علی عنقای زرین بال دیندی
مقام و مرتبتده بی قریندی
علیدن گلمیوب دنیایه گلمز
سراج دیده ی اهل یقیندی
جانیم قربان علی المرتضایه
اورکلرده آدی شور آفریندی
حقوق حیدری هرکس کی داندی
یقینأ خصم قرآن مبیندی
خلیفه یوخدی غیراز پورعمران
اگرده اولسا حیدر اولیندی
دئیون تادشمن قرآن ائشیتسین
فقط حیدر امیرالمومنیندی
ائدنده کوفیه گویدن نظاره اولدوزلار
گلوله علتی وار آه و زاره اولدوزلار
گوروله قانه باتوب مرتضی نماز اوسته
دچار اولولا غم بیشماره اولدوزلار
بو غمده اوخشیوری ظلمته زمین و زمان
که گوئیا گئینوب گویده قاره اولدوزلار
باتوبدی شمس امامت هوا گئیوبدی قرا
عزا دوتوبلا سماده نگاره اولدوزلار
یئر اهلی ناله ائدور حیدرین عزاسینده
سماده آغلیور اول جان نثاره اولدوزلار
توکور سراشکینی (سالک) دیور آقام ایوای
ائدور بو غمده فغان شهریاره اولدوزلار
جهان آفرینشده علی یکتای یکتادی
نظیری یوخدی خلقتده علی تنهای تنهادی
بو خلقتده ازل گوندن کیمه منشق اولوب بیر یر
اودا کعبه مثالینده یقین سر و معمادی
آچوب آغوشینی کعبه علینی پیشواز ائتدی
که یعنی ای ولی الله بو یر سنلن مصفادی
رجب آیینده دنیایه گلوبدور ساقی کوثر
ایشیقلاندی جهان یکسر اونون نوری هویدادی
اوخور بلبللر عشقیله گولون عشقینده دنیاده
علینون گول وجودیندن آچوب گوللر شکوفادی
علی شاه ولایتدی علی شمس امامتدی
نه انس و جنه و حورایه که ما فیهای مولادی
علی رحمت علی عزت علی شوکت علی غیرت
علی مولای بی همتا علی چون کفو زهرادی
علیدور یار مظلومان علیدور ناطق قرآن
علیدور متقی انسان علی روح تولادی
اگر کاتبلر عالمده یازا توصیفینی هر دم
گنه قطره اولا بولمز علی دریای دریادی
علینون شأنینی الله ائدوب قرآنیده اعلان
بولونسون عالمه یعنی علینون شأنی والادی
علی ساقی کوثردی علی یار پیامبردی
علی فتاح خیبردی ابر مرد توانادی
علی حیدر علی صفدر علی کان شجاعتدی
علی میدان دعواده فنون جنگه دارادی
علینون ضربتیندندی که قرآن قالدی پاینده
او گون خوار ایلدی امری علی دنیاده یکتادی
اونی خانه نشین ائتدی ریاست اوسته ظالملر
علینی سب ائدنلر هر ایکی دنیاده رسوادی
اگر واردور غمین دلده علینی دم به دم سسله
صفا روحه وئرر چونکه علی روحه تسلادی
توسل ایله صدقیله نظر ائتسون وفا کانی
سنی بوش قیتره هیهات علینون لطفی عظمادی
دلا بوشلا بو دنیانی که دنیادن جفا گوردوم
جفاسین چکدیم عمرمده فضاسین غم فزا گوردوم
غم و محنتده غرق اولدوم اوجالدی عرشه افغانیم
اولوبدور مونسیم ناله گنه آه و نوا گوردوم
دولاندیم کو به کو شهری صداقتدن خبر آلدیم
جفا اهلین صداقتدن محبتدن رها گوردوم
خیالین عالمیندیدیم دولاندیم گزدیم عمرومده
قالاندور عالم امکان خیال اوسته بقا گوردوم
بهاری عمرومون کئچدی یئتیشدی چون خزان فصلی
بو بش گون عمرومون حتی بقاسینده فنا گوردوم
بلایه لا دئدوم اما بلالر همدمیم اولدی
بلایه ایلدیم عادت بلالرده وفا گوردوم
اوچوبدور طایر روحیم دولاندیم کوفه شهرینده
نظیری اولمویانلاردان گوزل بیر مقتدا گوردوم
گونوز تخت خلافتده اولاردی یار مظلومان
او مولانی گئجه وقتی که پایلاردی غذا گوردوم
چکردی باش فقیرانه عطادن دویمویان مولا
ائدوب حاتملری حیران اونی بحر عطا گوردوم
گئچوب گونلر اولوب ماه صیامین چون شب قدری
یاخونلاشدی عبادتده اولا دینه فدا گوردوم
گلوبدور مسجده مولا گئچوب شوقیله محرابه
که محراب عبادتده دعاسین برملا گوردوم
رکوعیله سجودینده دیور یا ربنا العفو
اوجالمیش عرش اعلایه نوای ربنا گوردوم
دایانمیشدی نماز اهلی نماز صبحه صفلرده
او مأوای محبتده بیرین اهل خطا گوردوم
چکوبدور زهریلی تیغین ووروبدور ملجمین اوغلی
بولوبدور حیدرین فرقین وسطدن من جدا گوردوم
بویاندی قانینه جسمی چیخوبدور ناله افلاکه
فضای مسجدی اول دم اولوب محنت سرا گوردوم
هامی ناله ائدور اما علینون شکوه سی یوخدور
باتان وقتینده آلقانه او مولانی رضا گوردوم
دیور ای خالق کعبه یقیناً رستگار اولدوم
که درگاه خداونده ائدور حمد و ثنا گوردوم
آخوبدور قانی از بسکه گئدوبدور جسمی تحلیله
سارالدی گول کیمین رنگی او شاه لافتا گوردوم
قویوبلار بیر کلیم اوسته غرض مولای مظلومی
ایاقیمله گئدم خوشدور دئدی اول با وفا گوردوم
اگر گورسه بو حالتده مسلم زینبیم قورخار
گلوبدور اوز ایاقیله اوگون باشدا یارا گوردوم
منیم عرضیم بودور مولا که راضی اولمادون گورسون
قیزون زینب او حالتده سنی یا مرتضاگوردوم
ندن بس گلمدون کرب و بلایه روز عاشورا
جفادن دویمویان دشمن ائدوب جور و جفا گوردوم
حسین دوشموشدی گوداله گلوبدور مقتله زینب
دوتاندا خنجر شمری او بانوی حیا گوردوم
یالین الده یالین خنجر مسلمدور که نسبت یوخ
تکان تیغه وئرن وقته او گون شمر دغا گوردوم
حسینون باشینون اوسته یارالاندی قیزون زینب
گنه درد و مصیباته اولوبدور مبتلا گوردوم
حسینون باشی ذبح اولدی قالوبدور چاره سیز زینب
بلالی باشینه سالدی قرا اوستن قرا گوردوم
بودردوغمده .سالکده.عذاره گوزیاشین باغلار
دیر ایوای حسینیم وای قورار بزم عزا گوردوم
موسم میلاد یاور طاها ست
جلوه گر از رویش نور تولّاست
شادی دلها از آن رخ زیباست
نور خدایی در حال تجلّاست
یاران دراین شب، شمس دل آرا، گشته نمایان
آمد به دنیا، محبوب دلها، برجسم ماجان
میلاد مولا، یارپیمبر ، برما مبارک
مولود کعبه در حال سجود است
بین ملائک این گفت وشنود است
او علّت خلق وبود ونبود است
نسل وتبار او فخر وجود است
آقای ما و دلبندما اوست آن طفل زیبا
عبد خدا و روح صفا اوست همکفو زهرا
میلاد سرور، محبوب داور، بر ما مبارک
ما همه خوشحال وخرّم و شادیم
دیده و دل را بر عشق تو دادیم
جان به ره دیدار تو نهادیم
چشم به راه تو در روز معادیم
آن یار احمد،آمد خوش آمد،امشب به دنیا
روشن زرویش، شد جان هستی، هم خانة ما
میلاد تنها ،ساقیّ کوثر، بر ما مبارک
به به نه گویچک دی بو تازه مولود
مظهرحقدی هم مرحمت و جود
خالقه ائیلور حمد الله دی مسجود
اوغلودی مولانین مهدی موعود
درده دوادی، مولاعلی نین ،قونداقی یارب
نوری آلیپدی، ارض و سما و، آفاقی یارب
مولاعلی نین، میلادی اولسون،یاران مبارک
کعبه یه داخل چون اولدی آناسی
گلدی بو دنیایه کعبه بالاسی
اولسون اومولانین جانلار فداسی
واردی رضاسیندا الله رضاسی
مولا علی جان ، سنسن بیزیمچون، جانان علی جان
اولموش جمالین گون تک جهاندا تابان علی جان
اولموش جهانه ،مولود کعبه ، هرآن مبارک
صورت زیباسی آیة رحمت
آندیندا ظاهر دی نور امامت
صاحب عصمتدی وارث حکمت
معدن جود و هم کان کرامت
بعداز پیمبر،یوخدی جهاندا، مولا یه همتا
گورمز یقینا"،بیرده اونون تک ،عمرونده دنیا
اولسون بیزیمچین،لطف خدایِ، رحمان مبارک
مولاعلی سنسن عالمه سلطان
شیعه لرین جانی جانیوه قربان
جان جهان سنسن بیزلره جانان
سائله یا مولا ائیله سن احسان
هردرده درمان،سنسن علی جان،یار پیمبر
همکفوِ زهرا ،امیر ومولا، سنسن دلاور
اولدی وجودی ،هردردین اولسا، درمان مبارک
حیدر کرّاریدی صاحب منصب
قلبیده چون عشقی اولدی لبالب
یازدی ولایی دا ذرّه جه مطلب
لطف و عطاده یوخ لنگه سی یارب
بیزدن الهی، گوندر سلامی، سلطان دینه
واصل بویور تئز، جمعین سلامین، قبر حسینه
یاریم اولسا علینین اللهی
خانه ی دلده شمع یاندیرام
