اشعار ترکی امیرالمومنین علی(ع)

هانسی گروهین بئله سالاری وار
شیعه لرین حیدر کراری وار
.
کیمدی علی عارف ذی جاهیدور
خلقتین اسرارینه اگاهیدور
شانی بویوکدور اسد الله یدور
ملک ولایتده شهنشاهیدور
نوریدن افلاکیده درباری وار
.
کیمدی علی ؟ تیغ دوسر صاحبی
زبده مبارزدی هنر صاحبی
تک دئمه دعواده ظفر صاحبی
بلکه مولف دی اثر صاحبی
نهج بلاغه کیمی اثاری وار
.
خلقه وئریب درس شرافت علی
شه لره اورگتدی عدالت علی
اولمادی پابند ریاست علی
قلبلره ائتدی حکومت علی
گور نه قدر ایندی طرفداری وار
.
صدقیله (صادق )گینه عنوانی یاز
مدحت شاهنشه مردانی یاز
خیبری فتح ائتدیقی جریانی یاز
ذکر ائله یا فاطمه ؛دیوانی یاز
چون خانیمین دستمدد کاری وار
.
غزوه خیبرده نبی پی

• پنج شنبه
• 3
• مرداد
• 1398
• ساعت
• 14:52
• نوشته شده توسط
• ابوالفضل عابدی پور

ای شَرَف کُون و مکان یا علی
قبلۀ دل جان جهان یا علی
.
هانسی شَهون سن کیمی دیوانی وار
سائلوون مُحتَشم عنوانی وار
.
رتبه ویرن ذات خدا دور سنه
موسِی وعیساده فدادورسنه
.
بنده دی درگاهووه آزاده لر
مَحوِ جلالوندی مَلِک زاده لر
.
منزلتون نکتۀ غایتده دی
معرفتون اوجِ نهایتده دی
.
`سیفی ام” آئینه پَرَست اولمشام
یاری گوروب کعبه ده مَست اولمشام
.
درگهوون بَنذری رضوانه دی
عاقل اودورکه سنه دیوانه دی
.
نوکرون اولماقدا غُرور آلمشام
سسلَه مشم آدوی نور آلمشام
.
خارم اگر سایه نشینِ گُلَم
غالیه ساز چَمن و سُنبُلَم
.
عارفه دنیا قَفَس عشقیدور
معنی هَستی نَفَس عشقیدور
.
شامل اولوب فیض نگاهون منه
ویرمشم عشق آل ویریمه

• دوشنبه
• 7
• مرداد
• 1398
• ساعت
• 11:24
• نوشته شده توسط
• ابوالفضل عابدی پور

ای دل دئنن دمادم، مولا فقط علی دیر
تا بیلسین اهل عالم، مولا فقط علی دیر
.
درمانی جاندان آرتیق، دردی چکن چوخ ایستر
ثانی فتنه کاری، اهل فِتَن چوخ ایستر
شیر خدا علینی، دوز صود امن چوخ ایستر
ای شیعه! سؤیله محکم، مولا فقط علی دیر
.
توبه ائدوردی آدم، مطلب بیر آز آغیردی
گؤزیاشی گؤزلریندن، نیسان کیمی یاغیردی
آل عبانی آخر، امدادینه چاغیردی
چون کی بیلوردی آدم، مولا فقط علی دیر
.
طوفاندا نوحه حیدر، برگ برات وئردی
الیاس و خضره الحق آب حیات وئردی
عیسایه دارین اوستَن لطفی نجات وئردی
سسلندی پورِ مریم، مولا فقط علی دیر
.
ارشاد ائدوبدی حیدر، حیرتده جبرئیلی
نمرودین آتشیندن حفظ ایلیوب خلیلی
چه دن چکوبدی ماهه، اُ

• دوشنبه
• 7
• مرداد
• 1398
• ساعت
• 12:38
• نوشته شده توسط
• ابوالفضل عابدی پور

قسم بذات کبریا قسم به ختم انبیا
قسم بجان مرتضی قسم به خیرة النساء
قسم بجان مجتبی سلیل پاک مصطفی
قسم به خون ناحق شهید دشت کربلا
برون ز حد وصف ما جلالت علی بود
صراط مستقیم حق ولایت علی بود
.
.
قسم به شاه ماسوا امام زین العابدین
قسم به باقر العلوم سمیّ ختم مرسلین
قسم به علم صادق و موسس اساس دین
قسم به جان کاظم و قسم بر آن دل حزین
برون ز حد وصف ما جلالت علی بود
صراط مستقیم حق ولایت علی بود
.
.
امام هشتمین ما یه حضرت رضا قسم
جواد نور دیده اش تقی مقتدا قسم
نقی هادی و حسن ولی رهنما قسم
به حجت ابن العسکری امام ماسوا قسم
برون ز حد وصف ما ...
.
.
قسم بعرش لم یزل قسم به لوح و بر قلم
قسم به نور والضحی قسم

• سه شنبه
• 8
• مرداد
• 1398
• ساعت
• 13:59
• نوشته شده توسط
• ابوالفضل عابدی پور

ای اولان خلقتده نوری نور سبحان یا علی
قلب عالمسن جمالون ماه تابان یا علی
.
باعث ایجاد عالمدور وجود اطهرون
ای شه مشکل گشا وی شاه مردان یا علی
.
هر ایکی دنیا سنیله چون تاپوپ نظم و نظام
هم اولور سنله جزاده عدل میزان یا علی
.
سن لسان حقّ سن حق اولدی سنله آشکار
ای صفات حقّیله نوری درخشان یا علی
.
یا امیرالمومنین سنسن وصیّ مصطفی
برقرار اولدی سنیله رکن ایمان یا علی
.
سن شهنشاه جزاسن سن ولی کردگار
وصف اوصافون اولوب آیات قرآن یا علی
.
شأنوه گلدی اُحد ده لافتى الا على
جبرئیل اولموش سنه هر آن ثنا خوان یا علی
.
اولماسیدی کشتی نوحه اگر سندن نجات
غرق ایدردی فُلک نوحی موج طوفان یاعلى
.
حضرت موسایه نور پاكون

• سه شنبه
• 15
• مرداد
• 1398
• ساعت
• 10:19
• نوشته شده توسط
• ابوالفضل عابدی پور

