اشعار کوچ شام

گئدورم رقیه جانم امان آیریلیق الیندن
دورایاقه باغریقانم امان آیریلیق الیندن

گوزی یاشلی باغبانِ چمن پیمبرم من
گلرم دوباره گِتسم سنی ترک ائدنمرم من
بالام اولماسا یانیمداوطنه گئدنمرم من
گوزون آچ که خسته جانم امان آیریلیق الیندن

دئمه گلشن وفانی گوزلیم ایاقلادیم من
سنی شامه چان عزیزیم قوجاقیمداساخلادیم من
یِل اَسوب ائدنده برهم تلیوی داراقلادیم من
سنه یارمهربانم آمان آیریلیق الیندن

منی غربت ایچره گوزدن نه تئزآتدون عمه ن ئولسون
گجه گوندوزی سرشک غمه باتدون عمه ن ئولسون
یوزی توزلی تپراق آلتدانجه یاتدون عمه ن ئولسون
بئله یاتماناگرانم آمان آیریلیق الیندن

آچیلوب طناب بیداد اُسرا اولوبلا آزاد
قییدوب اساس غارت سنی عمّه لرائدوریاد
قالوب الده گوشواره ن اوجالوبدی عرشه فریاد
نجه گورغمه نشانم آمان آیریلیق الیندن

گئدورم دیارعشقه تاپام عالم وصالی
یانورام کجاوه لرده یئریوی گورنده خالی
نه دیوم سوروشسااکبرباجیمون نئجیدی حالی
سنه میرکاروانم آمان آیریلیق الیندن

بوسؤزی«کلامی»یازدی گجه نین همان زمانی
که ستاره لرسپاهی بَزه میشدی آسمانی
ملکوتی بیرسسیلن وئریلوردی صبح اذانی
دئدی منده خسته جانم آمان آیریلیق الیندن

• دوشنبه
• 18
• مرداد
• 1400
• ساعت
• 12:00
• نوشته شده توسط
• یوسف اکبری

بو خرابه نی ائلمه وطن
باجی دور گئدک باجی دور گئدگ
آتا باشی سینه ده جان وئرن
باجی دور گئدک باجی دور گئدگ
.
.
اُسَرا قطاری دمشقیدن
دوشوری حجازه طرف یولا
بابامین زیارتی وار گمان
بیزه اربعین ده نصیب اولا
بیلورم مزاریده یاتموسان
باخوری گوزوم گنه صاق صولا
گوزومه گورونموسن حیف سن
باجی دور گئدک باجی دور گئدگ
.
.
گولِ عمر کلِّ خلایقی
بیلورم خزانه اجل چکر
هامی آرزولرینی قویار
اؤرگینده کلک خلل چکر
سنی مندن ائتدی اجل جدا
باجیدان مگر باجی اَل چکر
باجیسین همیشه چوخ ایستیَن
باجی دور گئدک باجی دور گئدگ
.
.
سنی قویدی قاره گونه فلک
گینوب قرا قره باغلادون
بو خرابه شامه کیمی باجی
مَلَه دون اؤرکلری داغلادون
دَوَه

• پنج شنبه
• 18
• مهر
• 1398
• ساعت
• 12:09
• نوشته شده توسط
• ابوالفضل عابدی پور

شیرین سوزوم آیدین اولدوزوم
مهربان بالام لایلای
دادیم دوزوم آهو گوز قیزیم
باغریقان بالام لایلای
جان رقیه جان لایلای
.
.
وصال یار اولدی تا سنه بو خرابه ده قسمت
زیارت ایتدون طبیبوی ای حبیبۀ جنت
اوچوبدی روحون بو دهریدن ایلیوب سنی راحت
غمون ایدوب زینب عمووی ناتوان بالام لایلای
.
.
قوجاقه آلدیم جنازوی منزلی دولاندیردیم
شرار آهیمله باشوون اوسته لاله یاندیردیم
سنه تاپانمازدیم آغ کفن دفنووی یوباندیردیم
نه چاره تاپدیم نه ده نشان مهربان بالام لایلای
.
.
خرابه ده گُل جنازوی غسل ائدنده غسّاله
سویوندوراندا لباسووی ایلدی حزین ناله
منه باخوب دمبدم دیدی وای بو قاره اقباله
نجه بونا غسل ایدوم مگر باغریقان بالام

• سه شنبه
• 23
• مهر
• 1398
• ساعت
• 15:42
• نوشته شده توسط
• ابوالفضل عابدی پور

ای غرق اولان درد و بلایه
سینم گلوب غمنن نوایه
یاتما خرابه گوشه سینده
زینب گئدور کربوبلایه

دردونده دائم آلیشوب یانارام
ئولونجه بو باشه قاره سالارام

باشی دوشن ای بلایه رقیه
اویان گئداخ کربلایه رقیه

قیزیم گئدور کاروانیم

ای کـاروانیمـون صفـاسی
ای درد و غملر مبتلاسی
دائم دییردون عمه جان وار
باشیمـدا کربلا هواسی

عَمـون سن سیز کربوبلایه گئدور
بو یاسلیلار بزم عزایه گئدور

باشی دوشن ای بلایه رقیه
اویان گئداخ کربلایه رقیه

قیزیم گئدور کاروانیم

ای لالـه‌ی زیبـا و پـر پـر
هی سسلیـردون اکبر اکبر
اکبر یولون گوزلر عزیزیم
لایلای گوزتلور ایندی اصغر

شـام ویـرانـه‌ده یـاتمـا قیزم
اورک قانین گوزیاشیمه قاتما قیزیم
باشی دوشن ای بلایه رقیه
اویان گئداخ کربلایه رقیه

قیزیم گئدور کاروانیم

• چهارشنبه
• 22
• بهمن
• 1399
• ساعت
• 14:26
• نوشته شده توسط
• یوسف اکبری

دور ای سه ساله قهرمان
رقیه جان رقیه جان
گیدور بو غملی کاروان
رقیه جان رقیه جان
.
بیبون ئولسون ائللروندن اولدون آرالی
مزاره گیتدون ایاق یاره قول یارالی
یوزوندن سیلی ووران اللر شل اولیدی
آنام زهرا تک اولوبسان باشی بلالی
.
قلبیمون قراری
گیدور غم قطاری
.
.
.
.
.
.
خدا بیلور که غم منیم
قراریمی آلوب نجه
دوشوبدی یادیمه منیم
آنام شهید اولان گیجه
.
آنامین که سینه سین مسمار ایتدی یاره
یاراسین من باغلادیم گلدیم آه و زاره
او گوندن بو قاره مندن آیریلمیوبدی
فلک سالدی بش یاشیمدان باشیمه قاره
.
قلبیمون قراری
گیدور غم قطاری
.
.
.
.
.
.
سنی گورنده آی بالا
ننم دوشردی یادیمه
یوخومدی ایندی بیر نفر
چاتا بو غمده داد

