اشعار ترکی امام حسین (ع)

اورگیم دردی هویدا
سائل کوی تجلا
چکوری شعله اورکده
شرر طواف کرببلا

نه عجب شوریله غوغا
ایدوری بو دل شیدا
وار اورکده بو تمنا
عطش طواف کرببلا

ال آتام وادی رحمته
قوشولام بحر کرامته
یتیشم اوج سعادته
اوجالا باشیم بو عالم آرا
((شرر طواف کرببلا))

اورک دردینه اولی درمان
تاپار غملی دیل سر و سامان
دورام بیرجه بین الحرمده
یتر باشه آیرلیق هجران

گورونوب سنده نه حکمت
کربلا ای بر رحمت
سنده وار گوهر خلقت
دیده جهانه جلو لنور

تربتون دردیمه درمان
ماسوا شانیوه حیران
ای اولان عزتی شایان
نیسگیلون اورکده تازه لنور

گوزوموز شاه کرمده دی
جان و دل بین الحرمده دی
حرم صاحب علم ده دی
دیده لر عذاره اشکین الور
((نیسگیلون اورکده تازه لنور))

گلور دیل تلاطمه ناگاه
اولور بند ناله جانکاه
واریم خوف عمر اولا کوتاه
اولم دیلده حسرت و مین آه

• چهارشنبه
• 22
• بهمن
• 1399
• ساعت
• 19:52
• نوشته شده توسط
• یوسف اکبری

کربلازائری ام عشقی طواف ایلمیشم
آقامون قبرین اوپوپ سینه می صاف ایلمیشم

چکمیشم باشیمه مستانه حسین زمزمینی
قلبمین باشینی من قله ی قاف ایلمیشم

سالموشام شال عزاباشیمه احرام ائلیم
دفتریمده یازیلان اجری مضاف ایلمیشم

باشیمه چکدی الین مهریله عباس علی
گرچه بیرعمریدی عالمده خلاف ایلمیشم

شر اشرار سالیب باشیمه افکار
نبرد
یوخدی دستورهله تیغی غلاف ایلمیشم

لشکرین دشمن ایدیرقلبیمه قهریله گسیل
نفسیلن راه شریعتده مصاف ایمیشم

گزیرم یوسف زهرا دولانان بازاری
مال و اموالیمی بو یولدا کلاف ایلمیشم

• شنبه
• 17
• تیر
• 1402
• ساعت
• 17:49
• نوشته شده توسط
• یوسف اکبری

سوزوم یا حسین
گوزوم یا حسین
فدا آدیوه
ئوزوم یا حسین

سنون عقیدن ملاکیمیزدی
شرفلی آدون پلاکیمیزدی

حسین جانم سریر عشقی سن
حسین جانم امیر عشقی سن

آقام یا حسین
سلام یا حسین
اولوب ذکریمیز
مدام یا حسین

قرا علم‌لر نشانیمیزدی
بو بزم یاسون جنانیمیزدی

حسین جانم سریر عشقی سن
حسین جانم امیر عشقی سن

گویون ماهی سن
اورک آهی سن
هامی سائلون
شَهَنشاهی سن

منای عشقین فداسی سن سن
ایکی جهانین آقاسی سن سن

حسین جانم سریر عشقی سن
حسین جانم امیر عشقی سن

بهاریم حسین
نگاریم حسین
اولوب دائماً
شعاریم حسین

سن اولدون حقه شرفلی قربان
سنه فدا آیه های قرآن

• چهارشنبه
• 22
• بهمن
• 1399
• ساعت
• 20:07
• نوشته شده توسط
• یوسف اکبری

غارته اَل تاپدی عدو حسینیم حسینیم
تشنه‌لره اولمادی سو حسینیم حسینیم

آتلو پیاده دولوشوب خیامه خیامه
وئردیله ظلم‌ و ‌ستمه ادامه ادامه
زینبووم گلدیم اَخٰی سلامه سلامه
سسلنیرم یاحق و هو حسینیم‌حسینیم

سؤیدولا اهل حرمی برادر برادر
زینبون آرتیب‌دی غمی برادر برادر
محو اولا اهل ستمی برادر برادر
داش‌تُوخانیب سیندی‌سبو حسینیم‌حسینیم

باخمادیلارگؤزیاشیماحسینیم‌حسینیم
قمچی‌ویریبلارباشیما حسینیم‌حسینیم
آغلییورام قارداشیما حسینیم حسینیم
گَل‌گؤزومون‌یاشینی‌ یو ‌حسینیم‌حسینیم

غارت اولوب زیوریمیزتالاندی‌تالاندی
اُؤددا یانان معجریمیز تالاندی تالاندی
جاه و جلال و زریمیز تالاندی تالاندی
غارته اَعدا سَبَقوا حسینیم حسینیم

خیمه‌لری چاپدی قشون آپاردی آپاردی
مشکی‌لرین تاپدی بُوشون آپاردی آپاردی
بؤش بئشگی آلدی قشون ‌آپاردی آپاردی
ظلم و ستم ائتدی عدو حسینیم حسینیم

• چهارشنبه
• 22
• بهمن
• 1399
• ساعت
• 20:16
• نوشته شده توسط
• یوسف اکبری

سینمده یازمیشام نام حسینی
جنانه وئرمرم دام حسینی

امیدیم واردی سینه داغیلان ال
آلا محشرده انعام حسینی

حسینون عاشقی گر بی ریادی
چکیبدی باشینه جام حسینی

تعجب ایلمه تایید ائدلر
تمام پخته لر خام حسینی

گئدنده شوقیلن کربوبلایه
زیارت ایله خدام حسینی

گرایستیرسن آدین عاشق یازیلیسن
تقبل ایله اسلام حسینی

قرانلیخ قبریده دلداده شیعه
بلی احساس ائدر گام حسینی

• شنبه
• 17
• تیر
• 1402
• ساعت
• 18:03
• نوشته شده توسط
• یوسف اکبری

سالمـوشام قیزلاریوی نظم و نظامه گئدورم
دور حسین زینبیوی سال یولا شامه گئدورم

من اَزلدن سنـه الدوم اله پروانه حسین
سنون عشقون منی چکدی بو بیابانه حسین
آپارور باشیوون عشقی منی هر یانه حسین
میهمانم بولوسن قوم ظلامه ؛ گئدورم

