اشعار ترکی امیرالمومنین علی(ع)

دل دوشوب پیچ و خَمه دلبره آخر گئجه دور
یاندی جان رشته سی جان پروره آخر گئجه دور

آز قالور یاتسون عَدالت علمی عالم دَه
دوز قَضاوت اِئلیین داوره آخر گئجه دور

لِیلهُ بیست و یکم دور سحری صبحِ عَزا
ییخلوب شیرِ خدا بستره آخر گئجه دور

آز قالوب تاجینی باشدان گوتوره روح الاَمین
عمری باشه یتیشوب حیدره آخرگئجه دور

ضربتِ زادهُ مُلجم ائلیوب مغزه اَثر
یوخ توانا او قوی پیکره آخر گئجه دور

گوشِ مولایه اوزاقدان یتیشوب ناله سسی
دوزمدی نالهُ حُزن آوره آخر گئجه دور

دیدی کیم دور گتورور قلبیمی درده دیدیلر
اُوغلون عباس آچوب مَنظره آخرگئجه دور

گلدی عباس یسارینده علی وِئردی مکان
باخدی صراف او گُوزل گُوهره آخر گئجه دور

اَلینی آلدی اَله قویدی حسینون اَلی نه
دیدی اوُغلوم بو گئجه حیدره آخر گئجه دور

سنه من اُوغلوم ابولفضلیمی نوکر وِئیورم
ثَبت ائله نوکر آدین دفتره آخر گئجه دور

دیدی عباسه دَه طاها دَن اَمانتدی حسین
گورسون هر وقت بو بی یاوره آخر گئجه دور

قوشونی گئتسه دَه تک قالسادا سن گئتمیی سن
اُول گئجه زاده پیغمبره آخر گئجه دور

• چهارشنبه
• 31
• شهریور
• 1400
• ساعت
• 17:15
• نوشته شده توسط
• یوسف اکبری

یاعلی‌ هر ایکی‌ دنیا اعتباریم‌ سنده‌دیر
اعتباریم،افتخاریم،اقتداریم‌ سنده‌دیر
مِهرِ ولایتین‌ اولوب اوره‌ییمده‌ مُهر و موم
امیریم‌ سن،امامیم‌ سن،هر نه‌ واریم‌ سنده‌دیر

دیلیم‌‌ سنی‌ سسلننده‌ دئییر جان‌دان یاعلی
گؤزل‌ آدین‌ دیلیمده‌دیر دیل‌ آچان‌دان‌ یاعلی
هئچ‌ بیلمیرم‌ چاغیرمیشام‌‌ من‌ هاچان‌دان‌ یاعلی
امیدیم‌ سن،پناهیم‌ سن،اختیاریم‌ سنده‌دیر

سن‌‌ آقام‌ سان،صاحبیمسن،باش‌ و پیکر جان‌ سنین
مستَحَـقّم‌،دردمندم،دردمنیم،درمان‌ سنین
درگاهینین سائلییم،کَرَم‌قیل احسان‌ سنین
غلامین«قیزیل‌ قلمم»انتظاریم‌ سنده‌دیر

• چهارشنبه
• 7
• مهر
• 1400
• ساعت
• 20:10
• نوشته شده توسط
• یوسف اکبری

آچ گوزلریوی بابا زینب اولا قربانون
دامانیمه گُل مثلی باشدان توکولور قانون

واگیر::
ای سلطان عشقیم یاتما آماندی
باشوین اوسته زینب باغریقاندی

قلبیمدن آخان قانه گوزیاشلاریمی قاتما
نرگس کیمی گلشنده آچ گوزلریوی یاتما
سن بیل ننمون جانی دیندیر منی آغلاتما
قلبیم سخیلوب غمدن چوخ سختیدی هجرانون

سینسون فلکین چرخی ساچلاریمی آغ هوردی
زهرا قیزینا دائم خوش گونلری چوخ گوردی
بیر سوز دانیش آی بابا عباس ئوزین ئولدوردی
جانیم اولا قربانی غیرتلیدی اصلانون

محراب عبادتده ووردی سنی ناکسلر
قانه بویانان قلبیم زیبا آدووی سسلر
دور گئت بابا ائولرده گوزلر سنی بی کسلر
الان سنی ایستوللر بیچاره یتیمانون

یوم گوزلریوی دینجل یورقونسان اگر گئتمه
گُل تک سارالوب رنگون ای نور بصر گئتمه
قویما منی ظلمتده خورشید سحر گئتمه
پیوسته اولوب قاندان مژگانوه مژگانون

واضحدی کی قرآنه پیوسته سن آی بابا
دوزدور کی یتیمانه دلبسته سن آی بابا
یورقون جانوا قربان یات خسته سن آی بابا
گرچه بیلورم راضی اولماز بونا وجدانون

• شنبه
• 17
• تیر
• 1402
• ساعت
• 21:06
• نوشته شده توسط
• یوسف اکبری

آچ گوزلرون علی جان
مظلوم یارالی بابا
زینب قیزون قالیبدی
آغلار وفالی بابا

ای وای یارالی بابا
لایلای یارالی بابا(2)

آغلار قالیب یتیملر
هر دم دیور الهی
دور ایله چاره سن سن
مظلوملارین پناهی
بابا روادی زینب
چکسین ئورکدن آهی
زینب گیوبدی قاره
اولدی عزالی بابا

ای وای یارالی بابا
لایلای یارالی بابا(2)

من آغلارام علی جان
عمرون سنون زای اولدی
چرخ زَمانَه دَن چوخ
دردون منه پای اولدی
سندن سورا یارالی
ذکریم منیم وای اولدی
هجرونده یاننام هر گون
زهرا مثالی بابا

ای وای یارالی بابا
لایلای یارالی بابا(2)

بش سنّیدن آنامین
گیدیم قراسینی من
زهرا غمونده یاندیم
ائتدیم من اوندا شیون
آیریلدین ایندی بابا
سنده بو نوعی مندن
یالقیز بالالاریندان
دوشدون آرالی بابا

ای وای یارالی بابا
لایلای یارالی بابا(2)

