سایر موضوعات

سبک(کجایید ای شهیدان خدایی...)

سلام ای بادۀ عشقی ایچنلر
مرام اوسته سَر و جانندان گئچنلر

سیزی تحسین ائدر اهل ولایت
مبارکدور سیزه رختِ شهادت (۲)

سلام اولسون اولان سیزده مرامه
اولوبدور بیعتوز ثابت امامه
حفاظت ایلدور سیز مرزیلردن
یتیشدوز عاقبت عالی مقامه

سیزی تحسین ائدر اهل ولایت
مبارکدور سیزه رختِ شهادت (۲)

مراموز حفظ خاک میهن اولدی
سیزیله خاک ایران ایمن اولدی
قیام حشره تک باشوز اوجالدی
پشیمان تا ابد اهریمن اولدی

سیزی تحسین ائدر اهل ولایت
مبارکدور سیزه رختِ شهادت (۲)

رشادت ایلیوب مقصوده چاتدوز
گوزوزدن عاقبت دنیانی آتدوز
وطن دشمنلرین سالدوز ایاقدان
جهاندا پرچم دینی اوجاتدوز

سیزی تحسین ائدر اهل ولایت
مبارکدور سیزه رختِ شهادت (۲)

گئجیله مرزیلرده یاتمادوز سیز
وطن عشقین باشوزدان آتمادوز سیز
اگرچه عاقبت قانه بویاندوز
بو عشقی آیری عشقه قاتمادوز سیز

سیزی تحسین ائدر اهل ولایت
مبارکدور سیزه رختِ شهادت (۲)

سلام ای رهروان دین و قرآن
سلام ای عاشقان خاک ایران
یقیناً باشوزی آلدی دیزی اوسته
یوماندا گوز ئوزی شاه شهیدان

سیزی تحسین ائدر اهل ولایت
مبارکدور سیزه رختِ شهادت (۲)

آدوز ،تا وار بو عالم ،زنده قالدی
مراموز ، نهضتوز پاینده قالدی
یاتون راحت سیزون بو همتوزدن
یقینا مرزیلر ایمنده قالدی

سیزی تحسین ائدر اهل ولایت
مبارکدور سیزه رختِ شهادت (۲)

سلام ای مرزیلرده جان وئرن لر
ره اسلامیده ای قان وئرن لر
سیزه قربان اولا بو جانِ "شیدا"
بو توپراقه جانین قربان وئرن لر

سیزی تحسین ایدر اهل ولایت
مبارکدور سیزه رختِ شهادت (۲)

• شنبه
• 6
• دی
• 1399
• ساعت
• 19:54
• نوشته شده توسط
• یوسف اکبری

گر ايسته سوز تاپاسوز هر ايکی جهاندا نجات
ديون محمد و آل محمده صلوات

گئدوبدی رفرفيلن گويلره رسول انام
گوروبدی عرشيده وار اون ايکی امام همام
کی اون بيری اوتوروبدور بيری ائدوبدی قيام
به ياد اون ايکی نور و به نور مه وَجَنات
ديون محمد و آل محمده صلوات

علی وصی بلا فصل مصطفادی بيلون
تمام شيعه لره اولين آقادی بيلون
نجفده اول آقانین قبری با صفادی بيلون
اونون اَليله اولوب محو، لات و منات
ديون محمد و آل محمده صلوات

جناب فاطمه نون آدينه اولوم قربان
همان او فاطمه کی قلبینی ائدوبلر قان
گونوز ئولوب، گئجه دفن ايليوب شه مردان
وئروبدی فاطمه نون آدينه خدا برکات
ديون محمد و آل محمده صلوات

گوزل آقادی امام حسن بقيعده ياتوب
جفای زهريله مظلوم ئولن بقيعده ياتوب
فدا اولوم او غريب وطن بقيعده ياتوب
مزاری گون قاباقيندا قالوبدی چوخ سَنَوات
ديون محمد و آل محمده صلوات

ديار کرب و بلانی چوخ ايستيور گوگلوم
شهيد تشنه لبانی چوخ ايستيور گوگلوم
ابالفضل آدلی آقانی چوخ ايستيور گوگلوم
گرکدی گوزياشيم آخسين عُذاره مثل فُرات
ديون محمد و آل محمده صلوات

امام زين العبادين وفاسينه قربان
گوزل یوزينده او نورِ جلاسينه قربان
نماز و راز و نياز و دعاسينه قربان
اولوبدی شاهد اونون هر دعاسينه خَلَوات
ديون محمد و آل محمده صلوات

امام باقره قربان اودور بئشمجی امام
جناب جابره امر ايليوب رسول انام
يتور منيم طرفيمدن اونا، گورنده سلام
همان اماميدی که اولدی شافع عرصات
ديون محمد و آل محمده صلوات

دولوبدی عشق ولائيله قلب اَطيَبيميز
هامی مکاتيب ايچينده گوزلدی مکتبيميز
امام صادق اولوبدور رئيس مذهبيميز
ائدوبدی شيعه لرين حقّينی جهاندا ثبات
ديون محمد و آل محمده صلوات

بيزی ائدوبدی خدا شمع عشقه پروانه
گرک اورکلريميز غمده اود دوتوب يانه
امام موسی کاظم دوشوبدی زندانه
تاپوبدی خالق يکتا يانيندا چوخ درجات
ديون محمد و آل محمده صلوات

وئروبدی زهريله جان حضرت امام رضا
دوادی دردلره اول تُربت امام رضا
اورکده نيسگيل اولوب غُربت امام رضا
اونی زيارت ائدن کس گورر بوقت ممات
ديون محمد و آل محمده صلوات

خدايه شکر اولا کی شيعه و مسلمانم
سخا و جود امام جواده قربانم
هميشه سفره ی جودينده منده مهمانم
قيامتين گونی آلاّم اَليمه برگ برات
ديون محمد و آل محمده صلوات

امام هادی اونومجی اماميميزدی بيزيم
سپهر عشقيده بدر تماميميزدی بيزيم
اونون مرامی جهاندا مراميميزدی بيزيم
وئرر مُحبّ لره لُطف حقدن آب حيات
ديون محمد و آل محمده صلوات

