اشعار ترکی امام حسین (ع)

پایانه یتوب دشت بلاده شرر و آه
آل اللهه چوخ ظلم ایلیوب فرقه گمراه
عطشان یتشوب قتله حسین مست علی الله
عاشوربلانین گونی باتدی سحراولدی
باشلاندی اسارت نجبا دربدراولدی

زینب گلوب اول مقتل خونینه اورک قان
سسلندی منی دوریولاسال ای شه عطشان
قول باغلی باجون ترک ایلیور نعشوی گریان
من آخره جک سنله شریک محن اولام
تاواردی نفس دایره عشقیده قالام

تقسیم ایدورم دنیادا محنت منیم اولسون
عالمده نه وار داغ مصیبت منیم اولسون
بیرعمرعزیزیم غم فرقت منیم اولسون
اوزایستدیگون فیض شهادت سنون اولسون
باغ ارم و کوثروجنت سنون او لسون

دنیای غم و محنت و غوغا منیم اولسون
گوزیاشلی حرم قورخلی صحرا منیم اولسون
اکبرآناسی غمزده لیلا منیم اولسون
قان ایچره یاتان ماه منورسنون اولسون
صدپاره اولان جان علی اکبر سنون اولسون

بی معجروبی یار و کمکلر منیم اولسون
بنده چکیلن قاره لچکلرمنیم اولسون
ظلمیله سولان غملی چیچکلرمنیم اولسون
بیچاره ربابه گل پرپر سنون اولسون
حلقومی نشان اوچ پره اصغرسنون اولسون

• سه شنبه
• 30
• دی
• 1399
• ساعت
• 17:38
• نوشته شده توسط
• یوسف اکبری

رزمگاهه چوخ شتابان گتمه بیر دایان حسینیم
سن که مندن آیرلورسان باغریم اولدی قان حسینیم

بیله یول آلوب گیدورسن باغریمی کباب ایدورسن
زینبی بو گتمگینن خانه سی خراب ایدورسن
بیر توقفینده قارداش مین بله صواب ایدورسن
روحیم آز قالور وجودی ترک ایده اینان حسینیم

ال چکنمورم حسین جان من سنون محبتوندن
اللی دورد ائل اولدی بیرگون دویمادوم او صحبتوندن
آیرلیق یاماندی اللم ایندی درد فرقتوندن
سندن آیرلام یوخومدور قالماقا گمان حسینیم

اول خمار خمار باخیشلان آز بوقلب زاری یاندور
آخرین وداعون اولسا گل منه بوسرّی آندور
جانوا تصدق ایله باشیوا منی دولاندور
قوی الوم یاخام قوتولسین ای شه جهان حسینیم

• پنج شنبه
• 21
• مرداد
• 1400
• ساعت
• 12:26
• نوشته شده توسط
• یوسف اکبری

درآهنگ: بیابریم دشت...

فارسی

بودبشارت به حیدر که دیده بگشود امشب حسین
ز روی ماهش منورشده ارکان عالمین
آمده خون خدا
شاه اقلیم وفا
شاد شد ازجان و دل
حیدر و خیرالنسا
ای حسین جانم حسین ۴

شب مدینه/ منور/ خدایا از روی دلبراست
به آسمان ماه/ خجل از /جمال دلبند حیدر است
ای شه خوبان حسین
درد را درمان حسین
اسوه جود و کرم
میرمظلومان حسین
ای حسین جانم حسین ۴

تویی که کان محبت شدی ای امید ماسوا
یه عیدیانه عطاکن به عشاقت برات کربلا
کربلا ماوای عشق
ساحت زیبای عشق
مرقدشش گوشه
حضرت والای عشق
یاحسین جانم حسین۴

ترکی

بشارت اولسون گوزآچدی جهانه ارباب بی کفن
آچلدی یکسر بوگونده گل باغ و هم دشت ودمن
شیعیه ای تاج سر
گول یوزی شمس و قمر
ای شجاعت معدنی
معنی فتح وظفر
ای حسین جانم حسین۴

عجب تبرک ایدوبدی قدومون دنیانی بوگجه
جمال ماهون خرامان ایدوبدور زهرانی بوگجه
هدیه الله سن
گورملی بیرماه سن
هیئته ایله نظر
بیزگدا سن شاه سن
ای حسین جانم حسین۴

• چهارشنبه
• 1
• بهمن
• 1399
• ساعت
• 11:14
• نوشته شده توسط
• یوسف اکبری

وار یئری یازسا قلم شاه شهیدان یاشاسین
چونکی یازمیشدی حسین قانیله قرآن یاشاسین
ریشه دینی یارییر گوردی جهالت تبری
بولدی اسلامه داخی یوخدی بیر امکان یاشاسین
گوتوروب اهل و عیالین باجی ، قارداشلارینی
چوللره دوشدی اورک داغلی کی ادیان یاشاسین
دوزدی چولدن چوله دوشدی ، گینه ال چکمدیلر
قویماروخ بیز دئدیللر عترتین آسان یاشاسین
بو چولون چونکی بناسی قویولوب قانیله
اودی قویمازلا بو صحراده مسلمان یاشاسین
بو چولون خیر و شری قاعده سی فرقیلیدی
میزبان مانع اولار بوردا کی مهمان یاشاسین
مسکن ائدسون بورانی جاه و جلالین پوزولار
بورانین داش قومی هرلحظه دیور قان یاشاسین
کربلادی بورانین آدی گرک قان توکوله
بئله فکر اتمه بو چولده قوزی قربان یاشاسین
وئردی قربان علی اکبر کیمی شهزاده بالا
دئدی آیا نجه دین بی سر و سامان یاشاسین
گوندیریب قاسمی میدانه زره سیز . دیه لر
تازه داماد حسن سرو خرامان یاشاسین
شیر میدان نبردین اله کی سالدی یولا
دئدی گت ای آتام اوغلی سنه قربان، یاشاسین
علقمی فتح الدی فاتح خیبر بالاسی
نهر علقمده دئدی ساقی عطشان یاشاسین
دولدوروب اوجونی اما سویی میل ایلمدی
عشقی احسن دئدی ای شیر نیستان یاشاسین
ادب ، عباسی ابوالفضل الدی ، عازما قلم
با ادب اول کی سوزون هر دم و هر آن یاشاسین
گجه لر یالواریرام صبحه کیمی فاطمیه
نه اولار سویلسه بیر دفعه ( پریشان ) یاشاسین