ای ولا ملکینده سلطان معظم یا علی
آستانیندا گدا دور اهل عالم یا علی
.
.
ملک عزت مسندینده سن مجلل پادشاه
شانیوه لایق حریم عرش اعلا بارگاه
موکب اجلالیوه روح و ملایک دور سپاه
آیه « نصر من الله » ، نقش پرچم یا علی
.
.
سن او سلطان مویّد سن که ارواح و ملک
حضرتنده خاشع و خاضع اولاللار تک به تک
علت ایجاد عالم سن که افلاک و سمک
پایه اجلالیوه برهان محکم یاعلی
.
.
ای وجودون علت غائی وجود عالمه
نفسیوی ائتدون فدا نفس رسول خاتمه
علم الاسمانی تعلیم ایلدون سن آدمه
آدم اولدی در حقیقت سنله آدم یاعلی
.
.
ای جلالون آیت جل و جلال ذوالجلال
یوخدی خلقتده سنه شان و شرفده بیر مثال
پی آپارماز سر کنه ذاتیوه وهم و خیال
چون

• یکشنبه
• 27
• مرداد
• 1398
• ساعت
• 13:29
• نوشته شده توسط
• ابوالفضل عابدی پور

همای معراجیم علی دی علی
صفای منهاجیم علی دی علی
گدای درگاهِ اَبَا لْحَسَنم
باشیمدا کی تاجیم علی دی علی
.
شمسِ ضُحی دی علی-کنزعطادی علی
سسله ئورکدن آدین-درده دوادی علی
.
((سنه من قربان آقاجان آقاجان))
.
.
.
جلالت و جاهیم علی دی علی
سماده کی ماهیم علی دی علی
نه وصف ائدورسیز منه شاهیلری
یئراوسته تک شاهیم علی دی علی
.
یازمالی سوزلری وار-گورمه لی گوزلری وار
تا به ابد آقامین – عشقینه مشتری وار
.
((سنه من قربان آقاجان آقاجان))
.
.
.
صفای محرابیم علی دی علی
ایشیقلی مهتابیم علی دی علی
رعیّتم فخر ائدرم آقاما
ئولونجه اربابیم علی دی علی
.
سسله ولا گهرین-کسمزآقام نظرین
باشین اوجا ائلیوب-دهریده شیعه لرین
.

• یکشنبه
• 27
• مرداد
• 1398
• ساعت
• 13:31
• نوشته شده توسط
• ابوالفضل عابدی پور

ای ولی مسلمین حافظ ارکان دین
صاحب علم یقین یا امیرامجدین
ای امام العارفین یا امیرالمُؤمنین (2)
رهنمای جنّ و اَبنا یا علی مولا
میهمان لَیل اِسرا ءیا علی مولا
یا علی حیدر مدد
یا علی صفدر مدد
.
.
.
ای وصّی مصطفی یا علی المرتضی
چشمۀ جود و عطا شهسوار لا فتی
شیعییه حِصن حَصین یا امیرالمُؤمنین
بندۀ فرمان یکتا یا علی مولا
سن امیر قعر دریا یاعلی مولا
یا علی حیدر مدد
یا علی صفدر مدد
.
.
.
کعبه دلها علی سرور و مولا علی
یاور طاها علی شوهر زهرا علی
مصطفایه جانشین یا امیرالمُؤمنین
سن شجرسن طور سینایا علی مولا
محرم اسرار موسی یا علی مولا
یا علی حیدر مدد
یا علی صفدر مدد
.
.
.
ای دلیل مُمکنات ای امیر کاینات
چش

• دوشنبه
• 28
• مرداد
• 1398
• ساعت
• 15:15
• نوشته شده توسط
• ابوالفضل عابدی پور

فارسی
.
.
ستاره بریزید ، آمد شاه انس وجان
چشم همه روشن ، شد تابان مه جنان
علی اعلا- نورتجلا- شمع تولا –خوش آمدی
افتخارِ – عترت طاها-سرور و مولا – خوش آمدی
.
.
.
.
گُل باغ سرمد ، مولا یا علی مدد
نور چشم احمد ، مولا یا علی مدد
عشق جنت-مظهر غیرت-معنیِ عزت-خوش آمدی
کان رحمت-نور ولایت-روح عدالت-خوش آمدی
.
.
.
.
شمس منوّر – مولا یا علی مدد
به شیعه رهبر- مولا یا علی مدد
نور عینی-ماه حسینی-توافتخار امامتی
تو امیری- شاه غدیری-باب سخا و کرامتی
.
.
.
ترکی
.
عالم اولوب گلشن- بیر گُل گلدی عالمه
گوزلریمیز روشن-سوگُل گلدی عالمه
شه خیبر –ساقی کوثر – عشق پیمبر –علی مدد
بیزه سرور- عالمه رهبر- شافع محشر – علی مد

• سه شنبه
• 27
• اسفند
• 1398
• ساعت
• 21:57
• نوشته شده توسط
• ابوالفضل عابدی پور

اهل عالم من غلام آستان حیدرم
عبد بی نام و نشان پهلوان خیبرم
دردبی درمانه دوشسم گویچک آدین سسلرم
بیر زماندور فقر و فحشا دهریده گسترده دی
شاه‌ کلید رفع ذلت ذکر یاحیدرده دی

شاهکار خلقتِ الله اکبردور علی
تاج فرق ساکنان عرش داوردور علی
اوّلین عشق رسول الله آخردور علی
گوز آچان گوندن اولوب عاشقلرون سردسته‌سی
آسمان بی ستونه پایه دور گلدسته سی

ماخلق بیر قطره دور مفهومیده دریا علی
فرق بسیار است بین یاعلی و باعلی
بی نمازیله سیغشماز بیر یره مولا علی
یاز قلم بوجمله نی آب طلای نابیله
بی نمازین نسبتی یوخدور بیزیم اربابیله

آند اولا نیزه باشیندا سیر ایدن قرآنلارا
آند اولا سی جزء قرآندا گلن برهانلارا
آند اولا قرآن یولوندا ذبح‌اولان قربانلارا
حیدرون شأنینده تنها بسدی بو زیبا شعار
لافتی الا علی لا سیف الا ذوالفقار

آند اولا ختم رسولان رحمت اقیانوسینه
آند اولا محبوبهٔ حق حیدرون ناموسینه
آند اولاصاحب زمانه جنتون طاوسینه
شهریار شهره ی شهر ولایتدور علی
صبح‌محشر پای میزاندا کفایتدور علی

چوخلاری بعد از پیمبر حیدری تک قویدولار
حقی ناحق ایلیوب بیر تازه مسلک قویدولار
سینهٔ زهراده مسماریله مدرک قویدولار
ارزشون حفظ ایله دوران دورهٔ بدعهدیدی
یاعلی مفهوم بیعت با امام مهدیدی

• یکشنبه
• 2
• آذر
• 1399
• ساعت
• 21:32
• نوشته شده توسط
• یوسف اکبری

باب سخا علی علی درده دوا علی علی
سینۀ اهل حقّیدن عقده گشا علی علی
مشکلون اولسا هر زمان
صدقیله سسله یا علی

