اشعار ترکی حضرت فاطمه زهرا(س)

قبر زهرایه علی دائم اورکده تاب و تب
یول سالاردی ناله ایلردی ولیکن نصف شب

سَسلنردی بو منم نالان فرقت فاطمه
قلبیمی اِیلوب اِحاطَه درد و محنت فاطمه

گوگلوم اِیستیر روز و شب بو یرده سینه داغلیام
روز روشن قسمت اولمور بو سعادت فاطمه

مرتضانی آیری بیر احواله سالدی فرقتون
تنگ اولوب سنسیز منه دنیای ظلمت فاطمه

آچ گوزون دور قبریدن باخ گور نه حاله قالموشام
بی سبب آخمور عذاره اشک حسرت فاطمه

ای منیم اِیستکلی دلداریم نه خوابه گِتمیسن
نطقه گل درد و غمیندن اِیله صحبت فاطمه

درد اَلیندن دینجَلوبسن قبریده یایوخ هله؟
من کیمی دردون و یا اِیلوبدی شدت فاطمه

اولمادی بیر دم گورم آسوده خاطر اولموسان !
درد و غمدن قبریده اولدون نه راحت فاطمه

احمد مختارین اشکی مَرهَم اولدی یاره وه
من که اشکیله اِیدنمزدیم طبابت فاطمه

آغللادوقجا یاره لر قان آغلاداردی حیدری
خشگ بند اولموردی سیننده جراحت فاطمه

دردیوه چوخ سعی قیلدیم تاپمادیم اما دوا
بو مصیبتده نهاندور هانسی حکمت فاطمه

لازمیمیش غم غم اوستوندن قالانسین قلبیوه
قالسین آغلار حاکم عدل و عدالت فاطمه

من دعا اِیتدیم نصیب اولسون شهادت اولمادی
سن دعا ایتدون ولی اولدی اجابت فاطمه

تک نه سن چاتدون اورکده مقصد و مقصودیوه
قسمت اولدی محسنه فیض شهادت فاطمه

سسلدون تا پشت درده فیضّه نی امدادیوه
نچّه یول اولدوم دیریلدیم من او ساعت فاطمه

کشمکشده همتون حاشا که خاطردن چیخا
کیم بولر اِیتدون منه آیا نه نصرت فاطمه

کوچه ده ای کاش اولیدیم منده، اما اولمادیم
اقتضا اِولدی منه اوندا مشیت فاطمه

نصف شب غسلون ویرنده سرّون اولدی برملا
قاتلون گوردوم ایدوب اوزگه جسارت فاطمه

آیری بیر احواله قالدوم تا گوزوم گوردی یوزون
جانیمی آز قالدی آلسین بو عبارت فاطمه

ناگهان گوردوم حسن آچدی او کوچه صحبتین
گورسنوب گویا قیامتدن علامت فاطمه

مجتبانین قلبی غمدن اِیله اِیلوبدور وَرم
عاقبت دلدن سالار بو درد و محنت فاطمه

کاش حسینه اولمییدی ظلم ثانی برملا
کربلاسینده اونون وار چوخ مصیبت فاطمه

بیر اِیله احواله قالمیشدی بالالارون او دم
گِتمیشیدی اللریندن صبر و طاقت فاطمه

باغرینا باسمشدی کلثومی او دمده زینبون
واردی بیر دنیا بویی اوندا لیاقت فاطمه

همتین تنها اویرده اِیتمیوبدور بر ملا
اِیلدی شام غریبانونده همت فاطمه

بیر ایله شام غریبان حشره تک اولماز اولا
آیری بیر عالم یارانمشدی او ساعت فاطمه

سس ویروردی زینب و کلثومه اول دمده حسین
قلبینی آلموشدی درد بی نهایت فاطمه

گوز یاشین گوزدن روان ایتدی عذاره صبحه تک
اشک چشمیندن بیر آن اِیتموب قناعت فاطمه

گر چه هیچ کیم گلمدی شام غریبانه اودم
ماتمه ویردی حسینون آیری زینت فاطمه

نوحه یاز بو ماتم عظماده آغلا ای (عتیق)
دستگیرون تا اولا روز قیامت، فاطمه

• یکشنبه
• 3
• مرداد
• 1400
• ساعت
• 15:25
• نوشته شده توسط
• یوسف اکبری

دور ای محبته جوهر محبتون یارالی
نَدن علاقه کسوب مندن الفتون یارالی

گلوبدی شیر خدا نصف شبده افغانه
علینی یاندوروری کیف رحلتون یارالی

نه یاتموسان گوزون آچ بیر عم اوغلوی دیندیر
پوزوبدی حالیمی بو وضع حالتون یارالی

غریبه گونلره قالدیم عزیزه دو سرا
علینی یاندورار عالمده فرقتون یارالی

سسون فداسی اوزون سس یتور منه زهرا
سکوته محضه ندور علّ علتون یارالی

دانشمسان منیله باری زینبی دیندیر
اگر چه ناله سینه یوخدی طاقتون یارالی

باسوبدی باغرینا گلثوم معجرون آغلور
چکوبدی حیطه مرگه قرابتون یارالی

حسن سکوتیده، اما دوداقلاری تیتریر
گوزینده جلوه لنور حُسن رافتون یارالی

حسینون اشکی آخور دامنه نَدور چاره
آچیلدی پرده به پرده مصیبتون یارالی

اماندی گوزلرین آچ مرتضانی آغلاتما
اراده می اِیده افزون ارادتون یارالی

گوز آچ گوزومده مجسمدی روزگار مَخوف
چتیندی حیدره بس که بو ساعتون یارالی

یوزونده نقش دگر نقش اولوب سنه قربان
گوروندی کوچه ده روز قیامتون یارالی

سنه جسارت اِیدنلر منه جسارت اِیدوب
عجب خسوفه دوشوب ماه صورتون یارالی

بویور گوروم نَلر اولدی دولوبدی قان گوزیوه
سنون که بیر کَسینن یوخ عداوتون یارالی

نَدن نهان اِیلمیشدون مصائبی مندن
بو امره باعث اولوبدور دَیانتون یارالی

اورکیوین غمینی سایسالار سایا گلمز
وارون اورکده غم بی نهایتون یارالی

قاپی یاناندا نَلر اولدی بیر خدا بولوری
او گوندن اولمادی هیچ خواب راحتون یارالی

بسان نای شکسته سیزلدادون شب و روز
ولیک اولمادی حقدن شکایتون یارالی

بیر آیری عالمیدی شعله ور اولاندا قاپی
گوزومده جلوه لنور استقامتون یارالی

علی بولوردی که بیر لشکره برابرسن
گوروندی اهل حَقه استعانتون یارالی

شکسته منجر اولوب گر به صورت ظاهر
اولوبدی سقط گل باغ جنتون یارالی

ولیک صورت باطنده اولموسان غالب
یِتوبدی دینه، عجب دمده نصرتون یارالی

الی الابد قالاجاخدور ولایت علوی
سبب بو امره اولوب پاک نیتون یارالی

بو خیر نیتی مسمار در ایدوب امضا
گوروب حمایته وار قصد قربتون یارالی

نه ظلم ایدوب سنه ثانی فقط خدا بولوری
که مغسل اوسته ویرور قان جراحتون یارالی

نچه کفن عوض اِیتدیم دوباره قان اولدی
علینی سالدی ایاقدان بو محنتون یارالی

دیردیم الفتیوی کَسمسن عم اوغلوندان
فراقه اولمازیدی چون که رغبتون یارالی

کسوبسن ایندی که الفت غریب یثربدن
بهشت حَیّ ده که وار ضیافتون یارالی

علینی همره اِیله اول ضیافت نوره
بو فعله یوخدی اگر چه رضایتون یارالی

وصال احمد محمودی ایستیور گوگلوم
منه ده قسمت اولا کاش قسمتون یارالی

سنی بو نوعیله گورسه رسول عالمیان
یقین آغلاداجاخدور بو حالتون یارالی

الیوی قویما اماندور شکسته پهلویه
آتان مباد گوره خَمدی قامتون یارالی

منیم دیلیمجه سلام اِیله احمده سویله
صحت تاپوبدی لبونده جراحتون یارالی

گلنده کرب و بلایه یوزون ایله ساتر
که بلکه گورمیه عباس صورتون یارالی

یاناندا خیمه سجاد وقت غارتده
ازل مریضیدن اولسون عیادتون یارالی

آلاندا خیردا قیزین گوشواره سین باخما
دوباره یاده دوشر کوچه صحبتون یارالی

خیال کوچه گینه قلبیمه شرر سالدی
پوزوبدی حالیمی بو حال رقتون یارالی

دیار کوفیه آخر چَکر بو کوچه سوزی
جهانی یاندراجاخ بو عبارتون یارالی

دیار کوفه ده منده گرک باتام قانه
ندا گَله نه گوزلدور عبادتون یارالی

منه ده لازمه دور قانیمه اولام غلطان
تاپا ادامه رَد، پای همتون یارالی

(رضا) رضادی علیدن رضایت (محمود)
ایدوب اولاردا تجلی رضایتون یارالی

(عتیقه) آیینه (شبگیردور) ریاضتده
عجیبه خطیدی خط ریاضتون یارالی

• یکشنبه
• 3
• مرداد
• 1400
• ساعت
• 15:26
• نوشته شده توسط
• یوسف اکبری

عم اوغلی درد و غمیم دلده بی نهایتدی
ولی اورکده سوزوم آیری بیر عبارتدی

اجازه ویرسن اگر سِرّین ایلرم اظهار
دوشوب شماره نفس، دم بو دم غنیمتدی

چوخ آز قالور که یومام دیده دار محنتدن
بو فعله فرصت باقی ولی کفایتدی

عنایت ایله اوزون غسل ویر من زاره
وصیتیم سنه هر چند چوخلی زحمتدی

آیرما کوینکیمی پیکر نحیفیمدن
که داغلی سینه مین اوستی بویوک جراحتدی

یارا قراریوی دیلدن آلار او ساعتده
بو یرده فکر و خیالیم همان او ساعتدی

دوزنمَسن باخاسان یاره مه محبتدن
محبتیون منه چون دلده بی نهایتدی

گیجیله فاطمه نی قبرینه آپار تاپشور
سقیفه اهلینه چون مایه حقارتدی

قائیت یانان قاپیا چَک قرا عزادار اول
غریبه آغلاسا هر کیمسه گر عبادتدی

ئوزون که واقف اسرار اهل عالمسن
عرایضم غم و آلامیدن علامتدی

غریبه وقتیده لطفون اولوبدی شامل حال
غریبه محفل غمدور غریبه خلوتدی

خدایه حمد اولا که حین ارتحالیمده
باشیمین اوسته امامیم هله سلامتدی

بو باره ده اورکیمده یوخومدی درد و غمیم
خدا بولور که خیالیم نه قدری راحتدی

سَنون اورکده غمون اود سالوبدی اکباده
دوتولموسان او بولود تک نه وضع و حالتدی؟

اگر چه ظاهر صورتده غصب اولوب حَقون
ولیک صورت باطنده آیری صورتدی

سنون ولایتیوین ضامنی خدا اوزیدی
ولایتون بشره دهریده نه نعمتدی !

