اشعار ترکی امام حسین (ع)

شیطان صفتی صاحبِ ایمانه یاراشماز
بزمِ اُدبا جاهل و دونانه یاراشماز

مستِ میِ وحدت اوُیار امّا سسی چیخماز
حق عاشقی نه نعرهء مستانه یاراشماز

هیچ شخصه اَل آچماز تانی سا پیرینی درویش
درویشِ گدا چون شهِ مردانه یاراشماز

درویش دَن البته حسین نوکری باشدی
اغیاردن آلسا اوُدا ماهانه یاراشماز

اغیاره دیمه دردوی گیت ایسته اوزیندن
محرم اولا اَسراروه بیگانه یاراشماز

زَهرا بالاسی ویردی گینی باشوه چالماز
چون طعن و شَماتت شهِ خوبانه یاراشماز

بیر یولدا هله دعوت ایله عصرون اِمامین
قان آغلاماسا دیدهء گریانه یاراشماز

گیت باشلا وداع روضه سی چوللّردَه اوشاهه
گر ویرمسه بیر خلعتِ شاهانه یاراشماز

گُوز یاشی توکر دائم او دور عَصرون امامی
غیر از دُرِ اشگ آخر او دامانه یاراشماز

یاد ایلر او وقتی که شه آیریلدی حرم دَن
بی صاحب اولا هانسی حرم خانه یاراشماز

زینب دیدی بیر صبر ایله قارداش باجون اوُلسون
فیضین کسه تز مِهرِ درخشانه یاراشماز

قوی من اوُپوم اوّل بوغازوندان آنام اوُغلی
شایسته‌ منم خنجرِ برانه یاراشماز

قارداش اوُز آنان تک یوزی گُولمز باجوام من
شادلق داخی بو قلبِ پریشانه یاراشماز

• چهارشنبه
• 7
• مهر
• 1400
• ساعت
• 18:32
• نوشته شده توسط
• یوسف اکبری

☑️ بند اول
بلا دشتینده الان
قان آغلیر اهل قرآن
توتوب زینب یانان بیر خیمه ده شام غریبان

گلیر دیللر نوایه
نوا قالخیر سمایه
آنالار باجی لار قیزلار گلیر بزم عزایه

اوپور اوغلی اولن مادر لرین زینب یوزوندن
سیلیر اشک روانی قیزلارین آغلار گوزوندن

گاهی رقیه سسلنیر ای وای منیم عطشان بابام واویلا
آغلیر دییر لیلا خانم ای وای منیم اکبر بالام واویلا

?ای وای یارالی جان یارالی
جانم سنه قوربان یارالی

☑️ بند دوم
ربابین باغری قاندی
سو ایشمیر نیمه جاندی
دییر هم اصغریم اولدی همی گهواره یاندی

نجور سو میل ائدیم من
گئدیب دلداریم الدن
بالامی آج سوسوز ظلمیله اولدوردی بو دوشمن

دییر نار غمیله قلب زاری داغلامازدیم
بالامین اللرین چارم اولیدی باغلامازدیم

گون باتدی اما قیزلارین ناله صداسی باتمادی واویلا
صبحه کیمی قان آغلادی اصغر آناسی یاتمادی واویلا

?ای وای یارالی جان یارالی
جانم سنه قوربا یارالی

☑️ بند سوم
رقیه پُر بلادی
یانیر غرق نوادی
توکور گوز یاشینی آغلیر سوزی ای وای بابادی

دییر بابا دویولدوم
اوقد قاشدیم یورولدوم
نه خلخالیم قالیب بابا نه گوشوارم سویولدوم

بابا گل گور منی دشمن نجه بیر حاله سالدی
علی اکبر آلان گوشواره می سویقونچی آلدی

سنن سورا بابا منیم دیدم ده گوندوز قاره دی واویلا
غارت ده یاندی معجریم بابا قولاغیم یاره دی واویلا

?ای وای یارالی جان یارالی
جانم سنه قوربا یارالی

☑️ بند چهارم
تن شاه شهیدان
قالیب چوللرده عریان
گئدیب اما باشی خولی ائوینده اولدی مهمان

اورک دردیله دولدی
حسین گول مثلی سولدی
ندن بستر حسینین باشینا خاکستر اولدی

آناسی گلدی جنتدن بوگون مطبخ سرایه
حسین وای سسلدی زهرا گلیب بئیله نوایه

گل سینمه ای نور عینیم غصه دن یاندی دیلیم واویلا
زلفومله گَل بو باشیوین ایندی کولون قانین سیلیم واویلا

?ای وای یارالی جان یارالی
جانم سنه قوربان یارالی

• یکشنبه
• 26
• شهریور
• 1402
• ساعت
• 22:17
• نوشته شده توسط
• یوسف اکبری

ای یار و غمخواریم باجی
زینب خداحافظ
یاردو مددکاریم باجی
زینب خداحافظ
راه وفا و عزته
قویدوم قدم زینب
عهد الستی من گرک
ایفا ائدم زینب
نوبت منیمدور مقتله
عطشان گیدم زینب
ای پیر درباریم باجی
زینب خداحافظ
شهزاده اوغلوم دوغرانوب
حالیم پریشاندی
ششماهه عطشان سویگولوم
مقتلده اوخلاندی
عباسیمون جان وئرمگی
بیر غملی عنواندی
سن اول علمداریم باجی
زینب خداحافظ
سن سن کفیل عترتیم
مندن صورا زینب
گزمه رقیمدن اوزاق
گئتسه هارا زینب
بو قیزلارا قویما عدو
قمچی وورا زینب
یورقوندی قیزلاریم باجی
زینب خداحافظ
فیض شهادت تاپماقیم
حقدن بشارتدی
اگنیمده کی کوینک سنه
یاخجی اشارتدی
قسمت منه مقتل سنه
بند اسارتدی
روشندی اسراریم با

• سه شنبه
• 27
• شهریور
• 1397
• ساعت
• 12:43
• نوشته شده توسط
• ابوالفضل عابدی پور

زادۀ حیدرم سلطان عشقم
قلبلرده اسن طوفان عشقم
جدّیمین شأنینه نازل دی قرآن
منده شیرازه سیز قرآن عشقم
((چاره سیز قالانلار – دردیلن یانانلار
سسلسون ئورکدن – مولا حسین جان))

گوردی تا وجهیمی یوسف اوتاندی
گویده عیسی منه پرچم دوتاندی
قویمارام آتش دوزخده یانسون
کیم منیم آتش عشقیمده یاندی
((آدیمی دیینلر – حاجت ایستیَنلر
سسلسون ئورکدن – مولا حسین جان))