#فارسی

دیده گشا علی جان
تنها شده یتیمان
دستم به دامن تو
با قلب پرفروزان
کن چاره ای به دردم
پناه بی پناهان
صبح امید من تو
امیر و مقتدایم

ای وای یارالی بابا
لایلای یارالی بابا(2)

روزی به لطف ربَّم
گوهر کنار من بود
آن لحظه یادم آید
مادر کنار من بود
تا این دم جدایی
حیدر کنار من بود
بابا دگر ندارم
میسوزه لاله هایم

ای وای یارالی بابا
لایلای یارالی بابا(2)

• چهارشنبه
• 18
• مرداد
• 1402
• ساعت
• 14:57
• نوشته شده توسط
• یوسف اکبری

باتدی حیدر قزل قانه الله

ضربه دیدی گلستانه الله

دیدی ضربه سنب قلب عالم

باتدی محرابی القانه الله
.
.
.
سسلدی جبرئیل ئولدی حیدر

مرتضی خانه سی اولدی محشر

عرشه ناله صداسی اوجالدی

باشه زینب سالوب قاره معجر
.
.
.
دیدی فرق علیدن کی خنجر

اولدی گویلرده حورا مکدر

دوشدی محرابه سجده حالندا

راحت اولدی بودنیادن حیدر
.
.
.
یاره لندی یتیملر آتاسی

عرشه دیلدن اوجالدی صداسی

سسلدی رستگار اولدوم الله

عدلیوون حیدر اولدی فداسی

• چهارشنبه
• 18
• مرداد
• 1402
• ساعت
• 15:01
• نوشته شده توسط
• یوسف اکبری

☑️بند اول

یوز وئریب بیر غم جهانه
قالدی دیللر یانه یانه
مسجد و محراب ایچینده
شیر یزدان باتدی قانه

شیعه لرین افغانی خدا عرشه دایاندی
سس توشدی علی یاره لنیب قانه بویاندی

? علی ای وای یارالی / علی ای وای یارالی ?

☑️بند دوم

دیل قرارین غم لر آلدی
بیر محن اوت جانه سالدی
گول کیمی محراب ایچینده
مرتضی سولدی سارالدی

اوندا کی بلا تیری اورک باشینی دلدی
جنتده او دم روح الامین نالیه گلدی

? علی ای وای یارالی / علی ای وای یارالی ?

☑️بند سوم

یاندی دیل غم آتشینده
مرتضانین محنتینده
بار الاها شاه مردان
ائولدی بیر نامرد الینده

بیر ضربتیله دولدی علی نین گوزونه قان
قانه بلشیب شاه نجف ناطق قرآن

? علی ای وای یارالی / علی ای وای یارالی ?

☑️بند چهارم

تا حسن گوردی بو حالی
آرتیب اندوه و ملالی
شه باشین آلدی دیز اوسته
سسلدی ای وای یارالی

دور قویما بابا قلبینه غصه آلا زینب
دور بیرده گئداخ یاره وه مرحم سالا زینب

? علی ای وای یارالی / علی ای وای یارالی ?

☑️بند پنجم

طاقتیمی غم آلاندا
گوزلریم آغلار قالاندا
سو یرینه زهر ایچنده
ای بابا گل اول زماندا"

گل باشیمی آل دیزلریوین اوستونه آغلا
گل کوچه غمین درک ائلیین گوزلری باغلا

? علی ای وای یارالی / علی ای وای یارالی ?

• شنبه
• 25
• شهریور
• 1402
• ساعت
• 00:00
• نوشته شده توسط
• یوسف اکبری

(علی) ای همای رحمت اولان آللاهین نشانی

اوهماکی کولگه سینده هله ساخلیوب جهانی

ئوره ک آلله آختارورسان ائله گور(علی) جمالین

کی(علی)ده گورمیشم من قسم آللاهاخدا نی

ائیکی دنیادافنادن داهابیراثر گورنمز

کرم ائیلیوب(علی)گردوتاچشمه ی بقـــــا نی

بئیزه یاغماسن بلوط تک اوگون ای سحاب رحمت

اوشرارقهره دوزخ چکه جاق دی ما سوانی

الی بوش.یئری (علی)نین اتگین دوت اوندان ائیسته

ئوزگی لن اول شهنشه ائلیرغنی گــــــــدانی

کیم اوز اوغلونا(علی) دن سورا ائلیوب سفارش

گئچنین اوقا تلمله گرالوزده دور ا وجــــا نی

کیم(علی ) کیمی جهانه بئیرعجیب اوغول گئتیرمیش

کی علم ائدوب جهانه شهــــــــدای کربلا نی

کیم اونون کی

• شنبه
• 13
• خرداد
• 1391
• ساعت
• 02:26
• نوشته شده توسط
• علی اشرفی راد(عین الدین)

#فارسی
بشارت بر رهبر اولاد پیغمبر
جشن ولایتِ مولا امیر است
هنگام تکبیر است حیدر در سریر است
حُسنش‌ دلپذیر است عید غدیر است
گویم جا ٕ الحق/برپا شد بیرق
دین از مرتضی/بگرفته رونق
مولا علی جان۴

علی دارم یارم دیگر چه غم دارم
بنده ی دربارم خدمتگزارم
عاشق دیدارم محو رُخ یارم
بر سر بازارم من خریدارم
از عشق بیمارم تا سحر بیدارم
در راه سالارم جان می سپارم
عین الله عینش/بر گردن دِینش
جانم قربانِ/حسن حسینش
مولا علی جان

علی بوتراب است مرد انقلاب است
شاه شیخ و شاب است علی ارباب است
ستوده آداب است شهید محراب است
محبوب احباب است علی ارباب است
او گل شاداب است جلوه ی مهتاب است
دل او بی تاب است علی ارباب است
ا

• سه شنبه
• 23
• بهمن
• 1397
• ساعت
• 10:39
• نوشته شده توسط
• ابوالفضل عابدی پور

گواهسن سن ای خدای مرتضی
واریم بو قلبیده ولای مرتضی
فلک دییر علی ملک دییر علی
دیلیم یورولسادا اورک دییر علی
علی علی علی۴

گدای حیدرم غلام حیدرم
اسیر و کشته ی مرام حیدرم
ئولونجه نوکر مدام حیدرم
که شه دن اوسته دی گدای مرتضی
فلک دییر علی...