• جمعه
• 19
• مهر
• 1398
• ساعت
• 16:00
• نوشته شده توسط
• علیرضا گودرزی

دوشدی دمشقیدن یولا بیر کاروان غم
سر خیل آشنای بلا هم عنان غم
.
مغلوب اولوب مخالفه عشاق، جمع ایدوب
ملک حجازه سوز و گداز ارمغان غم
.
یولاندی ناقه سمت عراقه نوائیلن
تحریر ایدردی زنگ شتر داستان غم
.
خورشید سیز کواکب غم سیره گلدیلر
دولدی نجوم محنتیله آسمان غم
.
بیر دسته دام ظلمه دوشن پر شکسته لر
آزاد اولوبدی آختاروری آشیان غم
.
یتدی تمامه محنت ایام شام شوم
هرچند انتهایه یتوشمز زمان غم
.
ای اهل درد تازه لنوب دردی زینبین
کرببلایه یوز چووروب خاندان غم
.
یو خدور دین خزانه گیدن گلشن هاردادی
غم بوستانینه گیدوری باغبان غم
.
بار المدی توشه سی، سوقاتی گوز یاشی
دلده فغان و سینه ده گنج نهان غم
.
روز ازل خدنگ

• پنج شنبه
• 25
• مهر
• 1398
• ساعت
• 14:04
• نوشته شده توسط
• ابوالفضل عابدی پور

ای غمی آغلار قویان کون و مکانی دور گِئداخ
کربلایه یوللانور غم کاروانی دور گئداخ
.
.
ای مدینه بلبلی ترک وطن ائتدون نَدَن
عاقبت اولدی سنه بو کنج ویرانه وطن
ایندی یثربده باجون جانی چخؤب اندیشه دن
قویما قالسون منتظر او بینوانی دور گئداخ
.
.
عمرون آز اولدی غمون چوخ گوشۀ ویرانه ده
چوخ اذیّتلر سنه یتدی بو ویرانخانه ده
قویمادی شمع غمون تاب و توان پروانه ده
یانموسان یاندورموسان جان جهانی دور گئداخ
.
.
ای وفا روحی رقیّه اِیْلیروخ نقل مکان
کربلایه عزم ائدوب بو دلشکسته کاروان
همره اول بو کاروانه یاتما نازیله اویان
ایستوری گؤیلون اگر کرب و بلانی دور گئداخ
.
.
کربلا صحراسی ایندی باصفا گلزار اولوب
گل آچوب با

• پنج شنبه
• 25
• مهر
• 1398
• ساعت
• 14:05
• نوشته شده توسط
• ابوالفضل عابدی پور

به سبک(ای وئرن ویرانه یرده...)

کوچ ائدور ای شامین اهلی، شامدن عصمت قطاری
قالدی بو شهروزده مهمان، بیر حسینون یادگاری

میزبان تک سیزده اولسون، شیوۀ مهمان نوازی
سالمیون شام ایچره گوزدن، بو مه چرخ حجازی
دلده چوخدور دردی واردور، دلستانه چوخ نیازی
وار ثوابی گوگلون آلساز، اسگیلر دلدن شراری

بسکه حسرت چکدی قلبی دردیله دولدی بو یرده
باغرینی دوندردی قانه گل کیمی سولدی بو یرده
عاقبت دوشدی ایاقدان غصه مرگ اولدی بو یرده
خوابگاه ائتدی رقیّم بو خراب اولموش دیاری

بوردا بو روح روانیم غملره توش اولدی قالدى
دیل دئدی، دردیله دائم بو هم آغوش اولدى قالدى
نطقدن شیرین زبانیم دوشدی خاموش اولدى قالدى
لاله تک دوندردی قانه بو دل زار و فکاری

گوهر دریای عصمت معدن وقر و ادب دور
عزت و شأن عجم دور دختر شاه عرب دور
هم گوزی زهرا باخیشلی هم ئوزی زهرا نسبدور
بوردا بیله یادگاری قویدی زهرا یادگاری

شربتی اشک تر اولدی خون دل دائم غذاسی
ناز ائدن وقتینده اولدی درد و غم لر آشناسی
شمع عیشی سوندى الدن گئتدی ایستگلی آتاسی
بو بالام قالدی یتیمه یاندی قلب داغداری

نسگلی چوخدور ئورکده جان وئروبدور زار و خسته
شامده ائلسیز دوشوبدور بو بلالی دلشکسته
بیرکسی بو شهرده یوخ چوخ گلون سیز قبری اوسته
قویمیون باتسون غباره بو قیزین پوزقون مزاری

گونلرین باشه یتوردی غم لریله نسگلیله
قلبینی یاندوردی یاخدی اود توکن آه دلیله
دل یاران سوزلر دییردی دم به دم شیرین دیلیله
لعل لبلردن ائدردی صحبت جانانی جاری

ائل قبیله یوخ یانیندا حلقۀ ماتم قورون سیز
اوخشیون ویرانسرانی شیونیله دولدورون سیز
قبری اوسته لیل جمعه شمع ماتم یاندورون سیز
قویمیون ظلمتده قالسون بو مزار غصّه باری

بو قیز آز عمر ائتدی اما چوخ بلا اولدی باشیندا
یوز قویوب دیواره حالین شرح ائدردی گوز یاشیندا
آغلیوب مرگ آرزوسی ایلیردی اوچ یاشیندا
مستجاب ائتدی دعاسین عاقبت پروردگاری

یاد ائدون دردوز داشاندا سیز او غملر مبتلاسین
چوخ مجرب دور ائدر تئز اولسا هر دردوز دواسین
قبرینه سالساز آلارسوز هر مریض اولسا شفاسین
چیخماسون هرگز یادوزدان قبرینون بوس و کناری

آرتورون سیز احتشامین سیزلره حشمتدی قبری
ساخلیون هم احترامین بیر بویوک نعمتدی قبری
دردمند اهل شامه کوکب حاجتدی قبری
ایلیوب روشن بو مدفن شام تیره روزگاری

بو قیزین هجرانی قویماز صبر اودلی داده بوللم
یثربه گئتسم دوباره بوندان اؤتری شامه گلّم
سو سپوب اشگیله گرد قبرینی زلفیمله سیلّم
قبرینه اوللام مجاور کسب قیلّام افتخاری

