سایر موضوعات

کرونا گلوب ایرانا قوی دولانوب یورولسون
سوزه باخمیین قولاقلار کاش بیرقدربورولسون

بیرعده سوز بزوللر کرونانی یکّه دیللر
داغلار کیمی دایانوخ دشمن گوزی کوراولسون

ای احتکار ایدنلر بوفتنه دی آیوخ دوش
سو اوّلی لهلنی یاتار تَکَه دورولسون

قوردا اوخشادوبلارهر کیم هاوانی دومانانلیق ایستر
باش اگمروخ بو قوردا هرنه قورور قورولسون

ای محتکر خلافدی مایحتاج احتکاری
آختارما سن دومانلوق گویلون اونا ویرولسون

گل ایلیاق رعایت حکم وطریق طبّی
جهشی اولان کرونا بو اولکدن قیرولسون

گل یولی بیز دوز گیداخ ( عدلی ) بیله سویلوری
بیرکیمسه گورمیوبدی دوز یول گیدن یورولسون

جمعه نهم اسفند 1398

• پنج شنبه
• 18
• دی
• 1399
• ساعت
• 12:45
• نوشته شده توسط
• یوسف اکبری

غریب و بیکسم تنها و مغموم
حسد زخمی دگوب بو سینه مصدوم

شراب غم منه ساقی ایچیردوب
پیاپی دهریده دولدی بو حلقوم

یدیم خون جگرقان سفره سیندن
نصیبیم اولمادی جز رزق مقسوم

الهی عفو قیل بوگون سوزومدن
چاشوب خامه یازور بو نوع منظوم

خدایا ایت هدایت اغنیانی
هدایت اولماسا تز ایله معدوم

مگر گورمور بو گوز یاشین آخور دور
یتیم لر بیوه لر هم طفل معصوم

آچوب حانوت دیلده وار تفاخر
اولوب سرمایه دار بو شرعه معلوم

رفو ایت زخم دل وار سنده (عدلی)
ایدر تاثیری وار مین آه مظلوم

• پنج شنبه
• 18
• دی
• 1399
• ساعت
• 13:14
• نوشته شده توسط
• یوسف اکبری

رقيبيم دورما گيت بوردان منيم سحر بيانيم وار
سيليندی كينه سينمدن نقدری جان توانيم وار

دِنه بلبل ويروب جهجه گل اوسته گلمه چوخ شوره
علوم عشقه من بحرم منيم نطقيم لسانيم وار

غُلام رِند يك رنگم كه همتدن اولوب يكرنگ
كه سالوس و ريا كاره تنفّرلی روانيم وار

امانت باری دوشيمده آغيرليق ايلوری روحه
تعهد وار بو مخلوقه منيم بارگرانيم وار

آخوراشك بصرهردم سالور دلداريمی ياده
اگرچه تك ستاره م يوخ قره رنگ آسمانيم

او زحمتكش كه محروم دور يمزوعده غذا دويسون
ندن ِاتمزگِله الله اونا قربان بو جانيم وار

بودنيا اُولدورر هربيرگلن مهماننی قالماز
نه چاره ايله سون«عدلی»كه قاتل ميزبانيم وار

• جمعه
• 19
• دی
• 1399
• ساعت
• 23:22
• نوشته شده توسط
• یوسف اکبری

آگاه اول ای مسلمان،چشم امیدی اویما
الله ایوین اماندی،تحت الشعاعه قویما
حاجی لباس عشقی،قانلی مناده سویما

گیت کعبه نی طواف ایت،اول،رهرو ولایت
لبیکیدن صورا،دی،آل سعوده لعنت

ای مفتی سعودی،سالما بیزی بلایه
گر امر اولا جهاده،عمروز گیدر فنایه
باخ اربعین گونونده،ویزای کربلایه

سید علی بویورسا،زلف عدونی یوللوخ
بیر کارت ملی الده،زوار کعبه اوللوخ

• دوشنبه
• 22
• دی
• 1399
• ساعت
• 22:52
• نوشته شده توسط
• یوسف اکبری

نقدر پیرو جوانی بویادون قانه فلک
سنی قدرت ایلیوب عرصه ده دیوانه فلک
.
لوح محفوظه یازولموشدی گرک لفظی مگر
بیربیله ظلم اولونا شاه شهیدانه فلک
.
اوکه ترویج دینه آچموشودی مکتب عشق
سن خیانت ایلدون رهرو قرآنه فلک
.
دعوت ایتدون کوفیه امّا بلا دشتینده بس
بویادون قانینه دِ هانسی بیرعنوانه فلک
.
خلق وخوی و منطقی طاهایه بنزراکبرین
سن نیه ویردون دم شمشیر و پیکانه فلک
.
سن بو فعله شاه دینون قدینی ایتدون کمان
صبرینی آلدون توانی گیتدی تالانه فلک
.
گوردی اکبرتک جوانی قانینه غلطان دور
دوندی گوزیاشی یوزنده ابرنیسانه فلک
.
باغلادون بند قماطه الینی صود امرین
صودی اولمازدی آناتاسالاپستانه فلک
.
حُجّتین ایتدی تمام

