اشعار طفلان حضرت مسلم (ع)

مرتب سازی براساس
 ابوالفضل عباسی معروفان

متن شعر ترکی طفلان حضرت مسلم (ع) -(قانه باتیب کوفه ده مسلمون بالالاری ) * ابوالفضل عباسی معروفان

5706
4

متن شعر ترکی طفلان حضرت مسلم (ع)  -(قانه باتیب کوفه ده مسلمون بالالاری ) قانه باتیب کوفه ده مسلمون بالالاری
تازه لنیب شیعه نین قلبده یارالاری
.
حارثین . ظلمینه . یاندی داشلار آغلادی
نهرده . جسملر ‌. یئرده باشلار آغلادی
.
.
.
.
ظلم ایلمز میزبان ائوده ئوز قوناقینه
عزتیلن ساخلیار گل سپر ایاقینه
نیلمیشدی حارثه نور دیده لر مگر
ال آپاریب غیضیلن خنجرین سراغینه
.
گللرین . پیکری . باد غصه دن اسوب
هم بویوک . هم کیچیک . قاداشین باشین کسوب
.
.
.
.
صبح بلا قبلیه قیلدیلار نمازلارین
تا که بیان ائتدیلر خالقه نیازلارین
پیک اجل باشلاری اوسته سالدی سایه سین
رحم ائتمیوب گوللره کسدی گل بوغازلارین
.
گل عمو . یا حسین . سسلدی دوداقلاری
باغریقان . وئردی جان .‌ حارثین قوناقلاری
.
.
.
.
ائتد

  • سه شنبه
  • 1
  • مرداد
  • 1398
  • ساعت
  • 11:47
  • نوشته شده توسط
  • ابوالفضل عابدی پور
ادامه مطلب
فروشگاه پرچم

متن شعر ترکی در حال و هوای محرم و گریز به حاالات جناب مسلم (س) -(گجه گوندوز دولانیب گلدی گنه ماه عزا) * حسنعلی بالایی

775
1

متن شعر ترکی در حال و هوای محرم و گریز به حاالات جناب مسلم (س) -(گجه گوندوز دولانیب گلدی گنه ماه عزا) گجه گوندوز دولانیب گلدی گنه ماه عزا
آغلیور عالم حسینه چکیلوب عرشه قرا
سالیب آفاقه او مولانین آدی شور و نوا
یغیشوب بیرده حسینیه لره اهل ولا
نوحه خوانلار اوخیولار آقاما مدح وثنا
نجه گون باشینه منظومه ی شمسی دولانار
دولانیب شمعین اودوندا نجه پروانه یانار
نجه بلبل باغی شیدالیقی چون یاخشی سانار
یار یولی اوسته نجه منتظر عاشق دایانار
ایلروک بیزده حسین آدی گلن یرده صفا
روضه سی نقل اولونان یرده بولود تک دولاروخ
یاده سالوق سوسوز اطفالینی گل تک سولاروق
بیز حسینیله خداونده مقرب اولاروخ
آلسا الله بوحسین آدینی بیزدن نولاروخ
بیزه اربابیمیزون درگهیدور باب رجا
اوج عزتدی اولاخ درگه مولایه غلام
دوزگون انسانلارا

  • شنبه
  • 26
  • مرداد
  • 1398
  • ساعت
  • 11:01
  • نوشته شده توسط
  • ابوالفضل عابدی پور
ادامه مطلب

زبانحال طفلان حضرت مسلم(ع) -(حارث ئولدورمه غریبوخ وطن آواره سیوخ) *مرحوم میرزا یوسف شهاب تبریزی

541

زبانحال طفلان حضرت مسلم(ع) -(حارث ئولدورمه غریبوخ وطن آواره سیوخ) حارث ئولدورمه غریبوخ وطن آواره سیوخ
آهویِ جینِ بلایوخ، خُتن آواره سیوخ

دامه سالمشدی نه مدّتدی که صیّاد ستم
آچیلوب باب امید اولدی نمایان ره رم
سنده باخ بو سارالان رنگیمیزه ایله کرم
حارث اُلدورمه غریبوخ وطن آواره سیوخ