مرقدیم خاک پاک کربلادور
محفل طاعت و بزم عطادور
تربتیم توتیا دور چشم حوره
آند اولا حقّه هر درده دوادور
((حسرتین چکنلر – اشک غم توکنلر
سسلسون ئورکدن – مولا حسین جان))

هاشمی سیرتم مهسا عذارم
نهضت عشقه من بنیانگذارم
کعبه دن باشرف خلق اولدی قبریم
کعبه دورت گ

• جمعه
• 23
• فروردین
• 1398
• ساعت
• 14:24
• نوشته شده توسط
• ابوالفضل عابدی پور

ای جماعت بُلموسوز من شیر یزدان اوغلیام
فارس میدان هیجا شاه مردان اوغلیام
.
.
نور حقّه ظلمت باطل بو گون اولماز حجاب
مصطفی جدیم آنام زهرا آتامدور بوتراب
قالماسین جای بهانه سیزلره روز حساب
حامیِ دینِ محمد بابِ قران اوغلیام
.
.
سینۀ زهرای اطهردن چیخان گوهر منم
محضر استاد اهل عشقه سر دفتر منم
مخزن علم لدنّی عالمه رهبر منم
مرشد و پیر طریقت کنز عرفان اوغلیام
.
.
ایلدی اتمام حجت چون امام اوغلی امام
حمله ایتدی لشکره چیخدی غلافیندن حسام
عرصه نی ترک ایلدی اعدایه سویلردی مدام
ایمدی شمشیریم دیر من شیر یزدان اوغلیام
.
.
گوردی تأثیر ایتمدی اعدایه متقن سوزلری
کوره آندیرماق دگل ممکن گونی گوندوزلری
گلدی غیظه شی

• دوشنبه
• 31
• تیر
• 1398
• ساعت
• 13:21
• نوشته شده توسط
• ابوالفضل عابدی پور

ای حسینون گؤزل کربلاسی
شیعه نون عمرینون خوش صفاسی
نیلورم فانی دنیانی سنسیز
سنده دی هامی دردین دواسی
.
.
.
سنده یتمیش ایکی گون باتوبدی
سنده مولا حسینیم یاتوبدی
عشقووی قلبیده کیم بیتیردی
آیری عشقی باشیندان آتوبدی
.
.
.
سن بهشت برین سن یئراوسته
چون یاتوب سنده شاه خجسته
ایسته گلسون سنه پای بوسه
حیدرین شیعه سی دسته دسته
.
.
.
سینه ده واردی چوخ سوزوسازیم
حاجتیم سنده دی هم نیازیم
شکر اولا حقه تاپدیم سعادت
تپراقون اولدی مهر نمازیم
.
.
.
کربلا گلشن عشق زهرا
کربلا باغ گل های طاها
سن بیزه پایگاه ولاسن
کربلا ای اولان قانلی صحرا
.
.
.
سنده قانه باتوب حیدر اوغلی
هم حسینون علی اکبر اوغلی
قاسم و عون و عبّاس و

• سه شنبه
• 1
• مرداد
• 1398
• ساعت
• 11:42
• نوشته شده توسط
• ابوالفضل عابدی پور

فارسی
.
بپا خیز اکبرم ای نور عینم
ز داغ تو حزینم من حسینم
در این صحرا نخواب ای ماه پاره
شده قدَّم کمان ای مَه جبینم
.
بپاخیز ای دلاور
توای شبه پیمبر
تَنَت شد اِربا اِربا
ندارم یارو یاور
.
الا ای روح و ریحانم علیجان
تویی آرام این جانم علیجان
.
.
.
در این دشت بلا یارم تو بودی
چو عباسم مدد کارم تو بودی
تو بودی زینت این اهل بیتم
قُوای یارو انصارم تو بودی
.
مَرو ای اَبر رحمت
مَرو ای نور جنت
زداغت غمگسارم
مَرو ای بانجابت
.
الا ای روح و ریحانم علیجان
تویی آرام این جانم علیجان
.
.
.
ترکی
.
دور ای اکبر اویان یاتما اماندی
غمونده گوزلریم بیر پارچا قاندی
باشیوین اوسته گلدیم مین غمیلن
گولور دشمن منه آه و ف

• دوشنبه
• 7
• مرداد
• 1398
• ساعت
• 10:12
• نوشته شده توسط
• ابوالفضل عابدی پور

رمز محبت یا حسین
زینت به خلقت یا حسین
ای افتخار هشت و چار
باب مسرت یا حسین
.
جانم حسین جانم ...
.
.
.
ای در دوعالم تاجدار
دلدادگانه شهریار
ای ساغر و پیمانه میز
عالم سنه مست و خمار
.
جانم حسین جانم ...
.
.
.
ای خاک پاکی کیمیا
ای معنی حمد و ثنا
روح البقاء‌ ذکر دعا
بسم الله ای شمس الضحی
.
جانم حسین جانم ...
.
.
.
شمع هدی ای رهنما
سالک به منهاج الثری
ای افتخار لافتی
شاهنشه هر دو سرا
.
جانم حسین جانم ...
.
.
.
ای جلوه سی نور ازل
شان و جلالی بی بدل
ای دیللره زیبا غزل
حی علی خیرالعمل
.
جانم حسین جانم ...
.
.
.
شانیم جلالیم عزتیم
تابیم توانیم قدرتیم
حریتیم حیثیتیم
ای هر مکاندا صحبتیم
.
جانم حسین جانم

• دوشنبه
• 7
• مرداد
• 1398
• ساعت
• 10:12
• نوشته شده توسط
• ابوالفضل عابدی پور

نه واردی قصره علاقم نه مایل تاجم
فقط حسینه حسینه حسینه محتاجم
.
حسین آدیلا اوقدری عروج ائدر روحیم
که گاه حس ائدورم منده مرد معراجم
.
انا الحسین دیورم کافر اولموشام یاران
گلون چکون منی داره که منده حلاجم
.
اوطفل مدرسه که ذکر ائدور حسینون آدین
جانیم او کودکه قربان اودور بویوک خواجم
.
ایویمده خیمه قورورب اوستونه حسین یازورام
دولانورام باشینا سویلورم که الحاجم
.
حسینون اول قوری عطشان یانان دوداقلارینا
ئولونجه آغلاماسام یوسف اوغلی حجاجم
.
حسینه سجده نی رد ائتسه عقل بوشلا منی
اوتوز بش ایلدی که عقلین صفیندن اخراجم
.
حسین دیوب گورورم ذوالجلالی قلبیمده
گور ایندی جامیده من غیبه ناظرم یا،جم
.
ویرون بهشتی