پیکرۀ کرم علی بندۀ محترم علی
فلسفۀ قِدَم علی فرصت مغتنم علی
مائدۀ نِعَم علی نفس مسیحه دم علی
ورد زباندی دمبدم شیعیه مقتدا علی

سرور و رهبریم علی مسجد و منبریم علی
ساقی کوثریم علی شافع محشریم علی
دافع غملریم علی دیلده که ازبریم علی
من سگ آستانیم هی دیرم آقا علی

مرشد و مفخریم علی عشق مقدَّریم علی
مونس و یاوریم علی قلبیده باوریم علی
حافظ سنگریم علی اوچماقا شهپریم علی
سوزلریمه جلا علی گوزلریمه ضیا علی

ذکر و اطاعتیم علی حسن عبادتیم علی
عمریمه زینتیم علی خلقه وصیتیم علی
عزت و شوکتیم علی شأن وشرافتیم علی
هر ایکی دهریده منه مونس علی رجا علی

• سه شنبه
• 4
• آذر
• 1399
• ساعت
• 14:27
• نوشته شده توسط
• یوسف اکبری

شیعه لر گلوبدی بوگون درگهه رجایه
لطف ائله یئتیر یا علی دردلری دوایه

سسلروک ، یکصدا ، یا علی علی جان
آدیوه ، جان فدا ، یا علی علی جان

یا علی علی جان مدد یا علی علی جان ۲

نایب پیمبر سنون آدیوه فدایوک
بیر نظر ائلسن آقا حاجتی روایوک

گوشه ی ، چشمیلن ، سینه زنلره باخ
عشقیلن ، یا علی ، جان دینلره باخ

یا علی علی جان مدد یا علی علی جان۲

حاجتیله چاللام دَرِ اطهریوی مولا
دستِ خالی سالما یولا نوکریوی مولا

بیر توکون ، وئرمروک ، عالَم و جنانه
بیر نجف ، قسمت ائت ، جمعِ شیعیانه

یا علی علی جان مدد یا علی علی جان ۲

معدن صفا سن شَهِ ملکِ لافتا سن
بحر معرفتده اولان دُرِّ پر بها سن

عاشقان ،فخر ائلر ، سن‌ کیمی آقایه
قیل سفارش بیزی شاه کربلایه

یا علی علی جان مدد یا علی علی جان ۲

• شنبه
• 29
• آذر
• 1399
• ساعت
• 23:22
• نوشته شده توسط
• یوسف اکبری

برج شرفده سیر ائدن اختره عاشق اولموشام
دوزلوقی پیشه ایلین رهبره عاشق اولموشام

صبح و مسا یالانچیدان اللها شکوه ائتمیشم
سوندا یالان دانیشمیان لبلره عاشق اولموشام

خشلَمِین نن اول قدر پست و فکار اولموشام
بلبله قوللارین آچان گللره عاشق اولموشام

عشق اودونا الولانوب لذت عشقی دادمیشام
قلبیمی تسخیر ایلین دلبره عاشق اولموشام

ظلمتده شبده بی صدا کوچه لری گزه گزه
مستَحَقه غذا وئرن اللره عاشق اولموشام

باده ی عشقی نوش ائدوب مست و خمار اولموشام
حالت مسته ساقِیِ کوثره عاشق اولموشام

هر کس اولوب بو دهریده بیر مه تابان عاشقی
من ولی شاه لافتا حیدره عاشق اولموشام

بس کی علیده جلوه ی حَیِّ قدیری گورمیشم
واللهی حیدره گوره داوره عاشق اولموشام

• شنبه
• 29
• آذر
• 1399
• ساعت
• 23:28
• نوشته شده توسط
• یوسف اکبری

علی ترک ائتدی دنیانی
باشیندا یاره یا الله
بو غمده عرش و فرش اوسته
چکیلدی قاره یا الله

دیار کوفه دن نور ولا گئتدی صفا گئتدی
زمانه بیلمدی قدرین غریبِ آشنا گئتدی
دئدی چاهیله ئوز دردون علی المرتضی گئتدی
که یعنی تاپمادی محرم نهان اسراره یا الله

او شه که دایم ایتامین باشیندان فکرین آتمازدی
گوزون راحت یوموب صبحه کیمین بسترده یاتمازدی
ائدردی سائله حرمت دم درده یوباتمازدی
اولوبدور رشته فیض وصالی پاره یاالله

سعادتنامه سین یازدی آقام حیدر سعید اولدی
دوشوب سس باد غم اسدی شه خیبر شهید اولدی
زبس مولا فراقینده غم و محنت شدید اولدی
ملکلر واعلی یازدی در و دیواره یا الله

قورولدی مجلس ماتم علی اول شاه مردانه
سرای بیت الاحزانی دوباره اولدی غمخانه
خیانتله سونن شمعین یانار هجرینده پروانه
دوا یوخدور غم یاره تاپیلماز چاره یا الله

او بزم حزن و اندوهه گلن آغلار گئدن آغلار
آخار گوزدن سرشک غم ئورک غرق محن آغلار
دییر زینب بابام لایلای حسین آغلار حسن آغلار
یتیملر بوینی چیگنینده قالوب آواره یا الله

کانال اشعار عباسی معروفان اهری

• شنبه
• 6
• دی
• 1399
• ساعت
• 23:05
• نوشته شده توسط
• یوسف اکبری

فی شهرِ رمضان فی محرابِ عبادت
قُتِلَ علیُُ لِشِدَّهِ عدالت
علی علی یاعلی
یا مرتضی یا علی

ووردی ابن ملجم بیر یاره فرق یاره
حیدرون دردینه اولمادی راه چاره
فراقینده قالدی بالالاری آواره
باد غمدن سولدی گلِستان امامت
علی علی یا علی
یا مرتضی یا علی

گئدنده مسجده ئوز قاتلین اویاتدی
محراب طاعتده مولا مقصوده چاتدی
کعبه نون مولودی سجده ده قانه باتدی
بیر کسده گورونمز بو شان و بو شرافت
علی علی یا علی
یا مرتضی یا علی

مرتضی بستره دوشدی ئوز منزلینده
یتیمان کوفه بیر کاسه صود الینده
گلدیلر پریشان وا علی وای دیلینده
مستجاب اولمادی دعالری نهایت
علی علی یا علی
یا مرتضی یا علی

جان وئرن لحظه ده عرشون وجودی اسدی
حسنی سسلدی دئدی آخر نفسدی
گر ئولسم قاتله فقط بیر یاره بسدی
ئولمسم حقونده من ایلرم عنایت
علی علی یا علی
یامرتضی یا علی

