اشعار ترکی امام حسین (ع)

کوفیان فرزند زهرا شرکه خدمت ائیلمز
آل سفیانه حسین واللاهی بیعت ائیلمز

من حسینم، زادهٔ شیر ولایت حیدرم
قهرمان بی بدیل عرصه گاه محشرم
آسمانِ بی ستونه من ستونم،لنگرم
مرتضی اوغلی جگرخوار اوغلونا رهبر دئمز
اللری گئتسه بلکدن،ظلمه بیعت ائیلمز

کوفیان کوه صلابت سنبل غیرت منم
هستهٔ ایجاد هستی،زینت خلقت منم
کان غیرت بحر عزّت سرور جنت منم
ایلسم آنی اشاره،من بإذن کردگار
ایلیر گویدن ملکلر،لشگریزی تار و مار

قورخودورسوز سیز کیمی اؤلمَقدن،ای قوم دنی
بسلیوب مرد شجاعت فاتح خیبر منی
قویمارام چاتسون مرامه تا وارام من دشمنی
وئرمیشم اسلامه خاطر اکبریمله قاسمی
سرو قامت باصلابت،قهرمان عباسمی

گلموشم کرببلایه من شهادت عشقینه
جان وئرم دریاده لب تشنه،ولایت عشقینه
کوفه و شامی گزه قیزلار،اسارت عشقینه
چون گرک بو چولده قانیمله آلام من دستماز
سجده گاهیمدن آخا قانیم ائدم راز و نیاز

سیز منی یاخشی تانورسیز میوهٔ پیغمبرم
من حسینم گوهر ناب بتول اطهرم
شیریزدان اوغلویام من نور عین حیدرم
گلموشم دالدان کسه،شمر ستمگر باشیمی
وئرمیشم دینه فدا،عباس تک قارداشیمی

ایستسم بیر لمحه ده بو دشتی القان ایلرم
بو آخان نهر فراتی،قانه الوان ایلرم
کوفه نی تپراقیلن بیر آنی یکسان ایلرم
قطعه قطعه دوغرانام وئرمم یزیده فرصتی
منبرِ پیغمبره لم ویرسین او بی غیرتی

ای قلم یاد ایله آخرده نچه بیر شاعری
«صافی»و«صحاف»و«ذهنی» «یحیوی» و «صابری»
«انور» و«هندیّ»و«ذهنی زاده» «عاصی» «ناصری»
افتخار شاعران مرحوم «سعدی زمان»
«منزوی» مرحوم «حقیر» و نچه یوزلر شاعران

غم گینه طغیان ایدیر روح و وجودینده «فقیر»
چیرپونور سینه نده قلبین کاه مثلینده اسیر
سوزلرین پروانه تک،شمعین کنارینده گزیر
بسدور ال ساخلا،بو دفترده کفایت ایلمز
آل سفیانه حسین واللاهی بیعت ایلمز

• پنج شنبه
• 30
• بهمن
• 1399
• ساعت
• 11:50
• نوشته شده توسط
• یوسف اکبری

گلموشم محضریوه خوار و سرافکنده حسین
دوشموشم درگه احسانیوه شرمنده حسین
گلموشم خدمتیوه جانیمی قربان ائلیم
بولمورم شافع محشر،کی نه وار سنده حسین

آقاجان جذبهٔ عشقین منی بیدار ایلدی
منِ بیچاره نی وصلینده گرفتار ایلدی
الی بوش مشترینی وارد بازار ایلدی
سرسپاه اُموی اولدی گرفتارون حسین
حرّ نادم الی بوش اولدی خریدارون حسین

من او حرّیدیم ازل،سیزلره یول باغلامیشام
صودامر اصغری دریاده سوسوز ساخلامیشام
بالاجا قیزلاریوین سینه لرین داغلامیشام
آنداولا فاطمیه ایندی پشیمانم حسین
منی عف ائیله کرم صاحبی،نالانم حسین

گلموشم گوزلری باغلی آغاجان خدمتیوه
نیّتیم پاکیدی،آند اولسون حسین نیّتیوه
واسطم آیه ی قرآندی قسم عترتیوه
یا منی الده کی قرآنه بو گون عف ائده سن
اولماسام لایق اگر عفوه،منی اؤلدورسن

من امیریدیم ازل لشگرِ شیطانه آقا
سو یولون ظلمیله کسدیم،شه رضوانه آقا
اؤلورم شرمیدن آنداولسون او سبحانه آقا
بولموشم حقدی حسین،آیهٔ اعظمدی حسین
منه الهام اولونوب قطب دو عالمدی حسین

ریزه ریزه منی گر دوغراسا اشرار پلید
ایکی اوغلومدا منیم اولسا بو صحراده شهید
قویمارام فاطمه اوغلی قالا بو چولده وحید
ایستیرم صون نَفَسیمده،آنامی شاد ایلیم
اوز الیمدن داغیدان مُلکیمی آباد ائلیم

• پنج شنبه
• 30
• بهمن
• 1399
• ساعت
• 12:03
• نوشته شده توسط
• یوسف اکبری

گل اولور میدانه عازم،شاه مظلومان باجی
آز قالور چاتسون وصاله،عاشق جانان باجی

عازمم بو راهِ عشقه،باشرف همسنگریم
دوغرانوب مرآت طهٰ،اوخلانوبدور اصغریم
جان وئروب دریاده تشنه،شیردل سرلشگریم
یازدوروبلار عضو عضوه،هر بیری قرآن باجی

آغلاما،آغلاتما یول اوسته باجی قارداشیوی
گوزلریم قربان سنه توکمه بئله گوز یاشیوی
گر چه سالدی گردش دوران بلایه باشیوی
سن ولی دوز،صبریوه ایّوب اولوب حیران باجی

هندین اوغلودا منیم سالدی بلایه باشیمی
اؤلدوروب اولادیمی،انصاریمی،قارداشیمی
ریزه ریزه دوغرانام،اگمم یزیده باشیمی
ایلرم هندوغلونی حیران و سرگردان باجی

قویمارام چاتسون مرامه جانی غارتگری
ایلسین بازیچه الده،مکتب پیغمبری
آل سفیاندور او،منده حیدریم حیدری
من شهید اولسام اولارسان دینه پشتیبان باجی

گلموشم کرب معلّایه شهادت عشقینه
جان وئرم دریاده لب تشنه ولایت عشقینه
سنده گلدون کربلایه،بول اسارت عشقینه
بیز باجی قارداش جهانی ایلدوخ حیران باجی

زینبیم بو عترت اطهاری تاپشوردم سنه
نور عینیم،سیّد بیماری تاپشوردوم سنه
هم ربابی،لیلینی،قیزلاری تاپشوردوم سنه
قویما آل حیدری غارت گونی گریان باجی

عرض ائدوب گئتدی ابوالفضلیم، برادر سنده گئت
نیلَمک قالدوم حسین بی یار و یاور،سنده گئت
گئتدی آلتی قارداشیم،الله و اکبر،سنده گئت
قوی قالا کرب و بلاده زار و سرگردان باجی

هان «فقیرا» نصف شبدور سسله ماتم صاحبین
ایسته حاجت درگهیندن،دؤی درِ دم صاحبین
قبریوه یالوار گله،سقا و پرچم صاحبین
تا سنه حامی دورا،محشرده پس هرآن،،باجی

• پنج شنبه
• 30
• بهمن
• 1399
• ساعت
• 12:05
• نوشته شده توسط
• یوسف اکبری

معدن و عزّ و شرافتدور حسینون نهضتی
مکتب ایثار و وحدتدور حسینون نهضتی

عالمِ ذرده اولوبدور،بیله عالی نهضته
تا چکه طوفاندا بو کشتینی سمتِ جنّته
باخ حسین شیرخدا اوغلونداکی شخصیّته
باغ فردوسه سفارتدور حسینون نهضتی
مخزن تقوا و رحمتدور حسینون نهضتی

من یازا بولمم یازوب شیوا او «سعدیّ زمان»
«صابر» و «صحّاف» و «هندی» «ذهنیِ» عالی بیان
نوریله عرشه یازوب،حیّ قدیرِ مهربان
لنگر هستی و خلقتدور،حسینون نهضتی
دینِ طاهایه کی نعمتدور حسینون نهضتی

اولماسیدی او امامین نهضت سرخی اگر
اوندا قرآندا اولایدی انجیله تای بی نظر
مهر تأیید قانیله قرآنه چون قویدی اثر
او آخان قاندان ضمانتدور حسینون نهضتی
عشقیلن باخسان قیامتدور حسینون نهضتی

