سایر موضوعات

زاحتیال و اِنتصابِ شومِ اِحتفال
به اِنتهاز نَه اِنجاز زحق اِنتفاء اَرذال

به اِنتِقام و اِنتِفاع ز اصل اِختِصام
امیر اَمجَد ز اَخیالِ ظَلُوم کرد اِعتزال

اَبیزاِختلال به خَرمَن اِتّحِاد افتاد
اَبُالهَیجاءِ اَجَلّ ز اَجهَل اَتباع اِستملال

ز اِجماع اِنتساقِ غَلطِ ذَلاُالناس
عِین قُرّۀ العین رسول گشت اِسبال

به اِنزِعاج و اِستیلا ثانی به باب وحی
آتش فروزشد به اخذ بیعت اِستِعجال

به تفطّن دست بیعت داداستخوان بگلو
موصای موصی به صبرنکرد استِلال

ثُبُوت نبود ثَلاثَه را مگر به تَناهی ترس
عَمرِ ابنِ عَبدُ وَد به ضربتش گشت اِبتِذال

ثُبُوت نبود ثَلاثَه را مگر تَنازُع علی
مَحضِ عَمّ و موصیش بود نکرد اِستِبسال

به تَجاهُل و مَکِیدَت مطلب مَکِین عزّت
شیعه به اِستِقصاء رسید ه به اِستِقلال

مُرید اَبُواَلاُمِّه باش«عدلیِ» شِیب
به تَغابُن طلب کنی کز و اِستِظلال

• شنبه
• 20
• دی
• 1399
• ساعت
• 19:38
• نوشته شده توسط
• یوسف اکبری

راحت یاشارام نفسیمی خاک ایلیه بیلسم
قلبیمده کی شیطانی هلاک ایلیه بیلسم

تک قویماز حسین قبریمین اول گیجه سینده
بزمینده یانان سینه می چاک ایلیه بیلسم

قویمام قالا زنار جهالت سینم اوسته
گر عشق ابوالفضلی پلاک ایلیه بیلسم

پرونده اعمالی صاق الده دوتارام من
توبه‌یله خطا خطینی پاک ایلیه بیلسم

مشغول ایلیوب فکریمی دنیای مجازی
فکریم آچیلار جمله بلاک ایلیه بیلسم

(احسان) اورک آئینه‌سینه لکه دوشنده
پاک ایله دئمه اشکیله پاک ایلیه بیلسم

• یکشنبه
• 31
• مرداد
• 1400
• ساعت
• 17:29
• نوشته شده توسط
• یوسف اکبری

___________________________________
پدر مرثیه ی آذریان بود سلیــم
مادح نابغه ء عصر و زمان بود سلیــم

همه جا نام موذن به زبانهاست هنوز
متعلق به همه اهل جهان بود سلیــم

اردبیل نام تو سرمایهءایران من است
چونکه بر پیکر تو روح و روان بود سلیــم

بتراشید به سنگ لحدش این مصراع
نوکر مخلص شاه دو جهان بود سلیــم

آخر ماه صفر وعدهء او با حق بود
عاشق روضه زهرای جوان بود سلیــم

نوحهء زینب او بدرقهء راهش بود
اين چه سريست بر اين نوحه روان بود سليــم
___________________________________
پی نوشت:در سوگ ذاکر اهلبیت استاد سلیم موذن زاده

• شنبه
• 17
• تیر
• 1402
• ساعت
• 16:50
• نوشته شده توسط
• یوسف اکبری

ای دخت امام حقِّ مظلوم
اخت الحسنین"ام کلثوم"
زینب کیمی سنده باوفاسن
آیینه ی عفت و حیاسن
ای دختر مه لقای کوثر
فخرایلیوری سنه ده حیدر
سن زینبه سویملی باجیدون
سنده غم عشقه آماجیدون
اوغمزده نین حالینه یاندون
آردینجا گیدوب شامی دولاندون
مونس اونا اولدون هربلاده
یاندی اورگونده کربلاده
زینب کیمی جام محنت ایچدون
رخت غمی سروقده بیچدون
دریای مصیبت ایچره اوزدون
طوفان بلاده سنده دوزدون
قارداشلارون ئولدی کربلاده
سن صابریدون غم و بلاده
هم یاره لی قلبه مرحمیدون
فوج اسرایه همدمیدون
ظلمات مخدراته هرشب
زینب گون اولوبدی سنده کوکب
هم غارت خیمه گاهی گوردون
هم گودی قتلگاهی گوردون
فردای شهادت حسینده
بیر غمده توکوبسن اشک دیده
وقتی اسرا بوروندی آهه
دوشدی یولی قانلی قتلگاهه
اول غصه خانم سنی قوجالتدی
محملدن اوزین کی زینب آتدی
سرعتله چوخور یره قاچوبدی
باشدان قره معجرین آچوبدی
داش قوملاری رد ایدوب اویردن
ویردی ایکی اللی باشه بیردن
عرض ایلدون ای عزیز زهرا
نه آختاروسان او داشلار آلتدا
فرمایش ایدوب یتیش هرایه
بیر قانلی بدن دوشوب ارایه
قان ایچره باجی بو نورعین دی
داش قوملارین آلتداکی حسین دی
چوخ عطرلیدی بو غم فضاسی
زهرا ننمون گلور صداسی
سسلور دوداقی یانان بالام وای
عطشان بالا غسلی قان بالام وای
منده دییرم کفنسیزیم وای
اللرده اولن حسینه لایلای
قویما اولا (آذرین )پریشان
درد دیلینه سن ایله درمان

• دوشنبه
• 29
• دی
• 1399
• ساعت
• 16:12
• نوشته شده توسط
• یوسف اکبری

فارسی

ازبرِ جنات؛ نسیم آمده
آیت رحمن و رحیم آمده
دشمن شیطان رجیم آمده
بر همه خلق زعیم آمده
مژده کریم بن کریم آمده
حضرت شاه عبدالعظیم آمده

آیت عشق است و حبیب خداست
صحن و سرا و حرمش با صفاست
نسخه او بر دل ناخوش دواست
مرقد او شعبه ای از کربلاست
آیتی از حق علیم آمده
حضرت شاه عبدالعظیم آمده

از افق فضل درآمد قمر
بازشده نخل ولا پرثمر
ازپی شب آمده صبح ظفر
نغمه کند بلبل و مرغ سحر
عالِم خوش خُلق و فهیم آمده
حضرت شاه عبدالعظیم آمده

شاد شد از آمدنت جان و تن
فضل تو گشته گل هر انجمن
غرق طراوت شده باغ و چمن
عبدالعظیمی و سلیل حسن
گفت همه عقل سلیم آمده
حضرت شاه عبدالعظیم آمده

ترکی

مقدموه جنت اولوب شهرری
نور خدائیله دولوب شهرری
خوان کرم تک آچلوب شهرری
بیت خدایه قوشولوب شهرری
اوردا اولوب عشق خدایی مقیم

مژده ویرون گلدی بهشتی نسیم
آچدی گوزون حضرت عبدالعظیم

وقر علی هیبت طاها وارون
رافت دل سینه سینا وارون
شان و شرف ،روح مسیحا وارون
ری ده عجب مرقد زیبا وارون
کرب وبلایه اورا اولموش ندیم