امامت آتاسی گوز یومدی یاتدی یارب
شیعیانِ علی ماتمه باتدی یارب
عاقبت شهادت فیضینه چاتدی یارب
غمدن آزاد اولدی اول همای سعادت
علی علی یا علی
یا مرتضی یا علی

بو داغ مصیبت عالمون قلبین داغلار
مولانون هجونده یتیملر قالدی آغلار
زینب و حسنِین باشینه قاره باغلار
ماسوا آغلادی یتیملره او ساعت
علی علی یا علی
یامرتضی یا علی

کانال اشعار عباسی معروفان اهری

• شنبه
• 6
• دی
• 1399
• ساعت
• 23:07
• نوشته شده توسط
• یوسف اکبری

بو شهرین گورمدیم الله صفاسین
فغانه گتدی غملر آشناسین
علی ایستور ئولوم زهرا مثالی
خداوندا قبول ایله دعاسین

الهی یا حبیبی
منم کوفه غریبی
او که گورجک یاراسین
جواب ائتدی طبیبی

اسیرم غصه بحرینده الهی
غریبم کوفه شهرینده الهی

اولوب کوفه منه دریای محنت
منی خانه نشین ائتدی بو ملت
سخلدیم یئرمی بش ئیل ئوز ائویمده
الهی اولمادیم بیر لحظه راحت

الیم باغلاندی یا رب
وجودیم یاندی یارب
بالام اللرده ئولدی
قاپیم اوتلاندی یارب

اسیرم غصه بحرینده الهی
غریبم کوفه شهرینده الهی

باشیم تا پارچالاندی تیر غمدن
اوجالدی ناله و افغان حسندن
بئلیم سئنمشدی زهرانین غمینده
بو یاره نیمه جانی آلدی مندن

من ئولسم عالم آغلار
حسن هی سینه داغلار
دییر زینب آتام وای
حسینیم قاره باغلار

اسیرم غصه بحرینده الهی
غریبم کوفه شهرینده الهی

کانال اشعار عباسی معروفان اهری ( معروف )

• شنبه
• 6
• دی
• 1399
• ساعت
• 23:09
• نوشته شده توسط
• یوسف اکبری

به به گلوبدی __دنیایه حیدر

شاه ولایت__ساقی کوثر

شادو خرامان_اولدی پیمبر

گویده دیوللر __یکسر ملکلر

بادا مبارک__ بادا مبارک

گلزاره گلدی _ ایستکلی بیر گول

خندان اولوبدی _ صحراده سنبل

گوردی جمالین _ شاد اولدی بلبل

گویده دیوللر _ یکسر ملکلر

بادا مبارک __بادا مبارک

حُبی ئورکده__ وار رشته رشته

نازینی چکدی__گویده فرشته

بیر تار موسین__ویرمم بهشته

گویده ملکلر__یکسر دیوللر

بادا مبارک__بادا مبارک

مولوده کعبه__دنیا ده تکدی

یکتا نگار __چرخ فلکدی

آدی گوزلدی _ذکر ملکدی

گویده دیوللر_ یکسر ملکلر

بادا مبارک __بادا مبارک

مولانین آدی__ مشکل گشادی

هم با وفادی__هم مه لقادی

هر دردیز اولسا__درده دوادی

گویده دیوللر__یکسر ملکلر

بادا مبارک__ بادا مبارک

مولا علی إی__شاه یگانه

ماه رجبده__بو شیعیانه

کربوبلانی__ویر عیدیانه

گویده دیوللر__یکسر ملکلر

بادا مبارک__بادا مبارک

• دوشنبه
• 22
• دی
• 1399
• ساعت
• 22:59
• نوشته شده توسط
• یوسف اکبری

‌مسجد کوفه ده حیدر قانه بویاندی
محراب و سجده گه ،منبرقانه بویاندی
بو گیجه شاه مردان
زهرایه گیتدی مهمان
مولا علی علی جان۴

عدل اوسته علینون دگدی باشیندان خنجر
مسجده کوفه ده بپا اولوبدی محشر
جنتده بوغمدن باشین آچوب پیمبر
سس گلدی فتاح خیبر قانه بویاندی
بو گیجه شاه مردان
زهرایه گیتدی مهمان
مولا علی علی جان۴

سس گلدی فزت و رب الکعبه علی دن
شاکردی قان ایچره رب لم یزلی دن
سجده ده یادایلوربیرعشق منجلی دن
ظلمیله دلدار کوثر قانه بویاندی
بو گیجه شاه مردان
زهرایه گیتدی مهمان
مولا علی علی جان۴

قانه غلطان اولوب ظلمیله شاه مردان
رستگارم الله سسلور اول شیریزدان
باش یاره لی حیدر زهرایه گیتدی مهمان
ارکان عرش و فرش یکسر قانه بویاندی
بو گیجه شاه مردان
زهرایه گیتدی مهمان
مولا علی علی جان۴

• دوشنبه
• 29
• دی
• 1399
• ساعت
• 23:18
• نوشته شده توسط
• یوسف اکبری

ای امام نور و ایمان/////حامی آیات قرآن
آمدی و از وجودت ///// گشته دنیا نورباران

ناطق قرآن تویی تو /////محیی ایمان تويي تو
سایلم بر آستانت ///// درد را درمان تويي تو
ای شه مردان علی جان **** ناطق قرآن علي جان
یاعلی مولا علی جان
شیریزدانی علی جان /////یار قرآنی علی جان
برکویرتشنه دل ///// همچو بارانی علی جان

کعبه از عشق تو واشد /////سِرّ عالم برملا شد
دیدنی بودی زبس که /////عاشقت حتی خدا شد

عالی اعلا علی تو /// جان و مالم را ولی تو
لایقی تا اینکه باشی //// بهر پیغمبر وصی تو

ترکی

سن بیره نوربصرسن/////معنی فتح و ظفرسن
دشمن اسلام نسلین ///// ذوالفقارونله کسرسن

سن گل باغ جنان سان/////سن امیرمؤمنان سان
بیکراندی التفاتون ///// عالمه سایه سالارسان

سن ایکی دنیاده مولا/////هرولیدن سن سن اولا
خیبری بیراللی آچدون /////معنی فتحا مبینا

سن امیر اتقیاسن///// دین و قرآنه فداسن
شیرچوخدی یریوزونده///// سن فقط شیرخداسن

سن شمیم جان سان آقا/////مفخرانسان سان آقا
کایناتین مقتداسی ///// یئرگویه فرمان سان آقا

