سایر موضوعات

شهر پیغبر دینه، قبر زهرا هاردادی
هاردا مخفی ایتموسن ،دخت طاها هاردادی
.
بازو پهلوسی سنان، درگهی اوددا یانان
قلبی قانیله دولان، امّ بابا هاردادی
.
ثانی هاردا اود ویروب، یاندیروب درگاهینی
آستانین اوپماقا، سویله حورا هاردادی
.
سقط اولوب هاردا بالا، دفن ایدوب مولا آقا
پرپر اولدی گل ندن، غنچه رعنا هاردادی
.
دگدی سیلی گول یوزه، هاردا هانسی کوچه ده
تاپمادوخ گوشواره سین، یوخدی بوردا هاردادی
.
مرهم ایلر گوز یاشی، سینه ی مجروحینه
گلموشوخ زخمین ایداخ، بیز مداوا هاردادی
.
سن فدک اوسته نیه، قلبینی قان ایلدون
سویله غاصب لر هانی، حکّام دعوا هاردادی
.
فاتح خیبر الین، بیعت اوسته باغلادون
دردینی چاهه دیین ، غمل

• چهارشنبه
• 2
• مرداد
• 1398
• ساعت
• 12:39
• نوشته شده توسط
• ابوالفضل عابدی پور

یارالی کیمسن ایدوب دیریمی نورانی باشون
طور سینادن ایدوب باش بو کلیسانی باشون
دولانوم باشوا ای باشی سالان عالمه شور
نور حق ایلوری بو رأس منوّرده ظهور
وار یری رشگ آپارا بو یره گر وادی طور
برملا گورسه سالار حیرته موسانی باشون
گورمیوب دهرده بیر گوز بیله بیر حسن و جمال
حسن یوسف اولا بولمز بو گوزل حسنه مثال
نیه قانه بلشوبدور بو دل آرا خط و خال
یاندرور حسرت اودوندا دل دنیانی باشون
کیمسن ای شور سالان نه فلکه شور سری
هانسی گلشن گولوسن یا سایلورسان ثمری
آشکارا گورونور سنده حقیقت اثری
حلّ ایدیر عالمه بر سخت معمّانی باشون
گرچه باشون کسیلوب ظلمله یحیا دگیسن
صاحب معجزه سن لیک مسیحا دگیسن
بورا طور اولسادا سن

• دوشنبه
• 2
• مهر
• 1397
• ساعت
• 10:49
• نوشته شده توسط
• ابوالفضل عابدی پور

لیلا گورنده اکبرینون قانلی پیکرین
اوخشاردی گوئیا بو قراریله اکبرین

توپراقلار اوسته یاتما بیله زخمدار اوغول
دور گور آنان نه نوع ایدر آه و زار اوغول

سنسیز منیم ایویم یخلوب عزّتیم گیدوب
دیجور تک اولوب گونوزوم تیره تار اوغول

دور و برونده عمّه لرون گورنه آغلاشور
آل رسوله محشر اولوب آشکار اوغول

آغلار باجون سکینه یانار وا اَخا دیَر
باخدوقجا قانلی نعشیوه زلفین یولار اوغول

قاندان دولوبدی نرگس مستون پیاله تک
گوردوقجه گوزلرون اولورام اشکبار اوغول

شبرنگ زلفوه دوزولوب قطره قطره قان
ایلر گوزوم بو زلفیوه مرجان نثار اوغول

لب تشنه سو یانندا سنی ایتدیلر شهید
اشکیم اودور آخور یوزه بی اختیار اوغول

بیر گُل

• چهارشنبه
• 3
• بهمن
• 1397
• ساعت
• 11:59
• نوشته شده توسط
• ابوالفضل عابدی پور

اردبیلدن گینه بیر بلبل خوشخوان گئتدی
محضر یار لب عطشانه پریشان گئتدی
.
بزم عرفانه قدم قویماق ایچون آلدی وضو
دیلده یارب سوزی اربابینه مهمان گئتدی
.
دیده پرنم شه عالم قره سی اگنینده
پیکر بزم عزادن بئله بیرجان گئتدی
.
گرچه دنیای فنادن یازیلیوب گئتمه گیمیز
آرامیزدان ولی شایسته بیرانسان گئتدی
.
خادم مخلص سلطان لب عطشانیدی
محضر یاره اودور دیده سی گریان گئتدی
.
عندلیب چمن غصه نفسدن دوشدی
آیری گلزارَ غم افزایه شتابان گئتدی
.
گئتدی تا روضه طاهاده قیامت سالسین
اودی جنّات خداونده شتابان گئتدی
.
وئرمه دی فرصت اجل ابن رضادن اوخوسون
سیل غم گوزدن آخان وقتیده نالان گئتدی
.
یوخ سوزوم صبح و مسا نوحه دیوب أغلارد