دولاشما مدّعی ولایت اهلینه
که بیز قاریشماروق شقاوت اهلینه
بودور پیامیمیز شماتت اهلینه
بیز حاضروخ اولاخ فدای مرتضی

علینی اللهیم آقا وئروب منه
نه دردیم اولسا گر دوا وئروب منه
خوشام بو نعمتی خدا وئروب منه
صفا وئرر دله صفای مرتضی

اوگون که سیندی باش توکولدی قان یره
اَنوبدی عرشیدن فرشتگان یره
یخیلدی یاره لی اؤ قهرمان یره
گئدوبدی دیزده کی قوای مرتضی

علینون حالینه

• چهارشنبه
• 24
• بهمن
• 1397
• ساعت
• 14:13
• نوشته شده توسط
• ابوالفضل عابدی پور

حجة الوداع شیعه لر دردینه، دوا گلوب
ایهاالرسول ویر خبر عالمه، صفا گلوب

پرچم ولایتی لوای دین ایله
ئوزیرینده مرتضانی جانشین ایله

یا مرتضی علی علی یا مرتضی 2

امته یتور بو بشارتی
مرتضایه ویر حکم دولتی

علینی خلقه امیر ایلسن
پیام دینه سفیر ایلسن

یامرتضی علی علی یا مرتضی 2

قویدی باشه تاج ولایت علی. امیرعشق
مصطفی یرینده اولوبدی علی. وزیرعشق

بیعت آلدی مرتضایه مصطفی اوگون
نعمتین تمام ادوبدی چون خدا اوگون

یامرتضی علی علی یا مرتضی 2

کامل اولدی دین شاد اولوب علی
اولدی عالمه مرتضی ولی

غدیر اولوبدی حرا تک جلی
بویوردی بخٍّ هامی یاعلی

یامرتضی علی علی یا مرتضی 2

• پنج شنبه
• 25
• بهمن
• 1397
• ساعت
• 11:39
• نوشته شده توسط
• ابوالفضل عابدی پور

البشاره اسپهر حقه مه جلی گلوب
سسلنور منادی سر عرشیدن علی گلوب

ظلم و جور و کینه نون قدی کمان اولوب
کعبه ده خدا الی بیزه عیان اولوب

یا مرتضی، علی علی یا مرتضی
یا مرتضی، علی علی یا مرتضی

کعبه چاک ائدوب سینه سین گورسنه ارادتی
دای اله سالانماز بئله بی بدل سعادتی

حقیلن عدالت و شرف سواره دی
چون علی گلوبدی ظالم هیچکاره دی

یا مرتضی علی علی یا مرتضی
یا مرتضی علی علی یا مرتضی

کامیاب علی ،،، آفتاب علی
شاه عالمین،،، بو تراب علی

گوزل آدی عالمینه پناه
شفا وئرر ائتسه بیر یول نگاه

یا علی مولا علی مولا

آفتاب دین خداوندی نون وزیری دور
ملک غیرت و حکمت و عصمتون امیری دور

تا جهان جهاندی شیعه اقتداری وار
چ

• سه شنبه
• 6
• فروردین
• 1398
• ساعت
• 15:55
• نوشته شده توسط
• ابوالفضل عابدی پور

ای سپهر اخضرین ، تاج تولّاسی
با ولایت شیعه نین ، عالمده مولاسی
.
ای مه کامل – عزته نائل
افتخاریمدور اولام درگاهیوه سائل
.
((حبیب من ؛ یا ابالحسن
طبیب من ؛ یا ابالحسن))
.
.
.
.
.
گلمیشم درگاهیوه امّا سرافکنده
غرق عصیانم آقا قالین دی پرونده
گوشه چشمونله باخ بیر ، سائلم منده
.
سن منه سرور – من سنه نوکر
رسمیدی شه نوکرین حاجت روا ایلر
.
.
.
.
.
کان احسان و وفا عهده وفا ایلر
شیعه آدوندان سنون اخذ صفا ایلر
باصفا آدون آقا درده دوا ایلر
.
ای گل رضوان – حجت یزدان
قیل کرملی اللرونله دردیمه درمان
.
.
.
.
.
قیل عنایت بیزلره طاهایه خاطر سن
قووما قاپوندان بیزی سقایه خاطر سن
دعوت ایله قبریوه زهرایه خاطر سن
.

• شنبه
• 5
• مرداد
• 1398
• ساعت
• 12:58
• نوشته شده توسط
• ابوالفضل عابدی پور

امیر عالم مرتضی علیدی
تمام خلقه مقتدا علیدی
علی مع الحق٬حق علیدی یعنی
ئورکده کی درده دوا علیدی
.
علیدی جان حضرت رسول
قالیبدی حیران مدحینه عقول
.
علی آقادی
شه ولادی
قرار قلب زهرادی
.
حیدرمظهر شجاعت
حیدرمنبع کرامت
حیدر معنی شرافت
عزیز داوریاعلی علی
حیدر یاعلی علی جان(۴)
.
.
.
.
علی امام و میر متقین دی
علی دلیل خلقت زمین دی
علی وصی ختم مرسلین دی
علی امیر کل مؤمنین دی
.
ایدر ملکلر بیله زمزمه
علی مثالی گلمز عالمه
.
مطهرآدی
نه باصفادی
علیدی کانون غیرت
.
حیدرشیعه نون آقاسی
حیدر آدوین فداسی
حیدر گوزلرون قاداسی
خدایه مظهر یاعلی علی
حیدر یاعلی علی جان(۴)
.
.
.
.
ویریبلار آدین سر درِ جنانه
گوزل آدی زینت

• سه شنبه
• 8
• مرداد
• 1398
• ساعت
• 13:56
• نوشته شده توسط
• ابوالفضل عابدی پور

بو گئجه کلثومه مهماندور علی
صبح آچیلسا قانه غلطاندور علی
چیخما ای گون صبر ائله
دم غنیمتدور هله

وار غم آثاری دل احبابیده
منتظردور غملی معبد عابده
گئتمیه ای کاش، مولا مسجده
آخرْ عمرونده پریشاندور علی