امام عسکرينون روحينه اولوم قربان
چکوبدی چوخلو جفا يا ديوم چکوب زندان
تاپالاّ اهل ولا، سُرَّمَن رَآده نشان
او حضرت ايلدی اسلامه چوخ گوزل خدمات
ديون محمد و آل محمده صلوات

گوزللرين گوزلی حضرت امام زمان
او حضرتين يوزونون نورينه بپادی جهان
اگر چه گونتک عياندی ولی اولوبدی نهان
ئوپور قدملرينی ايلده وادیِ عَرَفات
ديون محمد و آل محمده صلوات

بو شعره بانی محمّد، مرادی اولدی، ولی
کمک ليق ايلدی الحق علیّ و آل علی
«بشير»ه وار اولارین لطفی هر زماندا بلی
تاپار يقين ايکی دنياده کلّ شيعه نجات
ديون محمد و آل محمده صلوات

اللهم صل علی محمد و آل محمد

• چهارشنبه
• 22
• بهمن
• 1399
• ساعت
• 21:41
• نوشته شده توسط
• یوسف اکبری

دور ای مهربانیم دانشدیر منی
وجودیم یانور آز آلشدیر منی

منیم خوش زبانیم، آلا گوز جوانیم ، قوجالدیم بالا
ئورکده غمیم چوخ،الیمدن دوتان یوخ،قوجالدیم بالا

غموندن ملول اولمیوم نیلیوم
بهار ابری تک دولمیوم نیلیوم
سولوب گلشنیم سولمیوم نیلیوم

یوخوم یارو یولداش،ئولیدیم من ای کاش، قوجالدیم بالا
سنیدون امیدیم، جوان رشیدیم، قوجالدیم بالا

گیجه گوندوز آه و فغان ایلرم
یوزه اشک حسرت روان ایلرم
ملالین ئورکده نهان ایلرم

الیمون عصاسی،دیزیمون قواسی ، قوجالدیم بالا
آنون گیتدی الدن،داخی دوشدی دیلدن،قوجالدیم بالا

مزار ا وسته گلدیم ئورک داغلیام
اوغول وای دیوب سس چکوب آغلیام
یوخوم چاره باید قرا باغلیام

ئورک دوندی قانه، یوخ الده بهانه ، قوجالدیم بالا
بو دنیا یالاندی ، جفاسی قالاندی ،قوجالدیم بالا

فارسی

دلم خون شد آخر زهجران تو
پریشان ضمیرم ، پریشان تو
جوابم بده جان به قربان تو

زجا خیزوبنگر ، زداغت مکرر ، کنم شور و شین
گل نوبهارم ، تورا می سپارم ، به دست حسین

الهی که مهمان زهرا شوی
ز یاران ام ابیها شوی
نظر کرده ی آل طاها شوی

برو که الهی ، کند گاهگاهی ، نگاهت علی
شود روز محشر ، شفیعت پیمبر ، پناهت علی

• چهارشنبه
• 29
• اردیبهشت
• 1400
• ساعت
• 20:58
• نوشته شده توسط
• یوسف اکبری

ای قَلم یاز لَعن اولا آل سُعود ِ دُشمنه
اول جنایتکار و پَست و ظالم و اهریمنه

فرقه ی وهابی بو سُفیانینون تَه مانده سی
قوم خونخوار و نجس مثل جگر خوار هنده سی

دورد امامین قبرینی ساخلوبدی بی نام و نشان
لاله های باغ پیغمبر قالوب بی سایبان

وار امیدیم بیر گونی دای صبر شیعه قورتارار
غیرتی جوشه گلوب قَلب سعودینی یارار

آند اولا یِر گویلرون خَلّا قی حَیِّ داوره
آند اولا اول خَتم مُرسل حضرت پیغمبره

آند اولا شیر خدا شاه ولایت حیدره
جنگیلر اصلانی صفلر سیندیران نام آوره

آند اولا زهرایه کی باعث اولوب خِلقَت لره
دُورد گلون عالملره الگو بَجَردن مادره

آند اولا کرب و بلا شاهی او تشنه رهبره
سسلین هَیهاتُ مِنَّ الذِلَّه شاه بی سره

آند اولا عَلقم کنارینده کَسیلمیش اَلَّلره
شیعه نون عشقی ابوالفضل، با وفا سر لشگره

