اشعار ترکی امام حسین (ع)

شاها شکسته قلبیله درباره گلمیشم
قلبیم اولوبدی غمله دو صد پاره گلمیشم

عبدم قاپوندا حضرت مولا نظاره قیل
لطفون بهاسی،جان اولا بازاره گلمیشم

عشقون دیسم منی مجنون ایدوب گزافیدور
اشکیم اودوررواندی بو رخساره گلمیشم

عشق عالمینده عاشق دون پایه وم حسین
خارم محبت ایله که گلزاره گلمیشم

محزون و خسته و زارم شکسته دیل
چوللردولانمیشام گینه آواره گلمیشم

باب رجادی درگهون ای پور بو تراب
دردیم عیان ایدم سنه گفتاره گلمیشم

سن بحرعزّوشرف شاه عشقیسن
مشتاق اولوب بو درگهه دیداره گلمیشم

امّیدیلن کرملی دامنیوی دوتمیشام حسین
دردیم دواسین آلماقا یک باره گلمیشم

بوینومدا طوق توبه خطاکار و عاصیم
پاک اولماقا نِدیم بو نمکزاره گلمیشم

گیزلیندی دردیم ای شه لولاکه سویگولی
چوخ یر دولانمیشام داخی زینهاره گلمیشم

زینب باجوندان آلماقا دردیم دواسینی
مرهون رحمت ایله سین ،اظهاره گلمیشم

باب الحوائجه باجیوا سن سفارش ایت
ارزانی لطفین ایلیه بو زاره گلمیشم

گیزلین مزار اولان ننوه یا که حیدره
خاطر نظاره ایلیه بو خواره گلمیشم

گلزارعشقه داخل اولام یول تاپانمدیم
اوخشاتدیم ئوز وجودیمی بیر خاره گلمیشم

خارون گوله به غیر حفاظت نه زحمتی
ال آتمیشام قُماط لبن خواره گلمیشم

جانا توسل ایله میشم اوغلون اکبره
یالوارماقا قاپوندا علمداره گلمیشم

عباسه زینبون بیلورم چوخدور اُلفتی
عباسه خاطر آلماقا بیر چاره گلمیشم

«ثاقب» یازار که ما حصل ای شاه ذوالکرم
روشن گونوم دونوبدی شب تاره گلمیشم

• شنبه
• 11
• اردیبهشت
• 1400
• ساعت
• 20:38
• نوشته شده توسط
• یوسف اکبری

سلام اولا سنه ای نورپاک لم یزلی
سلام اولا سنه ای نور دیدگان علی

سلام اولا سنه ای سرور جنان مولا
سلام اولا سنه ای شاه انس و جان مولا

عنایت ایله شها دردمند و زارم آقا
قاپوندا سائلم احسانه انتظارم آقا

کرامت ایله شها گلمیشم رجائیله
مریض عشقیوه باخ لطفیله سخائیله

حقیر و پستم اگر سن کریم و والاسن
سخا و عفویده معروفیسن چو دریاسن

قاپون گداسیدی مین حاتم و سلیمانلار
سنه دخیل اولاجاق بوذریله سلمانلار

سنی قسم ویرورم مرتضی و زهرایه
علی اصغره جدون رسول طاهایه

یاز اوغلون اکبره خاطر امانِ مِن ناری
اونوتما سن بیل اباالفضل ،آقا بو بیماری

یازاندا ثاقب آقا عرض حال محضریوه
امیدی وار ویرا بوسه کسیلمیش اللریوه

• شنبه
• 11
• اردیبهشت
• 1400
• ساعت
• 21:00
• نوشته شده توسط
• یوسف اکبری

یارب یئتوبدی روضه گئنه چوخ چتین یئره
سالدی حسینی آتدان او قوم لعین، یئره

بو روضیه زمان و زمان آغلار آغلاماز؟
قدّوسیان دیلینده فغان آغلار آغلاماز؟

گؤرسه مکین صدره‌نی گر بو مکانیده
اوج بلایه کون و مکان آغلار آغلاماز؟

ئوز اوسته فاطمه بالاسی، تیغ آبدار
شمرین الینده اشک‌فشان آغلار آغلاماز؟

ال باشدا مقتله یئتیره تلّیدن اؤزون
زینب گؤره بو صحنه‌نی قان آغلار آغلاماز؟

قارداش باشینون اوسته باجی تیغه ال آتا
عرشیله فرش ناله‌کنان آغلار آغلاماز؟

بارماقلارین بودارلاسا خنجر جفائیلن
قانلی مناده جان جهان آغلار آغلاماز؟

نامردیلن کشاکش اگر ائتسه بیر خانیم
اهل غرور و غیرت اولان آغلار آغلاماز؟

بئلدن گر آچسا قمچی‌سینی قاتل جسور
اطرافیدن او حاله باخان آغلار آغلاماز؟

وای قارداشیم دیلینده باجی اولسا سرنگون
نهر اوسته قانینه بویانان آغلار آغلاماز؟

آچسا گؤزون، دئسه بو حسیندن ال اوز باجی
بیچاره باجی، سینه‌زنان آغلار آغلاماز؟

قاتل باجی باخاباخا ذبح ائتسه قارداشی
وار تا نئچیکی جسمیده جان، آغلار آغلاماز؟

قان ایچره تاپسا اوغلونی گر خیرةالنّسا
نه باشی وار نه اللر، امان آغلار آغلاماز؟ت

ای «ناعمی» آماندی قوتار غملی روضه‌نی
سیل سِیل اشکی، نوحه‌یازان آغلار آغلاماز؟

• یکشنبه
• 12
• اردیبهشت
• 1400
• ساعت
• 20:17
• نوشته شده توسط
• یوسف اکبری

سلام اولا آقامون با صفا قوناقلارینا
صفای بزم عزا با وفا قوناقلارینا

ایاقوز آلتدا آچوب شهپرین ملاک عرش
حسینه خاطر اولوب خاک پا قوناقلارینا

نقدری عمروز اولا سسلیون گوزل آدینی
ویرر وفالی آقامدا صدا قوناقلارینا

حسین آدیندا نه حکمت وار ای خدای جلیل
اولور گوزل آدی همچون دوا قوناقلارینا

اولوبدی بزم عزای حسین شفا خانه
آقام ویرور اوز الیلن شفا قوناقلارینا

هایاندا بزم عزا اولسا اوردادورزهرا
حسینه خاطر اولور همنوا قوناقلارینا

کیمون بصیرتی واردیل گوزیله یاخچی گورور
جناب فاطمه ایلیور دعا قوناقلارینا

اورگ گوزیله باخوب گورنجه خانیم زهرا
دیورخوش آمد اوزی بی ریا قوناقلارینا

اولاندا گوز یاشوز عشق نگاریدن جاری
خانیم اوزی ویرجک کربلا قوناقلارینا

بهشتی ویرسله گوز یاشوزه گینه کمدی
گرکدی حق اوزی ویرسون بها قوناقلارینا

• سه شنبه
• 14
• اردیبهشت
• 1400
• ساعت
• 11:11
• نوشته شده توسط
• یوسف اکبری

ای سید و سالار شهیدان آقا لبیک
بو سینه وورانلار سنه قربان آقا لبیک

سرتاسر عالمده سنون یوخدی مثالون
آفاقی منوّر ایلیوب نور جمالون
آخر بیزی جاندان سالاجاق شوق وصالون
ویر اذن اولاق قبریوه مهمان آقا لبیک

ای فاتح خیبر بالاسی حافظ قرآن
پیغمبر اکرم نوه سی لاله ی رضوان
هیهات من الذله دینلر سنه قربان
زهرانون عزیز اوغلی حسین جان آقا لبیک

سن امر به معروفه گوره قانیوه باتدون
تا نصر من الله علمون عرشه اوجاتدون
یاتدون ولی غفلتده اولانلاری اویاتدون
سسلر سنی امدادینه قرآن آقا لبیک

ای کینه و تزویر و ریا خسته سی مولا
آزاده لرون دهریده سردسته سی مولا
دین اولدی بند ستم بسته سی مولا
سن ایسته گله صاحب دوران آقا لبیک

سرمایه دی بو قاره علملر بیزه هر آن
بو قاره دن عزت قازانوب ملت ایران
دنیا هاموسی خورداجا سربازیوه قربان
((مدیوندی سنه ملت ایران آقا لبیک))

عشقونله گیدوب باکریلر قانه باتوبلار
همت کیمی دنیا داشینی باشدان آتوبلار
باشسیز یارالی قبریده یان یانه یاتوبلار
سلطان ادب خسرو خوبان آقا لبیک

