اشعار ترکی امام حسین (ع)

ای بشر دقتله باخسان متن تاریخه اگر
سن گوررسن عالم امکانیده اولموش نلر

چوخلاری ظلم ایلیوب جور و جفادن دویمیوب
بعضیلر شکر ایلیوب حمد و ثنادن دویمیوب

بعضیلر ظالم ولی بعضیلری مظلوم اولوب
بعضیلر شاد و خرامان بعضیسی مغموم اولوب

بعضیلر قدرت تاپوب ظلم فراوان ایلیوب
ئولدوروب انسانلاری ظلمنده طغیان ایلیوب

قالمیوب اما اثر نه ظالم و مظلومیدن
شاد اولانلاردان نده دنیا بویی مغمومیدن

قالماز آخر فانی دنیاده غنی و نه فقیر
جانینی جانانه تسلیم ایلیر خرد و کبیر

یاخشینی یاد ایلیوب آینده لر رحمت دیر
ظالمه رحمت یاراشماز کیم دیر لعنت دیر

چوخلاری ظلم ایلیوب دنیاده آل حیدره
رحمته یوخ لعنته واصل اولوبلار یکسره

ظلم ائدن اشخاصیلردن اولدی هارون الرشید
حیدرین اولادینه چوخ ظلم ائدوبدور اول پلید

شیخ صدوق ایلوب روایت راوی عالی مقام
بیر جلودی آدلی شخص اولموشدی هارونه غلام

گر یازام شخصیتین عالمده خوار و پستیدی
آیری ظالملر کیمین دنیایه چوخ سرمستیدی

چوخ تلاش ایلردی هارونین وئرن دستورینه
راضی اولمازدی او نامردین ولی رنجورینه

بیر گونی هارون ظالم وئردی فرمان ای غلام
آل هاشم هر نه واردور غارت اولسونلار تمام

شهر یثربده گرک آل علی گول تک سولا
ایستسه هر کیم علینی قلبی محنتله دولا

هارونین دستورینه شخصا اطاعت ایلدی
یثربی قصد ایلیوب فورا عزیمت ایلدی

چاتدی تا شهره جفائیله اهانت باشلانوب
هاشمیون ائولریندن ظلم و غارت باشلانوب

تا خبردار اولدی بو فرمانیدن موسی الرضا
اندرونه اهل بیتین جمع ائدوب اول با وفا

تک دایاندی پشت درده با دل پر خون ولی
دوگدولر باب رضانی آچمادی اما علی

ائتدی فرمایش او نامرده اودم اول مقتدا
اهل بیتیم قورخوشا اولما بو دنیاده رضا

اولمارام راضی حریم امنه نامحرم گله
اهل بیتیم قورخوشا یا دیده سیندن نم گله

غیرت الله اوغلویام من غیرتیم ائتمز قبول
من رضایم سن رضا اولما اولام من دل ملول

منتظر قال پشت درده اندرونه من گئدوم
هر نه وار صحن و سراده ئوز الیمله جمع ائدوم

الغرض امر امامی ایلیوبدور چون قبول
منتظر قالدی گئدوبدور داخله سبط رسول

جمع ائدوب مولا ائویندن هم لباس و هم طلا
قویمادی اهل و عیالی قورخوشوب ائتسون نوا

چون گتیردی محنتیلن حجت ذات ازل
تا آلوب گئتدی جلودی ایلدی ترک محل

وار یری عرض ایلیاخ دنیاده مولا یا رضا
قویمادون دشمن الیلن عترتون غارت اولا

کاش اولیدون کربلاده ای امام انس و جان
غارتین دستورینی وئردی او هارون زمان

آغلاراروخ عالم بوئی جدون حسینون حالینه
کربلاده بیر نفر رحم ائتمدی اطفالینه

اود ووروبلار خیملر یاندی چیخوب عرشه نوا
آچدیلار ال غارته اخیامیدن اهل جفا

اهل بیت مصطفادن طاقت و تاب آلدیلار
اول حرم آهولرین ظلمیله دامه سالدیلار

باغلیوبلار عاقبت قیزلاره راه چاره نی
زوریله خارج ائدوبلر گوشیدن گوشواره نی

بیر قولاقدان گوشواره چیخسا زوریله اگر
گوشواره یا سینار یا که قولاقی یاره لر

یازمارام اولدی نلر ناله چیخوبدور آفاقا
گر باخیدون هر قولاقه قان سوزردی تپراقا

بی حیالر ظلم ائدوب جور و جفاده دوردولار
استقامت کیم ائدوب غارتده قمچی ووردولار

آلدیلار ظلم و جفائیله زر و زیورلری
غارت ایلوبلر تماما اهل بیت حیدری

یازما غارتدن داخی (سالک) دونوب قانه ئورک
عترت پیغمبره یاز اولمادی کیمسه کمک

آغلیاندا هر باجی الدن گئدن قارداشینه
وئرمیوبلر تسلیت قمچی ووروبلار باشینه

• چهارشنبه
• 12
• خرداد
• 1400
• ساعت
• 22:05
• نوشته شده توسط
• یوسف اکبری

یقین قلبینده پاک عشقی اولانلاردا ریا اولماز
اگر ریب و ری ا اولسا مسلمدور صفا اولماز

الا ای بنده داور فنادور عالم امکان
ریاسیزلر بو عالمده قالار باقی فنا اولماز

اگرچه باغلادون پیمان وفا قیل عهد و پیمانه
که عهدین سیندیرا هر کیم او انساندا وفا اولماز

اگرچه واردی ایمانون معاده غیبتی بوشلا
که غیبت ایلینلردن قبول ربنا اولماز

ئوزی امر ایلیوب خالق که حق الناسی عفو ائتمز
رضا خلق اولماسا انسانیدن راضی خدا اولماز