باغلانوب قول قولا قیزلار دیلی بریان یارالی
زینبون آیریلـور الان گـوزی گریان یارالی
گوروم قوملارین اوسته سنی عریان یارلی
دشمنون چاتدی حسین گور نجه کامه ؛ گئدورم

یدی قارداشیله گلدیم بورا من عذتیله
نجه عزت نجه شوکت نجه حیثییتیله
کربلادن گئدورم ایندی غم و محنتیله
نظرون‌کسمه حسین مجلسه عامه‌گئدورم

سینـووی توش اِلـدی حرمله اوچ شعبه اوخا
بیر یاریم گونده واریم بیر دفعه لیخ چیخدی یوخا
کربـلایه بو گلیـش زینبیوه باخدی چوخا
دئمه چاتدی محنیم بوردا تمامه ؛ گئدورم

منی دور سال یولا زهـرا بالاسی محتـاجیوام
حج عشقونده بولـورسن نه وفالی حاجیوام
یدی قارداشیم ئولوب بی کس و یالقیز باجیوام
گیموشم سندن اوتور بیر قره جامه ؛ گئدورم

گـوزون آچ زینبه باخ ای شهِ فرخنده جلال
بورویـوبدور بو یانان سینمی غـم غصه ملال
دور یامان گوندی حسین زینبیوی ایله حلال
بئله فکر ایلیورم قوش کیمی دامه گئدورم

آندولا قانیـوه ای سید شایسته مرام
وئرموشم قولی سنه قوخما سوزوم اوسته وارام
دشمنین دود و دومانین تکیمه من یخارام
دشمنی یخماقا خاطردی کی شامه گئدورم

سن خبر وئردون حسین بیله اسیر اولماقیمی
یولدا غم غصـه الینن بئله پیر اولماقیمی
نیه بولمور بو قوشون حیدره شیر اولماقیمی
گئدمرم شامه ولی امره امامه گئدورم

سینوه اوخ وئرانین سینه سینی هی سیخارام
سنه کیم خارجی آد قویدی اووین من یخارام
شامی تسخیـر الینن صـورا اوردان چیخارام
شامی سالماخدان اوتور نظم و نظامه گئدورم

عمـر اگر اولسا حسیـن کربوبلایه قییدم
بیر دویونجـا سنه لایلای اوخـویوب ناله ائدم
ایستییم تک بودو کی دیلده کی مقصوده یئتم
شامیده آلماقا بیر یاخشی مرامه ؛گئدورم

• چهارشنبه
• 22
• بهمن
• 1399
• ساعت
• 20:17
• نوشته شده توسط
• یوسف اکبری

گلمیشوخ دل غمین روضه رضوانه بیز
آغلاروخ روز وشب شاه شهیدانه بیز

مکتب عشقیده ،خدمته آمادیه ییخ
لطف اربابیله ، دهریده آزادیه ییخ

صبح جمعه هامی یولارا غمگین باخار
صورت عاشقه شبنم ماتم آخار

ای شه عاشقان
گل باغ جنان

العجل العجل
ظلم اولوبدورعیان

بوگوزل آدیوی

سسلیر شیعیان

• شنبه
• 17
• تیر
• 1402
• ساعت
• 18:14
• نوشته شده توسط
• یوسف اکبری

گلموشم کرببلایه من شهادت عشقینه
جان وئرم دریاده لب تشنه ولایت عشقینه
کوفه و شامی گزه قیزلار اسارت عشقینه
چون گرک بو چولده قانیمله آلام من دستماز
سجده گاهیمدن آخا قانیم ائدم راز و نیاز

کربلا روز ازلدن قصد قربتدور منه
شوق وصل یاره چاتماخ اوج لذتدور منه
بهترین راه سعادت بو شهادتدور منه
گوزلورم باشیم چیخا عرشه او نوک نیزه ده
تا مقرّبتر اولام سرنیزه اوسته ایزده

سیز منی یاخشی تانیرسیز میوه ی پیغمبرم
من حسینم گوهر بحر بتول اطهرم
شیر یزدان اوغلویام من نور عین حیدرم
ایلَسم آنی اشاره من بإذن کردگار
ایلویر گویدن ملکلر لشگریزی تار و مار

ایستسم بیر لمحه ده بو دشتی القان ایلرم
بو آخان نهر فراتی قانه الوان ایلرم
کوفه نی تپراقیلن بیرآنی یکسان ایلرم
مرتضی اوغلی جگرخوار اوغلونا رهبر دئمز
اللری گیتسه بلکدن ظلمه بیعت ائلمز

گیزلنوب سعداوغلی هاردا؟ ایستسم هر آن اگر
اوت توکوب گویدن٬ سیزی یاندیرّام ای بی دینلر
من کیمم؟ سعداوغلی کیمدی؟ کافر او من دادگر
نه آتاسی نه آناسی واردی نه شخصیتی
کیم سیزه ایلوب امیر لشکر او بی غیرتی

کیم یزیدی ایلیوب دینه امیرالمومنین
کیم اونی رهبر بوله اوندان شرفسیزدی یقین
تا قیامت دینه حیدردی امیرالمومنین
قویمارام کامه یتورسین من خطاکار اوغلونی
تختیدن ساللام بو قانیمله جگرخوار اوغلونی