• شنبه
• 12
• مرداد
• 1398
• ساعت
• 11:00
• نوشته شده توسط
• ابوالفضل عابدی پور

قولاقدا ساخلامیشام بو سوزی جوانلیقدان
گوزلدی قرمز ئولوم قاره زندگانلیقدان

ملاک، عقلیدی انسانه استقامتدی
کیمون چراغی یانوب صبحه تک قرانلیقدان

جهاندا خواجه نصیر اول، نه ملانصرالدین
گوزلدی عالمه دانالیقون، نادانلیقدان

همیشه صرف ائله تحصیل علمه اوقاتون
دولان او قدری چیخا باشماقون دابانلیقدان

حدیث اطلبوالعلمی ائشیت ولو بالسین
داریخما علم سنی قورتارار رومانلیقدان

حقیله باطلی، زشتیله خوبی، علم آییرار
صفا قازان، چمنه فرق قوی تیکانلیقدان

صباح اولور گئجه گوز یولدا قالدی گلمدی یار
قلوب منتظران قاندی ناگرانلیقدان

هایانداسان آقا دوتموش جهانی فسق و فجور
فساد و فتنه، زمانی سالوب زمانلیقدان

کریما گوجیوی قوله وئرمه، وئر عمله
نتیجه آلمادی بیر کیمسه قصه خوانلیقدان

• شنبه
• 1
• آذر
• 1399
• ساعت
• 22:14
• نوشته شده توسط
• یوسف اکبری

"فخری زاده" فخر قیل پرورده ی اسلامیدون

مکتب قرآنیده جان برکف گمنامیدون

لاله تک باتدون قانا سن لاله ی ایامیدون

سیر ائله دورانلاری بیزدن سلام اولسون سنه

گرچه هجرونده اولوبدی اهل ایران دیده تر

وئردی اما زحمتون دنیاده چوخ عالی ثمر

قان ایچیندن باشلادون سن دار عقبایه سفر

قوزادون افغانلاری بیزدن سلام اولسون سنه

دینه جان بذل ایلدون وجدانی هرگز ساتمادون

آخدی قانون تپراقا ناحقی حقه قاتمادون

ملک دنیانی آتوب ملک بقانی آتمادون

یخموسان شیطانلاری بیزدن سلام اولسون سنه

• جمعه
• 28
• آذر
• 1399
• ساعت
• 20:57
• نوشته شده توسط
• یوسف اکبری

باخیرام هرطرفه محفل غم برپادی
بونه شورونه مصیبتدی بونه غوغادی
.
هامی بیرنوکره خاطر گینوب رخت قرا
باخیسان هریانا واحسرت و واویلادی
.
گرچه (منصوریه) خاطر قورولور بزم عزا
صاحب مجلسی معناده خانم زهرادی
.
اوتوزآلتی ایل آقاسین اوخشادی آلدی درجه
یاحسین سسله دی بیرعمر اوجالوب فریادی
.
خوش سنون حالیوه(منصوری)یتشدون هدفه
قطره ده اولسون اگر قورخما حسین دریادی
.
چون جوانسان گلر اکبر ئوزی استقباله
ادعا ایلمورم وار سوزومون اسنادی
.
نوکر ئولسه مگر اربابی اونا باش چکمز؟
اهل دل مورد لطف و نظر مولادی
.
کربلا صحنه لرین تجزیه تحلیل ائلسون
گورجکسن نقدر صحنه لری زیبادی
.
هم غلامین باشینی آلدی دیز اوسته مولا
هم اباا

• شنبه
• 19
• مرداد
• 1398
• ساعت
• 13:18
• نوشته شده توسط
• ابوالفضل عابدی پور

اورگيم تنگه گلوب كرب وبلا ايستيوری
آستان بوسی شاه شهدا ايستيوری

گجه گوندوز غم هجرينده اورك داغلانوری
دردينين چاره سی يوخ درده دوا ايستيوری

عاشقين جرمی نه دور اولسا مريض عشقه دُچار
نيله سون عشقی اونون روحه صفا ايستيوری

نوجوان اكبرينه عرض ادب ايله ماقا
قلبی يا نموش آتادان اذن و رضا ايستيوری

اوره گيم قانه دونور اصغرينی ياده سالور
آلتي آيلوق با ليه دلده نوا ايستيوری

مرقد حضرت عبّا سی گوره گون سايوری
دردينه چاره تاپا جود وعطا ايستيوری

تربتون درده دوا مُهر نماز مُهر سُجود
خاك پاكوندان حسين جمله شفا ايستيوری

سنی زهرا آناون جا نی آقا دعوت ايله
قبروی شاه و گدا اهل عزا ايستيوری

عدلنون» كربو بلادن صورا وار گويلی گوره
هم بقيع بيت خدا سعی و صفا ايستيوری

• جمعه
• 19
• دی
• 1399
• ساعت
• 20:23
• نوشته شده توسط
• یوسف اکبری

اورک لر دوندی داغ محنتوندن قانه منصوری
حسینی لر توکوللر گوزیاشین دامانه منصوری
.
کی بیرداغ جگر سوز اولدی احبابه خبرگلدی
حسینون بولبولی ئولدی گلون افغانه ،منصوری
.
بیر عمرعندلیب اولدون حسینه امتیاز آلدون
طواف شمعینه اولدون یانان پروانه منصوری
.
محرمده قرا گیدون حسینه باغلادون احرام
عزا بزمینده گوزیاشیون دولاندی قانه منصوری
.
نمازه تا وضو آلدون آچوب پرطایر روحون
بو حال عشقیده مهمان گئدوب جانانه منصوری
.
اگر کی میهمان گئتدون حسینه سرفراز اولدون
ولی عاشقلرون یاندی غم هجرانه منصوری
.
مدال عشق مولانی سینونده یاخشی حفظ ائتدون
بحق کی خادمیدون مکتب قرآنه منصوری
.
سرابین الغدیرینده سنه بزم عزا قوردوق
کی

• شنبه
• 19
• مرداد
• 1398
• ساعت
• 13:19
• نوشته شده توسط
• ابوالفضل عابدی پور

هرکیمون وار طَبع سرشاری که انشاد ایستیور
سیر باغ شعریده امّا بیر استاد ایستیور

ماشاءالله سوز یازانلار گون به گون آرتور ،ولی
شعر نابین یازماقی بیر طبع وَقّاد ایستیور

هِچ آغاجدان چیخمیوب چیخماز قِلنجین تیغه سی
مرد میدانون بلی شمشیری فولاد ایستیور

اولماسا طَبعون عزیزیم عمرووِی اِئتمه هدر
داش یاران چوخدور وَلی بو تیشه فرهاد ایستیور

شَهوتِ شُهرت آلوبدور چوخلارینان اختیار
آختارور بَه بَه دِیَن ئوز خاطرین شاد ایستیور

سِرقت شعریله بعضی لَر عَناوین آختارور
لَعن اولا بو قیمته ، کِیم سان گَزور آد ایستیور