• چهارشنبه
• 27
• شهریور
• 1398
• ساعت
• 10:21
• نوشته شده توسط
• TzwSVsOw

گدایی در تو کم ز پادشاهی نیست
صلای عام تو جز رحمت الهی نیست

صلای دلخوشی ای سالکان راه ثواب
که در طریق طریقت بغیر شاهی نیست

هرآنکه خرقه تهی کرد، بی ولای حبیب
بجان دوست که او رند خانقاهی نیست

به بوی نافه تو رشک میبرد شب قدر
که طرّه سحر او بدین سیاهی نیست

به پشت پرده گنه کردم آن قدر که ز شرم
به پیش روی توام روی عذرخواهی نیست

توان ز کعبه برون آمدو گناه نکرد
مقیم کعبه شدن شرط بی گناهی نیست

به کجا که روی کعبه و خدا آنجاست
بغیر صدق در این دعویم گواهی نیست

دعای خلوت دل گر کند فقیر و شاه
به حدّ حد رسد ار ورد صبحگاهی نیست

• دوشنبه
• 27
• بهمن
• 1399
• ساعت
• 09:30
• نوشته شده توسط
• یوسف اکبری

کیمین قلبینده نور اولسا، اولار فیروزِ زیرک کار
باشیندا عشق و شور اولسا، اولار فیروزِ زیرک کار

ولی تک شوریلن اولماز اورک مجذوب عاشورا
او که اهل شعور اولسا، اولار فیروزِ زیرک کار

شعوری عاشقین امضا ائدر باشیندکی شورین
ریادن یعنی دور اولسا، اولار فیروزِ زیرک کار

کیمین خلوت ده، گوز یاشیله، ذکریله، دعائیله
بساط عیشی جور اولسا، اولار فیروزِ زیرک کار

باشینی اگمدی هئچ بیر جناحه، هئچ مقاماته
بلی عاشق جسور اولسا، اولار فیروزِ زیرک کار

کلاس معرفتده درس انسانیّت آلمیشدی
یانان دل بی غرور اولسا، اولار فیروزِ زیرک کار

جوان بو پیریدن هم نوحه خوانلیخ هم سکوت اورگش
دئنن انسان صبور اولسا، اولار فیروزِ زیرک کار

شهیدلر کوچه سیندن، کربلا لر خط سِیریندن
کیمه اِذن عبور اولسا، اولار فیروزِ زیرک کار

اورکدن چیخسا هر نوحه، مقیمی* تربیت ایلر
بلی سوزده سرور اولسا، اولار فیروزِ زیرک کار

زمانه زرق و برقی عارف باللهی آلاتماز
کیمین طبعی غیور اولسا، اولار فیروزِ زیرک کار

اولانمَز قطره دریا، آلماسا دریا اونی تحویل
فیوضاتی وفور اولسا، اولار فیروزِ زیرک کار

شراب جان طهور اولسا، اورک جامی بلور اولسا
مراقب فی امور اولسا، اولار فیروزِ زیرک کار

نَفَسده نفسی ئولدورسه، یانیندا مهدینی گورسه
اونا هر گون ظهور اولسا، اولار فیروزِ زیرک کار

ئولومی حق بولن ئولمز، بلیّاته گولن ئولمز
گوزونده نفخ صور اولسا، اولار فیروزِ زیرک کار

کلیمین حسرتین چکمه، همین نورانی مجلس‌لر
کیمه سینای طور اولسا، اولار فیروزِ زیرک کار

رسولِ اُمیه سوگند، اگر هر اُمیه حامی
خداوند غفور اولسا، اولار فیروزِ زیرک کار

کیچیک عنواندی فخرالذاکرین مداحِ زهرایه
خانمدان کسب نور اولسا، اولار فیروزِ زیرک کار

اوخودی یتمیش ایل نوحه، اوتوردی دوقوز ایل خاموش
گئچن عمره مرور اولسا، اولار فیروزِ زیرک کار

سوروش بیر بیر حرملردن، یاشیل، قاره علملردن
دِ کیم عبد شکور اولسا، اولار فیروزِ زیرک کار

گئجه سسلردی یا زهرا، گونوز سسلردی یا زینب
کیمین ذکرینده شور اولسا، اولار فیروزِ زیرک کار

*سردار شهید احد مقیمی یکی از مستمعین جلسات فخرالذاکرین بود

• دوشنبه
• 19
• آبان
• 1399
• ساعت
• 16:42
• نوشته شده توسط
• یوسف اکبری

ماه ذیحجه نزول برکاتین آییدی
ماه عرفان الهی عرفاتین آییدی
ماه یاران محمدصلواتین آییدی
بوآیین اوّلی حق سنّتی ترویج اولدی
یعنی مولا علیه فاطمه تزویج اولدی

ماه ذیحجه صفاآییدی اهل شرفه
کعبه حجّاجی بوآیدایتیشرلرهدفه
نغمهٔ عشقیدی بوآیدادعای عرفه
مسلمین قانینی بوآیداتوکوب کوفه لیلر
بوخبراولدی حسینی لره اعلان خطر

ماه ذیحجه ده ترک عرفات ائتدی حسین
آیریلوب کعبه دن عالملری مات ائتدی حسین
زمزمی تشنهٔ انحارفرات ائتدی حسین
دئدی الله وئره جاق نهضت عشقه برکت
حرمینون شرفی کعبه دن ائتدی حرکت