• جمعه
• 24
• بهمن
• 1399
• ساعت
• 17:54
• نوشته شده توسط
• یوسف اکبری

آلدی آغوشه حسینون پاره پاره نعشینی
بندبندیندن آیرمیش گوردی یاره نعشینی
قویدی آهسته او ششگوشه مزاره نعشینی
عرش اعلادن اودور کرببلا اعلا اولوب

مین اچوز ایلدور اولوبدور ملجأ اهل ولا
بیر حسینون آدی بیر دشت شریف کربلا
نه صفالی یردی جانیم او یره قربان اولا
قبله گاه ساکنان قبّهٔ خضرا اولوب

اکبرین یردن گوتوردی چاک چاک اعضاسینی
ایتدی پایین پایه زینت پیکر زیباسینی
صورته سالدی ایکی جان بیر بدن معناسینی
حشره تک اسباب حیرت خلقه بو معنا اولوب

تاجدار ملک دین یردن گوتوردی اصغری
اوخ بیچن حلقین گوروب اشکیله دولدی گوزلری
گوهر شایانه چون شهلر اولار مشتری
اوخلانان شهزادیه شه سینه سی مأوا اولوب

بارماقیله قبری اوسته یازدی بیذ خط جلی
هر گورن بولسون بودور قبر حسین بن علی
اؤلدوروبلر سو کنارینده بو مظلومی ولی
هم «فقیره هم شهه بو نسگیلی دنیا اولوب

• جمعه
• 24
• بهمن
• 1399
• ساعت
• 19:57
• نوشته شده توسط
• یوسف اکبری

جهاندا کیم اولوب عاشق حسینه کامیاب اولدی
مکرر یا حسینیلن، دعاسی مستجاب اولدی

شجاعت جامه سین گیدی، قوشولدی لشکر عشقه
تنور عشقیده یاندی، بویولدا چون کباب اولدی

سلاطین جفا کاره ، جهاندا اگمدی باشین
اگرچه جامعه ایچره ، آدی مجنون خطاب اولدی

اورک یاندیردی معشوقه ، عذاره توکدی گوز یاشین
گهی سیندیردی اوزباشین، قانا زلفی خضاب اولدی

دولاندی دشت وصحرانی ، چاتا مقصودینه آخر
سوالین رهگذرلردن ،سوروشدی بی جواب اولدی

مهیا اولدی پیکاره ،مردد اولمادی بیردم
گجه گوندوز دلیرانه ، یل پا در رکاب اولدی

جنانه وئرمدی عشقین ، درکده ناری سوندوردی
صراطین کورپوسوندن اول،کچنده بی حساب اولدی

• شنبه
• 17
• تیر
• 1402
• ساعت
• 18:20
• نوشته شده توسط
• یوسف اکبری

خدایا دشمن ایندی یتدی کامه
یتوردوم عهدمی منده تمامه

گچوب من باش و جاننان اکبریمدن
همی عباس و عون و جعفریمدن

خدایا وئرموشم من بود و هستیم
یتوردوم باشه من عهد الستیم

نه قارداش قالدی نه یار و نه یاور
نه گون گوردی نه دل آچموشدی اصغر

سنین فرمانیوه من تابع اولدوم
سوزمده تا دم گودال ، دوردوم

بو عهده باغلادیم بِل، قیلدوم همت
منده بِل باغلویوب محشرده امّت

الهی راضیم بو شور و شینه
باغیشلا امتی یارب حسینه

حسین عهد ایلدی قالوبلاده
شهید اولسون لب عطشان کربلاده

منی گوزلور چوخی محشرده، یاریم
خصوصاً شیعیان اشکباریم

باغیشلا امتی مولایه خاطر
دلیلِ خلقتین،، زهرایه خاطر

نی شاعرم و چاکر دربار حسینم
خاک قدم تک تک زوّار حسینم

با اینهمه عصیان و خطا، روی سیاهم
یارب چکنم باز گرفتار حسینم

• شنبه
• 25
• بهمن
• 1399
• ساعت
• 22:08
• نوشته شده توسط
• یوسف اکبری

یلورم بیگانه دن ،مِنّتله آلموش گوهری
ویرمرم دنیایه بو گوزدن آخان اشک تری

خرقه پوشم باشیمی ، سلطانه جوره اگمرم
گر جدا اتسه اونی، بویولدا دشمن خنجری

صدقیلن شاه شرفدن ، تاج عزت آلموشام
گوزیاشیملان تیکمیشم ،عمرومده بوتاج سری

کول اولام پروانه تک، شمعین شراریدن اگر
قویماز اربابیم یانا ، سوگینده گریان گوزلری

چوخلاری دشت وبیابانی، گزیر گوهرتاپا
من ولی سینمده گوردوم، ناب وذرّین گوهری

گزمیشم بازار عشقی، قلبی خسته کوبه کو
گورموشم ویرانه ده، قلبی پریشان دختری

• شنبه
• 17
• تیر
• 1402
• ساعت
• 18:25
• نوشته شده توسط
• یوسف اکبری

خوشدور گلاخ باهم بابا بیر شور شینه آغلویاخ
کرببلاده جان وئرن تشنه حسینه آغلویاخ
اول نور چشم خسرو بدر و حُنینه آغلویاخ
اولموش گوزومده جلوه گر صدپاره بیر پیکر بابا

از بس یارا ویرموش عدو گول جسمی بندبند اولوب
جسمینده اوخلار اوخلارا سنبل کیمی پیوند اولوب
پیغمبری مهموم ایدن فخر ایلیوب خرسند اولوب
برگ خزان تک سربسر جانیم منیم تیترر بابا

یاورلریندن اول شهین یکسر اوزولموشدی الی
سوز عطشدن آه دل، اولموشدی بیر اود مشعلی
سسلردی جان اوسته گَل ای شاهنشه مردان علی
اوغلون لب عطشان جان وئرور ای شافع محشر بابا

