اشعار ترکی حضرت فاطمه زهرا(س)

گورميوب زهرا كيمی اختر جهان وار تا جهان
شوهری مولا علی دور مدحينه قاصر زبان

سورۀ کـوثر گـلوبـدی شأنینـه قرآنیده
هَل اَتی اولموش علی شأنینده نازل بی گمان

قائلم ايجاد عالمده سبب دور جانلاری
مـا خَلَقْتُ سويليـوب پروردگار لا مكان

عالمی خلق ايلمزدی خالق ربّ جليل
اولماسيدی فاطمـه مولا علی اسلامه جان

بو ايكی نفسين خدايا وار نقدری عزّتی
عفّت وغيرت ازلدن خلق اولوبدی توامان

عصمت الله غيرت الله هر ايكي اهل كسا
افتخارما خَلَق خـاصّه عـفيفـه بانوان

اولماسيدی فاطمه اوّل امامون حامی سی
حق سچيلمزدی علی حقّی ديولمزدی عيان

اولماسيـدی فـاطـمه امر ولايتده شريـك
منزله چاتمازدی هرگز دين يولوندا كاروان

گرعلی دين اوسته دُزدی دُز مييدی فاطمه
غصب ايدنمزدی خلافت مسندين اول غاصبان

بعد پيغمبر اگر غصب اولمييدی حق لری
باشليه بولمزدی هنـد اوغلی بلالی داستان

اولماسيدی فاطمه اوغلی حسينون نهضتي
سينه سينه نقل اولانمازدی نقدری وار جهان

اولماسيدی فاطمه قاندان بويانمازدی حسين
مفتخر اولمازدی عشق اهلی خصوصاً شيعيان

ال قويوب بير انقلابه روز عاشورا حسين
قانيله يازدی قالا اسلام و قرآن جاويـدان

جان عالـم لر فدا عباس حسين قارداشينا
بير حسينون عشقينه بذل ايلدی جانانه جان

درد بی درمانه «عدلی» عشق دور درمان ايدن
عشق وار سنده ولی كوته قلم اُلكن زبان

• جمعه
• 12
• دی
• 1399
• ساعت
• 22:37
• نوشته شده توسط
• یوسف اکبری

اهـل یقینه عیان اولدی روزگارغم
صحن جهانی تیره گون ایدوب غبارغم

هـالـۀ سیه چکوبدی عـرشه ظلم ظَلوم
ویروبدی فلکه غـم نقشینی اسـرارغم

منصوب شوم که حاصل اولوب احتفالیدن
حشره تک انیجیدرقلب لری طومارغم

وعده خلاف چخوب اهریمنان روزگار
رسول حقدن صورا داغ اولدی بازارغم

کج گیدیلر زبس ثلاث سقیفه مجمعی
باعث دیلر دین ایوینده اولا آثارغم

دین ملحدی انتظام دینی ویروب بهم
کروبیانون مطافی اولـوب دربـارغم

زینت ویرولدی جهانـدا کاخ جـفـالره
بـدکینه لـرایـدوب اولا دنیا تـالار غم

بدعت رواج تاپوب سنّت اولدی ملعبه
اهـل ولایـتـی آغـلاتـدی بو کردارغم

ابیزکین خـرمن اتحـاده اود سالوب
گلستان تـوحـیـدی ایتدیلر گلزارغم

آتش فروز اولاندا دفاع ایدوبدی بتول
دیوارودر آرا قان توکوبدی مسمار غم

ال آچمادی تنازعه عَمراولدورن علی
بـاغـلانـدی اللری بیعته سنگین بـارغم

قرة العین رسول یومدی گوزون جهانیدن
آل عـلی اولـوبـلا صبح ومسـا بیمارغم

نـظـام آفـرینشه بـی حـد ایـدوب اثـر
قـدسیان عـرشـه یتیشدی تـا اخبارغم

غم آلدی نه فلکی عرش وفرش اولوب تاریک
ویردی شـرارمصیبت ماسـوایه نارغم

گریانمییدی باب وحی بیعت اوسته اوگون
دیـارکرب و بلاده اولمازدی آثارغم

یـارب بــحـق انـبـیـا و اوصیاء و بتول
امر ایـلـه گلـه مـهدی شـه غمخوارغم

مـالک یـوم جـزا سـن رحم ایله (عدلیه)
قورخوری محشرده اولسون دلی خونبارغم

• جمعه
• 12
• دی
• 1399
• ساعت
• 22:38
• نوشته شده توسط
• یوسف اکبری

گتدی دنيايه خديجه فاطمی گل کوثری گل
گلشن عشقه صفالی اولی گل آخری گل

قابليّت سيرايله اولموشدی لعيا قابله
وضع حمل ايتسون بتولی هم بالا گل مادری گل

مريم و كلثوم وسارا آسيه هاجر تمام
هودجيلن گلديلر گويدن يره سرتاسری گل

چلچراغ روح بخش آفرينش جلوه سالدی
آيرولوب گل گلدن اولدم جمع اولوب هرمحوری گل

شوكتی گل صولتی گل عصمتی گل عفتی گل
جامه سی گل چادری گل تارو پود و معجری گل

چهره سی گل زلفلرگل خُلق و خو و طينی گل
جسم وتن گل جان ودل گل فطرت حق باوری گل

قول و فعلی هم صفاتی بنزوری ختم رسوله
بينشی گل دانشی گل مصحفی گل دفتری گل

جان طاها روح ياسين فاطمه اّم ابيها
اسمی گلدی رسمی گلدی اصلی گلدی پیکری گل

راضيه مرضّيه زهرا طاهره صدّيقه طوبا
طيّبه اِنسيّه حورا نام پاك اطهری گل

دامن در پروری وار ذاتی احمد سرمدی دور
لوء لوء مرجانی گلدی خوشه های گوهری گل

هم حسن گل هم حسينی زيبنب وكلثوم سکینه
حاجبی گل خادمی گل فضه سی گل قنبری گل

همنشين گل اولانلار رنگ و بوی گل تاپارلار
(عدلی) سنده همنشين اول مكتبی گل محضری گل

• پنج شنبه
• 18
• دی
• 1399
• ساعت
• 12:57
• نوشته شده توسط
• یوسف اکبری

مظهر مهر و وفا کان محبّت دور آنا
بوستان معرفتده سروقامت دورآنا

اورگدن نام خدانی فکرو بینش هم بیان
ربّ گلهای امید و باغ حُسنه باغبان
بسلیین آغوش نازه دین فدا و قهرمان
مرحمت دریا سینه اکیال رحمت دورآنا

آگه اول فصل خزان درس بهاران اورگدوب
هستی وعشق وامید با روی خندان اورگدوب
هم حیا الفت عبادت دین وایمان اورگدوب
معنی حشمت مروّت هم نجابت دورآنا

درسینی زهرادن اخذ ایلیوب اولوبدی مُتّقی
انسان اولماق اورگدر اولادینه وارهمتی
مکتب عشقه بیان و منطقی خوش صحبتی
بیله مکتبده مدد کار ولایت دورآنا

قلعۀ غم قلبی امّا غصّه نی دیلدن آلان
کلمه کلمه جمله تکمیل ایلیوب دیلده قویان
ریتم قلبیلن بالاسین سینه سینده یوخلادان
خدمتی خالصدی زرتک کان خدمت دورآنا

الگودوراولاد ینه عصمت حِجابون پایه سی
آفتاب گرم بخش وخوش نشین دورسایه سی
زیر پاسی خُلد جنّت حوریان همسایه سی
ظلمت شبده ضیاء شمع هدایت دورآنا

لای لائی نغمۀ شور و نشاط شاخِ نبات
سینه سینده شیرۀ جانی اولان آب حیات
عاق اولا اولادی تاپمازحشریده اوددان نجات
صاحب عزّت شرافت هم قداست دورآنا

صبح اولونجا پای عشق اوسته سالوب بیمارنی
عارف اول حقینده جانا اُولمه میش بول قدرینی
ترک ایدوب دنیانی گرگیت ایت زیارت قبرینی
اوردادا ایلردعا چون کان رأفت دورآنا

فصل گل تهدید ایدنده گلشنی ابر سیاه
محنت و غملر آلاندا دوره وی مثل سپاه
گیت مزاری اوسته زوّار اول دِ دردون چکمه آه
حمد و انزلناه اوخی باب عبادت دورآنا

(عدلیا) گون سمتینه حقّا اشارت ایلدون
سن حریم پاک مادردن حمایت ایلدون
چوخ جوانی حق سوزویله سن هدایت ایلدون
بولدولرگول دورهمیشه با طراوت دورآنا