اوخیانداحرم عاشقلری زمزم شعری
شعرا ذهنینه الهام اولی ماتم شعری
یازیلارآخر ذیحجده محرم شعری
نوحه خوانلارگوزونی نوحه لره ناظرائدر
سینه زنلرقره کوینکلرینی حاضرائدر

ماه ذیحجده ائدر زمزمه بو شعری بشیر
مژده ای اهل ولایت که علی اولدی امیر
عهدی سیندیرماکه بوآیدادی رُخدادغدیر
نام مولانی ئوپرکیم علوی مسلکدی
علی اعلادی غدیرخم اونا مدرکدی

ماه ذیحجده ملاله قاریشوبدور شادی
نیمهٔ ماهیدی میلادامام هادی
نجه هادی که یخوب پرچم استبدادی
ماه ذیحجّه ده پیغام غم و شادی وار
بیله شادیده بئله غصه ده آزادی وار

ماه ذیحجه نی توصیف ائلیوبدورقرآن
امتحان وئردی همین آیداخلیل الرحمان
ر‌وز اضحاده کسللر اودی هر ایل قربان
نفسیوی خوارائلیوب پیرو ابراهیم اول
بُتا باش اگمه فقط اللهیوا تسلیم اول

ماه ذیحج قمری آیلارین آخرآییدی
هم ملال آیی هم آرامش خاطرآییدی
آغلاای شیعه بو آی رحلت باقرآییدی
عِلم دشمنلری گورعترتیله نیله دیلر
حضرت صادقی بو آیدا یتیم ایله دیلر

حضرت باقراوهمنام رسول مدنی
کُنیه بوجعفروسرمایهٔ حکمتله غنی
آتاسجاد،حسینی دی،آناسی حَسنی
قبری پوزقوندی بقیعده حرمی گوزدن آتوب
فاطمه شمعیدی بو،حیف قرانلوقدا یاتوب

کیم بقیعده باخااول قبره دیر یازهرا
گوزی آغلاردولانار ابره دیر یازهرا
آه شیعه وورار اود صبره دیر یازهرا
شیعه نین جان قوشی اطراف بقیعی دولانور
دل باقرکیمی گویاقاپی الاندا یانور

قبرزهرایه کیم عاشقدی دئسون یازهرا
شیعهٔ باقروصادقدی دئسون یازهرا
او که مهدیله موافقدی دئسون یازهرا
حضرت باقرئوزی عالمی داغلارشیعه
یعنی مسمارباتان سینیه آغلارشیعه

ای قلم یازگینه تکراراولاجانانین آدی
گوروسن روح وئرورمجلسه زهرانین آدی
اونی خلق ائتدی خدائولمیه انسانین آدی
ولی افسوس اونی اشرارزمان ئولدوردی
لعنت اول قومه که زهرانی جوان ئولدوردی

• دوشنبه
• 19
• آبان
• 1399
• ساعت
• 16:55
• نوشته شده توسط
• یوسف اکبری

«منزوی» شعریله دنیالری تسخیر ایلدی
آیه آیه او چوخور مقتلی تفسیر ایلدی
دستمازیله وئروب صود آناسی او بالیا
شیر غیرتده اثر واردی، اونی شیر ایلدی

هر عاشق عاشقِ خونین سر اولماز
یازان وار کوفه نی،«عینی فر» اولماز
«صحاف» و «یحیولر» گلدی گئتدی
گلنلر «صابر» اولماز، «انور» اولماز

«کلامی» شاعری شورآفرین است
به طبعش صدهزاران آفرین است
قسم بر قتلگاه و تلّ زینب
نه زنجان، نعمت ایران زمین است

ای «فقیر» آخرده یاده ایئله نچه بیر شاعری
«صافی» «صحاف» «ذهنی» «منزوی» و «صابری»
«انور» و «هنّدی» «غفّاری» و «عاصی» «ناصری»
افتخار شاعران مرحوم «سعدیّ زمان»
«یحیوی» مرحوم «حقیر» و نچّه یوزلر شاعران