آز قالوب فرق امام اولسون دو نیم
یوخ شهادتدن دل مولاده بیم
وقت او وقت اولدی اولا زینب یتیم
ائوده گرم ذکر قرآندور علی

قلب عالم غمدن ایلور اضطراب
گویده وار آثار شور و انقلاب
گوز تیکوبدی آسمانه بو تراب
دهر فانیدن گریزاندور علی

طول عمرونده علی مغموم اولوب
ایللریله قبری نامعلوم اولوب
الله الله کیم بئله مظلوم اولوب
ظلم الیندن سینه سوزاندور علی

آه او ساعتدن گیوب عالم قرا
ویردی اول باشه مرادی بیر یارا
قویمادی باری نمازین قورتارا
گوردولر سجّاده سی قاندور علی

• جمعه
• 7
• آذر
• 1399
• ساعت
• 20:10
• نوشته شده توسط
• یوسف اکبری

اي آخان مسجده قاني - واي بابام اي واي بابام
يانديروبسان مصطفاني – واي بابام اي واي بابام

قـاره بختيم ظلـم اَليله گور نجه اولدي قارا
وار يئري تيـر مصيبت بو يـانـان قلبي يارا
سجده دن باش قوزوياندا باشيوه ديـدي يارا
باغليانمـــاديم يـاراني - واي بابام اي واي بابا

خالـق عالـم وئـروبـدي رتبـه شايان سنه
ماتمينده ياس توتوبدي یکسره رضوان سنه
اي نماز اوسته وئرن جان زينبون قربان سنه
آتما سن بو باغريقاني – واي بابام اي واي بابام

بير دويونجا آغليام من اولمادي هش فرصتيم
گتدي اي سلطان خیبر سن سيز آخر عزتيم
اولـدي زينبله حسين تك كوفه ايتامي يتيم
قويدون آغلار مجتباني - واي بابام اي واي بابام

اي غريبـانه وئـرن جان عالميـن سلطاني سن
خوش سنون اقباليوه چون فاطمه مهماني سن
قـوت قلب رسـول الله و زهـرا جـانـي سن
قاره پوش اتموش جناني – واي بابام اي واي بابام

گورسـه باشونـده يـاراني عالمي داغلار ننم
محسنون دردی چیخار یادان سنه آغلار ننم
يـاروه مرحـم قويار هم باشيوي باغلار ننم
يانديرار عرض و سماني - واي بابام اي واي بابام

وار يئري بو قلب زاريم هي يانا هي دوگونه
بختي قاره زينبه باخ قالدي نه قاره گونه
يانارام بختيمه الله نجـه دوشدي دوگونه
چرخي سينسون بو زماني – واي بابام اي واي بابام

زینبی اتمـه آتاسیـز شـاه مـردان گئتمه سن
گوزلرین قربـانی اولام گَـل شتابان گتئمه سن
زینبون اولسون یارالی باشه قربان گتئمه سن
عرشه قالخوبدی فغانی – واي بابام اي واي بابام

• جمعه
• 3
• بهمن
• 1399
• ساعت
• 20:20
• نوشته شده توسط
• یوسف اکبری

امان یارالاندی سجدگهده مرتضا
بو محنـده عرشیان توتوب عزا
اوجالوبدی عرشه زینبون سسی
چوخالوب غم و فغان و ناله سی
جهاندا واردی غم فضا
جناندا باشلادی عزا
امان امان امان امان
بویاندی قانه مرتضا

فلک دئدی حیدره یانیقلی نوحه لر
کی بو نوحه لر اورکلری دَللر
هـامی قـدسیان بو غمده آغلادی
دلِ مضطـر بتـولی داغلادی
گلـدی جـانه فاطمه
هی فغـانـه فاطمه
وای عمواغلی وای دئدی
یانه یانه فاطمه

خدا بو نه غمدی توتدی آسمانلاری
اوجالوب گویه مَلک فغانلاری
توکـولور تـرابه لختـه لختـه قان
هامی سسلیور علی علی امان
عرشیان نوا ائدوب
عرشیده عزا ائدوب
فاطمه جنـانیـدن
زینبـی دعا ائدوب

• جمعه
• 3
• بهمن
• 1399
• ساعت
• 20:21
• نوشته شده توسط
• یوسف اکبری

ای زینبینون دلداری
ای قانه باتان رخساری
واربویارالی باشوندا
شق القمرین آثاری

ایکاش آنام بوردا اولیدی
بو یاره وه مرهم قوییدی
غم جامه سین تندن سوییدی

ایوای بابام ایوای یارالی

ای فاتح خیبر یاتما
بو قیزلاریوی آغلاتما
زهرایه قوناق گیدورسن
گل زینبی گوزدن آتما

چوخ اولدی غملرون جهاندا
نه چکموسن قاپون یاناندا
آنامی کوچه ده ووراندا

غم لشگری ایتدی طوفان
یوخ دردیمه بیرجه درمان
طوبیٰ سنون احوالیوه
زهرایه اولارسان مهمان

دینن قیزون همیشه آغلار
یانان دیلین غمیله داغلار
همیشه باش قراسی باغلار

ای معنی صدق وایمان
( بیکَسلره )آرام جان
اولسون بو یارالی باشیوه
غملی قیزون آخر قربان

یاران ساغالمیین یارادی
زینبیوین بختی قرادی
منه قالان غم و نوادی

• جمعه
• 29
• اسفند
• 1399
• ساعت
• 21:29
• نوشته شده توسط
• یوسف اکبری

روزگارین داد اَلیندن
ناله و فریاد اَلیندن
بِش یاشیمدان غمه اَسیرم
اولمادیم آزاد اَلیندن

زینبین ناله سَسی عرشه چاتیب
وای بابا مَحاسینون قانه باتیب

بابام ایوای بابام ایوای

چوخ اولوب غمون جهاندا
یانموسان یاده سالاندا
سن او گون دوشدون اَیاقدان
آنامی ثانی ووراندا

