سایر موضوعات

خونِ شَهیدان باتمیاجاق
پرچَمِ ایران یاتمیاجاق
مردُمِ ایران آخَرَه جک
سِیِّد علینی آتمیاجاق

چون بیزلر حیدَرِیوک
غیرتلی آذَرِیوک
الگومیز باکِریدور
پیرُوِ رهبَرِیوک

غیرَتیمیز وار شوکتیمیز وار
ظلمه باش اگمِیَروک
عزَّتیمیز وار وحدتیمیز وار
ذلَّتی ایستَمَروک

لبّیکَ ثارالله...

راهِ علینی بوشلاماروک
رهبر دیگر خوشلاماروک
آدینی قلبه جوشلاماشوک
آیری بیر آدی جوشلاماروک

چون‌ واردی عزَّتیمیز
حشمت و شوکَتیمیز
عباس تک قدرتیمیز
زینب تک غیرتیمیز

زنده باد ایران زنده باد ایران
یاشاسین میهنیمیز
زنده باد ایران زنده باد ایران
مرگ ، بر دشمنیمیز

لبّیکَ ثارالله...

• دوشنبه
• 1
• دی
• 1399
• ساعت
• 17:58
• نوشته شده توسط
• یوسف اکبری

مکتب شیعه ده استاد مسلمدی سلیم
عالم مدحده مداح معظمدی سلیم
ذاکر بی بدل عرصه عالمدی سلیم

نئجه تدبیر اولونوب گؤیده فقط بیر آی اولا
طول تاریخده هیهات سلیمه تای اولا

تربیت یافته ی مدرسه ی غیرتیدی
عاشق آل عبا و خدم عترتیدی
منزل اصلی سی مسجدلریدی ٬ هیئتیدی

بیر حسینچی آتادان ٬ پاک روان فرزندی
درس عشق و شرف و مشق عزا ئورگندی

آتمیش ئیل ئوز سسینی وقف ائلدی سلطانه
افتخار اولدی آدی مملکت ایرانه
زینبون نوحه سینی گتدی دیله جانانه

وئردی جاناندا سلیمه ابدی بیر منصب
یادگاری قالاجاق نغمه زینب زینب

صاحب منزلت و شأندی ائللرده سلیم
مکتب زینبی نشر ایلدی هر یئرده سلیم
(سیفی نین) شعرینی قاب ایلدی دللرده سلیم

دوزدی ئوز شعرینی احساسیله هر شاعر اوخور
امر واضحدی قوی شعری قوی ذاکر اوخور

روز تشییعینه ارباب سخن گلمیشدی
یا بئله عرض ائلییم کل وطن گلمیشدی
بلکه اربابی حسین ٬ روح حسن گلمیشدی

لوح اربابده زیبا خطیلن حکدی سلیم
آند اولا زینبه اربابی کیمین تکدی سلیم

دئدی استاد ٬ حسینون قوجا یارین آپارین
زینب آدیله ائدون اشکیزی جاری آپارین
منی بو نوحه میلن قبریمه ساری آپارین

من بو ذکریله یقین اوج کماله چاتارام
زینب آدین ائشیدیب قبرده راحت یاتارام

بیلیسوز زینبه استاد ندن عاشقیدی ؟
زینبه چونکه حسینیله حسن عاشقیدی
مهدی آل عبا فخر زمن عاشقیدی

عشقون ابراز ائلدی عمه صاحب زمنه
احترامیله اودور جسمی بوکولدی کفنه

آند وئررم سنی مولا قوجالان زینبوه
زلفی غمدن آغاران قدی کمان زینبوه
شام ویرانه ده اول هیئت آچان زینبوه

جان وئرن وقتده یتور باشیمون اوسته ئوزوی
عالمه ناز ائدرم بیر دفعه گؤرسم یوزوی

کانال اشعار عباسی معروفان اهری

• سه شنبه
• 2
• دی
• 1399
• ساعت
• 22:56
• نوشته شده توسط
• یوسف اکبری

ایهاالناس گلون گردش دورانه باخون
قدر‌ت مطلقه خالق سبحانه باخون

اویمیون فانی اولان کبکبیه ، دَبدبیه
چشم عبر‌تله گلون عالم امکانه باخون

زرق وبرقیکه گورورسوزبوفنادهریده سیز
یئل اسن وقته گئدین شمع شبستانه باخون

بیرسنیق کورپیه بنز‌رسویون اوستنده جهان
اوردا منزل ائلمز عاقل و فرزانه باخون

باخمیون هرزه آغیزلاردا اولان لغلغیه
انبیاء صحبتینه ، پند حکیمانه باخون

قویمایین خوار اولا قرآنوزی انجیل کیمین
توزباسوب گرچه سیلون،بیرده بوقرآنه باخون

مسلمینون سایی میلیاردی گئچیب دنیاده
ولی بو کثر‌تلن نسبت نقصانه باخون

هامی ادیان آراسی بو دینی الله بَیَنوب
بیر گلین سیزده پسندیدۀ یزدانه باخون

دئمیون ملت اسلام عقب افتاده دیلر
ضعف اسلام دَگول،ضعف مسلمانه باخون

اجنبی تفرقه‌سی یئتمیش ایکی فرقه ائدیب
اولدیلار بیر بیرینه گورنئجه بیگانه باخون

قلب اسلامیدی مکه اوتوروب آمریکا
قل اعوذ اوخویون قلبده شیطانه باخون

شیعه‌لیک جوهری هر یئرده کی وار غیر‌ت وار
دورد ابر قدرتی رد ائیله‌دی لبنانه باخون

انبیاء مکتبی انسانه سعادت یارادار
خبث ابلیسی بیلین، حکمت لقمانه باخون

آز بوبش گونلیک اولان نعمتی دورداللی دوتون
سعی ائدون عالم اولون ،عالم عرفانه باخون

هر شب جمعه گئدین ساحت قبریستانه
توپراق آلتیندا یاتان سائل و سلطانه باخون

عرض و طولینده بیر آز فکر ائیلیین قبرلرین
جُرم حبس ابده ، تنگی زندانه باخون

ناز بالیشده یاتان گونلرینی فکر ائلیین
داشا پَر قو یئرینه باش قویان انسانه باخون

بو همان شخصیدی قویمازدی قونا توز باشینا
توپراق آلتیندا یاتیب گور نه ذلیلانه باخون

بو همان شخصیدی توپراقه ده قویمازدی قدم
باش قویوب ایندی او توپراقه فقیرانه باخون

نه سالیر یادینه اولادی نه ده اقوامی
هی سز یلدیر بالالاریم ، من نالانه باخون

من گوز اوستونده سیزی بسله میشم دنیاده
قاباقیزدا آچیلان سفرۀ الوانه باخون

سیزون استوزده یالان قالمادی من خلقه دیدیم
سیزلره خاطر الیمد‌ن گئد‌ن ایمانه باخون

یالان آند ایچمیشم ازبس که رسول اللهه
اودا کی دشمن اولوبدور من نادانه باخون

آل وئریمده سپر ائتمیشدیم ابوالفضل آدینی
اودا لطفین کسیب از بس، بو پریشانه باخون

سیزه خاطر نه ترازونی دوزلتدیم نه داشی
کم ساتیب آرتیق آلان سفله مسلمانه باخون

• جمعه
• 5
• دی
• 1399
• ساعت
• 23:49
• نوشته شده توسط
• یوسف اکبری

حق اوسته ویریب جانی سردار سلیمانی
آخدی سو کیمین قانی سردار سلیمانی

برباد اولوب اهریمن دشمنلری خوار اولدی
حفظ ایلدی ایرانی سردار سلیمانی

بیر مکتب اولوب عشقی هر کیمسه کی درس آلدی
اولدی اودا بیر آنی سردار سلیمانی

بو مکتب قرآندی بو معنی ایماندی
یازدی بئله عنوانی سردار سلیمانی

هرکیمسه شهید اولماز چون عشقه جواز ایستر
آلدی او به آسانی سردار سلیمانی

چون اهل ولایتدی باشدان باشا غیرتدی
مات ایلدی دنیانی سردار سلیمانی

• دوشنبه
• 8
• دی
• 1399
• ساعت
• 23:11
• نوشته شده توسط
• یوسف اکبری

گلین ائللر یغشاق فکر ائدک آینده میزی
گوز آچیب دوز تانیاخ یاخشی نماینده میزی
ساتمیاخ سیم و زره کشور پاینده میزی
عرصه ده خصمه مقابل دورانا رای وئرک
بو یازیخ میللته جان یاندیرانا رای وئرک