• پنج شنبه
• 30
• بهمن
• 1399
• ساعت
• 22:29
• نوشته شده توسط
• یوسف اکبری

پهنه ی بیکراندور،حُبّ ولا مؤذنه
مشعل جاوداندور،یوخدی فنا مؤذنه

یتمیش ایل آغلیوب اگر کرب و بلانین عشقینه
بو گجه آغلوری ولی، کرب وبلا مؤذنه

نطق فصیح و دلربا،گئتدی جناندا باشلویا
شوریله مرحبا دئیه،خیرنسا مؤذنه

شعر غلو یازمورام،عقل سلیم اولان بولر
کعبه بوگون گئیوب قرا، دوتدی عزا مؤذنه

گوشِ دِئلیله وئر قولاق،عرشیدن عالی سس گلور
نوحه ی زینبی اولوب،باب شفا مؤذنه

باشینی اگمه دی «سلیم» دهریده سیمیله زره
مزدینی وئردی نقد نقد، شیر خدا مؤذنه

درس شرافت اورگدوب نکته به نکته فاطمه
اولدی امیر قلبلر، وئردی بها مؤذنه

وادی حُزن و غم اولوب،گرچه دیار اردبیل
وار یری مملکت دوتا، اوچ گون عزا مؤذنه

هر نقدر یازام گینه،قطره دی بحرِ رحمته
بسدی «فقیر» چون یازور مدحی خدا، مؤذنه

• پنج شنبه
• 30
• بهمن
• 1399
• ساعت
• 22:34
• نوشته شده توسط
• یوسف اکبری

آخرین روزصفردی وار هله غم سفره سی
جمع اولورزهرااَلیلن ماه ماتم سفره سی

ای قالان بی بهره فیض سفرهٔ احسانیدن
غافل اولما،جمع اولورماه محرّم سفره سی

من کیمی بی بهره گرقالدون بوبارعامیدن
تئزیتیش تایرده دور بوقاره پرچم سفره سی

دردون اولسا آخرین ساعتدی درمان آلماقا
جمع اولوردارالشفانون ایندی کم کم سفره سی

اهل درده سویله گلسونلر بوباب رحمته
چون هله گسترده دی احراره مَرهم سفره سی

ازمحرّم تامحرم کیم قالا، مجهولیدور
گل هله جمع اولمیوب سلطان عالم سفره سی

• چهارشنبه
• 20
• اسفند
• 1399
• ساعت
• 22:07
• نوشته شده توسط
• یوسف اکبری

شاهیا شعرون سنون روحیّه روح و جانه دور
مرغ طبعِ شعریمه٬ هم آبیدور هم دانه دور

کیم سنون اَبیاتیوی٬ وارونه تفسیر ایلسه
کینه وار قلبینده شورِ عشقیلن بیگانه دور

واژه لر سنگیندی هرکس٬ درک ایدنمز شعریوی
یوخدی شکّیم نسبتِ شعرون سنون٬ قرآنه دور

شعریون خواهانی چوخدور٬ اردبیل قالسون هَلَه
آدیوه فخر ایلیَن٬ هَر ملّت فرزانه دور

روح انسان مست اولور هر باخدوقیجان شعریوه
واژه لر مِی٬ قالبِ شعرون اونا پیمانه دور

(فیضینون)مین بیتی اولماز شاهینون بیر مصرعی
چونکه شاهی عارفِ سَرمَستِ حکمت خانه دور

• پنج شنبه
• 5
• فروردین
• 1400
• ساعت
• 11:35
• نوشته شده توسط
• یوسف اکبری

دئسه لرکی ندی جوشه گتیریر آلقانوی.؟
دئسه لرکی کیمیلن خوش سوروسن دورانووی.؟
کیمه سن ایسته مه میش قوربان ائدیرسن جانووی؟
دییرم من شرفه وارلیغا وئررم جانیمی
ساتمارام مین بئله دونیایه آذربایجانیمی

دئسه لرکی نیه تورکون دیلینه جان دییسن؟
دئسه لرکی نیه بو توپراغا مرجان دئسین؟
نیه ئولسنده گئنه آذر بایجان دئسین؟
دییرم تورک قانی والله آلیبدیر جانیمی

دئسه لر هانسی سئویلمیش گوزله ناز ائدیسن؟
دئسه لرکی دمی هانس دمه دمساز ائدیسن؟
دئسه لرکی ئوزوی کیمله سر افراز ائدیسن؟
آلمیشام ئوز وطنیمدن آدیمی هم سانیمی
ساتمارام مین بئله دونیایه آذربایجانیمی

