اشعار ترکی حضرت فاطمه زهرا(س)

زهرانون آزقالور/ عمری باشا چاتا /گل باشیم اوستونه/ نالان عم اوغلی جان
آگهسن عاشقم/ صوت حجازوه /گل سون نفس اوخی/ قرآن عم اوغلی جان
ای شاه دین علی/ ای بی معین علی
قویما چوخ آغلاسین/اوغلوم حسین علی

تارحلت ایلدی/ طاها آتام منیم /گیتدی بو خلق آرا /اجلال و عزتیم
غصب ایتدی حقوی/ دشمن سقیفه ده/ بوجور و ظلمیدن/ طاق اولدی طاقتیم
هم ویردیلار منی/ سقط اولدی محسنیم/ ایمدی واریم سنه /نچه وصیتیم
باشیم دیزاوسته آل/ گوزیاشووی ایدیم/ سینم یاراسینا /درمان عم اوغلی جان
ای شاه دین علی /ای بی معین علی
قویما چوخ آغلاسین/اوغلوم حسین علی

قویما بویوک قیزیم/ زینب فغانیلن /هجر آتشین ویروب /دنیانی داغلاسین
قویما فراقیمه/باشه او قاره گون/شال عزاسینی/ بیرعمر باغلاسین
قویما فغان ایدوب/ دائم عزا دوتوب/ اول خونجگرقیزیم /سویله آز آغلاسین
قویما حزین اولا/کلثوم حسن حسین/ زینب چوخ ایتمه سین/ افغان عم اوغلی جان
ای شاه دین علی/ ای بی معین علی
قویما چوخ آغلاسین/اوغلوم حسین علی

وارخواهشیم علی /غسل ایت منی گیجه/ آغلاکفن ایله/ دفن ایت گیجه منی
تشییعیمه منیم/ قویما گله علی/ ثانی بی حیا /اول دشمن دنی
چوخ گوزله جان سنون/ جان دورد بالالارین/ایله منی حلال/ یوردوم علی سنی
دعوت ایدوب آتام/ جنتده گوزلیور/ طاهایه من گیدم /مهمان عم اوغلی جان
(ای شاه دین علی/ ای بی معین علی
قویما چوخ آغلاسین/اوغلوم حسین علی)

• جمعه
• 26
• دی
• 1399
• ساعت
• 19:18
• نوشته شده توسط
• یوسف اکبری

ای حیدرین گوزل غمخواری فاطمه
ختم پیمبرین دلداری فاطمه
یافاطمه مدد۴

خلاق عالمین سنسن حبیبه سی
ای آفرینشین آثاری فاطمه

سن خلقتین خانم عمده دلیلی سن
وجده گتورموسن داداری فاطمه

عشق و محبت و شور و شرافتین
سندن رواج اولوب بازاری فاطمه

طوفانلی باشوه حایلدی معجرون؟
یااینکه کعبه نون استاری فاطمه

سندن صفا تاپوب دنیاوماسوا
ای باغ جنتین عطاری فاطمه

رشک ایلیور سنون گلزاروه ارم
ای خلقتین گل بی خاری فاطمه

اوپدی الون سنون تا ختم الانبیا
راضی اولوب حق داداری فاطمه

سنده نه سر وار ای شمسه حیا
سینوندی مخزن الاسراری فاطمه

الله سنه گوره خلق ایتدی حیدری
کفو ایلیوب سنه کراری فاطمه

تاپشوردی مصطفی چوخ امته سنی
آسوده تا اولا افکاری فاطمه

جور و جفا ایدوب امت ولی سنه
باشدا اوثانی غدّاری فاطمه

اوچ گون پیمبرین تا رحلتین گچوب
طغیان ایدوب دینون اغیاری فاطمه

اود ویردیلاریانوب جبریل اوپن قاپی
فاش اولدی دشمنین آزاری فاطمه

دگدی لگد سینوب درگاه مرتضی
سینونده یرتاپوب مسماری فاطمه

بطنونده ظلمیله محسن اولوب شهید
خونین ایدوب در و دیواری فاطمه

تشریح ایدوم نجه اهل ولایته
زاغ و زغن دولان گلزاری فاطمه

اوچ یوزنفردولوب بیت امامته
اولاردان ایلورم بیزاری فاطمه

لعنت اراذله سرکرده ثانیه
سینسین الی ایله کفتاری فاطمه

ایلوبدی فتح باب ظلم و عداوتی
خلق ایتدی لحظه غمباری فاطمه

طاووس جنتین بال و پری سینوب
شیرون ده باغلانوب قولاری فاطمه

درگاهوه سنون نوکردی (آذرین)
محشرده قیل بونا سن یاری فاطمه

درد اهلینه خانم کهف الامان سان
گل ایتمه ناامید بو زاری فاطمه

• دوشنبه
• 29
• دی
• 1399
• ساعت
• 16:02
• نوشته شده توسط
• یوسف اکبری

فارسی

دیوان عشق و وفا یافاطمه
دریای حجب و حیا یافاطمه
میلاد توبر عالم امکان مبارک باد
روز مادر برجمله زنان مبارک باد
یافاطمه۳

ای بهار عشق و ایمان
مصطفی را جان جانان
باآمدنت دل عالمیان خرم گشته
بلبل به چمن به شکوفه وگل همدم گشته
یافاطمه۳

ای سیمای شرف و ماه عصمت
تندیس جود و عطا کان عفت
اولاد توجملگی آینه یزدان هستند
بردرد محبانت همگی درمان هستند
یافاطمه۳

ای در قرآن نامت کوثر
هم کفو و دلدار حیدر
با آمدنت عشاق توشدجمله دلشاد
میلاد تو بر حیدر کرارتهنیت باد
یافاطمه۳

ترکی

سن سن تندیس حیا یافاطمه
جانلار او جانه فدا یافاطمه
میلادون باغ و گل و چمنه تبریک اولسون
زینب و حسین و حسنه تبریک اولسون
یافاطمه۳

سن جسم و جان طاهاسن
حتی ام ابیها سن
نازل اولدی سوره قرآن سنه خاطر
خلق اولدی زهراکون و مکان سنه خاطر
یافاطمه۳

گلدون دنیایه تاپوب دیللرصفا
تاپدی گلشن ایچره گللرصفا
سن آینه و تمثال حق لم یزل سن
دیوان محبته شانلی گوزل بیر غزل سن
یافاطمه ۳

ای قرار قلب حیدر
اسوه زیبای مادر
فخریله اوپن الوی خود پیغمبر اولدی
سن گلن گون هامیا روز مادر اولدی
یافاطمه۳

• دوشنبه
• 29
• دی
• 1399
• ساعت
• 16:08
• نوشته شده توسط
• یوسف اکبری

ای بند قلب مصطفی دلبند حیدر فاطمه
ای شافع روز جزا دخت پیمبر فاطمه

ای یارحیدرفاطمه
دخت پیمبرفاطمه

خیرالنسا،کان حیا ،آیینه جود وسخا
کفوعلی، عشق جلی ،دریای ایمان و وفا
نوربصر ،والا گهر، مام کبار اولیا
نازل شده درشان تو آیات کوثرفاطمه

توعلت پیدایش و خلق تمام عالمی
توباعث خوشبختی نسل و تبار آدمی
توافتخار انس وجن هم افتخار خاتمی
ای برحسین بیکس و مظلوم مادر فاطمه

آیینه یزدان تویی هم زینت قرآن تویی
تفسیر الرحمن تویی هم معنی احسان تویی
الگوی هرانسان تویی هم سرورنسوان تویی
بوسه زده بردست تو حتی پیمبرفاطمه

ترکی

ای افتخار انس و جان انسیله جان قربان سنه
جان پیمبرسن خانم جان جهان قربان سنه
هم عرشیان قربان سنه هم فرشیان قربان سنه
اهل ولایه قیل نظر ماه منورفاطمه

صبروشهامت سنده دی خوان سخاوت سنده دی
دنیایه زینت سنده دی دیوان عصمت سنده دی
منشورغیرت سنده دی درس سعادت سنده دی
سندن بیری سرمشق آلا اولماز مکدرفاطمه

سن مجتبایه عزت و صلح وصفا استادیسن
سن زینب فرخندیه صبر و وفا استادیسن
سندن حسین سرمشق آلوب سن کربلا استادیسن
عاجز قالوب اوصافوه دیوان ودفتر فاطمه

• سه شنبه
• 30
• دی
• 1399
• ساعت
• 22:42
• نوشته شده توسط
• یوسف اکبری

سبک : عم اوغلی چوخ گول سارالار...