شاهنشه محشر گل بی خار ولایت
شاه شهدا ، مشعل پر نور هدایت
ویروک سنی زهرا یه قسم ایله عنایت
یاز دردیمیزه نسخه ی درمان آقا لبیک

• شنبه
• 18
• اردیبهشت
• 1400
• ساعت
• 15:08
• نوشته شده توسط
• یوسف اکبری

بیر عمریدی معناده گرفتار حسینم
جان نقدینه شوقیله خریدار حسینم
.
چوخ مشتری وار عشقینه بازار ولاده
منده سبب گرمیِ بازار حسینم
.
لطف ایلسه دیدارینی قسمت ائدر اللّه
آگه دور ئوزی عاشق رُخسار حسینم
.
لقمانه دئیون دردیمی من عالمه وئرمم
فخر ایلیورم عالمه بیمار حسینم
.
بیر شاه، که عبّاس دئیوب نوکریم من
هر کیمسه نَدور سویلیه دلدار حسینم
.
بیر لشگره دورموشدی مقابل ئوزی عطشان
سسلندی که ای کوفه لی لر یار حسینم
.
ساقی اودی من مست میِ ساغر عشقم
میخانۀ وحدتده کی هشیار حسینم
.
باشیمده اگر سیره چخا نیزه لر اوسته
ثابتدی او، من سیریده سیّار حسینم
.
اذن اولسا اگر علقمی اخیامه گتورّم
اثبات ائدرم حیدر کرّار حسینم
.
پیغمبر عشقیمدی، گوزل آدینه قربان
بو عرصه ده من جعفر طیّار حسینم
.
.

قالدی سوزی اوستونده اباالفضل هُنَروَر
مردانه نبرد ائتدی او سقّای دلاور
.
.

تا دوشدی تراب اوسته او دلخسته علمدار
دوندردی یوزون جانبِ مولاسینه ناچار
.
آلدی نظره روی دل آرای حسینی
عرض ائتدی گل امدادیمه ای سیّد و سالار
.
هر چند سنه زحمت اولار گلمگون امّا
نعمتدی علمداریوه بو لحظۀ دیدار
.
سقّا سسینی آلدی حسین رنگی سارالدی
فرمایش ائدوب زینبه ای محرمِ اسرار
.
احساس ائدورم یخدی علمداریمی دشمن
جان اوسته منی سسلیور امدادینه سردار
.
امیّد حَرم ئولسه قولون باغلاناجاقدور
شامه کیمی صبر ایله سن ای عصمت دادار
.
قورتاردی سوزین مرکب رهوارینی میندی
آغلار گوزیلن علقمه گلدی شَه ابرار
.
بیر منظره گوردی دئدی سندی بئلیم الان
آچ گوزلریوی باخ منه ای قولسوز علمدار
.
معشوق سسین عاشق آلوب گوزلرین آچدی
عرض ایلدی عفو ایله بو یول زحمتین ای یار
.
بیر یاندا آنام فاطمه دور دیلده اوغول وای
بیر یاندادا جام الده دوروب حیدر کرّار
.
.

کوثر سویونی ایچمه میشم من سنه خاطر
سنده باشیم اوستونده گَل اگلش منه خاطر
.
.

گوز داغی وئرر دست خزان بُلبله قارداش
پرپر ائلیر دگسه بو اَل هر گُله قارداش
.
سن آغلاما دشمن سوُونر ای گُل زهرا
شبنم اوتوران گُل یوزیوی پاک اِئله قارداش
.
فکر ائتمه بدن یاره لی دور واردی گلایه م
عشق اهلی دوزَر غملره ائتمز گِله قارداش
.
وار فاصله سی پیکریمون اللریمیلن
دوشموشدی علمدار او زمان مشگله قارداش
.
قولسوز یخلوب توپراقون اوستونده سوروندوم
علّت اودی واردور آرادا فاصله قارداش
.
لطفون له منیم آب و گِلیم اولدی مُصفّا
عشقوندی وئرن روحی بو آب و گِله قارداش
.
سندیرما ئوزون، آل اَله تیغون دوراَیاقه
لشگر گوروسن ایندی ائدور هلهله قارداش
.
بیر سوز منه سن جنگه گلن وقته بویوردون
معیار او زمان جنگیده گلدی اَلَه قارداش
.
ئولدورمه دئدون چوخ بولاری زینبه خاطر
سخت اولدی ابوالفضلوه بو مسئله قارداش
.
هر مرحلۀ عشقیده صبر ایلدیم امّا
آلدی ایکی قول بیر گوزی بو مرحله قارداش
.
سن آتش هجرانه اورک داغلاما قارداش
اکبر غمی بسدی منه چوخ آغلاما قارداش

• یکشنبه
• 19
• اردیبهشت
• 1400
• ساعت
• 18:47
• نوشته شده توسط
• یوسف اکبری

عشقه بها وئریبدی سنین غیرتین حسین
بلی، دوشوبدی دیللره حریّتین حسین

بازار عشقیده ائله دین بیر معامله
معلوم اولوبدی عالمه شخصیتین حسین

روز ازلده، جامِ « بلی» گزدی ال اله
سن « لا» گتورمه دین؛ نه بیلوم علّتین حسین

نوبت سنه چاتیب، دئدین البته کی بلی
آرتیبدی شان و منزلت و حرمتین حسین

لاهوتیان طواف الییوب عرشده سنی
پاینده دور قیامته جاق نهضتین سنین

لای لای دییبدی گویده سنه شخصِ جبرئیل
فطرس سنیله تاپدی گئنه عزتین حسین

• دوشنبه
• 20
• اردیبهشت
• 1400
• ساعت
• 19:42
• نوشته شده توسط
• یوسف اکبری

حقه چاتماقلقا هر قدر چالشبدی عرفا
دوزگون عشقیله نقدری وریلر روحا صفا

نه قدر سوز کی یازءب ایندیه جک اهل قلم
هرنه دیلده اولور اولسون عربی یا که عجم

یغاسان هاممسنی بیر یره مین دفتر اولا
یاکه هرکلمه سی گویده دولانان اختر اولا

فرقی یوخ مثنوی دی نوحه دی یا اینکه غزل
من یازان شعر باغندان اولابیلمزله خزل

درمیشم شعر چیچه گین عطروگلاب ایلمیشم
معنی بیر کلمه ده مین لرجه کتاب ایلمیشم

عشق الیلن توکولوب جوهر حکمت قلمه
دنیا اشعاریلرین ایلمیشم بیر کلمه

بوسوزوم گوله دی حتما دل اغیاره دیر
بیر (حسین ع) کلمه سی مین دفتر اشعاره دیر

عاشق اهل قلمین بیر سوزی وار دیلده یقین
کل دیوان لارنین زینت عنوانی حسین

ای( چلنگر) یایلان عالمه عشقین سوزودی
آقا هم عاشق ومعشوق همی عشقین اوزودی

• سه شنبه
• 21
• اردیبهشت
• 1400
• ساعت
• 14:52
• نوشته شده توسط
• یوسف اکبری

حسین آدین دیدوقجا تئز تاپیر شوق و صفا عاشق
حسینون مکتبوندن چون آلیب درسه وفا عاشق

حسینون نغمه سیندن دویموری بو حنجر خسته
حسین آدون دیدوقجا تئز تاپور درده دوا عاشق

علملرده حسین آدی اسنده تاب آلیر دلدن
سنه دل باغلیوب بو دهریده بی منتها عاشق

حسین آدین یازاندا دفتره گوردوم قلم تیتریر
ایدور بو شاعری مجنون مقدس آدیوا عاشق

گوزی قان آغلیور قاره گییوب قاره علم الده
وورور سینه آلا تابیر برات کربلا عاشق

حسینه آغلیان گوز آغلار اولماز روز محشرده
سرشک چشمیله اول دم وئرر قلبه جلا عاشق

حسینه آغلیان گوزلر حیا ایلر امامینان
گورر نامحرمی باخماز یقینا باحیا عاشق

حسینون رهسپاری باش وئرر باش دشمنه ایمز
بویولدا هر خطر گلسه اولار دلدن رضا عاشق

• سه شنبه
• 21
• اردیبهشت
• 1400
• ساعت
• 15:20
• نوشته شده توسط
• یوسف اکبری

دلا محبت آل عبانی ساخلاگیلان
ئورکده محنت کرب و بلانی ساخلاگیلان

بدون حب علی یوخ نمازیوین اثری
ولایت اهلیسن اهل ولانی ساخلاگیلان

تجسم ایله « اَلَستُ بِرَبِّکُم» سوزونی
حریم آیه ی «قالوا بَلانی » ساخلاگیلان

تمایلون یوخ اگر درده مبتلا اولاسان
حریم حرمت هر مبتلانی ساخلاگیلان

امام صادقه راجعدی بوحدیث شریف
بهشته مشتریسن «من بکانی» ساخلاگیلان*

صفالی آینه دور قلب شیعه قدرینی بیل
هوای آینه ی پرجلانی ساخلاگیلان

طلا نه ارزشی وار اهلبیت اولان یرده
حسین طلادی ،عیار طلانی ساخلاگیلان

حسینچیلر گوزونه سرمه دور غبار حرم
توجه ایله گوزل طوطیانی ساخلاگیلان

بو قاره لردی که عزت ویریب حسینچیلره
مدال عشقیدی قاره لوانی ساخلاگیلان

سوسوز بوغازدان آخان قان دیریتدی اسلامی
ادای دین ایله خون خدانی ساخلاگیلان

دوشنده دین خطره اقتدا ایت عباسه
مدافع حرم اول مقتدانی ساخلاگیلان

امام صادق علیه السلام : منْ بَکیٰ اَوْ اَبْکیٰ اَوْ تَباکیٰ وَجَبَة لَهُ الجَنَّه
امام صادق علیه السلام : اَلاِسلام نَبَویُّ الحُدوث حُسینیُّ البَقاء