« تائبا» گئت سنده شامه گور مزار مشک خیزین
باغرووا باس بیر ضریح شور خیز و عشق ریزین
شوقیله ائله زیارت شاه عطشانین عزیزین
تا صفای باطنیله پاک اولا قلبون غباری

• چهارشنبه
• 28
• آبان
• 1399
• ساعت
• 11:49
• نوشته شده توسط
• یوسف اکبری

ای آنام زهرا نشانی
عمّه وین یوخدور توانی
سندن اوتری باجیلارون
لنگه وردی کاروانی

طاقت بولوسن منده قزیم یوخدی فراقه
ای زینبین آرام دیلی دور بیر ایاقه
قیزیم ----- عمّن اولیدی

گوزلریم ایسلاندی یاتما
دور باجون گریاندی یاتما
عازموخ دشت بلایه
کاروان یولاندی یاتما

بو شام خرابی بالا ترک ایلییروخ بیز
دور سنده گداخ کرب و بلایه گدروخ بیز

ای پرستوی مدینه
رحم ایله بو دل غمینه
آز قالور ای روح زینب
اربعین شاه دینه

مندن بالا کوسمه بولوسن گیتمه لیم من
بو غربت ایچینده سنی ترک ایتمه لیم من

توپراق آتدا یاتموسان سن
اشکی قانه قاتموسان سن
بو یول اوستونده رقیه
عمه وی آغلاتموسان سن

ویرانه نی عمّن بولوسن ترک ایده بولمور
مشگلدی بو هجران بالا سن سیز گیده بولمور

قلبیمی یاندیردی دشمن
غصه دن دینجلمه دیم من
غارت اموالین بولنده
قالدی یرده گوشوارن
قلبیم الشوب سسلدیم ای وای بالام ایوای
زهرا یادما دوشدی ددیم‌ وای انام ای وای

گلشن عمرون سولاندا
گوزلر اشکیله دولاندا
زینبی درده شالوپسان
اصغر مهمان اولاندا
ای اصغره لای لای چالانیم دور بیر ایاقه
آغوشیمه گل قافیله یولاندی عراقه

لطف ایدوب خلّاق سبحان
(بیکَس) اولدون سن نواخوان
روز محشرده دوتار اَل
نوکره شاه شهیدان

شهلر قاپیسیندان بلی قوومازلا گدانی
ایسته گینه قسمت ایلیه کرب و بلانی

• شنبه
• 23
• اسفند
• 1399
• ساعت
• 20:00
• نوشته شده توسط
• یوسف اکبری

شامیدن آیرولورام قلبیم اولوب قان گئدورم
اورگیم بوردا قالور گوزلری گریان گئدورم

اربعین اولدی و زینب قوجالوب بل بوکولوب
قصر شامی ائلدیم باشلارا ویران گءدورم

هر قدم که اوزاق اولدوخجا یانور بو اورگیم
شامیده قالدی قیزیم حالی پریشان گءدورم

بیر نفر ییرده قالوبدی یری بوشدی بیلینور
گلمدی سسلدیم ای غمکش دوران گءدورم

سویلدیم ای گوزلیم ناز ایلمه زینبه چوخ
دور اپوم صورتیوی گوزلره قربان گءدورم

قارداشیم گر سوروشا هانی منیم نازلی قیزیم
نه دیم یوخدی جوابیم اءدم عنوان گءدورم

کوسموسن اولما منیله یا که ناز ایلیوسن
مونسیم دور یولا سال محضر جانان گءدورم

گءدورم قارداشیما درد و بلادن دانیشام
المیشام پیرهنین سینه سی سوزان گءدورم

گءدورم شام بلاسین عرض اءدم قارداشیما
چوخ سوزوم واردی حسینه اودی الان گءدورم

یا که عباسه دیم وردیلار چوخ قمچی بیزه
گوگلوم ایستر اوجا بوی قارداشی هر آن ، گءدورم

ایستورم سیلی وران، قمچی وراندان دانشام
باشدا محمل یاراسی جانب سلطان گءدورم

ایستورم بیر یارالی قیزدان حسینه دانشام
دیل سوزون ایلمیشم سینه ده پنهان گءدورم

وقت او وقتیدی که ویرانیه گلدون یارالی
گلدی پیشوازه رقیه دءدی جانان گءدورم

خوش گلوبسن دءدی بو منزلیمه آی باباجان
سنی گوردوم وءررم جانیمی اسان گءدورم

باشی آلدی قوجاقا ءوپدی یارالی دوداقی
دءدی عمه گل هرایه وءرورم جان گءدورم

ایندی وار سینه ده بیر غم منی اینجیتدی حسین
کفنی معجری اولدی گوزی گریان گءدورم

کنج ویرانه نی ماوا ایلدی قارداش حسین
اوقدر اصرار اءلدیم گل گل خندان گءدورم

باتدی ویرانه ده اول بلبل شیرین سخنیم
غمیله باشه قویوب تاج زر افشان گءدورم

گلورم وادی محنته باتام درد و غمه
کربلاده سارالان گللره مهمان گءدورم

یا رقیه بو "خدایی" سیزه ماتم ساخلار
یوم محشرده اءدون نوکره احسان گءدورم

• سه شنبه
• 12
• مرداد
• 1400
• ساعت
• 13:29
• نوشته شده توسط
• یوسف اکبری

دوشوبدی کاروان یولا رقیّه یاتما دور گئدک
او گوزلره بی بون فدا رقیّه یاتما دور گئدک

قَرا چکیلدی سَر به سَر مُزیّن اولدی کاروان
مسیر اولوبدی کربلا بَشیر اولوبدی ساربان
نوای زنگ کاروان ، قطاریدن گلن زمان
گلر قولاقیمه صدا رقیّه یاتما دور گئدک

گئدوب قراروطاقتیم ئورکده قالدی چوخ سوزوم
گرک دیم سوروشسالار باتوب منیم دان اولدوزوم
یاتوب خرابه ده منیم شیرین دیلیم آلا گوزوم
تز ایلدون منی رها رقیّه یاتما دور گئدک

دئدون بی بی دوزنمورم شرار هجر اکبری
دئدیم بیرآزدا صبر ائله فراق ماه انوری
دئدون دوشوب خیالیمه آلام قوجاقه اصغری
دئدیم چوخ آغلاما بالا رقیّه یاتما دور گئدک

او چوللری گلنده سن تیکان باتوب اَیاقووه
نجه گئدیم همان یولی نجه دوزوم فراقووه
چتیندی آیریلیق بالا تَرحُّم ائت قوناقووه
سنی قویوم گئدوم هارا رقیّه یاتما دور گئدک

زیارته گئدور بی بون حسینینون جوارینه
گرک مِنای عشقیده قویام یوزی مزارینه
سوروشسا اکبرون اگرنَه گلدی گُلعذارینه
یوخومدی سوز دیم اونا رقیّه یاتما دور گئدک