حالیمه شامل اولسا رحمت هو
دیو نفسی ایاقلارام دورام
دل اگر قید کبره با غلانسا
پای دلدن بو قیدیده قیرام
نفس اگر اولسا سد اسکندر
سیل اولوب سد نفسی سیندرام
گر الیمدن یاپیشسا شاه نجف
نفسی ئوز قانینه بویاندیرام
سسلرم یا علی مدد سندن
قاف عشقه یاشیل علم وورام
دییرم من ولایت عا شقییم
یو خلیان قلبیمی اویاندیرام
حاجت آلام ولی سبحاندان
قانلی محرابیده آخان قاندان
آقامی او خشا رام یانا یانه
آغلارام گوز یاشیم دونر قانه
دییرم باغری قان آقام لایلای
آنادان مهربان آقام لایلای
قاتلی بد نهاد آقام لایلای
کشتهء عدل و دادآقام لایلای
غم وجودین آلان آقام لایلای
قدری گیزلین قالان آقام لایلای
بیر عمور غم یین آقام لایلای
چاهه دردین دیبن آقام لایلای
جاهدم آغلارام علی غمینه
جان نثارم شرفلی پر چمینه
ای خم هستی حیدر
علی علی مولا - علی علی مولا
جام الستی حیدر
علی علی مولا - علی علی مولا
تومست معنا یی
دم مسیحایی
سفیر سبحا نی
امید فردا یی
ای راز نهان خانه ی پنهان خدایی
دریای خروشان گهر زای و لایی
ای جان ولایت
مصباح هدایت
جانها به فدایت
تو مست معنا یی
د م مسیحا یی
سفیر سبحانی
او مید فر دا یی
فلسفه ی تقواسن
حسنده غوغاست - حسنده غوغاسن
معجزه ی خلقتسن
آیت کبراسن - آ یت کبراسن
راز نهانیمسن
حرز اما نیمسن
عشق سرودیمسن
ورد زبانیمسن
سن راز نهانخانه ی حق سر خداسن
دریای خروشان گهر زای ولا سن
ای مشعل قرآن
آئینه ی سبحان
جانلارسنه قربان
راز نهانیمسن
حرز امانیمسن
عشق سرودیمسن
و ر د ز بانیمسن
اسوه ی با و ر حیدر
علی علی مولا - علی علی مولا
جان پیمبر حیدر
علی علی مولا - علی علی مولا
تو راز پنهانی
شکوه قر آنی
تجلی عشقی
سفیر سبحانی
ای راز نهانخانه ی پنهان خدایی
دریای خروشان گهر زای ولایی
ای جان ولا یت
مصباح هدایت
جانها به فدایت
تو راز پنها نی
شکو ه قر آ نی
تجلی عشقی
سفیر سبحانی
فا تح خیبر حیدر
علی علی مولا - علی علی مولا
آیت داور حیدر
علی علی مولا - علی علی مولا
سن حقه یاورسن
اسوه ی با و ر سن
خصم ستمگر سن
جان پیمبر سن
سن راز نهانخانه ی حق سر خداسن
دریای خروشان گهر زای ولاسن
ای مشعل قرآن
آئینه ی سبحان
جانلار سنه قربان
سن حقه یاورسن
اسوه ی با ورسن
خصم ستمگرسن
جان پیمبرسن
مَدار عشقیدن عاشق ، مُسلَّم باش وئرر گئتمز
اگرچه جانی بَذل ائتسَه اونون عمری هَدر گئتمز
همیشه گُل کنارینده بیتَر چوخ خار وخَس امّا
قونار گُلدن گُله بلبل ، چالار هِی بال و پَر گئتمز
جهاندا دیللَره اَزبر نَچوندور عشق پروانه
گَزر شمعین جَوارینده چَکر ناز شَرر ، گئتمز
یالانچی مُدَّعی چوخدور دیَر دیلده بَلی عشقه
گَلنده امتحان وقتی ، گورَر وار بیر خبر ، گئتمز
دَد و دَرّنده لَر واردور گیوبلَر رَخت اَهلیّیت
دوشللَر گوندَه مین جِلده بو یولدان هِچ بَشر گئتمز
مگر بیرطَرفهُ العینی اولار عشق اهلی نامَحرم
مُسلَّم جَرگهء فِسقه اولان اهل هنر گئتمز
عَجوزَه زال دنیایه ساتانلار گوهر عُمری
گئدنده دَهر فانیدَن اَلینده سیم و زَر گئتمز
یخیلماقدان نَدن بیلمَم آلانمور درسینی جاهل
دِئسونده گونده مین دفعه اومَغزه مُختصر گئتمز
دیوللَر چارپا بیر یول اگر پالچیقدا بَند اولسا
گَلن دفعه همان یردَن بیلَر واردور خطر گئتمز
متاع عشقینی عاشق یتورسَه مَقصده خوشدور
بویولدا یول کَسن واردور یقیناً بی ضرر گئتمز
دلا هُشیار سیر ایله بو بِش گون دار دنیانی
حضور یاره واضحدور دوز عاشق بی ثمر گئتمز
بو دَهر بیوفا جانا طواف عشق ایچون یولدی
بَلَدچی اولماسا یولدا یولی اهل سفر گئتمز
علیدور بیزلَره وَالله چراغ معرفت یولدا
عَقیل انسان قرانلوقدان ائدر دائم حَذر گئتمز
علینون آدینی چوخلار دیلیندَه ذکر ائدر امّا
صِراطِ مرتضادن بیر دقیقه خیرَه سر گئتمز
علیجان گَل قبول ایله بوبَرگ سبزی (نادردن)
قاپوزدا نوکر آدلانمیش اولوبدور مُفتخرگئتمز
ای کوفیان ائویمده بیرقوش کیمی سیخیلدیم
آخر قانا بویاندیم مِحرابیمه یخیلدیم
واضحدی درد حیدر بیلسوز اشاره سیندن
دیل یاره سی چتیندور شمشیر یاره سیندن
ای کوفیان بو شهری من چوخ گجه دولاندیم
ویرانه لَر بیلوبدور گزلین نجه دولاندیم
آل اللّهین گَلنده بو شَهره کاروانی
دَف چالمیون یول اوسته زینب گَلن زمانی
اوندا که سیندیرالّار آئینه ی حیانی
بازاروزه چَکه لَر اولاد مصطفانی
اوندا سیزون بوشهری نازلی نَوَم گزنده
قولّار طناب باغلی ،دوشسَه بالام کَمنده
گورسوز یتیمه قیزدور اوطفل نازدانه
شهروزده ورمیون سیز مهمانه تازیانه
مِحراب طاعتینده شاه وِلا یخیلدی
یوز گوز قانا بویاندی شیرخدا یخیلدی
مشکل گشای دَهری آغوشه بستر آلدی
فرش عَزانی داور عرشِه بَرینه سالدی
بی صاحب اولدی مِنبر مِحرابه غُصّه قالدی
چون شارع شریعت مِحراب اَرا یخیلدی
حیدر مثالی بیرده گَلمز بو روزگاره
مِرآت حَقَّه حقدن گویا اولوب اشاره
یعنی که راحِل اولسون عشقیله کوی یاره
بیچاره و عَلیله درد آشنا یخیلدی
عاجزدور عدل عالم عدل و عدالتیندن
آزدور نَه قَدری یازسام شرحِ کَرامتیندن
حاتَم لَری مُحیّر ایلور سخاوتیندن
اما هزار افسوس دست سَخا یخیلدی
ماتم زده غمیندن خلقتده ماخَلقدی
بسترده دور یارالی مهمان کوی حَقدی
گویا که جلدی پاره قرآن وَرق وَرقدی
قرآن ناطق ئولدی باب رَجا یخیلدی
درمانده لَر یاتانمور شیر خدانی گوزلر
چوخلار خرابه لرده قوت و غذانی گوزلر
یاتماز یتیم اوشاقلار گوزلَر آقانی گوزلر
چوخلار هَله اینانمور اول مُقتدا یخیلدی
دریای وفا ،شیرخدا،شمس ولایت
آئین شرف،مظهر حق روح عبادت
عَدلی،عَملی،عِلمی،وجودی،حرکاتی
شیرین سخنی،خطبه سی محکم اثراتی
حیرتده قویان نُه فلکی،شمس و کُراتی
اَللر دوتان اَل صاحبی ،مِرآت حقیقت
مِصداقِ طَریقتدی ،ترازوی شریعت
صِفینیده بیر مرد قَوی پنجه و مشهور
اسلام عَلمین یخماقا گلمیشدی او مَقهور
شرکت ائلدی جنگیده گلسون اَله منظور
یاددان چیخادوب قدرت حَیّ اَزَلینی
میدانه گلوب ایستدی میدانه علینی
درک ایلدی بو دعوتینی مالک اشتر
میدانه او اثناده قدم قویدی بوافسر
یوز دوتدی حریفه دئدی ای خَصم بَداَختر
تا ساقدی علی نوکری بو ضِیغم میدان
هر بی سروپا جنگینه گلمز شه مردان
لبخند وروب افسر اسلامه او جاهل
سرمست زر وشهرت اولوب مقصدی باطل
یوز مالکه دوندردی اولا صحبته داخل
سن گئت دئدی قوی بَدر دُجانون ئوزی گلسون
میدانه دیون شیر خدانون ئوزی گلسون
مِهمیز وروب مَرکبین اویناتدی او شامی
یوز لشکر اسلامه دوتوب چکدی لِجامی
بیرده اوجادان سَسلدی میدانه امامی
اوچ دفعه همین دعوتی چون ایلدی تکرار
آخرده بو دعوایه گلوب حیدر کَرّار
میدانه قدم قویدی علی اَشجع والا
اَلده ایکی باش تیغی اولوب رَزمه مهیا
یوز دوتدی حریفه بِله اَمر ایلدی مولا
لَفظونده سنون قدرت بازو سوزی گلدی
گوستر هُنرون جنگه علینون ئوزی گلدی
تا گوردی جمال حَقی حَق مَعبرین اوسته
ساق اَلده عمودی دولانوب لَنگرین اوسته
اَندیردی اونی قدرتیلن حیدرین اوسته
قلخانینی حائل ائلیوب پیکره حیدر
بیرضربه وروب ضربتینه صف شکن اَللر
چون دوشدی عمودی اَل آتوب تیغ جفایه
شمشیریله یورش گتوروب شیر خدایه
الله اَلی قالخیزدی اَلین اوندا هوایه
دشمندن اوخیبر یخان اَل فرصتی آلدی
بَه بَه سَسی عرش اوسته مَلکلردن اوجالدی
قَهریله قوی دشمنی چون مَقتله سالدی
شام اهلینی تَشویشه همین مَرحله سالدی