• شنبه
• 25
• اردیبهشت
• 1400
• ساعت
• 22:02
• نوشته شده توسط
• یوسف اکبری

کربلا یتمیش ایکی آلاله دامانونده وار
باغچا باغچا عطر عاشورا گولوستانونده وار

روح آلور ارواح قدسی‌لر فتوحوندن مدام
راح روح و روح رحمان برگ ریحانونده وار

یئدّی گویلر گونبزی ایللردی سندن نور آلیر
بیر گوی اولدوز هر گیجه چاک گریبانوونده وار

دولدورورسان نوریلن یعقوب پیرین گوزلرین
بوی یوسف جبّهٔ خونین مهمانونده وار

تا آچیبسان قان بویاق چوللرده عشقین مکتبین
باخ حبیب‌بن‌مظاهرلر دبستانونده وار

آفتاب معرفت شمس‌الشّموس حق، حسین
قاسم و عبّاس و اکبر کوی عرفانونده وار

العطش منظومه سین قانلان یازیرسان تپراقا
مین فرات آیینه‌لیک اول لعل عطشانونده وار

نینوا ،یادونله آغلار مین بوغاز،نی نامه‌لر
تا قیامت، ناله‌لر نی‌سیز نیستانونده وار

اختر تابان شعرون هیچ زمان سونمز (بقا)
معرفتلن تا حسینین آدی دیوانونده وار

• یکشنبه
• 26
• اردیبهشت
• 1400
• ساعت
• 22:09
• نوشته شده توسط
• یوسف اکبری

عاشقان عاشقان اهل البیت
ریزه خواران خوان اهل البیت

گوش دارید تا نَمی، گویم
از یم بی کران اهل البیت

هست خورشید و ماه و کوکب و نجم
شمعی از کهکشان اهل البیت

فاطمه ماه و آفتاب علی است
در رخ آسمان اهل البیت

نیمه ی ماه مغفرت روئید
سروی از گلستان اهل البیت

یعنی آن سبط اکبر نبوی
رهبر رهروان اهل البیت

نام او را حسن گذاشت نبی
شاد شد باغبان اهل البیت

بس که بخشنده بود امام حسن
شد کریم از میان اهل البیت

زنده از صلح اوست تا محشر
مکتب راهیان اهل البیت

سومین گلعذار در شعبان
رخ نمود از جنان اهل البیت

شاه عطشان کربلاست حسین
سرور جانفشان اهل البیت

هست فرزند آن امام همام
زینت عابدان اهل البیت

سیدالساجدین انیس سجود
رهبر عارفان اهل البیت

بعد از او باقرالعلوم آمد
وارث کاردان اهل البیت

می شکافد علوم را جداً
باقر خوش بیان اهل البیت

صدق صادق ببین پس از باقر
عالِم کاروان اهل البیت

مذهب شیعه را نمود احیا
کرد الحق ضمان اهل البیت

باب حاجات موسی کاظم
اسوه ی حامیان اهل البیت

پیر شد بس که حبس هارون دید
آن غریب المکان اهل البیت

وارث آن غریب، امام رضاست
سرور مهربان اهل البیت

هست قبر شریف آن مولا
ملجاء زائران اهل البیت

نهمین وارث امامت بود
کودک پر توان اهل البیت

یا جوادالائمه ادرکنی
پیشوای جوان اهل البیت

دهمین نور خاندان علی
محرم یاوران اهل البیت

فاضل و شاکر و نقی و امین
هادی شیعیان اهل البیت

عسکری کو اسیر دشمن بود
پاسبان آستان اهل البیت

زیست عمری میان لشگریان
آن شه خوش زبان اهل البیت

حال بشناس حجت حق را
اوست الحق که جان اهل البیت

صاحب العصر یوسف زهراست
وارث وارثان اهل البیت

آخرین حجت خداوند است
نائب گفتمان اهل البیت

زیر و رو می شود زمین و زمان
گر نباشد امان اهل البیت

غم ندارد کسی که شد یک عمر
بلبل نغمه خوان اهل البیت

شاد و خرم گذر کند ز صراط
سوی جنت به جان اهل البیت

گر توسل کنی دهد درمان
در نهان و عیان ، اهل البیت

گلشن رنگ رنگ ر ا توبدان
ذره ای از جنان اهل البیت

جان عالم فدای مادرشان
مادر قد کمان اهل البیت

ای «حسن» افتخار کن که شدی
توهم از شاعران اهل البیت

روز محشر دهد برات بهشت
بهر تو کاتبان اهل البیت

• دوشنبه
• 27
• اردیبهشت
• 1400
• ساعت
• 13:52
• نوشته شده توسط
• یوسف اکبری

من عاشق حقیقت و ولایم
حسینچی ام حسینه جان فدایم
او شهریار عشق و من گدایم
حسینده که مرام آشنایم
اسیر بوی خاک کربلایم
اوجالمیشام نگاریمون دمیندن
آیریلمارام حسینون پرچمیندن

حسین عزیز ذات کبریادور
امیر مُلک عشق و ابتلادور
مُدبّر قیام نینوا دور
حسین آدی ئورکلره قوادور
قدومینون ترابی توتیا دور
ئوپر ستاره لرده مقدمیندن
آیریلمارام حسینون پرچمیندن

حسین گداسی شهره جهاندور
حسینچی قهرمان جاوداندور
حسین دئمک گوزل بیر آرماندور
حسین ئوزی سفیر لامکاندور
عزا مجالسی اونون جناندور
او پرده آچدی عشقون عالمینده
آیریلمارام حسینون پرچمیندن

حسین آدی وئروب منه جلالت
اوجالدار عاشقین بدون منّت
اونون گداسی اولسا اهل غیرت
ائدر قرا علم لری حمایت
گییَن قراسینی تاپار سعادت
خوشام اونون پیام مُحکمیندن
آیریلمارام حسینون پرچمیندن

حسیندی مُلک حقّ وعدله والی
خدا کلامیدور اونون مقالی
دوغولماز عالمه اونون مثالی
مخالفون هوادی قیل و قالی
دییَر بو گوینگه شرف مدالی
او کس که دویماسا حسین غمیندن
آیریلمارام حسینون پرچمیندن

• سه شنبه
• 28
• اردیبهشت
• 1400
• ساعت
• 12:58
• نوشته شده توسط
• یوسف اکبری

آی کربلا برنامون انقلابدی
تربتیوون ذرّه سی مشک نابدی
یل اسنده سینووه عطر قالخار
یاغش یاغسا توپراقیوا گُلابدی

آی کربلا عشقون سوزی سنده دی
چون خاتم العشقون اؤزی سنده دی
عابد گوزون تیکوب باغ بهشته
خازنِ جنّتون گوزی سنده دی

آی کربلا عشقه زمینه سن سن
صورت عارفه آئینه سن سن
یتمیش ایکی مجاهد کبیری
قوجاقلیان یارالی سینه سن سن

آی کربلا دیباچه سن ماتمه
غملی آدون دوداقلارا زمزمه
جَبَل الرّحمه دن باش ، تلِّ زینب
فراتی وئرمرم آب زمزمه

تعریفووه قصور اولسا منده دی
اؤزوم کیمی قَلَمده شرمنده دی
بیت المُقدَّسه افتخار ایله
مسیحه دم وئرن حسین سنده دی

آی کربلا آی یرلرون عزّتی
مُهروندی جانمازیمون زینتی
هئچ کیم سنون قدرتی یوخ ، سیندیرا
تربتیوه الله وئرن قیمتی