• پنج شنبه
• 18
• دی
• 1399
• ساعت
• 13:00
• نوشته شده توسط
• یوسف اکبری

عالمه گوزآچوب گلدی زهرا
ایتدی نوری جهانی مصفّا
گورمیوب مثلنی چشم دنیا

انسیه حـورا
بتول و عذرا
عالمه گلدی تا اولا
امّ ابیها

گوزلر آیدین یا محمد
گلدی زهرا اولدون اسعد

لطف ایدوبدی سنه حیّ اعلا
بیر گل کوثری ایتدی اِعطا
گلشن اولدی عیان سطح غَبرا

بو قیزدی کوثر
پاک و مطهّر
وائلین اوغلی عاص اولی ( 1 )
جهاندا ابتر

گوزلر آیدین یا محمد
گلدی زهرا اولدون اسعد

بو خدیجه گلی احمریدی
تارو پودی حیا معجریدی
اون بیر اولادوون مادریدی

نورجلیدی
کفو علیدی
وصیّوون یامان گونی
یار ولیدی

گوزلر آیدین یا محمد
گلدی زهرا اولدون اسعد

بیز سنه ویرموشوخ یم گوهر
فاطمه آد دا قیزعرشه زیور
دانشی مُصحف و خُلقی برتر

تابنده اختر
نسل پیمبر
جمع کساده بو اولار
مرکز محور

گوزلر آیدین یا محمد
گلدی زهرا اولدون اسعد

هستی خلقته ظلّ عزّت
کان جود وکرمدی فضیلت
شیعیانه آچار باب رحمت

باخ احترامه
قرب و مقامه
حجّتی واردی بو قیزین
اون بیرامامه

گوز لر آیدین یا محمد
گلدی زهرا اولدون اسعد

وارجبینینده نور مثل قرآن
عرصۀ عصمته ماه تابان
پنج تن ده آدی اوّل عنوان

گلگون عذاری
چرخین مداری
حُجب وحیاده سکّه دی
واردی عیاری

گوزلرآیدین یا محمد
گلدی زهرا اولدون اسعد

کنز عصمت دُرِ پُر بهادی
شجر پرثمرکمیادی
دین و قرآنه بوجانفدادی

بحر ثمردی
غنچۀ تردی
عمری گونی گل کیمیدی
زود گذردی

گوز لرآیدین یا محمد
گلدی زهرا اولدون اسعد

عالمی خلق ایدن بارالها
شاداولوبدی بوگون قلب طاها
قسمت ایت« عدلیه»جان زهرا

وار دلده نیّت
اولسون مشیّت
یثربده گلسین ایلسین
عرض ارادت

گوزلرآیدین یا محمد
گلدی زهرا اولدون اسعد

• پنج شنبه
• 18
• دی
• 1399
• ساعت
• 13:03
• نوشته شده توسط
• یوسف اکبری

ای رسول حق سنه دريای گوهر ويرموشوخ
بيز سنه چون فاطمه شايسته دختر ويرموشوخ

مهريدن بخشش اولوب دّروگوهرگنجينه سی
آسمان عصمته تابنده اختر ويرموشوخ

يوخدی اولادون اگر محزونی اولما غم يمه
نشر دينه طاهره صدّيقه كوثر ويرموشوخ

كيم سنه اَبْتَر دِيدی ابتر گرگ اولسون اوزی
بوسببدن بیزسنه زهرای اطهر ويرموشوخ

فاطمه قويدوخ آدون شأنينده حيراندی عقول
هرنه ايستوردون اواولدی بلكه برتر ويرموشوخ

چهرة مادر جهاندا گورمه دون سن ليك بيز
بوقيزی سن تك آتايه مثل مادر ويرموشوخ

نورولان روشن اولارچون عالم هستی سنه
عالمی روشن ایده بیر ماه انور ويرموشوخ

اولموييدی فاطمه اولمازدي خَلق كون ومكان
فاطمه عنوانی دور بيزعرشه زيور ويرموشوخ

اُولمييدی فاطمه تاپمازدی هم كفّون علی
مرتضايه بيزبونی هم سّروهمسر ويرموشوخ

نور نوريلن گرگ ايتسون جهاندا ازدواج
زهرة زهرایه بيز مولانی شوهر ويرموشوخ

روز محشرده اولارشأن وجلالی آشكار
بيزاونا اذن شفاعت يوم محشر ويرموشوخ

تا قيامت گلشنيندن دين باغی گل لرآچار
تا ابد زهرايه بيز نسل مُطهّر ویرموشوخ

اون بيراولادی حُسيندن آخری صاحب زمان
غيبيدن نصرت تاپا نيرو ولشكر ويرموشوخ

جنّتُ المأوادی مسكن اول عزيزعالمه
گرچه دنياده اونا عيش محقّر ويرموشوخ

هر كيم اولسا فاطمه مداحی محزون اولماسون
وعدۀ پاداش اونا بيز روز محشر ويرموشوخ

فكرين عاجزخامه عاجز ليك(عدلی)ياز مدام
نام زهرانی سنه بيز زيب دفتر ويرموشوخ

يازدوقون اشعاريده واردی "رسولی" شركتی
مطلبون شيرين اولا چون شهد شكر ويرموشووخ

• پنج شنبه
• 18
• دی
• 1399
• ساعت
• 13:07
• نوشته شده توسط
• یوسف اکبری

اولان بهاری تز خزان
علینی ای تنها قویان
بو بش بالان یتیم اولوب
پژمرده اولدی گلستان
زهرای من زهرای من

اولدون آتاوا نوحه گر
رخساره توکدون اشک تر
ای ناله سی جانسوز اولان
دور اول گینه مرغ سحر
زهرای من زهرای من

غمدن گونی مثل گجه
دور دردیوی منه دینه
مسمار باتاندا سینه وه
دوزدون اودرده سن نجه
زهرای من زهرای من

اود دا یاناندا درگهون
مزید اولوبدی مِحنتون
نیـه منه گورستمدون
نیلی اولان او صورتون
زهرای من زهرای من

دولدوردی قلبون دردوغم
گتدون جهاندان قدی خم
غسلون ویرنده گورموشم
قولارون اولموشدی ورم
زهرای من زهرای من

غمدن گونی مثل گجه
دور دردیوی منه دینه
مسمار باتاندا سینه وه
دوزدون اودرده سن نجه
زهرای من زهرای من

اود دا یاناندا درگهون
مزید اولوبدی مِحنتون
نیه منه گورستمدون
نیلی اولان او صورتون
زهرای من زهرای من

دولدوردی قلبون دردوغم
گتدون جهاندان قدی خم
غسلون ویرنده گورموشم
قولارون اولموشدی ورم
زهرای من زهرای من

تنها پیمبردن نشان
باعثدی اشرار جهان
قدرونکیمی بو عصریده
اولسون مزاروندا نهان
زهرای من زهرای من

باطل اوتوردی جای حق
ظالم ایدور اخفای حق
من اولموشام خانه نشین
خاموش اولوب گویای حق
زهرای من زهرای من

مسکن سنه تیره تراب
ای دختر ختمی مأب
قویدوم یارالی قبریوه
شرمنده اولدی بو تراب
زهرای من زهرای من

قویدون بو اطفالی یتیم
بارگران درد عظیم
صبرایسترم ویرسون بیزه
الله رحمان و رحیم
زهرای من زهرای من

ای بضعۀ خیر الورا
اون بیر بالاسی پیشوا
احسان ایله بو «عدلیه»
ایستور برات کربلا
زهرای من زهرای من

• پنج شنبه
• 18
• دی
• 1399
• ساعت
• 13:18
• نوشته شده توسط
• یوسف اکبری

سبک : سن آغلوسان من دوزنمورم...
خدا حافظ ای آنام باجی...

یامان گونومده اولان منیم
یاوریم اویان زهرا
عم اوغلوام منله بیردانش
قلبیم اولدی قان زهرا

کُر برای سبک تبریز ::
آنا دیورقیزلار آغلوری
حسن حسین سینه داغلوری
قلبیم اولدی قان زهرا

آتان سنون رحلت ایلدی
محنته دچار اولدون
ولایت اوستونده آغلادون
ابرتک غمه دولدون
مریض اولوب رختخوابیده
گون بگون گولوم سولدون
تا پولمادی بو مدینه ده
حالیوه یانان زهرا

سولارخزان فصلی گل چمن
سنکیمی بیله سولماز
مریض اولارچوخلاری ولی
سنکیمی مریض اولماز
مریض ایدر چاره دردینه
غم سحابی تک دولماز
منیله دور درد دل ایداخ
یار مهربان زهرا

گوزیوی آچ خواب نازیدن
دورعلی قالوب تنها
صفاسی یوخ سنسیز عالمین
گوزدن عالمی آتما
تیکوب ایو اهلی گوزون سنه
همسریم گل طاها
سن اولماسان منزلیم اولی
غملی دودومان زهرا

منی سن اللردن آلموسان
راضیم بتول سندن
حلال ایدور مرتضی سنی
سنده راضی اول مندن
دوزنمرم من فراقیوه
روحوم آیرولار تندن
قویولارا دردیمی گیدوب
ایلرم بیان زهرا

او گونکی باغلاندی قوللاریم
غم سنه مزید اولدی
دوزنمدین جور ثانیه
ظلمی چون شدید اولدی
قاپی یاناندا قولون سینوب
محسونون شهید اولدی
دولاندی اول لحظه باشیمه
یدّی آسمان زهرا

او ثانی بیر ظلم ایدوب سنه
یاندوروب منی یاخدی
او خیبری قوزیان علی
صحنیه دوروب باخدی
فشار غمدن بالالارین
اشکی صورته آخدی
من آغلادیم سنده آغلادون
سینه ده یاران زهرا

آز عمروده هر مصیبته
دوزدون امتحان ویردون
حجابی نسوان عالمه
اورگدوب نشان ویردون
بو نسگیلون ئولدورر منی
جانیوی جوان ویردون
اسوب بهارِ عیشیمه
صرصر خزان زهرا

سکینه کلثوم و زینبون
وای آنا دیور آغلور
حسن حسین گل کیمی سولوب
اشک غم یوزه باغلور
علی باشون اوسته اگلشوب
سینه سین غمه داغلور
وجودونی غصه لر آلوب
قالمیوب توان زهرا

اولان علینی سُوَون لره
شافع جزا زهرا
من«عدلینون» جانی کاش اولا
قبریوه فدا زهرا
دعا ایله جمعیله منه
تا نصیب اولا زهرا
علی دیلینده بیان ایداخ
آچگوزون اویان زهرا

• پنج شنبه
• 18
• دی
• 1399
• ساعت
• 13:22
• نوشته شده توسط
• یوسف اکبری

نوگل زهرا سولوبدی شیرمردان آغلوری
عرشیان قدوسیان باغ و گلستان آغلوری

خوش نوا بلبل گلستاندان گیدوب وار دور نوا
باغبان آغلورگورور گل لرسارالدی یوخ صفا
بادظلمه زخمدار اولدی گلی تاپمور دوا
غم دلور باغرین تاپا نمور درده درمان آغلوری