گل اگلش بیر باشیم اوسته سن ؛باغریقان قیزیم زینب
وصیتیم واردی چوخ سنه؛ ناگران قیزیم زینب

قیزیم سونور شمع زندگیم ؛ دوندی بو اورک قانه
چوخ آز قالورترک ایدم سیزی ؛ ویرقولاق بونالانه
حسن حسین قویما غرق اولا .محنت فراوانه
باجون کلثومین ده گویلون آل؛ هرزمان قیزیم زینب

قیزیم واردی بنذرون منه .سیرتیله صورت ده
منه اوزون جانشین سن . بوسرای محنت ده
منیم کیمی مشکلاته دوز ؛صبرایله مصیبتده
آتان علینون ده یاری اول ؛قهرمان قیزیم زینب

منی اوزون عفوایله اگر؛شانیه الیم گلمور
یوخاری گلمورالیم بالا ؛قانلی یاشوی سیلمور
در و دیواردان صورا بیری؛ دردیمی منیم بیلمور
جفای قنفذ ایدوب منی ؛ ناتوان قیزیم زینب

من اولسم گلمزله یاسیمه ؛ویرمسون سنه یوزغم
اوزون اوخشا غملی خانه ده؛ ساخلا مجلس ماتم
سن اوخشاسون آغلیارحسین؛آغلیار هامی عالم
اودم بوتون نالیه گلر؛ قدسیان قیزیم زینب

طویوندا من اولمارام قیزیم ؛نیسگلی منه قالسین
سفارش ایتدیم آتان علی ؛غملی گویلوی آلسین
منیم یریمه سنی اوپوب؛ طوی گونی یولا سالسین
ننه سین قیزطویدا چوخ گزر. بی گمان قیزیم زینب

قوپار بیرگون دست ظلمیله ؛ کربلاده بیرمحشر
حسینیمی قانه غرق ایدر ؛ فرقه جفا گستر
الی باشدا مقتله قاچوب ؛ اول حسینیمه یاور
ال آت شمرین خنجرین یاپیش ؛بی امان قیزیم زینب

دینن ظالم کسمه باشینی ؛ بوحبیب یزدان دی
اونابیرجرعه سوویرگیلن ؛ دیل دوداقی عطشان دی
ننم گلوب قانلی مقتله ؛ بیقرار و نالان دی
الوه فکرایلمه اوگون؛ قهرمان قیزیم زینب

• سه شنبه
• 30
• دی
• 1399
• ساعت
• 23:04
• نوشته شده توسط
• یوسف اکبری

گیتدی زهرا مرتضانین قلبینی قان ایلدی
وحی ایوین اعدا بوگوندن بیت الاحزان ایلدی

گوزیوموب فانی جهاندان دختر خیرالورا
میهمان گیتدی رسوله بوگیجه خیرالنسا
اللری قوینندا نالاندی حسین ومجتبی
زینبین روشن گونون شام غریبان ایلدی

دوزدی دنیاده غم بسیاره اما دینمدی
قلبینی ایتدی مصیبت یاره اما دینمدی
توش اولوب دی سینه سی مسماره امادینمدی
حق علینوندی هامی دنیایه اعلان ایلدی

محسنین دینه گوره حتی خانم ایلوب فدا
قبره گیتدی صورتی نیلی اورکده مین یارا
میخ در یارب هارا گور سینه زهرا هارا
خصم دون ناموس دهری قانه غلطان ایلدی

الغرض غسلین ویرنده حیدر اوز دلدارینه
گوزلری دوشدی سینان پهلو؛ تن تبدارینه
غسلدان ال چکدی یوزقویدی ایوین دیوارینه
قمچیلر ردی علینی دیده گریان ایلدی

سسلدی زهرا نیه رخت وصالی سویموسان
حیدری بیکس قویوبسان جنته یوزقویموسان
ایندی بیلدیم سن نیا دنیاده جانه دویموسان
زخم مسماردان آخان قان قلبی شان شان ایلدی

چون وصیت ایلمیشدی نصف شب دفن ایلیه
مرتضی قالمیشدی آواره بوغمده نیلیه
جمع ایدوب اصحابیدن یدی نفر تشییعینه
چخدی تابوت ایودن اما غملی طوفان ایلدی

دفن اولان ماوایه حمل اولدی غرض ماه علی
قویدولارتابوتی تاقبرین گوروبلرمنجلی
گِتدیلراصحاب ؛ شیرحق قالوبدی تک ولی
حیدره دفنه مدد ختم رسولان ایلدی

ایستدی زهرانی قویسین قبرینه شاه جهان
قبریدن ظاهر ایکی ال اولدی بحرانلی زمان
سسلدی زهرانی ویرگلسین منه ای باغریقان
ناله بوسوزدن تماماً انسیله و جان ایلدی

قلبه دولدی یاعلی زهرانی گورجک درد وغم
صورتی نیلی قولی پهلوسی زخمی پر الم
من سنه آیا بونوعیله امانت ویرمیشم
ساکنان جنتی بوغم پریشان ایلدی

سویلدی شرمندیم من ای رسول انس وجان
مندت اوتری فاطمه دنیاده اولدی باغریقان
سقط اولوبدی محسنی هم اولدی زهرا جانفشان
دینه خاطر جانینی جانانه قربان ایلدی

امته سن چوخ سفارش ایلدون بو اختری
ظلم ثانیدن ولی اولدی گولون نیلوفری
پشت درده حیف اولا سیندیردیلار بو گوهری
امتون سندن صورا باخ گورنه طغیان ایلدی

(آذرین)دریای عمان اولسا جوهر بالتمام
کل جنگللرقلم اولسا بو دور ختم کلام
حضرت زهرا مصیباتین یازانمازلار تمام
دست حق زهرا آدین سرفصل دیوان ایلدی