آی کربلا بساطون درد و غملی
بقعه لرون اوجا قرمز عَلَملی
اؤزوک اوستونده بذل ائدوب بارماقین
سلیمانون سلیماندان کرملی

آی کربلا شهیدلرون کفن سیز
یوسف لرون یاتوبدی پیرهن سیز
وصال اولان یر عاشقه وطندی
عشق اهلینه دئمک اولماز وطن سیز

آی کربلا خزان گورمز بهارون
بزندی لاله لردن غم دیارون
الله سنده آچوب خوان مغفرت
عارفلردی سفرونده ریزه خوارون

آی کربلا شهیدلری قوجاخلا
پریشان زلفون اکبرون داراخلا
گیزلت او تل تل یولونان تل لری
بیگانیه گورستمه یاخشی ساخلا

سنده اهل وفا اندازه لندی
هیکلِ دین ده جان تازه لندی
یارالاردان قان توکولدی فی المثل
ورقلنمیش قرآن شیرازه لندی

آی کربلا زینب نواسی سنده
رقیّه نون صوت عزاسی سنده
اصغر آناسی مظلومه ربابون
الآندا وار لایلای صداسی سنده

حسین عبّاس ایکی قارداش ناگران
آیری دوشوب بیر بیریندن باغریقان
ایکی قارداش فاصله لی یاتوبدی
آرالاریندا واردی بیر خیابان

علقمیوون داشلاندی سیلی گئتدی
کوسدی سودان رباب و لیلی گئتدی
اودوندا چوخ سویوندان چکدی فشار
قوناقلارون سندن گلِیلی گئتدی

اهل بیتون وارین الیندن آلدون
سرورین سالارین الیندن آلدون
زینبی میندیردون سنق محمله
گوزل جلودارین الیندن آلدون

محنت دریاسیندا اولار اوزدولر
یوزه اشکین مرواریسین دوزدولر
دولاندیلار مصیبت آسمانین
سو سو ، ووروب اولدوز کیمی سوزدولر

چوللره دل داغلی زنان داغیلدی
دلده صدای الامان داغیلدی
خیمه یاناندا کورپه لر فی المثل
رشته نی قیردیلار مرجان داغیلدی

من انورم محندن آیریلمارام
سوز اهلیَم سخندن آیریلمارام
آی کربلا تربتوندن آپارّام
قبریمده ده من سندن آیریلمارام

• چهارشنبه
• 29
• اردیبهشت
• 1400
• ساعت
• 20:17
• نوشته شده توسط
• یوسف اکبری

صفایِ جان جنّتِ جهان
کربلا آدون قربان (2)
گوزل مکان جایِ جاودان
کربلا آدون قربان (2)

یاتوب سنده زادۀ زهرا
ای بهشت روح افزا (2)
ائدوب حسین سینووی مأوا
ای بهشت روح افزا (2)
قالوب سنده دیدۀ دنیا
ای بهشت روح افزا (2)
اولوب آدون زنده جاودان
کربلا آدون قربان (2)

وئروب سنه زینتِ کعبه
کعبه تک صفا فخر ائت (2)
اولوب خاکِ اطهرون سنون
تربتِ شفا فخر ائت (2)
ائدوب قدر و شأنیوی فزون
سبطِ مصطفی فخر ائت (2)
یاتوب سنده اشرفِ انسان
کربلا آدون قربان (2)

سنی عبّاس ایلیوب مکان
بو شرف سنه بسدور (2)
مکان اولوب عبدِ صالحه
توپراقون مقدسدور (2)
اوپه اونون آستانه سین
آرزویِ هر کسدور (2)
اولور سندن نور حق عیان
کربلا آدون قربان (2)

یاتوب سنده نوجوان اکبر
ای مکانِ مشک افشان (2)
گلور سندن عطر پیغمبر
ای مکان مشک افشان (2)
ائدر غبطه شأنیوه گوگلر
ای مکان مشک افشان (2)
اولوب آدون فخرِ آسمان
کربلا آدون قربان (2)

جوان قاسم جانِ مجتبی
ایلیوب مکان سنده (2)
یاخوب اله قانیله حیا
ایلیوب مکان سنده (2)
اولان طوئی طوی گونی عزا
ایلیوب مکان سنده (2)
وئروب سنه عزّتِ شایان
کربلا آدون قربان (2)

علی اصغر یاره لی بلبل
توپراقوندا دفن اولموش (2)
آچوب حلقی اوچ پر اوخدان گل
توپراقوندا دفن اولموش (2)
گوروب جفا اُول سینان سنبل
توپراقوندا دفن اولموش (2)
یاتوب سنده حلقی خونفشان
کربلا آدون قربان (2)

اولوب زهرا درّینه صدف
توپراقون شرفلنمیش (2)
وئروب شرف گوهرِ شرف
توپراقون شرفلنمیش (2)
مکان ائدوب بهترین خلف
توپراقون شرفلنمیش (2)
بهشتِ جان بهترین مکان
کربلا آدون قربان (2)

گجه گونوز کعبه تک سنی
«ناصر» آرزو ایلر (2)
تاپولمیور چاره دردینه
چاره جستجو ایلر (2)
گلن زمان مشکبو آدین
بزمی مشکبو ایلر (2)
آدوندا وار نکهتِ جهان
کربلا آدون قربان (2)

• چهارشنبه
• 29
• اردیبهشت
• 1400
• ساعت
• 20:24
• نوشته شده توسط
• یوسف اکبری

بو کربلا قربانگه جاناندی زینب
بوردا حسینون تشنه لب قرباندی زینب

جدّیم دِیَن یردور بو یر صبر ایله گورسن
صد پاره جسمیم زینت میداندی زینب

بو یر حقیقی کعبه دور رشک منادور
اوغلانلاریم قارداشلاریم بوردا فدادور
عالَم لری آغلار قویان کرب و بلادور
بوردا آنام ، جدّیم ، آتام ، گریاندی زینب

نوحی سالان طوفانه بو صحرای غمدُور
جدیم خلیله مایۀ رنج و اَلَمدُور
بوردا منی غرق ایلین بیر قانلو یَمدُور
امّا نجه یَم ؟ قانلو بیر طوفاندی زینب

گر چه حجازه سرورم میر عراقم
دنیاده امّا قالماقا یوخدور علاقم
بو غملی چولده یدّی گون، باجی قوناقم
صبر ایله دنیاده هامی مهماندی زینب

گوردون قَدَم قویجاق بورا نه حاله قالدیم
قوندی یوزومه غم توزی، سولدوم سارالدیم
ئوز مقتلیمدن عطرینی زهرانین آلدیم
زهرا حسینه ایمدیدن نالاندی زینب

آل امیّه ایلیوب اسلامی بد نام
هند اوغلی ایستور قالماسون اسلام و احکام
من قویمارام پامال اولا احکام اسلام
جانیم بو چولده دینیمه قرباندی زینب

وار بو چوله گلماقدا بیر عالی مرامیم
ضدّ یزیده باشلانور بوردا قیامیم
کاخ یزیدی یخماقا وار اهتمامیم
بو فکره مظلومیَّتیم عنواندی زینب

باخما باشیمدا بو قشون بو احتشامه
یوز دوندروب عمریم گونی ای باجی شامه
امّا بلاسی باشیمون یئتمز تمامه
گون تک گوررسن نیزه ده رخشاندی زینب

بو یر حریم قدسدُور جای بلادور
بو دشتیده سو تک آخان ثار خدادور
هر دردمنده توپراقی خاک شفادور
هر درده قانلو تربتیم درماندی زینب

اولسا هدف عالی گَلَر غَملَر گوارا
چوخ چوخ مقدّسدور هدف ای دخت زهرا
دوغرانسا قطعه قطعه گر مرآت طاها
لیلایه مشکلدور منه آساندی زینب

وئرّم باجی بو چولده من بیر جبهه تشکیل
فاتح چخار بو عرصه دن آیات تنزیل
اولماز داخی کابینۀ اسلام تعطیل
بو جبهه حقّ و باطله میزاندی زینب

بو جبهه نین عبّاس تک سرداری واردور
حیدر کیمی شمشیر آتشباری واردور
قویسون سو اوستونده اوزون قوللاری واردور
تقدیره عالی خدمتی شایاندی زینب

بو جبهه نین دل یاندیران بیر رازی واردور
بیر، آلتی آیلیق سود اَمَر ، سربازی واردور
تبلیغ دینه چوخ بُیوک اعجازی واردور
گرچه اونا پیکان، دمِ پستاندی زینب

هر درد و محنت یوز وئره من سهل سانّام
ائتدوقجا شدت درد و غم باجی دایانّام
آخر بو چولده تشنه لب قانه بویانّام
غسلیم یارالاردان آخان آلقاندی زینب

