
ولی بیر فرق ائدروک عاقبت ای سرور دین
اونا حیدر ائلیوب غسل کفن بوکدی گئنه
من قرا معجر ایچینده گئدرم قبر ائوینه

• پنج شنبه
• 29
• آبان
• 1399
• ساعت
• 20:56
• نوشته شده توسط
• یوسف اکبری

یتیمه بیر قیزام بابا یارالیام یارالیام
باشیمدا قاره معجریم عزالیام عزالیام

بابا بابا ديور ديليم آخور عذاره گوزياشيم
نه وارعليّ اكبريم نه واردي خيردا قارداشيم
خرابه يرده گوزياشيم اولوبدی یار و یولداشیم
نواليام نواليام نواليام نواليام

نيه بو نازدانه وی گوزوندن آتموسان بابا
مني گوزوندن آتموسان مرامه چاتموسان بابا
گجه چاقيندا من اوياق هاياندا ياتموسان بابا
فراقوه دوز نمورام ياراليام ياراليام

خرابه گوشه سينده گل بالووي آل قوجاقوه
آلاندا سن قوجاقوه دوداق قويوم دوداقوه
گرگدي جاني بذل ايدم سنون گوزل اياقوه
ديم بابا گوزل بابا وفاليام وفاليام

غروب اولاندا بو یره گلور بو شامون اهلی چوخ
گلن باخوب منه دیوريتيمه دورآتاسي يوخ
دلور بو طعنه لر منيم اورگيمي مثال اوخ
باشيم بلا ليدور بابا بلاليام بلاليام

آخوندي ايستيور گوره منيم مزاريمي بابا
منيم فراقيم ايليوب يانان ديلین بابا يارا
رقيه واي رقيه جان اولور ياراسينا دوا
ديور منيم كيمين اودا عزاليام عزاليام

رباعی

یتیمت را پدر جان یاد کردی
مرا زین آمدن. دلشاد کردی
در این ویرانه این ویرانه دل را
به یمن مقدمت آباد کردی

• چهارشنبه
• 19
• آذر
• 1399
• ساعت
• 00:04
• نوشته شده توسط
• یوسف اکبری

آی بالا یاتما اویان
آی کیمی باتما اویان
گوزلرون نن گوزلیم
عمه وی آتما اویان

آخینان گوزلریوه قربان اولوم
او شیرین سوزلریوه قربان اولوم

تیرِ آلام و محن
قلبیمی بولدی قیزیم
غَمِ هجرونده بی بون
غصه دن ئولدی قیزیم

گوندوزوم شامه دونوب آغلیارام
بختیمون شمعی سونوب آغلیارام

قلبیمون طاقتی سن
ائللریم شوکتی سن
اکبرون سویگولوسی
سینمون زینتی سن

گوزلرون آیه ویرور سان گوزلیم
او خمار گوزلره قربان گوزلیم

گوزیاشیم قاندی بالا
اورگیم یاندی بالا
عمه وه رحم ایله دور
دیده گریاندی بالا

اکبر اکبر دینیم آچ گوزیوی
رخت ماتم گینیم آچ گوزیوی

اولدی شرمنده بی بون
کفنون یوخدی بالا
جسمیوه قربان اولوم
یاره سی چوخدی بالا

قاره معجرله سنی کفن ائدرم
یاره لی پیکریوی دفن ائدرم

• جمعه
• 28
• آذر
• 1399
• ساعت
• 23:43
• نوشته شده توسط
• یوسف اکبری

به سبک(از صلابت ملت و ارتش و...)

مژده شیعیان برج عشقه مه ، ولا گلوب
شاد اولوب رباب دختر شاه کربلا گلوب

شوره گلدی عاشقان مکتب علی
چون جهانه گلدی یار زینب علی

یا رقیه، خوش آمدی ، یا رقیه2

مه لقا گلوب جان فزا گلوب
اهل عفته مقتدا گلوب

جهان عشقین یانوب مشعلی
گلوبدی دخت حسین علی

یا رقیه جان رقیه جان
جان سنه قربان رقیه جان

دختر حسین چاره سیز درده لره ، دوا ائدر
حاجتی اولان عاشقین حاجتین ، روا ائدر

عاشقانی دعوت ایله قبریوه خانیم
خورداجا مزاریوه فدا اولا جانیم

یا رقیه ، خوش آمدی ، یا رقیه 2

آیه سان وئرور گوزلرون سنون
شاهه ناز ائدور نوکرون سنون

مگر سنون تک گوزل ماه اولار؟
سنون قاپوندان گدا شاه اولار

یا رقیه جان رقیه جان
جان سنه قربان رقیه جان

• شنبه
• 29
• آذر
• 1399
• ساعت
• 23:42
• نوشته شده توسط
• یوسف اکبری

رقیه گل قوجاقیمه هله شکایت ایلمه
گوز آلتی باخما نیزیه منی خجالت ایلمه

قزیم ندن بو گوزلرون دولومسنوب دولوم دولوم
ایدیم نه چاره سنکمی منیمده باغلیدی قولوم

گلیلی باخما نیزیه اشاروه فدا اولوم
منه دی هر گلایوی اونا شکایت ایلمه

گل ای گوزل حسینمون گوزل بالاسی آی بالا
انام بتوله اوخشیان گوزون فداسی آغلاما

گل ای گوزل حسینمون گوزل بالاسی آی بالا
انام بتوله اوخشیان گوزون فداسی آی بالا
او گوزلرون بو سینمه گله قاداسی آی بالا
باخوب جدایه آغلاما بله قیامت ایلمه

بو کاروانی نیزه ده اوقانلی باش دایاندیروب
دالونجا گوزیاشین توکوب جهانی آهی یاندیروب
جداده سن گلن یولا اوقدری گوز دولاندریب
محبتون اسیرینی انیس محنت ایلمه

غم و بلایه صبر ایله سن ای غزال فاطمه
مگر مقام صبردن چخار عیال فاطمه
گرگ سه ساله فاطمه اولا مثال فاطمه
گل ایندی دن شکایته بو قدری عادت ایلمه

دیدی که عمه کوسموشم گلنمرم قوجاقوه
کم اعتنالیق ایتموسن موقتی قوناقوه
او باشه خاطر عفو اله دولاشسام ال ایاقوه
دوشوب میننده ناقیه گوزتله غفلت ایلمه

منه یقیندی سینمیوب هله یانیندا حرمتیم
ولی بولورسن عمه جان شکسته قلب اولار یتیم
بابام منه خبر ویروب دمشقه جکدی زحمتیم
دمشقده من اولمسم قبول زحمت ایلمه

گلایه سین که آندیروب ادبلن اول مودبه
یولون بلالرین دیوب او دختر محجبه
بو سوزلرین تاثری اوخ اولدی قلب زینبه
دیدی فراقه یانمشام یانقلی صحبت ایلمه

