اشعار ترکی حضرت فاطمه زهرا(س)

زینبی درد فراقون گتیروب جانه آنا
گجه گوندوز ایلیوب دردیله همخانه آنا

سن الیمدن گیده لی دوره می درد و غم آلوب
درد و غم مونس اولوب زینب نالانه آن
من هارا بو آناسیزلیق هارا آز سنّیمیله
بیر بیله غصّه هارا اُف بیله دورانه آنا

قیز عیالی آناسیز قالسا اوشاقلیقدا یانار
آناوای دلده ایدر ناله یانا یانه آنا
منده دائم دیرم وای آناسیز جانیم وای
آناسیزلیق آپارار صبریمی تالانه آنا

سن که گیتدون ایویمیزدن قاپیمیز باغلاندی
آشنالرده دونوب اولدولا بیگانه آنا
بیز غریب وطن اولدوخ بابامیز شهرینده
غربت احساس ایدروخ یوز دوتاخ هر یانه آنا

چوخ غریبانه سنه شام غریبان دوتدوخ
نه بیله یاس اولی نه بیله عزاخانه آنا
اولمادی شام غریبانه گلوب شرکت ایدن
تسلیت ویرماقا بو جمع پریشانه آنا

گلن اولسِیدیده اشرار یولی باغلادیلار
گلنی قویمادیلار شام غریبانه آنا
الی قوینوندا بابام آغلادی بیز آغلاشدوخ
همصدا اولدوخ او شاهنشه دورانه آنا

دولانوب سن دولانان یرلری عطرون آلارام
جان فدا عطریوه پیغمبره ریحانه آنا
گه لباسون دوشرم رسم عزائیله، سنی
یاده سالّام توکرم اشکیمی دامانه آنا

جانمازون دوشرم گاه مصلّاده سنون
عطرون آلّام توکرم اشکیمی دامانه آنا
آیریلیق دردی یامان درد اولی من بولمزدیم
کاش بطلان وورولا کلمه ی هجرانه آنا

قیز عیالی آناسیز قالسا اُلونجه آغلار
یوزی گولمز قالی حسرت لب خندانه آنا
قول قانادسیز قوشا بنزر آناسیز قیز ایوده
گوزیاشی آب اولی خون جگری دانه آنا

آنالار نائبه سی قیزلار اولار رسمیدی بو
خاصّه من تک قیز اولا، سن کیمی فرزانه آنا
جانشینم سنه آز سنّیمیله بو ایوده
سرپرستم بو نچه دیده سی گریانه آنا

فاطمی لر علوی لر قاریشوب بیر بیرینه
هره بیر یاندا گلر ناله و افغانه آنا
ایوده مظلوم بابام شمع عزا تک یانوری
بیزده اولّوخ یانا یانه اونا پروانه آنا

بوینی چیگنینده حسین دلده آنا قان آغلار
سالوری ناله سی آتش بو دل و جانه آنا
قوپارار حشر آلاندا اله عمّامه سینی
برملا لرزه سالار طارم کیوانه آنا

حسنینون قویوری یوز یوزه غوغا یارادور
شور و شیون اوجالور قبّه ی کیهانه آنا
آناسیز ایولرین عالمده صفاسی اولماز
اولی غمخانه صفا اولماسا کاشانه آنا

خورداجا سنّیله اولدوم آناسیزلار آناسی
مهر مادر ایدرم جمع یتیمانه آنا
خاصّه چوخ شیون ایدر شوریله بو خوردا باجیم
یاندیرور قلبیمی باخدوقجا یانا یانه آنا

اسدی سندنصورا بو گلشنیوه باد خزان
ایویمز دوندی داخی گلشن ویرانه آنا
لحنی دوندردی خزان دیده اولان بلبل لر
دولدی الحان فراقیله بو گلخانه آنا

اورگیم درده گلور نسگلیوی یاد ایدرم
باغریمی دوندری مظلومه لیقون قانه آنا
نوبهاروندا خزان اولماقیوی یاد ایدرم
گذریم دوشسته منین طَرفه گلستانه آنا

مین بهار اولسا اگر مینلریله گل آچسا
آناسیز قلبی آچیلماز قسم اول جانه آنا
باغری قان اولماقیوی من ایدرم مدّ نظر
دوشسه گلشنده گوزوم لاله ی نعمانه آنا

برگ گل اوسته اولان شبنمی تشبیه ایدرم
گل یوزونده اوتوران دانه ی مرجانه آنا
دوشه سن یاده یارالی یخلان حالتیله
سروری گورسم یخلوب صحنه ی بستانه آنا

گوسترر نقشه ی سیلی رخ گلنارونده
لکّه ی ابر دوشنده مه رخشانه آنا
آغلارام محسنیوین حالینی من بنزدرم
شاخ گلدن قیریلان غنچه ی عطشانه آنا

روشنایی سالی هر بیر ایوه (تائب) آنالار
بنزر ایولرده اولان شمع شبستانه آنا
مهریله باخماقی ایو اهلینهعنوان سرور
وای اگر قهر ایلیه یوز چویره یانه آنا

• پنج شنبه
• 15
• مهر
• 1400
• ساعت
• 14:11
• نوشته شده توسط
• یوسف اکبری

زهرا شریک زندگی ات را رها مکن
خود را ز مرتضای غریبت جدا مکن

ای آفتاب خانه حیدر،کرم نما
جان علی برای غروبت دعا مکن

پهلو شکسته ای تو،خودت را تکان نده
خود را بروی بستر خود جابجا مکن

برخیز ای پناه علی چاره ای بجوی
خون بر دل شکسته شیرخدا مکن

اشکت به رخ مریز و پریشان مکن مرا
اینقدر پیش چشم حسینت بکا مکن

رحمی کن و مرو ز برم ،جان مرتضی
بر این غم فراق ، مرا مبتلا مکن

حالا که میروی بده قولی به مرتضی
تاخیر در رسیدن بر کربلا مکن

گر آمدی به کرب وبلا چشم خود بگیر
آنجا نگاه بر سر از تن جدا مکن

خب مادری،تحمل این صحنه مشکل است
اصلا نگاه بر تن با بوریا مکن

آتش گرفته خانه تو، شعله دیده ای!
دیگر نگاه بر شرر خیمه ها مکن

زهرا به روز حشر شفیع "غریب" باش
او را ز شیعیان و محبان جدا مکن

• شنبه
• 17
• تیر
• 1402
• ساعت
• 16:45
• نوشته شده توسط
• یوسف اکبری

ئورکده واردی شور فاطمیه
دوتوب جهانی نور فاطمیه

سنه فدا ای یاور علی
نگار احمد،همسر علی

وفالی زهرا آی وفالی زهرا(4)
____

گنه گلوب ایام فاطمیه
اولوبدی احیا نام فاطمیه
گیوبدی قاره نوکران زهرا
اولوبدی مست از جام فاطمیه

سنه فدا ای یاور علی
نگار احمد،همسر علی

وفالی زهرا آی وفالی زهرا(4)
___

به گوش اولون ای_رهروان حیدر
یاز ای قلم سن،از زبان حیدر
مرید زهرا والله اوتدا یانماز
قسم به قرآن و به جان حیدر

سنه فدا ای یاور علی
نگار احمد،همسر علی

وفالی زهرا آی وفالی زهرا(4)
_____

بو آستانه گلدیم عاشقانه
خانیم ئوزون باخ غصه ی نهانه
که تا نفس وار آند اولا حسینه
بو شور و عشقی ویرمرم جنانه

سنه فدا ای یاور علی
نگار احمد،همسر علی

وفالی زهرا آی وفالی زهرا(4)
_____

دئنن ائشیتسون حامیان داعش
بو ملت ائتمز،خصمه ذره خواهش
پیام زهرا:یعنی ائتمروخ بیز
قیامته تک دشمنیله سازش

سنه فدا ای یاور علی
نگار احمد،همسر علی

وفالی زهرا آی وفالی زهرا(4)

• پنج شنبه
• 19
• مرداد
• 1402
• ساعت
• 00:45
• نوشته شده توسط
• یوسف اکبری

جان گیدیر یوخ منده طاقت شاه مردان یا علی
گل گیلن ایله تلاوت بیرجه قرآن یا علی

ای امام انس و جان گل سن حلال ایله منی
آیریلیق هنگامی دورترک ایلورم آلان سنی
ایستیوب بزم وصاله مصطفی احمد منی
عازمم خلد برینه ایندی مهمان یا علی

الوداع و الوداع ای پادشاه کن فکان
دورمنی ایله بقیعه یاعلی ایندی روان
یادیمه دوشموش بابام یوخدور گوزومده بو جهان
دورمنی تئزسال یولا ای شاه دوران یا علی

یاخشی حرمت قیلدیلار دلدادۀ پیغمبره
سیندی ظلمیله قابورقام چیخدی نالم گویلره
دستگیراولدی عم اوغلوم چکدیلرمسجد لره
عرشه چیخدی شیعه دن فریاد و افغان یا علی

من نه نوعی تاب ایدیم بو قدر درد و غملره
ظلمیله یاندی قاپوم هم یاندی جسم

• سه شنبه
• 16
• بهمن
• 1397
• ساعت
• 18:44
• نوشته شده توسط
• ابوالفضل عابدی پور

فارسی

ای گل باغ ازلی- نور چشمان علی
گو تو با صوت جلی- یا خانم فاطمه
خوش آمدی خوش آمدی- تو بتول احمدی
گل باغ سرمدی –یا خانم فاطمه
نور دل محمدی- فاطمه
خوش آمدی خوش آمدی -فاطمه

خیر النساء عالمین- مادر نور دوعین
افتخار ثقلین -یا خانم فاطمه
فرشته های آسمان - به سرور اهل جهان
شادی و نغمه کنان - یا خانم فاطمه
چشم و چراغ شیعیان- فاطمه
بر دل ما رو ح وروان- فاطمه

حور و فرشته خدمت -دل شیعه حرمت
به فدای قدمت – گل نیلوفری
از برکات ازلی - یار و دلدار و علی
دخت زیبای نبی - سوره ی کوثری
نور دل محمدی- فاطمه
خوش آمدی خوش آمدی- فاطمه

