اشعار ترکی حضرت فاطمه زهرا(س)

پیک رحمت خبرآورده
غم وغصه ازدلابرده
نباشه کاش باقدوم زهرا
الهی هیچ دلی آزرده
لباخندونه،دلامجنونه
قناری ترانه میخونه
توباغ جنت ،فرشته شاده
داره عاشقانه میخونه
مددیازهرا۳سیدتی یازهرا

مدینه بازغرق نوره امشب
میباره ازآسمون کوکب
میدن عیدی به عشق مادر
حسن وحسین وهم زینب
تموم دنیاغزل میخونن
سردادن نغمهٔ یازهرا
نوای شادی،زعرش اعلا
پیچیده توهمهٔ دنیا
مددیازهرا۳.....

رولبای حضرت پیغمبر
جاریه آیه های کوثر
میادامشب به دنیازهرا
به خداعیدی میده حیدر
علی دلداره علی سالاره
منتظربرسرراه یاره
برا زهرا ازلبای حیدر
حرف عشق غزل غزل میباره
مددیازهرا....

ترکی

بزنوبدورعالم ومافیها
بنزیوبدی جنته دنیا
غم ومحنت کوچ ائدوب دللردن
گوزآچوبدی عالمه زهرا
آچیلدی گللر،،سویوندی اِئللر
اوخورعاشقانه بلبللر
بهاران گلدی،بزندی جنت
نازل اولدی عالمه کوثر
مددیازهرا....

خان نعمت چون آچوبدورخاتم
قاپوسیندااگلشوب حاتم
اهل عشقه پای ویرورپیغمبر
گوزتیکوبدی لطفینه عالم
گوزآچدی زهرا،سووندی دنیا
عیدیانه بذل ائدورطاها
نه دردون اولسادئنن یاحیدر
دردووه چاره ائدرمولا
مددیازهرا....

• جمعه
• 29
• اسفند
• 1399
• ساعت
• 11:46
• نوشته شده توسط
• یوسف اکبری

میخونن فرشته ها دلبردنیااومده
همگی مژده میدن حضرت زهرااومده
هرکسی که بیماره*یا به سینه غم داره
دامن مولابگیره ذکریارهرابگیره
یازهـــــــــــــــرا یازهـــــــــــــــــرا
اومدکوثرقرآن،،،،اومد اُسوهٔ ایمان
واکن دست گدایی که عیدی میده جانان
سرراش گل بریزیددخت پیمبراومد
همسرحیدراومد
تهنیت بگیدبه مهدی روزمادراومد
دردوغمش سراومد
مددی یافاطمه۲

عاشقاشادی کنیدگوهرنایاب اومده
شعرشادی بخونیدمادرارباب اومده
هرکی کربلا میخواد گنبدطلامیخواد
دامن مولابگیره ذکریازهرابگیره
یازهـــــــــــرا یازهــــــــــــــــرا
پیچیدعطرگل یاس
اومدمادراحساس
واکن دست گدایی
که عیدی میده عباس
سرراش گل بریزیددخت پیمبراومد
همسرحیدراومد
تهنیت بگیدبه مهدی روزمادراومد
دردوغمش سراومد
مددی یافاطمه ۲

ترکی

تهنیت شیعه لره یکسره دنیابزنوب
تک نه دنیابوگئجه عرش معلابزنوب
گلدی دریای ادب٭خلق دنیایه سبب
فلک دیوریافاطمه
ملک دیوریافاطمه
یازهــــــــرا یازهــــــــــــــــرا
اوخورنغمه ملکلر
فرحلندی اوره کلر
دنن شیعه مبارک
گلوب یاورحیدر
مددی یافاطمه۲

هرکیم ایستوربوگجه عزت داداری گوره
بوگئجه موهبت ورحمت سرشاری گوره
باخسون عرش اعظمه
یازیلوب یافاطمه
فلک دیوریافاطمه
ملک دیوریافاطمه
یازهــــــــــــرا یازهــــــــــــرا
گلوب حقون عطاسی
پیمبرون بالاسی
حسینچیلراولون شاد
گلوب عشقون آناسی
تهنیت عالمه نوباوهٔ طاهاگلوب
ام ابیهاگلوب
جبرئیل گویده دیورعصمته مظهردی بو
همسرحیدردی بو
مددی یافاطمه ۲

• جمعه
• 29
• اسفند
• 1399
• ساعت
• 11:48
• نوشته شده توسط
• یوسف اکبری

گلِ یاسِ من،گُلِ طاها/نَرو زهرا، نَرو زهرا
نزار حیدرُ، تک و تنها /نَرو زهرا، نَرو زهرا

چشماتو وا بُکُن، بده به من جواب
ای سکینه یِ، دلِ اَبوتُراب
فاطمه بِری، میشم خونه خراب
عزیزِ جونم

از بابات بَرام، آخه نِشونی تو
کاش میشد خانم، یه کَم بمونی تو
یارِ خسته ام، هنوز جَوونی تو
عزیزِ جونم

علی ناله سین، گَل اوجاتما/بیله یاتما بیله یاتما

منی فاطمه، گوزدن آتما/بیله یاتما بیله یاتما

فاطمه یاتما، بو گون باتان زمان
ای شهریده، علینی تک قویان
آچ گوزلرون، عم اوغلووام اویان
دوزَنمیرم من

نچّه آیدی کی، غَم و نَوالیسان
درد و غمدن، باشی بَلالیسان
گیتمه زهرا، هَله یارالیسان
دوزَنمیرم من

علی ناله سین، گَل اوجاتما/بیله یاتما بیله یاتما

منی فاطمه، گوزدن آتما/بیله یاتما بیله یاتما

غُصّه و محنت، آلوب قراریمی
سولدوروبلار، گُلِ بَهاریمی
ثانی ووردی، ایویمده یاریمی
کیمه دیوم من

قلبیمی زهرا، بو غملی سوز دوتور
اَبرِ محنت، یاغاندا گوز دوتور
یاریم مندن، ایویمده اوز دوتور
کیمه دیوم من

علی ناله سین، گَل اوجاتما/بیله یاتما بیله یاتما

منی فاطمه، گوزدن آتما/بیله یاتما بیله یاتما

رَحم ایله زهرا، اَماندی (بیکَسم)
سندن تـِزدی، عَلاقه می کَسَم
زنده قالسام، سَنیله ئُولمه سَم
چتیندی هجران

هجرانوندان، دولار بالالارون
باشدا زلفون، یولار بالالارون
گیتسن زهرا، سولار بالالارون
چتیندی هجران

علی ناله سین، گَل اوجاتما/بیله یاتما بیله یاتما

منی فاطمه، گوزدن آتما/بیله یاتما بیله یاتما

• یکشنبه
• 1
• فروردین
• 1400
• ساعت
• 13:39
• نوشته شده توسط
• یوسف اکبری

سالموسان دیلدن منی، یافاطمه آچگوزلرون
دور علی سَسلور سنی، یا فاطمه آچگوزلرون

من عم اوغلون حیدرم، باخ بیر پوزولموش گُلشنه
سَن خدا ناکرده ئولسَن، وای منه ایوای منه