حمله ور اولدی قوشون صف صف کنار مقتله
خنجر و تیر و کمان و نیزه آلمیشلار اله
عاشق ایستیر درک ائده او صحنه نی جداً بوله
بیرنفر یوخدور دئسون مظلوم امامی ویرمیون
آغلوری مقتلده زهرا قابینی سیندیرمیون

• شنبه
• 25
• بهمن
• 1399
• ساعت
• 22:15
• نوشته شده توسط
• یوسف اکبری

سپهره عشقیده یانان یتمیش ایکی ستاره وار
هم عون و جعفر و حبیب هم یل شیرخواره وار

ماه منیر هاشمی نور ویرر تک تکینه
لطفی همیشه مستدام عاشق رهگذاره وار

عین حقیقتدی بولار دفتره جاری ائلیرم
مستمع اولسا هوشیارسوزومده مین اشاره وار

مشعل جاوادنه دی هربیری آسمانیده
چونکه عنایت خدا عاشق جانثاره وار

شکوه سی یوخدی بلبلون غنچه وبوستانیدن
گلایه سی فقط اونون گل اوسته نوک خاره وار

دقتیلن باخسان اگر کربوبلایه ای بشر
طفلیده یوخدی واهمه قاباخدامین سواره وار

یتمیش ایکی ستاره نین یانیندا بیر خیرداجا قیز
دیلینده لحظه لحظه ده صحبت گوشواره وار

گوز یاشی خونابه دونوب, اورکده حسرت بجریر
حزنیلی قلبینده اونون , سایه ی زخم ویاره وار

• شنبه
• 17
• تیر
• 1402
• ساعت
• 18:30
• نوشته شده توسط
• یوسف اکبری

دولدوروبدی جسم پاکین اوخ قلیچ آغاش یاراسی
آنّینی ایدوبدی مجروح، اوخ یاراسی داش یاراسی
قلبی اوخلانوب سالوبدور، ضعفِ حاله باش یاراسی
العطش دئیور سیزیلدیر باش یارالی اَل یارالی

آه او وقتیدن که زینب تاپدی پیکرون حسینون
ایستی قوملار اوسته گوردی جسم بی سرین حسینون
خشک اولان دوداقلاریله اؤپدی حنجرین حسینون
سوئلدی منی تاپایدی ایندی کاش اجل، یارالی

زینبون سنی بو نوعی گورمویوب اؤلیدی ایکاش
قطعه قطعه جسم پاکین گورمئیدی بیله قارداش
یوخدی صاف یرین بدنده، جسمیده نه اَل نه وار باش
اؤپمَقه بلالی زینب یوخدی بیر محل یارالی

مقتله گلوردی اعدا سرعتیله دسته دسته
داش گلوردی داشین اوسته، اوخ یاغوردی اوخلار اوسته
بندبند استخوانی اولدی ضربیدن شکسته
حالینه یانوب عباده قطعه قطعه اکبر آغلار

• شنبه
• 25
• بهمن
• 1399
• ساعت
• 22:16
• نوشته شده توسط
• یوسف اکبری

بعضی دوتوب عباسین بعضی سی دامنیندن
بعضی اؤپور الیندن ایلور فغان و شیون
بیر قیز دئور نه تز سن دویدون بو چولده مندن
قان آغلادور یول اوسته بیر مه لقا حسینون

چون دایره احاطه ایلوبدی شهریاری
اوضاع حشره بنزور کرب وبلا دیاری
باشه سالوب حسینون شوق وصال یاری
اوزگه هوایه سالموش چون بو هوا حسینون

هل مِن مبارز اهل کوفه ندا ایدوللر
قاتللری قِتاله شاهی صدا ایدوللر
بیر یاندا اهل بیتی داد و نوا ایدوللر
اولموش نجه بلایه گور مبتلا حسینون

بیرنوعیله حرملر آلموش آرایه شاهی
گویا نجوم احاطه ایلوبدی قرص ماهی
شه دوره سینده آغلور اطفال بی پناهی
حالین پوزوب بو حالت بی منتها حسینون

شه آتلانور ولکن یوخدور دوتان رکابین
بو غم پوزوبدی حالین لیلایله ربابین
هل مِن معین دیَنده اوخلار وئرور جوابین
قالموش وحید سسلور وا وحدتا حسینون

بو حال و غمه اهل معنا یانور
اورک داغلوری پیر و برنا یانور

قسم حقّه آخر وداع شهه
بقیعده هله قلب زهرا یانور

• شنبه
• 25
• بهمن
• 1399
• ساعت
• 22:26
• نوشته شده توسط
• یوسف اکبری

طریق عشقی عالمده ،سراسر پیچ وخم گوردوم
شروط عشقیده اول، قبول رنج وغم گوردوم

اگرچه عاشقِ صادق ،یانار نارِ شماتتده
دیارعشقیده اما ،اونی چوخ محترم گوردوم

مصمم ذوق وشوقیلن، دولاندیم کوچه بازاری
ولی بو جهدوایثاری ، حصول عشقه کم گوردوم

دئدیم ای خالق منان ،ندور علت مشقتدن
دئدی باخ قانلی میدانه، قانی وحشتلی یَم گوردوم

آلیشدیم نار محنتدن، گوزمنن آخدی اشک غم
گوز آچدیم موج وحشتده ، کسیک الده عَلم گوردوم

بیری گهواره سین ائتمیش، جهاد عشقیده سنگر
بیرعورت تَلّین اوستونده ،حیالی قّدی خم گوردوم

دئدیم خالق پشیمانم ، چتیندی نوش پیمانه
منی سسلیردی دیداره، بو دَم شاهِ کرم گوردوم

• شنبه
• 17
• تیر
• 1402
• ساعت
• 18:51
• نوشته شده توسط
• یوسف اکبری

میداندا بئله طبل بشارت که چالولّار
گیچمز اوقدر وار یوخوموز الدن آلولّار
آتلار دوشونهدعترت اطهاری سالولّار
شه قتله یتوب نوبت غارتدور ای عمه