ئوزگَه اشعارین تَصَرُّف اِیلین ئوز آدینه
یَومُ الحَسرَتده گورللَر اَلاَمان داد ایستیور

(نادرا) سنده بَلَدچی اولما گِئت تحصیل اِئله
توسَن طَبعون قالوبدور یولدا اِمداد ایستیور

• شنبه
• 20
• دی
• 1399
• ساعت
• 22:53
• نوشته شده توسط
• یوسف اکبری

سارالان رَنگیم ائدور دردیمی اظهار گِنه
باخسا احوالیمه سوزیوخ بیله جَک یار گِنه

پای بولَن وقتی فلک ،آیریلیقی وئردی منه
آغلادیم هر گجه گوندوز ، گوزوم آغلار گِنه

بَسکه یالواردیم اونون وَصلینه گَلدی قوجالیق
چَکمَه دی اَل ئورگیم هِی دئدی یالوار گِنه

منه ده سیر قضا چالماقا نوبت وئردی
اولدی ناکوک وَلی اَلده بیزیم تار گِنه

بو گلستاندا هَرَه بیر گُلی دَردی ئوزونه
منه امّا نِجه گور قسمت اولور خار گِنه

عود جان عشقیده سوز وار که یانار مِجمَرَه ده
عاشقین باشی اودور آختاروری دار گِنه

(نادرا) شِکوَه یاراشماز بو یولون یورقونونا
قویماز عشقون اونی بیل تا اولاسان خوار گِنه

• شنبه
• 20
• دی
• 1399
• ساعت
• 23:04
• نوشته شده توسط
• یوسف اکبری

یدّی گوندور گزورم چوللری آواره حسین
قولی باغلی گئدورم کوچه و بازاره حسین

یدّی گوندور که باشون نِی ده تجلا ائلیور
گاه قرآن اوخیوب، دشمنی رسوا ائلیور

یدّی گوندور سنه من نوحه دیوب آغلیورام
یدّی گوندور بو یانان سینه می من داغلیورام

یدّی گوندور آتاسیز قیزلاریوون رهبریم
غملرین جانه آلوب، درد و غمه مشتریم

یدّی گوندور بویووا حسرتم ای روح و روان
آغلیا بیلمه میشم قیزلارا خاطر اوجادان

یدّی گوندور که گونوز زینبه قارداش گجه دی
سویله زینب سنه قربان یارالارون نجه دی

یدّی گوندور که شماتت اوخی بو قلبی دلیب
غم الیندن نجه گور غملی باجون جانه گلیب

یدّی گوندور که منیم یار و هواداریم ئولوب
قاسم و اکبر و غیرت

• دوشنبه
• 25
• شهریور
• 1398
• ساعت
• 09:34
• نوشته شده توسط
• TzwSVsOw

یوز دوتوب شمر ستمکاره سه ساله فاطمه
غیظیلن ائتدی مخاطب بی هراس و واهمه؛

شرم ائله ای بی حیا ، کان حیا دور عمّه میز
سینه سین درده گتورمه معجرین قیترگیلن

مشکیلر دریا سولار اولسون سیزون،اما بیزه
لااقل سقا عمومین اللرین قیترگیلن

هرنه وُرسان وُر بیزی دگمه ولی قانلی باشا
شیعیان عالمین تاج ِ سرین قیترگیلن

کیم دیورکی دوت مین اوخلی پیرهن اوتدایانوب؟
یانسادا ! بس لااقل خاکسترین قیترگیلن

مقتدای عالمین کسدیز او گون بارماقینی
بارماقین وئر، وئرمیسن انگشترین قیترگیلن

وورماقمچی بیزلره فکرائتمه چوخدور قدرتین
قدرتین واردی ربابین اصغرین قیترگیلن

نوعروسه بس دی قاسمدن فقط بیر تار مو
قاسمین گل قانه باتمیش تلل

• دوشنبه
• 25
• شهریور
• 1398
• ساعت
• 10:15
• نوشته شده توسط
• TzwSVsOw

ای دل گؤز آچ اویان کئچیب عمر جوان هانی
بئل باغلاما جهانه وفای جهان هانی
.
هر قرنده دولار، بوشالار، کاروان کئچر
بو کاروانسرایه گلن کاروان هانی
.
بئش گون قالیب تمام دل آزرده گئتدیلر
بیر باخگیلان او قافله لردن نشان هانی
.
چوخ گلشنی خراب ائلدی صرصر خزان
بلبل هانی او گوللر هانی گلسِتان هانی
.
چوخ سرو باش چکیب فلکه باغ عمرده
اول باغ عؤر نولدی ، او سرو روان هانی
.
توپراق دولوب او باشلارا، اگمزدی چرخه باش
اعضا هانی ، جسدهانی، جسمیله جان هانی
.
چوخ نازنین لری چکیب آغوشه مار و مور
توپراق ایچینده اونلاری یاده سالان هانی
.
نولدو زمانه ایچره اولوالعزم انبیا
فکر ایله گؤر تمام ملوک کیان هانی
.
هئچ قویمیوبدی

• سه شنبه
• 27
• اسفند
• 1398
• ساعت
• 22:32
• نوشته شده توسط
• ابوالفضل عابدی پور

اربعینن آیریلوبسان بیزدن ای سلطان سلیم
گتمگون سالدی بوتون بو کشوره طوفان سلیم
اربعینن آیریلوبسان قیرخ گون اولدی گتمگون
عالم مداحیده عاشقلری ترک ائتمگون
اربعینن آیریلوبسان ای حسینون عاشقی
زینبون دیوانه سی ؛ ای اربعینون عاشقی
اربعینن آیریلوبسان دیده گریان اولموشوخ
مرثیه اولدی یتیم لر مثلی؛نالان اولموشوخ
سن سلیم اولدون (سلیم)؛آدون همیشه زنده دی
حشره اولونجا ذکر زینب زینبون پاینده دی
چونکی بوهیئت چیلر باشدان باشا مطلب چیدی
ای پریشان یاز (موذن زاده) ده زینب چیدی