• یکشنبه
• 8
• فروردین
• 1400
• ساعت
• 11:27
• نوشته شده توسط
• یوسف اکبری

وطن اوسته چخاتسالار گوزومی
گئنه دانشارام او حق سوزومی

وطن اوسته باغلاسالار قولومی
اونوتمارام آتا بابا یولومی

وطن اوسته دوغراسالار اتیمی
اوجوزا ساتمارام سوز صنعتیمی

وطن اوسته سیندیرسالار قیچیمی
باشقا یئره باغلامارام کوچومی

وطن اوسته داغلاسالار الیمی
بوراخمارام توپراغیمی ائلیمی

بیتیشر همشه قلبیمین،داغی
اوجالاندا وطنیمین بایداغی

• یکشنبه
• 8
• فروردین
• 1400
• ساعت
• 11:32
• نوشته شده توسط
• یوسف اکبری

دلبریم ویرما ئورک یاره سی مستانه لره
آشنایم سنه ، ساتما منی بیگانه لره

اوجاداغلاردان آغیروارمنیم عشقیمده وقار
باوَرون اولماسا باخ دولت پروانه لره

ایتمرم بیرتوکووی یوسف مصریلن عوض
سنده یاقوتی داغتما بوقدرشانه لره

نه بیلورپیله ساتان گوهرناب ارزشینی
خبره لازمدی ویره قیمتی دُر دانه لره

عشق بازیچه دَگُل گوهرجان آل ویری دور
عاریدورطفل دبستان گَلَه میخانه لره

• شنبه
• 14
• فروردین
• 1400
• ساعت
• 22:41
• نوشته شده توسط
• یوسف اکبری

خلق محرومه خیانت ایلسه قوم دنی
گون‌به‌گون ظلم اولونار خلق ضعیفه علنی

فاسد اشخاص الینه دوشسه کلید اموال
آز زماندان صورا تاراجه گیدر بیت‌المال

مملکتده او زمان تخم عداوت اکیلر
جامعه بیرگونون عرضینده فساده چکیلر

کارمندی که حقوقی اولا اوچ یوز میلیون
عقلی باشدان چخادار عاقلی ایلر مجنون

نجه بیدادی گوروم داده من ایراد ایلیوم
نه یازیم ملتی غم غصه دن آزاد ایلیوم

ای کسانیکه اولوبسوز زر و سیمه بنده
فقرا مثلی اوشاقدان اولاسوز شرمنده

نیه شرم ایلمیسوز ذات حق سبحاندان
نیه دستور خیانت آلیسوز شیطاندان

بی حیالر آقانین قلبنی قان ایلمیون
ملتی بوندان علاوه نگران ایلمیون

چکیلون خیره طرف، اولمیون اهل شردن
حقی ناحق ایلینلر ، اوتانون رهبردن

یوخ حیا سیزده دئیم خلق خدادن اوتانون
فقرا قانین ایچنلر ، شهدادن اوتانون

• جمعه
• 21
• آذر
• 1399
• ساعت
• 23:37
• نوشته شده توسط
• یوسف اکبری

"وفا"غرق اولماسون طوفانیده دریایی اولمازسان
بصیرت تاپماسون بیل صاحب بینایی اولمازسان

اگر احکام زیبایی شناسی بیلمسون بی شک
هنر دیباچه سینده خالق زیبایی اولمازسان

تعهد اولسا انسانیّته ارکان شعرونده
تفنّن آختاروب مشغولِ واج آرایی اولمازسان

خبردار اولسا قلبون تار وپود واقعیتدن
توهّم عالمینده سیرائدوب رویایی اولمازسان

بدون معرفت دم وورسون عشقین ماجراسیندن
حسینون درگهینده لایق شیدایی اولمازسان

نجفده گیزلنوب خاک بقیعون غملی اسراری
علینون دردینی درک ائتمسون زهرایی اولمازسان

گرک شاعرلرین روحینده عاشورا حلول ائتسین
وگرنه خام تقلیدیله عاشورایی اولمازسان

• سه شنبه
• 24
• فروردین
• 1400
• ساعت
• 16:02
• نوشته شده توسط
• یوسف اکبری

دولوب چون حقّیلن پیمانه و پیغامِ شاعرلر
او دور کی تلخ ائدوبدی کامِ ظلمی جامِ شاعرلر

دَریلمز دنیوی ساعاتیدن عرفانی مضمونلار
الهی لحظه لردن کسب اولار الهامِ شاعرلر

بهشته یول آچار، امّید پایلار، خلقی قورخوتماز
او دور زیبادی هر اسلامیدن اسلامِ شاعرلر

گوزلّیکدی گوزلّیکدی تماماً رسم و آدابی
محبتدی محبتدی بوتون احکامِ شاعرلر

تفکر ائتمگه وادار ائدورلر فکرِ انسانی
هزار افسوس بو آمال اولوب، آلامِ شاعرلر

او دم کی رختخوابین ساحلینده لَم وئرور چوخلار
گزور طوفان دالیجاق روحِ نا آرامِ شاعرلر

ئولوب یاددان چیخار "گردن کلفت"و "تاجر" و"قاضی"
حکومت ایلیر تاریخه اما نامِ شاعرلر !!! ...

"وفا"چیرمان قدم قوی آسمانی ایستیورسن گر
اوجا بیر نردباندی چوبۀ اعدامِ شاعرلر

• چهارشنبه
• 25
• فروردین
• 1400
• ساعت
• 15:38
• نوشته شده توسط
• یوسف اکبری

بو دنیاده سنه قارداش وفا یوخ
به جز ایمان محکم هیچ عصا یوخ
یاشیل گو مینّیگه ، باز اولما قارداش
عصای ثروت اوسته اتّکا یوخ

اگر دنیا سنون اولسا سراسر
گوتور اَل کسب ثروت دن برادر
نقدری قدرتون اولسا عزیزیم
ایاقین فرشیدن آچما فراتر

اگر دریا اوزونده قایق اولسان
وگر که عمرنوحه لایق اولسان
زر اسکندریله هنده قا چسان
ئولومدن یوخ فرارون فائق اولسان

• چهارشنبه
• 29
• اردیبهشت
• 1400
• ساعت
• 22:29
• نوشته شده توسط
• یوسف اکبری

گینه یارب غم اودی ، سینه سوزانی دلور
گوزومون یاشی آخور ، دامن احساسی بلور
قورموشوق بزم عزا ، فاطمه نون عطری گلور

نقل مجلس خانمون ، شاعرینون سوزلریدی
صاحب بزم عزا ، پنج تنون اوز لریدی

بیر گوزل شاعره بیز ، بزم عزا ساخلامشوق
غم هجرونده یانان ، سینه لری داغلامشوق
اوخیوب شعریلرین ، شوره گلوب آغلامشوق

