اشعار ترکی امام حسین (ع)

آتش عشقیوه من یاندیم حسین جان
شرر غملره اوتلاندیم حسین جان
هر زمان یاره لرون یادیمه دوشدی
اشکیمین موجینا ایسلاندیم حسین جان

بیر عمرودی اسیر قاره پرچمم
فدائیِ شهنشه دوعالمم

آقام آقام آقام اباعبدا...

نهضتون لرزه سالیب کون و مکانه
هامی عاشق لریوی گتدی فغانه
بسکی شیریندی آدون ای گل زهرا
گتیریب پیر و جوانی هیجانه

صفالی دی آدون عزیز زهرا
بلالیدی آدون عزیز زهرا

آقام آقام آقام اباعبدا...

سنی مولا تانیماز فرقه گمراه
باخسا گر دقتیله هر دل آگاه
یا حسین شوکت و اجلالیوه قربان
یوخ سلیمان دا بو حشمت بئله بیر جاه

فدا اولوم بو حشمته یا مولا
فدا اولوم بو شوکته یا مولا

آقام آقام آقام اباعبدا...

ای خانم فاطمه نین نور دو عینی
ای سینیخ قلبیلرین شوریله شینی
نه اولار زینبیوون خاطری مولا
قسمت ائتسن گینه بین الحرمینی

اگر چه بیر ،چمنده کی خارم من
نولور گورم، قبریوه زوارم من

آقام آقام آقام اباعبدا...

ای نجاتین گَمی سی شمس هدایت
قره کوینک لریوه ایله عنایت
هارامیز وارآقاجان قووما قاپوندان
وئر عزاداری لره قول شفاعت

دیولّه شیعه( بیکَس) و مضطردی
بو بسدی کی ، حسین بیزه رهبردی

آقام آقام آقام اباعبدا...

• پنج شنبه
• 21
• اسفند
• 1399
• ساعت
• 21:59
• نوشته شده توسط
• یوسف اکبری

شور عشق تو ، به دلم افتاد
به خیال من ،یه حرم افتاد

چی میشه،رَهام بُکن از این عذاب
ذکرم گشته کربلا ، بده جواب
بعضی شبها میبینم ، من توی خواب
لالایی میگم برا طفل رباب

سلام ارباب
دوباره دل هوایی شد

سلام ارباب
دلم باز ، کربلایی شد
حسین جانم ۲

سلام ارباب
ببین تو شور و شِینم رو

سلام ارباب
بِنِویس اربعینم رو
حسین جانم۲

لَبَیکَ یا حسین لَبَیکَ یا حسین ۲

نه اولور مولا ، باخ بو مدهوشه
گویلومه دوشدی، گینه ششگوشه

قبریوین دیولّه چوخ صفاسی وار
گنبد آتدا فاطمه نواسی وار
خیمه گاهین آیری بیر هواسی وار
صودامر آناسینین صداسی وار

سلام ارباب
منه غملر اولوب دمساز

سلام ارباب
برات کربلامی یاز
حسین جانم۲

سلام ارباب
گدای بیکسم مولا

سلام ارباب
قاپوندان سائلی قووما
حسین جانم۲

لَبَیکَ یا حسین لَبَیکَ یا حسین ۲

سالوری آدون ، قلبیمه غوغا
یادیمه دوشدی ،یوم عاشورا

ایندی ده، یارالیدی گول پیکرون
قانه بویانوب، هامی کمک لرون
یاتوبدی ، ایاق طرفده اکبرون
سینه ن اوسته خواب ایدوبدی اصغرون

سلام ارباب
سلام ای جان ویرن عطشان

سلام ارباب
داغیلمیش جسمیوه قربان
حسین جانم۲

سلام ارباب
سنه هم یار و انصاره

سلام ارباب
سنه هم تشنه سرداره
حسین جانم۲

لَبَیکَ یا حسین لَبَیکَ یا حسین ۲

• پنج شنبه
• 21
• اسفند
• 1399
• ساعت
• 22:13
• نوشته شده توسط
• یوسف اکبری

@Navaye_bikas

یا حسین ای خانیم زهرا بالاسی
شیعیانین یقین سنسن آقاسی
اولموشام عشقیوین من مبتلاسی

سن
سروریم سن، حسین
دلبریم سن ، حسین
آدیوا عاشیقم
رهبریم سن، حسین

غمه آماجم ، آقام آقام
ایله تاراجم ، آقام آقام
سنه محتاجم ، آقام آقام

ابی عبدا... حسین حسین

نچّه ایلدی قاپوندا نوکرم من
اوزگه بیر آستانه گیتمرم من
تا نَفَس وار آدیوی سسلرم من

سن
ایتموسن محترم
سائلم قیل کرم
گویلوم ایستیر آقا
آلتی گوشه حرم

اولسا قسمتیم ، قدم قدم
توتارام الده ، قره عَلَم
دیَرم دائم، حرم حرم

ابی عبدا... حسین حسین

اهلبیت عشقینه کیم مبتلادی
علّتی عالَمِ قالو بَلادی
شیعه لر سینه سی کرب و بلادی

بیز
حیدری مسلَکوخ
کفره باش اَگمروخ
گوردی داعش نجه
نوکر زینبوخ

چکروخ لشگر هر اربعین
آقامیز پورِ ام البنین
یخاروخ کفرون یقین ایوین

ابی عبدا... حسین حسین

مکتبونده آقا من درس آلاندان
سفره وین ریزه خواری من اولاندان
آلمیشام درسیمی اکبر بالاندان

من
آقا دیده ترم
عاشق اکبرم
بودی دیلده سوزوم
پیرو رهبرم

تیکمیشم من گوز عنایته
عاشقم دیلدن ولایته
چکه جاق بو عشق شهادته

ابی عبدا... حسین حسین

• پنج شنبه
• 21
• اسفند
• 1399
• ساعت
• 22:22
• نوشته شده توسط
• یوسف اکبری

ای غریب کربلا *یا ابا عبدا...
آدیوا شیعه فدا * یا ابا عبدا...
سو گورنده دیرم وای
وای یارالی آقام ایوای
آقام ای وای آقام ایوای ۴

یتشوب محرمون * یا ابا عبدا...
یاده دوشدی غملرون * یا ابا عبدا...
دورت مین اوخلی پیکرون * یا ابا عبدا...

لطف ایله کان کرم * یا ابا عبدا...
بیرده پابوسه گلم * یا ابا عبدا...
اوردا دائم دیرم * یا ابا عبدا...

غمیوی یاد ایدرم * یا ابا عبدا...
آغلارام داد ایدرم * یا ابا عبدا...
ایندی فریاد ایدرم * یا ابا عبدا...

ای عزیز مصطفی * یا ابا عبدا...
ایتموشم بی حد خطا * یا ابا عبدا...
گل منی قورتار آقا * یا ابا عبدا...

@Navaye_bikas
بولورم یارالی سان * یا ابا عبدا...
سن باشی بلالیسان * یا ابا عبدا...
آقالار آقاسی سان * یا ابا عبدا...

ای آدی درده دوا * یا ابا عبدا...
ای شهید نینوا * یا ابا عبدا...
ویر بیزه کر ب بلا * یا ابا عبدا...

من گرفتار گناه * یا ابا عبدا...
سن جهاندا پادشاه * یا ابا عبدا...
منه ویر اوزون پناه * یا ابا عبدا...

ای گل باغ رسول * یا ابا عبدا...
نور چشمان بتول * یا ابا عبدا...
(بیکَسم) ایله قبول * یا ابا عبدا...