• جمعه
• 10
• بهمن
• 1399
• ساعت
• 16:55
• نوشته شده توسط
• یوسف اکبری

ای جوانان ای شهیدان وطن
ای اولانلار قانیله گلگون کفن
حق یولوندا بذل ایدنلر جان و تن
قانوزی تپراقلارا قاتدوز عجب
تپراق آلتدا نازیله یاتدوز عجب
.
.
ای گلستان وطن گل رولری
تیر خورده زخمدار آهولری
ای باتان قانه قد دلجولری
عالم ایلر شانیده حسرت سیزه
خوش یاتون الله ایده رحمت سیزه
.
.
.
سیز اوسوز جاندان گچوبسوز دادیله
حقی اعلان ایلدوز فریادیله
سیزمبارز اولدوز استبدادیله
گئتدی جان سندیرمادوز پیمانوزی
ایتدوز ایثار وطن اوز قانوزی
.
.
.
جانوزی ایرانه قربان ایلدوز
کاخ استبدادی ویران ایلدوز
ظالمی رسوای دوران ایلدوز
گر چه آغلاتدوز باجی قارداشوزی
لیک اوزی حق لطف ایدر پاداشوزی
.
.
.
نهضت پاک حسینی ایلدوز
جانو

• سه شنبه
• 27
• اسفند
• 1398
• ساعت
• 22:33
• نوشته شده توسط
• ابوالفضل عابدی پور

ای ری ده قوزیان علم ای سیدالکریم
دلبسته‌دی سنه عجم ای سیدالکریم
قوی گوزلر اوستونه قدم ای سیدالکریم
گلدیم مزاریوی ئوپم ای سیدالکریم
من سائلم سَن اِئت کرم ای سیدالکریم

معصومیدندی بو خبر ای حامی ولا
عبدالعظیمه کیم گله ری ده قوناق اولا
گویا اولوبدی زائر سلطان کربلا
آری بو آستاندا مس دل اولار طلا
عرض ائت جناندی بو حرم ای سیدالکریم

شکر اللها که ساقی جان می ویروب بیزه
آهنگ نینوا اوخیان نی ویروب بیزه
رب الکرم نه‌ایسته میشوخ هی ویروب بیزه
ایراندا کربلا عوضی ری ویروب بیزه
وِئر عاشق حسینه دم ای سیدالکریم

ای دینینی ارائه ویرن ئوز امامینه
ای مرحبا امامی دیین خوش مرامینه
گیتدون او گون که حضرت هادی سلامینه
حضرت ولیّنا دیدی سن تک غلامینه
عالم غلامون اولدی هم ای سیدالکریم

عرض ایله دون سنه آقا واردی ارادتیم
سندن قاباقدا دوقوز امامیمدی حجتیم
حضرت دیدی ادامه لی دی بوبشارتیم
مندن صورا حسندی صورا مهدی عزتیم
یاروندی اون ایکی حکم ای سیدالکریم

سن جنت النعیمدن اسمیش نسیم‌سن
نسل جدیده آیت عهد قدیم‌سن
چوخدور کرامتون حسنی سن کریم‌سن
اعظم جلال حضرت عبدالعظیم‌سن
نجل الامام محترم ای سیدالکریم

مولا دعا ایله شهدا دن توان آلاخ
بیرگون بقیعیده حسنه بیر حرم سالاخ
قلب مدینه ده علم نصرتی چالان
قویماز امام عصر یانوب منتظر قالاخ
سنده اله گوتور قلم ای سیدالکریم

یاز تذکره بقیعه گیداخ یابن مجتبی
آل سعود گوزلرینه اوخ وراخ آقا
بیر صحنیده سنون آدیوا ایلیاخ بنا
لبیک یاحسن سسی افلاکه قوزانا
سن امر ایله دیاخ نَعَم ای سیدالکریم

شوالین اون بشینده سن اولدون شهید حق
قانون ظلمی ایتدی قضا عطف ماسبق
یعنی احد ده غملر آلوب حمزه دن رمق
تاریخه سینه داغلی «کلامی» ورار ورق
اوننان عطاوی ایتمه کم ای سیدالکریم