ایندی گوزلردن آخان ، اشکیلرون خاطرینه
ذات حق لطف ایده جک ، فاطمه نون شاعرینه

دوزدی بوفانی جهان ، هیچ بشره قالمیجاق
هیچ بشر دهریدن اوز ، ایسته دیگون آلمیجاجاق
ولی گوزدن خانم اوز ، نوکرینی سالمیاجاق

اولا مخصوصا اگر خالص پاکیزه روان
قبرین اول گیجه سین ایلر اونا باغ جنان

• سه شنبه
• 4
• خرداد
• 1400
• ساعت
• 21:12
• نوشته شده توسط
• یوسف اکبری

ای دلا حق ندی گل عالمه اعلان ایلیاق
حق دیاق حق ایشیداق دردلره درمان ایلیاق

دل ویروب عقل ویروب خالقیمیز همدل اولاق
ناطقین نفسینی انسانلیقا برهان ایلیاق

حقدن الهام اولونارقوخما صافالداراورگی
حق سوزون یازماقچون حقیله پیمان ایلیاق

چوخلاری یازدیلا تا آزدیرالا سنله منی
دیدیلراوچ کیشنی فاتح میدان ایلیاق

سوزیازانلار دانوشانلار چوخی حق یولدان آزوب
دوت نفردن بیری حقدی اونی عنوان ایلیاق

او کی حقدی او علیدی اونی الله بویورو
سعی ایداخ حقه مسلمانی فراخوان ایلیا

مسلمی کی سورونوب بی خبرانسان دالیجا
اونا احسان ایلیوب گتدیقی یولدان ایلیاق

جوشوداق دریا کیمی حق یایولا هرافقه
دین اسلامی گرگ گزملی بستان ایلیاق

خبرین دوزلوقونی ایل لره چاتدورماقچون
هررسانه اولانی پیک سلیمان ایلیاق

دستماز آلمادا قرآن دیینه تابع اوالاق
اصل آیه ندی تفسیرینی آسان ایلیاق

بیزه دین اورگدن احمد اَلی باغلی نمازین
قیلمیوب فعلیده تقلیدِ او سلطان ایلیاق

قاپوسون تخنه لیاق اوچ کیشی حانوت آچانین
اتحادیله نماز قبله نی میزان ایلیاق

کیم کی یول ویرمدی قلبینده عداوت غرضه
صدری پاک اولدی حسدن اونی مهمان ایلیاق

قویمیاق مرزاولا اسلام آراسیندا بوسیاق
گیتماقی گلماقی هرمرزیده آسان ایلیاق

قویمیاق رخنه سالادشمن دین اورتاموزا
لازم اولسا بو جانی قرآنا قربان ایلیاق

علی اولادی علیدی بوزمان رهبریمز
امرینه تابع اولاخ دنیانی رضوان ایلیاق

جدی شاهنشه دیندورکی ویروب دینینه قان
بندۀ صاحب خون ظالمه طغیان ایلیاق

(عدلیا) یاردی بوکافرباشنی الده قلج تک قلمون
یاز دولا دفترعشقون اونی دیوان ایلیاق

• جمعه
• 12
• دی
• 1399
• ساعت
• 23:11
• نوشته شده توسط
• یوسف اکبری

فدا، اول شاهه کی آزاده گئتدی
حساب محشره آماده گئتدی

نه سالدیردی جهاندا قصر زرین
نه بیر ظلم ایلدی دنیاده گئتدی

دلا اخلاصی اول سروردن اورگش
وگرنه گوردون عمرون باده گئتدی

بیر آز افتاده اول سیندیر غروری
نجه اربابیمیز افتاده گئتدی

اونون دیدارینه ماه صفرده
گوزون یومدی موذن زاده گئتدی

نوای ناب زینب، زینبیندن
اوجالدی بیر طنین دنیاده، گئتدی

(سرابی) یاز بو مداح حسینی
جهانه ساده گلدی، ساده گئتدی

• دوشنبه
• 10
• خرداد
• 1400
• ساعت
• 23:36
• نوشته شده توسط
• یوسف اکبری

دنيادان آز ده منه دل اونی بيگانه بولر
گلشن و باغ وچمن اولسادا ويرانه بولر

سفله پروردی زبس سينه ده چوخ كينه سی وار
دَلينی عاقل حساب عاقلی ديوانه بولر

عاشقين عمده هدف عشقيدی معشوقه سينه
داغا فرهادی چوله مجنونی مستانه بولر

گُلدی شوره گتورن بلبل شيدانی اوخور
شمع يانار اشكی آخاربيراونی پروانه بولر

بت لاری سند يرا عاشقدی خليل واهمه يوخ
عشقی صادقدی يانان آتشی گلخانه بولر

يوسف مصريده حسنی يارادان عشقيدی عشق
او زُليخانی سالوب درده شررجانه بولر

يوسفون پيرهنی معجزايدرعشقينه باخ
چشم يعقوبه شفا دورگله كنعانه بولر
عاشق ايلرجاننی عشقه فدا مثل حسين
هم اوزون هم بالاسين فديۀ جانانه بولر