(یارالی زهرا
تاپشوردوم آللهه سنی
یارالی زهرا
سنده حلال ایله منی)

گورمه میشدیم هیچ اذان وقتی بیله خواب ایتموسن
باخ علینی گور نجه هجرونده بیتاب ایتموسن

اینجیدون حیدر ایوینده حَقلیسن گوز آچماسان
طایرِ روحون اوچوب، یوخسا گونوز سن یاتماسان

عالَمه مشکل گُشایم مشکله دوشدوم ولی
ئولماقون زهرا نجه ایندی خبر ویرسین علی

گیتماقون ایودن منی گور دَرده سالدی فاطمه
حیدرین یخدون ایوین چاره م آزالدی فاطمه

هر وصیّت ایتموسن اود وورموسان جان و دیله
صبحه تک قان آغلاسام. هیهات دردیم اَسگیله

کیم بو تزلیقدا سنی مَرگه هم آغوش ایلیوب
کیم گِجِیله یارینی گیزلین کفن پوش ایلیوب

سو دَگوب زلفون پریشان اولسا زهرا نیلیوم
قیزلارون زلفون گورَنده یولسا زهرا نیلیوم

غسل ویرسَم ده سنه، زهرا نجه دفن ایلیوم
اَل چَکوم سندن نجه، زهرا گجه دفن ایلیوم

من نجه زهرا باخوم، بو پیکَرِ بیماریوه
من نجه توپراق توکوم سیلی دَگَن رخساریوه

قورخوری حیدر جهاندا، زنده قالسین فاطمه
کاش اَجَل گَلسون علینون جانین آلسین فاطمه

• یکشنبه
• 1
• فروردین
• 1400
• ساعت
• 14:26
• نوشته شده توسط
• یوسف اکبری

یاسِ کَبودِ من تویی / زهرا
ذکرِ سرودِ من تویی / زهرا
بود و نبودِ من تویی / زهرا
چِشاتو وا کُن2

تو مدینه غریبم و / تنها
پُر شده سینم از همه / غمها
منم علی، منم ببین / زهرا
چِشاتو وا کُن2

(زهرای من، زهرای من/زهرا)
غریبه حیدر2

باغ و بهار منن تویی / زهرا
مَحرَم و یارِ من تویی / زهرا
دار و نَدارِ من تویی / زهرا
عزیزِ جونم2

ببین تو حالِ حیدرو / زهرا
جَوونی تو بِمون نَرو/زهرا
ببین تو چشمایِ تَرو /زهرا
عزیزِ جونم2

سَندنصورا یوخ همدمیم /زهرا
باشدان آشوبدی غم لریم /زهرا
جاندان دویوبسان مَحرَمیم/زهرا
گیتمه اَماندی2

حیدر ایوین یخما بیله /زهرا
گَل وورما اود، جان و دیله/زهرا
گیتمه اَماندی صبر ایله /زهرا
گیتمه اَماندی2

گیتمه یارالی مَحرَمیم / زهرا 3
گیتمه اَماندی2

سَندنصورا یوخ حیدرین / یاری
گوز یاشیمی ایتدون یوزه / جاری
آچ گوزلَرون باخ حالیمه / باری
حالیم یاماندی2

ای یاوَریم گیتمه منی / آتما
خونِ دیلی گوز یاشیما / قاتما
زَهرا اذان وقتی بیله / یاتما
حالیم یاماندی2

دنیا نه تِز مندن سنی / آلدی
گُلزاریمه بادِ خَزان / سالدی
زهرا بالالاریم یتیم / قالدی
اَشکیم رَواندی2

اَحوالیمی هیچ کیم منیم / بولمور
یَثربده زهرا جان یوزوم / گولمور
خیبر یخان حیدر دورا / بولمور
اَشکیم رَواندی2

گیتسن نجه زهرا یوزوم / سولماز
درد و بلالَر قلبیمه / دولماز
بوندانصورا بیر خوش گونوم / اولماز
شغلوم فَغاندی2

دوشدون اَیاقدان فاطمه / غمدن
گیزلَتموسن اوز دَردیوی / مندن
شرمنده اولدی مرتضی / سندن
شغلوم فَغاندی2

اَهلِ سَقیفه دین ایوین / یخدی
یاندی قاپی توستی گویه / چیخدی
دیوار و دَر زهرا سنی / سیخدی
فوقِ بَیاندی2

ظلم آتشی طومارِ غم / یازدی
ثانی او گون حَقّین یولون / آزدی
محسن مَزارین میخِ در / قازدی
فوقِ بَیاندی2

گلزاریمه زاغ و زَغَن / دولدی
غنچه م سارالدی ظلموله / سولدی
دوشدون یره زهرا اولان / اولدی
دردیم نهاندی2

باغِ ولاده بادِ ظلم / اَسدی
صبر و قرارین ریشه سین / کَسدی
من (بیکَسم) بیر بِیله غم/ بَسدی
دردیم نَهاندی2

• یکشنبه
• 1
• فروردین
• 1400
• ساعت
• 14:28
• نوشته شده توسط
• یوسف اکبری

دنیاده خوش گون گورمییَن/یارالی نَنَم3
بالالاریندان دویمییَن/ یارالی نَنَم 3

زمانه قویمادی آنا / گوله زینبون3
یتیمه لیق چتیندی کاش/ ئوله زینبون3

جوان اولوب جوانلارا /قاریشانمادون3
قبره آپاردون سوزووی /دانیشانمادون3

خدادن ایسته دون ئولوم/ بولمورم نَدَن3
اون سَگّیزایلده کیم آنا/دویوب عمرودن3

اَیاق قویانمورام آنا / آسِتانیه 3
نه اِیله میشدون ای آنا / سن او ثانیه3

دیلده کی دردیمی منیم / بولَن اولمادی3
آنا عزایه بیر نفر / گَلَن اولمادی 3

من آنا قَبریوین یرین / هله بولمورم3
گذشت ایله مزاریوه / گَلَه بولمورم3

گوزوندن ای آنا منی / نیه آتموسان3
قَبریده خسته جسمیله / نِجه یاتموسان3

جهاندا درد و محنَتیم / قوتارار مَگر3
حُسینیله عراقه من / ایدَرَم سَفر3

دوشَنده قارداشیم حسین / قتلگاهه گَل3
شامِ غریبانه آنا / خیمه گاهه گَل 3

( بیکَس) عیالیوی او گون/ دیله دوت آنا3
رقیّه آغلییَن زمان / دینَن آغلاما3

• یکشنبه
• 1
• فروردین
• 1400
• ساعت
• 14:38
• نوشته شده توسط
• یوسف اکبری

یثرب ایچره زهرا
بو یامان گونلرده
سن بیزی تَرک ایتدون

دوزمه دون افسوس
دوزه له سینَن
یاره لیدون گیتدون

فاطمه کیمه دیوم
حَسَنِین آناسی گیتدی

ویریم عالَمه خبر
ایویمین صفاسی گیتدی

یارالیدون
گجه غسلودا گوردوم اوزوم

یارالیدون
نجه من بیله درده دوزوم

یارالیدون
نچه آیدا خانیم گولمَزدون

ئولدوروب لَه سنی ظلموله
یوخسا ئولمزدون

منیم زهرام4

نه بولور بیر کیمسه
منیم احوالیمی
زهرا گیتدون قالدیم

سو توکَنده اَسما
یاره لر گورسَندی
درد اوسته، درد آلدیم

دردیوی نهان ایدوب
خَلوَتونده قان اوتاردون

اوز ایویمده فاطمه
سن علیدن یوز دوتاردون

دویولموشدون
دیمه دون نیه فاطمه جان

قولاقوندا
کوچه دن واریدی، بیر نشان

گذشت ایله
گوروسن غَمیوه درگیرم

فاطمه، بولوسن، نجه من، عمرودن سیرَم

منیم زهرام4

• یکشنبه
• 1
• فروردین
• 1400
• ساعت
• 14:45
• نوشته شده توسط
• یوسف اکبری

جلوه گر نور داور اولدی
بیت طاها منور اولدی
تَهنیت کلّ شیعیانه
فاطمه گلدی بو جهانه