• پنج شنبه
• 21
• اسفند
• 1399
• ساعت
• 22:32
• نوشته شده توسط
• یوسف اکبری

ای سرور اهل جهان / یا حسین مولا
عشقون اولوب دیلده نهان/یاحسین مولا

ماتمون دیل داغلار
یر گویلر قان آغلار

مولانا یا حسین

ای مظهر لطف خدا /عالَمه مولا
شاهنشه کرب و بلا/شأنی بی هَمتا
ششگوشه لی قبره فدا /شیعه لر آقا

رختِ غم سویماروق
قبروندن دویماروق

ای شیعه اربابی حسین/ عشق سلطانی
زهرایه سنسن نور عین/ای کَرَم کانی واردی اورکده چوخ غَمیم/سَنده درمانی

ای شاهِ مظلومان
آدیوا من قربان

قانه باتوبدی پیکرون/گول یوزون سولدی
قیزلاریوی گوزدن آتیب /گوزلرون دولدی
داش نیزه لر اوچگون سنون/ خَلعَتون اولدی

ای قلبی شکسته
یاتدون سن قوم اوسته

ای حجّت ربّ جلیل/ ای هُمای عشق
ای عشقه میزان و دلیل/ناخدایِ عشق
ای فخر اولاد خلیل/سَر جدای عشق

عشقیوی سان ویردون
لب تشنه جان ویردون

ای صاحب جود و کَرَم/معدن رحمت
عشقونده من دیده ترم/زینَتِ جَنَّت
باشیمده وار شوق حرم/بیرده یاز دعوت

یاندیرما بو درده
تذکره یاز بیرده

ای فاطمه دردانه سی/دلبَریم سنسن
احسان و رحمت جلوه سی/سروریم سنسن
قووما قاپوندان (بیکَسی)/رهبَریم سنسن

عبدِ رو سیاهم
سرتا پا گناهم

• پنج شنبه
• 21
• اسفند
• 1399
• ساعت
• 22:36
• نوشته شده توسط
• یوسف اکبری

جهاندا رهبریم حسیندی /گل اوزلی دلبریم حسیندی
جهانه فخر ایدم سزادی/امام وسروریم حسیندی

من عاشقم روی حسینه
جمال شاه مشرقینه
بیر نولی دعوت ایده بین الحرمینه

ای منیم عشقیم حسین
منیم عشقیم حسین 3

نقدردلده توان وار سنه من آغلیرم
گجه گوندوز آدیوی سسلیرم سسلیرم

من اوشالیقدان آقا چون سنه دیل باغلامیشام
ایشیدنده آدیوی ناله چکوب آغلامیشام

یتشوب ماه نوا سسلوری اهل عزا

حسینه یرلر آغلار گویلر آغلار
رسول مصطفی پیغمبر آغلار

ای منیم عشقیم حسین
منیم عشقیم حسین 3

گینه گلوب مه محرم /گینه آچلدی قاره پرچم
گوی اهلی گلدیلر نوایه/دوتوب عزا خدای عالم

صفالیدی حسین عزاسی
اورکده واردی چوخ نواسی
قسمت اولا بیرده بیزه کرب وبلاسی

ای منیم عشقیم حسین
منیم عشقیم حسین 3

سوز محنتلروه صبح ومسا دیده ترم
کوی عشقونده حسین دربدرم دربدرم
سن قبول ایلمه سن اوزگیه یوخدور نظریم
نولی احسان ایده سن نوکره ای تاج سریم

ای شه ملک ولا دیلده وار شورنوا
حسینه یرلر آغلار گویلر آغلار
رسول مصطفی پیغمبر آغلار

ای منیم عشقیم حسین
منیم عشقیم حسین 3

من عاشقم میر هدایه/غمینده گلمیشم نوایه
بیر نولی احسان ایده ارباب/دعوت ایده کرب و بلایه

باخما منه بیله حقیرم
بیر عمریدور سنه اسیرم
بیر ایله احسان ایله کی منده فقیرم

ای منیم عشقیم حسین
منیم عشقیم حسین 3

هر زمان غملروی من آقا جان یاد ایدرم
جان ودلدن آلیشوب ناله وفریاد ایدرم
دیرم ای سوکنارینده اوگون تشنه ئولن
یارالارون نجه دی بویورسن ای شاه زمن

ای آدی درده دوا یاده دوشدی بوصدا
حسینه یرلر آغلار گویلر آغلار
رسول مصطفی پیغمبر آغلار

ای منیم عشقیم حسین
منیم عشقیم حسین 3

سنون غمونده یرلر آغلار/گلر نوایه گویلر آغلار
سیزیلدیر آنان حسین جان/گلر عزایه حیدر آغلار

آدوندا وار صفا حسین جان
دیلیم ایدور نوا حسین جان
بیزلره لطف ایله سن عطا حسین جان

ای منیم عشقیم حسین
منیم عشقیم حسین 3

دیل آچاندان آقا جان وردیم اولوب ایوای حسین
غملرون یاده دوشوب دیده دولوب ایوای حسین
گل آقا زینبه خاطر ایله بو جمعه نظر
دورا بین الحرمینده هاموسی دیده سی تر

ای شه دار بقا قلبیمه ویردی صفا
حسینه یرلر آغلار گویلر آغلار
رسول مصطفی پیغمبر آغلار

ای منیم عشقیم حسین
منیم عشقیم حسین 3

غمون شرر دیله سالوبدی/توان وتابیمی آلوبدی
سنون ولی بو انتقامون/مهدی زهرایه قالوبدی

منتظروخ صاحب زمانه
اوشاه ملک انس وجانه
قدم لریله ویره زینت بوجهانه

ای منیم عشقیم حسین
منیم عشقیم حسین 3

خرمن دشمنه زهرا بالاسی اود سالاجاق
سنله زهرا آناوین قانینی حتما آلاجاق
ذوالفقارالده گلوب دشمنی نابودایده جاق
مکه ده ظاهر اولوب کرب و بلایه گیده جاق

(بیکَسا)سسله آقا دلده وار ذوق وصفا

حسینه یرلر آغلار گویلر آغلار
رسول مصطفی پیغمبر آغلار

ای منیم عشقیم حسین
منیم عشقیم حسین 3

• پنج شنبه
• 21
• اسفند
• 1399
• ساعت
• 22:38
• نوشته شده توسط
• یوسف اکبری

حسین جان ای اولان عالملره سلطان
گوزل آدون نشان رحمت یزدان
اوشاقلیقدان سنه من اولموشام نوکر
سنون عشقون باشیمدا سسلرم هر آن

آدون ایلر منی بیتاب/فقط سنسن منه ارباب

بودرد عشقه سن ایله اوزون درمان
او ششگوشه مزاره جانیمیز قربان

(یوزی قاره گنهکارم/سنه امّا عزادارم)

حسین مظلوم حسین مظلوم

اَیا شاه شهیدان ای کرم کانی
قیامون زنده ایتدی کون و امکانی
جهان اهلی سنه مدیون اولوب مولا
سنون قانین آیلدوب اهل دنیانی

شهنشاه برازنده /سنه عالم پناهنده

اولوب قبرون پناه عالم امکان
او ششگوشه مزاره جانیمیز قربان

(یوزی قاره گنهکارم/سنه امّا عزادارم)

حسین مظلوم حسین مظلوم

جمالون مظهر آیات کبرادی
سخا و بخششون مافوق دریادی
قاپوندان بیر نفر مأیوس اولا هیهات
کَرَم درگاهیدی درگاه والادی

نظر قیل ای شه دلخون/ایدوب عشقون بیزی مجنون

سنه گوز تیکمیشوخ ای شاه مظلومان
او ششگوشه مزاره جانیمیز قربان

(یوزی قاره گنهکارم/سنه امّا عزادارم)