ترکی

ای بو جهانه افتخار- کوی و دریای وقار
خلقتونده سنی یار- ایلیوب شاهکار

• چهارشنبه
• 8
• اسفند
• 1397
• ساعت
• 20:45
• نوشته شده توسط
• ابوالفضل عابدی پور

آهنگ «از خون جوانان وطن لاله دمیده»

آچ گوزلریوی غملی یاریم وفا داریم
سولوب سارالمیشام من
آدامسیز قالمیشام من

بوشهریده یوخ هوا داریم ای نگاریم
داخی قوجالمیشام من
آدامسیز قالمیشام من

جهانی داغلارام من
عزاوی ساخلارام من
بالا لاریم لا باهم
غمونده آغلارام من

نه تز مندن دویوبسان
وفا رختین سویوبسان
بالا لارین غمینده
نیه آغلار قویوبسان

الله اورگیم دوتوب شراره ایله چاره
گیدور زهرا مزاره
خدایا ایله چاره

آغلور زینبیم قالمیشام آواره ایله چاره
گیدور زهرا مزاره
خدایا ایله چاره

جهانی داغلارام من
عزاوی ساخلارام من
بالا لاریم لا باهم
غمونده آغلارام من

نه تز مندن دویوبسان
وفا رختین سویوبسان
بالا لارین غمینده
نیه آغلار قویوبسان

اون سگیز ایلده گل عمری جفایله
سولان مظلومه زهرا
سولان مظلومه زهرا

ظلم ثانیدن در و دیوار اراسیندا
قالان معصومه زهرا
قالان معصومه زهرا

جهانی داغلارام من
عزاوی ساخلارام من
بالا لاریم لا باهم
غمونده آغلارام من

نه تز مندن دویوبسان
وفا رختین سویوبسان
بالا لارین غمینده
نیه آغلار قویوبسان

گلم هر گیجه مزاریون اوسته من خسته
علی نین قلبی قاندی
حسیندن ناگراندی

یانام هجرونده من آهسته چو پر بسته
علی نین قلبی قاندی
حسیندن ناگراندی

جهانی داغلارام من
عزاوی ساخلارام من
بالا لاریم لا باهم
غمونده آغلارام من

نه تز مندن دویوبسان
وفا رختین سویوبسان
بالا لارین غمینده
نیه آغلار قویوبسان

سنسیز نجه من گلوم زهرا غمون دیلدن
سیلوم زهرا آماندی
بو آیریلیق یاماندی

ایسته اللهدان بو گون منده اجل گلسین
ئولوم زهرا آماندی
فراق اوتی قالاندی

جهانی داغلارام من
عزاوی ساخلارام من
بالا لاریم لا. باهم
غمونده آغلارام من

نه تز مندن دویوبسان
وفا رختین سویوبسان
بالا لارین غمینده
نیه آغلار قویوبسان

• جمعه
• 28
• آذر
• 1399
• ساعت
• 20:51
• نوشته شده توسط
• یوسف اکبری

به سبک (یا فاطمه من عقده ی دل وا نکرده ام ...)
(ای قلبیمون آرامش و صبر و قراری...)

اولدی ملائک عرشیده یکسر نواخوان
دوتدی علی دلدارینه شام غریبان

قاره چکوبلر ارض و سمایه
زینب گلوبدی آه و نوایه

باد خزان دگدی سولوبدور گلستانلار
دولدی بولوط لار آغلیور هفت آسمانلار
آغلور یئر اوستونده عزا بزمی قورانلار
عشاق حیدر سسلنور زهرایه قوربان

قاره چکوبلر ارض و سمایه
زینب گلوبدی آه و نوایه

بحر غم و محنت ائدوب طغیان الهی
عرش معلاده قوپوپ طوفان الهی
اولدی یتیم چون زینب نالان الهی
زهرا قیزی زلفی کیمی اولدی پریشان

قاره چکوبلر ارض و سمایه
زینب گلوبدی آه و نوایه

جناتیده ایلور نوا پیغمبر آغلور
زینب دیور ایوای ننم وای حیدر آغلور
آل رسولین حالینه یئر گویلر آغلور
چون فاطمه گئتدی حی یکتایه مهمان

قاره چکوبلر ارض و سمایه
زینب گلوبدی آه و نوایه

چرخی سینیدی ای خدا بو روزگارین
حیدر قویوبدی دیده تر قبره نگارین
سلب ایلیوبدور درد و غم، صبر و قرارین
ائتدی فراقون محنتی مولانی گریان

قاره چکوبلر ارض و سمایه
زینب گلوبدی آه و نوایه

• دوشنبه
• 1
• دی
• 1399
• ساعت
• 17:10
• نوشته شده توسط
• یوسف اکبری

الهی آنامدان ، اوزولدی الیم
بو هجران غمیندن نجه دینجلیم

اورک دولدی یا رب،یتیم اولدی زینب،آخار گوز یاشیم
توکر اشک حسرت،دییَر وامصیبت،حسین قارداشیم

مدینه بو غمده سیه پوش اولوب
الهی وفا شمعی خاموش اولوب
آنام مُحسنیله هم آغوش اولوب

باتوب ماه عصمت،معین ولایت،آخار گوز یاشیم

آناسیزلارین قلبی سوزان اولار
اذان وقتی حالی پریشان اولار
آنام گلمسه بو اورک قان اولار

قالوب جانمازی،منه سوز و سازی،آخار گوز یاشیم

حسین سسلیَنده دوراردی آنام
باشی اوسته خیمه قوراردی آنام
او رخساره بوسه وراردی آنام

دییَردی گُلوم یات،آناوی آز آغلات،آخار گوز یاشیم

آنام سالدی الله گوزوندن منی
الیمدن چخوب رشتۀ دامنی
نشانه منه قالدی پیراهنی

اورکده فغان وار،بو کوینکده قان وار،آخار گوز یاشیم

• دوشنبه
• 27
• اردیبهشت
• 1400
• ساعت
• 13:57
• نوشته شده توسط
• یوسف اکبری

حیدر مارالی زهرا ائلدن آرالی زهرا
قبره گیدن گیجیلن سینه یارالی زهرا
لای لای یارالی زهرا
لایلای یارالی زهرا

قدرون کیمین اولوبدی قبرون نهان یارالی
کلثوم ایدوبدی غوغا زینب فغان یارالی
آغلور بو ماتمونده یکسر جنان یارالی
بو محنتونده اولدی عالم عزالی زهرا

زینب دییردی هرآن لای لایلای جوان ننم وای
اولدی جوانلیقوندا والله یالان ننم وای
اون سکیز ایلده اولدی قدون کمان ننم وای
سن سیز قالوبدی حیدر بی کس وفالی زهرا

غسلون ویرنده حیدر گورسندی سیلی ردّی
دیواره قیلدی تکیه گویا بوکولدی قدی
یدی گویی کیچوبدی ظلم و جفانون حدی
هی سسلیور دمادم لایلای حیالی زهرا

گلدی حسن بیانه ایتدی بیله اشاره
ظلمیله ویردی سیلی ثانی او مه عذاره
دوشدی ترابه ناگه گوشواره اولدی پاره
سسلندیم ای وای ای وای باشی بلالی زهرا

یاندیردی مرتضانی زهرا بو درد اعظم
یدّی نفرله گیتدی قبره عزیز خاتم
تک دورت بالون قوروبدی منزلده بزم ماتم
یاتما مزاریده دور سینم مدالی زهرا

سن عالمی آتوبسان قبر ایچره خوش یاتوبسان
یارون قالوبدی تنها سن آی کیمین باتوبسان
فیض وصال حقه آز سنّیلن چاتوبسان
سن سیز سولوبدی حیدر گللر مثالی زهرا

ای حیدرون پناهی یالقوزدی مرتضی دور
سو نصف شب لر ایستور سلطان کربلا دور
یاتما بقیعده راحت ای عشق مصطفی دور
باشدان آشوب علینون درد و ملالی زهرا

درد و غمونده یکسر غملن دولوبدی سینه
یوخدور ویرن تسلی مولای دلغمینه
زهرا أولوبدی امّا راحت یاتوب مدینه
آی اهل یثرب أولدی سینه یارالی زهرا

خیبر آچان علینون تیغی دوشوب کسردن
زهرا ییوبدی سیلی ثانی بد گهردن
حیدر قالوبدی ساکت اشکی آخوب بصردن
باغلیدی امر حقدن شه پرّ و بالی زهرا

• سه شنبه
• 4
• خرداد
• 1400
• ساعت
• 21:31
• نوشته شده توسط
• یوسف اکبری

دئمرم دردیمی من فاطمه جان اوزگه لره
سائلم رو سیهم گئتممیشم آیری دره

رحمتیندن بوگئجه لطف و عطاایله خانم
درده درمان گزیرم درده دوا ایله خانم
سنی مولا بیزی بیر دفعه دعا ایله خانم
نظر لطفون اولا مفرغیده در ائیلر
یاری اغیاریدن آزاد ائلیب حر ائیلر

دهره عاشق دگولم نئیلیرم دنیانی
قاپووین سائلیم ایستمیرم عقبانی
عالمه شاهیدی زهرا قاپووین سلمانی
آنداولا سوره ی یاسینله هم طاهایه
معجرون بیر نخی والله باش اولار دنیایه

یازلیب آیه ی قرآنیده سبحان تکدی
نقدر واردی کتاب عالم قرآن تکدی
رتبه ده بوذر و مقدادیله سلمان تکدی
سلمانین رتبه سی هر چند کی شایان اولدی
ئوپدی زهرا قاپوسون شانی دو چندان اولدی

عشقون عالمده بیزه اولدی بویوک سرمایه
نه ورولدوخ بیرینه نه دلیوخ لیلایه
دهریده فخر ائدروک بیز اوجابوی سقایه
شاعران واژه لری عاجز و دیوانه سیدی
شمع رخسارینه عاشقلری پروانه سیدی

نه بیلور جاهل عربلر کی گل یاس ندور
داشاسجده ایلیین بیلمیری الماس ندور
رتبه ی قنبره باخ گور آقام عباس ندور
او علی اوغلیدی عالم آدینا مشتریدی
بوذر وقنبر و سلمان آقامون نوکریدی

