اشعار ترکی امیرالمومنین علی(ع)

ای شرف ملک ولایت علی
نور فروزان هدایت علی
عالمی نورون ائلیوب منجلی
ناد علیأ علیأ یاعلی

خلقتی مــرآت جمیل خدا
مشعل پرنور صــراط هدا
منبع جود وکـــرم ماسوا
عالم وآدم سنه اولسون فدا
گوهر دریای کرامت علی
عالمی نورون ائلیوب منجلی
ناد علیأ علیأ یاعلی

حلمیــده آیــنه ی رب جلیـــل
ماخلــــقه خلقتی عین دلـــیل
صاحب شان وصفت بی بدیل
احمدمختاره اولوبسان کفیــل
باشه قــویان تاج امامت علـی
عالمی نورون ائلیوب منجلی
ناد علیأ علیأ یاعلی

شیعیه بایرامدی بوگون برملا
غــرق مسرتـــدی یقین ماسوا
ســسلوری هربزمیـده اهل ولا
شوقیــــله بَخً لــَـک یامـرتضی
شاد وخـٔراماندی جماعت علی
عالمی نورون ائلیوب منجلی
ناد علیأ علیأ یاعلی

• دوشنبه
• 11
• مرداد
• 1400
• ساعت
• 11:18
• نوشته شده توسط
• یوسف اکبری

ای منی تنها قویان گوزلرون آچ فاطمه
قدیم اولوب خم اویان گوزلرون آچ فاطمه

دلبریم همسریم آچ گوزون
ای ملک منظریم آچ گوزون

اسدی نجه صرصر باد خزان گلشنه
دست اجل وئرمدی فرصت و مهلت سنه
دفن ائلیوم من نجه بیکسم ای وای منه
قاپیمی یوخ بیر آچان گوزلرون آچ فاطمه

دلبریم ، همسریم آچ گوزون
ای ملک منظریم آچ گوزون

غسل الینده سنی ، گئتدی دلیمدن قرار
موکب صبره اولب محنت و آلام سوار
سینده گوردوم او دم فاطمه جان یاره وار
بو اورگیم اولدی قان گوزلرون آچ فاطمه

دلبریم ، همسریم آچ گوزون
ای ملک منظریم آچ گوزون

من سنه یا فاطمه دردیمی هر آن دئدیم
ایندی نجه بو گجه من سنی تشییع ائدیم؟
منزله سنسیز الان من نجه آیا گئدیم؟
زینبون ایلر فغان گوزلرون آچ فاطمه

دلبریم ، همسریم آچ گوزون
ای ملک منظریم آچ گوزون

اغلیارام گوزلری اوخشادارام ابره من
تکیه گرک من ائدم ماتمیله ، صبره من
ایندی نه نوعی قویوم بو بدنی قبره من؟
جسمیده واردی یاران گوزلرون اچ فاطمه

دلبریم ، همسریم آچ گوزون
ای ملک منظریم آچ گوزون

سینه ده ائتدون نهان درد و غم و مطلبین
تابوتی قویمور چیخا ائودن آخی زینبین
سینه ی باسمیش حسین گورنجه چادر شبین
ای که وصاله چاتان گوزلرون آچ فاطمه

دلبریم ، همسریم آچ گوزون
ای ملک منظریم آچ گوزون

یدی نفر دفنیوه شرکت ائدوبلر گئجه
یاسیوه زهرا بولار قاره گیوبلر گئجه
سینه وروبلار سنه ،نوحه دیوبلر گئجه
ای منی گوزدن آتان گوزلرون آچ فاطمه

دلبریم ، همسریم آچ گوزون
ای ملک منظریم آچ گوزون

اشگ محن صورته اولدی روان فاطمه
توپراقی توکدوم ولی گئتدی توان فاطمه
ایندی "خدایی" ائدر آه و فغان فاطمه
آی کیمی بیردن باتان گوزلرون آچ فاطمه

دلبریم ، همسریم آچ گوزون
ای ملک منظریم آچ گوزون

• شنبه
• 16
• مرداد
• 1400
• ساعت
• 12:44
• نوشته شده توسط
• یوسف اکبری

ای مولود کعبه فدایم سنه یاعلی
میلادین مبارک نظر ائت منه یاعلی

یا شیرخدا یاعلی
دردلره دوا یاعلی

ای شفیع روز قیامت بیزی یاد ائله
قلبیمی اقا جان فدایم گلوب شاد ائله

سن شه ،بیز گدا یاعلی
دردلره دوا یاعلی

کعبه نون دیواری آچیلدی سنون عشقیوه
افتاب حرمت ساچیلدی سنون عشقیوه

مروه و صفا یا علی
دردلره دوا یاعلی

جبرئیل آدیوی بویوردی علی ، جان علی
سویلدی که سن سن معانیّه قران علی

معنیه دعا یاعلی
دردلره دوا یاعلی

حق سنی وئروب پای گورورسن ابی طالبه
قونداقیده گه ناز ائدورسن ابی طالبه

ای باب شفا یاعلی
دردلره دوا یاعلی

بش وعده چاغیروک اذاندا آدین یاعلی
صدمرده گرفت جان خدایا فقط باعلی

یار غربا یاعلی
دردلره دوا یاعلی

• شنبه
• 16
• مرداد
• 1400
• ساعت
• 23:20
• نوشته شده توسط
• یوسف اکبری

اهل کوفه بوگجه حیدره بایرام گونودی
رستگار اولدی آقام صفدره بایرام گونودی

دوزدی اطفالی تمام گوزلری گریان اولونوب
ولی جناتیده پیغمبره بایرام گونودی

حسنین نوحه دیوب زینب و کلثوم آغلور
یرده ماتم گونودی گویلره بایرام گونودی

گوشه ی ائوده ابوالفضل دیزین اغوشه الوب
سویلوری شاه ملک منظره بایرام گونودی

باباجان دوزدی که بیز بوردا یانوب اغلیوروک
ولی گوزیاشیله اول مادره بایرام گونودی

دشمنون وئردی سجود اوسته سنی؟شرم ائلسون
که نمازاوسته گل پرپره بایرام گونودی

کوفه لی شرم ائلیون بیکس آتام اولدی شهید
گرچه جلاده غلط باوره بایرام گونودی

کوفه لی قدرینی سیز بیلمدیز آخر بابامون
صدفین غم گونودی گوهره بایرام گونودی

نینمیشدی بابام آیا سیزه ای اهل جفا؟
که دئدوز دشمن پیغمبره بایرام گونودی

نقدر سسلیوم آیا باباجان آچ گوزووی
هوشه گل قربان اولوم سویلگینن دیل سوزووی

ضرب شمشیر باشیوی یاره ائدوبدی یارالی؟
بالالارون هاموسی قاره گیوبدی یارالی

بابا بو رسمیدی قیز نازینی باباسی چکر
ایندی زینب بالاوون بختی دونوبدی یارالی؟

غیرت عباسی بابا ئولدورور اللهه قسم
سارالوب رنگی دئنن چوخدان ئولوبدی یارالی

سن هارا بستمر بیماری هارا قربان اولوم
منی تنها قویوسان ؟پیک گلوبدی یارالی؟؟

هچ یاراشمور کفن ای مظلوم ئولن غملی بابا
بو کفندنده انام زهرا گیوبدی یارالی

عیبی یوخ یوم گوزووی گوزله ئوزوندن باباجان
کوفه لی ایندی تسلایه گلوبدی یارالی

• شنبه
• 16
• مرداد
• 1400
• ساعت
• 23:47
• نوشته شده توسط
• یوسف اکبری

اشرف اولیا السلام علیک
وصی مصطفی السلام علیک
خالق یکتا ایتدی عنایت
ایلدوق قبرون آقا زیارت
یاعلی مولا یاعلی مولا
یاعلی مولا یاعلی مولا

اولموشوق طبیبا بیز دوا محتاجی
سن کرم دریاسی بیز عطا محتاجی
هر درده چاره سن بیز شفا محتاجی
نائل اولموشوق وصل دلداره
شامل ایت لطفون حال زواره

ای مظهر خدا اهل حقه رهبر
حجت کبری ای روح پیمبر
ذکریمیز ویردیمیز اولوبدور یاحیدر
قوما قاپوندان جمع نالانی
حاجت روا قیل خسته مهمانی

اوزاخ یولدان گلیب اقا دردمندون
قبریوین عشقینده گلیب حاجتمندون
هر زماندا بیزیک اقا مستمندون
گلمیشوق سندن آلماقا حاجت
زهرایه خاطر ایله کرامت

ای غم زهراده قوجالان رهبریم
اولین امامیم یاوریم سروریم
یاده دوشوب غمون اشک الیر گوزلریم
سنی زهرانین هجری قوجاتدی
صحنه محشر قنفذ یاراتدی

رشته الفتی سنیلن قیردیلار
توکولوب قاپیوی اقا یاندیردیلا
فاطمه نی سنون یانیندا ویردیلار
دخت پیغمبر غصه مرگ اولدی
محسنی غنچه گل کیمی سولدی