• سه شنبه
• 30
• دی
• 1399
• ساعت
• 23:07
• نوشته شده توسط
• یوسف اکبری

گیتدی زهرا قالدی بی یاور علی
قلبی یاندی ساقی کوثر علی

سوزلرین اولدوزلارا ماهه دیدی
دیلده کی دردین فقط چاهه دیدی

غملرایتدی حیدرین قلبین کباب
اشکریزان دلبرین ایتدی خطاب

فاطمه مندن نه تز دویدون خانم
دشمن ایچره بی کمک قویدون خانم

آغلارام صبح و مسا چولده سنه
خیری یوخ سندن صورا دنیامنه

قالمیشام سنسیز جهاندا نیلیم
قورخورام دنیاده چوخ عمرایلیم

کوچه ده بیلمم نلرگورمیش حسن
غملنن وقتده سولور باغ و چمن

جانمازون دوره سینده بی قرار
آغلاشولار زینب و کلثوم زار

قلبیمه بیرسوز ولی طوفان سالوب
بو حسین آرامیمی الدن آلوب

تاپشوروبسان باشی اوسته سو قویام
غصه لنسه هر گجه گوگلین آلام

گوزلریم اوسته حسینی ساخلارام
گول بوغازیندن اوپوپ قان آغلارام

بیر زمان اما نه سن وارسان نه من
بیرمصیبتدن یانار باغ و چمن

غصه و غمدن گلستانی سولار
یثربی ترک ایتمگه مجبور اولار

زینبیلن کربلایه یول سالار
دشت غمده دوره سین اشرار آلار

بیرگونین عرضینده گلزاری سولار
یار و انصاری بوتون قانه باتار

اکبریلن قاسمین گوزدن آتار
نهر علقمده علمداری یاتار

تک قالار میداندا سلطان مبین
سوزدیلدن سسلنر هل من معین

اعتنا ایتمز سپاه کین شعار
سس چاتاراخیامیده طوفان قوپار

باغ عترت جور اعدادن سولار
سودامر گهواره دن پرتاب اولار

یعنی منده خیرداجا بیرسربازام
لوح عشقه آدیمی بایدیازام

قالمارام شهزاده اکبردن دالا
بوآدیم دیللرده لازمدی قالا

من گرک قربانی قرآن اولام
عمریمین فصل بهارینده سولام

گل آنامدان آل منی ای شهریار
عرصه گاه عشقه قول باغلی آپار

چون سلیل حیدرم من قورخی یوخ
قوی بوغازیمدن دگه اوچ شعبه اوخ

حرمله کیمدور منی ایتسون شکار
من سنون عشقونده اولدوم جان نثار

گون قباغینده اگر چه دلکباب
آغلیار هجرانیمه بیکس رباب

روز محشرده قیامت ایلرم
من عزاداری شفاعت ایلرم

(آذرین)قالماز بیله دور و زمان
اصغرین قانین آلار صاحب زمان

• چهارشنبه
• 1
• بهمن
• 1399
• ساعت
• 11:02
• نوشته شده توسط
• یوسف اکبری

سبک مولودی:السلام ای یاس طاها...

مژده اولسون عاشقانه...فاطمه گلدی جهانه
روشن اولدی کل هستی...گلدی نور جاودانه
اورکلرشاداولوب .... هامی دلشاد اولوب
داخی غم غصه دن ... نبی آزاداولوب
مدد یافاطمه۴

گلدی خورشیدمدینه ....شاد اولوبدی ماه و کوکب
البشارت گلدی یاران .... امِّ حسنین و زینب
گلوب دین کوکبی ..... گل باغ نبی
درخشان ایلیوب...بوتون روز وشبی
مدد یافاطمه۴

گلدی طاهانین نگاری .... حیدرین دار و نداری
مصطفایه گلدی مادر .... مرتضانین غمگساری
پریلر حوریلر ..... هورردی تللرین
پیمبر عشقیلن ..... اوپردی اللرین
مدد یافاطمه۴

دخت الرّحمن و یاسین.... دردیمیزین ویر دواسین
هیئتیلر عیدیانه .... سندن ایستور کربلاسین
سنه جانلار فدا ...... اولا ای مه لقا
دخیل اولموش سنه .... هامی اهل ولا
مدد یافاطمه۴

• چهارشنبه
• 1
• بهمن
• 1399
• ساعت
• 11:05
• نوشته شده توسط
• یوسف اکبری

بیـر گون یغیشدی بیر یئره اوچ یـوز نفـر کـلاشیلر
باشـدا عُمَـر ؛ دور و بـرینـده قـانمیـان اوبـاشیلر
قصــد جســارتلــه گلـوب درگـاه شـاه خیبـره
کینـه اورکلـرده ؛ بـوتـون آتـش آلوبـلار اللـره
وحشـی صفت حیـوان کیمـی اَفسار غیرت قیردیلار
شَـرم و حیـاسیـزلر قـرض درب علینـی وئردیـلار
زهـرا گلـوب پشت دَره َ دینِـن حمـایت ایلسیـن
دینَـن چیخـان ناکس لـری دینـه هـدایت ایلسیـن
زهـرا او بـی ایمـانـلارا طاها کیمـی ائـدی اِعتـاب
بی عُرضه لر سر دسته سی شهزادییـه وئردی جـواب
سن گلمیسـن پشـت دَره ایـرادی وار چـوخ فاطمـه
حیرتـدیم بـو خـانـه ده آیـا کیشی یـوخ فـاطمـه؟
حیـدر نَـدَن گلمـور چـوله ؟ زهـرا قوتـار بو چالشی
فرجامه چاتماز سوزلریم سن بیر خانیمسان من کیشی
زهـرا دئـدی روبـاهی لـر اصلانیمـی یخمـاز عُمَـر
چون شاه مرداندی علی ؛ سنـن کیشی چیخماز عُمَر

• شنبه
• 4
• بهمن
• 1399
• ساعت
• 19:53
• نوشته شده توسط
• یوسف اکبری

آنا گـوزیاشیـم اولدی القان
سنه زینبون جانی قربان
سالوب غملرون دلده طوفان
اولـوب سینـه سـوزان

آچ گـوزلرون سینه ده یاره یاتما یارالی
گون مِثلی مغربده دلخسته باتما یارالی
گـوزدن بـالالاریـوی بیله آتما یارالی

اویان بیله یاتما یارالی

« لایلای ننم وای ننم وای ننم وای ننم وای »

غَمـه دائم اولدون نشانه
گتیردی سنی غم نه جانه
دونوب گُل سِتانین خزانه
دُونِیـــدی زمـانه

سن کی دییَردون آنا حَق دییَن دیللره ئولمز؟
سن ئولـدون اما منیـم لبلـریم بیـرده گولمز
زینب گلـر جانـه دردیـن ولی کیمسـه بولمز

منیم دردیمی کیمسه بولمز

« لایلای ننم وای ننم وای ننم وای ننم وای »

• یکشنبه
• 5
• بهمن
• 1399
• ساعت
• 20:45
• نوشته شده توسط
• یوسف اکبری

انبیـا گـر چـه مقـام و رُتبـه ده ممتازیدی
سر به سر عشق عالمینـده فاطمـه سربازیدی
پنـج تَنـده خلقتینـده فاطمـه مَدیونیـدی
بو حـدیث قـدسی والله ذات حَق اعجازیدی
کیـم دئسه یـا فاطمه روحی تاپار حتمی صفا
جملـة یـا فـاطمـه چـون بهتـرین آوازیدی
جبرئیلـون شهپـرین چوخ انبیـالر گورمیوب
اُول همان شهپر خانیم زهرایه زیراندازیدی
بیر نچه ائیل آچدی حاتم سائله حاجت درین
فاطمه درگـاهی اون دورد قَرنیدورکی بازیدی
علـت پیـدایـش زهـرانی عالـم بولمیـوب
فاطمـه ، تک آللهین هم رمزیدی هم رازیدی
فخـر ائـدر عیسی گئدوبدور آسمان چارُمه
یِـدی گـوی باشدان باشا زهرایه پایَندازیدی
منکـران حیـدری خـار ایلـدی عالـم بُوله
انقــلاب فـاطمــه کـربـوبـلا آغازیدی
آخـریـن قـافیـه می تأیید ائدون اهل ادب
روز رستاخیـزیـده زهـرای اطهـر قاضیدی
طول وئرمه صحبته یاز ای پریشان بو سوزی
فاطمـه گر اولماسیـدی مـا خَلَـق اولمازیدی

• پنج شنبه
• 9
• بهمن
• 1399
• ساعت
• 23:42
• نوشته شده توسط
• یوسف اکبری

زهرا
تو سر به سر شرافت هستي
مــدافـع ولايت هستي
قسـم بـه بـازوان عبـاس
تو منجـيِ امامت هستي

زهرا
تو نور چشم مصطفايي
عزيـز جـانِ مرتضايي
مِثـال تو نديـده دنيا
طليعـه دارهِ كبريايي
قسـم به روح پاك طاها - تو دار و هـم ندار مايي
به روزِ حشر و در قيامت - قسم به حَق شعار مايي

زهرا
تو بهترينِ مـادر هستي
تو كُشته همان در هستي
علي گشودهِ باب خيبر
قواي دست حيدر هستي

زهرا
تـو فخر كُـل عالميني
به مصطفي تو نور عيني
تو كُف بي نظيـر حيدر
عزيز و مـادر حسيني

زهرا
تو رَهروِ رهِ ولايت – تو آرمان شيعياني
فداي عزت و مَقام ات - دليل خلقت جهاني

زهرا
سنون مقاميـن آسماني
شرافتون توتوب جهاني
مريضوم ؛ عَلاجي سنده
دوا اِلـه بـو دردهَ آني