• پنج شنبه
• 24
• تیر
• 1400
• ساعت
• 14:00
• نوشته شده توسط
• یوسف اکبری

سخت است کسی فاتح خیبر شده باشد
شمشیر خداوند مقدر شده باشد

در خیبر و در بدر و احد یک تنه چون کوه
تنها سپر جان پیمبر شده باشد

در خانه ولی با همه ی هیبتش ان مرد
ماتم زده ی فاجعه در شده باشد

سخت است برایش که علی باشد و انگاه
شرمنده پژمردن همسر شده باشد

تأکید پیمبر به همه ...بضعة منیّ
بر سوختن فاطمه منجر شده باشد

حالا شب رجعت شده و حرف امانت
خاک سیه از خجلت او تر شده باشد

سخت است برای پسری که تک و تنها
شاهد به زمین خوردن مادر شده باشد

نه اوتاندی مصطفادن نه باخوب خدایه ثانی
گوتوروب بیر عده بی شرم آچوب ال جفایه ثانی
گلوب آستان قدس شه لافتایه ثانی
دئدی بیعته آپارماق بو علینی نیتیم دور

نه حیا ائدوب خدادن نه بتولدن اوتاندی
ووروب اود او باب رحمت ستم آتشیله یاندی
آناوون فغان و دادی اوجالوب گویه دایاندی
دئدی فضه گل اماندور که زمان رحلتیم دور

او زمان چخوبدی ائودن شه دین علیِّ اعلا
ساتاشوب گوزی نه گوردی یخلوب بتول عذرا
ایکیمینجیه دوتوب یوز دئدی ای عدوّ طاها
بو امانت خدادور بو حریم عصمتیم دور

اگر اولمییدی ختم رُسل ایلین وصیت
سنه بُلدورردیم ایمدی ندی بو بیوک جسارت
یتشوبدی یابن صهّاک الیوه او قدر قدرت
که وروب سان ال بیر امره او منیم حقارتیم دور

او یانان قاپی لهیبی اوجالوبدی نُه سمایه
او اودون شراره سیندن یتیشوبدی کربلایه
آلیشوب خیام گلدی حرم خدا نوایه
دئدی زینب بلاکش گل اخا قیامتیم دور

سن ئولوب خلاص اولدون غم و محنت جفادن
ولی چکمور ال مصیبت بو بلایه مبتلادن
نجه اولموشام مواظب منه تاپشوران بالادن
ایکی قولدا تازیانه یری صدق خدمتیم دور

من (حسینیم) نسبده بو حسینه خادم پیر
ئوزی شاهدیمدی منده نه ریا نه واردی تزویر
اولا اولمویا سوزیمده اوخونان زماندا تأثیر
ئوزی گر قبول ائتسه سبب شفاعتیم دور

• شنبه
• 6
• شهریور
• 1400
• ساعت
• 23:55
• نوشته شده توسط
• یوسف اکبری

آغلارام گلَّم فغانه وای آنام ایوای آنام وای
حمل اولان قبره شبانه وای آنام ایوای آنام وای

راضی اولمازدون عذاریم اشگ چشمیله دولاندا
غنچه گلَّر تک سیاقی گه آچوب گاهی سولاندا
ایلرم فریاد و ناله محفلیم خلوت اولاندا
بیله گلمزدی گمانه وای آنام ایوای آنام وای

باشیمون یثربده سن سیز باشلانوب درد و بلاسی
دودمان مرتضانون واردی نه ذوق و صفاسی
هر گئجه گوندوز گوزومده جلوه گر ثانی جفاسی
لعن او نامرد زمانه وای انام ایوای انام وای

هر سحر آخشام خیال وصلویله خلوتیم وار
بو جماعتدن آنا جان بی نهایت نفرتیم وار
نه انیس اهل وطندن نه بیر آیری الفتیم وار
گلَّم آه و الامانه وای آنام ایوای آنام وای

آیریلق داغی چتیندور نه بیر آی نه بیر ایل اولدی
گئتدون ای غمخوار زینب نه منه اهل دل اولدی
وای منه یانام اولنجه روزگاریم مشکل اولدی
محنتیم گلمز بیانه وای انام ایوای آنام وای

یوخ گمانیم بیرده آغوش محبتده یاتام من
عالم هجرانی باشدان شوق وصلیله آتام من
قویمادی ثانی جفاسی بو امیدیمه چاتام من
زخمدار تازیانه وای آنام ایوای آنام وای

بو سوزه بانی اولان شخص حاج جواد کارگردی
آل زهرا هیئتینده صاحب فنّ و هنردی
شوقیله زنجیر زنانه بو کلامی ایستیردی
ورد و ذکری عاشقانه وای آنام ایوای آنام وای

بزم دلداره گئدوبله با صفا زنجیر وئرانلار
هم عربده هم عجمده حلقهء ماتم قورانلار
نه سعید وار نه آتاسی زنجیره حامی دورانلار
رحمت اول روح و روانه وای آنام ایوای آنام وای

عالم عشق حسینه شکر اولا دلدادیم من
پاکبان آستانم (کاظم_پوررادیم) من
دستهء زنجیر زنانه خادم آمادیم من
ورد و ذکریم جاودانه وای آنام ایوای آنام وای

• سه شنبه
• 30
• شهریور
• 1400
• ساعت
• 20:30
• نوشته شده توسط
• یوسف اکبری

بلورم نقدری زمانه دن اورگونده وار گله فاطمه
بو سکوتین اودلوری قلبیمی نیه گموسن دله فاطمه

دانیشوب او درج دهانیدن در پر بهانی نثار ایله
سوز آچوب او غنچه ی لعلوی گنه جلوه سینده بهار ایله
رشحات جام کلامدن بو اسیر هجری خمار ایله
که حیات نشئه سی کامیمه او کلامدن گله فاطمه

سن اگرچه خوشدل و گرمسن جذبات قرب الاهیله
باشون اوسته شمع عزا کیمی یانورام بو شعله آهیله
نولی بیرده گوز آچاسان منه باخاسان او گرم نگاهیله

بو فراش و بستر مرگده ابدی سکوتیله یاتموسان
منیده عجبدی که گوزدن ای هامی عالمین گوزی آتموسان
یانورام اورگدن اگرچه سن گوگل آرزوسینه چاتموسان
منیله سنون آرا بو اجل داخی سالدی فاصله فاطمه

شرر مصیبت فرقتون سالوب اود بو خرمن جانیمه
نجه اود که شعله سرکشی یتشوبدی روح و روانیمه
پوزولوبدی گلشن آرزو نظر ایله بیرجه خزانیمه
یتشوبدی آفت بو خزان داخی بلبل و گله فاطمه

بو جهاندا دوقّوز ایل اولموسان چمن ولایته باغبان
دایانوب مصائبه بسلدون گل یاس و مریم و ارغوان
گل سرخ فامیله الغرض بزنوبدی صحنه گلستان
ولی نخل کام دل اولمادی یته بیرجه حاصله فاطمه

سیخیلاندا سینه فشاردن منه یوز ویرنده غم نهان
یتوشردی محضر وصلده بو مشام جانیمه عطر جان
منی مین دلیله دانیشدیروب بو گوگل ملالین آلان زمان
دیه سن که شاهد عاطفه اوتوروبدی محمله فاطمه

دوشوب اود ضمیر وجودیمه شرر فراقدن آغلارام
تَف آه سردیله دم به دم دل ماسواللهی داغلارام
هامی حسرتیله بو صون نفس سنیله بو عهدیمی باغلارام
که گذاریم اولمیه گلشنه داخی باخمیام گله فاطمه

باشون اوسته ای مه دلستان دایانوبدی سوزیله آفتاب
بو سکوت محضیله سالموسان بو سپهر سینمه انقلاب
توکوری ستاره کیمی یوزه بو غروبده گوزوم اشک ناب
که هلال یک شبه اولمادی یته برج کامله فاطمه

نفحات رایحه جنان نفسونده واردی سنون عیان
جذبات جلوه ی کهکشان باخیشیندا واردی کران کران
بو جهاندا جمله فضائلی سنه خلق ایدوبدی خدای جان
هانی عنصری که ایده بو گون سنیله مقابله فاطمه

سنیلن مزّین ایدوب خدا صفحات مصحف خلقتی
ایلیوب ملازم درگهون هامی شان و عزّیله شوکتی
ولی درک اولمادی سن کیمی گُهرین بو دهریده قیمتی
اودی کشف اولمادی عزّتون بو نفوس جاهله فاطمه

بو چکامه سینده ( فغانی )نون هامی عیب و نقصی اولوب علن
که اولوب چو کودک ابجدی فقرات شعرده مرتهن
یری واردی ذکر ایده مطلعی بیوروبدی (عابد) خوش سخن
بو سکوتین اودلوری قلبیمی نیه گلموسن دله فاطمه

• سه شنبه
• 6
• مهر
• 1400
• ساعت
• 19:06
• نوشته شده توسط
• یوسف اکبری

ای امید زهرا هایانداسان جان یتوب دوداقه عم اوغلی جان
جور خصم ایاقدان سالوبدی گل آز قالور فراقه عم اوغلی جان

ای پناه عالم عنایت ایت باشیم اوسته سال ظلّ رحمتون
گرچه حالیمه هر نفس اولوب شامل التفات و کرامتون
آخِرین دقایقده اُلمه میش بو مریضه اولسون عنایتون
بستر اجلدن چتین داخی من دورام ایاقه عم اوغلی جان

رنجه قیل قدم فیض لطفیدن بزم انس خلوتدی یاعلی
باشیم اوسته اگلش دانیش دانیش دم بو دم غنیمتدی یاعلی
یار یاریله درد دل ایده ایمدی یاخشی فرصتدی یاعلی
چوخ محالدور بیرده بیر بیله فرصت اتّفاقه عم اوغلی جان

دلخوشام مقام رضاده من قسمتیمده کی سرنوشتیله
فارغم وجودینلا یوخ ایشیم نه بهشتیله نه کنشتیله
سن منیم بهشتیم سن ایتمرم گل یوزون عوض مین بهشتیله
حسنیوین وجودیله هر ندن کسموشم علاقه عم اوغلی جان