آند اولا قانلی عَباده پاره پاره اکبره
اوخ بو غازینی بیچن شش ماه طفلِ اصغره

آند اولا زینب باشیندا قاره غملی معجره
اوچ یاشیندا نوحه خوان ، گیسو پریشان قیزلره

بیز ولایت باده سینون مستیوخ آزاده یوخ
کاخ وهّابیتی سیندیرماقا آماده یوخ

فَخریمیز وار اهل ایرانوخ وفا بیزلرده دی
امتحان پس ویرمیشوخ عشق وِلا بیزلرده دی

بیز حسیندن آلموشوخ آزاده گَزماخ عزَّتی
بس بیون که شیعه لرده وار ابوالفضل غیرتی

بیله کشوردن بلی سلمان ایرانی چیخار
جوشه گلسه غیرتی هامی سُلیمانی چیخار

اذن اولا آل سعودی خانه ویران ایلروک
دورد امامین قَبرینی مثل خُراسان ایلروک

• پنج شنبه
• 17
• تیر
• 1400
• ساعت
• 10:52
• نوشته شده توسط
• یوسف اکبری

اگر جوان ئوله عالمده آغلادار جوانی
آتا بئلی بوکولر غصّیه سالار آنانی
مصیبتی اثر ایلر باجسی قارداشینا
گلنده آدی گئچن گونلری دوشر یادینا
بو یرده اهل دل اولسا آلار سوزی مندن
تصور ایلسه آغلار دولار گوزی غمدن
یقین سالاندا یولا اوغلون هر آتا سفره
دعا ایلر آناسی دوشمه سون بالا خطره
جوان گئدر سفره قورتولوب گئدر سوزلر
ولی آتا آناسی هر زمان یولون گوزلر
گلنده رسم بودور کیم گئدر قباقینه
ئوپر یوزوندن اونون گل سپر ایاقینه
هامیدان اوّل آتاسی گلر وقاریلن
سیلر بالا یوزونی دولسا گر غباریلن
محبتیله چکر اوغلونی آتا قولونا
الین چکر باشنا بیر باخار اوجا بویونا
گر اولسا قارداشینون آرخاسی دورار قارداش
ایکی الّی قارداشینان قول بویون اولار قارداش
عیالی اولسا دورار خانواده دن آرالی
دولار گوزی باخار حسرتله همسره یارالی
اگر اولا باجیسی فرقی یوخدی وار محرم
اویرده ئوزگه سی واردور و یا که نا محرم
قاچار سالار اوزینی بیر زمان ایاقلاارینا
دورار قویار دوداقین قارداشون دوداقلارینا
قویون دییوم سیزه نیلر او دم اوغول آناسی
اَسَر الی ایاقی گورسه یول گلیر بالاسی
باشون باسار سینیه عالمی ائدر حیران
دییر بو گوزلریوه آی بالا ننن قربان
بو یرده یادیوه سال کربلاده لیلانی
گورنده اکبرینی آز قالوب چیخا جانی
ئوپوب الین ایاقین بس که اول وفالیدی
قوجاقه آلمادی چون یوز گوزی یارالیدی
بس ایله «صادقی» چک اول مصیبته پرده
بوسوزلری ائشیده هر آنا دوشر درده
یاز اوخشاسون ،آغاما نوحه خواندور «عباسی»
نه اینکه گوز یاشی وار، چوخ گوزلدور احساسی

• پنج شنبه
• 7
• مرداد
• 1400
• ساعت
• 11:01
• نوشته شده توسط
• یوسف اکبری

اورگیم قانه دونوب بسدی ظهور ایله آقا
بویانان شیعه لری مست حضورایله آقا

نچه جمعه اوخیوم ندبه نی گوزیاشیمینن
دل غمین سائلونم اهل سرور ایله آقا

ظلم آلیب عالمی بیداد ایلیور جوروجفا
شیعه دن سایه ی اهریمنی دورایله آقا

کعبه یه حاکم اولوب ظلمیله عمال سعود
آی کیمی شام سیاهی دولی نور ایله آقا

قویماجولان ویره بودهریده چوخ خصم علی
هاشمی کوچه سینه قصد عبورایله اقا

• شنبه
• 17
• تیر
• 1402
• ساعت
• 17:54
• نوشته شده توسط
• یوسف اکبری

احوالات امام حسین بعد از شهادت حضرت علی اکبر

اهنگ：ای منیم نازنین نگاریم

محمد فیروزی

زینبیم داده گل آماندی
قارداشون قامتی کماندی
دوغریوب اکبریمی اعدا
دورو ور چوخدی ال چالاندی

اکبرین پیکری باتوبدور قانینا
وای منه وای حرملریمون حالینا

گولوم سولدی خداوندا
بالام اولدی خداوندا

بار اللها گدیب قراریم
دای داغلدی منیم وقاریم
اغلا ای دلبریم رقیه
اولدی ال ده گوزل نگاریم

اکبرین خواهری رقیه بالاوای
زینبون یاوری رقیه بالاوای

رقیه یاورین اولدی
لب عطشان اکبرین اولدی

• پنج شنبه
• 8
• شهریور
• 1397
• ساعت
• 01:49
• نوشته شده توسط
• علی ببیرپور

حضرت علی اکبرعلیه السلام

محمد قربانی ( وصال تبریزی )

اوغول
جانیم یتوب داخی دوداقه
آتاوا خاطر دور ایاقه
دوزنمرم اوغول بو داغه
یانورام من
دردیمی گرچی دیلده لشکر اهلی بولوله
سسیمه سس وئر اکبر قشون منه گولوله
غم اوسته غم اکولر
هی منه هوی چکولر

اوغول
الیمدن آلدولار توانی
ناز ائلمه رقیه جانی
دور سالموشام یره عبانی
یانورام من
گل کیمی یرده نعشون اوغول وراخلیوبلار
زلفیوی خنجریله بیله داراخلیوبلار
قلبیم دور درده گلدی
گوزومه پرده گلدی

اوغول
اورک دوشوبدی سوز و سازه
داغم اولوبدی دیلده تازه
هیچ گلموری اله جنازه
یانورام من
قلبیمی نار غمنون نعشیون اوسته بولم
سنون صورا بولورسن دای قالمارام من ئولم
نعشون یر

• پنج شنبه
• 8
• شهریور
• 1397
• ساعت
• 01:56
• نوشته شده توسط
• علی ببیرپور

حضرت علی اکبر علیه السلام

کربلایی احمد پوریا

سبک : دشمن بداند ما موج خروشانیم

ای باوفا اکبر ای مه لقا اکبر
سنلن صفا تاپدی کرب وبلا اکبر
سنده اولان عالی مرامه شیعه لر قربان
سن ایلین قانلی قیامه شیعه لر قربان
یلِ نام آور مولا علیِّ اکبر۲

ای گلشن عشقون نازلی گُلی اکبر
دانشگه عِلمون سن فاضلی اکبر
علم وفقاهتده اولان برتر علی اکبر
کُلِّ جهانه رهبر و سرور علی اکبر
یلِ نام آور مولا علیِّ اکبر۲

ایثار و تقواده همچون پیمبردی
بیر صف شکن افسر مانند حیدردی
یکسر وجودی با نجابت قلبی پُر احساس
وار غیرتی همچون عموسی حضرت عباس
یلِ نام آور مولا علیِّ اکبر۲

جانیم فدا اولسون اول قانلی ایثاره
دشت شهادتده دیدی

• پنج شنبه
• 8
• شهریور
• 1397
• ساعت
• 02:00
• نوشته شده توسط
• علی ببیرپور

حضرت علی اکبر عليه السلام

هادی اردبیلی

قربان کیمی ئوز قانینه غلطان بالام وای
قرآن یولوندا دینینه قربان بالام وای

لیلا آنون دل داغلیار
تا ئولمیوب قان آغلیار

سن تک جوانه
ای ناز دانه

عزم ایلدون حیدرکیمی کوی جهاده
یانّام سنون بو دردوه من فوق‌العاده
گیتدون عقاب اوسته اوغول گلدون عباده
سو ایچمیوب الده ئولن عطشان بالام وای