مددی یا حضرت زهرا

لاله ی باغ نبوی دی
بو جهاندا عشق‌علیدی
ماه و انجم، شمسِ ضُحاها
به فدای حضرت زهرا

مددی یاحضرت زهرا

ای دلیل خلقت عالم
ریزه خوارون عالم و آدم
گوزل آدون روحه صفادی
نه چتین درد اولسا دوادی

مددی یا حضرت زهرا

سن شفیع روز جزاسن
مادر شاه شهداسن
نه اولار بیر زینبه خاطر
یاز بیزه بیر کرب و بلا سن

مددی یا حضرت زهرا

ای گُل گلزار پیمبر
یاور و ای دلبرِ حیدر
(بیکَسم)من ایله عنایت
وار باشیمدا شوق زیارت

مددی یا حضرت زهرا

• یکشنبه
• 1
• فروردین
• 1400
• ساعت
• 14:52
• نوشته شده توسط
• یوسف اکبری

(مناسب برای شور کف زنی)

یا زهرا ای عشقی دارو نداریم
گول یوزی باغ و بهاریم
آیا بَنزَر یوزون اولدی
روشنیِ لیله یِ تاریم۲

«یرگویون صفاسی سنده دی
دردیمین دواسی سنده دی»۲

«عنایت ایت بو دل حَزینه
خانیم بو جَمعیله مدینه»۲

من اوشاقلیقدان سیزه نوکرلیقی مشق ایلرم
هرزمان آدون گَلَه ، زهرا دیوب عشق ایلرم

فاطمه یا فاطمه یا فاطمه یا فاطمه

ای بِیتِ وحیَه بیر ماه دل آرا
گَلدون تک قالمیه مولا
ایلدی قدرتین نمایان
سنی زهرا، حق یاراداندا۲

«آی یوزون بوگون ایتدی نهان
گوردی تا سنی فاطمه جان»۲

«حَبیبه ی حیّ جَلی سن
بسدی کی سن عشق علی سن»۲

ای دُرِ پُر قیمت طاها و سلطانِ حَجیز
مریم و هاجر سنه فخر ایلیَر اولسون کنیز۲

فاطمه یا فاطمه یا فاطمه یا فاطمه

یازهرا سنسن بیر سَروِ گُلِستان
ایتدی عشقون بیزی حیران
سَروَرِ نِسوانِ جهانسان
اولا عالَم لر سنه قربان۲

«من دَخیلِ چادر شَبووم
من فداییِ زینبووم»۲

«خدیجیَه نور دو عین سن
مادرِ اَربابیم حسین سن»۲

مُدّعی لال اول دیمه من (بیکَسم) هر جاییَم
یوخ بابا ،زهرایه آند اولسون کی من زهراییَم

فاطمه یا فاطمه یا فاطمه یا فاطمه

یازهرا رُخصت وِیر بی سَرو پایه
سال بیرده باشیمه سایه
بیزی مهمانِ بقیع اِت
یوللا اوردان کرب و بلایه۲

«چوخ گوزلدی ششگوشه حرم
بیر طرفده وار صاحبْ عَلَم»۲

«بیز دویماروق شورو نوادن
دویمامیشوق کرب و بلادن»۲

کربلا یتمیش ایکی جانباز اولان یردور خانیم
کربلا ششماهه بیر سرباز اولان یردور خانیم ۲

