اشعار ترکی امیرالمومنین علی(ع)

ترک ایلدی بو عالمی چون شاه اولیا
غرق اولدی بحر ماتمه سکان و نه سما

افلاکه دودمان ولایتدن اوج ایدوب
شور نوا و غلغله فریاد وا ابا

بیر یاندا مجتبی توکر اشگین عذارینه
بیرسمتده آچوبدی باشین شاه کربلا

بیر یاندا زینبون اوجالوب عرشه شیونی
بیر یاندا گلوبدی نالیه کلثوم بینوا

شیر خدا وصیتنه ایلدی عمل
غسله مباشر اولدی گوز یاشلی مجتبی

غسلین ویروب ولی حقه ایتدیلر کفن
گوز یاشلی سینه داغلی جوانان مرتضا

تابوته قویدیلار او مقدس جنازه نی
تا حمل مدفن اولسون او نعش شه ولا

یردن اوجالدی گوردیله تابوتین اللری
مبهوت اولوب او عالمه ارواح انبیا

تابوتونین ایاق طرفندن یاپوشدیلار
شیر خدا عزیزلری دلده آه و وا

قصد ا

• پنج شنبه
• 9
• خرداد
• 1398
• ساعت
• 14:08
• نوشته شده توسط
• ابوالفضل عابدی پور

مرتضی باشینه دگدی یاره
اولماوی بیر بئله درده چاره
گوزلرون دهریدن یومدی مولا
عالم اهلی بوگون گیدی قاره

یاعلی یاعلی یاعلی جان
یاعلی یاعلی یاعلی جان

گرچه محکوم اولوب شیعه صبره
گوز یاشی دوندی باران ابره
مرتضی یاره لی گیتدی قبره
جان فدا اول سر زخمداره

یاعلی یاعلی یاعلی جان
یاعلی یاعلی یاعلی جان

یاندی عالمده نخل عنایت
اولدی لرزان ستون عدالت
تُپراقا گیتدی کنز کرامت
اف اولا بیر بیله روزگاره

یاعلی یاعلی یاعلی جان
یاعلی یاعلی یاعلی جان

قاره پوش اولدی یکسر فلک لر
تاجینی گوتدی باشدان ملک لر
لخته قان اولدی غملی اورک لر
آغلاشوب ماهه یکسر ستاره

یاعلی یاعلی یاعلی جان
یاعلی یاعلی یاعلی جان

دیگ غم دلده

• پنج شنبه
• 9
• خرداد
• 1398
• ساعت
• 14:08
• نوشته شده توسط
• ابوالفضل عابدی پور

خمیده قامت افلاک بار محنتدن
سپهر ششدر حیرتده مات حیرتدن

قالوبدی ثابت و سیاره محو و آواره
سرشک دیده ی انجم روانه حسرتدن

مثال هاله قمر دوره سین آلوبدی هلال
هلال تک اریوب آی ملال و محنتدن

گونون یوزی سارالوب غصه دن دوتوب یوزینه
نقاب شرم و حیا کثرت خجالتدن

نچون غروب ائلیوب آفتاب مشرق دین
ائدوبدی عالمی ظلمت احاطه ظلمتدن

اولوبدی چشم جهان تیره صفحه ی گیتی
غبار و رنگ کدورت دوتوب کدورتدن

عیونیدن قطرات دموع اولور نازل
نجه که قطره ی باران سحاب رحمتدن

خروش غلغله فریاد وا علیّادن
سالوب صوامع افلاکه شور وحشتدن

گلوبله نالیه سکّان عالم اعلا
قالوب ملائکه تسبیحیدن عبادتدن

دیار کوفه ده برپا بوگون قیامتدو

• پنج شنبه
• 9
• خرداد
• 1398
• ساعت
• 14:09
• نوشته شده توسط
• ابوالفضل عابدی پور

ای اولان زادگهی خانه ی جانانه علی
وی کرامت یارادان خلقت انسانه علی

هرنَفَسده آدیوی ذکر ائلین سائلووم
جان فدا ایلیرم سن کیمی سلطانه علی

هانسی رهبردی گجه صبحه جن احسان چوره گین
ئوز الیلن آپارا سفره ی بی نانه علی

گلمیشم درگهووه قلبی سنق نوکریووم
منیده ایله قوناق سفره ی احسانه علی

هَل اَتا دور سنی تعریف ائلین من نه دیوم
کَرَموندور یازیلوب سوره ی قرآنه علی

کیم گوروبدور یوزیوی آیت یزدانی گوروب
صورتون آینه دور جلوۀ یزدانه علی

دئسم الله سنه بو شرکیدی معناده ولی
عقل حیراندی نجه اوخشادا انسانه علی

آستینونده دی خلّاق قَدَر قدرت الی
بنده سن گرچه ئوزون خالق رحمانه علی

سوزلرون پایه اولوب کاخ عدالت د

• پنج شنبه
• 9
• خرداد
• 1398
• ساعت
• 14:09
• نوشته شده توسط
• ابوالفضل عابدی پور