یزید اساس غارتی وئرنده کَسدی چاره نی
ئوزوم اَلیمله بولمیشم لباس پاره پاره نی
فلک ائدوبدی گوز داغی اَلیمده گوشواره نی
اَلیمده قالدی برملا رقیّه یاتما دور گئدک

• شنبه
• 20
• شهریور
• 1400
• ساعت
• 16:40
• نوشته شده توسط
• یوسف اکبری

ئولوب خرابه ده ای شامیان بالام قالدی
مدینییه گیدورم باغریقان بالام قالدی
.
مزارینی سیزی تاری گلون زیارت ایدون
چوخ آغلیون بونا یوخ آغلیان بالام قالدی
.
الی اوزولدی وطندن گیدنمدی وطنه
ویروب خرابه ده حسرتله جان بالام قالدی
.
اولاندا هر شب جمعه چراغ روشن ایدون
مزاری اوسته اولون نوحه خوان بالام قالدی
.
سیلین غبارینی سیز قویمیون قالا توزلی
بو غربت ئولکه نی ایلوب مکان بالام قالدی
.
رقیه قبرین امانت قویوب سیزه گئدورم
چوخ احترام ایلیون میهمان بالام قالدی
.
بو شامیده بالامین سیز بو غملو روضه سینی
مزار ایدون اؤزؤزه جاودان بالام قالدی
.
چو عندلیب قفس بو خرابه گوشه سینی
اوزینه آخر ایدوب آشیان بالام قالدی
.

• جمعه
• 19
• مهر
• 1398
• ساعت
• 15:57
• نوشته شده توسط
• علیرضا گودرزی

قافله میز آی بالا! دشت بلایه گئدور
شامیده سن قال بی بون کرب وبلایه گئدور
.
.
نوحه ی هجران اوخور بلبل شیرین سخن
غم یئمه، تک قالماسان چون گلرم بیرده من
دور یولا سال عمّه وی یاتما بو نازیله سن
غملی سردان چیخوب غملی سرایه گئدور
.
.
وئردی غریبانه جان بابِ غریبون سنون
سالدی سنی غربته دردِ طبیبون سنون
اولمادی ششگوشه قبر، حیف نصیبون سنون
آهیم اودور فرشیدن عرش خدایه گئدور
.
.
دوزدی کی ویرانه دی مسکنون آباد اولار
گؤرسه مزارون اگر دیل قوشی آزاد اولار
اولسا سنه آشنا اؤزگه لره یاد اولار
جمعِ اسیرانِ غم قانلی منایه گئدور
.
.
سن بو آز عمرون بویی چوخلی ستم چکموسن
من کیمی بو دهریده غصّه و غم چکموسن
دوده ی آهون

• سه شنبه
• 23
• مهر
• 1398
• ساعت
• 15:46
• نوشته شده توسط
• ابوالفضل عابدی پور

ای گوزل قارداشمون نازلی دل آراسی قیزیم
باشه یتدی باشمون درد و بلایاسی قیزیم

قارداشیم گلشنینه تازه شگفته گلیدون
ای گلستان شریعت گل رعناسی قیزیم

حیف اولا تز سنی پرپر ایلدی باد جفا
بیله ایجاب ایلدی دهر تقاضاسی قیزیم

ئولماقون گرچه ملول ایلدی اهل حرمی
لیک دین اهلینه وار چوخلی مزایاسی قیزیم

قارداشیم باغلادیقی روز الستنده کی عهد
واریدی عاشق و معشوق آرا سوداسی قیزیم

خویش و انصارینی بیر بیر هاموسین ویردی فدا
سنیدون آخر عهدینده کی امضاسی قیزیم

سن که بو عالمی سیر ایلدون اوچ سنّویله
اولدی صد ساله لرین فلسفه انشاسی قیزیم

نسگلون هر دله تأثیر ایلیوب یاندراجاق
نجه یاندیم دلیمون گیتدی تواناسی قیزیم

حقلیم یاد ایلدوقجا بالا نسگل لروی
موج ایده گوزلریمون اشکیله دریاسی قیزیم

سن دگلدون بو مکاندا سوروشاردون باباوی
قارداشون اکبری یا که عمون عباسی قیزیم

گیدوروخ سن سوروشانلار یاننا سنده اویان
رهسپار اول داخی یوخ دشمنون ایذاسی قیزیم

آیریلوم من نجه سندن که گلنده بو یره
سنیدون محملمون انجمن آراسی قیزیم

قارداشیم گر خبر آلسا سنی مندن نه دیوم
نجه اولسون دلیمون صحبته گویاسی قیزیم

یادگار شه عطشانیدون آخر منه سن
سنیدون حال وداعنده وصایاسی قیزیم

غصه مرگ ایتدی سنی ظلم یزید کافر
اوزی عدل ایلسون حقّین حق یکتاسی قیزیم

باخما پوزقوندی مزارون اوجادور قصر یزید
ظالمون بش گون اولار عزّت دنیاسی قیزیم

ولی بیرگون بو خرابه یر اولار مأمن خلق
فدیگان ره عشقین بودی معناسی قیزیم

درگه پاکیوه شهلر قویاجاقدور یوزینی
چوخ اولار مدفنوین عاشق شیداسی قیزیم

چوخلی یرده آچلار سفره سنون آدویله
هر کسین اولسا اورکده نه منایاسی قیزیم

قاپوین سائیلدی «ذهنی» بیچاره گلوب
آناوین قبرینی گورماقدی تقاضاسی قیزیم

دم ویروب «سائله» «خوندل» سوزی استاد سخن (1)
زینب ای فاطمه نون مظهر تقواسی قیزیم

• سه شنبه
• 27
• آبان
• 1399
• ساعت
• 12:51
• نوشته شده توسط
• یوسف اکبری

سبک: ایقلم سوز لرونده ......
جامه ی عشوی....و مطهری...و...