زهرا
آدونلا تاپموشام چوخ عزت
آدونـدا وار عجيبـه لذت
آدون هاياندا گلسه والله
او يئر اولار بِسانِ جنت
مَجاليم اولسا جـان زهرا – قانيملا آديوي بَزَرديم
بو آدي سسلين زماندا – شفـا تاپـار تمام درديم

زهرا
حَسن غمونده دائم آغلار
باشا هميشه قاره باغلار
ديًنده واي يارالي زهرا
دل جهـانيـاني دغلار

زهرا
غمون بو ائوده سايه سالدي
ائـويـم هـواي مـاتـم آلدي
گوز آچ اماندي ياتما زهرا
غمونـده مرتضـي قوجالدي
سنون مصيبتونده زهرا - بو سرزمينه غم اَنوبدي
حسين و زينبون قيامي - قاپون يانان اورگنوبدي

• جمعه
• 10
• بهمن
• 1399
• ساعت
• 17:04
• نوشته شده توسط
• یوسف اکبری

در آهنگ (کربلا میخام ابوالفضل)

دیده وا کن ای خسته فاطمه – غرق غم مکن علی را
دست من عـدو بسته فاطمه – غرق غم مکن علی را
بـازویِ تـو بشکسته فاطمه – غرق غم مکن علی را

امـان از چهـرة زَردت
علی را میکُشد دردت

کن نظر به احوال مرتضا – غرق محنت و ملال است
بهر کوچه بیچاره مجتبا– غرق محنت و ملال است
زینب و حسین تو هکذا – غرق محنت و ملال است
دیده وا کن ای خسته فاطمه – غرق غم مکن علی را

امـان از چهـرة زَردت
علی را میکُشد دردت

خانة علی گشته چون قفس – در مصیبت اش اسیرم
رفتـه مـادر مجتبـا زِ دَس – در مصیبت اش اسیرم
نآیـد از دلِ خسته ام نفس – در مصیبت اش اسیرم
دیده وا کن ای خسته فاطمه – غرق غم مکن علی را

امـان از چهـرة زَردت
علی را میکُشد دردت

ابـری لر کیمـی دولـدی مرتضا – فاطمه اویان اماندی
گل کیمی نه گور سولدی مرتضا – فاطمه اویان اماندی
بی کس و غریب اولـدی مرتضا – فاطمه اویان اماندی

عموغلـون آدیوه قربان
اماندی گتمه زهرا جان

سن سیز آغلارام سینه داغلارام – فاطمه اویان اماندی
دیزلریمی سن سیز قو جاخلارام – فاطمه اویان اماندی
زینبـون کیمـی قـاره باغلارام – فاطمه اویان اماندی
بی کس و غریب اولـدی مرتضا – فاطمه اویان

عموغلـون آدیوه قربان
اماندی گتمه زهرا جان

سـن سیـز بـالالار غمنـن سارالار – فاطمه اویان اماندی
خوش گونللری چون سن سیز قارالار – فاطمه اویان اماندی
غـم سینـه لـرین اوخ تک یـارالار – فاطمه اویان اماندی
بی کس و غریب اولـدی مرتضا – فاطمه اویان

عموغلـون آدیوه قربان
اماندی گتمه زهرا جان

• جمعه
• 10
• بهمن
• 1399
• ساعت
• 17:27
• نوشته شده توسط
• یوسف اکبری

در اهنگ(این گل را به رسم هدیه )

زهرا جان آچ گوزلريوي يولداشيم اولدي غملرون
واللهـي سـالـدي اياقـدان مرتضـاني ماتملرون

يازهرا

دائـم سسلـرم واي زهرا
گلمز چون سنه تاي زهرا
ذكريم اولدي لايلاي زهرا

زهـرا جـان اويـان – زهـرا جـان

سن شيز كاشانم زنداندي ائويميزدن دويدوم گلديم
گـوزياشلـي اوشاقلاروي تنها ائوده قويدوم گلديم

يازهرا

غـم قامتيمـي بوكوب گلموشم
گوز ياشلاريمي توكوب گلموشم
قيزلارينان اَل چكوب گلموشم

زهـرا جـان اويـان – زهـرا جـان

اوشاقلار كيمي قبريوي قوجاخليوب آغلارام من
آگه سـن مرثيـه دئسـم دنيـالري داغلارام من

يا زهرا

زهـرا آچ گـوزون مني يانديرما
فاش ايله سوزون مني يانديرما
دِي كوچه سوزون مني يانديرما

زهـرا جـان اويـان – زهـرا جـان

• جمعه
• 10
• بهمن
• 1399
• ساعت
• 19:27
• نوشته شده توسط
• یوسف اکبری

فـاطمــه عاشقلـری سَـرقُلــة عزتده دی
قَلعـة حُـب علیـده حِصـن و اَمنیتده دی
فـاطمـه عاشقلـریـن رَد ایلینمـز بیـر نفـر
چـونکی زهـرا عـاشقی اوج صلاحیتده دی
مجمـع بیـن المللـده ایلشـن مفتـی بـولـون
شیعیـان فـاطمـه باشـدان بـاشـا وحدتده دی
فاطمــه محنتلـرینن دوشـدی بایـرام بیر یئره
اُول سببدن شیعـه لر غرق غم و محنتده دی
دوزدی بایرام یولدادی؛زهرایه بیز یاس ساخلاروخ
شیعه لـر یـاس تـوتمـاقـا زهرایه جدیتده دی
کیــم تـوتـا زهـرایـه بـایـرام گونلری بزم عزا
مهدینی راضی ائـدوب پاداشی چون حجتده دی
خلقتیـن فـرمـانـده کُـل قـواسی مهـدیـدور
نـائبی سیـد علیـدور چـون ئـوزی غیبتده دی
هرکیمـون کی آشنـاسی حَشـریـده زهـرا اولا
قورخوسی یوخدی اونون پرونده سیز جنتده دی
جَنتینـده شرطی وار حُب علی ، اونان نمـاز
ای (پریشان) بو ایکی عنوان الان غربتده دی

• جمعه
• 10
• بهمن
• 1399
• ساعت
• 19:32
• نوشته شده توسط
• یوسف اکبری

ای علینـون شیعـه سـی ، ای فـاطمـه عاشـق لری
اهـل بیتـون عـاشقـانِ سـاده و لایـق لری
سعـی ائـدون تـا وار نفـس راه ولایتـده گئـدون
آل طـاهـایـه بـو ائیلـده عشقـوزی ثـابت ائـدون
جمـع ائـدون بـایـرام بساطیـن ، گلـدی ایـام عزا
فـاطمیـه بـاشـلانـوب غـرق عـزادی مـرتضـا
مـرتضـا بـو گـونللـری آه و نـوا فکـرینـده دی
بضعــة پیغمبــره بــزم عـزا فکـرینـده دی
مرتضـا بو گـونللـری دل داغـلامـاق فکرینـده دی
فـاطمـه نسگیلرینـده آغـلامـاق فکـرینـده دی
مرتضـا بو گونللـری صُبح گون چیخـانان آخشـاما
یـاره لـی زهـراسینـه باشـلار یانیقلـی اوخشـاما
مـرتضـا مُخلـص لـری زینبلـه سینـه داغـلاسین
مهدیه باش ساغلیغی وِئرسون بو غمـده آغـلاسین
جمـع اولـون ای شیعـه لـر قلـب زمـانی داغلیاخ
بـاش بـاشا بـاهـم وئـراخ زهـرا غمینـده آغلیاخ
فـاطمیـه بـاشـلانوب اَلـوان لبـاسی خوشـلامـا
بایـرامی بـوشـلا ، علـی دامانیـن امـا بوشلامـا
چونکـی زهـرا گلشنینـده بَـذر فـرقت اَکمـدی
توتـدی دامـان علیدن، سیندی قوا ، ال چکمدی
نه دئدی ای وای قولوم،ای وای سینَم،ای وای یارام
مسجـده بیلـه آپـارسـوز مرتضـانی قـویمـارام
سویلـدی آنـدو اولسـون آللـه مَرامیـدور علـی
مـن پیمبـر زاده اولسـامـدا امامیمـدور علـی
عشقیـده نقصان اولار عشقیمده تاوان وئرمَسَم
زنده قالمـاز مـرتضا آدی ، اگـر جـان وِئرمَسَم
حقِ مطلقـدور علـی ، من حقیـن امضـا ایلرم
دانسـا هرکیـم حقینـی قانیملـه رسـوا ایلرم
قیزلاریم ، اوغلانلاریـم همـده ئوزوم قربان اونا
یاره لی سینَـم ، قولوم ، بیرده گوزوم قربان اونا

این شعر مخصوص ایام فاطمیه مصادف با عید نوروز است.