هموطن،حقه قوشول تابع شیطان اولما
گوردون هریئرده ریا وار اورا مهمان اولما
بیر کسه ایله حمایت سورا پئشمان اولما
گوردون هرکیمده کی وارغیرت وایمان وشرف
سن یخلساندا سورون غیرت و ایمانه طرف

آند اولاحضرت عباس آقانین غیرتینه
شاه عطشانین اوچولده داغیلان شوکتینه
کیم مقام اوسته یالاننان دئسه بو میللتینه
هر یاناچاتساچاتیب،حق اونی گوزدن سالاجاخ
ائله ایچینده فقط اوننان قوری بیری آدقالاجاخ

• سه شنبه
• 9
• دی
• 1399
• ساعت
• 19:42
• نوشته شده توسط
• یوسف اکبری

ای مناده حاجی بیته جسارت ایلیین
ای که اسرائیل و آمریکایه هر دم باش اگن
ای جنایتکاریدن بی وقفه امداد ایستیین
اگنینه هر دم لباس خواری و ذلت گیین

طبل توخالی کیمی بیلمه ابرقدرت ئوزون
کس سسون ایرانه چپ باخسان چیخالداللار گوزون

عرصه نی دشمن ایدوب عشق اهلینه دنیاده تنگ
اکثرا ،نسل ابوسفیان ،ئورکلر مثل سنگ
ئولمویوب ایرانیمیزده غیرت مردان جنگ
زنده دی قاسم سلیمانی کیمی سردار هنگ

آدی گلسه سیندیرار اهریمنون آئینه سین
چونده رر ،ئوز باشینه اسرائیلون کابینه سین

ای که بر آزادی تحریم ها دل بسته ای
در فریب نقشه های دشمنان خسته ای
گل صراحتلن دینن:عضو کدامین دسته ای؟
قویماروخ اولسون هدر خون شهید هسته ای

بیز مطیع رهبروق،ذلت لباسین گیمروخ
بیز حسینی مسلکوخ ،اهریمنه باش اگمروخ

طول عمر ایله عطا الله بیزیم بو رهبره
سسلنر لبیک اونا،چون کل ایران یکسره
یا که سردار سلامی تک او یار و یاوره
مرحبا قاسم سلیمانی کیمی نام آوره

رهبره احسن دینن،عمارینه سویله درود
گر اشاره ایلسه نابود اولار آل سعود

• دوشنبه
• 22
• دی
• 1399
• ساعت
• 19:17
• نوشته شده توسط
• یوسف اکبری

شعـریمـه لطـف السـه حضـرت خـلاق جلیل
شیعـه دشمنلـرینـی ایلییـرم خـار و ذلیل
شیعیـه الله ئـوزی یـار و مـددکـار اولاجاخ
گلسـه مهدی آقامیـز دشمنیمیـزخار اولاجاخ
بـولـون ای شیعـه لره ظلـم الییـن ناکیشیلر
کاسه لیسان سعودی و یهودی بوتون داعیشیلر
قـولاغ آس سـوزلریمـه فتنه سالان آل سعود
نَیـوه نـاز ائـدوسن تـولـه سگ خَلـق یهود
جَدیـون گئـدیگی یولدان گینه الان گئدوسن
ظلمیلـه باش کسوسن شیعه لره ظلم ائدوسن

ای زنـا زاده عـرب ، ای ثَمـرِ نَحـس یـزیـد
ایلـدون رَمـیِ جَمرده هـامـی حجاجی شهید
تیـر محنتلـه یانـان سینـه لری بولـدوروسن
هاردا بیر شیعه گورورسن اونی تئز ئولدوروسن
عرصـة ظلـم و جنایتـده نـه طوفـان ائدوسن
عُلمـا و فقهـانـی قـانـا غلطـان ائدوسن
شیعیـه ظلم اولـونان وقته نَدن یان دوروسان
مسجـد و منبـر طـاهـانی نَدن یاندوروسان
آل ابلیسـه ایکـی قـدی سـلام ایلیوسن
ولی قـاره علمی گـونـده حـرام ایلیوسن

ائـوی بر باد اولانیـن نسلی قوتـار چالشیوی
جمـع اله سوریـه دن تولـه سگ داعشیوی
قویمـا نسلـونن آچـام سوز سنی رسوا الییم
عالمـه وجهـة اجـدادیـون هویـدا الییم
ای جمـاعت بـو سعـودی عربین نسلینه باخ
ظلم اجدادینـه باخ ، نسلینه باخ اصلینه باخ
دین آدیلان دین ائوین ظلمه یخانلاردی بولار
قلب پیغمبـری هرلحظـه سیخـانلاردی بولار
مرتضی حقینی چـون غصب الینلـردی بـولار
ناحقـی حق یئـرینـه نصب الینلـردی بـولار

حَمـزه نیـن قلبینی نفـرتلـه شکـاف ایلدیلر
کعبـه تـک اَول و ثـانینی طـواف ایلـدیلر
نه دییـم شیعـه لره ؛ داد بـولاریـن ظلمونن
دینی دن قالـدی فقـط آد بولاریـن ظلمـونن
فَدکیـن نـامه سینی ظلمه جیرانلاردی بولار
حضـرت فـاطمیـه سیلـی وئرانـلاردی بولار
آل اطهـاری بـولار دائمـی مظلـوم الدی
مجتبـانی بـولارین نسلیـدی مسمـوم الدی
کعبه نی نقشه چکوب یاندیرانین نسلیدیلر
درگـه فـاطمیـه اوت وئرانیـن نسلیدیلر
کربـلاده بـولارین جَدّیـدی طـوفان الدی
شبـه طاهـانی بـولار قانینـه غلطان الدی

دیـن و ایمـانینـی دیناره ساتانلاردی بولار
قاسمون حجله سینی یاسه قاتانلاردی بولار
مِلک و مـال اوستـه جهالت الینلردی بولار
آقـام عبـاسی خجـالت الینـلردی بولار
تیر غـم مشک ابولافضلـه وئرانلاردی بولار
آقامیـن باشینی ظلمیلـه یارانلاردی بولار
قلـب عبـاسی خَدنگیلـه بولنلردی بولار
قولاریـن قطـع الیـوب هَمده گولنلردی بولار
شاه عطشـان غمینی چـوخلیانین نسلیدیلر
آلتی آیلیـخ بالانـی اوخلانیـن نسلیـدیلر

بولارین نسلی وئروب اوخ آقامین سینه سینه
سانکی آتش قالیـوب سینـة بی کینه سینه
کَسمَگـه رأس حسینـی تَلَسنلـردی بولار
شهـدا باشینـی ظلمیلـه کَسنلـردی بولار
بولارین نسلی چاپـوب آت شهدا اوستونده
قتــل غـارت الیـوبلـر اُسـرا اوستونده
آنـدولا آلتـی گونـه یئـر گویی خلق ایلینه
آندولا خلـق الیـوب ئولـدورنـه ؛ ئولمینه
آنـدولا پاک و مقـدس تـوکـولـن القـانه
آنـدولا قـانیلـه الـوان اولـونـان میـدانه