امتحاندا چون خلیل و صبریدی ایّوبیدی
پیشگاه حقّیده چون فاطمه محبوبیدی
انقلاب کربلایه بهترین منسوبیدی
اولمادی قسمت خلیله ذبح قربانی اگر
ظهر عاشورا حسین قربان وئروردی،دیده تر

ایسته دی معبودیدن بو امتحانه همسفر
هم ایاق اولسون یولوندا،هم شریک هر خطر
ریشهٔ کفّاره اولسون ساغ الینده چون تبر
زین اَب،زهرانی نشانی سسلدی لبیک حسین
بت شکن،غم قهرمانی سسلدی لبیک حسین

سسلدی لبیک حسینیم،زینبوندی بیقرار
من ازلدن عاشقم قارداش سنه دیوانه وار
بیر بیانیم وار علی جانی،بسانِ ذوالفقار
قویمارام یالقیز بو یولدا،شاهِ کرّار اوغلونی
ایلرم رسوای عالم او جگرخوار اوغلونی

دیلده یا زهرا وئروبلر عاشقانه ال اله
مکتب و قرآنه خاطر،دوشدولر چولدن چوله
عرشیان حیرتده قالدی،بو مقام افضله
مشکله دوشجک حسین،سسلردی زینب نور عین
زینب هر غمده دئیردی،یاحسین و یاحسین

• پنج شنبه
• 30
• بهمن
• 1399
• ساعت
• 12:18
• نوشته شده توسط
• یوسف اکبری

ای رهبر آزاده لبیک حسین لبیک
باخ شیعه ده فریاده لبیک حسین لبیک
موسیٰ دیدی سیناده لبیك حسین لبیک
سسلور سنی عیساده لبیک حسین لبیک
ذکر لب زهراده لبیک حسین لبیک

سن رهبر و غمخوار اسلام و ولایت سن
سن لنگر کشتیِّ دریای شرافت سن
سن حافظ قرآن و سلطان عدالت سن
هم شافع محشرسن،هم مالک جنت سن
ای عاشق سر داده،لبیك حسین لبیك

سن عاشق و سرمستِ آیات هوالحق سن
سن پادشه ارض و افلاک مطبق سن
هم طینتون اطهریدی،هم قدرت مطلق سن
دریاده بالیقلاردا سسلوردی حسین،حق سن
سسلوردوله دریاده،لبیك حسین لبیك

سر لوحه ی جنتده،عزتلی آدین حکدی
یتمش ایکی گول عشقین باغ شرفه اکدی
نقاش ازل نقشین،نوریله گوزل چکدی
یازدی درِ جنتده،خلقتده حسین تکدی
مثلین هانی دنیاده،لبیک حسین لبیک

• پنج شنبه
• 30
• بهمن
• 1399
• ساعت
• 12:31
• نوشته شده توسط
• یوسف اکبری

گوزون آچ دهریده ناحق توکولن قانی حسین
منی دیندیرمه سن ئولّم آنامین جانی حسین

او قَدَر یاره ویروبلار داغیلان پیکریوه
باشیون قانی سوزوبدی،قورویان لبلریوه
باجین اؤلسون نه گلوب زینب اؤپن اللریوه
سانجیلوب اوخلار اوخ اوسته،پوزوب امکانی حسین

گیدیرم من ولی نعشین قالور عریان یارالی
باش باشا جسمین اولوب تیریله شان شان یارالی
گوزلریم بو داغیلان گوزلره قربان یارالی
عشقین حیرتده قویوب عرش معلّانی حسین

نه قالوب باشدا عمامه،نه قالوب پیرهنین
نه باشین تنده دی سالم،نه ده سالمدی الین
گویده اولدوزلارا اوخشور بو یارالی بدنین
کوفیان نیلدی گور،سید رضوانی حسین

نه روا اوچ گجه گوندوز سنی عریان قویالار
داغیلان پیکریوه خنجر و نیزه ویرالار
دگیشوب سمّ سمندانی،گینه آت چاپالار
فرشیدن عرشه چیخا،زینبون افغانی حسین

گیدیری شامه باجون سنسیز ایا شاه جنان
بیزه سرقافله اولموش بو یولی شمر و سنان
باشیوی قوزا دالیمجا یارالی دور وئر اذان
هاشمی لحنیوه قربان باجون جانی حسین

دولانور الدن اله محفل قاتیلده باشون
گزیری کوچه به کوچه یارالی الده باشون
اولاجاخ بو گجه مهمان،یاتاجاخ کولده باشون
چکه جک کوفیه باشون ائله زهرانی حسین

«حاج حسینلو» بو گجه سویلدی با شور و نوا
یاز «فقیرا» بو گجه نوحه ی کوچ اسرا
اربعین لطف ائله بیرده،سفر کرب و بلا
من یازیم تا اوخسون کوچ اسیرانی حسین

• پنج شنبه
• 30
• بهمن
• 1399
• ساعت
• 12:36
• نوشته شده توسط
• یوسف اکبری

بیزی تک قویدی بی بی شاه شهیدان بو گجه
کنج مطبخده یاتوب سیّد رضوان بو گجه

بو گجه فخر ایلدی عرش معلّایه تنور
بیرده نازل اولونوب،سوره ی فجر آیه ی نور
لیلة القدر کیمی ائتدی تنور ایچره ظهور
آیری بیر جلوه وئروب سوره ی فرقان بو گجه

گورورم فاطمه نی شیون و افغانه گلوب
قول سینیخ،صورتی نیلی بو بیابانه گلوب
باش آچوخ،مویه کنان شام غریبانه گلوب
عرشیدن فرشه چیخوب،ناله و افغان بو گجه

او بابام کی علوی گلشنینه نوگل اولا
آناسی فاطمه،جدّی نبی مرسل اولا
مگر انصافیدی اول رهبره بالش،کول اولا
فاطمه اوغلی اولا خولیه مهمان بو گجه

گورمه دی خولی مگر قانیله الوان باشینی
دوندروب شمر قفادن کسوب عطشان باشینی
کوللر اوستونده قویوب شاه شهیدان باشینی
بیزی آواره قویوب زاده ی شیطان بو گجه

بی بی جان اولمادی مأمن بیزه بو دشت بلا
آل طاهانی سالوب چوللره تقدیر قضا
خوش قوناق ساخلادون آی کان بلا،کرب بلا
علوی قیزلارینی قویموسان حیران بو گجه

بیزه دای کیم بو گجه قافله سالار اولاجاخ
کیم ابوالفضل دلاور کیمی غمخوار اولاجاخ
شبه طاها کیمی هر نازه خریدار اولاجاخ
وار یری صبحه کیمی ایلیاخ افغان بو گجه

بو بلا دشتی عجب اولمادی محشر بی بی جان
ندن آفاقی بو گون پوزمادی داور بی بی جان
آلتی ایلیق بوغازی،نیلدی اوچ پر بی بی جان
آتا گوردی بالانی قانیله غلطان،بو گجه

• پنج شنبه
• 30
• بهمن
• 1399
• ساعت
• 12:38
• نوشته شده توسط
• یوسف اکبری

خیمه لره دولوب قوشون،زینت و زیور آختارور
بعضی سی بحر خونیده،غرقیدی گوهر آختارور
خیمه لرین دالیندا دا،حرمله اصغر آختارور
نیزه لرین ویرور یره،عرشی سالور تلاطمه
سوز چکیلور آغیر یره،عفو ائله یابن فاطمه

نیزه سینی ویروب یره،عرشه چیخاتدی کوکبی
من بیر اشاره ائیله دیم،آلدی آلان بو مطلبی
فاطمه نین ایوین یخوب،چوللره سالدی زینبی
نه دانیشوب،نه آغلادی،نیزه یه محو اولوب رباب
باتدی او گجّه شرمیدن،چیخمادی لحظه ماهتاب

• پنج شنبه
• 30
• بهمن
• 1399
• ساعت
• 12:44
• نوشته شده توسط
• یوسف اکبری

اود ویروب بو غم غملی قلبیمه، گوندوزوم دونوب شامه برملا
پوزدی حالیمی اوزگه ماجرا یادیمه گینه دوشدی کربلا
غارت خیم محنت حرم، شامیان ائدن کینه و جفا
آغلاسون گرک بو مصیبته دهریده هامی آغلویان بوگون

آه او وقتیدن لشگر جفا کربلاده ال آچدی غارته
غارت ائلینلر او غارتی، اوخشادوب قیام قیامته
هتک حرمت اولدی بوخلقته سالدولار او دشتی نه حالته
قبردن دورا کاش آغا علی تا گوره بو حالیدعیان بوگون