جهاندا دقتون اولسون و بیرده واجب اعماله
اطاعت ایله خالقدن اطاعتده خطا اولماز

حسد دن بخلدان ایله حذر ای عاشق مولا
غرورین اولسا قلبینده رضا میر هدا اولماز

منیت خوار ائدر شخصی حسینون آستانونده
تفکر ایله عمرونده تکبرده بقا اولماز

حسین پاک و مطهر دی گرکدور پاک اولا نوکر
مطهر اولماسا حتما او نوکرده بها اولماز

نقدری جان دوداقینده واروندور سعی ائله (سالک)
دوز اولسا کیم بو عالمده غمین روز جزا اولماز

• چهارشنبه
• 12
• خرداد
• 1400
• ساعت
• 22:07
• نوشته شده توسط
• یوسف اکبری

ای دل بو قدر غم یمه صبر ائت مگر اولماز
دنیای فناده قالا باقی بشر اولماز

هر کیم یارانوب گئتمه لیدور دار فنادن
محشر گونونه فکر ائلین فتنه گر اولماز

عقبایه بو دنیا یارانوب مزرعه مثلی
دقت ائده نون مزرعه سینده ضرر اولماز

اعمالیمیزون ناظری خلاق جهاندی
کیم حقدن اطاعت ائده عمری هدر اولماز

فرمایش ائدوب دقت ائله صوم و صلاته
عقباده نماز اهلی یقین دیده تر اولماز

قرآنی اوخی ایله عمل آیه به آیه
قانون الاهیدی به حق بی ثمر اولماز

ظلم اهلی پریشان اولاجاق روز جزاده
دین اهلی او گونده ابدا در به در اولماز

فکر ایلمه دنیایه گلن معتبر اولدی
عالمده ولا اهلی اولان مفتخر اولدی

عمرونده ائدوب دینینه کیم خدمت آپاردی
قورتارسادا عمری ئوزونه رحمت آپاردی

قرآنه عمل ایلدی کیم عزته چاتدی
خالقدن اطاعت ائلیوب لذت آپاردی

ظالملره یاور یاور اولان عمرون هدر ائتدی
مظلومیلره ظلم ائلیوب ذلت آپاردی

کیم اهل ریا اولدی حسینون قاپوسیندا
ذلت باشینا سایه سالوب خفت آپاردی

دوز نوکر اولان درگه اربابه اوجالدی
تسخیر ائلیوب قلبلری عزت آپاردی

کیم عشق حسینیله وئروب عمرونی باشه
اگنینده قرا کوینگینی خلعت آپاردی

واردور بو خبر آغلادی کیم شاه شهیده
عقباسینی آباد ائلیوب جنت آپاردی

(سالک) بو قدر اولما غمین دار فنادن
اوزمه الیوی دامن شاه شهدادن

• چهارشنبه
• 12
• خرداد
• 1400
• ساعت
• 22:13
• نوشته شده توسط
• یوسف اکبری

جهاندا عاشق صادق اسیر روزگار اولماز
چکر رنج و تعب اما حقیقتدن کنار اولماز

اولار عمر شریفینده غم و آلامیلن مانوس
بلایه صبر ائدر هر دم ولیکن بیقرار اولماز

دوزر درد و مصیباته دوز عاشق عشقینه خاطر
جلال و شوکتی آرتار یقین عمرونده خوار اولماز

یانار عشقین شرارینه اریر شمعین مثالینده
دل معشوقی یاندیرسین وجودینه شرار اولماز

حقیقی عاشق عالمده دیل آچماز شکویه اصلا
اولار حق عاشقی گول تک جهاندا مثل خار اولماز

کئچر دار و نداریندن وئرر جانینده معشوقه
کیم اولسا عشقیده لایق یقینا بی وقار اولماز

مجازی عاشق عالمده دگول منظور و مقصودیم
حسین ابن علی عاشق اولوب معشوقی معبودیم

جهاندا تکدی عشقینده یقینا زاده زهرا
بوتون دار و نداریندن ال اوزدی روز عاشورا

الیکه گون طلوع ائتدی آچیلدی عشق بازاری
وئروبدور یار و انصارین گلیلی اولمادی اصلا

حسین عاشقدی معشوقی خدای رب العزتدی
بئله معشوقیلن عاشق جهاندا کیم گوروب آیا

دوشوب عشق اوسته گوداله نه اکبر وار نه قاسم وار
نه عون و جعفر و فضلی نه سقاسی قالوب تنها

ووروبلار جسمینه بسکه یارا یاره سایا گلمز
ملاقات ایلیور یارین وجودی قاندی سر تا پا

اولوبدور دستمازی قان دوشوبدور سجده عشقه
اونون راز و نیازیندن بوتون حیران قالوب دنیا

حسین راز و نیاز ایلور آتوب باشدان بو دنیانی
فنا فی الله اولوب گویا تجسم ایله معنانی

حسین لاهوتی سیر ایلور ولیکن شمر بداختر
گلوبدور مقتل عشقه الینده وار یالین خنجر

اوره گینده بودور نیت حسینون باشینی کسسون
چیخوبدور سینه سی اوسته او نادان ستم پرور

گلوب بیر آیری عاشقده او ماوایه اورک داغلی
اونوندا نیتی واردور اولا معشوقینه یاور

بیری اولموش جفا اهلی بیری آه و فغان ایلور
جفا کانی تلاش ایلور ائده زهرا گولون پرپر

حسینون باشی اوستونده کشاکشدی قیامتدی
بیری بیر ظالم دوران بیری مظلومه بیر خواهر

بیری ایستور که باش کسسون بیری اما اولور مانع
دوتوبدور تیغ خنجردن بویاندی قانینه اللر