• پنج شنبه
• 2
• بهمن
• 1399
• ساعت
• 22:29
• نوشته شده توسط
• یوسف اکبری

کوفه نین اهلی بولون دیده بینا منم
یـاور قـران الان یکـه و تنها منم

بو چوله گلدیم فقط دینمی احیا ائدم
سیزلره قران سوزون قانیله معنا ائدم
قانه باتام دشمـن دینیمی رسوا ائدم
دینه ستون وئرماقا چون یَد بَیضا منم

ایسته میشم چون اوزوم بو سوزه تدبیری یوخ
لشکـروز ایچـره سیزون حقی بولن پیری یوخ
واقفـم حـق سوزلـرین سیـزلره تاثیری یوخ
تک لیغیمه باخمیون عشقیده صدها منم

بو چوله گلـدیم فقط عشقیـده تعجیل ائدم
نهر فـراتی بو گـون قانیلـه صـد نیل ائدم
ناقص اولوب دینی میز من اونی تکمیل ائدم
گرچه قوجا سیدم ، عشقیده بُرنا منم

قــرانـا وار بــاوروز ؟ معنـی قـران منم
گـر تـانـوسـوز محشـر ؛ محشره برهان منم
دینه کی وار باوروز جسمیدی دین ؛ جان منم
راه سعـادت منـم – جنـت العلا منم

گـوزلـریوزی بیـر آچون دیده حق بیـن منم
کـوثـر و رحمـان منـم ؛ آیـه وَطّیـن منم
دینی مگر گزمیسوز ؟ وای سیزه چون دین منم
دین منی تائید ائدوب دینوزه معنا منم

آنـدولا حق آللها حَقی گزن حق منم
باطله دیل وئرمیون حق اِله مطلق منم
حق منه مُلحَقیدی ؛ حَقَدَه مُلحَق منم
ناطق قران منم - قرانا همتا منم

• پنج شنبه
• 2
• بهمن
• 1399
• ساعت
• 22:40
• نوشته شده توسط
• یوسف اکبری

قلبیم آخر دولی قاندور قارداش
قافلم شامه رواندور قارداش

دور یولا سال یارالی
کونلومی آل یارالی

جان قارداش جان قارداش
ای وای عطشان قارداش

گون قاباقینده قالوبسان عریان
یارالی جسمیوه زینب قربان

جام صبریم جالانوب
اورگیم پارچالانوب

جان قارداش جان قارداش
ای وای عطشان قارداش

گللریم پر پر اولوب گلشنده
بلبلی قویمادیلار ایمنده

عندلیبیم سارالوب
قلبیمی غملر آلوب

جان قارداش جان قارداش
ای وای عطشان قارداش

آیرلانمور بو حرمله سندن
چکمور ال شمر ستمگر مندن

قزلار افغانه گلوب
زینبون جانه گلوب

جان قارداش جان قارداش
ای وای عطشان قارداش

مایلم نطقیوه گفتاریوه
رحم ایله زینب غمخواریوه

نطقه گل بیر دانشاق
هم یاناق هم آلیشاق

جان قارداش جان قارداش
ای وای عطشان قارداش

هار دا دور مندن آلان پیراهن
قالموسان بی کفن ای بی سروتن

کیم سویوب پیرهنون
قالوب عریان بدنون

جان قارداش جان قارداش
ای وای عطشان قارداش

آی باتوب دالدالانور اولدوزلار
ایلیور ناله و افغان قزلار

گوردولر شمعی خموش
اولدولار خانه به دوش

جان قارداش جان قارداش
ای وای عطشان قارداش

شمر دن یوخدور امان آغلاردیم
قان ورن یاره لرون باغلاردیم

اولموشام شمره اسیر
گتمگه چوخ تلسیر

جان قارداش جان قارداش
ای وای عطشان قارداش

من خداحافظ ایا جان جهان
دور مسافر یولا سال باشلا اذان

ایللری ترک ایدورم
شامه سنسیز گیدورم

جان قارداش جان قارداش
ای وای عطشان قارداش

آغلیوب اوخشار((امینی))دلدن
قورتار ای قارداش اونی مشکلدن

ای شه کرب و بلا
حاجتین ایله روا

جان قارداش جان قارداش
ای وای عطشان قارداش

• جمعه
• 22
• مرداد
• 1400
• ساعت
• 14:23
• نوشته شده توسط
• یوسف اکبری

قلب شـرربـاریوه قربـان حسین
روحِ مَـددکـاریوه قربان حسین
بـاغ جنـان گلشنیـون مستیدی
گلشـن و گلـزاریوه قربان حسین
تعـذیه دارونـدی خـدای وَدود
جانیم او غمخواریوه قربان حسین
تک نه خدا ، دردیوه عالم یانیر
جمـع عـزاداریوه قربان حسین
جنت شش گوشه واروندی سنون
قبـرِ گـوهر باریوه قربان حسین
سینه یارا قبریده سن یاتمیسان
جلــوة ایثـاریوه قربان حسین
قسمت اولـوب اکبـره پاییـن پـا
مَـه رُخِ پـاداریوه قربان حسین
سینوون اوستونده یاتوب اصغرون
لالـة بـی خاریوه قربان حسین
قـاسـم شهزاده و حیـدر مَنِـش
شمسِ جلـوداریوه قربان حسین
نهر فرات اوسته یاتان تشنه لب
قولسوز علمداریوه قربان حسین
قیزلارا سو وعده شس وئردی ولی
روحی خجل یاریوه قربان حسین
خیمه لرین داشینی باشدان آتان
یـاره لی سرداریوه قربان حسین
قولسوز ابوالفضله اورک داغلیان
غملی عـزاداریوه قربان حسین
عُمـترم اولا کـربـوبلاده دییَـم
رُتبــة زواریوه قربان حسین
زائر اولوب قـدریوی من بولمدیم
جان دلِ افکاریوه قربان حسین
نَذر المیشـدیم کی گلنـده دییَم
تـا کی بـالالاریوه قربان حسین
حیف اولا کی اوردا دییه بولمدیم
یـاریوه انصاریوه قربان حسین
ایندی دیور روح (پریشان) سنه
غصه لی قیزلاریوه قربان حسین

• پنج شنبه
• 2
• بهمن
• 1399
• ساعت
• 22:43
• نوشته شده توسط
• یوسف اکبری

سـوم شعبـانیـده
یاندی گویللر مشعلی
صِدق دلدن سسلیون
یـا حسیـن بـن علی
خلق ائدوب ذات تبارک
شاهیمون زیبا آدین تک
جشن میـلادی مبـارک
چهره سی گونن گوزل زیبا گوزی چون آی
یوخدور اونا بیر تای
پای وئروب آی پارچاسیناندا گوزل بیر پای
یوخدور اونا بیر تای
یـا حسیـن جـان یـاحسیـن جـان
مـرد بـا ایمـان حسیـن جـان
سینه زن لر آدیوه قربان حسین جان
قربان حسین جان