قزیم دی دردون آغلیوم دویونجا من فغانیله
بوشات بو جام چشملن اورک دولوبدی قانیله
الون اوپوم حلال ایله باریش بیر عمه جانیله
گوز اوسته ویرمسم یرون منی اجابت ایلمه

یتیم اوشاقی ناز ایده وظیفه دور بیوکلره
آنام یقین الین چکوب بو توز باسان هوروکلره
گرگدی گوزلریم چکم تبرکا بو توکلره
اولنجه مندن اوزگه سین بو فیضه شرکت ایلمه

اورکلنوب او قیز دیدی باخ عمه لطف داوره
سالوب آنام بتولیده منیم دالیمجا چوللره
منی گزوب تاپوب آنام آلوبدی زیر شپره
اوپوب باساردی باغرینا دیردی وحشت ایلمه

دیدی قیزیم بو گل یوزون ندن سولوب منیم کیمی
یوزونده سیلی ردی وار کبود اولوب منیم کیمی
گل اوخشیاق بیر آغلاشاق گوزون دولوب منیم کیمی
بو شرطلن دویولمگون منه حکایت ایلمه

او چولده بیر بیریمیزی آنا بالا قوجاقلادون
او محسنی من اصغری هی اوخشادوق هی آغلادوق
اورک آلشدی اشگیلن اوت اوستنه سو باغلادوق
دیدیم قویوب گیدوب منی اسیررفرقت ایلمه

بابامدا که آتوب منی نه وقتیدور قویوب گیدوب
لباس انس و الفت و علاقه نی سویوب گیدوب
فلک یخان رقیه دن چوخ اینجیوب دویوب گیدوب
دیدی قضانون امرینه قزیم قضاوت ایلمه

گلر بابون خرابه دن تاپار بلا خزینه سین
گورر بلالی زینبین رقیه سین سکینه سین
یارالی باشی آختارار فقط رقیه سینه سین
دیر بو دار فانیده قزیم اقامت ایلمه

• جمعه
• 5
• دی
• 1399
• ساعت
• 23:21
• نوشته شده توسط
• یوسف اکبری

بو گئجه وار خرابه نون آیری هواسی عمه جان
دور ایاقا بو منزلون گلدی صفاسی عمه جان

لطف ایلیوب قوناق گلوب عمه بابام بو منزله
باش چڪه باغبان ڪیمی ڪنج خرابه ده گله
گور نه ایشیق سالوب باشی بو گئجه غملی محفله
هانسی گونون اولار بئله نور و ضیاسی عمه جان

شڪر ایلیرم زیارتین حق منه نائل ایلیوب
لطف و عنایتین منیم حالیمه شامل ایلیوب
چوخ دولانوب یقین بابام طی منازل ایلیوب
خسته دی یاتمیوب یقین یوخدی قواسی عمه جان

قیزلارا عمه وئر خبر آغلاماسونلا بو گئجه
عارضه اشڪ آلینی باغلاماسونلا بو گئجه
گلدی بابام اورڪلرین داغلاماسونلا بو گئجه
دینجله گر ، یقین گئدر رنج و عناسی عمه جان

ڪرب و بلاده من گورن وقتیده جسم اطهری
باشی یوخیدی جسمیده داش دولوسیدی بستری
باشی گلوبدی بس هانی عمه یارالی پیڪری
ڪیمسه نین اولمیوب بئله درد و بلاسی عمه جان

گلدی بابام خرابیه عمه قوتولدی محنتیم
یوخدی داخی بو هجریدن دلده سنه شڪایتیم
قوی منی ممڪن اولسا تڪ ، وار بو باشیله صحبتیم
طشت طلاده دردیمین گلدی دواسی عمه جان

باخدی بیرآز او طشتیده یاره لی باشه اول بالا
عرض ایلدی بو باشیوه جانیم اولا بابا فدا
هانسی شل اولموش ال ائدوب باشیوی جسمیدن جدا
هم من اولوم بو باشیوین هم ده فداسی عمه جان

وار یری سس گله بئله آغلاما نازلی دلبریم
ای آناما مصیبت وغصه و غمده بنزریم
قوی دوداقون دوداقیمه دینجله بلڪه لبلریم
بیرده دئمه بو لبلرون واردی یاراسی عمه جان

آخشام اذان دئین زمان "صادقی "یازدی بو سوزی
دوشدی خرابه یادینه ایسلانوب اشکیله یوزی
گور نه سنون دلینجه خوش دفتره ثبت ائدوب ئوزی
بو گئجه وار خرابه نون آیری هواسی عمه جان

• شنبه
• 6
• دی
• 1399
• ساعت
• 20:51
• نوشته شده توسط
• یوسف اکبری

سن دلبند عالمینی سن
سن زهرانین نورعینی سن
مِثلون گلمز بیرده عالمه
نور چشمـان حسینی سن

« سن »
عزت و جلال و افتخار شیعه سن
فاطمه مثـالی اعتبـار شیعه سن

سن غملرون خُرسندی سن
زهرایه سن دلبندی سن
باغلی قالان یولاریوه خسته جانلا فدا
قبــریــوه پیــر و جـوانلا فدا

میـلادونـده عاشقـانیـوه
یـاز بـرات کربلانی سن
درمان ایله دردلره خانیم
عَموون ایستکلی جانی سن

« سن »
آسمان عشقیده ایشیق ستاره سن
مُستحـق و دردمنده راه چاره سن
لطف ایله باخ بو سائیله
بو بایراموندا وئر صله

باغلی قالان یولاریوه خسته جانلا فدا
قبــریــوه پیــر و جـوانلا فدا

حَـک اولمـوش بـال مَلک لره
حاکم سن سن بو اورک لره
بد خواهون هر قدری اولسادا
اوج ایلـر آدون فلـک لره

« سن »
اوچ یاشینـدا شـاه زاده دمشقی سن
شیعیانه جان و مال و روح و عشقی سن
وهابی بولسون زنده سن
حشره کیمی پاینده سن

باغلی قالان یولاریوه خسته جانلا فدا
قبــریــوه پیــر و جـوانلا فدا

• جمعه
• 3
• بهمن
• 1399
• ساعت
• 19:49
• نوشته شده توسط
• یوسف اکبری

بیلموسن گوردوک نَلَر اشرار و اوباشدان بابا
ایندیکی‌وار وقتیمیز قوی‌باشلیوم باشدان بابا

حین غارتده همین میدانی گوردون گورمه‌دون
خیمه‌اوستن آت‌چاپان اعدانی‌گوردون گورمه‌دون

من گجه باشسیز یاتان مردانی گوردیم بیربه‌بیر
سن گونوز غارت اولان نسوانی گوردون گورمه‌دون