قبر ایوینه گیتدی سینه سینده یاره
باشینا بش یاشدا زینب سالدی قاره
حسن و حسینین گلدی آه و زاره
زهرانی گجه دفن ایتدون مولا
گیزلینده قبری قالدی واویلا

• یکشنبه
• 17
• مرداد
• 1400
• ساعت
• 11:53
• نوشته شده توسط
• یوسف اکبری

دلا دنیا علی سیز درده دگمز
که هیچ سودا علی سیز درده دگمز
نه ایش گورسن ایشونده یا علی ده
و الا یا علی سیز درده دگمز

علی لنگردی فرشه عرشه پایه
علی محوردی کل ماسوایه
علی سالمش سراسر کونه سایه
علی شأنینده قرآن آیه آیه
وروب توضیح ختم الانبیایه
یتورسین جمله سلطان و گدایه
گلون ملحق اولون اهل ولایه
ولایتده چاتارسیز انتهایه
بشر اوج ایلسه عرش خدایه
خدایا یا علی سیز درده دگمز

علی دور آدمیت جسمینه جان
علی دور جاودان جانلاردا هر آن
علی دور حجت برحق یزدان
علی دور رگلرونده سیر ایدن قان
جهان آفرینش ده نگهبان
خدا اونلان وروبدور کونه امکان
او قورتاردی خلیل اللهی اوددان
آدین ذکر ایتدی اولدی اود گلستان
صراحتلن بیان ایلوبدی قرآن
کیم اولسا یا علی سیز درده دگمز

علی دور قاف حریت هماسی
علی دور جمله خلقین رهنماسی
علی دور عالمین صلح و صفاسی
علی دور هر زمانین ابتداسی
اودور لقمانلارین مطلق آقاسی
اونون چخسا لبیندن بیر دعاسی
گیچر الله یانیندا التماسی
قبول ایلر دعاسین اوز خداسی
ابو طالب علی نین اوز آتاسی
گر اولسا یا علی سیز درده دگمز

• جمعه
• 22
• مرداد
• 1400
• ساعت
• 12:23
• نوشته شده توسط
• یوسف اکبری

علی را گر شناسی شب شناسی
نه در میدان تاب و تب شناسی

علی شب گرد شهر بینوا هاست
همی درمان درد بی دوا هاست

علی غواص نهر و بحر رحمت
بُوَد سنگر نشین شهر رحمت

علی مدهوش خُلق و خوی احمد
مدیر دفتر نیکوی احمد

علی در جای احمد جا گرفته
که گویا در عدن مأوا گرفته

علی در هر صفت ممتاز خلق است
بلی در عاطفت سرباز خلق است

علی در بیشه زار حق شیر است
برای دشمنان شمشیر و تیر است

علی آئينهٔ آیین یزدان
"امینی" عبد و او آن شاه مردان

• یکشنبه
• 24
• مرداد
• 1400
• ساعت
• 17:51
• نوشته شده توسط
• یوسف اکبری

سفره یِ احسان سَروب الله یئره
روزه نماز اهلینه پاداش وئره

اولماسا کیم پیروِ راه خُدا
دعوتی یوخ ، سُفرَدَن ایلَر جُدا

عرش و زمین اهلی دئیور ربّنا
خالقِ یزدانان ائدولَر ثَنا

نازل اولوب مومینه قرآن بو آی
پُر بَرکت آیدی بونا یوخدی تای

تاپدی صفا ، نجیب ئورکلَر عجیب
دردی اولانلار اوخور اَمَن یُجیب

دوزدی فضیلت آییدور پُر ثَمر
اون دوقوزوندا اولدی شق القمر

حیف اولا گوز تیکدی یتیمان یولا
اولمادی اطعام ، گئجه افطار اولا

اوندا یتیمان نئجه افطار ائدوب
غصه یئیوب آغلیوب هوشه گئدوب

غم بورودی بوتون عرش و سمانی
قان آپاران وقته شیرِ خدانی

قُتلَ العلی اوجالدی اُول زماندا
یتیملر قلبی یاندی هر مکاندا

یاشلی گوزیله گَلدی (نادر) دیله
چوخدی گُناهیم اِی خدا عفو اِله

• شنبه
• 30
• مرداد
• 1400
• ساعت
• 23:29
• نوشته شده توسط
• یوسف اکبری

چوخلی قدرتمندلر دنیاده گورموش روزگار
شیر مرد ِتک سوار و راد مرد ِنامدار
بیر سؤالیله جوابه دقّت ائت فرزانه وار
مرتضی تک پهلوان، شمشیری تک شمیشر وار؟
لافتی الّا علی لاسیف الّا ذولفقار

سیندی کعبه داخل اولدی فاطمه، بنت الاسد
گَلدی دنیایه علی اول عاشق حیّ ِصمد
ذاتی اثبات کلام ِ« قل هُو اللّه احد
گول کیمین مولوده ائتدی کعبه ی حق افتخار
لافتی الّا علی لاسیف الّا ذولفقار

خطبه ی عباسیده بو مطلبیم اولموش رقم :
مقدم پاک علی دن کعبه اولدی محترم.
کعبه بتخانه ایدی اولدی قبله و بیت الحرم.
تاپدی کعبه حضرت مولا علی دن اعتبار.
لافتی الّا علی لاسیف الّا ذولفقار.

پس علی نی دانسا هر کیم قبله سی بتخانه دی.
کعبه سی داشداندی منطقخانه سی ویرانه دی.
خالقه نا آشنا، توحید اوچون بیگانه دی.
حشریده حسرت چَکَر دائم اولار درده دچار.
لافتی الّا علی لاسیف الّا ذولفقار.

گورمویوب هئچ دین و مذهب مرتضی تک رهبری.
شاهلارین شاهیندن آرتیق دی غلام ِ قنبری.
مرحبی مغلوب ائدیب فتح ائیلیییبدی خیبری.
مرحبا گور بو درایت بو شجاعت کیمده وار.
لافتی الّا علی لاسیف الّا ذولفقار.

مرتضی تک بیر نفر اشک ِیتیمی سیلمه دی.
سجده سینده اوخ ایاقیندن چَکَنده بیلمه دی.
حق دَبی، حق مذهبی، حق مکتبی دَشیلمه دی.
کیمده وار دیر بو عطوفت بو عبادت بو وقار.
لا فتی الّا علی لاسیف الّا ذولفقار.

جنگ بدریله اُحُددا ائیله دی غوغا علی
ساخلادی اسلامیله پیغمبری مولا علی
پهلوانلار ایچره اولدی گورنه مُستثنی علی
الغرض فرمایش ائتدی جبرئیلِ کردگار.
لافتی الّا علی لاسیف الّا ذولفقار.

یوخ علی تک پهلوان، شمشیری تک شمشیر یوخ.
چوخدی گر شیر ِ فلک، شیر خدا تک شیر یوخ.
دهریده اللّهُ اکبر ، بیر بئله تکبیر یوخ.
چونکی بیر تکبیریلن ائیلَردی کفری تار ومار،
لا فتی الّا علی لاسیف الّا ذولفقار.

گوردی حاجی لر غدیر خُم دا ختم ِ مرسلی.
قالخیزیب حیدر الین فرمایش ائتدی منجلی.
من کیمین مولاسی ام، مولادی اول فرده علی.
بایرام اولدی چون علی نین حقّی اولدی آشکار.
لافتی الّا علی لاسیف الّا ذولفقار.

آیه گَلمیشدی گرک دینیز سیزین تکمیل اولا.
تا نبوت دن امامت اصلی ده تحصیل اولا.
بعد پیغمبر زعامت حیدره تحویل اولا.
کیم بو اصلی دانسا دینینده بویوک نقصان اولار.
لافتی الّا علی لاسیف الّا ذولفقار.

کاینات ِکلّ عالم ذرّه دی دنیا علی
هر ایکی دنیا و عقبا قطره دی دریا علی
گمره اولماز کیمسه سَسله نسه اورکدن یا علی
«یا علی»نین لذّتیندن قلب لر چوخ بی قرار.
لافتی الّا علی لاسیف الّا ذولفقار.

وار علی دن بیر اثر هر آیه گر تفسیر اولا.
سوزلری آیات قرآن دیر اگر تعبیر اولا
هر قَدَر فضلین دئسه ن هیهات اورکلر سیر اولا.
هر قَدر یازسان قوتارماز فضلی واردیر بیشمار.
لافتی الّا علی لاسیف الّا ذولفقار.

گور نئجه اعلادن عالی، عالیدن اعلا علی
والی ِحقدیر، ولیّ لم یزل مولا علی
اولماز احمدن سورا معراجیده الّا علی
سویله دی حیدر سَسیله سوزلرین پروردگار.
لافتی الّا علی لاسیف الّا ذولفقار.

کیم رکوعینده اوزوک بذل ائیلیییب الّا علی
کیمدی خلقی خالقه وصل ائلیییب الّا علی
انبیانی صاحب ِفضل ائلیییب الّا علی
یوخدی مرد الّا علی حقدن گَلیبدی بوشعار.
لافتی الّا علی لاسیف الّا ذولفقار.

مظهر عدل و عدالت جلوه ی خورشید علی
شافع یوم ِقیامت، مظهر توحید علی
یاور ختم نبوّت، چشمه ی امّید علی
شاه و سلطان امامت حجّت پروردگار.
لافتی الّا علی لاسیف الّا ذولفقار.

