اشعار ترکی حضرت فاطمه زهرا(س)

ای منیم نگاریم ای دختر طاها
نه یاتیبسان اویان ای سرو دل آرا
رحم ایله گوز یاشیما ،تکدی عم اوغلون
گوزون آچ یاتما اذان وقتیدی زهرا

عم اوغلووی گوزوندن آتما زهرا
آدامسیزام اماندی یاتما زهرا

اویان اویان اویان اویان یا زهرا

یثرب ایچره کمکیم یوخدی عزیزیم
اولموسان فاطمه جان سن اشکریزیم
یاوریم یوخدی غریبم بیله یاتما
دیوم آخیر کیمه من ئولدی مریضیم

اورک یانیر بو نسگیله زهرا جان
کی دردیوه ایدنمدیم من درمان

اویان اویان اویان اویان یا زهرا

اوت ووراندا قاپیما اهل عداوت
پشت درده چوخ اولوب جرم و جنایت
سن اوگون دوشدون ایاقدان منه خاطر
یوزوه باخماقا قویمازدی خجالت

قاپی دالیندا سن دایاندون زهرا
گلنده من ولی اوتاندون زهرا

اویان اویان اویان اویان یا زهرا

نچّه آیدی ایشون آهیله فغاندی
علّتی سینه ده کی دردِ نهاندی
او دَرین یاره هَله توختامییبدی
وای منه پیرهنون اینیده قاندی

دایان بیر آز بو منزلی ترک ایتمه
یارالارون دوزلمییبدی گیتمه

اویان اویان اویان اویان یا زهرا

حیدری قویما بیله بیکس و تنها
دیلده چوخدی سوزوم ای بضعه ی طاها
گیدیسن دردیمی بس کیمه دیوم من
(بیکَسم) رحم ایله بو حالیمه زهرا

چخار گویه عم اوغلوون افغانی
اویان خانیم سنی حسینین حانی

اویان اویان اویان اویان یا زهرا

• چهارشنبه
• 27
• اسفند
• 1399
• ساعت
• 21:44
• نوشته شده توسط
• یوسف اکبری

فاطمه یوخدی منیم دردیمی بیر کیمسه بولن
حیدرین حالینه وار، شهریده بیر عده گولن
چوخونون ناخوش اولار، ایوده عیالی بولورم
گورمیوب کیمسه ولی ظلمله سن تک دویولن

فاطمه آچ گوزووی یاتما بیله نازیله سن
او شیرین دیلریله بیرجه دانیش گل دیله سن
بولوسن تکدی علی، ای کمکیم یاتما اویان
اشکیم آخدیقجا یوزه کاش اونی زهرا سیله سن

اورکلنوب دیدی آخر/ عم اوغلووام زهرا
بو سوزده جوشه گلوبدور / وفاسی زهرانون
گل عم اوغلی باشیمی آل دیزیوه
توکمه گوز شبنمیوی گول یوزووه
آیریلیق دوزدی چتین مرحله دی
آغلاما فاطمه قوربان گوزووه
علی علی مظلوم

فاطمه سنله او خوش گونلریمیز گیتدی هارا
یوخودی منزیلیمون مثلی، هامی عالم آرا
حیف اولا خوش گونومون عمری آز اولدی یارالی
حیدرین دارو نداری یخیلوب جسمی یارا

مرتضی قدّینی بوکدی غمون ای فاطمه جان
یخدیلار حیدر ایوین، شغلوم اولوب آه و فغان
گوزیاشیم گوزدن آخور واردی دلیلی بولوسن
سنی مندن آیریب صورتیوه سیلی ووران

سیلیبدی فاطمه اشکین/ او یاره لی اَلیلَن
دییَردی دردینی زهرا / یانیقلی سوزلریلَن

بزم خلوتگه یاره گیدورم
دیلخوشام وصل نگاره گیدورم
حیف اولا سینه ده یاره گیدورم
آغلاما فاطمه قوربان گوزوه
علی علی مظلوم

فاطمه قلبیمی نار غمیله داغلامیسان
آلیشاندان قاپیمیز ناله ایدوب آغلامیسان
میخ در اولدی سبب سینه وی مجروح ایلدی
یاراوی چوخ گیجه لر گیزلین آچوب باغلامیسان

دیمه بیرده بالالار فاطمه فاطمه سنسیز گوله جاق
زینبین نازینی سندن صورا بس کیم چکه جاق
قلبیمی نسگیل اودی شعله وروب یاندیریری
کیم حسینه گیجه لر ایستسه سو، سو ویره جاق

دیدی عم اوغلی حسینین/ گوزی دولا قویما
یاتلندا سو ویر حسینه/ عطشان قالا قویما

سینم اوسته من حسین بسله میشم
سسلینده آنا جان سسلمیشم
بیلمورم خولیه من نیله میشم
آغلاما فاطمه قوربان گوزووه

علی علی مظلوم

• چهارشنبه
• 27
• اسفند
• 1399
• ساعت
• 21:55
• نوشته شده توسط
• یوسف اکبری

اَماندی زهرا آچ گوزووی
عم اوغلووام من دِه سوزووی

زهرا
واریمدی الفتیم منیم سَنلن
ایویمی یخما بیر دانیش مَنلن

اَماندی یومما گوزلرون زهرا

زهرا اویان اویان عم اوغلووام زهرا

غم جهانی چکدی حیدر
مدینه ایچره تکدی حیدر

زهرا
سندن صورا نجه یوزوم سولماز
سلامیمی داخی آلان اولماز

اَماندی یومما گوزلرون زهرا

زهرا اویان اویان عم اوغلووام زهرا

اورکده دردیم سانه گَلمز
نجه عم اوغلون جانه گَلمز

زهرا
هجوم ایدن زمانیده دشمن
یخیلموسان قاپی دالیندا سن

اَماندی یومما گوزلرون زهرا

زهرا اویان اویان عم اوغلووام زهرا

چکور شراره سینه غمدن
تَلَسمه زهرا گیتماقا سن

زهرا
غملر علینی دوره لر گیتمه
مدینه اهلی دینجَلر گیتمه

اَماندی یومما گوزلرون زهرا

زهرا اویان اویان عم اوغلووام زهرا

• چهارشنبه
• 27
• اسفند
• 1399
• ساعت
• 21:58
• نوشته شده توسط
• یوسف اکبری

یا مرتضی /یتیشوب هجران
توکمه گوز یاشون
سنه من قربان

افتخاریمدور جهاندا، سنه من یاورم
نه قَدَر اینجیتسه دشمن، سندن اَل چَکمرم

بیر تَبَسّمون /دَگَر عالمه
بیله فکر ایله /یوخدی فاطمه

آغلاما علی 4

دویمامیشام/اوز ایویمدن من
نه بالالاردان
نه علی سندن

ویر اجازه مَحضروندن، گیدیم ای مُقتدا
گَل بتولی حَلال ایله، سنه زهرا فدا

باتاجاق ایویم/غَم و ماتَمه
بیله فکر ایله /یوخدی فاطمه

آغلاما علی 4

دیلده قالدی/غم و آلامیم
بو نچه آیدا
یوخدی آرامیم

باغلیندن قوللاریوی، دوشموشم درده من
بَسترِ مَرگیمدی بوردان، دورمارام بیرده من

ویرسه لر خبر/ئولدی فاطمه
بیله فکر ایله /یوخدی فاطمه

آغلاما علی 4

ممکن اولسا/ای کَرَم کانی
گجه دفن ایله
نعشِ زهرانی

قاپیمی یاندیران ظالم، دفنیمه گلمه سین
فاطمه قبرینین حتّی، یرینی بولمه سین

توپراقی اوزون/ توکسَن اوستومه
بیله فکر ایله /یوخدی فاطمه

آغلاما علی 4

قلبیم یاندی/جورِ دشمندن
گیدوری زهرا
نگران سندن

عالَمین سنسن پناهی، بولمیوب اُمّتون
یارالاریمدا دوزَلسه، ئولدورر غُربَتون

قوی من آغلییم/بسدی غَم یِمه
بیله فکر ایله /یوخدی فاطمه

آغلاما علی 4

• چهارشنبه
• 27
• اسفند
• 1399
• ساعت
• 22:03
• نوشته شده توسط
• یوسف اکبری

یاتما ای بلبل گلشن/اوره گیم آلیشدی غمدن
بیله یوز دوتما علیدن/فاطمه عم اوغلووام من