حسین مظلوم حسین مظلوم

اَیا مهر جهانتاب ای گل زهرا
حسین بن علی ای شافع عقبا
اورکده آرزوی کربلا واردی
گینه دعوت ایله ای عالمه مولا

سنه دیلدن هوادارم/نولور گورسم کی زوّارم

سنه وابستیم ای سرور دوران
او ششگوشه مزاره جانیمیز قربان

(یوزی قاره گنهکارم/سنه امّا عزادارم)

حسین مظلوم حسین مظلوم

غریب و (بیکَسم) حالیم پریشاندی
غمونده قلب زاریم اود دوتوب یاندی
نقدری دردیم اولسا ایتمرم غصه
او ششگوشه مزارون درده درماندی

غمونده من پریشانم/اولوب وردیم حسین جانم

ایدوبدور کربلا عشقی منی حیران
او ششگوشه مزاره جانیمیز قربان

(یوزی قاره گنهکارم/سنه امّا عزادارم)

حسین مظلوم حسین مظلوم

• پنج شنبه
• 21
• اسفند
• 1399
• ساعت
• 22:42
• نوشته شده توسط
• یوسف اکبری

یا حسین ای شه عالمین
دیلده واردی گینه شور و شین
اَسدی قاره عَلم لر گینه
ذکریمیز اولدی لبیک حسین

سنه نوکرم/یا ثارا...
اوزون قیل کَرم/یا ثارا...
سنی زینبین/جانی مولا
منه یاز حرم/یا ثارا...

امیری حسین/یا ثارا...(۳)

یا حسین ای صفای جهان
عالَم اولدی سنه روضه خوان
شور محشر جهانه سالوب
قاره پوش اولدی پیر و جوان

عَلَم الده دی/یا ثارا...
آدون دیلده دی/یا ثارا...
کیم آختارسا گر /حقّین یولون
بو محفل ده دی/یا ثارا...

امیری حسین/یا ثارا...(۳)

دین یولوندا باشیندان گیچن
سویرینه اوگون قان ایچن
قامت اکبره شوقیله
خلعت مرگی آخر بیچن

بیری دوغرانوب /یا ثارا...
بیری اوخلانوب/ یا ثارا...
نچه خیردا قیز /عطشانلیقدان
یانوب اودلانوب/یا ثارا...

امیری حسین/یا ثارا...(۳)

ای سینیق قلبیلر مرهمی
یاندیران دیللری ماتمی
بو گدالر کی آغلور سنه
واردی دیللر ده چوخلی غمی

صفا سنده دی/یا ثارا...
عطاسنده دی/یا ثارا...
هامی دردلرین/چاره سینه
دوا سنده دی/یا ثارا...

امیری حسین/یا ثارا...(۳)

آستانوندا من (بیکَسم)
قویما سندن امیدی کَسم
عمرومه سن حساب ایلمه
هانسی ایل قبریوه گلمه سم

عزاداریوام/یا ثارا...
گرفتاریوام/یا ثارا...
نولور بیرگورم/بو اربعین
کی زوّاریوام /یا ثارا...

امیری حسین/یا ثارا...(۳)

• پنج شنبه
• 21
• اسفند
• 1399
• ساعت
• 22:47
• نوشته شده توسط
• یوسف اکبری

ئوزی قاره شکسته بال و پرم
دیل آچاندان آدیوی سسلیرم
ای خانم فاطمه عزیزی حسین
وار باشیمدا گینه هوای حرم

زهرانون گوزل بالاسی
ای آقالارون آقاسی
گویلومه دوشوبدی چوخدان
ششگوشه حرم هواسی

مولا یا حسین ایله بیزه عنایت
زینبه خاطر بیر وقفه یاز زیارت

شور عشقون سالوب جهانه شرر
شب تاری ائدوبدی صبح و سحر
یا حسین بولمورم آدوندا نه وار
ذکر ائدنده آدیوی قلبیم اسر
ظلماته نور جلی سن
حجت لم یزلی سن
آتان حیدر کیمی مولا
اهل عالمه ولی سن

مولا یا حسین ایله بیزه عنایت
زینبه خاطر بیر وقفه یاز زیارت

نهضتون شور حشر ائدوب برپا
خون بها قانیوا حق یکتا
سو یانوندا سوسوز وئروبسن جان
ایندی جنّتده آغلیور زهرا

ای عشقه معنی و میزان
ائتمیسن عالمی حیران
ال چکدون مامَلکوندن
عالملر آدیوا قربان

مولا یا حسین ایله بیزه عنایت
زینبه خاطر بیر وقفه یاز زیارت

قویوب عشقین چوخ اثر عالمده
قره پرچملر اسر عالمده
بو حسین وای ناله سی قوزانسا
ریشه کفری کسر عالمده

بزم یاسوندا گزنده
سالموسان قلبی کمنده
یاتماز بو قاره علملر
نهضتون زنده دی زنده

مولا یا حسین ایله بیزه عنایت
زینبه خاطر بیر وقفه یاز زیارت

تیکمیشم منده گوز عنایتیوه
قائلم یا حسین ولایتیوه
گل ربابین بالاسی خاطرینه
اربعین یاز گلوم زیارتیوه

گزمیشم بزم ولاده
گوزوم وار کرب و بلاده
یول سالام قبریوه مولا
نجفدن پای پیاده

مولا یا حسین ایله بیزه عنایت
زینبه خاطر بیر وقفه یاز زیارت

ای اولان درد عالمینه دوا
بولوسن (بیکَسم) نظر قیل آقا
باخبرسن ئورکده کی سوزیمه
مین امیدیله گلمیشم قاپیوا

فخریمدور حسین چیم من
رخصت وئر آدون دیم من
محشرده منی اونوتما
قویما اوردا آغلیم من

مولا یا حسین ایله بیزه عنایت
زینبه خاطر بیر وقفه یاز زیارت

• پنج شنبه
• 21
• اسفند
• 1399
• ساعت
• 22:52
• نوشته شده توسط
• یوسف اکبری

ای عالمه سرور/عشق دل حیدر
بو افتخاریمدی/سنسن منه رهبر

لبیک حسین لبیک

ای حامی قرآن/شاهنشه دوران
اولسون منیم جانیم/گُل آدیوه قربان

جسمیمده کی جانسان/هم روح و ریحانسان
بسدور بو شأنونده/شاه شهیدانسان

شاخسی عبادتدی/حقدن عنایتدی/
بو قول قولا وئرماق/تجدید بیعتدی

دیللر دولی غمدی/غرق بو ماتمدی
دشمن ایوین یخان/بو قاره پرچمدی

روحه صفا سنسن/آبِ بقا سنسن
مولا الیمدن دوت/درده دوا سنسن

وار دیده شور و شین/زهرایه نورعین
بو شاخسیون اهلی/سسلوله یا حسین

دیلده نوا مولا/ورّوخ باشا مولا
عشق اهلی ایستولّر/کرب و بلا مولا

عشقونله من مستم/سرمستِ سرمستم
احسان ایله گرچه/آلوده و پَستم

ای حجّت داور/زهرایه ای دلبر
بو هیئتین اهلی/گُل آدیوی سسلر

(بیکَس)پریشاندی/نار غمه یاندی
لطف ایله بیر گورسون/قبرونده مهماندی

• پنج شنبه
• 21
• اسفند
• 1399
• ساعت
• 22:54
• نوشته شده توسط
• یوسف اکبری

عالمون آیری بیر عالمدی حسین جان
سنون عشقونده جهان اهلیدی حیران
در و دیواره گینه قاره چکوبلر
گلوب ایام عزا ای گل رضوان
محرمون گلوب اورکلر یاندی _ بو اون گجه نه غصلی دوراندی
حسین حسین آقام ابا عبد ا...