دهریده علم قضاوت رکنینی بنیان ائدیب.
جمله دانشمندی اوز تدبیرینه حیران ائدیب.
حشره جن علم عالمینده هرزمان طوفان ائدیب.
اعتلای علم ایلن اَعلَم لیقی معلوم لاشار.
لافتی الّا علی لاسیف الّا ذولفقار.

اسم اعظم دی علی قرآندا کی اسما ده وار.
آیه الکرسی نی گَزسَن عروه الوثقی ده وار.
عشق حیدر روح و جانِ حضرت زهراده وار.
کوثر و ساقیِ کوثر عبد پاک کردگار.
لافتی الّا علی لاسیف الّا ذولفقار.

اورگَدیب مولا بیزه دنیانی چوخ فانی گورَخ.
حقّه رغبت ائیله یَخ قرآنی نورانی گورَخ.
ناخدا حق اولماسا دریانی طوفانی گورخ.
ظالمی دکّ ائیله یَخ اما اولاخ مظلومه یار.
لافتی الّا علی لاسیف الّا ذولفقار.

اشجع لیل ِمبیت انوار سرمد دی علی
حافظ خیرالبشر جان ِمحمّد دی علی
ابتهالین آیه سینده نفس احمدی علی
کیمده واردیر بو شهامت بو مقام واعتبار.
لافتی الّا علی لاسیف الّا ذولفقار.

ذات حیدر شمع دی، عالم اونا پروانه دی.
اهل ِمعنا اولسا هر کیم عشقینه دیوانه دی.
«یا علی» ذکر اولسا هر یئرده اورا میخانه دی.
ایسته ریخ بیز مرتضانی عاشق و دیوانه وار.
لافتی الّا علی لاسیف الّا ذولفقار.

ائیله مست جام حیدر اولموشوخ خرد و کبار.
سَسله ریخ هر دم علی صبح و مساء، لیل و نهار.
عاشقیخ بیز مرتضایه واله و دیوانه وار.
بی قراریخ، بی قراریخ، بی قراریخ، بی قرار،
لافتی الّا علی لاسیف الّا ذولفقار.

یاندی درگاهی امامین پر پر اولدی فاطمه.
آزقالیردی صبری داشسین عمری تاپسین خاتمه.
قدرت ِایمانیله صبر ائتدی بو عظما غمه.
حضرتِ زهرا آدیلان تاپدی حقدن اقتدار.
لافتی الّا علی لاسیف الّا ذولفقار.

هانسی پیغمبر علی تک اولدی عالمده سعید؟
کعبه ده دنیایه گَلدی، اولدی مسجد ده شهید.
قانی محرابه توکولدی رتبه سی اولدی مزید.
سویله دی «فزت و رب الکعبه»:اولدوم رستگار.
لافتی الّا علی لاسیف الّا ذولفقار.

گور (عزیزا) سن هارا، بو یازدیقین سوزلر هارا.
سن هارا، حمد و ثنای حضرت حیدر هارا.
لایق کیفر هارا، گور شافع محشر هارا
چون الین بوشدور بو شعری ساخلا حشره یادگار.
لافتی الّا علی لاسیف الّا ذولفقار.