اَریدوب گوشه ی زنداندا غُل و کنده بیزی
رحم ایدر هر نجه کافر گوره بو گونده بیزی
رحم قیل ابن زیاده گَل آپار زنده بیزی
حارث اُلدورمه غریبوخ وطن آواره سیوخ

سن خلاص ایتسن اگر یثربه بیر باش گیدروخ
توکَروخ هر گئجه گوندوز یوزه قانیاش گیدروخ
یول یوزین اَل اَله ویرّوخ ایکی قارداش گیدروخ
حارث اُلدورمه غریبوخ وطن آواره سیوخ

بیز سنون راییوه گیرم که مسلمان دگلوخ
نور هردو بصر مسلّم نالان دگلوخ
اُلدورورسن بیزی آیا سنه مهمان دگلوخ
حارث اُلدورمه غریبوخ وطن آواره سیوخ

شک یوخدور بو حدیثه که پیمبر بویوروب
اَکرِمو الضَّیف ولو کیم اولا کافر بویوروب
بو قَدَر ظلم و ستم هاردا او سرور بویوروب
حارث اُلدورمه غریبوخ وطن آواره سیوخ

مال دنیادن اوتور ایتمه گونی قارده بیزی
کَس قرا زلفیمیزی، چَک گیله بازاره بیزی
سات گیلن غول یرینه درهم و دیناره بیزی
حارث اُلدورمه غریبوخ وطن آواره سیوخ

نه روادور بو قَدَر درد و غم و محنتیلن
اَُلدورورسن بیزی ناحق یره بو ذلّتیلن
جان ویراخ غربت آرا اولما رضا حسرتیلن
حارث اُلدورمه غریبوخ وطن آواره سیوخ

بو ولایتده غریبوخ بُلوسن یوخ کسیمیز
نه پناه و نه امید و نه داد رسیمیز
آتا مرگی آنا هجری اولور آخِر بَسیمیز
حارث اُلدورمه غریبوخ وطن آواره سیوخ

ایسته سن نامه ی اعمالیوه یازسونلا ثواب
مجلس غمده بو شهزاده لره آغلا «شهاب»
غم یمه بو سوزی محشر گونی ایللّر حساب
حارث اُلدورمه غریبوخ وطن آواره سیوخ

  • جمعه
  • 5
  • شهریور
  • 1400
  • ساعت
  • 11:53
  • نوشته شده توسط
  • یوسف اکبری
ادامه مطلب
 حسین حسنی افشرد

شهادت پسران حضرت مسلم(ع) -(حضرت پیغمبره ویرّم قسم حارث سنی) * حسین حسنی افشرد

419

شهادت پسران حضرت مسلم(ع) -(حضرت پیغمبره ویرّم قسم حارث سنی) حضرت پیغمبره ویرّم قسم حارث سنی
گل محمّد قارداشیمدان اَل گوتور ئولدور منی

گل ترحّم ایت منیم قان ایلمه گوزیاشیمی
رحمون اولسون ای شقی ئولدورمه بو قارداشیمی
قارداشمدان گل قاباق ظالم منیم کس باشیمی
گل محمّد قارداشیمدان اَل گوتور ئولدور منی

چوخ اونا غیظیله باخما قورخور ای شوم دنی
ئولدورورسن ایمدی که سن ای قساوت معدنی
یوخ سوزوم ئولدور ولی اوندان قاباق ئولدور منی
گل محمّد قارداشیمدان اَل گوتور ئولدور منی

اوز ایوینده ئولدورورسن اوز قوناقون یوخ سوزوم
قارداشیم ئولسون قاباقیمده نجه بس من دوزوم
قارداشین قانه باتان نعشین نجه گورسون گوزوم
گل محمّد قارداشیمدان اَل گوتور ئولدور منی

بیز غریبوخ گرچه ظالم مسلمون اطفالیوخ
بیز آنامیز وار اونون دلدن پریشان حالیوخ
ئولدورورسن بیزلری آخر بو ایشدن حالیوخ
گل محمّد قارداشیمدان اَل گوتور ئولدور منی