یاحسین ای شرف عالم آدم
گوزل آدون یارالی قلبیمه مرهم
زاهدین فکری بهشت آختاریر امّا
منه جنّتدی حسین محفل ماتم
نمازیده صفای محرابیم سن _ بوبسدی کی جهاندا اربابیم سن

ای اولان کان کرم حجت یزدان
فاطمه سویگلی سن ای شه دوران
اُمتین باب نجاتی آقا سن سن
رحمت واسعه سن ای شه دوران
گناهیمیز اگرچه چوخدی مولا _ هارا گیداخ پناه یوخدی مولا

دیل آچاندان آدیوی ازبرم ارباب
سوز باشی گول آدیوی سسلرم ارباب
ای منیم هر ایکی دنیاده وقاریم
گر قبول ایلیسن نوکرم ارباب
محبتون اورکده سرمایمدی _ بو ماتمون غریبه بیر ماتمدی

بنده لیق سندن حسین تاپدی شرافت
ای نجاتین گمیسی نور هدایت
آلتی گوشه حرمی گویلوموز ایستیر
(بیکَسه) ویرآقاجان قول زیارت
نولور گورم نصیب اولوبدی یارب_ دایانمیشام به روی تل زینب

• جمعه
• 22
• اسفند
• 1399
• ساعت
• 12:42
• نوشته شده توسط
• یوسف اکبری

یا حسین ای شاه اُمم _ درگهونده بنده منم
یوزی قاره نوکرم _ سنی زهرا قیل کرم
ایلرم من شور نوا _ گل آدی درده دوا

باخما من نالایقم _ آدیوا چوخ عاشقم
ایلرم من شور نوا _ گل آدی درده دوا
کرمونده واردی گوزوم _ آدیوا قربانم اوزوم
گل باغ فاطمه سن _ نولی احسان ایلیسن
بیزی اولماز سن آتاسان _ المیزدن بیر توتاسان
دوتاسان دوتمیاسان
آقا سان آقا سان آقاسان آقاسان

ای اوزی شاه شهدا_ پنجمین آل عبا
کرم ایله نوکره _ نوکرم من اکبره
ای اوزی شاه شهدا_ پنجمین آل عبا
گلرم شور و شیونه _ قاسم گل پیرهنه
اذن ویرسن من دیرم_ من ابوالفضل عاشقیم
خلف حیدردی آقام _ حیدره مظهردی آقام
مست جام و ساغرم _ ریزه خوار ِاصغرم
آلتی گوشه قبریوه سن _ بیزی دعوت ایلیه سن
ایده سن ایتمیه سن
آقا سان آقاسان آقاسان آقاسان

ای حبیب لم یزلی _ فاطمه نین ای گوزلی
پادشاه ذوالکرم _ آدیوی من سسلرم
ای حبیب لم یزلی _ فاطمه نین ای گوزلی
دولانوم قوی باشیوا _ عاشقم قارداشیوا
مست جام کوثریم_بودی فخریم حیدری ام
زینبه ویرم قسم _ گویلوموز ایستر حرم
بیر عنایت ایلیه سن _ بیزی دعوت ایلیه سن
سن آقا اوغلی آقاسان _ زینبه خاطر باخاسان
باخاسان باخمیاسان
آقا سان آقا سان آقا سان آقاسان

ای حسین ای شاه ولا _ خلف حیدر سن آقا
بولوسن من(بیکَسم) _ دشمنِ هرناکَسم
ای حسین ای شاه ولا _ خلف حیدر سن آقا
نچه ایلدی نوکرم _ هیچ یره من گیتمرم
سن سن اربابیم منیم _ دُر نایابیم منیم
عمره یوخدور هیچ وفا _ گویلوم ایستیر کربلا
عشقیوه دلبستیم _ سنه من وابستیم
اوچ یاشیندا فاطمه دن _ منه ویر بیر تذکره سن
ویرسن ویرمیسن
آقا سان آقاسان آقاسان آقاسان

• جمعه
• 22
• اسفند
• 1399
• ساعت
• 12:44
• نوشته شده توسط
• یوسف اکبری

گوزل آدین یابن زهرا دیلیمیزده آقا ازبراولوبدی
ورد و ذکریم یاحسین و یا ابوالفضل گینه حیدر اولوبدی

لک لبیک لک لبیک لک لبیک حسین عزیز زهرا

عشق پاکون بولورم من هر اورکده آقا یول تاپا بولمز
شور عشقون هانسی باشه دوشه مولا اوراحت یاتا بولمز

افتخاریم بودی مولا کی قاپونداغلام دریوم من
ایلیبسن چوخ عنایت نچه ایلدی آقا نوکریوم من

سنون عشقین اولوب علت بو جماعت گلوب بزم عزایه
ایله قسمت تل زینب گلاق اوردا بیله شور و نوایه

نولی شاها دایانیدوخ حرمونده هامی دیده سی گریان
سسلیدوخ ای یارالی آلتی گوشه گوزل قبریوه قربان

بو اورکده بلوسن سن کی یارالی سنه چوخلی سوزوم وار
کرم ایله بو گدایه کی الونده آقا چوخلی گوزوم وار

اولا هرکیم سنه عاشق اورگینده غم و غصه سی قالماز
سنه وابسته اولانار دیلریندن گوزل آدیوی سالماز

بولوسن سن (بیکَسم) من مهربان سان آقا عنایت ایله
روز محشر جان حیدر سنی زهرا بیزه شفاعت ایله

• جمعه
• 22
• اسفند
• 1399
• ساعت
• 12:47
• نوشته شده توسط
• یوسف اکبری

پناه عالمین/اورکده واردی شورو شین
من اولموشام اسیر/اسیر پرچم حسین

باشیمدا وار هوا/هوای وادی بلا
بو گویلوم ایستییر/گینه برات کربلا

گرک گیدم گینه *او باصفا حرملره
قویام یوزومی من*پایین پای اکبره
اوزون اجازه ویر*بویوزی قاره نوکره

آقام آقام آقام
آقام حسین آقام آقام

دیمم بو درگهه/کی من غلام و نوکرم
اگر قبول اولا/فدای راه اکبرم

بیر عمردور منیم/اولوبدی ازبریم حسین
یوخ اوزگه بیر آقام/امام و رهبریم حسین

خدایه شکر اولا*اسیر و مبتلاسیَم
نقدری عمر اولا*اوز آقامین فداسیم
ایکی جهاندا من*فقط حسین گداسیم

بو عشق اولوب بیزیم/جهاندا افتخاریمیز
اولوبدی هر زمان/حسین حسین شعاریمیز

بو آستانیه/گدا کیمین یخیلمیشام
بو قاره پرچمین/سایه سینه سیخیلمیشام

بو قاره کوینگی*ئولونجه منده سویمارام
قره علم لری*قالا یر اوسته قویمارام
نقدری سسلرم*حسین آدیوی دویمارام

• جمعه
• 22
• اسفند
• 1399
• ساعت
• 12:50
• نوشته شده توسط
• یوسف اکبری

واردی دیلده شوق /حرم ششگوشه/
قسمت اولابیرده/ گدایه

ورد لبیمدی/ ای شاه مظلومان/ قربان اولوم سن تک/ آقایه

دوزدی ارباب/ بولورم اوزومده/ سنه دیور لایق /بو روی زشتیم
اما نیلوم/ دویمامیشام آقا /ششگوشه حرمدی/ منیم بهشتیم

کربلا کربلا کربلا اللهم الرزقنا

بولمورم مولا/ نه واردی آدوندا /دینده آدیوی /من یانام
از بس شیرین دی /حسین حسین ذکری/ دینمَسم آدون/ اوتلانام