دور نازیله یاتما بیله
دورمنی آغلاتما بیله
دورگون کیمی باتما بیله
دور یانیرام من

یاتما ای خسته نگاریم/قالمیوب صبرو قراریم
سنه دیلخوشام بولورسن/اویان ای وفالی یاریم

دور چوخدی دیلده محنیم
دورکمگیم یوخدی منیم
دور قویما سولسون چمنیم
دور یانیرام من

ای پرستوی مدینه/ سنی یوردی اهل کینه

یوخ دوزوم فراقه گیتمه/ رحم ایله بو دل حزینه

دور گورنجه غصّه لیم
دور من عم اوغلون علیم
دور قویما اشکی اَلیم
دور یانیرام من

روبه قبله یاتما راحت/یوخدی دیلده تاب و طاقت
قاپیمیز اَلولاناندان/سندن اولوشام خجالت

دور مندن اوز دوتما بیله
دور قویما قدّیم بوکوله
دور دم غنیمتدی هله
دور یانیرام من

(بیکَسم) ای گُل طاها/سنی دیلدن سالیب اعدا
آل قوجاقه بو حسینی/آز قالور جان ویره زهرا

دور بالالار قویما سولا
دور قویما غم قلبه دولا
دور دردیمه یوخدی دوا
دور یانیرام من

• چهارشنبه
• 27
• اسفند
• 1399
• ساعت
• 22:11
• نوشته شده توسط
• یوسف اکبری

خانم یا فاطمه ای عالمه دلبر
عزیز مصطفی ای حامی حیدر
بیزه درس ولایت ایلدون تعلیم
نجه ماموم امامیندان دفاع ایلر
غم عشقه گرفتاروق/خانم لطف ایت عزاداروق

مقامون فوق درکیمدور گل زیبا
اورکدن سسلرم یا حضرت زهرا (س)
[[ملک سیما گل طاها اولوب وردیم آنا زهرا]]

غمونده روز وشب من ایلرم شیون
منه دائم عنایت ایلیوبسن سن
یوزی قاره غلامم آستانوندا
اوشاقلیقدان قاپوندا ریزه خوارم من
منه سنده عنایت قیل/قیامتده شفاعت قیل
سنه گوز تیکمیشم ای دختر طاها
اورکدن سسلرم یا حضرت زهرا(س)

[[ملک سیما گل طاها اولوب وردیم آنا زهرا]]

خانم سن یار حیدر جان طاهاسن
بتول و مرضیه صدیقه زهراسن
جهاندا کیمسه چاتماز بو مقاماته
فقط زهرا اوزون ام ابیهاسن
گل احمد عزیزجان/سنه جانلار اولا قربان

طفیلی دور سنه دنیا و مافیها
اورکدن سسلرم یا حضرت زهرا س

[[ملک سیما گل طاها اولوب وردیم آنا زهرا]]

خانم سن مظهر خلاق سبحانسان
مقام قربده تالی قرآنسان
وقار و شأنوی اولماز سایام زهرا(س)
بو بسدور مادر شاه شهیدانسان
خانم سنسن کرم کامی/بیزی قووما حسین جانی
بیزه هرگون اولوبدور یوم عاشورا
اورکدن سسلرم یا حضرت زهرا س
[[ملک سیما گل طاها اولوب وردیم آنا زهرا]]

جلال و شوکتون کیمسه یازا بولمز
سنه عاشق اولان دیل هیچ زمان ئولمز
بوعاشقلر سنه ایندی دوتوب ماتم
گلنده فاطمیه یوزلری گولمز
بهار ابری اولوب گوزلر/هامی دیلدن سنی سسلر

خانم قلبیم غمونده ایلیور غوغا
اورکدن سسلرم یا حضرت زهرا س

[[ملک سیما گل طاها اولوب وردیم آنا زهرا]]

یگانه گوهر کنز حیاسن سن
علاجی اولمیان درده دواسن سن
سنون مثلون بو دنیایه گله هیهات
جهاندا مظهر لطف و صفاسن سن

خانم سن سن گل بی خار/سنی یوردی درو دیوار
بیله گل گورمیوبدور گلشن دنیا
اورکدن سسلرم یا حضرت زهرا س
[[ملک سیما گل طاها اولوب وردیم آنا زهرا]]

جهاندا درد و غمدن اولمادون آزاد
آلوبدی حقیوی بیرکینه جو شیّاد
اوگون (بیکَس) قالیبسان ای گل طاها
قاپیوی یاندیریب ثانی بد بنیاد

اوگوندن سن مریض اولدون/قیزیل گل تک نه تز سولدون

قولوندا یاره لر یاده دوشر ای همسر مولا
اورکدن سسلرم یا حضرت زهرا س
[[ملک سیما گل طاها اولوب وردیم آنا زهرا]]

• چهارشنبه
• 27
• اسفند
• 1399
• ساعت
• 22:17
• نوشته شده توسط
• یوسف اکبری

تضمین یک بیت از «مرحوم دخیل»

ندن بو دور جهان اولمادی او گونده خراب
وصی احمده جرأت تاپاندا اهل عذاب
ید یداللهی اعدا ائدنده بند طناب
ائدردی فاطمه آغلار گوزیله بیله خطاب
((یارالی قلبیمی محنت اودیله داغلامیون
بونون بو قوللاری خیبر آچوبدی باغلامیون))

بو قدر ظلم و ستم ائتمیون دورون دایانون
نه خوابدور بو یاتوبسوز اماندی بیر اویانون
عم اوغلومون داخی آز حقینی بو گونده دانون
آپارمیون باش آچوخ مسجده بونی اوتانون
((یارالی قلبیمی محنت اودیله داغلامیون
بونون بو قوللاری خیبر آچوبدی باغلامیون))

مگر بو نوع سیزه تاپشوروبدی پیغمبر
بیزه اذیت ائدورسوز ایا گروه کفر
جفادن ال گوتورون نیلیوب سیزه حیدر
بو مرتضادی قیامتده ساقی کوثر
((یارالی قلبیمی محنت اودیله داغلامیون
بونون بو قوللاری خیبر آچوبدی باغلامیون))

گر اولماسیدی عم اوغلوم علی ولی الله
دیردی دهرده کیم لا اله الا الله
بونون قرار دوتوب قبضه سینده سیف الله
نه باعث اولدی که اولدوز بو نوعیله گمراه
((یارالی قلبیمی محنت اودیله داغلامیون
بونون بو قوللاری خیبر آچوبدی باغلامیون))

سبب ندی که بو نوعی جسارت ایله موسوز
پیمبرین قاپوسیندا نه کثرت ایله موسوز
عجب پیمبرین امرین اطاعت ایله موسوز
عم اوغلومی بیله بی صبر و طاقت ایله موسوز
((یارالی قلبیمی محنت اودیله داغلامیون
بونون بو قوللاری خیبر آچوبدی باغلامیون))

پیمبر ئولدی یتیشدوز زمانه ده کامه
عزالی عترتینی سالموسوز بو گون دامه
گوزومده گوندوزی دوندرمیون بیله شامه
آپارمیون بونی سیز بی لباس و عمامه
((یارالی قلبیمی محنت اودیله داغلامیون
بونون بو قوللاری خیبر آچوبدی باغلامیون))

شرار ظلمیله سیز مهر و ماهی یاندوردوز
جفائیله نه بو تک بارگاهی یاندوردوز
وئروبسوز اود بو گون عرش الهی یاندوردوز
بو حیدرین گوروسوز یوخ پناهی یاندوردوز
((یارالی قلبیمی محنت اودیله داغلامیون
بونون بو قوللاری خیبر آچوبدی باغلامیون))

عذاره ایله «علومی» سرشگوی جاری
قیامتین گونی زهرادی چون خریداری
نه دل نشیندی «دخیلون» بو غملو اشعاری
((یارالی قلبیمی محنت اودیله داغلامیون
بونون بو قوللاری خیبر آچوبدی باغلامیون))

• پنج شنبه
• 28
• اسفند
• 1399
• ساعت
• 13:10
• نوشته شده توسط
• یوسف اکبری

یابن العسکری گل آنون فاطمه عزاسینه
قات نوالرون شیعه نون ناله و نواسینه
بوغم ومحنده شیعه سینه داغلیور
وای آنادیورعذاره اشکی باغلیور
زهرازهرا،،،یافاطمه،،زهرازهرا