یوردولار سنی بابا قوم دَنی
آنامی وورانلار ئولدوردی سنی

بابام ایوای بابام ایوای

بابا دَردون منه گَلیدی
زینبون ایکاش ئولیدی
تیغ کین سنه دَگینجه
قیزیوین قلبین دَلیدی

یاراوی، گوروب اورک داغلییَرم
آنامین، یاره سی تک باغلییَرم

بابام ایوای بابام ایوای

چوخدی محنتیم بولَرسن
گیدوسن سن دینجَلَرسن
یخیلان وقتیده حسینیم
قتلگاهیده گَلَرسن

او چوخور یره اوزون یِتیر بابا
آنامی گَلَنده سن گَتیر بابا

بابام ایوای بابام ایوای

• جمعه
• 29
• اسفند
• 1399
• ساعت
• 21:31
• نوشته شده توسط
• یوسف اکبری

سرور اهل جهان حیدر
ای شه کون و مکان حیدر

دیل گینه اولدی سنه بیتاب
آدیوین عاشیقیم ارباب

سنه من دل ویرمیشم ای امیر دو عالم
قلبیمه عشقون سالیب گور نه غوغا دمادم
آدیوی من سسله سم اورگیمنن گیدر غم
یاحیدر(۲) یاحیدر (۲)

یا حیدر دییرم مدد آللام آقامنان
یاحیدر دییرم نجف آللام آقامنان

یاحیدر(۲) یاحیدر (۲)

فاطمه دلبری سن مولا
شیعه نین رهبری سن مولا

افتخار بشریت سن
منبع جود و سخاوت سن

توت الیمنن یاعلی بولوسن مبتلایم
ای کرامت معدنی آدیوا من فدایم
سن امیر مومنین سنه منده گدایم
یاحیدر(۲) یاحیدر (۲)

یاحیدر دییرم مدد آللام آقامنان
یاحیدر دییرم نجف آللام آقامنان
یاحیدر(۲) یاحیدر (۲)

زینت عرش و زمین سن سن
آند اولا فاطمیه تک سن

گلشن عشقون آقا سولماز
سنه هیچ کیمسه نظیر اولماز

لافتی الّا علی چاغیریب ذات ذوالمن
ذوالفقاروندان اولوب مصطفی دینی ایمن
الده شمشیری گوروب دورا بولمزدی دشمن
یاحیدر(۲) یاحیدر (۲)

یاحیدر دییرم مدد آللام آقامنان
یاحیدر دییرم نجف آللام آقامنان

یاحیدر(۲) یاحیدر (۲)

(بیکَسم‌ )قالمیشام آواره
بیر نظر سال بو گنهکاره

دِمیرم باغ و بهاریم سان
یاعلی دارونداریم سان

نچّه ایلدی سورونور بو گدا آستاندا
سیزین اُمّیدیزیله یاشادیم من جهاندا
نه اولور گل آقاجان منی قبره قویاندا

یاحیدر(۲) یاحیدر (۲)

یاحیدر دییرم مدد آللام آقامنان
یاحیدر دییرم نجف آللام آقامنان
یاحیدر(۲) یاحیدر (۲)

• یکشنبه
• 1
• فروردین
• 1400
• ساعت
• 18:29
• نوشته شده توسط
• یوسف اکبری

شاهِ خیبَر شِکَنین /عالَمده نوکری ام
مَستِ مِی و ساغری ام/من حیدری ام

امام و مُقتَدا_ ایدر منه عطا
جَهاندا رَهبرَیم فقط، حیدردی_آدینا من فدا
بو بَسدی دَهریده منه رَهبردی_آدینا من فدا

ای ماهِ بُرجِ شَرَف/لُطفِ خَلـّاقه هَدَف
سایه ن گینه باشیمه سال/ای شاهِ نَجَف

به جانِ فاطمه _من عاشقم سنه
گِره گُشای مُشکِلِ عالَم سن_عنایت ایت منه

سَن افتخارِ عالَم و آدم سن _عنایت ایت منه

ای شاهِ مٌلکِ ولا/یا حیدر، شیرِ خدا
لُطفون منه شامل ایله/ای شَمسِ هُدا

اَسیرِ دلبَرَم _غلامِ قَنبَرَم
خدایه شکر ایدم گَرَک یا مولا_قاپوندا نوکرم

منی گینه زیارته بیر یوللا _قاپوندا نوکرم

ای نورِ لَم یَزَلی /گوزل لرین گوزَلی
من تشنه ی کوثَریوَم /مولا یاعلی

سَن ای خدا اَلی _جَمالی مُنجَلی
دوشَنده دَرده آدیوی سَسلَرَم_ مدد علی علی

بولورسَن آیری بیر یره گیتمَرَم _مدد علی علی

شاهِ مَردانیم علی/دینیم ایمانیم علی
احسانیوه مُشترییَم /سُلطانیم علی

جَهانه ای اَمیر _ یوخوندی بیر نَظیر
ولایت اَهلی بیر نَجف، سامرّا _بَراتین ایستییر

بَقیع و مَشهَدُالرضا، کربلا _بَراتین ایستییر

• یکشنبه
• 1
• فروردین
• 1400
• ساعت
• 18:42
• نوشته شده توسط
• یوسف اکبری

ای جان ابدی یاعلی مددی
عشقیمون سندی یاعلی مددی
سنسن نفسیمدن اولیٰ یامولا
مولا یامولا ، مولا یامولا

ای آچان گوزونی کعبه ده عالمه
محترم آناسی فخر ائدن مریمه
اولین جانشین رسول خاتمه
آلنیندان اوپوب طاها یامولا
مولا یامولا ، مولا یامولا

کیم سنه دل وئروب واللهی غمی یوخ
دورت گوشه حرمین سن تک محرمی یوخ
حسین و حسنون حسنوده کمی یوخ
اونلارا سنسن بابا یامولا
مولا یا مولا ، مولا یا مولا

ای آخان باشیندان محرابه القانی
او قاندان اوجالدی نمازین ارکانی
ای هامی شیعه لر ذکریوین قربانی
ای بسم اللهه معنا یا مولا
مولا یا مولا ، مولا یا مولا

سجده ده ووردیلار باشوندان بیر یارا
یارا توختامادی ایش چکوب گور هارا
ملک لر چکدیلر آسمانه قرا
کوفه ده قوپدی غوغا یامولا
مولا یا مولا ، مولا یا مولا