لشکر قاریشوب بیربیرینه وَلوَله سالدی
خوار اولدی علی دشمنی ئوز کینه سی اوسته
حضرت دیزینی قویدی اونون سینه سی اوسته
وئردی حرکت خنجرینه حجت یزدان
تا مُهر عَدَم بیرده گوره دستهء بُطلان
گلدی دیله عِجزیله همان شامی هراسان
اَل ساخلا قِتالیمده دئدی بو سوزه خاطر
عَفو ایله منی شامیده آغلار گوزه خاطر
سن میر عرب رهبر اَقشار عَجم سن
تصدیق ائدورم سن دِیَنی میر اُمَم سن
من روسیهم سن ولی دریای کَرم سن
رحم ائت منه ای رحمتی بی حَدُّ وکرانه
بیرخوردا قیزیم وار یولومی گوزلر اَلانه
دشمندن ائلیکه بِله صحبت دیله گلدی
دریای کَرم داشدی گِنه ساحله گلدی
رحمه اوزوگون بَذل ائلین سائله گلدی
فرمایش ائدوب رحم ائلدیم حرمت داور
دورگئت وطنه ایندی بالون یولّاری گوزلر
حِیرتده قویوب عالمی بو عدل و عدالت
طبعیم قوشی بو یرده گَزر آیری حکایت
خامه گِنه پَردیله ائدر غملی اِشارت
اولمادی رضا شامیده بیرقیز یولا باخسون
قوینوندا اَلی گوزیاشی رُخسارینه آخسون
عَکسینده علینون عملی جِلوه گر اولدی
اولادی اونون شامیده دائم مَلر اولدی
ویرانه سوزون قوی دانیشوم گور نَلر اولدی
خامه گِنه غملردن آخان اولدوزا آغلار
ویرانه بوجاقینده ئولَن بیر قیزا آغلار
بیر خورداجا زهرا سوزی بو مَحفله گلدی
باریکیدی مطلب که سخن نِسگیله گلدی
یَابنَ الحسن عَفو ایله منی سوز بِله گلدی
ویرانهء شامون دوتولان ماهی رقیه
شیرین دیلیله سَسلین اللّهی رقیه
اولسیدی یوخی عارض او دلبند ربابه
رُخسارین ئوپردی گِنه ده خاک خرابه
گویا که قِزیل گُل سَپَه لَنمیشدی تُرابه
زینبده دیردی بو بالام خسته دی خسته
زهرادی یاتوبدور ائله بیل تُپراقین اوسته
آخشاملار اونا سِیر زمانه یوباناردی
هرلحظه نی بیر ایل بِله اَیّامَه ساناردی
صُبحون قوشی تک صبح زمانی اویاناردی
اَل سینه ده ویرانه قباقینده دوراردی
قاره یِل اَسوب تِللرینه شانه وِراردی
ویرانهء شامی دئدی دیلدَن دیله سالّام
یولّار قباقیندا دورارام گوز یولا قالّام
گون باتسا گِنه رشتهء زُلفی اَله آلّام
اولموبدی مسافرلریم ایچره گَلن الله
آز قالدی منه کوینگیم اولسون کفن الله
تَشبیهم آنام فاطمیه درد و مِحنده
ویرانه ده من آغلادیم او بیت الحَزَنده
ثانی گوزومه گورسَنوری شمری گورنده
زهرا نَنَمون نِسگیلینی ایلدیم اَظهَر
یول یول گوگَرَن جسمیم اونون جسمینه بَنزَر
(نادر)ائله سن عرصهء تاریخی سیاحت
تاپ یازماق ایچون دفترووَه یاخشی عبارت
نَظمه چکیلوب میرزا حَبیبدن بو روایت
هر بیتینه بیر بیت بَقا قیمتی اولسون
عُقباده اولان مَنزلوون زینتی اولسون
اَمین وَحی بیرگون اولدی نازل
کلام حضرت مَعبوده حامل
حضوراحمدی درک ائتدی حاصل
واریدی مَحضر طاهاده حیدر
اونا جِبریل هِی باخدی مُکَرَر
سئوال ایلوبدی طاهادن او اَثنا
بوخوش صورت قوناقون کیمدی مولا
جوابینده بویوردی میر بَطحا
گورورسن رویَتاً چوخ گورمَلی دور
عَم اوغلومدور اونون آدی علیدور
بله عرض ایلدی طاهایه جِبریل
تَحیُّردن سوزه مشکل گلور دیل
منیم عمریمدی اوچ یوزمین نچه ایل
ندن قوی عرض ائدیم صاحبدَم اولدوم
تمام مُنزلاتَه مَحرَم اولدوم
سَماده طاق چارمدَه قالاردیم
گئدوب یول بیت مَعموره سالاردیم
مُدرّسدن او یرده درس آلاردیم
مُدّرس کیمدی گور نور جَلیدور
همین بو ائوده کی مولا علیدور
یازوب قرآنینه خَلّاق داور
علینون آدینی جان پیمبر
اودور صِدقه صَفایه عَدله مَنظر
اَنیس رَحمت لِلعالمینم
اونون درسیله من روح الاَمینم
علیدور (نادرا) خلقتده زیور
علیدور عَدله پیکر حَقّه مَنظر
علینون علمی چون دریای اَحمر
علینون صبرینه حیراندی داغلار
علینون زُهدینه مِحرابی آغلار
مژده مژده بــــــر شیعیان
آمـــــد امیــــــر مومنان
شاه ولا شیـــــر خـــــــدا
رهبــــر مــا در دوجهان
بر عاشقـان ولی آمد
امــــــام مُنجلی آمد
صفای قلب پیغمبـــر
علی آمــد علی آمـد
غرق ســــــرور اهل جنان
بلبــل دل نغمـــــه کنان
یار نبــــی عشــــق بتـول
بر دل مـــــا روح و روان
بر اهل دل امیــر آمد - نصیر آمد مُنیر آمد
مَهِ انـــور دل و دلبر - خبیر آمــد بصیر آمد
مژده ای دل گلــــدی حیدر
شیر مـــــرد بــــــدر و خیبر
نــــــــور دل اهـــــل کساء
شیعه لــــره یــــار و یــاور
شهنشــــــاه معظمـدی
خانم زهرایه همدمدی
حَسنـــینه معلــــمدور
دبیر شیــــــر علقمدی
جان جهان عشــــق جنان
مثل نبی بت سینـــــدیران
هم قهرمــــان هم پهلـوان
حیـــــدر امیـــر مــومنان
امیــــــر با درایتــــــدی
اوزی دریای غـــیــرتدی
گوزلّیــــکده یوخی همتا
گوزی قـــاشی قیامتدی
باشه قویـــــــار تاج شرف
بیـــر گـون اولار شاه نجف
آدی گـــوزل شانی گوزل
شیعه لـــــره عشق و هدف
نظیری یوخ شجاعتده - کرامتده سخاوتده
امیدیم وار شفیع اولسون - بیزه مولا قیامتده
(پوریایم ) نــــوکــریوم
سائل بــــــــو درگهیوم
ساقی کوثـــــر سن علی
تشنـــــه لب کــوثریوم
آدون درده دوا مولا - مریضه ویر شفا مولا
بو جمعه عیدیانه ویر - برات کربلا مولا
مولا جهاندا دورت گُل اطیب وارون سنون
برج شرفده جلوه لی کوکب وارون سنون
جمع کساده گورمه لی موکب وارون سنون
کاخ یزیدی ییخماقا زینب وارون سنون
الله وئریب بو دختری یا مرتضی علی
سن سن طراوتی چمن ویاسه ئورگدن
سن سن کسرلیقی دم الماسه ئورگدن
شمشیر ویرماقی بطل الناسه ئورگدن
جنگین فنونین حضرت عباسه ئورگدن
نیلور حسین لشگری یا مرتضی علی
مژده بر شیعیــان مولا آمد
ستــــــاره ی برج ولا آمد
مــاه سما آمد
مولای ما آمد
گلشن شــده کُلِّ دنیا دنیا
بهــر نبــــی آمد یار زیبا
یـــاور طاهـایی - دلبر زهرایی
آرام جــان روح روان آمد
شادی کنید نور یزدان آمد
بر شیعیان سرور - بررهبران رهبر
دنیا اولوب گلشن گلشن گلشن
گوزلریمیز روشن روشن روشن
شاه ولا گلدی
شیر خدا گلدی
اربـــــابیمیز مولا عــلی گلدی
دلــــداریمیـز مولا علی گلدی
روحه ریحان گلدی -آرام جــــان گلدی
خوش گلموسن آقا یا مرتضی
اولسون مبارک مقدمون مولا
بلبلّـــر نغمه خوان - گلّــــر شادو خندان
پیغمبـــــره یارو یاور گلدی
حضرت زهـرایه دلبر گلدی
یــار نبـــــی الله - علــــی ولــــی الله
کعبه ده گوز آچدین سن دنیایه
گلــــــــدی خبــر ختم الانبیایه
نور یزدان گلـــدی - مـــــرد میدان گلدی
اون بیر امامـــــه آتــاسن مولا
ایکـــی دنیایـــه مولا سن آقا
گوزل آدیـــــن حیدر - ســــن فاتــح خیبر
ســائلّـــره مولا احسـان ایلر
دردیمیـــزه مولا درمان ایلر
درده دوا حیـــــدر - مشگـــــل گشا حیدر
مه رحمت مه غفراندی علیدن دانشاق
رمضاندی مه احساندی علیدن دانشاق
گر چی بو آیی خداوند یازیب اوز آدینا
آرتریب حیدرین آدیله بو احسان دادینا
یا علی سسله قوی آللّه سنی سالسین یادینا
دییرم ایندی نه برهاندی علیدن دانشاق
اهل علم اهل منابر واریدور آگاهی
وار علینون نچه القاب کفا باللّهی
یوخدی وسعت قلمیمده نه دیوم افواهی
بو قدر بیل کی دوز انساندی علیدن دانشاق
یا علی سندن اگر اولسا عنایات کمک
سنون الطافوه زینت اولار آللّه معک
ویرارام محترم آدونله بو طوماره بزه ک
سسلرم خامیه جاناندی علیدن دانشاق
بیر علی کی اونی تأیید ائلیوب ربّ جلی
حق علینندی پیمبر بویوروب حقدی علی(ع)
گوردی معراجده طاها اونا حیدردی ولی