آنـدولا نیـزلریـن اوستـه گـزن باشلاره
آنـدولا شامیـده کی باشـه دَیین داشلاره
آندولا ذات حَقـن گویـده کی اولـدوزلارینا
آندولا بی کس حسینـون دویولن قیزلارینا
آنـدولا عـالمـی یـوخـدان یـارادان آللهه
آنـدولا روح شهیـدان فنـا فـی اللهه
گلسه مهدی آقامیز قلبیزی اوخلان اویاجاخ
آنـدولا فاطمیـه نسلـوزی آغـلار قویاجاخ

• شنبه
• 4
• بهمن
• 1399
• ساعت
• 19:41
• نوشته شده توسط
• یوسف اکبری

ای مدح دین شاعر ومداح حسینی
سعی ایله ادا ایله مجالسده بودینی
قربان اتی تک شمشیره بولدورمه حسینی
مرثیه نین آلتینداسن ئولدورمه حسینی
ای حنجره که حقی بوجور اظهار الیسن
سن شیعه لرین مکتبین استثمار الیسن
من بوسوزی شاهین دیورم اوزطرفیندن
بیرآز اوخویون مظلوم حسینون هدفیندن
نوریدی حسین نوره قرانلوخ اسه بیلمز
خورشیدی بلود دوتسادا نورین کسه بیلمز
چاتسین هدفه نحضتی ئولدودی حسینی
مقتلده دنن غیرتی ئولدوردی حسینی
مرثیه فقط اوخونسا شاهین طرفیندن
هیئت لر اوزاق دوشدی حسینون هدفیندن
اسلامی دیریلدن بلی شمشیر حسیندی
انسانیتین ارزشی تدبیر حسیندی
ذهنون دنن عکاسه نه درگیر حسیندی
آزاده لیگین تصویری تصویر حسیندی
مقتلده باشی کسیلدی تقدیر حسیندی
سیندیرما وقارین دمه تقصیرحسیندی
غیرت دمه بیرنشعه زاکسیر حسیندی
غیرت اوزی واللهی نمک گیر حسیندی
المیزانا سن باخ اودا تاثیرحسیندی
علامه لرین. تفسیری تفسیر حسیندی
آزاده لیگین مدح اله دنیاده کیشیدی
چون فاطمه نین اوغلیدی آزاده کیشیدی
سن ور هدفیندن بیزه آگاهی کیشیدی
باش وردی باشین ایمدی واللهی کیشیدی

• یکشنبه
• 5
• بهمن
• 1399
• ساعت
• 20:38
• نوشته شده توسط
• یوسف اکبری

من رأی به حُکم اولیا خواهم داد
من رأی به شخص بی ریا خواهم داد

من پَستم اگر اسیر دنیا گردم
مرغ هوسم را به فنا خواهم داد

فردی که در میان اگر یافت کنم
با جان و دلم رأیِ بجا خواهم داد

الساعه «فقیر» کلاه خود قاضی کن
از دست در این بین،چِها خواهم داد!

مردی بوَد این میان گر از جنس شرف
وَاللّه که رأیِ بی چون و چرا خواهم داد

ای منتخب اَر، مردِ چنین میدانی
قولی نده تا در عملش نتوانی

چون ما دگر از غصه و غم پیر شدیم
در زیر فشارها، زمینگیر شدیم

خون داده جوانان وطن در رهِ عشق
در حفظ وطن،آماجگهِ تیر شدیم

هر لحظه که دشمن نظری داشت به خاک
با ذکر علی،دست به شمشیر شدیم

با اینهمه تبعیض و ندانم کاری
وَالله که مابین ستم، گیر شدیم

یک عده که شرمنده ی آن اهل و عیال
حالا تو بگو،چرا که تحقیر شدیم؟

بگذر ز سخن باز «فقیرا» بنویس
من رأی به شخص بی ریا خواهم داد

با عشق حسین بن علی در آن روز
این رأی به یاد کربلا خواهم داد

• یکشنبه
• 3
• اسفند
• 1399
• ساعت
• 22:26
• نوشته شده توسط
• یوسف اکبری

ای سعودیلر بیلون یوخدور سیزون حیثیتوز
قوی بئله عرض ایلیوم واللهی یوخدور غیرتوز

بیز ولی پرچم ویروب عشقین داغین فتح ایلروخ
چوخ دانیشساز شهریزی خاکیله یکسان ایلروخ

شیعیان حیدرون قلبین داخی یاندیرمیون
آخرین اخطاریمیزدی ایرانا چپ باخمیون

چون علی موسی الرضانین پرچمی بوردا اسر
ایرانا چپ باخسا کیم عباس آقام نسلین کسر

حضرت سلمان بیزیمدی وار سیزون آیا کیموز
آز بیزه طعنه ویرون آمریکیا اولسون دیلوز

گاو شیرده تک سیزون ثروتلری هر آن ساغیر
نفتیزی غارت ائدور بیچاره لر همده باخیر

آلتی یاشدا کودکه سیزلر بابا رحم ائتمدوز
هر نه ظلموز وار منا داغینده سیزلر ایلدوز

انقلاب ایرانون قیرخ ائیل اولوبدور قدمتی
سربه سر بو کشورون آزاده دور هر ملتی

آز قالور مهدی گله غیرت شعارین سسلیاخ
ذکر یازهرانی بیز بازولره برچسب ائداخ

بیز مرید حیدروک هامی بیلور ایرانلیوخ
هرنه تهدید هرنه تحریم ایلسوز پایندیوخ

قوی داخی من قورتاریم دیوان عشقین سوزلرین
ایرانا چپ باخسا کیم مهدی چیخاردار گوزلرین

• پنج شنبه
• 26
• فروردین
• 1400
• ساعت
• 11:11
• نوشته شده توسط
• یوسف اکبری

قوی بیر مَثَل دئیوم مَثلون چوخدی ارزشی
جنگلده یول گئدوردی پیادیدی بیر کیشی

بیر شیر نَر یتیشدی دیشین وردی ناگهان
چکدی آغاجلارون دالِنا هی کشان‌کشان

آیا اونون او حالدا دوشَر یاده ثروتی
یا ملک و مالی دولتی یا اینکه عترتی

بازار جاندی شیر آپارور کشمکشده‌دی
دنیانی نیلیور بو ئوزی حال غشده‌دی

الان او حالدایوخ هامومیز یاتمشوخ هله
شیر اجل بیزی آپارور قانلی جنگله

اللّهیدن اوزولدی مناجات و ذکریمیز
شیرون دیشینده ثروت دنیادی فکریمیز

(دریا سویون نقدر ایچه انسان سوسوزلانار)
پول چوخلاشاندا رحم آزالار الده باغلانار

ثروت نقدری چوخلاشا چوخلاشدیلار غمی
معلومیدور چوخ اولسا یوکی غرق اولار گمی

یوزمین شهید سینه‌سین آچدی مسلسله
قوی بیر ئولک قالانلاریمیز بلکه دینجله

دینجلمدی قالانلاریمیز اضطرابیدن
پولدار آپاردی بهره بیزیم انقلابیدن

ارزاق مردمی وُروب انباره ساخلادی
یوزمین جنازه‌ی شهدانی ایاقلادی

باسدیر گورَک بو پولّاری قالسون خزینه‌ده
روحون چخاندا بیر گجه قویمازلا خانه‌ده

• شنبه
• 11
• اردیبهشت
• 1400
• ساعت
• 21:03
• نوشته شده توسط
• یوسف اکبری

ووردولار اود خرمن ایمانه مؤمن یوخلاما
آچدیلار غارت الین قرآنه مؤمن یوخلاما

مملکتده بیر اویاق یوخدی اولوب قَحط الرِّجال
آت سالوب رَجّاله لر میدانه مؤمن یوخلاما