سنون ولایتیوه فاطمه اوزی قربان
نه چون ولایتیوین ریشه سی اصالتدی

اولار که درس آلاجاخ مکتب ولایتدن
جهاندا ننگ اولارا یاعلی اسارتدی

عرایضم تاپاجاخدور تحقق عالمده
حسینیمی گوروسن طالب شهادتدی

داریخما خانه نشین اولموسان نچّه مدت
جهاندا اهل دیلون چَکدوقی مصیبتدی

مصیبتین اثریندن اولوبدی باغرین قان
سبب او درد و غمه دلده جاهل امتدی

همین بو امت اِیدوب یثربی منه غربت
سنه ده فاطمه سیز واقفم که غربتدی

غریب شهریده بو سن بودا بالالاریم
گوتورمه گوز که سنه دوت بالام امانتدی

گلنده قبریمون اوسته گتیر بالالاریدا
بالالاریندان، عجبدی آنا خجالتدی

قاپوم یاناندان او قوش تک که لانه سی داغیلار
بو دوت بالامیزی محتاج استراحتدی

عزیزه زینبیمین گلمیوب یوخی گوزینه
نه تک بو بیر گیجه ده بلکه نچه مدتدی

مدام یاره آچوب باغلیوب سحر آخشام
مشیتی بالامون سر بسر مشقتدی

قاباقدا زینبیمینده یامان گونی اولاجاخ
چاقیرسا داده او دم موقع اجابتدی

رباب الینده قالار زینبین او دم اتکی
واروندی علم اعلیٰ عرضیمی اشارتدی

گیدنده کرب و بلایه مدینه دن گل گِیت
منی اوزونله آپار کربلایه فرصتدی

گیدوم حسینه بیر آز آغلیوم چوخور یرده
بالالارین آنادان انتظاری رافتدی

او دم زیارتی قلبیمده آرزودی منه
(عتیقه) تربتیده مایه شفاعتدی

بداهه سرایی در گروه مداحان و شعرای اهلبیت (ع)

• یکشنبه
• 3
• مرداد
• 1400
• ساعت
• 15:53
• نوشته شده توسط
• یوسف اکبری

غم فراقه یاناردی بتوله دردانه
گَلردی دائم الاَیام نی تک افغانه

اَلردی عارضه گوز یاشینی دِیَردی آنا
مدینه بنزیری سنسیز گوزومده زندانه

خطور خاطر اولور دائماً کچن گونلر
هزار حیف اولا که تِز یِتیشدی پایانه

غریبه گونلریمیز گلدی گتدی دنیاده
محبتیله ویراردون بو زلفیمه شانه

چَکَردین اَل باشیما روز و شب محبتدن
مدام امید ویرردون من پریشانه

دیَردیم ئولم اگر آیرلام بیر آن سَندن
هنوز ئولمَمیشم، دویموشام ولی جانه

مَشیتیم بیله دور واقفم مَشیتیمه
بویورموسان که دوزَم محنت فراوانه

ولی بو محنت عظماده اود دوتوب یانام
مدام گلم او بلبل مثالی افغانه

دمم غمونده یانان بیر منم بو دم یوخ یوخ
یانوری شمع فراقوندا نچّه پروانه

او کوچه صحبتی چیخمور حَسن خیالیندان
اِیدوبدی قلبینی دردون غریبه غمخانه

حسین دِیَر آنا اِیتگین مزاریوه قربان
مماتیوی نجًه دوشدی عجیبه دورانه

اِیله فغانه گَلر آغلیار اَلر قان یاش
او آغلیاندا دوشَر لرزه کون و امکانه

بیر اوزگه حاله قالار آغلیاندا قارداشیمی
باخوب او گوز یاشینا بیزده گلوخ افغانه

نه قَدر آغلیوروخ دویموروخ بو ماتمده
فلک آلوب اَلیمیزدن نه چون که جانانه

بیر آن گوز یاشیمز گوزده خشک اولا هیهات
او لحظه دن که اولوب وحّی اِیوی عزاخانه

هنوز آچمامشوخ قاره پرچمی قاپیدان
عزا نشانه سیدی آچماروخ هیچ عنوانه

نشان ویرور او علم بیز هله عزاداروخ
سرشکیمیز آخوری ماتمینده دامانه

اگرچه گلموری بزم عزایه هیچ کیمسه
عزا بو ایوده سنه ساخلیروخ غریبانه

آتام علی اِیله سَسلر که وای منه زهرا
دوشوبدی کشتی عمروم غمونده طوفانه

سَسینه سس ویرروخ بیزده دورت باجی قارداش
نه لازمه که اولا بو عزاده بیگانه

آنا فراقینه قیز قلبیدن یانار آغلار
دِیَروخ اوخشاما گلثومیله یانا یانه

بیر آیری عالم اولار دائماً او محفلده
سالار نوا سسی اود قلب شیر یزدانه

دِیَر سیز آغلامیون باخمیون من آغلیورام
سیز آغلیاندا دوشور لرزه چون که ارکانه

دئیرم آغلامیوم نئینیم جوان آناما
یانور ز بس اورکیم دلده درد پنهانه

او میخ در که اولوب قانیوه آنا غلطان
دوشوری گوزلریمی دم به دم همان قانه

چوخ اِیستیرم که سیلَم قانی اللریم چاتمور
دِینمیرمده بو فعلی ولی سبحانه

او غملی منظره دایم گوزومده جلوه لنر
غریبه نقش دوشوبدور بو چشم گریانه

نه تک او منظره، چوخ غملی منظره واردور
اولونجه اود سالاجاخدور بو قلب سوزانه

گوزمده جلوه لننده او زخم مسماری
پناه آپارام او دمده خدای منانه

(عتیق) نوحه یاز آغلا همین بو ماتمده
سرشکیوی اَله گوزدن اولونجه دامانه

سنه بو نطقی خدا ایلوب اوزی احسان
نه قَدری شکر ایلسن کم گَلر بو احسانه

• یکشنبه
• 3
• مرداد
• 1400
• ساعت
• 16:01
• نوشته شده توسط
• یوسف اکبری

گلمه فغانه ایلمه آه و نوا قیزیم
لازمدی که قضا ایلیه اقتضا قیزیم

قربان اولوم اورکده غم بی شماریوه
گلمه نوایه توکمه سرشکین عذاریوه
آغلار گوزوم دوشنده دو چشم خماریوه
روحیم بدندن آز قالور اولسون جدا قیزیم

مدتدی که گیدنممیسن خواب راحته
محتاج ایدوبدی درد و غمیم استراحته
آز سنیله قالوبسان عجب بیر مصیبته
اولدون غریبه درد و غمه مبتلا قیزیم

ای یاندران وجودینی عالمده محنتیم
الله بولور نه قَدری سنه وار محبتیم
اگلش یره واریمدی نچّه سِرّی صحبتیم
سِرین گرک ایدم سنه من برملا قیزیم

هر چند آرترار سنه بو صحبتیم مُحن
گیزلین خبرلری اِیلیم من گرک علن
امدادینه چاغیرسا منی قارداشون حسن
اوندا باشی تاپوبدی یقیناً بلا قیزیم

سال خاطرینده ساخلا بو گیزلین خبرلری
زهری ویرله دوغرانار آخر جگرلری
تَشته گلنده داغلیاجاخدور اورک لری
معناده باشینی آچاجاخ مرتضی
قیزیم

درده سالار حسن غمی نور دو عینیمی
آغلار قویار اولونجه مسلم حسینیمی
آل گوگلونی ادا اولا بلکه بو دِینیمی
قتلگهه اوزوم گلرم ابتدا قیزیم

عبدالهیله قاسمی غم یاندیرار یاخار
گوزیاشلارون عذاریوه بیر سیل تک آخار
عباس آخان او گوز یاشیوا دیده تر باخار
سَسلر سرشکیوه اولا جانیم فدا قیزیم

قارداش اولنده باجی دوشر اختیاریدن
بو صحبتیم اوزاخ دگوری انتظاریدن
سعی ایت او غمده دوشمه گیلن اقتداریدن
واردور قاباخدا واقعه کربلا قیزیم

دشت بلاده یوز ویرجاخ مین بلا سنه
صبر جمیل حَق ایدر اوندا عطا سنه
اوز بولدوقون ولی اِیلیر کربلا سنه
قَدین اولار منیم کیمی غمدن دو تا قیزیم

اول پیرهن که فیضیه تاپشیرمیشام ، اگر
قارداشین آلسا سندن او پیراهنی خبر
بول خیمیه قیدمیجاخ شاه خونجگر
رد ایله کوینکی اونی تِز سال یولا قیزیم

قلبون یانار یوبانسا اگر سوز آهینه
فوراً سوار اِیله او شهی ذوالجناهینه
سد ره اولما قوی یئته فوراً الاهینه
گوزلور یولون او لحظه نه چون که خدا قیزیم

کرب و بلا چولونده بلالر قوروب کمین
ظلمیله قارداشون اولاجاخ نقش بر زمین
اول نائب الزیاره منه، با دل حزین
شیعه لری او یرده بیر اِیله دعا قیزیم

چوخدا یوبانما گئتسن اگر چه زیارته
شام اهلی اوندا اَل آچاجاخ چون که غارته
قیزلار تمام سسلیجاخ گل حمایته
شور نشور اولار او دم اوردا به پا قیزیم

بیر جرعه سو او چولده که ناچار ایچر رباب
نصفی یانان چادردا اِیدر اصغرین خطاب
سَسلر هایانداسان سَسیمه ویر منیم جواب
یئتمز ربابه بیرده او غملی صدا قیزیم

هر کیمسه ای (عتیق) گئیَر اگنینه قرا
آغلار گوزیله نوحه اِیدوب ساخلیار عزا
اولام شفیعه من او کسه موقع جزا
قلبینده دردی اولسادا ایلر دوا قیزیم

• یکشنبه
• 3
• مرداد
• 1400
• ساعت
• 16:04
• نوشته شده توسط
• یوسف اکبری

گجه نین عالمی هارا گئدورسن آی ننه
سورشورام دئمور بابام ئوزون دئنه منه
اگر چه کوسموسن منیله گل باریش ننه
حسن چوخ آغلوری حسینیلن دانیش ننه

((هله دوزلمیوب سنون سیننده کی یارا
باجیم دییور منه گجه ننم گئدور هارا))

گجه نین عالمی ...