هر نه وار وحشی عربلر خیمه لرده سویدولار
پاره پاره معجری بولدی غنیمت یاحسین

خیمه لر یاندی اوشاقلار اولدولار بی خانمان
زینبون آلدی قرارین بو مصیبت یاحسین

هر قیزی دشمن ویراندا من اولوردم تز سپر
تا مبادا قیزلارون تاپسون جراحت یاحسین

سن چیخاندا خیمدن قیزلاری تاپشوردون منه
زینبون ایتمز امانتده خیانت یاحسین

سن هارا؟غارت هاردا؟قورتار «فقیر»ناتوان
چون یازوبدور منزوی اسرار غارت، یاحسین

• پنج شنبه
• 30
• بهمن
• 1399
• ساعت
• 21:55
• نوشته شده توسط
• یوسف اکبری

حمله ور اولدی لشگره تیتردی چرخ کجمدار
برق کیمی ایشلدیری شاهین الینده ذوالفقار
بیربیره دگدی اشقیا،صفلر اولوبدی تار مار
باشدی سالوردی تپراقا،قولدی ایلیر جدا،حسین

اوخدا گلنده سمتینه قامتینی خم ایلوری
جنگ اُحدی گوییا،معجزه خاتم ایلوری
یادینه اکبری دوشوب،عزمی مصمّم ایلوری
بدریده مرتضا کیمی،لشگری برهم ایلوری
رزمیده گاه علی اولور،گاهیده مصطفیٰ حسین

ضربه ی ذوالفقاریلن،شاخدی بسان مین شهاب
چوخلاری قورخودان اؤلوب،ائتمه دی رزمگهده تاب
بعضی دئیور حسیندی بو،یا آتاسی ابوتراب
شرح ائده بولمَرم سیزه،نظمه چکم نچه کتاب
ماتیدی بو شجاعته،فرقه ی اشقیا،حسین

• پنج شنبه
• 30
• بهمن
• 1399
• ساعت
• 22:17
• نوشته شده توسط
• یوسف اکبری

وای او ساعتدن دوشوب آتدان حسینیم تشنه لب
هی دیدی یاندیم سوسوزدان اولشه والانسب
دوره سین چون دایره آلموش گروه بی ادب
جمله اللرده سنان و تیر و تیغ جان گزا

قیزدیروب گون اوت کیمی دشت بلانین خاکینی
ایستی قوم اوسته سالوبلار پیکر صدچاکینی
بیر نفر یوخ کولگیه چکسون وجود پاکینی
یاور و انصاری چون قانه باتوبدی هٰکذا

تشنه لب کسدی قفادن باشینی شمر شریر
خیمه سین تاراج ایدوب اهل و عیالین دستگیر
یاندی بو احوالِ شاهه،شاه جانان و فقیر
سسلدی لای لای حسینه خالق عرض و سما

قوزادی مقتلده زینب ناگهان تکبیرینی
مقتل ناب مقرّمده یازوب تفسیرینی
سسلدی یافاطمه دوتدی او دم شمشیرینی
گر آچام بو مطلبی موم ائئلرم والله داغی
او کشاکشده یازوبلار دوغرانوب بش بارماغی

• پنج شنبه
• 30
• بهمن
• 1399
• ساعت
• 22:59
• نوشته شده توسط
• یوسف اکبری

ایوای او دم ترابه شمس هدیٰ یخلدی
گودال قتلگاهه عرش خدا یخلدی

صف صف دولوردی اعدا،گودیّ قتلگاهه
داش،نیزه،اوخ ویروردی سردار بی سپاهه
کروبیان باخوردی اطفال بی پناهه
از بس جسارت ائتدی دشمن شه وحیده
میداندا آغلاشوردی اجساد سر بُریده

اول کشمکشده دوشدی شمسِ شرف کسوفه
بدر انتقامین آلدی شه دن، سپاه کوفه
بیر داش دگوب باشیندان،لبده آچوب شکوفه
بیر صف سپاه کوفه،بیر صفده شامی دوردی
شامی ویروب یورولدی،اشرار کوفی ویردی

گول جسمینه ویروبلار از بسکی تیغ و پیکان
بنزیر نجومه جسمی،یاره چیخوبدی سایدان
شیرازه دن چیخوبدی گویا او چولده قرآن
نه ویرماقا امامی او دشتیده دویان وار
نه پاره پاره جسمه مقتلده سایبان وار

لشگر ویروب یورولدی،گوداله گلدی سنان
جان اوسته گوردی شاهی،پیکر یارا اورک قان
شرحیندن عاجزم من،تیتریر قلم بقرآن
شرح ایلیوب«مقرّم» اوز مقتلینده کامل
بی شبهه قتلِ شاهه،باعث اولوب او قاتل

• یکشنبه
• 3
• اسفند
• 1399
• ساعت
• 22:09
• نوشته شده توسط
• یوسف اکبری

گلموشم پابوسیوه‌ اما خجالت یاحسین
دست خالی،سینه ده دنیا ندامت یاحسین

وار گوزوم احسانیوه ای زاده ی خیرالنسا
ال منیم،دامن سنین،لطف ائیله شمس اولیا
سن بول عباسین جانی نادم منی سالما یولا
ای سخاوت بحرینه،درّ شرافت یاحسین

من سیزی چکدیم ازل کرب وبلا صحراسینه
منع آب ائتدوم بو چولده،خاندانِ یاسینه
آنداولا بو عترتین کان شرف عباسینه
ائیلرم جبران خسران،اولسا فرصت یاحسین

ائیلرم عشقیمله ثابت لشگره آزاده یم
اگمرم باش دشمنه،جان وئرمقه آماده یم
دای گئچن گیچدی بو گوندن من خطِ زهراده یم
جان و دیلدن ائیلرم اسلامه نصرت، یاحسین

سن شهِ عالی هدفسن، راه عشقین شاه راه
چارَم هر ئِردن کسیلدی من سنه گَتدوم پناه
نیّتیمدن باخبرسن، عالمینه تکیه گاه
ناامید ائتمه منی ای قطب خلقت یاحسین

سن علینون اوغلوسان،امرِ عدالت سنده دی
معنی آیات قرآن، جود و رحمت سنده دی
هم عنایت هم کرامت هم شفاعت سنده دی
روسیاهم گل منه ائیله شفاعت یاحسین

گرچه ظلم زاده ی مرجانیه من عاملم
سن اوزون شاه کرمسن، من قاپوندا سائلم
اکبر و عباسیوه بیر نوکرِ ناقابلم
زینبه خاطر منی ائتمه خجالت یاحسین

خادمم درباریوه ای زاده ی خیرالانام
حرّی بوش قیترمه دین، باب ولایتدن، امام
یوخ لایقت منده کلبِ آستانوز گر اولام
باخ "فقیرین" شعرینه ائتسون قیامت یاحسین

• یکشنبه
• 3
• اسفند
• 1399
• ساعت
• 22:50
• نوشته شده توسط
• یوسف اکبری

قویوب اهلبیتی آغلار،گئدوسن هارا حسینیم
هله صبر ائله سوزوم وار،سنه باوفا حسینیم

گوروسن بلالی قارداش،نجه محسر اولدی برپا
کیمه تاپشوروب خیامی،ائدوسن وداع اُخریٰ
نه قالوب علیّ اکبر،نه قالوب وفالی سقّا
باجیوا اولان اولوبدی،یورولوب داها حسینیم

گورورم سپاه کینه،سنه منتظریدی قارداش
سنی بی کمک گوروبلر،تلسیر قتاله اوباش
منه رخصتِ جدالی،وئرسن بو لحظه ایکاش
گورسن بو شیرزنندن،نجه ماجرا حسینیم

گوروسن نجه آلوبدی،حرمین آرایه شاهی
هاموسی ستاره مثلی،سالوب اورتایا او ماهی
کیمه تاپشوروب گیدیرسن،بو حریمِ بی پناهی
بیزه وادیِ غم اولدی،داخی کربلا حسینیم

سنه قبله ی عوالم،دئیوم امرِ مادریندن
منه ایلدی،ک وصیّت،بو وداع آخریندن
سنه اولاندا رزمه عازم،من اؤپوم بیر حَنجریندن
بو اؤپوش اونوندیرالان ائلیرم اَدا حسینیم