• جمعه
• 10
• بهمن
• 1399
• ساعت
• 19:34
• نوشته شده توسط
• یوسف اکبری

در آهنگ(نگار نازنین آقام حسین حسین)

عمـواغلوام گوز آچ وفالی فاطمه
دِه سوزلـرون منه حیالی فاطمه
غم ومصیبتون قوجاتدی حیدری
گتیـردی نالیـه غمـون پیمبری

« وفالی فاطمه - حیالی فاطمه »

ستـاره تک سوزوب شفقـده باتموسان
علینی تک قویوب نه خسته یاتموسان
گـوزونن حیـدری عجیبـه آتموسان
داغیلـدی حیـدرین جَـلالی فاطمه

غمـونده گـوزلریم دولـوب پیـاله تک
گـوزوم یاشی آخیـر عُـزاره ژاله تک
سولـوبدی زینبـون چمنـده لاله تک
سـولـوبدی گلشنیـن نهالی فاطمه

یتیمـه قیـزلارون گلـوبدی شیونه
ننـم ننـم دیـوب بـاخـولا هـی منه
حَسن حُسین دیور جان آی جوان ننه
اولوب اوشاخـلارون عـزالی فاطمه

• جمعه
• 10
• بهمن
• 1399
• ساعت
• 19:39
• نوشته شده توسط
• یوسف اکبری

مست جام عشق اولان دِلدن بلانی پِیلسین
فـاطمـه عاشقلـری بـو بَنـدی تـأییـد ایلسین

گوز آچانان فاطمه عشقونده سَرمست اولموشام
هَست آل مرتضـادن هَست اولوب،مست اولموشام

وار دلیلـی پـادشـاهـان جهـانـان من سَـرم
شـأنیمـه شـاهـلاردا چاتماز ،چون غلام حیدرم

شمعِ عشقه اوت توتوب اوتلانمیشام پروانه تک
دل شکستـه عاشقـم زهـرایه مـن دیـوانه تک

یاز قلم زهرانیـن عشقین باش و جانان آتمارام
عشقیمون اوستونده دورام ،عشقین ارزان ساتمارام

بولسون عالم فاطمه عشقی منـه پیـرایـه دی
هِـش زادیـم دا اولمـاسا عشقـی منـه سرمایه دی

فاطمه عشقینده من عمـروم بویی سرزنده ایم
عـاشقـم زهـرایـه مـن عـلت اولـدی ارزنده ایم

عـاشـق زهـرایـم و مَست وِلای حیـدرم
پـادشـاه اولسـامدا مـن زهـرایه والله نوکـرم

یوخ قلم یوخ بولمـدیم گور من هـارا زهرا هارا؟
مـن کیمـی سـائل هـارا ؟ انسیـة حـورا هـارا

نا بجـا سـوزدور دئسـم زهـرایه لایـق نوکرم
فـاطمـه یـوخ ، نـوکـر درگـاهینـه مـن چـاکـرم

وار یئـری جِـن و مَلـک زهـرایه گر نوکر اولا
کُـل نِسـوان فـاطمـه یـوخ ، فضیـه چـاکـر اولا

فـاطمـه نـوکـرلیغـی تـاج شـرافتـدور منه
هر یانا گئدسـم اگر عشقی هُویّتـدور منه

عـالمـی گـوزدن آتوب آل علینی خوشلادیم
دامـن زهـرانی تـوتـدوم ؛ عـالمینـی بوشلادیم

وئرمرم بو عشقیمون بیر قطره سین دریایه من
هرچـه پیـش آیـد خـوش آید عاشقم زهرایه من

عاشقـم زهـرایه مـن عشقیـن جهانه وئرمرم
گـرد و خـاک خـانه سیـن بـو کهکشـانه وئرمرم

شعریللـرده آدی گلسـه عرش و فرش وئرمرم
درگهـِه عـرش آشنـاسیـن یِـدی عرشـه وئرمرم

سـرنوشـت عشقیمی میـن سرنوشته وئرمرم
نصفـی یانمـوش درگهیـن بـاب بهشتـه وئرمرم

خشـتِ دیوار و درین عـرش خدایه وئرمرم
عشقینـون دردیـن ؛ ئولَـم دارالشفـایـه وئرمرم

باغینـون بیـر لاله سین بـاغ جنـانه وئرمرم
غصـه لـی سجـاده سیـن هفـت آسمـانه وئرمرم

فاطمـه عشقین اینان دِیر و کِنِشته ساتمارام
بیـر نَـخِ چـادر شبیـن بـاغ بهشتـه سـاتمارام

فاطمـه عاشـق لری بو بندیـده ذُوق ایلسین
حَض ائدوب ، بو جُملـه لرده ذُوق مـافـوق ایلسین

عاشقـم زهرایـه من عشقـه ریـانی قاتمارام
نصفی یانمیـش درگهیـن کـاخ سفیـده ساتمارام

بیرخانیم دی بو خانیم یوخ مِثلی چون عجوبه دی
من کی سهلـم اللهـآ ایستهلیـدی ، محبوبـه دی

یـازماقـا بو مطلبـی صبـر اِتمـرم بیـر ثانیه
تـا قیـامت لعنـت اولسـون اَول هـم ثـانیـه

• جمعه
• 10
• بهمن
• 1399
• ساعت
• 19:40
• نوشته شده توسط
• یوسف اکبری

جشـن میـلادنـده ای اُم ابیهـای زمـان
شُـوره گلمـوش قدسیـان و عرشیـان و فرشیان

خـانـة ختـم نبـوت مطلـع الانـوار اولوب
چـون ستاریلـه چـراغاندی بوتون هفت آسمان

اللـرینـده دستـه گـل دردانـة پیغمبـره
عـرض تبـریکـه گلوبللـر دستـة پیغمبـران

مهــدیِ آل عبـایـه روز مـادردی بـو گـون
جشـن میـلادیـه قـورومـوش جملـة کروبیان

آچ الون مهدی بو گون عشاقه بایراملیخ وئرور
آلمـاقـا بایراملیغیـن یکسـر گلـوب ناصوتیان

سیزده بو بایرامدا مهدینون ظهورین ایستیون
تا گلـه مهـدی ، ایشیقلانسین زمین و هم زمان

گلسـه مهـدی عدلیله عالمللره طوفان سالار
فـاطمـه قاتللـرینـن بـی مهـابـا قـان آلار

گلسـه مهـدی فاطمـه قبـرین نمایان ایلییر
اوز اَلیلـن عـالمـه اُول مـدفنـی ایلـر عیـان

اُول مـزاری بـاز سـازی ایلییـر گـوزیاشیله
مکـه مثلـی تـا زیـارت ایلسونللـر عاشقـان

اُول مـزاره گنبـد و گلدسته و صحـن و زریح
فـوری آمـاده ائـدر چـون مهدی صاحب زمان

ای پریشان مهدینون ایسته ظهورین حقیدن
دیده گریان صبح ، ظهر عصر و شام و هر زمان

• جمعه
• 10
• بهمن
• 1399
• ساعت
• 20:13
• نوشته شده توسط
• یوسف اکبری

آپارمیون عم اوغلومی گَلنمورم یارالیم
آچون عم اوغلومون قولین گورنمیرم وفالیم

ولایت عشقی دولدوروب بو تار و پود جانیمی
بو نیّتیله گون چخار که اوپسون آستانیمی
قانیله میخ در یازوب علملره نشانیمی
جوان لیقیمدا حیف اولا که قامتی هلالیم