• شنبه
• 6
• شهریور
• 1400
• ساعت
• 23:49
• نوشته شده توسط
• یوسف اکبری

ای جمالی مظهر آیات کبری یاعلی
وی جلالیندن جلال حق هویدا یاعلی

فیض جودیندن وجود ماسوا موجود اولوب
ای وجود ماسوایه فیض عظما یاعلی

نور حق آئینه ذاتینده اولموش جلوه گر
ای صفات آللهه مرآت تجلا یاعلی

لوح حسنونده یازیلمش آیه الله نور
صورتینده کلمه مشکوه معنا یاعلی

سن بو مخلوقاته باب علمی مفتوح ایلدین
شاهدیمدور سوره انا فتحنا یاعلی

الف قدین، خلقه لاء نفی اثبات ایلدی
کلمه توحیده سنسن الف الا یاعلی

من نجه وصف ایلیم خالق سنه مداح اولوب
دولدوروب قرآنی اوصافون سراپا یاعلی

کم و کیف ذاتوی درک ایتمز اوهام و عقول
ذات پاکوندور مرکب دن مبرا یاعلی

گر دییم ممکن سنه، سن تک بشر ممکن دگل
ور دئسم واجب، اولور کفریم هویدا یاعلی

ایله ممکن سن، که واجبدور وجودین عالمه
ای وجودی علت غایی اشیا یاعلی

نار قهریندن اولور نام جهنم شعله ور
نور مهریندن دولوب فردوس اعلا یاعلی

پرتو نور جمال بی مثالیندان سنین
مقتبس دور آفتاب عالم آرا یاعلی

ای ولی الله اعظم، عالم و آدم سنه
بنده دور، سنسن بو مخلوقاته مولا یاعلی

خواجه قنبر، امیرالمومنین، یعسوب دین
فاتح خیبر، شه دنیا و عقبا یاعلی

ای کلام الله ناطق، وی کلید کنت کنز
آشکار اولمیش سنیله گنج اخفا یاعلی

باب شبیر و شبر، ابن عم خیرالبشر
صاحب محراب و منبر، زوج زهرا یاعلی

ای در بحر شرف، شاهنشه ملک نجف
سر حق سندن اولوب عالمده پیدا یاعلی

پادشاه کون و امکان، جسم مخلوقاته جان
سرور مردان، امیر ملک بطحا یاعلی

قدرت الله، حجت الله، جانشین مصطفی
آیینه رحمت، ولی حی یکتا یاعلی

عالم علم سلونی، معنی ام الکتاب
واقف اسرار سر لیل اسرا یاعلی

عروه الوثقایه معنا، تاجدار انما
قفل گنج هل اتی، مصداق طاها یاعلی

ای شه والا مکان، پیوسته ایلر آرزو
درگهین اسفل مقامین عرش علیا یاعلی

آب اولور آتش، سر کویون هواسندن سنین
خاک پاییندور عجب گوگرد حمرا یاعلی

آستان درگه پاکین چراغان ائتمگه
مشعل خورشید اله آلمیش مسیحا یاعلی

سن صفی آللهه ویردین زنگ محنتدن صفا
اسم پاکندور سنین اسماء حسنا یاعلی

نار نمرودی ایدوب لطفون خلیله گلستان
پور آزر گورمیوب آذردن اوتدا یاعلی

فلک محنتدن تاپیب نوح نبی الله نجات
اونداکی ایتدی سر کویونده ماوا یاعلی

سن ذبیح آللهه مشق عشق تعلیم ایلدین
ویرمه میش باشین آلیب تاج فدینا یاعلی

اولماسیدی حضرت عیسائیله همدم دمین
هاردا روح الله ایدردی مرده احیا یاعلی؟

قاسم الرراق سنسن، خوان جودیندن سنین
قوم اسرائیله گلدی من و سلوا یاعلی

مهر رویین ایتدی موسادن ید بیضا عیان
ایلدی فرعونی قهرون غرق دریا یاعلی

میزبان اولدون حبیب اللهه سن معراجده
دگلم منکر ایدم حاشا و کلا یاعلی

نازنین آدین، سلیمان ایلدی نقش نگین
اولدی جن و انسه هر فرمانی مجرا یاعلی

بیت الاحزان ایچره، سن یعقوبه اولدون هم نفس
محنت هجره ایدوب صبر و شکیبا یاعلی

دولدوروب آفاقی حسنون، صوت ما هذا البشر؟
حسن یوسف ذره دور حسنین یانندا یاعلی

ای جمال الله، جمالین اولسا ظاهر پرده دن
پرده عصمتده قالماز بیر زلیخا یاعلی

هر گوزل معشوقه بیر عاشق، بیابان گرد اولوب
سن منی، فرهادی شیرین، قیسی لیلا یاعلی

عرصه محشرده (صرافین) یتیش فریادینه
چون سنین مدحین ایدر املا و انشاء یاعلی

مطلب و منظوری شاها، التفاتیندور سنین
یوخ یقین گوگلنده بیر اوزگه تمنا یاعلی

فکر و ذکری روز و شب ده، وردی یا محبوب اولوب
کیمدی سندن اوزگه محبوب دل آرا یاعلی

اوزی بیر مور محقر، دفتری پای ملخ
چوخ سعاتدور اگر مقبول اولونسا یاعلی

• یکشنبه
• 7
• شهریور
• 1400
• ساعت
• 12:19
• نوشته شده توسط
• یوسف اکبری

ای اَمیر و مالک مُلک ولایت یاعلی
مَعنی حُرّیَت و عَدل و عَدالت یاعلی

ای وَلی ذات حَق وی شیعَیانه تاج سر
کلّ اهل عالمه نور هدایت یا علی

اُسوه ی ایمان و تَقوا معنی صدق وصفا
مَظهر زُهد و وَرَع روح عبادت یاعلی

ساقی کوثر قَسیم نار و جَنَت نور حَق
لَنگَر کون و مَکان شیر شجاعت یاعلی

مُحیّیِ اَحکام قرآنِ مُبین و دین حَق
خالقین اَمرین ایدَن دائم اطاعت یاعلی

لَشگر دین خدانون با وفا سرلشگری
هَم، وَصیّ ویاور خَتم رسالت یاعلی

حُجت پاک خداوند حَق دادارسان
بو سَبَبدن اولموسان صاحب جلالت یاعلی

جانّثار اولدون همیشه سَنگر اسلامیده
دینیدن قرآنیدن ایتّدون حمایت یاعلی

ایلَدون تیر بَلایه سینَوی دائم سپر
صَحنه هَیجاده گُستردون شهامت یاعلی

هر یَتیم و بینوادَن دستگیراولدون،اودور
آدیوی سَسلردیلر کان سَخاوت یاعلی

گوز تیکیبدور اهل عالَم هرزمان الطافیوه
چونکی سَنسَن دَهریده بَحر کرامت یاعلی

روز شب رَزّاقی ایلوب آدیوی ورد زبان
سَنده لطف ایله اونا ایله عنایت یاعلی

آدیوون ذکری عبادتّدور، وَلاکن بی علی
وار یَقین باطلدی هر ذِکر و عبادت یاعلی

• دوشنبه
• 8
• شهریور
• 1400
• ساعت
• 15:16
• نوشته شده توسط
• یوسف اکبری

بزرگ مرد جهان حجت الهی علی
سپهر معدلتون جاودانه ماهی علی

بسیط مصطبه ی لطفینون گداسی ملک
حبیب لم یزلون مرد دل بخواهی علی

بساط حشمتینه رشک ائدن سلیمانلار
ایاقی آلتدا قویان عالم رفاهی علی

عبادت عالمی هر لیلی مثل لیله ی قدر
صفای عشقی سالان حیرته پگاهی علی

مثال آینه دور کارنامه ی عمری
که قویمیوب ائله آئینه ده سیاهی علی

نه زور ائدوب بیرینه مطلقا نه زوری قبول
سریر منزلتون ذوالجلال شاهی علی

روشِ کاری مسلمانلارا گوزل میزان
خداپسند عملی ایلین گواهی علی

ایشیقلی مشعل اولوب سالکان معنایه
نشان وئروب هامی مخلوقه شاهراهی علی

اؤزی فروتنیدی زندگی سی درویشی
ولی ضعیف و ستمدیده تکیه گاهی علی

لقبینی خبر آلسون دییر سنه تاریخ
یتیم لر آتاسی بیوه لر پناهی علی

قسم خدایه علی ذات حقّه مظهریدی
قسم خدایه علی بی نظیر رهبریدی

تَیَمُّناً بو حدیثی به صورت اشعار
وئروم عریضه بو مجلسده اَیُّهاالحُضّار

کچوردی کوفه ده بیر کوچه دن ولی الله
گوروب بیر عورتی معبرده حیدر کرّار

دولی سو مشکین آلوب چیگنینه گئدور ائوینه
ائدوب اؤ عورتی دل خسته یولدا سنگین بار

دیور الهی داخی جاندا طاقتیم یوخدی
بو شهر کوفه ده یوخ من کیمی بلایه دچار

علی منی نه یامان گونلره قویوب یارب
اراده ایله ئوزون انتقامه یا قهّار

ائشیتدی سؤزلرینی عورتین وصیّ رسول
یاخینلاشوب اونا الطافین ایلدی اظهار

دئدی سو مشکوی وئر حمل ائدوم بیر آز دینجل
یورولموسان بیلورم ای عفیفه ی دیندار

منی ده دینی برادر حساب ائله ئوزوه
باجیا قارداشی حامی گرک اولا ناچار

سو مشکینی گوتوروب مقصده یتوردی علی
بویوردی قارداشوی عفو ائت ای وفا کردار

بو بیر سؤالیمون اما جوابین ایستیورم
علی سنه نه ستم ایلیوبدی قیل اقرار

دگل سن اولما ابوطالب اوغلونا خوش بین
ندور دلیلی اونا دلدن ایلوسن نفرین

دئدی اَخَ العرب ای عبد حضرت باری
سو مشکیمی گتوروب ایلدون منه یاری

ولی بو یاخشیلیقا منده بیر عوض یوخدی
جزا گونینده یقین اجروی وئرر تاری

دئدون علی ائلیوبدور سنه نه ظلم و ستم
ائشیت جوابینی ای خسته لر هواداری

شهید ائدوبله منیم دین یولوندا صاحبیمی
قالوبدی دورد اوشاقیم ائوده یوخ پرستاری

وظیفه دور اونا ایتام شهره باش یتوره
صغیر و بیویه یوز وئرمیه گرفتاری

رئیس مملکت مسلمین دور اما
یولونا منتظروک گلمیوب بیزه ساری

بالالاریما دویونجا غذا تاپانمیورام
آدین قویوبدی علی بیوه لر مددکاری

ائشیتدی شیرخدا عورتین بو سوزلرینی
گلوبدی رقّته گوزیاشینی ائدوب جاری

بویوردی حق سنیلندی قصور ائدوبدی علی
باغیشلا جرمین اونون بیلمیوب بو اسراری

طعاموزه سویوزا من ئوزوم کفیل اولّام
یتیم اوشاقلاروی ایلرم نگهداری

علی مثالی سیزه گونده باش یتورّم من
لباسه حاجتوز اولسا آلوب گتورّم من

وئروبدی قول حمایت اؤ بیکسه مولا
اورکده غصه لری جوشه گلدی چون دریا

دیوردی اؤز اؤزینه غفلت ایلیوبسن علی
قصور اولوبدی وظیفونده ائتمیوبسن ادا

آدون خلیفه الونده کلید بیت المال
خبر یوخون نه چکور خانواده ی شهدا

رئیس مملکت اولماق وظیفه دور سنگین
گرک تعهّد ائدن عهدینه ائده ایفا