اونداکی بیردن هجوم ائتدی اوتوزمین بی ادب
سنده آیا من گورَن طوفانی گوردون گورمه‌دون

اندیرنده سیلی‌لر داشدان آغیر النن عرب
قان قولاقیندن آخان طفلانی گوردون گورمه‌دون

گُلدن استقبال ائدنده قمچی باخدون باخمادون
سیلی‌لر پرپر ائدن ریحانی گوردون گورمه‌دون

قانلی صحراده قاچاندا پابرهنه قیزلارون
هرقدمده معجر زهرانی گوردون گورمه‌دون

اولدی بیر صحرایِ محشر عرصهٔ غارت بابا
تیتردی ارکان ایمان آغلادی حکمت بابا

• سه شنبه
• 14
• بهمن
• 1399
• ساعت
• 19:53
• نوشته شده توسط
• یوسف اکبری

در آهنگ (میگذرد کاروان)

گئتمه دایان ساربان _ گوزیاشیم اولدی روان
یولدا رقیه‌ام قالوب _ زینب اولوب باغریقان
بوردا گرک من قالام _ دردینی جانه آلام
قلبی سینیق‌دور دایان صبر ائله گلسین بالام

بالامی یولدا ترک ائتمَرم
رقیه‌ام گلمسه گئتمَرم

ای کاروان ای ساربان
قالدی بالام گئتمه دایان

عَمه‌سینی ترک ائدوب کامینه گویا چاتوب
یاره‌لی‌یورقدن‌دوشوب‌قوش‌کیمی حتماً‌یاتوب
بیر نچه گوندی اونی قارداشی گوزدن آتوب
شاید اَیاقلارینا خار مغیلان باتوب

قلبیمی قان ائتمه ساربان
قالدی بالام گئتمه ساربان

ای کاروان ای ساربان
قالدی بالام گئتمه دایان

رحم ائله وار اوچ یاشی یوخدی اونون بیرکسی
ایندی اونی زَهره چاک ایلدی چُول ناله‌سی
قورخولی‌وحشتلی ‌چول ‌هی دولانیر یئل‌سَسی
ایندی ئولَر قورخودان فاطمه ریحانه‌سی

قارداشیم حسینون جانیدور
زهرانین غملی ریحانیدور

ای کاروان ای ساربان
قالدی بالام گئتمه دایان

داده کیمی یولاسان تابشور اونی وورماسین
چوخ‌یُوروب‌آغلاتماسین وَقرینی سیندیرماسین
آت دوشونه سالماسین رشته‌ی غم قیرماسین
یاسلیدی گویولون آلوب قلبینی یاندیرماسین

کینه‌سین یولدا بولدورمسین
آللها خاطر ئولدورمسین

ای کاروان ای ساربان
قالدی بالام گئتمه دایان

• یکشنبه
• 19
• بهمن
• 1399
• ساعت
• 22:47
• نوشته شده توسط
• یوسف اکبری

سبک: آی گوزلریمون نوری...

ای میوه جان لایلای
آهوی جنان لایلای
گوهر کیمی ویرانه
منزلده نهان لایلای

لایلای یارالی طرلان
داغ داشدا گزن ویلان
لایلای قره گوز جیران
عمّون گوزوه قربان

لایلای کمگیم لایلای
سولموش چیچگیم لایلای
گوزیاشلی گیدن قبره
قاره لئچگیم لایلای
زنگ سفریم لایلای
محکم سپریم لایلای
سن یات سُؤله سون زینب
وای دربدریم لایلای

آغزیمدا دادیم لایلای
باغلی قانادیم لایلای
قالدی قره گون سنسیز
دیللرده آدیم لایلای
غنچه دوداقیم لایلای
آلما یاناقیم لایلای
زهرا ننمه بنذر
یورقون قوناقیم لایلای

داغلار لالاسی لایلای
ریحان خولاسی لایلای
گل یوزلی شیرین سوزلی
قارداش بالاسی لایلای
پوزقون تفاقیم لایلای
دوتقون شافاقیم لایلای
سن گوزدن اولان گوندن
سوندی چراغیم لایلای

شیون سالانیم لایلای
ائلدن قالانیم لایلای
دیلسیزلره شیرین دیل
لایلای چالانیم لایلای
ائللر هوسی لایلای
گوزلر گله سی لایلای
بختی کفنی قاره
زهرا نوه سی لایلای

یانسون فلکی سالدی
ایتگین سنی ئللردن
دردون یازیا گلسه
حتما کئچر ایللردن
دوشمز سنون آلامون
دنیا بوئی دیللردن
غم غصه سی تاریخه
آوازه سالان لایلای

گون باتدی گونوز گئتدی
آی چخدی بانا دوندی
سوسو وران اولدوزلار
گویلرده سانا دوندی
ئولدون بی بوون قلبی
هجرونده قانا دوندی
قبروندن ئوپر سویلر
ای جسمیمه جان لایلای

آز سنّده طوفانه
سالدی سنی غم سیلی
چوللرده اسیر اولدون
دگدی یوزوه سیلی
یاپراق کیمی سیلیدن
اولدی یایاقون نیلی
سلب ایتدی وجودوندن
ظلم اهلی توان لایلای

قالدیم الی قوینندا
سینم دولی حرماندی
دور بیر ئوپوشک باهم
خسته جگریم یاندی
نازلی باخشون دیلده
هردردیمه دررماندی
ای زینت آغوشیم
آهوی رَمان لایلای

گون باتدی آیون عکسی
چوللرده چایا دوشدی
شیرین سوزون ایولرده
اولدی هایا دوشدی
گوز دگدی گوزل آدون
دیللرده وایا دوشدی
عزتلی گونون اولدی
جبریله تالان لایلای

عادتدی گزر دائم
جیران قوشا چوللرده
قؤسون ئوزینی چرپار
داشلان داشا جوللرده
جیران کیمی تز چخدی
عمرون باشا چوللرده
داغ داشی اورک داغلی
ویلان دولانان لایلای

طوفان قوپا هر یرده
یللر سنه قان آغلار
چایلار جالانوب داشسا
سللر سنه قان آغلار
دوشسه تورا آهولر
ائللر سنه قان آغلار
دائم آدی دیللرده
محنتلی قالان لایلای

• چهارشنبه
• 22
• بهمن
• 1399
• ساعت
• 20:27
• نوشته شده توسط
• یوسف اکبری

خوش گلوبسن بورا بابا_ لبلرونده یارا بابا
سن هارا شاه دوعالم_ بو اوچوخ یر هارا بابا

دور _ گون کیمی باتما بابا
دور _ آچ گوزون یاتما بابا
دور _ منی آغلاتما بابا

وای یانیرام من
__________

گلموسن قالماقا بابا _ یادیوه سالماقا بابا
یا بو ویرانیه گلدون_ جانیمی آلماقا بابا

