اشعار ترکی امام حسین (ع)

ماه شعبان معظّم یتیشوب اولدی اوچو
خامس پنج تنه عشق و ولادت گونودی

قویدی دونیایه قدم نوگول زهرا و علی
هامی عاشق لر اوچون مژده،بشارت گونودی

نینوا دشتی ایشیقلاندی چیخیب شمس هدیٰ
کعبه تک رونقینه باعث امامت گونودی

درس حرّیتی انسانلار اوچون تعلیم ائدن
خطّینون پیرو وینه عزّ و سعادت گونودی

آنادان اولدی حسین ایستدی لعیا وئره غسل
بویوروب ختم رُسُل،غسله نه حاجت گونودی

پاک و پاکیزه گلیب دونیایا،پاکیزه گئدر
غسلی قان، دستمازی قاندی ولایت گونودی

آلدی آغوشه اوپوبدور لبینی حنجرینی
بویوروب قوی یاتا گهواره ده راحت گونودی

ترپدیبدیر بشیگین لایلایلان روح الامین
قانلی سجاده سالان عاشقه خدمت گونودی

گویده کی جمله ملائک دئدیلر ربُّ العظیم
اذن وئر نازل اولاق ارضینه رجعت گونودی

تهنیت عرض ائلیوب قونداقینا بوسه ووراخ
یا گئتیر عاشقینی گویلره زینت گونودی

افتخار ائتدی حسین قونداقینا عرش و سماء
فطرسه،شافع اولان عشق و زیارت گونودی

گلدی زهرای بتول،تا گوره نور بصرین
گوردی گهواره نی بوش،آغلیان عصمت گونودی

عرض ائدیب یوخدی بابا قونداقی گهواره سی بوش
هاردادی نور دو عین اولمویا فرقت گونودی

بویوروب اولما ملول،آغلاما ای میؤه دل
عرشه قونداقی گئدن اوغلونا عزّت گونودی

یئری وار عرض ائله یم آغلاماقیم وئرسه مجال
گَل خانیم،کرب و بلا دشتینه غارت گونودی

یئدی ضربتله باشی،ذبح اولان اوغلوندی حسین
وار یوخون بذل ائلیوب دینه حمایت گونودی

بی کفن قوملارین اوستونده یاتیب سینه گولون
آی لان اولدوز توکولوب یئرده قیامت ‌گونودی

گوز یاشیم جوهریلن،یازدی قلم قلبه حسین
بو قوجا نوکرینه ائتسه شفاعت گونودی

ورد و ذکریندی ((ریاحی))سنون هر وقت دعا
کربلا زائری اولماقه اجابت گونودی

• دوشنبه
• 2
• فروردین
• 1400
• ساعت
• 23:06
• نوشته شده توسط
• یوسف اکبری

گوزلر هامی یوللاردا دولوب شوقیله کیهان
گونلری سپری اولدی گلوب سوّم شعبان
خلق ائتدی خدا عشقینه بیر کَفّه ی میزان
مصباح هدایت ائلدی دهری درخشان

سلطان هدی گلدی ائده کونی مقلّد
پیغمبر عشق اولدی دوباره متولد

سلطان نئجه سلطان بورویوب نوری جهانی
یازدی آدینا ذات خدا باغ جنانی
احمد ئوزی نشر ائتدی گولاقینده اذانی
حلقوندن اوپوب وئردی اونا عشق نشانی

تعظیمه سالوب ما خَلَقی شاه ولایت
طاها ده ملکلر تک ائدوب اوندان اطاعت

بیر گُل دی حسین،فصل شهادت باهاریننان
بیر نسخۀ جان آلمیش او پروردیگاریننان
تلفیق ائدوب الله قانینی ئوز نِگاریننان
عشق خنجرینی ووردی محبت داماریننان

بیر قطره آخیب،گوردی همان قطره حسیندی
قانیله تجلّا ائلین سِتره حسیندی

الفاظ محبت دی تاپار عشقیده معنا
بیر تکجه حسین ائتسه ائدر سِرّینی گویا
سر دفتر عشقه چوخ اولار یعنی الفبا
قربان اولوم اربابیمه هم((ها))ئیدی هم((یاء))

چون تارک عرفانه یئتن آخر حسیندی
عالم دولی عاشق اولا گر محشر حسیندی

عشق آیه سینه اولدی حسینون دیلی آماج
دنیا بئله پیغمبره محتاجیدی محتاج
طاها بیر عروج ائتدی اولا دینینه منهاج
اما ایکی دوران دا حسین ایلدی معراج

جبریل پَرینده بیری، دونیایه گَلنده
بیرده که جدا اوسته باشی شامه گئدنده

وار کیمده بو اندازه وقاریله فضیلت
منن دی حسینیم بویوروب ختم رسالت
زهرا اونا قربان دئدی هم شاه عدالت
اوچ مهره ی خلقت اوخویوب شأنینه مدحت

اوچ هور فروزاننان آلوب نیک خصالی
حدّ کرمی سیندیروب اجلال و کمالی

نوریدور حسین مین بئله خورشیده برابر
مصباحیدی بیر جلوه سی مین جلوه یه برتر
خورشید کسوف ائتسه اولار نوری مکدّر
مصباح قارانلیقدا ولی تابشون ایلر

اَلدن یاپیشان یعنی خطاکاره حسیندی
آماده ائدن جانلاری ایثاره حسیندی

شیدای حسین،حقّ یولوندا گوتورر گام
اردوی حسینوندی فقط آخر و فرجام
فکر ائتمه که امّت آرا قالمیش آدی گمنام
مرهونیدی ایندی ده حسین قانینه اسلام

دین روحینی ابقا ائلین قان دا حسیندی
احکامیده،ایمانیده،قرآن دا حسیندی

واله دی بشر شاهیده که فرّ و جلاله
سیغماز بو قدر لطف و عطا وهم و خیاله
بیر مصرعی آخر ائدورم شاه حواله
زهرا چمنونده آچیلان قیرمیزی لاله

عاجز قالان اوصافینه ترکیب و غزل دی
بیر سؤز یازارام عشق حسینیله گؤزل دی

• دوشنبه
• 2
• فروردین
• 1400
• ساعت
• 23:11
• نوشته شده توسط
• یوسف اکبری

بو حسین آدی دیلیمده سند سعادتیمدی
منه آغ یاراشماز اصلاً قره گیماخ عادتیمدی

بیر عومور قرا گیینم،آغارا فقط بیر آنیم
منی قبره قویلویاندا،بو قرا اولا نشانیم
گله بو قرایه خاطر،باشیم اوسته شهشهانیم
نفسیله دولسا قبریم،بو منیم کفایتیمدی

چمن حسینه هر کیم،گول اولا خزانلا صولماز
که حسینون آغلیانی،گوزی حشریده یومولماز
او که قلبیدن یانیبدی،اونا بیرده آتش اولماز
ولی گر حسین اودیلا،آلیشام رضایتیمدی

دئسه لر اگر اولوبدی،بیر حسین چی آغلیون سیز
اونی تشییع ایلینده،قاپیسندا ساخلیون سیز
نچه ایل گیین قراسین،باشی اوسته باغلیون سیز
که اونا دئسون آقاسی،بو گدای ساحتیمدی

او زمان که دفن ائدنلر،منی بیر داریش مزاره
دولار آتشیله قبریم،بدنیم دوشر فشاره
پوزولار عیار جسمیم،منه فاش اولار شراره
اگر اولسا قطره گوزیاش،او اودا ضمانتیمدی