فاطمیه دی شیعه لرسسلنریافاطمه
اشکیلن دولوب دیده لرسسلنر
یافاطمه
فاطمه آدی اوره کلره صفاوئرر
خسته دللره صفاوئررقواوئرر
زهرازهرا،،،یافاطمه،،،زهرازهرا

فاطمه خانیم خلقت عالمه بهانه دی
خلقتی اونون شاهکارِحقِ یگانه دی

گلسه آدی هرزمان ملک قیام ائده ر
انبیا تواضعیله احترام ائـــــده ر
زهرازهرا،،،،یافاطمه ،،،زهرازهرا

مخالف

دخترنبی ،،،،،، نورمنجلی
گوهرشرف،،،،،یاورعلی
شرف وئروب بوخانیم عالمه
ملیکه دور هاجر و مریمه
شانینه قالمیش فلک حیران
شیعه لراولسون اوناقربان
زهرازرهرا،،،یافاطمه،،،زهرازهرا

مرحباخانیم فاطمه،حیدرون نگارینه
جانینی فداایلدی یار گل عذارینه
سسلدی فدایی مرام حیدرم
مرتضایه هرغم ومحنده یاورم
زهرازهرا،،،یافاطمه،،زهرازهرا

سسلدی جانیم،،،،،حیدره فدا
عمری ایلرم،،،،رهبره فدا
بویولداگرقانیمی توکسه لر
وَ یامنی مین یول ئولدورسه لر
چکمرم ال بو مرامیمدن
حافظ اولّام من امامیمدن
زهرازهرا،،،یافاطمه،،،زهرازهرا

سسلدی علی فرقته آز غم وملال ائله
سن حسینیمون جانی زهرانی گل حلال ائله
اولمادی اگر،دَیَرلی خدمتیم سنه
بو اوچ آی ولی چوخ اولدی زحمتیم سنه
زهرازهرا،،،یافاطمه،،،زهرازهرا

غملی سینه نی ،،،،،داغلادون علی
آغلیاندامن ،،،،،،،، آغلادون علی
علی سنی ترک ائدور فاطمه
مزاره غملی گئدورفاطمه
اول مواظب نورِعینیمدن
ایلمه غفلت حسینیمدن
زهرازهرا،،،یافاطمه،،،زهرازهرا

• پنج شنبه
• 28
• اسفند
• 1399
• ساعت
• 13:17
• نوشته شده توسط
• یوسف اکبری

پیک رحمت خبرآورده
غم وغصه ازدلابرده
نباشه کاش باقدوم زهرا
الهی هیچ دلی آزرده
لباخندونه،دلامجنونه
قناری ترانه میخونه
توباغ جنت ،فرشته شاده
داره عاشقانه میخونه
مددیازهرا۳سیدتی یازهرا

مدینه بازغرق نوره امشب
میباره ازآسمون کوکب
میدن عیدی به عشق مادر
حسن وحسین وهم زینب
تموم دنیاغزل میخونن
سردادن نغمهٔ یازهرا
نوای شادی،زعرش اعلا
پیچیده توهمهٔ دنیا
مددیازهرا۳.....

رولبای حضرت پیغمبر
جاریه آیه های کوثر
میادامشب به دنیازهرا
به خداعیدی میده حیدر
علی دلداره علی سالاره
منتظربرسرراه یاره
برا زهرا ازلبای حیدر
حرف عشق غزل غزل میباره
مددیازهرا....

ترکی

بزنوبدورعالم ومافیها
بنزیوبدی جنته دنیا
غم ومحنت کوچ ائدوب دللردن
گوزآچوبدی عالمه زهرا
آچیلدی گللر،،سویوندی اِئللر
اوخورعاشقانه بلبللر
بهاران گلدی،بزندی جنت
نازل اولدی عالمه کوثر
مددیازهرا....

خان نعمت چون آچوبدورخاتم
قاپوسیندااگلشوب حاتم
اهل عشقه پای ویرورپیغمبر
گوزتیکوبدی لطفینه عالم
گوزآچدی زهرا،سووندی دنیا
عیدیانه بذل ائدورطاها
نه دردون اولسادئنن یاحیدر
دردووه چاره ائدرمولا
مددیازهرا....

• جمعه
• 29
• اسفند
• 1399
• ساعت
• 11:46
• نوشته شده توسط
• یوسف اکبری

میخونن فرشته ها دلبردنیااومده
همگی مژده میدن حضرت زهرااومده
هرکسی که بیماره*یا به سینه غم داره
دامن مولابگیره ذکریارهرابگیره
یازهـــــــــــــــرا یازهـــــــــــــــــرا
اومدکوثرقرآن،،،،اومد اُسوهٔ ایمان
واکن دست گدایی که عیدی میده جانان
سرراش گل بریزیددخت پیمبراومد
همسرحیدراومد
تهنیت بگیدبه مهدی روزمادراومد
دردوغمش سراومد
مددی یافاطمه۲

عاشقاشادی کنیدگوهرنایاب اومده
شعرشادی بخونیدمادرارباب اومده
هرکی کربلا میخواد گنبدطلامیخواد
دامن مولابگیره ذکریازهرابگیره
یازهـــــــــــرا یازهــــــــــــــــرا
پیچیدعطرگل یاس
اومدمادراحساس
واکن دست گدایی
که عیدی میده عباس
سرراش گل بریزیددخت پیمبراومد
همسرحیدراومد
تهنیت بگیدبه مهدی روزمادراومد
دردوغمش سراومد
مددی یافاطمه ۲

ترکی

تهنیت شیعه لره یکسره دنیابزنوب
تک نه دنیابوگئجه عرش معلابزنوب
گلدی دریای ادب٭خلق دنیایه سبب
فلک دیوریافاطمه
ملک دیوریافاطمه
یازهــــــــرا یازهــــــــــــــــرا
اوخورنغمه ملکلر
فرحلندی اوره کلر
دنن شیعه مبارک
گلوب یاورحیدر
مددی یافاطمه۲

هرکیم ایستوربوگجه عزت داداری گوره
بوگئجه موهبت ورحمت سرشاری گوره
باخسون عرش اعظمه
یازیلوب یافاطمه
فلک دیوریافاطمه
ملک دیوریافاطمه
یازهــــــــــــرا یازهــــــــــــرا
گلوب حقون عطاسی
پیمبرون بالاسی
حسینچیلراولون شاد
گلوب عشقون آناسی
تهنیت عالمه نوباوهٔ طاهاگلوب
ام ابیهاگلوب
جبرئیل گویده دیورعصمته مظهردی بو
همسرحیدردی بو
مددی یافاطمه ۲

• جمعه
• 29
• اسفند
• 1399
• ساعت
• 11:48
• نوشته شده توسط
• یوسف اکبری

گلِ یاسِ من،گُلِ طاها/نَرو زهرا، نَرو زهرا
نزار حیدرُ، تک و تنها /نَرو زهرا، نَرو زهرا

چشماتو وا بُکُن، بده به من جواب
ای سکینه یِ، دلِ اَبوتُراب
فاطمه بِری، میشم خونه خراب
عزیزِ جونم

از بابات بَرام، آخه نِشونی تو
کاش میشد خانم، یه کَم بمونی تو
یارِ خسته ام، هنوز جَوونی تو
عزیزِ جونم

علی ناله سین، گَل اوجاتما/بیله یاتما بیله یاتما

منی فاطمه، گوزدن آتما/بیله یاتما بیله یاتما

فاطمه یاتما، بو گون باتان زمان
ای شهریده، علینی تک قویان
آچ گوزلرون، عم اوغلووام اویان
دوزَنمیرم من

نچّه آیدی کی، غَم و نَوالیسان
درد و غمدن، باشی بَلالیسان
گیتمه زهرا، هَله یارالیسان
دوزَنمیرم من

علی ناله سین، گَل اوجاتما/بیله یاتما بیله یاتما

منی فاطمه، گوزدن آتما/بیله یاتما بیله یاتما

غُصّه و محنت، آلوب قراریمی
سولدوروبلار، گُلِ بَهاریمی
ثانی ووردی، ایویمده یاریمی
کیمه دیوم من

قلبیمی زهرا، بو غملی سوز دوتور
اَبرِ محنت، یاغاندا گوز دوتور
یاریم مندن، ایویمده اوز دوتور
کیمه دیوم من