معبودیمه سوز وئرمیشم قالوا بلاده
قالسون کفن سیز پیکریم کرب و بلاده
اولسون قوناق قانلو باشیم مطبخ سراده
مطبخ مگر شایستۀ سلطاندی زینب

بیر عمردور نوحه یازار آغلار «حسینی»
سیل سرشگین عارضه باغلار «حسینی»
قلبین شرار آهیله داغلار «حسینی»
منظوری بیر عالی صله احساندی زینب

رباعی:
خواهرا اینجا زمین کربلاست
جایگاه امتحان نینواست
قتلگاه من در ایندشت بلاست
مقتلم برتر ز عرش کبریاست

• چهارشنبه
• 29
• اردیبهشت
• 1400
• ساعت
• 23:01
• نوشته شده توسط
• یوسف اکبری

حسینون دفنینه مشهوریدور اهل قرا گلدی
او ظاهردور ولی باطنده فوج انبیا گلدی

ملک لر دسته دسته عرشیدن فرشه نزول ایتدی
دلنده قصد قربت ساکنان نه سما گلدی

خلیل و آدم و نوح و کلیم و عیسی مریم
رسولان اولاعزم و وصی و اوصیا گلدی

زمین کربلا دولموشدی صدیق و شهیدیله
تماما مومنین و صالحین و اتقیا گلدی

معزا رسمیدور دوشسون قباقه رسم عرفیله
اودور اول عمامه الده جدی مصطفی گلدی

شهید مسجد و محراب امیرالمومنین حیدر
نجفدن زخم کاری فرقده شیر خدا گلدی

مکرر دلده ، قارداش وای ، دیدی قانلی دوداقیله
گریبان چاک ، گوز یاشلی ، امام مجتبی گلدی

خدیجه ، آمنه ، مریم صفیه آسیه سارا
او جمعیله پریشان زلفی تک خیرالنساء گلدی

جناب جعفر طیار ، عموسی حمزه گلمیشدی
هامی آباء و اجدادی گیوب رخت عزا گلدی

جهان بیر ایله تشییع جنازه گورمیوب گورمز
جنازه دفن اولان ساعتده درده ماسوا گلدی

امامین نعشین عالمده رعیت دفن ایده بیلمز
دیار کوفه دن اعجازیله زین العبا گلدی

یتنده کربلایه چکدی دلدن ناله جانسوز
اوجا صوتیله سسلندی : اویان اوغلون بابا گلدی

گوروب اهل قبیله الده حفر اسبابی مرد و زن
اوشاقلار اول صفده او جمع با وفا گلدی

اوشاقلاردا گوروب بیل و کلنگی گوزلری دولدی
شکسته نی کیمی درده او درده مبتلا گلدی

دیدی ایوای بابا بوندان بیوک مظلومیت اولماز
ایشون هاردیدی اول گور بابا آخر هارا گلدی

پیمبر جانشینینی جمع اولوب کند اهلی دفن ایدسین
عجبدور گردش گردون گردون ناروا گلدی

قبیله اهلی اول مضطرب احوال اولوب گویا
بیله فکر ایتدیله جاسوس قوم اشقیا گلدی

مشخص اولدی بعدا که نه بیگانه نه دشمندور
تانیدیردی ئوزون انظاره حضرت آشنا گلدی

بویوردی بو غریبین اوغلی زین العابدینم من
هامی آغلاشدی بیردن تا سوزه اول مقتدا گلدی

سووردی کربلانین تپراقین باشه کیشی عورت
قیامت عالمی اوردا ظهوره بر ملا گلدی

بیری چوخ عذریله دفن امامه ایستدی رخصت
کمال لطفیله نطقه او دریای کرم گلدی

تانیدررام بویوردی من سیزه کیمدور بو پیکرلر
و الا زحمت با جا گورورسوز نا بجا گلدی

نچه یرده مشخص ایلورم من قبر ایدن تعیین
هارا تشریف آپاردی آردیجه مردم اورا گلدی

حسینون قازدیروب اولده قبرین ایتدی آماده
آتا جسمین قویا قبره پریشلان دل بالا گلدی

سلام ایتدی زیارت ایلدی اعضای مجروحین
خدا بلدی نجه درده او سلطان هدی گلدی

گوروب لایق کفن یوخدور،اوزون عفو ایله یا زهرا
نقدری فکر ایدوب آخر خیاله بوریا گلدی

حسینون یغدی نعشین بیر حصیر اوسته قویا قبره
آچوب آغوشینی وجده زمین کربلا گلدی

ایاق سمتنده ده بیر قبر ایدوب قارداشنا تعیین
دیدید شایسته بو قبره شبیه مصطفی گلدی

مصمم اولدی دفن ایدسین صورا شش ماهه قارداشین
آخوب گوز یاشی موجه گوزلریندن چشمه سا گلدی

آتا آغوشینه ویردی بالانون قانلی قنداقین
دیه بیلم دیله بیردن بالا گلدی آتا گلدی

کسلمش حلق لردن سس اوجالدی ذوق و شوقیله
غریبه کامیاب اولدوخ اله خوش مدعا گلدی

توکنده قبرینه اهل قبیله سو ، آخوب اشکی
سوسوز جان ویرماقی یاده آتانون گوییا گلدی

یازوب انگشتیله قبر حسین تشنه لب دور بو
شریعت اوسته گلدی باشنه هر نه بلا گلدی

دوزلدی اوچ وجود نازنینه قبر شش گوشه
وجود کربلاده نقشه عرش خدا گلدی

دویونجا آغلادی دوتدی یوزین حضاره گوز یاشلی
دیدید اهل قبیله نوبت صاحب لئا گلدی

گلون همتله نهر علقم اوسته جمله ای یاران
سیزه یار اولماقا باطنده جدیم مرتضی گلدی

عموم عباس نعشین تاپشوراخ قبره قالوب یرده
اونون دردینده سینم درده ای اهل وفا گلدی

قبیله اهلی گلدی باخدی جسمه حیرته دوشدی
گوزه هر عضوین اوستونده سانا گلمز یارا گلدی

گوروبلر حمل و نقلی ممکن اولماز باخدیلا هر قدر
خیاله دوشدوقی یردن تکان ویرماق خطا گلدی

همان یرده قازیلدی عادی بیر مدفن ابوالفضله
مناسب قامته گلمدی بلمم ویا گلدی

گرکدور قامته نسبت قازیلسون مدفن امواته
اوجا قدیله خوردا قبر شاید نارسا گلدی

یازلا سرو نازه ناز ایدردی قد موزونی
دیمزدیم سوز سوزی گتدی دله بو ماجرا گلدی

نه اولموشدی خداوندا که عادی حاله دوشموشدی
دلیم لال اول دانشما صحبت چون و چرا گلدی

امام عصر ناراحت اولی توضیح واضحدن
آچام حاشا سوزی ، قهره مبادا کبریا گلدی

قالان اصحابی ده بیر یرده مدفون ایلدی حضرت
او نوعی مصلحت بلدی ، ولی اوندان رضا گلدی

او درباره گوره شایسته دربان فکرینه اما
حبیب ابن مظاهر پیرمرد پارسا گلدی

حبیبی قیلدی دربان چونکه دفن اولموشدی حر اول
اونون امدادینه بی کس توکولدی اقربا گلدی

یوخیدی بیر کسی قالدی حسینون پیکری عریان
گلنده زینبی قتلایه دلده وا اخا گلدی

• شنبه
• 1
• خرداد
• 1400
• ساعت
• 19:47
• نوشته شده توسط
• یوسف اکبری

گلوب دستورسجّاده ؛ گرک عزّت مکان تاپسون
حسینون پیکرین دفن ائت حرارتدن امان تاپسون

یدالله اوغلی نوک نی ده کی باشلاردان آیریلدی
اسیران بلادن غملی یولداشلاردان آیریلدی
الهی حکمیلن باشسیز قالان باشلاردان آیریلدی
امامین دفنینه غیر از امام اولماز گمان تاپسون

دیلینده ذکر یا زهرا ئورکده شورش محشر
اراده ائتدی صحرای بلانی اول ملک منظر
یتیشدی طی الارضیلَن او دشته نائب حیدر
صولان گلزاری آختارسون گولون تاباغبان تاپسون

نه گولشن ؛ گوللرین خار مغیلان پایمال ائتمیش
هجوم صرصر کین قامتین طوق زوال ائتمیش
یانان بیر اوتدا گولزارین اسیر اشتعال ائتمیش
او خاکستر نشان چولدن گرک بیر پرنیان تاپسون