((بیر آزدا صبر ایله بابام سنه تاپار دوا
کیچیک باجیم ننه آخی چوخ ایلوری نوا))

گجه نین عالمی ...

((بهاریده تازا گُلی گوروبدی کیم سولا
جوانیسن هله نجه سالوم سنی یولا))

گجه نین عالمی ...

((نذر ایلورم اگر گجه منیم ننم قالا
پیک اجل گلوب منیم بو جانیمی آلا))

گجه نین عالمی ...

((بابام دوزنموری سنه باخیر دولور گوزی
دیور سن آغلاما منه نیه یانور ئوزی))

گجه نین عالمی ...

((بیر آیری حالیلن بابام دانشدیر بیزی
جنازوه باخاندا تتریور اونون دیزی))

گجه نین عالمی ...

((اگر قوناق قالا الله گجه نی یاتمارام
دولانام باشینه ننمی گوزدن آتمارام))

گجه نین عالمی ...

((ویرنده غسلیوی ننه گجه چخوبدی آی
نه گوردی بولمورم بابام ایله چکوب هرای))

گجه نین عالمی ...

((یازاندا«صادقی» ننه دئدیم بو سوزلری
یانوب اورک منیم کیمی دولوبدی گوزلری))

گجه نین عالمی ...

• پنج شنبه
• 7
• مرداد
• 1400
• ساعت
• 11:25
• نوشته شده توسط
• یوسف اکبری

صحیفه نی گوتوروب خامه نی اله آللام
بو عالمه آنا بیر آیری ولوله ساللام

سبب نه اولدی سفر ایلدون بوماءوادن
ده قبر ایوینده نه آلدون یارالی زهرادن

دئنن گوروم نه هدایا ویروب سنه او خانیم
فدا اولا بالاسی جدینه ذلیل بو جانیم

بو رسمیدور کی سالار یاده یارینی یاری
آخی بیر عمر آناجان اولموسان عزاداری

کناره سالماسین الله سنی او بانودن
شفاعتی آلاسان حشریده او بانودن

بو اولمیه یورولوب بیزلری آتوبسان آنا
دیل آچ منه ده گوروم مختصر یاتوبسان آنا ؟

خراب اولا بو جهانین هانی وفاسی آنا
نیه تاپولمادی بس دردیوین دواسی آنا

گلوبدی تنگه اورک " یوخ سوزون " منه اوخوما
سن الله اولسا میسر بو گجه گل یوخوما

بو غصه قلبیدن هیچ وقت آراشموری آناجان
وفالی مادره کوسماق یاراشموری آناجان

بو غصه آیری گران درد اولار منیم ائلیمه
سن اولما راضی "ننه وای سوزی " گله دیلمه

بولوط کیمی آناجان گوزلریم یاشی توکولر
آنام جانی آنا سنسیز بو قامتیم بوکولر

بولوط کیمی بالالار دولدورالا گوزلرینی
دانیشماسان باجیلار ئولدورلر ئوزلرینی

سوزوم بودی منه بیر دفعه ده قولاق آساسان
قوناق گلنده سنه جان دیوب قاپی آچاسان

الون یوزووه قویوب گوزلرون هارا باخوری
گل ایندی گور بالاوین گوز یاشی نجه آخوری

بو سوز گلوب دیلیمه یادیمه آنام گلدی
خدا بولور غم اوخی گلدی سینمی دلدی

*آنامون دیلیندن یازدیم *

دئدی یورولمامیشام آی بالا بلا گلدی
قوتاردی عمروم اجلدن منه صدا گلدی

ولی قیامتده تک قالدی سینده حسرت
حسین مجالسینه اولمادیم داخی دعوت

قبریم داشیندا یاز باشیمین چوخ بلاسی وار
بولسون گلیب گئدن کی نجه ماجراسی وار

ئولمزدی " صادقی " آناوین غملی سینه ده
لیلا کیمی جوانی ئولندن یاراسی وار

یازما کی کوسدی گئتدی ائویندن چیخان زمان
یازما بو چولده کیمسه سی یوخودور هاراسی وار

یاز یتمیش ایلدی فاطمیه ساخلیوب عزا
قوخماز بو چولده چون او خانیم تک آناسی وار

• پنج شنبه
• 7
• مرداد
• 1400
• ساعت
• 11:34
• نوشته شده توسط
• یوسف اکبری

قلم صحیفده سوز آچدی بیر قضایادن
گتوردی سینمی تنگه سالوب شکیبادن

یازاندا خانه زهراده غملی احوالی
گلوبدی جوشه گوزوم مشق آلوبدی دریادن

یازوبلا بیر گون علی گلدی غملی منزلینه
بتولی گوردی یاتوبدی دوشوب توانادن

یواش یواش دیله گلدی , خانیم دور آچ گوزیوی
گوروبدی گلمدی سس همسر دل آرادن

سسین اوجاتدی دور ای دختر رسول الله
نه گوردی گوزلرون آچمور او لحظه رویادن

«اورکلنوب دئدی آخر عم اوغلوام زهرا »
گورنمه میشدی یومیدون گوزون بو تنهادن

گوزون آچوب دئدی بو سوزده یادگار نبی
عم اوغلی دویماموشام من وفالی سیمادن

سن آغلاما گئدورم جدیمه قوناق بو گئجه
یورولموشام بو آز عمرومده عمر یلدادن

ائدوم نه چاره کی اود ووردولار قاپوم یاندی
بالامدا ئولدی عم اوغلی او ظلم اعدادن

عم اوغلی امر ایله قوی دورت بالام گله یانیما
من آیریلوب گئدرم بو گئجه بو اثنادن

ئولنده قویما حسن آغلاسون یانار قلبیم
سوز آچماسون دئنه او کوچه ده بلایادن

حسینیم آغلاسا قبرینده فاطمه آغلار
هنوز تئزدی توکه اشک چشم شهلادن

وصیتیم بودی بیرده بو خردا قیزلاریما
محبت ایلیسن یا علی مدارادن

تشهدینی دیوب فاطمه گوزون یومدی
نه اولدی ایوده نجه سوز آچوم او غوغادن

خبر وئروبدی علی , گل حسن ننن ئولدی
حسینده گلدی گوروبلر دوشوبدور اغمادن

حسن ایاق طرفتده حسین سینه سینده آغلادیلار
ملکلر آغلادی اول حالت غم افزادن

نه گوردی سس گلوری یا علی آیور بولاری
قیامت اولدی نزول ایلین او فتوادن

نجه دیوم نجه زهرانی گتدی مغسلینه
سو توکدی فضه علی غسل وئردی اخفادن

وئرنده غسلینی بیردن ووروب الین الینه
نه گوردی فضه , دیور ال چکوبدی زهرادن

یانا یانا دئدی الله ووروبلا فاطمه نی
یوزونده سیلی یرین گوردی تا هویدادن

قوتاردی غسلینی شخصا نمازینی قیلدی
نه گوردی زینبی سوز آچدی بیر تقاضادن

آپارما قوی ننه می بیر دویونجا منده گوروم
بو آز زماندا گوزوم دویمادی تماشادن

آیردی زینبی مولا دئدی یوباتما قیزیم
کی دعوت ایلیوب اوز جدی دار عقبادن

ایله قیامت اولوب ال ووراندا تابوته
بالالارون سسی اوج ایلدی ثریادن

الونده خامه قان آغلور قوتار بو احوالی
یازوبدولار شعرا روضه هر زوایادن

اگر چه سنده گوزل یازموسان بوشعری ولی
حساب ائله سوزیوی « صادقی » عطایادن

• پنج شنبه
• 7
• مرداد
• 1400
• ساعت
• 11:45
• نوشته شده توسط
• یوسف اکبری

اوچ گوندی باشلاندی خانم زهرا عزاسی
اوج ایتدی عرشه دخت پیغمبر نواسی
هردم حسن هردم رضا
هردم دییور واحسرتا
ایوای بابام وای «۲»

اوچ گوندی بزم غم قوروب خلاق اکبر
اوچ گوندی عرشه نصب ایدوب قاره ملکلر
اوچ گوندی ترک ایلوب بو دنیانی پیمبر
هردم حسن هردم رضا
هردم دییور واحسرتا
ایوای بابام وای «۲»

اوچگوندی زاهرانین ایشی آه و نوادی
هردم سوزی واابتا وا ولدادی
حتی بوگون قان آغلاسا زهرا سزادی
هردم حسن هردم رضا
هردم دییور واحسرتا
ایوای بابام وای «۲»

زهرا بوگون اوچ گوندی اولدی زاروگریان
گه قبر پیغمبرده ایلور آه وافغان
گاهی بقیعه گه ایدور عزم خراسان
هردم حسن هردم رضا
هردم دییور واحسرتا
ایوای بابام وای «۲»

قیزلار آتا هجرانینه تاب ایلینمز
ئولسه آتاسی هر قیزین عمرونده گولمز
زهرا آتاسی تک داخی دنیایه گلمز
هردم حسن هردم رضا
هردم دییور واحسرتا
ایوای بابام وای «۲»

ال چکمدی چرخ دنی اهل وفادن
آخر نبوت گلشنین سالدی صفادن
مسموم ائدوب اولادینی زهر جفادن
هردم حسن هردم رضا
هردم دییور واحسرتا
ایوای بابام وای «۲»

اولماز نجه معناده زهرا زارومحزون
غربتده اوغلی اولدی زهریله جگرخون
مسموم ایدوبدی ظلمیله اول شاهی مامون
هردم حسن هردم رضا
هردم دییور واحسرتا
ایوای بابام وای «۲»

باشه وورون که یاس ختم الانبیادی
مسموم اولان محبوب ذات کبریادی
غربتده کی اولادینه صاحب عزادی
هردم حسن هردم رضا
هردم دییور واحسرتا
ایوای بابام وای «۲»

«صابر» اولوب اولّده بو مضمونه بانی
«صادق» ایدوبدی اقتباس ای مهر کانی
دیلده بو سوز زهرا توکر اشک روانی
هردم حسن هردم رضا
هردم دییور واحسرتا
ایوای بابام وای «۲»

• پنج شنبه
• 7
• مرداد
• 1400
• ساعت
• 12:03
• نوشته شده توسط
• یوسف اکبری

ای یگانه دخت طــاها
مفخــره انسیه حورا
درغمـت نالــد بسان
نی ولـــی الله اعــلا
سلطــان ولا ازغم توگشـته پریشــان
میسوزد ازاین محنت واندوه فراوان
علی با شکوه بسیار
بریزد اشک خونبـار