مژده ویرون گلدی بهشتی نسیم
آچدی گوزون حضرت عبدالعظیم

حُسن حسن سرِّ نهان حسن
سن سن آقا شیره جان حسن
نخل نبی سرو روان حسن
غنچه گلِ عطرفشان حسن
جلوه لنیب سنده امام کریم

مژده ویرون گلدی بهشتی نسیم
آچدی گوزون حضرت عبدالعظیم

درگهووه یوز گتیروب (آذرین )
روحوه قربان اولا بو کمترین
رسمیدی دل یاد ایلییر دلبرین
دادیمه چات سن ده دم آخرین
بلکه بوجانی حقه راحت ویریم

مژده ویرون گلدی بهشتی نسیم
آچدی گوزون حضرت عبدالعظیم

• سه شنبه
• 30
• دی
• 1399
• ساعت
• 22:45
• نوشته شده توسط
• یوسف اکبری

ایندی کی دین دشمنی ئوز پیشه سین ایلوب عَلم
یـاز او نـالایـق لـره زیبــا جــوابیــه قَلم
یاز سـوزون اوخ مثلی دَیسون جملـه اهریمنللره
چون علینون شیعه سی اگمز باشیـن دشمنللره
یـاز علینـون شیعه سی ظلـم و جنـایت ایلمز
مـرتضـا مَسلـک اولار خلقــه خیـانت ایلمز
مـرتضـایـه عـاشقـوک عشقـه ریانی قاتماروخ
بیـز علینـون دیرناقین بـاغ بهشتـه ساتماروخ
بیز علینـون عشقینی مین لـر جنـانه وئرمروک
گنبـدین آنـد اولسون حقَ کهکشـانه وئرمروک
ظالـم و عصیـانگـره بَـرگِ ارادت وئـرمـروک
آج سوسوزدان ئولوک اما دست بیعت وئرمـروک
جبهه لرده سگیز ائیل مردانه بیز گورسنموشوک
جـرعـت و جِـدیتّی عباسیـدن اورگنموشوک
بیز حسینیلـه شـرافت نـامـه امضا ائدموشوک
دین و قران دشمنین هر یئرده رسوا ائدموشوک
بیـز بوتون دشمنلـرین قامتلرین خَم ایلدوک
دشمـن پُـر رولرین آخـر یـوزون کم ایلدوک

• جمعه
• 3
• بهمن
• 1399
• ساعت
• 19:57
• نوشته شده توسط
• یوسف اکبری

اوچ یوز اون اوچ یاریم اگراولسا قیام ایلیرم
کعبه دن عاشقلریمه عرض سلام ایلیرم

صلح وصفانی قویارام ظلم وجفانون یرینه
بی کس وآواره لره ظلمی حرام ایلیرم

جدیمین اهدافینی که طیف مسلمان ایتیریب
یاد ائدرم تک تکینی ،عدلی قوام ایلیرم

زوریله حاکم لر اگر ، دینی ائدیلر انزوا
باشدا اولان نقشه لرین نیمه تمام ایلیرم

ریشه ی وهابیتی بدویده یئردن کسرم
سینه سپرلشکریمی عازم شام ایلیرم

کیم گله اسلامه طرف،قویمارام آواره قالا
یئرده الینن دوتارام صاحب نام ایلیرم

نیلیوم اما که تکم یوخدی وئرن سس سسیمه
یاره لی قلبیمله گئدیب چولده مقام ایلیرم

• شنبه
• 17
• تیر
• 1402
• ساعت
• 18:06
• نوشته شده توسط
• یوسف اکبری

«بزن که خوب می‌زنی
تو رستم تهمتنی »

ترکی
دشمنه وُر تو دهنی

ساخلاسین الله، سنی

داده چاغور پنج تنی

سسله حسین و حسنی

علی آقام بوالحسنی

بیر بیره وُر انجمنی

ساخلا خطردن وطنی

کشتی گلور آی یمنی

ای یمنی چک قمه نی

حرمدی ایران علنی

پرچمه باخ گی کفنی

قویما قاچا خصم دنی

ایله نشان حرمله نی

• دوشنبه
• 21
• اردیبهشت
• 1405
• ساعت
• 00:02
• نوشته شده توسط
• یوسف اکبری

نچه مدتدور که من نطق رسادن قورخورام
دِین واردور گردنیمده،من ادادن قورخورام

چوخ گناهیم، یوخ پناهیم، ای امیر مُلک دین
ائتدیقم اعمال زشت و پُر خطادن قورخورام

عصمریمیز آشقته دور اغیاره دوندی یاریلر
آنداولا اوز جانیوه،اهل ریادن قورخورام

قوزانوب ظلم و جنایت عرشه یا صاحب زمان
ذوالفقار الده یتیر،بسکه خفادن قورخورام

مصرع مصرع شعرینی نظمه چکن وقته «فقیر»
آخر و فرجام شعر و برملادن قورخورام

یوخدی بو عصرفناده، کشتی و نوحِ زمان
اولسادا کشتی گینه من ناخدادن قورخورام

مرکز وحیَ اولوب مالک بودی وهّابیلر
بو سببدن مشعر و سعی و صفادن قورخورام

بیشرفلر هر نقدری مکّه ده جولان ائده
حجّیدن،رمی جمردن،هم منادن قورخورام

کیم دئیور خدمتگزارم،منّت ایلیر خدمتی
اولسا خادمده ملائک،رهنمادن قورخورام

گه ریا اهلی دعا هئیتده ایلیر ملّتی
قالسون آمین،لاپ آچیخ سوز،چون دعادن قورخورام

صبح آچور باب ربانی،ملتین قانین سویور
هر گجه هئیتده دی، من او عزادن قورخورام

نه عدالتدن خبر وار،نه شرف معنا اولور
آهِ مظلوم و نوای بی نوادن قورخورام

آه او دم باهم اولا،آه یتیم اشک فقیر
قصرلر ویران اولار،روز جزادن قورخورام

هر نقدری ظالمه مظلوملر فرصت وئره
اولماز آسایش بودی درد و بلادن قورخورام

جرأتیم یوخدی یازام من شاعرم،چون خادمم
ساده سوز،گاهی غریب گه آشنادن قورخورام

گر «فقیرین» شعرینه هئیتده خلق احسنت دئیور
گاه اولوب او احسن و او مرحبادن قورخورام

• یکشنبه
• 3
• اسفند
• 1399
• ساعت
• 22:14
• نوشته شده توسط
• یوسف اکبری

خیبر خیبر خیبر یاصهیون

ای بسیجی..ای رزمنده.. باغلا مشت کوبنده
ایچ باده ی... شهادتی.. صوتیله سسله سنده

خیبر خیبر خیبر یاصهیون4بار
------

ایرانی ام.. توپراقینی... مین عالمه وئرمرم
رهبریم تک.. دست بیعت.. امریکایه وئرمرم

خیبر خیبر خیبر یاصهیون4بار
----------

یوخ هراسیم.. هئچ دشمندن.. باش دشمنه اگمرم
ئولسمده من.. عالم بولسون...رخت ذلت گیمرم