• سه شنبه
• 20
• آبان
• 1399
• ساعت
• 10:53
• نوشته شده توسط
• یوسف اکبری

عید فطر اولدی خدایا بیزه احسان ایله
بو گونون خاطرینه دردلره درمان ایله

ماه شوّال گلوب آخره چاتدی رمضان
هامی بیچاره لرین مشگلین آسان ایله

بیز بیر آی سفرهٔ احسانیوه مهمان اولدوق
بو گوزل سفریه خلقی گینه مهمان ایله

آند وئرّم او نمازه که علی ائتدی ادا
شیعه نی پیرو راه شه مردان ایله

کبریائی عظمت صاحب جود و جبروت
شامل احوالیمیزه رحمت و غفران ایله

بنده نی ائتمه در مغفرتوندن مأیوس
اهل تقوا دوداقین گل کیمی خندان ایله

فطره خاطر که مسلمانلارا بایرام گونودی
رهروان شرفه لطف دو چندان ایله

روح پیغمبر و اولادینه گوندر صلوات
روح ایمانیله دنیانی چراغان ایله

خوی حیوانیتی طینتیمیزدن اوزاق ائت
صالح انسانلارا خاطر بیزی انسان ایله

آچ خدایا یوزومه خیر و سعادت قاپوسین
ایکی عالمده بیزه ناری گلستان ایله

رستگار ایله آییرما بیزی مخلص لردن
شرّ شیطاندان احبّانی گریزان ایله

عیدیانه وئر الهی بو گونون خاطرینه
غملی دوراندا بیزی تابع قرآن ایله

ناقص اعمالیمیزی کیمدی کماله یتوره
قادراللهسان‌ ئوزون موری سلیمان ایله

بو سؤزی اوّل شوّال «کلامی» یازدی
آخرِ عمر اونا جان وئرماقی آسان ایله

• سه شنبه
• 20
• آبان
• 1399
• ساعت
• 11:03
• نوشته شده توسط
• یوسف اکبری

قیلسان نظر ای جان و دل،اشعارِ «فقیره»
کان ادب و لطف دئیرسن هامی گفتار فقیره

بیر دُرّیدی گویا توکولور گول دوداقیندان
محشردی،تماشا ائله گلزار فقیره

بیر نوعی یازوب کرب وبلانی بو دلاور
الهامیدی گویا او سوز افکار فقیره

ایثار ابوالفضلی ائله نظمه چکوبدی
حتماً گله جاقدور آقا دیدار فقیره

سویله دِئنه اغیاره داها ویرمویا ضربه
نقصان یتیرنمَز اوجا دیوار فقیره

شاعر:میرمهدی موسوی

• یکشنبه
• 3
• اسفند
• 1399
• ساعت
• 21:57
• نوشته شده توسط
• یوسف اکبری

خلق آختارشور، فیض بُکا مَرثیه لردن
بیر عدّه گزور، نان و نوا مَرثیه لردن

بیر گون واریدی مُخلص و بی رِیب جماعت
درک ایلریدی، رنگ خدا مرثیه لردن

حَتّی او که سُست عُنصریدی، سُست عقیده
ایلردی عزا وقتی حیا مرثیه لردن

علّت نَدی بیلمم ایشی کیم بو یِرَه چکدی
گورسَنمور اجابَتلی دعا مرثیه لردن

از بس که دوشاب رنگینی خالص بالا قاتدوق
های هوی چوخالوب، کوسدی عزا مرثیه لردن

یوخلاتدی مَنیّت بیزی اِئلدَن دالا قالدوق
سندی عجبا قدر و بها مرثیه لردن

تأثیر نَفَس ئولدی، قولاقلاردا دوتولدی
بی قاعده و خِبط و خطا مرثیه لردن

چوخلار ئوزی ئوز نَفسینه مَشّاطه لیگ ایلر
بیر عدّه دَه ایسلاتدی حَنا مرثیه لردن

شاعر اَل ئوزَنمور هَلَه دفتر قلمیندن
بعضی قازانور، سکّه طلا مرثیه لردن

حق سوز بیلورم تَلخ دی دشمن قازاناندی
من اِیلَمَرم حقّی جُدا مرثیه لردن

عشقون بِئلینه باغلامشوق بار تجارت
غربتده قالوب کربُ بلا مرثیه لردن

انسانلیقی سالدوق قفسه، شهرته خاطر
مَردُمدن ایدیم من گِلَه ، یا مرثیه لردن

شکر ایلورم آللهه گینه منده نَفس وار
گلمور گورورم بوی صفا مرثیه لردن

مین تخت سلیمانه دگر دولت عشقیم
دلداریم اگر اولسا رضا مرثیه لردن

"سیفی" سنه زینبدی ویرن طبع روانی
قویما آزالا بوی وفا مرثیه لردن

اربابون آدین دفترووَه یازما وضوسیز
تا ساطع اولا نور ولا مرثیه لردن

اَحسَن لره آلّانما، تلاش اِئت قوجا شاعر
تقدیر ایلَسون خَیرَه نساء مرثیه لردن

• جمعه
• 30
• آبان
• 1399
• ساعت
• 20:31
• نوشته شده توسط
• یوسف اکبری

نوبهار اولسا طبیعت گلشنه جان دولدورار
گول گولر گلزاری شاخ و برگ الوان دولدورار

باغ و بستان و چمن هر دم کماله سیر ائدر
گلشن و بستانی یکسر عطر رضوان دولدورار

گون سالار نورین یره یردن حرارت قوزانار
شوقدن ابر آغلیار دریانی باران دولدورار

خوش جمالین گوللرین شبنم بزکلر هرگئجه
صحن گلزاری کانه لعل و مرجان دولدورار

صبح اولاندا باغبان مدهوش اولار گلزاریده
روحینین پیمانه سین عطر گلستان دولدورار

باغبان با وفا خاری ائلر گولدن کنار
رشد ائدر گللر یرین در حد امکان دولدورار

باطراوت گللرین رخسارینه بلبل باخار
جام عشقین هر باخیشدا اول خوش الحان دولدورار

هی طواف ایلر اوخور پرواز ائدر گلدن گله
باغ و بستانی سرود وصل جانان دولدورار

آیریلیق یاددان چیخار بیلمز قاباقدا وار خزان
وقت پرقیمت لرین شاد و غزلخوان دولدورار

عیش و عشرتلن سئووار خوش گونلرین غافل هزار
خواب غفلت گوزلرین بیلمز که آسان دولدورار

طی اولار ایام شادی گل سولار گلزاریده
قلبینه باد مخالف درد هجران دولدورار

فصل سرماده اونین اولماز یتن فریادینه
سینه ی پر محنتین سوز زمستان دولدورار

جامه ی عیش و نشاطین سویدورار چرخ فلک
زندگی گلزارینه آفات و خسران دولدورار

بلبلین بو غفلتی بیر درس عبرتدی بیزه
مخزن افکارینی عبرتله انسان دولدورار

منطق اهلی خوشدی درس آلسون تلاش نملدن
گور نجه پیمانه ی فکرین او حیوان دولدورار

یاز گونی ایشلر قاریشقا جمع ائده آذوقه سین
چون معاش اوسته تلاشین امر بحران دولدورار