کــوثر قـرآن تویـــی تو
آیت رحمــان تویــی تو
در ره دیــن وــ ولایـــت
آنکه داده جان تویی تو
گلـــزار علـی ازستم کین شده پرپر
می گرید کنون درغم تو فاتح خیبر
علی با شگوه بسیار
بریزد اشک خونبار

زین مصیبت شد پریشان
زینـب و گلـــثومه نــالان
شعلـــه ور شد قلب مولا
ازشـــــــرار آه طفــــ لان
درهجربتــول گـــریه کند دیده افلاک
قلب حسنین ازغم مادرشده صدچاک
‌ علی با شگوه بسیار
بریزد اشک خونبار

علت خلقت کجــا رفت
معدن عصمت کجا رفت
درمدیـــنه نیمـه ی شب
کنــزحــریت کجــا رفت
شمع شب کاشانه ی مولا شده خاموش
با خاک بقیع فاطمه گردیده هم آغوش
علی با شگوه بسیار
بریزد اشک خونبار

(تــرکی)

درگهــون ظلمــیله یانـدی
توستوسی عرشه دایاندی
حقــوی ای کنــز عصـــمت
دشمنون بطحـــاده دانـدی
الدوردوله ظلمیله بالان محسنی اعدا
قان ایلــدیلر گــوزیاشوی بضعه طـاها
یانار دل ماتمونـده
علی آغلارغمونـده

آچمامیش غنچن سولوبدی
جــام دل غمـــله دولــوبدی
محسنــــه جـــور عـــدودن
پشت در مقــتل اولــــوبدی
سیندی صدف بحر ولا یاندی اورکلر
گوگلـــرده گلوب ناله و افغانه ملکلر
یاناردل ماتمونده
علی آغلارغمونده

ای علیــــــنون مهـــــربانی
گلشنــــــــینده باغبـــانی
سولدی سن سیز گلستاندا
یــاس و سوسن ارغـــوانی
گیدون بالالارناله سی افلاکه اوجالدی
ایستکلون علی درد فراقوندا قوجالدی
یاناردل ماتمونده
علی آغلارغمونده

زینبیـــنون ای آنــاسـی
اولمـادی دردون دواسـی
قان اولان قربون گرکدی
اولسون عالمــلر فداسـی
یاندیردی غمون عالمی ای کوثر بطحا
نار محنوندن یانــار احبـاب ایکی دنیا
یاناردل ماتمونده
علی آغلار غمونده

• یکشنبه
• 10
• مرداد
• 1400
• ساعت
• 22:23
• نوشته شده توسط
• یوسف اکبری

درد هجـرانون آلوب مندن امان یافـاطمه
سنسیزایلـور مرتضی آه وفغـان یافـاطمه
گوزلریم اوخشاربهاری ابره سنسیزنیلیوم
طاق ائدوبدی طاقتی قالمورتوان یافاطمه
طائـر روحون پرآچدی یثـربی ترک ایلـدی
آشیـانـُون اولدی گلـزار جنـان یافـاطمه
اسدی طوفان ستم دست جفائیله اولـُوب
گلشنیمده گلـُلریم یکسر خــزان یافـاطمه
من نجه هجرانیـوه تاب ایلیوم بودهـریده
بنـــزیور بیرمحبسه یکسر جهـان یافـاطمه
درگهُون ناریله یاندی محسنون اولدی شهید
قامت سرون دونوب اولدی کمان یافاطمه
صدمه گوردی پشت درده ظُلموله پهلولرون
سسلدون امداده گل فّضه بیرآن یافـاطمه
قانلی مسماردوشن وقته بوآغلارگـوزلریم
اود ویـرار ملـــک دله نار نهــان یافـاطمه
صرصرظلمیله سولدی گلـشنونده گللرون
پرپراولدی غنُچه وقتی ارغـوان یافـاطمه
بوینی چگنینده قالوب یاس وبنفشه لاله لر
رونقین الدن وئروبدور گلـُستان یافـاطمه
خردااطفالون توکوررخساره هجران شبنمین
عـالمینی ایلیولـر بـاغــــریقـان یافـاطمه
باشه سالدی زینب وگلثـومه قاره معجـری
یاندی بو احـواله کـُونیله مکان یافـاطمه
اللّری قـوینوندا قالدی مجتبـائیله حسین
واریری قـان آغـلاسا کـروبیــان یافـاطمه
آل هاشم کوچه سینده نه مصیبت یوزوئروب
گوزلریم نوری حسن ائتمور بیان یافـاطمه
دوقوزایل منله بوائوده همنشین اولدون ولیک
ائتمدون دیل دردینی بیرآن عیان یافاطمه
جان مشامین مست ائدردی نگهتون لیل ونهار
آرتیراردی جیسمیمه روح وروان یافـاطمه
بسلدون نازیله دورت گل عالم ناسوتیـده
هربیری خوش عطرو بو ومهربان یافاطمه
تزبیـــزی ترک ایلدون گـویاسنی جنـّاتیده
گوزلیـوردی خـاتم پیغـمـــبران یافـاطمه
ممکن اولساقویما بولسون وئردیلاریحانه سین
ویرمه سیلی ردینی بیـرده نشان یافـاطمه
بیرده شرح ایتمه فدک اوسته گورن آلاموی
حقـّوی یا غصب ائدوبلرغاصبان یافـاطمه
وارخبـــرده یـانه یـانه سسلیردی مرتضـا
قبرون اوسته گلمشم بیرجه اویان یافاطمه
ضعف ائدوب حالدان گئدردی بومصیبته علی
هوشه گلجاق سسلیردی بی گمان یافاطمه
بسدی ختم ایله جـوانی عرض ائله بوطرزیله
صبـُح آچلدی گلـدی آوای اذان یافـاطمه

• یکشنبه
• 10
• مرداد
• 1400
• ساعت
• 22:31
• نوشته شده توسط
• یوسف اکبری

یتش هـــرایه شه ولایت
ئوزون بتوله ائله حمایت
یاندیربلاردرگهــوی مولا
سقط اولوب محسن آه واویلا
آه و واویلا آه و واویلا (۲)

گــوروبدی آفـت گل رسـالت
سولوب سارالدی گل رسالت
توش اولوب غنچم جور اعدایه
گــوندوزم دوندی لیـــل یلــدایه
آه و واویلا آه و واویلا (۲)

بوغمده اوغلوم حسن سیزلدار
سرشـک چشمین عذاره باغلار
دیـرایوای اولدی جوان زهــرا
بارغمـدن قـــّـدی کمان زهــرا
آه و واویلا آه و واویلا (۲)

فدک عمواوغلی بهــانه اولدی
دل شریفــــون ستملــه دولدی
اود وئروب یاندیــرلا درگاهون
اوجــالوب عــرشه شــرر آهون
آه و واویلا آه و واویلا (۲)

ستملـــه ثـــانی اوشوم و ارذل
آچـــوب حــــریم ولایتـــه ال
هتــــک حرمت ایلدی زهــــرایه
کوچده ویردی سیلــــی زهرایه
آه و واویلا آه و واویلا (۲)

• یکشنبه
• 10
• مرداد
• 1400
• ساعت
• 22:34
• نوشته شده توسط
• یوسف اکبری

دولدورب آفـاقی نورطلـعتون یا فاطمه
تاب آلوردلدن بهشتی نکهتون یا فاطمه

نور اعــلا نور اولـــدی بیت حضــرت خیرالانام
ای ملقب هــانیه صدیـقه مـــرضیه مرام
گلمیوب گلمـزسنه همـتا وجوده والسلام
سن سپهرعصمته فرخنده اخترسن خانم
حق عنایت ایلیـن قــرآندا کــوثرسن خانم

کل مافیهانی سندن اوتری خلق ایلوب خدا
ای دلیـــل عــــالـــم خلقـــت عـــــزیــز مصــــطفا
کائنـــــاتــین افتــخاری حضــــرت خیـــرالنسا
خلقتون دیبــاچه عشق وصداقـتدی خانم
عالمه فیض وجودون باب رحمـتدی خانم

گلشن اولدی مقدموندن سطح غبــرا یکسره
دونــدی گلــــزار رســالت نــرگس و نیــــلوفره
جانفزا عطرون صفابخش اولدی غملی دللره
اشرف مخلوقه حقدن بیرگوزل پای سان خانم
آسمــــان وحــی روشن ایلــــین آی سان خانم

• یکشنبه
• 10
• مرداد
• 1400
• ساعت
• 22:49
• نوشته شده توسط
• یوسف اکبری

ای ولــّی لم یزل وی دیــنه برهـان یاعلی
آیرلورزهرا حلال ایت مونس جان یاعلی

باغبانیـــدوم عمواوغلـــی گلشـــنونده روز وشب
عنچه وقتیندن بویوتدوم دورت گلی باسوزوتب
دلده کـــی عشق و عــلاقه اولدی بوامـــره سبب
قویمازیدوم گلــــلرون اولسون پـــریشان یاعلی

ای سپهـــــــره عـــالم آرا فـــاتح بـــدرو حـُنین
احتضاریمدن صورا چوخ ایتمه ناله شوروشینن
قویماچوخ غمگـــین اولا نوردو عینمدور حسین
منتـــین آلام بوجـــــانه ایلـــــه احســـان یاعلی

دوقـــوزایل دولت ســـرای عشقـــیده عمرایلیدیم
جـان دئدیم من جـان ایشدیم غصه وغم بولمدیم
حیف اولا بوصون نفسده اشگ چشمون سیلمدیم
غصدن گــــوزدن آخان گـــوزیاشه قـــربان یاعلی

گربابام فرض اولساانگشتراونون الماسیم
گلشن دین و شـــریعـــتده گل رعنـــاسیم
گــوهر بحــــر عفــافم یثــربون زهراسیم
حیف اولاسیندیردلارالماسی دونان یاعلی

اودویربلاریاندی درگاهیم اوجالدی شعله سی
پشت درده قالدی زهراگوزدن آخدی ژاله سی
حاملــه بیـرعورتین عــرشه اوجالدی ناله سی
پرده لی عرض ایلیم محسن وئروب جان یاعلی