زهرۀ زهرا فراقیند علی نالان اولوب
کاسۀ چشم شهید کربلایه قان دولوب
بیت مولاده یتیم لر گل کیمی بوگون سولوب
تک نه شیعه غرق ماتم هر مسلمان آغلوری

بوگونون مثلینده زهرا یومدی تا شهلا گوزوی
دنیالارجان غم آپاردی قالدی چوخ دلده سوزی
قویدی قبر ایچره ترابه سیلیدن نیلی یوزی
بو غم عظماده گویا عرش سبحان آغلوری

شهر یثرب غرق ماتم اهلی زهرا وای دیور
تا گورور لرقیزلاری آغلور نم نم لایلای دیور
اهل بیتیله اولوبلار هم صدا ایوای دیور
دفن اولوب گیزلین ندن کون ومکان قان آغلوری

سسلنور شاه شهیدان نصف شب گیتدون هارا
صبریمی آ لدی فراقون دوندی بو قلبیم قانا
سنسیز عالم عالم اولماز بش بالان سنسیز قالا
وای آنا وای سسلوری شاه شهیدان آغلوری

(عدلیا )چون خادم دربار سن ایت افتخار
فاطمه نوکرلرینده واردی عزّت هم وقار
خاصّه کیم مدّاح اولا غم محفلینده اشکبار
روز محشر کیمسه گورمزنوحه خوانان آغلوری

• پنج شنبه
• 18
• دی
• 1399
• ساعت
• 20:26
• نوشته شده توسط
• یوسف اکبری

دختر شمس الضُحی خیرالنسا یا فاطمه
خاک درگاهی مطاف انبیا یا فاطمه

طاعتون واجب ایدوبدی ذیحیاته ذوالجلال
هر ایکی دنیاده سنسن مقتدا یا فاطمه

اوّلین وارد اولانسان روز محشر جنّته
ساخلاسان الده شفاعتدن لِوا یا فاطمه

یاندورار سن گلمسن اُود اُمّت پیغمبری
گوز تیکر تنها سنه اهل ولا یا فاطمه

اهل محشر شاد اولارسن محشره قویسان قدم
بوشلامازلار دامنون اولماز رها یا فاطمه

اُود یاخونناشماز سنه احبابیوه روز جزا
فاطمه یعنی یانان اُود دان جدا یا فاطمه

احمد مرسل بویوردی بوقیزیم حوریه دی
حورونی قویماز خدا اُوددا یانا یا فاطمه

حوری اهل جنانسان ظاهرا بین بشر
عِطرجَنّت سندن آلدی مُصطفی یافاطمه

گلمَسیدون عالمه کفوون تاپانمازدی علی
گویده عقدوز اولدی سنله مرتضی یا فاطمه

نور نوریلن گرگ ایتسون جهاندا ازدواج
وصلتوزدن اولدی عالم با صفا یا فاطمه

پرده چکدون مرد اَعمانی گورنده منزله
اخذ ایده نسوان گرگ سندن حیا یا فاطمه

میوۀ قلب رسول الله اولوب اوغلانلارون
همسرین نور دو چشم مصطفی یا فاطمه

میوۀ باغ وجودون عُمر کَمدَه پُرثمر
اون بیراولدوز ویردی دنیایه ضیا یا فاطمه

دامنونده پرورش ویردون خدای معرفت
سینه اوسته بسلدون سن مجتبی یا فاطمه

گلستانوندا آچان گل خامِس آل عَبا
عالمینه اولدی مُصباح الهُدا یا فاطمه

درس عصمت عشق وهمّت آلدی سندن زینبون
اولدی آخر قهرمان کربلا یا فاطمه

وارث نسل پیمبر ناشر اصل وجود
سنله مهدی زمان تاپدی بقا یا فاطمه

حیف اولا رحلت ایدندن حضرت ختمی مأب
گولمدی مه صورتون گوردون جفا یا فاطمه

آغلادون بیت الحزنده فرقته سن روز وشب
ساخلادون پیغمبره بزم عزا یا فاطمه

آغلاماقلیق بیردفاع اولدی ولایتدن ولیک
جسموی ایتدی نحیف دردِ قضا یا فاطمه

کوچه ده سیلی ویروب ثانی سنه گوردی حسن
هم ایدوب ایذا درو دیوار آرا یا فاطمه

باب وحیه بیعت اوسته اود ویروب یاندوردولار
اور دا سقط اولدی بالان سینن یارا یا فاطمه

ماجرای دربیدن دوتدون بیراللی سن قنوت
اوّلین مقتول دینسن جان فدا یا فاطمه

قویمادون مولا علینی باخبراولسون ولی
غسلوی ویردی بولوندی ماجرا یا فاطمه

گوردی رخسارون کبود و قول سنوب سینن یارا
آغلادی خیبر شکن دویدی جانا یا فاطمه

نصف شب طبق وصیّت ویردی غسل ایتدی کفن
گتدیلر تابوتیده دفن ایتماقا یا فاطمه

گلمیونجان مهدی موعود بولنمز شیعه لر
هاردا دفن اولدون نیه اولدی خفا یا فاطمه

نچّه قبری قازدی پنهان لیک قبرحاضره
صورت نیلینی قویدی توپراقا یا فاطمه

روحونی سنله قویوب توپراقلار آتدا آغلادی
تاپمادی تسکین قلب درده دوا یا فاطمه

خادموز (عدلی) یازوب بوسوزلری دلده نوا
لطف ایله اول شافعه روز جزا یا فاطمه

• پنج شنبه
• 18
• دی
• 1399
• ساعت
• 20:29
• نوشته شده توسط
• یوسف اکبری

یانیمدا گل اکلش نقدری وار فرصت
باخوم جمالیوه قورتولدی بو وصلت
منی حلال ایله
رفع ملال ایله

سنه بو ساعتده عم اوغلی مهمانم
بو فصل و حرماندا حسینه گریانم
منی حلال ایله
رفع ملال ایله

اورک دونور قانه دایان بو هجرانه
علی جانی زهرا گلوب زبس جانه
منی حلال ایله
رفع ملال ایله

بهارعمرومده خزان یلی اسدی
بو درد وغم غصّه علی منه بسدی
منی حلال ایله
رفع ملال ایله

ویروبلاراود یاندی قاپوم الولاندی
بالامدا سقط اولدی سینم یارالاندی
منی حلال ایله
رفع ملال ایله

ویرم اگرمن جان باش اگ علی صبره
اوخشاتما گوزیاشون یاغیش توکن ابره
منی حلال ایله
رفع ملال ایله

غسل و کفن ایله گجه منی دفن ایت
قویوب منی قبره بیرآزدایان دورگیت
منی حلال ایله
رفع ملال ایله

او خانۀ وحشت اولا یریم راحت
ال آچ دعا ایله اوخی منه رحمت
منی حلال ایله
رفع ملال ایله

حسینیمین واردی باشیندا چوخ غوغا
گلرچاتار بیر گون اولاندا عاشورا
منی حلال ایله
رفع ملال ایله

گونی دونرشامه غم اتمز اتمامه
اسیراولارزینب گیدر اوگون شامه
منی حلال ایله
رفع ملال ایله

بو درگهَ خادم ( عدلی ) تاپار فرصت
یازار بیزه نوحه که ایلسون خدمت
منی حلال ایله
رفع ملال ایله

• پنج شنبه
• 18
• دی
• 1399
• ساعت
• 20:34
• نوشته شده توسط
• یوسف اکبری

سبک: من مانده ام تنهای تنها.....و ..

باغبانم باغ عشقه دویمادیم اوز گل لریمدن
بوغمه بلبل لرآغلار آیری دوشسم ائل لریمدن

باب کینه مِحنت وغم تا آچیلدی باغبانه
دست ظلمیله ویرولدی سیلی وهم تازیانه

من بتول مصطفایم همسرشیر خدایم

من گل باغ رسالت خار الینده پرپر اولدوم
یاندی درگاهیم یاناندا ابرتک آلامه دولدوم
پشت درده تا یخیلدیم گل کیمی اول یرده سولدوم

یوزکبود بوسینه ده وارسوزش مسمار یاراسی
قویدی مادرسیز جهاندا زینبی ثانی جفاسی

من بتول مصطفایم همسرشیر خدایم

داندولار مولا علینون حقینی درده دچارم
من ولایت اوسته محزون هرگجه شب زنده دارم
من مرید شاه مردان شهریار تاجدارم

سسلرم گلسون او مولا گویلومی بویرده آلسون
ایلسون قرآن تلاوت غصه و دردیم آزالسون

من بتول مصطفایم همسرشیر خدایم

عمرکوته ده من آچدویم مکتب عشق و محبت
ویرموشم نسوانه درس عفّت و حُجب و دَیانت
حیف مثل لیلۀ قدر قدریمی بولمز بو اُمّت

خسته جسمیم نصف شبده تا گیده تاریک قبره
بش بالام آغلارسرشکین اوخشادار بیر قاره ابره

من بتول مصطفایم همسرشیر خدایم

ربِّ گلهای امیدم باغ حُسنون باغبانی
اورگدن درس حجابی فکرو بینش هم بیانی
بسلیین آغوش نازه دین فدا و قهرمانی

بوحسین شمع حقیقت عشقینه پروانه زینب
دورشمعه یاندورار پرعاقل و فرزانه زینب

من بتول مصطفایم همسرشیر خدایم

ثانی تا اود ویردی یاندی باب وحیه من دایاندیم
زخمدار اولدوم قاپومدا قانیمیله من بویاندیم
کربلانون محنتیندن بوغمی من سهل ساندیم