نه بلایه لا دئیورسن، نه دویور باجین مُحندن
هامی غملره رضایم،سنیله بورا گلندن
گلوری فراقین عطری،بو صفالی پیرهندن
اولاجاخ کفن بو کوینک همی بوریا حسینیم

دئمه زینبِ بلاکش بو آراده خواهروندی
دِنه غملره شریکین،دایاغیندی لنگروندی
قسم عشیمه همیشه بو بلالی یاوریندی
سورونوب دالونجا گللم،گئدسن هارا حسینیم

• یکشنبه
• 3
• اسفند
• 1399
• ساعت
• 23:03
• نوشته شده توسط
• یوسف اکبری

کربلا دشتینده یارب قتل و غارتدور بوگون
اهل بیتِ حیدره، برپا قیامتدور بوگون

یامحمد گل هرایه شهریار عالمین
اهلبیتون دوغرانوب،عرشه چیخوب آه و انین
جان وئرور گودالیده،لب تشنه دلدارین حسین
سینه سوزان مو پریشان،آل عترتدور بوگون

آغلوری یالقیز امامه،کربلانین داشلاری
ال چالور آت اوینادولار،کوفه نین اوباشلاری
بعضی میداندا ویرور نوک جدایه باشلاری
قدسیان قان آغلوری غرق مصیبتدور بوگون

وارد اولدی قتلگاهه تا سنان الده سنان
تیتردی گهواره مثلینده زمین و آسمان
نیزه نی ویردی،چکنده سَپدی او دم ایستی قان
مطلبین اوستون چوخ آجسام هتک حرمتدور بوگون

گوزلرون آچدی گینه یومدی امام انس و جان
گوردی هچ کس یوخ یانوندا،شهریار مهربان
قان دولان لبلره سویلوردی ابوالفضل هارداسان
گل منی اللردن آل وقت حمایتدور بوگون

خنجر الده مقتله قویدی ایاق شمر لعین
سوز چتین یرده دایاندی یا امیرالمومنین
وا حسینا ناله سیندن تیتردی عرش برین
یوم رستاخیزیدن گویا علامتدور بوگون

مخزن سرّ خدایه چکمه لی قویدی ایاق
آغ محاسیندن یاپوشدی،یاعلی گوزدن ایراق
بیر سکوت محضه غرق اولموشدی وادیّ عراق
آسمانلار کهکشانلار غرق محنتدور بوگون

چوندروب یالقیز امامین امرینی ایتسون تمام
آلدی بیر شیون سسین،گودالیده تخم حرام
گوردی بیر عورتدی آغلور سسلوری ایوای بالام
عرش اعظم بو جسارتدن خجالتدور بوگون

باخدی یرده پخش اولوبدی مصحفین غم نامه سی
تِرمه مثلی دوغرانوب پیغمبرین عمّامه سی
دورت مین اوخلان اوخلانوب اگنونده زیبا جامه سی
یوم عاشورادی یا یوم قیامتدور بوگون

• یکشنبه
• 3
• اسفند
• 1399
• ساعت
• 23:04
• نوشته شده توسط
• یوسف اکبری

گلدیم حسین دئیم باجون چکدی نلَر گئچن گجه
امّ مصائبم دئدیم زینب ئولر گئچن گجه

جنگ و جدل تمام اولوب،اولدی غلاف تیغلر
خیمه لره ویروبلار اوت،گزدی هواده قمچیلر
نصف یانان چادیرلارا،اولدی جماعت حمله ور
قاچماقا سدّ اولوب او گون،راه گذر گئچن گجه

تک یاری گونده زینبون،اولدی سفید ساشلاری
کوفه لیلر اتکلره یغدی گئجیله داشلاری
نصف شبیله داشلادی،نیزه ده قانلی باشلاری
قمچیلره باجون اولوب،اوندا سِپر گئچن گجه

قانیله غوطه ور اولوب،نوک جداده دیشلرون
ایندی ده العطش دئیور،نیزه ده قانلی لبلرون
الدن اله گزیر باشین،یرده قالوبدی پیکرون
کسدی گئجیله بارماغون،زاده ی شر کئچن گجه

آنداولا میخ و سینه یه،آنداولا مامِ عصمته
ثانی نجه اوگون ویروب آتش او بابِ جنته
یاندی او نوعی خیمیلر،دوندی بو چول قیامته
فکر ایلدیم مدینه دی،گلدی عمـر گئچن گجه

ایستی قوم اوسته یاتموسان،یوخدی بو جسمی دفن ائدن
واردی نه جسمیوه کفن،وار نه بو جسمه غسل ائدن
گوز یاشیمیله غسل ایدوب،زولفمی ایلرم کفن
بیر سوری آهولر قالوب،چولده ملَر گئچن گجه

دور حرم مطهرین،قول قولا غمله باغلانوب
سینه ده خیردا قیزلارون،قلبی المله داغلانوب
چوخلاری آت دوشونده اول،نیمه ی شب ایاقلانوب
عترت آل حیدره،اولدی نلَر گئچن گجه

بیرده قسم وئروم سنی،قلبیوین اوخ یاراسینه
لطفیله بیر نظر ائله،باخ یازانون بُکاسینه
قویما "فقیـــــرے" منّته رحم ائله آه و واسینه
نظمه چکوب بو سوزلری،دیده سی تر گئچن گجه

• یکشنبه
• 3
• اسفند
• 1399
• ساعت
• 23:14
• نوشته شده توسط
• یوسف اکبری

ای منیم یاوریم ابوالفضل
باشرف لنگریم ابوالفضل
دور گئداخ خیمگاهه قارداش
آغلوری اصغریم ابوالفضل

آچ گوزون باخ منه زیبا قمریم
خیمده،غش ائلیوب صودامریم
"ابوالفضلیم جان ابوالفضلیم"

دور گئداخ ای یارالی شیریم
قویما تک شاهیوی وزیریم
گوزلوری بیر سوری ستاره
مشکیوی ای مه مُنیـــــــریم

وای منه،آل ترابین گونونه
نگران غملی ربابین گونونه
"ابوالفضلیم جان ابوالفضلیم"

باش سینوب جسمین اوخلانوبدی
پیکرون گورنه دوغرانوبدی
آغلوری خیمه ده اوشاقلار
زینبون قلبی اودلانوبدی

من اؤپن لبلری قارداش،داش اؤپوب
سه پر اوخ ساغ گوزوی،قارداش اؤپوب
"ابوالفضلیم جان ابوالفضلیم"

مهربان دلشکسته قارداش
اگلشوب اوخواوخ اوسته قارداش
باخ ایشه باخ بو روزگاره
خسته سن،منده قارداش

من فدا قانه دولان گوز یاشیوا
رحم ائله الده قالان قارداشیوا
"ابوالفضلیم جان ابوالفضلیم"

• دوشنبه
• 4
• اسفند
• 1399
• ساعت
• 22:33
• نوشته شده توسط
• یوسف اکبری

مرحبا،گلدی ماه مدینه
شوقیلن،گینه دولدی بوسینه
قربانام،،،نگارمه جبینه
گلدی فاطمیه نورعین
شوره گلوب بوتون عالمین
عالمی روشن ائدوب حسین،
ارباب ای ارباب
آی کیمی گویده جلوه لنوب
عرش وفرش خدابزنوب
حوریلرگوزلرین بَینوب
ارباب ای ارباب
عشقوندن عاشقلر دیوانه
عطروندن ملکلرمستانه
باده عشقوندن وئرآقا
عشاقه پیمانه پیمانه
یاحسین یااباعبدالله۴

حق وئردی،سنی فاطمیه پای
مست اولدی باخاندایوزووه آی
جبراییل چالوبدورسنه لایلای
ویریلدی عرش حقه بَزک
قنداقووی آپاروب ملک
گلدی نداالله معک
ای عشق طاها
عرش اهلی حیراندوریوزووه
گوزلری خیره دور گوزووه
عالم مشتریدورسوزووه
ای جان زهرا
پایلانورعالمه احساسون
زینتدی دنیایه انفاسون
مدحونده بسدوربوبیرجمله
حکم ائدرشاهلاراعباسون
یاحسین یااباعبدالله

یاحسین،،اوگوزیاشووه قربان
هلالی،،گوزل قاشووه قربان
سن وئردون،شرف دین مبینه
هم اوغول،هم قارداشووه قربان
شیعه لری قویماخواراولا
چارهسی اوزوله زاراولا
ظلم الینده گرفتار اولا
ارباب ای ارباب
سنسن عاشقلرون پناهی
اوجالورآسمانه آهی
سنسن شیعه نون تکیه گاهی
ارباب ای ارباب
آنداولاقلبونده احساسه
گودالونده وقت حساسه
جانه گلمیشوک دردالیندن
تاپشوربیزلری سن عباسه
یاحسین یااباعبدالله۴

• یکشنبه
• 10
• اسفند
• 1399
• ساعت
• 22:26
• نوشته شده توسط
• یوسف اکبری

آهنگ:یار وفادار علیرضاافتخاری

مژده به عشاق علی چون مه شعبان شده
انس وملک غرق شعف،شادوغزلخوان شده
موسم میلادحسین بن علی آمده
ساقی میخانهٔ حیّ ازلی آمده
عــــــــابددین نورجلی آمده
ماه دلارای منی جان منی یاحسین
بحرسخاسروروسلطان منی یاحسین
جان منی جان منی جان منی یاحسین۲

میرسدازره سه جهانداروسه والاگُهر
یک پدرو یک پسر و ساقی صاحب ظفر
آمده شه ازپی او آمده سرلشکرش
پنجم شعبان رسدازره گل نیکوفرش
هدیه دهد برهمگان مادرش
ماه دلارای منی جان منی یاحسین
بحرسخا،سروروسلطان منی یاحسین
جان منی.......