چالیشدی ائتدی تهیه امیر گردون جاه
بیر آزجا بوغدا اُونی بیر طبق دولی خرما

رُطب طبقده الی اوسته، اُوندا چیگنینده
اؤ بیوه نون ائوینه حمل ائدوبدی شیر خدا

قاپونی وردی کچوبدور اطاقه خجلتیله
یره قویوبدی آپاردیقلارین شه والا

اوشاقلاری آلوب آغوشه یوزلرین ئوپدی
اؤ ائو محبت ائوی اولدی یعنی سر تا پا

بویوردی عورته قسمت ائدک ائوین ایشینی
مواظبت ائله سن بو اوشاقلارا حالا

گتوردوقوم اُونی دا من اؤزوم خمیر ائلیوم
سیزه چورک پیشیروم فوری ای حمیده لقا

علی اؤ بیوه نون القصّه گوگلونی آلدی
خمیری ائتدی مهیّا تنوره اود سالدی

یواش یواش اوجالوبدور شراره ی سوزان
لب تنوریدن ائتدی زبانه سی فَوَران

یوزین دوتوب اوجالان شعلیه بویوردی علی
جهنّمون اودونا یانما سن، بو شعلیه یان

شرار دوزخی یاددان چیخاتما ای نفْسیم
ائله بیر آتشه هانسی بشرده واردی توان

سن استراحت ائدوبسن یتیملر قالوب آج
دؤزر نه نوعیله بو درده صاحب وجدان

قاپی ویریلدی اؤ وقته گلوبدی بیر عورت
علینی گوردی کنار تنوریده حیران

سؤال ائدوب بو سؤزی خانه صاحب عورتدن
قوناقوی تانوسان کیمدی؟آدین ایله بیان

دئدی تانیمیورام ، آدینی خبر آلدیم
منه بویورمادی امّا اؤ نابلد مهمان

فقط دئدی بو سؤزی کوفه ده غریبم من
تنوری داغ ائلیوبدور بیزه پیشیرسون نان

جواب وئردی دایان قوی آدین دیوم کیمدی
علی ولیّ خدادی اؤ رادمرد زمان

علی آدین ائشیدوب قاچدی مطبخه اؤ خانم
دئدی اؤزوم بالالاریم آقا سنه قربان

گناهیمی آقاجان عفو ائله بو گوزیاشیما
جسارت ایلمیشم ساحتونده کول باشیما

جواب وئردی اونا شهریار ملک حجاز
علینی سن تانیدون کشف اولوندی حیف اولا راز

وظیفه دور گرک عذر ایستیه علی سندن
قصور مندن اولوب سنده یوخدی عذره نیاز

تَفضّل اولسا الٰهیدن ایلرم جبران
باغیشلیون بیلورم غفلتیم اولوبدی بیر آز

گلوب بالالاروی بیر بیر آلّام آغوشه
آتا کیمی دؤزرم هر نقدری ائتسه له ناز

قلم سؤزی گینه ده ایستیور گریزه چکه
سوزون گریزی اگر اولماسا گوزل اولماسا

گرک اورک اودونی گوزیاشیم ائده خاموش
دویونجا آغلاماسام قلبیمون اودی سویوماز

محلّی دور ائلیم عرض شحنه ی نجفه
آقا سنی بشریت تانور یتیم نواز

نوه ن رقیه کیمی نازنین بالا یوخودی
خرابه یرده آجیندان ائدوردی سوز و گداز

بنفشه مثلی قرا ساچلاری پراکنده
آز اولدی عمری ولی تار گیسوانی دراز

دوداقینی گوتورنده اؤ قیز دوداق اوستن
چمن غصه ده عیناً اولوردی غنچه ی باز

سولان یوزی ساری گلدن آلوردی صبر و قرار
خمار گوزلری نرگس لری ائدوردی خمار

زمانه ده اونون آیری زمانه سی واریدی
اورکده آتش غمدن زبانه سی واریدی

همیشه توأمیدی شبنمیله گل مثلی
یوزینده گوزدن آخان اشک دانه سی واریدی

گجه لری اویاقیدی گوزی ستاره کیمی
نجوم و ماهیله بزم شبانه سی واریدی

توکوردی هر نقدر گوزیاشی قوتارموردی
اورکده دُرّ سِرشکه خزانه سی واریدی

ترنُّمی ائلیوردی اثر قناری لره
ز بس قفسده یانقلی ترانه سی واریدی

عزا بهارینه بیر بلبلیدی پر بسته
دمیر قفس مَثَلی آشیانه سی واریدی

سیزیلدیاندا خانم زینبین آلیدی جانین
سؤزینده شرح غم عاشقانه سی واریدی

باخوردی حسرت آتا قارداش آختاروردی گؤزی
قیامت ائتمگه هرگون بهانه سی واریدی

دونی قرا ساچی قاره گونوزی بختی قرا
بدنده قمچی یریندن نشانه سی واریدی

یوزینده طُرّه سی آشفته تار فکری کیمی
تِلین داراماقا فکر ائتمه شانه سی واریدی

کچوردی عمری غم بی شماریلن اؤ قیزون
واریدی کشمکشی روزگاریلن اؤ قیزون

دیوردی عمه آتام سروریم هایاندا قالوب
رئیس سلسله ی اطهریم هایاندا قالوب

گلی گرک بجَره باغبانی گلشنده
سارالموشام بی بی گل پروریم هایاندا قالوب

بابام منی ایتوروبدور و یا که من بابامی
بو شهره نابلَدم رهبریم هایاندا قالوب

اگر مسافرت ائتمیش آتام سؤزوم یوخدی
بویور گوروم اؤ نبی بنذریم هایاندا قالوب

خبری یوخدی قرا بخت اولوب گوزل باجیسی
قبیله نون گوزلی اکبریم هایاندا قالوب

دئسم ملکدی علی اکبره خطا دئمیشم
مدینه یوسفی تاج سریم هایاندا قالوب

جانین نه ارزشی واردور ایتورسه جانانین
دیلیمده یوخدی توان دلبریم هایاندا قالوب

کشیده قامت عَموم بوشلیوب بیزی باشینا
علی نشانی علی مظهریم هایا

• سه شنبه
• 30
• شهریور
• 1400
• ساعت
• 21:13
• نوشته شده توسط
• یوسف اکبری

یولار فَغانیله گیسولرینی حُورُالعین
سالولّا صورته دردِ نَهانی مَعنادَن

اَبُوتراب اِیدوب دور ترابیده سُکنی
ترابی رشکِ بهشت اِیلوب بو سُکنادَن

صدای لَیتنی کُنتُ تُراب اولمور مَسموع
مقامِ غبطه دَه هر دَم سپهرِ مینادَن

اَبُوالائمّه ئولوب دور، یتیم اولوب حسنِین
گیچوب حسین و حسن ناله سی ثُریّادُن

یتیم لیق توزی بو گُون قونوب حسین یوزینه
آخار عُذاری نه گُوز یاشی چشمِ شَهلادَن

آچوبدی باشینی زینب، یولار ساچین کُلثوم
چَکر اِیکی باجی ناله بو دردِ عُظمادَن

علی ئولوب سینوب ارکانِ دینِ لَم یَزَلی
هدایته یتیشوب صَدمه بو قَضایادَن

آچوب یَخاسین علمدارِ کَربلا عَبّاس
فرات تک آخوری اشک چشمِ، سَقّادَن

ایدوب آتاسینا غسل و کفن اِمامِ حسن
بو سوز وَصیّتیدی اوغلونا او مُولادَن

اوزی مُطابقِ قانونِ شَرع ایتدی حُنوط
همان حُنوطِ که گَلمیشدی دارِ عُقبادَن

بو دور قَواعد قانونِ شَرعِ مُصطفوی
خلافِ شُرع گورونمز اِصوله دارادَن

اِیده لّه غسل و کفن شَرعیده مسلمانه
ندندی کوفه لیلر چخدی شَرعِ غَرّادَن

حسینی قویدولا بی غسل و حُنوط و کفن
تاپولمادی گُوتورن نعشینی او صَحرادَن

نه چکدی بُلمورم الله بُلور خانم زینب
او جسمی عُور گُورنده لباسِ دیبادَن

اماندی گیتمه قلم کربلایه، کوفه ده قال
واروندی چشمِ صله گر علیّ اَعلادَن

آتا جَنازه سینه مُجتبی اِیدنده کفن
حسینی سالدی بو غم طاقت و تَوانادَن

یوگُوردی سالدی اوزین مُرتضی جنازه سینه
علاقه کسدی تَحمّل او ماهِ سیمادَن

باجیسی زینبه یول آچدی کربلا شاهی
ویروب بلا چولونون مَشقینی بو اِیمادَن

عقیلةُ العرب، ئومُّ المصائبِ عالم
فزون اولان شَرفی مَریمی له سارادَن

دوشَندی باغرینا باسدی آتا جَنازه سینی
اوجالدی وا اَبتا دُختِ میرِ بَطحادَن

قاریشدی بیر بیرینه سر به سر بنی هاشم
اوجالدی ناله و شیون عَیالِ طاهادَن

ئولوب امام، سپوب شیعه لر باشا توپراق
دیارِ کوفه دولوب صُوت وا اِمامادَن

علی ایوینده ایله بیر قیامت ایتدی قیام
که حشر آیتِ صغری اولور او کُبری دَن

جنازه سین گوتوروبلر غرض بنی هاشم
آیردیلار آتانی تا بنات و اَبنادن

گُوروب اِمامِ حسن باش آچوق گَلور زینب
جنازه نین دالسن جا چخوب شَکیبادَن

دوتوب حسینه یوز آغلار گُوزیله اِیتدی خطاب
دایانما زینبی قِیتر حسین بو ماُوادَن

باجی میزون گُوره گر قامتینی نامَحرم
بیزه گُونوز اوُلی تاریک لِیلِ یلدادَن

عزیزه باجیسینی قِیتروب اِمامِ حسین
گنه گُوزوم یاشینون مُوجی گیچدی دریادَن

همین بو زینبیدی کربلاده یازَهرا
گیچردی اللّری باشدا صفوفِ هیجادَن

بو فکریدِیدی اوزین مصرعِ حسینه سالا
حسینی حفظ اِیلیه شرَّ قومِ اَعدادَن

باشیندا مَعجری بُلمم که واریدی یوخودی
علوم صاحبی آگهدی بو مُعمّادَن

بو قدر وار که حمید اِبن مُسلم اِیلر نَقل
اونون او نَقلی آلور تاب سنگِ خارادَن

اونون رَوایتی نون بیر اِشاره سین دیماقا
چوخ اِعتذار ایدورم من بَتولِ عُذرادَن

دیر بو عُورتی گُوردوم که گُون کیمی چخدی
یوزونده حایلی وار طُرّهء مُطَرّادَن

خیامی دَن قاچوری قتلگاهه باشدا اَلی
سپهره لرزه سالور بانگِ وا حُسینادَن

گهی قاچور یخولور، گه دورور گنه یوگورور
اوزین اِیله ایتوروب قوخموری مُنایادَن

قولاق لاریندا اِیدور گُوشواره لر حرکت
اونون او حالی مُوثّردی حالِ ثُکلادَن

دِیور حسین نیه گُوگلر یِره توکول موری بس
توان و طاقت آلور صُوتی پیر و بُرنادن

گَلوب بو حالیله گُودالِ قَتلگاهه یتوب
بُلنمورم نه گُوروب شمرِ بی مَهابادن

بویوردی جان وِیرور اینجیتمه، اَل گوتور ظالم
بو تَشنه لَب یارالی،‌ پاره پاره اَعضادَن

جَسارت اولدی (حسینی) دایان چوخ عُذر اِیسته
اِمامِ عَصریدَن اَلده اولان بو طُغرادَن