دیل آچاندان/ اورگشمیشم آدون/ ئولونجه ذکریمدی/ حسین حبیبیم
واردور دردیم /سنی آنان زهرا/ درمان اله سنسن /منیم طبیبیم

کربلا کربلا کربلا اللهم الرزقنا

ای شاه والا/ امیر کربلا /عشقیمده من مولا/ صادقم
من مست یاسم/ مجنون عباسم/ قولسوز علمداره /عاشقم

مهر و ماهه/ وزیریلن شاهه/ عرض ادب آخر /گرک ائدم من
آرزیم واردی/ بین الحرمین ده /قالیدیم آواره /هارا گدیم من

کربلا کربلا کربلا اللهم الرزقنا

عزیز زهرا /عشق دل طاها /یوخ سنکیمی مولا /دنیاده
(بیکَسه) رحم ائت /دیمه منه چیخ گئت/ اوزون شفاعت قیل /عقباده

باش اگمرم/ هیچ کیمسیه مولا/ من اوزومه ارباب/ تک سنی بوللم
باشیم اوسته /من جان ورن دمده/ لطف ایلیوب گلسن /آسوده ئوللم

کربلا کربلا کربلا اللهم الرزقنا

• جمعه
• 22
• اسفند
• 1399
• ساعت
• 12:52
• نوشته شده توسط
• یوسف اکبری

ای ایکی عالم بیزه سَرور/حسین مولا
زاده ی زهرا گُل حیدر/حسین مولا

منم نوکر/حسین مولا
نظر ایلر/حسین مولا

گدای روسیاهم من/شهنشاهیم حسین مولا

ای کَرم کانی منی قووما آنان جانی
حسین جانم ۳ مولا حسین جانم

سَرو بستان ولایت سن/ ولی خارم
عالمین سلطانی اولسامدا /سنه خوارم

سیه پوشم/عزادارم
سنه چوخدان/گرفتارم

نولور گورسم اوششگوشه/مزاره منده زوّارم

ای کَرم کانی منی قووما آنان جانی
حسین جانم ۳ مولا حسین جانم

جلوه ی عشقون بو عالمده/سالوب غوغا
ذکریمیز اولدی بیزیو دائم/حسین مولا

بیزه هر یر / دی کربلا
بیزه هرگون / دی عاشورا

بیزیم میخانه میز هیئت/بیزه ساقی اوجا سقّا

ای کَرم کانی منی قووما آنان جانی
حسین جانم ۳ مولا حسین جانم

جام عشقوندن اوشاقلیقدان/آقا مستم
آستانوندان منی قووما /اگر پَستم

گدای بی /سَر و دستم
ولی عشقون / ده سَر مَستم

بو دربار ولایتده/ئولونجه منده پابستم

ای کَرم کانی منی قووما آنان جانی
حسین جانم ۳ مولا حسین جانم

مظهر اوصاف خلّاقِ/جهان سنسن
قانویله ریشه ی کفری/قیران سنسن

عَلَم دشته /ووران سنسن
یره محشر /سالان سنسن

شکسته دیللره مولا/بو عشقی دولدوران سنسن

ای کَرم کانی منی قووما آنان جانی
حسین جانم ۳ مولا حسین جانم

• جمعه
• 22
• اسفند
• 1399
• ساعت
• 12:59
• نوشته شده توسط
• یوسف اکبری

ریزه خوارِ خوانِ کرامت حسینم
من گدای کوی عنایت حسینم

من اوشاقلیقیمدان اسیر پرچم اولدوم
عاشق حسین و ماه محرم اولدوم

ماتمینده دائم ،سرشکیم، آخور عذاره روز و شب
یاحسینِ مظلوم،همیشه،وردیم اولوبدی زیر لب

تابدنده جان وار، توان وار، عشقین باشیمدان آتمارام
آند اولا حسینه ، بو عشقی، ایکی جهانه ساتمارام

(دوزدی نالایقم/آدیوا عاشقم/یاحسین سنه فدایم)

یا حسین یا حسین
یا حسین یا حسین

یا حسین سنه گدایم

ویرموسن اجازه سورونماقا قاپوندا
گَرد محنتیله بورونماقا قاپوندا

نچّه ایلدی دیلده منده به شور و شینم
بسدی بو مقامیم کی نوکر حسینم

شکر اولا خدایه ، گدایه ،ایدوبدی آشنا سنی
دولدوروبدی عشقون ، شراری ، بو داغدیده سینه نی

تنده قاره کوینک ، ای ارباب ، اورکده واردی شور و شین
آلتی گوشه قبرون ، هواسی ، باشیمدا واردی
یا حسین

(دوزدی نالایقم/آدیوا عاشقم/یاحسین سنه فدایم)

یا حسین یا حسین
یا حسین یا حسین

یا حسین سنه گدایم

یا حسین قاپوندا ، حاتم اوزی گدادی
تربتون دوای ، هر دردِ بی دوادی

ای عزیزِ زهرا ، گوزل آدیوا قربان
مریم اوغلونا سن ، دم ویرموسن حسین جان

رحمتون جهانه ، حبیبیم ، سالوبدی سایه یا حسین
گوشِ چشمیله باخ ، نولورسن ، بو بینوایه یا حسین

آستانه وه من ، دخیلم ، قاپوندا ایتمه نا امید
دفتره آدیمی ، اوزون یاز ، محشرده ایله رو سفید

(دوزدی نالایقم/آدیوا عاشقم/یاحسین سنه فدایم)

یا حسین یا حسین
یا حسین یا حسین

یا حسین سنه گدایم

دین یولوندا گیچدون ،مولا اوگون باشوندان
اَل اوزوبسن آخِر ،غیرتلی قارداشوندا

اکبریله اصغر ، فدای دین اولوبلار
قیزلارون عطشدن ، افسوس اولا سولوبلار

باش ویروب دیدون سن ، باش اَگمز ، جهاندا شیعه هیچ کَسه
بیعت ایلمز چون ، جهاندا ، آزاده انسان ناکسه

قانیوی بالاندا ، آلاندا ، چکنده تیغ حیدری
ذکرِ یا لَثارات ، دیلینده ، یره توکر کافِر لری

(دوزدی نالایقم/آدیوا عاشقم/یاحسین سنه فدایم)

یا حسین یا حسین
یا حسین یا حسین

یا حسین سنه گدایم

• جمعه
• 22
• اسفند
• 1399
• ساعت
• 13:02
• نوشته شده توسط
• یوسف اکبری

پادشاه عالمین /زهرایه نور عین
یا حسین سن سن آقا /وار دلده شور و شین

ای یوزی مهتاب/ اولموشام بی تاب
هرکسین وار بیر کسی/ سنسن منه ارباب

قاپوندا من/ نوکرم مولا
آیری یره/ گیتمرم مولا

حبیب من ابی عبدا...
طبیب من ابی عبدا...

شمس گردون ولا/ای عالمه سلطان
عاشقم گل آدیوا /جانیم سنه قربان

دلبریم سنسن/ سروریم سنسن
هیچ کیمه باش اگمرم/ چون رهبریم سنسن

ای غم گونی/ یاوریم مولا
آدون اولوب/ ازبریم مولا

حبیب من ابی عبدا...
طبیب من ابی عبدا...

ای حبیب لم یزل/ تاج سر آدم
دردیمین درمانیسن/ مولا ایکی عالم

چوخ گنهکارم /من گرفتارم
هرنه اولسلامدا آقا/ ایندی عزادارم

آدین حسین/ باشدا تاجیمدی
شفاعتین / احتیاجیمدی

حبیب من ابی عبدا...
طبیب من ابی عبدا...