حق حجتینی خارجی کفر اهلی بولولّر
قان آغلوری یر گوی ولی اشرار گولولّر
تاراج خیالیله، خیام اوسته گلولّر
بو کوفه لی لرده نه شقاوتدور ای عمه

گون تک شه دین باشی ایدر نی ده تجلّی
لبیک سسی لیک ویرور قلبه تسلّی
محصور ایدوب اشرار عرب که او محلی
قربانگه سلطان ولایتدور ای عمه

از بس ویرولوب پیکر مجروحینه یاره
اولدوز کیمی گلمز بابامین زخمی شماره
یوخ کیمسه دِیَن ویرمیون ای قوم دوباره
دورت مین یارا بیر جسمه کفایتدور ای عمه

ناحق یره شام اهلی توکوب خون خدانی
باخموب بو قانون حشره کیمی وار جریانی!
الله آلاجاخ حشرده واللهی بو قانی
قان صاحبی چوخ صاحب قدرتدی ای عمه

دشمن ندن ال چکموری سینمیش قفسیندن
شرم ایلموری روز جزا، داد رسیندن
بو دشت بلا فاطمه نین ناله سسیندن
چونکی بدنی زخم جراحتدی ای عمه

بی بی جان اولمادی مأمن بیزه بو دشت بلا
آل طاهانی سالوب چوللره تقدیر قضا
خوش قوناق ساخلادون آی کان بلا،کرببلا
علوی قیزلارونی قویموسان حیران بوگجه

بو بلا دشتی عجب اولمادی محشر بی بی جان
ندن آفاقی بو گون پوزمادی داور بی بی جان
آلتی ایلیق بوغازین نیلدی اوچ پر بی بی جان
آتا گوردی بالانی قانیله غلطان بو گجه

• شنبه
• 25
• بهمن
• 1399
• ساعت
• 23:04
• نوشته شده توسط
• یوسف اکبری

تاحسین گوداله دوشدی--سوز غم آفاقه دوشدی
سس گلوب عرش خدادن--سویگلوم تپراقه دوشدی
خالق یکتا دیدی،،ایوای حسین ایوای

جان وئرور زهرا مارالی--تشنه لب،عریان یارالی
سانجیلوب اوخلار اوخ اوسته--گویده اولدوزلار مثالی
آدم و حوا دیدی،،ایوای حسین ایوای

قوی دئوم زینب دیلیندن--گلمه دی چاره الیندن
سسلدی مظلوم حسینیم--دوشدون آیری اوز ائلیندن
زینب کبریٰ دیدی،، ایوای حسین ایوای

داش یاغیر الله داش اوسته--پیکرِ شاه السته
گَل نه گور عالمدی زهرا--کشمکش وار بیر باش اوسته
داشلادی اعدا دیدی،، ایوای حسین ایوای

گول آچوب سیننده اوخلار--لخته قاندی گول دوداقلار
بوسه گاه مرتضانی--ظلمیله آتلار ایاقلار
مریم و سارا دیدی،، ایوای حسین ایوای

گلدی دشمن دسته دسته--سنده خسته منده خسته
زینبی غملر قوجاتدی--آت چاپوللار سینن اوسته
آغلادی لیلا دیدی،،ایوای حسین ایوای

قورخلی طوفان اسیردی--زینبون صبرین کسیردی
گوردی زینب او زماندا--بارماقین بجدل کسیردی
حضرت زهرا دیدی،،ایوای حسین ایوای

• دوشنبه
• 27
• بهمن
• 1399
• ساعت
• 19:09
• نوشته شده توسط
• یوسف اکبری

اولمادی گلسین بیری مظلوم امامین دادینه
عصر عاشورا گینه دوشدی «فقیرین» یادینه

اوندا کی قالموشدی عریان یرده صدپاره بدن
نیزه و خنجر ویرردی جسم شاهه هر گلن
سن نه حاله قالدون اوندا ای عزیز پنج تن
زینبون چکدی او چولده یدّی قارداش داغینی
اؤلدی ساعت، کسنده ساربان بارماغینی

آه او ساعتدن او چولده شعله چکدی خیمه لر
آشکار اولدی یکایک کینه ی دیرینه لر
آتش اخیامیدن یاندی مشدّد، سینه لر
گه ویروب اطفالی، گاهی خیمگاهی سویدولار
گاهی آت اویناتدولار، گه تازیانه ویردولار

آغلادی اطفال شاهین حالینه بیگانه لر
مست اولوب اما بو جور و ظلمدن دیوانه لر
بیربه بیر خاکستر اولدی فاطمی کاشانه لر
شرمیدن باتدی او آخشام گویلرون اولدوزلاری
نصف شب قالموشدی آواره حسینون قیزلاری

تار مار ایتدی شهیدان نعشینی سُمّ سمند
قاسمین جسمی آیرلاندی بدنن بندبند
ال باشیندا زینب کبریٰ چکوب آه بلند
ایلدی نفرین اورکدن او داغیلمیش کوفه نی
ناطق قرآنی اؤلدوردی، سوسوز دین دشمنی

بولمورم یارب نیه دوشدی بو سوزلر یادیمه
نصف شب روح القدوس گلدی گینه امدادیمه؟
یا چاتوب آه سحر، بو موقعده فریادیمه
گر «فقیره» بیرده قسمت اولسا خاک کربلا
تلّ زینبده یاز شعر شجاعت مطلقا

• دوشنبه
• 27
• بهمن
• 1399
• ساعت
• 19:21
• نوشته شده توسط
• یوسف اکبری

ای شیعه لره رمز هدایت قره پرچم
وی محفل ثاراللهه زینت قره پرچم
بو قاره علم شیعیه سرمایه دی والله
عشّاقه وئروب درس صداقت قره پرچم