یوخلادون یاتدون داغیتدی اوغرولار اموالیوی
آند وئرَّم غیرت و وجدانه مؤمن یوخلاما

قاپدی قاچدی بورکووی دشمن چیخاتدی کورکووی
چولقالانما بسدی بو یورقانه مؤمن یوخلاما

ناقِصون اولسا، ئوزون تکمیل ایله تا زنده سن
آرخیین اولما قیزا اوغلانه مؤمن یوخلاما

پیرو قرآن و دین باخ گور نه حاله قالدیلار
مود اروپادن گلور ایرانه مؤمن یوخلاما

قولده مسلم ائدیر فعلاً حجابی مسخره
گونده بیر الگو گلور نسوانه مؤمن یوخلاما

قویما لامذهبلر عاشورانی عزّتدن سالا
رِخنه وورسون نیمه ی شعبانه مؤمن یوخلاما

دوست آدیلا دشمنون ایستور آپارسین دینیوی
یار نقشینده گزیر بیگانه مؤمن یوخلاما

قویما فرهنگ اروپا یول تاپا فرهنگووه
دین و ملیّت اولا افسانه مؤمن یوخلاما

قاره کوینکلردی پرچملردی دینی ساخلیان
مُنکر اولما شیون و افغانه مؤمن یوخلاما

گزمه دکترلر مطبّین ایلمه خواهش دوا
گل حسین دربارینه درمانه مؤمن یوخلاما

دشمن ایستور بو قرا کوینکلری بیزدن آلا
مُتّکیدی مختلف عنوانه مؤمن یوخلاما

بیرده گَرنش سن اولار یکسر مساجد سینما

رستورانلار کافّه لر میخانه مؤمن یوخلاما

اجنبی لر اعتقادوندن سنی سُست ائتماقا
قاتدیلار تار دونبگی قرآنه مؤمن یوخلاما

شیعه سن گر هر نه یون واردی حسیندندور سنون
تابع اولما آل بوسفیانه مؤمن یوخلاما

چوخلار ایستور، ائتماقا ترویج وهّابیّتی
قفل وورسون مکتب عرفانه مؤمن یوخلاما

بعضی بی غیرت، حسینون ماتمین بدعت بیلور
دل آچور هر بزمده هذیانه مؤمن یوخلاما

گئت حسینون خطّ سرخین قوخما گمراه اولماسان
دوت بو خطّی گئت یئتیش رضوانه مؤمن یوخلاما

وئرمه الگو ناقلایه باادب گل مجلسه
نُکته بین اُول عارف فرزانه مؤمن یوخلاما

وور باشا وور سینه‌یه ناله‌ون اوجالسین گویلره
قوی سنه جاهل دئسین دیوانه مؤمن یوخولاما

شیعیه خاطر گئچوب جاه و جلالیندن حسین
درس بیداری وئروب انسانه مؤمن یوخلاما

حق یولوندا آلتی آیلیق صودامر مهپاره سین
وئردی قربان ناوک پیکانه مؤمن یوخلاما

دینه خاطر عترتیندن عزّتیندن ال چکوب
یار و انصاری بویاندی قانه مؤمن یوخلاما

هاردا بیر شمع عزا یانسا حسینون آدینا
اول او شمعین باشینه پروانه مؤمن یوخلاما

یان ولایت عشقینه پردن گئچن پروانه تک
یان حسینه یانماسان نیرانه مؤمن یوخلاما

من بکا و اَو تباکانی «کریمی‌دن» سوروش
گوز یاشون توک ابر تک دامانه مؤمن یوخلاما

• چهارشنبه
• 5
• خرداد
• 1400
• ساعت
• 22:04
• نوشته شده توسط
• یوسف اکبری

چون شهیدان گیدیلر آغ خلعت عاشورا گونی
ایلروک بیزده اولاردان بیعت عاشورا گونی
اوغلی صادقدندی بو فرمایش اولما ناگران
گئت اوخی ایلوب روایت حضرت عاشورا گونی
آغلیوب قان چون حسینه کلّ خلق اولموش بو گون
شیعه گیسه حقّی وار قان خلعت عاشورا گونی
یا حسین بو آغ کفن بو خنجر عریان بو باش
کاش اولا کرب و بلا بو فرصت عاشورا گونی
اکبر و عبّاسون عشقینده ویراق خنجر باشا
قانیلن تاپسون بدنلر زینت عاشورا گونی
اولمادوق افسوس دشت کربلاده بیز او گون
تا اولا فیض شهادت قسمت عاشورا گونی
باش یاریب زهرا قیزی زینب حسینون عشقینه
مدّعی خوف ایله تاپ اهلیت عاشورا گونی
بیر خانم کی مامی زهرادور آتاسی مرتضی
اشتباه ائتمز زن با عصمت عاشورا گونی
باشه ویرماق خنجر برّانی عاشق ایستیور
اولماز هر عاشقده بیله جرئت عاشورا گونی
سینه و زنجیری نسواندا توانادور ویرا
ایستیور باش یارماقا چوخ غیرت عاشورا گونی
سنده بو جرئت اگر یوخدی دای ایراد ایلمه
باش یارانه ویرما جانا تهمت عاشورا گونی
غیر عاشورا او خنجردن بیرین ویر باشوه
اولماسا فوراً تاپارسان رحلت عاشورا گونی
چوخ گوروبلر عالم رؤیاده زهرا خط چکور
باش یارانون خنجرینه أمّت عاشورا گونی
باش یاران یعنی حسینون عاشق دیوانه سی
عاشق دیوانه بیلمز زحمت عاشورا گونی
باش ندی روحیم وجودیم یا حسین قربان سنه
سنده باش وئردون بو دینه حرمت عاشورا گونی
بعضی نادان ایلیور مولا شماتت بیزلره
قیلدون آگاهانه سنکی نهضت عاشورا گونی
هم اوزون هم یار و انصارون بویاندی قانینه
ایلمیشدوز ئولمگه سیز نیّت عاشورا گونی
قانیلن غسل شهادت ایلدوز هر تک تکوز
عترتون سایسیز چکیبدی محنت عاشورا گونی
اوزگه بیر احواله دوشدی حضرت زینب او گون
قارداشین باشسیز ائدنده رؤیت عاشورا گونی
بیلمورم آیا ال آتدی باشینه یا آتمادی
دُؤزدی بو ظلمه خانم بیر عورت عاشورا گونی
داشلارون آلتیندا ایتمیشدی حسینون پیکری
قارداشین عطری ائدیبدی طلعت عاشورا گونی
سسلدی بیر دفعه ایوای بو حسینیمدور منیم
بیر حزین سس گوردی ایلور صحبت عاشورا گونی
آللّه آللّه سسلیوب ناگاه ال آتدی باشینه
گوزیاشی آخدی تاپوبدی رقّت عاشورا گونی
بیلمدی قاچسون خیامه یا چاغیرسون دادینه
گوردی مشکل گلسه دُؤزسون عترت عاشورا گونی
یا علی سسلندی ای شاه نجف امداده گل
گور نه ظلم ایلوب حسینه بدعت عاشورا گونی
سو کنارینده سوسوز باشین کسیبدی کوفیان
ائتمدوک چون کفریله بیز بیعت عاشورا گونی
چوخ دئدی رخصت وئرون کوچ ایلیوم بو شهردن
تاپدی شدت جور و کین هر ساعت عاشورا گونی
من نجه بو حالدن ایلوم خبردار عورتی
ایلمز گورسه رقیّه م طاقت عاشورا گونی
یوخ باشی پیکرده جسمی خاکیله یکسان اولوب
عالم امکان دوتوبدی حیرت عاشورا گونی
یارمیشام منده حسین جان بعضی عاشوراده باش
لطف قیل تاپسون "صفا"ده شهرت عاشورا گونی