من _ دئمورم قال بابا جان
دل _ غملره سال بابا جان
گل _ جانیم آل بابا جان

وای یانیرام من
__________

یارالی جانیوه قربان _ لب عطشانیوه قربان
حلقیوون شاهرگیندن_سوزولن قانیوه قربان

دِه _ دردیوی منده بولوم
گول_ سن گولن وقته گولوم
باخ_ سن باخان وقته ئولوم

وای یانیرام من
__________

بئله گوز یاشیوه قربان_ذبه اولان باشیوه قربان
دوداقین یاره‌لنوبدی _ بابا پاداشیوه قربان

وای _ لب و دندانیوه وای
وای _ یارالی جانیوه وای
نا _ حق آخان قانیوه وای

وای یانیرام من
__________

جواب امام حسین(ع)

آغلاما غملی ستارَم _ نازنینیم ندی چارم
منده سن تک غم‌ودرده_نچه مدتدی دچارم

دور _ گوزلیم صحبت ائدک
دور_ گیتمگون واردی گئدک
دور _ کربلایه قییدَک

وای یانیرام من
__________

گلمدیم قالماقا یاتما_یادیمه سالماقا یاتما
گلموشم شامه رقیه_ جانیوی آلماقا یاتما

گل _گوزلورم تئز گَله‌سن
گل _ ایلمه چوخ گِله‌سن
گل_ بوردا بیر دینجله‌سن

وای یانیرام من
__________

گلمگیم دوزدی یوباندی_لبلریم قانه بویاندی
سسلدیم اکبری گلسین_گلمدی اکبر اوتاندی

گل _ آز خیال ایله قیزیم
گل _ آز ملال ایله قیزیم
گلدیم حلال ایله قیزیم

وای یانیرام من

• چهارشنبه
• 22
• بهمن
• 1399
• ساعت
• 20:33
• نوشته شده توسط
• یوسف اکبری

یاحسین گل بالان قوتاردی--محشره نسگیلین آپاردی
عدنیده ایلیر استراحت--شمر اونی ظلمیدن یوراردی

قمچی لر اینجدوب آغلاردی بالام
دیزلرین گونده قوجاقلاردی بالام
بالام لایلای-گولوم لایلای

اوز قوجاقیمده چوخ یاتاردی--گه یاتوب گه منه باخاردی
قمچیلر یادینه دوشنده--قلبیمی یاندیرب یاخاردی

دیسگنوب چوخ گجه قالخاردی بالام
بوینومی بیرده قوجاقلاردی بالام

عمه سی او ملاله قربان--سینّی آز،اولدی سینه سوزان
چوخ گجه آج یاتوب رقیه--عاقبت تشنه آج وئروب جان

آج سوسوز چوخ گجه یوخلاردی بالام
زعفران رنگینه اوخشاردی بالام
بالام لایلای-گولوم لایلای

بالشی تکّه آجر اولدی--بستری کهنه معجر اولدی
دوشمه دی کربلا دیلیندن--وِردی اکبرله اصغر اولدی

اصغره چوخ گجه اوخشاردی بالام
آغلیوب سینمی داغلاردی بالام

• دوشنبه
• 27
• بهمن
• 1399
• ساعت
• 20:26
• نوشته شده توسط
• یوسف اکبری

بار الهی بو اوشاق کیمدی هراسان دولانور
نصف شب قورخلی صحراده پریشان دولانور

آی سالوبدور دل شب،نورینی دشت و دَمنه
آیری بیر جلوه وئروب،نیمه ی شب اول چمنه
اوینوری خار مغیلان یِل اَسن وقته گنه
قورخلی چولده او قیز تکدی هراسان دولانور
گاه بیر سمته قاچور،گه یخیلور،گه دایانور

گردش چرخ زمان محنته سالدی باشینی
ویردی قهریله فلک،پنجه ده گیزلین داشینی
اول فلک آلدی الیندن صود امر قارداشینی
شیر دل قارداشینی،کوفه لیلر دوغرادولار
بالاجا اللرینی،بیربیرنه باغلادولار

سیندیروب دست طبیعت نجه گور شهپرینی
یِل اسنده داغیدور،باشدا قرا تللرینی
قورخودان گه یوموری،گه آچوری گوزلرینی
سیخیلوب قوش کیمی بیر گوشه ده محزون دایانوب
گوزلری یولدا قالوب،غملیدی دلخون دایانوب

عاقبت گلدی دیله فاطمه ی کرب و بلا
بالاجا اللرینی قوزادی محبوب خدا
دیدی یارب من هارا،نیمه شب بو چول هارا
او قدَر آغلادی داشلاردا او چولده مله دی
قدسیان عرشیده او ناله یه قانیاش اله دی

صحبت ایلور اوزونه من علوی اولدوزویام
خوان اجلال علینون دادیام هم دوزویام
باشی دالدان کسیلن شاه جنانین قیزیام
لحظه لحظه او قیزون ناله سی عرشه اوجالوب
دئدی یا رب گورسن عمه لریم هاردا قالوب

گوردی بیر سس گلوری دختر فرخنده لقا
دیدی عمه مدی،گلوبدور منی بوردان آپارا
ناگهان گوردی بیر آتلی،بالا دوردی ایاقا
غیظیلن اندی آتیندان ثمر تخم حرام
قورخودان دست ب سینه،او خانم وئردی سلام

اهریمن اندی سلیمانه مقابل دایانوب
یرده داش،گویده کی قوشلار بئله ظلمه اوتانوب
تازیانیله سلامین عوضین ظالم آلوب
صاغ الین قوزادی ویردی او گلِ طاهایه
ایله بیل ثانی ویروب سیلی گینه زهرایه

بولمورم من نجه زهرا بالاسی دوشدی یولا
یاخشی سین یوسف زهرا بولوری،اهل وفا
یازوری بعضیلری،خاریده قاچدی او بالا
منه چوخ تزدی هله،پی آپارام مطلبینه
الغرض قافیلیه چاتدی وئروب زینبینه

باشلادی درد دیلین زینبه باشه گلنی
دئدی چوخ اینجیدوب عمه منی بو قوم دنی
گوزلریندن ایراق اوردان بوراجان ویردی منی
قورخودان آغلامادیم،گورمه دی هئچ گوز یاشیمی
بی بی آچ معجریمی،قمچی یاروبدی باشیمی

• پنج شنبه
• 30
• بهمن
• 1399
• ساعت
• 12:42
• نوشته شده توسط
• یوسف اکبری

✅سبک: چو گیسوی تو من ...