لیلا آنون دل داغلیار
تا ئولمیوب قان آغلیار

سن تک جوانه
ای ناز دانه

فانی جهانه عار اولا یکسر یالاندی
هانسی گناهه جام امیّدیم جالاندی
صَرصَراَسوب آرزی باغیم سولدی تالاندی
گیتدی فنایه لاله و ریحان بالام وای

لیلا آنون دل داغلیار
تا ئولمیوب قان آغلیار

سن تک جوانه
ای ناز دانه

• پنج شنبه
• 8
• شهریور
• 1397
• ساعت
• 02:04
• نوشته شده توسط
• علی ببیرپور

آرزوی کربلا

حاج علی زلفی تبریزی

یارب التفات ایت بو دلغمین و زاره
سینه ده بو قلب حزین و بیقراره
ای طبیب جانیم بو درده ایله درمان
شوقیله نولار بیر یتم وصال یاره

کاش اولا میسر چکم سینیه مزار اکبری
شوقیدن توکم گوزیاشی طوف ایدم او قبر اطهری
رعشه دوتدی جانیم بو غمده سن ای خدا گواه سن
یادیمه دوشوبدی سارالتدی عطش علی اصغری

طفل غنچه دهان
مادر باغریقان
اودلانوب یانور سوسوزدان

کربلا کربلا
کربلا کربلا

کربلا نه دلربادی کعبه اهل ولادی (۲)

خیمه گاه ارباب دیولَّه باصفادی
قتلگاهی اما مکان غمفزادی
عالم فنانی گوزومدن آتمشام من
ایستگیم جهاندا حسین و کربلادی

خیل عاشقانیله باهم اورک باتیدی ماتمه
یول سالا بو

• پنج شنبه
• 8
• شهریور
• 1397
• ساعت
• 02:21
• نوشته شده توسط
• علی ببیرپور

اگر اولیدی بیزیم بو جهانه دقتیمیز
بو قدری اولمازیدی محنت و مصیبتیمیز

فنادی ، عاقبتی یوخدی کیم گلوب گئتدی
بو حتمی سوزدی که واردور بیزیمده فرقتیمیز

وفاسی یوخدی قیلوب کیمسیه وفا بو جهان
ئولومدی آخری ، کور ائتمسه جهالتیمیز

قالان دگول بیزه بو شهرت و مقام و جلال
نجور گلوب گئده جاقدور بو جاه و عزّتیمیز

مقام و ثروت الونده سنون امانتدور
که بیر گونی کسیلر رشتۀ رفاقتیمیز

بو مال و ثروتی دوز یولدا صرف ایله قارداش
که بهره ویرمیاجاق سوندا کی ندامتیمیز

حلال اگر اولا واردور حسابی محشرده
حرام اگر اولا وار آتشه قرابتیمیز

قرانلوق ایوده یتیشمز هرایه آگاه اول
نکیر و منکریله وار او یرده صحبتیمیز

گل ای بشر دا

• دوشنبه
• 3
• تیر
• 1398
• ساعت
• 10:11
• نوشته شده توسط
• ابوالفضل عابدی پور

جنت عدنه نئجه شاخۀ طوبا یاراشار
گلشن جشنه ائله لالۀ حمرا یاراشار
.
بونو عشق اهلی بیلر باشقاسی بیلمز بیلیرم
چولده مجنونون اولا هر سوزو لیلا یاراشار
.
قازا شیرینه گوره داغی الیلن فرهاد
يئتیشه بیربیرینه وامق و عذرا یاراشار
.
خوشدو عشق آتشینه عاشق صادق آلیشا
یوسفه عشق دیاریندا زولیخا یاراشار
.
قویمیون ایندی قدیم طویلاری یاددان چیخسین
دامدان آتسا یارا یار قرمیزی آلما یاراشار
.
صلواتیله گلین بخت ائوینه ساری گئده
جهيزينده قويولا تربت اعلا ياراشار
.
طوی گوروم قسمت اولا هامّی سوبایلاره بو ایل
آنا طوولانسا بالا عشقینه طویدا یاراشار
.
ال چالون ال چالانین ساغلیغینا ائل لریله
هر چیچک چون چَپیگی غونچیا چالس

• دوشنبه
• 31
• تیر
• 1398
• ساعت
• 12:05
• نوشته شده توسط
• ابوالفضل عابدی پور

شامل حالیمیزدی
رحمت بی کرانه
گول گتیروب ملک لر
بلبل اوخور ترانه
گوزلرآیدین،قامت شمشاده باخون
مبارک دور،عروس و داماده باخون
گوزلر آیدین
.
.
.
.
لاله وشیم الهی
طویوزمبارک اولسون
دال دایاقوز همیشه
حی تبارک اولسون
نمک قاتسون ،ایزد منان آشوزا
سایه سالسون،حضرت رحمان باشوزا
گوزلر آیدین
.
.
.
.
گل چیچگیم همیشه
دوداقلاروز گل اولسون
بستر رختخوابوز
سوسن و سنبل اولسون
شاد ایدوبسوز سیز که بوگونلرده بیزی
بیربیروزدن آیرماسون تاری سیزی
گوزلر آیدین
.
.
.
.
دُر توکولور دامادین
هردیدیگی سوزوندن
تیر بلا توخانسون
بدنظرون گوزوندن
میزبانلار،گویده گزور الده سینی
پایلیولار،شربت ونقل و شیرینی
گوزلر آیدین
.