یازلیب عرشه نمایاندی علیدن دانشاق
نیه بیلمم چوخینون جان گوزی نابینادی
بابا والّه بو علی (ع) دولت کرّمنادی
بشر خاکی دگول محرم اونا ادنادی
حرمی روضه ی رضواندی علیدن دانشاق
جنّت و تجریه من تحت الانهار بودی
جنّت احبابه بولن دشمنینه نار بودی
هر شب جمعه رضا اوغلینا زوّار بودی
بی بها جان اونا قرباندی علیدن دانشاق
اهل ایمانیله برزخ آرا دیوار بودی
قاضی ثانی و زهرا در و مسمار بودی
بیوه عورتلره ایتامه هوادار بودی
قدر مجهولی فراواندی علیدن دانشاق
بی وضو آدینی دوتمازدی رسول نبوی
اونا آللّه اوزی تزویج ائلدی فاطمه نی
قورتاران اوتدان علی حُبّدی هر ما و منی
ناطق صادق قرآندی علیدن دانشاق
حوریلر حضرتی گورسیدی سلام ایلردی
محضرینده خطبا ختم کلام ایلردی
نوحی دربار گلی سینده غلام ایلردی
کائنات عشقینه عطشاندی علیدن دانشاق
حکمرانیدی عوالمده وحوش و بشره
انس و جنّ ثابت و سیّاره هجردن شجره
آب و باد و مه و خورشید و کرات دگره
دئدلر ضد مسلماندی علیدن دانشاق
اوزی فرمایش ائدردی ندی بو جنگ و جدال
بوشلیون جهلی واروزدور گتیرون هر نه سؤال
سوروشون حل ائلیوم من سیزه بی مزد و ریال
سینه سی علم خروشاندی علیدن دانشاق
مشی پیغمبر خاتمدی اولاق رأس رئوس
اوتوز ایلدی ولی ایرانی ییور چینپله روس
ایکی اهریمن مکّاردی بودا و مجوس
هر جوتی عامل شیطاندی علیدن دانشاق
رمضان آینون اون دوقّوزی صُهر طاها
افطارا اوز قیزی کلثومه قوناقیدی آقا
تا سحر اوتدی عباداته بیلور شیر خدا
عمرینه نقطه ی پایاندی علیدن دانشاق
اوجالیب مأذنه لردن ائله کی صوت اذان
مسجد کوفیه شوقیله دوروب اولدی روان
نچه مانع ولی مولایه او دم اولدی عیان
دئدی گل موقع پیماندی علیدن دانشاق
کاش گتمیدی او گون مسجده میر عرصات
کاش منزلده ائدوردی آقا انجام صلات
گر چی بو فیضیله آچدی بیزه باب حسنات
حشرده شافع عصیاندی علیدن دانشاق
دئدی کلثومه حلال ایله سنی اینجیتدیم
بلکه دای اولمادی دیدار قیزیم من گتدیم
صبح هجرانی فنا عالملن درک ائتدیم
گه پریشان گهی شاداندی علیدن دانشاق
داخل مسجد اولوب قصد نماز سحره
دوردی محراب عبادتده باخیب دور و بره
قاتلین گوردی یاتیب سسلدی روشن خبره
گوز اودور حیدره گریاندی علیدن دانشاق
نیّت ایلوب اوخودی حمد ائدیب سجده امام
رکعت اوّلی قورتاردی ائدیب فوری قیام
دوّمین رکعتی آغاز ائلدی میر انام
نیلیوم لحظه ی حرماندی علیدن دانشاق
سجده ی رکعت دوّم کی ائدیب شاه نجف
اولدی بیر ضربه ی شمشیره عداوتله هدف
نجه ضربیدی ملکلر دئدیلر وای الاسف
آغلا گوز یاشوی درماندی علیدن دانشاق
سجده ده باشی قلجلاندی امیر عربون
وار یری حیدره آغلار کچه گر روز و شبون
گوز یاشون قوتارار اوتدان سنی هم جدّ و ابون
چون علی والد خوباندی علیدن دانشاق
گلدیلر داده و نوائیله او ساعت حسنین
بابا وای دلده سالیبدور ایکی گُل شورله شین
گتریب نالیه حورالری گوگلرده حسین
عرش اعلاده ده طوفاندی علیدن دانشاق
یخلیب قانینه محرابده غلطاندی علی
دیدیلر فاطمیه بو گیجه مهماندی علی
باشنون قانییله جامه سی الواندی علی
ائله بیل لاله ی نعماندی علیدن دانشاق
بیر گلیم ایچره قویوبلار یارالی مولانی
حمل ائدوللر ائوینه جسم یل هیجانی
چیخدی زینب قانا آغشته گوروب بابانی
سسلیب گل نه نه دل یاندی علیدن دانشاق
نه نه م آللّه یوخیدی دیدوک آتام واردی هله
ایله مزدوک حق داداره مشاکلده گِله
بیر حسینه گوره زهرا آدی گلمزدی دیله
قلمه فرصت جولاندی علیدن دانشاق
آتا یوردوندا غریب وطنیدی حسنین
ئولدی حیدرده یتیم اولدی ایکی نور دو عین
حسنی دوره لدی غصّه دل افسرده حسین
واقف حال غریباندی علیدن دانشاق
حیف اولا بلمدیلر کوفه لیلر کیمدی علی
نور خالصدن اونی خلق ائلیوب جَلَّ جلی
بیلمدی قدرینی اول امّت نا پخته ولی
سینه ی صاف "صفا" قاندی علیدن دانشاق
اوزی جان اوسته یاناردی اورکی قاتلینه
او اسیروزدی دیردی یتیشون مشکلینه
رأفت حیدره باخ دشمن غدّار الینه
دئمه دی بو شه دوراندی علیدن دانشاق
صبحدی اون دوقوز ماه صیام
حیدر کرّار امام همام
قصد نمازیله ائدیبدور قیام
عازم اولوب مسجده شاه انام
انجم و افلاک فروزان قمر
ایلور اشاره اولاجاقدان خبر
یر دانشور حیدریلن مستمر
وار نه خبر ای شه والا گُهر
عرشده وار حادث خونین پیام
قبله نما گلدی دوروب قبلیه
صبح نمازینی ادا ایلیه
باشلادی تکبیر اذان سویلیه
صبح وصاله تلسور نیلیه
واقف اسراردی چونکه امام
کعبه ده دنیایه گلن محتشم
حیدر کرّار امیر اُمم
سجدیه قدّین ائلدی تیز خم
اندی دالیجا دم تیغ ستم
وای دئدی جنّاتیده خیر الانام
سسلدی جبریل به صوت جلی
عرشده یا شیعتی قُتل العلی
سوندی هزار حیف اولا دین مشعلی
غرقدی اوز قانینه نعم الولی
قالدی نمازی آقانون ناتمام
یوز گوزی قانلی یخلیب مرتضی
باش بولونوب قان سوزولور تپراقا
چوخ سوزی وار ایلیه بیلمور ادا
رنگی سولوب گاه باخور صاق صولا
فُزتُ بربّی دیور آرام رام
اوغلی حسن صاحب قلب سلیم
امر ائلدی حاضر ائدوبلر گلیم
چون دئدی مولا آپارون دینجلیم
ائوده داخی صحّته چاتماز الیم
دای ایکی گوندن سیزه چوخ قالمارام
وای بابا آغلور سولیور مجتبی
شاه شهیدان دیور ایوای بابا
ناله و افغانه گلیب نُه سما
گیدی ملائک قره قوردی عزا
حیدره نالاندی تمام نظام
سس یتشیب زینب غم پروره
تز یتریبدی اوزین اول سروره
قان سوزولور گوردی علیدن یره
دل دئدی آیا نه گلیب دلبره
کیم بوییوب قانوه ای ذوالکرام
کیم بابا بو حاله سالیبدور سنی
قویدی ئولونجه داخی آغلار منی
سولدی الهی بابامون گلشنی
گل آنا ای مهر و وفا معدنی
حامیدون سن باباما صبح و شام
غبطه ائدردیم بابا اجلالوه
ایندی نجه آغلامیوم حالوه
من نجه طاقت گتریم نالوه
قانه بویانمیش بو خد و خالوه
زینبه مشکلدی گتیرسون دوام
حیدر ائشتدی قیزینون سوزلرین
ایلدی جاری یوزه اشک ترین
ائتدی مخاطب نگران دخترین
گت باباون حاضر ائله بسترین
خوشدی قوناقه ائده سوز احترام
دای منه فکر ایلمیون زینبیم
قوی دیوم السّاعه بیلون زینبیم
فکر تدارک ائلیون زینبیم
ئولملیم من سولیون زینبیم
اولسون حسن واقف نصّ کلام
نایبه ی زهره ی زهرا قیزیم
آغلاما چوخ ایلمه غوغا قیزیم
صبر ایله ای غملری دریا قیزیم
ایله عزا حیدره برپا قیزیم
عمری علینون بالا اولدی تمام
سنده دوشر بوردا بلایه باشون
ناقه ده سن نیده گزر قارداشون
کوفه ده قانه دولانار گوز یاشون
خیل اسیراندی او گون یولداشون
عترت زهراده اسیر ظلام
وار حسنونده باشینون چوخ غمی
زهر وئرر اوغلوما اوز محرمی
داغلار اونون غصه سی بیر عالمی
قارداشوون سنسن او گون همدمی
ایندیدن آماده اول ای خوش مرام
اوغلوم حسینونده قضایاسی وار
چوخ باشینون دهر ده غوغاسی وار
غربت آرا درد غم افزاسی وار
تشنه وئره جان حقه امضاسی وار
واقف اول ای دختر والامقام
کرب و بلا آدلو مکاندا حسین
دینه وئرر یتمیش ایکی نور عین
تک قالار آخرده شهِ مشرقین
سسلر هایاندا شهدای حُنین
اوردا دیرسن کی حسین من وارام
ماه مبارکدی لیال دعا
اولدی مصمّم نظریم بی ریا
شعر یازام در محن مرتضی
یازدی بو اشعاری علیجان "صفا"
لطف ائله مزدیم اولا شیرین کلام
طریق نوردن سالک تاپوبدور ارج شایانی
حیات جاودان آلسون آتوبدور دار دنیانی
بلی نفس مطهّردن تاپار انسان بو رجحانی
گزر بیر گوز ویریم آندا فضای عرش اعلانی