نوایه گلمویوب گلمز منیم تک نی لر عمه
منیم احوالیمه غم غصه ناله،ایلر عمــــــه

یورولدوم درد و غمدن
شماتدن ستمدن
اولان گوندن مصیبت
ال اوزمور داخی مندن
آدامسیز بالا-----وجودی یارا
غریبه نیلر عمه

کمک سیز قیز قالا غربتده،ویراندا قان آغلار
غریبین حالینه گویده ملکلر سینه داغلار
شرار هجریمی خاموش ائدن بو آغلاماقدور
ربابی گوررم هر گون دیزلرین،من تک قوجاقلار

ایاقدان دوشموشم
جفا چوخ گورموشم
ویروبلار تازیانه
گینه من دوزموشم
آدامسیز بالا----وجودی یارا
غریبه نیلر عمه

یری وار قان سوزه غربتده عمه گوزلریمدن
خبرسیز قالموشام من ائللریمدن اکبریمدن
نه بیر اوضاعده آیریلدیم وفالی قارداشیمدان
بابامدان یا عموندان،آلتی ایلیق اصغریمدن

دئدین ائلوب سفر
داریخما تِز گلَر
گوزوم یولدا قالوب
منیم شام و سحر
آدامسیز بالا--- وجودی یارا
غریبه،نیلر عمه

• دوشنبه
• 4
• اسفند
• 1399
• ساعت
• 22:14
• نوشته شده توسط
• یوسف اکبری

خوش گلموسن ای مهمانیم
قورباندی سنه بو جانیم

لطف ائتموسن ای ماه تابان
باشه یئتوب ایام هجران
اوللام بو قانلی باشه قربان

(ایوای بابام ایوای یارالی)

هاردا باباجان قالمیشدون
گوزدن منی سن سالمیشدون

سندن صورا دوشدوم بلایه
دشمن قووب سالدی آرایه
دوزدوم بابا جور و جفایه

ظلم اهلینه تاراج اولدوخ
غارتده سارالدوخ سولدوخ

غارت گونی بعد شهادت
اولدی بیزه برپا قیامت
دشمن ائدوب چوخلی جسارت

دوزدوخ ستم عدوانه
دوزدوخ ولی گلدوخ جانه

اوت ووردیلار خیمم آلیشدی
گوزیاشلاریم قانه قاتیشدی
عمم اولون چوخلی چالیشدی

نه جرمیلن دشمن ووردی
بال و پریمی سیندوردی

مگر یتیمی ده ووراللار
آتلار قاباقینده قویاللار
ظلم و جفائیله سویاللار

غارت کی باشا یئتمیشدی
سویموشدی قوشون گئتمیشدی

یاده دوشور جمع پریشان
یانمیش چادر شام غریبان
صبحه کیمین اولدی هراسان

صبح اولدی بلالر آرتدی
دشمن بیزی چوخ آغلاتدی

زنجیره باغلاندوخ سراسر
چکدی بیزی گوداله لشگر
گل جسمیلر قالموشدی بی سر

یوللاردا غم و محنتدن
دوشدی بدنیم طاقتدن

درد و بلا بو قلبی سیخدی
ناقه منی یوللاردا یئخدی
نالم بابا افلاکه چیخدی

شامون نه دئیم اهلیندن
بیر کلمه ائشیت قهریندن

داش یاغدیروب خلق ستمگر
قوم یهود و بُغضِ حیدر
آغلار قالوب آل پیمبر

ویرانه نشین اولدوخ بیز
گل تک سارالوب سولدوخ بیز

شام اهلی آل مرتضانی
مسکن وئروب ویرانسرانی
نه سقفی وار نه سایبانی

ویرانه نی آباد ائتدون
گلدون بیزی دلشاد ائتدون

بو گلماقون چوخ با صفا دی
ئوز وئردیقون عهده وفادی
(بیکَسلره) آدون دوادی

• شنبه
• 23
• اسفند
• 1399
• ساعت
• 19:36
• نوشته شده توسط
• یوسف اکبری

ای قلبیمون آرامی یات
قان اولدی بوگوز جامی یات
ئولدوردی سنی شام اهلی
ویران اولا شاماتی یات

نچه گجیدی یاتمامیشدون
غم غصه وی سن آتمامیشدون
آرامشه بیر چاتما میشدون

لایلای بالام لایلای رقیه

ای قارداشیمون ریحانی
گلشن ایلدون ویرانی
امابیله تزسولماقون
یاندیردی من نالانی

گلشنده گُل بونوعی سولماز
خیرداقیزین قدی خم اولماز
قلبیم نجه قانیله دولماز

نچه گونودی آغلاردون
اودلی سینمی داغلاردون
گه گوشه ی ویرانه ده
گیزلین ایاقون باغلاردون

یات بوگجه قبرونده راحت
چوخ گورموسن ظلم وجنایت
نه سیلی وارنه قتل وغارت

لعنت گله بواشراره
ایتمشدی سنی آواره
آدوقجاقدم قویاردون
سن بیر الیوی دیواره

گل عارضون ظلمیله سولدی
زهراکیمی عمرون آزاولدی
قلبون غم وغصیله دولدی

• شنبه
• 23
• اسفند
• 1399
• ساعت
• 19:43
• نوشته شده توسط
• یوسف اکبری

گوز آچوب بیر ماهِ رَخشان
عالمی ایتدی درخشان
صورتی کَنزِ مَلاحَت
گوزلری لَعلِ بَدَخشان

گلوبدور عالمه /سه ساله فاطمه
ویرر زینت آدی/هامی بَزم غمه

مدد بنت الحسین س

شُکر ایله خَلّاقِ حَیّه
کوریِ آلِ اُمیّه
آقاما بیر قیز ویریبدی
آدینی قویدی رقیّه

قَلَم قاش، کیپریگ اوخ/جهاندا مثلی یوخ
فقط اوخشور گمان/خانیم زهرایه چوخ

مدد بنت الحسین س

تازَه مولودِ حَرَم دی
شیعیانه محترم دی
عمّه سی زینب مثالی
معدنِ جود و کَرم دی

او خیردا اَللری/آچار مشکل لری
آدین کیم سسله سه/گیدر تز غملری

مدد بنت الحسین س

بو سفیرِ کربلادی
هرنه درد اولسا دوادی
اَتَگیندن تز یاپیشسین
کیم بلایه مُبتلادی

سیزیلتون قاخماسین/سرشکون آخماسین
محالِ اَمریدی/گدایه باخماسین

مدد بنت الحسین س

ای اولان گَنجِ خرابه
یاتموسان کُنجِ خرابه
تز ایاقدان دوشدون افسوس
اینحیدوب رَنجِ خرابه