شـاد اولـون اهل ولا
شاد اولوب چون مصطفی
جـار سالون عالمللره
گلــدی شــاه کـربـلا
نور چشـم مرتضادی
آدینه جـانلار فدادی
عشقیمیز کرب و بلادی
مدحینـه قاصـردی بـو ناقـص بیانیـم
قاصر زبانیم
کـربلا سلطـانینـه قـربـان بـو جـانیم
جان جوانیم
یـا حسیـن جـان یـاحسیـن جـان
مـرد بـا ایمـان حسیـن جـان
سینه زن لر آدیوه قربان حسین جان
قربان حسین جان

حضـرت زهـرایه جـان
سیـد اهـل جنـان
درگـهِ بـا عـزتـی
مفـخر هفت آسمان
شیعیـه نان و نمکـدی
قلبیللرده آدی حکدی
آنـدولا اللـه تکـدی
تک یاتمـوش خـالق منـان حسینی
والله حسینی
عرش و فرشه ایلیوب سلطان حسینی
والله حسینی
یـا حسیـن جـان یـاحسیـن جـان
مـرد بـا ایمـان حسیـن جـان
سینه زن لر آدیوه قربان حسین جان
قربان حسین جان

فاطمــه دلبنـدیدی
مـرتضـا فـرزندیدی
اوز آناسی تک آقام
درد و غم خُرسندیدی
شیعه لر اولسون فداسی
باشینون وار چوخ بلاسی
وار قـابـاخـدا کربلاسی
کـربـلاده قـانینی نـاحـق توکللر
قدین بوکللر
سینه سین اوچ شعبلب اوخلا سوکللر
قدین بوکللر
یـا حسیـن جـان یـاحسیـن جـان
مـرد بـا ایمـان حسیـن جـان
سینه زن لر آدیوه قربان حسین جان
قربان حسین جان

• پنج شنبه
• 2
• بهمن
• 1399
• ساعت
• 22:48
• نوشته شده توسط
• یوسف اکبری

عشق عالمینده عاشقه پروانه اورگدر
شمعین اوتوندا یانماقی پروانه اورگدر

من عاشقم حسین آدینا اولموشام دلی
فرزانه نینده عشقی دیوانه اورگدر

دوز آستان قدس حسینه یخلمشام
دیوللر حسین ده عاشقی جانانه اورگدر

مستم نگار الیندن ایچن باده دن بلی
بیرگون ده عشقی عارفه مستانه اورگدر

ایتدیم سوال عارف و صوفی بویوردیلار
مولان,((امینی))نوکری شاهانه اورگدر

• جمعه
• 22
• مرداد
• 1400
• ساعت
• 17:25
• نوشته شده توسط
• یوسف اکبری

عشـق حیـدرده ئـولـن اِئللره جانیم قـربـان
مـرتضـانی چـاغیـران دیللـره جانیم قـربـان
شـرف عـالـم امکـانـه ، نبـی خـاتمینــه
حضـرت خـاتـم پیغمبــره جانیم قـربـان
دیـن اسـلامـی دیریلـدن علـیِ اَعـلایـه
مصطفـا یـاوَرینـه حیـدره جانیم قـربـان
بـاعـث خلقـتِ عـالمللـر اولان شیـر زنـه
فـاطمـه نـابغـة محشــره جانیم قـربـان
فاطمـه اوغلـی حسـن نور دو چشمـان علی
مجتبـا مــاه جهـان گستـره جانیم قـربـان
کـربـلا شـاهینـه اَللـرده ئـولـن سلطـانـه
الی اللـرده قـالان سـروره جانیم قـربـان
بـاشـی سـرنیـزده قـران اوخیـان سرداره
داش دیوب آلنی سنان رهبره جانیم قـربـان
یارالی بـاشی قیـزیل طشتیـده چوخ ظلمیله
قیزیل القـانه باتـان لبللـره جانیم قـربـان
قولسـوز عبـاسه او دیـن پرچمینی ساخلیانا
علقم اوستونده کی سـرلشکره جانیم قـربـان
پاره مشکـه آخـان اَشکـه، عَلمه ؛ قانلی گوزه
کـربـلاده کسیلـن اللـره جانیم قـربـان
دوز دوروب آهـن عمـود آتـدا باشین اگمینه
باش یارا , پارچـالانان پیکره جانیم قـربـان
جعفـر وعونیلـه هم فضـل و مظاهـر هم حُـر
جُـون هـم قـاسـم نام آوره جانیم قـربـان
گـل کیمی پـر پـر اولان کربـوبـلاده جسمی
مرتضا خوی و نبـی منظره جانیم قـربـان
او کـی شـأنینـده گلـوب جملــة اِربـاً اِربـا
شِبـه طـاهـا علـیِ اکبـره جانیم قـربـان
گلشـن کـربـوبـلاده او سـولان غنچـه گُلـه
او گُـلِ غنچـه وَش و پرپره جانیم قـربـان
او کی چیـرپیندیغیجا ئـوز آتاسین آغـلاتـدی
اوش پر اوخلان داغیلان حَنجره جانیم قـربـان
او کی بیکس ننه سین حشره کیمین یاندیردی
عـالمـی درده سـالان اصغره جانیم قـربـان
ای (پـریشـان) نقـدر وار نفسون یاز بوسوزی
عتـرتِ بَـر حَـقِ پیغمبـره جانیم قـربـان

• شنبه
• 4
• بهمن
• 1399
• ساعت
• 19:45
• نوشته شده توسط
• یوسف اکبری

کهف الاماندی خلقه حسین آستانه سی
صدره مکاندی خلقه حسین آستانه سی
سد عظیم معصیت و مانع خطا
باب جناندی خلقه حسین آستانه سی

هر کیم او آستاندا اوزون ساخلادی تمیز
تاپدی تقرب اولدی ایکی عالمه عزیز
روشن ایدوبدی ختم پیمبر شه حجیز
گون تک عیاندی خلقه حسین آستانه سی

حسین تولدینده یره گلدی جبرئیل
دلده دعا و ذکر خدا بندهٔ ذلیل
سالدی او پاک بارگهه فطرسی دخیل
فیض فشاندی خلقه حسین آستانه سی

• جمعه
• 22
• مرداد
• 1400
• ساعت
• 18:09
• نوشته شده توسط
• یوسف اکبری

ای شمس رخشان _ ای شاه مظلومان
جانیم سنه قربان _ یاحسین

ای منبع احسان _ ای سلطان خوبان
قیل دردیمه درمان _ یا حسین

ای سلطانیم آندولا زهرایه شش گوشه قبرونده اینان گوزوم وار
کربلایه بیر گون گله بیلسم قولسوز علمداره چوخلی سوزوم وار