همای باغ جنّتم بهشتیده اوچام گرک
حسین حسن اَلین دوتوب بو شهریدن قاچام گرک
شکسته دل عم اوغلومون بو قولّارین آچام گرک
که منده حلّ مشکله عم اوغلومون مثالیم

او کس که یاعلی دیوب جهاد ایده سعید اولوب
شه ولا یولون گیدن همیشه روسفید اولوب
قاپوم یاناندا ظلمیله منیم بالام شهید اولوب
شهید آناسیم اوزوم دیمون که دست خالیم

علی قضاوت ایتمه سه خلل یتر عدالته
بیر عدّه نصب ایدر اوزین بو کُرسی خلافته
محسنیمون شکایتین ساخلاموشام قیامته
ظلمه باش اگمینلرین حشریده عرض حالیم

آتام یرینده اگلشه یوخ اوزگنون لیاقتی
رسالتی تانیتدوروب عم اوغلومون امامتی
عبادته صفا ویرر فقط علی ولایتی
بیله امام و رهبرین جهاندا من عیالیم

قسم رسول اکرمه وفا یولین ایتورمرم
بو دامن ولایتی اُلونجه من اوتورمرم
قولوم سینا، بالام اُله، علیدن اَل گوتورمرم
اوزوم اگرچه ناخوشام بو گون باشی بلالیم

ریاست اوسته تولانوب مسیر حقده قالمادوز
قیامتیله قبر ایوین بو گون خیاله سالمادوز
ندن سلام ویرمه دوز، علی سلامین آلمادوز
بو باره ده خدا بُلور اورک یانور نوالیم

مخالف ولایته قوشولمارام قاریشمارام
علی کوسنلریله من کوسولموشم باریشمارام
جهاندا بی حجابیله اُلم قالام دانیشمارام
ایویم سرای وحی دور حمیده ام حیالیم

حقیقتی بوراخمیون جحیم اوتوندا یانمیون
سِلاحه سیز دایانمیون، خلیفه دن اوتانمیون
فدک منیمدی دانمیون، ثانی سوزین اینانمیون
من عزّت امامتم، رسالتین مدالیم

بو مطلعی ویروبدی بیر صفالی نوحه خوان منه
ولی کیمون کلامیدی تانیش دگل یازان منه
هزار شکر لطف ایدور همیشه دوستان منه
بو یار و یولداش اولماسا حبیب لا اُبالیم