وارباشوندا بو حسینون کربلانون ماجراسی
یوم عاشوراسی الده اوخلانان عطشان بالاسی
من بتول مصطفایم همسرشیر خدایم

وارنقدری (عدلی) عمرون الده خامه فرصت ایله
عشقینی قلبینده حک ایت نوحه سین یاز هِمّت ایله
نوحه خوان اول بزم غمده درگهینده خدمت ایله

توک گوزون یاشین عذاره آغلا آغلات عاشقانی
جمع ایدیم گوزیاشلرون من سنده اول بوامره بانی

من بتول مصطفایم همسرشیر خدایم

• پنج شنبه
• 18
• دی
• 1399
• ساعت
• 20:36
• نوشته شده توسط
• یوسف اکبری

مظلومه زهرا ترک ایدوب بو گون جهانی
آغلار قویوب فرقتینه کون و مکانی

مظلومه دی شهیده دی حضرت زهرا
اون بیراما مون آناسی ام ابیها

بوگون قیامتدی جهان غرق عزادی
قاره چکوبلر گویلره ماتم سرادی
دخت پیغمبر فاطمه دینه فدادی
سالدی شرربو دل لره دل سوزانی

بیرباغبان دوشدی بوگون آیری گولوندن
بیرکیمسییه بولدورمدی درد و غمیندن
آیرولدی دورت بالاسیندان خاصّه حسیندن
جنّاته گیتدی تا اولاآتا مهمانی

ظلم عدودن فاطمه اولموشدی خسته
گورموشدی مولا اللرین ایلوبله بسته
سینه یارالی قول یارا پهلو شکسته
نیسگللی ترک ایتدی بتول فانی دنیانی

آزعمروده دورت گول وجود گتدّی دنیایه
طوی گورمدی یوز گولمدی گلدی نوایه
قالدی حسرتی قلبیده گتدی عـقبایه
آپاردی قبره داغ کیمی غم پنهانی

هجر بتول سالدی شرر خانۀ صبره
بنزدّی مولا گوز لرین بارش ابره
غسلون ویروبدی نصف شب قویوبدی قبره
طبق وصیّت دفن اولوب گجه زمانی

مکتبعصمتده ویروب درس حجابی
هم اورگدوب پیغمبره گلن کتابی
درگاهی یاندی حیف اولا گوردی عذابی
ایذا ایدن حقین آلان دانوب قرانی

ظلم اولوندی عالمده چون دخت طاهایه
بیت الحزنده روز و شب گلدی نوایه
آغلاردی حقی الیندن گیدن مولایه
گوزیاشلی آخر ترک ایدوب شاه ولانی

ایتدی سنی زهرا غمی اولدون خون جگر
یازدوقجا خامه آغلادورآغلوری دفتر
گیتدون بعقیده «عدلی» سن هروقت سحر
آختاردون امّا تاپمادون قبر زهرانی

• پنج شنبه
• 18
• دی
• 1399
• ساعت
• 20:41
• نوشته شده توسط
• یوسف اکبری

سبک : آی گویده کی اولدوزلار...

الله اور گیم غمدن اود دوتدی الولاندی
زهرا آنام هجرینده باغریم نقدر قاندی

گیتدی یارالی قبره ترك ایتدی بودنیانی
آغلاشدی بالالاری قالدی قاپودا قانی
اُولمزدی جوان زهرا الدوردی اونی ثانی
داندی بابامون حقین اود ویردی قاپی یاندی

تك قالدی بابام حیدرگوز یاشی یوزه باغلور
باخدوقجا گوروربوشدور زهرا یرینی آغلور
دیلدن گلوری آهه هم سینه سینی داغلور
هم كفوی گیدوب الدن چوخ حالی پریشاندی

باخما بابام آغلا سن دوندرمه گوزون ابره
بوغم بو مصیبتده وادار اولاروخ صبره
امّا نَدی بو سّری گزلین قویولوب قبره
چوخ دیللری قان ایلر جاندان جان آرالاندی

گلدی بابام ایومیزده باخدی درو دیواره
توكدی گوزونون یاشین مرجان كیمی رخساره
بیردن نظری دوشدی درگاهیده مسماره
ایوای دیدی اگلشدی صبرین ایوی تالاندی

چوخ آغلاما قارداشیم توكمه یوزوه قانیاش
زینبده اولارسنلن غملی سفره یولداش
اُولّام سنه عالمده باجی هم آنا قارداش
عاشقدی سنه زینب جانی سنه قرباندی

من عاشق سرمستم سن شاه شهیدانه
شركت ایدرم سنله بیر نهضت شایانه
ویروخ اَلْ اَلَه قارداش منّت اولی بو جانه
سن جان به كف اسلام حامی سنه یزداندی

دوشسه گذریم گورسم دین گلشنی خنداندی
یرده بدنون دوشموش چوخ یاره لی عریاندی
باشدان باشا گل پیكر اوخدی یارادی قاندی
قویمازلا سالام سایه دور و بریم عدواندی

اهدافوی عالمده اعلان ایدرم قارداش
قول باغلی اسیر اولّام شامه گیدرم قارداش
یولّاردا اگر ویرسا دشمن دوزرم قارداش
زهرا قیزیم زینب باخما بیله گریاندی

امر ایلدی بیر دوستوم یاز منده اُلوم بانی
عشق اهلی اوزی عاشق هیئتده نواخوانی
آغلار گوزی وار آغلار هم آغلادی دنیانی
یازدی بو سوزی «عدلی» امّا اونا عنواندی

• پنج شنبه
• 18
• دی
• 1399
• ساعت
• 20:42
• نوشته شده توسط
• یوسف اکبری

عصمت كبرای حق محبوبه داورمنم
مجمع آل عباده مركزمحورمنم

فاطمه اُم اَبيها ذات پاك احمدم
علّت ايجادعالم سورۀ كوثر منم

بَضعَتهٌ مِنّی خطاب ايتدی بابام عالم بوله
خاتم پیغمبرانه روح وهم پیکرمنم

نوروم الله نوريدی عالم لری پرنورايدر
زهره یم من آسمان عصمته اختر منم

فاطمه زهرا بتول ومرضيه هم راضيه
طاعتیم واجب اولوبدی بانوی محشرمنم (1)

خاتم پيغمبران اوپدی اليمدن سويلدی
ئوز آتاسی قربان اولسون معنی وانحر منم

اولین شخص امامت مرتضایه همسرم
اون بیر اولادیم ائمّه جمعینه مادر منم

لشکرتوحيده فرمانده عم اوغلومدی علی
كشتی دين خدايه بير آغير لنگـر منم

آستان وحيه اود چون ويردی ثانی، سينه سی
ياره لی مسمار دردن دُخت پيغمبر منم

قويدولارديوارآرا پهلو شكسته چون صدف
غملی درياده اولان بير پُربَها گوهرمنم

مُحسنوم سقط اولدی قالديم من يامان گوندن گونه
گلشن قرآن ودینده غنچه سی پر پرمنم

ای شفيعه لطف ايله محشر گونی بوخادمه
«عدليم» شاعرلرايچره هامودان اصغرمنم

(1) اطاعت از فاطمه علیها السلام

حضرت امام باقر علیه السلام می فرمایند
ولقد کانت - علیها السلام - مفروضة الطاعة علی
جمیع من خلق الله من الجن والانس والطیر والوحش
والانبیاء والملائکة

اطاعت از فاطمه علیها السلام بر تمامی آفریدگان
خدا از جن و آدمیان و پرندگان و وحوش و پیامبران
و فرشتگان واجب است.