جانلارین جانانی سن سن////مصطفانین جانی سن سن
"آذرینم" چوخدی دردیم////دردیمون درمانی سن سن

• چهارشنبه
• 1
• بهمن
• 1399
• ساعت
• 11:11
• نوشته شده توسط
• یوسف اکبری

ای مَلکـوت اهلینـه مـولا علی
ای شــه وارستـه و والا علی
راهبَــر عـرش مُعــلا علی
نـابغـة محشــر کبـرا علی
شافـعِ بـر جستـة عُقبـا علی
یـاور و هَــمسنگـر طـاها علی
همسـر شـایستـۀ زهـرا علی
هَم گوج آلار ، هم اوجـالار با علی
هر کیم اورکدن چاغیرا یا علی

آدلار ایچینـده آدی زیبنده دی
دُر و گـوهـردن آدی اَرزنده دی
هر کیم علی حقینی انکار ائـده
آنـدولا زهـرایه کـی بازنده دی
درگــهِ بـا عـزتینـه سانما من
خلق اولونانلار هامیسی بنده دی
غمدن ائدر روحینی منها علی
هر کیم اورکدن چاغیرا یا علی

نـام علی دور بیـزه صـوت جَـلی
شیعیـه هـر یئـرده علیـدور ولی
عرشیـده گـر ساتع اولور نور حق
نـور علیـدور کی اولـوب منجلی
هر نه دیور قوی دییه دشمن ،ولی
شیعـه لرین عشقی علیـدور علی
نامـه سینی ایلییـر امضا علی
هر کیم اورکدن چاغیرا یا علی

چشمـۀ زمزمنـن آدی پاکی دور
عشقینـه عالم اورگی چـاکی دور
عاشق اولوبدور آدینا یِئرله گوی
چونکی شهِ بـر حَـقِ افلاکی دور
مین ائیله بالغدی کی اُستوره دی
چونکی آقـام مَفخـر لُولاکی دور
دردین ائدر حتمی مداوا علی
هر کیم اورکدن چاغیرا یا علی

آنــد اولا اللــه علــی حقیدی
کیم اونی حق بولمسه ؛ ناحقیدی
هرکیم علینون اولا دوز شیعه سی
بـاغ جنـانـدا اونـدا مُلحقیدی
نـام علی پاک و مُطهردی ، چون
اللــه آدینــدان آدی مُشتقیدی
قسمت ائدر جنت العلا علی
هرکیم اورکدن چاغیرا یا علی

مُنکـرِ حیـدر بیـزه بیگانه دی
مُنکری چون تـابعِ شیطانه دی
لیلیَ مجنـون اَلـکی دل وئروب
چونکی علی عشقینه دیوانه دی
شمعِ رُخِ حیـدره عالم کی یوخ
شَمعینه زهـرا ئُوزی پروانه دی
ذره ده اولسا یئتیشر تا علی
هر کیم اورکدن چاغیرا یا علی

عاشـق حیـدردی سَمـا و زمین
عالمـه مِثلی گلـه بـولمـز یقین
شأنینـه حیـرتـده قـالوبدور هَله
سهلیدی انسان خوده روح الامین
وار یئری حیـدردن اولا بیـر بالا
آدی ابـوالفضـل یـلِ اُم البنین
چـاره ائـدر دردینـه تنها علی
هرکیم اورکدن چاغیرا یا علی

فکر اِلمـه تَکـدی غـریبدور علی
سُفـرۀ دل حَقـه سَریبـدور علی
عشقیلـه اوز دلبـر محبـوبینـه
دسته لیـوب لاله دَریبـدور علی
کربوبـلا صحنـه سینـه ایندیدَن
حیـدرِ ثـانی بِجَـریبـدور علی
خلقـه اِئـدر حقین هُـویدا علی
هر کیم اورکدن چاغیرا یا علی

ای یَـل حیـدر مَنِـش ِ هـاشمـی
یاخـدیم اوغول بو قولا گوزیاشیمی
حیـدری اُول حیـدره سـاخلا طرف
سینـوه وئـر صبـح و مَسا داشیمی
کـربـوبـلاده بـولـورم عشقیلـه
حتمی اوجالدارسان اوغول باشیمی
گویلـره پـرواز اِلییـر با علی
هر کیم اورکدن چاغیرا یا علی

بیر سـوزی حیـدر دئدی عباس آلا
نُکتـۀ بـاریکیـدی سـوز خیـردالا
قارداشیوا کیم چکه شمشیـر اگـر
آللهـا مُنـکـردی یقینـاً بـالا
دینـه هـدایت اِئلـه گـر ، گلمسـه
خنجـریلـه سینـه سینی پارچالا
روحین ائـدر حَتمی مَصَفـا علی
هر کیم اورکدن چاغیرا یا علی

• چهارشنبه
• 22
• بهمن
• 1399
• ساعت
• 19:34
• نوشته شده توسط
• یوسف اکبری

مستم
جام تولادن
نور تجلادن
یازدی گینه خامه
حضرت مولادن

دولدور
جام طهورانی
سسله احبانی
عید ولایتدور
آل اله صهبانی

الله الله گلوب آیت غدیر
علی عالمه امیر
او که انس و هم ملک
اولوب عشقینه اسیر

میر هدی عالی و اعلادی علی
آیت حق عالمه مولادی علی

حیدر یا علی یا حیدر یا علی یا حیدر
یا علی یا حیدر یا علی یا حیدر (۴) بار

حیدر
میر هدایت دور
حق و حقیقت دور
کوثر و طاها و
آیت رحمتدور

نص
عللم الاسمادی
عشقیده دریادی
بسدی بو شانینده
همسر زهرادی

الله الله علی اولین امام
علی حجیله قیام
مدعی باخبر اول
مرتضی جان کلام

میر هدی عالی و اعلادی علی
آیت حق عالمه مولادی علی

حیدر یا علی یا حیدر یا علی یا حیدر
یا علی یا حیدر یا علی یا حیدر (۴) بار

حیدر
یار ضعیفاندی
حشریده میزاندی
سید عیسی و
موسی عمراندی

حیدر ذکر مدامیم دور
اول امامیم دور
یا علی یا مولا
ورد کلامیم دور

مولا مولا
ای شهنشه کرام
اولا قبریوه سلام
سایه عنایتون
باشیمیزدا مستدام

میر هدی عالی و اعلادی علی
آیت حق عالمه مولادی علی

حیدر یا علی یا حیدر یا علی یا حیدر
یا علی یا حیدر یا علی یا حیدر (۴)