فاطمه یا فاطمه یا فاطمه یا فاطمه

• یکشنبه
• 1
• فروردین
• 1400
• ساعت
• 14:59
• نوشته شده توسط
• یوسف اکبری

فاطمه نور العینِ طـــاهادی
فاطمه مونـــسِ احـــــبّادی

فاطمه احســنُ الخلائق دی
خلقــتی نوریـدن ده والادی

ایکی دونیا شرفین کانـونی
روضةُ الـــفاطمه ده برپادی

شمعِ جانانیـدن اوراق گزمه
بو همان پرتو جان گیــرادی

مُنکر فاطمه نون اَعمـــــالی
خارج از محکمه ی عقبــادی

نیلرم فاطمه سیز دونیــــانی
گوشه ی چشمی منه دنیـادی

سسله یا فاطمه بو ذکریــله
ئولویه دم یارادان عیسـادی

قازانان هشت باب جنـــّاتی
شبهه سیز عاشقان زهـرادی

• سه شنبه
• 3
• فروردین
• 1400
• ساعت
• 14:04
• نوشته شده توسط
• یوسف اکبری

سویله گر اسلامی ائدوبسن قبول
صلّ علی قرة عینِ الرّسول

فاطمه یه باغلا ئورک بندینی
تا آچاسان معصتین بندینی

گل علوی مکتبینه همدم اول
بحر مصیباتبده غرق غم اول

بوشلا بو بی عهد و وفا عالمی
ئوزگه بیر عالم دی عزا عالمی

گل اول ئوزون سائل خیرالنساء
ایلمه بیگانه لره اعتنا

سائله احسان اِلیین دور خانم
دردیوه درمان اِلیین دور خانم

دوگمه بیر ئوزگه در میخانه سین
مست ائله اوّل ئورگین خانه سین

شمع شبستاندی بیزه فاطمه
عشقیده برهاندی بیزه فاطمه

داشسا اگر بزمیده پیمانه لر
رسمیدی جاننان گئچه پروانه لر

شمعیدی زهرا اونا پروانه بیز
عشقیدی زهرا اونا دیوانه بیز

ئوزگه یانان شعله لره یانماروخ
جان دا وئرخ عشقینی بیز دانماروخ

خوار اولا هرکس تانیمور مکتبی
آنلامیوب دینی ، نه ده مطلبی

ظاهر ناحقّه باخوب،حق گوروب
ظالمه دیوار حمایت هوروب

باغلی دوتوب امته درب رجا
دینه خلیفه چخادیب نابجا

نفع بیر اشخاصه گوره حق دانیب
توده ملت ده ولی آدلانیب

صاحب حقدن سندی سلب ائدوب
رأی عوامی اؤزونه جلب ائدوب

مجرم ئوزی حکم قضاوت تاپوب
جمع جهالتده جلالت تاپوب

امر رسالت دن عدول ایلین
مطلب ناحقّی قبول ایلین

گؤزلره پنهان ائلیوب حجتی
بیعته وادار ائلیوب امتی

امر ائلیوب قلبلری داغلیون
گئلمسه کیم قوللارینی باغلیون

بیت مخالف لری اودلاندیرون
وئرمسلر یول، قاپیسین یاندیرون

ملتی که عشق ولا آنلاماز
کینه و خصمیله قیلالار نماز

جهل لری عقل لریندن قوی
امر شیاطیندن ائدوب پیروی

خانه ی وحی-ی- هدفینده عموم
کوی بنی هاشمه ائتدی هجوم

دربه مقابل ییغیشوب چوخ عرب
فاطمه دن حیدری ائتسون طلب

سالمیالار ایشلرینی زحمته
تا چکه لر حیدری ده بیعته

فاطمه کی حیدره همرازیدی
جبهه ی عشقینده سرافرازیدی

وئرمدی فرصت عرب جاهله
قویمادی نا اهل لری منزله

یوز توتوب اعرابه او روح وقار
وئردی ولایت سوزونه اقتدار

سسلدی ای قوم اسارت پرست
فکر خلافت سیزی ائتموش نه مست

بعد نبی قلبیمی چوخ غم یوروب
بعضی لری فتنه اساسین قوروب

چون باشینی قویدی یئره مصطفی
خلع خلافت اولونوب مرتضی

حج وداعیده ددی خطبه نی
وئردی آتام حیدره بو رتبه نی

حق علیدور بو خلافت یولی
چون اودی دنیاده عدالت یولی

روشن اولوبدور چوخو غفلتده دور
فکر ریاست و خلافتده دور

امته بو ظلمی روا قیلمیون
امررسالتدن هئچ آیریلمیون

باغلیا بیلمزسوز علینون الین
فاطمه حامی دور اونا،دینجلین

آنلیون حق اوسته یم،آزادیم
مدرکه بو بس که نبی زادیم

عالمه مهتاب دل آرا منم
رحمت اول خالق یکتا منم

لازمه ی روضه ی رضوان منم
باعث خشنودی سبحان منم

جان بو منظومه یه جانان منم
روح شرف،پیکر ایمان منم

صبر و قرار دلِ پیغمبرم
قبله گهِ درب کَنِ خیبرم

شیرزنم،شیرزنه مادرم
فاطمه یم،فاطمه ی حیدرم

شمعیمه پروانه لیغه لایقم
شوهرِ با غیرتیمه عاشقم

قویمارام عشقین زِرِهین من یئره
عاشق مستانه گرک جان وئره

حقّیله انصافه گوره قان وئره
لیک محال ئیدی که ایمان وئره

گرچه خلافت سَنَدی غصب اولوب
مسندینه غیر علی نصب اولوب

قلبیمی گر درد و مصیبت سیخا
صبر ائویمی ظلم مشدد ییخا

گر یولومی یول کَسَنیم باغلیا
حالیمه اوغلوم حسنیم آغلیا

داغلانا قلبیم غم اودیلان اگر
ترک ائلیر فاطمه عشقین مگر

ائتدیگیم عهد اوسته وارام دؤنمرم
شمع حرم خانه کیمی سؤنمرم

حقّی قویوب،باطله یول وئرمرم
حقّ علیدن صوراسین گؤرمرم

عشق علیدور ره تقوا منه
اوّل و آخر اودی مولا منه

ای قاپینون قیرماغینا زور ائدن
درد و فشاره منی مجبور ائدن

بیر کمکه گئلمین ای قونشولار
شاهد اولون،اهل ستم دیر بولار

اودلامیون حق قاپیسین ای عوام
شور جهالت ده قالیبسوز مدام

دقت ائدون بیر سؤزومه سیز صورا
سویله نئدن جمع اولونوبسوز بورا

وئرمیون امکان سیزه لعنت دییَم
تانریدان ئوز ئولمگیمی ایسدیَم

سائل اولوبدور بو دره هر ملک
یانسا بو در اودلاناجاق نُه فلک

حیدری فرض ایلمیین بی کمک
فاطمه قویماز قالا دلداری تک

قانیمیله عشقیمه ورّام محک
راه شهادت گئده عاشق گرک

گر در و دیوار آراسیدی تنگیدی
سنگری ترک اِیلمه گیم ننگیدی

قوی در و دیوار اولا سنگر منه
شیرخدا دور ائله رهبر منه

گر سینه مه یوزمین عدد میخ باتا
لحظه ده قویمام عَلَم حق یاتا

دنده لریم ضرب دره سینسا دا
اود آراسیندا ئورگیم یانسا دا

کوچه ده راهیم منه باغلانسا دا
قلبیم اگر ظلمیله داغلانسا دا

من ایاق آلتیندا اگر جان وئرم
محسنیمی حیدره قربان وئرم

آتمیاجاق فاطمه ئوز یارینی
ئولسه ده ساتماز بو هوادارینی

عشق علی عمریمه سرمایه دی
دختر طاها باشینا سایه دی

روز قیامت دییرم تک کلام
عالمه سروردی علی،والسلام

• چهارشنبه
• 4
• فروردین
• 1400
• ساعت
• 20:00
• نوشته شده توسط
• یوسف اکبری

دل شبده آچ سینه وی بقیع
گئتیریبدی حیدر امان سنه
گؤزی یاشلی گلدی که تاپشورا
ئوز اَلیله گوهرِ جان سنه

گُلِ پنج تن دی بو جسم و جان،بو وجوده ساخلا سن حرمتی
چوخ اذیّت اولدی بو دهریده،تاپا سنده بلکه ده راحتی
علی یه امانتیدی بو گول،وئرسن رسوله امانتی
قیریلیبدی ساقه دن حیف اولا،گئلیر ایندی قدّی کمان سنه

خبر آلما باعث اولوب نئلر،که مثال گول صولا فاطمه
نه ائدوبدی ضربت در مگر،بو سیاق شهید اولا فاطمه
نئدن آشیانه سینی گرک،قویا تک دوشه یولا فاطمه
گئتوروبدی پیکر خسته سی،سینه سینده درد نهان سنه

باشینا گلوبدی نه اتّفاق،آناسیز او دورت بالادان سؤروش
قاپیسیندا عزّتی اودلانان،اَلی باغلانان آتادان سؤروش
نیه فاطمه گئجه دفن اولور،سینه سینده کی یارادان سؤروش
ئوزی سنله قوی آچا دردینی،ائده جاری اشکِ روان سنه

دم احتضاریده سویله دی،ئورگیم دوتوبدی ملال علی
سنی تک قویوب گئدورعاشقون،بئله یاری ایله حلال علی
ئوز الونله وئر منی توپراقا،نچه دم یانیمدا دا قال علی
بو گؤزومده حسرتیم اولماقا،یوزووه یوخومدی توان سنه

اؤتوروبدی گلشنی فاطمه،پر آچوب گلوب یئری بوش قالوب
بو همای عترتین ئولمه گی،هامی کایناته شرر سالوب
دیزینی قوجاخلیوب حیدری،بالالاری دوره سینه آلوب
هامی اهل منزلی غمزده،آخیدیر او گؤزلری قان سنه