• دوشنبه
• 31
• تیر
• 1398
• ساعت
• 12:07
• نوشته شده توسط
• ابوالفضل عابدی پور

دنیا بویونی دوتسا اگر ناله و ماتم
قارداش ئولوموندن سورا بوکمز بئلی ، هئچ غم
.
قان آغلادا واردور یری ،گر لیل و نهاری
قارداش ئولومی الدن آلار صبر و قراری
.
هر گوز اولا ، قارداش ئولومی نورین ائدر کم
هر قامتی سرو اولسا بوکر قدّین ائدر خم
.
قارداشی ئولن اُولمیا بو جَمعیده باری
بو سوزده اولار گوزیاشی رخسارینه جاری
.
آغلار دییر ایوای یارالی قارداشیم ایوای
هر غمده الیمدن یاپیشان یولداشیم ایوای
.
سال یادیوه «شیدا» او شه کرب و بلانی
بیر سوز دئدی آغلاتدی یقین اهل سمانی
.
جنتدن علینی چاغوروب بیرده رسولی
یوز دوتدی بقیع سمتینه سسلندی بتولی
.
گل داده ننه غم گونی سرداریم ئولوبدی
غیرتلی ابالفضلیم علمداریم ئولو

• پنج شنبه
• 3
• مرداد
• 1398
• ساعت
• 11:11
• نوشته شده توسط
• ابوالفضل عابدی پور

آنام
فلکده واردی چوخ عداوت
گلشن پوزوبدی یوخ طراوت
گل تک سنی پرپر ایدوبدی
ویردی قلوبه چوخ جراحت
.
آنام آنام آنام آنام وای ...
.
.
آنام
سن مظهر مهر و محبت
ظلمتده نور شمع هدایت
آچدون بیزه دین مکتبین سن
اولدون مدد کار ولایت
.
.
آنام
سندن گیدوب ایوین صفاسی
ایشیق سنوب غمدی هواسی
سنی بو ایوده گورماق اولماز
گل یوخیه قبرون فداسی
.
.
آنام
بالالارین سوین آنایدون
گویوللرینی کاش آلیدون
گلوب بالالارون گورنده
گیتمیدون ایوده قالیدون
.
.
آنام
خزانیمیز گلسن بهاردی
سنسیز گونوز چون شام تاردی
دل ذکریمز ایوای آنان وای
بو داغلی دیللر بی قراردی
.
.
آنام
سندنصورا ایوه گلنده
بوش یریوی سنون گورنده
گویول سنی ایستور همان

• دوشنبه
• 7
• مرداد
• 1398
• ساعت
• 10:10
• نوشته شده توسط
• ابوالفضل عابدی پور

ای بقیع ای مدفن زهرا سلام اولسون سنه
ای مزار عترت طاها سلام اولسون سنه
.
ای بقیع ای توپراقی گونلر قباقینده قالان
ای تشیع قلبینه شوال آییندا اوت سالان
.
سویله منلن پس نیه یوخدی یانوندا بیرچراغ
غربتوندن حس ادور اهل بوعالم سوز وداغ
.
ای بقیع پس نیندون زهرای سینه خسته نی
ای بقیع هاردا ایتیردون گنبدو گلدسته نی
.
آغلیار احوالیوه هرروز وشب صاحب زمان
یوخدی خاک اطهرونده لااقل بیرسایه بان
.
ای بقیع دوزدون نجه بوروزگارین جبرینه
قویدون آغلار شیعه یانی دورد امامین قبرینه
.
قالموسان ویرانه سن ایوان آبادون هانی
گنبد عباسی خوش نقش سجادون هانی
.
هاردادی گلدسته قبر امام باقرون
هاردادی بس خادم وفرش ورواق و زائرو

• پنج شنبه
• 10
• مرداد
• 1398
• ساعت
• 11:14
• نوشته شده توسط
• ابوالفضل عابدی پور

کعبه نی ترک ایلدی باشیندا آهنگ سفر
سرّ اعظم وار سفرده شورش و شورِ دگر
.
حجّی تبدیل ایلیوب عُمره صداقتلن حسین
خصم قرآندان بولوردی جانینه وار دور خطر
.
ایلیوب سعی و صفا هم مروه چون قیلدی نماز
ایلسون ترویج دینی باشلیوب سعی دگر
.
نکته دوربو عقل لرعاجز قالوبدی دَرکینه
اولدی همراهی حرملر بیرده اصغر زیرپر
.
یول گیدور تا کربلایه نهضت خونین ایده
حقّی اثبات ایتماقیلن عالمینی با خبر
.
ایستوری آللهون امری موبه مو اجرا اولا
لیک قرآن دورگرک دنیاده اولسون جلوه گر
.
قان ویره برنامۀ آزاد گی گلسون اَلَه
نُه فلکده اسدیره تا پرچم فتح وظفر
.
چهرۀ ننگ جنایت پیشه گانی رو ایده
کاخ استبداد لر ویران اولا زیر و زبر
.
بو

• سه شنبه
• 15
• مرداد
• 1398
• ساعت
• 11:17
• نوشته شده توسط
• ابوالفضل عابدی پور

حاجینون چاتسا الی قاره داشا دلخوش اولار
شاعرینده غزلی چاتسا باشا دلخوش اولار
.
شعریده وار بوهنر تاسوزه وئرسون یاراشیق
صورته گوز یاراشار گوزده قاشا دلخوش اولار
.
شعری بیر آینه بیل شاعرین اندیشه سینه
اگر آئینه ده گوزلر قاماشا ،دل خوش اولار
.
شعریده گنجوی اولسون گنه فردوسیه باخ
قویماسون گر قدمون توققالاشا،دل خوش اولار
.
من من آفتدی که هر پیکری آلوده ائدر
پیکر هریرده مسلمدی باشا دلخوش اولار
.
سنه به به دیه نون وار نه قدر گور بیلیشی
قازانی قویماسون البته داشا،دل خوش اولار
.
چوخی وار لعله باخار لیک جواهر تانیماز
گوهری باخسا اوزوکلرده قاشا دلخوش اولار
.
لفظ (استاد)چوخون برزن بن بسته سالار
قویماسون نف

• دوشنبه
• 28
• مرداد
• 1398
• ساعت
• 15:14
• نوشته شده توسط
• ابوالفضل عابدی پور