علی ناله سین، گَل اوجاتما/بیله یاتما بیله یاتما

منی فاطمه، گوزدن آتما/بیله یاتما بیله یاتما

رَحم ایله زهرا، اَماندی (بیکَسم)
سندن تـِزدی، عَلاقه می کَسَم
زنده قالسام، سَنیله ئُولمه سَم
چتیندی هجران

هجرانوندان، دولار بالالارون
باشدا زلفون، یولار بالالارون
گیتسن زهرا، سولار بالالارون
چتیندی هجران

علی ناله سین، گَل اوجاتما/بیله یاتما بیله یاتما

منی فاطمه، گوزدن آتما/بیله یاتما بیله یاتما

• یکشنبه
• 1
• فروردین
• 1400
• ساعت
• 13:39
• نوشته شده توسط
• یوسف اکبری

سالموسان دیلدن منی، یافاطمه آچگوزلرون
دور علی سَسلور سنی، یا فاطمه آچگوزلرون

من عم اوغلون حیدرم، باخ بیر پوزولموش گُلشنه
سَن خدا ناکرده ئولسَن، وای منه ایوای منه

(یارالی زهرا
تاپشوردوم آللهه سنی
یارالی زهرا
سنده حلال ایله منی)

گورمه میشدیم هیچ اذان وقتی بیله خواب ایتموسن
باخ علینی گور نجه هجرونده بیتاب ایتموسن

اینجیدون حیدر ایوینده حَقلیسن گوز آچماسان
طایرِ روحون اوچوب، یوخسا گونوز سن یاتماسان

عالَمه مشکل گُشایم مشکله دوشدوم ولی
ئولماقون زهرا نجه ایندی خبر ویرسین علی

گیتماقون ایودن منی گور دَرده سالدی فاطمه
حیدرین یخدون ایوین چاره م آزالدی فاطمه

هر وصیّت ایتموسن اود وورموسان جان و دیله
صبحه تک قان آغلاسام. هیهات دردیم اَسگیله

کیم بو تزلیقدا سنی مَرگه هم آغوش ایلیوب
کیم گِجِیله یارینی گیزلین کفن پوش ایلیوب

سو دَگوب زلفون پریشان اولسا زهرا نیلیوم
قیزلارون زلفون گورَنده یولسا زهرا نیلیوم

غسل ویرسَم ده سنه، زهرا نجه دفن ایلیوم
اَل چَکوم سندن نجه، زهرا گجه دفن ایلیوم

من نجه زهرا باخوم، بو پیکَرِ بیماریوه
من نجه توپراق توکوم سیلی دَگَن رخساریوه

قورخوری حیدر جهاندا، زنده قالسین فاطمه
کاش اَجَل گَلسون علینون جانین آلسین فاطمه

• یکشنبه
• 1
• فروردین
• 1400
• ساعت
• 14:26
• نوشته شده توسط
• یوسف اکبری

یاسِ کَبودِ من تویی / زهرا
ذکرِ سرودِ من تویی / زهرا
بود و نبودِ من تویی / زهرا
چِشاتو وا کُن2

تو مدینه غریبم و / تنها
پُر شده سینم از همه / غمها
منم علی، منم ببین / زهرا
چِشاتو وا کُن2

(زهرای من، زهرای من/زهرا)
غریبه حیدر2

باغ و بهار منن تویی / زهرا
مَحرَم و یارِ من تویی / زهرا
دار و نَدارِ من تویی / زهرا
عزیزِ جونم2

ببین تو حالِ حیدرو / زهرا
جَوونی تو بِمون نَرو/زهرا
ببین تو چشمایِ تَرو /زهرا
عزیزِ جونم2

سَندنصورا یوخ همدمیم /زهرا
باشدان آشوبدی غم لریم /زهرا
جاندان دویوبسان مَحرَمیم/زهرا
گیتمه اَماندی2

حیدر ایوین یخما بیله /زهرا
گَل وورما اود، جان و دیله/زهرا
گیتمه اَماندی صبر ایله /زهرا
گیتمه اَماندی2

گیتمه یارالی مَحرَمیم / زهرا 3
گیتمه اَماندی2

سَندنصورا یوخ حیدرین / یاری
گوز یاشیمی ایتدون یوزه / جاری
آچ گوزلَرون باخ حالیمه / باری
حالیم یاماندی2

ای یاوَریم گیتمه منی / آتما
خونِ دیلی گوز یاشیما / قاتما
زَهرا اذان وقتی بیله / یاتما
حالیم یاماندی2

دنیا نه تِز مندن سنی / آلدی
گُلزاریمه بادِ خَزان / سالدی
زهرا بالالاریم یتیم / قالدی
اَشکیم رَواندی2

اَحوالیمی هیچ کیم منیم / بولمور
یَثربده زهرا جان یوزوم / گولمور
خیبر یخان حیدر دورا / بولمور
اَشکیم رَواندی2

گیتسن نجه زهرا یوزوم / سولماز
درد و بلالَر قلبیمه / دولماز
بوندانصورا بیر خوش گونوم / اولماز
شغلوم فَغاندی2

دوشدون اَیاقدان فاطمه / غمدن
گیزلَتموسن اوز دَردیوی / مندن
شرمنده اولدی مرتضی / سندن
شغلوم فَغاندی2

اَهلِ سَقیفه دین ایوین / یخدی
یاندی قاپی توستی گویه / چیخدی
دیوار و دَر زهرا سنی / سیخدی
فوقِ بَیاندی2

ظلم آتشی طومارِ غم / یازدی
ثانی او گون حَقّین یولون / آزدی
محسن مَزارین میخِ در / قازدی
فوقِ بَیاندی2

گلزاریمه زاغ و زَغَن / دولدی
غنچه م سارالدی ظلموله / سولدی
دوشدون یره زهرا اولان / اولدی
دردیم نهاندی2

باغِ ولاده بادِ ظلم / اَسدی
صبر و قرارین ریشه سین / کَسدی
من (بیکَسم) بیر بِیله غم/ بَسدی
دردیم نَهاندی2

• یکشنبه
• 1
• فروردین
• 1400
• ساعت
• 14:28
• نوشته شده توسط
• یوسف اکبری

دنیاده خوش گون گورمییَن/یارالی نَنَم3
بالالاریندان دویمییَن/ یارالی نَنَم 3

زمانه قویمادی آنا / گوله زینبون3
یتیمه لیق چتیندی کاش/ ئوله زینبون3

جوان اولوب جوانلارا /قاریشانمادون3
قبره آپاردون سوزووی /دانیشانمادون3

خدادن ایسته دون ئولوم/ بولمورم نَدَن3
اون سَگّیزایلده کیم آنا/دویوب عمرودن3

اَیاق قویانمورام آنا / آسِتانیه 3
نه اِیله میشدون ای آنا / سن او ثانیه3

دیلده کی دردیمی منیم / بولَن اولمادی3
آنا عزایه بیر نفر / گَلَن اولمادی 3

من آنا قَبریوین یرین / هله بولمورم3
گذشت ایله مزاریوه / گَلَه بولمورم3

گوزوندن ای آنا منی / نیه آتموسان3
قَبریده خسته جسمیله / نِجه یاتموسان3

جهاندا درد و محنَتیم / قوتارار مَگر3
حُسینیله عراقه من / ایدَرَم سَفر3

دوشَنده قارداشیم حسین / قتلگاهه گَل3
شامِ غریبانه آنا / خیمه گاهه گَل 3

( بیکَس) عیالیوی او گون/ دیله دوت آنا3
رقیّه آغلییَن زمان / دینَن آغلاما3

• یکشنبه
• 1
• فروردین
• 1400
• ساعت
• 14:38
• نوشته شده توسط
• یوسف اکبری

یثرب ایچره زهرا
بو یامان گونلرده
سن بیزی تَرک ایتدون

دوزمه دون افسوس
دوزه له سینَن
یاره لیدون گیتدون

فاطمه کیمه دیوم
حَسَنِین آناسی گیتدی

ویریم عالَمه خبر
ایویمین صفاسی گیتدی

یارالیدون
گجه غسلودا گوردوم اوزوم

یارالیدون
نجه من بیله درده دوزوم

یارالیدون
نچه آیدا خانیم گولمَزدون

ئولدوروب لَه سنی ظلموله
یوخسا ئولمزدون

منیم زهرام4

نه بولور بیر کیمسه
منیم احوالیمی
زهرا گیتدون قالدیم

سو توکَنده اَسما
یاره لر گورسَندی
درد اوسته، درد آلدیم

دردیوی نهان ایدوب
خَلوَتونده قان اوتاردون

اوز ایویمده فاطمه
سن علیدن یوز دوتاردون

دویولموشدون
دیمه دون نیه فاطمه جان

قولاقوندا
کوچه دن واریدی، بیر نشان

گذشت ایله
گوروسن غَمیوه درگیرم

فاطمه، بولوسن، نجه من، عمرودن سیرَم

منیم زهرام4

• یکشنبه
• 1
• فروردین
• 1400
• ساعت
• 14:45
• نوشته شده توسط
• یوسف اکبری

(مناسب برای شور کف زنی)