• دوشنبه
• 4
• مرداد
• 1400
• ساعت
• 21:06
• نوشته شده توسط
• یوسف اکبری

ای آدی گمنام اولان یات قبریده راحت بالا
حق اوزی وئرسین سنون گل آدیوه قیمت بالا

بولسون عالملر کی سن بازوی جندالله سن
کیم دییور گمنامیسن فرزند روح الله سن

سگیز ایل سن جبهه لرده خواب راحت یاتمادون
باشیوی ساتدون ولی اسلامی کفره ساتمادون

سن شهید اولدون کی قالسون دینیمیز ایمانیمیز
زنده قالسون حشره تک اسلامیمیز قرآنیمیز

دشمنیم بولمور ولی عالم بولور بو مطلبی
باش وئروب سن ساخلادون زنده حجاب زینبی

اسوه اولدوز بیزلره غیرتده هم روحیه ده
سیزدن آلمش هر مدافع غیرتی سوریه ده

باش وئروب باش اگمدی داعش کیمی خائن لره
دین اسلامی نمایان ایلدی کاهن لره

دوز یولا گئتدی و لیکن گئتمدی راه کجی
بیر نمونه یدی شهید آقای محسن حججی

پرچم اسلامی دنیاده سرافراز ایلدی
خنجره باشون وئرنده دئنمدی ناز ایلدی

غیرتوزدن درس غیرت آلدی غیرتمندلر
غیرتوزدن جاری اولدی کرخه و اروندلر

سیز شهید اولدوز کی خرمشهرلر آزاد اولا
ایسته دوز تا خاک ایران حشره تک آباد اولا

سیز مگر کیمسوز کی یومدوز هر علایقدن گوزی
تک نه من رهبر اوزی اقرار ائدور بیله سوزی

چوخ بویورموش بو شهادت بیر ئولومدور انسانا
قسمت اولماز هر کسه حتی یتیشسه عرفانا

حق یانیندا اسم و رسمیز وار یادوز خاطرده دی
کیم دیور گمنامسیز گم نام آدی ظاهرده دی

مرحبا جان وئرمیسیز قربان جانان اولموسوز
سیز فدای راه حق و راه قرآن اولموسوز

گرچه آزدور انقلابون بعضی یرده شاکری
بولمور اسلامه وئروبدور جان شهید باکری

لیک چون حقدن آلوبسوز سیز شهادت نامه سین
ایسیون مهدی گلوب اجرا ائده برنامه سین

بعد از اون دورت قرن دوشموش پرچم اسلام اله
قویماروخ دوشسون بو دینون پرچمی الدن اله

ساخلاروخ قانیله بیز دنیاده بو حریٌتی
تا گلوب مهدی آلا بو پرچم امنیتی

قوخماروخ هرگز وهابی زاده لر تک جانی دن
ایمدیده واردور هراسی دشمنون ایرانی دن

چون شهادت دور هدف واردور امام غائبی
رهبریم سید علی تک نصب ائدیبدور نائبی

گر اشاره ایلسه واللهی بو داعشلری
قویماروخ بیر ذره قالسون یرده آرامشلری

گرچه چوخدور غیرتوز الله اویاتسا قبریدن
داعشی بیر مشتیلن سیز محو ائدرسوز هستیدن

لیک نوبت بیزلریندی سگیز ایل سیز جبهه ده
بیر رشادت ائتمیسوز دنیا قالوبدور شبهه ده

اهل ایرانی دعائیلن حمایت ایلیون
سیز یاتون قبریزده بیر آز استراحت ایلیون

بیرده لطفیله دعا دیلده قویون برنامیه
تا ائمه دوز سالا « صادق » یازاندا نامیه

• پنج شنبه
• 7
• مرداد
• 1400
• ساعت
• 13:01
• نوشته شده توسط
• یوسف اکبری

ای ره اسلامیده جنته مهمان اولان
باش وئرن ای شامیده زینبه قربان اولان
باشیوی کسدی سنون شمر زمان ظلمیله
لشکر عالم سنون عشقیوه حیران اولان

ای باشدان آتان راه کجی
فخر ایران محسن حججی

( سید علی سربازیسن
سن شهیدلر ممتازیسن ) 4

ای ره عشقی تاپان آیه قرآنیدن
ذره هراس ائتمدون شامیده هیچ جانیدن
خنجره باش وئرمیسن سن لب عطشانیلن
درس شجاعت آلان شاه شهیدانیدن

ای باشدان آتان راه کجی
فخر ایران محسن حججی

( سید علی سربازیسن
سن شهیدلر ممتازیسن ) 4

ذلته باش اگمدون ترک ایلدن عترتی
حشره کیمی قلبیده ثبت ایلدون محنتی
مایه فخر اولموسان عالمه ای نوجوان
تا ابدیت سنه وئردی خدا عزتی

ای باشدان آتان راه کجی
فخر ایران محسن حججی

( سید علی سربازیسن
سن شهیدلر ممتازیسن ) 4

پیکری ای ظلمیله توپراقون اوسته قالان
بذل ایلین جانینی جنت حقی آلان
درس وقاری وئروب سید علی سیزلره
ای دل داعشلره سایه سی لرزه سالان

ای باشدان آتان راه کجی
فخر ایران محسن حججی

( سید علی سربازیسن
سن شهیدلر ممتازیسن ) 4

شامیده قویدون باشا عزتیله تاجیوی
مرکز میدانیده گوردوله منهاجیوی
عزتیلن باش وئروب رجعت ائدوب پیکرون
« صادقی » ثبت ایلدی دفتره معراجیوی

ای باشدان آتان راه کجی
فخر ایران محسن حججی

( سید علی سربازیسن
سن شهیدلر ممتازیسن ) 4

• جمعه
• 8
• مرداد
• 1400
• ساعت
• 11:18
• نوشته شده توسط
• یوسف اکبری

واعظین سوزلرینین ماحصلی پنده چیخار
شکری قالبه وورسان دولانار قنده چیخار

قالبِ عقلینه کیم ییغسا حکیمانه سؤزو
آسمانِ ادبه اولدوزو تابنده چیخار!

فکر ظرفینده گرگ اولمایا بیر یاوه سخن
دولسا گندیده شئیه ظرفین اؤزو گنده چیخار

عالیمین صورتینه باخماق عبادتدی بلی
عالیم ایله اوتوران کیمسه خوش آینده چیخار

ایری اولسا هر آغاج یا تنه‌سی وورسا دوگون
اره صاف ائتمه‌سه حتما عوضین رنده چیخار

شاعرین جامعه ده نقشِ رسالت واریدی
میلتین دردینی نظم ائتمه‌سه شرمنده چیخار

محتوا اولسا سوزونده دیری‌دیر هر دوره
انتقاد ایله‌سه دوز سوزلری سازنده چیخار

ئوللسه شاعیر اوزو، اشعاری گرگ زنده قالا
اؤزو گر قالسا، سؤزو اؤلسه، سرافکنده چیخار