• دوشنبه
• 11
• مرداد
• 1400
• ساعت
• 11:59
• نوشته شده توسط
• یوسف اکبری

اورک گوزندن آخان هجر ائوینده قاندی آنا
بلالی زینبـوون مونسی فغـاندی آنا

سالوب شرارفراقون شـرر شکسته دله
بوخرداسنیده قلبیم غمونده قاندی آنا

اسوبدی بادخـزان سولدی گللرون رنگی
گورن خیال ائلیـور موسم خزاندی آنا

دوتوبـدی گـرد مصیبت صفالـی انجمنی
پوزولدی عیشی ملال ومحن عیاندی آنا

بنفشه تک هامینون قـالدی بوینی چگنیده
طراوتی پوزولـوب غملی گلستاندی آنا

اماندی وئرسسیمه سس فدا اولوم سسوه
صغیره زینبووه چوخ چتین زماندی آنا

دونوبدی گوندوزوم هجرونده لیل یلدایه
اورکده زینبــوون دردی بیکـراندی آنا

بوخــوردا سنیلــه اولــدوم مصیبته آماج
یانان بوحالیمه سلطان انس وجاندی آنا

دوشور گـوزوم حسنینون فغــان و ناله سینه
یانخلـی ناله لـری تیر جانستانـدی آنا

ائله سیزلدیوری گوزلـــریم ضیاسی حسن
سسینه سس ویرنی کونیله مکاندی آنا

قویوب عذارینی دیواره شاه کرب و بلا
سرشگ دیده سی رخسارینه رواندی آنا

قوجـاقلیـوب دیزینــی شاه اولیــا آغلور
سنون فراقون اومظلومه چوخ گراندی آنا

بـاخـور یانـان قاپـیدا حسرتیلــه میسماره
خدنگ دردوغمه حیدرون نشاندی آنا

• دوشنبه
• 11
• مرداد
• 1400
• ساعت
• 12:23
• نوشته شده توسط
• یوسف اکبری

گل عم اوغلی فاطمه جان اوسته دی
قول قانادی قوش کیمی بشکسته دی
یوخدی حالی صحبته ایندی علی
یاره لردن فاطمه ن چوخ خسته دی

زهرا سنه فدا علی علی
یوخ دردیمه دوا علی علی

گویده کی اولدوزلارا وار سای علی
کل عالمده سنه یوخ تای علی
بو جماعت قدریوی بیلمز ندن
بو یانان قلبیم یانوب ایوای علی

بسدی دا آغلاما علی علی
قلبیمی داغلاما علی علی

غسل وئرنده یو سن اول تارکی
گوی قالا اگنیمده بو غم مدرکی
واردی جسمیمده عم اوغلی یاره چوخ
غسلی وئر اما چیخاتما کوینگی

سینم یارالیدی علی علی
باشیم بلالیدی علی علی

صبر ائله من ظلم و آزاری دیوم
آشنایه قصد اغیاری دیوم
دیل یاراسیندان دیوم آیا سنه ؟؟
یا عم اوغلی زخم مسماری دیوم؟

چوخ دویدولر منی علی علی
اغلاتدی غم سنی علی علی

جانیمه باعث اولوبدی گر فدک
کاش سنیدی چرخ گردونین فلک
دل یاراسی وئردی هی ثانی منه
اللری سینمیش عمر وئردی کتک

کاش سینسین اللری علی علی
قان ائتدی دیللری علی علی

واردی ایوده آی عم اوغلی دورت بالام
آغلامام تا گللری درده سالام
سینمون وار یاره سی حیف قویمویور
زینبی بیر دفعه آغوشه آلام

گون گورمدیم ندن علی علی
یوخدی گلوب گئدن علی علی

گلستانون گللرین بیربیر درین
باشه قاره معجر سیزلر سرین
هر گجه گوزله حسین سو ایستسه
آل قوجاقه آی عم اوغلی سو ورین

قویما سوسو قالا علی علی
اوخشا دئی جان بالا علی علی

رخصت ایستور جان چیخا لبدن الان
اولسا باشیم اوسته سن باشلا قران
دشمنون واردی اورکده کینه سی
دفن ائله قبری فقط ایله نهان

دشمنده یوخ حیا علی علی
دوتما منه عزا علی علی

قوی مدینه آغلاسین بو ماتمه
اهل عالم ناله ائتسین بو غمه
اول گونی که میر زینب جان وئرر
باشدا قاره منده گلم علقمه

گورسم قولی دوشوب علی علی
بیلم سویی گئدوب علی علی

گوزلرین یومدی وئروب جان فاطمه
مصطفایه اولدی مهمان فاطمه
هی علی اغلور دیور یات خسته سن
قلبیمی هجران ائدوب قان فاطمه

سنسیز نجه قالار علی علی
باشه قرا سالار علی علی

• جمعه
• 15
• مرداد
• 1400
• ساعت
• 20:51
• نوشته شده توسط
• یوسف اکبری

خبردار ای منتظر اولان عاشق
بو یولاردا گوزلری قالان عاشق
دئیولر شاید ظهور اقا ائتسین
یولا باخای سینه سی دولان عاشق
سلام ای صاحب زمان مهدی
سنه قربان شیعیان مهدی

گولوم هانسی گلستانداسان اقا
همالر تک آسمانداسان اقا
یانیر قلبیم گل بو آتشی سؤندور
سنه قربان بس هایانداسان اقا
خداوندین رحمتی سن سن
بو دنیانین شوکتی سن سن

گزیر غم صبری تاپا، تاپابیلمیر
گوزوم ایستیر تا یاتا،یاتابیلمیر
نه مدتدور سسلنیر هامی تز گل
سنه عشاقین نیه چاتابیلمیر
بیزه بیر باخ یوسف زهرا
اولوب ذکریم اه و واویلا

جوان عمروم باخ خزانه دونوبدی
وصالدان قلبیمده قانه دونوبدی
بو ایل چوخ یول گوزلدیم اقا اما
نوای صوتیم فغانه. دونوبدی
وصال عشقن چاتام بسدی
ایاقین التدا یاتام بسدی

قرا گی سن فاطمیه گلور گل
گوزون یاشین عاشقانین الور گل
ستم اوخ اتمیش بهانه سین اقا
اورک باشین تیر غمده دلور گل
بو دنیاده حرمله چوخدی
حسین تکسن یاورین یوخدی

گوزوم آغلور گوزیاشیم اثر ائتمز
سنون عشقین قلبیدن اقا گئتمز
داریخدیم گاهی شکایتیم اولدی
اورک دردین ئوزگلر آخی بیلمز
ابوالفضل جانی کسیم یوخدی
بو دنیاده دادرسیم یوخدی

محبتدن چات چات اولدی دوداقلار
گلور هر ایل جمکرانه قوناقلار
بو یولاری. پابرهنه گیدولر
قابار اولموش یولاریندا ایاقلار
ئوزون سیل گوزیاشلاری اقا
تاپ اون اوچ یولداشلاری اقا

"خدایی" دوز وصلته چاتا بیلن
اقانی رویاده بیر. گجه گورن
قرا گی اگنینده گوی قالا حتما
وصال یاردان یقین واریم ئولن
شفاعت ائت نوکری ارباب
قالوب سنده گوزلری ارباب

• جمعه
• 15
• مرداد
• 1400
• ساعت
• 21:02
• نوشته شده توسط
• یوسف اکبری

هاراگیتدون نصف شبده سن
وای جوان الن مادروای جوان الن مادر
نجه دوزوم دردهجره من
وای جوان الن مادروای جوان الن مادر

ویریبلاراوت درگهون یاندی
ای عزیزپیغمبرای عزیزپیغمبر
توکولدی زاغ وزغن ایتدی
گل کیمون سنی پرپرگل کیمون سنی پرپر
چمنده چوخ گل سولاراما
هانسی گل سنه بنذرهانسی گل سنه بنذر
ستملن تاراج اولوب گلشن
وای جوان الن مادروای جوان الن مادر

ندندورگوزدن بوتزلیگده
قونشولار سنی اتدی قونشولارسنی اتدی
قاپون یاندی میخ درایوای
سینوه سنون باتدی سینوه سنون باتدی
بابامی سینندکی یاره
غسل ایدنده اغلاتدی غسل ایده اغلاتدی
ویریب غسلون کوینگون اوستن
وای جوان الن مادروای جوان الن مادر

فراقونده روزشب زینب
اغلیوب اورک داغلاراغلیوب اورک داغلار
سالاریاده محنت ودردین
باشینه قراباغلارباشینه قراباغلار
گلر گیزلین قبریوین اوسته
باغریقان بابام اغلارباغریقان بابام اغلار
دیرغمخواریم گیدیب الدن
وای جوان الن مادروای جوان الن مادر

قالیب سن سیزبیکس وتنها
گورنجه شه ابرارای گورنجه شه ابرار
بیزه اخرگوزداغی اولدی
سینوه باتان مسمارسینوه باتان مسمار
ولایت اوستونده سن گوردون
آی ننه غم دشوارآی ننه غم دشوار
اویاره سالدی سنی دلدن
وای جوان الن مادروای جوان الن مادر

قاپی دالی قتلگاه اولدی
محسنین قاناباتدی محسنین قاناباتدی
بالان ظلمیلن شهیداولدی
اچمادی اودل یاتدی اچمادی اودل یاتدی
دچاراولدی غنچه تک خاره
گوزدن عالمی اتدی گوزدن عالمی اتدی
دوشن ایری غنچه سی گلدن
وای جوان الن مادروای جوان الن مادر

اگرالسه باغبان بیردن
گل سولا رچمن اغلارگل سولارچمن اغلار
دوشن ده سوزکوچه دن هردن
وای دیرحسن اغلاروای دیرحسن اغلار
سنون قانلی کوینگون گورسه
شاه بی کفن اغلارشاه بی کفن اغلار

• دوشنبه
• 18
• مرداد
• 1400
• ساعت
• 12:05
• نوشته شده توسط
• یوسف اکبری

اورکدن حشره جک زهرا یانیخلی آه و وا گتمز
یادیمنان تا اولونجک بیل بوغملی ماجرا گتمز

ویریبلار قلبیمه زهرا بو شهرین اهلی چوخ یاره
چیخاجانیم بو پیکردن اورکدن اول یارا گئتمز

بوقدری ایلمه افغان منیم ای روح وریحانیم
بیلورسن که غیابینده علی هاردان هارا گتمز

دور آغلاتما منی زهرا دلیبدی سینمی غملر
منه باخسان بو یولاری علی دای جا به جا گتمز

اگر گتسن کناریمدن گیدر الدن منیم تابیم
فراقینده بو غازیمدن نه آب ونه غذا گتمز

ویریبس درس عفت سن حیالی زینبه زهرا
بو اوده اولدی جاویدان شمیم اول حیا گتمز

منیم ای خسته مهمانیم حسینی آل بیر آغوشه
اگر سن ویرمسن رخصت به سوی کربلا گتمز

هایاندا اولسا بزم غم اولار اول بزمیده حاضر
ولی بیگانه ملکینده (عبادی) شاه اولا گتمز