ترکی

سوم شعباندااولوب فاطمه نین قلبی شاد
چارم شعبان گوزآچیب عالمه باب المراد
پنجم شعبانداگلوب جلویه مهتابیمیز
عالمی روشن ائلیوب ماه جهانتابیمز
شوره گلوب حضرت اربابیمیز
دهریده آزاده لرون رهبریسن یاحسین
عاشق شوریده سرون سروریسن یاحسین
جانم حسین جانم حسین جان سنه قربان حسیــــــــــــــن۲

یوسفی مفتون ائلیوب نوررخ انورون
درس شهادت وئروب عالملره سرلشکرون
گنج وفانین آقاجان سن دُر نایابیسن
شام سیاهون مه رخشنده ومهتابیسن
شیعه لرون رهبرواربابیسن
دهریده آزاده لرون رهبریسن یاحسین
عاشق شوریده سرون سروریسن یاحسین
جانم حسین.......

فخرالیَرحشره کیمی فاطمه ،رفتارووه
باخدوقیجان شکرائلیرجلوه ٔرخسارووه
یوسف اگرگورسه سنی،باشیله جاندان کئچر
دمبدم ایلرآقاجان حُسن جماله نظــر
بارماقینی شوروشعفدن کسر
دهریده آزاده لرون رهبریسن یاحسین
عاشق شوریده سرون،سروریسن یاحسین
جانم حسین.......

• یکشنبه
• 10
• اسفند
• 1399
• ساعت
• 22:37
• نوشته شده توسط
• یوسف اکبری

فدای آن نازچشمانت ای نوگل من
نگاهت بازی کندجانابااین دل من
بخندوباخندهٔ نازت دل رابلرزان
تویی ای گل درتمام دنیاحاصل من
ای مه دلربا،،دلبرمه لقا،تویی داروندارم
دل زمن میبری،،نوگل مادری،،تویی صبروقرارم

[توحسین منی،،نورعین منی،،تویی داروندارم
نوگل مادری،،،دل زمن میبری،،تویی صبروقرارم]

توراحق دادومن ازدام غمهارهیدم
مهی چون تو ای گل مادر
هرگز ندیدم
زدم چون بوسه به لبهایت ای نازنینم
عیان گویم ازلبت طعم شِکـر
چشیــــــــــــدم
ای همه حاصلم،،وی عزیز دلم،تویی نبودم
شورشیرین من،،،سرو سیمین من،
توهستی تاوپودم
[توحسین منی.... ]

(آهنگ دوم ادامه همین تصنیف)

دل ز جهانیان بَرَد،،گردش چشم مست تو،،مه من،،گل رعنـــا
دیدهٔ عرشیان بُوَد،برکرم دودست تو،مه عرش تولا
کل عالم گشته مست سبویت
روزوشب مه رویان واله روی نکویت نکویت
یامولا۲ابی عبدالله

میشنوم زقدسیان،مدح تو وثنای تو
همه محــونگاهت
دل ز مه فلک برد،،چهره دلگشای تو
مــــــه عرش وجاهت
ایام میلادت شادوخجستــــــــــه
برراهت باشادی خیل فرشته نشسته نشسته
یامولا۲ ابی عبدالله

ترکی یک بند درآهنگ دوم

بیرباخیشون سنون حسین،کل جنانه وئرمرم
گــــــوزه لیم نه گوزلسن
آغلاماآی گوزل بالام،گولمسون ایندی گولمرم
گوزه لیم بی بدلسن
لایلای آی ناز گولوم آغلامابالام یات
سوسنیم سنبلیم آغلام بالام یات
بالام یات بالام یات

یامولا۲ ابی عبدالله

• یکشنبه
• 10
• اسفند
• 1399
• ساعت
• 22:39
• نوشته شده توسط
• یوسف اکبری

فارسی

منم که مست از ساغر حسینم
تمام عمرم نوکر حسینم
حسین تمام آرزوی من
گداییِ او آبروی من
وفا حسینه، صفاحسینه،
عطاحسینه
اربابم اربابم
ارباب شاه کربلا۲

منم که هر دم غرق شور و شینم۲
اسیر تار گیسوی حسینم۲
به راه عشق او فدائیَم
ز دل همیشه کربلائیَم
وفا حسینه....

گرفته ام از دامن ولایش
رهین لطف و رحمت و عطایش
به عشق مولا میکشم نفس
نفس بدون عشق او عَبَث
وفا حسینه.....

به سینه عشقش اوج سرنوشته
با عشق آقام زندگی بهشته
آقام امیر کل عالمه
به پای عشقش جون بدم کمه
وفاحسینه.......

ترکی

آقام حسیندی شیعه نین آقاسی
اولوبدی شاهلار لطفینون گداسی
حسیندی پرچمدارکربلا
جهانه سالمیش سایه ی عطا
وفاحسیندی، صفاحسیندی،
عطا حسیندی
اربابیم اربابیم
ارباب شاه کربلا۲

حسیندی راه عشقون انتهاسی
دگَر بهشته خاک کربلاسی
ویروبدی پرچم عرش اعظمه
وئروبدی درس غیرت عالمه
وفا حسیندی...

آقام جهاندا فرد و بی بدلدی
یوزی گوزلدی، سوزلری گوزلدی
گوزل آدین هر غمده سسلرم
اونون توکون دنیایه وئرمرم
وفا حسیندی.....

اگر دوشوبسن محنت و بلایه
دئ دردون اولسا شاه کربلایه
نوا ائله اول غرق شور و شین
خلوصیله گل سسله یاحسین
وفا حسیندی.....

حسیندی شاه کشورعدالت
حسیندی شیر بیشه ی شجاعت
شریعت اوسته هر نَئین وئروب
علیّ اکبر، اصغرین وئروب
وفاحسیندی......

• پنج شنبه
• 14
• اسفند
• 1399
• ساعت
• 17:43
• نوشته شده توسط
• یوسف اکبری

به آهنگ(کربلامیخوام اباالفضل)

یابن فاطمه،مقتدای دین،شاه کربلا حسینجان
درملک شرف،براهل ولا،میرومقتدا حسینجان
آرزوم اینه،درراه شما،من بشم فدا حسینجان
حسینجان روسیاهم من۲
نظرکن بی پناهم من۲

جزعشق شما،تواین زندگی،
دلخوشی آقا ندارم
ازداغ غمت،روزوشب آقا،غمگینم و بیقرارم
بعدِمُردَنَم کاش بیای آقا،پابزاری رومزارم
امیرعالمینی تو۲
علی رانورعینی تو۲
حسینجان روسیاهم من....

ازروزازل، قسمتم شده ،دامنتونو بگیرم
ازدرخونتَ،ردنکن آقا،من یه سائل حقیرم
آرزومه که،توهمین شبا،توی هیئتت بمیرم
منو ردّم نکن آقا۲
به جان مادرت زهــــــــــرا۲
حسینجان..........

ترکی

شکرایلیورم،حی داوره،نوکرم سنه حسینجان
غمونده آقا،گوزیاشیم منیم،آخوردامنه حسینجان
حشریده آقا،شیعه لری چک،
ظلّ ایمنه حسینجان
شه ملک کرم مولا۲
قاپوندا نوکرم آقا۲

قسمت ایله بو،جمعیله آقا، کربلایه یول سالاخ بیز
شوریله گلوب،قبروون اوسته، لای لای اصغره چالاخ بیز
اکبری سالوب،یاده آغلیاخ،رتبه ی وفا آلاخ بیز
نقدری کربلا واردی۲
هامی درده دوا واردی۲
شه ملک......