دلائل الامامة، ص 28

• پنج شنبه
• 18
• دی
• 1399
• ساعت
• 20:44
• نوشته شده توسط
• یوسف اکبری

فاطمه ای گوهر درج عفاف
حوریانه خاک درگاهی مطاف

فاطمه ای روزگار علّامه سی
مکتب وحدت اولان برنامه سی

عصمت کبرای حَیّ دادگر
دختر شایستۀ خیرالبشر

گلشن پیغمبرون ریحانه سی
شمع دینون ای یانان پروانه سی

گوزیاشی ای حقّیمه معنی یازان
نقش عدوانه عدم نقشی ویران

باشین اوسته بوعلیدورآچ گوزون
گرچه وار قلبونده بیردنیا سوزون

فکری وار بو روزگارون دم به دم
رونق کاشانَمی ائتسون بهم

طرح نوئیلن سنی مندن آلور
نارحسرت غم شررجانه سالور

آیرولوقدان سوز دیمه احمد سیَر
صبروطاقت منده یوخ قدسی شجر

آیرولوقدا یوخدی جز غم حاصلی
وارعلینون دنیالارجان مشکلی

حقّیمی داندی بو اشرار عرب
هرنه گوردوم ظلم وطغیان وتَعَب

اولمادی منده جفادن واهمه
وصلوون خُرسندیم ای فاطمه

عذرخواهم من بو عمر رفته وه
غم چاغیندا سال و ماه و هفته وه

دوقوز ایل امریمده طاعت ایلدون
آزچوخا بو ایوده طاقت ایلدون

دامن دل گرچه خون آلوده دور
سن که وارسان خاطریم آسوده دور

گرچراغ زندگون خاموش اولا
گوندوزوم شامه دونر سندنصورا

سن منی ترک ایلسن والا گهر
فرقتینده بول علی قالماز ئولر

وارعلینون سن بولورسن دشمنی
دردینه مَحرم بولردی تک سنی

قال صاباح گیت ترک قیل دلخسته نی
بیرنظرده آل حسین و زینبی

بو گجه قال فاطمه اولسون سحر
صبح اولاندا باری سن ایله سفر

آه دل لرچاتدی عرش اعظمه
داغ قلبون غم چکوبدی سینمه

سن گیدورسن محضر پیغمبره
چوخ گلایه ایلمه اول سروره

لیک سویله تا بوله ختمی مأب
اولدی عالمده علی خانه خراب

قوردولار شورای مخفی یک شبه
سالدیلار مولا دِلین تاب و تبه

سویله گوردوم ظلمیله قوم شرور
ائتدیلرقرآنون امرینده قصور

چکدی غمدن هاله تا ماه اوستونه
گتدیلریورش یدالله اوستونه

ظلمیله درگاه پاکیم اودلانوب
من یانان یرده بالام محسن یانوب

سیلی ثانیدن اولدوم سرخ گون
مسجده چکدی علینی دست دون

ائتدیلرطغیان او صاحب قدرته
دست بسته چکدیلرهم بیعته

تا علی اولدی ستمله گوشه گیر
ویرمیوبلرهم سلام قوم شریر

آغلادیم بیت الحزنده روز و شب
قالمادی جسمیمده اصلا تاب وتب

من اوگوندن گل کیمی سولدوم بابا
ابرغم تک غصه دن دولدوم بابا

الغرض یومدی گوزون تا فاطمه
سیرائده جنّاته روحی ناعمه

چوخ یورلموشدی خانم راحت یاتوب
وصل معشوق اوسته دنیانی آتوب

سینۀ مولا غمینده شعله خیز
آلدی دنیا چون الیندن بیرعزیز

آغلادی اونلان یتیمان آغلادی
مهرو ماه و عرش وکیوان آغلادی

غسلنی ویردی گجه ائتدی کفن
لیک دلدی قلبینی درد و مِحَن

گوردی پهلو سینه سینده وار یارا
رنگ خون تاپموشدی سینه باش باشا

سویلدی زهرا علی قربان سنه
آغلارام تا وار بدنده جان سنه

نصف شب دفن ائتماقا غم خسته سین
قویدی تابوته گل نورسته سین

حمل ائدنده شاه عالی مرتبه
یوز ویروب بیرآیری حالت زینبه

سسلدی ایچدون آنا جام اجل
مظهر ذات خدای لم یزل

گئت خداحافظ اولان فخر بشر
قالدی یالقوز صاحب تیغ دوسر

گئت خداحافظ اولان آیات نور
تاپ بهشت عدنیده فیض حضور

سن که گئتدون سینمی من داغلارام
آغلیینده بو بابام من آغلارام

سن کیمی زینب غمین اولماز بُولن
قارداشیم تک کربلاده بیر ئولن

ایلورم خواهش آنا ایله قبول
ای آدی انسیه حورا هم بتول

من گورنده کربلاده قتلگاه
آیرولوب بو زینبوندن مهرو ماه

ایش دوشوب دشت بلاده مشگله
فُلک امّیدیم غریق اولموش گله

خسته دور زینب دل طوفانیده
تک قالوب دور ورطۀ عصیانیده

قرخادین قاره لچک زلفون یولور
غم چاغیندا زینبون دلخون اولور

سو کنارینده حسینیم جان ویروب
نخل دینه سو یرینه قان ویروب

من گورنده سینه ده اوچ پر اوخی
اوغلی قارداشی ئولوب کیمسه یوخی

ساربان رحم ائمیوب کسموش الین
بجدله بذل ایلیوب انگشترین

یاره دگموش یاریه صد پاره دی
صاف یری یوخدی تماماً یاره دی

باشی یوخدی حمل اولوبدی کوفیه
کوللر اوسته میهمان دورخولیه

من گورنده قاره طوفانلار اسیر
کوفیه شامه گیدورزینب اسیر

اونداکی عرشه چاتار اندوه و غم
قلبیمی درده سالار بار الم

گوندوزم اولموش آناچون لیل تار
زینبی سالدی ایاقدان روزگار

گل حضورون اولسون اول همدم منه
اول زماندا لشگریم دور غم منه

لطف ایله باش چک منه ای نازنین
گویلومی آل اول پناهی زینبین

گل حسینه گوز یاشین مرهم ایداخ
کوفیه شامه اسیر باهم گیداخ

سن دینه ایوای اوغول من آغلیوم
سینَمی حسرت اودیله داغلیوم

تا دیدی بوسوزلری دخت بتول
آغلادی قارداشلاری اولدی ملول

ذکرلر ایوای آنام دلده تعب
گتدیلر قبراوسته آخرنصف شب

مشگله قالموشدی اول مشگل گشا
نچِه قبری قازدی اولسون تا خفا

عاقبت آماده بیر قبری تاپوب
مقصد و مقصودینه مولاچاتوبپ

سسلنوب توپراقی قبرین ابتدا
ویر گله زهرانی ای شیرخدا

توپراقیمناندی وجودی کیمیا
ساخلارام بو دُرّ دور چوخ پر بها

عاقبت قویدی بتولی بو تراب
قبرینه توپراق توکوب ایتدی خطاب

ساخلا یاخشی بو گل پیغمبری
داغلی قویدی گئتدی آل حیدری

ساخلا یاخشی بوحیا گنجینه سین
حرمت ایله اوپ یارالی سینه سین

بو علینون جانی دورچوخ خسته دی
نخل دینه بَروئرن بیرهسته دی

باغبان دینه دور بو سویگولی
واردی بیردنیا اورکده نیسگلی

«عدلیا» مولا دلینجه یازسوزی
شافع روز قیامت دور اوزی

• پنج شنبه
• 18
• دی
• 1399
• ساعت
• 20:53
• نوشته شده توسط
• یوسف اکبری

یاتان توپراقلارآلتوندا وفالی همسریم زهرا
باتان الدوز کیمی گویده ایشقلی اختریم زهرا

وفالی همسریم لایلای
یارالی دلبریم لایلای

اوزون راحت اولوب امّا قالوبدی بش بالام محزون
توکوللرگوزیاشی گوزدن دیوللرمادریم زهرا

داخی سندنصورا ویرمازجهاندا بوعلی لبخند
اولوب پرپرجوانلوقدا منیم نیلوفریم زهرا

ایچم سنسیزاگرکوثردولی قاندوراوپیمانم
ویروب ساقی منه قاندان دولوبدورساغریم زهرا

نسیم جان فزادورکه گلورعطرون مزاریندن
منه همدم منه غمخواروفالی یاوریم زهرا

چراغ آهی یاندوررام دولانّام بومزاراوسته
سپرگوزلرگلاب عشق بویرده دلبریم زهرا

یاتون راحت دئدیم گلمزمدینه اهلی فریادی
قوتولدی داردنیادن دل آچمازاذفریم زهرا

وفالیدی حیالیدی یارالیدی گیدوب قبره
سالارمحشرگونی غوغا واریمدورباوریم زهرا

اولاریوم تَغابنُده شفیعه آل طاهادن
بغیشلرچوخ گنهکاری خدای داوریم زهرا

یازار«عدلی» بوقبراوسته زبان حالیمی سویلر
واریمدورسنکیمی مولا منیم چشم تریم زهرا

• جمعه
• 19
• دی
• 1399
• ساعت
• 22:42
• نوشته شده توسط
• یوسف اکبری

سبک : ایران اگر دل تو را شکستند......

زهرا

مزارون اوستونه گلرم
اورک سوزون سنه دیرم
ندن منه جوابون اولماز
سرشکی دیده ن الرم

کر:

ایشقلی اولدوزوم باتوبدی
حسینیم آغلیوب یاتوبدی

زهرا

سندن گیدوب ایوین صفاسی
ایشق سونوبدی یوخ ضیاسی
من آغلورام بالالار آغلور
وار ایوده وای آنام صداسی

زهرا

علی اولوبدی غم دچاری
خزانیدی فصل بهاری
گونده گلر بو قبرون اوسته
اشکین ایدر رخساره جاری

زهرا

رخت حیات آز وقته سویدون
اون سگّز ایل عمرونده دویدون
گیتدون بالا لارونلا باهم
عم اوغلوی گوز یاشلی قویدون

زهرا

سندنصورا ایوه گلنده
باخوب یریوی بوش گورنده
اثر قویور روحومدا فرقت
قلبیم یانور آدون دیینده

زهرا

سندنصورا دردیم چوخ اولدی
بو بش گلون سارالدی سولدی
من دردیمی چاهه دیماقدان
دردیمله هرچاهی دولوبدی

زهرا

جفائیله قاپون یاناندا
قنفذ اله قمچی آلاندا
اولدی سنه منه قیامت
محسن بالامیز سقط اولاند

زهرا

ایشقلی اختریم باتوبسان
سن وصلتی فصله ساتوبسان
دورقیزلارون یتیمه قالدی
تک قبریده من سیز یاتوبسان

زهرا

حسینیوی سوین آنایدون
کاش بیر گلوب گولون آلیدون
عم اوغلوی گلوب گورنده
گیتمییدون ایوده قالیدون

زهرا

(عدلی )گلر بو غمده درده
اشکین توکر رخسار زرده
واردور امیدی منده سنده
محشر گونی اولسون نظرده