یا حسین یاحسین یاحسین
ای شاه مظلومان

ارباب عالم _ استاد حاتم
دلبند خاتم _ یاحسین

عالم سنه قربان _ حاتم سنه قربان
خاتم سنه قربان _ یا حسین

کربوبلا کعبه عشقیمدی، عشقون بو قلبیمده دیر و کنشتیم
بزم یاسون منه بی نوایه آندولا آلله باغ بهشتیم

یا حسین یاحسین یاحسین
ای شاه مظلومان

( فارسی )

ای شافع محشر _ دردانه حیدر
ای جان پیغمبر _ یا حسین

ای قبله پاکی _ ای روح بی باکی
سلطان افلاکی _ یا حسین

من مجنونم تو ساقی عشقی عشق تو را مستانه من اسیرم
قسمتم کن تا بیام کربلا تو بین الحرمین برات بمیرم

یا حسین یاحسین یاحسین
ای شاه مظلومان

ای راه عشقم_ ای تو ماه عشقم
شاهنشاه عشقم_ یاحسین

همچون گهر نابی _ تو کشته آبی
بر همه اربابی _ یا حسین

در کربلا تو وادی غمها دریای ماتم فدای عشقی
ای شاه ما دردانه زهرا سلطان بی سرها خدای عشقی

یا حسین یاحسین یاحسین
ای شاه مظلومان

• یکشنبه
• 5
• بهمن
• 1399
• ساعت
• 20:27
• نوشته شده توسط
• یوسف اکبری

حسین حسین - ای سیـد بـا کرامت
حسین حسین – مولا همـگان فدایت
حسین حسین – هفت آسمان گدایت
به زمانه سلطانی - مولا - ای شه خوبان

حسین حسین - هـر درده آقـا دواسـن
حسین حسین - سـن سیـد کـربوبلاسن
حسین حسین - سن عشق خوده خداسن
سن عزیز زهراسن – مولا - آدیوه قربان

عباس عباس – رویـت چـو مـه مُنَوَر
عباس عباس – ای محشر روز محشر
عباس عباس – ای سـاقـی آل حیدر
یل ام البنینی – عبـاس - ای جـان زهرا

عباس عباس – نـور رُخ کبـریا سن
عباس عباس – سن شاهکار خدا سن
عباس عباس – سن حیـدر کربلاسن
سیخیلوب سایونده چون – مولا - طفلان زهرا

اکبر اکبر - ای شیـر ژَیـان لیـلا
اکبر اکبر - ای مـه رُخ آل طـاها
اکبر اکبر - ای نور دوچشم زهرا
به تو می بالد حتی اکبر - حضرت حیدر

اکبر اکبر - پیغمبــرَ بنـذر اولدون
اکبر اکبر - عیناً خوده حیدر اولدون
اکبر اکبر - گل مِثلی نه پرپر اولدون
سنه عالمللر آغلار اکبر - شِبه پیغمبر

قاسم قاسم - دردانة مجتبایی
قاسم قاسم - شهراة مرتضایی
قاسم قاسم - دامـاد کربلایی
به سرت شوری داری قاسم - دلبند زهرا

قاسم قاسم - حیدر کیمی باشرف سن
قاسم قاسم - دشمنلـرینن طرف سن
قاسم قاسم - اوخ نیزه لره هدف سن
سنه جنده آغلار دائم – حضرت طاها

اصغر اصغر - خورشیـد آسمـانی
اصغر اصغر - سلطـان عـرشیانی
اصغر اصغر - شش ماهِ شه جنانی
سید و هم شهزاده هستی - الله اکبر

اصغر اصغر - گویللـره آدون اوجـالدی
اصغر اصغر - عشقینن هامی گوج آلدی
اصغر اصغر - رستمنن آدون باج آلدی
زِ مِیِ نـاب مـولا مستی - الله اکبر

• دوشنبه
• 6
• بهمن
• 1399
• ساعت
• 22:45
• نوشته شده توسط
• یوسف اکبری

حسين نور چشمان خاتم حسين اي اميـر دو عالم
ملكلـر ديـولـر دمادم حسين جان حسين جان
عـالـم بـولـور كُـل دنيـايـه مولا حسيندي
يوز ايرمي دورد مين نبي دَندَه اولا حسيندي
ذكـر لب حضـرت فـاطمـه يـا حسيندي
شَهَنشاه والا حسيندي
مولا حسين جان حسين جان حسين جان حسين جان

حسين مرتضايه جانيدي حسين معنـي قرانيدي
حسين قاني الله قانيدي تـرابـــه تـوكـولـدي
قـان تپراقـا آخـدي يانديـردي دنيـاني ياخدي
لب تشنه جان وئردي؛گوز علقمه باخدي باخدي
آل علـي تشنـه ؛ علقـم چـولـه آخدي آخدي
فراتين سويي آخدي آخدي
مولا حسين جان حسين جان حسين جان حسين جان

دوشوب گون يارالي تُرابه اوليـدي زمـانه خرابه
حسينـي وئربـلار ثرابه رقيــه بـاخـانـدا
سلطان عشقـه او چـولده گُولن وئردي الله
اوغلي ئولـن پادشـاهـي گلـن وئردي الله
زينب باخوردي گلوب هم گِئدن وئردي الله
گلوب هم گِئدن وئردي الله
مولا حسين جان حسين جان حسين جان حسين جان

شه سينه سي پارچالاندي القانه جسمي بوياندي
مغربـده گـون دالدالاندي كــربوبـــــــلاده
ختـم اولـدي امـر خطيـر قتيـل و شهادت
يئللر اسوب گون باتوب قنه باشلاندي غارت
اخيامي يانديرديلار عرشه قالخوب حرارت
سمايه اوجالدي حرارت
مولا حسين جان حسين جان حسين جان حسين جان

• دوشنبه
• 6
• بهمن
• 1399
• ساعت
• 22:58
• نوشته شده توسط
• یوسف اکبری

در آهنگ (عم اوغلی چوخ گل سارالار...)