خیبر خیبر خیبر یاصهیون4بار

• یکشنبه
• 17
• خرداد
• 1405
• ساعت
• 00:52
• نوشته شده توسط
• یوسف اکبری

فارسی

خادمِ بی ادّعای زبدةالاشعار عشق
ای سراپا معرفت،گنجینه ی اسرار عشق

قطره بودی بحر گشتی با نگاه فاطمه
بی غلو در قبر زهرا گشته ای زوّار عشق

خدمت خالص به ذاکرهای مولا نعمت است
در قیامت میشود ثابت همین رفتار عشق

انتخاب این چنین راهی، ز شیر مادر است
مرحبا بر عفّت و بر عصمتِ دلدار عشق

ای «ببیرپور» با دل بینا نگر در دست توست
آن جواز جنت از لطف حقِ دادار عشق

گر شدی با شاه بی سر همنشین و همکلام
یک سلامی ساده از ما بهر آن سردار عشق

می نیابی ای «فقیرا» محفلی بی غلّ و غش
همچو اعضا و مدیر زُبدةالاشعار عشق

ترکی

ساخلا هر لحظه ئورکده سوزِ وصل یاریوی
تاپشور عباسه بویولدا،طعنه ی اغیاریوی

قارداشیم اولسان اذیّتده بو یولدا عشقی وار
روز محشرده گورَرسن،گرمیِ بازاریوی

بیز کیموخ زینب نه چکدی،شاهراه عشقیده
قوی رهِ مولاده بو یولدا،گورن آزاریوی

یاعلی سسله ئورکدن،وئر ادامه راهیوه
آل حسین بن علیدن فیض پر سرشاریوی

روز محشرده یوزون آغدور بئلنچی خدمته
عالی قیمتله آلالار " زبدة الاشعاریوی "

• دوشنبه
• 4
• اسفند
• 1399
• ساعت
• 23:02
• نوشته شده توسط
• یوسف اکبری

صفای باطن آختارسان دولان ایمان اولان یئرده
دیانت بللی دیرمعیار اولارقرآن اولان یئرده

رضای خالیقی هرکیم نظرده آلسا هرایش ده
پشیمان اولمازاوحتی اونا خسران اولان یئرده

ادب دیر اؤلچؤسی ممتازائدن انسانی انسان دان
شرافتله یاشارانسان اؤزی اینسان اولان یئرده

اوانسانه مرید اول کی دؤزر یؤز محنته اما
زره زوره باشین ایمز شرف میزان اولان یئرده

اگرمال ومنالین وار اونودما یوخسولون حالین
دعالر بی ثمرقالماز،گولوم،احسان اولان یئرده

همیشه جهدائله دوستون الیندن دوت یامان گؤن ده
ولیکن امتحان ایله اونو امکان اولان یئرده

هوای نفسه هرکیم غالب اولسا اهل تقوادیر
آماندیرچاشمایول دان معصیت آسان اولان یئرده

بوفانی دهریده بئل باغلاماهرآلچاق انسانه
یقین بیل کی یئخاربیرگون سنی بحران اولان یئرده

شعوره باغلی دیرآنجاق حیا تین اصل معناسی
اینان کی دیغلارانسان همدمی نادان اولان یئرده

عبث فیکرایله مه عالم لرین هچ یوخدی گمراهی
روایت لردن آل بومطلبی برهان اولان یئرده

یولون آزمیش مسلمانلار حسینه اولدولار،یاغی،
شریح قاضی صاحب منصب دیوان اولان یئرده

هدف ذکرمصیبت دن رسالت حکمی دیرذاکر
قیام کربلا اهدافین آچ بهتان اولان یئرده

عزاسینداحسینه آغلاماق عین عبادت دیر
کلیدباغ جنت دیربیزه نیران اولان یئرده

یاراندی کربلاده مین بلاچون آل طاهایه
امامت حیله وتزویریله کتمان اولان یئرده

رذالت قومی صف چکدی حقیقت روبروسوندا
یزیدرذل امیرالمؤمنین عنوان اولان یئرده

قیزیل قانیله عاشوراگؤنی ثبت اولدی تاریخه
قلم شمشیر دفترجان مرکب قان اولان یئرده

کسیلدی بیربه بیریئتمیش ایکی باش تشنه صحراده
قیزیل قانه بویاندی جسمیلرالوان اولان یئرده

دیلیم عاجزدی شرحیندن نه نوعی ایله ئیم عنوان
سوسوزجان وئردیلرنهرفرات آلقان اولان یئرده

فراتین آدی ذهنیمده ابوالفضلی سالیریاده
ائدم تشریح آلامین اونون عدوان اولان یئرده

یاریب قلب سپاهی یول آچیب فتح ایله ئیب نهری
سومشگین دولدوروب بیرفرصت شایان اولان یئرده

کیم اولسیدی ایچردی مختصرآب گواردن
اولارفع عطش بلکه اونا امکان اولان یئرده

ایکی اوجون سودان دول دوردی او سقای لب تشنه
ولیکن ناروابیلدی ایچه عطشان اولان یئرده

دئدی آیانئجه سیراب اولوم اهل حرم قالسین
عطشدن خیمه لرده آهیله افغان اولان یئرده

قونوتون آچدی سوآخدی یئره عزم خیام ائتدی
فتوت حکمونه رفع عطش آسان اولان یئرده

آلیب اطرافینی لشکریاغیب هرسمتیدن اوخلار
سپاه دشمنه فرمان تیراعلان اولان یئرده

ازلده اوخلانیب مشگی اولوب مأیوس اونام آور
سوآخدی مشگیدن امیدائوی ویران اولان یئرده

تیکیلدی جسمینه مشگی اولوب آماج تیرازبس
گؤزی یولدا قالان گؤزلر اونا گریان اولان یئرده

چکیلدی مسلخ عشقه اوسردارین سرانجامی
اوزون قول لاری حق اثباتینا تاوان اولان یئرده

اوقدری ووردولاریاره چیخیب شکل وشمایل دن
آشیب حددن شقاوت کینه دن عصیان اولان یئرده

چاتیب مقصوده چون سیراب اولوب شهدشهادتدن
قالیب اهل حرم گریان اؤرکلرقان اولان یئرده

حسینین کؤرپه سربازی ال اؤسته گلدی میدانه
عطشدن کام آلا اؤچ شعبه لی پیکان اولان یئرده

سپاه دشمنه بیرآیری حالت اؤز وئریب گویا
ائدیب تأثیرچون بعضیلره وجدان اولان یئرده

وئریب فرمان تیری ناگهان فرمانده لشکر
زهین چکدی کمانین حرمله پنهان اولان یئرده

مجسم ایله ئین اؤچ شعبه اوخ بیر کؤرپه یه نیلر
خصوصأ اوخ بوغازیندن ده یه عطشان اولان یئرده

الهی بیلمیرم آیااو گؤل دن بیر اثر قالدی
ویاسوورولدی گؤل تک گؤل بوغاز شان،شان اولان یئرده

• شنبه
• 9
• اسفند
• 1399
• ساعت
• 10:54
• نوشته شده توسط
• یوسف اکبری

یاللعجب،شهره دوشوب ولوله
ولوله یوخ یوخ،دگینن زلزله
ظاهر اولوبدور تَزه بیرغائله
گلشنیمیز اولدی دچار آفته
گلدی نماینده گئنه هیئته

