اشعار ترکی حضرت فاطمه زهرا(س)

#ناحله_الجسم یعنی

نحیف اولوب غم آلموسان ننه
جوان جوان قوجالموسان ننه
نیه سولوب سارالموسان ننه

#باکیه_العین یعنی

اولوبدی گوزیاشون قان ننه
گرک دییَم همیشه جان‌جان ننه
جانیم او خسته جانه قربان ننه

#منهده_الرکن یعنی

باشی بلالی یالقیز ننه
دویولموسن آدامسیز ننه
علی قالوب کمکسیز ننه

#سن_یخیلان_یئردن_من

بیرده گذر ائتمرم
کوچیه دای گئتمرم
روحیوی اینجیتمرم

#سن_بول_حسینون_جانی

گون کیمی مادر باتما
گوزدن حسینی آتما
زینبووی آغلاتما

#سنی_جوان_آی_ننه

قدی کمان آی ننه
اشکی روان آی ننه
گوزیاشی قان آی ننه

#یاندی_قاپون_آی_ننه

او کوچه‌دن گلوب گئدن باخدی
سینون یارالانوب قانی آخدی
غمون جهانی یاندیریب یاخدی

• چهارشنبه
• 22
• بهمن
• 1399
• ساعت
• 15:34
• نوشته شده توسط
• یوسف اکبری

در سبک(ای حرمینه ناز ائدن ...)

لاله کیمی‌سولان ننه،محسنی‌سقط اولان ننه
سِنی جوان گَلین ئولَن قلبینه قان دولان ننه

مین ائیله بالغدی آنا باشه قرا باغلیورام
صبح‌ومسا وای‌ننه‌وای‌سسلیورَم ‌ آغلیورام
یاره‌لی سینون‌سالورام‌یادمه دل‌داغلیورام
سسلیورَم‌غمدَن اولان‌قامتی‌چون‌کمان ننه

کوچه‌ده سیلی ‌وورولوب ‌صورتیوه‌ لطمه یتوب
لکه دوشوب گُل یوزوه سانی آنا لاله بیتوب
سن‌یخیلان یئرده گمان‌بیر پاراگوشواره ایتوب
بیکس‌وقارداشسیز اولوب کوچه‌ده آغلیان ننه

فکر ائلمه بیکس آنا غملرون آسان سانیرام
قانه باتان میخ دری یاد ائلیوب اولانیرام
نصفی یانان‌درگهیوه هی‌باخیرام هی یانیرام
معجریون یاندی پَری ای قاپوسی یانان ننه

داغلی‌ سینون مِثلی ‌یانان‌سینمی من داغلاموشام
گوزیاشیمی مَرحَم ائدوب یاروی هی باغلاموشام
هر گجه نیسگیلریوه سینه ووروب آغلاموشام
ای قولی پهلوسی سینان قبری اولان نهان ننه

• چهارشنبه
• 22
• بهمن
• 1399
• ساعت
• 15:37
• نوشته شده توسط
• یوسف اکبری

گینه اتمامه چاتوب شاه خراسان محنی
چوخی‌درمانین‌آلوب‌قصد‌ائلیوبدور وطنی

آغلادوق‌نوحه‌دئدوخ ‌شخص‌رسوله‌،حَسنه
دفترِ عمروموزه تا کی یازیلسون حَسنه

قورتاروبدور صفر آیی یتیشوب ماه ربیع
سویونون‌ سیز ولی‌عرشه اوجالور آه ربیع

ئولدی پیغمبر دین ناله گویه قوزاندی
اوجومونجی‌گونی‌زهرا قاپوسی‌ اوتلاندی

گئتمَمیش قبرهَ نبی تپراقا غم داشلاندی
فاطمه یاره لنوب ظلم و جفا باشلاندی

یاندی ‌وَحیین‌قاپیسی‌خانه‌نشین‌اولدی علی
فاطمه قانه باتوب نقش زمین اولدی علی

گلشنین اوت بوریوب یاندی پَر طاووسی
سقط اولوب محسنی الله دویولوب ناموسی

• چهارشنبه
• 22
• بهمن
• 1399
• ساعت
• 22:24
• نوشته شده توسط
• یوسف اکبری

زینت عرش و دلیل خلق انسان فاطمه
طایر گلزار جنت بحر عرفان فاطمه
مخزن الاسرار حق٬ آیینهٔ ذات خدا
مظهر کنز و حیا تندیس ایمان فاطمه

ذره ذره نور ذاتین ایتدی دنیانی قرار
گول وجودین وئردی بو خاکی جهانه اعتبار
هرشهیدِ کربلایه٬ زینبه آموزگار
سنی علینی سرفراز ایتدین او گیر و داریده
دینیدن ائتدون دفاع بین در و دیواریده

شیر یزدان٬ قدرت مطلق٬ یل بی واهمه
ایلیوردی آدیوی هر رزمگهده زمزمه
ذوالفقار مرتضاده حک اولوب یا فاطمه
ذکر زهرا ایلدی ما فوق قدرت حیدری
سسلدی یا فاطمه یئردن گوتوردی خیبری

وصف زهرانی نه مندن عشق زهرادن ایشیت
زیب خلقت٬ مظهر ایمان و تقوادن ایشیت
شاه عالم٬ شیر میدان مرد هیجادن ایشیت
قورخورام سرمست اولوب وصفینده نقصان ایئلویم
حیدرین وصفیله شاید سوزده طوفان ایئلویم

سن علی شیر خدایه روح و جانسان فاطمه
بازوان حیدره زور و توانسان فاطمه
گوهر ممتاز بحر بیکرانسان فاطمه
رایج اولدی خلق ایچینده تک گوتوردوم خیبری
کیم ولی بولدی علینی سن ائلوردین یاوری

خیبری آلدوم اله گوردوم کفه میزان دگول
اوینوری هربیر طرفدن بی کمک امکان دگول
سسلدوم یا فاطمه سنسیز بو ایش آسان دگول
آندواولا اوز جانیوه سوگند او عرش اعظمه
خیبری فتح ایئلدوخ معناده باهم فاطمه

وجده گلدی عرشیان گویدن گورنده صحنه نی
سسلیوبلر شیر یزدان فاتح خیبر منی
منده بوللم فاطمه جان فاتح خیبر سنی
بی سبب من سالمادیم میداندا خوف و همهمه
سسلدوم هر ضربه ده یافاطمه یافاطمه

• جمعه
• 24
• بهمن
• 1399
• ساعت
• 17:57
• نوشته شده توسط
• یوسف اکبری

سینه یه اولمادی مرهم قان آپاردی یاراسین
نه بالا فاطمه نی گوردی٬نه زهرا بالاسین

محسنین نیسگلی یاندیردی دلِ اُمّتینی
اودا تکمیل ایلدی فاطمه نین نهضتینی

گورمَدی عالمی لمس ایلدی بطنینده اوتی
هاردا اثبات ائلدی گور علوی غیرتینی

جنته ویردولار آتش٬بالانین عشقینه باخ
بطنیده ردّ ایلدی بیشرفین بیعتینی

فقط الله بولور اوردا نه چکوب طایر عدن
ئوزون احساس ائله اوچ یوز نفرین قدرتینی

وران اوچ یوز نفر امّا قاپودا تخته اولا
پشت در حامله عورت یازوم او ساعتینی

ویردی ثانی او هیاهوده لگد بیر قاپویا
نُه رواقین او دنی طاق ائلدی طاقتینی

او کشاکشده نه اولدی یاخولوب قان قاپویا
ناکشی ساخلامادی او قاپونین حرمتینی

آچیلاندا قاپو مسمار باتوب سینه سینه
بالایا خاطر چوخ اگمه دی دوز قامتینی

او فشاره بالا بطنینده دئدی یا زهرا
نُه سما بیربیره دگدی قوتاریم صحبتینی

سسلدی فیضّه یه امدادیمه گَل اؤلدی بالام
سینه مین قانی سوزور قویمور ایاق اوسته دورام