ظاهراً منم، یوخسا باطناً محو اولوب وجودوندا سندیم
ذرّه اُلماقیمدان غم ایتمرم عشقیوین وجودیله زندیم
آند اولا جلال جلالیوه درگه تولّاده بندیم
حلقه سین ازلدن ولایتون سالموشام قولاقه عم اوغلی جان

ذرّه ذرّه اعضای پیکریم ذکر ایدر دمادم دیر علی
قلبیم اللریم گوزلریم دلیم هر نفسده باهم دیر علی
رمز اسم اعظم آدیندادی آدمیله عالم دیر علی
عالمیله آدم فدا بیله جاه و طمطراقه عم اوغلی جان

عالم ازلدن ولایتون عالمینه حصن حصین اولوب
کیم قدم قویوبدور سعادتی آخرتده عین الیقین اولوب
حبّیوین وثاقی نه تک منه اهل عشقه حبل المتین اولوب
رستگار اولوب پایبند اولان بیر بیله وثاقه عم اوغلی جان

گنجدور جهاندا ولایتون، ‌شایقم ازلدن بو گنجه من
شوقیله بو گنج اوسته دوزموشم هر مصیبت و درد و رنجه من
بو ولاده نرم ایتموشم اودور درد و رنجیله دست و پنجه من
درد و رنج گلدوقجا گلموشم شور و اشتیاقه عم اوغلی جان

ویرموشم بلایه ازل بلی، وار رضایتیم سرنوشتیدن
بستر حریره نه حاجتیم بالش ایلرم پاره خشتیدن
محضرونده بیر لحظه اولماقین باشدی سلسبیل و بهشتیدن
سلسبیل و جنّت هاچان چاتار بو شریف اتاقه عم اوغلی جان

عیش فصل وصلت چاتوب باشا، باشلانوب غم موسم فراق
بیرده محفل قدس انسیده حاصل اولماز ایّام اتّفاق
هجر اودوندا یوخ چاره میز گرک سنده منده بوندانصورا یاناق
من جهاندا، منده مزاریده اودلاناق فراقه عم اوغلی جان

گوزلرون فداسی بو گوزریم بیر نظر، نظر قیل بو حالیمه
گور نجه ایاقدان سالوب منی اود دوشنده باب جلالیمه
شرحه یوخدی حاجت نشان ویرر گر نظاره ایتسن جمالیمه
کیم نجه جهالت تفاقیمی دوندروب نفاقه عم اوغلی جان

عفو قیل باغیشلا، جنابیوه زحمت و عنادن بودور غرض
لطف ایله نچه وار وصیّتیم ایتمه میش روان قبره بو مرض
کفن و دفنیمی ایله سن گجه ای حقیقت جوهر و عرض
دیو و دد رضا اولما ال تاپا دولت وفاقه عم اوغلی جان

بیر نچه دقیقه قوناقیوام محضر شریفونده بو گجه
بزم انسیده فیض وصلیدن توشه حاصل ایتموم نه چون نجه
صبح اولونجا شمع حیاتیمی سوندورر اجل ساخلاماز گجه
کاش آچیلمیه صبح، گون باتا آی دوشه محاقه عم اوغلی جان

اشقیا بو گون یاندیروب بیر اود سهلدور اولا حشره تک خموش
اود نه اوددی بولمم که اودلانور جانیمه سالور اودلی بیر خروش
بو همان او اوددور که اوغلوما واقفم اولار کربلاده توش
خیمه سی جلالی یانار بوتون سوز احتراقه عم اوغلی جان

واقفم که بیر گون گلر گیدر جبریله عراقه بالام حسین
کربلا چولینده قتیل اولار اهل کین الینده بو نور عین
جان ویرنده مقتلده تشنه لب ای شهنشه مُلک نشاتین
من گلنده لطف ایله سنده گل جانب عراقه عم اوغلی جان

یاعلی او گونده حسینیوی اُلدوررر سوسوز فرقه ی نفاق
سهلدور ایله ظلملر اولار اوغلیوا گوزوندن او گون ایراق
جسمی کربلاده قالار، باشی کوفه ده گیدر خولیه قوناق
کینه دن نیدر من دینمورم میزبان قوناقه عم اوغلی جان

ای امیر مُلک رفیع عشق اوز غلامیوه بیر عنایت ایت
مستحق بو (شبخیز) عاشقه خاکساریمیزدی کرامت ایت
اولسا گر خطاسی گذشت ایله موقف جزاده شفاعت ایت
سالماسون صف حشریده باشین شرمیدن اشاقه عم اوغلی جان

• جمعه
• 9
• مهر
• 1400
• ساعت
• 21:54
• نوشته شده توسط
• یوسف اکبری

گل عم اوغلی باشیمی آل دیزیوه
توكمه گوز شبنمیوی گل یوزیوه
آیریلیق دوزدی چتین مرحله دی
آغلاما فاطمه قربان گوزیوه

یتشوب موسم هجران اولورم
غصه دن باغریم اولوب قان اولورم
یوخ ئولوم دردینه درمان اولورم
آغلاما فاطمه قربان گوزیوه

دولدوروب سینه می اندوه و محن
گدیرم محضره پیغمبره من
دویموشام بو دیریلیقدان بولوسن
آغلاما فاطمه قربان گوزیوه

هجر پیغمبره یوخ منده دوزوم
آغلری بسر نچه مدّتدی گوزوم
گوزلوری قابض الارواحی گوزوم
آغلاما فاطمه قربان گوزیوه

گل غنیمتدی بو آخر نفسیم
صون نفسده منیم اول دادرسیم
بولوسن ئولماقا وار چوخ هوسیم
آغلاما فاطمه قربان گوزیوه

حقیمی اهل جفا الدن آلوب
غصّه تاثیریدی رنگیم سارالوب
سنه نسگلدی الیم یوزده قالوب
آغلاما فاطمه قربان گوزیوه

نه روا مجلس شورا قورالار
رای آلوب درگهیمی یاندیرالار
نیلمیشدیم منه سیلی ورالار
آغلاما فاطمه قربان گوزیوه

بزم خلوتگه یاره گدیرم
دلخوشام وصل نگاره گدیرم
حیف اولا سینه ده یاره گدیرم
آغلاما فاطمه قربان گوزیوه

بزم یاره هر او كس دعوت اولور
زینتی فاخر و پرقیمت اولور
محسنین قانی منه زینت اولور
آغلاما فاطمه قربان گوزیوه

دیسه جدّیم كه بو رخساره ندور
یوزده كی سینه ده كی یاره ندور
نه دیوم من باباما چاره ندور
آغلاما فاطمه قربان گوزیوه

سنی شاهد توتورام بو سوزومه
لیل تار اولدی ایشیق گون گزیمه
دییرم سیلی ویربلار یوزمه
آغلاما فاطمه قربان گوزیوه

سنه قورموشدوم او گون بزم عزا
هله یاسلیدی هامی آل عبا
وردیلار اوت قاپیه اهل جفا
آغلاما فاطمه قربان گوزیوه

بیر یارام وار یاراسی گتمیه جاق
حشر اولونجا منی ترك اتمیجاق
قنفذین قمچی یری گتمیه جاق
آغلاما فاطمه قربان گوزیوه

ولی بو سینه مین آثاری بابا
كشف ایدیر ضربت مسماری بابا
بویادی قان در و دیواری بابا
آغلاما فاطمه قربان گوزیوه

حكم اولوب ظلمیده حدّدن چخالار
منی ضرب لگدیله یخالار
در و دیوار آراسیندا یخالار
آغلاما فاطمه قربان گوزیوه

هر بلا گلدی دوزوب غم یمدیم
حق رضاسی واریدی اینجیمدیم
دین یولیدی دایانوب لا دیمه دیم
آغلاما فاطمه قربان گوزیوه

قوی ئولوم قورتولوم ای شاه زمن
قالمیوم بو غم ایامیله من
سرّیمی غسل ورنده بولسن
آغلاما فاطمه قربان گوزیوه

ای (رجایی) سوزون آغلاتدی منی
پور بینا گتوروب شوره سنی
گوردی تا آغلادی بو سر سخنی
آغلاما فاطمه قربان گوزووه

• دوشنبه
• 12
• مهر
• 1400
• ساعت
• 16:12
• نوشته شده توسط
• یوسف اکبری

یا علی من تاپشوران سرو چمن آرادی بو؟
قامت سروی ندن خَمدور اگر زهرادی بو

بو منه محبوبه وامّ ابیها نامیدی
نور چشم اشک ریزیم قلبیمه آرامیدی
قامتی چون سرو موزون زلفی مشکین فامیدی
ای عجب آیا همان سرو چمن آرادی بو؟

من دئمیشدوم فاطمه آرام جانیمدور منیم
قلبیمون بیر پاره سی روح روانیمدور منیم
روح روحیم جسم جسمیم قانی قانیمدور منیم
خلق اوچون مشکات نور خالق یکتادی بو؟

من دئمیشدیم فاطمه مرضیّه دور زهرا لقب
حبّ و بغضی لطف و قهر ذات خلّاقه سبب
ائتمیوبدور بی وفا امّت مراعات ادب
هر شکایت امّتیمندن ایلسه با جادی بو

اولماسیدی نور زهرا بدو خلقتده اگر
خلد و حور العینی خلق ائتمزدی حیّ دادگر
خلقتی حوریّه دور معناده - صورتده بشر
حور و فردوسِ برین صورت - ولی معنادی بو

تاپشوراندا من دئدوم بو لعل شادابی سنه
بو امانت دور نئجه وئردیم ائله قیتر منه
قیتروب گتدون نچه یردن شکسته مخزنه
واقعاً من تاپشوران اول لؤ لوءِ لالادی بو؟

آیۀ نورین قیزیم مصداقیدور معناسینه
رشک ائدردی قامت طوبا قد رعناسینه
اهل ظلمت نور محضین ظلم ائدوب اعضاسینه
سینه سینده زخمی وار چوخ چوخ ملال افزادی بو

من دئمیشدیم بضعۀ بضّادی زهرا یاعلی
نه روادور بضعۀ بضّایه ایذا یاعلی
بو لطیف اعضا سولوب گول تک سراپا یاعلی
من امانت وئردیقیم اول بضعۀ بضّادی بو؟