بوینون اگیب طوردا قالان قوش کیمی
خلقه باخور غصه لی بایقوش کیمی
تولکی دی اما اوتوروب موش کیمی
نقشه چکوربختی قرا ملته
گلدی نماینده گنه هیئته

دورد ایل اولار ترک الیوب هیئتی
یادینه سالموب ابدا امتی
گورنجه مظلوم اوتوروب لعنتی
تازه پاپاق حاضر ائدوب امته
گلدی نماینده گئنه هیئته

روضه نی تعطیل الیون عیبی یوخ
دکتری تجلیل الیون عیبی یوخ
خدمتی تکمیل الیون عیبی یوخ
دونده رجک دوزخوزی جنته
گلدی نماینده گئنه هیئتــه

گورنئجه ظاهرده ئوزی ساده دی
ساده دی،آزاده دی،افتاده دی
سورماقا خلقین قانین آماده دی
خاندی گلوب وعده وئره رعیته
گلدی نماینده گئنه هیئته

مجری برنامیه چپ چپ باخور
صورته آلنیندان عجب ترآخور
خلق عوامون باشیناکول یاخور
ساکت اولون،باشلور آقاصحبته
گلدی نماینده گئــنه هیئته

من آقالار دردیله آکندیم
جبهه اخلاصیده رزمندیم
رٲی وئرون یاخشی نمایندیم
عزمیمی جزم ایلمیشم خدمته
گلدی نماینده گئنه هیئته

شهروزی آبادائدرم واللهی
غصه دن آزاد ائدرم واللهی
حق سوزی فریادائده رم واللهی
منله چاتارسوزشرف و شوکته
گلدی نماینده گئنه هیئته

قلبوزی تیر غمیله اویمارام
کشوری غارت الیوب سویمارام
حقوزی پامال ائده لر،قویمارام
حق ییینیَ سالام ئوزوم ذلته
گلدی نماینده گئـنه هیئته

یاخشی بیلون،کئچدی کئچن دوره لر
گلدی او کی شاخهٔ فقری کسَر
ریشه ناکسلره ویرّام تبــر
توش اولاجاق دزد و دغل نخوته
گلدی نماینده گئـنه هیئته

ائتدی بودا بیرقدری آه وزار
وئردی فریبیله بوخلقه شعار
کذب ویالانلان بودا رٲیی ییغار
وای بیزه گر بیرده چاتا قدرته
گلدی نماینده گئـنه هیئته

کرسی مجلسده کی دوتدی مقام
خلقی فراموش ائده جک بالتمام
دولدوراجاق ئوز جیبینی والسلام
فکرائده جاق شام وسحر ثروته
گلدی نماینده گئنه هیئتــه

واردی سوزوم،گئتمیگون حاشیه
بوشلا غلط چیخسادا گر قافیه
رٲیی وئرون اول کسه که دوز دیـه
دقت ائدون دلده اولان نیته
گلدی نماینده گئنه هیئتــه

ایله نماینده ائدون انتخاب
اولسون ئوزی اهل حساب وکتاب
ایلمسون ملتی خانه خـــراب
ساتمیاعقبانی عبث مکنته
گلدی نماینده گئنه هیئـتــه

رٲیی وئرون بیرکسه که یاراولا
ملت غمدیدیه غمخــوار اولا
امت مظلومه هوادار اولا
وئرمیه وعده بیزی یاقلی اَتَه
گلدی نماینده گئـنه هیـئــته

• شنبه
• 9
• اسفند
• 1399
• ساعت
• 11:00
• نوشته شده توسط
• یوسف اکبری

بیر بلا نازل اولوب ایرانه هریاننان قاباخ
وارد اولموشدی ولیکن چینه ایراننان قاباخ

صادر اولدی گورنه ویروسی یوزاون بئش کشوره
نفت و گاز و پتروشیمی،برق وسیماننان قاباخ

اقتصادی یکسره دنیاده تعطیل ایلیوب
بوبلایه توش اولوب ترکیه لبناننان قاباخ

هربلا گلسه بیزیم امیدیمیز آللهه دی
کیمدی امداد ایلیین مخلوقه یزداننان قاباخ؟

احتیاط انسانلارا دنیاده شرط عقلیدور
عقل حکم ایلور سوار اول درده درماننان قاباخ

گور اطبا هانسی بیر اعماله تاکید ایلیور
موبه مو اجراء ائله هرنوع بهراننان قاباخ

منزلی ترک ایلمه بیر مدت ای اهل خرد
گیلان آلوده اولوب تهران و زنجاننان قاباخ

گر رعایت ایلسک آللهدا رحمین گونَدرر
دشمنون مایوس اولار تضعیف ایراننان قاباخ

انگلیس آمریکا اسرائیله مشکوکم ولی
چون بولار ظلم ایلیور مخلوقه شیطاننان قاباخ

اقتصاد چین و استقلال ایراندور هدف
چین وایران دوشمیه تا بلکه آلماننان قاباخ

لیک آمریکادن آرتوق انگلیس دن قورخورام
ایرانا چوخ ظلم ائدوب قیرخ اللی ائیل بوننان قاباخ

ایران اهلی انگلیسه آدقویوب (روباه پیر )
هانسی حیوان مکریده دوشموش بوحیواننان قاباخ

انگلیس باش یارماقی ترویج ائدور یاالعجب!
گورنه دین تبلیغ ائدور کافر،مسلماننان قاباخ

خواب غفلتده یاتان اشخاصی بیدار ایلیون
چیخماسین تخت اوسته اهریمن سلیماننان قاباخ

چاتموشوق عصر ظهوره همت ایتسین شیعه لر
بیز گرک فتح ایلییک شاماتی سفیاننان قاباخ

مصلح عالم اگر آماده اولساخ تیز گلر
میزبان عزم ایلر استقباله مهماننان قاباخ

(احسان) امر رهبره باش اگ امام اولسون رضا
پیرو اول نطق ایلمه بوفاضل انساننان قاباخ