سن یاپوش قوزا دوروم٬گورسه علی قلبی یانار
قوللاری باغلیدی بیر ایش گوره بولمز اوتانار

نچه ایللردی «فقیرین»گوزی وار درگهیزه
سایهٔ مرحمتیزده ننه جان دالدالانار

• جمعه
• 24
• بهمن
• 1399
• ساعت
• 19:45
• نوشته شده توسط
• یوسف اکبری

عمریم گونی یتشموب تا مغرب اُفوله
سال سایهٔ عنایت بیرده سر بتوله
منّتدی هم بتوله، خدمتدی هم رسوله
حقون بو سون نفسده ائتسین حلال عم اوغلی

ای حجت الهی ای شاه ملک بطحا
جان اوسته دور عم اوغلی زهرانی قویما تنها
ایله شرنگ مرگی کامینده شهد اشهیٰ
جام وفاتی صاف ائت چون اشک آل زهرا

ای اوز ولایتنده اوز شهرینین غریبی
قویماز بو وقته یالقیز محبوبه سین حبیبی
جان تاپشوراندا خوشدور لطفون اولا نصیبی
آسان اولا عم اوغلی تا ارتحال زهرا

اولموشدی درد الیندن روحیم زبس معذّب
اولموشدی روز روشن مدّ نظرده چون شب
ایلردیم استغاثه عجّل وفاتی یارب
آخر قبول اولوندی بو ابتهال زهرا

درگاهیمه ویروب اوت قوم لعین عم اوغلی
سیندی قابیرقام ائتدیم سقط جنین عم اوغلی
ترک ایلورم جهانی زار و حزین عم اوغلی
عادی دگول ولکن بو انتقال زهرا

قنفذ ایدن جفادن مجروحیدیم بیلَکدن
ویردی دوباره ثانی کاری یارا اورکدن
دوشدوم بیرآیری حاله پیش آمد فدکدن
سیلی ویرولدی اولدی نیلی جمال زهرا

کعبه دن یوسف زهرادی کی ظاهر اولاجاخ
ذوالفقار الده گلوب مجلس شورا قوراجاخ

دادگاه ایلیه جک کوی بنی هاشیمینی
ساغ دیزینده عمرین سول قولونی سیندیراجاخ

• شنبه
• 25
• بهمن
• 1399
• ساعت
• 22:20
• نوشته شده توسط
• یوسف اکبری

ویردولار اوت یاندی باب وحیِ حیّ لاینام
سوگلون قویی در و دیوار آراسیندا لئٓام
ایش دایاندی بیر یره آخر شهید اولدی بالام
گل در و دیوار آراسیندا قیزون زهرانی گور

آچدولار شاهه رعیّت لر جفا و ظلم الین
سالدولار حبل المتینون بوینونا حبل متین
روبه مکّار اولوب شیرخدایه خشمگین
اللری باغلی هژبر بیشهٔ هیجانی گور

اوز حیاتندن دویوب بو زار و خسته فاطمه
حجة اللّهی گورنده دست بسته فاطمه
ظلم ثانیدن اولوب پهلو شکسته فاطمه
بار سنگینِ بلادن قامتی چوگانی گور

مرتضانی جانشین ائتدون یرونده امّته
ایتمدی بیعت منافقلر مُعَیّن حجته
فاضلی مفضوله فکر ایتدی آپارسون بیعته
باب علم اللّهه یاغی امت نادانی گور

عالمه من تک بلا کشگلمیوب گلمز بابا
تا وارام آغلار گوزوم، بیرده ئوزوم گولمز بابا
دردیمی سنسیز داخی بیر کس منیم بولمز بابا
درد الیندن جانه گلمیش بو گوزی گریانی گور

حقیمه وئردیم قسم یاندی اورکدن فاطمه
سویلدی ایتمز نجه شِکوه فلکدن فاطمه
ظلم قنفذدان اولوب ناقص بلکدن فاطمه
ضربت کامل قنوته علت نقصانی گور

ذره ذره نور ذاتین ایتدی نیانی قرار
گول وجودین وئردی بو خاکی جهانه اعتبار
قهرمانِ کربلایه، زینبه آموزگار

سن اوجاتدون مرتضی شأنین او گیر و داریده
دینیدن ایتدون دفاع بین در و دیواریده

• شنبه
• 25
• بهمن
• 1399
• ساعت
• 22:22
• نوشته شده توسط
• یوسف اکبری

فکر ائیلمورم بو گجه کربلایه گیده
حالی وخیمدور روبه قبله دی آنام

سالما حسینی گوزدن دلدن محبت ایله
آغوشه آل دانیشدیر مهر و عنایت ایله
جان گلشنینده گولدور دیندیر عطوفت ایله
گولسون دئسون دانشسون بو خوشمقال زهرا

بو دختر عقیله زینب کی زین اَب دور
خورشید چرخ عصمت زهرایه مُنتسب دور
من تک اودا بلا و آلامه منتخب دور
آیینهٔ کمالی عکس کمال زهرا

کلثوم و زینبیمدور جانه سالان شراره
بُلّلم نلر چکوبدی بو ایکی عشقِ یاره
مندن سورا گَلوللر فریاد و آه و زاره
بو غمده قبر ایوینده آرتار ملال زهرا

• شنبه
• 25
• بهمن
• 1399
• ساعت
• 22:23
• نوشته شده توسط
• یوسف اکبری

مظهر عصمتدی زهرا--معدن غیرتدی زهرا
حکّ اولوب عرش برینه--علت خلقتدی زهرا
قدسیان یکسر دئدی، یا فاطمه زهرا

جان پیغمبردی زهرا--همسر حیدردی زهرا
جلوه سی مرآت یزدان--معنی کوثردی زهرا
سورهٔ کوثر دئدی،یا فاطمه زهرا

وصفینه دیل ناتواندی--سنبل باغ جناندی
همسرِ فتّاح خیبر--لنگر هفت آسماندی
فاتح خیبر دیدی یا فاطمه زهرا

حیف اولا او گول سارلدی--دوقّوز ایلده تز قوجالدی
سسلدی عجّل وفاتی--ناله سی عرشه اوجالدی
عرشیان یکسر دیدی یافاطمه زهرا

قصهٔ باغ فدکدن--جانه دویموشدی اورکدن
ویردی قنفذ تازیانه--قان سوزوردی قول بیلکدن
قان سوزن اللر دئدی یافاطمه زهرا

ظلمیله درگاهی یاندی--آتشِ ظلمه دایاندی
شعله دن مسمار آلیشدی--حیدرین صبری تالاندی
آغلادی حیدر دئدی یافاطمه زهرا

سینه سینده قانی آخدی--حیدری یاندیردی یاخدی--
بطنیده جان وئردی محسن-مرتضی بو ظلمه باخدی
یرده او دلبر دئدی،یافاطمه زهرا

گئتدی قبره مخفیانه--گوهر خلقت شبانه
سالدی زهرانی ایاقدان--دردِ میخ و تازیانه
چکدی شعله در دئدی یافاطمه زهرا

• شنبه
• 25
• بهمن
• 1399
• ساعت
• 22:27
• نوشته شده توسط
• یوسف اکبری

آنا گوز آچ حسنیوَم ایلرم فغان سنسیز
آماندی دیندیر منی بیر باغرین اولدی قان سنسیز
خاطریم گلوب درده---دردیمه یتیش بیرده

آنا دئوب یانّام آنا،محنتیم گلر جوشه
حسینون جانی فدا بو تن کفن پوشه
اگر منی آلمیاسان سالیغین تک آغوشه
سرشکیمی سیل کیمی ایلرم روان سنسیز

دئمه فراقون گتوروب تک حسینوی درده
ائدوب حسن قارداشیمی من کیمی دل افسرده
نولور آچوب گوز باخاسان بو ایکی گلِ زرده
نه نوعیله سولوبلار گور یاس و ارغوان سنسیز