چرخ عصمتده بو زهرا بیر منور ماهیدی
نیّرینه چرخیدی ماه سپهر جاهیدی
مریم کبرائیدی - محبوبۀ اللهیدی
آی یوزی دوتقوندی آیا اول رخ زیبادی بو؟

رنگ رخساری سولان گول تک پریده گورسنور
ضربت مسماریله سینه دریده گورسنور
چون کماندور قامت سروی خمیده گورسنور
صدر مجروحینده خط وار لیک ناخوانادی بو

باشینی سالدی اشاقه خجلتیندن بوتراب
ویرمدی پیغمبره قبر بتول اوسته جواب
گئچدی ایللَّر کربلایه گلدی تا ختمی مآب
علتین گئچماق گرَک بیر محنت عظمادی بو

تک نه پیغمبر - قیزی زهرا - علی شیر خدا
گلدیلر دشت بلایه دلده فریاد و نوا
یوز دوتوب پیغمبره گویا علیَّ المرتضی
عرض ایدوب امت جفاسیندن اولان ایمادی بو

روز محشردن بو امت ائتمیوب بیر ذره باک
ائتموری یا للعجب بو قومی قهر حق هلاک
ایلیوب لر اوغلومون جسم لطیفین چاک چاک
جسم صدق اولماز - داغیلمیش دوغرانان اعضادی بو

ای «حسینی» بو نه سوزدور الده عنوان ایلدون؟
زلف زینب تک دل جمعی پریشان ایلدون
قائم موعود قلبین ، غصه دن قان ایلدون
یازما ال ساخلا ملال انگیز بیر طغرادی بو

• دوشنبه
• 12
• مهر
• 1400
• ساعت
• 16:23
• نوشته شده توسط
• یوسف اکبری

ای سحر اولدوزی چوخ تیز نیه باتدون آناجان
گوزدن اشکون کیمی بو زینبی آتدون آناجان

نجه بو دهریده سنسیز آنا کامه چاتارام
تا وارام اودلی بو بیر محنتی باشدان آتارام
بستر نازه قویوب باش نجه راحت یاتارام
سن که قویدون یوزیوی توپراقا یاتدون آناجان

بوش یرون گون کیمی بو ایوده ز بس جلوه لنور
اودی باران کیمی گوزن یوزه اشکیم النور
دامنیم خون دله سیل سرشکه بلنور
قلبیمون قانینی گوزیاشیمه قاتدون آناجان

وار یری آغلاسا بو حاله ثریا و سمک
آیریلیق آتشینه ووردون آنا یاخشی اتک
سن گیدوب شوریله قویدون من بیچاره نی تک
آناوای نالمی افلاکه اوجاتدون آناجان

شاد اولوب بیرده بو عالمده نه نوعیله گولوم
غصّه مرگ ایلدی غملر سنی قربانون اولوم
هر نماز اوسته دعا ایلیوب ایستردون اُلوم
مستجاب اولدی دعا مقصده چاتدون آناجان

غصه لردن آنا دنیا سنه بیر زندانیدی
یوزده گوزیاشیوین هر قطره سی بیر مرجانیدی
اودلی قلبون دولی بیر جامیدی لخته قانیدی
تا اجل درک ایدوب اول جامی بوشاتدون آناجان

جان قویار حال حیاتنده جهاندا آنالار
یتورر شاخه ی امّیدیده غنچه بالالار
آنا اُلسه بالالار صرصر غمله سارالار
دورت گلی غنچه زمانینده ساراتدون آناجان

یتمیش اوچ گوندی هله سرور بطحا اُلومی
تازه لندی سنیله حضرت طاها اُلومی
نجه پوزماز قیزوی زهره ی زهرا اُلومی
مصطفی یاسینه اوز یاسیوی قاتدون آناجان

مرتضانون آنا قان ایلمیسن اشک ترین
بیرده سندن سورا بشّاش اولا دنیاده چتین
آز دگولدی اونا بو غم که اولوب خانه نشین
سن جوان اُلدون او مظلومی قوجاتدون آناجان

(نجمی) بو غمده چوخ آغلار آنا چوخ داده گَلَر
بزم ماتمده سنق نی کیمی فریاده گلر
سن کیمی غمزده بیرده دیمه ایجاده گلر
چوخ بیوک غملره آز عمرده باتدون آناجان

• سه شنبه
• 13
• مهر
• 1400
• ساعت
• 15:06
• نوشته شده توسط
• یوسف اکبری

درسبڪ
ای منی آواره قویان..........

گول یوزینه سیلی دگن ننم وای ننم وای
قامتینی غملر اگن ننم وای ننم وای

قامت سروی ننمین بوکولدی بوکولدی
سینه سی مسماره دگیب سوکولدی سوکولدی
سینه سینون قانی یره توکولدی توکولدی
سسلدی زینبله حسن ننم وای ننم وای

اهل جفا بابینه اود ویریلار ویردیلار
رشته ی حبی شقیلر قیردیلار قیردیلار
نامه ی باغ فدکی جیردیلار جیردیلار
اوده غریبانه اولن ننم وای ننم وای

قبره علی پیکرینی قویاندا قویاندا
قالمادی طاقت شه لامکاندا مکاندا
سسلر علی آدیوی تک قالاندا قالاندا
ظلمیله قانیه توکولن ننم وای ننم وای

یثربین اهلی گدوری فاطمه فاطمه
ویردی بوگون شیونینه خاتمه خاتمه
ایلیروخ آدینی بیز زمزمه زمزمه
جور و مکافاته دوزن ننم وای ننم وای

سولدی علینین گولی بو جهاندا جهاندا
یاندی گلستان نبی خزاندا خزاندا
آغلادی جن و ملک اول زماندا زماندا
ای گُل بو غملی چمن ننم وای ننم وای

زینبیوون حالی اولوب پریشان پریشان
اشکی آخیر صورته چون یتیمان یتیمان
یوخدی بو یثربده آنا مسلمان مسلمان
قبره غریبانه گدن ننم وای ننم وای

فاطمه نون منتقمی العجل العجل
قلبیلری غملر آلیب داده گل داده گل
سن سن آقا دادرس هر ملل هر ملل
یوسفی آواره گزن ننم وای ننم وای

• شنبه
• 17
• تیر
• 1402
• ساعت
• 20:26
• نوشته شده توسط
• یوسف اکبری

عزیزهء حرمِ خَتم الاَنبیا زَهرا
حَبیبهء ازَلی وَحیَه آشنا زَهرا

فَضای عِصمتَه گُون اوُن بیر اوُلدوزا مِحوَر
غُبارِ مَقدمینُون حَسرتی سَما زَهرا

آتاسی هَمسری اوُغلی نَوَه نَبیره لَری
سَعادتُون یُولونا مَشعلِ هُدا زَهرا

تَجرّد عالمی ماُفوقِ مَریَم و سارا
دُرِ یگانهء گنجینهء حَیا زَهرا

رَئیسِ سلسلهء اَنبیاست پارهء تَن
شَفاعَت اَمرینَه سَرمایهء بَقا زَهرا

متُونِ حِکمتِ قرآنیدن ئوزی آگاه
کنیزی فضّه بُیلَن عِلمِ کیمیا زَهرا

مُعرفی مَلکُوتَه اِئدندَه پنج تَنی
دِیین اَوَل آدینی ذاتِ کِبریا زَهرا

آتاسینی چاغوران وَقتَه یارَسول الله
دِییردی خَتمِ رُسل جانوَه فَدا زَهرا

مَنه رَسول خِطاب اِیلمَه قیزیم آتا دِئ
مَلکلَره اِئلیوم فَخر مَندَه یازَهرا

مشامیمَه یِتیشُور جَنَت عَطری سینوندَن
اِئویمی اِیلمُوسَن روضة الصَفا زَهرا

باخیشدا مثل ئوزومسَن یِریشدَه عِینِ ئوزوم
اَحد اِئدوبدی سَنی اَحمدَه عَطا زَهرا

اوُلیدی کاش خَدیجَه باخیدی قامَتُوَه
اَجل سَنی آناسیز قُویدی حِیف اوُلا زَهرا

اَگر گُوریدی سَنُون ذِکریُوی عِبادتیُوی
کَمالِ عِشقوَه سُویلَردی مَرحبا زَهرا

دوروب اَیاقوَه یا اِینکه اَللّرُون ئوپَورَم
وَظیفه دور مَنه تَعیین اِئدوب خدا زَهرا

سَنی کیم اِینجیدَه دُنیادَه اِینجیدوبدی مَنی
باغیشلاماز اوُنی خَلّاقِ ماسَوا زَهرا

وِجودِ پاکیُوی اِیلوبدی مُفخَر اَبجَد
خدای لَم یَزَل و لَم یَلد وَ لَم یُولَد

یِتُوبدی حَدَّ بُلوغَه غَرض او زُهره جَبین
چوخ اِئلچی گَلدی وَلی رَدّ اِئدوب رَسولِ اَمین

دِیوردی فاطمه نُون اِختیاری مَندَه دَگَل
ازَل گرک اوُلا برنامه غِیبیدَن تَکوین

اوُلار که اِئلچی گَلور ثَروتین اِئدور عُنوان
پِیمبَرین قیزی اوُلماز جَلال و جاهَه کَبین

مَحال اَمریدی مَحبوبِهء خداوَندَه
طلای نابِ جَهان هَمسر اِیلیَه تَعیین

کریمَه دور گرک هم کُفویدَه کریم اوُلسون
قیزیل نَدی گرک اوُلسُون جواندا سکّهء دین

زَبَرجَدیلَه خَذَف هَمنشین اوُلا حاشا
یاراشماز حَلقهء بی قیمتَه بَهالی نِگین

بُو باره دَه سُوزی شَرح اِیلسَم مُفصل اوُلار
نه واردی مَندَه او قُدرَت نه سَندَه وار تَمکین

علی وَلیّ خدا اِئلچی اوُلدی فاطمیَه
سُوزون یِتُوردی اِشاریلَه چوخ فَصیح و مَتین

بُویُوردی عارفِ اَعظم اِشارَه وی بُولدوم
علی گُمان اِئدورم حاجتُون اوُلا تأمین

مَجال وِئر مَنه جان صاحِبیلَه صُحبَت اِئدیم
عَملِ خِیروزُون آمادَه اِیلیُوم شَرطین