مَهِ بُرجِ ولا/سنه دیل مُبتلا
اوزون یاز(بیکَسه)/دمشق و کربلا

مدد بنت الحسین س

• جمعه
• 29
• اسفند
• 1399
• ساعت
• 21:15
• نوشته شده توسط
• یوسف اکبری

غمون ستاره ی بی آسمان ایدوبدی منی
گُلِ شقایقه بنذر خزان ایدوبدی منی

هَلَه یُورولمامشام عشقون ابتلاسیندن
بی بیم مثالِ ئوزی ، قهرمان ایدوبدی منی

نه قدری وردیلا سیلی منه بیرآخ دیمدیم
بوعشق غملره چوخ پُرتوان ایدوبدی منی

یانان قاپی سنه گر درس غیرت ئورگتدی
او غیرت هَم سَفرِ ساربان ایدوبدی منی

اگر دگوب منه سیلی ، گلایه ایلمورم
امیرعشق بیله امتحان ایدوبدی منی

سواره لر که سنون سینون اوسته آت چاپدی
فلک او ثانیه دن نیمه جان ایدوبدی منی

یاناندا خیمه سرالر منیمده یاندی ساچیم
شکار ، دست قضا بی کمان ایدوبدی منی

سنون هلال کیمی نیزه اوسته معراجون
سُهیلِ نیمه شبِ کهکشان ایدوبدی منی

باشوی آلمشام الان که سینمون اوسته
یَقین دی پیکِ اَجلده نشان ایدوبدی منی

نه حاله لبلروی خیزران سالوب گورورم
بهار عمریده دردون خزان ایدوبدی منی

دوداقووَه باخوب اَمّا ورانمورام بوسه
بوبوُسَه حسرتی چوخ باغریقان ایدوبدی منی

بی بیم بیله بُویورور چوخدی اوخشارون آناما
اودور اَسیرَه لَره نُوحَه خوان ایدوبدی منی

اگر چه زحمتی واردورگوزوی آچ منه باخ
زمانه گور نِجه بی آشیان ایدوبدی منی

دعا ایله بابا ئولسون رقیه گُون چخانا
شماتت اوخلاری چوخ بی اَمان ایدوبدی منی

• شنبه
• 14
• فروردین
• 1400
• ساعت
• 23:08
• نوشته شده توسط
• یوسف اکبری

ای فاطمه نشانی! زینب رقیّه هانی؟
گئتدون بو کاروانی زینب رقیّه هانی؟

مندن صورا یانیقلی نی تک نوایه گلدوز
قیرخ گوندی لحظه لحظه دؤزدوز جفایه گلدوز
بو اربعین گونونده کرب وبلایه گلدوز
غم دوتدی کربلانی زینب رقیّه هانی؟

ای کاش اودا گلِیدی وصل عطرینی آلِیدی
ششگوشه قبریم اوسته باری اؤزون سالِیدی
اکبرله اصغریمله یانیمده او قالِیدی
ایستَر آتا بالانی زینب رقیّه هانی؟

گلسیدی کربلایه اشکی روان اولاردی
او بولبوله بو گلشن خوش آشیان اولاردی
بو کاروانه باری بیر نوحه خوان اولاردی
گلمور نیه فغانی زینب رقیّه هانی؟

اوخشوردی چوخ آنامه اُول قیز آلا گؤزوندن
دویدوم نه باخماقیندان نه بال کیمی سؤزوندن
گلسیدی بیر ئوپردیم سیلی دَگَن یوزوندن
ئولسون اونی ویرانی زینب رقیّه هانی؟

گلسیدی قبریم اوسته چوخ گول دریب ساچاردی
ای وای بابا دییردی توزلی ساچین آچاردی
عباسین آدی دیلده نهره طرف قاچاردی
سسلردی اُول جوانی زینب رقیّه هانی؟

مندن صورا دمادم سالدی قرا رقیه
غم تازه لندی گِئیدی کهنه قبا رقیه
آز سِنّیله چکوبدی چوخلی بلا رقیه
آخر یورولدی جانی زینب رقیّه هانی؟

اُول سالکِ بلایه قورتاردی منهاج، ئولدی
آخر کفندن اؤتری محنتلی محتاج ئولدی
سجّاده نیسکیل اولدی چون باجی سی آج ئولدی
آغلاتدی نُه سمانی زینب رقیّه هانی؟

حیف اولسون اولمادی او بو قبریمه مجاور
حسرتله جان وئروبدی دیدار یاره خاطر
حشره کیمی کیم اولسا کرب وبلایه زائر
یاد ایلر اُول بالانی زینب رقیّه هانی؟

یارب «بشیر»ه قسمت ایله دوباره گلسین
شوقیله اربعینده غملی دیاره گلسین
عاشقلریمله یولدان، اگنینده قاره گلسین
ذکر ایلسین هر آنی زینب رقیّه هانی؟

• چهارشنبه
• 18
• فروردین
• 1400
• ساعت
• 20:08
• نوشته شده توسط
• یوسف اکبری

بير بلبلم خزانه دونوب گلشنيم منيم
کنج خرابه اولموش اودور مسکنيم منیم

گوردوم گوزومله گوللريمين پرپراولماقين
سو اولمادی سارالدی سوسوز سوسنيم منيم

يتميش ايکی گوله منی حسرت قويوب فلک
چيخسا سزادی نه فلکه شيونيم منيم

اوچ ياشدا بير قيزام منيم آديم رقيه دی
بی رحم و بی مروتّيدی دشمنيم منيم

کرب و بلاده آغ گونومی قاره ائتديلر
علت اودورکی قاره دی پيراهنيم منيم

يانديردی شمر خيمه لری غارت ايلدی
يانمادی بيرجه حاليمه اهريمنيم منيم

ال آتدی دوتدی دامنيمی اود خيامیده
قاچديم قاچاندا شعله چکوب دامنيم منيم

ای جان آلان بوجانیمی گل آل يورولموشام
دارلامان اولار حرم ايمنيم منيم

نصف شبی کچوبدی هله آغليور بشير
قويماز ياتا مين عاشقی بير احسنيم منيم

عرض ايليور الهی بو شعری قبول ائله
يازدی اميديلن قلم الکنيم منیم

• شنبه
• 21
• فروردین
• 1400
• ساعت
• 18:27
• نوشته شده توسط
• یوسف اکبری

قارداشیم نگاری آغلاما رقیه
قلبیمی عزیزیم داغلاما رقیه
یوخدی شامیده بیرکس
تا وئره منه بیر سس
آغلاما رقیه آغلاما رقیه (۲)

یازدون اکبر آدین عشقیلن ترابه
هی دئدون بی بی جان او گلر نوایه
ایندی دای عزیزیم کاش گله عزایه
اکبرین داخی گلمز
اشگیوی قیزیم سیلمز
آغلاما رقیه آغلاما رقیه (۲)

گوزیاشیوی قانه سن قیزیم قاتانسان
یوخدی آیری مدفن شامیده قالانسان
قمچی ردی قولدا سن بالا یاتانسان
عمرین آز،ننم مثلی
ووردیلار سنه سیلی
آغلاما رقیه آغلاما رقیه(۲)