مدحِ بیجا ائله‌مک شاعیری بی ارزش ائدر
هنرین رتبه‌سی، صدّيقْ هنرمنده چیخار

تیکان ايله اوتوران نیشی گرگ نوش ائله‌سین
گول ایله الفت ائله حاصلی لبخنده چیخار

بابا طاهر کیمی سؤز یاز اولا گول تک، هله ده
سؤزونون رایحه‌سی قله‌ی الونده چیخار

سولمایان گوللر اکیب سعدی گلستانینده
ائله گوللر کی خیال ایله‌مه گلشنده چیخار

طفل علمه بو وطن اولسا اگر گهواره
متبحر علما آری بو میهنده چیخار

اولسالار حامی اگر نابغه اندیشه‌لره
ابن سینا دولانان یئرده انیشتن ده چیخار

علما چشمه کیمین دیر سولاری پاک و زلال
نوش ائدن قطره لرین طالعی فرخنده چیخار

شهدا قانلاری‌نین قیمتی‌دیر حریت
سیر فضله فضلا وادی ایمنده چیخار

زر انسانیته نهضتیمیز اولدو محک
هر کیمین ناب‌دی اندیشه‌سی رخشنده چیخار

دردیمیز چوخدو گرکدیر یازیلا هم دئییله
گوشِ مسئوللارا فریادِ نویسنده چیخار

هله ده حکمِ قضاوت اوزانیر محکمه ده
میز فرجامه بئش ایلدن صورا پرونده چیخار

آچماییب لار وکلا شهریمیزین بیر دوگونون
موقعِ رای ده ولی بوللو نماینده چیخار

دشمنِ ظاهریمیز هر دو ابرقدرت دیر
تخم ناپاک خباثت ولی لندنده چیخار

استقامت ائله سوک دشمنیمیز قارشیندا
صبریمیز اولسا ضرر وقت معینده چیخار

بی تفاوتدیر اولار کی شهدانین قانینا
جمله سی هرزه علف مثلیدی گلشنده چیخار

سیل خون صدامی نابود ائده‌جک گئج تئزی وار
انتقامین ایپی دار اوستونه گردنده چیخار

صنعتی اولماسا شعرین نه دادی وار نه دوزو
میوه خودرو اولا گور لذتی پیونده چیخار

نه یه تشبیه ووروم نظمده جانسیز سوزو من
بیر قارا توستو مثالنده دی گلخنده چیخار

هاون مغزیده دگسه سؤزه فکرین چکشی
دفترین صفحه‌سینه نغز و برازنده چیخار

سفت و محکم‌دی نئجه میخک ایله دانه‌ی هل
دسته دگدیکجه گؤیه نکهت هاونده چیخار

او جوانلار کی دوشوب زهرلی افیون تورونا
ائتسه لر همت اگر جبهه ده رزمنده چیخار

باغبانین امگی بهره وئرر گول وقتی
زارعین زحمتینین قیمتی خرمنده چیخار

شعر دوشیزه‌سینه فیکریدی مشاطه بلی
وورماسا شانه اگر زلفی پراکنده چیخار

لعله بنذر ولی هر قیرمیزی داش لعل اولماز
خالص الماس اله چوخ رنجیله معدنده چیخار

"انورا" شعره خریدار بو گونلر چوخدور
شاعرین مزدی فقط بیر قورو احسنده چیخار

• چهارشنبه
• 3
• شهریور
• 1400
• ساعت
• 20:22
• نوشته شده توسط
• یوسف اکبری

دنیانی ترک ایدنده او گون حَضرت اِمام
اُمّت او پیشوایه عزادار اولوب تمام

ترک جهان ایدنده او محبوب مسلمین
تشییع و هم عزاسینه جمع اولدی اَهل دین
دنیا گوروبدی ملت ایرانین همتین
دنیایه ویردی بو حرکت عالی بیر پیام

نشر اولدی هر بِلا دیده بو غصه لی خبر
روح خدا بقایه بوگون ایلدی سَفَر
اَحبابه بو خبر اوقَدَر ایلدی اَثَر
گوز یاشلی یوز قویوبلا جمارانه خاصّ عام

اهل جهانی حیرته سالدی او مُقتدا
اسلام و مسلمینه ایدوب دِینینی اَدا
بویولدا اوز جوان بالاسین ایلدی فدا
علَت او دور جهاندا اولوب صاحب اِحترام

صبرایتدی دین و اُمّته خاطر مُصیبته
جبریله نچه ایل دایانوب رَنج غُربته
جانلار فَدا او رَهبر والای اُمّته
چون جان فدا اولوبدی بو دینه او خوش مرام

خُرداد سال قرخ ایکی باشلوب قیامینی
آندیردی اَهل عالمه کسگین پیامینی
چوخلار جهاندا آلدی اِمامین کَلامینی
علت او دورکی ایتدیقی نِهضَت تاپوب دوام

تَبعید اولاندا قلب اَحبانی داغلادی
دوشدی یولا توکّلین اَللّهه باغلادی
بو فُرقته تمام مسلمانلار آغلادی
اُول فرد با دیانته بیزدن اُولا سلام

غربتده اون بیش ایل دایانیب دور مَشقّته
تا اُمّت ولایینی چاتدی رسین عزّته
اللّه کمک لیق ایتدی اِمام یله اُمّته
پیروزی نهاییه آخر چاتوب قیام

دلدن اطاعت ایتدی هامی اَمر رَهبره
اسلامه خاطر اُولدولا پیرو او سروره
دایم دعا ایدیب دیله خلاق اَکبره
هر بیر بَلادن حَفظ اولا تا حَضرتِ اِمام

مُخلص گلوبدی میهنه اُول میر و مُقتدا
پیشوازینه چیخوب هامی یاران با وفا
تشریف آپاردی جَنَتِ زَهرایه اِبتدا
تا ایلیه مقام شَهیدانه اِحترام

قرآن و دینه بیر نچه ایل خدمت ایلدی
بو ملتین نجاتینه چوخ هِمت ایلدی
اسلام یانی صاحب حُریت ایلدی
آخرده عمرون عِزَتیله اِیلدی تَمام

رُوح اِمام اوگونکی بقایه اولوب روان
بیر آیری نور اولدی یرینده اونون عیان
سِید علی خامَنه ای صاحبِ مرام
رَهبر اولوب بو اُمّته اُول سِید کِرام

رُوح خدا وصیت ایدیب دور بو اُمّته
وار توصییم بویوردی فداکار ملّته
من دعوت ایلورم سیزی تَقوا و وَحدَته
گر وحدت اُولماسا یول اُولار سُست و بی دوام

یا رَب بیزه عنایت ایله حقّی دانمیاق
راه وَلاده لَنگه دوشوب تیز دایانمیاق
هرگز شَرار جَهل و جَهالتده یان میاق
تا هر زَمان جَهاندا اُولاق غالب ظُلام

تک قویمیاق گرکدی اَمیر وِلایتی
هر بیر زَماندا بیزلره لازمدی طاعتی
سندیر میاق گرکدی کی رَهبرله بِیعتی
حقّ سایه سین ایده باشیم یز اوسته مُستَدام

(رزاقی) اَمرِ رَهبره دائم اطاعت اِیت
اَمرین همیشه جان و دلیله اِجابت اِیت
هر بیر زماندا سعی ایله حقّی رعایت اِیت
تا بیزلره باتان ماسین افراد بَد مرام

• جمعه
• 12
• شهریور
• 1400
• ساعت
• 23:20
• نوشته شده توسط
• یوسف اکبری

یابن الحسن گل گلن یولارا قربان اولوم
پرچم عدلی آچان قولارا قربان اولوم

شیعه لر سسلنر هر زمان
لبیک یا صاحب الزمان
جان یا مهدی جان یا مهدی
___________________________________
نار فراقینده بیز سینه لری داغلاروق
جدون حسینه آقا قاره گیوب آغلاروق

قلبیمیز هجرونده اولدی قان
لبیک یا صاحب الزمان
جان یا مهدی جان یا مهدی
___________________________________
شیعه لرین قلبینی آل سعود داغلادی
شمر زمانه بیزه کعبه یولون باغلادی

داده سسلیر سنی عاشقان
لبیک یا صاحب الزمان
جان یا مهدی جان یا مهدی
___________________________________
بیز ولی باش اگمریک دشمنیلن سازشه
عرصه نی تنگ ایلروک منطقه ده داعشه