قلم قوی پرده لی قالسین نه یوز وئردی او ماواده
فقط ثبت ایله زهرانین گولی سولدی او صحراده

اولوب جور و جفائیلن حسین دینه فدا یاندی
قفادن ذبح اولوب باشی ذبیحا من قفا یاندی

او دم شمرین جفاسیندن قرا یئل اسدی دنیاده
یاغوب گویدن شرر گویا زمین کربلا یاندی

شهادت جامینی ایچدی حسین دینجلدی محنتدن
ولی زینب غم و درده اولوبدور مبتلا یاندی

او مأوای غم افزاده بلالر مونسی زینب
غم و درد و مصیبتدن ائدوب آه و نوا یاندی

الیندن ائللری گئتدی دگوبدور قلبینه یاره
بلالی باشینه سالدی قرا اوستن قرا یاندی

نه تنها زینب کبری نه تنها عترت حیدر
او گون ظلم و جنایتدن تمام ماسوا یاندی

سوزی ختم ایله ای (سالک) اورکلر یاندی اودلاندی
حذر قیل یازما غارتدن فقط یاز خیمه لر یاندی

• پنج شنبه
• 13
• خرداد
• 1400
• ساعت
• 13:03
• نوشته شده توسط
• یوسف اکبری

قلبیلرده تاقیامت نقش اولوپ آدین حسین
واریقین چیخماز اورکدن هئچ زمان یادین حسین
واردی دائم خلقه مولا لطف و امدادین حسین
شیعه لرخندان اولوپ چون گلدی میلادین حسین
اولدی تاسوّم شعبان
گوزلرین آچدین حسین جان
اولاجانلار سنه قربان
ای حسین جان ای حسین جان
به به به سنه ای نور مشرقین
به به به سنه مولا حسین حسین
ای جا نان چوخ گوزلدی آدین آقا
وار هر آن هر اورکده یادین آقا
ای علی نین نامدار اوغلی سنه جانلار فدا
چوخ مبارکدی بیزه بو جشن میلادین آقا
وار اورکده چونکه دائم آرزوی کربلا
هرکیمین وار هرنه دردی درددینه ائیله دوا
اولدی چون روز ولادت
عالمه مایة رحمت
ای حسین جان سنه قربان
ائیله بوجمعه عنایت
به به به سنه ای نور مشرقین
به به به سنه مولا حسین حسین
ای جا نان چوخ گوزلدی آدین آقا
وار هر آن هر اورکده یادین آقا
یامولانا حسین حسین یامو لانا حسین حسین(2)
یاحسین ای زادة در دانة زهرا سلام
یا حسین ای نور عین حضرت مولا سلام
دل به یادت می تپد هر روز وشب سبط النبی
یا حسین ای پادشاه کشور دلها سلام
صورتت چون ماه رخشان
جان به رخسار تو قربان
روز میلادت مبارک
ای حسین جان ای حسین جان
بَه بَه بَه بِه تو محبوب سرمدی
بَه بَه بَه بِه تو نور محمدی
ای زیبا تو زخوبان سر / آمدی
بر دنیا ای حسین جان خوش آمدی
یامولانا حسین حسین یامو لانا حسین حسین(2)
بال خود فطرس گرفته از تو یابن المرتضی
گوید او من بندة آزادم ای اهل ولا
تا قیامت حامل عرض سلامم از شما
برحسین آن پادشاه تشنه کام کربلا
ای گل زیبای زهرا
مظهر آیات کبری
مقصد اهل تولّا
ای تومحبوب دل آرا
ای حسین جان ای حسین جان
بَه بَه بَه بِه تو محبوب سرمدی
بَه بَه بَه بِه تو نور محمدی
یامعصوم ، گل زیبای فاطمه
یا مظلوم ، به فدای تو ما همه
یامولانا حسین حسین یامو لانا حسین حسین(2)

• پنج شنبه
• 27
• خرداد
• 1400
• ساعت
• 12:33
• نوشته شده توسط
• یوسف اکبری

مست تولّای تو ام یا حسین یا حسین
واله و شیدای تو ام یا حسین یا حسین
عاشق رسوای تو ام یا حسین یا حسین
محوتماشای تو ام یا حسین یا حسین
لطف و عطا ائیله آقا آقاجان یاحسین
درده دوا ائیله آقا آقاجان یاحسین

تو گل زیبایی و من بخدا خار تو
کاش بگویی تو مرا که منم یار تو
فکر دو چشمم همه جا شده دیدار تو
این دل دیوانة من شده بیمار تو
در همه جا ذکر لبم شده نامت حسین
پرزد وبنشسته دلم لب بامت حسین

سن کیمی دنیاده آقا گوره بیلمز گوزوم
هر گئجه گوندوز آقاجان آدین اولموش سوزوم
کرب و بلادن گئدیرم نئجه سنسیز دوزوم
هم آتاقربان آناهم سنه قربان اوزوم
لطف و عطا ائیله آقا آقاجان یاحسین
درده دوا ائیله آقا آقاجان یاحسین

عاشق اودور کی جانینی سیزه ائتسین فدا
سیز آقاسیز ای آقاجان هامی عالم گدا
سائله احسان ائلییوپ سورادان سال یولا
آللار اولار راضی اگر اولاسان سن رضا
لطف و عطا ائیله آقا آقاجان یاحسین
درده دوا ائیله آقا آقاجان یاحسین

اولمیا گوزدن سالاسان بیزی محشر گونی
سسلروخ امداده آقا سیزی محشر گونی
وای بیزه چون خلقین اولار سوزی محشرگونی
اوندا کی آغلار هامینین گوزی محشر گونی
لطف و عطا ائیله آقا آقاجان یاحسین
درده دوا ائیله آقا آقاجان یاحسین