قلبیمین محنین سن قیزیم آلاردون
اصغریوه لایلای سن ئوزون چالاردون
چوخ گئجه عزیزیم منلن آج یاتاردون
دوندی قانه گوزیاشون
اولدی نیلی رخسارون
آغلاما رقیه آغلاما رقیه(۲)

ظلمیده ائدوبلر اهل کینه طغیان
قاسمین ائدوبلر طوی حناسینی قان
ایلورم آنون تک ایندی منده افغان
یوخدی بیر ره چاره
هم یوز هم قولاق یاره
آغلاما رقیه آغلاما رقیه(۲)

• پنج شنبه
• 26
• فروردین
• 1400
• ساعت
• 10:43
• نوشته شده توسط
• یوسف اکبری

ر قیه جان ای گل رضوان
روحیمه ریحان آغلاما بالام لایلای

ایاقه دور ایلمه افغان
آدیوه قربان آغلاما بالام لایلای

جان رقیه جان لایلای
باغریم اولدی قان لایلای

گوزون یاشین توکمه رخساره
الده یوخ چاره گلمه بیله افغانه
گلر بیر گون قارداشون اکبر
ای گل پرپر آغلاما یانا یانه
سنه قر بان عمه وون جانی
اشک مرجانی توکمه غملی دامانه
یقین ایلر دردیوه درمان
خالق سبحان آغلاما بالام لایلای

ندور علت ای گل نازیم
محرم رازیم شدتیله آغلورسان
سرشکیوی مهربان بالام
باغریقان بالام گلعذاره باغلورسان
ندن قزیم قلب طاهانی
غملی زهرانی محنتیله داغلورسان
گوزونده وار لکه لکه قان
آهوی نالان آغلاما بالام لایلای

• سه شنبه
• 4
• خرداد
• 1400
• ساعت
• 18:05
• نوشته شده توسط
• یوسف اکبری

رقیه ای گل نازیم
منیم ای محرم رازیم
سه ساله خردا سربازیم
بالام لایلای گولوم لایلای

منی گوزدن آتان لایلای
توزا زلفی باتان لایلای
قوری یرده یاتان لایلای
بالام لایلای گولوم لایلای

سالان ای عمه سین درده
ایاقه دور گیلن بیرده
یاز اکبر آدینی یرده
بالام لایلای گولوم لایلای

قالان چوللرده سرگردان
قویان ای عمّه سین گریان
گئدن قارداشینه مهمان
بالام لایلای گولوم لایلای

واریمدور خجلتیم سندن
گلیلی گیتدون عمّه ندن
بابان چوخ ایستدون مندن
بالام لایلای گولوم لایلای

بهار ابری کیمی دولدون
سارالدون گُل کیمی سولدون
یتیم اولدون اسیر اولدون
بالام لایلای گولوم لایلای

یارالی بلبلوم لایلای
سولان غنچه گولوم لایلای
اولوب ورد دلیم لایلای
بالام لایلای گولوم لایلای

سن اُلدون فکریمی آزدیم
الیمله قبریوی قازدیم
بو قبره باش داشی یازدیم
بالام لایلای گولوم لایلای

او دریا صبریوه قربان
آغ اوزده اَبرووه قربان
بو خردا قبریوه قربان
بالام لایلای گولوم لایلای

آناندان عطریوی آلّام
باشیما قاره وی سالّام
قیزیم سنسیز ملر قالّام
بالام لایلای گولوم لایلای

سنه گریاندی ائللرده
قالان ای آدی دللرده
قالوب گوشوارن اللرده
بالام لایلای گولوم لایلای

دیدون هر سوز باشی ایوای
گنه دور غملروندن سای
دوروب دی اصغره لایلای
بالام لایلای گولوم لایلای

آنان باشه قرا باغلار
قویوبسان عمّه وی آغلار
چکوبسن سینمه داغلار
بالام لایلای گولوم لایلای

• دوشنبه
• 10
• خرداد
• 1400
• ساعت
• 15:18
• نوشته شده توسط
• یوسف اکبری

گلشن وفانون بلبلی رقیّه
قارداشیم حسینه سویگلی رقیّه
مجلس عزا قورما اهل بیتی یاندرما
آغلاما رقیّه

زینبین جهاندا گلعذاری سنسن
قارداشیم حسینون یادگاری سنسن
بو دیار شامون افتخاری سنسن
گوزدن عالمی آتما قیزلاری چوخ آغلاتما
آغلاما رقیّه

ایتموسن بیر ایلدى شامده اقامت
قورتولار بو گونلر ختم اولار اسارت
ایله سن حسینی بیر گجه زیارت
نیلر اوُل شه عالم گورسه حالیوی برهم
آغلاما رقیّه

اولما چوخ مکدّر توکمه اشک آلون
باخما کیم گیدوبدی غارته جلالون
آز قالور یتیشسون گون کیمی زوالون
اشکه خون دل قاتما عمّه وی چوخ آغلاتما
آغلاما رقیّه

بیر گونی اولار تا مقصده چاتارسان
بیر ایشقلی گون تک شامده باتارسان
تک بو یرده سن فکر ایلمه یاتارسان
شامده گلوب قالّام بوردان عطروی آلّام
آغلاما رقیّه

وار اورکده بولّم بیر غم مفصّل
آه و ناله ایتمه یات رقیّه دینجل
ایندی دور ایاقه سینم اوستونه گل
گرد محنته باتما توپراق اوسته سن یاتما
آغلاما رقیّه

بو خرابه یرده اولما چوخ مکدّر
گلسه بو سفردن شاهزاده اکبر
قورتولار ملالون ای مه منوّر
باشیوه سالار معجر قارداشون علی اکبر
آغلاما رقیّه

طعن ایدوب دی باخما قلبوی یارالی
اوچ یاشندا اولدون چوخ باشی بلالی
توپراق اوسته یاتما اکبرین مارالی
بیر گل معطّر سن، سن عزیز اکبر سن
آغلاما رقیّه

شام قیزلاری گر ایتسه لر شماتت
واردی گر چه دردون دلده بی نهایت
پوزما اوز وقارون چکمه چوخ خجالت
غصّه دن اوزون یورما سن اوزوی سندرما
آغلاما رقیّه

قیزلاری گورنده اولماسون هراسون
فکر ایدورسن ایندی یوخدی عیش اساسون
غصّه لنمه گر چه کهنه دور لباسون
یاندروب منی یاخما قیزلارا طرف باخما
آغلاما رقیّه

سالما قیزلار ایچره باشوی اشاقه
قوش کیمی سیخل ما بیر سنان بوداقه
عمّن ئولمیوب دی گل آلوم قوجاقه
جانه دردوی آلام قول بو بیوا سالام
آغلاما رقیّه