ملت ایراندی جاودان
لبیک یا صاحب الزمان
جان یا مهدی جان یا مهدی
___________________________________
فاطمه جانی آقا جان بکفیک مکتبه
سینه سپر ایتموشوک بیر حرمه زینبه

ویرمریک دشمنه بیز امان
لبیک یا صاحب الزمان
جان یا مهدی جان یا مهدی
___________________________________
درد رقیه منیم صبریمی الدن آلوب
زائری یوخ قبرینین باخ حرمی بوش قالوب

صحن و ایوانی مثل جنان
لبیک یا صاحب الزمان
جان یا مهدی جان یا مهدی
___________________________________
آی حرمی بوش قالان قمچی توانین آلان
غصه لرین یورقونی اصغره لای لای چالان

اوچ یاشدا زهرای قهرمان
لبیک یا صاحب الزمان
جان یا مهدی جان یا مهدی

• شنبه
• 17
• تیر
• 1402
• ساعت
• 15:59
• نوشته شده توسط
• یوسف اکبری

اگه اول دهریده هرشاعره استاد دئمه
هرعلی سسلیینه بوذر ومقداد دیمه

اسیاب ایلینی فرض ائلمه موی سپید
هریاشیل رنگی اولان اوتلارا شمشاددئمه

گوله بیلمز دوداقون گولمسه سینونده اورک
دوداقی غنچه آچان سائله دلشاددئمه

باخما بلبل قفس دهريده آواز اوخيور
دام صياده دوشن بلبله آزاد ديمه

دئمه هیچ خائنه گیزلین سوزوی فاش ائدر
ناکسی اولدورَنه قاتل وجلاد دئمه

هر ایشین واردی بو عالمده قوی استادی
کور قوشی داشلیانا عرضه لی صیاد دئمه

هر اولان عاشقَ ،مجنون ديمگ انصاف دييور
اَلينه تيشه الان عاشقه فرهاد ديمه

هردمیر کورده پیشسه بلی شمشیراولماز
هر قیزیل پنجریه پنجره فولاد دئمه

• شنبه
• 17
• تیر
• 1402
• ساعت
• 18:22
• نوشته شده توسط
• یوسف اکبری

چالارام درگهووی روز و شب ای ماه جبین
چاتارام مقصد ومنظوریمه ای شاه یقین

سنیلن من خوشام هر ییرده که اولسام مهدی
تاکه وار رأفتون حاشا اولا احوالیم حزین

گورمورم گرچه سنی باش چکیسن نوکریوه
واردی لطفین منه چون حیدر کرار تکین

روسیاهم بیلوسن عاشق شرمنده منم
ایله امداد منه ای شه افلاک نشین

قویما تا اهرمنی شاد الیوم عالمده
سنیلین دائم اولوم یار و وفادارو قرین

من بیچاریه گربیر نظر اتسون اقا جان
اهرمنلر قورا بیلمز منه دنیاده کمین

انتظارون نقدر دردی وار ای یار منیم
بخشش اهل ولا روز مکافات سنین

اورگون غملی سوزون یازدی "عبادی" شهینه
آشکار ایله اونی ای حق دادار معین

• شنبه
• 17
• تیر
• 1402
• ساعت
• 20:39
• نوشته شده توسط
• یوسف اکبری

یدی گوندور ،گیجه نی صبحه کیمی آغلامیشام
آه جانسوزیله دنیا اورگین داغلامیشام
سارالان صورته اشک تریمی باغلامشام
گزمیشم کوچه و بازاریده آواره حسین
قزلارین دردینه تک ایلمیشم چاره حسین

یدی گوندور ،باخورام نیزده قانلی باشووا
باجی قربان اولا او گوزدن آخان گوز یاشووا
بویور ای شاه دو عالم اوجا بوی قارداشووا
تازیانه ویروری قوم دنی قزلارووا
یانورام هی نظر ایتدوکجه اوغولسوزلاروا

یدی گوندور یارالی ،بوپوزولان دل آلیشار
گوزومون یاشی اورک قانینه هر دم قاریشار
دیسکینوب نازلی رقیه یوخودا هی دانیشار
بابا وای ناله سی ایلیر دل دنیانی کباب
آلوب آغوشه یوزوندن اوپر هر لحظه رباب

یدی گوندور پوزولان قلبیده احساسیم ئو

• دوشنبه
• 25
• شهریور
• 1398
• ساعت
• 09:35
• نوشته شده توسط
• TzwSVsOw

استمداد حضرت قاسم (ع)

مرتضی اسکندری (ساعد زنجانی)

سالدیلار آتدان عموجان قاسمی دشت بلایه
یاره لر ایلور اذیت هارداسان تیز گل هرایه

گل عمو، جان اوسته یم من
خسته یم من، خسته یم من

جسمیمی آتلار ایاقی ایلیوبدی پاره پاره
کهکشان سینم اوسته یاره لر گلمز شماره
جان زهرا قویما قیزلار جسمیمه ایتسون نظاره
آز قالور نعشیم بوکولسون نعش اکبر تک عبایه

اِرباً اربا اولدی اکبر نهضت قرآن اوجالسون
منده اولدوم دینه قربان سیدی باشون ساغ اولسون
کیم سنه ایتدی اهانت جاه و اجلالی داغلسون
شاکرم منده یازیلدوم نهضت کرب و بلایه

قاسمه جان ویرمک ایندی گرچه شیریندی عسلدن
قادر الله شاهدیمدی قاچمادیم جنگ و جدلدن
اللرون قربانی

• پنج شنبه
• 8
• شهریور
• 1397
• ساعت
• 02:16
• نوشته شده توسط
• علی ببیرپور

لیلا گورنده اکبرینون قانلی پیکرین
اوخشاردی گوئیا بو قراریله اکبرین

توپراقلار اوسته یاتما بیله زخمدار اوغول
دور گور آنان نه نوع ایدر آه و زار اوغول

سنسیز منیم ایویم یخلوب عزّتیم گیدوب
دیجور تک اولوب گونوزوم تیره تار اوغول

دور و برونده عمّه لرون گورنه آغلاشور
آل رسوله محشر اولوب آشکار اوغول

آغلار باجون سکینه یانار وا اَخا دیَر
باخدوقجا قانلی نعشیوه زلفین یولار اوغول

قاندان دولوبدی نرگس مستون پیاله تک
گوردوقجه گوزلرون اولورام اشکبار اوغول

شبرنگ زلفوه دوزولوب قطره قطره قان
ایلر گوزوم بو زلفیوه مرجان نثار اوغول

لب تشنه سو یانندا سنی ایتدیلر شهید
اشکیم اودور آخور یوزه بی اختیار اوغول

بیر گُل

• چهارشنبه
• 3
• بهمن
• 1397
• ساعت
• 11:59
• نوشته شده توسط
• ابوالفضل عابدی پور

وار سوزوم باشلیورام ایللر ایچون یاشلی گوزیله
قان اورک داغلی سوزیله

یارا گوگلوم سوروشور باشلادیقین سوز ندی قارداش
بو نه سوزدور که اورکلرده تلاطمده دی قارداش
سویله مکدن یوخاری گورمدی قارداش
دیماق افسانه دی قارداش

یاش گوزیمدن اَلَنَر کن کاغاذ ایسلاندی یاش اولدی
گوز یاشیم سئلَّنوب اَروَندیدن آخماقدا باش اولدی
گینه گوز یاشیله دولدی

گینه دوران کاغاذ اوسته دوران دوتدی دولاندی
گینه اروندیده کی صحنه جان آلدی تازالاندی
گینه غملر قالاق اولدی یغوشوب قالدی قالاندی
دوزومون قابی جالاندی