• پنج شنبه
• 10
• مرداد
• 1398
• ساعت
• 09:52
• نوشته شده توسط
• ابوالفضل عابدی پور

به سر شورِ تو را دارم به دل مهرِ تورا دارم
به لب ذکرِ تورا دارم تویی عشقم تویی یارم
تورا دارم چه غم دارم در این عالم چه کم دارم
میانِ دل به نامِ تو همیشه یک حرم دارم

ذکر هر روز و شبِ من
نامِ زیبایت یا حسین
قسمتم کن تا اربعین
بیایم بین الحرمین

تویی عشقم تویی دینم تویی اربابِ دیرینم
آقام آقام آقام آقام

ییخان آتدان یره اعدا یارالی جسمینی خاکه
گوزل عشقون اوجالدوبدور مسیحا باشین افلاکه
گزل آدون ازل گوندن یازیلمیش سینه ی عرشه
سنه زائر گلر دائم ملکلر عرشیدن فرشه

سنه زوار اولان دیور
حرمونده واردور صفا
لطف ایله بو ایل اربعین
بیزلره بیر کرببلا

سنه نوحِ نبی آغلار باشا موسا قرا باغلار
آقام آقام آقام

• دوشنبه
• 1
• مهر
• 1398
• ساعت
• 14:13
• نوشته شده توسط
• ابوالفضل عابدی پور

مورم ضعیف درب سلیمانه گلمیشم
اشکیم آخار عذاره ذلیلانه گلمیشم
.
دردیم چوخالدی قلبیده یاندیردی سینمی
سوزان دلیله دردیمه درمانه گلمیشم
.
بیر سائلم ملول الی قوینوندا خونجگر
نالایقم ولی در احسانه گلمیشم
.
هانسی طبیبه گئتدیم ائدوب عجز چاره دن
نزد طبیب جمله طبیبانه گلمیشم
.
غمخوار گؤرمدیم اؤزومه روزگاریده
بی غمگسار و زار و غریبانه گلمیشم
.
یاز نوکر آدیمی آقا بو آستانه ده
نوکر اولام بو درگه سلطانه گلمیشم
.
وئرمور مجال گؤزلریمون اشکی آغلارام
قلبیم دؤنوبدی لاله کیمین قانه گلمیشم
.
یوخ آرزوی جنّت و رضوان بو قلبیده
عشق ایلرم کی روضۀ رضوانه گلمیشم
.
ذکریمدی یا حسین گئجه گوندوز غریب آقام
هر یئرده گورموشم من

• پنج شنبه
• 31
• مرداد
• 1398
• ساعت
• 11:49
• نوشته شده توسط
• ابوالفضل عابدی پور

بو گون بیر گوندی عاشورا دیوللر
حسین عاشقلری قاره گیوللر
بو گون قان آغلیور عرش الهی
سو اوسته اولدوروبلر تشنه شاهی
او شاهی که شه جنّ و بشردی
نهال عمر زهرایه ثمردی
حسین بن علی دنیایه جاندی
وضوسی قان وجودی لخته قاندی
ایشتدیم بو سوزی بیر منبریدن
دیوردی روز عاشورا به شیون
ویروبدی شیعیانه بو پیامی
امام جعفر صادق کلامی
تمام ماسوا یوم بلاده
حسینه آغلیوبلار بی اراده
عذاره هامّی گوزدن قان توکوبدی
یره قان عرشدن سبحان توکوبدی
بو امره شیعیانه وار اجازه
هامی قان آغلاسون شاه حجازه
اوزین مولاسینه همرنگ قیلسون
حسینیم وای دیوب باشینه ویرسون
نجه زینب یاریب محملده باشین
یارار بیر عدّه وار گزلنده باشین
حسینون جسمی اولدی پاره پاره
او پاره جسم اولوب هر درده چاره
گرک قانه باتاق بیز بو عزاده
آچار مشکلّری یوم جزاده
حسینون قاره سینی باشه باغلا
عزا بزمینده ایلش سنده آغلا
اوچان قوشلاردا سیریندن دایانسون
باخوب بیگانه بو احواله یانسون
سعادت اولمادی یوم بلاده
چاتاخ کامه دیار کربلاده
آقام تشنه دوشنده قتلگاهه
دینده هل معینی اول سپاهه
دیردوک شوقیله مولایه لبیک
عزیز حضرت زهرایه لبیک
بو گون دنیا گرک ویران اولیدی
آخار سو شطّون ایچره قان اولیدی
سو ایچدی چوللّرون هرزه گیاهی
سو سوز جان ویردی عالملر پناهی
باشین دالدان کسوب شمر ستمگر
گلوبدی نالیه خاتون محشر
قرا باشه سالیب جنّتده زهرا
اوغول وای سسلدی ای شیعه مولا
عزا دوتدی حسینه ذات یکتا
اولوبدی ماسوا کلّاً معزّا
بهشت عدنده باش آچدی لعیا
حسینیم وای دیوب آغلاردی سارا
پوزولدی نظم عالم قوپدی غوغا
یتشدی تلّدن زینبده گویا
حسینی گوردی جان اوسته او علیا
باجون قربان دیدی ای روح طاها
اولوب گل پیکرون قانیله حمرا
آچیب گل یاره لردن جسم زیبا
چکور حسرت او جسم شاخ طوبا
دیلینده ورد و ذکری رب الاعلا
دعا ایلوردی خواهانین او اثنا
عزاداریله زوّارین سرا پا
اولار جنّت منه اوندا گوارا
"صفا" اولسون منیم مهمانیم اوردا

• دوشنبه
• 4
• مرداد
• 1400
• ساعت
• 21:08
• نوشته شده توسط
• یوسف اکبری

غمونده سینه داغلادیم
باشا قاراوی باغلادیم
گورنده قاره پرچمی
سنه اورکدن آغلادیم

آقام آقام آقام حسین
آقام آقام آقام حسین

سنه قربان اوزوم آقا
اورکده وار سوزوم آقام
قبریمین اول گئجه سی
الینده واردور گوزوم آقا

آقام آقام آقام حسین
آقام آقام آقام حسین

حسین غمونده یانمشام
هیئتلری دولانمشام
قبریده گل قوتار منی
نکیر الینده قالمشام

آقام آقام آقام حسین
آقام آقام آقام حسین

• پنج شنبه
• 7
• مرداد
• 1400
• ساعت
• 21:11
• نوشته شده توسط
• یوسف اکبری

عشقین اعلان ائلدی عالمه لایقسن حسین
سن که معشوقه ی بو عالم و خالق سن حسین
گورموشوخ عشقه وئرلر اورک اما ولی سن
وئرومیسن باشیوی معلومیدی عاشق سن حسین