جنازوه حسرتیله زینبون باخار آغلار
شرار آهیله منی یاندیرار یاخار آغلار
دونر باخار غملی باباما گوز یاشی آخار آغلار
منه اونون آغلاماقی چوخ گلور گران سنسیز

مگر خانم باجیم بولور کربلا قضایاسین
یقین که سندن ایشلدبدور باشیمین بلایاسین
ایللر ذبح القفا باشیم باش آچار آل یاسین
اوگونده اولماز منه بیر کیمسه آغلویان سنسیز

اییله بیر ضربت ویروب عاجزدی دل گفتاریدن
قان گوزونده لخته لندی دگدی تا رخساریدن
تنگیدی کوچه، دگوب بیر ضربه ده دیواریدن
ساغ طرفدن ویردی اما صول طرف اولدی کبود
گورمه دی گوزلر یخیلدی تپراقا روح سجود

• شنبه
• 25
• بهمن
• 1399
• ساعت
• 22:47
• نوشته شده توسط
• یوسف اکبری

گرچه عمر ایتدون فنا دنیاده سن اون سگگیز ایل
بو آز عمریله ولی زولفون آغاردی تل به تل
غصه مرگ اولدون ز بس چکدون مصیبت متّصل
زینبی آغلار قویوب گیتدون آنا یا فاطمه

گولمَدی اون سکّز ایلده غصه دن بیرآن یوزون
دردیله دولدی مبارک قلبون، اشکیله گوزون
محنت ایّامیدن آخر خلاص اولدون اوزون
زینبی آغلار قویوب گیتدون آنا یافاطمه

ایتمَدی ثانی مراعات احترام و جاهوی
اوت ویروب یاندیردی ظلمیله آنا درگاهوی
صدمهٔ مسمارِ در عرشه اوجاتدی آهیوی
زینبی آغلار قویوب گیتدون آنا یافاطمه

اوندا کی قالدون در و دیوار آراسیندا حزین
سیندی ظلمیله قابیرقان، ایلدون سقط جنین
سسلدون بیر یول اورکدن یا امیرالمومنین
زینبی آغلار قویوب گیتدون آنا یافاطمه

بسکی جدیمدن سورا گوردون غم و رنج وتعب
ایلدون عجّل وفاتی وِرد ذکرون روز و شب
حق مناجاتین قبول ایتدی ولی اولدی سبب
زینبی آغلار قویوب گیتدون آنا یافاطمه

• شنبه
• 25
• بهمن
• 1399
• ساعت
• 22:56
• نوشته شده توسط
• یوسف اکبری

او وحشتلی گوندن کئچوب نچّه گون
چوخالدی غم و محنت فاطمه

یارا ضربه سی سینه سینده قالوب
خمیده اولوب قامت فاطمه

پوزوب مردمی بیت الاحزان سوزی
دوشوب دیللره صحبت فاطمه

گلوب بعضی همسایه گوردی دیدی
چتندور داخی صحّت فاطمه

خلاصه فلک بیلدیگین ایلدی
یتشدی شب رحلت فاطمه

علینون ایوین یخدی مرگ بتول
قوجاتدی اونی فرقت فاطمه

وئرنده او غسلی قیامت اولوب
اَل آثاری و صورت فاطمه

علی صبر دریاسی قان آغلیوب
پوزب حالینی غربتِ فاطمه

حسن اوخشادی باشه ویردی حسین
فغان ایلدی عترت فاطمه

گیچن گیچدی تابوتی دوشدی یولا
قیامت اولوب رحلت فاطمه

علی نصف شب دفن ایدوب یارینی
دا گیزلین قالوب تربت فاطمه

گرک اوغلی مهدی گله گوستره
نمایان اولا تربت فاطمه

• شنبه
• 25
• بهمن
• 1399
• ساعت
• 22:58
• نوشته شده توسط
• یوسف اکبری

«در سبک: ای ساقی ما سرمستان»

زهرا منی تنها قویدون--نه گوردون علیدن دویدون
هجرانه منی توش ایتدون-- من سیز نجه قبره گیتدون

سنی دفن ائدنن من غریب روزگار اولدوم
گوزون آچ نجه گور چاره سیز درده دچار اولدم
زهرا زهرا زهرازهرا

آغ زلفی جوان سیماسی-- ای سینه سی غم دریاسی
دیندیر منی زینب جانی-- سن بیل بالاون افغانی

قاپوا ویراندا اوت همان اوتدا علی یاندی
اورگیم یانان درگاهیون مثلی الولاندی
زهرا زهرا

بولدوم سنه سیلی دگدی-- والله منی او غم اگدی
بطنینده بالان جان ویردی-- گوردوم یارالار قان وئردی

بِله فکر ائلردون بولمه دیم من، سینه داغلاردیم
ائله ذوالفقاره هی باخاردیم ایوده آغلاردیم
زهرا زهرا
-----------------

زهرا اسداللّهم من-- هر سرّیدن آگاهم من
حکمتدی قولوم باغلاندی--باب علوی اودلاندی

آخی قوللاریم باغلانمیوب اوردا اولایدیم من
الینی دوتوب گپیده دیزیمده سیندیرایدیم من

• دوشنبه
• 27
• بهمن
• 1399
• ساعت
• 19:53
• نوشته شده توسط
• یوسف اکبری

حیف اولا بیر کوچه پوزدی حیدرین پرگارینی
دوگدولر شیر خدانین سئوگیلی دلدارینی
دوقّوز ایلده غم قوجاتدی محرم اسرارینی
دخترِ پیغمبره اولدی جسارت کوچه ده
آشکارا حقّه اولدی هتک حرمت کوچه ده

قصه ی باغ فدک تاپدی خلاصه خاتمه
مُهر تأیید ویردی بوبکر،وئردی فخرالآدمه
روبرو اول کوچه ده ثانیله اولدی فاطمه
عرض ایدوب هاردان گلور دُخت رسول مصطفیٰ
الده کی اسنادیدن آلدی خبر اول بیحیا

اعتنا ائتموردی ملعونه عزیز مصطفیٰ
عرض ائدوب کامل دگول اسنادین ای خیرالنسا
بولموسن ثانی گرک بیرده اونا امضا ویرا
تا دئدی لازم دگول امضایه،ناموس علی
ناگهان گئتدی هوایه بیحیانین صول الی

ائیله بیر ضربت ویروب عاجزدی دل گفتاریدن
قان گوزونده لخته لندی،دگدی تا رخساریدن
تنگیدی کوچه دگوب بیر ضربه ده دیواریدن
ساغ طرفدن ویردی امّا صول طرف اولدی کبود
گورمه دی گوزلر،یخیلدی تپراقا روح سجود

• پنج شنبه
• 30
• بهمن
• 1399
• ساعت
• 22:48
• نوشته شده توسط
• یوسف اکبری

نیّر افلاکه ای انوار رحمت یا علی
افتخار آفرینش زیب خلقت یا علی

ای جمال اللّهه مظهر، عشقیوه حق بیقرار
هسته ی هستی، دلیل خلقتِ خرد و کبار
ای ئوزی مرآت یزدان،حیدرِ دُلدل سوار
تاپدی فصل وصل پایان،شاه امّت یا علی

دردیمین بولدون آزون، قالدی او دنیایه چوخی
اولدی احسان عشقیوه،بو دلبرین گر وار یوخی
سنده احسان ائیله اگلش عشقیوه قرآن اوخی
جان وئروم جانانه راحت،با طراوت یا علی

آیرولور زهرا عم اوغلی،قلبی یاره دیده تر
موسم هجران یتیردی،سینم اولدی شعله ور
قویما قالسون دورت بالام مندن صورا،خونین جگر
آل اولارین کونلونی کان محبت یا علی

وار گلایم محضرِ داداره ظلم ثانیدن
حامله بیر عورتی سالدی ایاقدان،جانیدن
بین دیوار و در ائتدیم تا دفاع قرآنیدن
دختر پیغمبره،اولدی جسارت یا علی