ای قلم سعی ایله هرگز حقّی انکار ایلمه
اولدی کیم حقّین طرفداری اونی خوار ایلمه
.
طرز رفتارونده بدبین اولما دایم صادق اُول
ممکن اولسا خدمت ایله خلقه آزار ایلمه
.
تا توانون واردی خدمت ایله انسانیته
یوخدی گر آرامشی مخلوقه دشوار ایلمه
.
چوخ مواظب اُول کی هرگزسالما شورش عالمه
سعی ائله صلح اهلی اُول خلقی گرفتارایلمه
.
بیرکسین دنیاده گوزله سالماکسبین مشکله
یاری ائت همواره امکان اولسا اجبار ایلمه
.
منحرف ائتمه طریق حقّدن انسانلاری
دعوت ایله حقّه ساری یوخسا بیزار ایلمه
.
یاخچی انسانلار ایچینده سالما ایدل تفرقه
عاقل اُول شیطانی انساندان طلبکار ایلمه
.
ویرما تهمت کیمسیه هرگز جهاندا ای بشر
قورخ عذاب ناریدن

• سه شنبه
• 27
• اسفند
• 1398
• ساعت
• 22:28
• نوشته شده توسط
• ابوالفضل عابدی پور

‍ طالبم حق سوزه باش قوشمارام افسانه لره
من قَلَم ساتمامشام سکّۀ بیگانه لره

عالمون سوزلری آئینه دی شخصیتنه
سنگ جاهل اثر ایتمز دل فرزانه لره

مَحرَمِ ساقی اولان مستی معنانی تاپار
عاقل اول باغلاما عُلقَه قوری پیمانه لره

صاحب ثروت وسرماییه میدان سُولاما
گُذر و کوچه نی تنگ ایلمه دیوانه لره

روسیاه ایلمه انسانلیقی داناسن اگر
گُوهَری دَفن ایلمه گوشۀ ویرانه لره

شانه، گیسوی چلیپایه عیار آرترماز
زلف خوش رایحه قیمت یارادارشانه لره

سیم و زراهلینه تعظیم ایلمک عشق دگُل
عشق اودی جلوۀ تقوا ویره میخانه لره

عاشق مست ، گرَک مَسلَخَه سجّاده سالا
عشق اودیندا یانا درس ئورگده پروانه لره

کربلا واقعه سی نهضت ایماندی شَرَف
اونی خرج ایلمیون بازی رندانه لره

قویمیون علم لباسی گِینن جاهل لر
حکمرانلیق ایده وارسته عزا خانه لره

قورخورام "سیفی"که غافل اولا پامنبری لر
مسجدی اوخشادا نادان سوزی بُت خانه لره

• یکشنبه
• 16
• آذر
• 1399
• ساعت
• 18:37
• نوشته شده توسط
• یوسف اکبری

گئنه ده طبعیمی جوشدوردی جنایات یهود
اولوب ابلیس دنی ریزه خور آل سعود

مکریله نقشه چکوبدور عربستان شرور
ائدوب آمریکانی اجراسینه جبراً مأمور

هی دولاردی وئرور آمریکانی تجهیز ایلیور
می ظلمیله جفا جامینی لبریز ایلیور

داعشین نسلینی کسدوخ گئنه درس آلمادیلار
ئوزلرین درگه اسلامه دخیل سالمادیلار

گئنه ایستولله که سوریه ده طغیان ائده لر
بو بهانیله گلوب ایرانی ویران ائده لر

غافل از اینکه بیزیم وار علوی غیرتیمیز
عالمه ثابت اولوب جنگیده ماهیتیمیز

هی رجزخوانی ائدوللر ولی قدرت لری یوخ
آتماقا بیر دنه موشک بیزه جرأت لری یوخ

بورا ایراندی منای حقه قربانی سی وار
بورا ایراندی که سردار سلیمانی سی وار

ایشیدون ای اموی زاده لر، ای اهل فساد
وای او گوندن که وئره رهبریمیز حکم جهاد

بیزه کیم حمله ائده بیر قانا مین قان ائدروخ
کل اسرائیلی توپراقیله یکسان ائدروخ

• دوشنبه
• 17
• آذر
• 1399
• ساعت
• 10:29
• نوشته شده توسط
• یوسف اکبری

سبک :اصغر ای بختیمون اولدوزی دوشدون سحابه ......

لشگر حیدرین با وفا سرداری گئتدی
رهبرین یاور و محرمِ اسراری گئتدی

ئوز بیعتینده محکم دایاندی
الله یولوندا قانه بویاندی

آلدی درسین ازل مکتبِ اربابیمیزدن
عشقیلن دم ووروب سرور و سالاریمیزدن
اوزمدی هیچ زمان اللرین ئوز رهبریندن
بیزده آیریلماروق قهرمان سرداریمیزدن

ئوز بیعتینده محکم دایاندی
الله یولوندا قانه بویاندی

ئوز جوان عمرونی بذل ایدوب بو انقلابه
سالدی دشمنلرین قلبینی چوخ اضطرابه
اقتدا ایلدی عاقبت مظلوم حسینه
پیکری دوغرانوب اللری دوشدی ترابه

ئوز بیعتینده محکم دایاندی
الله یولوندا قانه بویاندی

بر دلِ شیعیان محنت و ماتم نشسته
از غم هجر او قامت عالم شکسته
آن که در جبهه ها تا سحر شب را نخوابید
می زند بر جنان خنده با چشمان بسته

نور ِ دو چشمِ بیدارمان رفت
دلدارمان رفت سردارمان رفت

در سپاه ولا مالک ِ اشتر سرشتی
گشته گل پیکرت پرپر و روحت بهشتی
جان به قربان آن مقصد و عشق و مرامت
جان فدا کردی و این چنین با خون نوشتی