شامیده غم چاتوب انتهایه
حمد اولا خالق کبریایه
قوخما قورتولموشوخ درد غمدن
دور گیدور کاروان کربلایه

یاتما دور ای عزیز مدینه
کربلایه گیداخ اربعینه

حرمت اولموبدی بوردا قوناقه
یانموشوخ مِحنته هم فراقه
یاتما بو قبریده دورایاقه
چاتدی غم غصّه لرا نتهایه

باخما کرب و بلا غم فزادی
قارداشیم قبری لیک باصفادی
خاکی امراض عشقه دوادی
عرش و فرشه سالوب اوردا سایه

ای وفا مُلکونه بی قرینیم
گلشن دین گلی یا سمینیم
دور بیزه همره اول مه جبینیم
یول سالاخ بیرده تا نینوایه

سن سپهر ادب اولدوزیدون
اوچ یاشیندا حسینون قیزیدون
سفرۀ استقامت دوزیدون
دوزموسن هر غمه هر جفایه

وار علاقم سنه بی نهایت
سن گهر تک مَنِیدون امانت
اولدی عمّن آتاندان خجالت
حقی وار ایتسه مندن گلایه

غملنوب هرزمان وای دییردون
سسلنوب اکبر ایوای دییردون
اصغره گاهی لایلای دییردون
صبحی تبدیل ایدردون مسایه

دوربساط سفر باغلانوبدی
یرسنه ناقه ده ساخلانوبدی
سن اولنده اورک داغلانوبدی
اگموشوخ باش قدرهم قضایه

سقف ودیواری یوخ ایندی ویران
سن یاتان یراولار باغ رضوان
خانگاه صفا عشق و ایمان
گلسه زایر آچار دل دعایه

سن اسیرسه ساله وطن سیز
مرغ بی بال وپرتک چمن سیز
کاروندا صفا یوخدی سن سیز
دورگیدور کاروان کربلایه

دُخت شاهنشه با جلالت
خردا قبری ویرن شامه زینت
عاصیدور (عدلی) روز قیامت
اول شفیعه اوزون لا ُیرایه

• یکشنبه
• 14
• دی
• 1399
• ساعت
• 22:42
• نوشته شده توسط
• یوسف اکبری

زینب او گونکه عازم کوی نگاریدی
آغلار گوزیله دشت غمه رهسپاریدی

یعنی خرابه شامیدن ایستردی آیریلا
اوز زلفی تک گونوز گوزینه لیل تاریدی

اوّل مخاطب ایلدی شامین خانملارین
ظاهرده قصدی آیریلیقا اعتذاریدی

فرمایش ایلدی سیزه وار بیر سفارشیم
بو شهریده اگرچه غمیم بی شماریدی

بیز ایمدی کوچ ایدوب گیدیروخ بو دیاریدن
بو گیتماقا بو قافله بی اختیاردی

شوق وطن چکور آپارور دوزدی چون وظن
بو باغری قان اولانلارا یثرب دیاریدی

وار بو یول اوسته کعبه ی آمالی زینبون
بو کعبه کعبه نین شرف و افتخاریدی

عشق حسینیله گیدورم کربلایه من
بیر یردی عشق گللرینون لاله زاریدی

چوخ گل وار اوردا خاصّه گل سینه ی بتول
هر ناامید اولان کس

• دوشنبه
• 25
• شهریور
• 1398
• ساعت
• 10:34
• نوشته شده توسط
• علیرضا گودرزی

گل باغ آلِ رسول سن
بالام آغلاما قیزیم آغلاما
ثمر ریاضِ بتول سن
بالام آغلاما قیزیم آغلاما
.
.
قوری یرده مسکن و منزلون
یوخ علاجی محنت و مشکلون
منه چوخ چتیندی بو مشکلون
بالام آغلاما قیزیم آغلاما
.
.
بو گیجه چوخ ایلوسن اضطراب
منی حالتین ایلیور کباب
قولووی کسوبدی مگر طناب
بالام آغلاما قیزیم آغلاما
.
.
سن عزیز شاه مدینه سن
سن اسیر فرقۀ کینه سن
سن همدم نازلی سکینه سن
بالام آغلاما قیزیم آغلاما
.
.
بو گیجه ندن ایدوسن فغان
بو فغانیله منی داغلوسان
نه اولوب سنه نیه یاتموسان؟
بالام آغلاما قزیم آغلاما
.
.
بیزه یوخ بو شامیده دادرس
کمک ایتموری بیزه هیچ کس
اسرادیلر سنه همنفس
بالام آغلاما قیزیم آغلاما
.
.
هامی

• پنج شنبه
• 18
• مهر
• 1398
• ساعت
• 12:06
• نوشته شده توسط
• ابوالفضل عابدی پور

دایانوب یول اوسته دی کاروان
گئدورم رقیه قزیم اویان
بوخرابه ده بالایوخ قالان
گئدورم رقیه قیزیم اویان
.
.
.
.
ای اولان بلالره مبتلا
گوزی یاشلی قلبی یاراقیزیم
بوجهاندا بختی کیمی اولان
کفنی بدنده قراقیزیم
سنیلن گلوب قوجالان بی بون
گئدیم ایندی سنسیزهاراقیزیم
سفراوسته زینبی آغلادان
گئدورم رقیه قیزیم اویان
.
.
.
.
اویان ای خرابه ده غصه دن
گلن آه ووائیله شیونه
سنون ئولمگون هامی دردیدن
چتین اولدی چوخ اوگجه منه
باشون اوسته گورنجه آغلیور
اورگی یارالی بی بون سنه
ای علی اکبره آغلیان
گئدورم رقیه قیزیم اویان
.
.
.
.
سولوب ای هزاره ی باغ دین
ستمیله تزچمنون سنون
آغ اولارکفن ولی قاردی
بدنونده کی کفنون سنون
بونا

• پنج شنبه
• 18
• مهر
• 1398
• ساعت
• 12:11
• نوشته شده توسط
• ابوالفضل عابدی پور

هر شخصین اولسا بهره سی علم روان دن
واضح بلر ندور غرضیم بو بیان دن
.
.
نفرین اولونموش انسانا وحشت وئرنده ال
هذیان دیر دورار ائدر ئوز دیزلرین بغل
دیوانه ایلیر اونی ئوز ائتدیگی عمل
شاملدی شام ایچینده یزده بو صحنه لر
کار ایلیوبدی آخر او ملعونه طعنه لر
.
.
دوتموشدی چون حسین قانی اول شوم و ابتری
گاهی یاتور ، دورور ، دولانور ، گاه سرسری
پیغمبری ، گورور یوخودا ، گاه حیدری
زین العبادی ایستدی دربار نحسنه
عرض ایلیوردی یابن حسین رحم ائدون منه
.
.
من بی گناهم ایندی آدیم بد نهاد دور
ابن زیادی بلمدوم اهل فساد دور
بد نام ائدن منی همین ابن زیاد دور
گئچدی گئچن بو ایشده پشیمانم ئولموشم
چوخدان منیم ائویم یخلوب ای