آغلیور گویده ملکلر
غم دوتوب یکسر ئورکلر
یاغدی محنت ابر ماتم
یاندی غمدن قلب عالم

پخش اولوب عطر وبوی شهادت
سیندی ارکان دین و هدایت

یاعلی یاعلی یاعلی جان(٢)

عرشین اهلی فرشه اندی
کهنه یاره تازه لندی
کوفه ده شاه ولایت
دگدی ضربت یاره لندی

آخدی آخدی قیزیل قان ترابه
یاندی اهل سما بوترابه

یاعلی یاعلی یاعلی جان(٢)

غم یاغور ارض و سمایه
یر گوی آغلور مرتضایه
شهر صوم اولدی محرم
کوفه دوندی کربلایه

فاتح خیبر و فارس بدر
قانه غلطان اولوب لیله القدر

یاعلی یاعلی یاعلی جان(٢)

جانشین شاه حجازه
دوشدی محراب نمازه
واعلی ذکری دیلینده
گلدی زهرا پیشوازه

دور زهرانی حورا آلوبلار
باشینه قاره معجر سالوبلار

یاعلی ی

• پنج شنبه
• 9
• خرداد
• 1398
• ساعت
• 14:11
• نوشته شده توسط
• ابوالفضل عابدی پور

بیوردی حجة الاسلام برگی منبرده (1)
بیوردیقین یازیرام قسمت اولسا دفتره

علی کرامتی دیر نظمه اولموشام مایل
بو فیضه آلله ائده کاش بنده نی نایل

سند بیوردی بودور شرح حال علامه
اوکس کی خدمت ایدیبدیر بو دین اسلامه

یازیللا بیر گون عراقین وزیر فرهنگی
یازوبدی بیر بیله نامه شمادت آهنگی

ملاک ایشینده نه ایمان اولوب نه دینی اولوب
خطابی حضرت علّامه امینی اولوب

واریدی شیعیه نسبت ئورکده چوخ غرضی
ائوینده اوغلی واریدی بئلینمین مرضی

نه نیتیله یازیلموشدی مهر اولوب نامه
آپار دئدی منه وئیرسین جوابین علامه

بوئیدی متنی علی عشقینون بهاسین وئر
آقاوا دی کی بونین اوغلونین شفاسین وئر

آل ایمدی قرخ ایلیوین مزدینه من ا

• پنج شنبه
• 9
• خرداد
• 1398
• ساعت
• 14:12
• نوشته شده توسط
• ابوالفضل عابدی پور

گیدور معراج حق اوسته بابام قانه باتا قارداش
آخا محرابیده قانی فنا فی الله اولا قارداش

رضادور ظلمت آیرولسون اذان وقتی سحر اولسون
امامت باغونون اوّل گلی بیرضربته سولسون
نماز اوسته خدا قانی آخوب عین اللهَ دولسون
علاج دردین آختارمازعلی المرتضا قارداش

رضا دور قانی محرابین سالا اطرافینه هاله
یارولموش باش یاراسندان قالامین حالیدن حاله
حیاتی قورتولا امّا تاپا دین سیرهرساله
بابام دور راه قرآندا آلاردردی جانا قارداش

اولاخ آگه مرامیندن بابام ایستور سفر ایتسون
سُویور بوکوفه اهلین تا نمازه باخبر ایتسون
نمازقیلسون نمازاهلین نمازه مُفتَخَر ایتسون
گیدور قانیله قرآنه ویره عالی بها قارداش

فلک راضی اولوب قار

• پنج شنبه
• 9
• خرداد
• 1398
• ساعت
• 14:13
• نوشته شده توسط
• ابوالفضل عابدی پور

ای اصول اصل اسلامه اصالت یاعلی
سن شهید اولدون شهید اولدی عدالت یاعلی

دامن تاریخه دوشدی لکه ننگین ننگ
چولقادی دنیا بویون گرد و غبار ننگ و رنگ
دوتدی قلب نسل انسانی آریتماز قاره زنگ
سوندی فانوس محبتله سعادت یاعلی

گون باتوب طوفان قوپوب دنیایه چوکدی اظطراب
آی قالوب باشسیز قاچوبدی رنگ و روی ماهتاب
اگلشوب ذرات جسم کائناته التهاب
باشلانوب دنیایه معناده قیامت یا علی