رِضایَت حاصل اوُلوب عَقد اوُخوندی زَهرایَه
گُهرِ اَقدسَه اوُلدی نِکاح دُرَّ ثَمین

تَوافُق اِیلدی مِصداقِ هَل اَتی اِیلَه
ضَمیرِ سورهء کُوثَر صَبیّهء یاسین

قُورولدی جَشن تاپُوب نُور نُوریلَن پِیوند
اوُلوبدی فاطمه شیرِ خدا اِئویندَه گَلین

قیزیلَه گِئتدی پِیمبَر گَلین گِئدن گِجه سی
عَم اوُغلی عَم قیزینُون بیربیرَه وِروبدی اَلین

دِئدی عَم اوُغلی علی یُوخ عَروسُوین مِثلی
مَقامینَه اِئلیُور غِبطه اَهلِ عَرشِ بَرین

هُمای اوُجِ حَیا زِینَتِ عَوالم دور
وَدیعهء ازَلی جِسمی صاف و سالم دور

اَمین سَن بِیلورَم اِی نَجیب و قُدس تَبار
بُیُوک اَمانتَه اِئتدیم سنی اَمانتدار

خلافی اوُلماز اَگر اوُلسادا آجیقلانما
همیشه خوش دِیلیلَه دِیندیر اِئلَه خوش رَفتار

بو عَقده ذاتِ تَبارَک دِیوب مُبارک باد
سیزه عَطا اِئدَه جَکدور گُوزَل گُوزَل بالالار

صُورا مُخاطب اِئدوبدی بَتُولی پِیغمبَر
بُویُوردی شُکر اوُلا اوُلدی بُو اِئودَه گُل گُلَه یار

نَظیری یُوخدی بالا مُرتضانُون عالمدَه
وِجودِ اَقدسی آئینهء کَمال و وِقار

آماندی قَدرینی بیل اِحترامینی ساخلا
کنارِ ماهدَه اِیلَه ستاره مثلی مَدار

• یکشنبه
• 15
• مرداد
• 1402
• ساعت
• 13:31
• نوشته شده توسط
• یوسف اکبری

گوزلرون آچ یاتما بئله زهرا
حیدری آغلاتما بئله زهرا
زینبوون گوزیاشینا رحم ائت
ماه علی باتما بئله زهرا

آه ای منیم تاج سریم_آه منه نور بصریم۳

نطقه گل فاطمه جان بار بلا یوردی سنی
خجلتم ختم رسل کی منه تاپشوردی سنی
نقدر یاره لرین گیزلدیسن یارینن
بیلیرم من که مغیره نقدر ووردی سنی

(فاطمه جان علی فاطمه جان علی)

باخ بو یانان قلبیمه سن زهرا.
ایله دوا دردیمه سن زهرا
باغریمی قان ایلییب هجرانون
ایله نظر صبریمه سن زهرا

آه ای قرار حیدر_آه ماه تار حیدر۳

ای منیم خسته نگاریم نیه محزون گئدوسن
قولی بازوسی یارالی دلی پر خون گئدوسن
جان حیدر بو بالالاریوی بیر باغریوا باس
دلشکسته گئدوسن قلبیده محزون گئدوسن

(فاطمه جان علی_ فاطمه جان علی)

• چهارشنبه
• 18
• مرداد
• 1402
• ساعت
• 23:41
• نوشته شده توسط
• یوسف اکبری

☑️بند اول

عشق یعنی مرتضانین یاوری
عشق یعنی زینبین بال و پری

عشق یعنی فاطمه امّ‌الحسین
حضرت زهرا ، وقارین پیکری

? الــدَّخـــیـل حــضــرت زهــــرا / الــدَّخـــیـل حــضــرت زهــــرا

☑️ بند دوم

عشق یعنی نشعه ی پیمانه لر
عشق یعنی شمعیله پروانه لر

عشق یعنی بیر خانم کی دهریده
وصفینه حیران قالیب فرزانه لر

? الــدَّخـــیـل حــضــرت زهــــرا / الــدَّخـــیـل حــضــرت زهــــرا

☑️ بند سوم

عشق یعنی باغ عشقین لاله سی
مصطفانین دخت هجده ساله سی

عشق یعنی غم‌گسار حیدرین
نام پاکی چاره سیز لر چاره‌سی

? الــدَّخـــیـل حــضــرت زهــــرا / الــدَّخـــیـل حــضــرت زهــــرا

☑️ بند چهارم

عشق یعنی شافع روز جزا
عشق یعنی همنشین مرتضی

عشق یعنی دست زهرادن آلاخ
بیر محرم ده برات کربلا

? ڪــربـــلـا آیــرے وطـــن دے / ڪــربـــلـا آیــرے وطـــن دے

• جمعه
• 24
• شهریور
• 1402
• ساعت
• 23:29
• نوشته شده توسط
• یوسف اکبری

بند اول:

السلامُ/ علیکِ یا
فاطمه بنت الهدی
زینت عرش خدا
حضرت خیرالنساء
عصمت الله

ملیکه ی ارض و سماء
علت خَلقِ دنیا
محور اهل کساء
همسر و کفو مولا
بی بی زهرا

ای دُرِّ بی همتا
آیت العظما
عالی و اعلا

ای ناجیِ آدم
نگین خاتم
سروره عالم

مادرم ( یا فاطمه ۳ )

بند دوم:

ای معنی حجب و حیا
افتخار مصطفی
ای شعار مرتضی
شأنِ اِنّا اَعْطَینا
شرحِ کوثر

ای گوهر و ماه افلاک
تویی مافوقِ اِدراک
همسره پدر خاک
حبِّ تو میشه مِلاک
توی محشر

تو دین و ایمانی
خوده قرآنی
روح و ریحانی

بانیِ احسانی
جان و جانانی
پاک و سبحانی

مادرم ( یا فاطمه ۳ )

بند سوم:

تو اَشرفِ کائناتی
تو مادره ساداتی
کعبه ی حَسَناتی
ساترِ سَیِّئاتی
یا فاطمه

سَجِیَةُ الْکِراماتی
تو منشأ خیراتی
تو قبله ی حاجاتی
تو باب عباداتی
یا فاطمه

محشر کبرایی
دم مولایی
نور دل هایی

اُمِّ ابیهایی
روح طاهایی
شفیعه مایی

مادرم ( یا فاطمه ۳ )

بند چهارم:

ای شهید راه حیدر
آدون سوره ی کوثر
سنسن شافع محشر
نور چشم پیغمبر
عشق حیدر

زهرا اسوه ی نجابت
ای نماد شهامت
بانوی با کرامت
جانثار ولایت
با شهادت

گر سیدعلی جان
تا وره فرمان
ایلروخ طوفان

انتقامین آللوخ
پرچم سبزین
قبرینه ساللوخ

مادرم ( یا فاطمه ۳ )

• چهارشنبه
• 29
• شهریور
• 1402
• ساعت
• 19:35
• نوشته شده توسط
• یوسف اکبری

هِدایَتِین گُونی چُون کَسدِی کُوندَن اِشراق
جَهانی چُولقادِی ظُلماتِ کُفر و بُغض و نِفاق

بَسیطِ فَرشِ مُطّبقَ دُولُوب نَوائیله
فَغان و نالِیَه گَلدی سِپهرِ نیلی طاق

هِدایَت اَهلِینی بُو غمدَه اِیتدی خاک نِشین
جَفای گُنبدِ فِیروزِه رَنگِ پَستِ رَواق

جَهان سَراچِهء اَندوه آدِیلَه آدلاندِی
نَبیّ اَکرمهِ تا اوُلدی باغِ خُلد وِثاق

نه تَک جَهان، هامی دُنیای خِلقَت اوُلدی مَلول
بُو جانگُداز بَلا کُونَه تاپدی اِستِغراق

هِدایت اَمرِینی قُورتاردِی گِیتدی دُنیادَن
او نَفسِ هادِی مُوسی و آدَم و اِسحاق

او سِیر اوُلدی جَهاندان زِ بَس گُورُوب آزار
هَنُوز اهلِ وَفا و وَفا اوُنا مُشتاق

مَعانِدِینین اوُلوب مُنتهای کامی رَوا
مُحِبّ لَر اوُرَگِین اوُدلادِی شَرارِ فَراق

دُوبارَه اوُلدی قَدیمی عِنادِیلَر ظاهر
قِیریلدِی زُورِ تَعصّبلَه رِشتهء مَیثاق

وَصیّتِ نَبوی تَرک اوُلوندی دَست بِه دَست
نِظامِ جامِعهء دِینی پُوزدِی اَهلِ شَقاق

بِنای ظُلم و تَعدّی قُویُوب مُنافِق لَر
اَساسِ مَذهبی یِخماخلِیقا اِیدِیبلَه وَفاق

عَرب تَعصّبِ ذاتی سِین اِیلیُوب ظاهِر
کُهن رُسُوم اوُلوب تازَه بِدعَته اِلحاق

کَراهَتیلَه صَنَم تَرکین اِیلِیَن کَسلَر
صَحیفهء دِله عَکسِ بُت اِیلیُوب اِلصاق

قُورُوبلا حَلقهء بیداد و کِینه تا اوُلسون
کتابِ شَرع و دَیانَت او جَمعِیلَه اوُراق

خَلِیفَه اِیتدیلَه بیر اِستقالَه جُو شَخصی
بو شَرَّ مَحضَه نِفاق اَهلی اِیلیُوبلَه تَفاق

اَبُو قَحافَه نِین اوُغلی قَمِیص اَخذ اِیلدی
خِلافَت اَمرِینی ظُلماً نَه روی اِستِحقاق

بِیلَه بِیلَه که علی نِسبَتِین خِلافتلَه
همان تَناسُبِ قُطب و رَحیً اِیدِیب خَلاّق

هَوانی اِیلَدِی مَسمُوم زَهرِگین اَنفاس
آزیبدی یُولدان اِیدَن بُو هَوانی اِستِنشاق

عَلینی خانه نِشین اِیتدی خانه وِیرانلار
مَهِ سِپهرِ هِدایَت تاپیبدِی حالِ مُحاق

گَلیبدِی جِلوه یَه شَب تاب کِرم لَر گُورجَک
هِدایَتِین گُونی آفاقِیدَن کَسیب اِشراق