نفسه تسلیم ایلمز عقل و شعور و منطقین
روز و شب انبانینه آذوقه هر آن دولدورار

قیش گلنده ایلمز شاختا کولکدن واهمه
اعتنا ائتمز یر اوستین برف و باران دولدورار

باغلیار اوچ آی قیشی دروازه ی درد و غمی
استراحت بسترین شاد و خرامان دولدورار

ای بشر بلبل کیمی اولما عبث عشرت طلب
عیش و نوش اهلین جهیمه قهر منان دولدورار

دوشمه بو فانی جهانین دامینه بلبل کیمی
ساغر آمالووه وار عادتی قان دولدورار

بلبل و گلزاره باخ آخر فلک گورنیلیور
اهل معنا عقلینی در حد میزان دولدورار

بیر طریقتدی بونی تحریر ائدوب کلک ازل
هر کسین پیمانه سین اوز فکری آسان دولدورار

کیم آچا چشم بصیرت تابع توحید اولار
قلبینون آئینه سین انوار ایمان دولدورار

نقد جان الده گزر بازار عشقی روز و شب
خوی و خون و استخوانین شوق جانان دولدورار

عقل اوزیلن اوز خیالین قرب اعلایه چکر
مخزن افکارینی اسرار عرفان دولدورار

عقلدن فرمان آلوب نفسین ذلیل و خوار ائدر
ماه و سال اوقاتینی تسبیح سبحان دولدورار

غافل انسانلار کیمی آتما عبادت لذتین
غافل اولسون گوزلرون تصویر شیطان دولدورار

هی وئرر رذل و ضلالت باده سین شیطان سنه
آخرت ملکینده جسمون نار نیران دولدورار

بیز ولایت اهلی اما آلمشوخ درس وفا
بیزلرین پیمانه سین شاه شهیدان دولدورار

شیعه لر چون دل وئروب باشدان گچن مولاسینه
مکتب عشقی او دور عاشقلر هرآن دولدورار

مکتبی که آرمانی ایتدی دینی سربلند
حشره تک آوازه سین آفاقه دوران دولدورار

ایلده اون گون بزم ماتمده حسینیم وای سسی
عرشه قالخار گوزلری اشک فراوان دولدورار

یاد ائدن وقته حسینین بی نظیر ایثارینی
عشق دریاسینده قلبی موج طوفان دولدورار

قوی اشاره ایلیوم شاه شهیدان نیلیوب
مطلبی روشن دئسم گر قلبیوی قان دولدورار

روز عاشور محرم زینبین آغلار گونی
بیر گونی که عالمی آهیله افغان دولدورار

غم طریقیلن حسین تفسیر قرآن باشلادی
عترته آندیردی قلبین آه سوزان دولدورار

شرح ائدوب ذبح آیه سین قرآن ناطق نطقیلن
ظهر عاشورا دئدی میدانی آلقان دولدورار

آیه آیه شرح ائدوب آیاتی آخر سویلدی
جسمیمی اسلامه خاطر تیر و پیکان دولدورار

من اگر قانه باتام دین و شریعت حفظ اولار
مکتب توحیدیمی مخلص مسلمان دولدورار

عزم ائدون بیر بیر جهاده عون و فضل و اکبریم
سیز شهید اولسوز بلی دنیانی قرآن دولدورار