امانـدی یاتما اویـان حسیـن شامه یولانور زینب
دوشنده گوز قانلی باشیوه اوت توتوب یانور زینب

حرملـرون باغـلانوب اخـا قـول قولا طنابیله
نفس چکور خیردا قیزلارون خوف و اضطرابیله
اَقلّی لطف ایلـه بیر دانیـش هَمسرون ربابیله
اولوبدی ذکری اوغول علی – گور نه اوتلانور زینب

دوشـوبدی درد و بـلالـره بو باشیـم خدا حافظ
دونوبدی قانه اینان حسین گوزیاشیم خداحافظ
بو سـن بو کـربوبلا چـولی قارداشیم خداحافظ
قـدم گوتـوردوخجـه نـاقـه لر نـه اَلولانور زینب

هُمای دین سن سینوب سنون شهپرون باجون ئولسون
قالـوبدی تپـراقلار اوستـه بو پیکرون باجون ئولسون
نـه بـاش قـالـوب پیکـرونده اللرون باجون ئولسون
هایـاندادی بـاشـون اللـرون هی سُراخلانور زینب

بو گل جنازه سنونکیدی دشمن ایلیوب پر پر
ائدوبـدی قمچی یارالاری اهل بیتیـوی مضطر
قولاخ یـارالی بـدن یارا ؛ ال ایـاق یارا یکسر
بو وضعیلـه کوفیـه گئدور قلبیـدن یـانور زینب

سولوبـدی گلـزاریون بهاری گئدور باجون زینب
یولا دوشوب درد و غم قطاری گئدور باجون زینب
بو سـن بـو کربـوبلا دیاری گئدور باجون زینب
قـدم قـدم لحظه لحظه سنن اوزاخلانیور زینب

• دوشنبه
• 6
• بهمن
• 1399
• ساعت
• 23:05
• نوشته شده توسط
• یوسف اکبری

عشقه باخ وصلتی آیدینلادی هجرانه گوره
یولایوب عاشقی تا نقطهٔ پایانه گوره

یار دیرینه و دلسوزی نه احسان ایلیور
نقش اولوب تپراقا بیر نمرهٔ شایانه گوره

شاه دین مقتلی خلوت گه رازیدی بلی
بیر داغلمش اورگه بیر دل سوزانه گوره

عشقه باخ ورطهٔ طوفاندا خانم فاطمه نین
ساخلیوب روحینی بیر شامغریبانه گوره

طوره گوندردی کلیم اللهه لبیک دیوب
سبط پیغمبری پیغمبره ریحانه گوره

سوز دل سوزشین آرتیردی سوسوزدان اُله نین
ساربان ایلدیگی ظلم فراوانه گوره

دوردی زهرا دیدی اوغلوم گیدورم کوفیه من
تا گورم حرمت ایدن وار سن مهمانه گوره؟

عشقه باخ جذبه سی جنت دن علی نی گتروب
آغلادیر وادی غربت ده یتیمانه گوره

سالمسان درگه مولایه "امینی" اوزیوی
سنده بیر حاجته بیر مطلب پنهانه گوره

• جمعه
• 22
• مرداد
• 1400
• ساعت
• 18:41
• نوشته شده توسط
• یوسف اکبری

کاش اولیدی قدرتیم سام و نریمانلار کیمی
تنگ ائدردیم ظالیمه دنیانی زندانلار کیمی

کاش جنگ و فقردن آزاد ائدیدیم عالمی
گولمین یوزلر گولیدی باغ و بستانلار کیمی

کاش انسانلار ایاقینده اولیدیم سارماشیق
قیوریلیدیم ایری لر بوینندا ثعبانلار کیمی

کاش اکیدیم داش اورکلرده محبت تخمینی
گولله لردن گل گووردیدیم گلستانلار کیمی

کاش رستاخیزه جن اولمیدی قانون دهرده
بلکه قان توکمیدی انسان وحشی حیوانلار کیمی

کاش اولیدی بوردا انور دئیدی احسن شاهیا
حقی ایلورسن بیان خالص خدا خوانلار کیمی

بو سوزی مندن قاباق غیرتلی بیر انسان دئیوب
منده تکرار ایلورم غیرتلی انسانلار کیمی

کاش اولیدی اختیاریمده بوتون طیاره لر
تا چورک گویدن سپیدیم خلقه بارانلار کیمی

حیله کارلیقدان صورا شهرین یوخیمیش شوکتی
کاش شوکتسیز یاشیدیم چولده چوپانلار کیمی

کاش اولمیدی تمدن عصر آهن دوره سی
یوخلامیدی رحم و رافت پاسلی وجدانلار کیمی

کاش ایریلمیدی علم اسلامیدن چون هچ گروه
دینه ضربت ورمیوب نادان مسلمان لار کیمی

کاش سوز بیلمیدی دیل لر کاش اولمیدی کلام
تا دئیلمیدی تیکان تعریفی ریحانلار کیمی

ایندی که آلمیش سواد اوستین سیاستنن سلاح
کاش اولیدوق بیسواد اولکی دورانلار کیمی

سنده شاهی شعر ملکین فتح قیلدون بیل ولی
رخنه گرمز کبردن هیچ کیم سخندانلار کیمی

اویما استاد و جناب و میر و مولا لفظینه
یوخدی آفت عقل و دینه اسم و عنوانلار کیمی

ظاهری خوش باطنی چرکین بشردن قیل حذر
فتنه شیطان رجیم بیلمز بو شیطانلار کیمی

علم و فضلیلن بزن چون مردم بی فضل و علم
گیسه ابریشم گینه رسوادی عریانلار کیمی

بوشلا بو دنیانین عشقین چون اونون عاشقلری
فاطمه اولادینی ذبح ائتدی قربانلار کیمی

تشنه افعی لر کیمی قوزاندی خنجرلر گوگه
دوشدی قربانلار یره بی جلد قرآنلار کیمی

اوخلار اوستن اوخ قالاندی نیزه اوستن نیزه لر
یر گوروندی ایلدیریم ورمیش نیستانلار کیمی

عصر عاشورانی بوغدی عرصه دن قالخان هراس
گیزلنوب گون خلقدن شرمنده سلطانلار کیمی

گلدی الدوزلار یاسا گوزدن گوموش یاش توکدیلر
نعشلردن نورلر بوس ائتدی جانانلار کیمی

شامیدن بیر پاس کئچدی یتدی خلوت موسمی
چیخدی بیر قیز خیمه دن وحشتلی جیرانلار کیمی

گوردی دوقوز آسمانی تیتردن بیر صحنه وار
هر جهتدن حمله ایلور قورخی طوفانلار کیمی

دیو آدم خوار تک آچمیش قرا بیر شب دهن
اوردا بیر تنها اوشاق نیلر نه من بیلم نه سن

گوردی آی نورین بوغار صحراده محشر کولگه سی
هم ئولوم اوینار او چولده هم مصور کولگه سی