دهم ماه محرّمده ويرر دارو ندار
دنيانون مهرومحبت لرين افسانه بولر

سْیودوقوندان ره حقده او ملك منظرينی
شاهدِ اوّل علی كبری دردانه بولر

عاشق عباسدی قارداش بالاسی ايستدی سو
ويره جان دولدورا مشكين ره مردانه بولر

اودی دل عاشق جانانه اولان عاشقيدی
مهرين الله دی سالان قلبينه جانانه بولر

حُبّ عشقيندن ايچيردر اونا ساقی مِی ناب
مست ايدر تابه قيامت دولی پيمانه بولر

گرچه ويرانه دی دل مُلك حسين عشقيدی گنج
سيم و زر ايستموری دل اونی فرزانه بولر

يازولوب «عدلی» آدون دفترعشق ايچره سنون
قلمون دل اونا جوهرمی وميخانه بولر

• چهارشنبه
• 17
• دی
• 1399
• ساعت
• 22:28
• نوشته شده توسط
• یوسف اکبری

کیمسه بولمورعجبا حقّ سخن حقّ نمک
دین و قرآن اولونوردرهم و دیناره مَحک

هرکیمه مهرو محبّتله دانشدیم یوزونه
چووروب یوزمنه سویلوبدی که اللهُ معک

گله مند اولماموشام بوشدی الیم شکر خدا
دورده اهل وعیال قالماموشام سفرده تک

دیدیم هرکیمسیه تا کوی صفا هاردادی بس
دیدی آلدی الیمیزدن اونی بو چرخ فلک

ایلیوب مسجد ومحرابی ریا "سجده شکن
آه و ناله اوجالوب عرشه یتوب تا به فلک

اهل علمون بوجهان ارزشنی بولمیه جاق
مردمی اوغری ایدر یا که ایدر اهل کلک

نجه کی تولادی اول اوچ کیشینی گیدّیله کج
چون ریاستدن اوتورایدیلرغصب فدک

چاتموشوخ بیر یره اولماز دعادا ذره اثر
کار سازاولموری مرهم قویا تا مِهرملک

او قدر اهل محبّت یولی بیراهه گیدور
آز قالور منده گیدم یا ایلیم قلبیده شک

(عدلیا ) زوروزرون یوخدی بو دنیاده سنون
اودی بیرکس ایله مزسنله عزیزسلام و الک

• پنج شنبه
• 18
• دی
• 1399
• ساعت
• 20:39
• نوشته شده توسط
• یوسف اکبری

دیدیم اول سروی ندن بیله روان ایلمیسن؟
دیدی چون گوزیاشوی جویِ روان ایلمیسن!!

دیدیم ای یار عجب مژّه لرین اوخ کیمیدور
سویلدی قامتوی سن ده کمان ایلمیسن!!

دیدیم اول لعل لبیندن قان آخور سیل دوداقون
دیدی اوز فکریوه قال، قلبیوی قان ایلمیسن!!

دیدیم اجلالیوه زیبنده دگور غم اتاقیم
دیدی احسنت صداقتله بیان ایلمیسن!!

دیدیم عشقونده چخوب عرشه منیم ناله لریم
(دیدی بیجا یره عشقیمده فغان ایلمیسن!!)

دیدیم آیا نه اولور بیر گجه مهمانون اولام
دیدی گولدورمه اوزین، عزم شهان ایلمیسن!!

دیدیم اللهه گوره رحم ایله بو عاشقوه
دیدی صبر ایله هله، سرّی عیان ایلمیسن

دیدیم ای شه نه مگر شهلره لازمدی نگین؟
دیدی باخسان گورَسَن هاراد مکان ایلمیسن

• چهارشنبه
• 12
• خرداد
• 1400
• ساعت
• 17:24
• نوشته شده توسط
• یوسف اکبری

سینماز دلیم بلا اوخونا مایل اولماسام
یانماز پریم او شمعنه گر حایل اولماسم

دلبر دل اهلینه، دلینی مسکن ایلییَر
یول تاپمارام او دلبره اهل دل اولماسام

آدم آتامدی، قابل جانانیم، اگر _
نفسیم هواسینه اوتوزوب قابل اولماسام

من اول خلیفه ام که خدا خلقینه سچوب
گر ظلمدن کناره گیدوب جاهل اولماسام

عقلیم هاچان عدالتیله حکم ایدر منه
خشمیله نفس لشگرینه قاتل اولماسام

عقل معاشی قوی کنارا عشقدن دانیش
عقلین نه قدری؟ عشقنه گر نائل اولماسام

عشقین شئونی چوخدی ایدر جلوه گون به گون
صبر ایلرم تمامینه گر واصل اولماسام

سویلوب یانقلی طرزیله #صرافمیز #نگین
انصافدن اوزاقدی اگر قائل اولماسام؛

(عنقای قاف عزّتیدیم سندی شهپریم
اما گینه دوروب قاچارام بسمل اولماسام)