رواق عرش چارمده قویار حیرتده عیسانی
صراط مستقیمون التذاذین بیلسه هر عارف
چکیلسه چوب تک منشاره قدّین ایلمز عاصف
ایدر بیتوته بطن حوتده گورمز اوزین خائف
اولار مجهول و معلوماته بیش از ماسبق واقف
مقام سیر حورادن تاپار اکسیر ایقانی
مطاف کعبه دن طالح گورنمّز طلعت یاری
متاع عشقه میزان وار پذیرا اولماز عیّاری
تصدّق جان سویر جانان تقاضا ایلر ایثاری
تبارک ذات اولار صالح خصیم ذوق خمّاری
شکوه عشق و ایمانی ایدر شرمنده نیرانی
بشر فرخنده خو اولسا یقین بیل اهل معنادور
مقام شامخی قرب ربوبیّتده والا دور
مثال نیر اعظم جمالی عالم آرا دور
نجه مین دورت یوز ایل نام علی پیوسته احیادور
چکر اوتدّان قیامتّده کناره اهل عصیانی
علینون بعد تقواسین بلن پروردگار اولدی
رسول اکرمه نایب مناب با وقار اولدی
غلامی قنبریدی گور نجه پر افتخار اولدی
یاپوشدی دامنین هر کیم جهاندا رستگار اولدی
ایکی دنیاده تاپدی حشمت و جاه سلیمانی
شرار شمع رویندن هر اول بیدار نور آلدی
سراج معرفت انوار حقدن مثل هُور آلدی
شرفلندی تشرّفدن او کس فیض حضور آلدی
جنانه ساقی کوثردن ابلاغ عبور آلدی
شمول لطف اولار درک ایتسه هر کیم عشق مولانی
علی اقدسدی اکرمدی حق یکتایه لا غیره
اونون نوری ایدور دعوت جهانی شرّدن خیره
فرشته صورتین ترک ایلوب انسانلان چخوب سیره
گهی بتخانه گه مسجدده گاهی یول سالوب دیره
حریم سرّه محرمدور ولیّ اعظم عنوانی
علی کسب معاشه لاف تزویر و ریا ویرماز
علی دنیادن اوتری واجباته پشت و پا ویرماز
علی ارزاقی انبار ایلیوب قفل جفا ویرماز
علی بر چسب تهمت بیر ضعیفه نا روا ویرماز
علی بیر عالم کاملدی اولماز ذرّه نقصانی
الهی عالم سرّ خفادن کیمدی کام آلسون
ندور امّاسی بیر شخص دنی الده حسام آلسون
نماز اوستونده بیر مرد خدادن انتقام آلسون
که بیر مکّاره عورتدن گدیب کام حرام آلسون
الین قوینوندا قویسون زینب و کلثوم نالانی
علینون انشقاق رأسی پوزدی نظم دنیانی
یخلدی سجده گاهه جاری اولدی مسجده قانی
هواده سسلدی روح القدس قتل العلی آنی
ایتوردی مجتبا فوراً اوزین گورجک بو جریانی
دیدی ایوای بابام ئولدی یتیم اولدیم حسین جانی
داخی بوندان سورا دنیاده سینه داغدار اولدیم
باجیم کلثومله زینب حسینه پاسدار اولدیم
امیدیم گیتدی الدن درد و غمدن اشکبار اولدیم
جوار رحمتیندن حیف اولا یا رب کنار اولدیم
سَلُونی سسلین شخصینده اعلان اولدی فقدانی
شهاب ثاقبیم اولدوز کیمین آخدی مسیریندن
یوزی محرابی قان دور چخمیور تقوا ضمیریندن
حمایت ایلیور حتّی اولوم حالدا اسیریندن
ایله غش ایلیور گوزلر آخور ضعف کثیریندن
اوشاقلار قورخشور آغلور چیخور افلاکه افغانی
بو یرده آیری بیر غم قلب ناشادیم ایدور احساس
اورکده درده گلدی ایتدی بو اندوهدن آماس
مجسّم اولدی ناگه خاطریمده حالت عباس
دیوردی وای یتیم ایتدی منی هانسی خدا نشناس
ایشتدی پشت دردن ناله سین مولا بآسانی
بویوردی کیمدی شدّتلن بو قدری ایلیور ناله
خبر ویردیله عبّاسوندی آغلور گلمیور حاله
دیدی قویما حسین جان قارداشون دوشسون بو احواله
یاپوش غیرتلی قارداشون الیندن چاتسون آماله
ویریم قوی ال اله شمس منیر و ماه تابانی
حسین عباسی رأفتله چاغوردی چکدی آغوشه
یوزیندن اوپدی قارداش سسلدی گتدی بیرآز هوشه
دیدی گلمیش بابامون سندن اوتری محنتی جوشه
امامون محضری مهریله ماهی گتدی کرنوشه
مجسم ایتدیلر آری نظرده لیل هجرانی
آچوب عین البقا گوز درک ایدیب عباسی محنت پوش
دیدی رأفتله فوراً ایلشون دورمده دوشادوش
ئولونجه باغلاشون قول مودّت اولماسون مخدوش
مواسات عهدینی لوح ضمیره ایلیون منقوش
یادوزدا ساخلیون بو لیل هجر و عهد و پیمانی
رئوس خاطراتوزده یازیلمیش غملو بیر سودا
همین سوا گییر رخت عمل بیر ظهر عاشورا
چکر لشگر شهید ایتسون سیزی چون فرقه ی اعدا
ابوالفضلی علمدار ایلیورسن اوردا هم سقّا
گوررسن صدق گفتارین حسین جان روز بُحرانی
لیال قدر دور آغلار گوزوم صبح و مسا یا رب
گنهکارم الیم بوش بینوایم صاحب مطلب
علی جان قبر ایوینده داده یت سن بیل قزون زینب
"صفایه" لطف قیل وئر درگهونده بیر کچیک منصب
شفاعت قولین آل مولا خدادن ای کرم کانی
همای رحمت سبحاندی وجود علی
ثبوت سوره ی قرآنیدی سجود علی
علیدی بنده ی ممتاز حیّ لم یزلی
تانیمادی اونی اِلّا خود ودود علی
معرّف آدینه نهج البلاغه سی بسدی
گر اولماسا دانشان بیر نفر بسود علی
عدالتیله همیشه قضاوت ایلردی
خلافتنده خلاف اولمادی شهود علی
اودور اولنده صدا دوشدی ما سوایه گلون
خلل تاپولدی عدالتّده در نبود علی
رضا دگلدی گرفتار ظلم اولا بیر کس
امیّه اولدی ندن بیلمدیم حسود علی
اجازه ویرمدی ظلّامه اَل فساده آچا
بو کارزارده هیچ اولمادی رکود علی
دوشردی رعشه وجود یلان کفّاره
اولیدی صحنه ی جنگه اگر فرود علی
سبب بودور لقب آلموشدی ضیغم الغزوات
توکوبدی چوخ یره باش ضربه ی عمود علی
تعرّض ایتمگه هیچ کیمده جرئت اولمازدی
رسول اکرمه چوخ نافعیدی بود علی
نبیّ حقّ ایله کی دعوت اولدی معراجه
مشامینه یتشور گوردی عطر و عود علی
یوخیدی مثلی عبادتده زهد و تقواده
دیلینده کلمه ی یا هو اولوب سرود علی
نماز اقامه ایدنده وجودی تترردی
بروز ایدردی حقه عشق بی حدود علی
گدردی دیدینه بی اقربالرون دائم
ایشقلاداردی قرا کلبه نی ورود علی
شکسته حالده گورسیدی بیر صغیری اگر
چیخاردی عرشه اورکدن نوا و دود علی
کفیلدی فقرانون معیشتینه اودور
زبان زد اولدی جهاندا سخا و جود علی
یتیمه قزلارا چوخ چوخ نوازش ایلردی
انیسدی اولارا جمله تار و پود علی
علی مرامده هر کس گلوب جهانه گیده
روان پاکینه حتماً چاتار درود علی
لوای دینه نگهباندی دلیرانه
گوتورمزیدیلر اَل کینه دن عنود علی
او گونکی سجده ده ضربت لنوبدی رأس امام
قبول درگه حقّ اولدی آزمود علی
ویران زمانیده فوراً دوتولدی ضارب حق
گورک نه اولدی اولوم حالدا وانمود علی
بویوردی قاتلیمی ساخلیون آماندا اوغول
کسلمیشیدی ولی طاقت قعود علی
غذا زمانی دیردی غذا ویرون اونادا
اسیروز آج قالا گر سلب اولار غنود علی
او قاتلون عملی بو علی مرامی گورون
روادی دایر اولا بزم یادبود علی؟
حکیم گلدی گوروب زخمی دلغمین اولدی
جهانیدن اوزولوب بیلدیلر قیود علی
نحاله دوشدی الهی حسن حسین او زمان
بلوبله جنّت الاعلایه وار صعود علی
بلالی زینبه قارداشلارین سفارش ایدیب
دیردی آغلاما دای قورتاروب عهود علی
محبّت ایله حسینه آماندی نازینی چک
مواظب اول او ناراحت اولا رقود علی
وصیّت ایلدی بیر عدّه غمکشیده لره
یتشدی موسم هجران دل ربود علی
هم ابن ملجمه راجع دیدی ساغالسام اگر
باغشلارام اولا شرمنده ی خلود علی
و یا من اولسم اگر بیر قلج ویرارسوز اونا
مباد اولدوره سوز خارج از عقود علی
قیام ایدنده قیامت بیلر سن ای مُرتد
علی کیمیدی ندور ارزش وجود علی
مرادون اوغلی عجب شور عالمه سالدی
علی اُولن گجه چوخ خانواده آج قالدی
قاپودا قالدی گوزی چوخلاری اولوب نگران
قولاقلاری قاپودا اگلشوب هامی حیران
دیردیلر آقامیز گلمیور نچه گجه دی
نیه بله اَلی قوینوندا قالمشوق ویلان
گلردی هر نجه پیش آمد ئوز ویریدی اونا
یخوب یره اونی حتماً تصادف دوران
مریض اولمیا یا رب وجودی بسترده
روا دگل اولا ناخوش بو واقعی انسان
نشان اوزینی بیزه ویرمدی سؤال ایتدوک