• چهارشنبه
• 22
• بهمن
• 1399
• ساعت
• 19:43
• نوشته شده توسط
• یوسف اکبری

ای سنین درگاهیوه آدم ثناخوان یاعلی
وی گدای درگهون یوزمین سلیمان یاعلی

اولماسیدی گر وجودین، نوح تاپمازدی نجات
ساکت اولمازدی اونا گرداب و طوفان یاعلی

عیسی مریم سنین لطفونده اولدی تازه دم
او سببدن اولدی روح ا... دوران یاعلی

ذرّییه نوریندن اولدی، کوه طور معجزات
بیر نظرده اولدی واله، پور عمران یاعلی

یوسفه قیلدون نظر مصر ایچره سن ای مقتدا
پس عزیز مصر اولوب مابعد زندان یاعلی

رهنما گر اولماسیدن خضره گر ظلماتیده
قسمت اولمازدی اونا هئچ آب حیوان یاعلی

گر خلیل ا... آدون ذکر ائتمه سیدی برملا ٕ
هئچ اولانمازدی اونا، آتش گلستان یاعلی

یونسه گر بطن حوت ایچره ایدنمزدین کمک
ممکن اولمازدی خلاصی، بطن عمان یاعلی

دامنیندن گر یاپوشمازدی سنین ایوب زار
صبر اونا ممکن اولانمازدی بقرآن یاعلی

مصطفایه همدم اولمازدین اگر سن عرشیده
کیم اولاردی احمدیله، حقّه مهمان یا علی

آدم اولدی سجده گاه جملهٔ افلاکیان
سندن اوتری امر قیلدی حیّ منان یاعلی

مظهر نور خداسن، واقف سرّ خفی
نقطهٔ بسمِ الاهُ، رمز فرقان یاعلی

رمز و قفل ها و طه، معنی یاسین سن
آیهٔ اکملدن اولدی ختم ایمان یاعلی

• دوشنبه
• 27
• بهمن
• 1399
• ساعت
• 20:19
• نوشته شده توسط
• یوسف اکبری

زینبم باغلارام یارا گجه لر
غمدن قلییم یانارقراگجه لر
ننم زهراکیمی غمه آماجم
خلوتده ایلرم نواگجه لر
گجه لر گجه لرامان گجه لر
زینبی غملره سالان گجه لر

دورت یاشیمدان قراباشیماسالدیم
اولدی آنام منیم آناسیزقالدیم
گلشن طاهایه اسوبدی صرصر
باغداگللرکیمی سولوب سارالدیم
ذکریم اولوب آنا آنا گجه لر
ساخلادیم آناماعزاگجه لر
گجه لر گجه لرامان گجه لر
زینبی غملره سالان گجه لر

زهرادن صورامن سیه پوش اولدوم
جام مصیبتدن قدح نوش اولدوم
سجده ده یاریلدی بابامون باشی
اوروجلوق آییندا غمه توش اولدوم
ایلرم گیزلینده بکا گجه لر
سسلرم وای بابا بابا گجه لر
گجه لر گجه لرامان گجه لر
زینبی غملره سالان گجه لر

یارالی یاتوبدی بابام بسترده
ذکریازهراوارسولان لبلرده
باشدان یارالیدورامیرعالم
آغلوللارملکلر اوناگویلرده
عرش اهلی ایلیورنواگجه لر
غم ایتمز زینبی رها گجه لر
گجه لر گجه لرامان گجه لر
زینبی غملره سالان گجه لر

غصه دن گجه لر سینه داغلارام
آغلیا آغلیا یاراباغلارام
بابامون غملرین یادیماسالام
گیزلینجه گوزیاشی توکوب آغلارام
دیلدن دوشوب شیرخداگجه لر
دیزینده قالمیوب قواگجه لر
گجه لر گجه لرامان گجه لر
زینبی غملره سالان گجه

• سه شنبه
• 12
• اسفند
• 1399
• ساعت
• 12:38
• نوشته شده توسط
• یوسف اکبری

ملائک تو آسمون میدن بشارت
میریزن گل که شده عید ولایت

علی آقای همه علی مولای همه
شه والای همه علی علی مولا

سردرِ باغ بهشت خدا نوشته
هرکسی حیدریه جاش توبهشته
همهٔ وجود ما میگه یاحیـدر
خداباعشق علی مارو سرشته

دل سرای علیه خاک پای علیه
آشنای علیه علی علی مولا

خوشبحال دلی که مست علیّه
دلی که خونهٔ دربست علیّه
همه میگن به خدا روزقیامت
حکم آزادی ما،دست علـــــیه

اسدالله علی ولی الله علی
حجت الله علی علی علی مولا

ترکی

عاشق نام علی دل غمه وئرمز
دست بیعت داخی نامحرمه وئرمز
کیم اولا نوکر وارستهٔ حیدر
منصبین سلطنت عالمه وئرمز

گهرناب علی دُرنایاب علی
بیزه ارباب علی علی علی مولا

اولماسا عشق علی یوخدی سعادت
باغلیدور خصم علیه در جنت
دئ ائشیتسون بو سوزی منکر حیدر
بی ولای علی باطلدی عبـادت