یازدی ولایی اوره گین سوزونی من دیدیم
کرب و بلا جنّتینی نئجه من ترک ائدیم
سفره ده نان و نمکین بیر عمور من ییدیم
من سنه دل باغلامیشام نئجه بوردان گدیم
لطف و عطا ائیله آقا آقاجان یاحسین
درده دوا ائیله آقا آقاجان یاحسین

سسلیرم امداده سنی دوت الیمدن آقا
بحر کرم کوه سخا دوت الیمدن آقا
سائله احسان ائلییوپ سورادان سال یولا
قلعة صبری بو فراق قویما الدن آلا
لطف و عطا ائیله آقا آقاجان یاحسین
درده دوا ائیله آقا آقاجان یاحسین

جنتی میخانه ائدر سنین عشقین حسین
عاشقی دیوانه ائدر سنین عشقین حسین
اوتلارا پروانه ائدر سنین عشقین حسین
سوز تئلینی شانه ائدر سنین عشقین حسین
لطف و عطا ائیله آقا آقاجان یاحسین
درده دوا ائیله آقا آقاجان یاحسین

عالم امکانی گزم سنه یوخدی نظیر
جنّت الاعلانی گزم سنه یوخدی نظیر
گرهامی دنیانی گزم سنه یوخدی نظیر
آخیری هریانی گزم سنه یوخدی نظیر
لطف و عطا ائیله آقا آقاجان یاحسین
درده دوا ائیله آقا آقاجان یاحسین

خوب و دلارای منی بخدا من بدم
گرچه بسی پر گنهم مکن از در ردم
کان کرم دیدم و من به درت آمدم
با همه نالایقی ام به تو عاشق شدم
در همه جا ذکر لبم شده نامت حسین
پرزد وبنشسته دلم لب بامت حسین

سائل ودرمانده منم به تو جانم فدا
از همه جا رانده منم به تو جانم فدا
مهمون ناخوانده منم به تو جانم فدا
بی کس جامانده منم به تو جانم فدا
در همه جا ذکر لبم شده نامت حسین
پرزد وبنشسته دلم لب بامت حسین

تیره شبم نامه سیه تویی آن ماه من
نیست جدا ازتو دگر بخدا راه من
می زند آتش همه جا غم جانکاه من
سائل بیچاره منم تویی آن شاه من
در همه جا ذکر لبم شده نامت حسین
پرزد و بنشسته دلم لب بامت حسین

میروم از کوی تو من بخدا دیده تر
دور حریمت دل من بزند بال و پر
یاد تو شد همره دل همه شام وسحر
بنده بود هرکه به حق تویی اورا پدر
در همه جا ذکر لبم شده نامت حسین
پرزد وبنشسته دلم لب بامت حسین

کشتی دین را بخدا تو شدی ناخدا
نام تو مولاشده بر همه دردم دوا
گرچه بدم کن کرمی مکن از خودجدا
دادرس کلّ بشر تویی ای جان ما
در همه جا ذکر لبم شده نامت حسین
پرزد وبنشسته دلم لب بامت حسین

دورحریم حرمت پی کاشانه ایم
شمع شب افروز تو را همه پروانه ایم
مست تو از روز ازل پی میخانه ایم
ماه محرّم که رسد همه دیوانه ایم
در همه جا ذکر لبم شده نامت حسین
پرزد وبنشسته دلم لب بامت حسین

شاهد هر کار منی بخدا یاحسین
دلبر ودلدار منی بخدا یاحسین
درهمه جا یار منی بخدا یا حسین
مونس و غمخوار منی بخدا یا حسین
در همه جا ذکر لبم شده نامت حسین
پرزد وبنشسته دلم لب بامت حسین

بوسه به پای تو زند همة عالمین
خدمت درگاه تو شدبه ملک عین دین
هست حدیث نبوی به تو ای نور عین
حسین منّی و انا و انا من حسین
در همه جا ذکر لبم شده نامت حسین
پرزد وبنشسته دلم لب بامت حسین

جان من ای جان جهان به فدای شما
هست رضامندی حق ز رضای شما
شاه تویی دیدة ما به عطای شما
گشته ولایی دل من زثنای شما
در همه جا ذکر لبم شده نامت حسین
پرزد وبنشسته دلم لب بامت حسین

دیدة هر عاشق حق شده گریان تو
جن و ملک نوحه گر و همه نالان تو
چشم خلایق همگی پی احسان تو
جان محبان شما همه قربان تو
در همه جا ذکر لبم شده نامت حسین
پرزد وبنشسته دلم لب بامت حسین

جنت و رضواندی منه آقاجان کربلا
عاشقیوین گوزلرینی قویما یولدا قالا
سائله باخ ائیله عطا سورادان سال یولا
جان ولایی سن آقا سنه جانلار فدا
لطف و عطا ائیله آقا آقاجان یاحسین
درده دوا ائیله آقا آقاجان یاحسین

• پنج شنبه
• 27
• خرداد
• 1400
• ساعت
• 12:50
• نوشته شده توسط
• یوسف اکبری

گلیپ بوگون جهانه حسین عزیز زهرا
اولوپ جهان گلستان گل آچدی باغ طاها

حسین عزیز زهرا حسین عزیز زهرا
سنسن مولا ، بیزه جانان حسین جان
اولسون جانلار ، سنه قربان حسین جان
ائیله مولا ، بیزه احسان حسین جان
اولسون قربان ، سنه مین جان حسین جان
گلیپ بوگون جهانه حسین عزیز زهرا
اولوپ جهان گلستان گل آچدی باغ طاها