• جمعه
• 19
• مهر
• 1398
• ساعت
• 15:31
• نوشته شده توسط
• علیرضا گودرزی

چون واضح اولدی زینب کبرایه انتقال
گلدی خرابیه بویوروب با زبانِ حال
.
دور ای شکوفۀ گلزار بو تراب قیزیم
سزا دگل اولا گل بستری تراب قیزیم
.
بو کاروان گیدیری کربلا زیارتینه
دایانما گیتماقا دور سنده قیل شتاب قیزیم
.
نه شمر وار سنه قمچی ورا نه زجر و سنان
نه قید و بند نه وحشت نه اضطراب قیزیم
.
دور ای شهیدۀ هجران عشق گور نجه وار
خیال وصلیله هر دلده التهاب قیزیم
.
سن ای غزالۀ چرخ وفا غزال حجاز
بو شام شومی ندن ایتدون انتخاب قیزیم
.
سن ای طراوت نزهت فزای هر گلشن
سن ای سرشگی صفا بخش هر گلاب قیزیم
.
سن ای ستارۀ تابان آسمان ادب
سن ای یوزی فلک حسنه ماهتاب قیزیم
.
بو لعلین ارزشینی اهل شام بولمدیلر
اولار بو گو

• جمعه
• 19
• مهر
• 1398
• ساعت
• 15:55
• نوشته شده توسط
• علیرضا گودرزی

ای اختر عصمت ، ماه خرابه
دور یاتما رحم ایله ، بیکس ربابه
.
قربان اولوم – دور صبریمی – آلما رقیه
ائللر گئدور – ویرانه ده – قالما رقیه
.
زنجیره باغلی قوللار آچیلدی
قورتاردی محنت یوللار آچیلدی
.
.
.
.
.
عالمده یولداشون ، درد و غم اولدی
ویرانسرا آیری ، بیر عالم اولدی
سینم بو غم داغلار ، زهرا ننم تک
درد و ملالون چوخ ، عمرون آز اولدی
.
گون گورمدون – سن خانه – صبریم یئخیلدی
ئولدون دلِ – ویرانه ده – قلبیم سئخلدی
.
سن جان وئرنده سوندی چراغیم
وطنه سنیز گلمور ایاقیم
.
.
.
.
.
سنله قیزیم گلدیم ، شام بلایه
سن آغلیاندا من ، گلدیم نوایه
آزاد اولور ائللر ، بو غمسرادن
دور سنده منلن گل ، کرب و بلایه
.
ای نازنین

• جمعه
• 19
• مهر
• 1398
• ساعت
• 16:32
• نوشته شده توسط
• علیرضا گودرزی

سبک: ای قلم سوزلرونده ...
جامه عشقوی ... مطهری ....
.
.
شامیده غم چاتوب انتهایه
حمد اولا خالق کبریایه
قوخما قورتولموشوخ دردوغمدن
دورگیدورکاروان کربلایه
واگیر:
یاتما دور ای عزیز مدینه
کربلایه گیداخ اربعینه
.
.
حرمت اولموبدی بوردا قوناقه
یانموشوخ مِحنته هم فراقه
یاتما بو قبریده دورایاقه
چاتدی غم غصّه لر انتهایه
.
.
باخما کرب و بلا غم فزادی
قارداشیم قبری لیک باصفادی
خاکی امراض عشقه دوادی
عرش و فرشه سالوب اوردا سایه
.
.
ای وفا مُلکونه بی قرینیم
گلشن دین گلی یا سمینیم
دور بیزه همره اول مه جبینیم
یول سالاخ بیرده تا نینوایه
.
.
سن سپهر ادب اولدوزیدون
اوچ یاشیندا حسینون قیزیدون
سفرۀ استقامت دوزیدون
دو

• سه شنبه
• 23
• مهر
• 1398
• ساعت
• 16:18
• نوشته شده توسط
• ابوالفضل عابدی پور

ای زینبه روح و روان لای لای رقیه
دور کوچ ائدور بو کاروان لای لای رقیه
.
.
شام اهلینون هرگز بیزه یوخدور وفاسی
بو امتین گلمز سایا جور و جفاسی
سنسیز بو دنیانون منه یوخدور صفاسی
بو آیرلیقدان الامان لای لای رقیه
.
.
رحم ایلمز بو شامیان هرگز قوناقه
گوزلور یولون یولداشلارون دور بیر ایاقه
شاید گئداخ بو اربعین سمت عراقه
یوخدور داخی شمر و سنان لای لای رقیه
.
.
آخشام اذان وقتی یره اکبر یازاردون
اکبر آدوندان دویمامیش اصغر یازاردون
اما یازاندا آدلارون مضطر یازاردون
ای اشکیله دردین یازان لای لای رقیه
.
.
یاندیردی آخرقلبیمی بو اضطرابیم
دوزمز داخی بو غمده لیلاو ربابیم
اکبر خبر آلسا سنی اولماز جوابیم
قویما قال

• سه شنبه
• 23
• مهر
• 1398
• ساعت
• 16:42
• نوشته شده توسط
• ابوالفضل عابدی پور

سبک :: ای درد بی درمانلارا درمان اباالفضل
.
.
مرحوم حاج بیوک اعظمی تبریزی
.
ای شامیان اولدوز کیمی باتدی رقیّم
یورموشدولار ویرانه ده یاتدی رقیّم
.
.
پروانه تک شمعیندن اوتری چوخ دولاندی
شاماتیده مقصودینه چاتدی رقیّم
.
.
تک قویمون قبرین، بو بیر یالقوز اوشاقدی
یوخدور یانندا بیر کسی ایلدن اوزاقدی
آخِر سیزه نازلی بالام بوردا قوناقدی
باشدان وطن فکرین داخی آتدی رقیّم
.
.
ظلمیله اولدی دستگیر قوم عناده
قول باغلی گیتدی مجلس ابن زیاده
گَلدی قانادسیز قوش کیمی یولّاردا داده
آی تک دولاندی شامیده باتدی رقیّم
.
.
مرگ رقیّه اود سالوب ویران سرایه
یوخدور آتاسی قارداشی گَلسون عزایه
گیتسم غمین شرح ایلرم صاحب لوایه

• سه شنبه
• 23
• مهر
• 1398
• ساعت
• 16:46
• نوشته شده توسط
• ابوالفضل عابدی پور

سبک : شبانگاهان . . .
.
خداحافظ ای اسیر بلا
شمع بزم ولا ، جلوۀ عصمت
قطار غم یوللانوب گئدوری
کربلایه طرف،باشلانورفرقت
.
اولوب قلبیم غمدن آکنده
سنی تاپشوردوم خداونده
.
من خداحافظ – من خداحافظ
.
.
.
.
ئورکلرده کِلک حسرتیلن
اوج محنتیلن،غم سوزین یازدیم
ئوزوم بو ویرانه مسکن ده
جان وئرن دمده، قبریوی قازدیم
.
یانور نار ِ هجره عمّنده
سنی تاپشوردوم خداونده
.
من خداحافظ – من خداحافظ
.
.
.
.
دوزنمز عمّه ن فراق اودونا
منتظردی ولی ، اکبر و قاسم
بلادشتینده منیم یولومی
گوزلوری گوزلیم قولسوزعباسیم
.
قورام بزم غم او گلشنده
سنی تاپشوردوم خداونده
.
من خداحافظ – من خداحافظ
.
.
.
.
عمون عباسه ئوزوم دیئرم
ایلیوبدی خ