یا زهرا ای عشقی دارو نداریم
گول یوزی باغ و بهاریم
آیا بَنزَر یوزون اولدی
روشنیِ لیله یِ تاریم۲

«یرگویون صفاسی سنده دی
دردیمین دواسی سنده دی»۲

«عنایت ایت بو دل حَزینه
خانیم بو جَمعیله مدینه»۲

من اوشاقلیقدان سیزه نوکرلیقی مشق ایلرم
هرزمان آدون گَلَه ، زهرا دیوب عشق ایلرم

فاطمه یا فاطمه یا فاطمه یا فاطمه

ای بِیتِ وحیَه بیر ماه دل آرا
گَلدون تک قالمیه مولا
ایلدی قدرتین نمایان
سنی زهرا، حق یاراداندا۲

«آی یوزون بوگون ایتدی نهان
گوردی تا سنی فاطمه جان»۲

«حَبیبه ی حیّ جَلی سن
بسدی کی سن عشق علی سن»۲

ای دُرِ پُر قیمت طاها و سلطانِ حَجیز
مریم و هاجر سنه فخر ایلیَر اولسون کنیز۲

فاطمه یا فاطمه یا فاطمه یا فاطمه

یازهرا سنسن بیر سَروِ گُلِستان
ایتدی عشقون بیزی حیران
سَروَرِ نِسوانِ جهانسان
اولا عالَم لر سنه قربان۲

«من دَخیلِ چادر شَبووم
من فداییِ زینبووم»۲

«خدیجیَه نور دو عین سن
مادرِ اَربابیم حسین سن»۲

مُدّعی لال اول دیمه من (بیکَسم) هر جاییَم
یوخ بابا ،زهرایه آند اولسون کی من زهراییَم

فاطمه یا فاطمه یا فاطمه یا فاطمه

یازهرا رُخصت وِیر بی سَرو پایه
سال بیرده باشیمه سایه
بیزی مهمانِ بقیع اِت
یوللا اوردان کرب و بلایه۲

«چوخ گوزلدی ششگوشه حرم
بیر طرفده وار صاحبْ عَلَم»۲

«بیز دویماروق شورو نوادن
دویمامیشوق کرب و بلادن»۲

کربلا یتمیش ایکی جانباز اولان یردور خانیم
کربلا ششماهه بیر سرباز اولان یردور خانیم ۲

فاطمه یا فاطمه یا فاطمه یا فاطمه

• یکشنبه
• 1
• فروردین
• 1400
• ساعت
• 14:59
• نوشته شده توسط
• یوسف اکبری

یاز قلم بئل بوکودن درد و غم عظمانی
روحِ پیغمبره تحمیل اولونان بحرانی

یاز نجه ظلم اولونوب فاطمه ی زهرایه
آغلادار روضه لری یاسه گلن یارانی

خانیمون هر گونی بیر روضه دی گر درک ائتسون
شرح ائدوم من نجه نیسگیللی کئچوب هرآنی

هانسین آغاز إلیوم گلدی آغیر چوخسونان
کوچه حالین دانیشیم یا قاپینین جریانی

آغلیا شیعه گرک قان،دوگولَن زهرایه
ناله و آهین عزاداریده یوخ پایانی

فلکین مظلوما ظلم ائتدیگی چرخی سینسین
ائله ایش گوردی قالیب مرقدی ده پنهانی

ائله خوش گونلرینه سایه ی ظلمت سالدی
یازدی نوحه یاخیلاندا قاپیا القانی

چکدیلر عهد شکن لر اودا عزّت قاپیسین
صولدی تا گوردی بهشتین باغی بو عصیانی

اوچ یوز اعرابی ائدوب زور که آچسین قاپینی
آلمیوب لار نظره شاخه گلِ رعنانی

الغرض هر نئیدی سیندی او یانمیش درگه
در و دیواره سیخیشدیردی تنِ زهرانی

تکیه وئردی قاپیا اول أزیلَن پهلوسی
تا فرج اولمویا حاصل إوه گیرسون ثانی

نَفسی تنگه دوشوبدور سارالیب سیماسی
قالمیوب تابی فشاره یورولوبدور جانی

ناگهان ائتدی اصابت سینه سی مسماره
گوئیا گؤزلرینه تار ائلدی دونیانی

أسدی بیر قورخولی یئل،برگِ وجودی أسدی
چاغیروب قلبیده آهیلن او دم طاهانی

گویه دوتدی یوزونی،یومدی گوزون آهسته
یاغدیروب صورتینه،ابر بلا بارانی

سسلدی یارینی امدادینه اول دِل مجروح
ناگران حالیله،تر دیده گزور مولانی

هم منه هم بالاما تئز گل علی جان آغلا
اولدی مادر کیمی محسن ده بلا قربانی

لطف بی غایتیوون ایندی منم محتاجی
عهد و میثاقیمیزین اولدی وفا دورانی

گل نوازش ائله بو صورت نیلی فامی
صورا رام إیله بو عشقینده کی سرگردانی

یئتیش ای مشکل آچان درده گرفتار اولدوم
سینه مین یاره سینون بیرجه بودور درمانی

میخِ در ردّینی گل گؤزده کی یاشونلن سیل
قالماغیم بلکه ده بیر لحظه اولا طولانی

گُل افسرده می اطرفیده گوزوم گؤرمور
سنی تاری ده گؤروم بی کس حسینیم هانی

• چهارشنبه
• 4
• فروردین
• 1400
• ساعت
• 20:05
• نوشته شده توسط
• یوسف اکبری

عیارِ هستیِ اعظم،عیارِ جان زهرادور
جمیعِ خلق اولانلار هامّیسی حیران زهرادور

وجود اطهر دلبند طاهایه سلام اولسون
بو عاجز نطقیده جزء ثناخوانانِ زهرادور

اجازم گر اولایدی خلقتین منده یازام شرحین
یازاردیم آدمه حقِ نَفَس، احسان زهرادور

تمام ثابت و سیّاره محو اولموش نگاهینده
وئرن منظومه یه فرمان فقط چشمان زهرادور

سخاسینده اونا یازسام صفت دریالری،آزدی
نه دریالر که اقیانوس ئوزی عطشان زهرادور

اگر انشا ائدوب زهرا آدیلان خلقتی ربّیم
تصرّف روح دنیایه دئمک امکان زهرادور

نشانِ عصمته دارا،مقام و رتبه سی والا
اولان آغازگر بو خلقته،عنوان زهرادور

گویون سیماسینی زیبا ائدن رخشنده اولدوزلار
فقط بیر گوشه ی زرّینه ی دامان زهرادور

نه اندازه گوزلیک که یارانمیش عرض دنیاده
مه و مهریله باهم جمله آویزان زهرادور

دئیوم من هانسی وصفی ساحت دربار زهرادن
مقام فخریلن جبریل ئوزی دربان زهرا دور

تمام خلق اولونموش ذره لر،اجرام و کیهان لار
ملائک،جن و انسان یکسره قربان زهرادور

یانار هرکیم که گورمز احتشام نام زهرانی
سالان انسانی رحمت دن اوزاق نیران زهرادور

نقدری زاهد اولسان دا قالارسان جنت آغزیندا
بهشتین قاپلارین تنها آچان فرمان زهرادور