راهم ولایت عشقم شهادت
فرزند حیدر جانم فدایت

پایگاه حفظ و نشر آثار عباسی معروفان اهری

• یکشنبه
• 23
• آذر
• 1399
• ساعت
• 15:49
• نوشته شده توسط
• یوسف اکبری

سلام عرشه گئدن قهرمان شجاعتوه
درود و احسن و صد مرحبا شهامتوه

او قدر صاحب شان و وقاریدون سردار
باش اگدی سهملی داغلار سنون صلابتووه

قیام ائدور شهدای مدافع حرمین
عراق و سوریه و شامده قیامتوه

نماز عشقه دوراندا شهادت ایستردون
وورولدی مهر اجابت نیاز و حاجتوه

داغیلدی پیکر پاکون او قانلی مقتلده
نه گلدی سرو برازنده سرو قامتووه ؟

مدالون اولدی شرافت مقامون اولدی شهید
جزا ویریلدی شهادت سنون رشادتوه

آچیلدی باب سعادت سنون قدملروه
سفیر عشق حسینی خوشا سعادتوه

باخوردوم اللره انگشترون الیندِیدی
آلیشدی یاندی ئورک الده کی علامتوه

امانتون بیزه عشق و شعور و غیرتدی
رشید ملت اولار پاسبان امانتوه

پایگاه حفظ و نشر آثار عباسی معروفان اهری

• یکشنبه
• 23
• آذر
• 1399
• ساعت
• 15:56
• نوشته شده توسط
• یوسف اکبری

ائله بیل بیزلردن قلبی یارادی
حسددن بوغولور سانکی سارادی
او کس که بیلمور هئچ هیئت هارادی
کور آتین مینیبدی کوندَلَم چاپیر
دوسلار آراسیندا دوشمانلیق یاپیر

هیئته گلنلر هامی قارداشدی
هامیسی ال اله دوستدی یولداشدی
حسینون نوکری آقادان باشدی
خائنلر هذیانون دئیوب یورولسون
دوسلارین آراسین قاتان کور اولسون

ئوزومی یوخاری دوتمارام قارداش
دوستومی ئولسمده آتمارام قارداش
تهمتی توهینی اوتمارام قارداش
حسینون نوکری فاخر یاشاسین
نوحه خوان یاشاسین شاعر یاشاسین

شاعرم ادبون قئزیل قاشیام
نه استاد اولموشام نه ده ناشیام
استادیم ئورگدیب آزاد یاشیام
منزوی ، انورین ، الین ئوپرم
حق دیین ایگیدین ، دیلین ئوپرم

مدعی ، آدام اول یولوی چاشما
چیرکین ئورگوین اوستونی آشما
سارماشیق چاییر تک بیزه دولاشما
شیطانون ائیشیدی ، نادانی قورار
من کیمم ، ابالفضل بئلیندن وورار

پایگاه حفظ و نشر آثار عباسی معروفان اهری

• چهارشنبه
• 26
• آذر
• 1399
• ساعت
• 22:25
• نوشته شده توسط
• یوسف اکبری

به سبک(ممد نبودی ببینی...)
(بزم عزاده گیمیشم قاره یاعباس ...)

ای ملَّتیم ، اسطوره یِ
جاوِدان گئتدی _ جاوِدان گئتدی
سرداریمیز مولاسینه
میهِمان گئتدی _ میهِمان گئتدی

سرادرِ ایرانی _ قاسم سلیمانی

قاسم سلیمانی بیزه
افتِخار اولدی _ افتِخار اولدی
دین و ولایت راهینه
جان نِثار اولدی _ جان نِثار اولدی
هجرینده ایران ملَّتی
داغِدار اولدی _ داغِدار اولدی
هجرینده ائتدی بیزلری
ناگِران گئتدی _ ناگِران گئتدی

سردار ایرانی _ قاسم سلیمانی

دیدارِ یاره چون هما
آچدی پر گئتدی _ آچدی پر گئتدی
ایرانین اهلین ایلدی
دیده تر گئتدی _ دیده تر گئتدی
مین شکر اولا سرداریمیز
مفتَخر گئتدی _ مفتَخر گئتدی
قوش مثلی ائتدی گویلری
آشِیان گئتدی _ آشِیان گئتدی

سردار ایرانی _ قاسم سلیمانی

صد مرحبا خوش منسبه
چاتدی بو سردار _ چاتدی بو سردار
باشدان بو فانی عالمی
آتدی بو سردار _ آتدی بو سردار
الله یولوندا قانینه
باتدی بو سردار _ باتدی بو سردار
نسگِل اولوبدور بیزلره
باغریقان گئتدی _ باغریقان گئتدی

سردار ایرانی _ قاسم سلیمانی

• دوشنبه
• 1
• دی
• 1399
• ساعت
• 17:55
• نوشته شده توسط
• یوسف اکبری

خونِ شَهیدان باتمیاجاق
پرچَمِ ایران یاتمیاجاق
مردُمِ ایران آخَرَه جک
سِیِّد علینی آتمیاجاق

چون بیزلر حیدَرِیوک
غیرتلی آذَرِیوک
الگومیز باکِریدور
پیرُوِ رهبَرِیوک

غیرَتیمیز وار شوکتیمیز وار
ظلمه باش اگمِیَروک
عزَّتیمیز وار وحدتیمیز وار
ذلَّتی ایستَمَروک

لبّیکَ ثارالله...

راهِ علینی بوشلاماروک
رهبر دیگر خوشلاماروک
آدینی قلبه جوشلاماشوک
آیری بیر آدی جوشلاماروک

چون‌ واردی عزَّتیمیز
حشمت و شوکَتیمیز
عباس تک قدرتیمیز
زینب تک غیرتیمیز

زنده باد ایران زنده باد ایران
یاشاسین میهنیمیز
زنده باد ایران زنده باد ایران
مرگ ، بر دشمنیمیز

لبّیکَ ثارالله...

• دوشنبه
• 1
• دی
• 1399
• ساعت
• 17:58
• نوشته شده توسط
• یوسف اکبری

مکتب شیعه ده استاد مسلمدی سلیم
عالم مدحده مداح معظمدی سلیم
ذاکر بی بدل عرصه عالمدی سلیم

نئجه تدبیر اولونوب گؤیده فقط بیر آی اولا
طول تاریخده هیهات سلیمه تای اولا

تربیت یافته ی مدرسه ی غیرتیدی
عاشق آل عبا و خدم عترتیدی
منزل اصلی سی مسجدلریدی ٬ هیئتیدی

بیر حسینچی آتادان ٬ پاک روان فرزندی
درس عشق و شرف و مشق عزا ئورگندی

آتمیش ئیل ئوز سسینی وقف ائلدی سلطانه
افتخار اولدی آدی مملکت ایرانه
زینبون نوحه سینی گتدی دیله جانانه