سوروشارسا گر ملائک،نئدور عمریوون پیامی؟
عملون که معصیت دور،نه یازاق سنه ختامی؟
دییرم که اولموشام من،بیر عمر حسین غلامی
یازون عاشق حسین دی،بو منیم حکایتیمدی

من اونا غلام اولاننان،بیلیرم غلامین آتماز
کرم عالمینده هئچ کس،کرمی حسینه چاتماز
که گئدنده نهره بیلدیم،آقا نوکرین یوباتماز
دئدی قارداشیم دی عباس،شرف بو نهضتیمدی

دئدی فرقتون حسینه،بو زمان عیان اولوبدی
علمون،قولون،سو مشکون،یولوما نشان اولوبدی
نیه ماه صورتون بس،بورونوبدی قان اولوبدی
دئدی قان دگول بو صورت،عرق خجالتیمدی

دای اینانمیرام بو آن دان،منه بیر چتین چاغ اولسون
یارالی باشون تک عباس،اؤرگیمده بیر داغ اولسون
دئدی بوشلا باش یاراسین،باشین ای اخا ساغ اولسون
دیزون اوستده قالسا باشیم،نچه لحظه راحتیمدی

سینه می غمون حسین جان،الیوبدی رشته رشته
الع حاله قالمیشام چی،منه آغلیور فرشته
خجلم من اصغروندن،بئله گئتمرم بهشته
منی آغلادان بو حال دا،اثراتِ غیرتیمدی

نجه دولماسین قانیلا،نگران قالان بو گوزلر
بو گوزی خیامین ایچره،که ملر بیر آهو گوزلر
نجه غرق اولار عمو سی،که رقیه سی سو گوزلر
گوزی یول چکور او ایندی،اورگیمده حسرتیمدی

• دوشنبه
• 2
• فروردین
• 1400
• ساعت
• 23:31
• نوشته شده توسط
• یوسف اکبری

شُریحون نصّ فتواسی،بهانه اولدی اعدایه
مبدّل ایلدی حکم تولّانی تبرّایه
بیلیبدور قتلیوی واجب قوشون دولدی بو صحرایه
امان مُفتی نمانون وئردیگی احکامدن قارداش

ایکی جانوک مقدّس باطناً جانانه میز بیردور
جُدادور گرچه پیکرلر، دل مستانه میز بیردور
هدف بیر،مقصد و مقصود بیر،پیمانه میز بیردور
خجل دور کج قلم لر یازدیغی احکامدن قارداش

قلم که کج نویس اولدی،نه سؤز یازسا فساد ایلر
یخار اسلام ائوین ظالملریله اتّحاد ایلر
رئیس مسلمینی دین ده بیگانه یاد ایلر
نصیبیم اولمادی بوسه لب گُلفامدن قارد‌اش

قلم کج یازدی دؤندی آشنالر اولدولار دشمن
قلم کج یازدی عبّاسون قلم اولدی قولی تندن
قلم کج یازدی جسموندن سویولدی کهنه پیراهن
قلم کج یازدی امّت گئتدی کج اسلامدن قارداش

قلم دوز حکم یازسایدی باشون عطشان کسیلمزدی
مبارک حنجروندن نغمۀ قرآن کسیلمزدی
منه چاره یولی الآن،سنه قربان کسیلمزدی
قرا اولمازدی روشن گون قارانلیق شامدن قارداش

قلم دوز حکم یازسایدی خیامون شعله لنمزدی
یوزه غربال چشمیمدن بیله اشکیم النمزدی
بلالی باشمه قمچی،بو قدری قالخوب انمزدی
قوشون کامین آلانمازدی بو قتل عامیدن قارداش

قلم دوز حکم یازسایدی باجون دوشمزدی بُن بسته
دچار اولمازدی لیلا و سریّه فرقۀ پسته
ربابین قالمازیدی اللری امجکلری اوسته
بیابان گرد اولمازدی غم ایّامدن قارداش

• دوشنبه
• 2
• فروردین
• 1400
• ساعت
• 23:49
• نوشته شده توسط
• یوسف اکبری

خلقت انسان دا یازوب کربلا
پرده ی وجدان دا یازوب کربلا
فلسفه ی جان دا یازوب کربلا
خون شهیدان دا یازوب کربلا
روضه ی رضوان دا یازوب کربلا
پرچم ایمان دا یازوب کربلا

کرببلا خاکینه قربان اولوم
رایحه ی پاکینه قربان اولوم
غصه لی ادراکینه قربان اولوم
سلطه ی بی باکینه قربان اولوم
ذکر اوخورام منده ثنا خوان اولوم
آزدی دئسم مین سری قربان اولوم

کرببلا قبله دی هر مطلبه
شور وئروب دی علوی مذهبه
راه تداوم یارادیب مکتبه
طعنه وورار گنبدی مین کوکبه
صورت جنّاتی مضاعف چکر
باخماقینا گویده کی لر صف چکر

کرببلا عطرینی ئییلَر گلاب
آخماقا صحنونده چکر منّت آب
سینه ی پاکینده یاتان آفتاب
شمس معلّادن آلوب صبر و تاب
دیلده اونون دشت بلادور آدی
لیک گویون یِدّی سیده اوردادی

اوردادی خلقتده که نور جلیل
زائر اولور هر دم اورا جبرئیل
موسی و عیسائیله نوح و خلیل
گونده سالور خاکینه چنگ دخیل
کیم که ترابینن اوپور تاج آلور
تاج دئمه،رتبه ی معراج آلور

• سه شنبه
• 3
• فروردین
• 1400
• ساعت
• 13:42
• نوشته شده توسط
• یوسف اکبری

باغ جنان،کرببلادن دئدی
شاه شهیدان اونا مدفن دئدی
کّل جهان آدینی دیلدن دئدی
خاک زمین اول یئره أحسن دئدی
جنّتی که خلق اونی توصیف ائدر
کرببلا شأنینی تعریف ائدر

کرببلا، عشقیدی اعجاز ائدر
هر گِرِه بسته اولا باز ائدر
سلطنت شاهینی ابراز ائدر
مین بئله رضوان باغینا ناز ائدر
چون که حسینون قانیلا گِیدی رَخت
اولدی وفا کِشورینه پایتخت

‌
کرببلا مُلکی دی باب وصال
پرچم سُرخی یارادیر شور و حال
یازماقا وصفون گنه کم دور خیال
کعبه ده حتی اونا اولماز مثال
گر اورا بیر دفعه ملائک باخیب
خون خدا کرببلاده آخیب

سِرّی سوروشدی قلمیم هر نئدن
باشدی نیه کرببلا کعبه دن
گلدی ندا خاک صفا مَروه دن
چون اورا دور کعبه یه یول اؤرگئدن
غار حرا ده دئدی یا کربلا
بیت خدا ده دئدی یا کربلا

کرببلانی هامی تکریم ائدوب
عشقی بیزه چون اورا تفهیم ائدوب
قامت طوبیٰ اونا تعظیم ائدوب
زینب اونا جانینی تقدیم ائدوب
قدی اولوب خم دئدی یا کربلا
چکدیقیجه غم دئدی یا کربلا

کرببلا شهرتی عالمده دی
فلسفه سی بیر قره پرچمده دی
باده ی آدینه سی علقمده دی
حسرتی بو یاره لی سینمده دی
قانلی اورکلر دئدی یا کربلا
گویده ملکلر دئدی یا کربلا

کرببلا قلبیلرین تاجیدی
شیعه لرون قبله و منهاجیدی
علتی بیر قارداشیلان باجیدی
زائری باطن ده اصیل حاجیدی
حجه گئدنلر دئدی یا کربلا
عشقی سِئچنلر دئدی یا کربلا