گر کفایت ایتمسه اثبات حقیمده قانوز
خون عباسیله خون طفل عطشان دولدورار

الغرض گوندردی میدانه حسین قربانلارین
رسمدی قربانگه عشاقی قربان دولدورار

"زعفرا" آلسون حسینون مکتبیندن درس عشق
قبریوی نوریله سلطان شهیدان دولدورار

• یکشنبه
• 2
• آذر
• 1399
• ساعت
• 22:09
• نوشته شده توسط
• یوسف اکبری

باغلاسا کیم بو فنا دهره بلین بیجادی
هامیا ثابت اولوب دنیا یالان دنیادی

اهل منطقله بیری اولسا اگر هم صحبت
دوشسه دنیا سوزی فورا اوجالا فریادی

ویرور افسارینی چون گونده اوالدن او اله
بیلمور ال صاحبی ناداندی و یا دانادی

گوروسن کی بیری عاقل بیری جاهل چخدی
بیری فرعون دی گورورسن بیریسی موسادی

بو فنا دهره گلوبدی متفاوت نهضت
کهنه لندوقجا چخوبدور ولی یادان آدی

کل نهضت لر ایچینده آدی دائم زنده
قانیله ثبته یتن نهضت عاشورادی

قانیله ثبت اولوب هر ماده و هر تبصره سی
حجت عصر گلنجک آدی پابرجادی

رهبر نهضت حسین بن محمد معروف
هدفی حق،مثال پدر و اجدادی

مرد حلم و عمل و منطق و آزادی خواه
متن فرمایشی یا مرگ و یا آزادی

شجر دینی جوان ساخلادی خون سرخی
اودی هر ایلده محرم آیی واویلادی

گرسوروشسون ایکی اوچ یاشدا اوشاقدان بو سوزی
نییه قاره گیینیبسن دییر عاشورادی

یعنی مظلوم ئولن اللرده حسینون یاسیدی
صاحب تعزیه پهلوسی سینان زهرادی

جنگل دهر قلم اولسا مرکب دریا
باشا چاتماز یازلا واقعه عاشورا

• دوشنبه
• 10
• آذر
• 1399
• ساعت
• 22:49
• نوشته شده توسط
• یوسف اکبری

انسان گرک بیرایش گوره خالق پسند اولا
یعنی امور معنویه پایبند اولا

ملت یانیندا منزلتین یوخدی ارزشی
انسان خدا یانیندا گرک ارجمند اولا

توبه پذیردی خالق رحمان بشر قییت
جرمون اگرچه هر بیری مثل سهند اولا

بیر منزلین که آخری مرقددی فرقی یوخ
طاق و رواقی آلچاق اولا یا بلند اولا

هر طعمیه اوزاتما الون چوخ مواظب اول
شاید که دانه نین ده دالیندا کمند اولا

دنیا مقامی کسب ائلمک که هنر دگول
امکانی چوخدی دینیوه حتی گزند اولا

قوی فاش ائدوم که کیمدی هنرمند واقعی
شاید حقیقت آختاران اشخاصه پند اولا

هر کیم نمازین اوّل وقته ادا ائده
دیل ويرمیا حرامه و لو حبّه قند اولا

نامحرمه ساتاشسا گوزی گوزلرین یوما
سلطان دی روزگاره و لو مستمند اولا

خیر ایشده حق مسابقیه دعوت ایلیوب
آخر گورک بو باره ده کیم چند چند اولا

چوخ مرحبا و احسنه آلانما (عُلیوی)
عرفانی یاز که اهل نظر بهره مند اولا

• دوشنبه
• 10
• آذر
• 1399
• ساعت
• 23:10
• نوشته شده توسط
• یوسف اکبری

شایدده من اولم گئده سوز کربلایه سوز
امّا بو نوکرون سیزه بیر عرضحالی وار

پائین پاده سعی ایلیون چوخ دایانمیون
تِز ردّ اولون ایاقوزون آلتدا یارالی وار

فی البداههٔ رحیم فیضی در کربلای معلّا بعد از خواندن این دو بیت استاد منزوی

(فیضیا) ائت اردبیلین مکتبیندن پیروی
یازگیلان حسرت قالوبدی کربلایه منزوی

یاد ائله سن انور و بیضا و مضطردن بوگون
طبعیوه یار اولدی بلکه٬ طبعِ نابِ یحیوی

• پنج شنبه
• 5
• فروردین
• 1400
• ساعت
• 11:44
• نوشته شده توسط
• یوسف اکبری

یارب یئر اوستی معرکه‌ی ظلم و زور اولوب
تبعید اولان یئر آلتینا علم و شعور اولوب

ایمان و دین سودا گورونن قرص ماه تک
فرهنگ نو پسنده ده نزدیک و دور اولوب

بو دوره ی جدید و زمانِ مدرنده
چوخلار آتیب محبتی چوخ قلب گور اولوب

چوخ نو نهال پیر طریقی بینمییور
چوخ نو رسیده چیخمیش ادبدن شرور اولوب

رحمت او نامداره که مندن قاباق دئدی
لعنت او طفله که آتاسیندان جسور اولوب

آیات فتح و فجر اوخونور سطح شهرده
شهرین ولی بیتیردیگی فسق و فجور اولوب

مظلوم او کس دگول که شقی‌لر قانین توکوب
مظلوم او شخصدور که فهیم و فکور اولوب

بیلمم زمان نه حاله قالیب هر گلن دئیور
ای صاحب زمانه زمان ظهور اولوب

وار هر نه سفره میزده فقط یوخدی بیر چراغ
بس که تمرد ایلموشوک قحط نور اولوب

گورمک اون اوزلی خلقی عذاب علیم دور
خوش حالینه او شخص شریفین که کور اولوب

چوخ گوز که اللی ایلده ایکی دفعه گولمئیب
چوخ قلب که چورک طلبینده تنور اولوب

چوخلار حسین دیینده یزید ائتمیش انبساط
چوخلار سجود ایدنده ائدیب اهرمن نشاط

• جمعه
• 21
• آذر
• 1399
• ساعت
• 23:31
• نوشته شده توسط
• یوسف اکبری

تقدیم به روح شهدای مدافع حرم

وفا گویونده قدم ووران ستاره گلور
شهید راه حرم بیزیم دیاره گلور
درس آلدی آقاسیندان
شهزاده بالاسیندان
قان آخدی یاراسیندان
شهید اولدی شهید اولدی

بو شاهباز شرف آلوب الینده علم
سعادتیله ووروب وفا یولوندا قدم
جانین فدا ائلدی بویاندی ئوز قانینا
ئورکده عشق حسین باشیندا شوق حرم
سولدی مهپارا جسمی
دوغراندی یارا جسمی
اولدی صد پارا جسمی
شهید اولدی شهید اولدی

شهید باشرفون اولوم فدا خویونا
بیچوبدی رخت صفا فلک الی بویونا
آقایی قانه باتوب قان اولدی حجله گهی
آناسی حسرت اولوب جوان اوغول طویونا
هجرونده سینه داغلار
یاس ساخلار قارا باغلار
سسلر وای بالام آغلار
شهید اولدی شهید اولدی

گلِ دیار ولا صفا وئروب چمنه
وقار و عزتیلن یولون سالوب وطنه
مدافعان حرم قزیل قانیلا یازوب
فدا بیزیم جانیمیز شهید بی کفنه
( سیفی ) مقصده چاتدی
( دهقانی ) قانا باتدی
( آقایی ) باش اوجالتدی
شهید اولدی شهید اولدی

پایگاه حفظ و نشر آثار عباسی معروفان اهری

• سه شنبه
• 25
• آذر
• 1399
• ساعت
• 20:34
• نوشته شده توسط
• یوسف اکبری

آند اولا مولا حسنین جانینه
آند اولا مولا باشیوین قانینه
کاسه ی صبریم جالانوب یاعلی
سوریه نون عشقی ویروب باشیمه
داعشی کیمدی بیزی تهدید ائده
آند اولا کعبه ائوینون داشینه
داعشی ئولدورماقا آمادیوخ
بیز هامیموز فاطمه سربازیوخ
محمد آبرومند کلوانق

آند اولا حیدرده اولان غیرته
آند اولا زهراده اولان عفته
آند اولا زینبده اولان عصمته
کرب وبلاده گورولن عزته
همده ابالفضلده اولان قدرته
مارده عباس ویران ضربته
داعشی ئولدورماقا آمادیوخ
بیز هامیموز فاطمه سربازیوخ

آند اولا قنداق علی اصغره
آند اولا سیمای علی اصغره
آند اولا معراج رسول اللهه
آند اولا اعجاز کلام اللهه
آند اولا زینب خانیمون جانینه
محملون اوستونده آخان قانینه
داعشی ئولدورماقا آمادیوخ
بیز هامیموز فاطمه سربازیوخ