سن علی ئولدون سنیله رونق و وجدان ئولوب
رونق و وجدان و روح هیکل قران ئولوب
روح قرآن مجید و آیت ایمان ئولوب
قالمیوب انسان و انسانلیقدان آیت یا علی

اصل انسانیتی انسان اولانلار داندیلار
اوزلری اوز یاندران یانقین الودان یاندیلار
جلوه طاووس م

• پنج شنبه
• 9
• خرداد
• 1398
• ساعت
• 14:16
• نوشته شده توسط
• ابوالفضل عابدی پور

صاحب تیغ دو سر فاتح خیبردی علی
اسداللهدی یداللهدی دلاوردی علی
مرد میدان عمل حیدر صفدردی علی
اونی دریای کرامت یارادیب ربّ جلیل
هل اتی گلدی اونون شأنینه قرآندا دلیل

نه علی که اونون اسرارینه حیراندی فلک
آدینی ذکر ائلیر جن بشر حور و ملک
نه علی ظالمه دشمن ولی مظلومه کمک
او علی قلزم جود و کرم و رحمتدی
قهری آتشدی اونون مهری ولی جنتدی

نه علی که او علی ماخلقه مولادی
رمز لولاک لما سرّ حق یکتادی
مَلَکُ الوَحیین اولوبدی او علی استادی
نه ملک سویلیه بیللم نه خدا و نه بشر
ها علیٌّ بشرٌ کیفَ بشر باب ظفر

او علی که آدینین ذکرینه نازل برکات
متوسل اونا خضر اولدی تاپوب آب حیات
او وئریب نوح نبی اللهه طوفاندا نجا

• دوشنبه
• 3
• تیر
• 1398
• ساعت
• 10:14
• نوشته شده توسط
• ابوالفضل عابدی پور

باتوب قانه سجدگاهینده
ساقی کوثر عالم آغلادی
دوتوب زهراباغ رضواندا
مجلس ماتم خاتم آغلادی

یارالاندی ساقی کوثر
وفالی داماد پیغمبر
آه و واویلا ...

نشان ایتدی زهریلی بیر شمشیریله ظالم فرق مولانی
اگر زهرا سالم اولسیدی قان آپارمازدی شاه مردانی
طبابت ایلردی مولایه مفخر نسوان خاتمون جانی
حسین و عباس و کلثوم و زینب مضطر باهم آغلادی

معاذالله نه گناه ا‌وسته قاننه باتدی شاه مظلومان
بولوندی ماه ملک سیما کامینه چاتدی فرقه ی عدوان
شهید اولدی عدل و داد اوسته فاتح خیبر سرور خوبان
گویون قوشلاری بوماتمده توکدی اشک غم نم نم آغلادی

ایتوردی مهر و وفا رسمین ملحدان پس فطرت کوفی
امامین تک قویدی میداندا مرشدان بی غی

• دوشنبه
• 3
• تیر
• 1398
• ساعت
• 10:26
• نوشته شده توسط
• ابوالفضل عابدی پور

کوفه نین مسجدینه صبحیدی انصار گئدور
محنت اعظمه کیم اولدی خبر دار گئدور

جبرئیلین اوجالوب قُتل العلی فریادی
مرتضانی آپارور منزلینه اولادی
کوچه ده همهمه ، مسجده ولی غوغادی
یئردن افلاکه چخور آه شرر بار گئدور

ساخلیوب کهنه گلیمون هره بیر گوشه لرین
اسدالله ائلیور کوفه ده آخر سفرین
هامی آشفته دی بو جمعیده ، آشفته ترین
کربلا شاهیدی دلتنگ و دل افگار گئدور

طی ائدور کوچه لری اللرین اوستونده علی
ایاق اوستونده دورا بیلمیور اللهین الی
هامی ائیلور عجله گورمگه مولانی ، ولی
بوینی چیگنینده قالوب دالدا ، علمدار گئدور

هامی قورخور بو غم عباسی خروشان ائلیه
صبری آز غیرتی چوخ شهریده طغیان ائلیه
واردی امکان اوزون ا

• دوشنبه
• 3
• تیر
• 1398
• ساعت
• 10:29
• نوشته شده توسط
• ابوالفضل عابدی پور

افلاکدن گلور سس
شاه ولایت ئولدی
تنها نه شیر داور
علم و عدالت ئولدی

یر گوی گلوب نوایه ، آغلالّا مرتضایه
اسلامه یتدی صدمه دین شریعت ئولدی

بیر کیمسه که واریدی شخصیت جهانی
هر کلمه حق سوزینده مین حکمت و معانی
محرابده توکولدی دست ستمله قانی
حقّ و حقیقت ئولدی روح سعادت ئولدی