• جمعه
• 19
• دی
• 1399
• ساعت
• 22:45
• نوشته شده توسط
• یوسف اکبری

جهان سندن صورا ماتم سرادي
زمين وآسمان غرق عزادي

قرانلوق سايه سي غمدن دوشوبدي
اوركده حجلة ماتم بپادي

ويره باش ساقليقي جبريل گلوبدي
اونا چون ميزبان خيرألنسادي

توكور سلمان ابوذراشك چشمين
بوهجراندا مدينه مبتلادي

گوزون آچ غربت مولايه بير باخ
عجب چاتدي حقه حقي ادادي

ويرن بيرتسليت زهرايه يوخدي
وليكن شعله ور باب الوَرادي

يانان اود هم فشار و ضرب مسمار
آيردي غنچه ني گُلدن جدادي

طنابه باغلانوب مشكل گشا ال
اولان مظلوم دوران مرتضادي

اياقه دور ايا ختم رسولان
چكوللر بيعته محشر بپادي

گيدور زهرا دانوشسون مردم ايچره
اودا مشكل آچان مشكل گشادي

دفاع ايتسون عليدن بو يامان گون
او دُخت احمد خيرالورادي

لسان اللهيلن يادآوراولسون
عليدور بو وصي مصطفادي

آچون الله الين سيز باغلي قالماز
وليّ مسلمين صاحب لوادي

اگر ايتسه اراده آني چكمز
آچار بواللرين شير خدادي

جمال اللهي واردي نورحقدن
بو جلوه بو جمالِ كبريادي

آتام حج الوداده خُم يرينده
امام تعيين ايدوبدور بر ملادي

سيزه بيعت الي ويرمزعم اوغلوم
ايده نفرين سيزي صاحب دعادي

قسم آللَّهَ بو مظلوم اولوبدي
كساء ايچره اولان آل عَبادي

منم ريحانة گل روي احمد
علي باب حسين و مجتبادي

آتام الدن گيدوب غرق عزايم
بو دردي بولميين اهل جفادي

بو حاليم «عدلني»آغلار قويوبدي
تمام عمروني غرق عزادي

• شنبه
• 20
• دی
• 1399
• ساعت
• 19:36
• نوشته شده توسط
• یوسف اکبری

قَبره یوزی نیلی گِئدن
زهرای من زهرای من
ای خانمانین تَرک ائدن
زهرای من زهرای من

ای زینبی آغلار قویان
آز عمریده جاننان دویان
یاتما مزارونده اویان
منله مگر بیگانه سن
زهرای من زهرای من

دور باخ پوزولمیش گلشنه
آغلار سولان گُللر سنه
هر سوز باشی ایوای نَنَه
سَسلر حُسین سَسلر حَسن
زهرای من زهرای من

بیلمَم دیوم اَشراریدن
یا بو در و دیواریدن
چوخدورگِلَم مِسماریدن
بیلدیم نَدن گیدون کفن
زهرای من زهرای من

دوشدی یره گُل شاخه سی
ایستکلیمون گلمور سسی
یوخدور علینون بیر کسی
غُربتدی سن سیز بو وطن
زهرای من زهرای من

آچدیم یانان درگاهی من
شاید دئدیم اولسون گَلن
نَه وار گَلن،نَه وار گِئدن
بَسدور منه بو حَد مِحن
زهرای من زهرای من

بو نِسگیله آغلار علی
گونلر کچیردوبسن ولی
چادر نمازون وَصلَه لی
یاننام همین بو درده من
زهرای من زهرای من

زهرا حسینون خاطری
ساخلا نظرده (نادری)
هم مجتبای ذاکری
آمالیمیز بیت الحَزن
زهرای من زهرای من

• یکشنبه
• 21
• دی
• 1399
• ساعت
• 11:53
• نوشته شده توسط
• یوسف اکبری

اي رحمـــت بـــي كرانـــه زهـــرا
گنجينــــــه جاودانــــــه زهــــــرا
عطــرون يــاييلوب ســتاره لــرتــك
هرگوشــــــه آســــــمانه زهــــــرا
ســـن روزازلـــدن حكمـــران ســـان
سرتاســــــر كهكشــــــانه زهــــــرا
قــوي عــرض ايليــوم وجــود پــاكون
آئينــــــه دي لامكانــــــه زهــــــرا
بير جمله بو بس كي همسراولـدون
حيـــدر كيمـــي قهرمانـــه زهـــرا
خورشــــــيد ســــــپهرمعنويــــــت
اون بيــرقمــرون مــداري ســن ســن
طاهايـــه قســـم كـــي ذات حقـــون
محبوبــه ي بــاوقــاري ســن ســن
هرمملكتـــــــون شـــــــعاري واردي
حـق كشـورينون شـعاري سـن سـن
تــــــا روز قيامــــــت اي عقيلــــــه
عاشـــقلرون اعتبـــاري ســـن ســـن
ســــــن راه ثبــــــوت انقلابــــــي
ســـيرايلـــدون عاشـــقانه زهـــرا
اي نـــام تـــو ســـر حـــق پرســـتي
توســـــــرور عـــــــالم الســـــــتي
چنگــــي نزنــــد بــــدون عشــــقت
برقلــــــب بشــــــرجهان مســــــتي
احســـــن بـــــه شـــــهامت توبـــــانو
توشـــــوكت اشـــــقيا شكســـــتي
بــي شــك زطفيــل خــاك پاكــت
هســــتي بگرفتــــه كــــل هســــتي
برخلـــق بشـــريقـــين توبـــودي
درنــــزد خــــدا بهانــــه زهــــرا
اي فاضــــــله عادلــــــه حميــــــده
زنـــده ســـنيلن قالوبـــدي مكتـــب
اي مفتــــــي مكتــــــب رســــــالت
هيهـــات كـــي رد اولا بـــو مطلـــب
اوپــــدي الــــووي رســــول خــــاتم
بير كيمسه ده يوخـدي بيلـه منصـب
احســـن ســـنه پـــرورش تاپوبـــدي
بيـــر گوشـــه ي دامنونـــده زينـــب
درس شـــرف ووقـــاري ســـندن
اورگشــــدي اونازدانــــه زهــــرا
كـــيم گورســـه ســـنون عـــذارون
اي مــه دنيــا بــويي آفتابــه باخمــاز
كــــيم ئوپســــه غبــــار مقدمونــــدن
مرجـــان دوزولـــن ترابـــه باخمـــاز
درك ايلســه كــيم شــميم وصــلون
نـــه گلشـــنه نـــه گلابـــه باخمـــاز
كـــيم نهضـــتوون بيلـــه حـــدودين
خلـــق ايتـــديگي انقلابـــه باخمـــاز
ســن طــرز قيــامي اورگدوبســن
بـــو ملـــت حـــق زبانـــه زهـــرا
اوصـــــافووي يازماقـــــا سراســـــر
گـــر خامـــه اولا بوتـــون شـــجرلر
دريــــــالراولا هــــــامي مركــــــب
كاغـــــذ اولا ســـــينه ي حجرلـــــر
شـــــورا ايـــــده مفتيـــــان عـــــالم
تثبيــــــت اولا مســــــتند خبرلــــــر
تحريـــــــراولونـــــــا ظـــــــرافتيلن
عقـــــل بشـــــره چاتـــــان نظرلـــــر
بيــر شــمه ي مــدحتون جهانــدا
هيهــــات گلــــه بيانــــه زهــــرا
وصــفون اشــيدنده گرچــه بعضــي
ســويلر كــي نــدور بــو ســرمــبهم
اغـــراق ايليـــور جهـــان شـــيعه بـــو
منصـــبه چاتمـــاز هـــيچ بيـــرآدم
بيـر كـس ديـه يـوخ بـو اهـل فكـره
زهـــرادي ســـتون عـــرش اعظـــم
زهرائيلــه اهــل آســمانه بــي شــك
تــــــــانينوب مقــــــــام خــــــــاتم
جنت كي خدا ايدوبـدي تعريـف
زينــت دي همــان جنانــه زهــرا
آگـــاه اولـــون اي خطـــا گيـــدنلر
الگـــــودي بيـــــزه مـــــرام زهـــــرا
گربعضــي ديــوركي مفتــي اولمــاز
آلچاخـــــدي مگرمقـــــام زهـــــرا
علامـــه لـــرآرزو ايـــدرلربيـــردم
اولالارغــــــــــــلام زهــــــــــــرا
علامـــه نـــدي كـــي انبيـــاني مـــات
ايليـــــــوب احتشـــــــام زهـــــــرا
حاشــا گلــه اي بشــردوباره زهــرا
كيمـــــي بـــــو جهانـــــه زهـــــرا
تـــا گيـــدي كفـــن حبيـــب يـــزدان
دنيـــاني ســـحاب محنـــت آلـــدي
حـــورالراولوبـــدي ديـــده گريـــان
گلـــــزار محمـــــدي ســـــارالدي
نصــب اولــدي جنانــه قــاره پــرچم
آه دل انبيـــــــــــا اوجالـــــــــــدي
گـــوردي آتاســـين گيـــدور مـــزاره
بيـــرلحظـــه ده فاطمـــه قوجالـــدي
ايتــدي اورگــين همــان زمانــدان
تيـــــرمحنـــــه نشـــــانه زهـــــرا
قبـــره هلـــه گيتمميشـــدي احمـــد
شـــورا ايلـــه دي عـــدوي كـــافر
ملعـــون عمـــرتوســـطيلن بـــوبكر
دنــــــــي اولوبــــــــدي رهبــــــــر
لازم اولونــوب كــي بيعــت ايتســون
بوبكريلــــه اهــــل ديــــن سراســــر
حيـــدر چـــورگين يينلـــراولـــدي
غاصــــب لــــره بــــي اراده يــــاور
مشـــغوليدي اونـــدا دفنـــه مـــولا
محــزون بــو غــم گرانــه زهــرا
كيچــدي نچــه گــون بــو مــاجرادن
جمـــع ايلـــدي اهـــل نـــاري ثـــاني
اوچ يـــوز نفـــريلن ابـــن خطـــاب
قصــــدايله دي بيــــت مرتضــــاني
چالــــــدي اودنــــــي درولانــــــي
نــــالان ايــــدوب اهــــل آســــماني
آواي در و صــــــــداي جــــــــاني
آل اللهــــــه گتــــــدي نــــــاگراني
پشــــت دره گلــــدي ســــرعتيلن
ديــــن حقــــه پشــــتوانه زهــــرا
زهــرا ديــدي كيمــدي پشــت درده
سســــلندي عمــــر ســــفيرميــــرم
گـــربيعـــت ايـــده بيزيلـــه حيـــدر
رهبـــراونـــي عفـــو ايـــدر خبيـــرم
زهـــرا بويـــوروب اميـــرعليـــدور
پابســــــته صــــــحنه ي غــــــديرم
دوز دور كــــــي گــــــل رســــــول
عشـــقم ســـرباز اميـــربـــي نظيـــرم
تـــا حشـــر حقـــهولـــي عليـــدور
بيــر كلمــه ديمــزفســانه زهــرا
مـــن دختـــر شـــخص مصـــطفايم
جــــــان باختــــــه ي رهولايــــــم
هــــــم مــــــادر مــــــادر بلايــــــم
هـــــم مـــــادر شـــــاه كـــــربلايم
ئولدورســـوز اگـــرعلـــي يولونـــدا
حقــدن توكــوجن يوخــوم گلايــم
شـــــاهددي خـــــداولادتيمـــــدن
مـــن كشـــته ي عشـــق مرتضـــايم
ســـرلوحه اولا گـــرك جهانـــدا
عشــق آختــاران عاشــقانه زهــرا
خيبـــرده علينـــي ســـيز گوروبســـوز
ميدانـــدا نجـــه ايدوبـــدي محشـــر
اول لحظـه كـي قورخـودان اسـيدوز
اولموشـــدي ســـپاه ديـــن مكـــدر
بيــراللــي گوتــوردي قلعــه بــابين
مبهــوت ايلــه دي جهــاني يكســر
فكـــرايلمـــه وار هراســـي ســـيزدن
مرحــب لــري ئولدوروبــدي حيــدر
بيعــــت بــــوني بيــــل ســــيزيلن
ايتمـزنـه سـرور لا فتـي نـه زهـرا
ثـــــاني ديـــــدي آچ در علينـــــي
بـي جـا سـوزه منـده طاقـت اولمـاز
زوريلــــه آچيلســــا در ،وجــــودون
فكـــرايليـــورم ســـلامت اولمـــاز
زهــرا ديــدي ويــرقــولاق بــو پنــده
گرچــي ســنه بــو نصــيحت اولمــاز
عـــورتلره كـــيم ايـــده جســـارت
معلوميــدي اونــدا غيــرت اولمــاز
بــو ســوزلري كوچــه ده مجــدد
فـــاش ايليجـــك جوانـــه زهـــرا
يـــاددان نـــدورعلتي چيخارتـــدوز
خـــاتم ســـيزهويرديگـــي پيـــامي
كـــــيم دانســـــا ولاي مرتضـــــاني
باطلـــــدي صـــــلاتيلن صـــــيامي
يــوخ حــاجتي ســيزويــرن مقامــه
بــــي مثليــــدي عرشــــيده مقــــامي
اولســـــمده دييرتـــــراب قبـــــريم
حيـــــدردي خلايقـــــون امـــــامي
رغبـــت ايلـــه مـــزبويانســـاقانه
بــــوبكرويــــرن امانــــه زهــــرا
بيلمـــزدي عمركـــي بـــو فصـــاحت
وارفاطمـــــــــه سيدالنســـــــــا ده
اوچ يـــوزنفره گـــوزآلتي باخـــدي
گـــوردي چـــوخي آغليورخفـــاده
دســــــتورويــــــروب درولانــــــي
يانــــــــــدير