من دیمم ئولدورمه ظالم رحم ایله بو بی کسه
یوخ گمانیم گیتماقا داده بو یرده بیر کسه
قارداشین اولماز یانندا باشینی دشمن کسه
گل محمّد قارداشیمدان اَل گوتور ئولدور منی

یوخدی گرچه سنده هیچ رحم و مروّتدن اثر
قارداشیم گور مرغ بسمل تک نجه تترر اَسر
قارداشین یانندا کیم قارداشینون باشین کسر
گل محمّد قارداشیمدان اَل گوتور ئولدور منی

ایلیوبدی جسمیوه چون روح شیطانی حلول
هر نه خواهش ایلروخ ردّ ایلوسن خصم رسول
ایمدی گل بیر لامحاله بو سوزی ایله قبول
گل محمّد قارداشیمدان اَل گوتور ئولدور منی

اولموشوق مدتدی ظالم بیز وطن آواره سی
دوشموشوق بیر ایله بیر درده تاپولماز چاره سی
وورما ایمدی قلبیمه سن باری قارداش یاره سی
گل محمّد قارداشیمدان اَل گوتور ئولدور منی

عمرونون شمعین دیمم بو گونده خاموش ایلمه
حکم ایدر الله آرامیزدا فراموش ایلمه
باری گل قارداش فراقینه منی توش ایلمه
گل محمّد قارداشیمدان اَل گوتور ئولدور منی

کافر ئولدورمز قوناقین اوز ایوینده رحم ایله
قویماز آهیم نخل امّیدون یتیشسین حاصله
میزبان بو نوع رفتار ایلمز مهمانیله
گل محمّد قارداشیمدان اَل گوتور ئولدور منی

  • دوشنبه
  • 10
  • خرداد
  • 1400
  • ساعت
  • 15:02
  • نوشته شده توسط
  • یوسف اکبری
ادامه مطلب
 محمدرضا صادقی

زبانحال طفلان حضرت مسلم(ع) -(رحم ایله حارث سن بیزه قرآنه خاطر) * محمدرضا صادقی

587
2

زبانحال طفلان حضرت مسلم(ع) -(رحم ایله حارث سن بیزه قرآنه خاطر) رحم ایله حارث سن بیزه قرآنه خاطر
ئولدورمه ناحق حضرت سبحانه خاطر

بیز مسلمون اطفالیوخ ای نامسلمان
گل قویما غربتده بیزی نالان و گریان
قیلماز روا بو ظلمی هیچ انسانه انسان
رحم ایله حارث سن بیزه قرآنه خاطر

بیر نچه مدت گوشه زنداندا قالدوخ
دوزدی رضای حضرت جانانی آلدوخ
اما او یرده گل کیمی سولدوخ سارالدوخ
رحم ایله حارث سن بیزه قرآنه خاطر

اولما رضا چکسون آنامیز درد و محنت
اطفالینه قالسون گوزی یولاردا حسرت
خوف ایله روز حشریدن ای نامروت
رحم ایله حارث سن بیزه قرآنه خاطر

مهر و محبتده گورورسن بی نصیبوخ
بیر کیمسه میز یوخدور بو غربتده غریبوخ
اما رسول اللهه منسبده قریبوخ
رحم ایله حارث سن بیزه قرآنه خاطر

ئولدورمه ناحق بیزلری بو ذلتیلن
تا اشکینی توکسون آنامیز حسرتیلن
آیا بیزه ظلم ایلوسن نه علتیلن
رحم ایله حارث سن بیزه قرآنه خاطر

« شیدا » بو غمده توک یوزه اشک روانون
عرشه اوجالسون ناله و آه و فغانون
بو مطلعی ائت روز و شب ورد زبانون
رحم ایله حارث سن بیزه قرآنه خاطر

  • جمعه
  • 8
  • مرداد
  • 1400
  • ساعت
  • 11:09
  • نوشته شده توسط
  • یوسف اکبری
ادامه مطلب
 حاج اصغر فرشچی