سینه می مسمار اؤپوپ باش اگمه دیم اهریمنه
سسلدوم من همسر شیر خدایم،باخ منه
سیلی دگدی،قمچی دگدی،من دوام ائتدوم گنه
چوخ چتیندی،شرح او حال و حکایت یا علی

ال نه ال، سیلی نه سیلی، عاجزم گفتاریدن
اوت دوتوب یاندی یؤزوم اول ضربه ی خونخواریدن
تنگیدی کوچه دگوب بیر ضربه ده دیواریدن
گوردی اوغلوم کوچه ده اولدی قیامت یا علی

من که ترک ائتدوم بو دنیانی ایا شاه منیر
قویما گلسین کفن و دفنه،عاملانی بیر به بیر
لطف ائله وئر سؤزِ مطلب،دردیمی یازسون «فقیر»
چونکی سنسن شاعرانه،روحِ خلقت یا علی

• پنج شنبه
• 30
• بهمن
• 1399
• ساعت
• 23:10
• نوشته شده توسط
• یوسف اکبری

آگاه اولون ای شیعه لر ایام خطردی
غیرتله گلون فتح ائلیَخ بیز بو نبردی

گویا گینه ده باشلارونی جنگ خوارج
شمشیر عوضی اسلحه احساس بشردی

روح القدوس امداد ایلدی بیرده «فقیری»
اللاهه توکل گور آیا نه خبردی

دنیاده نئچه مذهب و دین واردی،ولٰکن
بو شیعه ی حیدر ولی چوخ مدّنظردی

چوخلار بیزه ایراد ائلوری عشق علینی
مِن جمله وهابی،که بوتون مایه ی شردی

ترسا و یهودی اولا زرتشتیله باهم
اوللار صدف اولماز،ولی بو شیعه گهردی

بیز شیعه لرون صاحبی زهرا و علیدی
مریم اولا مس،ساره گومومش،فاطـــمه زردی

محشرده بیز اثبات ائلَروخ عشق علینی
محبوب جنان شیعه ی اثنای عشردی

چوخ مطلبه کِش وئرمورم ای عاشق زهرا
عاقلدی آلوب مطلبی هر کیم اولا دردی

بیر عدّه که اوت ویردی او درگاه جنانه
هاردا بیزه قارداشدی؟ اولار مایه ی شردی

اوت شعله چکوب عرشه،قالوب شعله ده زهرا
شاهد بو سوزه،نصفی یانان گوشه ی دردی

الله بولوری فاطمه او لحظه نه چکدی
سسلردی بالام اؤلدی،بیری داده گلردی

بیز شیعه ی زهرا دئمَروخ هرکسه قارداش
قارداش اولارا بکردی،عثماندی،عمردی

هر کیم بوله هر نحویله هر ناکسی قارداش
واللاهی و بإللاهی اولاردان دا بتردی

• پنج شنبه
• 30
• بهمن
• 1399
• ساعت
• 23:16
• نوشته شده توسط
• یوسف اکبری

گنجینۀ خلقته معنای بقا دور فاطمه
گلزاررسالته سیمای صفا دورفاطمه

افتخارنسل آدم زیورباغ رسالت
نظام آفرینشه بانوی عظما دورفاطمه

نوری کبریائی صورت انساندا جلوه گر
دربارولایته معیاروبها دورفاطمه

ربّ گلهای امامت اون بیرستاره مادری
رسالت وامامته پیوند ولا دورفاطمه

برکات وجودوندان وجوده گلوب ارزشلر
طومارمشیّته معنای قضا دورفاطمه

گل پرورو نور فشاندی صاحب عزّ وجلال
اوغلی حسین دورکه مُصباح هدادورفاطمه

سورۀ کوثرکه نازل ایلیوب حیّ و دود
قـرب رفعته قابل حمد و ثنا دورفاطمه

استادایدوبدی مکتب حجب وحیاده اوچ قیزین
فُلک آموزشِ حِجابه نا خدا دورفاطمه

افسوس بولن اولمادی قدرین شبهای قدرتک
دار فناده ایندیده قـبری خفا دورفاطمه

روزمحشر قدرو شأنی اونداکی معلوم اولار
(عدلی) بهشته گیدراونلان کی آشنا دورفاطمه

• جمعه
• 8
• اسفند
• 1399
• ساعت
• 22:22
• نوشته شده توسط
• یوسف اکبری

فدا اولوم سنه من ای رسوله ریحانه
وفات ایستمه حقدن تلسمه هجرانه

بش اون گون عمریمه من سنله دلخوشام ، یوخسا
ازلدن اوخشیار عالم گوزومده زندانه

علی الخصوص او زماندان کی رحلت ایتدی رسول
بیله خیال ائلدیم عالم اولدی ویرانه

جهانی گوز یاشی تک سالمشام گوزومدن من
دویوبدی ایندی عم اوغلوندا سن کیمی جانه

ورم ایدوب اورگیم دردیمی بولن یوخدور
خدا بولور کی نجه باغریمی دونوب قانه

اقلی سن منه روحیه وئر بو اثناده
بیر آزدا گول یوزومه آغلاما یانا یانه

اولوم سوزون دلیوه جاری ایلمه تز تز
منی گتیرمه غمونده بو قدری افغانه

فلکده چوخ تلسور سالسون آیریلیق آریا
گوزی گوتورمدی باخدوقجا دور دورانه

قولومی باغلادی نامرده ویردی رشته سینی
علینی چکدیله ظلمیله عهد و پیمانه

سنه نه اولدی همان کشمکشده اولدی اوگون
اولار چکیردیله بیر یانه ، سنده بیر یانه

اوکشمکشده سنه فاطمه یانوب اورکیم
ئولوب دیریلدیم او صحنه یتونجه پایانه

جفای قنفذ او گوندن گوزومده جلوه لنور
ویرر عذاب اولونجه او صحنه وجدانه

سنی او همهمه سالدی عجب یامان درده
الیمده چاتمور اقلا دوا و درمانه

یامان گونومدی ، گیدور غمگساریمی الدن
قوروبدی غم قوشی قلبیمده غملی بیر لانه

گره گشایه غریبه گره سالوبدی فلک
یانوری سوز غمونده مثال پروانه

گوزوم باخا باخا دریای غمده غرق اولوسان
دوشوبدی کشتی عمرون غریبه طوفانه

قالوبدی نوح زمان بحر غمده سرگردان
دوتوبدی دامنیوی گور نجه غریبانه

عم اوغلووون سن اوزون دردینه علاج ایله
ترحم ایله من غمکش و پریشانه

یخلماقون منی دلدن سالار یقین ایله
مقاومت ایله غم لشکریله جانانه

منیم بو شهریده سندن صورا کیمیم واردور
اولوبدی اکثر امت منیله بیگانه

سلامیمی منیم حتی گلوب گیدن آلمور
گورن یوزون چوورور بولمورم نه عنوانه

سنون سلامیوه من دلخوشام بو عالمده
خدا نکرده سن اولسن علی دویار جانه

هامی غمیمده یانان فاطمه فقط سنسن
اولوم سوزون سالوب اود وئرماقلب سوزانه

عنایت ایلدی زهرا اوزی سنه (ساده )
دوباره خامه وی دوتدی رسوله دردانه

ثواب نوحه نه تنها سنونکیدور بلکه
گلوبدی (حیدری) سنله بو غمده افغانه

• پنج شنبه
• 21
• اسفند
• 1399
• ساعت
• 23:17
• نوشته شده توسط
• یوسف اکبری

ای نازنینیم غمگساریم
سنسن منیم دارونداریم
تک قویمابوحالداعلینی
سنسیزگئدرصبروقراریم
آچ گوزلرون بوغمسراده مرتضانی قویماتنها
سنسیزبیلورسن مرتضایه غملی بیرزنداندی دنیا
آزآتش هجرونله ای گل بویانان قلبی آلیشدیر
سن بیل حسینون جانی زهراحیدری بیرده دانیشدیر
گتمه زهراگتمه زهرا،،،،قلبیمی قان ائتمه زهرا

بوعالمه اوت ویردی آهیم
آچ گوزلرون ای تکیه گاهیم
دیندیرمنی حالیم یاماندی
سنسن منیم پشت وپناهیم
ای دردومحنت خسته سی ای باشینه قاره سالانیم
دوردوت الیمدن ای تهاجم وقتی اللردن آلانیم
سنسیزنه ائو،حتی بودنیانون عزیزیم یوخ صفاسی
جان جهانه اوت ویرور بوزینبون غملی نواسی
گتمه زهراگتمه زهرا.....