یاحسین سندن منه/دائم عنایت وار
باخبر سن قلبیده/شوق زیارت وار

الده یوخ توشه/ باخ بو مدهوشه
گویلومه چوخدان دوشوبدی/ قبر ششگوشه

بیچاریم /دلغمین مولا
بیر وقفه یاز / اربعین مولا

حبیب من ابی عبدا...
طبیب من ابی عبدا...

شاه اقلیم کرم /باب سخاوتسن
ائتمسن مایوس آقا /کان کرامتسن

گلشنون سولماز / قلبه غم دولماز
ساربانی قوغمیان /اوز نوکرین قووماز

من( بیکَسم ) /سن هواداریم
سنسن حسین / سویملی یاریم

حبیب من ابی عبدا...
طبیب من ابی عبدا...

• جمعه
• 22
• اسفند
• 1399
• ساعت
• 13:04
• نوشته شده توسط
• یوسف اکبری

حسیندی شیعه لر آقاسی
اولوم بو آدینون فداسی
بهشتیمیزدی کربلاسی

حسین یارالاریوا قربان
اسیر بالالاریوا قربان

حسیندی عالمینه سرور
گُل بتول و جان حیدر
بیزه ایکی جهاندا رهبر

حسیندی جنّتین صفاسی
سینیق اورکلرین شِفاسی
نه با صفادی کربلاسی

بو پادشاه سر بُریده
باش اَگمدی او گون یزیده
اودور اولوبدی برگُزیده

نگار مَه جبین حسیندی
فدای راه دین حسیندی
بتوله نور عین حسیندی

غم وبلایه مبتلایم
نظر ایله کی بینوایم
قاپوندا کمترین گدایم

حسین پناه بی پناهان
آدی تمام درده درمان
بو (بیکَسه) اوزون قیل احسان

• جمعه
• 22
• اسفند
• 1399
• ساعت
• 13:10
• نوشته شده توسط
• یوسف اکبری

ای پناه بی پناهان
یاحسین ای شاه خوبان
سنه ای زهرا بالاسی
شیعیانین جانی قربان

سنه من نوکرم / آدیوی سسلرم
ئولونجه یا حسین/ قاپوندان گیتمرم

حسین جانم حسین

امیری یا حسین

لرزه سالدن کائناته
سَس یتیشدی شش جهاته
یتیریبسن ای لب عطشان
خضری سن آب حیاته

قیامون زنده دی / آدون پاینده دی
جهانین شاهلاری / قاپوندا بنده دی

شوکتون ضرب المثلدی
عزّ و شأنون بی بدلدی
آلتی گوشه قبرون ارباب
عرش اعلادن گوزلدی

من اولدوم دلغمین / گدانین دوت اَلین
آقا سن بیل آنان / چاغیر بو اربعین

مدفنون چوخ دلگشادی
قتلگاهون غم فزادی
تل زینبده یانار دیل
خیمه گاهون با صفادی

اولاندان قحط آب / اولوب دیللر کباب
گمان لایلای چالور / گینه آغلیر رباب

عَلقم اوسته آی باتوبدی
اشکیمی قانه قاتوبدی
اوردا بیر غیرتلی سردار
ایندی شرمنده یاتوبدی

وجودی دوغرانیب / سینیخ قلبی یانیب
گلنده خیمیه / سو مشکی اوخلانیب

شَرف آل عباسن
سن شه گلگون قباسن
من یوزی قاره غلامم
سنده شاه کربلاسن

اَیا سِبط رسول / سنی جان بتول
گدای (بیکَسم ) / منی ایله قبول

• جمعه
• 22
• اسفند
• 1399
• ساعت
• 13:12
• نوشته شده توسط
• یوسف اکبری

رویای منی /بزار بگم دنیای منی
مجنون توام /نگارمی لیلای منی
مسکین شده ام/حسین من آقای منی

زکودکی شدم من اسیر و مبتلایت
اَیا شه لب عطشان سرو تَنم فدایت

ای میر حَرم /گوزل آدیوی سسلیرم
گوز یاشیما باخ /عشقونده گوزدن من اَلَرم
مولا گینه یاز/ قسمتیم اولا بین الحرم

جوشور داماردا قانیم ووران زماندا سینه
اورکده چوخ سوزوم وار سنه شهِ مدینه

ای خون خدا / ای پادشه ارض و سما
بونوکریوه/ زهرایه خاطر ایله عطا
چوخدان باشیما /دوشوب هوای کرب و بلا

غمون اورکده مولا یخوبدی سد صبری
بو گویلوم ایستیر ارباب اوآلتی گوشه قبری

عبد دریوم /قبول ایله من نوکریوم
همچون شهدا/پیرو خَطِ اکبریوم
محسن کیمی من فدای راه خواهریوم

حُججی لر ویروبدی بیزه بو درس عشقی
محالیدور جوانلار کی بوشلیه دمشقی

ای گلشن راز /اَیا امامِ بنده نواز
عشقون یارالی / سالولدی قلبه سوزو گداز
باش ویرماقیوی/ چتیندی بولسون اهل مجاز

علینون اوغلی هرگز یزیدیانی سویمز
گزر جدا باشیندا یزیده باشین اگمز

• جمعه
• 22
• اسفند
• 1399
• ساعت
• 13:17
• نوشته شده توسط
• یوسف اکبری

یا حسین ای شه ملک ولایت
ای اولان دهریده فُلکِ هدایت

ای شه دوران سلطان مظلومان
گل ادیوا قربان مولا حسین جان

فخر ادم سن شاه دو عالم سن
ذکریم دمادم سن مولا حسین جان

قویما ارباب اولام دوباره دلگیر
قبر شش گوشه وی گویلیم چوخ ایستور

یا حسین یاحسین مولا حسین جان

کربلا کعبه آمالیمیزدی
نوکر اولماخ سنه اقبالیمیز دی

ماه تابان سان شاه شهیدان سان
قرآنه قربان سان مولا حسین جان

من ولی زارم درده گرفتارم
امّا عزادارم مولا حسین جان

قویما ارباب اولام دوباره دلگیر
قبر شش گوشه وی گویلیم چوخ ایستیر

یا حسین یا حسین مولا حسین جان

گوز یاشیم آخموری ایندی بی جا
کربلا ده یاتیب تشنه سقا

تشنه سردارون یار وفادارون
قولسوز علمدارون مولا حسین جان

اینجیوب غمدن قوخمازدی دشمندن
شرمنده دی سندن مولا حسین جان

قویما ارباب اولام دوباره دلگیر
قبر شش گوشه وی گویلیم چوخ ایستور

یا حسین یا حسین مولا حسین جان

عالمین اهلینه روشندی مطلب
شیعه نین عزتی زینبدی زینب

ای دُرِ نایاب قویما اولام بیتاب
سن بیل باجون ارباب مولا حسین جان

روسیاهم من غرق گناهم من
باخ بیپناهم من مولا حسین جان

قویما ارباب اولام دوباره دلگیر
قبر شش گوشه وی گویلیم چوخ ایستیر

یا حسین یا حسین مولا حسین جان

• جمعه
• 22
• اسفند
• 1399
• ساعت
• 13:22
• نوشته شده توسط
• یوسف اکبری

شکسته دیللره صفا سن سن
امیر دشت نینوا سن سن

رخت عزا گییَرم یارالی
عشقیله آغلییَرم یارالی
آدیوی سسلیرم یارالی حسین

*سَسیمی اِیلَرَم -گینه آزاد حسین
اوجادان سَسلرم -ائوین آباد حسین
«ائوین آباد حسین »

گدای رو سیاه دربارَم
بیر عُمریدی سنه عزادارم

ماه عزا گینه اولدی آقا
باغ ولا، گولی سولدی آقا
شیعه لرین ،گوزی دولدی آقا حسین

*اِیده جاق پرچمون -کفری بربادحسین
دییرم هر زمان -ائوین آباد حسین
«ائوین آباد حسین »