طفلان حضرت مسلم(ع) -(حارث قوناقووخ بیز رحم ایله باخ خدایه) * حاج اصغر فرشچی

461

طفلان حضرت مسلم(ع) -(حارث قوناقووخ بیز رحم ایله باخ خدایه) حارث قوناقووخ بیز رحم ایله باخ خدایه
اولدورمه وار قیامت ظالم چاتار جزایه
ویرما بلالیوخ بیز
ائلدن آرالیوخ بیز
تکرار درآخر هر بند

گوزلور وطنده ایندی بیرمهربان آنامیز
قالمور شهید ایدوبلر مسلم کیمی بابامیز
بی یاورو غریبوخ وار دیلده التجامیز
ویروخ قسم سنی بیز زهرایه مصظفایه

یثبرده بیر باجیم وار قلبی دونوبدی قانه
هجران اودی سالوبدی درده گلوب فغانه
بلبل کیمی گل اوسته باشلوبدی بیر ترانه
قارداش دیلنده آغلار آهی چخوب سمایه

چوخ گزموشوخ توان یوخ زار وملول وخسته
بیرایل قفسده اولدوخ عنقای پرشکسته
مندن یاتاردی با هم بو قارداشیم یراوسته
رازو نیاز ایدردوخ الله مقتدایه

بیزقوشکیمی سیخلدوخ بوایوده چون بوداقه
هیچ میزبان تاپولمازظلم ایلسون قوناقه
آغلار قالوب آنامیز دوزمز بو قدر فراقه
بولسه ایکی گل یاس پرپر اولوب جفایه

باخ چشمه چشمه گوزدن بوگوزیاشیم رواندی
سیلی بسیمدی ویرماقلبیم دولوبدی قاندی
اولدورمه گل رها ایت رحم ایت بیزه اماندی
یثربده آل آنامون گویلون گلوب نوایه

هرنه دیدی یتیملررحم ایتمدی اوخون خوار
آیرودی باشلارین تا آلسون طلا و دینار
گل جسم لر آتولدی نحره اولوبدی گلنار
بیر قول بویون اولوبلار باخ غملی ماجرایه

حارث ایدوب جنایت بلبل لراولدی خاموش
باشسیز اولان بدنلر اولدی ندن هم آغوش
قالموبلا توپراق اوسته عریان اولوب کفنپوش
تاریخ دین ایدوب ثبت شیعه باتار عزایه

قولی اولمادی بدنده شه دین علی بالاسی
اولا قول بویون گلنده باشی اوسته دین فداسی
یتیشوب نه گوردی قارداش وارگوزونده اوخ یاراسی
دیدی قد خمیده اولدوم ولی تابعم قضایه

عباس آدیله (عدلی) چاتدی بو سوز تمامه
اولدی بو غملی نوحه ویرمه سوزی ادامه
ایسته براتی گلسون گیت قبرینه سلامه
نطقون گر اولسا گویا شکر ایله کبریایه

  • شنبه
  • 20
  • دی
  • 1399
  • ساعت
  • 18:55
  • نوشته شده توسط
  • یوسف اکبری
ادامه مطلب
 امین اکرمی هاتف تبریز

زبانحال طفلان حضرت مسلم(ع) -(یتیموخ وورما چوخ سیلی الون ساخلا دایان حارث) * امین اکرمی هاتف تبریز

815

زبانحال طفلان حضرت مسلم(ع) -(یتیموخ وورما چوخ سیلی الون ساخلا دایان حارث) یتیموخ وورما چوخ سیلی الون ساخلا دایان حارث