گوربیرنئجه آغلورحسینون
اشکی یوزه باغلورحسینون
هرسسلینده وای آنام وای
عالملری داغلورحسینون
نوحه دینده غملی اوغلوم اوت سالورقلب جهانه
سسلورنه تئزبیزدن سنی آلدی سنی جورزمانه
آچ گوزلرون بیرده منی آل التفاتیله قوجاقه
دوندی بابامون قامتی هجرونده واللهی کمانه
گئتمه زهراگئتمه......

زهرابیلورسن حیدرم من
ارض وسمایه رهبرم من
سنسیزولی بوغمسراده
هردم ئولومی گوزلرم من
سینون قانین بیلمم نئجه باب ولایتدن سیلیم من
واردوری یری تیرغمیله قلب آفاقی بولوم من
سندنصورازنداندی دنیامرتضایه مرتضایه
ایله دعاعمروم قوتارسین قالمییم چوخ،تئز ئولوم من
گئتمه زهرا گئتمه...

• شنبه
• 23
• اسفند
• 1399
• ساعت
• 16:59
• نوشته شده توسط
• یوسف اکبری

ای کلام الله ناطق معنی قرآن عم اوغلی
گل تلاوت ایله قرآن جانویروم آسان عم اوغلی

ای مسیجایه ویرن دم اسم پاکی اسم اعظم

ای جمال اللهه مظهر مطلع اسماء حسنی
ذوالجلاله وجه باقی سر جنب اللهه دارا
باشیم اوستنده گل اگلش جانویرور جانانه زهرا
ای یوزی مرآت جانان شمع بزم جان عم اوغلی

نوحین ای باب نجاتی خضره معطی آب حیوان
تاپدی فصل وصل پایان باشلانور ایام هجران
عمریمون کشتیسی سیندی ایتدی غم دریاسی طوفان
ساحله گل چک بتولی لنگر امکان عم اوغلی

روحه لذتدور بلورسن استماع صوت قرآن
ایلیه خاصه تلاوت سنکیمی مرآت یزدان
ایله بیر یاسین تلاوت روحیمه ویر خط شایان
ای ویرن داوده نغمه صوتوه قربان عم اوغلی

ای وجود پاکی نخل عالم ایجاده هسته
مؤمن و کافر اُلنده سن گلرسن باشی اوسته
باشیمی گل آل کناره جان ویرور بو دلشکسته
تاپشور عزرائیله آلسون جانیمی آسان عم اوغلی

اولدی اون سگیز ایل عمروم بو جهان بی وفاده
گلمدیم عمرومده بیر گون من بو دار ابتلاده
یوخسا اوfلدن مشیت بیله ایتمیشدی اراده
گُلمسون اون سگیز ایلده فاطمه بیر آن عم اوغلی

ایلیوب زهرانی دعوت گرچه پیغمبر بهشته
منده اوتری حی اعلا ایلیوب زیور بهشته
من ولی بیر دم وصالون ویرمرم مینلر بهشته
نیلورم سنسیز بهشتی ای گل رصوان عم اوغلی

مشکله سنسن دوشنده ماسوی اللهین امیدی
اولسا هر قفل شداید اسم پاکوندور کلیدی
گل بو مشکل ساعتیمده گلممیش رحلت بریدی
مژده آسایشیله قیل منه احسان عم اوغلی

تا آتام پیغمبر اُلدی من دچار اولدوم ملاله
بار محنتدن بوکولدی قامتیم دوندی هلاله
قویمادی ثانی ایویمده آغلیام من لامحاله
ایلدیم بیر عمر چولده ناله و افغان عم اوغلی

درگهیم یاندی اوجالدی گوگلره داد و انینیم
غصّه دن قانیله دولدی لاله تک قلب غمینیم
ایلدی بیر ظلم ثانی اُلدی بطنیمده جنینیم
ظلم ثانیدن سرشکیم اولدی گوزده قان عم اوغلی

ای اولان نفس نفیسی انفس و آفاقه علت
شمس افلاک ولایت مشرق هاءِ هویت
آخِر عمریمده واریمدور بیر نچه عمده وصیت
گرچه عالمسن ولیکن قوی ایدوم اعلان عم اوغلی

من که ترک ایتدیم هم اوغلی بو جهان بیوفانی
قیل گئجه تغسیل و تکفین جسمیمی دفن ایت نهانی
روحیمی ناراحت ایلر قبریم گلسه اوسته ثانی
راضیم قالسون جهاندا مدفنیم پنهان عم اوغلی

رشته عشق حسینه بسته دور بو زار و خسته
صوت قرآنین خصوصا چوخ سور بو دلشکسته
هر شب جمعه حسینی حاضر ایله قبریم اوسته
ایلسون اوغلوم تلاوت آیه قرآن عم اوغلی

آغلاسون قویما حسینیم ایلسون فریاد و شیون
آغلیاندا گوزیاشین سیل رأفت ایله هر زمان سن
آغلاسا بو نور عینیم شوره گللم آغلارام من
ایلرم گوزیاشیمیله عالمی طوفان عم اوغلی

سن کلام لم یزلده قل هواللهه مثل سن
زندگی بخش خلایق منزل پیک اجلسن
باشی اوسته بو حسینون جانویرن ساعتده گلسن
سو گتور قویما حسینیم جان ویره عطشان عم اوغلی

خسته دور جسمیم ضعیفم چکمیشم ازبسکه چوخ غم
حقلیم تأخیریم اولسا گلمسم سندن مقدّم
سن ولی مندن قاباق گل ای ولی ا... اعظم
قویما اینجیتسون حسینی لشکر عدوان عم اوغلی

جسمی گلدور بو حسینون دوزمرم بیر خار باتسون
عزت اسلام اما بوندادور بو قانه باتسون
راضیم توپراقلار اوسته قان ایچینده عور یاتسون
گون ایوینده قالسون اوچ گون پیکری عریان عم اوغلی

بیر ( حسین ) آدلی (فراهت )آل حیدر نوحه خوانی
اولدی ( سعدی زمانون ) بو بیاناتینده بانی
آرزو ایلولّه چوخدان دید ایوان طلانی
دعوت ائت گلسونله بو ایل وقفۀ قربان عم اوغلی

• شنبه
• 23
• اسفند
• 1399
• ساعت
• 17:08
• نوشته شده توسط
• یوسف اکبری

بعدرفتنت ای بانوی خانه
نارغم کشدازدلم زبانه
مانده داغ توبردل غمینم
رفتی وصفا،رفت ازآشیانه
بعدازتوزهــــرا،،،دنیاصفانداره
ازچشم حیدر،،،بارون غم میباره
مظلومه زهرا یافاطمه یازهرا

عرشیان همه،،،گشته اندنواخان
زینبت کند،،،آه وشوروافغان
مرتضی شده،،،غرق دردومحنت
می کُشدمرا،،،زهرتلخ هجـــران
بعدازتوزهرا،،،مظلوم عالمینم
درنیمهٔ شب،،،همناله باحسینم
مظلومه زهرا.....

شیرغزوه ها،گشته زاروخسته
بررخم ببین،گردغم نشسته
ای ستارهٔ آسمان عشقم
ازفراق تو،،،پشت من شکسته
دیگرندارم،،،میلی به زندگانی
ازماتم تو،،،قدم شده کمانـــی
مظلومه زهـــرا......