آناسیز بیر إوده قالان حَسن،توکور آهیله یوزه گؤزیاشی
یاریسی یانان قاپویا باخیر،یادینا دؤشور آنا قارداشی
چاغیرور که زینبی گَل باجی،آغیر اولدی سینه مه غم داشی
باجیسی سیلور گؤزونون یاشین،بو یتیملر اشکی نشان سنه

ولی آغلیان چاقی حیدرون،گؤزونون یاشین سیلن اولمادی
گولو پرپر اولدی جفائیلن،نجه غم چکوب بیلن اولمادی
بیری ده تسلّیه قونشودان،بو غریبیه گلن اولمادی
گئتوروبدی عرض شکایتین،گئجه یاری تا نگران سنه

• چهارشنبه
• 4
• فروردین
• 1400
• ساعت
• 20:02
• نوشته شده توسط
• یوسف اکبری

یاز قلم بئل بوکودن درد و غم عظمانی
روحِ پیغمبره تحمیل اولونان بحرانی

یاز نجه ظلم اولونوب فاطمه ی زهرایه
آغلادار روضه لری یاسه گلن یارانی

خانیمون هر گونی بیر روضه دی گر درک ائتسون
شرح ائدوم من نجه نیسگیللی کئچوب هرآنی

هانسین آغاز إلیوم گلدی آغیر چوخسونان
کوچه حالین دانیشیم یا قاپینین جریانی

آغلیا شیعه گرک قان،دوگولَن زهرایه
ناله و آهین عزاداریده یوخ پایانی

فلکین مظلوما ظلم ائتدیگی چرخی سینسین
ائله ایش گوردی قالیب مرقدی ده پنهانی

ائله خوش گونلرینه سایه ی ظلمت سالدی
یازدی نوحه یاخیلاندا قاپیا القانی

چکدیلر عهد شکن لر اودا عزّت قاپیسین
صولدی تا گوردی بهشتین باغی بو عصیانی

اوچ یوز اعرابی ائدوب زور که آچسین قاپینی
آلمیوب لار نظره شاخه گلِ رعنانی

الغرض هر نئیدی سیندی او یانمیش درگه
در و دیواره سیخیشدیردی تنِ زهرانی

تکیه وئردی قاپیا اول أزیلَن پهلوسی
تا فرج اولمویا حاصل إوه گیرسون ثانی

نَفسی تنگه دوشوبدور سارالیب سیماسی
قالمیوب تابی فشاره یورولوبدور جانی

ناگهان ائتدی اصابت سینه سی مسماره
گوئیا گؤزلرینه تار ائلدی دونیانی

أسدی بیر قورخولی یئل،برگِ وجودی أسدی
چاغیروب قلبیده آهیلن او دم طاهانی

گویه دوتدی یوزونی،یومدی گوزون آهسته
یاغدیروب صورتینه،ابر بلا بارانی

سسلدی یارینی امدادینه اول دِل مجروح
ناگران حالیله،تر دیده گزور مولانی

هم منه هم بالاما تئز گل علی جان آغلا
اولدی مادر کیمی محسن ده بلا قربانی

لطف بی غایتیوون ایندی منم محتاجی
عهد و میثاقیمیزین اولدی وفا دورانی

گل نوازش ائله بو صورت نیلی فامی
صورا رام إیله بو عشقینده کی سرگردانی

یئتیش ای مشکل آچان درده گرفتار اولدوم
سینه مین یاره سینون بیرجه بودور درمانی

میخِ در ردّینی گل گؤزده کی یاشونلن سیل
قالماغیم بلکه ده بیر لحظه اولا طولانی

گُل افسرده می اطرفیده گوزوم گؤرمور
سنی تاری ده گؤروم بی کس حسینیم هانی

• چهارشنبه
• 4
• فروردین
• 1400
• ساعت
• 20:05
• نوشته شده توسط
• یوسف اکبری

عیارِ هستیِ اعظم،عیارِ جان زهرادور
جمیعِ خلق اولانلار هامّیسی حیران زهرادور

وجود اطهر دلبند طاهایه سلام اولسون
بو عاجز نطقیده جزء ثناخوانانِ زهرادور

اجازم گر اولایدی خلقتین منده یازام شرحین
یازاردیم آدمه حقِ نَفَس، احسان زهرادور

تمام ثابت و سیّاره محو اولموش نگاهینده
وئرن منظومه یه فرمان فقط چشمان زهرادور

سخاسینده اونا یازسام صفت دریالری،آزدی
نه دریالر که اقیانوس ئوزی عطشان زهرادور

اگر انشا ائدوب زهرا آدیلان خلقتی ربّیم
تصرّف روح دنیایه دئمک امکان زهرادور

نشانِ عصمته دارا،مقام و رتبه سی والا
اولان آغازگر بو خلقته،عنوان زهرادور

گویون سیماسینی زیبا ائدن رخشنده اولدوزلار
فقط بیر گوشه ی زرّینه ی دامان زهرادور

نه اندازه گوزلیک که یارانمیش عرض دنیاده
مه و مهریله باهم جمله آویزان زهرادور

دئیوم من هانسی وصفی ساحت دربار زهرادن
مقام فخریلن جبریل ئوزی دربان زهرا دور

تمام خلق اولونموش ذره لر،اجرام و کیهان لار
ملائک،جن و انسان یکسره قربان زهرادور

یانار هرکیم که گورمز احتشام نام زهرانی
سالان انسانی رحمت دن اوزاق نیران زهرادور

نقدری زاهد اولسان دا قالارسان جنت آغزیندا
بهشتین قاپلارین تنها آچان فرمان زهرادور

ایکی دنیا سعادتمندی یازهرا دئین لر دیر
چکن عصیان اودوننان عاشقین،دستانِ زهرادور

دئسن یافاطمه درمان هر دردین اولار حاصل
بو قدرت اختصاصِ نام جاویدان زهرادور

علامت دور، نشانِ انتظار و انتقام عشقی
که هر بیر عاشقون قلبینده بو طوفان زهرادور

حسینه آغلیانلار مطمئن اولسون جزا وقتی
عزاداری باغیشلاتماق ازل پیمان زهرادور

اگرچه کامیاب اولموش ((امین)) احسان زهرادن
ولیکن غصه سی اول مرقد پنهان زهرادور

• چهارشنبه
• 4
• فروردین
• 1400
• ساعت
• 22:02
• نوشته شده توسط
• یوسف اکبری

دؤنوبدور قانه باغریم عم‌قیزی چارم کسیلمَق‌دن
کسیب امّیدینی یکسر علی بالمرّه گولمَق‌دن

چیخیب شیرازه‌دن غملر کتابی سالماقا گلمیر
کی حالیمدن بیری بیرگون ده اخبار آلماقا گلمیر
بو ائوده قلب‌سیز جسمیم‌ده والله قالماقا گلمیر
یورولدوم هر گئجه یاری بقیعه بسکه گئلمَق‌دن

مزارین اوسته گلّم تا دئییم اؤز حال و روزیمدن
ائوین سس‌سیزلیقینده قوزانان افغان و سوزیمدن
یانان پروانه‌سیز احوال شمع بی فروزیمدن
او زهراسیز قالان بؤش یئرلره گؤزلر تیکیلمَق‌دن