• یکشنبه
• 10
• اسفند
• 1399
• ساعت
• 23:10
• نوشته شده توسط
• یوسف اکبری

بارالها بونه دوراندی که وجدان ساتیلور
کهنه بازاریده مین یوسف کنعان ساتیلور

تیره دنیاده دوشوب خیرالعمل قیمتدن
عجبا جامعه ده دینیله ایمان ساتیلور

دست ظلامیله مکتب قویولوب حراجه
دین و تقوا وشرف گورنجه ارزان ساتیلور

فاسقی دارآغاجیندان قوتارورقاضی شهر
قاضی ومحکمه و کیفرومیزان ساتیلور

پیرحق بین ادب، جبرا"اولوب خانه نشین
جاهلین سوزلری چون لوءلوءومرجان ساتیلور

بعضی عالمده ساتورآخرتین دنیایه
باشداعمامه سی چون تاج زرافشان ساتیلور

متشاعر چوخالوب، شاعر اولوب خانه نشین
غلط اشعار اولوب دفترودیوان ساتیلور

نوحه خوان نوحه دیور ساعتی بیرمیلیون آلیر
ایتمه ایراددیسم شاه شهیدان ساتیلور

درس قرآن ویریلور امته دیناره گوره
نیزه اوستونده کاءنه گینه قرآن ساتیلور

هریریندن دوران استاد اولوب مکتب آچوب
گورنه بیجایره القابیله عنوان ساتیلور

تخت زرده اوتوروب مور ایدور سلطانی
چرخده گردشه بیرباخ که سلیمان ساتیلور

توکولورحق دینون قانی بووانفساده
گینه بازاریده اوچ شعبه لی پیکان ساتیلور

چوخلی قانلارتوکولوب دین وشریعت اوسته
حیف اولا دست جفاییله کماکان ساتیلور

آفت سستی پیمان بوریوب جامعه نی
هیچه خاطر نیجه گور عهدیله پیمان ساتیلور

بیریده رنگ الیور سرچه نی بلبل یرینه
خلقه تبلیغ الیور مرغ غزلخوان ساتیلور

فقرفرهنگی ایدور امتی مین درده دچار
غرب فرهنگی اولوب ملته برهان ساتیلور

بعضی نسوان الیور جامعه ده کشف حجاب
بیردین یوخدی که حیثیت ایران ساتیلور

شیعه ناموسی دی مین رنگیله آرایش ایدور
گوهر عفتی چون قالی کاشان ساتیلور

قیزیشوب غیبت و بهتان وریابازاری
اولونور بیع وشری، مین رقم عصیان ساتیلور

صاف ایله قلبووی "ناعم"بوفنادنیاده
حشریده صاف اوره گه ، روضه ی رضوان ساتیلور

• جمعه
• 29
• اسفند
• 1399
• ساعت
• 11:57
• نوشته شده توسط
• یوسف اکبری

بیر ذاکر فرزانه،لبلرده نوا گئتدی
بلبل دهنِ باب،شاه شهدا گئتدی

بیر شخص(سلیم)آد دا،عشقونده تاپوب منسب
ئوز حنجرینی ائتدی،قربانی بو مکتب
آوازه سی ده اولدی،یا زینب و یا زینب
بو نوحه ئیلن قبره،اول پیر خدا گئتدی

هر کیم ائشیدوب صوتین،گوزدن الیوب گوزیاش
بیر دفعه یاراتماز دای،بو حنجره نی نقاش
بیرده غم سقّانی ،اوخشاردی سلیم ایکاش
استاد لری قویدی ،یاللعجبا گئتدی

تاریخ تشیع ده،اولدی آدی جاویدن
عهد ائتدی اولا بیر عمر،غم خوان شه عطشان
زهرا اونو سسلندی،مادح لر اوچون سلطان
باشینده آغارمیش مو،اگنینده قرا گئتدی

غم نامه ی زهرایه،قلبیندن اسیر اولدی
اجلال ابالفضله،مداح کبیر اولدی
بیر عمر دئدی مولا،بو آدیله پیر اولدی
آغلار گوزونی یومدی،قلبینده عزا گئتدی

چوخ یازما ((امین)) آغلا،بیر یاس بوگون صولدی
گون چیخدی ولی ناشاد،غم قلبلره دولدی
اولدی قره پوش عالم،مداحُ الحسین ئولدی
آلدی خود زهرادن،بیر یاخشی جزا گئتدی

• سه شنبه
• 3
• فروردین
• 1400
• ساعت
• 14:07
• نوشته شده توسط
• یوسف اکبری

یکرنگیده واضحدی که هئچ رنگ آغا دیمز
مین کوزه شکسته اولا گر بیر ساغا دیمز

عالَم بویی بُستان اولا گرَ٬ میوه سیز اولسا
بیر میوه ویرَن خیردا صفالی باغا دیمز

شهرین نَقَدَر میل ائلَسون جوجه کبابین
کتّده یِدیگون پِنجَئیشه قیماقا دیمز

بیر یاد ائلیَک شرم و حیالی آنالاردان
دنیا دولیسی مُدْلی لباس یاشماقا دیمز

اللّه عَظمتلی یاردوب داغلاری یغسون
سن هر نَقَدَر داش داشین اوسته داغا دیمز

دوشسه قورولوق یِر یوزونه اوندا بیلرسن
ثروت نَقَدَر اولسادا بیر یاغماقا دیمز

یِر گوی علینون عشقینه خاطر یارانوبدی
رضوان باغی بی حُبّ علی یاپراقا دیمز

حیراندی حسینون ایشینه عقل نبی لر
وار یوخلاری قانه بَلَشَن قونداقا دیمز

قورتار غزلون (فیضی) صورا عشقیله سسلن
(جَنّتده حسینسیز بیر اووج تپراقا دیمز)