نهج البلاغه سیندن مفهوم اولان حقایق
دنیا بویی جهاندا ناحق و حقه فارق
فوق کلام مخلوق ، دون کلام خالق
دین ئولدی دانش ئولدی ، نام فضیلت ئولدی

گِزلَتدی ابر خونین سیمای آفتابی
ظلمت جهانی دوتدی باغلاندی علم بابی
چکدی تراب تیره آغوشه بو ترابی
باب مجاز آچیلدی روح حقیقت ئولدی

اول راد مرد تاریخ اول رهبر سعادت
بسکه قضاوتینده گوستردی چو

• دوشنبه
• 3
• تیر
• 1398
• ساعت
• 10:30
• نوشته شده توسط
• ابوالفضل عابدی پور

ای شیعه گل نوایه
توک باشه ایندی کوللر
باشدان قلیجلانیبدور
محراب ایچینده حیدر

گؤر ملجم اوغلی ظالم غدّار و نامروّت
ووردی نمازین اوسته مولایه تیغ ضربت
احوالی درهم اولدی دوشدی شه ولایت
باشدان قلیجلانوبدی محراب ایچینده حیدر

دنیایه سس سالوبدی قتل العلی صداسی
ضربتلنوبدی باشدان مؤمنلرین آقاسی
مسجده قانه باتدی پیغمبرین اخاسی
باشدان قلیجلانوبدی محراب ایچینده حیدر

گون باتدی تار اولوبدی ماه و نجوم و کوکب
یتدی خبر حسنله بیکس حسینه یا رب
بیلمم نه حاله قالدی بولدی بو حالی زینب
باشدان قلیجلانوبدی محراب ایچینده حیدر

ناگه گؤروبدی زینب آه و فغان ایچینده
گتدیله شاه دینی بیر پارچا قان ایچینده
ناگه چیخوب سمایه

• دوشنبه
• 3
• تیر
• 1398
• ساعت
• 10:33
• نوشته شده توسط
• ابوالفضل عابدی پور

محرابده بویاندی
قانه وصی طاها
سسلندی عرشین اهلی
قُتِلَ العلیّ اعلا

ارض وسمانی گتدی مولا غمی نوایه
تیره تراب اولوبدی مدفن اومقتدایه
پیرایه اولدی تپراق سیمایه مرتضایه
یتدی وصال حقه سلطان اهل تقوا

یرمی بش ایل ملالین شرح ائتمیوبدی غیره
غصب اولدی حقی دوزدی اندوه و ظلم و جبره
اولدوردولرعیالین باخ مرتضاده صبره
تاب ائتدی دردورنجه داماد میربطحا

آماج ائدوبله تیر جور و جفایه شاهی
اوج ایلدی سپهره شیرخدانون آهی
معبوده عرض ائدوبدور محرابیده الهی
سن ایستدون شهادت اولدی منه محیا

قهریله ابن ملجم یاندردی کائناتی
مسجده باشه یتدی آخر علی حیاتی
شق القمراولوبدی غم دوتدی امهاتی
جنتده بو محنده گلدی نوایه زهرا

آخ

• دوشنبه
• 3
• تیر
• 1398
• ساعت
• 10:35
• نوشته شده توسط
• ابوالفضل عابدی پور

کوفه ده گورسندی یارب بیر دم خنجر ده قان
یاره سیندن آخدی قالدی صورت حیدرده قان

شهر علمون اولدی منشق ضربه دن دروازه سی
هفت شهر عشقه تا سالدی نوا آوازه سی
چخدی قرآنون کأنه جلدیدن شیرازه سی
گوئیا فزت و ربّ الکعبه یازدی یرده قان

آنداولا مظلوم حسینون ختم مرسل جدّینه
شال عبدیّت یاراشدی مرتضانون قدّینه
شهپرین ویردی ملک لر یرده قانین ردّینه
آغلیوبلار قان ملال حیدره شهپرده قان

حقّی واردور شیعه لر محشر اولونجان آغلاشا
ابن ملجم کوفه ده اندیردی خنجر بیر باشا
مرتضی قانه بوروندی ناگهان باشدان باشا
سجده گاهینده یخلدی صورت انورده قان

مجتبی قیلدی نمازی سرور مردان کیمی
بیر گلیم آچدی یره گوز یاشی اولدی قان کی

• دوشنبه
• 3
• تیر
• 1398
• ساعت
• 10:35
• نوشته شده توسط
• ابوالفضل عابدی پور

باخما حسرتیله مه لقا ابوالفضل
گل ائدوم وصیت باوفا ابوالفضل
چکمه ال حسینیمدن
نور هر دو عینیمدن
باوفا ابوالفضل (2)