• چهارشنبه
• 15
• بهمن
• 1399
• ساعت
• 22:10
• نوشته شده توسط
• یوسف اکبری

ای قافیه‌ی هر غَزلم چشم سیاهت
ای کعبه‌ و ای قبله‌ی دل صورت ماهت

مُژگان تو قربانگه صد شعر و غزل بود
چون مَسلخ تو مَشعَر ایام ِ اَزَل بود

ابیات کُند سجده‌ی واجب به جمالت
چون نقطه‌ی بسمِ‌لَه مُصحَف شده خالت

خورشید که یاد آور چشمان تو باشد
شایسته بُوَد سر خوش و قربان تو باشد

ای شاه گدایی زِ گدایان رَه تو
ای ماه فدایی زِ فدایان رِه تو

تو دلبر شیرین سُخَنَم بوده‌ای ای یار
تو روح و دل وجان وتَنم بوده‌ای ای یار

تو دلبر من بودی و من عاشق و رویت
حالا چه شده دل شده بیگانه‌ی کویت؟

تو شمع دلم بودی و پروانه نبودم؟
از عشق تو من عاشق و دیوانه نبودم؟

بر گلشن چشمان تو صد لاله سِپُردَم
تو آمدی و زنده شدم ، رفتی و مُردَم

بی عشق تو من زنده نشاید که بمانم
از بی تو شدن ها نگرانم ، نگرانم، نتوانم

تو شَمس من هستی و مرا هم قمرت کن
یا اینکه بمان یا که مرا همسفرت کن

• چهارشنبه
• 15
• بهمن
• 1399
• ساعت
• 22:12
• نوشته شده توسط
• یوسف اکبری

کنار ایت مردمکدن سایه ی مژگانی یازهرا

گوزومده روشن ایله نیّر تابانی یازهرا

زجاج چشمون آیات الهی جلوه سین آلموش

گوز آچ گورسون گوزوم بو صفحه ده قرآنی یازهرا

پیمبر گوزلرین ایلر تداعی گردش چشمون

گوز آچ ایله محقّق گوزده بو عنوانی یازهرا

فروغ لایزالیدن منوّر گوزلره نولموش

که نشر ایتمور نظرده پرتو عرفانی یازهرا

فلق نورین سحاب تیره گویا ایلیوب پنهان

که روشن ایلمور نور سحر دنیانی یازهرا

مگر ابر سیاه ایچره یمانی نجم اولوب آفل

خسوفه یا سالوب گردون مه تابانی یازهرا

شبستان فصیلت شمعی تا نورین نهان ایلوب

گورور ظلمت سرا گوز عالم امکانی یازهرا

گلستان کرامت عبهری تا نظره دن قالموش

ایدوب پژمرده محنت سوسن و مینانی یازهرا

گوز آچ بیرده گوره بلکه گوزوم موج نگاهوندا

صفای جان فزای طلعت جانانی یازهرا

بو ناهنگام یاتماق ایلوری تشویشیمی افزون

ایدور تلقین خیاله اوزگه بیر معنانی یازهرا

غم هجرانیدن ایلور حکایت حالون اوّلده

دیر قلبیم ندور بو اوّلین پایانی یازهرا

تمامه یتمین هجران خیالیمدن خطور ایلور

اُلوم شاید ویره پایانه بو هجرانی یازهرا

خط رنگین کمان ترسیم اولوب گلبرگ سوری ده

خزان سوزی پوزوب یا حالت ریحانی یازهرا

آخور بی اختیار اشکیم عذاره آتش دلدن

خیال ایتدوقجا جور و کینه ی اعدانی یازهرا

دانیش بیر کلمه بیرده منله خاموش ایت اورک سوزین

مداوا ایله دلده درد بی درمانی یازهرا

نولور بیرده گَله رفتاره بو سرو قد مزون

بُلورسن یوخدی سنسیز بو ایوین سامانی یازهرا

جمالون انکسارین گوز گورور اشکیم اولور جاری

غمام غم توکر گویا بلا بارانی یازهرا

قاپون یاندی، عوالم یاندی، سن یاندون، علی یاندی

دل دشمن دوتا بو آتش سوزانی یازهرا

نه بیر باب کرامت یاندی ظلماً، بلکه یاندوردی

شرار ظلمه دشمن عالم امکانی یازهرا

تسرّی تاپدی یثربدن بو آتش بیت معموره

محاط ایتدی لهیبه مسجد الاقصانی یازهرا

بو درگهدن چکنده شعله نار کینه، یاندوردی

دل رفرف سوار لیلة الاسرانی یازهرا

دیمم تنها پیمبر شهری اودلاندی بو آتشدن

دوتوب بو شعله بلکه حائر بطحانی یازهرا

نه قدری پستدور قصد ایلین قصد اهانتله

بو دارُالوحده نی، بو درگه والانی یازهرا

آزوب فطرت یولین بیر طایفه دنیایه تولاندی

نجه بی قدر ایدوبلر گوهر انسانی یازهرا

هوای نفسیدن ایله اولوبلار مست لایَعقل

که تشویره سالوبلار باده و مینانی یازهرا

بلی سرمست دنیا سختدور هشیار اولا بیرده

تاپا عقلین چتین بو باده نین سکرانی یازهرا

ریاست اشتیاقیله ولایت مامنی اندی

مجاب ایتدی جهالت منطق و برهانی یازهرا

اَلیم ظلمیله باغلاندی ولیکن قویمادیم هرگز

تعصّب پاره ایتسون عروة الوثقانی یازهرا

نگاه لطفیوه عابد امیدین باغلیوب دلدن

اودور تکرار ایدر صدقیله یازهرانی یازهرا

• چهارشنبه
• 15
• بهمن
• 1399
• ساعت
• 22:15
• نوشته شده توسط
• یوسف اکبری

الرینده بیر غزل نامه گتیردی مرتضی
تاکی‌قویسون‌دیده‌سی‌گریان‌مزاره‌پیکرین

نه غزل نامه امیر خیبره دیوان عشق
یاره دور تَندن آلوبدور استعاره پیکرین

بیر غزل‌دور شاه بیتینده یازوبلار یا علی
گویده‌اولدوزلار باخوب‌ایلور‌نظاره پیکرین

پارهَ‌لندی‌صفحه‌صفحه بیتی‌بیتیندَن‌دوشوب
غم داغیتموشدی کَاءنه پاره پاره پیکرین

نه غزل نامه اونا تفسیر اولار قرآن؛یقین
مصرعی‌مین ‌آیه‌دن‌باش اُول‌بهاره ‌پیکرین

گُل‌ایاقلاندی‌گلاب‌اولدی‌یخوب‌حیدر ‌ائوین
یاره‌لندی سینه سی آلدی شراره پیکرین

خاریله گُل پیکرینده یازدیلار محکومیدور
حکمی‌قبول‌ائتدی چکدی پایِ داره پیکرین

بو غزلدور یا کی قرآن یا کی زهرای بتول
تابشیرور قرآن ناطق قبره یاره پیکرین

بیرده‌قبریندن‌چیخاردوب‌اوپدی‌یاره سینه‌سین
قویدی قرآن مِثلی تا قبره دوباره پیکرین

• شنبه
• 18
• بهمن
• 1399
• ساعت
• 19:13
• نوشته شده توسط
• یوسف اکبری

گلموشوك قبريون اوستونده اورك داغلاماقا
باجـي قارداش ننه واي سسلمگه آغلاماقا

آچ گـوزوي ياتما آنا
گون كيمي گل باتما آنا
دور يارالارينان اوپـوم
زينـي آغـلاتما آنا

جان آنام - مَه دوران آنام
قبريوه قربان آنام
جان آنام - سنه قربان آنام
اي مَه دوران آنام

نه چتين وَقتيـده تك قويدون آتامی آنا جان
نچه وقت دور كي جواب سيزدي سلامي آنا جان
چوخ دييَردون كي آناسيز اِئوه غم غصه دولار
پوزولوب خانه ميـزون نظم و نظامي آنا جان

تك قالوبـدور مير هُدا
قوجالوبـدور شير خدا
سني زينب جاني اويان
مرتضانـي دينـدير آنا

جان آنام - مَه دوران آنام
قبريوه قربان آنام
جان آنام - سنه قربان آنام
اي مَه دوران آنام

• شنبه
• 18
• بهمن
• 1399
• ساعت
• 19:15
• نوشته شده توسط
• یوسف اکبری

ای منیـم دلـداریـم
غـم گونـی غمخواریم
زهرا جان گتمه * منی ترک اتمه
ای وفالی یـاریـم
مهـربـان نگـاریـم
گئتمه اماندی * حالیم یاماندی

حیدره زمانه سن سیز اولدی زندان
غمونده زینبیـم اولار زار و گریان
یاره لی سینـوه زهـرا جانیم قربان
آیـریلمـا حیدردن گِئتدی چون قراریم
دل قان ائدورسن
نه تئز گئدورسن

عمـروون گلشنی یتیشـدی خزانه
حیـدری غمللـرون گتیربدی جانه
دور ئوزون زینبـون زلفونه وئر شانه
دور گور نجه آغلور بی نوا قیـزلاریم
زینبدن دویما
منی تک قویما

نجه حیدر باخسین در و هم دیواره
وای منه یاخیلـوب القانین میسماره
قالدی قانلی مسمار نشانه قیزلاره
خزان اولدی سن سیز باغ وهم بهاریم
قلبیم داغلاتما
منی آغلاتما

غمـونده قوجالـدیم منی گورَن آغلار
نوحه دیـور زینب یانوب حَسن آغلار
آغلیاندا حسین یولدان گِئدن آغلار
غمونده قان آغلور بو چشـم خونبـاریم
آواره قالدیم
گور نه قوجالدیم

جـامـۀ وفـانـی نـه سویوب گئدورسن
یامان گونده منی تک قویوب گِئدورسن
اولما عمواوغلونان تئز دویوب گئدورسن
گِئتدی سنله منیم دار و هـم نـداریم
نه گوردون منده
وار گوزوم سنده

• شنبه
• 18
• بهمن
• 1399
• ساعت
• 19:17
• نوشته شده توسط
• یوسف اکبری

گوز یاشیمی قانه قاتما آی ننه
زینب سنـه قـربان یاتما آی ننه
هر گجه عطریوی آلام چـادر شَبینـن
سن بول حسینون‌جانی دویما زینبونـن
سینـونده یـاره - گئتمـه مزاره
نیلَسون سن سیز - بو بختی قاره

سن سیز زینبون گوزلری پُر نَمدی
روزگاریم یکسـر محنت و غَمدی
غم سایه سـالوبدی کـاشانه میزه
گجه صبحه جک یولداشیم ماتمدی
گوئیـا گـویدن باشیمیـزه ماتـم یاغیـر
در و دیـوار خـانه دن درد و غـم یاغیـر
گوز یاشیم آخیر - اولدوزلار باخیر
دردیم عالمی - یاندیریب یاخیر

گجه صبح جک سینه داغلور حَسن
گوزیاشیـن رخسارینـه باغلور حَسن
کوچه‌دن سوز آچیلجاخ بولمم نَدن
وای دیوب هامیدان چوخ آغلور حَسن
بولمـم اُول کوچـه ده نَللـر اولـوبـدی نَنـه
بیلـه تأثیـر ایلیـوب قارداشیـم حَسنـه
هی دیور ای وای – نَنمه لایلای
سسلیور ای وای – نَنمه لایلای

مرتضانین قلبیـن درد و غـم آلـوب
گـوزلرونن ایـراق سـولوب سـارالوب
آچ گـوزلریوی بیـر بـاخ مرتضـایه
جـانه گتیـروب غملـرون قـوجالـوب
گجه گوندوز گوزیاشی رخسارینـه آخیـر
غملی نوحه‌سی عالمی یـاندیریب یاخیـر
لطف ایله مادر- بی کس دی حیدر
قالـدی مـرتضا - بی یـار و یـاور

• شنبه
• 18
• بهمن
• 1399
• ساعت
• 19:20
• نوشته شده توسط
• یوسف اکبری

گُل پیغمبر آمد
نبی را دختر آمدی
علی را همسر آمد
حسین مادر آمد
بگو اهل جهان را چون شفیح محشر آمد
امیرالمومنین را همسر و همسنگر آمد

مَدد زهرای اطهر مَدد زهرای اطهر
مَدد زهرای اطهر مَدد زهرای اطهر
مَدد زهرا مدد زهرا مدد زهرای اطهر

مگو دلبر نیآمد
نگار سرمد آمد
دگر محنت سر آمد
که آمد آن سرآمد
خبر دِه عاشقان را دختر محمد آمد
نگارِ مَه‌عُزار و مه جبین احمد آمد

مَدد زهرای اطهر مَدد زهرای اطهر
مَدد زهرای اطهر مَدد زهرای اطهر
مَدد زهرا مدد زهرا مدد زهرای اطهر

اولوب گویلر چراغان
یئرین اهلی خرمان
هامی حورا غزلخوان
گلوب یولدان بهاران
کویر سینه‌ی عالم اولوب باغ و گلستان
ملک‌لر گویده سسلور ماخَلَق زهرایه قربان

مَدد زهرای اطهر مَدد زهرای اطهر
مَدد زهرای اطهر مَدد زهرای اطهر
مَدد زهرا مدد زهرا مدد زهرای اطهر

مدینه شهری یکسر
اولوب گور نه مُعطر
گُل آشدی باغدا گولر
گلوب زهرای اَطهر
گلستاندا هامی گُل‌لر دیور الله اکبر
نه تنها گُل ، کی بلبل‌لر دیور الله اکبر

مَدد زهرای اطهر مَدد زهرای اطهر
مَدد زهرای اطهر مَدد زهرای اطهر
مَدد زهرا مدد زهرا مدد زهرای اطهر