هامی مُحِبّ لَرین قَلبِینی غَم اِیتدی کَباب
خُصُوص فاطِمَه نی غُصّه اِیلَدِی بی تاب

صَفای گُلشنِ دِین، نِزهَتِ بِهشتِ وِلا
بَهای گُوهرِ عِصمَت، چِکیدهء تَقوی

یِگَانه خاطرِهء زِنده نَفسِ طاهادَن
هامی مَراتبِ فَضل و کَمالیدَه یِکتا

حَیا خَزِینِهء مَخفی، او کَنزِه بُو، گُوهَر
عِفاف مَشعلِ رُوشن او مَشعلَه بُو، ضِیا

بَسیطِ خاکیدَه مَحدود، شاهِدِ قُدسی
نِجَه که ضیقِ عبارَتدَه وُسعتِ مَعنا

حَیا تَجُسّمی، عِصمَت مِثالی، دِین شَرحی
وَفا ثَبوتی، صَفا شَکگی، صَبر و سَلمَه رِضا

بِهِشت جِلوه و حُورا سِرِشت، اَمّا نَه
بَتول و فاطِمَه بَس، نَه بِهشت نَه حُورا

رِکُوعِینَه مُتَذَلّل، عَناصُرِ عَلوی
سِجُودِینَه مُتواضِع صَوامِعِ عُلیا

نَفس حِصارَه دُوشُور سِینَهء مَلائکَدَه
اِیدندَه زَمزَمهء لاشَرِیکَ لَه، زَهرا

حَریمِ سایَه سِینَه دور باشِ عِصمَتدَن
نِفوذ اوُلمُوب اِیدَه نورِ مَشعلِ بِیضا

او مَه یُوزُون عَظمَت هالَه سی، اِیلَه بُورویُوب
که یُوخ تَصوّرِ مَعنایَه فِکریدهَ یارا

بیو آرِزُوئیلَه سَر گشتَه دور نَسیمِ جِنان
که خاکِ کُویُون اِیدَه، کَحلِ دِیدهء حُورا

دُوتاندا اُوز گُویَه وُجَّهتُ نَغمه سی دِلدَه
دِئیِب خُلُوصِینَه سُکّانِ عَرش آمِنّا

گُلِ بِهشت وِئرِیب باش کَوِیرِ غَبرادَه
مَگر که آرتیرا بُو شُورِه زارَه ذُوق و صَفا

سِمُومِ حادِثَه اَسدی و لِیک گُلشَنِینَه
قَرار و طاقَتِینی دِلدَن اِیلَدِی یَغما

بَهار اَبری کِیمی دُولدی حقّ گُورَن گُوزلَر
شَقایِق اُوسته نِثار اِیتدی لوءلوء لالا

بَهاری اوُلدی خَزان رِحلَتِ پِیمبَردَن
اِیشقلی گُوندُوزُونی اِیتدِی غَم، شُبِ یَلدا

آتا فَراقی گَتِیردِی اوُنی اِیلَه دَرده
که مُونسی گِیجه گُوندُوز اوُلوب فَغان و نَوا

اِیله سِیزلدادِی دِلدَن آتا فَراقِیندَه
که گَلدی نالَه و فَریادَه صَخرهء صَمّا

آتاسی چَکدِیقِی زَحمَتلَری خِیالَه سالیب
اوُلوردِی صُبح و مَسا، وِرد و ذِکرری وا اَبَتا

اُوجالدِی شِیوَن و فَریادِی شَهرِ یَثرُبدَن
بَتول ناله سی شُورِ قیامت اِیتدی بِپا

عَدو جَفاسی، نَبی فُرقتَی، علی مُحنی
گَتِیردِی نِی کِیمی فَریادَه قَلبِ فاطِمَه نی

پِیَمبَرِین قِیزِی شاهِ وِلایَتَه هَمدَم
حَریمِ عِصمَتِینَه چِشمِ ماه نا مَحرَم

هامی خَلایِقَه مَختُومَه اُوجِ رُتبَتدَن
هامی عَوالِمِ اِمکان وِلاسِینَه مُلزَم

نَه تَک وِجُودِی اوُلوب فَخرِ دُودهء طاها
که اُولمُوش اُونلا مُباهی سُلالهء آدَم

اِیلَه سِیخیلدِی مَصائبدَه قَلبِ آگاهی
که اِیتدِی اَشگِ رَوان چِشمَه سارِ چِشمِینی یَم

کِنه یِتُوب او مَصائب بُویُوردِی تَلویحاً
‌اوُلور گُونُوزلَرَه یِتسَه لَیالیّ مُظلَم

حَدیثِ غَصبِ فَدک، ماجرای سِقطِ جَنین
بَتُولی چَکدی بَلا دامَینَه قدَم بَه قَدَم

وُوریبلا مُهبطِ تَنزِیل و وَحیَه آتشِ کَین
اوُلوبدی صَدمِهء مِسمار زَخمِینَه مَرهَم

بَنای دَهر عَجب دور که اُولمادِی فانی
یاناندا ظُلمِیلَه دَرگاهِ مِیرِ حِلّ و حَرم

اِیدِیبِ صَحیَفِهء جِسمِیندَه نِیلگُون خَطلَه
عَدُو جَفاسِینی دَستِ سیاطِ ظُلم رَقم

وِیرندَه غُسلینی لَمس اِیلدی او خَطّی علی
نَلَر حِکایت اِیدُوب بُیلمَم اُول خَطِ مُبهَم

که شیرِ داوَری آغلاتدِی های هائیلَه
حَیاتیدَن اُولوب آزردَه حال امامِ اُمَم

آچاندا ظُلم اَلی نامُوسِ کِردگاره عَدُو
نَه حالَه قالدِی علی یازماقا خَجِلدِی قَلَم

اِمامِ کُون و مَکان لَنگرِ زَمین و زَمان
اِیدَن مَبانیّ اِسلامی تِیغیلَه مُحکَم

گُورَندَه گُلبنِ عِصمَت اَسِیر دور خارَه
او باغبانِ وِلا چِشمی اُولدی پُر شَبنم

او خاری صاعِقَه تَک یاندِیراردِی شُعلهء تِیغ
وِقایَه اوُلدی وَلی اَمرِ سِیّدِ اَکرَم

دایاندی لِیک نَه اوُز وِیردِی غِیرتُ اللّهه
اُوزی بِیلِیبدِی فَقَط بِیردَه خالقِ عالَم

او شَمعِ خلوتِ عِصمَتدَن آلدِی جِلوَه دِیمم
چراغِ دِیدهء تاریکِ قومِ ظُلم شِیَم

مَحالدور گُوره آیاتِِ حَقّ دَقایِقینی
او گُوز که پَردَه چَکیب نُورِینَه غَشای ظُلَم

دِیمَه او عارِضی نا مَحرَمین گُوزی گُوردِی
عِفاف پَردِهء ذاتی دِی عِصمَتَه مُنضَم

جَمالِ آینهء حَقّ جَلا و جِلوَه سِینی
شَوائبِ نَظرِ باطل اِیلمَز بَر هَم

گُونَه دَقیق اوُلانُون تار اوُلار جَهان گُوزُونَه
شُعاعَیلَه وِیرار اوُخ مِهرِ آسمان گُوزُونَه

• شنبه
• 22
• مهر
• 1402
• ساعت
• 21:31
• نوشته شده توسط
• یوسف اکبری

دردیم دواسی زهـرا روحیم صفاسی زهرا
گیزلینده قبره گئتمیش گیزلین یاراسێ زهرا
آواره دیر عم اوْغلۇن (۲)

(شابئیت جاوابی)
زهرا منی دانێشدێر آز قلبیمی آلێشدێر
گؤگلۆن کۆسۆبدۆ منده‌ن اینصافه گل بارێشدێر
آواره دیر عم اوْغلۇن (۲)
روسوا ائدیبدی کوفری، پئیغمبرین شوعاری
سێندێردێ دست-ی-ظۆلمۆ، زیبا سؤزۆن، ووقارون
بیلمه‌م کی دۆشدۆ هاردان، جبره‌ن سنین گوذارون
غوسلون وئره‌نده گؤردۆم، نیلی اوْلۇب عوذارون
آواره دیر عم اوْغلۇن (۲)
واردێر یئری اۇجالسا هر لحظه شور-وْ-شینیم
قوْل باغلێیام قضاده‌ن، چاره‌م کسیلدی نئیلیم
آواره دیر منیم تک ایسته‌کلی نور-ی-عئینیم
زینب غموندا اوْخشار، دائیم مله‌ر حۆسئینیم
آواره دیر عم اوْغل

• چهارشنبه
• 17
• فروردین
• 1390
• ساعت
• 10:59
• نوشته شده توسط
• سعيد رضايي

ای حیدرین صبر و قراری
آلدین قراری اللریمدن
سنسیزم من یالقیزام من

ای محرم اسرار حیدر
اشکیم رواندور گوزلریمدن
سنسیزم من یالقیزام من

بیت الحزندور بوش اتاقون
جان یارالی جان یارالی
سالدی منی دیلدن فراقون
جان یارالی جان یارالی

آغلار گوزوم دریادی زهرا
سیل سرشکی گوزلریمدن
بیرسیلن یوخ بیر سیلن یوخ

منده وطنده بیر غریبم
زهرا سنون تک چوخدی دردیم
هیچ بیلن یوخ هیچ بیلن یوخ

نه گویلومی وار بیر آلان نه
بو مرد تنها و غریبی
دیندیرن یوخ دیندیرن یوخ

قالدیم الی قوینوندا نیلیم
ای نگاریم ای نگاریم
سنسیز دونوبدور شام تاره
روزگاریم روزگاریم

زهرا ائویم غمخانه اولدی
زینب دییر نوحه حسینیم
سینه داغلار سینه داغلار

س

• چهارشنبه
• 10
• بهمن
• 1397
• ساعت
• 18:07
• نوشته شده توسط
• ابوالفضل عابدی پور

ای خدا علینون یوخدی دادخواهی
مشکله دوشوبدی عالمین پناهی
یومدی گوزلرین زهرا
وردیم اولدی واویلا
یالقوزام الهی ( 2 )