نهردن قالخوب گورولتی آب ائدر جراتلری
فوج لشکر یوخ ولی وار موج لشگر کولگه سی

• پنج شنبه
• 9
• بهمن
• 1399
• ساعت
• 23:02
• نوشته شده توسط
• یوسف اکبری

عالم عشق ده سلطاندی حسین
جمله عاشقلره برهاندی حسین

عشقی نین فلسفه سینده یازیلیب
فخر عالم شه خوباندی حسین

درگه قدسینه درباندی ملک
واقعاً دهره سلیماندی حسین

وادی معرفت اللهه قمر
رونق محفل عرفاندی حسین

گورسن اللهی سزادور اونیلن
مظهر حضرت یزدان دی حسین

ای که قرآن اوخویورسان گَل اینان
گر دیسم معنی قرآن دی حسین

آیهٔ نَصرُ مِن اللّه ده گور
جسم قرآنه یقین جاندی حسین

نقد جان الده عَلَم چیگنینده
شاهد بزم شهیداندی حسین

خون بها قادر یکتادور اونا
چون خدادن توکولن قاندی حسین

قیل توسل سن "امینی" آدینا
شافع مطلق عصیاندی حسین

• شنبه
• 23
• مرداد
• 1400
• ساعت
• 15:53
• نوشته شده توسط
• یوسف اکبری

مسیحیده نفس مشکبو حسینوندور
کلیمیده هوس گفتگو حسینوندور

خلیلی نور حسین هر بلاده فاتح ائدوب
ذبیح جانینه اعظم گرو حسینوندور

گلنده قبرینون آدی اگر اورک یاریلا
گوررسن اوندا بوئوک آرزو حسینوندور

ائدوب آناسینا مهریّه خالق داور
بو یئر اوزونده اولان عمده سو حسینوندور

اودورکی اولمیاجاق منکرون نمازی قبول
گوتورسه هر سودان آب وضو حسینوندور

قانیلاوئردی حسین گلشن رسالته سو
گل محمّدی‌ده رنگ و بو حسینوندور

گوزی باخا باخا دیلسیز بالاسین اوخلادیلار
دئدی‌خدا بوگُل سرخ‌رو حسینوندور

شکایت ایله‌مدی امّته دعا ائلَه‌دی
بو نیک‌خصلت‌وخوی‌نکو حسینوندور

جزا گونی قورولار دادگاه عدل خدا
او گون محاکمهٔ روبرو حسینوندور

سنه‌اهانت‌ائدن‌(منزوی)‌حسینه ائدیر
سنون اوزونده اولان آبرو حسینوندور

• پنج شنبه
• 9
• بهمن
• 1399
• ساعت
• 23:21
• نوشته شده توسط
• یوسف اکبری

«شایدده من ئولم گِئده سوز کربلایه سیز
امّا بو نوکرین سیزه بیر عرض حالی وار
پایین پاده سعی ائلیون چوخ دایانمیون
تز ردّ اولون ایاقوزون آلتدا یارالی وار»
شوقیله باش طرفده دورون باهم آغلیون
بالای سرده آغلاماقین آیری حالی وار
بیر سس سسه ویرون اوجادان یاحسین دیون
کیم آغلاسا رضاسی حق ذوالجلالی وار
عالم فدا او قبره که بیر شاه تشنه لب
بیر شیرخواره بیرده پیمبر مثالی وار
گویدن صدای وا وَلَدا گلسه سس ویرون
حتما آناسی فاطمه دور غم مقالی وار
اوردان دورون ایاقه گئدون نهر علقمه
نهر اوسته بیر یارالی یاتوب چوخ ملالی وار
عباسه بیر سلام ائلیون باشینه دونون
الله یانیندا بو آقانون چوخ جلالی وار
اما دیله رقیه نون آدین گتورمیون
سو وعده سی وئروب او قئزا انفعالی وار
آتدان دوشنده سسلدی قارداش هرایه گل
عباسی درک ایله که خیال وصالی وار
زهرا منه اوغول دیدی آرتیردی شأنیمی
فخر ایلورم که سینه ده زهرا مدالی وار
یوخدور الیم اگر چه دوتام دامنون نه غم
روحیم حسینچیدی سنیله اتّصالی وار
ای گون یوبانما ماه چخوب خط سیریدن
دار بقایه قارداشیوون انتقالی وار
بیرده قصوریم اولسا گذشت ایله سیّدی
اللرده دور یارالی باشیم قیل و قالی وار
ایله کرم بو صادقینی عفو قیل خدا
پرونده سینده گرچه گناه و وبالی وار
ائتدیم بو شعره منزوینون روحینی شریک
شاید دعای خیر ائده چوخ احتمالی وار

دو بیت اول این شعر از مرحوم منزوی بوده و بقیه شعر از حاج داود صادقی تبریزی میباشد

• پنج شنبه
• 9
• بهمن
• 1399
• ساعت
• 23:28
• نوشته شده توسط
• یوسف اکبری

رئوس سلسله ى انبيا حسينه فدا
مفسرين کتاب خدا حسينه فدا
فقيه و مجتهدو مقتدا حسينه فدا
اکا بر حرم کبريا حسينه فدا
نمازه عاشق اولان اصفيا حسينه فدا
بلور سينه ى اهل صفا حسينه فدا
فروغ ديده ى اهل عزا حسينه فدا
اولار کى غيببه اولوب آشنا حسينه فدا
اولارکى عرشده آچمش لوا حسينه فدا
حسين دئيور او قلب کى ياليتنا حسينه فدا
خلاصه ما خلق و ماسوا حسينه فدا
حسيندى دولت قرآنى پايدار ائلليين
حسيندى حرمتينه جدى افتخار ائلليين
حسيندى قاشلارينا غبطه ذوالفقار ائليين
حسيندى ياره لرى ذکرى يار يار ائليين
حسيندى حلقينه زينب جانين نثار ائليين
حسيندى وحدتى کثرتده آشکار ائليين
حسيندى آلنينى مرآت کردگار ائليين
حسيندى دوردمين اوخا لطف بيشمار ائليين
حسيندى خامه ى #شاهينى زرنگار ائليين
حسيندى حضرت زهرانى سوگوار ائليين
حسيندى آتش نمرودى لاله زار ائليين
حسيندى فانى مالايرانى وار ائليين
يرى حسينه فدا لايرى حسينه فدا