سن ایندی یوخسان امّا کی سنه اؤز جانلارین آغلار
آچیب دیل نوحه‌یه دردین کیمی درمانلارین آغلار
ائوینده قیزلاریندان چوخ سنه اوغلانلارین آغلار
اگر اشک اولسا دریا خشک اولاردی بو دردی بؤلمَق‌دن

حسینین قالماغین بیر گوشه‌ده هئچ بیر نفر بیلمیر
قالان دیواردا تازه قانیوی بو اللریم سیلمیر
بو بیر اعجازیدور والله کی سنسیز مرتضی ئولمور
چیخیبدور جان بو جسمیم‌دن و الّا کی سن ئولمَق‌دن

نه گؤردوم ماهیمون دورینده واردور هالهٔ ماتم
منه دردین دانشسایدین تاپاردیم بلکه بیر مرهم
ئورک بیمار اولاندا سینه‌ده قامت اولارمیش خَم
ولیکن ایندی بیلدیم من نئدیر علت اَگیلمَق‌دن

نئلر اولموشدی زهرا چهرهٔ خندانی گیزلتدون
او صولموش صورتینده غصّه‌ی دنیانی گیزلتدون
او وحشت کوچه‌سینده یوز وئرن جریانی گیزلتدون
حسن‌جانی خبرسیز قالمیشیدیم سن دویولمَق‌دن

فراقین خنجرین من بیلمزیدیم بیر بئله تیز‌دی
چاتان سندن منه بیر یادگاری لخته‌لی ایزدی
نه بیلمیشدون علینون دردینی زهرا،کمک‌سیزدی
کی گئتدی قلبیدن درمان و آرامین بو بیلمَق‌دن

دعا ایله گئلیم منده بو تئزلیقده او دنیایه
علاقَم قالمیوبدی عالمه سنسیز تماشایه
یازیلدی صفحه ‌ی عمرومده سنسیز غملی بیر آیه
نه پوزماقدان اونی باشه چاتار دردیم نه سیلمَق‌دن

• چهارشنبه
• 4
• فروردین
• 1400
• ساعت
• 22:04
• نوشته شده توسط
• یوسف اکبری

سبک: ای حرمین غصه‌لی ماهی

عمریمون ای اولدوزی باتما
مغسلون اوسته بئله یاتما
رحم ائله بو خیردا یتیمون
گوزلرینی قانه بویاتما

پوزوب مطلبی گئتمه-آتوب زینبی گئتمه
دایان باری صبح اولسون-بو نصف شبی گئتمه
ننم لای لای (2)

زینبون ای تکجه پناهی
گورمورم اول مِهر نگاهی
سن قیزیوی ترک ائلیَندن
بخت ائویمه دوشدی سیاهی

غمونده تل یولّام-گولوم آچمامیش صولّام
بئله بیلمزیدیم من-بو یاشدا یتیم اولّام
ننم لای لای (2)

آچ گوزون ای قبلۀ رازیم
اللریوه واردی نیازیم
سن گئدوسن واردی بو قورخوم
اولمویا هِئچ کیم چکه نازیم

نئدن گولمَدین گئتدون-غمیم بیلمدین گئتدون
سیلر قیز گوزون مادر-گوزوم سیلمدین گئتدون
ننم لای لای (2)

ای سینه سی پاره لنن آی
سینه سی یاره ننم ایوای
نیسگلیم اولدی اؤرگیمده
سویلَمدیم محسنه لایلای

نه گهواره سین آلدوخ-نه ده لایلایین چالدوخ
نه خوش آرزی لار ائتدوخ-ولی منتظر قالدوخ
ننم لای لای(2)

• چهارشنبه
• 4
• فروردین
• 1400
• ساعت
• 22:07
• نوشته شده توسط
• یوسف اکبری

زینبین آی ئورک ائوین،قانیله غرق ائدن ننه
روحی گئجِیله پر آچوب،قبر ائوینه گئدن ننه

ای شرف آشیانه‌سین،هجریله یاندیروب گئدن
غیرت اهل یثربی،جمله اوتاندیروب گئدن
غسلینی گون باتان چاغی،اَلده یوباندیروب گئدن
همسرینه او لحظه ده،غملری پای وئرن ننه

هر گئجه یوخ یئرونله من،غصّه لری قوجاخلارام
دستِ مصیبتیله بو ، تئللریمی داراخلارام
گاهی حسنله آغلیوب گاهی حسینله آغلارام
ای منه قاره بختیمون سرّینی سویلویَن ننه

ای کی تک اَللی قبله ده،خالقینه نیاز ائدن
ئولمَقیله بو محفله،باب فراقی باز ائدن
گئلمیر او آغلاماق سسین،یوخدی بیر اعتراض ائدن
آی اونا بسدی آغلاما،قونشولاری دئین ننه

هردَن آتام دییر سنه،ای سارالان جوانه میز
خوش گونه امّید اولمیون،سؤندی چراغ خانه میز
خاطره ی حزین دور،اود توتان آستانه میز
بعضی دییر یانان ننه ،بعضی دییر ئولن ننه

گؤردوم حَسن دن آشکار،آلدی آتام خبر گلوب
صحنه چیخیبدی خانه دن،سمتیمه دیده تر گلوب
ایندی بیلیبدی کوچه ده،صورتیوه نَلَر گلوب
هی دیور آغلیور سنه،سیلی دن اینجیَن ننه

باخجاغین هامّی آغلاشور،سن سیز اطاقِ خالیه
یوخدی ترحّم اِیلین،قلبِ منِ عزالیه
اهل مدینه گئلمدی،بیزلره هئچ تسلّیه
ای اونی اؤز سراسینون،غربتی ئولدورن ننه

درد و دِل اِیلییر آتام،بولبولِ نغمه خوان کیمی
گئتدی قیزیم دییر آنان،گویلره گون باتان کیمی
یوردی منی بو زندگی،فاطمه نی یوران کیمی
دائما آغلیان گؤزی بختینه گولمویَن ننه

• چهارشنبه
• 4
• فروردین
• 1400
• ساعت
• 22:09
• نوشته شده توسط
• یوسف اکبری

سرور و جشن میلادت مبارک باد یازهرا
قلوب عاشقانت گشته شادِ شاد یازهرا

هزاران مرتبه باید خدایم را بگویم شکر
که مِهرت در دل بیچاره ام افتاد یازهرا

هزاران آفرین و مدح و احسن صدهزار
به دستی که تورا جانانه کرد ایجاد یازهرا

مرا بس باشد این لُطفت شوم یک عمر چون نوکر
مبادا از غلامی ام کنی آزاد یازهرا

خوش آید هر زبان مَدحت،ولیک خوشترش گویم
آدون قربانی ام اولسون ائوین آباد یازهرا

• چهارشنبه
• 4
• فروردین
• 1400
• ساعت
• 22:12
• نوشته شده توسط
• یوسف اکبری

یارالی جان وئرن زهرا شفا گورسیدی ئولمزدی
غریبیدی وطن ده آشنا گورسیدی ئولمزدی

او زهرا کی اونون دنیا سیغاردی جام صبرینده
ئولوب سیز بی‌مروّت ملتین جوریله جبرینده
اولون راحت آنام ساکت یاتیبدی ایندی قبرینده
دیین‌ده حقّینی بیر هم‌صدا گورسیدی ئولمزدی