• سه شنبه
• 3
• فروردین
• 1400
• ساعت
• 14:03
• نوشته شده توسط
• یوسف اکبری

کربـــبلادن آیریلور غـــــم کاروانی
زینب علمدارون اولوب سقا نشانی

فریاده گلمیش قیزلارون - آغلار سنه باشسیزلارون

لایلای حسینیم(۲)

قتلــگــهـی تَرک ایلیـور دور از وطن لر
قالمیش قباقینده گونون عریان بدن لر
نُــه آسمـــــانی آغـلادور شامه گئدن لر
آوای مـــــاتـم دولـدوروب دور کربلانی

چارم کسیلدی وای منه - قوی اوخشیوم لایلای سنه

لایلای حسینیم(۲)

قیزلاریوون حـیـثـیـّـتی یغمایه گئتدی
فــڪری عدونین گوئـیا دعوایه گئتدی
سیلی ووراندا سسلــری زهرایه گئتدی
باشسیز گــؤروب آغلاتدیلار آل عبانی

سس وئر آدامسیز قالمیشام- قولدان قولا باغلانمیشام

لایلای حسینیم(۲)

بلبل کیمـــــی دوشمؤش رقیّه ام سینـــون اوسته
زلفـــــی پریـــــشان آغلیـــــور قـــــلبی شکــــسته
سینونده قوش تک چیرپینیب چوخ اولدی خسته
بیــــــــــلمم نجور تصویـــــر ائدم بو ماجـــــرانی

دوشدی قیزون تاب و تبه - تار اولدی عالم زینبه

لایلای حسینیم(۲)

زینب اولا قربان حسیــــن سن تک امامه
عشق امتحانین قورتاریب وئردین تمامه
قانلـــــی قیامـــــی شامه تک ورّم ادامه
دنیایـــــه اعلان ایـــــــلرم ســـــرّ بلانی

قلبیمده ظرف غم داشوب-وقت وداعیم یاخلاشوب

لایلای حسینیم(۲)

نهــــر فراتـــــه باخماقــــا قلبیم دایانمور
قیرمازدی عبّاسیم منــــی ایندی اویانمور
جسمونده پیکان یاره سین زینب سایانمور
بلبل لــــر اوسته ئولدوروب لر باغـــــبانی

درده دؤزوم وار قارداشیم-یاتما سؤزوم وار قارداشیم

لایلای ابالفضل(۲)

• سه شنبه
• 3
• فروردین
• 1400
• ساعت
• 14:30
• نوشته شده توسط
• یوسف اکبری

در سبك گنه دوران دولانيب ماه محرم گلدي

عشقین عالم ده خیابانیدی بین الحرمین
ڪـربلا عاشقینون جانیدی بین الحرمین

ای تشنگان کربلا دریاسی
دیوانگان عالمین مأواسی

حسین آقا - حسین والا - حسین مولا
حسین یا ثارالله

یارادیب خالق ئوزی محشرِ سیـــــماده سنی
انبیا شـــوت ائلیـیَر عالـــــم معـــــناده سنی
طِی ائدوب شاه شهیدان نئجه غوغاده سنی
قارداشیــــن قارداشا عنوانیدی بین الحرمین

سنده یورقون دایانان غصه لی بیر قافله وار
دویولن،غارت اولان،رنگی صولان عائـــله وار
هـــــر حسابیله مگر سنده نقدر فاصــــله وار
زینبـــــون تئز قوجالان آنــیدی بین الحرمین

نقل ائدوللر اورا کیم قویسا قدم کامین آلار
پر آچار روحی سمـــــاواته، مـــــلالی آزالار
ولـــــی بیر یئرده قـدم آتمـــــاقا آواره قالار
قصـّۀ ی پرچم و نسوانــــیدی بین الحرمین

ایکی دونیاده صفالیخ ده اورا یوخدی نظیر
اوّلـــی جنّتِ شاه، آخـــــری دربـــــارِ وزیـــر
حضرتِ صاحب عصر اوردا نه عشقیله گزیر
مهـدیِ فـــــاطمه کنعانـــــیدی بین الحرمین

وار نه اندازه گویون اولدوزی اوردا سوزولوب
ماه و خورشید آراسی جمله عـــزایه دؤزولوب
اورا بیر یئردی حسینـــــون اَلی اَلدن ئوزولوب
آقــــــامین درد فراوانــــــــــیدی بین الحرمین

آرزو ایـــلرم هــر ایل او غبــــاره بورونم
کربلا مروه صفاسی آرا مُحــــرم گؤرونم
گونده یوز مرتبه بینُ الحرمینی سورونم
حسرتِ سینه ی سوزانیدی بین الحرمین

غیر آدابـــــیدی گر جان دوشه جـاناننان اوراق
حرمـی گؤرمویه نوکـر قالا سلطـــــاننان اوزاق
قورخورام منده ئولم بیر گونی درماننان اوزاق
آند اولا آدیـــــوه درمانـــــــــیدی بین الحرمین