یتیم لر آتاسی آدین ایلیوردی بیان
گیدوب هارا نه دیک یا نجه سؤال الیک
اوتوروب ایوده اگر گوزلیک دگول آسان
بابا خطاب ایلیردوک الهی بو شخصی
امید روزنه سیدی بیزه او روح روان
حقیقی بیر آتامیزدان بیزه رئوفیدی
الهی درد فراقینده اولمیاق گریان
اگر بلایه دچار ایلیه زمانه اونی
خرابه مسکنمیز تازه دن اولار ویران
یتور بیزه اونی ای خالق شبیر و شبر
ایاقینون سسی گلسه ویرر بو جانلارا جان
زمانه عمرده چوخ کول توکوبدی باشمیزه
اونون وجودینی چوخ گورمسون بیزه سبحان
تصدّق ایله اونون باشینه بو جانمیزی
قوتارسا عمری بیزه ایله ای خدا احسان
خبر واریمدی حسینونده بیر یتیمه قزی
اسیریدی نچه مدّت اولوب خرابه مکان
لحاف و بستری تپراقدی رقیّه آدی
توکردی گوزلری قان یاش مثال قطره چکان
او ناز دانه شیرین دیل بالا چوخ آغلاردی
سالاردی عالم امکانه ناله سی طوفان
دیردی هیچ قیزی یا رب جهاندا خوار ایتمه
چتین تحمّل ایدر دستگیر اولا طفلان
قرا یازوبدی نیه بختمی قضا قلمی
منیم آتامدی اگر شاه عالم امکان
گهی بابا سینی سسلردی گاهی قارداشینی
الین آتاردی قولاقینه ایلیردی فغان
ویروبلا سیلی گوزوم قاندی صورتیم نیلی
نه علّته منی یادّان چیخارتموسان عمو جان
آدیم گلنده بابام شور اشتیاقیندن
آچاردی قولّارین آغوشینه اولام پرّان
یتیم اولا قیز اوشاقی اوزی اسیر و غریب
اوزون تصوّر ایله یوخدی احتیاج بیان
مریضیدی بدنی گتموشیدی تحلیله
دواسی قمچی طبیلیدی زجر بی ایمان
اورگنون باشینی گه قویاردی تپراقه
دیردی عمّه اوتور باشیم اوسته ناله کنان
من آغلیوم سنه سنده ده لایلای منه
بزیم کی حالمیزه یوخدی شامون ایچره یانان
ایاقه دور بالا قزلاری ایله بازرسی
آماندی اولمیا بیزدن سورا داخی اویانان
یاتانمورام قوری یرده یاتاندا خوفلانورام
گلور خیال ایدورم کی سَنان الینده سِنان
منی قوجاقوه آل قولّاروی بوینوما سال
بو آخر عمرده گل قول بویون اولاق بیر آن
شیرین دیلیله دانشدیر منی دیوم سوزومی
عذاره اشکوی توک آغلاما ولی اوجادان
منی باغشلا سنه چوخ اذیّت ایله موشم
جزای خیروی ویرسون خدای عالمیان
نه وقتدورکی "صفا" خادموزدی نوحه یازور
آقا گرکدی اولا نوکرینه پشتیبان
سنی قسم ویرورم من رقیّه نون جانینا
صفایه لطف ایله تا عمری واردی طبع روان
گلون نوایه حسن قلبی داغلانان گئجه دی
ئولوب آتاسی علی یاسی باشلانان گئجه دی
نجه آتیدی هامی شیعه نون پناهیدی
پناهمیز قاپوسی ایندی باغلانان گئجه دی
یتیم اولوبدی حسین بن فاطمه بو گئجه
باجیسی باشه عزا قاره سی سالان گئجه دی
بو گون گرک حسنینون شریک اولاق غمینه
نه چون آتالاری قبر ایچره تک یاتان گئجه دی
یقین گلوبدی امام زماندا قان آغلار
ال انتقامه آچا حقّه یالواران گئجه دی
لیال قدرده هر ایل شهید محرابه
عزا دوتار ئوزی ئوز جدّینه همان گئجه دی
فنا جهانی علی ترک ائدیب باشیندا یارا
ولایت اهلی شرار غمه یانان گئجه دی
سولوبدی غمدن الهی محمّدی گُللر
فلک او گللری بی باغبان قویان گئجه دی
گرک سسین قوشا هر شیعه زینبین سسینه
امامتون گُلی چون فتنه دن سولان گئجه دی
شهید اولوبدی علی شدّت عدالتدن
سالان محبّلرین درده بو گران گئجه دی
بو گئجه نالیه ارواح انبیاده گلیب
عذاره گوز یاشی سیلاب تک آخان گئجه دی
دیوردی فاطمه جنّتده وای عم اوغلوم وای
نبیّ اکرمله با هم آغلاشان گئجه دی
حسن دیوردی نه نه هارداسان بابام ئولدی
شرار هجره یانان دورد غم آشیان گئجه دی
بابام خلیفه اولا امّته دگولدی رضا
آلوبدی حسن عمل مزدینه یامان گئجه دی
صداقتون بویوموش بو جهاندا مزدی اگر
فغان عدالته بیداده نغمه خوان گئجه دی
گرک بو کوفه نون اهلی جهاندا خوار اولسون
اسیر پنجه ی بیداد روزگار اولسون
دیور امام حسن یادگار شیر خدا
وصیتینده بابام ایلیوب منه افشا
بو اهل کوفه نون افسوس یوخدی ایمانی
نه ئوزلرینده وفا وار نه دیللرینده صفا
اوغول حسن سنیده غصّه لر رها ائتمز
سنونده وار باشوون غملی ماجراسی بالا
نئجه دیوم سنه ئوز محرمون خیانت ائدر
وفاسیز عورته لعنت اولا صباح و مسا
حسینمون ولی سندن مصیبتی چوخ اولار
اونون ئوزین بالالارین ائدولّه غرق بلا
زمان کچیب دولانار آشکار اولار بیر گون
دچار ائدر بالامی مین بلایه دست قضا
یازار حضورینه مینلرجه نامه کوفه لیلر
ائدولّه دعوت اونی کربلایه قوم دغا
ئوزین جلای وطن ایلیور همین امّت
باشیندا عترت اطهاری دیللرینده دعا
محرّمون اونی قلب الاسدده جمعه گونی
او گوندی ثبت اولونوب آدی روز عاشورا
سوسوز کسلّه حسینون باشین فرات اوسته
آلار لقب اودی معناده سیّد شهدا
آخان قانیلا آلار دستماز مقتلده
همان او قاندی ائدر لا علاج درده دوا
چاغیرسا صدقیله هر کیم بالامی امداده
وئرر جوابین حسینیم شفیع روز جزا
بالام حسینه کیمون اولسا دیلده اخلاصی
یقیندی حول جهنّمدن ائتمسون پروا
ز بس چوخ ایستور حسینی خدای عزّ و جلّ
اونون مُحبّینه محشرده وار امید عطا
خجالت ائتمیه جک اوغلمون عزا دارین
ئوزی بو قولی وئریب شیعیانه ذات خدا
حسین یازاندا سنه نوحه دائم آغلاموشام
کرم قیل اولمیا شرمنده درگهونده "صفا"
هوادار ولایت مریدان امامت
وئرون سس سسه جانا سالاخ شور قیامت
دییَک کان شقاوت ابن ملجمه لعنت
بفرموده ی حضرت علی شاه ولایت
حسن نور دو عین گل باغ طهارت
قصاص ایلیه گتدی مرادینی به سرعت
بویوردی آتام ایلوب منه بیله وصیّت
ویرام باشوه الان گرک تیغیله ضربت
دییَک کان شقاوت ابن ملجمه لعنت
او پرورده ی زهرا اوجا صوتیله گویا
دئدی یا علی مولا آچیب دست توانا
ویروب ملجمین اوغلین ایکی بولدی او اثنا
ملکلر دئدی احسن حسین اولدی فرح زا
گلیب شوقیله سقّا اَلین ئوپدی او ساعت
دییَک کان شقاوت ابن ملجمه لعنت
ائشیتدیم بو خطابی شفاهی و کتابی
دنی ملجمون اوغلی اشدّ اولسون عذابی
ایچر قعر سقرده یقین نار مُذابی
دئسه کیم اونا لعنت کلان واردی ثوابی
مفاتیحیده گوردوم یازیب پیر شریعت
دییَک کان شقاوت ابن ملجمه لعنت
سحر بهر ادای نماز حق دانا
روان گشته به مسجد علی مرد تولّا
قضا قاتل وی را ولی کرده مهیّا
که در سجده ی دوم به خونش کند حمرا
مرادی ز خوارج همان قاتل حضرت
دییَک کان شقاوت ابن ملجمه لعنت
(ای حقّ علینی غصب ائدنلر
شیطانی خلیفه نصب ائدنلر)*
ظلم ایلمسوز او گون امامه
لعنت گله سیزده کی مرامه
اولْ چولده کی سس گلوب سمادن
«بَخٍ لَکَ»سویلدوز ریادن
رجعتده سیز حجةُالوِداعدن
ظلم ایلمسوز او گون امامه
لعنت گله سیزده کی مرامه
تا یومدی گوزون رسول خاتم
باشلاندی بتول ایوینده ماتم
ابلیس ئیله ثانی اولدی باهم
ظلم ایلمسوز او گون امامه
لعنت گله سیزده کی مرامه
سیز دینیده بدعت ایلیندن
شیطانیله بیعت ایلیندن
قرآنه عداوت ایلیندن
ظلم ایلمسوز او گون امامه
لعنت گله سیزده کی مرامه
سیز حقّ امامتی داناندان
حکم ایلمسوز اوگون یالاندان
زهرا ایوینه اودی سالاندان
ظلم ایلمسوز او گون امامه
لعنت گله سیزده کی مرامه
بکریله عُمر اولوبدی یاغی
گئتدی خانمین الینده باغی
تا وحی ایوینین سونوب چراغی
ظلم ایلمسوز او گون امامه
لعنت گله سیزده کی مرامه
تا چاتدی گوجوز ابوترابه
سیز باغلادوز اللرون طنابه
سالدوز او غریبی چوخ عذابه
ظلم ایلمسوز او گون امامه
لعنت گله سیزده کی مرامه
حقین هاچان ایلدوز رعایت
ای دینینه عاق اولان جماعت
الله سیزه ایلسون قضاوت