یوموبدور فاطمه گؤز بو وطن‌دن ناامیدانه
نگین حضرت احمد تانیندی خلقه بیگانه
اونی غربت ملالی سالدی مین اندوه و هجرانه
یقیناً سیز جماعتدن وفا گورسیدی ئولمزدی

سلامین بلکه آلسیدوز دئمزدیم من ننم ئولدی
یئره شمشیری سالسیدوز دئمزدیم من ننم ئولدی
اولان عهد اوسته قالسیدوز دئمزدیم من ننم ئولدی
سیزی بند جهالتدن رها گورسیدی ئولمزدی

بو دهر بیکراندا تاپمادی زهرا بیر آرامش
سیز ائتدوقجه اونا کم لطف‌لیق اِیلوردی او سازش
نه حرمت ساخلادوز دلبند طاهایه نه ده ارزش
وجود و شأنینه لایق بها گورسیدی ئولمزدی

فدک کی فاطمه گزدی اونون بی منّت اوستونده
نه علت اِیله‌دوز محکوم اونی ملکیّت اوستونده
جنایتدن اولوب آخر شهید حریّت اوستونده
بجای خیزران صلح و صفا گورسیدی ئولمزدی

اولونجه اولمادی سیزدن دل زهرا رضایتمند
ولایت شاهینه خاطر وئریب جانین شرافتمند
آپاردی قبره همراهینده بیر خلد آشیان فرزند
اولان ظلمی وجودینده روا گورسیدی ئولمزدی

یاشی آز اولسادا غم عالمی دریائیدی زهرا
قسم آل عبایه، حیدره دنیائیدی زهرا
هوادار علی‌ئیدی، ولی تنهائیدی زهرا
علی راهینده آیری جانفدا گورسیدی ئولمزدی

دوراندا پشت حیدرده شبیه کوهیدی جسمی
ولی رنج و مصیبتدن اونون انبوهیدی جسمی
او سیلی ماجراسیندن صورا مجروحیدی جسمی
و اِلّا اوننان آیری ماجرا گورسیدی ئولمزدی

گوروم سینسین اونا سیلی ووران ال کی رذیلیدی
هدف اینجیتمقیدی، ارثینی دانماق دلیلیدی
ائدن زهرانی بیمار و علیل والله او سیلی‌دی
اگر بیر آیری درده ابتلا گورسیدی ئولمزدی

سحردن آخشاما گؤز یاشی توکمخ ده دئیل بیر گون
مصیبت‌سیز گچن وارسا دئسین درمانده دیل بیر گون
او خوش گون کی قالیب حسرت اونا اون‌سگیز ایل بیر گون
جهاندا دخت ختم الأنبیا گورسیدی ئولمزدی

داغیلسا بیر جهان زهرانی حتی ییخماقا دگمز
خدا گؤردی بو دنیا ذره قلبین سیخماقا دگمز
او یوزدن آلدی تئز جانین،قضادن چیخماقا دگمز
اونا آلّاهی ذره غم رضا گورسیدی ئولمزدی

او قان کی سوزدی دیوار و دره عشقین ثبوتینده
اولوب پامال ایاق آلتدا ،باتیب امت سکوتینده
او مظلومه ئولن زهرا ،مسلمانلار قنوتینده
ریاسیز بیر ندای ربنّا گورسیدی ئولمزدی

نجه گچدی مدینه بیلمورم اؤز مهلقاسیندن
یاغور بارانِ محنت ایندی‌ده حال و هواسیندن
چتین اما چیخار زهرا ائدن ناله فضاسیندن
آخان گؤز یاشینه بیر اعتنا گورسیدی ئولمزدی

منه آسان دگول زهرا چکن آلامین اقراری
ئورک قانیله اِیلردی هر آخشام وقتی افطاری
فقط اولموشدی حیدر عشقینون زار و گرفتاری
بلا‌لر مادری آیری بلا گورسیدی ئولمزدی

فلک عومرونده زهرانی نه شاد ائتدی نه گولدوردی
ئولوم تنها دواسیدی،علییَه دردی بیلدیردی
اونی راحت ائدوب مظلوم علینون اشکی ئولدوردی
او گوزیاشدان صورا بیر کیمیا گورسیدی ئولمزدی

• چهارشنبه
• 4
• فروردین
• 1400
• ساعت
• 22:24
• نوشته شده توسط
• یوسف اکبری

در و دیوار آراسیندا بالاسی سقط اولونوب

هوشیدن گیتدی خانم غَشّ ایلیوب رنگی سولوب

زینبون گوزلری اشکِ غم و حسرتله دولوب

سَسلدی وای منه القانه باتوبسان آناجان

اولمیا زینبوی گوزدن آتوبسان آناجان

اوزونه ویردی تکان دوردی ایاق اوسته خانم

فاش ایدوب سرّینی تا فضّیه٬ سربَسته خانم

بیله فرمایش ایدوب بو سوزی آهسته خانم

عُمریمون دفترینی دستِ جفا پاره لَدی

فضّه مسمار باتوب سینه میده یاره لَدی

• پنج شنبه
• 5
• فروردین
• 1400
• ساعت
• 11:03
• نوشته شده توسط
• یوسف اکبری

اوچ یوز عرب هجوم ایلیوب اولدیلار جَری

یاندیردیلار علی قاپوسین یَابْنَ الْعَسکری

قالدی نه حاله فاطمه٬ من بیلمورم ولی

ناگَه دیل آلتی سَسلدی یا مرتضا علی

زهرا قاپی دالیندا دوشوبدی طلاطمه

سَسلندی گَل عموغلی علی٬ ئولدی فاطمه

پهلوسی سیندی سَس یتیشوب باغ جنّته

تاب ایتمدی گوی اهلی بو سنگین جنایته

دوشدی فشاره فاطمه٬ سَسلندی گَل آنا

زهرا بویاندی باشدان ایاقه قزیل قانا

گَل قان ایچینده دوت الیمی قویما چیرپینام

تِز گَل کمکلیک ایله ننه سقط اولوب بالام

• پنج شنبه
• 5
• فروردین
• 1400
• ساعت
• 11:04
• نوشته شده توسط
• یوسف اکبری

زهرایه گوره عالم خلقت یارانوبدی
بو موهبت و حکمت و مکنت یارانوبدی

زهرادی ویرن عزّ و شرف دیر و کِنِشته
زهرایه کجاوه اولونار بال فرشته

بو فاطمه طاها قیزیدی حیدره جاندی
جبریل امین٬ درگهینه بوسه ویراندی

بو اون بیر امامین آناسی اُمِّ ابیها
حورا کنیزی٬ دایه لری مریم و سارا

یوخ شیعیه محشر گونی هیچ واهمه واللّه
چون شافع جنّتدی خانم فاطمه واللّه

• پنج شنبه
• 5
• فروردین
• 1400
• ساعت
• 11:11
• نوشته شده توسط
• یوسف اکبری

زهرایه عزا ساخلیانا مژده ویریم من

مولا علینون عشقیدی بیر قلعهٔ ایمن

زهرا خانیما آغلیانون٬ ارزشی چوخدور

محشر گونی امنیّتی وار٫ قورخوسی یوخدور

ای شیعه آماندور آیق اوُل٬ ایلَمَه غفلت

یار اوُل آقامیز مهدیه گَلسون٬ اله فرصت

مهدی آقامون قویما گوزَل قلبی داریخسون

تا حیدری سَبّ ایلیَنون٬ گوزلری چیخسون

• پنج شنبه
• 5
• فروردین
• 1400
• ساعت
• 11:12
• نوشته شده توسط
• یوسف اکبری

کیمدی زهرا که آدی٬ زینت اولوب رضوانه
سورهٔ کوثری پیرایه ویروب قرآنه
جَنّتین حوریلَری خادمه دور درگهینه
شأنه باخ٫ منصبه باخ٬ سرور اولوب نسوانه