اول یاره نین غمی عالمی داغلادی
گتدیلر بیر طبیب یاراوی باغلادی
سن گوزون آچمادون زینبون آغلادی
یتیملر ووردی باشا یا مولا
مولا یا مولا ، مولا یا مولا

• چهارشنبه
• 5
• خرداد
• 1400
• ساعت
• 20:43
• نوشته شده توسط
• یوسف اکبری

یا علی معجز نماسن
جانشین مصطفاسن
شيعيه مشکل گشاسن
یا علی سندن مدد

مهر سن سن ماه سن سن
شیخ سن سن شاه سن سن
عاشق الله سن سن
مقصد هذالبلد

سن امیرالمؤمنین سن
عالمه نقش نگین سن
ساقی عین الیقین سن
عشقون ايمانه سند

نه بشرسن نه ملک سن
لنگر فلک و فلک سن
عالم خلقتده تک سن
مرز دينه حدّ و سد

مثلوي گورمز زمانه
گلميوب گلمز جهانه
سن موحّد سن یگانه
لم يلد کُفواً احد

سنده وار جود و سخاوت
سائله ائتدون کرامت
قاتله مهر و محبت
اي امين و معتمد

دلخوشام یار عليدن
آل و اولاد عليدن
دويمارام ماد عليدن
ازبريمدي تا ابد
حیدر حیدر حیدر
یا علی سندن مدد
حیدر حیدر حیدر

• یکشنبه
• 9
• خرداد
• 1400
• ساعت
• 18:25
• نوشته شده توسط
• یوسف اکبری

بابام ئولوب گئدوب داخی ایوین صفاسی زینبیم
سزادی عرشه قوزانا آنام نواسی زینبیم

او گون کی ختم الانبیا یوموب بو عالمه گوزون
سقیفه اهلی قویمادی جماعته دئسون سوزون
نه چکدی اول زمان بابام باجی گواهسن ئوزون
ساغالمادی اورکده سی اولان یاراسی زینبیم

جفا و جور و محنتی نهایته یتوردیلر
او جانی لر پیمبرون امکلرون ایتوردیلر
یغیشدیلار جماعت ثقیفه اود گتوردیلر
اوجالدی اود ووران زمان آنام صداسی زینبیم

همای برج عفتون یاناندا آستانه سی
ووروبدی ثانی ظلمیله خزان اولوب جوانه سی
او گوندن اولدی بستری پیمبرون نشانه سی
قوتار خدا بو بیکسی اولوب دعاسی زینبیم

آنام ئولن زمان خدا بولور نه چکدی مرتضا
گونوز بعقیده آغلادی گجه ایوینده برملا
دییردی من آدامسیزام دور ای حبیبه خدا
بو فانی عالمون بیزه هانی وفاسی ، زینبیم

خزان یلی اسوب باجی بابام علی بهارینه
ستاره تک فلک سالوب مصیبتون مدارینه
توکردی گوزیاشین بابام بولوط کیمی عذارینه
دیردی چاهه دردینی غم آشناسی زینبیم

عذاره باغلا اشکیوی ئولوبدی شاه ممتحن
سالوب شراره قلبیمه بو غمده آتش محن
قوناق گئدور پیمبره باشوندا یاره حق دیین
گل آغلا قویمار خوار اولا بابام عزاسی زینبیم

بو غمده « صادقی »توکور عذاره اشک آلینی
باجی بو نوعیلن دیور اورکده کی ملالینی
منیم دلیمجه چون یازوب سنه زبانحالینی
عنایت ائت باشیندا وار نجف هواسی زینبیم

• جمعه
• 8
• مرداد
• 1400
• ساعت
• 10:48
• نوشته شده توسط
• یوسف اکبری

بابا نه گلدی حالیوه باشین ندن یارالیدی
گونوم گوی اسگیه دوتوب بو عالمین بشرلری

سنی بوحالدا گورمیوب بو نازدانه زینبون
اللهی قاتلین گوروم بابا سینیدی اللری

سارالمیسان عجب بابا سنی بو حاله کیم سالیب
حسینه باخ نه اغلیور گتیردی درده دیللری

ابوالفضیم که غیضیدن دای آز قالوب ئوله بابا
یانور باشون یاراسینا گورنده دیده ی تری

ایاقه دور گوزل بابا باشیمی آل دیز اوستونه
نوازشیله بوگجه سن ایله شانه تللری

آنام ئولنده قلبیمی یاروبدی ناوکه ستم
گلیدی لعنته خدا بوشهرین اهل شرلری

ننم گوزتلیور یولون تلسمه صبر ائله بابا
بیر آز دایان حسین سنون قوجاقیوه گله بابا

توکور گوزوندن اشگینی ابوالفضیم قان آغلیور
گوزوندن ئوپ سنه فدا،که قلبی دینجله بابا

ابوالفضلین الینه سن،حسین الون قویان زمان
دئدون کمک حسینه اول دوشنده مشگله بابا

سن اولماسان بابا اگر نه ایلیر اوشاقلارین؟
گوزومدن اشگ حسرتی ال ایستیر سیله بابا

واریمدی عمده خواهشیم بو خواهشی رد ایلمه
گتیر آنامی سن او گون گلنده مقتله بابا

حسن الین یوزه قویوب،حسین یواشجا سیزلیور
اورک سوزون من ایستمم روان ائدم دیله بابا

گلوب اجل دوتوب الون ملائک اغلاشور تمام
بو گلستانیده ستم عدو ائدوب گله بابا

باشیما بش یاشیمدا من قرانی سالمیشام ولی
مصیبتین بقیه سی قالوب چوخی هله بابا

گهی گر ایستسن منیم یوخومدا گل سنه فدا
غریبه زینبه وئرون آنامیله صله بابا

جانین چیخور ،جانیم چیخور، گئت ای غریبه بی کمک
قراریمیز بیزیم قالور حسین یاتان چوله بابا