بیزی ئولدورمه رحم ایله پیمبردن اوتان حارث

گورورسن قوش کیمی آخر ایکی طفل هراسانوخ

وورورسان سیلی گه قمچی - ایوینده زار و گریانوخ

سنون اوز منزلینده بیز بو نصف شبده مهمانوخ

ایوینده ئولدوروب هانسی قوناقی میزبان حارث

قوناقلارون چکر دلدن نجه گور آهی آه اوسته

بیزی سن ئولدورورسن گل دینن هانسی گناه اوسته

اوشاقوخ سنّیمیز آزدی - وورورسان گل، وور، آهسته

گورورسن قالمیوب بیزده نه طاقت نه توان حارث

بیزی پر بسته بلبل تک بو قدر ایوده دولاندیرما

بیزه آز خنجرون گورست دل زهرانی یاندیرما

بو گون گل مُسلِمون اوغلانلارین قانه بویاندیرما

آنام یول گوزلیور ایندی وطنده ناگران حارث

تانورسان حضرت طاهانی گر پابند قرآنسان

وارون یوم الجزایه اعتقادون سن مسلمانسان

ایکی طفل صغیری ئولدورورسن آخر انسانسان

سنه جدّیم غضب ایلر قیامتده اینان حارث

نقدر اصرار ایدوبلر توکدولر گوزدن یوزه قانیاش

بالالاری چکوب گتدی فراتین یانینه بیر باش

بویاندی ظلمیله قانه ایکی یولداش ایکی قارداش

دل زهرانی ظلمیله ایدوبدور لخته قان حارث

یازاندا "اکرمی" نوحه یاناردی سینه داغلاردی

سرشگین بو مصیبتده یوزه حسرتله باغلاردی

گوریدی کاش او ظالمده الینده خنجر آغلاردی

اولوبدور عاقّ طاهایه - وفاسیز بی امان حارث

  • دوشنبه
  • 9
  • فروردین
  • 1400
  • ساعت
  • 11:24
  • نوشته شده توسط
  • یوسف اکبری
ادامه مطلب
 حاج اصغر فرشچی

طفلان حضرت مسلم(ع) -(الله عشقينده يانور گور نجه بال و پريميز) * حاج اصغر فرشچی

475

طفلان حضرت مسلم(ع) -(الله عشقينده يانور گور نجه بال و پريميز) الله عشقينده يانور گورنجه بال و پريميز
گيدولوب باد فنايه الده خاكستريميز

عشق معبود بيزي هريره چكسه گيدروخ
باخمادنيا يوزونه تيره دي چشم تريميز

نه خطا باش ويروب حارث بيزي سن الدوروسن
اي اولان قاتل مردود و جفا گستريميز

الوي قانه باتورما شهريثربده بيزيم
گوزتيكوب يوللاراوارمادرغم پروريميز

صون نفسده وير اجازه ايكي ركعت نامازا
ايلياق راز و نياز حكم ايلسون داوريميز

باش گوتورخاك لهدن بابا مسلم بورا گل
يوخدي بير قيده قالان وارنه ده بير ياوريميز

«عدلنون»واردي اميدي ايكي مسلم بالاسي
ديه بوخادم ومداح دي بيزيم نوكريميز

  • شنبه
  • 20
  • دی
  • 1399
  • ساعت
  • 22:36
  • نوشته شده توسط
  • یوسف اکبری
ادامه مطلب
 ودود آذرین خلخال

طفلان حضرت مسلم(ع) -(حارث ای شـوم و نامسلمان) * ودود آذرین خلخال

1158

طفلان حضرت مسلم(ع) -(حارث ای شـوم و نامسلمان) حارث اي شـوم و نامسلمان
كافر و پست و دون و نادان
رحم ايـلـه بـيـزسنه قوناقوخ
گل بـيـزي ايتمه قانه غلطان
حــــرمــت ؛ حـيـدره باخ اؤلــدورمــه بيزي
ياش دولان ؛ گوزلره باخ اؤلــدورمــه بيزي

بيزگؤرورسن كي غم نصيبوخ
هـاشـمـي زاديــوخ ؛ نجـيـبـوخ
حبس دن تازه چيخموشوق بيز
يالقوزوخ ؛ بيكس وغـــريبـوخ
گــَل بـيــزي ؛ آللـّهـــــا گــــؤره آزاد ايـلــه
آنـــامـــيـــز ؛ گويـلــوني وطـنده شاد ايـلــه