• چهارشنبه
• 4
• فروردین
• 1400
• ساعت
• 19:41
• نوشته شده توسط
• یوسف اکبری

دیلده پاینده‌دی ماتم‌سرای عاشورا
قلب‌ده زنده‌دی حال و هوای عاشورا

ندای بندگی و عزّت و شرافت‌دن
دولدوروب گوش زمانی صدای عاشورا

درس آزادگی و نه به زور و ذلّت دی
جهانیان گؤزونه ماجرای عاشورا

تازه‌لیقدن دوشر هر زمزمه تکرار اولسا
تازه‌دن تازه‌دی امّا نوای عاشورا

نه قصّه‌دی نه داستان نه ده بیر افسانه
دیری‌دیر گؤز قباقیندا فضای عاشورا

پیکر شیعه‌نی تشریح ائدوب اگر باخسان
ذره به ذره آتور جان برای عاشورا

بشریت اوچون نبی‌لرون تلاشیندن
چوخ گرانمایه‌دی الحق بهای عاشورا

رسالتیله بونون ارزشی برابر دی
بقای آدمیان دی بقای عاشورا

جدال بین جفاکار و حقیقت‌جو دی
معرفت به ولادی محتوای عاشورا

ردّ دور عقلین حُکمی ملک شور و مستی‌ده
عشق دور دولت بی انتهای عاشورا

لوح و برنامه‌ی مرقومِ معنویّت‌دی
نسل انسانه دوام عزای عاشورا

مشخص ائتدی حدودات کفر و ایمانی
شهادتِ شهود ناخدای عاشورا

یئری واردی بقای نهضت تولّاده
اولسا جمعیت دنیا فدای عاشورا

قلب هر ملّت تسلیم و عدالتخواهه
رمز خیز و قیامیدور ندای عاشورا

قبله‌ی شوریلن شعوریدور محبّانه
خاک ارزنده‌ی کرب و بلای عاشورا

تا ابد جاودان‌دی مِلکی توپراق اوستونده
حشره‌جک دیر زمان‌دا انقضای عاشورا

کیم توسل ائلیه صدقیله بو درگاهه
مست ائدر روحینی جامِ عطای عاشورا

درس عبدیّتی کیم عشقیله تحصیل اِیلَر
گؤرسدر یول اونا قبله‌نمای عاشورا

مدرک عشقینی امضا ائلییر محشرده
عالِم بی‌سرِ دانشسرای عاشورا

تاپدی بو محفل خونین‌دن نجات فیضین
هر کس اولدی صدیق و آشنای عاشورا

تار و پودی محبت و کرامت و لطف دی
عشق و ایثار و صفادی بنای عاشورا

نه ئولوب لشکر سرخ حسین نه ئوله‌جک
هر زمان فتح اِلییَندی قوای عاشورا

قسم به حضرت سبحان و حکم تقدیرش
قسم به خالق ارض و سمای عاشورا

قسم به رایحه‌ی خون چادر زهرا
به مادر عزیز و باصفای عاشورا

قسم به کشته‌ی توحید و سبیلِ جانان
به سجود و عروجِ مقتدای عاشورا

قسم به طلعتِ شمس سوار بر نیزه
به رأس اطهر و از تن جدای عاشورا

قسم به چهره‌ی خونین عصمت و تقوا
به زینب، آن دلِ غرق حیای عاشورا

قسم صورت شرمنده‌ی غیرتــمَردی
به همان ساقی و صاحب لوای عاشورا

قسم به دختر سه ساله‌ی رنجور از غم
به اشکِ خون دو چشم همای عاشورا

قسم به خشکی لب‌های اشبه طاها
به شهیدِ نخست و دلربای عاشورا

قسم به جان و دل مجتبی که در بزمش
گشت خونش به دو دستان حنای عاشورا

قسم به طفل لبن‌خوار سینه‌ی مادر
به کبوتر مثال و باوفای عاشورا

قسم به وحشتِ طفلانِ خیمه در غارت
به اسیرانِ بند در جفای عاشورا

قسم به ناله‌ی ابنات حیدر کرار
به التماس لبان و دعای عاشورا

قسم به تربت خونین دشت شیدایی
به تلّ و قتلگاه و جا به جای عاشورا

که مرده است آن دلی که در حیات خودش
ندارد از سرِ کین ابتلای عاشورا

زنده باد عاشقان کوی انقلاب حسین
مرگ بر منکِران کیمیای عاشورا

مکتب عشق‌دی هم‌ده دوا و دارو دی
کیم مراد اِیلَسه دارالشفای عاشورا

گر خبر آلسالار کی کیمدی «امین» سؤیلَرسیز
آدی نوکر دی پیشه‌سی گدای عاشورا

• چهارشنبه
• 4
• فروردین
• 1400
• ساعت
• 22:21
• نوشته شده توسط
• یوسف اکبری

تشنه لیک ائتدی آقاما چوخ اثر
سوزِ عطشدن قوری لبلر اَسر

تاب و توانی آزالوب حضرتین
باش گیجَلور٬ تاریدی چشم بصر

ساخلادی بیر لحظه آقا مرکبین
خیمه لرین سمتینه ائتدی نظر

سسلدی یارب اوزون امداد ائله
خیمه لره گیتمیه تا قومِ شر

رحم ائله یارب بالاجا قیزلارا
چاره ندور خیمه لره گئتسه لر

تَرسوزولور صورت زیباسینه
داخل اولور دیدهٔ شهلاسینه

ایستدی سیلسین آقا یوزدن تَرین
داغ یاریلار بو غمِ عظماسینه

دامن پیراهنین آلدی اله
حرمله نین باخمادی بلواسینه

اوچ پَر اوخون قویدی کمانه آتوب
تا اوتورا قلبِ پُر احساسینه

عفو ائله یامهدی صاحب زمان
سوز یتیشوب نقطهٔ حسّاسینه

یاردی حسین سینه سینی اوچ پَراوخ
سس یتیشوب حضرت زهراسینه

لطف ائله یارب گَلَه مطلب اَلَه
چوخ چتین اولدی بوآغیر مسئله

شادلیق ائدور شامیلرین لشکری
لشکر کوفه دایانوب ال اله

گوی دوتولوب نالیه عالَم گلوب
فکر ائلیورسن که گلور زلزله

اهل حرم شیون ائدوب آغلاشور
خیرداجا قیزلار ائلیور هلهله

اشک غمه باتدی هامی ماسوا
ارض و سماواته دوشوب ولوله

روح نبی جنّتی تَرک ایلدی
گلدی حسینی یخیلان مقتلی

اهل سَما عشقوی تحریر ائدر
عشق٬ اوزی آدووی تفسیر ائدر

گَر گوزوون گوشه سی سِیر ایلسه
دوزخیلن جنّتی تغییر ائدر

نیزه نین اوستن باشوون جلوه سی
گویده کی اولدوزلاری درگیر ائدر

واژه سنون مدحوه دلدن دوشر
عشقِ حسین٬عشقی زمینگیر ائدر

قاره علم نصب اولونا هر یره
قلبیمیزی عشقوه زنجیر ائدر

(فیضی) سنون مدحوه لایق دگُل
غصّه لرون شاعرووی پیر ائدر

• پنج شنبه
• 5
• فروردین
• 1400
• ساعت
• 11:47
• نوشته شده توسط
• یوسف اکبری

شعبان آیی بیرآیدور دنیانی سؤوندوردی
به به بو مبارک آی زهرانی سؤوندوردی

چون سوم شعباندا دنیایه حسین گلدی
زهرایه جگر گوشه هم نور دو عین گلدی
شرع نبوی اوسته بیر سَرور دین گلدی
گویدن یره تبریکه جبریل امین گلدی
تبریک و بشارتله طاهانی سؤوندوردی

دورت‌مینجی‌گونی‌چخدی‌بیرماه‌درخشنده
صولتلی اوزون قولّی دعوایه برازنده
محراب عبادتده بیر صالح اولان بنده
عباس وفا پرور دریا دل و بخشنده
مردانه اوغول شاه مردانی سؤوندوردی

دورت‌مینجی‌امام‌اولدی‌بش‌مینجی‌ گونی‌ظاهر
دلبند شه عطشان هم طیّب و هم طاهر
هم عابد و هم ساجد هم مفخر و هم فاخر
ایرانی نژاد اولدی یکتا گُهَرِ نادر
نوزادهٔ شهبانو ، ایرانی سؤوندوردی

• پنج شنبه
• 5
• فروردین
• 1400
• ساعت
• 12:30
• نوشته شده توسط
• یوسف اکبری

حسین باشین قفادن شمر کافر
نجه کسدی سوسوز٬ الله اکبر

مگر دلبند پیغمبر دگیلدی
مگر عالملره سرور دگیلدی
سرور سینهٔ حیدر دگیلدی
نه‌جرئتله اوظالم‌قویدی بی‌سر

آلولاندی دلیم ای داد و بیداد
جفای شمریدن فریاد فریاد
پیمبر دودمانین ائتدی برباد
اونون ظلمیندن‌آغلارقالدی‌گوگلر

زمین کربلایه لرزه سالدی
پیمبر قلبینون آرامین آلدی
چیخوب‌گودالیدن‌رنگی‌سارالدی
بیرالده قانلی‌باش بیرالده خنجر

خیال غارتیله قوم گمراه
توکولدی‌خیمیه صد آه وصد آه
نه ظلم اولدی خدایا سنسن آگاه
نمایان اولدی گویا یوم محشر

اویاندا آتلارون گرد و غباری
بویاندا اهل بیتون آه و زاری
یانان چادرلرون دود و شراری
اوجالدی گنبد افلاکه یکسر

دلیم گلمور ائدم واللهی تقریر
ویریلدی گردن بیماره زنجیر
یتیمان حسینی شمر بیر بیر
چکوب بندِطنابه اوُل بداَختر