الله الله ، نه گوزلدی بو مولود
اولموش عالم ، اونون عشقنده موجود
تاپدی معنا ، کرم و بخشش و جود
خوشدی والله ، بیزه بو عید مسعود
گلیپ بوگون جهانه حسین عزیز زهرا

مولا مولا اولا مقدم مبارک
یوخ عالمده بوگوزلیقدا گویچک
گویچکلیقدا حَسَنَین اولدولار تک
گلیپ بوگون جهانه حسین عزیز زهرا
اولوپ جهان گلستان گل آچدی باغ طاها

گَلمز گویچگ ، بیله بیرده زمینه
گلدی رهبر ، اولا اهل یقینه
قانیلن سو ، ویره جاق باغ دینه
جانلار قربان اولا مولا حسینه
گلیپ بوگون جهانه حسین عزیز زهرا
اولوپ جهان گلستان گل آچدی باغ طاها

به به به به نه گوزلدی ضیاسی
گویچک گوزلر هامی دی مبتلاسی
مژده مژده گَلدی دَردین دواسی
اولسون عالم گوزلرینین فداسی
گلیپ بوگون جهانه حسین عزیز زهرا
اولوپ جهان گلستان گل آچدی باغ طاها

زیبا زیبا به لغت گشته معنا
معنای آن نام زیبای مولا
آمد تا که به جهان آن دلارا
شد معنا در دوجهان لفظ زیبا
گلیپ بوگون جهانه حسین عزیز زهرا
اولوپ جهان گلستان گل آچدی باغ طاها

بر پیغمبر تو شبیری حسین جان
بر ما مولا تو امیری حسین جان
سوزد در غم روز محشر ولائی
دستش را گر تو نگیری حسین جان

• پنج شنبه
• 27
• خرداد
• 1400
• ساعت
• 13:00
• نوشته شده توسط
• یوسف اکبری

زائر کرب و بلایم دیلده ذکریم یا حسین
عازم دشت بلایم دیلده ذکریم یا حسین

کربلانین سینه سینده بیرگوزل عطشان یاتیپ
حضرت زهرا عزیزی قانینه غطان یاتیپ
آلتی گوشه بیر مکاندا بیزلره جانان یاتیپ
عازم کوی منایم دیلده ذکریم یا حسین
زائر کرب و بلایم دیلده ذکریم یا حسین

سینه سی اوستونده شاهین تشنه لب اصغر یاتیپ
آلتی آیلیق بیر بالا قونداقی قان دلبر یاتیپ
اوخ دگیپدی حلقینه آهو باخیش گوزلر یاتیپ
درگهنده بیر گدایم دیلده ذکریم یا حسین
زائر کرب و بلایم دیلده ذکریم یا حسین

قسمت پایین پاده شبه پیغمبر یاتیپ
دوغرانیپ اعضاسی یکسر زادة حیدر یاتیپ
قانینه غلطان اولان مولا علی اکبر یاتیپ
راهی کوی وفایم دیلده ذکریم یا حسین

گنبد اوسته قرمری پرچمدی کی هر آن اسیر
گوز دوشنده پرچمه تیتریر اورکلر جان اسیر
کربلادن اوتری قلبیم قان اولوپ الان اسیر
عازم دشت بلایم دیلده ذکریم یا حسین

کربلاده حضرت عباسه واردی چوخ سوزوم
اوقلم قولّارینا قربان اولیدیم من اوزوم
کّف العباسی گورنده سنده توک قان یاش گوزوم
راهی سعی و صفایم دیلده ذکریم یا حسین

یاحسین بیرده ولایی لان چاغیر با هم گلاخ
دوتماقا کرب و بلاده حلقة ماتم گلاخ
ای حسین جان بیزده الده قاره بیر پرچم گلاخ
عاشق شاه ولایم دیلده ذکریم یا حسین

• دوشنبه
• 31
• خرداد
• 1400
• ساعت
• 18:00
• نوشته شده توسط
• یوسف اکبری

حسینه یئرلر آغلار گویلر آغلار
حسینه اهل محشر یکسر آغلار

حسینه آغلیوپدی اوّل آدم
آدین گورجک دوتوپدی قلبینی غم
توکوپدی گوز یاشین گوزدن دمادم
آتا ای وای بالام وای سویلر آغلار
(حسینه یئرلر آغلار گویلر آغلار)

اولوالعزم انبیا اولموش مکّدر
گدیپلر کربلایه زار و مضطر
توکوپلر گوز یاشین اوردا مکّرر
حسینه حضرت پیغمبر آغلار
(حسینه یئرلر آغلار گویلر آغلار)

حسینه آغلیوپ جن و ملک لر
حسین وای سسلنیپ دائم فلک لر
دوتوپ ذّر عالمیندن غم اورک لر
ائده هرکیم بو سّری باور آغلار
(حسینه یئرلر آغلار گویلر آغلار)

حسینه آغلیان چوخ مصطفی دی
رضای حقّه پیغمبر رضادی
شهادت نامه سیلن آشنادی
گلوسین غرق بوسه ائیلر آغلار
(حسینه یئرلر آغلار گویلر آغلار)

بو مظلومون اولا عالم فداسی
ائشیتدی بطنیدن بیکس آناسی
اناالمظلوم اناالعطشان صداسی
حسینه اوّلیندن مادر آغلار
(حسینه یئرلر آغلار گویلر آغلار)

حسینه آغلیوپدی عرش داور
جهاندا اولدی هر غمدن غمی سر
حسینه آغلیوپ عالم سراسر
حسینین ماتمینده حیدر آغلار
(حسینه یئرلر آغلار گویلر آغلار)

سوسوز باشین کسنده شمر کافر
بابام وای سسلنر اطفال مضطر
قاچار شمره ساری غمدیده خواهر
کسیک باش الده قانلی خنجر آغلار
(حسینه یئرلر آغلار گویلر آغلار)