بیلوردی آختاران گولده نه بیر گلبرگ حَمرا وار
پوزولموش ساقه قدّی،نه وار شاخه نه اعضا وار
و لیکن بو گل زهراده بیر عطر دل آرا وار
کی رشک ایلراگر اوُل عطریدن بیرآن جنان تاپسون

همان بیر یئر کی آل حیدرین صبری تالانمیشدی
همان یئر کی او یئرده جام اجلالی جالانمیشدی
چاتوب بیرمقتله گوردی داش اوسته داش قالانمیشدی
کناره داشلاری چکدی کی کامین کامران تاپسون

چکوب شیرازه سیز قرآنی آغوشه ولیّ دین
همان صدچاک اولان اعضایه آچدی بیر گوگل سرّین
دیوب؛دور،گلمیشم باشسیز بو جسمی ایلیم تدفین
روا دور جسم بیماریم بو نوعی امتحان تاپسون؟

اولوب یاور قبیله اهلی بیمار دل افکاره
نهایت بیر حصیر آماده اولدی شاه خونباره
ییغیلدی اول حصیرایچره همان اعضای صدپاره
کسیلمیش اللرینده قویدی جسمین شکلی جان تاپسون

مطهّر جسمی تا یتدی آقا بیر قبر معلومه
گوزی یاشلی باخوب بیر سینۀ سلطان مظلومه
گوروبدور بهترین یئردور او یئر بیر طفل معصومه
اوحسرت سینیه،بیرسینه اوستونده مکان تاپسون

صورا آختاردی جسم اکبریندن تاپدی بیر آیت
دئدی آلدیم ربابین گویلونی اولدیم بیر آز راحت
نئدوم تا لیلی زاره آز اولسون شدت محنت
قازوب پایین پاده قبرینی تا آستان تاپسون

بنای قبری تاقویدی گوروب قبراولدی شش گوشه
بلشمیش قانه گوزیاش کاسۀ گوزدن گلوب جوشه
ئورکلندی چکوبدور توزلی قبر شاهی آغوشه
دئدی ششگوشه مرقددن صفا هفت آسمان تاپسون

صورا توپراقلار اوسته بیله یازدی سیّد سجاد
بو ششگوشه بنا کی دشت ماتمده تاپوب بنیاد
حسینون قبریدور ایلر بو ویران ئولکه نی آباد
نه تنها کربلا بلکه صفا کلّ جهان تاپسون

باخوبدور صونرابیله گوردی اول درگاه بس فاخر
گرکدور مدخلینده بیر نفر دربان اولا طاهر
حبیبی دفن ائدوب سرْ درده تا هرآن گلور زائر
بو دربانین صفاسیندن صفا اول میهمان تاپسون

اولوب فارغ بو ایشلردن امام و سرور اوتاد
روا بیلموب قالا باشسیز او باشسیز مابقی اجساد
قازوب بیرقبرآتمیش نئچه گوهر دفن ائدوب سجاد
نشاط معنوی شه دن بوتون باشسیزقالان تاپسون

امام واجب الطّاعه ائدوبدور علقم آهنگین
دوتوب یوز یار و همراهه آچوب سرِّ دل ِتنگین
دِیوب هرکیمسه آختارسون حسینون تشنه سرهنگین
اوجسمی آختاران اوّل کسیک قولدان نشان تاپسون

اولوبلارپیکرین جویا همان حکم و خطاب اوسته
کسیک بیر قوللاری آختاردیلار قانلی تراب اوسته
کیچیلمیش نعش عباسی تاپوبلار نهر آب اوسته
توکوب گوزیاشی سجادآزقالوب روحی تکان تاپسون

دییوب؛ دار جهاندا بیر بئله تاج ِسر اولمازدی
عَموم تک کشتی قرآن و دینه لنگر اولمازدی
علی المرتضایه بیله ، بیرکس بنزر اولمازدی
فتوّت درسینی عبّاسیدن هر پهلوان تاپسون

کیچیک بیر قبر قازدی دوغرانان بیر قدّ رعنایه
بیچیلمیش نعشی قویدی قبره اولسون دشته پیرایه
کسیلمیش اللرین همراه ائدوبدور نعش سقایه
محال امریدور بیر ایله ال کون ومکان تاپسون

یازوب اول قبرین اوسته بوردا بیر درد آشنا یاتمیش
همان بی بال و پر شهباز مُلک کربلا یاتمیش
شهنشاه ولانین هنگینه صاحب لوا یاتمیش
عمومدان غیرتین معناسینی پیر و جوان تاپسون

درود ایله امامه قان دولان نعشه کفن ووردی
الیلن قازدی اول توپراقی بیربیت الحزن ووردی
ولی افسوس شمر ایله اله بند رسن ووردی
او اللردن شفاعت حشریده هرنوحه خوان تاپسون

#مصیب باب دفنه سۆز یازانمازدی قالوب یازدی
قدیمی نوحه لردن شعرلردن درس آلوب یازدی
بوشعره ذهنی و صافی سوزوندن دوز سالوب یازدی
الیندن بو گلور بلکه جهنّمدن امان تاپسون

• شنبه
• 1
• خرداد
• 1400
• ساعت
• 19:51
• نوشته شده توسط
• یوسف اکبری

حسین جان گول آدون مولا شعار زنده بادیمدی
قَرآ کوینگ کی اگنیمده مدالیمدی نمادیمدی

یقین سن خلق اولان لحظه بویوردی حضرت باری
تبارک احسن الخالق عمیقا اعتقادیمدی

خمار نام مولایم اورک دائم اولور نشئه
اسیرم عترت طاهایه هیئت اعتیادیمدی

حسین توصیفه یرلشمز دیوب پیغمبر رحمان
حسین منندی من اوندان بو محکم استنادیمدی

سنون عشقونله واللهی گزور قانیم دامارلاردا
نه تنها من هامی اونلار کی هیئت لرده خادیمدی

ئولونجه سسلرم والله حسین دار و نداریمدی
حسینه وقفدور طبعیم قلم...دفتر ستادیمدی

حسیندن دویمورام نیلوم حسینه بسته دی میلوم
اگر نوکر قبول ائتسه منیم آخر مرادیمدی

یازیلسا گر آدیم نوکر شفاعت ائتسه محشرده
جهنم آتشی ممنوعیدور حکم معادیمدی

وئرون خنجر ووروم باشه مذمت ایتمیون یاران
که حکم زینب کبری یقینا اجتهادیمدی

حسین عشقونده بو شعری قلم شوره گلوب یازدی
حسین عشقونده مین دفعه اگر قربان اولام آزدی

• سه شنبه
• 4
• خرداد
• 1400
• ساعت
• 18:40
• نوشته شده توسط
• یوسف اکبری

غمونده نی کیمی دیلدن نوالیم آقاجان
مصیبتونده همیشه عزالیم آقاجان

اوشاقلیقمدان ایله نوکرم قاپوندا سنون
ال اوزمرم اتگوندن وفالیم آقاجان

نه کوچه نی، نه ایوی مسکن اتمرم اوزمه
سنون آدون اولا هاردا اورالیم آقاجان

نولار گوزل و مزارون گوروب ئولسم؟
که تیر هجریله دیلدن یارالیم آقاجان

مزارون اوسته اگر جانیمی وئرم الدن
نه غم دیلله که کرب و بلالیم آقاجان

صمیم قلبیله یانام شرار عشقونده
اگرچه چوخدی گناهیم خطالیم آقاجان

• چهارشنبه
• 5
• خرداد
• 1400
• ساعت
• 21:17
• نوشته شده توسط
• یوسف اکبری

ئولدوروب لر سنی اللر ده نئجه آغلامیوم
صاف یئرین یوخدی بو پیکرده نئجه آغلامیوم
یارالی جان یارالی جان یارالی جان یارالی
یارالی پیکره زینب اولا قربان یارالی

گل کیمی پیکریوه بلبل نالاندی باجون
قتلگاه ینده اوره ک یاره جگر قاندی باجون
آتش دردوفراقه آلیشیب یاندی باجون
یاره چوخدور تن بی سرده نئجه آغلامیوم

زینبم لشکر غم اوستومه قارداش توکولوب
بیر گون عرضینده منیم گور نئجه قدیم بوکولوب
جان حسین اوچ پر اوخ یلا بئله سینه ن سوکولوب
گتیریب قلبیمی غم درده نئجه آغلامیوم

گلشن جسمیوه اوخلار توخانوب خار کیمی
سانجیلیب تیر وسنان یان یانا نیزار کیمی
کسیلیب اللرون عباس علمدار کیمی
لعن اولا دشمن نامرده نئجه آغلامیوم