• پنج شنبه
• 5
• فروردین
• 1400
• ساعت
• 16:48
• نوشته شده توسط
• یوسف اکبری

حسینون قلبینه ناگه مناسینده صفا گلدی
مقام قدسیدن گویا بونوعیلن صدا گلدی

حسین سن کوی عشقونده نگاره تشنه قربان سان
واروندور دعوتون شخصاً منه شایسته مهمان سان

صفای قتلگاهوندن گلوب دیداره حوریلر
جنانی نیلیور حورا اوزون فردوس و رضوان سان

سوسوزلق داشینی باشوندن آت قوی چوللره آخسون
بهشتیمده سنی آب طهوریم گوزلر عطشان سان

اگر عشّاقه اولسام ممتحن بیرده یقینیم دور
ویروبسن امتحان عشقوی سن مرد میدان سان

یمینیم اختیارونده یساریم اختیارونده
جلالیم اختیارونده زمانونده سلیمان سان

یاراتدیم عالم خلقتدّه من مردان خوش سیرت
دیوبلر روز ازلده حسین جان فخر خوبان سان

دیدی پیغمبر خاتم حسین فُلک نجاتیمدور
چکوبسن ساحله دین زورقین منجّی طوفان سان

ایلیکی شیعه نی ایتدون دعا راز و نیازونده
عنایت شیعیه ایتدیم نیه حالی پریشان سان

قزل قانیله قرآنی حسین شیرازه بند ایتدون
کلام اللّهه ناطق سن یوز اون دورت سوره قرآن سان

باخوب طورونده موسانون سیاقینده منی گزمه
سنون قلبوندیم علت ندور جان اوسته حیران سان

اطبّا عشق شهرینده گلر درمان آلار سندن
طبیب عشق کامل سن تمام درده درمان سان

سالا سایه هواده یوللّادیم روح الامین گلدی
نظیرون یوخدی السّاعه حسین آزاده انسان سان

خوشا احوالینه هر کیم یولووا پیروی اولسا
سنه اهل یقین مؤمن اولار تندیس ایمان سان

یوزووی تپراقا قویما یوزوون یاره سی واردور
سنون سبحانه ربوندن خوشام محبوب جانان سان

کسلّر باشوی دالدان وورالّار نیزیه اعدا
اولار پیراهنون غارت گورلّلر یرده عریان سان

«معزی»شعریلر کی نظمه چکدون یاد یار ایلر
سنه لطف خدا شامل اولوبدور افتخار ایلر

• پنج شنبه
• 5
• فروردین
• 1400
• ساعت
• 17:04
• نوشته شده توسط
• یوسف اکبری

بیلمدیلر طبیب لَر دردیمزه دوا حسین
چاره سی اولسا چاره سی،سنده دی سنده یا حسین

مهرومحبّتون سنون قلبیلَر ایچره خیلیدور
میل ائلیور هامی سنه بیلمیورم نه میلیدور
خلق جهان تمامیسی درگهووه طفیلیدور
لطفووه گوز تیکوب هامی شاه اولا یا گدا حسین

گُل نَقدر لطیف اولا موسمی کِئچسه تئز سولار
هرچه عزیز شخص ئوله آخر عزاسی ترک اولار
بیلمیورم نه سّر وار خلق بلوط کیمین دُولار
هاردا که ذکر اولور آدون اُوردا اولور بَکا حسین

خیرداجا خیرداجا اوشاق کیم اولارا وئروبدی یاد
اُویناماقیندان اَل چکوب جمله اِئدوللر اتحاد
ئوز آدین آنّامور دییَه دیللَرینه گلور بو آد
گاه دیولّه واحسن گاه دیولّه واحسین

من اُو وجود هیچیدوم خلق یانندا کاالعدم
کاالعدم وجودیمی آدون ائدوبدی محترم
(مضطر)اردبیلیدن سایهٔ لطفون اِئتمه کم
ای آدی کیمیا حسین آدووه جان فدا حسین

• شنبه
• 7
• فروردین
• 1400
• ساعت
• 12:33
• نوشته شده توسط
• یوسف اکبری

گرنام نامیِّ حسین هرنامیدن محمودیدور
علّت همان شمشیردور،میدانیدور٬مقصودیدور
الله نمازوروزهٔ فعّالیدن خشنودیدور
ورنه عبادت عابد مسکوتیدن مردودیدور
طاعت شعورناطق وافعالدار اولسون گرک

هان ای بشر٬راه حسین راه جهادوجنگیدور
درس وفاوعشقیدور،مرگ ریاورنگیدور
تنهابویولدان ظالمه میدان عالم تنگیدور
بیرآیری یولدان گئتسه کیم لاشک کمیتی لنگیدور
یاگولسون ئوزاعمالینه یاسوگوار اولسون گرک

گل کربلاصحراسینه صحرادولی معنایه باخ
امواتی احیاایلیوب باشسیز یاتان مولایه باخ
سیل چشمیدن مَن سرمه سین مفقودیدن پیدایه باخ
هردشتدن سینانی گورهرتلّیدن حرایه باخ
هرپیرو ئوزمولاسی تک صاحب وقاراولسون گرک

تقویٰ خدنگیلن اَوَل گل نفسی روزن روزن ائت
علم و عملنن خانهٔ ایمانی روشن روشن ائت
اوندان صورا گوزیاشینی بارنده دامن دامن ائت
شاه شهیده روز وشب قان آغلا شیون شیون ائت
چشمون واِلّاچشمهٔ تحریف باراولسون گرک

یوزلرخلیفه خاک اولوب گورمیش جفالر بادیدن
الاندا لکن (شاهیا) دجله آخار بغدادیدن
مکریله چوخ شاگردیلر سبقت تاپوب استادیدن
دانش گریبانین ولی آخر آلوب شیادیدن
آری کذایی منزلت بی اعتباراولسون گرک

• شنبه
• 7
• فروردین
• 1400
• ساعت
• 12:38
• نوشته شده توسط
• یوسف اکبری

ننگ ونفرین بو قوم کج هنره
گورنه‌ظلم‌ائتمیش افضل‌البشره

اشکیلن شستشو وئریدیم کاش
ای بحارالحکم بو یاره لره

حیف اوعشق‌وعلاقه مجلسینی
پوزدی ناگه سپاه بد شجره

دولدی میدانه دیو واهریمن
سالدی‌ارض‌وسمانی شوروشره

ناتراشیده بد قیافه عرب
فرق بیلمز تباریلن تبره

بوینونا آسلار استخوان شتر
اوخشیار شاخدار جانوره

اورک آهن٬شعور داش٬گوز قان
قاش دوگون لب کبود روی قره

حمله ور اولدیلار او هیبتده
دختران یتیم و خونجگره

پابرهنه گشاده سر بالالار
سینیق آی‌تک سپیلدی صحنه‌لره

چوخی چون هم آجیدی هم تشنه
تاقاچوب دورد قدم یخیلدی یره

قورخودان‌دورمیوب دوباره اوزون
ایاق آلتیندا سالدیلار خطره

رحم وانصاف وار عَرَبده مگر
دیو چاتماز بو قوم خیره سره

اوز قیزین زنده زنده قبره قویان
رحم ائدر هاردان اول یتیمیلره

ایستسون حالینی او طفل لرین
یاپراقی اود ایچینده آل نظره

یاخیال عالمینده بیر قوشا باخ
که یولوبلار قانادین اون فقره

یومدی گوز ناله ائتدی پیغمبر
او کبوترلره او بال و پره

• شنبه
• 7
• فروردین
• 1400
• ساعت
• 13:09
• نوشته شده توسط
• یوسف اکبری

گوروردی بلا وادی کربلا
ائدور نی کیمین هی نوا نینوا
ایکی لشگر ائیلور جدل برملا
بو صحراده وار گور نئجه ماجرا