• جمعه
• 10
• بهمن
• 1399
• ساعت
• 20:17
• نوشته شده توسط
• یوسف اکبری

شمع اوسته اگر یانماسا پروانه یاراشماز
عقل اورگده عاقل لره دیوانه یاراشماز

سرمست مِی شاه شهیدان اولا هر کیم
اَلده دولانا باده و پیمانه ؛ یاراشماز

غم خانه حسینچی لره بو بزم عزادی
واضحدی حسینچی لره میخانه یاراشماز

اَگنیندا قرا تک تکی سلطاندی حسینچی
قاره گییَنه جامه ی شاهانه یاراشماز

آزاده گَزر رسمیدی هر یاندا حسینچی
آزاده ئوزون گر سالا زندانه یاراشماز

عاشوریده شاه شهدا قیلدی نمازین
بو وصله دئدی شاه شهیدانه یاراشماز

گر ترک ائلیه صُوم صلاتین بیر حسینچی
اربابیمیزه آند اولا قرآنه یاراشماز

مین ائیلدی حسینچی لره یول بَلیدی اما
شایسته حسینچی گِئده هر یانه یاراشماز

شعرونده پیام اولماسا بیر اَرزنه دگمز
یوونگول یازیلان شعر پریشانه یاراشماز

• شنبه
• 18
• بهمن
• 1399
• ساعت
• 19:23
• نوشته شده توسط
• یوسف اکبری

در آهنگ (جان آقام سنه قربان آقام)

سرور اهل جنان گلدی جهان اولدی جنان
غرق شور و هیجان اولدی بوتون عالمیان

جان پیمبر گلدی
نو گل حیدر گلدی
عالمه رهبردی حسین
سرور بی سردی حسین

جان آقام سنه قربان آقام ای شه دوران
آقام جان آقام سنه قربان آقام

بو آقا بیر آقادی فاطمیه نور دو عین
بونی الله بگنوبدور ئوزنه آدی حسین

نور هدایتدی حسین
روح شرافتدی حسین
شمس ولایتدی حسین
بحر کرامتدی حسین

جان آقام سنه قربان آقام ای شه دوران
آقام جان آقام سنه قربان آقام

قبر شش گوشه بهشتیمدی ئوزی قبله نُما
یئری وار قبله حسینون باشینا هی دولانا

فاطمیه جاندی حسین
قبله‌ی جاناندی حسین
کعبه حسینون گوزودی
قبله حسینون ئوزودی

جان آقام سنه قربان آقام ای شه دوران
آقام جان آقام سنه قربان آقام

گرد و خاک حرمون جنت العلایه دییر
بالاجا بارماقینون دیرناقی دنیایه دییر

ای دُّر نایابیم حسین
عشقیلی اربابیم حسین
ای شه گردن خَدمه
گل بیزی مایوس ائلمه

جان آقام سنه قربان آقام ای شه دوران
آقام جان آقام سنه قربان آقام

• شنبه
• 18
• بهمن
• 1399
• ساعت
• 19:37
• نوشته شده توسط
• یوسف اکبری

صلاه ظهریدی هرچه جستجو ائلدی.
تاپیلمادی سو حسین قانیلن وضو ائلدی.

فراز نیزه ده تکبیر و اصلاه دیین
سجود حقه بیلینمز نه گفتگو ائلدی

ییخیلدی بستری قان ایچره هل عطا اوغلی
سمانی ترک ایلین ماسوایه رو ائلدی

وحید و یکه و تنها محاج ظلمه قوناق
ثبوت منزلت لا الاهه هو ائلدی

تالاندی مال و منالی ولیک وئرمدیلر
سکینه هر چه طلب بیر پیاله سو ائتدی

هرایه گلمدی بیر کس او نازپرورده اوشاق
هرایه سسلدی از بس عمو عمو ائلدی

بلا گونونده سکینه پناهی اکبریدی
پناه سیز دولانوب اکبر آرزو ائلدی

فلک اشیتمدی فریاد طفل معصومی
اگر چه بار غمین شرح مو به مو ائلدی

داغیلدی باده و پیمانه سیندی سبو
زیادون اوغلی عجب هتک آبرو ائلدی

هزار شکر مرادیم ازلده" بیضانی"
مرید و ملتمس بو سینیق سبو ائلدی..

• دوشنبه
• 1
• شهریور
• 1400
• ساعت
• 12:56
• نوشته شده توسط
• یوسف اکبری

حسین عزیز جان زهرا
حسیندی عرش و فرشه مولا
آدینه جان قربان
حسیندی شهریار دنیا
حسین شفیع یوم عقبا

عشقیم سن مولا

آتام آنام ئوزوم سنه قربان
واریم یوخوم گوزوم سنه قربان

ثار الله

حسیندی مُنجی امامت
حسیندی معدن کرامت
ئوز آتاسی حیدر تک
حسیندی هیکل عدالت
حسیندی مشعل هدایت

قانلار پیکرده
حسین دییَن زمان گلَر جوشه
بهشتیمیز ظریح شش گوشه

ثار الله

نوای دلگُشا حسیندی
شَهَنشه ِ ولا حسیندی
روح تولادی
امیر کربلا حسیندی
شهید بِلقَفا حسیندی

شش گوشه قبرون
یقین حریم کعبه دن باشدی
گوزل گوزون او قبله دن باشدی

ثار الله

ندای عاشقانه سن سن
گوزل ترین ترانه سن سن
عَدلی گَزَن اولسان
عدالته نشانه سن سن
یانان دله بهانه سن سن

هرکیم آدیوی
چاغیرسا دردینه آلار درمان
صفالی آدیوه جانیم قربان

• یکشنبه
• 19
• بهمن
• 1399
• ساعت
• 22:29
• نوشته شده توسط
• یوسف اکبری

تا آتش اشراره حسین خیمه سی یاندی
گون باتدی عدو یاتدی شفق قانه بویاندی

فریادو فغان جوهر ذراته داغیلدی
آوای حسین وای اودی هر یاندا عویاندی

بو ماتم عظماییده لاهوتیله ناسوت
حیراندی پریشاندی و انگشت به دهاندی

تنها نه قرا پوش اولوب کعبه بو غمده
ناقوس کلیساده ده فریادو فغاندی

خون حق و ناحق توکولوب کرب و بلایه
شرحی مرج البحر و لایلتقیاندی

تکفیر ایلمه گر دیسم الله حسیندور
واللهی و بالله او همین و بو هماندی

من چکمرم ال دامن شاه شهدادن
شاه شهدا دامنی مافوق جناندی

ای کاش اولا بیضا سر کویینده غباری
هر چندکی "بیضا " ید بیضای زماندی

• دوشنبه
• 1
• شهریور
• 1400
• ساعت
• 13:35
• نوشته شده توسط
• یوسف اکبری

یا حسین _ یا حسین
ای شه جود و کرم

اکبریوه عاشقم _ اصغریوه نوکرم

یا حسین _ یا حسین
پادشهِ ذُالکَرم

قولسوز علمداریوون نوکرینه نوکرم

جُرم و خطا منده‌دی
لطف و عطا سنده‌دی
کیم سنه دوز آغلاسا
حشریده ایمنده‌دی
عشق حسین تا اَبد
سینه‌ده آکنده‌دی
سو سنه شرمنده‌دی
شَه قاپووا بنده‌دی