کُر

عشقیوه مشتریم
اقامین چاکریم
قاپیوین نوکریم

یاحسین یاحسین

گوزاچاندان ادیوی سسلمیشم والله اقا
انا مظلوم حسینی دئمیشم والله اقا
دئمیرم یوخدی گناهیم ولی احسان منه ائت
او گوزل قبریوی من گورممیشم والله اقا

کیم گله باب نجاته دردینه درمان آلار
عاشقین قلبینی هجران اوخی هران پارالار
سو گورنده یاناروخ شعله میزین شدتی وار
چون حسینچی ربابین اصغرینی یاده سالار

هرکسین دردی اگر اولسا حسینی چاغیرار
یا که مشگلده اگر قالسا حسینی چاغیرار
قبر شش گوشه نین اطرافینی آلمیش رفقا
هر کس ئوز سینه سینه چالسا حسینی چاغیرار

کیم سنه نوکر اولا والله اقا حرمتی وار
ایاقین آلتدا جانیم چیخسا حسین لذتی وار
چوخی توراتی آتوب تابع قران اولدی
کیم گوره قبریوی سویلر نه گوزل دولتی وار

حاضرم خاک قدومین گوزومه سرمه ائدم
حاضرم راه شرفده آتام عشقیله قدم
کرمونده گوزوموز واردی بیزی دعوت ائله
اربعین منده پیاده قبریوین اوسته گئدم

اقا بین الحرمینون بیزی مدهوش ائلیر
زائرین اوردا بوتون دردی فراموش ائلیر
یانارام هرگجه عباسین او خجلت حالینا
اود دوتان قلبیمی اشگیم ولی خاموش ائلیر

• یکشنبه
• 17
• مرداد
• 1400
• ساعت
• 11:08
• نوشته شده توسط
• یوسف اکبری

شهپرون گوتور روزِ وصل دور
حایل اولماسون یاره جبرئیل
کوی یارده خوش گلور منه
دگسه هر قَدَر یاره جبرئیل

موعدم ازل گونده یاریلن
ایلیم منا کربلانی من
شهپرون گوتور مَحرم اولموشام
نیلورم بو گون سایبانی من
سو کیمی آخان قانیله گرک
زینت ایلیم بو‌ منانی من
کعبه‌ نی طواف ایلیوب یِتَم
جلوه‌ گاهِ دیداره جبرئیل

سعیله صفایه یتورموشم
جِدّ و جهد ایدوب جسم و جانیمی
بسکه اوخ‌ دگوب قان ‌گئدوب آلوب
الدن اختیار و توانیمی
مَروه ائتمگیم بو سورونم گیم
حجّ ختم توکسونله قانیمی
وصلِ یاردن غیره یوخ منیم
دردیمه اولا چاره جبرئیل

ویرمه شهپرون اوخ قباقنه
شوقدن گوگل بیقرار اولور
یاردن اوتور بسلنوب بدن
باش ویرور بدن خاکسار اولور
کوی یارده شوقیله سوسوز
جان ویرور حسین، جان نثار اولور
وقتِ ظهر دور قان وضوسی دور
سو یِرینه رُخساره جبرئیل

شهپرون گوتور نوبهاریمه
صرصرِ خزان وقت دور اَسَر
نِی کیمی ایدر ناله عندلیب
ناله‌ سی ایدر عالمه اَثَر
چکملی چیخار سینم‌ اوستونه
شمرِ دون سوسوز باشیمی کَسَر
خیمگاه یمی یاندیرار، جفا
ایلر آلِ اطهاره جبرئیل

شهپرون گوتور قوی وورا عدو
وورسا هر قَدَر فرقه ظُلَم
لشگریم سینوب بیرقیم یاتیب
صاق دگل ئولوب صاحِبِ عَلَم
مشگی اوخلانوب جسمی دوغرانوب
باش سینیب اولوب قوللاری قَلَم
قالمیوب داخی یار و غمگسار
بیر نفر بو غمخواره جبرئیل

شهپرون گوتور قوی وورا عدو
چون اُلوب هامی یاوریم سوسوز
ظلمیلن الیم اوسته اوخلانوب
جان ‌ویروب علی‌اصغریم سوسوز
قاسمین اولوب طوی حناسی قان
جان ‌ویروب علی اکبریم سوسوز
یاس ‌اولوبدی طوی، نو عروسِ زار
باشینه سالوب قاره جبرئیل

شهپرون گوتور زخمِ نیزه و
تیردن منی ایتمه بی‌ نصیب
چاک‌ چاک اولوب جسمِ اطهری
عون و فضل و هم جعفر و جبیب
غربت اولکه‌ ده، کوی یارده
تشنه‌ لب ویرم منده جان غریب
غارته گیده خیمه‌ لر تمام
گُل اسیر اولا خاره جبرئیل

شهپرون گوتور دوغراسون منی
تیغِ‌ کینلن لشگرِ جفا
باشیمی کسوب شمرِ دون منیم
ایلسون سَنان زینت جِدا
اوچ ‌گون اوچ‌ گیجه قانلی پیکریم
بی کفن قالا خاک و خون آرا
بو گیجه گیده بو باشیم قوناق
خولیِ ستمکاره جبرئیل

(غمگین) ایلیوب شیعه‌ نی غمیم
حشره‌ دین ایدر درده مبتلا
نوحه ایلیوب هر کیم آغلیا
آغلادا دوتا یا منه عزا
حشرده اونی قویمارام ملول
منده ایلرم عهدیمه وفا
چونکه یارلن عهد ائتمیشم
شیعه یانماسون ناره جبرئیل

• جمعه
• 12
• شهریور
• 1400
• ساعت
• 23:13
• نوشته شده توسط
• یوسف اکبری

اورکدن چیخماقون ممکن دگل اینجیتمه جان ای اوخ
پر آچ ئوز آچدیقون بیر یاریه اول سایه بان ای اوخ

قرین عصر عاشورا زمان حدت گرما
فضای کربلانی ایستی دولدورموش بخار آسا
یرون ذراتینه تأثیر ایدوب مهر جهان آرا
کانه گون اولوب دور کورۀ آتش فشان ای اوخ

نچه شئ که موثر دور ایدر قلبه عطش ایجاد
ائدوب اجماع وجودیمده چکنموردوم نفس آزاد
دولان موردی دلیم آغزیمدا ائتسون کلمه نی ایراد
چوخیدی سن دگن یرده ولی سوز نهان ای اوخ

مثال عشق بنزر سهمگین پر موج دریایه
او دریایه همیشه قورخولی طوفاندی پیرایه
ضعیف عاشق قدم قویسا او بحر محنت افزایه
بفوری غرق اولار گورمز حیات جاودان ای اوخ