ترکی

ای منی سالان رنج ودرده زهرا
گوزلریمده دای تاراُلوبدی دنیا
کاش ئولیدیم ای عمرومون صفاسی
خسته جسمووی تپراقاقویاندا
دورایندی بیرباخ،،،احوال مرتضایه
من آغلیاندا،،،زینب گلـــورنوایه
مظلومه زهرا.....

باخ حسینووه قلبینی دوتوب قان
آغلیورحسن زینبون پریشان
من همان یَلِ عرصهٔ جهادم
ایندی گورنئجه دوشموشم ایاقدان
زهرائولونجه،،آدون قالاردیلیمده
خیبرییخان ال،،ایندی قالیب بلیمده
مظلومه زهــــــــرا.....

گلمیشم سنون قبرون اوسته مضطر
عمریمون گلی سولدی الدی پرپر
غسل ائدنده گل جسمووی،دیَردیم
سن ئولونجه ای کاش ئولیدی حیدر
ای لطف سرمد،،،بانوی بی قرینه
غمونده زهرا،،،یاسه باتوب مدینه
مظلومه زهرا......

• شنبه
• 23
• اسفند
• 1399
• ساعت
• 17:13
• نوشته شده توسط
• یوسف اکبری

سبك (يافاطمه من عقده دل وا نكردم)

يافاطمه غمدن منيم قديم بوكولدي
ظلم ايتدي ظالم دشمنيم قديم بوكولدي

بيرگل مثالي سولدوم سارالديم
سن گيتدون الدن منده قوجالديم

پيغمبره اي جان و تن حيدر قوجالدي
غمدن علينون ناله سي عرشه اوجالدي
ديداريميز سندن داخي عقبايه قالدي
سن سيز سارالدي گلشنيم قديم بوكولدي
بيرگل مثالي..........

توش اولدي غمدن حيدرين باربلايه
مشكل كه اولدي گتمه گون مشكل كشايه
نخل ملالون.باشيمه تا سايه سالدي
غمخانه اولدي مسكنيم قديم بوكولدي
بيرگل مثالي...

اي ذات پاك و اطهرين زهراسي زهرا
پيرخرد پيغمبرين زهراسي زهرا
مظلوم عالم حيدرين زهرا
قالدي الونده دامنيم قديم بوكولدي
بيرگل مثالي.........

دشمن خيانت باشلادي سيم وزر اوسته
طوفان ياراتدي گردش بازيگراوسته
دوشدون بلاي بي شماره حيدر اوسته
آگه سن اي جان و تنيم قديم بوكولدي
بيرگل مثالي...........

دشمن جري اولدوقجا هي طوفان ياراتدي
وجدانيني بش گون فنا دنيايه ساتدي
ظاهرده گرچه ملعون كامه چاتدي
کامه اوكي چاتدي منيم قديم بوكولدي
بيرگل مثالي..........

دشمن سنه سيلي ويراتدان آغلارام من
گوزياشيمي غمدن عذاره باغلارام من
قان آغليوب.قلب.جهاني داغلارام من
بيلمز بداختر دشمنيم قديم بوكولدي
بيرگل مثالي..............

دشمن كه چيخدي راه حيّ داوروندن
شرم ايتمه دي ياللعجب .پيغمبروندن
ايستوردي چونكه بيعت آلسون حيدروندن
گورسون او خصم ذوالمنيم قديم بوكولدي
بيرگل مثالي.............

اوندا كه يورقون جسمووي قويدوم مزاره
باغلاندي مظلوم زمانه راه چاره
ايتديم كه پوزگون حاليمه سن سيز نظاره
تاراولدي روز روشنيم قديم بوكولدي
بيرگل مثالي..............

اي رحمتا"للعالميندن بيرنشانه
سالدي سني ديلدن كه ضرب تازيانه
توكدوم عذاره اشك حسرت يانه يانه
چاه اولدي بيت الاحزنيم قديم بوكولدي
بيرگل مثالي.............

اي دختر طاها علي راضيدي سندن
ايتمه گلايه حضرت طاهايه مندن
كگزارعشقه باغبانيديم وليكن
پرپركه اولدي سوسنيم قديم بوكولدي
بيرگل مثالي...........

(مژده)كه سندن شعرنين الهامين آلدي
تاپدي سعادت رتبه سي عرشه اوجالدي
بش گون فنادنياده كه غمدن قوجالدي
سسلندي حيدرتك منيم قديم بوكولدي
بيرگل مثالي سولدوم سارالديم
سن گيتدون الدن منده قوجالديم

• شنبه
• 23
• اسفند
• 1399
• ساعت
• 17:19
• نوشته شده توسط
• یوسف اکبری

فاطمه بوگون ترک ایدور جهانی
واردی قلبیده مین غم نهانی
روحوم آزقالور پَر وورا قفسدن
گلدی یاعلی آیریلیق زمانی

سن سیزعم اوغلی یوخ عالمین صفاسی
زهرایه گلسین بو باشوین بلاسی
واللهی سن سیز یوخ جنتین بهاسی

دیلدن عم اوغلی رفع غم وملال ایت
طاهایه خاطر زهرانی گَل حلال ایت

مظلوم عم اوغلی مظلوم عم اوغلوم ایوای

قلبیمه منیم غصه لر قالاندی
عمرشیشه سی ظلموله جالاندی
باشیم اوسته گل ایلیم وصییت
فاطمه ئولور یاعلی اماندی

زهرانی یوردی دردوغم زمانه
بوجسم زارین ویرغسلونی شبانه
طاها بالاسین دفن ایله مخفیانه

غصّه قلبوی سیخماسین عم اوغلی
سد صبریوی یخماسین عم اوغلی
چوخ مواظب اول بو گئجه ایویمدن
آغلاماق سسی چیخماسین عم اوغلی

خون دیلی چوخ اشک تریله قاتما
غسل ایلینده بو کوینگی چخاتما
زهرایه خاطر سن ناله وی اوجاتما

دوشدی فاطمه گونده بیر بلایه
نالم اوج ایدوب عرش کبریایه
جان سنون آقا، جان بالالاریمون
فاطمه سیزی تاپشرور خدایه

گلشنده گل لر قویما سولا عم اوغلی
قویما بوزینب زلفون یولا عم اوغلی
قویما اوشاقلار غمگین اولا عم اوغلی

عمرمون یتوب موقع زوالی
فاطمه اولوب چوخ باشی بلالی
دردوغصّه دن دینجلنمدیم من
ظلم ثانیدن اولموشام یارالی

رخت وفانی من سویمادیم عم اوغلی
بالالاریمدان هیچ دویمادیم عم اوغلی
باش خواب نازه بیر قویمادیم عم اوغلی

درب خانیه اود ووراندا ثانی
ظلم وکینه دن یاندروب جهانی
میخ در باتوب سینمه علی جان
اوتلی قلبیمون جوش ایدوبدی قانی

حالیم یاماندی باب وِلا یاناندان
من درده دوشدوم محسن شهید اولاندان
دوشدوم ایاقدان قُنفذ منی وراندان

چوخ اولوب منیم باشیمون بلاسی
عرشه اوج ایدوب فاطمه نواسی‌
(بیکَس)و غریب اولموشام اوگونکی
سیخدی قلبیمی کوچه ابتلاسی

گوز یاشیم اوردا گوزدن ایله اَلَندی
نامرد الینده قَباله پاره لندی
دنیا گوزومده ظلمیله تیره لندی