ایکی دنیا سعادتمندی یازهرا دئین لر دیر
چکن عصیان اودوننان عاشقین،دستانِ زهرادور

دئسن یافاطمه درمان هر دردین اولار حاصل
بو قدرت اختصاصِ نام جاویدان زهرادور

علامت دور، نشانِ انتظار و انتقام عشقی
که هر بیر عاشقون قلبینده بو طوفان زهرادور

حسینه آغلیانلار مطمئن اولسون جزا وقتی
عزاداری باغیشلاتماق ازل پیمان زهرادور

اگرچه کامیاب اولموش ((امین)) احسان زهرادن
ولیکن غصه سی اول مرقد پنهان زهرادور

• چهارشنبه
• 4
• فروردین
• 1400
• ساعت
• 22:02
• نوشته شده توسط
• یوسف اکبری

دؤنوبدور قانه باغریم عم‌قیزی چارم کسیلمَق‌دن
کسیب امّیدینی یکسر علی بالمرّه گولمَق‌دن

چیخیب شیرازه‌دن غملر کتابی سالماقا گلمیر
کی حالیمدن بیری بیرگون ده اخبار آلماقا گلمیر
بو ائوده قلب‌سیز جسمیم‌ده والله قالماقا گلمیر
یورولدوم هر گئجه یاری بقیعه بسکه گئلمَق‌دن

مزارین اوسته گلّم تا دئییم اؤز حال و روزیمدن
ائوین سس‌سیزلیقینده قوزانان افغان و سوزیمدن
یانان پروانه‌سیز احوال شمع بی فروزیمدن
او زهراسیز قالان بؤش یئرلره گؤزلر تیکیلمَق‌دن

سن ایندی یوخسان امّا کی سنه اؤز جانلارین آغلار
آچیب دیل نوحه‌یه دردین کیمی درمانلارین آغلار
ائوینده قیزلاریندان چوخ سنه اوغلانلارین آغلار
اگر اشک اولسا دریا خشک اولاردی بو دردی بؤلمَق‌دن

حسینین قالماغین بیر گوشه‌ده هئچ بیر نفر بیلمیر
قالان دیواردا تازه قانیوی بو اللریم سیلمیر
بو بیر اعجازیدور والله کی سنسیز مرتضی ئولمور
چیخیبدور جان بو جسمیم‌دن و الّا کی سن ئولمَق‌دن

نه گؤردوم ماهیمون دورینده واردور هالهٔ ماتم
منه دردین دانشسایدین تاپاردیم بلکه بیر مرهم
ئورک بیمار اولاندا سینه‌ده قامت اولارمیش خَم
ولیکن ایندی بیلدیم من نئدیر علت اَگیلمَق‌دن

نئلر اولموشدی زهرا چهرهٔ خندانی گیزلتدون
او صولموش صورتینده غصّه‌ی دنیانی گیزلتدون
او وحشت کوچه‌سینده یوز وئرن جریانی گیزلتدون
حسن‌جانی خبرسیز قالمیشیدیم سن دویولمَق‌دن

فراقین خنجرین من بیلمزیدیم بیر بئله تیز‌دی
چاتان سندن منه بیر یادگاری لخته‌لی ایزدی
نه بیلمیشدون علینون دردینی زهرا،کمک‌سیزدی
کی گئتدی قلبیدن درمان و آرامین بو بیلمَق‌دن

دعا ایله گئلیم منده بو تئزلیقده او دنیایه
علاقَم قالمیوبدی عالمه سنسیز تماشایه
یازیلدی صفحه ‌ی عمرومده سنسیز غملی بیر آیه
نه پوزماقدان اونی باشه چاتار دردیم نه سیلمَق‌دن

• چهارشنبه
• 4
• فروردین
• 1400
• ساعت
• 22:04
• نوشته شده توسط
• یوسف اکبری

بو گون عالم باشا باش تاپدی صفا فاطمه دن
خلقه آلله برکت ائتدی عطا فاطمه دن

گلدی حقدن بو ندا مصلحت داوره باخ
سنه یاختم نبی وئردیگیمیز کوثره باخ
سنه یثربده شماتت ائلیین ابتره باخ
قوخما نسلون اولاجاق یئرده بقافاطمه دن

نه گوزلدور آدی،هر قلبه صفا فاطمه دی
ئوزی درد اهلیدی هر درده شفا فاطمه دی
گئت علیدن سوروش هر عهده وفا فاطمه دی
گره عشق اهلی آلا درس وفا فاطمه دن

بیستم ماه جمادیده گوزآچمیش جهانا
اولدی پیغمبره عالمده قالارگی نشانا
ئوز ائوینده قیزینا شوقیله سسلردی آنا
نام و شخصیت زن تاپدی بها فاطمه دن

هی دییردی منه جاننان یانانیم فاطمه دی
تنیمین پاره سی روحیم روانیم فاطمه دی
یئر اوزونده منه مندن قالانیم فاطمه دی
چکیلیب قیلسین حذر اهل جفا فاطمه دن

برج عصمتده خانیم مهر و وفا ئولدوزودی
خلقتین روز ازلدن دادیدی هم دوزودی
مام زینبدی،علی همسری،خاتم قیزیدی
بلی امکانه گلیب آل عبا فاطمه دن

یوخ قلمده اوچیخار فاطمه شانینده یازا
قورخورام باشلاسا توصیفینی آخیرده آزا
بوهمان زاکیه دی دوردی بیر اللی نامازا
بیردم آیریلمادی هئچ ذکر خدا فاطمه دن

ای شرفلی آنالار عصمت زهرایه باخون
ناتوان جسمیده بیر قدرت زهرایه باخون
نام زهرایه باخون شهرت زهرایه باخون
آد آلیب توزلی بقیع، کرب وبلافاطمه دن