• سه شنبه
• 23
• مهر
• 1398
• ساعت
• 17:00
• نوشته شده توسط
• ابوالفضل عابدی پور

ای رقیه عازموخ کوی وفایه دور گیداخ
یاتما بو ویرانه یرده کربلایه دور گیداخ
.
.
سن گلنده بو پریشان جمعیله همراهیدون
هر کسه منظور دل هر شخصه خاطر خواهیدون
یوخسا بو ویرانه یرده ئولماقا آگاهیدون
دوندرردون بویری ماتم سرایه دور گیداخ
.
.
گه منه باخدون قیزیم سن آغلادون من آغلادیم
گه سنه گلدی شماتت ائتدی دشمن آغلادیم
اوندا که مندن آتاوی ایستدون سن،آغلادیم
تاپمادیم چاره بو غملی ماجرایه دور گیداخ
.
.
هر زمان ائتدون شکایت منزل ویرانه دن
گه دیردون اینجیرم عمه قوری یرلرده من
عاقبت اگنونده کی کوینک سنه اولدی کفن
مشکل اولدی بو غم آل مصطفایه دور گیداخ
.
.
ای گلن تنگه ستمگرلر ایدن آزاریدن
ای سولوب خندان اولان ج

• پنج شنبه
• 25
• مهر
• 1398
• ساعت
• 14:01
• نوشته شده توسط
• ابوالفضل عابدی پور

ای گل باغ جنان
زینبه روح و روان
یاتما بو ویرانه ده
بلبل شیرین زبان

( شمع لر پروانه لر
عمّه لر دردانه لر ) (2)

عازم کرب وبلادی دور گیداخ سنده
کربلا درده دوادی دور گیداخ سنده

قورخما ای آرام جان
گلمیری شمر و سنان
سید سجاد دور
سرپرست کاروان

( عالمه سرمشق سن
سن مریض عشق سن ) (2)

کربلا دارالشفادی دور گیداخ سنده
کربلا درده دوادی دور گیداخ سنده

اولدوزوم تئز باتمیسان
بزم عشقه چاتمیسان
عمه وه ناز ایلیسن
یا گوزوندن آتمیسان

( دور سنون دردون آلیم
دیندیریم گویلون آلیم ) (2)

زینبون درد آشنادی دور گیداخ سنده
کربلا درده دوادی دور گیداخ سنده

زینبه جان اوردادی
نور ایمان اوردادی
عالمه پشت و پناه
جان جانان اوردادی

( اوردادی عشق و وفا
اوردادی گنج صفا ) (2)

کربلا چوخ باصفادی دور گیداخ سنده
کربلا درده دوادی دور گیداخ سنده

اوردا بیر دلبر یاتوب
ماه خوش منظر یاتوب
خِلقت و خُلقی گوزل
شبه پیغمبر یاتوب

( یولاری یول یولداشون
شاهزاده قارداشون ) (2)

اکبر گلگون قبادی دور گیداخ سنده
کربلا درده دوادی دور گیداخ سنده

زینبه یار اوردادی
تشنه سردار اوردادی
هم سپهسالار جنگ
هم علمدار اوردادی

( بیر گوزل آی دور باتوب
نهر علقمده یاتوب ) (2)

اللری مشکل گشادور دور گیداخ سنده
کربلا درده دوادی دور گیداخ سنده

سود امر کامه چاتوب
عالمی گوزدن آتوب
خوابگاه عشقده
یوخلیوب راحت یاتوب

( دیندیراخ ای وای دیاخ
اصغره لایلای دیاخ ) (2)

بو سفر پر ماجرادی دور گیداخ سنده
کربلا درده دوادی دور گیداخ سنده

ایلیه لطف و کرم
حق اؤزی «زرین قلم»
سسلنه چاووش عشق
الده بیر قاره علم

( نوبه سی بو اربعین
وعده گاهی هیئتین ) (2)

خیمه گاه کربلادی دور گیداخ سنده
کربلا درده دوادی دور گیداخ سنده

• سه شنبه
• 27
• آبان
• 1399
• ساعت
• 12:47
• نوشته شده توسط
• یوسف اکبری

به ذکر یا خدا یا الله
یا حسین یا اباعبدالله
به یاد زینب و قتلگاه
یا حسین یا اباعبدالله

روان از شام غم آل الله
به سوی تربت ثارالله
یا حسین یا اباعبدالله

همه طفلان به چشم گریان
به گوش آید صدای قرآن
یا حسین یا اباعبدالله

سیه پوشیده بر محملها
فکنده شورشی در دلها
یا حسین یا اباعبدالله

بانوان با زبان نیلی
کودکان با نشان سیلی
یا حسین یا اباعبدالله

✔️ترکی

آدون ورد زبان کربلا
اؤرکلر اولوب قان کربلا
کربلا کربلا کربلا
واویلا واویلا واویلا

توپراقون کیمیا کربلا
کربلا کربلا کربلا
واویلا واویلا واویلا
یازهرا یازهرا یازهرا

غملی سن بیر آدون نینوا
سنه چوخلار دیور کربلا
تربتون اولوب خاک شفا
فخر ایله هر زمان کربلا
کربلا کربلا کربلا
واویلا واویلا واویلا

• چهارشنبه
• 28
• آبان
• 1399
• ساعت
• 11:33
• نوشته شده توسط
• یوسف اکبری

به سبک(زینبم جان اوستیم جانانی گوزلر گوزلریم...)