حقه محرمدی علی شاه عالمدی علی
شه اعظمدی علی علی علی مولا

• پنج شنبه
• 14
• اسفند
• 1399
• ساعت
• 17:34
• نوشته شده توسط
• یوسف اکبری

بیرده ای اهل ولا، نوریله دولدی فضا
لطف خدادن قدم ، قویوب یره مرتضی

ایله نظر دلبره
نور رخ انوره
بوشلا بوتون عالمی
حیدره باخ حیدره

یاعلی حیدر مدد

شوره گلوب ماسوا, هوشی باشیندان قاچوب
آلماقا آغوشینه کعبه قوجاقین آچوب

شوکتِ هفت آسمان
اولدی علی ده عیان
کُلّ جهاندا کیمه
خالق اولوب میزبان

یاعلی حیدر مدد

وئرون خبر ائل لره ساقی کوثر گلوب
امام جنّ و بشر شیعیه رهبر گلوب

گلوب شهِ هَل اَتی
جهانه وئردی صفا
صله وئرر فاطمه
کیم دئسه یا مرتضی

یاعلی حیدر مدد

عزّت دنیاو دین، حیدره وابسته دی
اهل ولایت اودور، عشقینه دلبسته دی

علی دی شاه جهان
قسیم نار و جنان
مُحبّی اهل بهشت
دشمنی اوتدا یانان

یاعلی حیدر مدد

عرضیمه شاهد اولان هر دل آگاهیدی
ولایت مرتضی ولایتُ اللهیدی

(بیکَسم) و مضطرم
درگهینه نوکرم
حسینه خاطر یازار
برات بین الحرم

یاعلی حیدر مدد

• یکشنبه
• 1
• فروردین
• 1400
• ساعت
• 18:22
• نوشته شده توسط
• یوسف اکبری

شَرف کون و مکان پادشه اهل جهان
یا علی سن سن آقا سسلرم آدون اوجادان

فاتح خیبر سن سن جان پیمبر سن سن
فاطمه چون کوثردی ساقی کوثر سن سن

جان آقا_سنه قربان آقا_عالمه سلطان آقا

مه تابانسان آقا حجّت یزدانسان آقا
فخر اولاد بشر ناطق قرآن سان آقا

جلوه ی رخساروندا_نور خدا تاباندی
بُغض علی آتشدی_حُبّ علی رضواندی

جان آقا_سنه قربان آقا_عالمه سلطان آقا

ای شه ملک نجف ای اولان ایمانه هدف
دامنون بوشلاسا کیم عمرینی ایلوبدی تَلَف

من کی دیدیم بو لفظی_اهل اشاره بولدی
عشق علی عالمده_چاره ی هر مشکلدی

جان آقا_سنه قربان آقا_عالمه سلطان آقا

زَهَق الباطل اولار هاردا کی حق حاصل اولار
سنی هر کیم چاغیرا دیلده غمی زایل اولار

مایه ی اَمنیتدی_نام شریفون آقا
سسلیرم عشقیله_منده مدد یامولا

جان آقا_سنه قربان آقا_عالمه سلطان آقا

حَسَنینین آتاسی مکّه منانین بالاسی
(بیکَسم )قوغما منی واردی گدانین هاراسی

سائل درگاهم من_قلبه جلا ویر مولا
دعوت ایله پابوسه_کرب و بلا ویر مولا

جان آقا_سنه قربان آقا_عالمه سلطان آقا

• یکشنبه
• 1
• فروردین
• 1400
• ساعت
• 18:31
• نوشته شده توسط
• یوسف اکبری

صبحه جک حیدر اویاقدی بو گئجه
امّ کلثومه قوناقدی بو گئجه
سروَر مُلک حجاز
ایلیور راز و نیاز

گوزیاشین جاری ائدور دامانینه
آند اولا اُول حضرتین اؤز جانینه
جان وئره مشتاقیدی جانانیه
آز قالور باتسین آقا، آلقانینه
قانی آخسا محرابا
سسلنرلر وای بابا

کاش، یارب! بو گئجه صبح اولماسین
عشق آغاجین ریشه‌دن غم یولماسین
گلشن و باغ ولایت سولماسین
دیل‌لره درد و مصیبت دولماسین
باتماسین قانه علی
پیر فرزانه علی

صبح، اولسا جمله احباب آغلیار
شیعه‌لر مولایه بی تاب آغلیار
گون کسوفه دوشسه مهتاب آغلیار
قان آخار محرابه محراب آغلیار
سجده‌گاهه قان آخار
گوز نه نوعیلن باخار

صبح،؛ اولسا وای، اولسون بو شبه
عالمین قلبی دوشر تاب و تبه
ابن ملجم چون چاتار بد مطلبه
صبر ائدنمز چاتسا بو سوز زینبه
سسلنر ای وای آتا!
کیم گوروب گون تئز باتا؟

صبح،؛ اولسا تیترییَر عرش عُلا
یاس دوتارلار خلقِ عالم برملا
یئرده گؤیده آغلیار اهل ولا
زینبه سؤیلر آتاسی آی بالا!
باغلا باشیم یاره‌سین
گئی علی نین قاره‌سین

صبح،؛ اولسا وای،؛ آل یاسینه
گلمیشم منده علی‌نین یاسینه
آغلیام بیر لحظه‌ی حسّاسینه
تسلیت عرض ایلیم عبّاسینه
نوکرم اُول حضرته
آغلارام بو محنته

صبح، اولسا شیعه قلبین غم دوتار
دیل‌لری غم لشکری هر دم دوتار
بزم غم پیغمبر اکرم دوتار
اهل عالم حیدره ماتم دوتار
شیعه‌لر قاره گییر
وای علی ای وای دییر

صبح،؛ اولسا جبرئیل باشه وورار
خواب غفلتدن یاتان اُمّت دورار
زینب ائوده مجلس ماتم دوتار
آهیله قلب جهانی یاندورار
گه دییر ای وای آتا
گه دییر لای لای آتا

صبح،؛ اولسا «وای علی» سؤیلر بتول
غرق اولار بحر غمه آل رسول
مجتبایه مرتضی سؤیلر ملول
بو نمازه وئر ادامه ای اوغول!
ایسترم قالسین نماز
شیعه اولسون سرفراز

صبح،؛ اولسا زینبین وای حالینه
چوخ چوخ آغلار مرتضی احوالینه
عالمی حیران قویار افعالینه
سؤیلییر چاتدی آتام آمالینه
بنده‌ی حقدور علی
حقّ مطلقدور علی

صبح،؛ اولسا دیل ائدر چوخ شور و شین
مصطفایه مرتضادی نورعین
چون باتار قانه او فتّاح حُنین
هم حسن آغلار او شاهه هم حسین
ایکّی قارداش برملا
سسلنرلر وای بابا

صبح،؛ اولسا مثل پروانه علی
بنزییر بیر شمعِ جانانه علی
«فُزتُ» ذکر ایلر یانایانه علی
سجده‌گه‌ده غرق اولار قانه علی
ماه آل هاشیمه
سؤیلر ال قوی باشیمه

چیخما ای گون بو گئجه بیر صبر ائله
چیخما چیخسون عالم ایلر زلزله
مرتضایه دم غنیمتدور هله
باشینون قانی آخار آغ سقّله
اُول حالا آغلار هامی
سینه‌سین داغلار هامی

باغبان ئولسه گلِ یاس آغلیار
بلبل ایلر دردین احساس آغلیار
آل حیدر ساخلیوب یاس آغلیار
غیرتیندن تیترر عبّاس آغلیار
ای «بشیر» ایله نوا
اهل درده قیل دعا