اویان فاتح نهر علقم دیلر
نه اسفل دیلر ،سفله دن کم دیلر
امام ئولدورللر مُصَمَّم دیلر
علی اوغلونا ابن ملجم دیلر
گودولَّر دوشه سجدیه مقتدا

اولارکی آلوبلار سویون دوره سین
وئرللر نشان کینه مسطوره سین
چکللر اودا سینه لر کوره سین
چوخی‌حفظیدی‌توبه‌نین‌سوره‌سین
ائدللر دعا " ربّی اغفر لنا "

ایتیب بیشه ی ریشده یوزلری
جیروب جامه دیرسگلری دیزلری
ایکی مار ایکی چاه ،قاش گوزلری
اویاق گوزلریندن یاتور ئوزلری
دولوب رمزیلن رازیلن کربلا

او لشگر اوقدری اولوبلار جری
سوسوز حنجره چکدیلر خنجری
قولینان سیلن ، آلنی اوستن تری
اولوب اللهین قانینه مشتری
نه غیرت بیلوللر نه شرم و حیا

بو یاندا ، حسینونده درباری وار
خیامی حریمی هواداری وار
سپاهینده یئتمیش ایکی یاری وار
اوزون قول اوجا بوی علمداری وار
ائدر خدمتین ، هم قدر ، هم قضا

بو سقا کی درده دوام ائیلیور
رکابینده عشقی غلام ائیلیور
گئجه اگلشوب تا قیام ائیلیور
اگیب قامتین ، آی ،سلام ائیلیور
قالوب باخما مشکلده مشکل گشا

حسینون بلی رمزی وار رازی وار
نیازی سوآ اولسادا ، نازی وار
حبیب کهنسال جانبازی وار
هله سود امر کورپه سربازی وار
اَوَل زرگره باخ ... زره ، وئر بها

حسین نئینیوردی قوی لشگری
اولان یئرده زینب کیمین یاوری
واری عونی هم فضلی هم جعفری
ساغین آلدی قاسم ، سولون اکبری
بودور معنی " البلاء للولا "

• شنبه
• 7
• فروردین
• 1400
• ساعت
• 13:13
• نوشته شده توسط
• یوسف اکبری

بو جمع با صفا حسینچیدی/هم ارض و هم سما حسینچیدی/وهابیلرون قوی گوزی چخسون/حتی خود خدا حسینچیدی
هم بیرق و علم حسینیندی/عیساده کی دم حسینیندی/الله بیوردی حضرت طاهایه/هر نه وارم از دم حسینیندی
اهل عزا درده دوا ایستر، دیللرینه شور و نوا ایستر،سینه زنه هیئت شش ماهه، تذکریه کرب و بلا ایستر
ای آقا ،قیل عطا، کربلا، ربنا آتنا فی الدنیا کربلا
هر زمان سسلرم یا مولا، اللهم رزقنا کربلا
کربلا کربلا کربلا.....

آهنگ دردیله بورونم من،عشاق آرا یاخچی گورونم من/گورسم اگر کرب و بلا صحنون/زینب سورونن یرده سورونم من
اشک تریم گوزده منیم گولدی/قلبیم باشون داغ حرم بولدی/اولسم یازون سنگ مزاریمده/بو کربلانی گورمدی اولدی
اولسم اگر سال باشیمه سایه،دوزمرم درد غم افزایه،هر ایکی دنیاده یقینمیمدی/سنون کیمی وارمدی سرمایه
ذکر دل با نوا کربلا ، ربنا آتنا فی الدنیا کربلا
دائما ایلرم من دعا،اللهم رزقنا کربلا
کربلا کربلا کربلا.....