• سه شنبه
• 19
• مرداد
• 1400
• ساعت
• 10:29
• نوشته شده توسط
• یوسف اکبری

گول آچوبدی باغ زهرا
نور باران اولدی بطها
گلدی دنیایه زینب عزیزان
اولدی دربار عصمت چراغان
گلدی زینب گلدی زینب گلدی زینب ۲بار

بو بشردی یاملکدی
گوندی یا اینکه قمردی
کیمدی بو صود امرگلدی یاران
اولدی دربار عصمت چراغان
گلدی زینب گلدی زینب گلدی زینب ۲بار

دید یاره گلدی بویار
مرتضا تک صولتی وار
حی داور ایدوب گور نه احسان
اولدی دربار عصمت چراغان
گلدی زینب گلدی زینب گلدی زینب ۲بار

شاد اولوبدی شاهه مردان
گلدی زهرا شادو خندان
گلدی دنیایه زینب عزیزان
اولدی دربار عصمت چراغان
گلدی زینب گلدی زینب گلدی زینب ۲بار

منزله حیدر گلوبدی
فاتح خیبر گلوبدی
آلدی آغو شنه شیر یزدان
اولدی دربار عصمت چراغان
گلدی زینب گلدی زینب گلدی زینب ۲بار

سس دوشوب ایلر گلوبدی
یعنی پیغمبر گلوبدی
گلدی فخر جهان شاد وخندان
اولدی دربار عصمت چراغان
گلدی زینب گلدی زینب گلدی زینب ۲بار

شاد اولوب محبوب داور
سسلدی الله اکبر
زینبی آلدی آغوشه یاران
اولدی دربار عصمت چراغان
گلدی زینب گلدی زینب گلدی زینب ۲بار

عرض ایدیب زهرا بابا جان
قوی آدین بو طفلین الان
جبریل اولدی اول دم نمایان
اولدی دربار عصمت چراغان
گلدی زینب گلدی زینب گلدی زینب ۲بار

امیر ایدوب ذات خداوند
ای رسوله حق محمد
قویدی زینب آدین حی مننان
اولدی دربار عصمت چراغان
گلدی زینب گلدی زینب گلدی زینب ۲بار

مهدیم ای سبط طاها
دوت الیمدن جان زهرا
چوخدی دردیم ایله درده درمان
اولدی دربار عصمت چراغان
گلدی زینب گلدی زینب گلدی زینب 2بار

• چهارشنبه
• 20
• مرداد
• 1400
• ساعت
• 20:25
• نوشته شده توسط
• یوسف اکبری

عشق اوتونا دوزدی هر انسان یانا بولمز
اما که عزیزیم اولان عشقی دانا بولمز

عشّاق تجارتچی دگول عشق زر اولسون
زر زرگره لازمدی که بال یا زهر اولسون
سودا اودی کالاسی اونین جان و سر اولسون
عاشق دن علاوه اونی هرکس قانا بولمز

بلبل که توکور گوز یاشی ایتگین گلی واردی
گل خاطرینه اولما سادا مشکلی واردی
حتی هره نین بیر جوره درد دلی واردی
دل اهلی بولر یوخسا آتیله آنا بولمز

یانماق بلی پروانیه تأثیر قویانماز
چون وعده وروب پیرهن عشقی سویانماز
اوز باشینه مستانه دوشن فرد اویانماز
معشوق یولوندا توکوله اود جانا بولمز

زهرا که عزیز دل سلطان جهاندی
اون بیر فلکین جسمینه جان روح و رواندی
علت ندی تا ایندیه جک قبری نهاندی
مشکل دی بو بیر مسئله هر انسانا بولمز

یا مهدی اوزون گل ننوین قبرینی گستر
مدتدی که دیدارین آقا کونلومیز ایستر
بیر وقفه بقیعه بیزی زوار ایله گوندر
پرواز ایلیوب مرغ دلیم آتلانا بولمز

ای یوسف زهرا سنه قربان اولا جانیم
گل قویما اورکده قالا چوخ درد نهانیم
مولا نقدر آتش هجرانیوه یانیم
بو فرقتوی عاشقون آسان سانا بولمز

• پنج شنبه
• 21
• مرداد
• 1400
• ساعت
• 20:02
• نوشته شده توسط
• یوسف اکبری

فاطمه دلبر و دلبند رسول مدنی
زوجۀ شیرخدا شیر ایوینین شیره زنی
عالی گفتاری گوزل لهجه سی شیرین سخنی
هر دانشدقجا قوای دلی حیران ایلیور
کلمۀ منطقی هر مشکلی آسان ایلیور

علت ما خلق ا... خانم فاطمه دور
آیۀ نصر من ا... خانم فاطمه دور
هر قارانلوق گیجیه ماه خانم فاطمه دور
هم گجه آی بونا محتاجیدی هم گوندوزی گون
اولماسیدی بو گون اولمازدی بونی حتمی بولون

باخ مقاماتینه آدم بونا خاطر یارانوب
هستی و نیستی عالم بونا خاطر یارانوب
کون و امکان دمادم بونا خاطر یارانوب
نقش اولونموشدی آدی محضر حقده علنی
ما خلق علت عالم تانیوب فاطمه نی

گون دولاندی گچوب ائللر دونوب ایام زمان
فاطمه قدی جوانلقدا کمان اولدی کمان
گیتدی پیغمبر رحمت اونی قویدی نگران
باغ و گلزار و چمن زار رسالت سولدی
یخلوب دینیله پرگار عدالت الدی

شیر یزدان اوزی مستغرق طوفان بلا
غرقدور ساحل محنتده اوگون صاحب عزا
ویردیلار اود یانوب القصه او گون باب نجا
خانهء امن رسالت ایله ناامن اولدی
ماه رخسار خانم فاطمه بیردن سولدی

ناکس اظهار ایلیبدور علناً کینه سینی
سیندروب حضرت پیغمبرین آئینه سینی
دلدی مسمار خانم فاطمه نین سینه سینی
ایله محکم در و دیوار آراسیندا سخلوب
سینه سی یاره لی یوز نیلی یوز اوسته یخلوب

• جمعه
• 22
• مرداد
• 1400
• ساعت
• 11:28
• نوشته شده توسط
• یوسف اکبری

گنجینه خلقت ده گوهردی خانم زهرا
آئینه عصمت ده جوهردی خانم زهرا

پیرایه دی دنیایه سرمایه دی طاهایه
مین مریم و سارایه مفخردی خانم زهرا

پرنور ایدور آفاقی بیر باقیه بیر باقی
جنته علی ساقی کوثردی خانم زهرا

ریحانه پیغمبر شاه زمنه همسر
دللرده حسین پرور ازبردی خانم زهرا

حکمتده شه بطحا دریا یارانیب دریا
کشتی دی علی مولا لنگردی خانم زهرا

زهرا نجه زهرادی دوز ام ابیهادی
پیغمبره بیر آدی مادردی خانم زهرا

جدی دیدی زهرا جان جانیوه آتان قربان
قرآن دیور هر زادّان برتردی خانم زهرا

چوخ آیه قرآنی مدح ایلوری زهرانی
وار هر نیه امکانی یاوردی خانم زهرا

بیر غنچه نورسته باغ حقه وابسته
بلبل تک اولوب خسته مضطردی خانم زهرا

حق درگهی اودلاندی اود دوتدی الولاندی
الحق یانان جاندی مجمردی خانم زهرا

توش اولدی خانم ناره مین ظلمیله مسماره
کس ایلمدی چاره ایستردی خانم زهرا

غم جامی جالانمشدی پهلو یارالانمشدی
ناله اوجالانمشدی سسلردی خانم زهرا

یاندیم علی گل داده قالدیم غمه دنیاده
دوتما بو ایشی ساده سویلردی خانم زهرا

مدتدی "امین"آغلار اوز سینه سینی داغلار
هی دفتر آچوب باغلار دفتردی خانم زهرا

• جمعه
• 22
• مرداد
• 1400
• ساعت
• 13:57
• نوشته شده توسط
• یوسف اکبری

السلام ای گل طاها زهرا
خوش کلام ام ابیها زهرا
منطق و رتبه ده والا زهرا
حیدره یوخ چاتان الّا زهرا
سنده صدقیلن دنن یا زهرا

سرمدین نوری خداوند جلی
مظهر حضرت ذات ازلی
زوجه مطلق بینای علی
طیبه طاهره زهرا زهرا
سنده صدقیلن دنن یا زهرا

واحدین نور حق داوردی
دختر پاک پیام آوردی
کل نسوانه خانم سروردی
برترین سرور علیا زهرا
سنده صدقیله دنن یا زهرا

اختر روشن آفاق الدین
پای آلبدور اونی حقدن یاسین
جوشدورار معرفتین دریاسین
ذکر ایدر دائمی دریا زهرا
سنده صدقیله دنن یا زهرا

مرحبا فاطمهٔ زهرادی
عفت و عصمتی بی همتادی
دللره ازبر اولوبدور آدی
گورمیبدور هله همتا زهرا
سنده صدقیله دنن یا زهرا

یاز قلم قوه نما زهرانی
مثل و مانند اونا گور هانی
فوق دور مرتبه ایمانی
تاپمش الله تولا زهرا
سنده صدقیله دنن یا زهرا

بسلیوب فاطمه نی خیر ورا
یار دیرینه سلطان ولا
منبع معرفت و حجب و حیا
عصمت الله دی زهرا زهرا
سنده صدقیله دنن یا زهرا

خلقت آفاقینه رخشنده قمر
فرش ده مزرعه دینه ثمر
باغلیبدور بیله همتله کمر
قورخوسیز یل یل هیجا زهرا
سنده صدقیله دنن یا زهرا

ذوالفقار الده علی جولاندا
غیرت الله دی غیرت قاندا
واقعاً دوردی بودا بیر یاندا
اولدی پشتیبان مولا زهرا
سنده صدقیله دنن یا زهرا

شعله شمعه دیدی پروانه
عشقون ایلوبدی منی دیوانه
ایستورم جسمیم اوتوندا یانه
سسلیور هامی منه واویلا
سنده صدقیله دنن یا زهرا

بلبلین میلی قالبدور گلده
گل ده بلبل ده گلوم مشکلده
گل ده بیچاره اولوب بلبل ده
خار اولوبدور گله اما شیدا
سنده صدقیله دنن یا زهرا

یاز "امینی" بو خانم زهرادی
کل دنیایه دَیَر بیر آدی
عالمه ختم نبی مولادی
هی دیرمیش ایله زهرا زهرا
سنده صدقیله دنن یا زهرا

• یکشنبه
• 24
• مرداد
• 1400
• ساعت
• 11:16
• نوشته شده توسط
• یوسف اکبری

آچ گوزون ای گوزومون نوری ننه
بیر نظر قیل پوزولان انجمنه
سن یوماندا گوز اولور محشر عیان
غملر آماجی حسین و حسنه