شفاعت ائتماقا زهرای اطهر
الینده ساخلیوپ دخت پیمبر
ابوالفضلین قولون قنداق اصغر
گورنده قانلی کوینک محشر آغلار
(حسینه یئرلر آغلار گویلر آغلار)

حسینه آدم آغلار خاتم آغلار
ولائی نین آلار قلبین غم آغلار
گورر هر یئرده قاره پرچم آغلار
آدین ائیلر دیلینده ازبر آغلار
( حسینه یئرلر آغلار گویلر آغلار)

• پنج شنبه
• 3
• تیر
• 1400
• ساعت
• 11:12
• نوشته شده توسط
• یوسف اکبری

کتاب عشق کی اورگشماقی زمان ایستر
بودرسی آلماقیچین گونده امتحان ایستر
قاچار یالان دانیشان مدعی لر اولده
صداقتی اولانا عشقیدن نشان ایستر
بودرسه مایل اولان تئز آلار یارین گویلون
ویرر اگر بیله کی امتحاندا جان ایستر
نگار جام الستی یقینا" ایچما قیچون
بلی بلایه دییه ن شخص جانفشان ایستر
خلیل اولاندا گره ک الده بیر ذبیح آپارا
کی ابتلاچولونه گیتماقا توان ایستر
بوامتحانه شب قدر وکوفه لازمدی
علی و مسجد ومحراب وباشداقان ایستر
او موقع سسلنه فزت ورب کعبه علی
بلی علی کیمی انسان نکته دان ایستر
حسین خیامینی حفظ ائتماقا عدولردن
رشیده زینب وعباس قهرمان ایستر
بوامتحانه حسین الده بیر سوسوز سوت امر
بوغازی بیچماقا اوخ طفل خوشزبان ایستر
بوامتحانه سوسوز خیرداقیز آتاصبری
بوامتحاندا علی اکبر جوان ایستر
آنابالاسینی گورسه رشید اولوپ سویونر
جوان اولان اوغولی اوندا مثل جان ایستر
گورنده قانه باتیپ صورتی جوان بالانین
آنادا هرکیم اولا صبر بیکران ایستر
بو امتحاندا کیچیک قیزلارا شیرین دانیشیق
اتک اولاردان آلیپ گیتماقا توان ایستر
بو امتحاندا دولارسینه سی سوتیله رباب
اوبوش بشیک اگیلن قامتی کمان ایستر
بوامتحاندا خانم زینبه بویوک بیر صبر
دگنده تشنه لبه چوب خیزران ایستر
بو باش حسین باشیدی قانی آللاهین واللاه
اوباش کی خولی تنور ایچره میزبان ایستر
حسینه آغلاما قا انبیا گلر بیر باش
آناسی فاطمه تک اوردا نوحه خوان ایستر
امام من سن آنان جانی ویر بوجمعه برات
قوناقینی بیلیرم یاخشی میزبان ایستر

• پنج شنبه
• 3
• تیر
• 1400
• ساعت
• 11:26
• نوشته شده توسط
• یوسف اکبری

سنه دل داغلیانلار قربان
غمونده آغلیانلار قربان
حسین جان کربلا، کربلا،

آدی ورد زبان کربلا
جنّت جاودان کربلا
باغریمیز اولدی قان کربلا
حسین جان کربلا، کربلا،

حسرتونده ئورکلر قاندی
داغ هجرونده دللر یاندی
تربتون دردلره درماندی
حسین جان کربلا، کربلا،

سنده باشلاندی غم طوفانی
آخدی لب تشنه شاهون قانی
ائتدی معنا بو قان قرآنی
حسین جان کربلا، کربلا،

سنده زهرا دلی داغلاندی
خوردا قیزلار عطشدن یاندی
زینبون قولّاری باغلاندی
حسین جان کربلا، کربلا،

سنده بیر شیرخوار اوخلاندی
غملی قلبی ربابین یاندی
قاسمون پیکری دوغراندی
حسین جان کربلا، کربلا

• دوشنبه
• 7
• تیر
• 1400
• ساعت
• 12:25
• نوشته شده توسط
• یوسف اکبری

ای گل باغ تبارک
یاحسین مولاحسین
مقدمت بادا مبارک
یاحسین مولاحسین

یابن زهرا .. . جان طا ها
یک نظرکن ... عاشقان را

حسین روح و روانم
حسین آرام جا نم
نظرکن یابن زهرا
گد ا ی آ ستانم
یا حسین مولا حسین <۲>

می تبد دلها برا یت
یاحسین مولاحسین
هستی عالم فدایت
یاحسین مولاحسین
کاش می شدتوتیای
چشم من ای دلربا
خاک پایت خاک پایت
یاحسین مولا حسین

یا بن زهرا ... جان طا ها
یک نظرکن ... عاشقان را

حسین روح روانم
حسین آرام جا نم
نظرکن یابن زهرا
گد ا ی آستا نم
یاحسین مولا حسین <۲>

نور مصباح هدایت
یاحسین مولا حسین
مشعل مشکات خلقت
یاحسین مولا حسین
عاشقان را عیدیانه
یک برات کربلا
از کرم بنما عنایت
یاحسین مولاحسین

یا بن زهرا ... جان طاها
یک.نظرکن... عا شقان را

حسین روح روا نم
حسین آرام جا نم
نظرکن یابن زهرا
گدای آ ستا نم
یاحسین مولاحسین<۲>

جسم عشقین جانی سنسن
یا حسین مولا حسین
جان عشقین کانی سنسن
یا حسین مولا حسین
دردمندم دردیمه
درمان ائله ای دلربا
دردمین درمانی سنسن
یاحسین مولا حسین