• شنبه
• 7
• فروردین
• 1400
• ساعت
• 20:56
• نوشته شده توسط
• یوسف اکبری

یاحسین سائلیوم ایسترم حاجت سندن

قاپی دوگماق منِ سائلدن - عنایت سندن

نه زماندور بلوسن من یوزه گوز یاش توکرم

آغلارام حسرتینی کرببلانین چکرم

سن کرم صاحبی‌سن - قیل منه‌ده لطف و کرم

ال گدادن - اَتَک ای کانِ کرامت سندن

گلسه شاهلار قاپیوا جمله سنه بنده اولار

محو رخسارون حسین‌جان مهِ تابنده اولار

ئوپر حاتم ایاقوندان اوزی شرمنده اولار

گورسه گر بیر بیله احسان و سخاوت سندن

دوگسه هرکس قاپیوی صدقیله ای باب سخا

دردینه حتماً آلار هر ایکی دنیاده دوا

ناامید ایتمه منی گل الی بوش سالما یولا

چکمرم ال بلوسن ای گُل جنّت سندن

دیمورم ایتممیشم جرم گناهیم یوخدی

دیمورم نامه‌ی اعمال سیاهیم یوخدی

ولی سندن صورا عالمده پناهیم یوخدی

ال گتورمز کیم اولار غرقه‌ی محنت سندن

باخ آقا نوکریوین گوزدن آخان گوز یاشینا

جام صبری نقدر - من چالوم هجران داشینا

اشگیم آخماز سارالان صورتیمه اوز باشینا

واردی دردیم دیورم - ایستورم حاجت سندن

عمده دردیم بودی آگاهسن ای شاه جهان

سن اوزون عفو ایله یوخدور بلورم جای بیان

کربلا حسرتی نیلوم ایلیوب قلبیمی قان

ایسترم اولسادا - تا روز قیامت سندن

قورخورام باد اجل گلشن عمره اسیله

دامنوندن آقاجان دست امیدیم کسیله

"اکرمی" ایستموری یازدیقی بو شعره صِله

نوکرون ایستوری محشرده شفاعت سندن

• دوشنبه
• 9
• فروردین
• 1400
• ساعت
• 11:46
• نوشته شده توسط
• یوسف اکبری

آلوبدی اطرافیمی سپاه الله

سنه گتوررم فقط پناه الله

بو من-بو مقتل-بو شمر-بو خنجر

اوزون بو احواله اول گواه الله

یارالیم الله بلالیم الله

سنه چوخ عشقیم وار وفالیم الله

الله - الله - الله - الله - الله

دوروبدی قاتل یارالی سینمده

سنی هرایه چاغورّام هر دمده

یزیده من بیعت ایتمرم هرگز

بو‌چولده مین‌یول‌سوسوزدان ئولسمده

اگرچه عطشانم. یارالی قربانم

بو قانلی صحراده. فدای قرآنم

الله - الله - الله - الله _ الله

منی بو لشگر ووروللا راز اوسته

هجوم ایدور اوستومه نیاز اوسته

حسینم الله - بو افتخاریمدور

باشیم کسیلسون سوسوز نماز اوسته

بو کوفیان بولمز که شمع دین سونمز

او عهد و پیماندان حسین ئوله دونمز

الله - الله - الله - الله - الله

امان بو لحظه امان بو ساعتدن

گلور باجیم خیمه‌گاه عترتدن

بو گوزلریم کاش گورمیه الله

آتاندا شمشیره ال - محبتدن

گلور عزالی باجیم. باشی بلالی باجیم

گوزومی باغلاماقا. گلور وفالی باجیم

الله - الله - الله - الله - الله

الهی بو قانلی گوز یاشا خاطر

سوسوز ئولن قوم و قارداشا خاطر

باغیشلا امّت گناهینی یا رب

بو شمر الینده قالان باشا خاطر

بو غمده آغلیانین. اورک داغلیانین

گناهلارین عفو ائت. حسینه آغلاسین

الله - الله - الله - الله - الله

گرک جهان پاک اولا ستمگردن

خراب اولا ظلم کاخی هر یردن

یزیدین آدین بو قان گرک سیلسون

اوجالسون آدون کسلمیش حنجردن

گرک اولا اجرا نقدری وار دنیا

بودور بو دنیایه پیام عاشورا

یارالیم الله بلالیم الله

سنه چوخ عشقیم وار وفالیم الله

الله - الله - الله - الله - یا الله

• دوشنبه
• 9
• فروردین
• 1400
• ساعت
• 12:27
• نوشته شده توسط
• یوسف اکبری

باشیمدا واردی همهمه - اورک دوشوب تلاطمه

عنایت ایت بو نوکره - آماندی یابن فاطمه

آلوب بو غم قراریمی - بولوت مثالی دولموشام

نولار گورم او گون کی من -او قبره زائر اولموشام

دلده بو فریاد - مزارون ایدر یاد

قلم یازار الده - حسین ایوین آباد

سن‌سن دلداریم - گول اوزلی نگاریم

همیشه شعاریم - حسین ایوین آباد

گلنده غم سرالره - اورک صفاسین آلمیشام

اسنده قاره پرچمون - بهشت هواسین آلمیشام

فراقه یوخدی طاقتیم - یتور مراده یا حسین

مزاریوه بو اربعین - گلم پیاده یا حسین

بو اهل هیئت - اورکده بو نیّت

دیر هامی یکسر - حسین ایوین آباد

ای روح ایمان - بو جسم و سر و جان

مزاریوه قربان - حسین ایوین آباد

اوشاقلیقیمدان عاشقم - آدون دیلیمده سسلدیم

سنون محبّتون آقا - یانان سینمده بسلدیم

بیر عمریدور آنان جانی - بو درگهه ییخیلمیشام

بو افتخاره شاکرم - که سایه‌وه ییخیلمیشام

وار دائم‌ شکریم - بودور هامی فکریم

دیلیمده‌کی ذکریم - حسین ایوین آباد

دُرّ نایابیم - ستاره‌ی نابیم

سن‌سن اربابیم - حسین ایوین آباد

• دوشنبه
• 9
• فروردین
• 1400
• ساعت
• 12:49
• نوشته شده توسط
• یوسف اکبری

قلبیمی هجران اوخی - درده سالدی الله

کرب و بلا حسرتی - دلده قالدی الله

کاش اجلدن اولا - بیر اوقدری مهلت

مرقد شش‌گوشه‌نی - ایلیم زیارت

باشدا هوای حرم - الده قرا بیر علم

دعوت ایله یا حسین - کرب و بلایه گلم

(حسین مزارون نه باصفادی

دردیمه درمان کرب و بلادی)

بی‌سبب سرشگیمیز - گوزده قانه دونمز

آتش محبتون - بو اورکده سونمز

عشقون اولدی یا حسین - رمز سرنوشتیم

کرب و بلادور آقا - جنّتیم بهشتیم

باخما قرادور یوزوم - وار سنه چوخلی سوزوم

درد فراقون آقا - قویمادی منده دوزوم

(حسین مزارون نه باصفادی

دردیمه درمان کرب و بلادی)

گور بو نوکرین آقا - دلده اشتیاقین

قسمت ایت گلوب گورم - صحنیوین رواقین

تلّ زینبیّه‌نین - غملیدی نماسی

خیمه‌گاهیوین دوشوب - باشیمه هواسی

اوردا حسین وای دیم - اکبره ایوای دیم

سینه‌وین اوسته یاتان -اصغره لایلای دیم

(حسین مزارون نه باصفادی

دردیمه درمان کرب و بلادی)

• دوشنبه
• 9
• فروردین
• 1400
• ساعت
• 12:58
• نوشته شده توسط
• یوسف اکبری

(مناسب سینه‌زنی و شاه‌حسین‌گویی)

ای - روز ازّلدن اولان عشقون سرشتیم

ای - آلتی گوشه حرمی - باغ بهشتیم

فخر ایلرم جهاندا - هر یرده هر مکاندا

من نوکرم قاپوندا
ارباب

اولموشوخ مبتلا باشدا شور و نوا

دعوت ایله گلاخ کربلایه - آقا

یا حبیبی - حسین (۳)

سن - عالم عشقیده نور ازلی‌سن

سن - مظهر لطف حق لم‌یزلی‌سن

سرلوحه‌ی وفاسن - آیات حق‌نماسن

عشّاقه رهنماسن
ارباب

گوزوموز سنده‌دی عشقون آکنده‌دی

تا خدا وار - قانون باتمیوب زنده‌دی

یا حبیبی - حسین (۳)

جان - سن یاتان قبر شریفه اولا قربان

جان - سو یانیندا سو دیوب تشنه ویرن جان

یاس ساخلارام غمونده - دل داغلارام غمونده

قان آغلارام غمونده
ارباب

دیرم جان آقا سنه قربان آقا

آغلارام پیکرون قالدی عریان آقا

یا حبیبی - حسین (۳)

• سه شنبه
• 10
• فروردین
• 1400
• ساعت
• 11:43
• نوشته شده توسط
• یوسف اکبری

حضرت عشق ایلیوب بنده نون حقینده کرم
آتمش اوچ ئیلدی اَلیمده مَنه هَمدَمدی قَلَم

دائماً غیرتِ مَردانِ خدادن یازارام
نینوائی اُسرادن شهدادن یازارام

دلخوشام عشقیمه نیرنگ و ریا قاتمامشام
شُهرتِ کاذبه وجدان قزلین ساتمامشام

سر نوشتیمده یازوب خالقِ حَیّ اَزَلی
تاپمشام مَرتَبهء نوکریِ آلِ علی

یانارام عشقون اودیندا چاتارام مَنزَلَته
ساتمارام زینبه نوکرلیگیمی ، سَلطنته

من حسین شاعری اَم طالبِ آهَم دَردَم
عشق دلداره خیانت ایلَسَم نامَردَم

عَرشِ بَختیمده شاخان ماهِ مُنَوّردی حسین
دَهریده تا نَفَسیم وار مَنه سَروردی حسین

همّتِِ عشقیمی هیهات ئولونجَه کَم ایدَم
گُورَن اولماز منی سیم وزَرَه زانو خَم ایدَم