• چهارشنبه
• 31
• شهریور
• 1400
• ساعت
• 13:00
• نوشته شده توسط
• یوسف اکبری

خدایه بنده دی، امّا خدای عالم دور
عزیزِ حَقدی، وَلیّ علیّ اَعلا دور

مُطیع دور اُوزی حَقه، مَطاع دور خَلقه
گُونه، آیه، یِره، مَخلوقه حُکم فَرما دور

علی خدا دِگل، امّا بَشر لباسن دَه
هامی صفاتی اونون بی نظیر و هَمتا دور

من آزمارام سوزی، سن آزما مَطلبی زاهد
نه جای بَحث دَی بو یِر، نه بزمِ شُورا دور

یوخیدی عالم و آدم، وَلی علی واریدی
دیر که آدم آتاسی، آناسی حَوّا دور

هامی پیغمبره عَصرین دَه نصرتی یِتدی
همین بو نکتیه آگه خدای یکتا دور

علی خَلیله گهی ناری گُلستان اِیلور
چَکنده داره گهی داد خواهِ عیسی دور

علینی بیر تانور اَحمد، بُولون دُورَن شاءنین
همان قضیهء معراج و لیلِ اَسرا دور

اَحد دانش دیروب، اَحمد علی سسین اِیشی دوب
هانی کمالِ دلیم دَه دییم نه مَعنا دور

بنای خلقتِ کُونه وجودی باقی دور
باباسی بیت خدایه اگر چه بَنّا دور

شَرف هواسی نه یوز سورتَن آستانه سینه
هزار قیصر و فغفور، هزار دارا دور

غَدیرده اُوجالان نُوری، جلوه گردی هنوز
او نُوری درک اِیده بُولمَز، او گُوز که اعما دور

تولدندَن ازَل اُولدی اوز آنا سنا یار
سوزی مه شاهد هَمان نقلِ شیرِ غرّا دور

تولدی اوُلونوب مَکه دَه، قیامته دین
بو فَخر مُفتخری اُمّهات و آبا دور

علینی مَدح اِیله زاهد که حقّ ایدوب اونی مَدح
نه قصر و حُوردی، نه سدره دور نه طوبا دور

عبادتنده هامی اهلِ زُهده اَفضل دور
شجاعتنده هامی رَزمه شیرِ هیجا دور

اگر نَجف یِری فَخر اِیتسه عَرشه ذی حق دور
که ساکنانی علی خدمتن دَه بر پا دور

قویا او کس که قَدم کِتفِ میرِ بَطحایه
اونون مَقامی نه قُوسِین دور او اَدنا دور

ندور مرادِ یَدالله فُوقِ اَیدیهم؟
او هانسی اَلدی هر اَلدَن بلند بالا دور؟

• چهارشنبه
• 31
• شهریور
• 1400
• ساعت
• 13:07
• نوشته شده توسط
• یوسف اکبری

شهنشاه‌ِ مُلکِ‌ولایت علی
منوّر چراغ هدایت علی
یگانه دُرِ بالیاقت علی
محبت،فتوّت،صداقت علی
چراغ رهِ معنویت علی
همای‌ بلندایِ‌ رحمت علی
بوراخ اوّل‌ و ثانی‌ و ثالثی
دِئنـن افتخارخلافت علی
عدالت‌ علی‌دن آلیب افتخار
اولوبدورفدای‌عدالت علی
بوتون عالمه افتخارائیلرم
باشیم‌دا اولان تاج‌ِعزت‌علی
دوزعاشق‌دی‌عشقین‌ده‌ثابت‌قدم
ائدیب‌ دینه دوزگون‌حمایت‌علی
بهشتیله‌ دوزخ اونا باغلی‌دیر
اولوب‌قاسم‌ِ نار و جنّت علی
گؤزل‌خطبه‌سی‌درس‌دیرعالمه
ائدرموعظه‌ بامتانت‌ علی
علیسیزعبادت‌ هوادیر هوا
یقین‌دیرکی‌روح‌عبادت‌علی
هدایت‌علی‌گؤسترَ‌ن‌یولدادیر
نماینده‌ی‌ مهدویّت علی
عروس‌یهودینی‌ آزاد اِئدن
نمادِسرافرازِغیرت‌علی
علی‌شیعه‌سی‌ائتمه ترک‌نماز
نمازاوسته تاپدی‌شهادت‌علی
علی‌عشقینه افتخارائیلرم»
نَییم‌ وار بوعشقه نثارائیلرم»

گمان‌ ائتمیین‌کی‌خدادورعلی
دئمه‌کی‌خدادن‌جدادورعلی
اَبوطالبین‌قهرمان‌اوغلی‌دی
بیلون‌ صورت‌ِحق‌نمادورعلی
طرفدار مستضفان‌دورآقام
رضای‌خدایه‌رضادورعلی
وصیِّ‌بلافصلِ‌ختم‌الرّسُل
نماینده‌ی‌مصطفی‌دورعلی
نه‌ دردون‌ وار آل‌ بابِ‌احسان‌دن
بیلیرسن‌کی‌مشکل‌گشادورعلی‌
دئ‌ مولایه‌سن‌ده‌ اورک‌ سرّینی
یقینیم‌دی‌ دردآ شنادورعلی
دییَن‌ دردینی‌ چاهه‌ ۲۵ ایل
آدامسیزلیقا مبتلادورعلی
مقام‌اوسته‌جنگ‌ائتمه‌دی‌مرتضی
بو دنیایه بی‌اعتنادورعلی
ولیکن حقوق مسلمانلاری
دفاع ائیله‌سین‌ جان‌فدادورعلی
سانا گلمییندیر مصیبتلری
مصیباتی بی‌انتهادورعلی
کیم‌ایسترحقیقت‌یولون‌مطلقا
بو یولدا گؤزل‌ رهنمادورعلی
نمازی‌ قیلاندا‌ علی‌تک قیلون
نماز اهلینه مقتدادور علی
نماز اوسته‌ ضربتلنیب مرتضی
یارالاندی‌غرقِ‌ دِمادور‌ علی
«گلون‌آغلییاق‌ پارچالانمیش‌باشا»
«نمازاوسته‌ قانی‌جالانمیش‌باشا»

دوشوب‌حجّتِ‌حَیِّ‌سبحان‌یئره
علینین‌باشیندان‌ سوزور قان‌یئره
ییخیلدی‌علی‌مسجدِکوفه‌ده
باشیندان‌آخیردُرّ و مرجان‌یئره
قیزیل‌قانی‌زینت‌وئریب‌سجده‌یه
سریلمیشدی‌اَرکانِ‌ایمان‌یئره
دئدی‌ آند اولاکعبه‌ آللآهینه
علی‌راحت‌اولدو یاز عنوان‌ یئره
نه‌حاله‌قالیب‌دی‌شهنشاه‌ِ دین
ملک‌لرتؤکولدی‌پریشان‌یئره
عمامه‌بؤلوندی‌آچیلدی‌باشی
دوشوب‌ یاره‌لی‌ شاه‌ خوبان‌ یئره
اوجالدی‌ بوسس‌قَدقُتِلْ‌ مرتضی
ییخیلدی‌ موازین قرآن‌ یئره
ائشیتدی‌ حسین‌وحسن‌ آغلادی
تؤکور گؤزیاشین‌ مثل‌ باران‌ یئره
سراسیمه‌ یوز قؤیدولار مسجده
گؤروبلر دوشوب‌ جسم‌ بی‌جان‌ یئره
بیلیب‌کوفه‌نین‌ده‌آدامسیزلاری
سپیلدی یئنه آه‌ و افغان یئره
یتیمان‌ کوفه کمکسیز قالیب
تؤکور اَشکِ‌ حسرت‌ یتیمان‌ یئره
دئیور اُمِّ‌کلثوم‌ و زینب‌ نئجه
بابامی‌ ییخیب‌‌ قوم‌ عدوان‌ یئره
علی‌ دودمانین‌ده‌‌ ناله‌سسی
طنین‌ افکن‌ اولدو کماکان‌ یئره
«اَطبّا دئدی‌توختاماز یاره‌سی»
«کسیلدی‌ یئنه‌ زینبین‌ چاره‌سی»

• چهارشنبه
• 7
• مهر
• 1400
• ساعت
• 20:15
• نوشته شده توسط
• یوسف اکبری

مظلوملار پناهی،ای‌ شاهلار شاهی
حجتِ الهی یا علی مدد
اوره‌ک قبله‌گاهی،حقیقت‌ راهی
گؤزللرین ماهی،یا علی‌ مدد

ساقی‌ کوثرسن،شافعِ‌ محشر
فاتح‌ خیبرسن،شیرِ دلاور
وصیِّ‌ پیغمبر،مولای‌ قنبر
گؤستر منه‌ راهی‌ یا علی‌مدد

ای‌ ناطق‌ قرآن،ای‌ جان‌ جانان
ای‌ سرور خوبان،ای‌ سِرِّ‌ پنهان
«قیزیل‌قلم»قربان،عشقووه‌ هر آن
قؤیما‌ چکیم‌ آهی‌ یاعلی‌مدد