بوآیدا گلر،شیعه لرآقا،محنتونده شوروشینه
وئرمروخ بوعشق وعلاقه نی،عرش وفرش وعالمینه
شیعه سسلیور،عشقیله آقا،جانیمیز فداحسینـــــــــــــــــــــه
بهشتیم بزم ماتمدی۲
امیدیم قاره پرچمدی۲
شه ملک .........

• پنج شنبه
• 14
• اسفند
• 1399
• ساعت
• 17:55
• نوشته شده توسط
• یوسف اکبری

ای شاه جهان لبیک
لبیک آقاجان لبیک
گوداله نماز اوسته
آلقانی آخان لبیک
(لبیک حسین لبیک)۲

ای مهرفروزنده
چون گوهر تابنده
اندیشه ی والاسی
عشاقی سالان بنده
خلاق جهانداره
ای لایق اولان بنده
دشت غم و محنتده
مقصوده چاتان لبیک

هریربیزه دشت غم
هرگوه بیزه عاشورا
عشقونله اورکلرده
هرگون قورولارشورا
مشتاقیدی عاشق لر
الطافووه یامولا
یعنی که دییر دیلدن
هرپیرو جوان لبیک

دریانی دانیشدیرسون
صحرانی دانیشدیرسون
باشدان باشا پیکرده
اعضانی دانیشدیرسون
سینمده کی عشقوندن
غوغانی دانیشدیرسون
آهیمده ایدر عنوان
ای شاه جهان لبیک

لعیانی دانیشدیرسون
سارا نی داتیشدیرن
جناتی گزوب بیر بیر
حورانی دانیشدیرسون
درگاهب الولانموش
زهرانی دانبشدیر سون
زهراده بیان ایلر
ای قانه باتان لبیک

موسانی دانیشدیرسون
عیسانی دانیشدیرسون
آلقانه باتان راس
یحیانی دانیشدیرسون
فخرالنجبا اولموش
طاهانی دانیشدیرسون
طاهاده دییر جان جان
ای قانی آخان لبیک

خضری هله قوی قالسین
الیاسی دانیشدیرسون
هرصاحب ایمان و
احساسی دانیشدیرسون
نهراوسته دوشن قولسوز
عباسی دانیشدیرسون
فریاد ایدر عباسون
ای قدی کمان لبیک

تل اوسته دانیشدیرسون
گرزینب نالانی
زهرا نه نووه اوخشار
سپلموش گل ریحانی
عشق اوسته گه لر درده
عشقون قوزی قربانی
ای سینه ی مجروحی
اوخلاره نشان لبیک

لطفون منه شاملدی
بومطلبی قاننام من
چون (مژده)نالانم
عشق اوسته دایانام من
هرنوحه یازان وقته
زهرادن اوتاننام من
ای عشق و کمالاته
اسرار نهان لبیک

• جمعه
• 15
• اسفند
• 1399
• ساعت
• 20:54
• نوشته شده توسط
• یوسف اکبری

ای اسیرمحنت ــــ دمادم ــــ بگویاحسین
رهروشرافت ــ دمادم ــــ بگویاحسین
یاحسین یاحسین یاحسین یاحسین

نام دلربایش به دلهاصفامیدهد
گوشه نگاهش به هستی بهامیدهد
گرمریض عشقی مخورغم شفا میدهد
خواهی اَر طبابت دمادم بگویاحسین
یاحسین یاحسین۲

نام اونوشته به سردرب جنت خدا
میکندفرشته به یادش فغان ونوا
هرکه باحسین است ندارد هراس ازجزا
طالب سعادت دمادم بگویاحسین
یاحسین یاحسین۲

بسته ی ولایم به دنیاحسین سرورم
نام نامی او همه دین،همه باورم
بابهای جانم به دل نازاومیخرم
گرکه خواهی عزت دمادم بگویاحسین
یاحسین یاحسین

دل ز روز اول به شاه جهان داده ام
تااسیرقیدحسین باشم آزاده ام
بهرجان نثاری به درگاهش آماده ام
عاشق شهادت دمادم بگویاحسین
یاحسین یاحسین۲

ترکی

ای اسیرمحنت دمادم دنن یاحسین
رهروشرافت دمادم دنن یاحسین
یاحسین یاحسین۲

عاشق اول حسینه،حسیندوربیزه مقتدا
عالمه وئروبدی بومولا پیام وفا
گورسدوب جهانه ندورشورعشق وصفا
واردی سنده غیرت دمادم دنن یاحسین
یاحسین یاحسین۲

آغلاعاشقانه بوآیدا اونیکوفَرَه
گوزدن ایله جاری سرشکون گوزل رهبره
سینه ویراوره کدن عزادوت شه محشره
اول غریق محنت دمادم دنن یاحسین
یاحسین یاحسین۲

بوشهون عزاسینده خیل ملک آغلادی
بلبل ائتدی ناله غمینده چیچک آغلادی
فاطمه سالوب باشه قاره لچک آغلادی
سنده وارلیاقت دمادم دنن یاحسین
یاحسین یاحسین۲

کیم حسینه یاران بوعالمده دیوانه دی
سرفرازمحشردی واللهی فرزانه دی
غم یئمه،حسینچی ،جهنمله بیگانه دی
ایلیرشفاعت ،دمادم دنن یاحسین
یاحسین یاحسین۲