• یکشنبه
• 21
• دی
• 1399
• ساعت
• 22:26
• نوشته شده توسط
• یوسف اکبری

محسن ای یارو غمگساریم
دهره گـوز؛ آچمیان نگاریم
ای منــــه حامی پشت درده
غملي هنگامه همجواریم
آچمامیش غنــچه تك قاپی دالدا سولان
قوش كیمی قانینه غریب غلطان اولان
بالام لايلاي گولوم لايلاي

ای منیـــم یار نــــازنیـنـیــــــــم
كــــودك نـــــاز و دلغــمــیــــنیم
دلدی من تك سینوی مسمار
محسن ای یار مه جبیـــــنیم
ای منـــیــــم دفتریمده شعر و غـــــزلیم
واي اولوب آستانه قبرون گوزلیم
بالام لايلاي گولوم لايلاي

سن ده من تك غریب و تنها
سن ده اولــــــدون فدای بابا
یاندی قلبیم سنون حالونــدان
صورتــــــیم شعله ده یانـاندا
كوثرین سنده شانلی بیر ایه سی سن
سن اوغول شيعه لرين پیرایه سی سن
بالام لايلاي گولوم لايلاي

ويرمديم سود او نورعينه
فخر ايدم تا كه عالمينه
محسنيم حتما اوخشيوردي
گل عذارون حسن حسينه
آزقالور اولمگون يانان قلبي يارا
گل كيمي پرپراولدون آي نازلي بالا
بالام لايلاي گولوم لايلاي

• جمعه
• 26
• دی
• 1399
• ساعت
• 10:43
• نوشته شده توسط
• یوسف اکبری

نظام آفرينش ده ؛ گل بي خار زهرادي
دليل عمده خلقت ؛ نبي رخسار زهرادي

اوني الله ياراتدي تا كه اولسون حيدره همسر
فقط عالمده کفو حیدر کرار زهرادی

مقامينده بو بس اوپدي الين پيغمبرخاتم
بويوردي جنتين عطرين ويرن دلدار زهرادي

بويوردي بضعةُ منّي اونا شخص رسول الله
كه يعني جان و جانان شه ابرار زهرادي

نه تنها دخت طاهادي ؛ خانم ام ابيهادي
اونا فخر ايلين گونده ابوالاحرار زهرادي

اولوبدورشانينه نازل اگر چه سوره كوثر
تمام نصّ قرآنه ايدن رفتار زهرادي

علينون حقيني دائم هارا گيتدي بيان ايتدي
ايدن اهريمن دوني ذليل و خوار زهرادي

ایدوب اوچ یوز نفرحمله اودم کی بیت مولایه
ولیِّ بیکسه اوندا فقط غمخوار زهرادی

فشار دربیله بیلمم نلراولدی اومأواده
نوازش ایلین پهلولرین مسمار زهرادی

دوشوب پشت دره نالان چاغیردی فضه گل داده
كه اهريمن جفاسيندن اولان بیمار زهرادی

"خُذِینی" سسلدی فضه یتشدی دادینه اما
گوروب جورخزانیلن سولان گلزار زهرادی

آپاردی قان اونالانی ولی محسن شهیداولدی
جفای روزگاریندن اولان چوخ زار زهرادی

اوکس کی حیدره خاطر آلوب جانه بلایانی
جفای سیلی ثانی ایدوب تبدار زهرادي

گوزوم قان آغلا بو غمده ؛جهاني داغلا بو غمده
شهيد سيلي خصم و در و ديوار زهرادي

قلم چوخدور مصیباتی شفیع محشرين اما
عزادارين مشقاتين ايدن هموار زهرادي

ویرر احباب زهرایه اورکدن (آذرین) مژده
تمام فاطمیونه جزاده یار زهرادی

• جمعه
• 26
• دی
• 1399
• ساعت
• 10:48
• نوشته شده توسط
• یوسف اکبری

گیتمه زهرا ایتمه ویران حیدرین کاشانه سین
قویما یخسین غملی طوفان اهل بیتین لانه سین

ای منیم پشت و پناهیم مرتضایه رحم ایله
زينب و كلثوم زار و مجتبايه رحم ايله
گيتمه زهرا خامس آل عبايه رحم ايله
باشه چکمه باده هجرانوون پیمانه سین

گوزلرون آچ باخ علینون چشم خونین بارینه
سس ویرربحراندا زهرا یاراقلا یارینه
وای اولا دور زمانین منله کج رفتارینه
آلدی تزحیدرالیندن نازنین دردانه سین

دوقوزایل بودلفکاره محرم اسراریدون
پشت درده کوچه ده مسجدده منلن یاریدون
حقی غصب اولمیش علینن سن فقط غمخواریدون
سن مصفا ایلمیشدون مرتضانین خانه سین

دولدی قان ظلمیله زهرا قلب محنت جوشوه
هریره دوندون گلیبدی ناله غم گوشوه
سن حسینی بیردویونجا آلمادون آغوشوه
یاندیرارشمعین فراقی غصه لی پروانه سین

اشقیاسندن صورا ایلرعلن بیدادینی
بیربه بیر مظلوم ایده للر مرتضا اولادینی
مجتبانین دوغریالار زهریلن اکبادینی
لعن ايده الله جفالي محرم و همخانه سين

گیتمه قال ایله سرافراز عشقیلن سن حیدری
گیتمه قال اجرا ایدک فرموده پیغمبری
گیتمه قال طویدا یولاسال زینب غم پروری
مرتضي نيلر ويره الده گوزل جانانه سين

گيتمه قويما حيدري تنها و زار و بي نوا
گيتمه قويماقلبيمي درد و غم هجران آلا
گيتمه قويما يثربه وحشتلي بيرطوفان دولا
ايلمز دلبر اذيت عاشق ديوانه سين

(آذرين)زهرا غمينده عرشيلن فرش آغلادي
سينه عشاقي ثاني نون جفاسي داغلادي
فوج كركس شيرمردين قولارين تا باغلادي
محسنه قبرايلدي زهرا اوين آستانه سين

• جمعه
• 26
• دی
• 1399
• ساعت
• 10:49
• نوشته شده توسط
• یوسف اکبری

هجرانه يوخدور توانيم
رحم ايت منه گيتمه زهرا
حيدر آدامسيز قاليبدي
قلبيمي قان ايتمه زهرا
من حيدرم حيدرم من///دشمن شكن صفدرم من
سيندي بيليم ماتمونده////همناله كوثرم من