• چهارشنبه
• 7
• مهر
• 1400
• ساعت
• 22:00
• نوشته شده توسط
• یوسف اکبری

سلام ای شیعه نون ماه منیری
سلام ای لشکر عشقین امیری

سلام ای کعبه نون مولود پاکی
سلام ای جبهه ی حق سینه چاکی

سلام ای شیعه نون دار و نداری
شرافت ملکینین شأن و وقاری

سلام ای مظهر ایمان و ایثار
یولی عاشقلره میزان و معیار

سلام ای نائب ختم نبوت
باشیندا اولین تاج امامت

جهانه گلمیوب مولا نظیرون
بلی وارسته دی مولا اسیرون

دوشوبدی صولتین عرش خدایه
اوزوک وئردین سجودینده گدایه

ملکلر عشقیوه حیران قالیبلار
بهشتین عطرینی سندن آلیبلار

بونی تایید ائلر خلاق منان
سنی درک ائتمگه عاجزدی انسان

ولایتدور اگر شرط دیانت
سنون عشقوندی معیار ولایت

گئجه مشغولیدون راز و نیازه
نمازدا ایلیوردون روحی تازه

فتوحاتون هله ورد زباندی
آدون آرایش و زیب اذاندی

سنی هر کس قبول ائتسه اورکدن
مقدم دور جهاندا هر ملکدن

آدون رمز ورود باغ جنت
وارون خالق یانیندا شان و حرمت

نوا وئردون غریب و بی نوایه
یولون سرمشق اولوبدور اولیایه

سنیلن دین حق پاینده قالدی
آدون دِیر و کِنِشته لرزه سالدی

• شنبه
• 17
• تیر
• 1402
• ساعت
• 18:29
• نوشته شده توسط
• یوسف اکبری

علی او خُطبه دور کی هر مناره دن حلول ائدر
علی حکومت ایلسه مطابقِ اصول ائدر

علی او شه دی کی اگر جهانی وئرسه لر اونا
نه ظلمیدن گوزون یومار نه حقیدن عدول ائدر

مقامه باخ کی رتبه سی کچوبدی آسمانلاری
امامه باخ کی وصفینی خدائیلن رسول ائدر

دلیلی وار کی خیبری بیر اَللی قالخیزار گویه
قنوته قالخیزاندا اَل، اونی دعا بتول ائدر

قویاندا سجدیه باشین دیئنده ربّی العظیم
فرشته لر خضوعیلن حضورینه نزول ائدر

عجایبین خزینه سی مناقبین مدینه سی
جهاندا هر نه ایلسه محیرُ العقول ائدر

علینی چوخلار ایستیور جهاندا چوخدی عاشقی
ولی اونون عدالتی چوخ "عاشقی" ملول ائدر!!!

علی اگر بو گون گلوب پیاده ائتسه عدلینی
نه سنّی لر باش اَندیرر نه شیعه لر قبول ائدر

"وفا" او مکتبی ئوز موسسیندن آیریلا
عقایدی برعکس اولار قدم قدم اُفول ائدر

• دوشنبه
• 16
• مرداد
• 1402
• ساعت
• 22:23
• نوشته شده توسط
• یوسف اکبری

☑️بند اول
علی ابن ابی طالبم ای اهل جهان حیدر کراره ملقب
علی ام و یداللهم و عین الله و باب اللهم و باب مرادم

شه انس و ملک مرد محک شیر نبردم
اسدالله دور آدیم صاحب تاجم
هامی درده علاجم سبب رزقم و ایمانه سراجم

علی ابن ابی طالبم هر جنگیده من غالبم
هر یرده حقه طالبم و قُلزم پر شور ولایم
خریدار بلایم و امید فقرایم امیر دو سرایم
تجلی دعایم و لب حقه صدایم
بوتون عالم و آدم بولوری شیر خدایم
من علی نور هدایم و هامی درده رضایم
بولون شیعه لریم مالک عرضم و سمایم
علی دافع غم ، شافع آن روز جزایم

یازین هر یره بو مطلبی آگاه اولا هر دیده ی گمراه
دیین اشهد ان علی ولی الله

☑️بند دوم
علی بن ابی طالبم ای اهل جهان یاور پیغمبر دینم
او ابر مرده معینم بولون حصن حصینم
همانم وهمینم من علی ماه جبینم
بولون عالمیان حبل متینم علی لنگر دینم
یازیلیب سر در جناتیده آدیم او سبب یوخدی قرینم
و من افلاک نشینم علی دور آدیم
اما لقبیم حیدر و صفدر

مددیم حضرت داور دی منه حق الی یاور
دییر لشگر کفار علی هیبتی چون شیر غضنفردی

سالیر جنگ‌ده محشر منه لطف ائلییب حضرت باری
کی اولوب دخت نبی حضرت زهرا منه همسر

نه زهرا کی کنیز اولموش اونا مریم و سارا
علی فاطمیه پشت و پناه اولدی اودا حیدره یارا

علی ابن ابی طالبم و فارس حیجای حنینم
بوتون شوریله شینم حسن دور منه عزت
شرف و نور دو عینم اونون قارداشی عالم لرین اربابی دی
اوز اوغلوم حسینیم

سیزه تاپشیریب ای عالیمان حضرت خاتم ثقلینی
کتابی و علی ، فاطمه ، بیرده حسنینی

کیم عالمده اگر اولماسا بو مطلبه قاتل
اولار روز جزا دوزخه واصل

یازین هر یره بو مطلبی آگاه اولا هر دیده ی گمراه
دیین اشهد ان علی ولی الله

• یکشنبه
• 19
• شهریور
• 1402
• ساعت
• 21:37
• نوشته شده توسط
• یوسف اکبری

☑️بند اول

بابا جان اویان من اولوم گوزلرین فداسی
سالما زینبی غملره ، غملر آشناسی
زینبین اولان قلبیده ذوق و هم صفاسی

گول تک سولوبسان ای قلبیمین قراری
خزان اولوبسان ای زینبین بهاری
دیلدن دوشوبسن ای غیرتین مداری

? ای وای یارالی / ای وای یارالی بابا ?

☑️بند دوم

حالیوی گوروب ای بابا قالمیشام نه حاله
باشیوین قانی یول سالیب بو سولان جماله
زینبی سالیر بی رمق حالتین خیاله

جنتده زهرا غمینده سینه داغلیر
حسن سیزیلدیر مظلوم حسینین آغلیر
عباسه بیر باخ اشکین عذاره باغلیر

? ای وای یارالی / ای وای یارالی بابا ?

☑️بند سوم

دیده مه بابا تار اولوب بو جفالی دنیا
محنته سالیب زینبی ای یارالی بابا
دیلده وار غمیم،ماتمیم،کاش اولیدی زهرا

آنام یاراوی باغلاردی یانه یانه
سوز غمینده آتش سالاردی جانه
آنام ویراردی زلفومه بیرده شانه

? ای وای یارالی / ای وای یارالی بابا ?

• شنبه
• 25
• شهریور
• 1402
• ساعت
• 00:03
• نوشته شده توسط
• یوسف اکبری

قوْشار: راد

قـۇرۇلـدۇ کوفـه ده عـزا

چکیلـدی گؤگلـه‌ره قـرا

خبر دۆشۆبدۆ شهریـده

شهید اوْلۇبدۇ مرتضی

علی دییـه-دییـه گلیـب

یتیـم-وْ-جـوملـه بینـه‌وا

امیر-ی-مؤمـنـان علـی

کریم-وْ-مئهریبان علـی

علی علی علی علی

علــی بشیـر-ی-مـؤمنــان

علـی نـذیـر-ی-کـافـیران

علی عزیز-ی-ائنس-وْ-جان

علی صبور-ی-قهره‌مــان

علـی ایمـام-ی-مئهـریبـان

علی اومیـد-ی-شیعـیان

امـیـر-ی-مـــؤمنــان عــلی

کریـم-وْ-مئهـریبـان علـی

علی علی علی علی

ولـی-ی-کـردگـار سن

سن حقّـه جـان نثـار سن

ابوالائمّه شؤهـره‌تیــن

پئیــه‌مبــه‌ر افتیخــار سـن

نجفده قانلێ تۆربه‌تین

سن عئشقـه یادگـار سن

امیر-ی-مؤمنان علـی

کریـ

• یکشنبه
• 11
• اردیبهشت
• 1390
• ساعت
• 07:53
• نوشته شده توسط
• علی اشرفی راد(عین الدین)

در عزای امام علی (ع) - بزبان ترکی

قالدی باشسیز العجب اصحاب و لشگر یا علی!

اولدو مظلوم امّتی بی یار و رهبر یا علی!

جانیمیز یاندی غم هجرینده پرپر یا علی!

گئتدی الدن سن تکی آنلاقلی سرور یا علی

گؤرمز عالم داهی مِثلینده دلاور یا علی!

ایندی کی رخسارون اولدی لاله تک محزون منه

سیزلاییب دل آغلایارکن بولبوله هم سوسنه

تیکمه رم گؤز بی وفالر تک صفاسیز گولشنه

چون عدالت مولکونون سولطانی سان یاننان سنه!

بو غم عظماده بی شک اؤللم آخر یا علی!

ییرمی بئش ایل دیل یاراسی جانه سالدیقجا اثر

حُرمتین حفظ ائتدی گؤرنه نهروانی شیخلر!