آغلیور حالیمه صحراده کی داغداش یارالی
گویده قوشلار توکور احوالیمه قانیاش یارالی
قالانیب پیکریوین اوستونه چوخ داش یارالی
رحم یوخ فرقه ی کافرده نئجه آغلامیوم

یاییلیب عطر بهشتی چمنوندن تانورام
گل بدن قالدی قباقینده گونون اودلانورام
قیزدیریب قوملاری گون سن یانوسان من یانورام
جسمیوه یوخدی چکم پرده نئجه آغلامیوم

قویسالار اوخلاری قارداش بدنیندن دره رم
چکدوقیجا یئرینه گوز یاشی گوزدن الرم
دفن اولا جسمیوی قویمولا اودور خون جگرم
یوخ حیا قوم ستمگر ده نئجه آغلامیوم

ای اولان حدیدن افزوده ملال ومحنی
شیعه لر درده دوشن وقتده سسلله سنی
در احسانیوه «احساندا» شفیع گتدی منی
توش اولوب سینه دییر درده نئجه آغلامیوم

• پنج شنبه
• 6
• خرداد
• 1400
• ساعت
• 13:03
• نوشته شده توسط
• یوسف اکبری

سینوون یاره سى گلمز سانا کیمسن یارالى
بویانان باشدان ایاقه قانا کیمسن یارالى

قارداشیمسان نیه بس باجووى دیندیرمیوسن
کیم کسوب اللروى هیچ منه بیلدیرمیوسن
میندیرن یوخدى منى ناقیه میندیرمیوسن
چکیلوبسن نیه بیزدن یانا کیمسن یارالى

باجى بیچاره گرک دردینى قارداشه دیه
مهربان قارداش اونون دردینه درمان ائلیه
یوزى اوستنده یاتوبسان بله حالیله نیه
گوره زینب اورگى اودلانا کیمسن یارالى

یوخسا باشون بله یاتماقده دالدان کسیلوب
بله معلوم اولى باشون سنون عطشان کسیلوب
هانسى میناده سوسوز سن کیمى قربان کسیلوب
چوخ غمون وار بو غمون بیر یانا کیمسن یارالى

قورى تپراقلارین اوستونده قالوبدور بدنون
خس و خاشاک بیابان اولوبدور کفنون
نقدر ظلم ائدوب حقونده بو عدوان سنون
بیر نفر حالووه یوخدور یانا کیمسن یارالى

سن حسینیم سن اگر تز منه دردون اله فاش
هانى بارماقون او انگشترون آخر هانى باش
کیم گوروبدور ائده لر جسمى بو نوعى متلاش
نیزه و خنجریلن دوغرانا کیمسن یارالى

بیرجه دیندیر منى سن باغریمى قان ائتمه دانش
مندن اسراروى هچ وقتده نهان ائتمه دانش
گئدورم گئتمه لیه م چوخ نگران اولما دانش
گئده بلمم نگران بیر یانا کیمسن یارالى

قورخوسان نعشوون اوستونده بو خواهر باش آچا
قویمیوبلار قالا بو باجوه معجر باش آچا
قارداشى ئولدى گرک خواهر مضطر باش آچا
باش آچا باجى گرک باش یولا کیمسن یارالى

سن حسینیم سن اگر عرض ائلیوم مطلبیمى
روزگار ایلدى تیره او ایشیق کوکبیمى
آلدیلار معجر و گوشواره و چادر شبیمى
دوشموشم گور نجه حالدان حالا کیمسن یارالى

اولى چوخ یاندیریجى اودلارین هر یرده کوزى
کوز اودون مثلى دى تحویل آلا هر قلب سوزى
`مضطر” اول سوز بودى اوخشار باجى قارداشى ئوزى
سینوون یاره سى گلمز سانا کیمسن یارالى

• پنج شنبه
• 6
• خرداد
• 1400
• ساعت
• 13:06
• نوشته شده توسط
• یوسف اکبری

من ایاغدان باشا احساسم حسین عاشقیم
آری گلشنده گل یاسم حسین عاشقیم
اتمشام عقل داشین عشق اولا دیوانه لیگه
نیلیوم عشقیمه وسواسم حسین عاشقیم...

تانیسون قوی هامی دیوانه منی عیب المز
منده بو شهرته حساسم حسین عاشقیم
سرزنش ایلمیون هرکسه سلطان دمرم
دمورم اطیب الانفاسم حسین عاشقیم....

آدی بوینومدا مدال شرف و غیرتدی
ریشه دشمنینه داسم حسین عاشقیم
ورلر کُرسی قدرت منه لا سَسلنرم
چون غلام در عباسم حسین عاشقیم...

• پنج شنبه
• 6
• خرداد
• 1400
• ساعت
• 21:47
• نوشته شده توسط
• یوسف اکبری

شفق شفق یاییلوب قلب آسماندا حسین
ورق ورق یازیلوب سینۀ زاماندا حسین

مدار عشقین اگر لحظه لحظه جان دولانور
سالیبدی بندینه چون جانلاری جهاندا حسین

حسین حسین دئمگین والله آیری عالمی وار
صفا وئروب دیلیمه ظاهر و نهاندا حسین

حسین حسین دئمه سم کافرم ئوزوم بیلورم
شرف دادین تانیدوب قطره قطره قاندا حسین

حسینه واله اولوب آسمان سلم و رضا
مدیر مکتب اولوب علم لا مکاندا حسین

بشر دینمیورم واقفم مَلَکده دگیل
نهانی رازی بیان ائلیوب عیاندا حسین

حسین آدیلا مرید اولموشام ولایتینه
دوز عاشقی بیلورم ساخلییار آماندا حسین

حسین چی اولماقیچون امتحان گرک وئره سن
وئروبدی درس بقا خلقه امتحاندا حسین

حسینی گور صورا گئت کربلانی معنی ایله
ائدیبدی معنی اونی، اون ایکی بیاندا حسین

حسین آدین گوله دئ، گول گولر سنون یوزووه
دییر بیر آیری گل اولدی ئوزی جهاندا حسین

حسین آدین سوآ دئ، گور نه شوقیلن دانیشار
دییر زلال شرف حظّ آلوب یاناندا حسین

حسین آدین یئله دئ، یل یئرین قرارین آلار
بو مژده نی هامییا پایلاشار بیر آندا حسین

حسینی بیرده آپار مکّۀ معظّمییه
طوافه کعبه دورار فیض آلان مکاندا حسین

اگر سینونده مدال ایله سون حسینین آدین؟
قالارقی آددی قالار زنده هر زاماندا حسین

حسینون آدی مگر قلبیدن چیخار پوزولار؟!
شفق گلنده گینه عرشیده حسین یازیلار

• جمعه
• 7
• خرداد
• 1400
• ساعت
• 15:58
• نوشته شده توسط
• یوسف اکبری

ای شیعه غفلت ایلمه عزّت حسينده دی
هر دردون اولسا سويله طبابت حسينده دی

جدی حسينُ منّی أنا مٕن حسین ديوب
برنامهٔ مقام رسالت حسينده دی

ای عاصی اي اسیر معاصي هايانداسان
گل گل جزاده اذن شفاعت حسينده دی

الله حسینی چون ائليوب تام الاختيار
پروانهٔ جهنم و جنّت حسينده دی

نور حسين چراغ هدايتدي عالمه
مجموعه کتاب هدایت حسينده دی

ئولدي يزيد سلطنتي اولدي تار و مار
دنیا و اخرتده ریاست حسينده دی

گل حاجتيله سال ئوزيوي آستاننه
درياي لطف و جود و سخاوت حسينده دي

وار بير ضريحي عرش کيمي التی گوشه دی
تنها او التی گوشه عمارت حسينده دی

• یکشنبه
• 9
• خرداد
• 1400
• ساعت
• 16:42
• نوشته شده توسط
• یوسف اکبری

دورحسین کرب وبلادن گئدیرم
چکورم ال شهدادن گئدیرم
یانمیشام جورو جفادن گئدیرم
سنه من اغلامادیم_یاراوی باغلامادیم
دور اذان وئر یارالی_یول نشان وئر یارالی

اورگیم وحشت وغمدن دولودی
یولوم ازار و اذیت یولودی
دور دعا ائت سفريم قورخولودي
دور ه می دشمن آلوب _ایشیم اللهه قالوب
دور اذان وئر یارالی_یول نشان وئر یارالی

باجون ئولسون سینه می داغلادیلار
یوم گوزون قولاریمی باغلاد یلار
قمچی گورجک بالالار آغلاد یلار
علی اکبر با جیسی _داددی قمچی اجیسی
دور اذان وئر یارالی _یول نشان وئر یارالی