ای منه روح و روان
خسته رنج زمان
زینبم مهریوی گل
کسمه مندن آنا جان

لاله تک باغرون اولوب قان ننه جان
خسته جان جانوه قربان ننه جان
سنده بازی دور اوتور آغلا منه
آغلیرام من سنه هرآن ننه جان

آغلاسان گوز یاشالار
عقده دل بوشالار
من گمان ایلیورم
اوندا حالون خوشالار

ایلدی ثانی سنی غملره توش
بیر چراغی بابامین اولدی خموش
ایندیدن المه یاراشمازدی سنه
ایله سن الم الوم شربتی نوش

ای منه همراز آنا
عمری گلدن آز آنا
نازیوی من چکرم
ایله سن هر ناز آنا

سن سن الحق باشمین تاجی ننه
درد و غم غصه لر آماجی ننه
خوش گونون چرخینی دوندردی فلک
اولموسان سن اودی محتاجی ننه

یاتما قربان گوزیوه
بذل ایدوم جان گوزیوه
گوز تیکوب دور سبب
کون و امکان گوزیوه

سن افقلاردا مه انوریدون
هم ایکی عالم ایچون سروریدون
واجبیدی سنه حرمت ایده لر
سینه پرورده پیغمبریدون

ای گل یاسمنیم
زیب باغ و چمنیم
نیلرم سنسیز آنا
قالسا بوش انجمنیم

آغلرام من ننه نسگیلریوه
قویمادون شانه ورام تللریوه
نولی بیر کلمه دانشسان منیلن
ماییلیدیم او شیرین دیللریوه

قربلن اولام دیلیوه
دیلده کی نسگیلیوه
دور اوتور شانه وریم
اول پریشان تلیوه

ای مسافر ابدی گتملی سن
شکی یوخ مقصدیوه یتملی سن
گون کیمی زینبه روشندی آییم
جمله الدوز لاری ترک ایتملی سن

آی دوتولموش آی آنا
کسمه مندن پای آنا
سن الیمدن گیدوسن
سسلورم ایوای آنا

ای اولان شافعه روز جزا
ایلدون جانوی دین اوسته فدا
یازدی دیوانین "امینی" اوخوسون
بزم یاسوندا هامی اهل عزا

آغلوری الده قلم
یاشلی گوز دل دولی غم
یاز بقیع دعوتی نی
بلکه بیر وقفه گلم

• یکشنبه
• 24
• مرداد
• 1400
• ساعت
• 11:36
• نوشته شده توسط
• یوسف اکبری

سرمدین نور خداوند جلی فاطمه دور
مظهر حضرت ذات ازلی فاطمه دور
رونق بارگه قدس علی فاطمه دور
جمله مخلوق جهانین سببی فاطمه دور
انبیا خاتمی نین ام ابی فاطمه دور

اوندا که حادثهٔ کون و مکان اولدی شروع
سیر سیاره و هم سیر زمان اولدی شروع
خلقت حور و ملک انسی له جان اولدی شروع
خلقتین گللری نین سرسبدی فاطمه دور
هر نه فانی دی قالان بیر ابدی فاطمه دور

یرلره گوگلره هریانه ورور نور بتول
حضرت داوره بی واسطه منظور بتول
هر یارانمش باشا باشدان ایاقا شور بتول
شوری هر بیر باشا ایجاد ایلین فاطمه دور
آدمی جنته ارشاد ایلین فاطمه دور

ایم اعظم دور آدی باشدام ایاقه حسنات
حقی وار حسنی چوخ افکاری عزیزیم قویا مات
کشتی نوحه وروب سهملی طوفاندا نجات
موج طوفانلاری خاموش تیلین فاطمه دور
هر نیی بیر بیرینه توش ایلین فاطمه دور

گلدی بیر گونده خلیل اللهه یار اولدی خانم
گوردی یوخ چاره سی بیچاریه چار اولدی خانم
جانی نین حفظینه جامامه حصار اولدی خانم
درده نمرودی گرفتار ایلین فاطمه دور
ناری ابراهیمه گلزار ایلین فاطمه دور

بیر زمان یاریدی یاران کلیم اللهیلن
گوردی گتمز یولا حق پیروی هیچ گمرهیلن
ایتدی درگیر رعیت لری ظالم شهیلن
تخت دن ظالم دورانی سالان فاطمه دور
مردی نامردیدن الحاصل آلان فاطمه دور

ببر زمان حضرت پیغمبره ده شر ددیلر
وار الی سحریده اوز قومی مکرر ددیلر
الدی اوغلانلاری ال چالدیلار ابتر ددیلر
گلدی تز سورهٔ کوثر هدفی فاطمه دور
وارلقین قوخما پیمبر صدفی فاطمه دور

قزلارین گتمیشیدی جمله وقاری آرادان
خاری بیر کیمسه چادانمازدی خلاصه یارادان
وردی زهرانی پیمبر ایوینه پای یارادان
غیرت و عفت و عصمت یارادان فاطمه دور
محو ایدن کفر و نفاقی آرادان فاطمه دور

دوقوز ائل بیت پیمبرده خانم اولدی عزیز
جبرئیل اولدی غلامی ، ملک و حور، کنیز
استقامت ده اوجا داغ مثلی صبره دنیز
عمق دریای کرامت ده اوزن فاطمه دور
قهرمانلار صف عشاقه دوزن فاطمه دور

کیمسه هم کفو اولا بولمزدی او ریحانیه تا
آستانینده یاتانلار واریدی صبح و مسا
مرتضی قرعه سینه ایلدی معبودی عطا
حیدری حیدر کرار ایلین فاطمه دور
دینه قوتلی علمدار ایلین فاطمه دور

فاطمه بیر ایتی شمشیری دی حیدر الینه
حیدرین دوشدی او شمشیریله خیبر الینه
ال که دگمشدی اوایل ده پیمبر الینه
اول همان اللره محکم یاپوشان فاطمه دور
ختم پیغمبره صدیقه نشان فاطمه دور

اوندا که اشقی الاشرار جسارت ایلدی
یاردور حیدره اغیار جسارت ایلدی
آه پهلوسینه مسمار جسارت ایلدی
سقط اولان محسنی آلقانی آخان فاطمه دور
آلقانین هم در و دیواره یاخان فاطمه دور

بولمورم بو سوزی کیم سالدی "امینی" دیلینه
مدحی تبدیل ایده زهرا خانمین نسگیلینه
دفتر طبع دن ای کاش بو نیسگیل سیلینه
هر سوزون هم دوزی هم دادی خانم فاطمه دور
درس حریتین استادی خانم فاطمه دور

• یکشنبه
• 24
• مرداد
• 1400
• ساعت
• 17:52
• نوشته شده توسط
• یوسف اکبری

ای چراغ زندگانیم
موقع بحراندا سونمه
اولسا امکانی آماندی
مهلک طوفاندا سونمه
فاطمه جان فاطمه جان
ایلمه سن قلبیمی قان

گوز یاشیم قانه دونوبدی
قان یاغور هر بارشیندن
گچمه امکانی گر اولسا
مرتضانین خواهشیندن
قویما یانسون زینبینی
بو فراقین آتشیندن
بیلمورم هچ نیلیوم من
محنتین افزایشیندن
ای چراغ زندگانیم
موقع بحراندا سونمه

دوقوز ایل عمرون بهاری
سولدی ایام خزاندا
یوخ گلایم چون یازوبدی
متنین آللهون یازاندا
غسلووی ویرم و لیکن
یوخ کمک قبرون قازاندا
خجلتیمدن من دیمم
یا محمد دای اذاندا
ای چراغ زندگانیم
موقع بحراندا سونمه

چون امانت ویرمیشیدی
یادگارین مرتضایه
حالووی مندن سوروشسا
یوخ جوابیم مصطفایه
دودمانیمده دوشوبسن
سن منیم درد و بلایه
گوزلرون یوممادویونجاخ
قوی گلوم آه و نوایه
ای چراغ زندگانیم
موقع بحراندا سونمه

باغبان سیز گورسه باغی
غارت ایلر دست یاغی
قالماز حال اولینده
شاخسارین گل بوداغی
دیللن آهسته سووندور
مرتضانی غملی چاقی
قویماآغلار عم قیزی جان
نعشون اوسته دورداوشاقی
ای چراغ زندگانیم
موقع بحراندا سونمه

سنده گیتسون بیرکسیم یوخ
دار دنیاده غریبم
قارداشیم یوخ قارداشون یوخ
گلسین امداده غریبم
یوخدی یاریم قونشولاردان
من بو اثناده غریبم
جدیوه آغلار گوزیلن
گیت دی عقباده غریبم
ای چراغ زندگانیم
موقع بحراندا سونمه

نار محنتدن دوتوبدی
اود یانور قلبیم حقیقت
رختین امواتین سویالار
طبق قانون شریعت
کوینگون اوستن ویروم من
غسلووی آیا نه علت
ایله فرمایش جهاندا
کیم گوروب بیله وصیت
ای چراغ زندگانیم
موقع بحراندا سونمه

رسمیدور همسر ئولنده
یانه یانه همسر آغلار
چشم گریانیلن آخر
گوزلرین آهسته باغلار
من چکن اندوهی چکسه
سو اولار مجموع داغلار
گورسه یا اینکه شکوفا
دن دوشر اوضامی باغلار
ای چراغ زندگانیم
موقع بحراندا سونمه

• یکشنبه
• 31
• مرداد
• 1400
• ساعت
• 17:43
• نوشته شده توسط
• یوسف اکبری

لوح غمده ائتدیم اوّل
منده ثبت نام عم اوغلی
چوخ غمیله بو آز عمری
ایلدیم تمام عم اوغلی

تاپدی خاتمه حیاتیم
یتدى موقع وفاتیم
دفتر مصیبتیمده
وار بیر اوزگه خاطراتیم

تا قدم عم اوغلی قویدوم
من بوعالم شهوده
عالم شهود گتدی
سرنوشتیمی وجوده
ایلدیم چون استغاثه
ذات خالق ودوده
هر بلاده صبر ویرسون
حىّ لاینام حسم اوغلی

شکر لِلَّه ایتدی خالق
استغاثه می اجابت
منده صبریله دایاندیم
یتدی هر غم و ملالت
گر بو آیریلیق زمانی
ائیلسم سنه حکایت
حالوی پوزار سنون بو
شرح غم مدام عم اوغلی

ایلدی بابام اوگون که
رحلت ای شه زمانه
ائتدیلر منى خدنگِ
ظلمه أمّتی نشانه
گیتمیوب هله قولومدان
جای زخم تازیانه
شرح ائدر او ماجرانی
جسم نیلفام عم اوغلی