یابن زهرا ... جا ن طا ها
یک نظرکن... عا شقان را

حسین روح روانم
حسین آرام جانم
نظرکن یابن زهرا
گد ا ی آ ستا نم
یاحسین مولاحسین<۲>

• جمعه
• 11
• تیر
• 1400
• ساعت
• 11:13
• نوشته شده توسط
• یوسف اکبری

صبر ایله چوخ داریخما بو روزگاره زینب
چوخدور اگر چه مِحنت گَلمز شماره زینب

هیهات حَقّ و باطل بو دَشتیده باریشسون
ششماهَه مون غمینده عالم گرک قاریشسون
اووچی وجودینه هر درد و بلا ساریشسون
رحم ائتمیوبدی دیلسیز یورقون شکاره زینب

دیلسیز بالام اَلیمده دوشمیشدی پیچ و تابه
گُل پیکرین بو چولده تاپشورمیشام تُرابه
بوش گاهواره قالدی بختی قرا رُبابه
یولاردا هَمدم اول سن اول بیقراره زینب

قان دستَمازَه حاجت واردور اِطاعَتیمده
لازمدی کُهنه کوینک وقت شهادتیمده
زهرا وئرن لباسه ایندی بو حالتیمده
وادور نیاز مُبرم اول یادگاره زینب

آردیمجا قویما گَلسون مَحزون اولان بالامی
گویده بُلوط مثالی یرده دولان بالامی
طوفان کربلاده گُل تک سولان بالامی
آفت یِتر یقینا بو گُل عُذاره زینب

بو نهضتون دَوامی اِبقا اولار سنیلن
تَرویج دین احمد اجرا اولار سنیلن
هر درد و هر مِحنده زهرا اولار سنیلن
معناده گَل قولاق وئر سن آه و زاره زینب

• جمعه
• 11
• تیر
• 1400
• ساعت
• 14:45
• نوشته شده توسط
• یوسف اکبری

ای گئدن کرب وبلایه منیده یادووَه سال
عمل ائت رسم وفایه منیده یادووَه سال

یولی بینُ الحَرمینه سالاجاقسان بیلورم
نظر ائت مروَه صفایه منیده یادووَه سال

دئمه که گنبد عباسه گوزوم دوشدی او دَم
باخوسان هاشمی آیه منیده یادووَه سال

صدقیلن آغلا علمداریدن آل اِذن دُخول
زائر اولسون شهدایه منیده یادووَه سال

بِله سانما بو زیارت هامیا قسمت اولار
سالوب الله سنه سایه منیده یادووَه سال

آستانیندن ئوپن وقتی حسینون دِئ آقا
ائت کرم بو فقرایه ، منیده یادووَه سال

پایِ پادَه اوخیان وقتی زیارت نامه
اکبری سَسله هَرایه منیده یادووَه سال

اصغرین وار هَوسی زائرینون لایلاینا
لای لایون گلسه نوایه منیده یادووَه سال

بوینی چگنینده دایان اوغلی ئولَن بیر نَنَه تَک
نوحه دِئ خوردا هُمایه منیده یادووَه سال

مَقتل شاه شهیدانه طرف چوخ گِئتمه
باخ اوزاقدان او مِنایه مَنیده یادووَه سال

اورا بیر یردی که اوردا باش آچار خَتم رُسل
گَلر عَرش اهلی بُکایه ،منیده یادووَه سال

اوردا بَند دل زهرانی قِیروب کافر اَلی
باخ او مَعناده عزایه منیده یادووَه سال

چوخ دایانما ایکی اَل سینووُن اوستونده قَیت
آچ دیلی ذکر و دُعایه منیده یادووَه سال