آرزيــا گــؤرنــه چاتدي مسلم
شـانـلـي محشر ياراتدي مسلم
او بــيـــزه مـهــربان آتـيـــدي
كـــوفـــه ده قـانـه باتدي مسلم
يــــثــــربـــه ؛ آزاد ايـلــه بيرباش گيدروخ
بــاجــيـمـيـز ؛ تــوكميه گؤزه ياش گيدروخ

جــام دل قـانـه دولدي حارث
غنچه گوللرده سولدي حارث
ايمدي گوزلوربيزي خـديــجه
آغلاماقـدان يورولدي حارث
رحـــــم ايــلــه ؛ قاره گوزده كي قانياشينا
بــاجــيــنـــــي ؛ تــئز يتير ايكي قارداشينا

ايمدي كي اولموسان مصمّم
اؤلــدوررســن بيزي مسلـّم
بــاري ويـررخصت نمازي
تا قــورا حــق آرادا مـَحكم
حــكــم ايـــدر ؛ آللـّهـيـم بـيـزيـلن سن آرا
بــيــز هـــارا ؛ حــارث جفــا گستر هارا

  • چهارشنبه
  • 24
  • دی
  • 1399
  • ساعت
  • 18:58
  • نوشته شده توسط
  • یوسف اکبری
ادامه مطلب

طفلان حضرت مسلم(ع) -(او گونكه كوفه ی ویراندا مسلم بن عقیل) *مرحوم میرزا یوسف شهاب تبریزی

378

طفلان حضرت مسلم(ع) -(او گونكه كوفه ی ویراندا مسلم بن عقیل) اوگونكه كوفه ی ویراندا مسلم بن عقیل
بویاندی قانینه كفار اَلینده اولدی قتیل