• جمعه
• 15
• اسفند
• 1399
• ساعت
• 21:44
• نوشته شده توسط
• یوسف اکبری

مستانه عالمين عجب عالمدي ياحسين

بو عالمنده محو ايكي عالمدي ياحسين

عالملره سالوبدي عجب سايه رحمتون

ذوق و صفا وئروب ايكي دنيايه رحمتون

باغ بهشته اولماسا پيرايه رحمتون

عاشق لره بهشت جهنمدي ياحسين

عالمده سن كيمي هاني سلطان محتشم

خلقتده اولموسان كرم و لطفده علم

اهل كرم قاپوندا شرفدن اولوب خدم

واضحدي اونلارين بيري حاتمدي ياحسين

محتاج دور قاپوندا هامي التفاتيوه

دنياده لطف و حشرده رحمت براتيوه

مشتاق؛ خضر تك سنون آب حياتيوه

كوثردي،سلسبيلدي ، زمزمدي ياحسين

سينمده حشر اولونجه سيلينمز گوزل آدين

گتمز اوركدن آند اولا اوزحقيوه يادين

بو خلقته دليل دور، آبا و اجدادين

هرتك تكي ،‌كريم مكرمدي ياحسين

ملك جهانه مايه شوكتدي شوكتون

حيرتده ماسواني قويوب شان و عزتون

اي مايه جلال بو جاه و جلالتون

خلقتده رشگ عالم و آدمدي ياحسين

سلطان ماسوايه نه لازمدي تخت و تاج

تنديس محض عزته ، عزت نه احتياج

عزتدن عزتوندي آلان هر زماندا باج

اولدن عز و فر سنه همدمدي ياحسين

عالمده اهل عشق منافق اولار مگر؟

مين اوزلي لر بو درگهه لايق اولار مگر؟

عاشق بير اوزلي اولماسا عاشق اولار مگر؟

عشاقه، صدق شرط مسلمدي ياحسين

بير عمر اسير طره طیارون اولموشام

قيد محبتونده گرفتارون اولموشام

ايل لر بويي جهاندا عزادارو ن اولموشام

خوش يئرلريم محافل ماتمدي ياحسين

من عاشقم سنه سر و ساماني نيلورم

سن سيز بهار و باغ و گلستاني نيلورم

جانان گر اولماسا قوري بو جاني نيلورم

جانيمدان عشق يار، مقدمدي ياحسين

امي بير عاشقم نه سواديم نه دفتريم

تقويم بيلمرم ايتوب آباندا آذريم

بيلمم ندور ايليم آييم هفتمله گونلريم

هرگون منه عزادي ، محرم دي ياحسين

دوز عاشقين اولار اورگي شيشه دنده صاف

معشوقيله موافق اولار سالمازاختلاف

حق مسلم؛ ايلمز اوز عهدينه خلاف

پاك سود او كيمسه كي آنادان امدي ياحسين

چوخدور جهاندا عشقدن البته دم ووران

عاشقلرين يولوندا يالا ندان قدم ويران

عباس تك بو عرصه ده يوخدور علم ويران

بو ادعا اولاردا همان دمدي ياحسين

عباس اوز عشقين ايلدي اثبات عالمه

گوسترد بو يولي عملا نسل آدمه

تاپدي او چولده عشق حقيقتده خاتمه

شاهد بو عشقه مشگ ايله پرچمدي ياحسين

صحراي كربلا ده او گون لشگر ظلم

عشق اوسته قوللارين ائلدي ظلميله قلم

سعي ائتدي جنگه بلكه نگون اولماسين علم

واله بو عشقه اينديده عالمدي ياحسين

عباسه عشقده هاني مثل و بد يل اولان

كوي وفاده تشنه ،يارالي قتيل اولان

عاشق لر ايچره يوخ اونا كيمسه عديل اولان

چون عشقيله حميتي توا مدي ياحسين

آتدان دوشنده توپراقا فرياده سسلدي

چوخ خجلت ايله حضرتيوي داده سسلدي

حتما دليلي وار بئله امداده سسلدي

هرچندعلتي بيزه مبهمدي ياحسين

مركبدن اول زمان كه يئره ايلدي نزول

سسلندي بنده وين ائله بو خواهشين قبول

گل قويما ال تاپا منه بو فرقه جهول

گرچه جنابيوا، غم اعظمدي ياحسين

گل گل ترحم ايله كسيب لر امانيمي

قوللار دوشوب اليمدن آلوبلار توانيمي

كافرلر ايندي توكماقا ظلميله قانيمي

ناحق يئره بو چولده مصممدي ياحسين

قارداش گل استعانته اللرده قالموشام

رخصت بئله چاغير ماقا زهرادن آلموشام

هرچند زحمته سني بو چولده سالموشام

عفو ائت بو آخرين الم و غمدي ياحسين

فخر ايلرم كه شاعر و مداحيوام سنون

اميد و ملجائيمدي سنون لطف دامنون

آند اولسون اوز جلاليوه اول خاك مدفنون

(شبخيزه) كعبه دنده مقدمدي ياحسين

• دوشنبه
• 18
• اسفند
• 1399
• ساعت
• 22:15
• نوشته شده توسط
• یوسف اکبری

یابن الحسن یابن الحسن
بقیت اللـه،آمدعاشورا،آجَرَک الله
ای لاله ی سرخ چمن
یوسف زهرا،آمدعاشورا،آجرک الله
آه و واویلاــــــ زین غم عظمی
دریای خون شدــــــ دشت کربلا
یاثارالله یاثارالله
اباعبدالله،یاحجت الله،اباعبدالله۲

کرب وبلا دشت جنون
دریای خون است ،ازخون خدا
خاکش گلگون است
طاهازندبرسینه و
حیدرغمگین است ـــ ازداغ حسین
زهـــــــــرامحزون است
احرارحق غرق بلاـــــ بالب عطشان
دل زجان شسته،،غرق درخون است
آه و واویلا........

لشکراحراخدا،،باشورومستی
کرده اندیک یک،عزم شهادت
هفتادودوسربازدین،،دردشت بلا
پوشیده برتن جامه ی غیرت
سرمیدهنددرراه دین،،بالب تشنه
باتن خسته،،، غرق در محنت
آه و واویلا....

فرزندزهراوعلی،،شاه شهیدان
درراه قرآن،،بگذردازسر
قربان راه حق کند،،داروندارش
قاسم وجعفر،،اکبرواصغر
پیچیده ذکریاحسین،،درارض وسما
درعرش اعلا،،درزمین یکسر
آه و واویلا....

عاشوراروزایثاروروزفریاداست
روزقرآن و روایمان است
روزشهادت روزدین،روزجانبازی
روزغوغایِ دردهجران است
جنت شده ماتم سرا،،حیدروزهرا
غرق درشوروآه وافغان است
آه و واویلا.....

ترکی

باشه ویرون ای شیعه لر،،
ایلیون شیون
ایلیون نوا،،،گلدی عاشورا
سسلورملکلریکسره،،باغ جنتده
آه وواویلا ــــ آه و واویلا
ختم پیمبرغملیدی،،مرتضی آغلور
وای بالاسلور،،،،عدنیده زهـــــــرا
آه و واویلا،،گلدی عاشورا
قانه غرق اولدی،، حجت خدا
یاثارالله.....

حق یولونداکئچدی حسین
باشیله جاندان،،هرنه واریدی
ایلـــــــــــــدی قوربان
اکبردن اصغردن کئچوب
کئچدی قارداشدان،،زنده قالسون تا
مکتب قرآن
قانه باتوبلارعرصه ده
بیربه بیر یاران
اکبرواصغر،،،ساقی عطشان
آه وواویلا.....

ای شیعه ی اثناعشر،،آغلابوغمده
کسدیلرتشنه،،،،شاه دین باشین
اولدوردولراعوانینی،،،
یارویولداشین
هم ایکی اوغلون،،همده قارداشین
گل داده سسله واحسین،،
سیدالمظلوم،،آغلا ائت جاری
گوزلرون یاشین
آه و واویلا.......

• دوشنبه
• 18
• اسفند
• 1399
• ساعت
• 22:47
• نوشته شده توسط
• یوسف اکبری

بو فانی دهریده گوگلوم اقامت آختارما
بلاسی چوخدی خبیراول فراغت آختارما
ازلدن هچ بشریله رفاقت ایلمیوب
وفاسی یوخدی،مونیلان رفاقت اختارما
فنادی یوخدی بقاسی جهانون اول آگاه
سوزی آچوق یازورام من اشارت آختارما
دیوبدی حی ازل کل من علیهافان
بغیرعترت و قرآن دلالت اختارما
جهانداحقیدی شیعه بوسوزده شک ایتمه
قاپی قاپی گزوب ای دل شریعت اختارما
علی ولایتیدورحشریده جوازبهشت
بدون عشق علی کوی جنت اختارما
بگوبه منکرحیدرکه بی ولایت او
دولانماکعبه نی بیجا عبادت اختارما
علی کیمون فقرانون جهاندافکرینه قال
کرامت ایله عزیزیم خساست اختارما
علی حسینه ویروب درس عزوآزادی
علیدی مرشددین ودیانت،اختارما
علیده ماه محرم حسینه قان اغلار
توکرسرشکینی چون ابررحمت،اختارما
قراگی اگنووه سنده حسین عزاسینده
بوآیداغملی دولان شوروعشرت اختارما
عزامجالسینه سن گدنده هشیار اول
او یرده کبر وغرور و منیت اختارما
حسینه نوحه دنن واردی گررسا صوتون
جزایه فکر اله،هیاتده پاکت آختارما
یانیقلی اوخشاما دی فاطمه آناسی باخور
حسین آدیلا یزیدانه شهرت اختارما
نمازقیلمامیش اما حسینه نوحه دیمه
نمازی فوت ایلدون،اشکه رخصت اختارما
وظیفه دوربوعزاساخلاماق بیزه شیعه
مونی وسیله ایدوب مال وثروت اختارما
اوزووی هیاتووی ایلمه عبث تبلیغ
حسین مبلغی اول،عزوشوکت اختارما
اگرکه تلخیدی طبعیم دیورحقیقتدن
شیرین قلمدن عزیزیم حقیقت اختارما
حسین آدیلا اوزین مطرح ایلین کسده
نه شور وارنه شرف وار،نه غیرت،اختارما
حسینه نوحه دیورسن ریانی آت باشدان
ایشون گر اولسا ریایی،سعادت اختارما
حسینه دوز نوکر اول آسمانه فخر ایله
خدایه بنده لیگه،چوخ ریاضت اختارما
حسین نوکری والله شهانه فخرایلر
حسین نوکری اولدون صدارت اختارما
حسینچی اولماقی زینبدن اورگش ای عاقل
حسین یولونداسخی اول،قناعت اختارما
اولن زمانه کیمی سسلدی حسینیم وای
بوعشق جذبه سیدی،عشقه علت اختارما
گیوبدی رخت شهادت سلاله ی زهرا
دیارکوفیه یول سالدی زینب کبری
دیردی منده اولوم کربلاده آختارورام
یارالی نایه نوا،نینواده آختارورام
یتیم بالالارون آهی یارالی قلبی دلور
اوره ک غمینه دوا،انزواده اختارورام
حسین یارالی باشون کوفیه گلورمنیلن
سواره باشووی من ،پاپیاده اختارورام
یارالی پیکرووی نیزه اوخ ارایه آلوب
ولیک باشووی نوک جداده اختارورام
جدایه باخدوقیجاگوزیاشیم اولورجاری
اوره کده درده تسلا بکاده اختارورام
جداده وارنه لیاقت حسین سنون باشووا
اونازنین باشی طشت طلاده اختارورام
جفالی کوفه نون اهلینده یوخ وفاقارداش
گزوبله طی و طریق جفاده،اختارورام
گرکدی کوفیه جک گوزیاشیم حسین قوریا
سنه قان اغلاماقی اختفاده اختارورام
من اغلیاندااگرگورسه کوفه نون اهلی
سیناروقاریم اومحنت سراده،اختارورام
گرکدی اگمیه باش ظالمه باجون زینب
بلا و درده اولا ایستاده،اختارورام
بوغملی قافله ده آیری بیر ابالفضلم
شکوه عشقی حسین فوق العاده اختارورام
اگرچه قارداشیمی ییخدی بیرعمودآهن
عمودآهنی منده هواده آختارورام
عمود اولمادی نیلک شکسته محمل وار
یارام بو باشیمی بیر راه ساده اختارورام
بلی دیدیم سنه من هرغمه شریک اولدوم
صفانی منده طریق وفاده اختارورام
یقیندی کوفه لیلر گورسه خارجی دیه جک
من ایندیدن شرفیمه اعاده اختارورام
دینده خارجی،قارداش جداده قرآن اوخی
جلا بوروحیمه وارخوش نواده،اختارورام
نقدری داش ویرالارسینه می سپر ایده رم
مقاومم قدریلن قضاده،اختارورام
زیادون اوغلونی تختدن حسین یره سالام
اونانجیب اولا ازپافتاده،اختارورام
دیارکوفیه ویرام وقاریلن پرچم
اگرچه یوخدی دیزیمده قواده،اختارورام
یقیندی کوفه ده قالمام دمشقه گتمه لیم
یزیدی خوار ایده رم با اراده،اختارورام
ویراندالبلرووه خیزران اوشوم و دنی
چاغوررام اوندا ابالفضلی داده،اختارورام
یزیدی من ییخارام سن منی دعا اتسون
بوفتح بابی لبونده دعاده اختارورام
حجازه گتمه میش اول مزارووه گللم
دوای دردیمی خاک شفاده اختارورام
فقیر(ناعمم)ای زینب فرشته سیر
جزایه توشه بوباب سخاده اختارورام
قیامتون گونی قویماذلیل اولام زینب
سنون شفاعتووی من جزاده اختارورام