نجه پروانه ایستر شعله نی ئوز اختیارینده
فدای شمع اولوب پر سیز دوشر شمعون کنارینده
گرک عاشقده دورسون جان بکف کوی نگارینده
پر آچسون جانستان اوخدان یخلسون پر زنان ای اوخ

سنون بو گل مگونله وصلت جانان یاخون لاشدی
سروریمدن اؤرک پیمانه سیندن لخته قان داشدی
حقیقی عاشقه معشوق وصلی هر ندن باشدی
مقام عشقیده مطرح دگل سود و زیان ای اوخ

جبینیمدن توخون موشدی منیم بیر سنگ آهن دل
سیلوردوم کوینگ یمله قانینی چوخ گرمیدی محفل
اؤرک آیینه سین گوردون کماندان ایلدون تعجیل
داغتدون قلبیمی اولدون کؤرکدن تئز عیان ای اوخ

الیمدن دوشدی شمشیریم بندندن طاقتیم گئتدی
تجلی گاه وحدتده حسین مقصودینه یتدی
توکولدی ایستی قان قلبیم بوشالدی روحیم حظ ائتدی
حسینیت گئدوب وحدت تاپوب جسم و روان ای اوخ

عجب موقع مزین ایلدون کاشانۀ عشقی
عجب موقع چخارت دون غنچه دن ریحانۀ عشقی
عجب موقعده روزن روزن ائتدون خانۀ عشقی
باخور هر روزنندن یاره یار نیمه جان ای اوخ

آتان بیلمور سنی دگدون هارا ای ناوک دلدوز
بیر آز بوندان صورا معلوم اولار بو درد عالم سوز
اوزون گون گیزلدر صحن سماده گورسنر اولدوز
نظامندن چخار گویا منظم کهکشان ای اوخ

سپاه کوفه فرض ایلور حسینون پرچمی یاتدی
یزیدی گورمیوللر منجلاب ذلته باتدی
شهادت کاروانیم عزتیله مقصده چاتدی
گئدنلر گوزلیور گلسون رئیس کاروان ای اوخ

منیع الطبع اولان عاشق محبت رشته سین قیرماز
قیریلسا قلبنون بندی دؤزر ابرویه خم وورماز
اوزون سندیرمیوب دور مرتضی اولادی سندیرماز
ارادم چوخ قوی دور سهو ائدوب دور اوخ ووران ای اوخ

آغیر تکلیفون انجامین قبول ائتمیشدوم اولده
بحمدلله عمل ائتدوم بو میقات مجللده
یاتوبدور پارسایان زمانه قلب مقتلده
اولاری سسلیور گلدوم بو قلب خون چکان ای اوخ

شریعت باغینون آب حیاتی بو آخان قان دور
ذخیره ائتمیشیدوم قان دگول سرمایۀ جان دور
بیر عشق آتشینیله نثار کوی جانان دور
حضور یاره یوخ بوندان گوزل بیر ارمغان ای اوخ

گزور قانلو گوزوم بیر جایگاهی قربی اعلا دور
حسینه جان چخان وقتینده محراب و مصلی دور
نزول ظاهریم علت ترفیع معنا دور
نقدری قوی آخور آخسون اؤرکدن لخته قان ای اوخ

فنا فی الله مقامی مدور منیم ذره خیالیم یوخ
لقای یاره مشتاقم بیر آیری ایده آلیم یوخ
پیمبر سیرت اوغلوم دوغرانوب دفنه مجالیم یوخ
اونون داغی چکیلمیش قلبی ائتدون سن نشان ای اوخ

کمانوندن چخان وقته پر آچدون سسلدون قان قان
نه تک قلب حسینی ایلدون چوخ قلبی سن شان شان
آنام زهرا گوزون یومدی بویوردی جان حسین جان جان
کمانون تک ائدوبسن فاطمه قدین کمان ای اوخ

گتوردون مژدۀ وصلی حریم حقه تاپدون یول
باخوب فرمان تقدیره گلوب دوز گئتمدون صاق صول
سن ای فولاد زهر آگین نقدری سخت سن سخت اول
هدف اما سنه نسبت اولوب چوخ مهربان ای اوخ

نسیم صبحی درک ائتسه یقین برگ سمن تیترر
اورک بیر عارضه تاپسا مسلم دور بدن تیترر
حسینون تیترمز قلبی چون عرش ذوالمنن تیترر
اقلا سن یرونده تیترمه ثابت دایان ای اوخ

سنی قلبیم باشیندا دسته گول تک من دولان دیرام
ثبوت عشقیمه عنوان ائدوب اغیاری یان دیرام
آتوب هر کیم قوی آتسون من چخارداندا اوتان دیرام
بو قدرتده کمان چکمز اوخ آتسا بیر زمان ای اوخ

آتام محرابیده پاک عشقیله راز و نیاز اوسته
ایاقندان چکنده بلمدی تیری نماز اوسته
او عشقه وارثم شادم نه که سوز و گداز اوسته
اؤرکدن یوخ کؤرکدن منه سنه ویرم تکان ای اوخ

بیر آز بوندان قاباق سن شکلده اوچ شعبه بیر پیکان
لبن خوار اوغلومون ائتدی بوغازون گول کیمی خندان
اوخا لبخند ووردی تاپدی گویا چشمۀ رضوان
گوزون یومدی خموش اولدی او طفل بی زبان ای اوخ

بیر اوخدا رزمگهده سن کیمی چخدی کمینیندن
توکوب قان سس اوجاتدی کربلانون سر زمینیندن
آت اوسته عبدصالح قارداشیم چکدی جبینیندن
بوعشق و بووفا اولماز نصیب دیگران ای اوخ

ایدوب خلدآشیان (هندی) بوشعرون مطلعین انشاد
سنه سر مشق اولوبدور (انورا) مرقومۀ استاد
اونی یادائت اوخی بومصرعی عرض ایله روحون شاد
پرآچ ئوز آچدیقون بیر یاریه اول سایه بان ای اوخ

• جمعه
• 12
• شهریور
• 1400
• ساعت
• 23:24
• نوشته شده توسط
• یوسف اکبری

ائدر اعضای پراکنده حکایت یارالی
نئجه بی شَرم و شَقی دور بو جَماعت یارالی

یوخ سوزوم چوخ باجی نون قارداشی دعواده ئولر
رَسمی دور خوش دیلی له تَسلیت اَمّا وِئره لر
کیم گوروب باجینی قارداش باشی اوسته دوگلر
بو رَه عُرفی دی یا حُکم شَریعت یارالی