ظلم ایلمسوز او گون امامه
لعنت گله سیزده کی مرامه
قرآنون ائشیتمه دوز کلامون
سیز آنلامادوز نبي پیامون
اول گون کی سیز آلمادوز سلامون
ظلم ایلمسوز او گون امامه
لعنت گله سیزده کی مرامه
زهرا گئدلی گئدوب پناهی
آغلاردی بقیعده ایوده گاهی
سیز خانه نشین ائدنده شاهی
ظلم ایلمسوز او گون امامه
لعنت گله سیزده کی مرامه
یاز «صادقی» ایله سن حمایت
محشرده علی ائدر شفاعت
سن گل دیله بیله ائت برائت
ظلم ایلمسوز او گون امامه
لعنت گله سیزده کی مرامه
* وام از مرحوم صحاف
ای بشر سعی ائله ابلیس هوسدن اوزاق اول
دینوه صدمه ویران دهریده کسدن اوزاق اول
طائرروحی قویما دوشه بیجا خطره
سالما دامه ئوزوی رنج قفسدن اوزاق اول
چاغورارصوت دل انگیزیله دنیا گلینی
اعتناائتمه تلاش ایله اوسسدن اوزاق اول
گونده مین یول بزنر ایلیه اغوا بیرینی
بیریاناراوتدی گوزتله اوقبسدن اوزاق اول
مو منه زنگ خطر دی اوخوش آوازه لری
بوفناملکیده نیرنگ جرسدن اوزاق اول
قویما دگسین سنه حتی نفسی بیرلحظه
آلارایمانیوی مصموم نفسدن اوزاق اول
فرصتون وار نه قدر جهد ائله آزاده یاشا
دوزدولان عمرده افکارعبثدن اوزاق اول
خاروخسدور بوجهانون حشم واجلالی
باغلامابئل اولارا خاریله خسدن اوزاق اول
سرعتیله گئدوری مرکب جرمیله گناه
ئوزوی سالمابلایه اوفرسدن اوزاق اول
گتمه بیهوده قاباقدا دالی قالما بیرده
بویوروب اهل نظر پیشیله پسدن اوزاق اول
سرمکنونیوی فاش ایلمه داروغه لره
محرم اولمازلاچوخی بعضی عسسدن اوزاق اول
بئله فرمایش ائدوب قاسم ناروجنت
نفسوی ساخلافشارات رمسدن اوزاق اول
گوشوارایله قولاقوندا اومولاسوزونی
مشعل راه سعادت بول علینین ئوزونی
عالم زهدیده مولای توانادی علی
مظهر پاکی وایمانیله تقوادی علی
نفسینه غالب اولوب حال حیاتینده اودور
رب الارباب کیمی شهرتی والادی علی
بنده مطلق حق . عبدخداوند کریم
یاوراهل ولا دشمن ادنادی علی
ها علی بشر کیف بشردی اوجناب
حضرت ختم رسلدن صورا تنهادی علی
گلمیوب عالم ایجاده اونون همتاسی
نقدر واردی جهان قدریده اولادی علی
بویوروب سرورکونین رسول مدنی
شهرعلمم اونا دروازه اعلادی علی
تاپشوروب دینی پیمبر ئوزی چون واقفیدی
یوزوئره هرنه بلا صبریده دریادی علی
جنته رجعت ائدندن صورا زهراآتاسی
توش اولوب دردو غمه الده واراسنادی علی
یاندیربلارقاپوسین صدمه گوروب فاطمه سی
بی وفالر دئمیوبلرکه معزادی علی
حقی غصب اولدی اولوب یرمی بش ایل خانه نشین
بولمیوبلر نجه شخصیته دارادی علی
عدلینین صحبتی اولسادیلرهریرده
حاکم مقتدر ورهبردانادی علی
عدلی باعث اولوب ئولدوردوله آخرده اونی
بیربئله غمده اورک قان اولا باجادی علی
عرشه و فرشه چکلوب قاره اوگون اولدی عزا
زینب غمزده نون اولدی گونی لیل دجا
نارغم قلبینی یاندیردی گلوب فریاده
سبحه تک شبنم اشگی دوزولوب سیماده
اللری باشدا فغانیله دیردی آتا وای
گوزیاشی قانه دونردی بوغم عظماده
ناله سی عالم امکانی پریشان ائلیوب
قالمیوب تاب و توان نائبه زهراده
اوخشیاردی آتاسین یانه یانا سویلردی
ای گورن عمرده هردردو غمی دنیاده
ابن ملجم ستمی یاندیروب آغلاتدی منی
یوخ یتن پایه ی ظلمونده ائله جلاده
باشوه وئردی نمازاوسته ستمله شمشیر
سجده گاهوندن آخان قانه باتوب سجاده
آیرلوب طائرروحون یورولان پیکردن
اوچدی جناته طرف ائتدی مقام اعلاده
قویدولارتپراقا جسمون گیجه نین نصفیده
قوردولارحلقه ماتم ائله بیر ماواده
واریقینیم که آنام دفنیوه گلمیشدی ئوزی
اوددوتوب یاندی منیم تک آنام اول اثناده
بولمورم قالدی نه حاله . نلراولدی اوزمان
باشوون یاره سینی گورجاق اودل ناشاده
چخدی فکرایلورم ئوزدردی یادیندان آنامون
باغری قان اولدی جفاو ستم بیداده
چاک ائدوب سینیه مجروحینی اشگین الدی
بزم ماتم سنه برپا ائلیوب معناده
رشته ی الفتوی قیرما (جوانی) بیر آن
سن علی نوکری اول غالب اولانماز شیطان
عـــالم زهـــدیده مـولای توانــــادی علی
مظهــــر پاکی وایمانیلــــه تقـوادی علی
نفسینه غالب اولوب حال حیاتینده اودور
رب الارباب کیمی شهــــرتی والادی علی
بنــده مطلــــق حق ، عبــدخــداوند کریم
یـــــاوراهـــــل ولا دشمـن ادنــــادی علی
هــــا علــَُــی بشـــَُر کیف بشَـردی او جناب
حضرت ختم رسـُـلدن صورا تنهـادی علی
گلمیـــــوب عـــالم ایجــــاده اونـون همتاسی
نقــدر واردی جهـــان قدریده اولادی علی
بویــــوروب ســَـرور کــُـونین رسـول مدنی
شهــــر علمم اونـــا دروازه اعــــلادی علی
تاپشوروب دینی پیمـــبر ئوزی چـون واقفیدی
یوزوئــــره هرنه بلا صــبریده دریادی علی
جنـّـته رجعت ائدنـدن صــورا زهـــرا آتاسی
توش اولوب دردوغمه الده واراسنادی علی
یاندیربلار قــــاپوسین صدمه گـوروب فاطمه سی
بی وفــــالــر دئمیوبلــــرکه معــــزادی علی
حقی غصب اولــدی اولوب یرمی بش ایل خانه نشین
بولمیوبلـــر نجـــه شخصـــیته دارادی علی
عــــدلینین صحبتی اولسادیلــــرهــر یرده
حـــــاکم مقتـــــدر و رهبــــردانـادی علی
عــــدلی باعث اولــوب ئولدوردوله آخرده اونی
بیربئله غمده اورک قان اولا باجادی علی
قانه محرابینده غرق اولدی علی المرتضا
حالینه ارض وسما آغلور دیور وامحنتا
ناطق قرآن امیرالمومنین کان شرف
نازنین قلبی اولوب تیربلایاته هدف
گورمدی خوشگون پیمردن صوراشاه نجف
اولدی آماج بلاغمدن سولوبدی گل یوزی
ابرظلمت سایه سالدی شامه دوندی گوندوزی
ایلیوبلرمرتضانی یثرب اهلی دلغمین
آلدیلارحقین الیندن ائتدیلرخانه نشین
اولدوروبلرظلم الیله بی وفالرهمسرین
فاتح بدرو حنُینی غملره توش ائتدیلر
بوترابی هجرزهراده سیه پوش ائتدیلر
الغرض ایل آی دولاندی اولدی ایام صیام
یثربی ترک ایلمشدی اهل عیالیلن امام
کوفه شهرین مسکن ائتمشدی شه والا مقام
گئچدی اون سگیزگیجه اولدی طلوع واپسین
صبح آچلدی مسجده گلدی امیرالمومنین
واقف اسرار حق قامت قیامه باغلادی
عرش اعلاده ملائک باش آچوب قان آغلادی
حضرت ختم رسل قلبین بومحنت داغلادی
کلمه ی تکبیری وئردی کل آفاقه حیات
استعانت ایستدی حقدن امیرکائنات
عامل احکام دین حمدین تلاوت ایلیوب
عبدحق معبودینه عرض ارادت ایلیوب
سوره ی توحیدین آیاتین تلاوت ایلیوب
یتدی هنگام رکوع لرزه دوشوبدورعالمه
ابن ملجم سجدده آتش سالوبدورعالمه
سجددن قالخاندا دگدی باشینه شمشیرکین
آخدی قانی سجدیه دوشدی دوباره شاه دین
غیبدن سس گلدی اولدی مصطفایه جانشین
صاحب تیغ دوسرئوزقانینه غلطان اولوب
بیرساری یپراق کیمی رخسارینین رنگی سولوب
آی شیعه لر سیز شیعه سوز بیر شاها
اول شاه اوزون وقف ایلیوب اللها
عشقیم دیور جان نقدینی سات اوجوز
ناز ایله سه جانان سنه آل باها
آی شیعه لر توولانمیون هر کسه
سیمرغ اولون یول ویرمیون کرکسه
عشقیم دیور بیرگون گوررسن اولار
نامردیلن ناکس ده بنزر کسه
آی شیعه لر غم ایتمیون دنیادا
وار سیزلره یردن گوگه بیر جادا
عشقیم دیور مرکب سیزه ملک دور
بیر لحظه بو عمروز دگَر هر زادا
آی شیعه لر سیز اللها بنده سیز
چوخ بنده دن ارزشلی ارزنده سیز
عشقیم دیور سیزده شهیدلر کیمی
اُلمک سیزه یوخدور بولون زنده سیز
آی شیعه لر وار سیزده بو امتیاز
هر مدعی بولمز بیله رمز و راز
عشقیم دیور سیز معرفت تاپمیسوز
عشق حسین ایلوب سیزی بی نیاز
آی شیعه لر سیز فکریزی قاتماسیز
بیر لحظه ده غفلت تیدوب یاتماسیز