• چهارشنبه
• 12
• خرداد
• 1400
• ساعت
• 17:34
• نوشته شده توسط
• یوسف اکبری

اگراین چرخ بد بنیاد دلت دلخون کند گریان
مخورغصه گهی وصلش امیدش میکند خندان

فلک را عادت است جانا مقام و منزلت گیرد
که شاهی را گدا کرده گدا را خسرو خاقان

حفیظ قدر وعزّت باش به تمکین شعاروشور
که تمکین میکند سنگ عبث را همچو لعلِ کان

زعدوانت نترس ایدل بکن اَحوَط زاحبابت
که احباب حیله را پنهان ولی دشمن کند اعلان

مکن باور مبند ایدل دلی بر مردم دنیا
میسّر گر شود مردم کنندت با زمین یکسان

زمانه گر کند اِعسار شماتت ها کند احباب
توکّل بر خدایت کن "رساند بهره از عدوان

اگر غیظی بدل داری " نگربر کاظمین الغیظ
تو کاظم باش و عفّش کن"مطیع آیۀ قرآن

میان خلق اگر جوئی " تو عیبب هرکس و ناکس
تو با آن عیب جوئی ها" " نبردی از خدا فرمان

به وقت هر تکلم گر" کنی صحبت چو طولانی
پذیرا گر نشد اسماع" دهد سهوی به هرانسان

به هر کس گردهی احسان مزن دیگربراو منّت
بدان منّت نِهِ اصلی "همان خالق بُوَد منّان

اسیرتارغم گشتی " بیا در محفل عشّاق
سرشک دیدگان سازیم " به یمنش تا شود مرجان

بیا منصوب درگاه "حسین ابن علی باشیم
چو (عدلی) مشکل خود را " به محفل ها کنیم آسان

• جمعه
• 19
• دی
• 1399
• ساعت
• 20:17
• نوشته شده توسط
• یوسف اکبری

ای دل نه چاره نیلیوم انسان یالان دیور
بعضیلری جهانیده هر آن یالان دیور

بعضیلرینده یوخدی سوزوم عادت ایلیوب
هر سوز دینده ایلیور عصیان یالان دیور

عرضیم جهاندا بلکه منیم مسلمینده دی
حیرتدیم ندندی مسلمان یالان دیور

دشمندی کیم یالان دانیشا حی داوره
واقف اولان بو امره چوخ آسان یالان دیور

بعضیلری یالان دانشور مصلحت سانور
سیم و زر اوسته گونده فراوان یالان دیور

بعضیلری قویوبدور آدین پیرو علی
اولموش جهاندا دینه نگهبان یالان دیور

(سالک) دوز اولسا طینت انسان یالان دئمز
یاز دفترینده پیرو شیطان یالان دیور

• چهارشنبه
• 12
• خرداد
• 1400
• ساعت
• 22:42
• نوشته شده توسط
• یوسف اکبری

هفته وحدت است و جلوه نور
یار آمد به جلوه گاه حضور
یاد او هست چون عسل شیرین
زان ملاحت شده جهان پر شور

هفتة وحدتیز مبارکدی
شوکتیز عزّتیز مبارکدی
هسته ای قدرته کی اَل تاپدیز
بوگوزل همّتیز مبارکدی
باش اوجاتدیزجهانداخلق ایچره
کسب حیثیّتیز مبارکدی
دشمنین باغلادیز اَلین نه گوزل
علمیده دقّتیز مبارکدی
علمیلن دشمنین ائوین ییخدیز
بو گوزل نیّتیز مبارکدی
دانش هسته ای ده گورستدیز
درکیده رفعتیز مبارکدی
ای جوانلار کی انقلاب ائله دیز
کسب حیثیّتیز مبارکدی
دییه جاقدی ولائی هرگونده
بو تازا قدرتیز مبارکدی

• سه شنبه
• 25
• خرداد
• 1400
• ساعت
• 11:00
• نوشته شده توسط
• یوسف اکبری

تهی ای عقلیدن بسدی داخی شطّاح و طاماتی
یایان سنسن یر اوستونده فجوراتی جنایاتی

سنون فکر پلیدوندن صفاسین ویردی بو دنیا
اولوب مختل ویروب الدن چرا چون و مساواتی

جهاندا ویرمدون ارزش سن انسان سخندانه
نه درک ایتدون هنرمندی نه عالِم لرکفایاتی

تمام صهیونیسلر اذنیوه مسند نشین اولدی
گروه غاصبین ایلور او سُلطنده اداراتی

چپاول اللری آزاد سنیله ال اله ویرموش
سورور ملـت قانین اماّ بظاهر وار اراداتی

سن اول بیریرتیجی قود تک دوشوبسن جلدچوپانه
سنه تابع لر ایلوللر فجیعانه جنایاتی

ملول اولماز دوتولسا گرخیانت اللری از بس
بولورکه یوخدی بیرقدرت ایده محکوم مقاماتی

اولان شوریده ظلّامه اولور محکوم و زندانی
قویولمور راحت آسوده قالا پیرخراباتی

داخی جورزماندان خسته دی روح لارخداوندا
یتیش فریاده بو شیعه گوره بلکه عنایاتی

دعا ایت «عدلی»تامهدی ظهور ایتسون بوتیزلیقدا
عدالت پرچمون ویرسون گورشسون تا کراماتی

شَطاح: سخنان خلاف شرع و گستاخی
طامات: لاف و گزاف و سخن بی اصل

• شنبه
• 20
• دی
• 1399
• ساعت
• 18:53
• نوشته شده توسط
• یوسف اکبری