ایكی یتیمینی ابن زیاد ایدوب محبوس
اولوبلا غمله او زنداندا مدتی مأنوس

نه بیر انیس و نه مونس، نه هم زبان واریدی
نه بر تسلی ویرن یار مهربان واریدی

قوجاقلاشوردولا، آغلاردیلار او زنداندا
دوشردی هر بیری بی حال اولوردی بیر یاندا

ایدردیله گنه ناله گَلَن زمان حاله
اولوردولار ایکی قارداش مدام هم ناله

زبسکه چکدیله درد و بلا، بلاکش لر
ضعیف اولدولا مثل هلال او مهوش لر

مقام گوشه ی زندان صغیر و شهزاده
سیزیلداشیردیلا نی تک گَلوردولر داده

گَلنده بیرگونی زندانه پیر زندانبان
او شاهزالده لر احوالی ایلیوبلر بیان

او پیر پاک نهادین دوتوبلا دامانین
ایدوبله دللرینون کشف راز پنهانین

توکوبله گُل یوزه گوزیاشلارینی همواره
گلوبله خواه نخواهی بو نوعی گفتاره

بیزه ترحّم ایله، زار و بینوایوخ بیز
غریب و بی کس و بی یار و مبتلایوخ بیز

سولوبدی گل یوزوموز بسکه واردی محنتیمیز
یتر پیمبر آخِرُ الزَّمانه نسبتیمیز

بو ذلت و ستم و ظلمه بیز روا دگلوخ
بوقدر بی گنهوخ لایق جفا دگلوخ

بیزه محبت ایله سود وار محبتده
سنه ایدر عوضین فاطمه قیامتده

بو قدر بُل که سنون خدمتون هدر گیتمز
قیامتین گونی ایتامه یاخشیلیق گیتمز

مدینه ده آنامیز وار یولوموزی گوزلر
تیکوب یولا گوزینی روز و شب فغان ایلر

اوپیر چونکه محب شه ولایتیدی
دلنده مهر علی اصلی پاک فطرتیدی

کیمه گیدر اولارین نسبتی اونی قاندی
دوشوب وجودینه رعشه اورکدن اودلاندی

دولاندی باشلارینا بیر مثال پروانه
اوزینی شوقیله یاندوردی شمع سوزانه

قویوب قدملرینه آه و زاریلن یوزونی
شه آستانی بُلوب خاکسار ایدوب اوزینی

دیدی گذشت ایلیون یوخدی هیچ خطا منده
بو غفلتیم منی سیزدن ایدوبدی شرمنده

قسم اولا او رسوله که نسبتوز یتیشور
منه اُلونجه سیزون بو خجالتوز یتیشور

سیزی اگر تانییدیم خلاص ایدردیم من
آتام آنام سیزه قربان داخی اولون ایمن

قصاص ابن زیاده بوگون قصاص ایدرم
بو قدر آغلامیون من سیزی خلاص ایدرم

غرض اوگون توکنوب گون باتوب اولوبدور شام
دوتوبدی پرده ظلمات شرق و غربی تمام

ای پیرمرد ایلیوب روح مسلمی چوخ شاد
ایدوب یتیملرین قید بندیدن آزاد

کبوتران حرم چخدی دام ظلمتدن
نه حالتیله، بدن تیترشوردی وحشتدن

دولاندولار او گئجه وحشتیله سرگردان
ایتوردولر یولی، اولدی سحر، قالوب حیران

دوباره ظلمین عیان چرخ کجمدار ایلدی
دولاندوروب اولاری حارثه دچار ایلدی

داخی چوخ ایستمورم صحبتیمده طول اولسون
اشاره بَسدی که حضّار دی ملول اولسون

او شاهزاده لری هاردا تاپدی اول بی دین
بُلولّه اهل خبر چون تمام تفصیلین

یتیم اوشاق، غم غربت، صغیر و بی تقصیر
اولوبلا حارث شوم و شریر اَلینده اسیر

عنادیلن گهی قمچی ووروب گهی سیلی
بنفشه تک گویَروب یوزلری، اولوب نیلی

شقاوتی او شقی نون ایدوب دمادم جوش
خیال ایدوب ایده مسلم چراغینی خاموش

ویروب غلامینه اوز خنجرین او شوم دنی
دیدی یتور بولاری قتله، ایله راضی منی

غلام آلوب اَلینه خنجری، اولوب عازم
او شاهزاده لرون قتلینی بُلوب لازم

گورنده قاتلی مقتوللر برابرده
ایدوبله نی کیمی ناله، گَلوبدولر درده

بویوردولار او غلامه، غلام سن کیمسن
بلالِ حضرت ختمِ رسوله بنزورسن

ایشیتدی چون او جوان ختم مرسلین اسمین
اورک دوگوندی، دوتوب لرزه سر به سر جسمین

بویوردولار که رسول خدایه منسوبوخ
او خانواده ی والاده خیلی محبوبوخ

خطاب ایدوب سیزه قربان اولوم، مگر کیمسوز
ویرورسوز اشرف مخلوقیدن خبر، کیمسوز

بو قدر بُل که بیزوخ مسلمین یتیملری
بیله بلایه دوشر گور کیمون یتیم لری

بو سوزلری ایشیدوب اول جوان پاک نهاد
اَلیندن آتدی یره خنجری، چکوب فریاد