عشقیم دیور چون وجدانوز وار سیزون
یار یولداشی بیگانیه ساتماسیز
آی شیعه لر سیز اولموسوز حیدری
حیدر گوگه زیور یرین لنگری
عشقیم دیور محشر گونی قوخمیون
حیدر اوزی پایلار سیزه کوثری
آی شیعه لر سیز لر گوزل شیعه سوز
شیرین کلام شیرین غزل شیعه سوز
عشقیم دیور چوخ بختور خلق ایدوب
الله سیزی، چون لمیزل شیعه سوز
آی شیعه لر یازمش"امین" عشقیزه
چوخ نسخه لر تقدیم ایدبدور سیزه
عشقیم دیور دائم سیزه بیز گلاخ
بیر وقفه ده لطف ایلیون سیز بیزه
دلا دنیا علی سیز درده دگمز
که هیچ سودا علی سیز درده دگمز
نه ایش گورسن ایشونده یا علی ده
و الا یا علی سیز درده دگمز
علی لنگردی فرشه عرشه پایه
علی محوردی کل ماسوایه
علی سالمش سراسر کونه سایه
علی شأنینده قرآن آیه آیه
وروب توضیح ختم الانبیایه
یتورسین جمله سلطان و گدایه
گلون ملحق اولون اهل ولایه
ولایتده چاتارسیز انتهایه
بشر اوج ایلسه عرش خدایه
خدایا یا علی سیز درده دگمز
علی دور آدمیت جسمینه جان
علی دور جاودان جانلاردا هر آن
علی دور حجت برحق یزدان
علی دور رگلرونده سیر ایدن قان
جهان آفرینش ده نگهبان
خدا اونلان وروبدور کونه امکان
او قورتاردی خلیل اللهی اوددان
آدین ذکر ایتدی اولدی اود گلستان
صراحتلن بیان ایلوبدی قرآن
کیم اولسا یا علی سیز درده دگمز
علی دور قاف حریت هماسی
علی دور جمله خلقین رهنماسی
علی دور عالمین صلح و
صفاسی
علی دور هر زمانین ابتداسی
اودور لقمانلارین مطلق آقاسی
اونون چخسا لبیندن بیر دعاسی
گیچر الله یانیندا التماسی
قبول ایلر دعاسین اوز خداسی
ابو طالب علی نین اوز آتاسی
گر اولسا یا علی سیز درده دگمز
علی ذرّ عالمینده زرگریدی
علی گوهر طلا زر پروریدی
علی زوج بتول اطهریدی
علی همسنگر پیغمبریدی
او فتاح حصار خیبریدی
اونین گوگلرده اسمی حیدریدی
اوزی عبد ذلیل اکبریدی
ولی حور و ملکدن برتریدی
ملکلر درگهینده نوکریدی
اولاردا یا علی سیز درده دگمز
علی نور تجلادور تجلا
علی اهل جهانه میر و مولا
علی اعلا مکاندا اولدی والا
علی گر اولماسا مخلوق اولار لا
اگر لا اولسا لالا اولماز اصلا
تشنج ده قالار هستی دنیا
او دنیا که اونا مولا دیوب لا
بو لا سویلوب اونا دیوب او لا لا
اولا بلکه او مولایه مصلا
مصلی یا علی سیز درده دگمز
علی دور عالم عرفان گواهی
علی دور مذهب و قرآن پناهی
علی دور جند یزدان سر سپاهی
علی دور کون و امکان پادشاهی
اونی مأمور ایلبدور الهی
دانشدیرسین هامی سنگ و گیاهی
سفید و قرمز و زرد و سیاهی
اونا فرق ایلمز تک دور نگاهی
اودور نظمه سالان خورشید و ماهی
دولانسا یا علی سیز درده دگمز
علی نین وار باشیندا نوریدن تاج
علی نین سایه سینده سیر ایدور حاج
علی نین پنجه سیندن جن اولور ناج
علی نین پیروی قالسا بیر ائل آج
محالاتداندی ورمز غیرینه باج
کمند عشقینه اولور کیم آماج
اولار تنها علی مولایه محتاج
علی هریاندا واردی مثل امواج
پیمبر مین یول ایتسه عرشه معراج
او تنها یا علی سیز درده دگمز
علی دن بیرزمان دم آدم آلدی
علی دن طوریده موسی دم آلدی
علی دن دم مسیح مریم آلدی
علی دن هرکیم آلدی دم کم آلدی
کمال حُسنی کل عالم آلدی
او بیر احسان دی حق دن خاتم آلدی
اوزونه بیر انیس و همدم آلدی
ایکی یولداش اله بیر پرچم آلدی
الینه فرصت ابن ملجم آلدی
بولوب تا یا علی سیز درده دگمز
گوتوردی خنجرین دیوب یا علی
دوتاندا سنگرین دیوب یا علی
دیبینده منبرین دیوب یا علی
اوجالدیب اللرین دیوب یا علی
یوموبدور گوزلرین دیوب یا علی
سالاندا لنگرین دیوب یا علی
ویراندا بیر درین دیوب یا علی
باشیندان حیدرین دیوب یا علی
چالبدور شهپرین دیوب یا علی
ملک وا یا علی سیز درده دگمز
گَل ای اهل ولا دنَن یا علی
او عشقه مبتلا دنن یا علی
علی یارون اولا دنن یا علی
اولارسان منجلی دنن یا علی
به قصد کربلا دنن یا علی
اورکدن برملا دنن یا علی
دیمزلر لفظ لا دنن یا علی
"امینی" آغلایا دنن یا علی
وار الله دان رضا دنن یا علی
یازاندا یا علی سیز درده دگمز
ای طلعتین طلیعهء صبح صفا علی
آیینهء فلق ده دلیل ضیا علی
ذرات کایناته سالوب سایه رحمتون
شمس وقمر گوزوندن آلوب انجلا علی
هرگون فلکده گون بو خیالیله سیر ائدر
باش آستانیوه قویوب ائدسین ثنا علی
عقباده باشینه قویاجاق تاج اتقیا
هر کیم سنی جهاندا بیله مقتدا علی
رحمت گوزونده بیردی فقط شرطی صدقدور
فرق ایلمز جنابیوا شاه و گدا علی
درویش سهل دور ائده اظهار احتیاج
شاهلار قاپوندا هر دم ائدر التجا علی
الله دئمم جنابیوا بو شرک محض دور
اللهه بنده سن بیزه اما خدا علی
کوثر سنیله کوثر اولوب باغ خلددا
سن اولماسان ندور شرف ماسوا علی
سن سن ایکی جهاندا یقینیم دی شبه سیز
سلطان ملک عشق و امیر ولا علی
(عابد) گوزل طریق ایله بو شعری درج ائدوب
منده گرک بو بیته ائدم اعتنا علی
«باش سجدیه قویاندا مصلای عشقده
ایلوب سنه حقیقت دین اقتدا علی
تفویض ائدیبدی ما خلقی حق جنابیوا
تحت حکومتینده دی ارض و سما علی
فرمان سنوندی ئولدوره سن یا دیریلده سن
خلاق ائدوب بو امری سنه چون عطا علی
مالک رقاب سن هامی مخلوق عالمه
عالم اولار گر اولماسا لطفون، فنا علی
خضره ولایتیندی وئرن عمر جاودان
موسایه رحمتون دی اولان رهنما علی
نمرود اودون خلیله صفادن بهشت ائدن
طوفاندا نوح کشتی سینه ناخدا علی
خلقتده خلق اولوب سیزه خاطر بو عرش و فرش
شاهد بو مدعایه حدیث کسا علی
مولا علی نی سسلماقون وار شرایطی
هرکیسمه ذکر ائده آدین ، اولماز رضا علی
من باور ائتمرم بو محال امر دور عبث
هر کیم یازوب که قاتلی ذکر ائتدی یا علی
بیجا یازوب او شاعر غالی محالدور
ضربتلینده ذکر ائده یا مرتضی علی
شرم ائتمیوب خدادن او شاعر اوتانمیوب
او شعرده ائدوبدی عجب ادعا علی
اولمازدی ابن ملجم او کرداره مرتکب
بیر دفعه سسلییدی خلوصیله یا علی
دوت دامن ولایتی (شبخیز) چکمه ال
بنده حساب ائده سنی درگاهه تا علی
آلارام قیزیل قلمی اَله،گتیرم آدین دیله یا علی
او گؤزل آدی دییرم اؤزوم یازارام قیزیل گله یا علی
سنین عشقینیله اورک جوشار اورگیم‌ده مرحمتین داشار
آدینا قصیده غزل قوشار یئتر عمروم حاصله یا علی
گؤزل آدین اولدو بیزه دایاق بو آدی جهانه گَرَک یایاق
علی مولا سسلنریک اویاق وئره‌سن بیزه صِله یا علی
آدین اؤرگَدیب هامینی عزیز بو اوچ حرفی اَزبر ائدیب تمیز
سسی نغمه‌نی ائلییب لذیذ گل ایچینده بلبله یا علی
شه ملک‌ِ دل آدی مرتضیٰ اؤزو حجّت‌ِ اَزلِ خدا
اولوبان«قیزیل‌قلمه»آقا وئر عطا بو سائله یا علی
گؤزوم قالیب‌دی سخاوت‌لی اَللرون‌ده علی
غلامِ حلقه به گوشم سنون درون‌ده علی
دیلیم‌ده ازبر اولوبدور گؤزل آدین مولا
آدیم یازیلدی محبت‌له دفترون‌ده علی
همیشه ذِکر علیدن ایشیقلانیر اوره‌ییم
منه آقا‌دی سنین مالک‌اشترون‌ده علی
منیم وجودیمه مالک سن ای ولیِّ خدا
آقام‌دی بلکه غلام‌آدلی قنبرون‌ده علی
چوخو خیال ائلییر آبِ کوثر ایسته‌ییرم
نظر یوخوم‌دی سنین حوضِ کوثرون‌ده علی
من اؤز جمالووه مشتاقم ای شهنشه دین
دورام محبت‌ایلن بیر برابرون‌ده علی
باخام او صورت وجه‌ُاللّهه بسیم‌دی منیم
گؤرم اؤز عکسیمی بیر لحظه گؤزلرون‌ده علی
بو افتخار کفایتدی هر ایکی دنیا
عزیز ساخلایاسان زیر شهپرون‌ده علی
اؤزون عنایت ائله عشق‌ایله محبت‌ایله
«قیزیل‌قلم»دولانا حولِ محورون‌ده علی