گوز آچدی ماه عصمت
بَزندی باغ جنت
آچیلدی باب رحمت
اولوب گویا قیامت

نبی‌لر مات و ‌حیران‌ چون گلوب فخر رسالت
گلوب دُخت رسالت مادر کُل امامت

مَدد زهرای اطهر مَدد زهرای اطهر
مَدد زهرای اطهر مَدد زهرای اطهر
مَدد زهرا مدد زهرا مدد زهرای اطهر

• شنبه
• 18
• بهمن
• 1399
• ساعت
• 19:26
• نوشته شده توسط
• یوسف اکبری

ساقی ساقی ای ساقی
هامی فانی سن باقی
وئر شراب وصلونن
مست ائله بو مشتاقی

گلشن مصطفایه صفا گلوب ساقی
جشن میلاد خیرالنسا گلوب ساقی

گوی اولوب چراغانی
یئرده وار غزلخوانی
بیر گل آشدی گلشنده
مست ائدوب گلستانی
ائل آلوب اوپوب اییلور
نور چشم طاهانی
کربلانی ایستور سن
سسله سنده زهرانی

دعوت کربلا حُکمی سنده‌ یا زهرا
درگهونده سنون شَه‌ده بنده یا زهرا

مریمون اگر اولسا
فخریله مسیحاسی
بیر مسیح‌دور واردی
گون کیمی تجلاسی
کاش دییَن اولا مریم
چوخ مَسیحه فخر ائتمه
فاطمه او بانو دور
واردی اون بیر عیساسی

هر اوغول رسمیدور خَلقه نور عین اولماز
مین‌لر عیسی گله تکجه بیر حسین اولماز

فاطمه او دلبردی
کُفو شاه محشردی
یوخ سوزوم کی ظاهرده
دخترِ پیمبردی
اَمر حَقیله طاها
فاطمه الین اُوپدی
سویلدی منه زهرا
روح و جاندی ، مادردی

فاطمه اولماسیدی جهان یارانمازدی
نه علی و نبی نه زمان یارانمازدی

• شنبه
• 18
• بهمن
• 1399
• ساعت
• 19:28
• نوشته شده توسط
• یوسف اکبری

فاطمه جان اوسته دور گل ؛ای شه مردان عم اوغلی
باشلا قرآن باشيم اوسته من سنـه قربان عم اوغلی

گرچـه اولــدوم من علـی جان دائما باشی بلالی
قيمتيم دنيـا گوزونده آز اولوب ؛ يوخـدور ملالی
نيسگيليـم تنها بو اولدی حيـدرين گِئتدی‌جلالی
اولماسين‌زهرا غمينده گوزياشين القان عم اوغلی

دَم غنيمت‌دور علیجان گل بير آز فرصت ائدك بيز
تا نقدری واردی فرصت دوره‌نی خلـوت ائدك بيز
اَگلَشَك با هم علی جان گوز گوزه صحبت ائدك بيز
قويمادی‌هش‌خلوت اِيلَك بيزلره دوران عم اوغلی

زحمتيم چوخ اولدی گرچه سن حلال ايله علیجان
آغــلاما ای جـان زهــرا ايلمـه دنيــانی گـريان
ديزلــرون آلمــا قـوجاغه فاطمـه بو حـاله قـربان
باشيمی‌آل‌سن ديزاوسته اولساگر امكان عم اوغلی

آغلامـا چـوخ وقتيم آزدور قـوی وصيت ايليوم من
بيركسيم ‌يوخدی ‌علیجان تك‌اميديم چونكی سن‌سن
بيـرنئچه سـوز وار عم‌اوغلی مو به مو اجرا ائدرسن
قويما اولسون‌سوزلريمده ذره‌ای نقصان عم اوغلی

من‌كی‌ئولدوم‌صبرائدرسوز گون‌باتوب تا‌دالدالانسين
آی چيخوب‌عرشِ خدايه گون يرين تا كی آی آلسين
تا قــرا بختيـم مثـالی چهـره‌ی دنيـا قرآلسين
دفن و كفنيم تا كی اولسون خلقيدن پنهان عم اوغلی

من جوان ئولم عم‌اوغلی‌قوی‌جهـان‌بيله قوجالسين
قوی قرانليق‌حاكم اولسون؛ير سكوت مَحض آلسين
سعی ائله غسل ايليينده كوينگيــم اگنيمـده قالسين
كوينگيم‌چيخسا ائدر چون ديده‌وی گريان عم اوغلی

ايليــرسن قبــر زهــرانی خلائقــدن نهـانی
نه قويارسـان قبـريمه داش ؛ نه علامت نه نشانی
بلكه دينجلسين علی جان بو غريبون خسته جانی
قان آلان اوغلـوم گلينــجه تا قـالا پنهان عم اوغلی

وار يقينيم دوقوز ايلده زحمتيم حَدّن چوخيميش
مردم شهرين گوزونده فاطمـه اوچ پر اوخيميش
بيله فكر ايلـه علی جان فاطمـه اصلا يوخويميش
يانما چوخ؛فكر ايله‌ئولموش‌فاطمه چوخدان عم‌اوغلی

قبريمـه آز عمـرودن مـن غصه لـی دوران آپارام
قانلی كوينك غملی سـوزدور اولسا گر امكان آپارام
بيـر نئچه نيسگيلی سوز وار قبريمـه پنهان آپارام
ايندی‌بولسون‌چون‌اولارسان‌سينه‌سی سوزان‌عم‌اوغلی

من كی سينمـده ملاليم ساخـلاديم گيزلينـجه‌سندن
هانسی‌درديدی‌عم‌اوغلی‌چوخ‌سوروشما سنده‌مندن
من كی ئولدوم سن خبر آل سوزلری اوغلوم حسندن
كوچـه ده اولدی نه غم لـر آل خبـر اونان عم اوغلی

• چهارشنبه
• 22
• بهمن
• 1399
• ساعت
• 15:18
• نوشته شده توسط
• یوسف اکبری

زهرا
آچ گوزوی یاتما
حیدری آغلاتما
سینمون القانین
گوز یاشیما قاتما

زهرا
بی کس و بی یارم
درده گرفتارم
بیر نچه مدتدی
زینبه غمخوارم

زهرا _ زهرا
غم آلوب قراریمی
آلما نو بهاریمی
مرتضادن آلدی تئز
غصه لر نگاریمی

زهرا _ زهرا
باشا قاره سالموشام
جانه دردون آلموشام
یاتما جان مرتضی
نجه گور قوجالموشام

یاتما اویان _گون کیمی گل باتما اویان
زینب و کلثومه‌نی آغلاتما اویان

زینب
اولموش عزادارین
هر گجه غمخوارین
حیدره هی سویلور
ئولدی هوادارین

سن سیز
بی کس حسین آغلور
باشه قرا باغلور
وای ننه وای سسلور
سینه‌سینی داغلور

زینب سویلور
بابا آز ملال ائله
بسدی آز خیال ائله
سنی زینبون جانی
نَنمی حلال ائله

اوغلانلارین
نجه گور اَلولانیر
بو ملاله اودلانیر
بوش اوتاقیوه باخوب
ننه وای دیوب یانیر

یاتما اویان _گون کیمی گل باتما اویان
زینب و کلثومه‌نی آغلاتما اویان

عالم
اولدی منه زندان
باغریم اولوبدی قان
سن منه قربانسان
منده سنه قربان

زهرا
گل گوزلیم گئتمه
قلبیمی قان ائتمه
قویما منی آغلار
زینبی اینجیتمه

زهرا _ زهرا
سنه گوزلریم فدا
سنه سوزلریم فدا
دیزیمون قواسی سن
سنه دیزلریم فدا

زهرا _ زهرا
یادگار مصطفی
افتخار مرتضی
سنه یاس توتوبدولار
زینبیله مجتبی

یاتما اویان _گون کیمی گل باتما اویان
زینب و کلثومه‌نی آغلاتما اویان

• چهارشنبه
• 22
• بهمن
• 1399
• ساعت
• 15:31
• نوشته شده توسط
• یوسف اکبری