• سه شنبه
• 19
• اسفند
• 1399
• ساعت
• 21:49
• نوشته شده توسط
• یوسف اکبری

ای جداده سیر ائدن شاه اولیاحسین
حلقوی طواف ائدیر روح انبیاحسین

اگلشیب اگرچی توز آلنووا،عذاروه
منقصت یئتیشمئییب شأنووه وقاروه
کعبه سویلورالسلام حلق زخمداروه
مروه اول بوغازیدن اخذائدیر صفاحسین

قاشلارون خبروئرورفیضدن، فتوحدن
گوزلرون خراج آلورصبحدن، صبوحدن
گؤرمیین اوگؤزلری بی خبردی روحدن
گؤزلریم اوباصفاگؤزلره فداحسین

نطقوی گؤرن دئیور احسن ای امام حق
نحراولان بوغازیدن نشراولور پیام حق
منبرون جدااوجی سؤزلرون کلام حق
فخرائدوربومنصبه روح مصطفاحسین

زینبه وئرئیدی کاش وقت وفرصت اشقیا
زلفیلن توخئیدی تانوک نی ده متکا
متکاده اگلشیب ذکرائدئیدون ای فدا
پیکرمحبته جان گلئیدی تاحسین

گؤردیلرکی یوخ جواب حجت مبینوه
حربه ی جسارتی ووردیلار جبینوه
دولدی آلنوون قانی چشم نکته بینوه
قانلب گؤزله عشقوه وئردون اعتلا حسین

نی ده ائیلوسن نظرگؤیده کی ملکلره
یئرده باخموسان ولی اودلانان اورک لره
قمچی لر ورورعدو گل لره چیچک لره
نازنین اوشاقلارون ائیلئییرنوا حسین

ای کشیده قاشلاری جانستان وخونچکان
ترپننده کیپریگون عرش وفرش ائدیر تکان
حقی واردئسون سنه حکمت اهلی لامکان
گرچی ائتموسن مکان نوک نی ده یاحسین

مات ائدیب ملک لری اوج معنویتون
عقل وعلمه سیغماییرشوکت وجلالتون
گیزلنیبدی نورده آفتاب صورتون
تاکی لغزش ائتمه سین فهم اصفیاحسین

آند وئرّم ای امام حُسن دلپذیروه
جلوه ی جمالوه،طلعت ضمیروه
رحمتیله قیل نظر"شاهی"شهیروه
مشکلات ائدیب اونون گوندوزون قرا حسین

• سه شنبه
• 19
• اسفند
• 1399
• ساعت
• 21:51
• نوشته شده توسط
• یوسف اکبری

ایوای
ایو صاحبی ایودن اَل اوزدی
بالالارین یول اوسته دوزدی
تَرک ایلدی حریم یاری
خدا بولور نه نوعی دوزدی

آقام آقام آقام حسین وای

ایوای
آماده اولدولار بلایه
فلک سالار چوخ ابتلایه
یتمیش ایکی قربان گوتوردی
گیده منایِ کربلایه

ایوای
یولا دوشوب شَهِ شهیدان
دینین یولوندا تا ویره جان
اوخ نیزه حاضر ایلیوللر
سپاه شام و کوفه الان

ایوای
جوانلاری گیدور قاباقدا
وار نچّه صود اَمَر اوشاقدا
ربابه تاپشیرون بالاسین
دویونجا ساخلاسین قوجاقدا

• پنج شنبه
• 21
• اسفند
• 1399
• ساعت
• 17:39
• نوشته شده توسط
• یوسف اکبری

مهر جهان تابیم حسین یابن فاطمه
ای درّ نایابیم حسین
عالمده اربابیم حسین

جانلار فدا بو عزّته یابن فاطمه
گوز تیکمیشم عنایته
باخدون بو بی لیاقته

سرو روانیم/آرام جانیم/گُل آدون اولدی/ورد زبانیم

یارالی جان یارالی

ای شهریار ما سوا ایها الشهید
ای گوزلره نور و ضیا
ششگوشه قبره جان فدا

ای عشقه میزان و هدف
ای پور سلطان نجف
ای صاحب عزّو شرف

سنسن نگاریم/شأن و وقاریم/سنسن حسین جان/دارو نداریم

یارالی جان یارالی

شمس جهان آراحسین یابن مرتضی
ای عالمه مولا حسین
ویر قلبیمه صفا حسین

گوز تیکمیشم احسانیوه
درمان ایله بیماریوه
ملحق اولوم انصاریوه

عبد درم من/دیده ترم من/ سن شاه عالم /بیر نوکرم من

یارالی جان یارالی

ای پادشاه نشأتین مظلوم حسین
زهرایه سنسن نور عین
هی سسلرم مظلوم حسین

ای رهبر آزادگان
ای عالمه غوغا سالان
قانین اولوب سو تک روان

ای روح ایمان/شاه شهیدان/دین اوسته اولدون/سن قانه غلطان

یارالی جان یارالی

ای شیعیه پشت و پناه جانم آقا
ای عشقه عالی شاهراه
قسمت ایله بیر خیمه گاه

ای ظلموله قانه باتان
باش فکرینی باشدان آتان
تشنه فرات اوسته یاتان

ای نور عینیم/وار شور و شینیم/ذکریم اولوبدی/مظلوم حسینیم

یارالی جان یارالی

ای فخر کلّ ِ کائنات لبیک حسین
ویردون بو دینه سن نجات
ای معنی آب حیات

سلطان ملک کربلا
مرآت قلبه ویر جلا
ای عشقینه دل مبتلا

یوخدور حبیبیم/ عشقون نصیبیم /بیماریوم من/سن سن طبیبیم

یارالی جان یارالی

من (بیکَس) و افتادیم رهبریم حسین
من روسیَه بی بندیم
سندن آقا شرمندیم

ایکاش ای خون خدا
بیرده اولا قسمت آقا
پای پیاده کربلا

من مبتلایم/غرق بلایم/عاشق خاکِ/کرب وبلایم

یارالی جان یارالی

• پنج شنبه
• 21
• اسفند
• 1399
• ساعت
• 21:50
• نوشته شده توسط
• یوسف اکبری