• شنبه
• 7
• فروردین
• 1400
• ساعت
• 12:40
• نوشته شده توسط
• یوسف اکبری

مردان خدا مست تولّا گرگ اولسون
پیچ وخم تقدیرینه بیناگرگ اولسون

پویا گر اولان راه عروج ملکوته
دام خطر راهه مهیّا گرگ اولسون

دنیا طلبه عشقون آچلماز در وصلی
صاحب نظرون روحیده احیاگرگ اولسون

پیمانه ساقی ده هَلاهل اگراولسا
حق عاشقینه شهدگوارا گرگ اولسون

معشوق حضورینده تَقرّب گزن عاشق
بی حاجت وبی رغبت دنیاگرگ اولسون

عشقون اوخونا نیزه سینه سالک حقون
بی واهمه قلبینده تمنّا گرگ اولسون

عاشقسن اگرشهرت شش روزه نی بوشلا
سلمانلیق ایدن تابع مولا گرگ اولسون

احیا ایلین عشقی حسین اولدی ولاغیر
مقتل دیدی حق اوسته مصّلی گرگ اولسون

قلبیم اوخادا نیزیه ده اولسا نشانه
حق آیتی دی آینه سیماگرگ اولسون

دلبرکه منه ساقی عشاق آدی قویدی
میخانه وحدتده، مصفـّاگرگ اولسون

وارخالق صورتگریلن قول وقراریم
عشق آینـۀ لیلة الاَسرا گرگ اولسون

معراجه منی نیزه ده ، یارایتدی مکلّف
عهدی که قبول ایتمشم اجراگرگ اولسون

• پنج شنبه
• 12
• فروردین
• 1400
• ساعت
• 12:13
• نوشته شده توسط
• یوسف اکبری

نقدری واردی جهان شاعر ئولمیوب ئولمز
مدال عشقی سالان شاعر ئولمیوب ئولمز

وئروبدی شاعره حق، طبعِ شعری آرتیق پای
سو مثلی طبعی روان شاعر ئولمیوب ئولمز

پیمبر عشقیله حَسّانی ایلیوب تحسین
شرفلی نام و نشان شاعر ئولمیوب ئولمز

وئروبله چوخلی صله شاعره ائمّه ی نور
بورونسه نوره اینان شاعر ئولمیوب ئولمز

فرزدقی ائلیوب زنده، مدحِ زین العباد
بیلوبدی پیر و جوان شاعر ئولمیوب ئولمز

وئروبدی کؤینگینی دعبله امام رضا
آدی همیشه قالان شاعر ئولمیوب ئولمز

مثَلده سؤزلری دُردی نخِ خیاله دوزوب
همیشه یاد اولونان شاعر ئولمیوب ئولمز

قیامتین گونی هر بیتینه آلار بیر بیت
او مستحقِّ جنان شاعر ئولمیوب ئولمز

گلنده هیئته اوّل ئوپر قرا علَمی
عزاده سینه ووران شاعر ئولمیوب ئولمز

یانیقلی شعرلریله اؤره کلری داغلار
انیس آه و فغان شاعر ئولمیوب ئولمز

حسینچی شاعری یاددان چیخاتماز عاشق لر
اثرلری اوخونان شاعر ئولمیوب ئولمز

وضو آلار گئجه لر گوزیاشیلا، نوحه یازار
عذاره اشکی آخان شاعر ئولمیوب ئولمز

اذان صبحه کیمی شمع تک یانار دلدن
قیلوب نمازی یاتان شاعر ئولمیوب ئولمز

سالار خیاله خیامین یانان چاغین آغلار
غمیله قلبی یانان شاعر ئولمیوب ئولمز

چیخاندا جانی گوزی آختارار، حسین آقانی
وصالین عطرین آلان شاعر ئولمیوب ئولمز

قیزیل سوویلا یازیلسا بو سؤز گئنه آزدی
حسینه نوحه یازان شاعر ئولمیوب ئولمز

حسین غمیله «بشیر»ین جوانلیقی سووشوب
بو غمده تئز قوجالان شاعر ئولمیوب ئولمز

• دوشنبه
• 16
• فروردین
• 1400
• ساعت
• 17:45
• نوشته شده توسط
• یوسف اکبری

ای شیعه دئنن حاجی سلیم ئولمیوب ئولمز
مدّاح لرین تاجی سلیم ئولمیوب ئولمز

دستمال عزا الده حسینون آدی دلده
طیّ ایلدی منهاجی سلیم ئولمیوب ئولمز

غم کعبه سینی قاره گیوب طوف ائلیوبدور
گوزیاشلی اولان حاجی سلیم ئولمیوب ئولمز

هشتاد ایل حسینون غمی قلبینده یئر ائتدی
تیر غمین آماجی سلیم ئولمیوب ئولمز

منصور «أناالحق» دئدی٬ بو سسلدی «زینب»
مات ایلیوب حلاّجی سلیم ئولمیوب ئولمز

کئچدی بو خیالیمدن٬ حسین زینبه سؤیلر
مدّاح دور ای باجی! سلیم ئولمیوب ئولمز

ییرمی ایکی گون ماه صفرده سفر ائتدی
قصد ایلدی معراجی٬ سلیم ئولمیوب ئولمز

یومدی گوزونی گوزلری آغلاتدی بولود تک
مدحین یمِ موّاجی سلیم ئولمیوب ئولمز

مثلی نه گلوبدور نه گلر عالمه الحق
آللّهه اولوب راجی سلیم ئولمیوب ئولمز

داودی٬ قیزیل حنجره سی حیرته سالمیش
ای منجی و ای ناجی! سلیم ئولمیوب ئولمز

سؤندی دئسم انصاف دگول شمعِ صداسی
سس بحرینون امواجی سلیم ئولمیوب ئولمز

هردن قولاق آس دقتیله «اکبره باخه»
عشقین قَوی لیلاجی سلیم ئولمیوب ئولمز

حشره کیمی صوتی قالاجاق گوش زماندا
ای مرثیه محتاجی! سلیم ئولمیوب ئولمز

یاز دفتر باورده «بشیر»ا٬ اوخوسونلار
ای شیعه! دئنن: حاجی سلیم ئولمیوب ئولمز

• پنج شنبه
• 19
• فروردین
• 1400
• ساعت
• 12:03
• نوشته شده توسط
• یوسف اکبری

ای شعر و ادب درسینون استادی کریمی
هر یانی گونش تک بوروین آدی کریمی

فخر ایله که شاه شهدائیله آداشسان
شعره او امامین آدی امضادی کریمی

قال یام یاشیل ای عشق باغیندا اوجا بوی سرو
شأنون اوجا بیر سرو دل آرادی کریمی

چوخلار سنه شعریله یازوب نامه دَیَرلی
من یازدیقیمین واردی چوخ ایرادی کریمی

یارّام او دایاقسیز داغی شیرین سوزه خاطر
حیران ائلرم شعریله فرهادی کریمی

هئچ عصریده یوخ طنز یازان سن کیمی ترکی
ای دیل دوداقون سینیِ قنّادی کریمی

گلسون قُما هر گون گوزومون اوسته یئرون وار
قم ئولکه سی گوز لفظینه معنادی کریمی

آلله سنی چوخ گورمه سین عشّاق حسینه
اشعارون عجب لوءلوء لالادی کریمی

"طومار محبتده" چوخ عبرت سوزی واردی
دنیا بلی دنیا بلی دنیادی کریمی

بیر گون شعرا ایچره بیزیم ائوده واریدون
آلیقشلاماقون دل‌لره یارادی کریمی

بیر گونده یادیمدادی سیزن منزله گلدیم
گوردوم که ائوون بیت تولاّدی کریمی

هر یاندا مراغه تانینیب شعرلرونله
میدان کریمی شغف افزادی کریمی

عشقین اتاقیندا اوخویور شعریوی، بیلمور
آرواد اری مینسین یا ار آروادی کریمی

طاغوت زمانی ائشیدوب شعریوی تهمز
واردور دوداقیندا هله ده دادی کریمی

شیخ الشعرا سن گوروم عمرون اوزون اولسون
البته که لطف حق یکتادی کریمی

بو نامه ی منظومی یازان اهل میانه
قمدا یاشیان ذوقولو ملاّدی کریمی

اشعاری بشیرین ائله شیریندی دوداقدا
بالدا دئمه سم عین مربّادی کریمی

• پنج شنبه
• 19
• فروردین
• 1400
• ساعت
• 12:37
• نوشته شده توسط
• یوسف اکبری

ای شاعر پر توان کریمی
طبعی سو کیمی روان کریمی
عرض ادب و سلام اولسون
مندن سنه آن به آن کریمی
شیخ الشعرا ادیب کامل
شعر عالمی پهلوان کریمی
فکر ایلیورم گورَنمیوبدی
گورمز تایوی زمان کریمی
چوخلار یازوب اهل بیته نوحه
یوخ سن کیمی بیر یازان کریمی
آدون سالوری حسینی یاده
استادیمیش آد قویان کریمی
اولسونلا قوناقی اهل بیتین
جنتده آتان - آنان کریمی
آرزی ائدیرم که اَسمه سین هئچ
عمرون باغینا خزان کریمی
فخریم بودی شهر قم دا بیرگون
اولدوم سنه میزبان کریمی
اوندان بویوک بو فخردور کی
گلدیم سیزه میهمان کریمی
سن تک هامی ذره پرور اولماز
ای گون کیمی مهربان کریمی
شعرین دنیزینده بیر صدف سن
محفل لره دُرفشان کریمی
طنزونده گوزلدی مرثیه ونده
ای گولدوروب آغلادان کریمی
بیر عده نی یاندیروب یاخیرسان
سن اؤدسان اولار کتان٬ کریمی
ای بیشه ی شعر شیر غرّان
ای قدریلی قهرمان کریمی
قالسین قلمون یاشیل سوزون تک
هر قدری کی وار جهان کریمی
سن پیرغلام آستانسان
ای روحیه سی جوان کریمی
یاز فاطمه نین مصائبیندن
یاز قدّی اولوب کمان٬ کریمی
چوخ وقتوی آلمیوم تئز اولسین
آخر کی سوزوم عیان کریمی
هر قدری کی نقطه چین واروندی
وئر ثانی یه رایگان کریمی
بو شعری «بشیر» یازدی الده
تا کی ائده ارمغان٬ کریمی