بو قاره علم منجی احباب حسیندی
عاشقلری سرمست میِ ناب حسیندی
کیم قاره گیوب وصلیده، بی تابِ حسیندی
عشقیله ائدیر عشقیده بی تابی حسینه
صدقیله دئسون دردینی اربابی حسینه

هر یاندا اولا قاره علم بزم صفادی
دوز نیّتیلن گلسون اگر باب نجادی
آنداولسون حسبنه او پُل کرببلادی
کیم گلسه صداقتله اگر بزم عزایه
زینب اولاری دعوت ایئلر کرببلایه

بو قاره علم زینت دربار حسیندی
هریرده اولا عاشقی، زوّار حسیندی
سینه ویران عاشقلری غمخوار حسیندی
کیم ساخلاسا هر یرده اگر بزم حسینی
گویا دولانور معنی ده بین الحرمینی

بو قاره علم عشقینه سردار اولوب عباس
معراجه گئدن شاهه علمدار اولوب عباس
دریانی آلوب، تشنه ی دلدار اولوب عباس
جان نقدی قویوب عرشه ویروب پرچم دینی
بو قاره علملن اوجادوب دین مبینی

زینب بو قرا پرچمیلن شامی آلوبدی
بوپرچمی دروازه ی ساعتده چالوبدی
تختن او زنازاده نی ذلّتله سالوبدی
بو پرچمه بِل باغلویانون بیله دی عهدی
بیر گون آلاجاخ چیگنینه بو پرچمی مهدی

• دوشنبه
• 27
• بهمن
• 1399
• ساعت
• 19:46
• نوشته شده توسط
• یوسف اکبری

معدن صدق و صفا، هیکل ایماندی حسین
خامس آل عبا، لنگر دوراندی حسین
سرور اهل جنان، شاه شهیداندی حسین
باش وئروب اگمه دی باش ظالمه،زهرا بالاسی
قویوب حیرتده جهانی، ایکی دنیا آغاسی

فانیدور دار جهان خلقه خیانت ائلمه
آدیوی شیعه قویوب، ظالمه بیعت ائلمه
ظلمه باش اگمه، شرفسیزدن حمایت ائلمه
قویما وجدانیوی بو عرصه ده بی غیرت اولا
ایکی اؤوزلی بشره حشره کیمی لعنت اولا

خامه ایستیر چکه نظمه آقانین عزّتینی
فاطمی رفعتینی، مرتضوی غیرتینی
گوره اثبات ایلدی دشمنه شخصیتینی
بویوروب زادهٔ زهرا سیزه بیعت ائلمز
هندین اوغلون علوی زاده حمایت ائلمز

پر قوده یاتان اربابیزه سلطان دئمَرَم
اونی رهبر تانیان ملّته انسان دئمرم
ظالمه باش اگن انسانه مسلمان دئمرم
رهبر اوّلده گرک نقشینی ایفا ائلیه
نه کی قصرینده دوروب جنگی تماشا ائلیه

کوفیان رهبر شایسته آتام حیدریدی
عشقِ ذاتِ احدی، پینه ویران، اللریدی
معاویه زادهٔ ملعونه ده بیر رهبریدی
ایندی انصاف ائلیون کیمدن حمایت ائلسوز
گینه ده زادهٔ ملعونه یه، بیعت ائلسوز؟

آیلیون بحر سخا معدن انوار منم
زادهٔ شاه جنان حیدر کرار، منم
دردیزه چاره منم، غملره غمخوار منم
منی اؤلدورمویجک تشنه بوگون ملت شام
یاز «فقیرا» آغانی اؤلدورجک قوم اعوام

• دوشنبه
• 27
• بهمن
• 1399
• ساعت
• 19:49
• نوشته شده توسط
• یوسف اکبری

قیزلارون سنسیز اولور شامه روان قارداش حسین
دور یولا سال کاروانی مهربان قارداش حسین

ای گل حمرا کیمی، خندان اولان گول پیکری
صفحه صحفه آیریلان دین خدانین دفتری
زینبون بی کس قالوب،یاندی دلِ غم پروری
همسفردی بیزلره شمر و سنان قارداش حسین

پیکر پاکین سنین باشدان ایاقه یاره دور
سانجیلوب اوخلار اوخ اوسته پیکرون صدپاره دور
بو عالمدی حسینیم، یاره اوستن یاره دور
یاره لر تارادی، سینه ن آسمان قارداش حسین

من نجه بولمم چکوم عالمده قارداش داغیوی
صرصر ظلم و ستم پوزدی داغیتدی باغیوی
بیر عقیق انگشتر اوسته کسدیلر بارماغیوی
زینبون سندن قاباق اؤلدی اینان قارداش حسین

گرچه قانین ایلدی اسلامه گلزار صفا
اولدی دورت مین ناوکه جسمین بو چولده آشنا
زینبون دوزدی نجه سیننده کی اوچ پر اوخا
ناوکی چکدون کورکدن آخدی قان، قارداش حسین

اؤلدوروبلر اکبر و عباس و عون و جعفری
اوخلویوبلار اوچ پر اوخلان آلتی ایلیق اصغری
من نجور یرده قویوم قالسون بو باشسیز پیکری
من گیدنده سال یولا وئر بیر اذان، قارداش حسین