دور یولا سال باجووی یاتما حسین
بو قدر زینبی آغلاتما حسین
منی بیگانه لره قاتما حسین
سوزلی یم قصه لی یم _غملی یم غصه لی یم
دور اذان وئر یارالی _یول نشان وئر یارالی

قره گونلی باجووام گوگلومی آل
کسیلن اللریوی بوینوما سال
خدا حافظ گئدیرم ایله حلال
بیرده مشگلدی گلم _قورخورام یولدا ئولم
دور اذان وئر یارالی -یول نشان وئر یارالی

بیزی بیر تاپشوراسان ساربانا
بلکه انصاف ائلیه بیر اوتانا
قمچی سیندن بالالار گلدی جانا
رحم ائده قزلار یوا_بو اغولسیز لاریوا
دور اذان وئر یارالی _یول نشان وئر یارلی

قوملار اوستونده قالب گل بدنون
هانی زهرا توخویان پیر هنون
خس و خاشاک اولا جاقدور کفنون
یارالار قان وئرور یارالی _یول نشان وئر یارالی

یول اوزاق راحله یوخ مطلب اغیر
هر طرفدن باشیما قمچی یا غیر
کومکیم یوخدی ابوالفضلی چاغیر
علمین آلسین اله _ناقصاتیم دوزه له
دور اذان وئر یارالی _یول نشان وئر یارالی

ای"کريمي" يوزه ائت اشکی سبیل
سال اوزون درگه مولايه دخیل
اولماسان هر ايکي دنياده ذلیل
سسيوي قات سسينه- زينبين نوحه سینه
دور اذان وئر يارالي- یول نشان وئر يارالي

• یکشنبه
• 9
• خرداد
• 1400
• ساعت
• 17:37
• نوشته شده توسط
• یوسف اکبری

کربلا گُللرين سولان يريدي
بلبلون گوزلري دولان يريدي
زينبين باغري قان اولان يريدي

نه گوزل کربلاسي وار آقامين
مين خليله مناسي وار آقامين
دردمنده علاقمنده دیون
بوردا دارالشّفاسي وار آقامين

گنه یا کربلا ديوب گلورم
منه لطف و عطاسي وار آقامين
گئديرم آستانه سيندن اُپم
قاپيسيندا گداسي وار آقامين

دل مگر نی، نوائله دولودي
ناله لی نينواسي وار آقامين
گئديرم درديمي دیم آقا ما
ها می درده دواسي وار آقامين

نجه محروم ائدر عطاسيندن
سورهٔ هل اتي' سی وار آقامين
سالارام واسطه قوجاقينده
آلتي آيليق بالاسي وار آقامين

کعبه دن مسجد پيمبردن
حرم با صفاسي وار آقامين
تاپارام نهر علقم اوستوندن
اوردا صاحب لواسي وار آقامين

صاحب منصب بنی هاشم
سرو قامت اخاسي وار آقامين

من کریمی حسینه مدّاحم
منده مدح و رثاسي وار آقامين

• یکشنبه
• 9
• خرداد
• 1400
• ساعت
• 17:55
• نوشته شده توسط
• یوسف اکبری

گلستان عشقه بلبل بزمیده پروانه اول
عاشق اولسان صادق اول جانانه اول

دورهرشمعه دولانما دوتما هرگل دامنون
پرویران پروانیه بیر بلبل مستانه اول

ایستسن فانی جهاندا یاخشی آدسندن قالا
تنگ دستین دوت الیندن فرش هرویرانه اول

سعی ایله عمرونده سنده بیرسنق دل آل اله
گوگلونی آل بیریتیمون اونلاسن همخانه اول

چوخ تلاش اتمه جهاندا درد وار درمانداوار
درد بی درمانه سعی ایت صبریده مردانه اول

عمـریوی اتمامـه ویرعشق حسینی سینده
گل حسین بزمینده شمع مجلس شاهانه اول

گل بومکتبده عزیزیم دین وقرآن حکمی بول
عامل قرآن الوب بی دین لره بیگانه اول

یا حسین دِ کربلا دِ دست غم ویر سینوه
گل بو مجلسده اولان بانیله هم پیمانه اول

هفته لرآیلار گچر ماه محرم چون گلر
بو حسین عاشق لرین دیوانه گور دیوانه اول

بو محبت دردیدی دیوانه بولمه عاشقی
عشقـوی ثابت ایله گل ساقی میخانه اول

بو حسین عاشق لری هم عاقل وفرزانه دی
گل حسینی لر کیمی هم عاقل و فرزانه اول

سنده (عدلی) نوحه یاز آغلاد بومجلس اهلنی
گیت اوخی بزم عزاده شمع هر کاشانه اول

• یکشنبه
• 9
• خرداد
• 1400
• ساعت
• 23:03
• نوشته شده توسط
• یوسف اکبری

بیرمکان ایستور دلیم که یارو و دلدار اوردادی
عشقیمه قیمت ویرن وارهم خریدار اوردادی

کعبه آباد ایلماق اولماز هنر ایله یقین
دل اوین آباد ایله چون اصل دادار اوردادی

هرکسه ویرمه نشان میخانه نین مخفی یولون
تا که غیری بیلمیه عشق اوسته میخار اوردادی

پیرو پیر مغان اول گز خراباتی دولان
راه میخانه طلب ایت گورکه اسرار اوردادی

قسمت اولماز کیمسیه می ایچه میخانه گزه
مست می فرزانه لردی خیل هشیار اوردادی

مست می مژگانیلن جارو ایدر میخانه نی
سالکان حق بولر چون راه هموار اوردادی

ساقیا می ویر اومیدن ایچدی شاهنشاه دین
دینی احیا ایلدی قرانه آثار اوردادی

کربلاده واریوخون عهد الست اوسته ویروب
آلتی گوشه بیرمزاری صحن گلزاراوردادی

نهرعلقمده یاتوب قولسوزیارالی قارداشی
شیرمردان اوغلی عباس وفا دار اوردادی

عبدصالح دور نچون باب الحوائج آدلانوب
صحّت جان آختاران هرفرد بیمار اوردادی

راز ساقی رمز می فاش ایلمز( عدلی) بولر
لذّت ورد دُعا و ذکر ستّار اوردادی

• یکشنبه
• 9
• خرداد
• 1400
• ساعت
• 23:13
• نوشته شده توسط
• یوسف اکبری

عشق یعنی رمز راز کاف و نون
عشق یعنی مایۀ سحر و جنون

عشق یعنی چشمۀ آّب زلال
قطره سین میل ایلیین تاپماز زوال

عشق یعنی نور پاک وهم عصا
عشق یعنی لن ترانی ای بسا

عشق یعنی مرد میدان چون خلیل
عشق یعنی جان فدا بهرجلیل

عشق یعنی یوسف و چاه و بلا
عشق یعنی سرّعلمه آشنا

عشق یعنی وصلت وهجرنهان
گه مجازی گه حقیقتدن نشان

عشق یعنی وصل وحدت باعیان
کعبه و بتخانه و دیر مُغان

عشق یعنی مظهر بی باک لیق
عشق یعنی گنج زیر خاک لیق

عشق یعنی جوشش لطف خدا
عشق یعنی بیع و سودادن جدا

عشق یعنی هرزمان حق دم زنی
پای دار هستیده عالم زنی

عشق یعنی حقه دمساز ایله ماق
محرم صد سرّ و صد راز ایله ماق

عشق یعنی دللره سالسون صفا
گه وفا قیلسون گهی ایتسون جفا

عشق یعنی کافره ایمان ویرن
قهری زایل ایلیوب احسان ویرن

عشق یعنی ترک دل بی چاره گی
عشق یعنی عاقل و فرزانه گی

عشق یعنی مهره های هر قمار
برد و باختی جانه روحه مثل نار

عشق یعنی جان ودل بیتاب ایدن
لب به روزه گوزلری بیخواب ایدن

عشق یعنی هر زمان حیران ایدن
دل شکسته دیده نی گریان ایدن

عشق یعنی جان اسارتده قالا
هروجودون فوج غارتده قالا

عشق یعنی اولیا و انبیا
عشق یعنی اصفیا و اوصیا

عشق یعنی عاقلان و عارفان
عشق یعنی عرشیان قدوسیان

عشق یعنی بولمیوبدی هیچ کس
عشق دریادی بو مردم مثل خس

عشق یعنی شاه حسینه آغلاماق
نغمۀ جانسوزیله دل داغلاماق

عشق یعنی دین و ایمان بسله ماق
محفل غمده حسینی سسله ماق

روح «عدلی» شاه حسینه بسته دی
عشقی عالم گیر دور برجسته دی

• یکشنبه
• 9
• خرداد
• 1400
• ساعت
• 23:28
• نوشته شده توسط
• یوسف اکبری