آچ گوزلرون ياتما زهرا
گوزدن مني آتما زهرا
حيدر ايوين قويما تاريك
آي مثلي گل باتما زهرا
من حيدرم حيدرم من///دشمن شكن صفدرم من
سيندي بيليم ماتمونده////همناله كوثرم من

سن گیتمه آرام جانیم
سن گیتمه روح و روانیم
بیرحاله دوشدیم غمونده
یوخ هجره تاب و توانیم
من حيدرم حيدرم من///دشمن شكن صفدرم من
سيندي بيليم ماتمونده////همناله كوثرم من

ای غنچه باغ طاها
معنای حب و تولا
رحم ایله بوباغریقانه
گل حیدری قویما تنها
من حيدرم حيدرم من///دشمن شكن صفدرم من
سيندي بيليم ماتمونده////همناله كوثرم من

بودردجانکاهه زهرا
سینم دولوب آهه زهرا
سندن صورا غمگسارون
دردین دییرچاهه زهرا
من حيدرم حيدرم من///دشمن شكن صفدرم من
سيندي بيليم ماتمونده////همناله كوثرم من

• جمعه
• 26
• دی
• 1399
• ساعت
• 10:52
• نوشته شده توسط
• یوسف اکبری

گلپونه باغ ولا زهرا
آيينه دار كبريا زهرا
قلبيمده جوش ايلور سنون عشقون
استاد درس كربلا زهرا
عشقون اوركده حشره جك طوفان ايدر زهرا
كفرين تفاقين همتون ويران ايدر زهرا
مشگل گشا زهرا
كان حيا زهرا
زهرا زهرا ؛ زهرا زهرا

آغلار سنون احوالوه شيعه
حسرت چكر آمالوه شيعه
بيرگون جهان دا گورمدون خوش گون
داغلار اورك بوحالوه شيعه
سويلله شيعه هر زماندا ثانيه لعنت
اوت ويردي هركس باجلالت خانيه لعنت
دام جفا قوردي/// سيلي سنه ويردي
زهرا زهرا ؛ زهرا زهرا

اي مادر سبطين پيغمبر
اي همسر و دلداده حيدر
شانونده بو بسدور كي طاهايه
نازل اولوبدي سوره كوثر
بير سوره يوخ سن معني مجموع قرآن سان
هم كفو حيدرسن بلي مافوق انسان سان
آفاقه فرمان سان //// سن جان جانان سان
زهرا زهرا ; زهرا زهرا

حیدرغمونده باغریقان اولدی
هجرونده گل تک زینبون سولدی
غسلون گیجیلن مرتضی ویردی
قلب حسینه اوندا قان دولدی
سسلندی ای غمدن گورمیش گول حسینم من
آچ گوزلرون ای غمزده بلبل حسینم من
قویما منی نالان //// ای دردیمه درمان
زهرا زهرا ؛زهرا زهرا

• جمعه
• 26
• دی
• 1399
• ساعت
• 10:54
• نوشته شده توسط
• یوسف اکبری

سون نفسیمدی ویرورم جان علی
گل باشیم اوسته اوخی قرآن علی

دوقوز ایل اولدون منه سن همنفس
ایمدی یتوب موسم هجران علی

امته تاپشوردی منی اوز آتام
ایلدیلر حیف اولا طغیان علی

باخمادیلار من گل پیغمبرم
ایلدیلر دیده می گریان علی

ظلمیله غصب ایلدیلر ملکیمی
حالیم اولوب زار و پریشان علی

ثانی دون درگهیمی اودلادی
یوخدی اونامردیده ایمان علی

ضرب لگدلن قاپونی آچدیلار
محسنیم اولدی سنه قربان علی

وحی ایوینه دولدیلا اهریمنان
دورت بالا اولموشلا هراسان علی

چکدیله قول باغلی سنی مسجده
جبریله آلسونلا کی پیمان علی

خنجری گوردوم باشوون اوسته من
عالم اولوبدی منه ویران علی

سسلدیم ای ثانی پست و لعین
بیعت ایدر غاصبه هاردان علی

اولممیشم من هله تهدید اولا
شاه جهان خسرو خوبان علی

آلدیم عم اوغلی سنی اشراریدن
منتی یوخ جان سنه قربان علی

ایمدی وصیتلریمه ویر قولاق
سنله واریم عهدیله پیمان علی

سال گجیه غسلیمی هم دفنیمی
گرسنیچون واردی بو امکان علی

زینبیمی قویما آیاقدان سالا
قصه پرغصه هجران علی

غسل ویرنده منه قوی گورمیه
سینمی زینب ایدرافغان علی

گویلونی آل قویما سارالسین حسن
کوچه سوزین ایستمه اوندان علی

فوری سو ویر قویمان عطشدن سولا
دورسا حسین هرگجه عطشان علی

قبریمی گیزلینجه منیم حفرایله
ای شرف عالم امکان علی

مهدی بالام گلسه عیان ایلیر
کامه چاتار جمله محبان علی

ایله بوگون دست یداللهیلن
(آذرینین )دردینه درمان علی

• جمعه
• 26
• دی
• 1399
• ساعت
• 10:58
• نوشته شده توسط
• یوسف اکبری

گوز آچ گلدیم باشون اوستونه زهرا
بو تزلیکده سولما ای گل طاها
بو هجران ایلر اورگیمی شان شان
آماندور گل قویما حیدری تنها
گوزل یاریم رحم ایله گیتمه
هواداریم رحم ایله گیتمه

خداحافظ گیزلدن یارا مندن
خداحافظ دویمادیم ولی سندن
خداحافظ ناگران زهرا
خداحافظ باغریقان زهرا

گوزون آچ ای یادگار پیمبر
گلوبدی شانونده سوره کوثر
بالالارون غرق غصه و غمدی
علی سنسیز بو مصیبته نیلر
گوزل یاریم رحم ایله گیتمه‌
هواداریم رحم ایله گیتمه

خداحافظ گیزلدن یارا مندن
خداحافظ دویمادیم ولی سندن
خداحافظ ناگران زهرا
خداحافظ باغریقان زهرا

• جمعه
• 26
• دی
• 1399
• ساعت
• 10:59
• نوشته شده توسط
• یوسف اکبری

ای گل بــاغ وفـــا دخـــت پـــیمبر زهرا یا زهرا
دلبر و هم نفـس و یاور حیــــــدر زهرا یا زهرا
دنیا زروی ماه تو شد روشن /// شیعه به زیر چتر تو در ایمن
یا فاطمه یافاطمه یازهرا(2)

تو گل گلشن و عـــطر چـــمن طاهایی زهـرایی
كفـــو حیدر صــــدف پرثمـــن مولایی زهـرایی
بحــرجـوشان شـــرافـت گهـــر والایی زهـرایی
معـنـی مـحـتــشم سوره كوثــــر زهـرا یا زهــرا
دنیا زروی ماه تو شد روشن /// شیعه به زیر چتر تو در ایمن
یا فاطمه یافاطمه یازهرا(2)

ســن صــفای دل شیـعـــــه ثمـر طاهاسن زهراسن
هامی عالم اولاقطره سن اوزون دریاسن زهراسن
یار و غمــخــوار عـلی دلبر مـه سیماسن زهراسن
شیعه محشــرزمانیندا سنی گوزلر زهــرا یازهـــرا
بیزه ویردی سنی حی تبارك /// زهرا تولدون سنون مبارك
یا فاطمه یافاطمه یازهرا(2)

آیت لم یـزلی بـوی خـوش ریـحان سان ریحان سان
اسوه حجب و حیا و شرف و ایمان سان ایمــان سان
هامی درد اهلـینون احوالیـنه سن درمـان سان درمان سان
قطره ده سنلن اولارمــوجلی دریا زهـرا یا زهـــــرا
بیزه ویردی سنی حی تبارك /// زهرا تولدون سنون مبارك
یا فاطمه یافاطمه یازهرا(2)

• جمعه
• 26
• دی
• 1399
• ساعت
• 11:06
• نوشته شده توسط
• یوسف اکبری

علینی قویما باغریقان/ مزاره گیتمه فاطمه
بوغمده سالما قلبیمه/ شراره گیتمه فاطمه
دان اولدوزوم بونوعی باتما
عم اوغلوی گوزوندن آتما
وفالی زهرا... حیالی زهرا
گیدن مزاره ... یارالی زهرا

قالار غمونده دورت بالون اولونجه مضطر وحزین
فراقون عم قیزی سالار بو قلبه آه آتشین
چوخ ایستین حسین بالون اولار غمونده دلغمین
ترحم ایت بو بیکس و نزاره گیتمه فاطمه
دان اولدوزوم بونوعی باتما
عم اوغلوی گوزوندن آتما
وفالی زهرا... حیالی زهرا
گیدن مزاره ... یارالی زهرا

سنون فراقون عم قیزی سالار بلایه باشیمی
اولونجه دیده دن توکر عذاره قانلی یاشیمی
فلک هیچ ایلدی منیم جهان دا هر تلاشیمی
نقدری اصرار ایلدیم کناره گیتمه فاطمه
دان اولدوزوم بونوعی باتما
عم اوغلوی گوزوندن آتما
وفالی زهرا... حیالی زهرا
گیدن مزاره ... یارالی زهرا

گیدور وفالی همدمیم گرک بوغمده نیلیم
سنون غم فراقوه چتیندی عادت ایلیم
داخی اورک سوزون گرک درین قویولارا دییم
بویالقیزین حالینا ایت نظاره گیتمه فاطمه
دان اولدوزوم بونوعی باتما
عم اوغلوی گوزوندن آتما
وفالی زهرا... حیالی زهرا
گیدن مزاره ... یارالی زهرا

• جمعه
• 26
• دی
• 1399
• ساعت
• 19:15
• نوشته شده توسط
• یوسف اکبری