نئجه من آغلامیوم جبراً ئولن قارداشیما
قلبی مون قانی قاریش سون یِئری وار گوز یاشیما
بو تَسلّی دی مَگر قَمچی وِرولّار باشیما
واردی بو کوفه لی لرده نه شقاوت یارالی

سن کسیک باشی له گیت دِیر نصارایه حسین
دین پیغمبری تبلیغ ائله تَرسایه حسین
منده قول باغلی گئدوم مجلس اَعدایه حسین
باجی قارداش اِیلیاخ دینه حمایت یارالی

آپارور شامه باجون زینبی اَشرارِ زَمن
دولدورور قلبیمی اندوه و غم و درد و مُحن
قالمی سان یِئرده حسینیم بئله بی غسل و کفن
اولمادی دفنی وه زینبده فراغت یارالی

من گلنده بو چوله گلمیشدیم یاوری له
ایندی امّا گئدورم شمر جفا پروری له
دور دعا ایله منی بو کسیلن اللّری له
قافلم بلکه یِته شامه سَلامت یارلی

دور اوزون چاره ائله چاره بو بیچاره لره
مین دیریلّر بالاجا قیزلاریوی ناقه لره
توکوری اشکین اوشاق لار باخوری نیزه لره
ائدوری هر بیری بیر نوع شکایت یارالی

وئردی سعد اوغلی حسینیم بئله فرمان قوشونا
ناقهء لیلینی مشرف ائده اکبر باشینا
آنا اوز اوغلونا باخسین باجی اوز قارداشی نا
یوخدی بو قومّ ودا انصاف و مروّت یارالی

بیر نفر واردی (رجائی) دی سیزه نسبتی وار
برگ سبزیله گلوب دور دئیوری قیمتی وار
قسمت اولمور سفر کرب و بلا نیّتی وار
بیرده محشره دئیور ایله شفاعت یارالی

• پنج شنبه
• 18
• شهریور
• 1400
• ساعت
• 19:32
• نوشته شده توسط
• یوسف اکبری

سپن سو سینه دَه سوزِ نهانه گوز یاشیدی
رِموزِ مسئلهء عاشقانه گوز یاشیدی

خدا بهشتی بهایه وِئرر بهانیه یوخ
همان بهای بهشته بهانه گوز یاشیدی

اورک که یانماسا گوزدن چتیندی یاش چیخ سین
اورکده گیزلنن عشقه نشانه گوز یاشیدی

اورک سوزی او رَگه اَگلشر اورک داغلار
او دور نتیجه وِئرن نوحه خوانه گوز یاشیدی

اورک سیخی لماسا گوزدن که قطره یاش چیخماز
ستاره تک اَلنن شاهدانه گوز یاشیدی

اِجابته یتورن هر دعانی مرکز ده
نتیجهء خَلوات شبانه گوز یاشیدی

حسینه عشقوین اندازه سین اوزون بولوسن
او پاک عشقی چکن اِمتحانه گوز یاشیدی

آتایه آغلیانین اجرینی اوغول وِئره جاق
تسلّی مهدیِ صاحب زمانه گوز یاشیدی

اوزی بویورمیش اَنَا فِی قُلوب منكسره
مكان وِئرن اوُرگی لامكانه گوز یاشیدی

خدادی مشتری آغلار گوزه ئینان اورگه
ئینان سینان اورگه پشتوانه گوز یاشیدی

آقام اوزی بویوروبدی اناالقتیل العِبر
وِئرن همیشه شهادت او قانه گوز یاشیدی

رقیّه نین گوزینون یاشی یخدی ظلمین اِئوین
صباحی شام اِئلین شامیانه گوز یاشیدی

(کریمی ام) گر الیم بوشدی مالِ دنیادن
اَلیمده دسته کلیدِ خزانه گوز یاشیدی

• دوشنبه
• 29
• شهریور
• 1400
• ساعت
• 16:37
• نوشته شده توسط
• یوسف اکبری

وای حسین وای دییر‌م شام غریبان گئجه‌سی
بواوْغولسوزلاریلان،ناله وْافغان گئجه‌سی

بوگئجه آل عبا دیده‌سی گریاندی حسین
آل پیغمبره باخ گؤر نجه افغاندی حسین
حَرمون اوْلدی اسیرخیمه‌لری یاندی حسین
صبرائد‌م منده گر‌ک عهدیمه پیمان گئجه‌سی

چوْخ قارانلوق گئجه‌دور قارداش عَلَمداریم ئؤلوب
زینبه چاره ندورلشگریم انصاریم ئؤلوب
اکبروْقاسمیلن سروروْسرداریم ئؤلوب
آغلیوب باشه وورام شام غریبان گئجه‌سی

وای حسین وای دییر‌م قلبیده یانموش باجیوام
کربلاده بویامان گونلره قالموش باجیوام
یتدی قارداشی ئؤلن خیمه‌ تالانموش باجیوام
قالان آواره باجون شام غریبان گئجه‌سی

نیزه اوْخلاریاراسی اینجیدیری پیکریوی
ئؤلدوروبلراوْجوان اوْغلون علی اکبریوی
سودامراوْخلادیلار تشنه علی اصغریوی
نیلسون زینب حسین شام غریبان گئجه‌سی

آغلیوللربوگئجه اوْغلی ئؤلنلرآنالار
بوقرانلوق گئجده شیون ائدوللربالالار
جیدوْجهد ائیلیور‌م خرداجا قیزلار یاتالار
من نگهبانم اؤزوم شام غریبان گئجه‌سی

یازما ((موجودی)) قوتارحالیم اوْلورحال دگر
غم‌افزا سؤزونه الده قلم یاندی جگر
باجینون قارداش ئؤله قمچی ووراللارکی مگر
آغلیان باشه ووران شام غریبان گئجه‌سی

#موجودی

• دوشنبه
• 16
• مرداد
• 1402
• ساعت
• 23:53
• نوشته شده توسط
• یوسف اکبری

☑️ بند اول

گئدنده شامه دیده گریان
علی قیزی اورکده افغان
ورد المیشدی دیلده هر آن

?حسین یارالاریوا قربان
اسیر بالالاریوا قربان?

☑️بند دوم

بلالی زینبه فکاره
کسیلدی هر نه راه چاره
دییردی اللرینده یاره

?حسین یارالاریوا قربان
اسیر بالالاریوا قربان?

☑️بند سوم

اورکده واردی غم هواسی
پوزولدی قاسمین حناسی
عروس مضطرین صداسی

?حسین یارالاریوا قربان
اسیر بالالاریوا قربان?

☑️بند چهارم

سولوبدی گلستان دا گوللر
اوخا نشان اولوبدی اصغر
رباب بختی قاره سسلر

?حسین یارالاریوا قربان
اسیر بالالاریوا قربان?