اهل بیته یثرب غملی محبس اولدی
حامیان قرآن جمله بی کس اولدی
باغ آل هاشم ظلم الیله سولدی
باغلانان قاپوم یاندی
حالتیم پریشاندی
یالقوزام الهی ( 2 )

درگهیم یاناندا یاندی غملی جانیم
قالدی پشت درده یار مهربانیم
فضّه نی چاغوردی همسر جوانیم
فاطمه حیالیدی
باشی چوخ بلالیدی
یالقوزام الهی ( 2 )

غسل ایدن زمان من غم چکن وجوده
نار درد و غصّه دوشدی تار و پوده
گوزلریم دوشنده بازوی کبوده
سسلدیم عزیزیم وای
قمچی یورقونی لایلای
یالقوزام الهی ( 2 )

دختر رسولین داشدی جام صبری
ایلدی خجالت سیل اشکی ابری

• پنج شنبه
• 18
• بهمن
• 1397
• ساعت
• 12:23
• نوشته شده توسط
• ابوالفضل عابدی پور

شاه بانوی حجاز و حرم شیر خدا
پارۀ قلب نبی سیده و خیر نسا
مام سبطین و عزیزه نفر اهل کسا
حضرت فاطمه صدیقۀ کبرای بشر
ایلین چوخ گیجه سین قبلۀ طاعتده سحر

سورۀ کوثر ائدن شأنینی اثبات و عیان
یوزی خورشید حیا قامتی طوبای جنان
امتون دادرسی جدۀ سادات جهان
تازه پیراهنینی سائله احسان ائلین
شوقیله لیل زفافینده ئوزی کهنه گین

آختاران عشقیله ارضای خدای فلقی
قدری حیرتده قویان آسیه نی ما سبقی
دفتر معرفتون عزتی زرین ورقی
کیمیا دیدۀ حورایه اولان خاک رهی
درگه اقدسی ئوز محسنینون قتلگهی

نقل ائدوب بو سوزی ارباب احادیث خبر
یوخدی اشکالی موافقدی هامی اهل نظر
فیضه نائل اولاسان یاخشی قولاق وئرسون اگر
شرطیوار گیزلین اولا

• شنبه
• 23
• شهریور
• 1398
• ساعت
• 10:41
• نوشته شده توسط
• علیرضا گودرزی

بزم عرفاندی بورا عشق و تولّا سوزی وار
هنر بی مثل خالق یکتا سوزی وار
عشقیمون خامه سینون صائب و زیبا سوزی وار
جنته فکر ائلمه اوردا که زهرا سوزی وار
اهل عرفانه بو یر میکده ی فاطمه دی
الولا مستینه دانشکده ی فاطمه دی

بذل ائدوبدور عظمت ذات خدا فاطمیه
نور نابیندن ائدوب جوهر عطا فاطمیه
لوح خلقتده یازوب خیر نسا فاطمیه
باش اگر نُه فلک و یدّی سما فاطمیه
سربه سر کون و مکان عزتی زهرادن آلوب
مرتضی پنجه لری قدرتی زهرادن آلوب

شیعه زهرانون آدیندان ائدر احساس غرور
یارادوب عالمی زهرایه گوره حیّ غفور
خلقتون صانع صورتگری معبود شکور
نَفَس فاطمه دن پایلادی اولدوزلارا نور
آب کوثر خانمون شهد و شراب لبی دی
کعبه ی حور و ملک فاطمه چادر شبی دی

انبیا مرشدینه نور بصر فاطمه دی
فیض جانبخش و تجلّای سحر فاطمه دی
گنج عصمتده که تابنده گهر فاطمه دی
گر علی شمس هدایتدی قمر فاطمه دی
دکمه ی پیرهنی حُسن زلیخایه دگر
قاشینون بیر توکی مین هاجر و سارایه دگر

عشق ائویندن اوجالان آهی آلیشدیردی خانم
پر پروانه ایلن ناری باریشدیردی خانم
ظلمتی محو ائلدی نوره قاریشدیردی خانم
دست مریمده ده عیسانی دانیشدیردی خانم
فاطمه شأنینون اندازه سینی یوخدی بیلن
لکّه ی تهمت مریم لری زهرادی سیلن

عشق هاتف لرینه پند و پیامی بو دیوب
زینب شیردله درس قیامی بو دیوب
حیدره غصه گونی انّی اُحامی بو دیوب
نار نمروده ده بَرداً و سلامی بو دیوب
یوسفی فاطمه مستوفی دربار ائلیوب
اودی ابراهیمه زهرادی که گلزار ائلیوب

پشت درده دئمرم فاطمه فریاد ائلدی
گل کیمی دست خزان عمرینی بر باد ائلدی
فاطمه جانینی وقف حقِ اوتاد ائلدی
عشق ایچون زینبی دورد سینّدن استاد ائلدی
بیله انسان داخی اقوام ملل گورمیه جک
روزگارون گوزی زهرایه مثل گورمیه جک

• یکشنبه
• 16
• آذر
• 1399
• ساعت
• 22:56
• نوشته شده توسط
• یوسف اکبری

گل آنون عازمدی الان محضر طاهایه زینب
ویر قولاق درسون روان قیل نائب اول زهرایه زینب

ای منیم قائم مقامیم ای منیم نایب منابیم
من وفالی باغبانم سن گُلیمسن هم گلابیم
سعی ایله شام و عراقه صادر اولسون انقلابیم
حقّیمون ایله ثبوتین مردم دنیایه زینب

مندن آل سن درس صبری هر تبهکاره خم اولما
اوستووه غم حمله ایتسه گوزله مغلوب غم اولما
گر سنه من ویرمیشم صود ، سعی ایله مندن کم اولما
پوزما ئوز شان و وقارون هر غم بیجایه زینب

اولمادی افسوس قسمت من چکم بو ایوده نازون
ایلیه م حاضر گلینلیق رختخوابیلن جهازون
بخت اطاقینه کوچنده بیر منیدیم امتیازون
سن کوچنده منده کوچدوم عالم عقبایه زینب

کظم غیظ ایله اوجور که من غم و دردی اوتاردیم
شکر اولا پروردگاره ظلم ثانیدن قوتاردیم
ایله بیر ظلم ایلمیشدی صاحبیمدن اوز دوتاردیم
گورسدم مشکل بو نیلی صورتی مولایه زینب

عازمم تعجیلیلن من محضر پروردگاره
بیر خصوصی سوز واریمدور گل ایدیم الان اشاره
سن منی هر گون چاغیرسون دادوه گلّم دوباره
وعده ی دیدار قالسون روز عاشورایه زینب

خوار اولان وقتده عزیزیم قوم اشرارون الینده
خیمه گهده قالما حیران خیردا قیزلارون الینده
قویما مقتلده حسینی شمر خونخوارون الینده
قدرتون قدری کمک قیل حجّت یکتایه زینب

قارداشین زهرا نشانی تک قویوب مقتلده قاشماز
عجز و لابه خاندان عصمت اللهه یاراشماز
سیندیروب شان و وقارین شمره یالوارماز باش آشماز
کسب فخر ایلر همیشه عصمت کبرایه زینب

مانع اول هر نحویلن دور شمر شومون کینه سیندن
متصّل جانون سپر قیل گوزله حق آیینه سیندن
همّت ایله شمری اوّل سال حسینون سینه سیندن
دوشمه سون باری یارالی سینه سی ایذایه زینب

من او کوینک که توخوردوم زحمتیله بو حسینه
بیر گونی لازم اولاندا ویر او بی یار و معینه
سویسلار اگنیندن اما دوشسه دست مشرکینه
آلمامیش گلمه دوباره یثرب طاهایه زینب

کوینگی اوغلوم گینده کشف ایله آهسته رازین
قول بویون اول اوندا اعلان ایله زهرانون نیازین
اوپ نیابت نیّتیله اوغلومون عطشان بوغازین
بوسه وور سن جایگاه خنجر اعدایه زینب

دوتماقا شام غریبان بو اوغولسوز پادشاهه
قالدی دیداریم سنیلن نصفی یانمیش خیمه گاهه
حاضر اولّام گه تنور خولیه گه قتلگاهه
اوخشارام هر یرده گلّم آه و واویلایه زینب

• شنبه
• 6
• دی
• 1399
• ساعت
• 19:25
• نوشته شده توسط
• یوسف اکبری

‍ خلقتون اسرارحکمتدورخانم یافاطمه
قامتون شرح قیامتدور خانم یافاطمه

جوهرعشقه تَجلّانی سنون نورون ویروب
خادمه ون، حوران جنّتدورخانم یا فاطمه

حسنووه ذیحقدی حیرتده بَنی آدم قالا
شرح وصفون بی نهایتدورخانم یافاطمه

آستان اَقدسونده، داستان سوز و ساز
نُوحُون عُمریجه حکایتدورخانم یافاطمه

عشقوه دل باغلیوب آلاموه قان آغلاماق
هرگونی بیر اِیل عبادتدور خانم یافاطمه

مسجد و محرابه ایثارون قداست بذل ایدوب
نوکرون اولماق سعادتدورخانم یا فاطمه

هاجرومَریمده سندن ذکروتسبیح ئورگنوب
سوزلرون تفسیرحکمتدورخانم یافاطمه

ایتمگه دیواربیت اُلعشقوی هرگون طواف
انبیانون روحی حسرتدورخانم یا فاطمه

مست اولوب هربزمیده صدقیله یازهرا دیمک
عین تحصیل شرافتدورخانم یا فاطمه

دست نازوندن رئیس انبیانون ئوپمگی
الله امریندن اطاعتدورخانم یافاطمه

غیرتیکه اولدی سندن پشت درده آشکار
شاهکار معنویتدورخانم یا فاطمه

یاندی درگاهون باشوندان که عبادوشدی یره
مین کتاب دردومحنتدورخانم یافاطمه

گوشواره ایکه قولاقونده سنوبدورکوچه ده
مدرک حُبّ ولایتدور خانم یا فاطمه

"سیفی ام"مدحونده هرشعریکه انشادایلرم
کعبه دن افضل زیارتدورخانم یافاطمه

• یکشنبه
• 7
• دی
• 1399
• ساعت
• 00:10
• نوشته شده توسط
• یوسف اکبری