یاحسین‌ یاحسین یوخدی دوُزوم یا حسین
شامه دونوب آیریلیخدان‌ گونوزوم یا حسین
یاحسین وار سنه دیلده سوزوم یا حسین
مدفن شش گوشه‌ده واردی‌گوزوم یا حسین

سن اُولی الاَلبابی سن
ماه جهان تابی سن
سن صدف عشقیده
گوهر کمیابی سن
گوهر کمیابی یوخ
گوهر نایابی سن
سرور اهل جنان
یئر گویه اربابی سن

یا حسین یا حسین خسرو خوبان حسین
نور دو چشم علی فاطمیه جان حسین
یا حسین یا حسین شاه شهیدان حسین
آدیوه عاشقلرین جنلاری قربان حسین

ای شه دشت بلا
پادشه کربلا
سینه وورانلار دییر
آدیوه جانیم فدا
آدیوه عاشقدی چون
هامیدان آرتیخ خدا
قبر شریفون آقا
بیزلره ایله عطا

• یکشنبه
• 19
• بهمن
• 1399
• ساعت
• 22:38
• نوشته شده توسط
• یوسف اکبری

اویان حسین باتما گون کیمی چیخما ئُوز مَدریندَن
تُرابه الله قانی آخیر قلب زخمداریندَن

سنون کیمی سو کنارینده تشنه جان وئرن اولماز
اورک یارالی جبین یارا ، یارهَ لی بدن اولماز

سورونمه تپراقلار اوسته چوخ سینووه دگوب پیکان
یارالیسان چوخ چالیخلاما زینبون سنه قربان

دگوبدی ظلمیله اوچ پَر اوخ بوسه‌گاهِ طاهادن
سنه اورک یارهَ‌سی حسین اِرث اولوبدی زهرادن

بو دَب‌دی هر یئرده ظلمه اَل باشلامازلار آی قارداش
ئولنده سلطان جنازه‌سین داشلامازلار آی قارداش

ولی سنون جسمیووی قوشون داشلار ، آغلار آی قارداش
دَیَنده داش گُل جنازوه داشلار آغلار آی قارداش

اوجالدی اسلامین عزتی قانلی دستمازیندَن
ووروبلار اما جفائیله نیزه بو بوغازیندَن

• یکشنبه
• 19
• بهمن
• 1399
• ساعت
• 22:41
• نوشته شده توسط
• یوسف اکبری

به سبک (یه مدینه یه بقیعه یه‌امامی که حرم نداره)

عشق حسیندی،حان حسیندی
معنی کامل قرآن حسیندی

گوزلری مَروه صفادی
کعبه و قبله‌ی جانان حسیندی

یا حسین جان یاحسین جان
یا حسین جان گوزل قبریوه قربان
__________________

ای بوتون دار و نداریم
صاحب مُلک ایران حسیندی

ای صفای روزگاریم
یئر گویه تنها سلطان حسیندی

شهریاریم افتخاریم
سرور اهل جنان حسیندی

اعتباریم تک شعاریم
نغمه‌ی اهل زمان حسیندی

یا حسین جان یاحسین جان
یا حسین جان گوزل قبریوه قربان
__________________

ای کرملی پادشاهیم
مهربان سلطانیمیز حسیندی

گوزل آدون عز و جاهیم
دولتِ شایانیمیز حسیندی

قبر پا کی قبله گاهیم
کعبه‌ی جانانیمیز حسیندی

دلده آهیم ، تک گواهیم
دلده عنوانیمیز حسیندی

یا حسین جان یاحسین جان
یا حسین جان گوزل قبریوه قربان
__________________

سن سن عشقیم سن سن عشقیم
سن سیز آقا گجه‌ نه گوندوزوم وار

من زیارت حسرتیندن
یانیرام نه صبر و نه دوزوم وار

آلتی گوشه مدفنونده
آند اولا قرآنه کی گوزوم وار

گله بولسم کربلایه
قولسوز عباسه چوخلی سوزوم وار

یا حسین جان یاحسین جان
یا حسین جان گوزل قبریوه قربان
__________________

جَنتیم دور بزم ‌یاسون
سالما گوزدن منی بیگانه مِثلی

یا حسین سسلورم هر دم
غصلی عاشقِ مستانه مِثلی

منی عشقون مست ائدوبدی
گزورم چولری دیوانه مِثلی

گوزی یاشلی ، دلی داغلی
دولانام باشیوه پروانه مثلی

یا حسین جان یاحسین جان
یا حسین جان گوزل قبریوه قربان

• چهارشنبه
• 22
• بهمن
• 1399
• ساعت
• 19:37
• نوشته شده توسط
• یوسف اکبری

ای شه عطشان معنی قران
شاه مظلومان یا ابا عبد الله

سید بی سر بی سر و سرور
عالمه رهبر یا ابا عبد الله

قلب بی تابیم در نایانیم
سن سن اربابیم یا ابا عبد الله

مفخر اولیا _ سرور اتقیا
رهبر انبیا _ عشقیوه حیرانم

دلربا سن حسین _ با صفا سن حسین
مقتدا سن حسین _ آدیوه قربانم

ای جانم یا حسین
جانانم یا حسین
___________________

ای شَه اُولی عالمه مولا
کشته‌ی اعدا یا ابا عبدالله

شاه عالم سن فخر آدم سن
جان خاتم سن یا ابا عبدالله

سینه‌لر آهی جنتین راهی
یئر گویون شاهی یا ابا عبدالله

قبله‌گاهیم حسین _ دیلده آهیم حسین
تکجه شاهیم حسین_ سرنوشتیم حسین

عشقون حیثیتیم _ شانیله شهرتیم
کربلا جنتیم _ سن بهشتیم حسین

ای جانم یا حسین
جانانم یا حسین
___________________

شمع و پروانه پیر میخانه
گلموشم جانه یا ابا عبدالله

معدن غیرت بحر امنیت
عزت و شهرت یا اباعبدالله

سید دوران معنی قرآن
هیکل ایمان یا ابا عبدالله

سنه پروانه ‌ام _ سانما بیگانه ام
دَلی دیوانه ام _ روحیمه جان حسین

رهبریمسن حسین _ سروریمسن حسین
دلبریمسن حسین _ جانِ جانان حسین

ای جانم یا حسین
جانانم یا حسین

• چهارشنبه
• 22
• بهمن
• 1399
• ساعت
• 19:39
• نوشته شده توسط
• یوسف اکبری