هر کیم اُوضاع غَدير خُمّی اَنکار اِیلدی
یاعلی قُرآنی داندی كُفرین اظهار اَیلدی
پَرده ده ناحقّ اَلی حقّی اِیدن مَز اِستتار
باش ویریوب گون تَک بُولوتدان نورون اِیلر آشکار
حقّه پُشتیبان دی دَستِ قُدرتِ پَرورگار
بیر یَدِ قُدرت که یوخدان عالمی وار اِیلدی
اِشتباه اِیلور بیر عدّه مَردمِ دنیا پَرست
اِیلین مز عَبد اولان نیروی مَعبودی شِکست
چوخ لارین اِیلوب ریاست باده سی مَخمور و مَست
تز ووروب دیوان الى هُشدار و هُشیار اِیلدی
بَعضی بَلّغ آیه سین قرآن مُنزلدن تاپار
یا باخوب تاريخه حالِ خَتم مُرسَلدن تاپار
اَهلی امّا وادی غَمده مُمثَلدن تاپار
حقّی روشن تا نِجه گردون دوّار اِیلدی
منکرِ حقّ و حَقیت رَغمنه اَمرِ قَضا
بیر بَساطِ کربلا اِیلر مَشیّت اِقتضا
بير على آلسون اَلى اُوسته حسینِ مُرتضا
خلقّ بولسون وار نه حِکمت بِیله رَفتار اِیلدی
ظلمده طُغیان گر اُمّتلر که طُغیان اِیتدیلر
ظاهراً طُغيان ولی مَعناده مَین قان اِیتدیلر
حقّیوی دانسته و فهمیده کِتمان اِیتدی لر
سود اَمر اوغلون ال اُوسته چیخدی اِقرار اِیلدی
سوز دوز اولماز گر دِیسَم واضح بیانیله دِیدی
عِرق و لَحم و پوست و قان و استخوان یله دِیدی
گلدی گفتاره زبانِ بی زبانیله دیدی
اهلِ عالم حقّی ناحقّ بعضی کفّار اِیلدی
گوردی بو حالی او طُغيان گرلرین جُرثومه سی
یعنی سَعد اُوغلی او اوّل، دومّین وامانده سی
حَرمَله گلسون دئدی فوراً یاتیدسُون بو سَسی
یاتمیش اِحساساتی بو شِش ماهه بیدار اِیلدی
حَرمَله فکر ائتمه دی حقّ ئولمز ئولسه حقّ دیین
رُشده آخر حقّ یتر بیر گون اولار گُوندن عَلن
یولّادی اُوخ دایه سین ویرسین او طفله قان لَبَن
اِیتدیقی ایشدن نه شَرم اِیتدی و نه عار اِیلدی
اُوخ گلوب کَسدی او نازک حَنجَری باشدان باشا
شَرح اولونسا بو مُصیبت حَشر اولار چاتماز باشا
نه اِمامُون وار گمانی اُوغلونا نه قارداشا
نِیلَسون اَندیشهء چاره او ناچار اِیلدی
گوردی قانيله بُویان میش لوءلوء مَرجان کیمی
باغرينا باسدی قُماطِ نازنینی جان کیمی
دامَنین اِیسلاتدی اَشگی قَطرهء باران کیمی
دوزدی سوز گؤزده دِیسم غم گُون دُوزون تار اِیلدی
دوندروب گوی سَمتينه یوز دیدهٔ گِریانیله
جانِ شیرین دلده صُحبت باشلادی جانانیله
گَلمیشم عَرض اِیتدی یارَب تُحفهٔ ارزانیله
چون مُحَقر دوتدی، زیبِ بزمِ دلدار اِیلدی
بیر گُلستاندان قالان بیر غُنچهٔ نازیمدی بو
گُللری مَدن سئچمیشم خُوش رنگ و مُمتازیمدی بو
باغبانم مایهء فَخریمدی اِعزا زیمدی بو
گر چه پَژمرده بو نُوعی آفتِ خار اِیلدی
قوّتِ قَلب اَیستَیرم سَندن خیامه قِیترم
نَعشینی تا عِترت خیرُالاَنامه قِیتَرم
آغ لباسیله گتوردوم سُرخ جامه قِیتَرم
پیش بندین قرمزی قان آخدی گُلنار اِیلدی
حال يأسیله خيامه یوز دولاندوردی گَله
قرمزی گُل دَسته سی تَک آلدى قونداقى اله
خرداجا قیزلار قَباقه چیخدی اِیتدی هَل هَله
مُنقلب احوال او اَطفالی دل اَفکار اِیلدی
سَسلدی گَل ای آنام زَهرا نشانی باجی گل
ای حسین اِبن علی آرام جانی باجی گل
ای شَریک اَعظمیم مُحنت زمانی باجی گل
تازه بیر دَرده مَنی دشمَن گرفتار اِیلدی
(حافظی) سؤز یُوخ سُوزون مِیدانی چوخ وسعت لی دور
هر سُخنور چوخ اِیدر صُحبت که چوخ قدرتلی دور
خلقّ شین اَنظارينده اَمّا آز دیین قیمت لیدور
چوخ بُولوب آزجا دیین جَلبِ خَریدار اِیلدی
- پنج شنبه
- 11
- شهریور
- 1400
- ساعت
- 13:18
- نوشته شده توسط
- یوسف اکبری
ادامه مطلب