• پنج شنبه
• 19
• فروردین
• 1400
• ساعت
• 12:38
• نوشته شده توسط
• یوسف اکبری

(ذرّیه ی حزینِ شیر خدا سکینه)
(دلبندِ دلغمینِ شاه ولا سکینه)
حاج تقی خاتمی

زهرا آناسی مثلی آدلاندی خیرنسوان
آیینه‌‌ی جلالِ خیرالنسا سکینه

مولا حسین بو آدی هر ائوده وار چوخ ایستر
هر بیر قیزا روادی الگو اولا سکینه

مستغرق خدادی عرفان و معرفتده
حق مسلکینده اولدی محو خدا سکینه

اوصافی چوخدی امّا شاعرلر آز یازوبلار
اوندان بئله بو جمعه ایلر عطا سکینه

تا دیل دئدی "سکینه" تاپدی اورَک سکینه
معنایه باخ که ایلر درده دوا سکینه

اشعار شاعرانی نقد ایلییردی بیر بیر
استاد ملک شعر و شور و نوا سکینه

کرب‌وبلا چولونده درس آلدی عمه‌سیندن
روایّ روضه‌های کرب‌و بلا سکینه

ای شیعه سو ایچنده سال یادیوه حسینی
بو شعری نقل ائدوبدی غرق بلا سکینه

یاد ایلیون حسینی هر بیر غریب ئولنده
سالدی آتانی یاده درد آشنا سکینه

ای باوفا حسینچی! اهل ولا حسینچی!
درده دوشنده سسله صدقیه "یاسکینه"

چوخ عمر ائدوب اودور کی چوخ آغلیوب اورکدن
سالدی بلالی باشه دائم قرا سکینه

عین رباب آناسی قورتولمادی نواسی
اصغر غمینده یاندی قلبی یارا سکینه

پنج ربیع الاول چیخماز منیم یادیمدان
اُول گونده جان وئروب چون بی اقربا سکینه

خوشدور بداهه قالسین عشاقه یادگاری
یازدی "بشیر" امّا وئردی صفا سکینه

• یکشنبه
• 22
• فروردین
• 1400
• ساعت
• 21:39
• نوشته شده توسط
• یوسف اکبری

هر یئرده عزا مجلسینین نوری گئدوبدی‌
یول گوزلمیون دای حاج منصوری گئدوبدی
‌‌
دنیاده اولان پاک الی ال‌لردن اوزولدی
بیر یاخچی ستاره‌یدی مدارینده سوزولدی

گلزار وفاده گل و گلزاریمیز ئولدی
ای اهل عزا بلبل اربابمیز ئولدی

ال‌لرده ئولن سَروره ای وای دئدی گئتدی
اوخلی بوغازی اصغره لای لای دئدی گئتدی

چوخ آغلادی زهرا خانیما قلبی سیخیلدی
وار نیسکیل اوکلرده غریب یئرده یخیلدی

دنیا بویی دیل‌لرده شیرین سوزلری قالدی
تپراقلارین آلتیندا گوزل گوزلری قالدی

بیر نازلی قیزی واردی بوتون ائل‌لر عزیزی
زینب‌دی آدی زینب مظلومه کنیزی

باش اگمدی بیگانیه عالمده باج آلدی
روضه دئدی زینب خانیما باشی اوجالدی

نوحه اوخودی ایله‌دی عُقبا ائوین آباد
اوز یانینه جنت‌ده چکر حضرت سجاد

بیرده داخی اُول چهره‌نی دیل اهلی گورَنمز
هیئت‌لره بیرده حاجی منصوری گلنمز

• دوشنبه
• 23
• فروردین
• 1400
• ساعت
• 15:18
• نوشته شده توسط
• یوسف اکبری

کیمدی بو سلطانِ والاقدر و والا حنجره
کیمدی بو اسطورهء پاک و مطلّا حنجره

بو ملاحتده ائشیتمز گوش عالم بیر نوا
بو گوزللیکده گورنمز چشم دنیا حنجره

ئوز سسیلن دار دنیاده بیر ایش گوردی سلیم
تا ابد انسانلارا اولدی معمّا حنجره

ائتدی استنشاق چون کرب و بلا طوفانینی
بیر گلودن ظاهر اولدی یدّی دریا حنجره

کیم بونعمتدن سوال ائتدی موذن زاده دن
سویلدی مِن فَضلِ معبودیمدی هذا حنجره

ای سلیمون نغمه سیلن عرشه پرواز ایلین
گور هله بال ملک قدرتلیدی یا حنجره

بی ریا گفتار و کرداریله اثبات ایلدی
نوحه خوانی ایلمز مشهور، تنها حنجره

دردینه دگمز بو درگاهین بصیرت سیز هنر
گوز کیمین اولسون گرک عالمده بینا حنجره

هیچ کسی مدح ائتمدی الّا حسین بن علی
ایلدی یعنی تملق دن تبرّا حنجره !

خلق ائدرلر خاطرات بی بدیل و ماندگار
اَل اَله وئرسه توانا سوز توانا حنجره

تارهای صوتیه غیرت وئره صیقل اگر
خنجره اوخشار بُرش ده بی مَهابا حنجره

اوتلی فریادین توکر هَردم یزیدون باشینه
زینیبن گر اَللریلن اولسا امضا حنجره

نغمیه ارزش وئرن مضمون زیبادور"وفا"
یوخساچوخدور شهریده خوشرنگ وزیبا حنجره

• سه شنبه
• 24
• فروردین
• 1400
• ساعت
• 15:59
• نوشته شده توسط
• یوسف اکبری

شیخ الشعرا حضرت استاد کریمی
فخر ادبا حضرت استاد کریمی

بیر عارف فرزانه دی کی مثلی تاپولماز
وارسته دی شخصیت استاد کریمی

اشعارنین آوازه سی بین المللی دور
آفاقی دوتوب شهرت استاد کریمی

هم مرثیه شعرینده اولوب شهره عالم
هم طنزیده وار قدرت استاد کریمی

انصافأ هامی اهل هنر خاطرین ایستر
شاعرلره وار منت استاد کریمی

بلبل اوخوسا شعرلرین صحن چمنده
گلزاری آلار نکهت استاد کریمی

هر یرده که سوز دوشسه اگر شعر و ادبدن
اوردا دوشه جاق صحبت استاد کریمی

بازارینه رونق وئروب الله تعالی
سینماز ابدأ قیمت استاد کریمی

درگاه ولایتده قوجالدیقجا،اوجالدی
اوجه یتیشوب رفعت استاد کریمی

ائل شاعریدی صاحب دیوان مجلل
واجب دی بیزه حرمت استاد کریمی

گورمز داخی دنیا بیله استاد سخنور
دللرده قالار حسرت استاد کریمی

یارب منیم هیچ بیرگونیمی یارسیز ائتمه
مشگل دی منه فرقت استاد کریمی

دوشسه یولوویز جمعه گونی شهر مرایا
دایردی او گون هیئت استاد کریمی

غیبت ایلمکدن متنفردی شدیدأ
الگودی بیزه خصلت استاد کریمی

(فرهادی)مین ایلده قالا تعریف ائده بیلمز
آساندی مگر مدحت استاد کریمی

• یکشنبه
• 9
• خرداد
• 1400
• ساعت
• 17:10
• نوشته شده توسط
• یوسف اکبری

سنی ئولدوردی بو دنیاده سوز و ساز منصوری
فنا دنیادن ائتدون قوش کیمی پرواز منصوری

ئولونجه پرچم اسلامین آلتیندا نفس ویردون
هوای نفسی زنجیره چکوب قفل قفس ویردون
حقیقی عشقه دل وئردون مجازی عشقی پس ویردون
سنیله قبریده دفن اولدی یوز مین راز منصوری