• دوشنبه
• 25
• اسفند
• 1399
• ساعت
• 11:32
• نوشته شده توسط
• یوسف اکبری

ای شه ملک ولا
گوزده کی گوز یاشیوا
فاطمه اولسون فدا / آغلاما یامرتضی

فاطمه قبره گیدیر
عالمی ترک ایلیور
سوزباشی تزتز دیور /آغلاما یامرتضی

گویلومده واردی چوخلی ملال
عم اوغلی زهرانی قیل حلال

علی علی مظلوم

باشیمی آل دامنه
دیلده سوزوم وار سنه
غسل ویرنده منه / آغلاما یامرتضی

غسل ویرن وقته سن
اشکیوی چوخ توکمه سن
کوینگیمه دگمه سن / آغلاما یامرتضی

گوزلرون بنذتمه اَبره سن
دردیمی آپارّام قبره من

علی علی مظلوم

حالیوی پوزما بیله
دشمنی قویما گَله
قبریمی گزلین ایله / آغلاما یا مرتضی

غارت اولوب گلشنیم
وردولا قاخمور اَلیم
قبره گیدیم دینجلیم /آغلاما یامرتضی

زحمتیم تاپوبدی خاتمه
فرض ایله یوخیدی فاطمه

علی علی مظلوم

قلبیمی غملر سیخوب
شیونیم عرشه چخوب
ثانی ایویمی یخوب / آغلاما یا مرتضی

یاندی قاپیم ظلموله
صدمه یتوب بلبله
یرده قالان بیر گٌله /آغلاما یا مرتضی

اشگیمی ثانی قانه قاتوب
سینمه مسمارِ در باتوب

علی علی مظلوم

گلشن عمروم سولوب
قلبیمه غملر دولوب
غم یمه هرنه اولوب/ آغلاما یامرتضی

دنیادان اَل اوزموشم
من بو حالا دوشموشم
سندن اوتور دوزموشم/ آغلاما یامرتضی

حقیّوی اَلوندن آلدیلار
منی بوگونلره سالدیلار

علی علی مظلوم

من نه دیوم کوچه دن
ثانی ووران سیلی دن
وحشته دوشدی حسن/ آغلاما یامرتضی

کوچه ده هَنگامیه
پاره اولان نامیه
یرده کی گوشواریه /آغلاما یا مرتضی

رخت وصالی تندن سویموشام
یاشاماقدان داخی دویموشام

علی علی مظلوم

قویما بالالارسولا
قلبیلری قان اولا
زلفونی زینب یولا /آغلاما یامرتضی

زینبه وار چوخ بلا
درده سالارنینوا
باغلیه جاق چوخ یارا/آغلاما یامرتضی

زینبی دردوغم چولقالار
کربلایه بیر گون یول سالار

علی علی مظلوم

(بیکس)آدینلی غلام
یازدی بو نوعی کلام
بوردا سوز اولدی تمام /آغلاما یامرتضی‌

لطف ایله بو سائله
یثربه دعوت ایله
سسلیه بو جمعیله/آغلاما یا مرتضی

من یوزی قاره بیر سائلم
ولایِ حیدره قائلم

علی علی مظلوم

• دوشنبه
• 25
• اسفند
• 1399
• ساعت
• 11:40
• نوشته شده توسط
• یوسف اکبری

ای شه ملک ولا
گوزده کی گوز یاشیوا
فاطمه اولسون فدا / آغلاما یامرتضی

فاطمه قبره گیدیر
عالمی ترک ایلیور
سوزباشی تزتز دیور /آغلاما یامرتضی

گویلومده واردی چوخلی ملال
عم اوغلی زهرانی قیل حلال

علی علی مظلوم

باشیمی آل دامنه
دیلده سوزوم وار سنه
غسل ویرنده منه / آغلاما یامرتضی

غسل ویرن وقته سن
اشکیوی چوخ توکمه سن
کوینگیمه دگمه سن / آغلاما یامرتضی

گوزلرون بنذتمه اَبره سن
دردیمی آپارّام قبره من

علی علی مظلوم

حالیوی پوزما بیله
دشمنی قویما گَله
قبریمی گزلین ایله / آغلاما یا مرتضی

غارت اولوب گلشنیم
وردولا قاخمور اَلیم
قبره گیدیم دینجلیم /آغلاما یامرتضی

زحمتیم تاپوبدی خاتمه
فرض ایله یوخیدی فاطمه

علی علی مظلوم

قلبیمی غملر سیخوب
شیونیم عرشه چخوب
ثانی ایویمی یخوب / آغلاما یا مرتضی

یاندی قاپیم ظلموله
صدمه یتوب بلبله
یرده قالان بیر گٌله /آغلاما یا مرتضی

اشگیمی ثانی قانه قاتوب
سینمه مسمارِ در باتوب

علی علی مظلوم

گلشن عمروم سولوب
قلبیمه غملر دولوب
غم یمه هرنه اولوب/ آغلاما یامرتضی

دنیادان اَل اوزموشم
من بو حالا دوشموشم
سندن اوتور دوزموشم/ آغلاما یامرتضی

حقیّوی اَلوندن آلدیلار
منی بوگونلره سالدیلار

علی علی مظلوم

من نه دیوم کوچه دن
ثانی ووران سیلی دن
وحشته دوشدی حسن/ آغلاما یامرتضی

کوچه ده هَنگامیه
پاره اولان نامیه
یرده کی گوشواریه /آغلاما یا مرتضی

رخت وصالی تندن سویموشام
یاشاماقدان داخی دویموشام

علی علی مظلوم

قویما بالالارسولا
قلبیلری قان اولا
زلفونی زینب یولا /آغلاما یامرتضی

زینبه وار چوخ بلا
درده سالارنینوا
باغلیه جاق چوخ یارا/آغلاما یامرتضی

زینبی دردوغم چولقالار
کربلایه بیر گون یول سالار

علی علی مظلوم

(بیکس)آدینلی غلام
یازدی بو نوعی کلام
بوردا سوز اولدی تمام /آغلاما یامرتضی‌

لطف ایله بو سائله
یثربه دعوت ایله
سسلیه بو جمعیله/آغلاما یا مرتضی

من یوزی قاره بیر سائلم
ولایِ حیدره قائلم

علی علی مظلوم

• دوشنبه
• 25
• اسفند
• 1399
• ساعت
• 11:40
• نوشته شده توسط
• یوسف اکبری

زهرا
عم اوغلووی بلایه سالدون
قراریمی الیمدن آلدون
غمون سالار منی ایاقدان
ندن بو تزلیقا قوجالدون

یارالیسان یارالی زهرا

زهرا
اولوم سوزون ایدوبسن ازبز
ای مرتضایه یار و یاور
سن اولماسان بو ایوده زهرا
خراب اولار سرای حیدر

زهرا
قالیبدی غملرون دیلینده
دولاندون اللرون بلینده
عم اوغلووی خانیم حلال ایت
دُویولدون حیدرین اوینده

زهرا
بالالارین سولوبدی گیتمه
غمیله دل دولوبدی گیتمه
ای مرتضی نین غمگساری
بیزه اولان اولوبدی گیتمه

زهرا
یانان قاپینی بیر چالان یوخ
سندن صورا منه قالان یوخ
مدینه ده ایله غریبم
سلامیمی منیم آلان یوخ

زهرا
علی خجالت اولدی سندن
یوزوی دوتما سنده مندن
جهان منه اولوبدی زندان
ثانی عیالیمی دُویندن

زهرا
غریب و (بیکَسم) بولورسن
ایوای منه نه تز ئولورسن
غمیم چیخار یادیمدان اما
گورسم خانیم گینه گولورسن

• دوشنبه
• 25
• اسفند
• 1399
• ساعت
• 11:46
• نوشته شده توسط
• یوسف اکبری

ای گوزومون ضیاسی زهرا
زینبیمین آناسی زهرا
ای ایویمین صفاسی زهرا
بیله گیتمه

بالالارون سولوبدی غمدن
نه تز دویدون بالان حسندن
حسین کی دویمیوبدی سندن
بیله گیتمه

قُلّه ی رنج و درده فاطمه آز عَلَم وور
دور یاپیشیم اَلوندن بیر آز ایوده قدم وور

ایوای یارالی زهرا/ باشی بلالی زهرا

دریای غمده یوخ کَرانه (ساحل)
هردم دوتار اورک بهانه
علی نی قویما یانه یانه
بیله گیتمه