• یکشنبه
• 8
• فروردین
• 1400
• ساعت
• 12:44
• نوشته شده توسط
• یوسف اکبری

ایّام فاطمیّه ده اهل غم آغلیار
قلبینده غملری اولونار مُدغَم آغلیار

عمری آز اولدو فاطمه نین گول کیمی،اودور
حسرت چکر صورا او کسی که کم آغلیار

ائتدیقجه زمزمه علی آیات کوثری
ساقیّ کوثرین حالینا زمزم آغلیار

چاهه دییر اؤرک سؤزونو مو به مو علی
ایلر بهانه چاهی او قدّی خم آغلیار

قاره چکر بهشته بهشت اهلی آهیله
حوّا دیینده فاطمه وای آدم آغلیار

جنّت خانیملاریلا خدیجه دوتار عزا
سارا و هاجر اوخشویاراق، مریم آغلیار

پیغمبره تسلّی وئرر انبیاء حق
زهرایه ساخلار اهل ولا ماتم آغلیار

شهر مدینه نین گؤزلی یعنی مجتبی
چکدیقجه آه، حالی اولار برهم آغلیار

کرب وبلاده مجلس ماتم دوتار حسین
دؤرد مین ملک او حضرتیله باهم آغلیار

عبّاس، نهر علقم اوسته دییر وای جوان ننه
احوالینه فرات یانار، علقم آغلیار

آغلار آنا غمینده امام زمان مدام
چون کی جوان آناسی ئولن هر دم آغلیار

بیزلر ائشیتمریق آقانین آغلاماق سسین
امّا ملائکه ائشیدر توأم آغلیار

کوچه به کوچه حضرت صاحب زمان گزر
هر کوچه ده گؤرنده قرا پرچم آغلیار

سؤیلر آنا ظهوریمه ایله دعا اؤزون
سرّ ظهوره هر کیم اولا محرم آغلیار

گویلوم چوخ ایستیور تئز آلام انتقامیوی
قلبیم دؤنوبدی قانه گؤزوم نم نم آغلیار

ایّام فاطمیّه ده یاری گئجه «بشیر»
غم دفترینه هم یازار آدون هم آغلیار

• یکشنبه
• 15
• فروردین
• 1400
• ساعت
• 20:54
• نوشته شده توسط
• یوسف اکبری

بيرگون ديوردى آدم و حوّا بهشتيده
بيزدن مگر گوزل، اولار آيا بهشتيده؟

سير ايلیورديلر ايكي سى شور و شوقيلن
ناگه گؤروبله صحنه ی زيبا بهشتيده

بير چهره، واردى نورى ائدور خيره گوزلرى
گؤرجك اولوبلا محو تماشا بهشتيده

عرض ائتديلر: بيان ائله ‏اى خالق جهان!
آيا كيميندى بير بئله سيما بهشتيده؟

باشينده تاج واردى تجلاّى عشقدور
اولدوق او تاجه عاشق و شيدا بهشتيده

بير جوت قولاقلاريندا ايكى گوشواره وار
خضرادى صاقدا، صولدا كى حمرا بهشتيده

كيمدور بئله جلاليله وار شأن و شوكتى؟!
دؤرين آلوبدى يكسره حورا بهشتيده

كيمدور بو جلوه صاحبى حيران ائدوب بيزى
سايه سالیبدى باشينه طوبا بهشتيده

يارب بيزه تانيدّير اؤزون، سرّى فاش ائله
لاينحل اولميا بو معمّا بهشتيده

ائتدى مخاطب آدم و حوّانى بو, ندا
گويا بويوردى خالق يكتا بهشتيده

سالار بانواندى بو، محبوبه دور منه
من عاشقم بونا بودى زهرا بهشتيده

كلّ عوالمى بونا خاطر ياراتیمشام
اولموش بو اؤزگه رتبيه دارا بهشتيده

تاجى كه وار باشيندا علی دور, او اولماسا
حاشا اولا بو كوثره همتا بهشتيده

اوغلى حسندى صاق قولاقينداكى گوشوار
اولموش گوزلّيگيله دل آرا بهشتيده

صول گوشوار حسيندى گوزلدورحسن كيمى
اؤنلاردى همچو لؤلؤ و لالا بهشتيده

نور عالمينده چوخدان اولار، من ياراتمشام
آل عبانى، رأسده طاها بهشتيده

حوّا و آدم اؤنلارين آدين ائدوبله ذكر
معنا تاپوبدى علّم الاسما بهشتيده

بيرده سؤال ائدوبديله گوشواره‏لر، ندن
چون لاله دور بيرى، بيرى خضرا بهشتيده؟

بیر دقّت ايليون او سؤالين جوابينه
فرمايش ائتدى حىّ توانا بهشتيده

اُول ايكّى رنگين علّتينى ايلسم بيان
قالماز دوام و صبر و شكيبا بهشتيده

بير گوشواره صاق قولاقيندا ياشيلدى، چون
زهر جفانى ايلورى معنا بهشتيده

يعنى حسن شهيد اولاجاق زهركينه دن
آغلار فرشته لر اونا حتّى بهشتيده

بير گوشواره قرمزيدى صول قولاقيده
تشریحی قويمورى قالا يارا بهشتيده

كرب وبلاده يعنى باتار قانينه حسين
هر قلبه يوز وئرر غم عظما بهشتيده

دنياده ياس دوتوب اونا هر كيمسه آغلاسا
وئرّم او شخصه مسكن و مأوا بهشتيده

يارب «بشيری» اهل تولاّ حساب ائله
ساکن اولار چون اهل تولاّ بهشتيده

عفو ايله، ايليوبدى خطا، دار فاني ده
بلكه حمايت ايليه مولا بهشتيده

• یکشنبه
• 15
• فروردین
• 1400
• ساعت
• 20:59
• نوشته شده توسط
• یوسف اکبری

ياعلى! آماندى منه، غسل وئر شبانه
يئدّى نفريلن آپار، قبره مخفيانه
اؤز الونله تاپشور مزاريمه اللرون فداسى
قوى يواش تُرابه ساغالميوب سينه مین ياراسى

باغبانِ باغِ وفا، آيريلور چمندن
دوقّوز ايلدى زهرا، على؛ دؤيميوبدى سندن
كوچه ماجراسين فقط، سن سؤروش حسندن
اؤز گؤزيله چون كی او كوچه ده، يوخدى چاره گؤردى
اؤز گؤزيله مولکوم قباله سين، پاره پاره گؤردى

دؤرد يتيم بالامدیر اولوب، نور هر دو عينون
جان سنون عم اوغلى على، جان بو زينبينون
قويما اشكي آخسون يوزه بو حسن حسينون
اؤنلار آغلاسا منده آغلارام قبريمين ايچينده
آه غم چكوب سينه داغلارام قبريمين ايچينده

سن منه دييردون اؤزون يثربين مارالى
اؤوچيلار ائدوبلر اؤدور سينه مى يارالى
بئش ياشيندا ائتدى فلك زينبى عزالى
باشلانور اؤنون اينديدن عجب باشينون بلاسى
هر بلادن آرتیق اولار اؤنون درد كربلاسى

كربلاده قدّى دؤنر، زينبين كمانه
نوحه نى يازوبدى «بشير» قلبى يانه يانه
سنده ‏اى «اجلّى» اوخى، بيز گلاق فغانه
عرض ائداق گنه گلمشوق حسين نى كيمن نوايه
دعوت ايله بو جمعى تا گلاق دشت كربلايه.

• یکشنبه
• 15
• فروردین
• 1400
• ساعت
• 21:06
• نوشته شده توسط
• یوسف اکبری

یئنه یاز اولدی هر یان عطرلندی
بَزَه ندی صحن بُستان عطرلندی
گلیبدیر بولبول آوازه هوسدن
او سسلندیکجه دستان عطرلندی
یاغیش یاغدیقجا هر بیر یئر یوولدی
سرین یئل اسدی ایوان عطرلندی
قیزیل گول آچدی «پیغمبر» باغیندا
اؤدور کی باغ ایمان عطرلندی
جوشوب «کوثر» بولاغی آشدی داشدی
اوخوندو سوره، «قرآن» عطرلندی
یئتیشدی مکّه دن عطری بهشته
ایاقدان باشه رضوان عطرلندی
گؤز آچدی «حضرت زهرا» جهانه
اؤنیلا حور و غلمان عطرلندی
«خدیجه» اوز گولون آلدی قوجاقه
تاپوبدور تازه بیر جان عطرلندی
چیچکلر غونچالار آچدی چمنده
گولوب گوللر گولوستان عطرلندی
دولاندی ایللر، آیلار اُولدو اُول گون
کی بیر یولدا بو دوران عطرلندی
او گونده بیر عطیرلی گول آچیلدی
بهار عشق و عرفان عطرلندی
آتاسی قویدو «روحُ الله»، آدین
آدیندان روح و ریحان عطرلندی
دوشوب یوسف کیمی ائلدن اؤزاقه
او گلدی ملک کنعان عطرلندی
قویون آیدین دیوم گلدی «خمینی»
دؤنوب گولزاره ایران عطرلندی
سپیردی گول، ایاقینه ملکلر
جهان گؤردو «جماران» عطرلندی
«بشیر»ین شعری گوللر تک گوزلدی

• دوشنبه
• 16
• فروردین
• 1400
• ساعت
• 17:43
• نوشته شده توسط
• یوسف اکبری

دلا! چوخ اولما مکدّر ربیع الاوّل آییندا
مسرّت اولدی مقدّر ربیع الاوّل آییندا

سحر سحر صلوات عطرین آل، قیزیل گولی یاد ائت
فضانی ایله معطّر ربیع الاوّل آییندا

ترانه باشلاسا بلبل چمنده عیب ائلمه چوخ
آچیلدی گورمَلی گول‌لر ربیع الاوّل آییندا

محرّم و صفری یاس دوتانلارا اوزی زهرا
عنایت و کرم ایلر ربیع الاوّل آییندا

بو شاد اولانلار ایچینده آقام علی‌نین الینن
نه خوشدی پایلانا کوثر ربیع الاوّل آییندا

پیمبر حفظ اولا شردن گئجیله خوابگهینده
یاتوبدی شوقیله حیدر ربیع الاوّل آییندا

دیون گولون سیز ایا شیعه‌لر، جناب خدیجه
اولوب پیمبره همسر ربیع الاوّل آییندا

گتوردی حضرت معصومه قُم دیارینه نور
ایشقلانوب اودی کشور ربیع الاوّل آییندا

پیمبر اوز آنا یوردون اوتوردی، یثربه آخر
ائدوبدی هجرت او سروَر ربیع الاوّل آییندا

هایاندا واردی مسلمان گرَکدی شاد اولا چون کی
گلوب جهانه پیمبر ربیع الاوّل آییندا

امام جعفر صادقده عالمه گوز آچوبدور
ائدوب جهانی منوّر ربیع الاوّل آییندا

اگرچه غصّه‌لی اوقات وار بو آیدا ولیکن
سُرور اولوب بیزه محور ربیع الاوّل آییندا

واریدی بئش یاشی مهدی، آتاسی گئتدی الیندن
اولوبدی خلقه او، رهبر ربیع الاوّل آییندا

پیمبر امّتینی آغلادوبدی ثانیِ ملعون
ائدوب اورَک‌لری مضطر ربیع الاوّل آییندا

ووروبدی اود دَرِ دُرّ رسوله کان عداوت
بویاندی قانه او گوهر ربیع الاوّل آییندا

نه نوعی پس اونوداق محسنون ئولن گونونی بیز
اولوبدی گول کیمی پرپر ربیع الاوّل آییندا

اورَکده سیندی "بشیرا"، قلمده بو سوزده
الونده آغلادی دفتر ربیع الاوّل آییندا

• یکشنبه
• 22
• فروردین
• 1400
• ساعت
• 21:34
• نوشته شده توسط
• یوسف اکبری

نقّاش ازل دفترینه چکدی قیزیل گول
گؤیچکدی گوزلّیکده گؤروب تکدی قیزیل گول

پیغمبرین عطری بورویه یئر – گؤیی دائم
گول اؤزلولرین خاطرینه اکدی قیزیل گول

فروردین اولاندا آچیلار غنچه‌سی وردین
گول‌لرده دییر گؤر نئجه گؤیچکدی قیزیل گول!