درسین آلیبدی شهدا سندن
علت اودور قوخمادی دشمندن

شهریده وار شهید محراب
اصغر و مرتضای قصّاب
سنسن آقا اولاره ارباب حسین

*شهدا اِیلَدی -سنی فریاد حسین
هامیسی سسلدی -ائوین آباد حسین
«ائوین آباد حسین »

درد جهانه سنده وار درمان
ششگوشه قبریوه جانیم قربان

شیعه فدا یارالی باشیوا
گَل بیزی سن گینه یغ باشیوا
دعوت ایله دولاناخ باشیوا حسین

گینه بو اربعین _بیزی قیل یاد حسین
تذکره ویر بیزه _ ایوین آباد حسین

«ائوین آباد حسین »

کیم دیوری شیعه نی (بیکَسدی)
فقط بیزه عشق حسین بسدی

گول آدیوی آقا سسلیرم
عشقیله قاره می من گییَرم
دردیمی من سنه تک دییرم حسین

زیر لب وار منیم _بیله فریاد حسین
اوّل ، آخر سوزوم_ ایوین آباد حسین

«ائوین آباد حسین »

• جمعه
• 22
• اسفند
• 1399
• ساعت
• 13:25
• نوشته شده توسط
• یوسف اکبری

یاحسین ای شاه عالم امکان_ای درد عالمه درمان_جان عالملر اولا مولا_نهضت خونینوه قربان

«ای امیر دشت نینوا_واردی دیلده شوق کربلا»

(عنایت ایت بو دلغمینه_گلوم گینه من اربعینه)

من اوشاقلیقدان سیزه نوکرلیقی مشق ایلرم
سسلینده یاحسین ا...بولور عشق ایلرم

یاحسین ..... مولا حسین مولاحسین

ای سَرو گلزار حیدر وزهرا_ای شمع انجمن آرا_دین یولوندا قانلی قیامون_ شورحشری ایلده برپا

«اکبری حسین دوغرادیلار_شیرخواره وی اوخلادیلار»

(مگر بو غم چخوبدی یاددان_یخوبلار عباسیوی آتدان)

ساربانی یاحسین سن ایتمدین مأیوس اوگون
شانیوی اما اوبی دین بیلمدی افسوس اوگون

یاحسین مولا حسین مولاحسین مولاحسین

فخریمدیر نوکرِشاه ولایم_عاشق کربوبلایم_درسیمی من آقامندان آلدیم_مشتری دردوبلایم

«دین یولوندا باشدان گچرم_شربت شهادت ایچرم»

(لاله کیمی من سولام ایکاش_قانیمه غلطان اولام ایکاش)

نه روادور نوکر مولا جانیندان گیچمسن_ حیفیدی آزاده لر شهد شهادت ایچمسین

یاحسین مولا حسین مولاحسین مولاحسین

پیرو مکتب سرخ حسینم_دائم درشوریله شِینم_کیم دیور من ٫بیکَسم٫ آخیر_من گدای شاه حُنینم

«مُرشدیمدی عباسِ علی_رهبریم فقط سیّدعلی»

(فقط بودور راه سعادت_پیروی ازامرولایت)
ایله احسان ای خدا راه علیدن چخمیوم_ تاظهورمُنتقم امرولی دن چخمیوم

یاحسین مولاحسین مولاحسین مولاحسین مولاحسین

• جمعه
• 22
• اسفند
• 1399
• ساعت
• 13:29
• نوشته شده توسط
• یوسف اکبری

یاحسین گوزل نگاریمیز سن سن
بو جهاندا افتخاریمیز سن سن

ای عزیز دل زهرا_ای جهان اهلینه مولا

عالمه سرورسن/بیزلره رهبر سن

جنتین اولان صفاسی سندندی
درد اولانلارین دواسی سندندی

یاحسین ای شه خوبان_شیعه لر آدیوا قربان

شاه ولا مولا / ایله عطا مولا

(عالمه سرورسن/بیزلره رهبر سن)

یاحسین عزیز فاطمه مولا
قیل نظر بو حال زاریمه مولا

من گدای کرم اولدوم_ مست بین‌الحرم اولدوم

ای شه با عزت / ایله منی دعوت

(عالمه سرورسن/بیزلره رهبر سن)

ای محبتی اورکده گنجینه
ای جوانلارین فدا ایدن دینه

کوی عزّتدی مزارون _ رشک جنّتدی مزارون

سر و دل آراسن / عالمه مولاسن

(عالمه سرورسن/بیزلره رهبر سن)

عشقون اولدی قلبیمیزده سرمایه
بیر توکووی وئرمروخ بو دنیایه

ای منیم باغ و بهاریم _ اولموسان دارو نداریم

گوهر نایابیم / تشنه لب اربابیم

(عالمه سرورسن/بیزلره رهبر سن)

هر صفالی قلب اولا گلر درده
قاره پرچمون اَسنده هر یرده

ماه افغان و نوادی _ قلبیلر کرب و بلادی

درده دوشن ایل لر / آدیوی سسله لر

دین ائوین یالانچی تک بیری ییخماز
بی نمازیدن سنه کمک چیخماز

ای فدای ره قرآن _ ای نماز اوسته ویرن جان

حقّه کمک دوردون / دشمنی سیندیردون

(عالمه سرورسن/بیزلره رهبر سن)

زینبی بلاسی ای سالان درده
قانیله وضو آلان چوخور یرده

عالمی دولدوروب عدوان_شیعه لر اولدی پریشان

حق ویره درمانی/یوللّیه مولانی

(عالمه سرورسن/بیزلره رهبر سن)

• جمعه
• 22
• اسفند
• 1399
• ساعت
• 13:34
• نوشته شده توسط
• یوسف اکبری

یابن الزهرا ای خلقتین باغ و بهاری
سن سن جهاندا شیعه نون عزووقاری
مولا مولا مولا مولا اباعبدا...

قلبه صفا گلر آدیوی سسلینده
فخر ایلرم قاره کونگیمی گینده
اشکیله گوزلریم دولور حسین دیینده

هر کیمسه لایق جمال یار اولانماز
هر خار و خس دونوب گل بی خار اولانماز
حسینه بی نمازیدن دلدار اولانماز

ای رشته‌ی محتبی قلبیمده محکم
فخریم بودور نوکریوم ای شه عالم
هرکیم گورور دییور که مجنون حسینم

کَشتی نجات بشر اربابیمیزدی
بزم عزا گلزاریمیز بهاریمیزدی
عباس دلاور بیزیم استادیمیزدی

اربابیمیز وئردی بیزه درس شهادت
بولسون بونی وهابی لر یوخ بیزده وحشت
مدافع حرموخ با اذن ولایت

• جمعه
• 22
• اسفند
• 1399
• ساعت
• 13:35
• نوشته شده توسط
• یوسف اکبری

ای همای قله ی قاف شهادت یا حسین
پادشاه ملک دین ،نور هدایت یا حسین

یا حسین یا حسین یا حسین

ای نجاتین کشتی سی، ای باشی جسمیندن جدا
نهضت خونینیوه ، حیراندی اهل ماسوا
قانویله نخل دینه سو ویروبسن مطلقا
تا ابد خشک اولماسین نخل ولایت یا حسین

کیم جهاندا ال چکوب دار و نداریندن بیله
ناقه ی عقل بشر درک ایتمدی باتدی گیله
بیله بوللم ذات یزدان گلدی عاشورا دیله
مرحبا ایثاریوه ای با شرافت یا حسین

جذبه ی عشقون دوشه هرقلبه غوغا ایلیر
محنتوندی دیده ی احبابی دریا ایلیر
شور عشقون خسته دیلده حشری برپا ایلیر
صور اسرافیل تک ایلر قیامت یا حسین