• شنبه
• 16
• مرداد
• 1400
• ساعت
• 23:48
• نوشته شده توسط
• یوسف اکبری

ابربهاران کیمین داده گلیب آغلاریق
شیرخداجان ویرورسینه لری داغلاریق
جان ویرورحقه داورعلی
شیعیه یارویاورعلی
ایوای علی ایوای علی ایوای علی

گلشن ایمان سولوب لاله وریحان سولوب
دردوملالیله بوغملی اورکلردولوب
باشدایاره علی جان ویرور
باشداکی یاره سی قان ویرور
ایوای علی ایوای علی ایوای علی

قبرایوینه آزقالیب سرورخوبان گیده
فاطمیه اطهره یاره لی مهمان گیده
قلبیلراولدی غرق محن
یاس دوتوبدورحسین وحسن
ایوای علی ایوای علی ایوای علی

پیچ وخمه دل دوشوب مونس جان جان ویرور
پرچم ایمان یاتیب جان جهان جان ویرور
زینب آغلوردیوروای بابا
سینه داغلوردیوروای بابا
ایوای علی ایوای علی ایوای علی

زینبه همدم بابامونس ومحرم بابا
باشدااولان یاروه اولمادی مرحم بابا
تیرهجرانی ویرمادله
سسلرم داده آنام گله
ایوای علی ایوای علی ایوای علی

بس بونجه یاره دی اولمادی درمان بابا
زینبون اولسون سولان رنگیوه قربان بابا
باشداچوخدورغم ومحنتیم
گوزلرون یومایوخ طاقتیم
ایوای علی ایوای علی ایوای علی

• یکشنبه
• 17
• مرداد
• 1400
• ساعت
• 22:26
• نوشته شده توسط
• یوسف اکبری

ضربتلنوب باشدان آتام حیدر یارالاندی
قارداش حسن گل ساقی کوثر یارالاندی

قتل العلی سسلور هامی اولموش بپا محشر
آغلور ملکلر نه فلک گیمیش قرا یکسر
قلبیم ایوین غم چولقویوب ای سبط پیغمبر
دینه مروج عالمه سرور یارالاندی

ای کهکشانلار فیض آلان نور جمالوندان
ای مهربانلار اورگدن حسن کمالوندان
ای خلق عالم دویمویان قال و مقالوندان
یاتما اویان دور فاتح خیبر یارالاندی

محراب طاعتده قلج لاندی نماز اوسته
باش پارچالاندی حقیلن راز و نیاز اوسته
دوشدی امام کون و امکان جانماز اوسته
مسند نشین مسجد و منبر یارالاندی

ابر محندن غم یاغور قلبیم دولوب قارداش
باغ ولایتده آچان غنچه م سولوب قارداش
لرزاندی یر گوگ تترشور دور گور نه اولوب قارداش
عرشه ستون ارضه اولان لنگر یارالاندی

بیر ظلم ایدیبدور زادهء ملجم بوگون دینه
اندوردی قرآن ناطقین اود سالدی کونینه
قلبیم یانور گللم او دور من شیون و شینه
اغیار الینده یار غم پرور یارالاندی

من زینبم جان نقدینه غم ناقه سین آلدیم
اول چاتیب هجران یوکین صوندان یولا سالدیم
چرخ قضا یول باغلادی ال سینه ده قالدیم
آتدی قدر اوخ سینمه یکسر یارالاندی

زهرا ننه م گیتدی قالوب غملر من زاره
ای وای منه بش سنّدن اگنیمده وار قاره
غم یولداشین گورماخلقا گلسیدی دیداره
اوندا دیردیم یار پیغمبر یارالاندی

یرلر اولوب ماتم سرا گوگلرده غوغا دور
نوریله ظلمت بیر بیرین پیلور نه دعوادور
رکن عدالت پیلنوب امروز و فردا دور
دوشسین همای معدلت شهپر یارالاندی

یر دن نوا قالخور گوگه گوگدن گلور ناله
یکسر دوتوب آفاقی غم آغلور بو احواله
غم لشگری شهرین کنارینده چکوب هاله
بسدور''"امینی''"شاه عالملر یارالاندی

• جمعه
• 22
• مرداد
• 1400
• ساعت
• 11:46
• نوشته شده توسط
• یوسف اکبری

علی هر واژه دنیاده
سنه وابسته دور مولا
گلوب اونلار که ایجاده
سنه وابسته دور مولا
علی مولا علی مولا

سنی حق اوز دراکیندن
یارالدیب نور پاکیندن
نه چیخور آب و خاکیندن
سنه وابسته دور مولا
علی مولا. علی مولا

سن اوزون شاهلارین شاهی
قاپون الله درگاهی
بو قدر حکمت اللهی
سنه وابسته دور مولا
علی مولا. علی مولا

اولان ای عشق میثاقی
ابدی کوثره ساقی
او بقاسن که هر باقی
سنه وابسته دور مولا
علی مولا. علی مولا

آدون اسمایه پیرایه
یره لنگر گویه پایه
هامی سوداده سرمایه
سنه وابسته دور مولا
علی مولا. علی مولا

سنیدون عالم زرده
آدون ازبردی دللرده
قره قول برده سرکرده
سنه وابسته دور مولا
علی مولا. علی مولا

اوجادور باشیوین تاجی
او تاجین چوخدی محتاجی
شه کونین معراجی
سنه وابسته دور مولا
علی مولا. علی مولا

• جمعه
• 22
• مرداد
• 1400
• ساعت
• 13:55
• نوشته شده توسط
• یوسف اکبری

گلدوخ عزا ساخلییاق، حیدر کراره بیز
وئرمه‌گه باش ساغلیقی، قولسوز علمداره بیز

شیعه نجف شاهینه، ساخلاییب عالم عزا
اوغلی حسین و حسن، اگنینه گئیمیش قرا
مجلس ماتم قوروب، آل رسول خدا
آغلایین ایمداد ائده‌ک، عترت اطهاره بیز

اولماسا هر کیمسه‌نون چشمی بوگون اشگبار
شاه اّمَمده‌ن اولور، حشر گونی شرمسار
ظلمیله اولد شهید، منبع هشت و چهار
آزدی نقدر آغلییاق، اول شه ابراره بیز