دور رقیّه باش گوتور بو خواب راحتدن باجی
کربلایه عازموخ بیز شام محنتدن باجی

اولموشوخ آزاد ایمدی ایلروخ عزم وطن
وار نه بیر قمچی ووران قوللاردا نه بند رسن
نه فشار زجر کافر وار نه بیر آزار ایدن
آل طاها قورتولوب قید اسارتدن باجی

گر چه همدمدور بو یولدا ناله و شیون بیزه
بو سفر اوسته ولی همره دگول دشمن بیزه
پاسبان دور نه سنان و شمر ذی الجوشن بیزه
وار نه بیر مأموریمیز اهل شقاوتدن باجی

دستگیر اولدوخ او گون که کربلاده دشمنه
همردیف اولدوم سنق بیر محمل اوسته من سنه
یاتما بو ویرانه ده دور همره اول سنده منه
ایلیاق بیر درد دل ایام محنتدن باجی

باغریمی قان ایلیوبدور باجی درد حسرتون
اولدی عریان ناقه ده یوللاردا بی حد زحمتون
صرصر بیدادیله گل تک سارالدی صورتون
رنگ زرد آلدى یوزین رنگ مصیبتدن باجی

خرداجا سنّیله سن دوشدون بیوک محنتلره
گه دچار اولدون جفای شمر شوم و كافره
گه دؤیولدون گه یخلدون ناقه دن دوشدون یره
طعنه گوردون گاه قوم بی مروتدن باجی

تنگه گلدون قید قوم کین و بدفرجامده
جانه دویدون مرغ بی پر تک فشار دامده
روزگارون تیره شام اولدی بو ویران شامده
بادغم عمرون گلین سالدى طراوتدن باجی

یاتموسان نازیله راحت گرچه کامه چاتموسان
سن نه گون گوردون ولی ویرانه ده خوش یاتموسان
ویرموسن سس عالمی بالمرّه گوزدن آتموسان
یوخسا چوخ یورقون دوشوبسن رنج محنتدن باجی

کاش ئولیدیم ای باجی سندن قاباق قالدیم گئجه
بولمورم بو نسگلون یاددان چیخاردیم من نئجه
سن قوری توپراقلار اوستونده یاتاردون هر گئجه
یاد ایدردون عزتوندن ناز و نعمتدن باجی

تا وارام نسگل لرون گیتمز درون سینه دن
جان ویروبسن توپراق اوسته باغریقان قولدا رسن
وای منه اگنونده کی اوز کوینگون اولدی کفن
درده گلّم یاد ایدنده من او خلعتدن باجی

محنتون اندازه سیز پوزدی بو زار و مضطری
نیلی ایتمیشدی وجودون تازیانه یرلری
توکدی غساله ویرنده غسلوى اشگ تری
سویلدی بالله ئولوب بو قز اذیتدن باجی

ایلوری عزم وطن بو عترت خیر البشر
سن قالورسان گوشه ویرانه ده خونین جگر
گر باجیم صغرا سنی آلسا باجی مندن خبر
من نجه نقل ایلیرم غملی حکایتدن باجی

شمر ظلمیندن واروندور دلده بیلّم چوخ گله
کربلا زوارینه دور سنده اول هم قافله
اوردا دردوندن عمون عباسی بیر حالی ایله
انتقامه ال آچار حتماً او غیرتدن باجی

ورد ایدوب اکبر آدین ویردون خرابه یرده جان
ایمدی اکبر قبری اوسته عزم ایدور بو کاروان
سنده ترک ایت گوشۀ ویرانه نی یاتما اویان
دور گیداخ دئ اکبره آلام غربتدن باجی

ای آدی باب الحوائج وی دؤزن هر نسگله
تائبین وار حاجتی امری دوشوبدور مشکله
جانوه ویرّم قسم جاناندن خواهش ایله
قورتارا بلکه اونی ضیق معیشتدن باجی

• چهارشنبه
• 28
• آبان
• 1399
• ساعت
• 11:53
• نوشته شده توسط
• یوسف اکبری

شامیدن آزاد اولوب چیخدی پیمبر عترتی
زینبون رنج و مصیبت اولدی دائم قسمتی
تا مشام جانه گلدی کربلانون نکهتی
چون دو راه کربلایه چاتدیلار آل رسول
قصد ایدوب قبر حسینی گورمگه دخت بتول

ايتدي فرمايش بشيره حضرت زين العبا
كارواني دونده رون سمت ديار كربلا
چون اولوبدي عترته بو يولدا عمم مقتدا
بيزده لازمدي بو رهبردن اطاعت ايليك
قبر سالار شهيداني زيارت ايليك

کاروان گلدی یوخونلاشدی غرض غم دشتینه
زائریدی جابر انصاری ده ماتم دشتینه
سویلدی بیرسس دوشوب الله بو سینم دشتینه
ای عطیه گور بو یورقون کاروان هاردان گلور
گلدیگیجه قلبیمه گرد غم و ماتم الور

چيخدي پيشوازه عطيه درك ايدوبدي مطلبي
گوردي سجادي اوركده آرتيروب تاب و تبي
بير كجاوه اوسته گوردي غرق افغان زينبي
سسلدي جابر دواسيز دردوه درمان گلور
زايران خسته سلطان مظلومان گلور

تا ایشیتدی بوسوزی جابر اولوبدی قلبی شاد
حضرتين پيشوازينه گلدي او مرد خوش نهاد
گورجگین شاد اولدی دیلدن حضرت زین العباد
ایتدی فرمایش عجب ایتدون وفا پیمانوه
زائر اولدون هامیدان اول شه عطشانوه

بو بلا دشتی غم و آلامه توش ایتدی بیزی
آلدی آل مرتضانی قاره پوش ایتدی بیزی
شمع تک باد جفاییله خموش ایتدی بیزی
بو همان یردی شقیلر بیردا طغیان ایلدی
اکبر لیلانی دشمن قانه غلطان ایلدی

فاطمه باغاتی صرصرله سولان یردی بورا
حیدرین خون دیلی چشمه دولان يردي بورا
اربابین قیزلاری آواره اولان يردي بورا
بو همان یردی اولوب پامال آیین خدا
آت ایاقیندا قالوبدی قاسم نو کدخدا

بوردا اهل کینه آیات خدانی داندیلار
حرمت مهمانلاری نه بیلدیلر نه قاندیلار
خیمه گاه آل طاها ظلم اودیندا یاندیلار
بو همان یردی عدو راه خطاده دوردیلار
اللری اوسته حسینون اصغره اوخ ویردیلار

بو مکاندا آل سفیان جمله کامه چاتدیلار
یار و اصحابی حسینون بوردا قانه باتدیلار
ایستی قوملار اوسته اوچ گون سینه سوزان یاتدیلار
كوفيان باد مخالف تك بو يرده اسديلر
شاه خوبانون سوسوز باشین قفادن کسدیلر

بوهمان کرب و بلادی دیللری قان ایلیوب
عالم ایچره شصتم هجریده طوفان ایلیوب
دیده آزادگانی گورنه گریان ایلیوب
بوهمان یردی علی اولادینی خوار ایتدیلر
زینبین روشن گونون مثل شب تار ایتدیلر

• پنج شنبه
• 25
• دی
• 1399
• ساعت
• 10:01
• نوشته شده توسط
• یوسف اکبری