تاپشوروب منی گیدنده
أمّته بابام امانت
ایتدیلر او بی وفالر
بو امانته خیانت
دست ظلمی هر طرفدن
آچدی فرقه ى ضلالت
قویمادی منه جهاندا
اوچ گون احترام عم اوغلی

بیعتى الینده عنوان
ایلدی او گونکه ثانی
قصد ایدوب او بی مروّت
یاندورا بو دودمانی
اوچ یوز اشقیا باشندا
ظلمی دولدوروب جهانی
أوستمه توکولدی غملر
صبحیم اولدی شام عم اوغلی

بیر قاپو که اذن آلاردی
ساکنان عرش اعظم
بی اجازه وارد اولسون
قویمادیم شرار عالم
ظلم اودیله وردیلار اود
باب رحمته هماندم
ایش یتشدی بیر مقامه
قطع اولوب کلام عم اوغلی

عرشه فرشدن اوجالدی
ظلم الیله شعله ی نار
ضربله قاپو آچلدی
منده بین درب و دیوار
قالدیم اوندا اوزگه حاله
سینه مه باتاندا مسمار
سقط اولوب بالام یخادیم
دشمن آلدی کام عم اوغلی

دوقوز ایل سنه بو ایوده
ویرمشم اگر چه زحمت
ایندی گل من حلال ایت
ای امام عرش رفعت
ایلرم بوسون نفسده
من سنه نچه وصیت
قالموری او قدری اولسون
زحمتیم تمام عم اوغلی

• یکشنبه
• 31
• مرداد
• 1400
• ساعت
• 18:03
• نوشته شده توسط
• یوسف اکبری

حشریده حشر دگر حضرت زهرا ائدجک
وای او گون بیلمرم حقدن نه تمنا ائدجک

اورگی یاره لی دور بسکی زیاد اوغلوندان
کسدیروب باشینی اول شمره حسینون دالیدان
قانی الله قانیدور فاطمه گئچمز بوندان
درد و عصیانه بو قانیله مداوا ائدجک

آچاجاخ محضر حقده باشینی بنت رسول
بیر کسیلمیش باش الینده بیر الینده ایکی قول
جگری پاره گوزی یاشلی پریشان و ملول
حقه درد دلینی بانوی کبری ائدجک

دوتاجاق قائمه عرشیدن اللهیله
ائدجک راز و نیازین دل آگاهیله
قانلی قونداق علی اصغری مین آهیله
اوخشیوب آغلیاجاخ وای اوغول وای دیجک

دیر هانی او ائدن زینب و کلثومی اسیر
کنده و دغل هانی بیماره ووران بی تقصیر
هانی بس حرمله ی شوم هانی شمر شریر
هانسی جور و ستم و ظلمینی حاشا ائدجک

فاطمه قیزلارینی ائتدیله تقصیر زده
حتک حرمت اولا پرورده ی حی و صمده
قولاری باغلو آچوخ باشلاری عریان دوده
کیم خدایا بو قدر ظلمه توانا ائدجک

بیر باشی که ائده معبودینه پیوسته سجود
او باشا ویرماق اولور ظلم عنادیله عمود
کی قولی سرو تک عباسون اولیدی موجود
دیمک اولمازدی بو ظلمینی او اعدا ائدجک

سویله دروازه ساعت ویر ایکی الی باشا
باسدیلار فاحشه لر نیزده بیر باشی داشا
بو فصاحتده کسوک باشی گوروب کیم دانیشا
هاردا منزل بو گئجه هاردا بو ماوا ائدجک

دوتاروخ وئرسه تسلی حق اوزی زهرایه
کیم وئرر اوندا تسلی حق بی همتایه
شاه دین قانیدو پیغمبر ایچون سرمایه
دمبدم قان حسین جوش چو دریا ائدجک

صدقیله دامن شاه شهدا دن یاپوشان
آلاجاخ روز جزا نار جهنمدن امان
دوراجاخ پل صراط اوسته بو "بیضا " او زمان
کرم شاه ولایت ید بیضا ائدجک

• دوشنبه
• 1
• شهریور
• 1400
• ساعت
• 13:26
• نوشته شده توسط
• یوسف اکبری

الیمده خامهء محنت اثر، گوزوم پُر آب
اسیر ایدوب منی، وار یازماقا قلمده شتاب

ندور غرض هله تصمیم یوخدی منده، ولی
اورکده لرزشِ محسوس واردی چون سیماب

علی آدیله گرک باشلیام بو مطلبی من
دَگل نه چونکه علی خاطراتی جز اعجاب

یازولّا غزوهء صفّین دَه علی بیر گون
تمام لشگرینی جمع ایدوب ایدوبدی خطاب

بو نیّتیله گیده غم غباری یوزلردن
بویوردی جملهء افرادی ایلسونله خضاب

قیافه لر اولا شاداب، چهره لر خندان
اطاعت ایلدی امرِ امامیدن اصحاب

فریضه بولدوله مولانین امرینی افراد
اولا مقابلِ دشمنده چهره لر شاداب

هامی خضاب ایلدی اوز محاسنین، اولسون
اطاعت امرِ شهِ دینه یا اولوالاَلباب

باخوب گوروبله امام ایتمیوب خضاب امّا
همان او حالیله وار شهریارِ عرش قباب

همان قیافهء سابقدی چهرهء محزون
دوشوبله حیرته بو ماجراده شیخیله شاب

تعجّب ایتدیله عکسِ قضیّه دَن اصحاب
سوروشدولار ندی عنوانِ ترکِ استحباب

نیه سوروشدولا من بولمورم، بولوردی اولار
امامه ظاهریدی عالَمِ ظهور و غیاب

تمام ایشلری حجّتدی حجّةُ اللّهون
بولوردولر ندی مطلب زِ راهِ استصحاب

سؤال ایدنلره تا مطلبی ایده روشن
کمالِ حزنیله اول شهریار ویردی جواب

بویوردی سیز منیله ایتمیون قیاس اوزوزی
مقامِ عیش منه قویمیوب جهانِ خراب

ئولنده فاطمه مندن گیدوبدی ذُوق و صفا
شرارِ هجری یانان قلبیمی ایدوبدی کباب

قالوبدی غصّه و غم اِرث مرگِ زَهرادن
او گیتدی، مندن ایدوب قطعِ رابطه اَحباب

نه بیر گلوب گیدن اولدی نه حالیمی سوروشان
اولوبدی لیلهء یلدا منه شبِ مهتاب

تاپاندا گوشهء خلوت اوزوم تک و تنها
آخار عذاره گوزوم یاشی دیده دَن چو سحاب

منه نه فایده عیش و صفای عالمدن
بتولین آیریلیقی ایلیوب بیله ایجاب

نه گلشن و گُله نه گلستانه وار نظریم
صفالی گللّریمون گوز یاشی آخار چو گلاب

باخاندا زینب و کلثومه آغلارام یانّام
ملال و غصّه مه عالمده یوخدی حَدّ و حساب

حسینیله حسنین گل یوزی سولوب سارالیب
غبارِ غم اولاریندا چکوب یوزونده نقاب

منیمده ظاهراً عمریم گونی غروب ایلدی
او گونکه بستری زَهرانین اولدی تیره تُراب

او عصمتین گونونون پرتوِ جمالیندن
ایشقلاناردی نمازه دوران زمان مِحراب

آلاندا دشمن اَلیندن منی، اولوب مَجروح
اولار شهادتِ زَهرایه اولدی فتح الباب

ایله سولوب سارالیب آفتِ خزانیله
یوزینده قالمیب آثارِ عنفوانِ شباب

لطیف قلبینی قان ایلمیشدی غصّه و غم
یاناردی، عارضه گوزدن توکردی گُوهرِ ناب

ایله یورولدی ایله تنگه گلدی دنیاده
گونوز نه راحت اولاردی ایدردی نه گجه خواب

فریضه دَن صورا هر گون دییردی حسرتیله
وفاتیمی یاخین اِیت یا مُسبّبُ الاَسباب

بتولین اولدی دعاسی اِجابته مَقرون
او وقت اولوب که اولا قطع گوزده کی سیلاب

ولایت اوسته مریض اولدی گیتدی دنیادن
منه او بابِ مصیبتدن آچدی مین ابواب

طنین اولاندا خَلّوا خطابی مسجددَه
او باعث اولدی قولوم دان آچیلدی بند و طناب

منی قلجلارین آلتیندان ایلدی آزاد
کمالِ همّتیله یادگارِ ختمِ مآب

منیمده اولدی او گوندن گونوم قرا گجه تک
او ماهِ عصمته چکدی تُرابِ تیره حجاب

گر اولمییدی که دین اقتضا ایدر، حاشا
قبولِ امر ایلیدیم، دِگل بیر امرِ صواب

نه بو خلافته من راضیم نه دنیایه
جهان و اهلِ جهان روحی مه ویرولّه عذاب

علی حکومتی امنیّت و عدالتِ اولار
نه جور و ظلم و خشونت نه وحشت و ارعاب

عراق سهلیدی دنیانین حکومتین ویره لر
قبول ایلمَرَم، اولمارام بو امره مُجاب

اولار معاویه نین شأنی نه برازنده
اونون گوزونده مساوی اولار گناه و ثواب

او آنلاماز که حقیقت ندور، مجاز ندور
اونا تفاوتی یوخ اولسا آب یا که سراب

حکومتیمده منیم اولسا بیر نفر مظلوم
جزا گونونده یوخوم دور او ظلمه طاقت و تاب

اگر اولا بیرینون حقّی پایمال، منیم
حکومتیمده، قالار روزِ محشره بو عقاب

محالی دور اولا بیر مور مندَن آزرده
ولو یازا منه دنیا حکومتین کُتّاب

گرک او گونده اولام من جوابگو ناچار
او گون جزا گونودی اوندا قطع اولار اَنساب

قیامتین عطشین گورمسن یقین #خوندل‌
علی گر ایتسه سنی جامِ عشقیدن سیراب

سنونده نور اولاجاخ پیشِ پایوه عملون
طلوع ایدنده رخِ آفتابِ عالمتاب

عمللّرون اگر اخلاصیله اولا، قهراً
گذشت ایدر گنهون اولسا خالقِ وهّاب

نه شاعرم که ایدم تکیه یازدیقیم شعره
نه #صافیم نه #حسینی نه ده #یتیم نه #شهاب

اگر بو درگهه بیر ریزه خوار اولار، او منم
منیم الیمده نه دیوانِ شعر وار نه کتاب

• سه شنبه
• 30
• شهریور
• 1400
• ساعت
• 20:27
• نوشته شده توسط
• یوسف اکبری