وئردی جاناندا سلیمه ابدی بیر منصب
یادگاری قالاجاق نغمه زینب زینب

صاحب منزلت و شأندی ائللرده سلیم
مکتب زینبی نشر ایلدی هر یئرده سلیم
(سیفی نین) شعرینی قاب ایلدی دللرده سلیم

دوزدی ئوز شعرینی احساسیله هر شاعر اوخور
امر واضحدی قوی شعری قوی ذاکر اوخور

روز تشییعینه ارباب سخن گلمیشدی
یا بئله عرض ائلییم کل وطن گلمیشدی
بلکه اربابی حسین ٬ روح حسن گلمیشدی

لوح اربابده زیبا خطیلن حکدی سلیم
آند اولا زینبه اربابی کیمین تکدی سلیم

دئدی استاد ٬ حسینون قوجا یارین آپارین
زینب آدیله ائدون اشکیزی جاری آپارین
منی بو نوحه میلن قبریمه ساری آپارین

من بو ذکریله یقین اوج کماله چاتارام
زینب آدین ائشیدیب قبرده راحت یاتارام

بیلیسوز زینبه استاد ندن عاشقیدی ؟
زینبه چونکه حسینیله حسن عاشقیدی
مهدی آل عبا فخر زمن عاشقیدی

عشقون ابراز ائلدی عمه صاحب زمنه
احترامیله اودور جسمی بوکولدی کفنه

آند وئررم سنی مولا قوجالان زینبوه
زلفی غمدن آغاران قدی کمان زینبوه
شام ویرانه ده اول هیئت آچان زینبوه

جان وئرن وقتده یتور باشیمون اوسته ئوزوی
عالمه ناز ائدرم بیر دفعه گؤرسم یوزوی

کانال اشعار عباسی معروفان اهری

• سه شنبه
• 2
• دی
• 1399
• ساعت
• 22:56
• نوشته شده توسط
• یوسف اکبری

ایهاالناس گلون گردش دورانه باخون
قدر‌ت مطلقه خالق سبحانه باخون

اویمیون فانی اولان کبکبیه ، دَبدبیه
چشم عبر‌تله گلون عالم امکانه باخون

زرق وبرقیکه گورورسوزبوفنادهریده سیز
یئل اسن وقته گئدین شمع شبستانه باخون

بیرسنیق کورپیه بنز‌رسویون اوستنده جهان
اوردا منزل ائلمز عاقل و فرزانه باخون

باخمیون هرزه آغیزلاردا اولان لغلغیه
انبیاء صحبتینه ، پند حکیمانه باخون

قویمایین خوار اولا قرآنوزی انجیل کیمین
توزباسوب گرچه سیلون،بیرده بوقرآنه باخون

مسلمینون سایی میلیاردی گئچیب دنیاده
ولی بو کثر‌تلن نسبت نقصانه باخون

هامی ادیان آراسی بو دینی الله بَیَنوب
بیر گلین سیزده پسندیدۀ یزدانه باخون

دئمیون ملت اسلام عقب افتاده دیلر
ضعف اسلام دَگول،ضعف مسلمانه باخون

اجنبی تفرقه‌سی یئتمیش ایکی فرقه ائدیب
اولدیلار بیر بیرینه گورنئجه بیگانه باخون

قلب اسلامیدی مکه اوتوروب آمریکا
قل اعوذ اوخویون قلبده شیطانه باخون

شیعه‌لیک جوهری هر یئرده کی وار غیر‌ت وار
دورد ابر قدرتی رد ائیله‌دی لبنانه باخون

انبیاء مکتبی انسانه سعادت یارادار
خبث ابلیسی بیلین، حکمت لقمانه باخون

آز بوبش گونلیک اولان نعمتی دورداللی دوتون
سعی ائدون عالم اولون ،عالم عرفانه باخون

هر شب جمعه گئدین ساحت قبریستانه
توپراق آلتیندا یاتان سائل و سلطانه باخون

عرض و طولینده بیر آز فکر ائیلیین قبرلرین
جُرم حبس ابده ، تنگی زندانه باخون

ناز بالیشده یاتان گونلرینی فکر ائلیین
داشا پَر قو یئرینه باش قویان انسانه باخون

بو همان شخصیدی قویمازدی قونا توز باشینا
توپراق آلتیندا یاتیب گور نه ذلیلانه باخون

بو همان شخصیدی توپراقه ده قویمازدی قدم
باش قویوب ایندی او توپراقه فقیرانه باخون

نه سالیر یادینه اولادی نه ده اقوامی
هی سز یلدیر بالالاریم ، من نالانه باخون

من گوز اوستونده سیزی بسله میشم دنیاده
قاباقیزدا آچیلان سفرۀ الوانه باخون

سیزون استوزده یالان قالمادی من خلقه دیدیم
سیزلره خاطر الیمد‌ن گئد‌ن ایمانه باخون

یالان آند ایچمیشم ازبس که رسول اللهه
اودا کی دشمن اولوبدور من نادانه باخون

آل وئریمده سپر ائتمیشدیم ابوالفضل آدینی
اودا لطفین کسیب از بس، بو پریشانه باخون

سیزه خاطر نه ترازونی دوزلتدیم نه داشی
کم ساتیب آرتیق آلان سفله مسلمانه باخون

• جمعه
• 5
• دی
• 1399
• ساعت
• 23:49
• نوشته شده توسط
• یوسف اکبری

حق اوسته ویریب جانی سردار سلیمانی
آخدی سو کیمین قانی سردار سلیمانی

برباد اولوب اهریمن دشمنلری خوار اولدی
حفظ ایلدی ایرانی سردار سلیمانی

بیر مکتب اولوب عشقی هر کیمسه کی درس آلدی
اولدی اودا بیر آنی سردار سلیمانی

بو مکتب قرآندی بو معنی ایماندی
یازدی بئله عنوانی سردار سلیمانی

هرکیمسه شهید اولماز چون عشقه جواز ایستر
آلدی او به آسانی سردار سلیمانی

چون اهل ولایتدی باشدان باشا غیرتدی
مات ایلدی دنیانی سردار سلیمانی

• دوشنبه
• 8
• دی
• 1399
• ساعت
• 23:11
• نوشته شده توسط
• یوسف اکبری