امر مجتبایه ایلیون اطاعت
حجت خدادور معدن جلالت
قویمیون ملول اولسون
قلبی قانیله دولسون
باوفا ابوالفضل (2)

ظلمیله آلاللار حقینی الیندن
بیر نفر آلانماز دردینی دلیندن
مجتبایه دلدار اول
غم گونونده غمخوار اول
باوفا ابوالفضل (2)

زینبی سووردیم هر ایکی گوزومدن
واردی چوخ علاقم بول بو بیر سوزومدن
یادگار زهرادور
درس دینه دارادور
باوفا ابوالفضل (2)

جان سنون ابوالفضل جان بلالی زینب
قویما ناله ائتسون ابتلالی زینب
یاندورار غم هجران
قویما چوخ ائده افغان
باوفا ابوالفضل (2)

صبر ائله غمیمده گلمه چ

• دوشنبه
• 3
• تیر
• 1398
• ساعت
• 10:46
• نوشته شده توسط
• ابوالفضل عابدی پور

یوزیوین نوری منه نورِ دل و جاندی علی
مهریوین شعشعه سی پرتو ایماندی علی

یول تاپانماز گونوزه جهل و ضلالت گئجه سی
تا الون دین یولونا مشعله گرداندی علی

دئیه بُلَّم بو سوزی حیطۀ معناده یقین
عالم خلقت ئوزی شأنیوه حیراندی علی

منده یوخدور او توان تا سنی تعریف ائلیم
سنی توصیف ائلین سورۀ قرآندی علی

قاپیوون سائلی شاهیله دئیشمز یئرینی
چون سنه نوکر اولان عالمه سلطاندی علی

گردِ نعلینون اگر بیر یول اوتورسا باشیما
حشر اولونجاق من ایچون تاج سلیماندی علی

هر زمان آی اوجالوب باخدی سنه حیرت ائدیب
گوردی چون مقصدیوی منزل ویراندی علی

دیریلیک سندن آلوبدور نفسین تاپدی بقا
بس ندن هم نفسون چاه بیاباندی علی

دینی د

• دوشنبه
• 3
• تیر
• 1398
• ساعت
• 10:59
• نوشته شده توسط
• ابوالفضل عابدی پور

شیعه باخ سیرِ مقاماتِ امیرالمومنینه
باشیله سرمشق وئردی سالکان راه دینه

طالب بزم وصالون ترک جاندور چون دلیلی
ترک انسیت مقامنده علینین یوخ عدیلی
مرشدان راه عشقه ورد اولوب ذکر جمیلی
جان فدا سیر و سلوک آیة الله المبینه

سجده گاه عشقده محو رخ جانان ئولوبدور
باشینون قانی آخوب محرابی چون عمان ئولوبدور
بستگان قید عشقه سلسله جنبان ئولوبدور
یعنی لازمدور که عاشق قانی آخسون سو یرینه

حجت کبرای حق ناحق یره مقتول اولوبدور
اوخشیوب کلثوم و زینب باش آچوب زلفین یولوبدور
مجتبی حالی حسین احوالی بس بولمم نولوبدور
محنتون الحق گراندور یا علی اهل یقینه

مجلس ماتم گوروبدور اهل کوفه یکسر آغلار
هم صحابه ناله ایلر هم عی

• دوشنبه
• 3
• تیر
• 1398
• ساعت
• 11:08
• نوشته شده توسط
• ابوالفضل عابدی پور

نسل انسانه معلم، مهربان انسان ئولوبدی
بانی و بنیانگذار مکتب قران ئولوبدی

مبدا صدق و صداقت نقطه کانون وحدت
نقطه کانون وحدت ناشر و منشور خلقت
ناشر و منشور خلقت افتخار آدمیت
افتخار آدمیت واقعی انسان ئولوبدی

شمس وجدان بشرده شرق و خاورلیق یارالدان
کفر و تبعیضی داغیتموش نور داورلیق یارالدان
هم برابرلیق یارالدان هم برادرلیق یارالدان
مظهر مهر و محبت، راحم و رحمان ئولوبدی

آفرینش داغلاریندان جوش ایدن عشق آبشاری
خلقتین سر سرشتی آدمیت چشمه ساری
نسل انسانین تاپولماز تای بیوک آموزگاری
دفتر تاریخ دینه فصل بی پایان ئولوبدی