همیشه گوزیاشون دلدارین عشقینده نثار اولدی
او گوزلردن آخان یاش روضه لرده اعتبار اولدی
اودور هجرونده یکسر اهل ایران سوگوار اولدی
سن ائتدون بیر حیات تازه نی آغاز منصوری

محرمده قان آغلار تکیه لرده کوزه لر سنسیز
بو ایل وئرمز صفا اهل عزایه حوزه لر سنسیز
آخار گوز یاشلاری اما یاپیشمازروضه لر سنسیز
هانی اول لحن جانسوزون ائده اعجاز منصوری

سنه کوثر دوتار ماتم غمونده سلسبیل آغلار
جوشار دریای عمان محنتونده رود نیل آغلار
یرین بوش گورسنه هر یرده اهل اردبیل آغلار
نه تز اوچدون قفسدن ای گوزل شهباز منصوری

ادب دانشسراسیندن مجلل امتیاز آلدون
حسینه روضه خونی ائتماقا حقدن جواز آلدون
اودم کی دعوت اولدون وصل یاره دستماز آلدون
بئله بیر وصلته ایلر دل اهلی ناز منصوری

• چهارشنبه
• 12
• خرداد
• 1400
• ساعت
• 11:46
• نوشته شده توسط
• یوسف اکبری

سرمه لی شهلا باخشلی بیر نگار ایستر کونول
بدنظرلر آفتین اوندان کنار ایستر کونول

لعلِ لب، زیبا باخیش، چاه زنخ، زلف پریش
حسنونون مجموعه سیندن هرنه وار ایستر کونول

لیلی مجنونه ووران بندین سیاقنده مدام
ایله بیر زلف کمند تابدار ایستر کونول

ماه وش شاهین جلالین شوکتین، اول دولتین
وار نقدری تخت سلطان، برقرار ایستر کونول

یاندروب عاشقلرین عشقین شرارینده، ولیک
مجمر عشقین دمادم شعله بار ایستر کونول

اختیاریلن آخانماز گوز یاشی هیچ بیر کسین
اول سببدن آغلاماق بی اختیار ایستر کونول

قلبیمون باشی یانار، یاندوقجا گوزیاشیم آخار
تا آخار، بو گوز بولاقین دجله وار ایستر کونول

ای نگاریم نازلی شاهیم سائلم باش چک منه
وصلوون مشتاقیم، روز قرار ایستر کونول

بش گون اولدی دهریده تخت سلیمان حشمتی
سن کیمین شاهی ولیکن پایدار ایستر کونول

گل (نگین) گنجینیه اَل وورما گیزلت دُرّوی
گرچه هر دم خامه وی گوهرنثار ایستر کونول

• چهارشنبه
• 12
• خرداد
• 1400
• ساعت
• 17:21
• نوشته شده توسط
• یوسف اکبری

حکّام لر جفاسی آلوبدور توان و تاب
مظلوم لر اودور که توکور دُرّ ِ اشک ِ ناب

ماوا اولوبدی مکریله اصلانلارا قفس
میدانی بوش گوروبدوله زوزه چکور ذئاب

انسانلار ایچره خوی بهائم نچون گرک
چوخ حیفدور که انسان اولا بدترین دواب

آت بیر کناره باشدا منیّت کلاهنی
چوخ خوشدی غوطه ور اولا دریالره حباب

تا زنده سن بو بنده لره خدمت ایتگیلن
قبر ایچره وار قاباقدا سنه راحتیله خواب

یاندی بو خلق جانی قیزل گُل کیمی تمام
ئوز دردینین دواسنه بیر تاپمادی گلاب

گویدن یاغیشدا گلدی بیزه قطره چاتمادی
دریانی گل قوروتماگلان ایلمه سراب

عرشه دایاندی ناله بو مظلوم خلقدن
یارب اوزون دعالری گل ایله مستجاب

گر اختیار ویرسه منه جبر روزگار
اول شاهی انتخاب ایدرم اولموش انتصاب

خدمت (نگینی) بنده لره ایتماقا عطا
واردور امیدیمیز که گَله شاه مستطاب

• چهارشنبه
• 12
• خرداد
• 1400
• ساعت
• 17:44
• نوشته شده توسط
• یوسف اکبری

ثبت ایلیورم مطلبیمی دفتره قارداش
تا اینکه قرائت اولونا ائللره قارداش

قصدیم بودی بو مطلب اولا پند و نصیحت
هم قادره هم قدرته هم قنبره قارداش

واردور یری سنده سوزومه ایله توجه
کیمدور چیخا من تک بئله بیر منبره قارداش

بیر واقعه دن عرض ائدورم تا هامی بیلسین
فخر ایلوری گوردوم صفری صفدره قارداش

فخریله دیور واردی منیم شاستی بلندیم
سن پای پیاده گئدوسن معبره قارداش

قالسین هله بو آیریسین آلدیم گئچن آیدا
اهدا ائلدیم نامزدیم گوهره قارداش

هر آیدا منیم یوز نئچه میلیوندی حقوقیم
سن ایشلییسن اللی مینه یاوره قارداش

دنیاده منیم سفره الوانیمه تای یوخ
سن میل ائدوسن نان و پنیر و تره قارداش

گوردوم او زمان صفدری محنتدن آلیشدی
اودلاندی منیمده اوره گیم یکسره قارداش

عرض ائتدیم اودمده صفره بسدی قولاق وئر
سن بنده سن آیا دیگورم داوره قارداش

فخر ایلمه اموالیوه دنیاده عزیزیم
اول اهل یقین فخر ائله پیغمبره قارداش

عمرون نقدر اولسادا اول خالقه بنده
اولما بو قدر بنده طلا و زره قارداش

عالمده سنون چوخدی وارون ائتمه تلنبار
احسان ائله خوشدور بیر آزین صفدره قارداش

انسانسان اگر ظلم و ستمدن حذر ایله
هی زور دئمه غمدن یورولان خیبره قارداش

من (سالکم) ائتدیم صفری حقه هدایت
احسان وئروری گونده بیلون ائللره قارداش

هر کیم اولا دنیاده اگر حقینه قانع
خندان گلر عقباده صف محشره قارداش

• یکشنبه
• 23
• خرداد
• 1400
• ساعت
• 18:54
• نوشته شده توسط
• یوسف اکبری