• دوشنبه
• 27
• بهمن
• 1399
• ساعت
• 20:03
• نوشته شده توسط
• یوسف اکبری

شعریم گلوبدی شوره غرقِ غزلدی دنیا
شیرین اولوب دقایق شهد و عسلدی دنیا

سوز کوره سی اولوب داغ خنداندی گلشن وباغ
هم محتشمدی دنیا هم مُشتعَلدی دنیا

حی عَلی السُرور و حی عَلی التحیت
سرگشتهء حدیثِ خیرُالعملدی دنیا

روز تولدِ عشق روز تولدِ نور
یعنی بوگون بَری از جنگ و جدلدی دنیا

گول توک قدومِ یاره قوی غملری کناره
گور نه گوزلدی یثرب گور نه گوزلدی دنیا

دنیا فقط حسیندی شک ائتمه ای مورخ
یاز شعبانین اوچونده دنیایه گلدی دنیا

واضحدی بو مَثَلدن چیخماز صدا تک اَلدن
واردی" وفا" یقینیم عشقیله اَلدی دنیا

• دوشنبه
• 16
• مرداد
• 1402
• ساعت
• 22:25
• نوشته شده توسط
• یوسف اکبری

اولموشام ظاهرده گر آزاد اسارتدن حسین
اؤلموینجه اولمارام راحت مصیبتدن حسین

آغلارام بو مابقی عمرونده قارداش روز و شب
سو کنارینده سنی اؤلدوردی دشمن تشنه لب
یدّی قارداش داغی گوردی اؤلمه دی زینب عجب
اولمادی داده گلن مین لر جماعتدن حسین

اصغرین قانی ایکی دنیایه وئردی آبرو
تشنه لب اوخلاندی اما ایچمه دی بیر جرعه سو
نهر علقم ایلدی اصغر سو ایچسین، آرزو
عرشیان مات اولدی بو رمز شهادتدن حسین

درد دل قالسون هله چون لحظه دیداردور
آلتی گوشه قبریوه بو قیزلارون زوّاردور
بارگاهین جنته فخر ایلین درباردور
کعبه حیراندور بله اکسیر تربتدن حسین

کوچ ایدنده ظاهراً اولدوم اسیر اهریمنه
باطناً آنذاولسون عباسه اسیر اولدوم سنه
من دئدیم ایوای حسین، قمچی ویروب ذشمن منه
چوخ سوزوم واردی سنه بیربیر جراحتدن حسین

بو قرالردن صورا بیر آیری جامه بیچمرم
شمردن محشرده سن گیچسن ولی من گیچمرم
سن سوسوز اؤلدون سرین سو تا قیامت ایچمرم
عالمه فخر ایلرم من بیله خدمتدن حسین

حشره تک ای باوفا قارداش سنه قان آغلارام
قتلگهده اودلانان قلبی غمینده اودلارام
کوینگون اللردن آلدوم، گوزلریمده ساخلارام
عطریوی آلّام اؤلونجه بو امانتدن حسین

• دوشنبه
• 27
• بهمن
• 1399
• ساعت
• 20:07
• نوشته شده توسط
• یوسف اکبری

اله آلموسوز دفتر و خامه لر
منه یازمادوز سیز مگر نامه لر

یازوردوز اورکلر گرفتار اولوب
وئروب قول کوفی، سنه یار اولوب

یازوردوز اولوب هامی هوشیار
سنی بوللوخ عالمده تک شهریار

یازوردوز که گلمَقده جهد ایتگیلن
بیزیلن بوگون تازه عهد ایتگیلن

یازوردون که وادور سنه خواستار
مهیّادی لشگر سنه بیشمار

یازوبسوز منه نامه از خاص و عام
کی سندن سورا بیزلره یوخ امام

ولی اولدوی تیر سه پر خامه لر
یازوب قتل شاهی همان نامه لر

شرف سیزده یوخ ظلمه باش اگموسوز
وفا لاله سین ریشه دن دیموسوز

منی ایلدوز گور نجه دلکباب
اوشاقلاریمه ایلدوز قحط آب

که لایوفی دور کوفه نین شیوه سی
مبدل اولوب خنجره میوه سی

اولوب نیزه لر ایندی سرو چمن
قلج لار اولوب سوسن یاسمن

بتولی ویروبسوز اوگون کوچه ده
علینی شهید ایلدوز کوفه ده

گرک رهبریز او شرفسیز اولا
سیزی بوندان آرتیق بلایه سالا

• دوشنبه
• 27
• بهمن
• 1399
• ساعت
• 20:09
• نوشته شده توسط
• یوسف اکبری

آه او ساعتدن یخلدی تشنه شاه کربلا
دورینی آلدی چوخور یرده گروه اشقیا
اللرینده تیغ و خنجر، دیلده کین مرتضی
ویردی اوّل سینه ی شاهه سنان الده سنان
نیزه نی چکجک الوبدور قتلگه قانه روان

گوزلرون آچدی چوخور یرده شهنشاه جهان
عرض ائدوب ای خالق عالم خدای مهربان
منکی اؤلموشدوم علی اکبر اؤلنده بی گمان
بارالهی راضیم الطافیون شایانی وار
قالموشام! آیا حسینون پس ایکی دم جانی وار؟

منکه اؤلدوم دوغراناندا ریزه ریزه اکبریم
اللریمده جان وئرنده آلتی ایلیق اصغریم
اوخلاناندا سجده گهدن با وفا سرلشگریم
کیمدی الان بو چوخور یرده دوباره جان وئرور
محضرِ جانانه بیرده جانینی قربان وئرور

من دئوم سن یاز«فقیرا» شاه مظلومان اؤلوب
داش آتانلار اوخ ویرانلار تشنه لب عطشان اؤلوب
کوفیان ال چکموری مندن، دیئون چوخدان اؤلوب
اؤلدوروبلر کربلاده اوغلومی قارداشیمی
ائتمرم کفّاره بیعت ظلمه اگمم باشیمی

• دوشنبه
• 27
• بهمن
• 1399
• ساعت
• 20:13
• نوشته شده توسط
• یوسف اکبری

آه او ساعتدن وداع ایلوب شه گلگون عبا
آیریلوب آل عبادن، خامس آل عبا

قدرت صبر حسیندن ماسوا حیرانیدی
آدمیندن خاتمه بو عشقه سرگردانیدی
چرخ چارمده مسیحا دیده سی گرانیدی
عرشیان گویده قالوب انگشت حیرت بردهن
عالم معناده تکمیل اولدی عشق پنج تن