شمع فانوس حقیقت روشنایی فتوت
روشنایی فتوت مکتب آموز اخوت
مکتب آموز اخوت لوح پایان ن

• دوشنبه
• 3
• تیر
• 1398
• ساعت
• 11:11
• نوشته شده توسط
• ابوالفضل عابدی پور

صبح وقتی شهر کوفه
عرصه گاه محشر اولدی
سجده گهده قانه غلطان
باش یارالی حیدر اولدی

سس یتیشدی ماسوایه ماسوا باتوب عزایه
اهل بیت مصطفایه رستخیز محشر اولدی

هولیله حسن حسینون حالی غصّه دن پریشان
یوز قویوب عماده الده مسجده طرف شتابان
گوردولر آتا یخلمش باشدا یاره سجده گه قان
تازه غصّه مبتلاسی هر ایکی برادر اولدی

تا بالا گوروب آتانین اوزگه ماجرالی باشین
چرخ دون سالوب بلایه تازه دن بلالی باشین
اگلشوب آلوب کناره مجتبی یارالی باشین
توکدی گوزیاشین عذاره قلبیدن مکدّر اولدی

عرض ایدوب شرار محنت قلب اهل بیتی داغلار
دور گیداخ یولون گوزتلر قیزلارون سیزیلدار آغلار
مرهم ایلر اشک چشمین زینبیم یاراوی باغلار
ایمد

• دوشنبه
• 3
• تیر
• 1398
• ساعت
• 11:13
• نوشته شده توسط
• ابوالفضل عابدی پور

نه وار گنه اوجالوب ناله سطح غبرادن
گیچر بو ناله سسی طاق چرخ خضرادن

دوتوبدی شش جهتی داد و ناله و شیون
فغان و ناله گَلور فرشه عرش اعلادن

یر و گوی آغلوری، آباء و امّهات آغلور
گیدوبدی علّت خلقت مگر بو دنیادن

یقین بو گون یتیشوب قلب عالمه ایذا
که عالمی متزلزل ایدوب بو ایذادن

سوروشدوم عقلیدن آیا ندور بو هنگامه
دولوب زمین و زمان دادِ تاب فرسادن

جواب ویردی بو گون کوفه ده قیامتدور
گَلور بو ناله سسی دودمان والادن

علی ولیّ خدا، آیت الله اکبر
کسوب علاقه سینی بو جهان سُفلادن

بهشته قاره چکوبلر اولوب عزاخانه
او بزمیده اوجالوب ناله روح زهرادن

یولار فغانیله گیسولرینی حورُالعین
سالولّا صورته درد نهانی مع

• دوشنبه
• 3
• تیر
• 1398
• ساعت
• 11:14
• نوشته شده توسط
• ابوالفضل عابدی پور

یارب نه ماتمدور اولوب
ارض و سما ماتمسرا
ماتم دوتوبلار حیدره
یئر گوی جمیع ماسوا

واحسرتا واحسرتا
ئولدی علی المرتضی۲

هانسی مصیبت یوز وئروب عالمده اهل عالمه
کیم غرق اولوبدور انفس و آفاق دریای غمه
فرصت وئروب امداد ائدوب بو چرخ ابن ملجمه
شمشیر زهر آلود اولوب حیدر باشیندان آشنا

یتدی نوید وعده ی وصل عشاقه جانانیدن
جذبات روحانی ائدوب قطع علایق جانیدن
معراج جسمانیّه نین مصداقی بو عنوانیدن
اصل صلاة معنوی قیلدی نمازیله ادا

حق دیده ی حق بینده ائتدی تجلّی آشکار
آئینه ی شمشیرده گوردی عیاندور عکس یار
ائتدی توجه قلبیدن حقّه طرف بی اختیار
ازبس ضمیر صافینه پرتو سالوب نور خدا

محراب طاعتده قیام ائتدی ولیّ داد

• دوشنبه
• 3
• تیر
• 1398
• ساعت
• 13:57
• نوشته شده توسط
• ابوالفضل عابدی پور

دنيايه ايليوبدى ازل پشت رو على
وئردى جهاندا شيعه‏لره آبرو على

ساقىّ لم يزل اونى سيراب ائدوب ازل
علّت اودور كى ساقى كوثردى بو على

ظلمت زمانى كعبه‏ده گوز آچدى عالمه
عشق عالمين منوّر ائدوب ماه رو على

حبل المتين و حصن و حصيندور محبّتى
جنع محبّه معنى لاتقنطوا على

دريالر اولسا فرضاً اگر بير سبو فقط
شأن و شرافتنده اولار مين سبو علی

اللَّه على ديليجه دانشدى پيمبره
معراجيده گوروبدى ائدور گفتگو على

چوخلار دئدى خليفه منم، ائتمدى عمل
اجراء ائدوبدى امر حقى موبه‏مو على

چوخلار چالشدى دينله قرآنى محو ائده
قرآن و دينه وردى ولى رنگ و بو على

ايرمى‏بش ايل اُتوردى ايوينده دانشمادى
صبر ائتدى قُوم گوزينده سو

• دوشنبه
• 3
• تیر
• 1398
• ساعت
• 14:07
• نوشته شده توسط
• ابوالفضل عابدی پور

بخش 1 وصیت حضرت علی (ع)