ایتیررکن اؤزیمی گاه دولانوب گاه دایانوردوم
گاه اویوب گاه اویانوردوم
دهلی اروندی تانوردوم

دهلی اروندی تانوردوم نجه طوفا

• چهارشنبه
• 22
• اسفند
• 1397
• ساعت
• 12:38
• نوشته شده توسط
• ابوالفضل عابدی پور

ای خدیجه ای نبینون افتخاری السّلام
مصطفانون همسر والا تباری السّلام

ای هامی‌دارُ‌ نَدارین٬دین‌یولوندا صرف‌ائدن
عشق و ایثار و وفا آموزگاری السّلام

ثروتون اِهدا ائدوبسن دینِ اسلامه خانم
دینِ اسلامین اولان شأن و وقاری السّلام

شأنوه‌چاتماز سنون بیر کیمسه اُمُّ‌المؤمنین
مؤمنین و مؤمناتین سایه ساری السّلام

معنی‌کوثر دوغوبسان‌مرحبا اجلالیوه
جنّتین‌زهرادی‌صاحبْ‌اختیاری ‌السّلام

سَروَر نسوان عالَمدور سنون زهرا قیزون
حضرت پیغمبرین زیبا نگاری السّلام

بیر سلام ویژه اللّه٬ گوندروب جبریلیدن
مرحبا ای مصطفانون غمگساری السّلام

(فیضیا) ال‌سینه‌ده عرض ‌ایله ‌سنده ‌عشقیلن
ای خدیجه ای نبینون افتخاری السّلام

• یکشنبه
• 2
• تیر
• 1398
• ساعت
• 09:46
• نوشته شده توسط
• ابوالفضل عابدی پور

شهر پیغبر دینه، قبر زهرا هاردادی
هاردا مخفی ایتموسن ،دخت طاها هاردادی
.
بازو پهلوسی سنان، درگهی اوددا یانان
قلبی قانیله دولان، امّ بابا هاردادی
.
ثانی هاردا اود ویروب، یاندیروب درگاهینی
آستانین اوپماقا، سویله حورا هاردادی
.
سقط اولوب هاردا بالا، دفن ایدوب مولا آقا
پرپر اولدی گل ندن، غنچه رعنا هاردادی
.
دگدی سیلی گول یوزه، هاردا هانسی کوچه ده
تاپمادوخ گوشواره سین، یوخدی بوردا هاردادی
.
مرهم ایلر گوز یاشی، سینه ی مجروحینه
گلموشوخ زخمین ایداخ، بیز مداوا هاردادی
.
سن فدک اوسته نیه، قلبینی قان ایلدون
سویله غاصب لر هانی، حکّام دعوا هاردادی
.
فاتح خیبر الین، بیعت اوسته باغلادون
دردینی چاهه دیین ، غمل

• چهارشنبه
• 2
• مرداد
• 1398
• ساعت
• 12:39
• نوشته شده توسط
• ابوالفضل عابدی پور

قادر آلله یارادیب عالم امکانی گوزل
کهکشان و قمر و شمسیله کیهانی گوزل
.
گلون ای اهل بصر ثابت و سیاره باخین
نظم و ترتیبه سالیب زهره و میزانی گوزل
.
دلو و قوس و اسد و سنبله حمل و سرطان
ثور و حوت و جدی و عقرب و جوزانی گوزل
.
اون ایکی شهر آدینا بیر ئیلی کشور یارادیب
دورده تقسیم ائلییب کشوری استانی گوزل
.
واردی هر استانین اوچ شهریله دوخسان کندی
اوچ یوز آلتمیش بئش آرا سلطۀ فرمانی گوزل
.
تازه کوینک بیچیلیر یازدا طبیعت بویونا
گول چیچکدیر بزءییر صحن گولوستانی گوزل
.
جلگه و دشت و دمن جمله یاشیل دون گیینیر
جام جم ده گورونور کوه و بیابانی گوزل
.
یئتیشیر حدکماله نئجه قیرخ بئش گونده
میوه لر میل اولونور لذت د

• پنج شنبه
• 3
• مرداد
• 1398
• ساعت
• 11:10
• نوشته شده توسط
• ابوالفضل عابدی پور

هیئتین سرسبد گول لریندن
اسدی باد خزان پرپر اولدی
محفل غم قوروب دوراَحِبّا
فرقتینده اورک قانه دولدی
قبرینی ایله پر نور الهی
قیل حسینیله محشور الهی
.
.
آیری دوشدی اگر اقربادن
دستجات حسین و عزادن
آیری سالما خدا روز محشر
شاهِ دین ، سرورِ کربلادن
قبرینی ایله پر نور الهی
قیل حسینیله محشور الهی
.
.
شورعشق حسین سینه سینده
دست غم سینییه چوخ ویروبدی
سسلیوب یا حسین یا ابوالفضل
آغلیوب محفل غم قوروبدی
.
.
ای خدا رحمتون شامل ایله
اوز منایا سینه نایل ایله
تازیارت ایده اوز آقاسین
توپراق آتّدا اوزون حاصل ایله
.
.
ای خدا یوم دین پادشاهی
خالق مهربان ای الهی
عفو قیل چون حسین نوکریدی
عمروده اولموش اولسا گناهی
قبری

• شنبه
• 12
• مرداد
• 1398
• ساعت
• 10:58
• نوشته شده توسط
• ابوالفضل عابدی پور

اردبیلدن گینه بیر بلبل خوشخوان گئتدی
محضر یار لب عطشانه پریشان گئتدی
.
بزم عرفانه قدم قویماق ایچون آلدی وضو
دیلده یارب سوزی اربابینه مهمان گئتدی
.
دیده پرنم شه عالم قره سی اگنینده
پیکر بزم عزادن بئله بیرجان گئتدی
.
گرچه دنیای فنادن یازیلیوب گئتمه گیمیز
آرامیزدان ولی شایسته بیرانسان گئتدی
.
خادم مخلص سلطان لب عطشانیدی
محضر یاره اودور دیده سی گریان گئتدی
.
عندلیب چمن غصه نفسدن دوشدی
آیری گلزارَ غم افزایه شتابان گئتدی
.
گئتدی تا روضه طاهاده قیامت سالسین
اودی جنّات خداونده شتابان گئتدی
.
وئرمه دی فرصت اجل ابن رضادن اوخوسون
سیل غم گوزدن آخان وقتیده نالان گئتدی
.
یوخ سوزوم صبح و مسا نوحه دیوب أغلارد

• شنبه
• 12
• مرداد
• 1398
• ساعت
• 11:00
• نوشته شده توسط
• ابوالفضل عابدی پور

باخیرام هرطرفه محفل غم برپادی
بونه شورونه مصیبتدی بونه غوغادی
.
هامی بیرنوکره خاطر گینوب رخت قرا
باخیسان هریانا واحسرت و واویلادی
.
گرچه (منصوریه) خاطر قورولور بزم عزا
صاحب مجلسی معناده خانم زهرادی
.
اوتوزآلتی ایل آقاسین اوخشادی آلدی درجه
یاحسین سسله دی بیرعمر اوجالوب فریادی
.
خوش سنون حالیوه(منصوری)یتشدون هدفه
قطره ده اولسون اگر قورخما حسین دریادی
.
چون جوانسان گلر اکبر ئوزی استقباله
ادعا ایلمورم وار سوزومون اسنادی
.
نوکر ئولسه مگر اربابی اونا باش چکمز؟
اهل دل مورد لطف و نظر مولادی
.
کربلا صحنه لرین تجزیه تحلیل ائلسون
گورجکسن نقدر صحنه لری زیبادی
.
هم غلامین باشینی آلدی دیز اوسته مولا
هم اباا

• شنبه
• 19
• مرداد
• 1398
• ساعت
• 13:18
• نوشته شده توسط
• ابوالفضل عابدی پور