عطرین یئله وئردی ائله بیل نامه‌نی پیکه
بولبول‌لری چؤلدن چمنه چکدی قیزیل گول

خاریله اولوب قونشو، ندیر سرّی ایلاهی!
قلبیم کیمی بیر قیزمزی کؤینکدی قیزیل گول

هم عطری گؤزه‌لدی، همی آدی، همی یادی
چون آینه‌ی لطف تبارکدی قیزیل گول

طاها گولو جنّت گولودور سولمیاجاقدی
عطّار بیلر، فاطمه مَسلَکدی قیزیل گول

زهرانی گوله یوخ، گولو زهرایه مثل وور
آز عمر ائلماقلیقدا اؤنا چکدی قیزیل گول

بو شعریوین عطریله عطیرلندی بو مجلس
شعرونده «بشیر»ا سنه مدرکدی قیزیل گول

• دوشنبه
• 23
• فروردین
• 1400
• ساعت
• 15:27
• نوشته شده توسط
• یوسف اکبری

زهرا
گلشن دونوب خزانه گئتمه
سینون یارا مزاره گئتمه
گوزوم قالوب یولونداگئتمه
یارا وارون قولوندا گئتمه(2)

زهرا
سنه ظلمی عیان ائدوبلر
گوزیم یاشین روان ائدوبلر
سینوب قولون سینونده یاره
حیدر قلبینی قان ائدوبلر
گوزوم قالوب یولوندا گئتمه
یارا وارون قولوندا گئتمه(2)

زهرا
یانوب قاپیم شرار ایچینده
قالدون نئجه اغیار ایچینده
وفالی فاطمیم سنی من
نئجه قویوم مزار ایچینده
گوزوم قالوب یولونداگئتمه
یارا وارون قولوندا گئتمه(2)

زهرا
تاپانمادیم دردیوه درمان
حسن قالوبدی ایندی نالان
داخی سنسیز صفاسی یوخدی
منه جهان اولوبدی ویران
گوزوم قالوب یولوندا گئتمه
یارا وارون قولوندا گئتمه(2)

زهرا
یوخومدی درده منده طاقت
یاتارسان قبرایچینده راحت
قسم اولا حسینه زهرا
ساخلامادیم یاخچی امانت
گوزوم قالوندا یولوندا گئتمه
یارا وارون قولوندا گئتمه(2)

• پنج شنبه
• 26
• فروردین
• 1400
• ساعت
• 11:06
• نوشته شده توسط
• یوسف اکبری

حضرت زهرا دنیایه گلدی
شافع عقبا دنیایه گلدی
دنیایه زیور حیدره یاور
احمده کوثر دنیایه گلدی
زهرا یازهرا زهرا یازهرا(2)

روح نجابت کوه شهامت
دریای عفت دنیایه گلدی
نور هدایت ماه وجاهت
صاحب کرامت دنیایه گلدی
زهرا یازهرا زهرا یازهرا(2)

کلیدرضوان بنده ی سبحان
باطن قران دنیایه گلدی
طاهر واطیب نور محجب
استاد زینب دنیایه گلدی
زهرا یازهرا زهرا یازهرا(2)

پیغمبر قلبی روشن اولوبدی
عالم دونوبدی گلشن اولوبدی
قلبی شیعنون صفا تاپوبدی
شبنم باخوبدی سوسن اولوبدی
زهرا یازهرا زهرا یازهرا(2)

عزیز طاها همسر مولا
دخت مصطفا دنیایه گلدی
پیغمبر ائتدی شکر اللهینا
ننم سسلندی دنیایه گلدی
زهرا یازهرا زهرا یازهرا(2)

دئدی زهرا جان آغلاما هله
چوخ غملی گونلر وارون قاباقدا
سقط اولار محسن یانار درگاهون
دیزین قوجاقلار علی اتاقدا
زهرا یازهرا زهرا یازهرا(2)

تئز گئچدی گونلر یئتیشدی ائیللر
قانه باتوبدی زهرا کوچه ده
ثانی نامرد بیر سیلی ویردی
یخیلدی دخت طاها کوچه ده
زهرا یازهرا زهرا یازهرا(2)

حسن یاپیشدی مادر الیندن
دئدی دور آنا یئردن ایاقا
بو نامردی سن عفو ائتمیسن
روز محشرده گلسه قاباقا
زهرا یازهرا زهرا یازهرا(2)

• پنج شنبه
• 26
• فروردین
• 1400
• ساعت
• 11:14
• نوشته شده توسط
• یوسف اکبری

عم اوغلی جان اغلاما گول گوزیاشیم سنه قربان
بوگون داخی جان وئرورم گل اوخی منه قرآن

علی منی غصه لریم یاندیروب سنی یاخدی
باخاندا من زینبیمه گوزیاشیم منیم اخدی
حسین باخوب دوزمدی دای زینبه ساری باخدی
دئدی باجی ئولدی ننم قلبیمیز اولوبدور قان

علی علی اغلاماسن من دوزنمورم والله
نلر بو اون سگّیز ائیلده چکمیشم بیلور الله
دوام ائله ئولمگیمه سویله سن انّا لله
علی حسین اغلاماسین قویما ایلسین افغان

حسینه من اغلامادیم کربلایه دای قالسین
او گون کی آتدان بالامی دشمن ایستیور سالسین
حسین کی ایستور اوگونده قانلی دست نماز آلسین
او گونده گل منده وارام اشگیمیز اولار القان

سینیق پهلومی گورنده چون حسین بالام قوخدی
یوزومده کی سیلی یئری قلبیوه بویوک اوخدی
ویرانمازدی ثانی منی گوردی قارداشیم یوخدی
حسین ننه سسلینده زینبه دئ سویله جان

علی کیمی مظلوم اولان کیمسه یوخدی عالمده
خانم (صبور) اغلیاجاخ حشر اولونجا ماتمده
اگر بیلم قبرین هاردادی یانّام آی خانم غمده
قبریمون اوّل گئجه سی گوزلرم سنی هرآن

• پنج شنبه
• 26
• فروردین
• 1400
• ساعت
• 12:14
• نوشته شده توسط
• یوسف اکبری

اماندی فضّه - اماندی فضّه

قاپیم شرار کینه و ظلمه آلیشدی یاندی گل

عرشه فغان دایاندی گل - "آماندی فضّه" (۲)

مدینیه بلا یاغیر

نجه دوزوم بو درد آغیر

عم اوغلوم حیدری چاغیر

آماندی فضّه (۲)

واویلا

اورک دوشوب تلاطمه - گل فضّه

یتیشدی عمره خاتمه - گل فضه

بویاندی قانه فاطمه - گل فضّه

بو گلزاره عدو دولدی _گل فضّه

خزان اولوب باغیم سولدی - گل فضّه

بالام محسن شهید اولدی

ییخیلموشام پشت دره

یارالیام آل نظره

دوشوبدی حیدر خطره.

آماندی فضّه

گور بو گروه گمراهی

باغلادیلار یداللّهی

اوجالدی فاطمه آهی

آماندی فضّه

• پنج شنبه
• 2
• اردیبهشت
• 1400
• ساعت
• 13:40
• نوشته شده توسط
• یوسف اکبری