☑️بند پنجم

اوشاخلارین اوزونده حاله
ائدر دیلر فغان و ناله
نوای دختر سه ساله

?حسین یارالاریوا قربان
اسیر بالالاریوا قربان?

☑️ بند ششم

رقیه قورخودان اَسردی
قولون طناب کین کسردی
ویراندا ساربان دییَردی

?حسین یارالاریوا قربان
اسیر بالالاریوا قربان?

☑️ بند هفتم

جدا باشیندا شبه طاها
ناقه لر اوسته غملی لیلا
بوییدی ذکری دیلده گویا

?حسین یارالاریوا قربان
اسیر بالالاریوا قربان?

• جمعه
• 24
• شهریور
• 1402
• ساعت
• 21:30
• نوشته شده توسط
• یوسف اکبری

#فارسی

بیا ای نور چشمان پیمبر
تو ای زیبا گُلِ رعنای حیدر
بیا مولا که آمد ماه ماتم
نظر کن بر عزای شاه بی سر
بیا درمان دردم - بیا دورت بگردم
توای یوسف زهرا - بیا آمد محرم
بیا یابن الحسن آرام جانم
بیا یابن الحسن روح و روانم

بی ای لاله ی باغ ولایت
برون شو از درِ پنهان و غیبت
تویی ذکر نمازم یابن الزهرا
بی ای نازنین دریای رحمت
تو ای خسته مسافر - پرستوی مُهاجر
شدی بر قتلگاه ِ - شه ِ عطشان تو زائر
بیا یابن الحسن آرام جانم
بیا یابن الحسن روح و روانم

#ترکی

گل آی یابن الحسن عالم آقاسی
که سن سن شیعه لرون مُقتداسی
گینه گلدی مُحرم باشلانوب غم
گینه گلدی آقا جدون عزاسی
گینه باشلاندی ماتم - گینه اسدی بو پر

• دوشنبه
• 5
• شهریور
• 1397
• ساعت
• 00:53
• نوشته شده توسط
• علی ببیرپور

بیله یوزه توکمه گوز یاشون
صبر قیل دایان زینب
حلال ایله سال منی یولا
باغریم اولدی قان زینب

تاپاندا باشسیز جنازه می
اوندا آغلا یان زنیب

باغریم اولدی قان زینب ( ۲ )

سنه دئمم آغلاما باجی
آغلا سینووی داغلا
نقدر ساغدی بو قارداشون
آغلاسن یواش آغلا
او دم که گوردون من ئولموشم
باشیوه قرا باغلا
تحمل ائت آچما باشیوی
ائتمه چوخ فغان زینب

باغریم اولدی قان زینب ( ۲ )

منی حلال ایلیون باجی
من سیزی حلال ائتدیم
گورون بو جانان یولوندا من
بو یولی نجه گئتدیم
وئرنده جان نوجوانلاریم
عین مقصده یئتدیم
وئرون هاموز من کیمی بو گون
سیزده امتحان زینب

باغریم اولدی قان زینب ( ۲ )

سیزی بولون راحت ای باجی
اهل کین یقین قوی

• چهارشنبه
• 7
• شهریور
• 1397
• ساعت
• 23:10
• نوشته شده توسط
• علی ببیرپور

ای دل دئ هر آن ، اعیاد شعبان
میلاد جانان ، اولسون مبارک
گولدی گلستان ، بلبل غزلخوان
روح آلدی ریحان ، اولسون مبارک

جانم حسین جان ....

شاهیم حسیندی ، جاهیم حسیندی
والله جلال و جاهیم حسیندی
یاریم حسیندی ، واریم حسیندی
روحیم حسیندی ، راهیم حسیندی
تاجیم حسیندی ، ناجیم حسیندی
دلدار و هم دلخواهیم حسیندی
گورسندی نوری ، باشلاردا شوری
اللهدان احسان ، اولسون مبارک
جانم حسین جان ....

طاها سوؤندی ، دنیا سوؤندی
وصل حسیندن ، زهرا سوؤندی
شاد اولدی حیدر ، ساقیّ کوثر
بزم ولاده ، مولا سوؤندی
ئوپدی یوزوندن ، شهلا گوزوندن
سُلطانِ مُلکِ ، بطحا سوؤندی
گلدی طبیبیم ، زیبا حبیبیم
آل درده درمان ، اولسون مبارک
جانم حس

• پنج شنبه
• 22
• فروردین
• 1398
• ساعت
• 10:49
• نوشته شده توسط
• ابوالفضل عابدی پور

ای دوداقی روح مسیحا مسیحا حسین
ای وجودی حکمت سراپا سراپا حسین
ای ذبیح اعظم معظم مکّرم حسین
ياحسین حسین جان حسین جان حسين جان حسين

فضل دور شرف دور قیامون قعودون سنون
مات ائدوب سمانی سجودون سجودون سنون
کعبه‌دور وجودون وجودون وجودون سنون
زائروندی عرش معلاّ معلاّ حسین

لبلرون عطشدن یانوب ای شهنشاه دین
غنچه‌لر او عطشان دوداقه دیور آفرین
سن دیینده هل من معین ای سوسوز نازنین
سسلنور ملک‌لر، سمِعنا، اطعنا حسین

سن سووا باخاندا اوزاقدان اوزاقدان آقا
عالمی ائدورسن پریشان پریشان آقا
آلنوا دوزولمیش قیزیل قان قیزیل قان آقا
قطره قطره سویلور فتحنا فتحنا حسین

یا حسین قاپوندا گدادور گدادور شهان
لبلرونده کوثر

• چهارشنبه
• 28
• فروردین
• 1398
• ساعت
• 16:29
• نوشته شده توسط
• ابوالفضل عابدی پور

کرب و بلا غمینده ازل آدم آغلادی
حوّا قوشوب سسین اونولا باهم آغلادی

نوح نبی قوراندا گمی تا بیلوب نه وار
هم نوحه باشلیوبدی حسینه هم آغلادی

چون ایچمه دی قویونلاری سو حضرت ذبیح
باخدی فراته دولدی گوزی نم نم آغلادی

یعقوبه یوسف اولدی بهانه او قیرخ ایلی
بیت الحزنده باتدی یاسا هر دم آغلادی

مکّه چولونده هاجر ائدوب زمزمه «حسین»
گوزیاشی تک آخوب او زمان زمزم آغلادی

اوندا کی دؤندی گولشنه اؤد، حضرت خلیل
برگِ جمالی اوسته دوزوب شبنم آغلادی

یاده سالوبدی خیمه لرین یانماقین یقین
بو سرّ عشقه هر کیم اولوب محرم، آغلادی

عاشور سرّینی ائله کی درک ائدوب کلیم
تکیه ائدوب عصاسینه چکدی غم آغلادی

بیر چولده کی میسیح ی

• چهارشنبه
• 18
• اردیبهشت
• 1398
• ساعت
• 14:26
• نوشته شده توسط
• ابوالفضل عابدی پور