سورهٔ کوثر قرآن مَحَکِ فاطمه دی
بو حسین وای سسی نان و نَمَکِ فاطمه دی
فَدَکی غصب ائلیَن گور نَقَدَر ناداندی
باغ جَنّت در اِزایِ فَدَکِ فاطمه دی

نه یازیم نابغهٔ عالِمَه نین٬ وصفینده
حَضرتِ طاهرهٔ کامِلَه نین وصفینده
(فیضیده) یوخدی توان٬ فاطمه نی مدح ائلَسین
عُرَفا عاجز اولوب٬ فاطمه نین وصفینده

• پنج شنبه
• 5
• فروردین
• 1400
• ساعت
• 11:18
• نوشته شده توسط
• یوسف اکبری

قرآنی آچدیم آیهٔ محشر عیان اولا
تاجلوه های سورهٔ کوثر عیان اولا
حیدر کیمین مفسّر قرآن نیازیدور
تاکه مقام دختِ پیمبر عیان اولا

(فیضی) یازاندا فاطمه دن واژه قرض ائدور
زهرا آدیلا حور و ملک طیُّ الارض ائدور

سیغماز کلام شاعره اوصاف فاطمه
هفت آسمانه جک اوجالوب قاف فاطمه
حیران ائدوب جهانی دلِ صاف فاطمه
روح پُر از عطوفت و شفّاف فاطمه

یارب! دوشوبدی شاعر نالان طلاطمه
معراجه گیتمیَن تانیماز کیمدی فاطمه

• پنج شنبه
• 5
• فروردین
• 1400
• ساعت
• 11:34
• نوشته شده توسط
• یوسف اکبری

روز محشر که قیام٬ حضرتِ زهرا ائده جک
حیدرین شیعه سینه٬ حَشْری مُصَفّا ائده جک

ثانیِ کج رَوِشه٬ محکمه برپا ائده جک
خطبهٔ فاطمه٬ محشر گونی غوغا ائده جک

ثانیه اوردا سوزین٬ واضح و روشن دیَه جک
طبق آیات و احادیثِ مُبَرْهَن دیَه جک

ذکرِ یافاطمه باغ و گُل و گُلشن دیَه جک
شیعه لر شوقه گَلوب٬ هِی اونا اَحسن دیَه جک

لبِ لعلینده گُلِ خنده اَکَن فاطمه دی
ثانینی خفّتیلن داره چکن فاطمه دی

• پنج شنبه
• 5
• فروردین
• 1400
• ساعت
• 11:53
• نوشته شده توسط
• یوسف اکبری

اولیدی کاش اورگیم محضرونده یازهرا
توکیدی قانینی خاک درونده یازهرا

غمونده جان ساپینی پاره پاره دوغرامیشام
بیرین دوگونله نخِ معجرونده یازهرا

سنون آدونلا آدیم٬ مملکتده رایج اولوب
شُکوه و شوکته باخ نوکرونده یازهرا

فرشته لر دوزولوب تا قاپوندان اَجر آپارا
منیمده یاز آدیمی دفترونده یازهرا

• پنج شنبه
• 5
• فروردین
• 1400
• ساعت
• 12:07
• نوشته شده توسط
• یوسف اکبری

علیدور عشق زهرا،علیدور روح طاها
علیدور شاه محشر،علی فتاح خیبر

زینت الفاظ قرآن،سوره' انسان و فرقان
سسلیون باهم اورکدن ،یاعلی جان سنه قربان
یاحیدر دیلر نواسی، یا حیدر آدون فداسی،یاحیدر عشقون بهاسی
یاحیدر علی علی جان.......

علیدور سرنوشتیم ، علیدور چون بهشتیم
علیدور جان خاتم،علیدور ذکر اعظم

دیلدکی شور و نوادور،بو علی المرتضادور
بولمین بولسون بو آقا،عالمینه مقتدادور
یاحیدر درده دوا وئر،یاحیدر قلبه صفا وئر،یا حیدر بیر کربلا

• شنبه
• 7
• فروردین
• 1400
• ساعت
• 20:09
• نوشته شده توسط
• یوسف اکبری

ای بقیع حیدرین سنده باتور ماهی/یورقوندی اینجیتمه سن بول علی آهی
سنده گلوب درده حیدره دریا دل،قبره قویور یارین، یاره بودور نسگل
قلبیمی درده گئتیردی بو نسگیل/فاطمه قبرینه توکدوم اوزوم گیل یا زهرا جان
حیف اولا زهرایه......

گئت طاهایه دردین ائله بیان زهرا/اما سیلی ردین وئرمه نشان زهرا.
گورسه یوزون طاها غم سینه سین داغلار/گه سنه حسرتله گاهی منه آغلار.
حقی وار ائتسه گلایه پیمبر/یاخشی امانتی ساخلاموب حیدر .یا زهرا جان.
حیف اولا زهرایه.....

ائویم اولموش منه عزاخانا/دوت بالام آغلوری یانا یانا
زینبیم آغلار سسلر آناما لای لای /گاهی حسن سسلر وای دویلن ای وای
هر نه غم اولدی او کوچه ده اولدی/فاطمه مون یوزی گل کیمی سولدی

حیف اولا زهرا جان....

• شنبه
• 7
• فروردین
• 1400
• ساعت
• 21:04
• نوشته شده توسط
• یوسف اکبری

گل باشوه دونوم آنام زهرا
سن ئولمه من ئولوم آنام زهرا
گوزون یوموب گیتمه،منی قویوب گیتمه
بلالی زینبدن آنا دویوب گیتمه

نیلی دی صورتون سنه قیزون قوربان
چوخ اولدی محنتون سنه قیزون قوربان
حسینوی دیندیر آنا وداع ایتمه
حسن پریشاندی بیزی قویوب گیتمه

هجرانه توش ایدوب بیزی جوان اولمه
کلثومه چوخ اوشاخدی باغری قان اولمه
محبتون قیرما فراقه یاندیرما
دور زینبون قلبین دوباره سیندیرما

یوخ دردوه الیمده بير چاره
چاره نجه ایدوم من بو زخم مسماره
یارالارون چوخدی سنه دوا یوخدی
بو گل کیمین جسمه دگن او میخ اوخدی

• یکشنبه
• 8
• فروردین
• 1400
• ساعت
• 12:23
• نوشته شده توسط
• یوسف اکبری