ای اسیر سیره جدّی،امام نشأتین
پیرو راه امیر خیبر و بدر و حُنین
اهل اسلامی قوتاردون سن جهالتدن حسین
ای آدی گنجینه ی اهل ولایت یا حسین

ای شهید راه دین ، ای باش و جاندان ال اوزن
امّتین اصلاحینه ،هربیر مصیباته دوزن
ای باشی شامین یولوندا،نیزه باشیندا گزن
ایلدون سن پیر ترسایه کرامت یا حسین

هر حقیقت بین گوزه عشقون ویرر نور بصر
فطرت پاکیزیه ،بیر یاحسین ایلر اثر
ریشه ی کفری حقیقتده قرا پرچم کسر
درک ایدر بو مطلبی اهل حقیقت یا حسین

شأنیوه لایق سوزوم یوخدی اَیا میر اُمم
(بیکَس)و درماندیم ،زهرایه خاطر قیل کرم
قسمتیم اولسا گینه بو اربعین بین الحرم
سسلرم ایتدون منه الحق عنایت یا حسین

• جمعه
• 22
• اسفند
• 1399
• ساعت
• 13:38
• نوشته شده توسط
• یوسف اکبری

یارب حسینه عبد ذلیلم
بو آستاندا چوخدان دخیلم

رخت عزاسین گیمیشم من بیر یاشیمدان
عشقین ئولونجه آتمارام هرگز باشیمدان

لبیک یا حسین لبیک یا حسین

محکم دَلیلیم واردور الیمده
شعله چکوبدی عشقی دیلیمده

من اون بیر آی یول گوزلرم گلسین محرم
عشقیله آدین سسلرم گلسین محرم

لبیک یا حسین لبیک یا حسین

شکر اولسون ا... گوردون سزاوار
اولدوم حسینه بیرده عزادار

آخر محرم ایلمه بو دلغمینه
جانیم چیخینجا آغلییم عطشان حسینه

لبیک یا حسین لبیک یا حسین

باب کرامت باب حسیندی
راه سعادت راه حسیندی

عشق حسین بن علی یاخجی ثمردی
هرکیم حسینی اولماسا عمری هدردی

لبیک یا حسین لبیک یا حسین

عبد حقیقی بیراهه گیتمز
هر دیلده عشق مولا یر ایتمز

هرکس اولانماز نوکر صادق حسینه
خوش حالینه هرکیم اولوب عاشق حسینه

لبیک یا حسین لبیک یا حسین

• جمعه
• 22
• اسفند
• 1399
• ساعت
• 14:57
• نوشته شده توسط
• یوسف اکبری

عشقون سالوبدی عالمه غوغا
ذکریم اولوبدی یا حسین مولا
زهرا بالاسی شاه عاشورا

منده ازل گوندن سنه دیل باغلادیم مولا
کرب و بلا آدی گلنده آغلادیم مولا

غملر الینده خستیم
من عشقیوه دلبستیم
چوخدان سنه وابستیم

نجه گور دیده ترم/آدیوی سسلیرم
یاخجی یولداشیله یاز/منه ششگوشه
حرم

سالار زینب یا حسین مولا

ای فاطمه اوغلی گُل حیدر
سن سن شباب جنّته سَرور
آزاده انسانلار سنی سسلر

ایتدون بو عالمده آقا کفرون ایوین برباد
الحق گرکدور من دییَم زهرا ایوین آباد

سن سن منیم تاج سریم
ای نور ایمان دلبریم
عشقون اولوبدی رهبریم

سنسن ای سروِ روان/شرفِ کون و مکان
شهدا سروری سن/عاشقون پیر و جوان

سالار زینب یا حسین مولا

ایثارون ایتدی عالمی حیران
ای باغبان گلشن ایمان
سن دینه خاطر گیچموسن جاندان

قانین سو ویردی نخل دینه قویمادی سولسون
جان ویردون امّا قویمادون دین بی ثمر اولسون

ای باشی جسمیندن جدا
ای مظهرِ نور خدا
گُل آدیوا جانلار فدا

ای شهِ اهل ولا/سنه باش اَگدی بلا
باجوین خاطرینه/بیزه یاز کرب و بلا

سالار زینب یا حسین مولا

گر معصیت دریاسینه غَرقم
قووما قاپوندان ای شهِ عالم
گَل لطفووی باشیمدن ایتمه کم

سن حُرّه آچدون باب توبه ای شهِ دوران
حُرّه باخان تک باخ منه جانیم سنه قربان

سولدی جوانلیق گلشنی
من دوتموشام بو دامنی
ردّ ایلمه مولا منی

ای ویرن قلبه صفا/گینه لطف ایله آقا
بو یوزی قاره غلام/اولا سرباز وِلا

سالار زینب یا حسین مولا

ای ظلمتِ شبده یوزی مهتاب
من (بیکَس)و درماندیم ارباب
شوق حرمدن یوخ گوزومده خواب

احسان ایله تز تز گَلوم پابوسیوه مولا
بین الحرمده مجلس ماتم ایدوم برپا

ای افتخارِ بنده لیق
ای معنی آزاده لیق
ای جوهرِ مردانه لیق

ای امیرِ دو سرا/نه اولور ایله عطا
باشیم اوسته گَله سن/جان ویرن دمده آقا

سالار زینب یا حسین مولا

• جمعه
• 22
• اسفند
• 1399
• ساعت
• 16:11
• نوشته شده توسط
• یوسف اکبری

زینبون دوشدی بلایه
گل‌ حسین جان گل هرایه
غارته ال آچدی لشگر
رحم قیل بو بینوایه

دشمن ووروب اود خیمه لرون یاندی یارالی
قلبیم بو جفادن ایله اودلاندی یارالی

حسین.......گل داده قارداش

گرد غم باشه دولاندی
چوخ قولاخلار یاره لندی
قورخودان بعضی اوشاقلار‌
دیل دوداقی پاره لندی

بو وحشی‌ قوشون غارته ایلوبدوله عادت
غارت نجه غارت کی‌ قیامتدن علامت

قیزلارون داغیلدی قارداش
گوزلرینده واردی قانیاش
آت قاباقینه سالیبلار
هی وورور گروه اوباش

چولدن چوله قیزلاری حسین‌ بسکی قووبلا
بعضی‌سی حسین‌ خاره پناهنده اولوبلار

خیمه لر چکدی شراره
افّ اولا بو روزگاره
یاندوریلار بو ربابی
غارت اولدی گاهواره

گهواره‌ایله دلخوشیدی مادر اصغر
افسوس اولا یغمایه آپاردی اونی لشگر

کیمسه یوخ ویره تسلّا
قیزلارون قارداش وورولّا
دوزمز‌ عباسیم بو حاله
بولسه قیزلاری سویولّا

علقمده یاتان شیرون حسین کاش ساغ اولیدی
ویرمزدی امان لشگره اخیامه دولیدی

قید جانی باشدان آتدیم
بیر حماسه من یاراتدیم
عابد بیماری قارداش
اود ایچیندن من چیخاتدیم

دیلده آدیوی ذکر ایلیوب خیمیه گیردیم
بیماریوی حفظ ایلماقا چوخ تَلَسیردیم

بسدی *بیکس* یاندی خامه
شرح غم یتمز تمامه
عرض حاجت ایله سنده
بو امام اوغلی امامه

صدق دلیله گلسن اگر شور و نوایه
احسان ایلیوب دعوت ایدر کرب‌و‌بلایه

• شنبه
• 23
• اسفند
• 1399
• ساعت
• 18:55
• نوشته شده توسط
• یوسف اکبری