ای منیم قافله سالاریم اَخی یَابنَ اَبی
ای اوزون قولّی علمداریم اَخی یَابنَ اَبی
.
.
سن دگلدون که اوجایدی هامی اَللردون اَلون؟
شیردن آرتوقیدی صولت جنگ و جَدَلون
تیغ زن لیقدا تاپولمازدی جهاندا بَدَلون
ای حقیقتلی فداکاریم اَخی یَابنَ اَبی
.
.
قولومین قوّتی اول صولت مردانه هانی؟
اَۀده کَسگین قلجیم، جنگ دلیرانه هانی؟
زادۀ شیرخدا پنجۀ شیرانه هانی؟
ای مصیبت گونی غمخواریم اَخی یَابنَ اَبی
.
.
صولتون نولدی یاتوبسان یارالی پژمرده؟
نه گَلوب اَللریوه قالدی قلنجون یرده؟
ای آتام اوغلی قلنجون دور اَله آل بیرده
قویما یالقوز منی سرداریم اَخی یَابنَ اَبی
.
.
تا اَسوردی عَلَمون اَلده اَیا کانِ هنر
خیمه ده راحتید

• دوشنبه
• 31
• تیر
• 1398
• ساعت
• 13:33
• نوشته شده توسط
• ابوالفضل عابدی پور

آچیب عزت قاپوسین شاه شهیدان بو گجه
گلور عشاق و ملک خیمیه مهمان بو گجه
.
یغشوب پیر و جوان جمله حسینون باشینا
آخرین سؤزلرینی ایلیه اعلان بو گجه
.
رخ زیبای حسین هر طرفه نور سالیب
آفتاب و قمری ایلدی حیران بو گجه
.
تا سکوت اولدی عیان پیر طریقت دیدی هو
باشلیرام الله آدیلان بودی فرمان بو گجه
.
خوش گلیبسوز سیزی بیر امره مخیر ائدورم
اولمیا غالب اولا نفسوزه شیطان بو گجه
.
چون سحر یوم بلا جنگ و شهادت گونودی
ایستورم واقف اولام وار نچه قربان بو گجه
.
بی تعارف دیورم خیمه که تاریک اولدی
کیم گئدور گئتسون اگر اولسا پشیمان بو گجه
.
من حسینم ئوزومه عاشق صادق گزیرم
قالماسون هر کس اولور ناقض پیمان بو گجه
.
کیم حسی

• سه شنبه
• 1
• مرداد
• 1398
• ساعت
• 10:21
• نوشته شده توسط
• ابوالفضل عابدی پور

ای گوزل آدی اولان عرشیده گوشواره حسین
ای شرافت یارادان معنی ایثاره حسین
یوزون آئینه اولوب حضرت داداره حسین
جبرئیل اولدی سنه حامل گهواره حسین
عرشی قونداقیده سیرایلدون ای عرشه ثُبات
بو الهی اولان اِعزازیوَه بیزدن صلوات
.
.
یا حسین مشرقُ الاَنوار الهی دی یوزون
جانِ عینُ الَّه و، وجهُ الَّهَه بینادی گوزون
خالقه بنده ولی هوی هُویداسن ئوزون
عصمت وعاطفه دریاسینه گوهردی سوزون
عشقیلن عقله کلاموندی وئرن روحِ حیات
بو الهی اولان اعزازیوه بیزدن صلوات
.
.
او جمالی یارادان نور قیامت یارادیب
آبروی بشر و زینتِ خلقت یارادیب
سنون عشقونله بو انسانلیقا عزّت یارادیب
دوزخی جمع ائلیوب شیعیه جَنّت یارادیب
سنون عشقونده

• چهارشنبه
• 23
• مرداد
• 1398
• ساعت
• 10:27
• نوشته شده توسط
• ابوالفضل عابدی پور

بیر عمریدی من عاشق دربار حسینم
فخریم بودی عالمده عزادار حسینم
.
نه جنته نه قصره نه حوره هوسیم وار
عالمده فقط عاشق رخسار حسینم
.
زاهد داخی صبر ایله، که کوثر سنون اولسون
کوثر ندی من تشنه دیدار حسینم
.
دنیا ائلیوب هر کسی بیر نوع گرفتار
منده بو تمناده گرفتار حسینم
.
دنیا هامی لقمان اولا بو دردیمه هیهات
درمان اولا ،‌چون دهرده بیمار حسینم
.
من رند خراباتیه ، میخانه نه لازم
تا عاکف خمخانه اسرار حسینم
.
خمخانه نی ایچسم منه تاثیر ائلمز چون
مخمور می ساغر گلنار حسینم
.
هر کیم نه دئییر قوی دئسون آنجاق بونی بیلسون
من نوکر اصحاب وفادار حسینم
.
واله قالوب افکارینه افکار عمومی
تک من دگیلم واله افکار حسینم
.
ئ

• یکشنبه
• 27
• مرداد
• 1398
• ساعت
• 13:38
• نوشته شده توسط
• ابوالفضل عابدی پور

من حسینم، زادهٔ شاه عدالت حیدرم
قهرمان بی بدیل عرصه گاه محشرم
آسمانِ بی ستونه من ستونم لنگرم
مرتضی اوغلی جگرخوار اوغلونا رهبر دئمز
اللری گیتسه بلکدن، ظلمه بیعت ایلمز
.
.
ظلمی تعیید ایلمز دوغرانسادا، دوز صود اَمَن
ظالمه فرصت وئرن، انساندا اولماز،، عشقِ من
من علینون اوغلویام ویررام بو ظلمی ریشه دن
وئرمویون ظالملره بو دهریده هئچ فرصتی
بولمویون رهبر او لایعقل کیمی بی غیرتی
.
.
کوفیان کوه صلابت سمبل غیرت منم
محور بو آفرینش، زینت خلقت منم
کان غیرت بحر عزّت سرور جنت منم
ایلسم آنی اشاره، من بإذن کردگار
ایلیر گویدن ملکلر لشکریزی تارمار
.
.
قورخودورسیز سیز کیمی؟ اؤلمَقدن ای قوم دنی
بسلیوب شیرولایت فاتح

• یکشنبه
• 27
• مرداد
• 1398
• ساعت
• 13:40
• نوشته شده توسط
• ابوالفضل عابدی پور