بیزده‌ن اؤتور ائیله‌دی، هر نه ستم وار قبول
تا که رواج اولماغا، شرع مبین رسول
بیز! نه روا اولمایاق بیر بئله غمده ملول
ایتمییح اینصافیدیر سینه‌نی صدپاره بیز

اعلاییون اول سروره، شیعه به شور و نوا
راه خداده وئریب اوغلی حسینی فدا
ائتدیله‌ر اولادینه هر نه ستم وار روا
حشره کیمین اعلاروخ بیر بئله سرداره بیز

یادیمه دوشدوی گینه واقعه‌ی کربلا
شمر لعین او گون ائتدیگی جور جفا
شیعه‌لرین باشینه تؤکدو کول اول بی حیا
وار یئری ایندی گئزک چوللر‌ی آواره بیز

• چهارشنبه
• 3
• شهریور
• 1400
• ساعت
• 20:11
• نوشته شده توسط
• یوسف اکبری

علیدی عنصر توحید، علیدی مَظهر ذات
علیدی خالقی مَخلوقه اِیلین اِثبات

اگر قیاس اولونا نورِ لایزالِ، سراج
علی وجودی مُطلق او نور پاکه زِجاج

علی سسیله حبیبین دانشدیروب اَعلی
همان گجه که ایدوب ختم اَنبیا مِعراج

دِیدی خدا مُتکلم علیدی یا سن سن
یاخوندی قلبیم اوُلا تیرِ شُبهیه آماج

جواب گلدی منم، سس وَلی علی سسی دور
علی قویدی لسان اللّهی له باشینه تاج

بشرده لازمه دور صُوت، من بشر دِگلم
بشیریمی بوردا گورورم بیر سسه محتاج

ولیّمه بولورم فوق العاده عشقون وار
علی سسیندن ایدر دردِ عشق اِستعلاج

گوروب خدا اورگنده پیمبرین وَحشت
قویوبدی قدّرت اَلین کتفنه، ایدوب اِخراج

همان محله علی کعبه دَه ایاق قویدی
توکوب صنم لری دینِ صمد تاپوبدی رواج

علینون اولدی پیمبردن اوجِ مِعراجی
آلاندا اول شه دین بُت پرستلردَن باج

اَنَندَه شَرم ایدوب اِنسون چیخان طریقیله
آتوبدی بامِ حرمدن اوزین او قامتی کاج

هواده اَمر اولونوب جبرئیله دوت قویما
مباد صدمه یته، طاقتین اِیده تاراج

علی آتاندا اوزین بامِ کعبه دَن یارب
نه پیکری یارالیدی نه سوسوزیدی نه آج

بو جبرئیل خدا کربلاده هاردیدی؟
یِره یخاندا اِمام حسینی قومِ لَجاج

اوزی سوسوز یارالی، پیکری دولی پیکان
یارا ورانلار ایدوب گُوزده گُوندوزین شبِ داج

بیری قلج، بیری خنجر، بیری سنان، بیری داش
بیری ووراردی او مظلومه ظلم اَلیله آقاج

یارا سیزلتیسی، گُون ایسسی، اوزی عَطشان
بو بیر غریب کومک سیز، ولی اولار اَفواج

اولوبدی غرق او قان قلزمی نده فلک نجات
شَط و فَرات کیمی مصرعنده قان، مواج

باخاردی حضرت عُلیا مُکرمه زینب
دیردی زینبون ئولسون یوخومدی اَلده علاج

ویرنده جان سنی قویمولا رو به قبله سالوم
گوزیوی باغلاماقا یوخدی گلماقا منهاج

ولیّ مطلق آدیندان (حسینی) چیخما کنار
نظام مطلبی بو طول صحبت ایلدی کاج

• دوشنبه
• 29
• شهریور
• 1400
• ساعت
• 16:24
• نوشته شده توسط
• یوسف اکبری

قدم قؤیدی بو دنیایه امیرمؤمنان حیدر
علیدورسرور عالَم علیدور ساقی‌کوثر
شبِ میلادیدورــ اوره‌ک‌لرشادیدور
علی‌جانم علی ــ علی‌جانم علی

وئرین مژده جهانِ‌اهلِ‌درده بیرشفـاگلدی
شیرینلیک اِئیلییون‌یاران علیّ‌المرتضی گلدی
چراغان اولدو شهرِ مکّه شاهِ اولیاءگلدی
شبِ میلادیدی ـــ‌اوره‌ک‌لرشادیدی
علی‌جانم‌علی ــــ علی جانم علی

من آن درویشِ مسکینم علی سرحلقهٔ جانم
همی گویم علی‌مولا جز این‌حرفی نمیدانم
به عشقش زندگی‌دارم زِ حبّش،دیده گریانم
علی سرمنزلم ــ علی عشقِ دلم
علی‌جانم علی ـــ علی‌جانم علی

بوگون درویش،باعزت دییَرحق‌حق،چکریاهو
کبوترمِثلی ارواحِ دراویش ائیلییر کوکو
سپهرِسینه‌ده اولدوزکیمین قلبی‌وورار‌سوسو
گلیبدورمرتضی ـــ اولارحاجت‌روا
علی‌جانم‌علی ـــ علی‌جانم‌علی

کمندِ عشقوو‌ه‌باغلی‌اولان دل دلبری نئیلور
سنه‌کیم اقتدا قیلسا بیرئوزگه‌رهبری نئیلور
سنه عاشق ‌اولانلارسلسبیل‌کوثری نئیلور
سنه مشتاق اوره‌ک ـــ بو عشقی نئیلییک
اوره‌ک‌دن سؤیلییک
علی‌جانم‌علی ـــ علی‌جانم علی

علی دُلدُل سوارِ عرصهٔ پیکاره قربانم
خلوص قلبیلن باغ بِئلّیین قولّاره قربانم
نماز اوسته اِئدن‌سائللره ایثاره قربانم
نئجه گؤرسائله ــ علی وِئردی صِله
شهنشاهِ عرب ــ علی فخرِرجب
علی‌جانم‌علی ــ علی‌جانم‌علی

• چهارشنبه
• 7
• مهر
• 1400
• ساعت
• 21:46
• نوشته شده توسط
• یوسف اکبری