خطاب حارثه قیلدی که دوت منی معذور
محالیدور ایلیم من پیمبری مقهور

منیم جهاندا یوزوم قارده دور نظرلرده
علاوه ایتمه منی رو سیاه محشرده

غضبلَنوب او ستمگر بو حالی چون گوردی
گوتوردی خنجری یردن اوز اوغلونا وِیردی

دیدی دایانما آپار سن بولاری قتله یتور
هر ایکیسین یتوروب قتله، باشلارینی گَتور

گورنده حارثون اوز عورتی بو احوالی
گَلوب فغانه، پوزولدی بو حالیدن حالی

دیدی اماندی اوغول ایتمه بو ایشه اقدام
اوزیوی ایلمه دنیاده خلق آرا بدنام

خیاله محشری سال ایلمه بو امری قبول
خجالت ایتمه منی فاطمه یانندا اوغول

یِتَر سنون بو ایشون خجلتی جزاده منه
سودیمی منده اوغول ایتمرم حلال سنه

گوروب آناسینی بو حال زاریلن او جوان
دوتوب آنا سوزینی، آتدی خنجری او زمان

دولاندوروب آتاسیندان یوزین، کناره گیدوب
چکوبدی محشر اودوندان اوزین کناره، گیدوب

دوباره غیظه بو احوالیدن گَلوب حارث
خیال ایدوب بو ایشی، اوز ایشی بُلوب حارث

بو امره ایلدی اقدام اوزی او شومِ شرور
او شاهزاده لرون قتلینه اولوب مامور

او شاهزاده لری بیرده خنجرین گوتوروب
تمام غیظیله شطّین کنارینه گَتوروب

گوروبله یوخدی او بیچاره لر داخی چاره
مقام عجزیدی، یالواردیلار او غدّاره

ایدوبله هر نچه تکلیف او شوم اوچون اظهار
قبول ایلمیوب هر چه ایتدیلر اصرار

آلوب اجازه او شهزاده لر نمازه دوروب
حضور قلبیله درگاه بی نیازه دوروب

قویوبلا باشلارینی سجده ی مناجاته
ایدوبله عرض لرین کافیُ المُهِمّاته

کریم و دادگر عادل و رحیم الله
اوزون بو بارده ده حکم ایله ای حکیم الله

ایدردی راز و نیاز اول غریب و بی کسلر
مجال ویرمدی حارث، آلوب اَله خنجر

اَل آتدی زلف سریندن یاپوشدی بیر دسته
کسوب باشینی بیوک قارداشین نماز اوسته

گورنده قارداشی مقتول، خرده جه قارداش
دولاندی نعشینون اطرافینه توکوب قانیاش

قوجاقلیوبدی او باشسیز جنازه سین یرده
گَلوب فغانه، گَتوردی پیمبری درده

دیدی که سندن ازل قارداشون اُلیدی کاش
توقّف ایله، دایان، منده تا گَلیم قارداش

دوباره حارث بی دین جهانی یاندوردی
او خرده قارداشیدا قانینه بویاندوردی

توکوبدی فاطمه نون ظلم اَلیله گوزیاشینی
کسوبدی قارداشین اوستونده قارداشین باشینی

گوتوردی نعشلرین شطّه اول شقی آتدی
او نعشلر دوشوب ازلّده بیر سویا باتدی

باتوب چخوب یوزه، قانیله سو یوزی دولدی
سویون یوزینده ایکی نعش قول بویون اولدی

قراریمی بو ایکی قارداشین غمی آلدی
حسین بی کس و عبّاسی یادیمه سالدی

او گونده قتلگه کربلاده قان داشدی
او وقته بو ایکی قارداشدا بیر قوجاقلاشدی

قولی اولیدی ابوالفضلین اول زمان ای کاش
سالدیدی بیر بیرینون بوینونا ایکی قارداش

بو نسگل عقده سی قالدی گوگلده عبّاسون
سالیدی بوینونا قول بیر او زُبده ی ناسون

بو شرح غم رفقادن (شهاب) اولوب تاکید
ولیک اوزلریده ایلیوبدولر تایید

همین بو قدر کفایتدی شرح محنت اوچون
اگر قبول اولا چوخ توشه دور شفاعت اوچون

  • جمعه
  • 5
  • شهریور
  • 1400
  • ساعت
  • 11:51
  • نوشته شده توسط
  • یوسف اکبری
ادامه مطلب
راهنمای علائم موجود در فهرست:
عدد کنار این علامت نشانگر تعداد کاربرانی ست که این مطلب را پسندیده و به دفترچه شعر خود افزوده اند
عدد کنار این علائم نشانگر میزان محبوبیت شعر یا سبک از نظر کاربران می باشد
اشعار ویژه در سایت برای کاربران قابل دسترس نیست و فقط از طریق خرید اپلیکیشن مورد نظر این اشعار در داخل اپلیکیشن اندرویدی قابل رویت خواهند بود
این علامت نشانگر تعداد کلیک یا بازدید این مطلب توسط کاربران در سایت یا اپلیکیشن می باشد