اورکده واردی مین شراره
مشکل گشایه یوخدی چاره
قان ویروری سیننده یاره
بیله گیتمه

زهراعم اوغلووی سن غریبه درده سالدون
مدینه اهلی یوردی زهرا نه تز قوجالدون

بو نچّه گون ایشون نوادی
زهرا ایویم ماتم سرادی
سینن قولون هَله یارادی
بیله گیتمه

اوره گیمی اُیوب گیدورسن
علی نی تک قویوب گیدورسن
اولما مندن دویوب گیدورسن
بیله گیتمه

بو آیریلیق غمینده یارالی قلبی
سیخما
(بیکَس) دی بو عم اوغلون گیتمه ایویمی یخما

• دوشنبه
• 25
• اسفند
• 1399
• ساعت
• 11:50
• نوشته شده توسط
• یوسف اکبری

باشیمی بو سون نفسیمده گل
آل اوزون کناره عم اوغلی جان
سنه آز زمان قوناقام چکور
اورگیم شراره عم اوغلی جان

ئولورم علی////گیدیرم علی

نچه خواهشیم وار حضوریوه
لطفیله اگر ایله سن قبول
اوّلاً بودور مرگ فاطمه
قویما خاطیرون ایله سین ملول
فرض ائله ازلدن یوخیدیم هیچ
، هیچ یارانمیوب دخترِ رسول
آغلاسان اوشاخلاردا آغلییر
رحم ائله بو زاره عم اوغلی جان

بو مدینه اهلی که باعثِ
بو جفائيله خَفَقاندیلار
نه خدادن ائتدیله بیر حیا
نه پیمبریندن اوتاندیلار
نه گناهیله منی دؤیدولر
سنون حقّیوی بئله داندیلار
سنون ائوده قالماقون اوت وورور
منِ بی قراره عم اوغلی جان

بولورم که واقف سرّیسن
اودی هر سوزی دئمدیم سنه
قیدنده کوچه ده روبرو
من اوگونکی چخدیم او دشمنه
صول الین آپاردی گویه او دم
ایلیوب جسارتی تا منه
دیمورم نه اولدی ولی قالوب
یرده گوشواره عم اوغلی جان

لحظات آخر عمردور
بولورم بو مطلبی من اوزوم
سنه چوخ سوزی دییه بولمدیم
بو اورکده قالدی منیم سوزوم
وئر اجازه معجریمی آچیم
ایله یاخجی گورموری صاق گوزوم
ولی شرطی وار دوزه سن گرک
باخاسان عذاره عم اوغلی جان

بو فراق اوتون که آلیشدیریب
ستمیله دشمنیوین اَلی
آییریر اجل بیزی حیف اولا
سنی تک قویوب گدیرم علی
گدیرم مزاریده دینجلم
سنه زحمتیم چوخ اولوب ولی
اوزووی بئله غمه سالما چوخ
داخی یوخدی چاره عم اوغلی جان

خسته جسمیمین دفن و کفنینی
نصف شب اوزون ایله جا به جا
لیک غسل ائدنده اجازه ویر
کهنه کوینییم جسمیده قالا
قورخورام سنی آغلادا علی
پیکریمده کی گوینیین یارا
قبریدن آپاررام شکایتون
محضر نگاره عم اوغلی جان

نازینی اؤزون چک بو قیزلارون
قویما گوزلری اشگیله دولا
کوچه ده او گون قوخدی چون حسن
قویما عارضی گول کیمی سولا
وار حسینیمه بیر مسافرت
وای او گونکی بوردان دوشر یولا
نصف شب پریشان بالالارین
باغلییر قطاره عم اوغلی جان

من نجه شهید اولدی محسونوم
یانمیشام شرار جفائیله
بو حسین ولی امتحان ویرر
بیر سوسوز قالان شیرخواریله
سو یرینه قان ایچدیرر اونا
حرمله او گون جور خاریله
(بیکَس) اوغلوم اوندا گزر چولی
الده شیرخواره عم اوغلی جان

• دوشنبه
• 25
• اسفند
• 1399
• ساعت
• 11:55
• نوشته شده توسط
• یوسف اکبری

گوز آچ ای مدینه صفاسی
بیله یاتما عصرین زمانی
عم اوغلون غریب اولدی زهرا
اوجالدیب فغانی

سن سیز علینون چخار عرشه افغانی گیتمه
گیتمه ایویندن خراب ایتمه دنیانی گیتمه
گل فاطمه قویما یالقیز بو نالانی گیتمه
نولور گل حسین جانی گیتمه

ایوای یارالی یارالی یارالی یارالی(۴)
یارالی /یارالی

بالالار هله چوخ کیچیکدی
ایووندن نیه تز گیدورسن
یوروب اهل یثرب نیه بس
بیزی ترک ایدورسن

دشمن الینده دویولدی دل آرا حبیبیم
بیمار عشقم اوزون گَل منیم اول طبیبیم
زهرا غریبم جهاندا غم اولدی نصیبیم
منیم ای یارالی طبیبیم

علینی حلال ایله زهرا
کی سندن اولوبدی خجالت
بولورسن کی مأمور صبرم
گل ایتمه شکایت

چوخدور گلایم سنی بو ملاله سالاندان
ظلمیله اوز حقّیوی ثانی الدن آلاندان
دوشدون ایاقدان قاپیم ظلم اوتوندان یانداندان
اَل اوزدون اوگون سن بالاندان

غمون حیدری سن بولورسن
ایاقدان سالار فاطمه جان
علی (بیکَس)و بی مُعیندی
منی قویما حیران

سنسیز بو شهر ایچره حیدر قالار زار و تنها
دوتسون یرون زینبون صبر ایله گیتمه زهرا
نه سن دویوبسان نه بیز سندن ای روح طاها
بیله گَل وفا رختی سویما

• دوشنبه
• 25
• اسفند
• 1399
• ساعت
• 11:58
• نوشته شده توسط
• یوسف اکبری

زینبی ترک ایدوب هارا گیدیرسن
آنا سیننده وار یارا گیدیرسن

گوزلریمدن /گل اوزون سیل/اشک آلی

جان یارالی.جان یارلی.جان یارالی

داد و افغان اولا دشمن الیندن
دویماز هیچ کس آنا بیله اِئلیندن
نصف شب مسافر،چخماز ایویندن

زینبوندن/دوشدون آخر/سن آرالی

جان یارالی.جان یارلی.جان یارالی

یاندیرار نسگیلون اهل جهانی
سنی درد و غمه سالوبدی ثانی
گُل یوزونده قالوب سیلی نشانی

عالم ایچره/یوخدی سن تک/بیر بلالی

جان یارالی.جان یارلی.جان یارالی

قال آنا سینه سین داغلیه زینب
بیر دویونجا سنه آغلیه زینب
سینه وین یاره سین باغلیه زینب

جان ویرینجه/زینبین وار/چوخ ملالی

جان یارالی.جان یارلی.جان یارالی

عرشه اوج ایلیوب شرار آهون
تز آغاردی آنا زلف سیاهون
آستانن اولوبدی قتلگاهون

سینه ن اولدی /میخ دردن/چون یارالی

جان یارالی.جان یارلی.جان یارالی

زینبی فرقتون سالار بلایه
غم هجوم ایلیر بو بینوایه
لااقل گل آنا سن کربلایه

باغلینده/بیر طنابه/هر غزالی

جان یارالی.جان یارلی.جان یارالی

زینبین حالی چوخ یاماندی گیتمه
سرو قدّون آنا کماندی گیتمه
(بیکَسوخ)رحم ایله اماندی گیتمه

بو یتیمه /یولداش اولدی/غملی حالی

جان یارالی.جان یارلی.جان یارالی

• دوشنبه
• 25
• اسفند
• 1399
• ساعت
• 12:04
• نوشته شده توسط
• یوسف اکبری