• پنج شنبه
• 26
• فروردین
• 1400
• ساعت
• 11:53
• نوشته شده توسط
• یوسف اکبری

ساغ اولا باشون سنون ای باشرافت میهنیم
آدیوه جانلار فدا چوخ چکمه محنت میهنیم

دوزدی کی برجِ وفانین ماهِ تابانی گئدیب
ملَّتی آغلار قویوب قاسم سلیمانی گئدیب

غم یئمه ای میهنیم چون بیزده حیدر قانی وار
ملَّتین سیِّد علی نن عهدیلن پیمانی وار

قویماروخ ایرانه دشمن لر اهانت ایلسین
باشرافت ملَّته جور و جسارت ایلسین

دشمنانِ ملَّته اخطار ائدون سیز بو سوزی
کیم بیزه چپ باخسا یانسین قلبی هم چیخسین گوزی

بو جنایت کی ائدوبسوز قلبوزه وحشت سالار
انتقامین رهبریم سیِّدعلی حتما آلار

رهبریم سید علی غم چکمسون چون بیز واروخ
بو غَمِ عظماده ماتم چکمسون چون بیز واروخ

بو جوانلار مهدِ ایمان گوهَرِ عزَّتدیلر
مثلِ عبّاسِ علی سرلوحه ی غیرتدیلر

سیز بئله فکر ائتمیون ای دشمنانِ بد سِیَر
چون شهید اولدی سلیمانی سیز اولدوز بختَور

آنداولا شیرِخدانین غیرَتِ بی حدِّینه
آنداولا خیرالنسانین یوزده سیلی ردِّینه

آنداولا کرب و بلانین تشنه لب قربانینه
آنداولا بو شیعیانون جوشه گلمیش قانینه

آنداولا عاشقلرین قلبینده کی احساسینه
آنداولا مولامیزین با معرفت عباسینه

آنداولا کرب و بلاده تشنه لب قربانلارا
آنداولا اخیامیدن عرشه چیخان افغانلارا

بو جوانلار بحرِ عشقه موجِ طوفانیدیلر
تک باشا هر بیرلری سردار سلیمانیدیلر

• دوشنبه
• 1
• دی
• 1399
• ساعت
• 17:40
• نوشته شده توسط
• یوسف اکبری

آى اوغول،بو تازا دوسلار کی آلیب باشه سنی
قورخ او گوندن،باشون اوسته ویرالار داشه سنی

دستماز تک بولارین دوسلیقی تیز باطل اولار
دئمه صوندان دئمه دون،من سالیرام باشه سنی

سنه هر کس دئدی دوستام،اونی بیل مطلبی وار
فکری سندن پلو آلسین،چاغیرور آشه سنی

دده سی خیرینه هرگز قجله دال قاشیماز
بیری اوت یاندیراجاق،ایستیر ائده ماشه سنی

بد گونونده ساتار الساعه سنی بیر قیرانا
خوش گونونده او کی وئرمز ایکی قارداشه سنی

باخما دنیانین اوغول نازینه عیش عشرتینه
کامیاب ائتمیه جاخ بو زن عیاشه سنی

ای(کریمی)آتاوین سوزلرینه ایله عمل
نفس،بیچاره ائدیب سالمیا داغ داشه سنی

• یکشنبه
• 9
• خرداد
• 1400
• ساعت
• 16:46
• نوشته شده توسط
• یوسف اکبری

دریای خیال ایچره قلم دوتدی الیمدن
آماده اولوب صفحه سوزی گتدی «سلیمدن»

خامم دیله گلدی نیه غفلتده یاتوبسان
مداح حسینی نیه یاددان چخادوبسان

لو لو کیمی دوز شعریوه بیر بیر کلماتی
قرخ گوندی گئدوب روحینه گوندر صلواتی

چون حمد اوخیور ایندی هامی روح« سلیمه»
نور ازلی جلوه ویرر روح «سلیمه»

استاد سخن حافظ اشعار حسینی
روضه اوخیوب دائماً آغلاردی دو عینی

شعر اهلی یازار ذوق و صفا و ادبوندن
دویمازدی حسین عاشقی بیر لحظه دموندن

تنها نه زمین صوتینه حیراندی سماوات
دنیایه گله بیرده «موذن» تایی هیهات

جان بخش سسونده نه قدر واردی ملاحت
مین ائیله تاپوب درگه زینبده سعادت

قرخ گوندی که عشاقی «سلیمدن» دانیشاللار
زینب سسینه والله اورکدن آلیشاللار

معلومیدی بو اهل قلم کشمکشیندن
سیراب اولا بلمزله «سلیمون» عطشیندن

چون پاکیدی عالم بولوری ذات اصیلی
الله ویره جاق روحینه پاداش جزیلی

شاعرلر اولوب معترف و ایلیوب اقرار
معیار ادبیدی که تاپوب بیله طرفدار

عاشقدی بو شخصه نه هامی زنجانین اهلی
تبریزله یا مشهدیلن تهرانین اهلی

یا اردبیلین یا قمونان سمنانین اهلی
عاشقدی گوزل صوتینه بو ایرانین اهلی

چون وقت اذان اولدی قوتار مطلبی یازما
اللهیله دور بیر دانیش آیری یولا آزما

سن ایسته نمازینده دعا ایله مماتی
اِغفِرلی واِغفر لَهُ اِغفر کلماتی

قارداشی« رحیم »بیرده بو بیرده آتاسی نن
محشور ائده الله بولاری اوز آقاسی نن

قرخیدی« سلیمون» که بو سوز اولدی حواله
" شیدا" ده «سلیمه » نچه بیت ایتدی رساله

• شنبه
• 6
• دی
• 1399
• ساعت
• 21:02
• نوشته شده توسط
• یوسف اکبری