علی مجسّمۀ فیض و جود و رحمتدور
علی تمرکز داد و وِداد و رأفتدور

ایله کریمیدی سلطان تاجدار غدیر
ایدردی قاتلینه رحم او شاه خیبر گیر

او گون که ساخلادیلار محضرینده قاتلینی
گوز آچدی گوردی دوروب قاتلی ولی دلگیر

بویوردی من سنه ای بی وفا نه ایتمیشدیم
سبب ندور منه گوردون بو نوع ظلمی جَدیر (1)

دونوب امام مبین مجتباسه سالدی نظر
بویوردی ای گوزیمون نوری اختیار ضمیر

آپار بو ظالمی ساخلا و لیک اینجیتمه
نه وور ایاقنه کونده نه بوینونا زنجیر

نوازش ایله اسیروندی آج سوسوز قویما
بونادا ویر منه هر دم ویرنده کاسۀ شیر

روا دگول بلوسن دستیگیری اینجیتماق
اسیره رحم ایلیون امر ایدوب خدای قدیر

• دوشنبه
• 3
• تیر
• 1398
• ساعت
• 14:09
• نوشته شده توسط
• ابوالفضل عابدی پور

وار قیامت عالمیندن بیر علامت بو گجه
جانویرور باشدا یارا شاه ولایت بو گجه

کاش امامت رختنی اوز قامتیندن سویمیه
جَنّت المَأواده طاها قلبنی غم اُویمیه
آیرولوب تا اهلبیتین دیده گریان قویمیه
ضعف حالت لیک آچورراه شهادت بوگجه

دامن تاریخه ویردی ابن ملجم نقش ننگ
عالم اسلامی دولدوردی غبارتیره رنگ
نقش ننگ ورنگ تیره دللری ایلوبدی تنگ
برّوبحری چولقیوب درد و مصیبت بوگجه

علمیله سالموشدی دنیایه شعاع مثل قمر
تابع شیطان اولان ویردی صلواه اوسته سحر
زهره آلوده ایدی شمشیری سالوب باشه اثر
آزقالورخاموش اولا شمع هدایت بو گجه

گون کسوف ایلور سالا دنیایوزونده انقلاب
اولماسا گون دیدۀ عالم گورنمز ماهتاب
یوز ویرر بو کای

• دوشنبه
• 3
• تیر
• 1398
• ساعت
• 14:10
• نوشته شده توسط
• ابوالفضل عابدی پور

ای گوزوم روان ایله اشکیوی
مرتضی علی ماجراسینه
باخ ئورک گوزیله او سرورون
باشدا کی ساغالماز یاراسینه

ایلیوب ازلدن خدا ئوزی
بو علینی مولای مومنین
ایلیه اطاعت گرک بونا
دین حقی هر کیم ایده یقین
طاعتین قبول ایلمز بونون
هر کیم اولسا جزء منافقین
سویمین علینی گیدوب باخا
اصل و شأنینه هم آناسینه

ایسدیوب بو دنیانی ترک ائده
اشرف رُسُل ختم انبیا
سویلدی وصییمدی بو علی
سیزلره بو عالمده مقتدا
رستگاریسوز هم سعیدسوز
گر سیزه علی اولسا پیشوا
ایلرم وصیت مطیع اولون
هم اوزی هم اون بیر بالاسینه

اُف اولا جهانون وفاسینه
لعنت خدا بیله امّته
قویمیوبلا حرمت پیمبره
اعتنا اولونموب وصیته
گئچمیوبدی اوچ گون منافقین
اهل بیتنی

• دوشنبه
• 3
• تیر
• 1398
• ساعت
• 14:16
• نوشته شده توسط
• ابوالفضل عابدی پور

ای مسجد و محرابین غوغاسی خداحافظ
سجادۀ ایمانین اعضاسی خداحافظ

واگیر :
حق دئدیم هر زمان ائتدیم اراده
حمد اولا داوره چاتدیم مراده

محراب عبادتدن کیم دویدی علی دویسون
سجادۀ طاعتدن کیم دویدی علی دویسون
تسبیح و دیانتدن کیم دویدی علی دویسون
تکبیر و مناجاتین بلواسی خداحافظ