• پنج شنبه
• 12
• فروردین
• 1400
• ساعت
• 12:06
• نوشته شده توسط
• یوسف اکبری

ای گوزل لر گوزلی نازیوی آز ایله منه
بیلوسن منده اولان جاندا تَصَدّقدی سنه

نه یازیم دفترودیوانه، مَدیحونده سنون
قامتون طعنه ورارسَرو صَبور چَمنه

گَردنَعلینوی قویسون که تَبَرّک ایلیم
اعتنا ایلمرم، مُشکِ اَصیل خُتَنَه

نَفَسون دگسه،تاپارفصل خزان، طَبع بهار
جان آلارهرقوریان شاخه سَپَرگُل چَمَنَه

موج دریالری خُنیاگر ایدر هر باخشون
دوندرر دامن ساحل لری لَعل یَمَنَه

قُم فَاَنظر دِیَه سن قالب بی روحه اگر
گتورر مُرده صدساله نی حتماًسخنه

منه بیرلَمح بَصَر هم نَفَس اولسون گوزلیم
دیرم حوریلر آچدی یولی جنّتده منه

گورسه روحیم سنی گرقبریمون اوّل گئجه سی
لبلریم خنده ورارظلمت اِیوَه آغ کفَنَه

مَدحوون هانسی قلمدورایلسون حقین اَدا
کیمدی مَشّاطَه اولاسنده که وَجه اُلحَسَنَه

ساتمارام عشقوی جَنّاته امیراولسام اگر
داغ دردون منی خوشدورسالادشت و دَمَنَه

قتلگاهونده خَبیرم که نه محشریارانوب
نیزه لر اوخلار اولوب زائر او زیبا بَدَنه

عَرَض وجوهَری تفسیرایلیوب خلقه قانون
مقتلون فیضی یتشدی سنه لایلای دِیَنَه

هانسی حاجی دی که تَحلیقی بوغازیندن ایده
نه گوزل عهدوی اثبات ایلدون مُمتَحَنَه

قاتلون خنجری تاحَنجروه بوسه وروب
حَرَم طاهره نی باغلادیلار بیر رَسَنَه

سیفی ام، عُمربوئی لعنت ونفرین ایدرم
فَدَکون غاصبینه، تُخمِ جنایت اَکَنَه

• پنج شنبه
• 12
• فروردین
• 1400
• ساعت
• 12:11
• نوشته شده توسط
• یوسف اکبری

یاحسین زیبا آدون ذکر مدامیمدور منیم
گوز یاشیم الده شراب لعل فامیمدورمنیم

تربتون سجّاده مَه کربُ بلاعطرین سَپَر
قبله ء اَبرولرون دارالسلامیمدور منیم

ایتمرم درباروون فیضین عوض جنّاتیله
زنده بادعشقِ حسین خلقه پیامیمدور منیم

همدمیم آه سحردورمَحرمیم خون جگر
بوینمون زنجیرعشقی اِعتصامیمدورمنیم

آسمان بَختیده نقش جَبین اَنورون
پرتو خوش طلعتِ ماه تمامیمدورمنیم

خضراِیچن آب حیاته ایتمرم من اعتنا
لبلرون کوثردی عشقون شَهدجامیمدور منیم

پرچمون هریرده اولسا،نینوافرض ایلرم
دفتریم اِسپَر، قلم تیغ قیامیمدورمنیم

• پنج شنبه
• 12
• فروردین
• 1400
• ساعت
• 12:15
• نوشته شده توسط
• یوسف اکبری

من عبد ذلیل حق باری ام
فقط ساغرعشق میخواری اَم

مُرادیم حسیندور اَمیریم حسین
اونون سُفره سینده نَمَک خواری اَم

مَطافیمدی زینب چخان تَلِِّ عشق
او تَلّون چوخ ئیللَردی زوّاری اَم

واریم اَلده بیر نینوائی قَلَم
نگارون سُخنگویِ اَسراری اَم

او شهری که قوردی خیامین حسین
او شهرون ، او بازارون عَطّاری اَم

عَلَم قوزاماقدان ساری دَهریده
قَلَم ورمادیم ، عشق هُشیاری اَم

تَمَلّق مَرامیمده گُورسَنمیوب
تَفَکّرده سیلاب تک جاری اَم

نه عنوان نه سیم و زَره طالبم
کفَن سز شهیدون طرفداری اَم

کذائی مَقامه شَرَف ساتمارام
ولائی مَرامون هَوا داری اَم

قوجالسامدا عشقیم اوجالدوب منی
هَلَه یاریمون مُرغِ دیواری اَم

بو دور فخریم آزاده بیر شاعرم
نه مَن کاسه لیسَم ، نه درباری اَم

• پنج شنبه
• 12
• فروردین
• 1400
• ساعت
• 12:17
• نوشته شده توسط
• یوسف اکبری

عشق یعنی اَمر دلداره اطاعت بی درنگ
عشق دامانی قبول ایتمزیقینا ًعاروننگ
عاشقه فرق ایلمز میخانه یامیدان جنگ
عشق بین دلبرودل خوشلاماز بیر مو شکاف

عشق یعنی طی راه البلاء للولا
عشق یعنی نیزه لرده مستیِ بی انتها
عشق یعنی صحنۀ بیع و شراء کربلا
کربلا یعنی همان کعبه، همان زیبا طواف

کربلا یعنی همان عشّاقیده فریاد دل
کربلا یعنی مَحـلّ مستیِ آزاد دل
کربلا تقدیم جان بازاریدی، ارشاد دل
کربلا بیر کلمه دی، تفسیری سَردرگُم کلاف

کربلایعنی وصال حقّه منهاج الحسین
کربلا یعنی زیارتگاه محتاج الحسین
کربلایعنی همان کانون معراج الحسین
کربلا یعنی اویر که اولدی حُورایه مَطاف

کربلا یعنی صبوری وعدۀ دیرینه دَه
کربلا یعنی تماشا دلبره آئینه دَه
کربلایعنی که باشلارنیزه ده اوخ سینه دَه
کربلا یعنی میان نوریلن ظلمت مَصاف

کربلایعنی که اَمواج بلایه صبروتاب
کربلایعنی قوری بیرمَشک وسرگردان عُقاب
کربلا یعنی که حَلق اصغر و آه رُباب
کربلا یعنی بهشتِ عشقِ پاک و قلبِ صاف

• پنج شنبه
• 12
• فروردین
• 1400
• ساعت
• 12:23
• نوشته شده توسط
• یوسف اکبری

یاحسین هر ناز و غمزون وار یقین یار ئورگدوب
یاریعنی،حضرت معبود دادارئورگدوب

مرحبا پیکر تراشه تاسنی خلق ایلیوب
خلفی مجنون ایتمگه اوّلده اَسرار ئورگدوب

سن ئوزون گرچه بشرسن گوزلرون حورالره
گللری مست ایلمکده شیوه کارئورگدوب

خارج ازنیروی درک وفهمیدورعشقون سنون
غیرتون یوسف لره سودای بازار ئورگدوب

نیلسون عقلیم،جمالونده گوزلّیک سایماقا
خلقت استادی،نه ارقام و نه آمار ئورگدوب

قالمشام حیرتده،سُرمَه ساتماقی مژگانوه
نیزه لراوستونده آیا،هانسی عطّار ئورگدوب

آتمش ایل آختارمشام،آخربوسرّی تاپمشام
نینوا درسین سنه،بیرقانلی دیوار ئورگدوب

• شنبه
• 14
• فروردین
• 1400
• ساعت
• 22:38
• نوشته شده توسط
• یوسف اکبری

بار دردوندن حسین پشت فلک لر خم اولوب
دامنوندن یاپشان عشق ایوینه مَحرَم اولوب

من کیم ام مَدحوی شیوا و بَرازنده یازام
سَنه اَوّل غزلِ عشق یازان آدم اولوب

اولماسیدون سن اگرلذّت هستی نه ایدی؟
دامنوندن یاپشان سائلون عیسی دَم اولوب

کهنه دنیاده نه وار ؟ قاشلاروا قیمت اولا
هانسی گُل دامننه، خون جگرشَبنم اولوب؟

اَزبَرم حافظ شیراز کیمی واژه لری
سنی مدح ایتمگه هَرواژهء دل وارکَم اولوب

حُسنووی آی نَدی، اُلدوز نَدی، تَشبیه ایلیَم
سَنیلن یدّی گُویون پایه لری مُحکم اولوب

شانوون،جسموه جُوهَریارادان خبره سی دور
اصغرون تیره گُلوب، نظمِ جنان بَرهَم اولوب

• شنبه
• 14
• فروردین
• 1400
• ساعت
• 22:46
• نوشته شده توسط
• یوسف اکبری