اولماییب راضی بونا آخر خدادن بیخبر

ووردولار شمشیر زهرآگین به فرق ِ دادبر

آغ

• جمعه
• 28
• مرداد
• 1390
• ساعت
• 10:32
• نوشته شده توسط
• ابوالفضل دادا

خالقین قدرتی واردور چکه انسانی گویه
نئجه کی چکدی اونون قدرتی عیسانی گویه

حضرت ختم رسل ده گویه معراج ائلیوب
آپاروب خالق ئوزی حضرت طاهانی گویه

هرنه گویلرده گوروب سس وار علینین سسیدی
او صدا وئرمیشیدی حالت عرفانی گویه

سوروشوب پیک خدادن بو سوزی پیغمبر
بو نه سسدور که وئرور جلوۀ شایانی گویه

من گلن وقتیده معراجه علی یِردِیدی !
نئجه مندن قاباق اوج ایلدی بیر آنی گویه

جبرئیل عرض ائدوب ای صاحب اجلال و کرم
بو علیدور که وئرور حالت روحانی گویه

چون علیسیز دوزه بیلمولَّه ملک لر گویده
خالقین امری چکور یئردن او مولانی گویه

یئر اونون قدرینی بیلمز اونی گوی یاخشی تانیر
اودی تفسیر ائلین سورۀ طاهانی گویه

یئری

• یکشنبه
• 21
• بهمن
• 1397
• ساعت
• 12:23
• نوشته شده توسط
• ابوالفضل عابدی پور

اهل عالم من غلام آستان حیدرم
عبد بی نام و نشان پهلوان خیبرم
دردبی درمانه دوشسم گویچک آدین سسلرم
بیر زماندور فقر و فحشا دهریده گسترده دی
شاکلید رفع ذلت ذکر یاحیدرده دی

شاهکارخلقت الله اکبردور علی
تاج فرق ساکنان عرش داوردور علی
اوّلین عشق رسول الله آخردور علی
گوزآچان گوندن اولوب عاشقلرون سردسته سی
آسمان بی ستونه پایه دور گلدسته سی

ماخلق بیر قطره دور مفهومیده دریا علی
فرق بسیار است بین یاعلی وباعلی
بی نمازیله سیغشماز بیر یره مولا علی
یاز قلم بوجمله نی آب طلای نابیله
بی نما زین نسبتی یوخدور بیزیم اربابیله

آنداولانیزه باشینداسیرایدن قرآنلارا
آند اولا سی جزئ قرآندا گلن برهانلارا
آنداولاقرآن یولون

• یکشنبه
• 21
• بهمن
• 1397
• ساعت
• 13:06
• نوشته شده توسط
• ابوالفضل عابدی پور

وار بو سؤزه ایمانیم شاهد اول آی الله
أشهَدُ أنَّ حَقّاً علی ولیُ الله
علی ولی الله علی ولی الله

دل مست می ناب سبوی ازلی‌دی
ذکر لب حورای جنان نادَ علی‌دی

عالمه سروردی
حجّت داوردی
نائب پیغمبر
حضرت حیدردی

یاعلی حیدر حیدر، علی علی حیدر(2)

عید ولایت گلدی شیعه خراماندی
ذکر علی یا حیدر گویلره قوزاندی
سیّدُنا یاحیدر جان سنه قرباندی
جان سنه قرباندی جان سنه قرباندی

شیعه اورگی می دولی پیمانۀ حیدر
جنّ و ملک اولموش هامی دیوانۀ حیدر

دل حرم حیدر
از کرم حیدر
عید ولایتدی
جام جم حیدر

یاعلی حیدر حیدر، علی علی حیدر(2)

• یکشنبه
• 21
• بهمن
• 1397
• ساعت
• 13:48
• نوشته شده توسط
• ابوالفضل عابدی پور

علی شیر خدادور سینه سی سینادن افضلدی
اونون بیر تار گیسوسی بوتون دنیادن افضلدی

مبارک پیکرین چکدی نجف آغوشینه جان تک
که حیدر دفن اولان یر طارم اعلادن افضلدی

مقدس مرقدی اوسته چکوبلر بیر گوزل گنبد
او گنبد تا جهان وار گنبد مینادن افضلدی

ئوزی اوغلانلاری باشدور ملکلردن جلالتده
محجب قزلاری همسرلری حورادن افضلدی

حسینیلن حسن فخر ایلیر ابراهیمه نوحه
قزی کلثوم و زینب،مریم و سارادن افضلدی

علی ساقی محفلدی میستان ولایتده
او بیر میخانه دور که مسجدالاقصادن افضلدی

گوزین دهره آچان ساعت آچیلدی کعبه دیواری
که یعنی ای مسیحی لر علی عیسادن افضلدی

علی حجت اولان گون روز بعثتلن برابردی
شب میلاد حضرت لیله الاسرادن

• یکشنبه
• 21
• بهمن
• 1397
• ساعت
• 14:03
• نوشته شده توسط
• ابوالفضل عابدی پور

فارسی

آمده غدیر و شده شادمان سَمائیان
مُرتضی وَصیِّ پیمبر شده امام مان
عید با سعادت و ولایت آمده
جشن معنویت و امامت آمده
یا مرتضی - علی مدد - یا مرتضی2
جانم مولا - علی مدد - جانم مولا

جان جان علی - یارمان علی
زینت و صفای اذان علی
علی شهنشاه اعظم بُوَد
علی شفیع دو عالم بُود
یا مرتضی - علی مدد - یا مرتضی2
جانم مولا - علی مدد - جانم مولا

ترکی

گلدی حضرت ختم پیغمبره بیله ندا
جانشین سندن صورا دور علیِّ مرتضا
کامل ایله دینیوی به اَمرِ لا یَنام
خلقه قیل بیان علی اولوب سیزه امام
یا مرتضی - علی مدد - یا مرتضی2
جانم مولا - علی مدد - جانم مولا

سروریم علی - دلبریم علی
ایکی عالمه - مقتدا علی
بیوردی لَح

• یکشنبه
• 21
• بهمن
• 1397
• ساعت
• 18:13
• نوشته شده توسط
• ابوالفضل عابدی پور

رفع بلا دفع شر ایلر علی
خانه ی دلدن گذر ایلر علی
باخسا مس قلبی زر ایلر علی
تپراقی درّ و گهر ایلر علی
گوگلره یردن سفر ایلر علی
خاک دری تاج سر ایلر علی
سائله والله نظر ایلر علی

قلبیده نور اولسا علی نوریدی
شیعه ده شور اولسا علی شوریدی
حشریده صور اولسا علی صوریدی
قدسیده طور اولسا علی طوریدی
عدنیده حور اولسا علی حوریدی
جبهه لرین شیر سلحشوریدی
جنّ و ملک تابع دستوریدی
معجز شقّ القمر ایلر علی

تا آنا گهواریه سالدی منی
قویمادی رهبر بیلم اهریمنی
اولدوم علی دشمنینون دشمنی
وئرمرم الدن بو گوزل دامنی
سولماسین الله آقامون گلشنی
مدّعی تحقیر ائلمه شیعه نی
ئولدوره جاق کبر و حسادت سنی
صاف اورکده مقر ایلر علی

ت

• یکشنبه
• 21
• بهمن
• 1397
• ساعت
• 18:32
• نوشته شده توسط
• ابوالفضل عابدی پور

همای معراجیم علی دی علی
صفای منهاجیم علی دی علی
گدای درگاهِ اَبَا لْحَسَنم
باشیمدا کی تاجیم علی دی علی

شمسِ ضُحی دی علی-کنزعطادی علی
سسله ئورکدن آدین-درده دوادی علی

((سنه من قربان آقاجان آقاجان))

جلالت و جاهیم علی دی علی
سماده کی ماهیم علی دی علی
نه وصف ائدورسیز منه شاهیلری
یئراوسته تک شاهیم علی دی علی

یازمالی سوزلری وار-گورمه لی گوزلری وار
تا به ابد آقامین - عشقینه مشتری وار

((سنه من قربان آقاجان آقاجان))

صفای محرابیم علی دی علی
ایشیقلی مهتابیم علی دی علی
رعیّتم فخر ائدرم آقاما
ئولونجه اربابیم علی دی علی

سسله ولا گهرین-کسمزآقام نظرین
باشین اوجا ائلیوب-دهریده شیعه لرین

((سنه من قربان آ

• یکشنبه
• 21
• بهمن
• 1397
• ساعت
• 19:06
• نوشته شده توسط
• ابوالفضل عابدی پور

ای ولا ملکینده سلطان معظم یا علی
آستانیندا گدا دور اهل عالم یا علی

ملک عزت مسندینده سن مجلل پادشاه
شانیوه لایق حریم عرش اعلا بارگاه
موکب اجلالیوه روح و ملایک دور سپاه
آیه « نصر من الله » ، نقش پرچم یا علی

سن او سلطان موؤید سن که ارواح و ملک
حضرتنده خاشع و خاضع اولاللار تک به تک
علت ایجاد عالم سن که افلاک و سمک
پایه اجلالیوه برهان محکم یاعلی

ای وجودون علت غائی وجود عالمه
نفسیوی ائتدون فدا نفس رسول خاتمه
علم الاسمانی تعلیم ایلدون سن آدمه
آدم اولدی در حقیقت سنله آدم یاعلی

ای جلالون آیت جل و جلال ذوالجلال
یوخدی خلقتده سنه شان و شرفده بیر مثال
پی آپارماز سر کنه ذاتیوه وهم و خیال
چون آدیند ا مست

• یکشنبه
• 21
• بهمن
• 1397
• ساعت
• 19:10
• نوشته شده توسط
• ابوالفضل عابدی پور