• جمعه
• 20
• فروردین
• 1400
• ساعت
• 22:45
• نوشته شده توسط
• یوسف اکبری

اگلشوب عشقيله چون اهل ولا مسجدده
حكمراندور اودى كه مهر و وفا مسجدده

نئجه كى بحريده ماهى تاپار آرامش محض
ائله مؤمنده تاپار صدق و صفا مسجدده

بورا اللَّه ائويدى حرمتى واجبدى بيزه
كه مبادا ائلياق ذرّه خطا مسجدده

قويمياق خالى قالا، حق ائوين آباد ائليك
كه نمازى قيلاقون صبح و مسا مسجدده

نه فقط مجلس ترحيمه گلاق خلقه گوره
خوشدى آللّهه گوره بو ايش اولا مسجدده

قلبيمى غصّه سيخوب تنگه سالوب قان ائليوب
گوگلوم ايستور ائلييم ايندى بُكا مسجدده

من سؤال ايليورم اهل ولادن بو سوزى
نيه پوزقون اوتوروب شاه و گدا مسجدده؟

نَيه خاطر چكيلوبدور در و ديواره قرا
آغليور عالم معناده قرا مسجدده

قوى ديوم من سيزه ‏اى شيعه اثنى‌عشرى
نيه خاطر قورولوب بزم عزا مسجدده

مسجده گلدى على وئردى سحر چاقى اذان
تا نمازين ائليه مردم ادا مسجدده

گلدى بير عده جماعت دوزَلوب فورى صفوف
چون جماعت نامازى اولدى به پا مسجدده ،

سجده‌دن باش گوتورنده شه مُلك دوسرا
ابن ملجم ائله‌دى جور و جفا مسجدده

ووردى شمشيرى ايكى الّى، علينون باشينا
بير بيره دگدى او دم ارض و سما مسجدده

دئدى عشقيله على: «فُزْتُ و رَبِّ الْكَبعة»
اولدى چون مقصد و منظورى روا مسجدده

گلدى جبريل امين يئر يوزينه ناله‌كنان
باشينه ووردى اوجالدى بو ندا مسجدده

اى جماعت اولون آگاه بيلون ئولدى على
ركن دين سيندى باتوب بَدر دُجا مسجدده

گورميوب گورميه‏‌جاق ديده‌ي دنيا بونا تاى
گؤر نه عزّت تاپوب اُول مير هُدا مسجدده

مسجد اللَّه ائويدى، كعبه‌ده اللَّه ائويدى
كعبه‌ده آچدى گوزين، باتدى قانا مسجدده

باشينون آخدى قانى سجدده محرابه اوَل
قتلگاه اولدى او محراب هُما مسجدده

قانلى سجّاده و تسبيحى گورن آغلادى قان
اوجالوب عرشه چيخوب آه و نوا مسجدده

او گوزل چهره‌سى قانيله بوياندى آقانون
جلوه وئردى يوزينه خون خدا مسجدده

بسدى داى خون خدانين سوزينى سالما قلم!
گؤزومه جلوه‌لنور كرب‌وبلا مسجدده

هم على خون خدادى هم حسين بن على
بالا مقتلده باتوب قانه، آتا مسجدده

بارالها نجف و كرب‌وبلا تذكره‌سين
اهل هيئتله «بشير»ه قيل عطا مسجدده

• دوشنبه
• 23
• فروردین
• 1400
• ساعت
• 15:12
• نوشته شده توسط
• یوسف اکبری

فاتح خیبر شیعیه رهبر گلدی بو دنیایه
عالمه سرور احمده یاور گلدی بو دنیایه
باب رجادی مشگل گشادی بدر دجادی حیدر
عشق وصفادی شاه واقادی شیرخدادی حیدر
یاامیرالمومنین خوش گلمیسن مولا(2)

عالی واعلا غیرتی دریا گلدی بو دنیایه
زینت دنیا شافع عقبا گلدی بو دنیایه
علی مقامی حوروملکدن بیلون کی والادی
شرافت وغیرت وشجاعتده چونکی تنهادی
یاامیرالمونین خوش گلمیسن مولا(2)

قلعه ایمان حافظ قران گلدی بودنیایه
منبع احسان بنده سبحان گلدی بودنیایه
عشق وهدفدی روح شرفدی کان کرمدی حیدر
ضد ستمدی شاه نجفدی خلقتده تکدی حیدر
یاامیرالمونین خوش گلمیسن مولا(2)

نگار زیبا امیر دلها گلدی بو دنیایه
همسر زهرا سویملی مولا گلدی بو دنیایه
قدوم حیدر وئریبدی زینت بیت خدایه اری
بیر باخیشدا روشن ایلر علی شب تاری
یاامیرالمومنین خوش گلمیسن مولا(2)

ولی داور خلقته محور علی علی مولا
شافع محشر یارپیمبر علی علی مولا
سنون ادون مشتق اولدی الله اعظمین ادیندن
چوخلاری داندی لقمه یئمیشدی سفره احسانیندن
یاامیرالمومنین خوش گلمیسن مولا(2)

روح فضیلت شاه ولایت عالمه سلطان حیدر
عدل وعدالت ماه امامت ادیوه قربان حیدر
اشهد ان بعد پیمبر علی فقط برحقدی
بیلمین اولسا گرک کی بیلسون علی فقط برحقدی
یاامیرالمومنین خوش گلمیسن مولا(2)

• پنج شنبه
• 26
• فروردین
• 1400
• ساعت
• 11:19
• نوشته شده توسط
• یوسف اکبری

ياراندي جمله بحر بر علينون احترامينه
زمانه اولدي مفتخر علينون احترامينه

علی امام شیعیان علی امیر مؤمنان
اودور ازل اودور ابد اودور نهان اودور عیان
علی مکان لا مکان علی امید بیکسان
علی امام انس و جان او ناخدای جسم و جان
گلوب حدیث معتبر علينون احترامينه

زمانه مثليني چتين گوره او شاه سرمدين
او دور بهالي لوستري بو گنبد زبرجدين
او ليلهٌ المُبيت ده يرينده ياتدي احمدين
بيلوب ئوزينه قتلگاه فراشيني محمدين
گجه اوزاندي تا سحر علينون احترامينه

اوني غدیر خمّيده به امر خالق جلیل
ئوزينه جانشین ائدوب نبی او وارث خلیل
بويوردي هر امورده علی کفیل علی وکیل
مبارک اولسون عرض ائدوب اليندن ئوپدي جبرئیل
آچوب هواده بال و پر علينون احترامينه

عليني ختم الانبیا امام امّت ايلدي
یوز اللي مین نفر حاجی او شاهه بیعت ايلدي
دورويه لر ازل گولوب صورا خيانت ايلدي
ازل محبت ايلدي صورا عداوت ايلدي
دیل آچدي بخنّه عمر علينون احترامينه

عليني ايستين گرک شرار قهره يانماسين
عليدي مظهر خدا اينانميان اينانماسين
وهابی ناصبي نسب اوتانميوب اوتانماسين
عليدي خلقته سبب او قانميوبدي قانماسين
بلد دگول او بي خبر علينون احترامينه

• یکشنبه
• 9
• خرداد
• 1400
• ساعت
• 17:32
• نوشته شده توسط
• یوسف اکبری