وصل دیداره نگاره بس کی اولموش دلده مست
تشنه لب سیراب اولوب ازبس ایچوب جام الست
آیریلر بیربیر حرملردن شه یکتاپرست
دولدی جام معرفت، داشدی شرافت باده سی
عزم میدان ایلدی شیرخدا دلداده سی

حاجیلر قربان کسر هر تک تکی اضحیٰ گونی
فخریلهدتقدیم ایلر حیّ حقه اولا گونی
زادهٔ زهرا وئروب قربانلار عاشورا گونی
بیرده گورمز چشم عالم بیله عاشق حاجیسی
داغ کیمی دورسون دالوندا باشرافت باجیسی

سسلدی گل زینبیم ای باوفا همسنگریم
دوغرانوبدی ریزه ریزه قتلگهده اکبریم
اللرینده وئردی جان، اولدی لب عطشان اصغریم
ایستیرم من محضر جانه وئرم لب تشنه جان
یر تاپام تا لامکاندا ایلیم منده مکان

ایلییَر منن صورا غوغا بو قوم کینه جو
عصرعاشورا ایده للر عرش و فرشی زیر و رو
من اوزوم لب تشنه جان ویررم آخار هریانه سو
آغلاما عازم اولوم میدانه، با صوت جلی
زینبیم بو سن بو قیزلار، راهیم من یاعلی

آغلاما دشمن ایچنده توکمه گوزدن یاشیوی
قول بویون اول، صون گوروشده سال یولا قارداشیوی
گردش چرخ فلک سالدی بلایه باشیوی
دهریده باخما او خونخوارین نچه اوباشینه
شامیده دوندر یزیدین تختینی اوز باشینه

• دوشنبه
• 27
• بهمن
• 1399
• ساعت
• 20:16
• نوشته شده توسط
• یوسف اکبری

اولوب چون روز عاشورا، افق دان باش وروب خاور
زمین کربلا قانیله رنگین اولدی سرتاسر

حسین ابن علی گوردی که دین اوضاعی برهم دور
یتیرموش دین اسلامه خلل هنداوغلی کین گستر

سلاطین امیّه بس ایدوب تبلیغ زهرآگین
او تبلیغاتیدن مجروح اولوب اسلامِ پیغمبر

گوروب لازمدی بیر مرحم او زخم مهلک دینه
ایدوب فکر اساسی او شهیدِ نیزه و خنجر

قیام ایتدی او سوداده وئروب بیر جلسه ای تشکیل
او تشکیلاتیده شرکت ایدوب بیر عدّه افسرلر

سیاسی فکرله ایتدی قیام او سرور دوران
ایدوب تاریخ دنیانی دگرگون او شه بی سر

قُواسینه وئروب فرمان او فرماندار اسلامی
نظامی لر اولوب حاضر، قورولدی حیدری صفلر

اولوب تصویبْ رأی جنگ، او سربازان با همّت
که حُریّت طریقنده گئچوب جاندان وئروب سرلر

صف آرایی ائدوب اوز لشگرین سرلشگر اسلام
زهیر اولدی یمین لشگره سردار نام آور

حبیب ابن مظاهر الده فرمانِ همایونی
یسارِ لشگره مامور اولوب او شیعهٔ حیدر

جوانلار آدینه وضع اولدی چون قانون آزادی
دورب چون شیر بی پروا شجاعتلن علی اکبر

النده پرچم نصرت مَه هنگ بنی هاشم
سپهبد منصبی قولدا، او سردار هنرپرور

ایکی لشگر مقابلده چالندی طبل نایِ جنگ
ازل بیر تیرلن فرمان وئروب بن سعد بداختر

• دوشنبه
• 27
• بهمن
• 1399
• ساعت
• 20:18
• نوشته شده توسط
• یوسف اکبری

نهضت عشقی حسین، زینبله برپا ایلدی
کربلانی وادی عشق و مصفّا ایلدی

وئردی یتمیش بیرگلی، عشقیله اوز دلدارینه
نیزه یاشینده اصول عشقی معنا ایلدی

گوردی زینب رأس معشوقی گزیر سرنیزه ده
عارفانه مأمن عشقه تماشا ایلدی

روز اوّل دفتری وئردی حسین دلدارینه
مُهر تایید ویردی زینب، آلتین امضا ایلدی

قوللاری باغلی دوشوب چولدن چوله، باخ عاشقه
فاطمی ذاتین خانم، دهره هویدا ایلدی

گر شهادتله حسین اسلامه اولدی پاسبان
بو اسارتله آخان قانلاری احیا ایلدی

کربلا مطلق قالاردی کربلاده بی گمان
کربلانی کربلا، اقدیس کبری ایلدی

فیصله عاشور تاپدی، اولدی سکاندار عشق
مرد و مردانه حسینون قانین ابقا ایلدی

بیر سوری اطفاله اولدی عشقیلن سرقافله
دوشمه دی هرگز ایاقدان، نقشین ایفا ایلدی

کوفه ده پوزدی ازل مرجانه نین پست اوغلونی
سیندیروب شخصیّتین، معلونی رسوا ایلدی

سسلدی ای شامیان من فاتح غم زینبم
نطق آتشباریله اسلامی احیا ایلدی

عاقبت سالدی یزیدی تختیدن دخت علی
عالمی مبهوت و حیران عشقِ زهرا ایلدی

ای«فقیر» غرق عصیان یاز به عشق پنج تن
بلکه ناموس خدا اشعارون امضا ایلدی

• دوشنبه
• 27
• بهمن
• 1399
• ساعت
• 20:28
• نوشته شده توسط
• یوسف اکبری