بش گون بو فنا یرده کیم قالدی علی قالسین
دائم باشینا سایه کیم سالدی علی سالسین
کیم فتنه لی دنیادن کام آلدی علی آلسین
ای فتنه و نیرنگین شوراسی خداحافظ

تا گئتدی بو دنیادن عقبایه پیمبرده
ال اوزدی فنا یردن زهرای مطهرده
اسلام علمی یاتماز گر اولماسا حیدرده
دین و علم حقین سوداسی خدا حافظ

محراب عبادتدن ائتدیم سفرعقبایه
باشیمده یارا گئتد

• دوشنبه
• 3
• تیر
• 1398
• ساعت
• 14:19
• نوشته شده توسط
• ابوالفضل عابدی پور

ما خلقده بیر کسه یوخ بو سعادت یا علی
بیت حقده تاپمسان فیض ولادت یا علی

کعبه باغرین آچدی تا آغوشینه آلسین سنی
پاکلیقندان بو ئوزی ایلور حکایت یا علی

عزت الله ندی ویرمش عزتندن حق سنه
شهرتون دهری دوتوب ای پاک نیت یا علی

سائله بذل ایلین حین رکوع انگشترین
ادمین بیر ذره ده اکراه و منت یا علی

اوچ گونیله آج قالوب اما تعامین بذل ایدن
آبیله افطار ایدن ، پیر طریقت یا علی

جنگ لرده جان قویوب فتح الفتوحه ال تاپان
آرزوسنده اولان فیض شهادت یا علی

جسمنی اوخ ، نیزه ، شمشیر یاره سی شانشان ایدن
سخت لیقدان ادمین بیر جه شکایت یا علی

گوندوزی صائم گجه قائم ویرن عمرون باشا
ایلین نان و نمک دنده قناعت یا علی

ضربت

• سه شنبه
• 4
• تیر
• 1398
• ساعت
• 09:31
• نوشته شده توسط
• ابوالفضل عابدی پور

علی ولایتینی حق ایدوب اوزینه حصار
ولایت اهلی مقصّرده اولسا گورمز نار(1)

علیدی ساقی کوثر ، علیدی قاسم نار
علیدی مظهر حق دادخواه روز شمار

بهشت کیم ایشیدوبسن علی ولایتی دور
علی عداوتی دوزخدی بِئسَ دارُ قرار

خدا جهنّمی خلق ایلمزدی اهل زمین
گوی اهلی تک ایلسیدی ولایته اقرار

خلایقین عملین وزن ایده لّه محشرده
علی عمل لره میزاندی فاعل مختار(2)

بیری اگر ثقلینین عبادتین گتوره
گیدر جهیمه علی حقّین ایلسه انکار(3)

پیمبریله موحّد قبول ایدر توحید
علی محبّتی مؤمنلره اولوب معیار

علی علامت ایماندی میر اهل یقین
علیدور آینۀ حیّ قادر و غفّار

علی آدیندا ز بس روحیمون علاقه سی وار
بو آد باشینا دولانّام نقدر عم

• سه شنبه
• 4
• تیر
• 1398
• ساعت
• 09:33
• نوشته شده توسط
• ابوالفضل عابدی پور

واگیر برای شور :
«وای وای علی وای»

بو گئجه گویلر دیئر
مسجد و منبر دیئر
آل پیمبر دیئر
«وای وای علی وای»

چشمه دیئر داش دیئر
گوزده کی قان یاش دیئر
پارچالان باش دیئر
«وای وای علی وای»

درده دوشنلر دیئر
قاره گینلر دیئر
بو سینه زنلر دیئر
«وای وای علی وای»

حقّیله باطل دیئر
شاهیله سائل دیئر
خنجر قاتل دیئر
«وای وای علی وای»

عرش و فلکلر دیئر
گویده ملکلر دیئر
یئرده ئورکلر دیئر
«وای وای علی وای»

ساقی و ساغر دیئر
زمزم و کوثر دیئر
کیم اولا نوکر دیئر
«وای وای علی وای»

سیّد بَطحا دیئر
زینب کبرا دیئر
بوگئجه زهرا دیئر
«وای وای علی وای»

شیعه مُسلّم دیئر
عالم و آدم دیئر
هر قره پرچم دیئر
«وای وای علی وای»

• سه شنبه
• 4
• تیر
• 1398
• ساعت
• 09:34
• نوشته شده توسط
• ابوالفضل عابدی پور