• دوشنبه
• 10
• خرداد
• 1400
• ساعت
• 22:06
• نوشته شده توسط
• یوسف اکبری

اورک دوشوب گنه تشویشه یارین عشقینده
کسوب قراریمی بیر تاجدارین عشقینده

سپهر معرفتین غصه‌لی ستاره سیم
اولوبدی تیره گونوم شام تارین عشقینده

آدیم رقیه دی زهرا بویوک ننمدی منیم
کی زنده ام من او عالی تبارین عشقینده

چکوبدی چرخ دنی شام شومه نخوتیلن
منی بو حالیده بیر حق شعارین عشقینده

گلنده شامه او پوزقون قطاریلن گلدیم
ئولونجه یانّام او پوزقون قطارین عشقینده

همیشه رسمیدی بلبل گزر گلستانی
ئوزون فنا ائلمز شوره زارین عشقینده

بی بیم سفارشی بیربیر منیم یادیمدا قالوب
وقاری ساخلارام اول با وقارین عشقینده

غریب و کرب و بلانین شکسته دل قیزیام
بلایه لا دئمرم شهریارین عشقینده

محالیدور گَله بیرده او شهریاره نظیر
کی هر نئین ائده قربان نگارین عشقینده

چکوبدی دارو نداریندن ال وفالی بابام
فقط رضایت پروردگارین عشقینده

چکردی نازیمی مین نازیله ئوپردی منی
همیشه مادر قائم مزارین عشقینده

همان بابام منی اغیار ایچینده ترک ائلدی
بویاندی قانه ئوزی کردگارین عشقینده

خرابه گوشه سینی منده مسکن ایلمشم
گرکدی تاب ائدرم اول جان نثارین عشقینده

(سرابی) ئولدی او قیز بیر خرابه منزلده
فدا اولوب شه با اقتدارین عشقینده

• چهارشنبه
• 12
• خرداد
• 1400
• ساعت
• 11:37
• نوشته شده توسط
• یوسف اکبری

من شب نشین بزم شبستان وحدتم
هر چند شمس شهرهء آفاق کثرتم

من زادهء حسینم و آزادهء جهان
هرچند دستگیرم و پابند محنتم

شهپر آچوب، گوگل قوشی افلاک عشقده
من شاهباز دست شهنشاه قربتم

من انعکاس بانگ منادی کربلا
من پیک فتح نامهء دربار حشمتم

من آسمان درد و مصیبتده بیر آیام
چشم انتظار مقدم خورشید رحمتم

ظاهرده باغلیام غل و زنجیر دشمنه
باطنده پافتادهء عشق و محبتم

فکر ایتمیون اسیرم و رنجور و ناتوان
آزادگی مرامم و فرزند قدرتم

ایوان جور و ظلمی گوزوم یاشی غرق ایدر
طوفان بحر دردم و دریای حسرتم

خورشید آسمان شهادت آتامدی، من
مهرین یانندا اختر برج اسارتم

برهان و منطقیم ایلیوب دشمنی مُجاب
آتشفشان نطقم و کانِ فصاحتم

مُنعِمدی آل احمده چون حامد ازل
بو اصل اوزیله هر ایکی دنیایه نعمتم

شاهانه گوهر ایستمرم چون که من اوزوم
ویرانسراده بیر دُرِ پُرقدر و قیمتم

دیباچهء کتاب غمه ثبت اولوب آدیم
مغموم درد هجرم و محروم عشرتم

اهل ولا بلائیله خوشدور جهانیده
باش اگمرم عدویه که من کوه عزّتم

شهراه شاه عشقده ثابت قدم منم
شهزادیم فدائی اندوه اُمّتم

عشق عالمنده ایلمرم فکر جان و تن
قربان کوی یارم و موقوف نهضتم

چوخ قالمارام بو شامده پیغام دلدی بو
خلوتسرای یاره یاخنلوقدا دعوتم

ظاهرده تیره روزم و بختیم سیاه دور
باطنده روشنی ده و صبح سعادتم

اُلسَمده راه عشقده سیز قوم ناکسه
زانو خم ایتمرم، جبل استقامتم

پیریم ریاضت عالمنه یول ویروب منی
تکمیل ایدوبدی سیریمی، پیر طریقتم

باجادی فخر ایدم هامی تاج کیانه من
دین خاتمنده شاهه (نگین) جلالتم

• چهارشنبه
• 12
• خرداد
• 1400
• ساعت
• 15:57
• نوشته شده توسط
• یوسف اکبری

خرابه یرده رقیه حسینه دردانه
یتیشدی سون نفسینده وصال جانانه

گلوب تکلمه عرض اِیتدی ای وفا کانی
یارالی باشیوه قربان رقیه وین جانی

دوشوب خسوفه عجب ماه طلعتون یارالی
گتوردی قلبیمی درده بو حالتون یارالی

عوض اولوبدی جفایله نقش رخسارون
دَلور یانان اورگی تیر محنتون یارالی

محاسینون بلشوب تازه قانیله یکسر
مزید اولوبدی دوباره مصیبتون یارالی

غریبه حاله سالوب خیزران سوسوز دوداقون
گتیردی سینه می تنگه بو محنتون یارالی

سنی بی بیم تاندی عطر و بوی نابیندن
محالیدور تانیا غیر عترتون یارالی

نه قدر یاره وروب اشقیا خدا بولوری
پوزوبدی حالیمی بو نقش صورتون یارالی

گلنده قافله کربلا بو ماوایه
او دم لبونده یوخیدی جراحتون یارالی

بویور گوروم سنه قربان کیمه قوناقیدون
اولوبدی درد و اَلم بو عبارتون یارالی

سسیمی آلسان اگر سس یتور من زاره
کسوب علاقه و یا مندن الفتون یارالی

دانیش منیله آچلسون منیم سینخ گوگلوم
نولور مضایقه ایتمه محبتون یارالی

منی خرابه مکان چوخ داریخدروب سنسیز
گتیردی قلبیمی تنگه فراقتون یارالی

خدا بولور که نَلر چکمیشم فراقیندان
دگر بیر عالمه ایندی عیادتون یارالی

دیردیم عمه مه اولسم مزاریم اوستونه یاز
که ئولدوروبدی منی درد فرقتون یارالی

غریبه وقتیده گلدون قدومیوه قربان
اسیر عشقیوه واردور عنایتون یارالی

خدایه حمد ایلرم تا بو جاندا جانیم وار
نصیب اولوب منه ده بو زیارتون یارالی

وصالیوه من اگر جانیمی ویرم آزدور
جهان عاریه ده یوخدی قیمتون یارالی

سنون شهادتیوین اجرینی خدا ویرجاخ
خدا یانوندا وارون چوخلی حرمتون یارالی

(عتیق) نوحه یازار روز و شب سنه آغلار
امیدی وار اونا یِتسون شفاعتون یارالی

• یکشنبه
• 3
• مرداد
• 1400
• ساعت
• 15:46
• نوشته شده توسط
• یوسف اکبری