بیر گونی تُپراقین آلتیندا دِیرسَن (نادر)
ای گئدن کرب و بلایه منیده یادووَه سال

• جمعه
• 11
• تیر
• 1400
• ساعت
• 17:41
• نوشته شده توسط
• یوسف اکبری

هربیرغزل که عشق اولاعنوانی خوشلارام
یارین آدیلا دفتر و دیوانی خوشلارام

طبعیم قوشی قَنادین آچوب بیرده اوچماقا
وصل عالمینده سَسلدی هجرانی خوشلارام

جَنّاته شامل اولسام اگر یاری گورمَسم
جَنّاتی نیلورم رُخ جانانی خوشلارام

چوخلار یازالّا لعل لب یاریدن غزل
من لَبلر ایچره بیرلب عطشانی خوشلارام

بوسه ائدردی فاطمه تِز تِز همین لَبی
لایلای سسینده غُصّه لی اَلحانی خوشلارام

اَرکان مَذهبیمدی حسینون گوزل آدی
من بو حسین آدیلا بو اَرکانی خوشلارام

حاشا وئرم بو رَخت عَزانی صَدارته
بزم عزای شاه شهیدانی خوشلارام

اِخلاصیم اولساشعریده گرمُحتَشم کیمی
طاها اَلیله خَلعت شایانی خوشلارام

سِیر خیالی یثربه سالّام گجه یلَه من
نِی تک سیزیلدارام گجه اَفغانی خوشلارام

باغلی قالان اُطاقلاری گوررَم خیالیده
یاننام باخاندا سینهء سوزانی خوشلارام

اکبر اُطاقینون توزونی سُرمَه ایلَرم
باغریم کول اولسا لالهء نُعمانی خوشلارام

گورم ربابی گون قاباقیندا دوتوب عزا
چَن قوزاناندا قلبیده طوفانی خوشلارام

اَسسَه سحر نسیمی اگر صحن گلشنه
گُل یاپراقیندا شَبنم غَلطانی خوشلارام

فکر ایلَرم رقیّه دی گوز یاشینی اَلور
پوزقون جمالی زُلف پریشانی خوشلارام

بوینون قویاردی چِگنینه هرگون باتان چاغی
یاده سالاندا دیده ی گریانی خوشلارام

آز قالدی(نادرا)چیخا دان اولدوزی گِنه
نوحه یانیندا نَغمهء قرآنی خوشلارام

• شنبه
• 12
• تیر
• 1400
• ساعت
• 16:52
• نوشته شده توسط
• یوسف اکبری

عاشق بَلانی عشقینه بیر آرمان بیلر
جان نَقدی اَلده یاره اونی اَرمغان بیلر

عشقین یولوندا جام بَلا نوشیدور اونا
طاووسی آختاران رَه هندوستان بیلر

چوخلار مَجازون اَهلیدی غافلدی عشقیدن
نَفسیندَن ئوتری عشق سوزون داسِتان بیلر

فرهادکوه کَن غَلط عاشق قویوب آدین
داش سِیندیران نَدورئوزونی سِیندیران بیلر

گرچه بو سِیندیران اولوری عیب قافیه
اهل اَدب وَلیکن اونی شایگان بیلر

عَنقاکیمی قَنادلانار عشق اهلی اوج اِئدر
هاردا بو قافی شب پَره لَر آشیان بیلر

شیریندی شَهدیدن بو یولون هَر اذیّتی
منصور او داریده مگر آزار جان بیلر ؟

عاشق بویانسا باشدان اَیاقه قِزل قانا
ِ‌‌اِئتمَز گِلایَه یاری گنه مهربان بیلر

نفس سلیمِ زاده ی خیرُ النّسایه باخ
گرداب عشقی تخت زَبرجَد نشان بیلر

واحد قالوب او چولده حسینِ بنِ فاطمه
جدّی گورَن مَصائبی صاحب زمان بیلر

قوریان دوداقلاری دگوب آهسته بیربیره
قرآن آچیلدی اهل سَماوات عیان بیلر

جدّ مُطهّریمدی دئدی خَتمُ الاَنبیا
وار اَشرفیّتی هامیا اِنس و جان بیلر

حیدر ولیّ حَق اَسَدُاللّهیدور آتام
خالق اونون حریمینی خَط اَمان بیلر

بیر گون گلر که مَاذَنَه ده حق مُوذّنی
شیر خدانون آدینی زِیب اَذان بیلر

زهرا آنامدی ، اُمِّ اَبیهادی جَدّیمَه
کَرّوبیاندا شَانینی عرش آستان بیلر

مَهریَّه سی همان نَنَه مون بو فَراتیدور
تَحریمینی رَوا منه بو کوفیان بیلر

عطشان دوداقلاریم یانوری پارچا پارچادی
بوسه اِئدنده لَبلَریمی خیزَران بیلر

من مِحورم بو دایره ی قُطبِ خلقته
خالق حریمِ دینه منی پاسبان بیلر

آزاد ائدن او فُطرسی گردابیدن منم
گویلر سَحاب رَحمتیمی بیکَران بیلر

مَروَه صَفا و معنی غار حَراء منم
معصوم مُطلقم هامی اهل جهان بیلر

عین مِنا منم ، شرف ماسَوا منم
خالق حسینی قبلیه روح و روان بیلر

زور و زَریله سَلطنته لا دِیَن منم
خیبر شِکن آتامدا منی قهرمان بیلر

نامردلَر صَفینده گرفتار اولان حسین
میدان جنگی مَعرکهء امتحان بیلر

امّا ئورک باشیندا منیم واردی بیر یارام
هرکیمسَه نون که اوغلی ئولوبدور جوان بیلر

مین اوغلوم ئولسه ده گنه ظُلمه باش اَگمرم
گَلَه خطرده اولسا اَزلده شَبان بیلر

انگشترین وئروبدی رکوعینده مرتضی
حاتَم گِدادی دَرگهینه این و آن بیلر

منده همان سَخالی سلیمانون اوغلیام
دیداریمه گلر بو گجه ساربان بیلر

انگشتریله بارماقیدا وئرم اوستَلیک
خَنجر گورَر سخاوتیمی میهمان بیلر

اولسون خلاص(نادر)اگر قِید نَفسیدن
زهرا سنی حُسینینه بیرنوحه خوان بیلر

• شنبه
• 12
• تیر
• 1400
• ساعت
• 17:05
• نوشته شده توسط
• یوسف اکبری

بیر مُطرب عَیّار کمال آدلی واریدی
هرشام وسحر مونسی تَنبور وتاریدی

مین شوقیله هرمجلس اَرا تاری چالاردی
خوش صوتیله آواز اوخیاردی زَر آلاردی

آوازینون آوازه سی چون هَر یِرَه دولدی
ارباب حکومتله اونون گئت گَلی اولدی

عیشیله بِله قافله ی عمری سورردی
مِضرابی اونون بَزمیلره شور وئرردی

آثار شَبابین گجه گوندوزلَر آپاردی
ایللَر سووشوبدور او قَرا زُلفی آغاردی

دیشلَر توکولوب یوز قِیریشوب قَدّی بوکولدی
یوخسوللوقونون دَردیده درد اوسته توکولدی

بارماقلار اَسور گوشه اَفشاره دولانمور
ماهوری گزوب شور همایونی چالانمور

نَه سَسده مَلاحَت اونا قالمیشدی نَه یارا
هِئچ بزم سُروره یوخیدی دعوتی اصلا

تار اَلده دوشوب بَرزَن و بازاری گَزردی
دیل یاره سی بیچاره نی هَریِرده اَزردی

قصد ائتدی گِئده بیر گونی دربار اَمیره
ئوز دردینی شاید دیَه سلطانه ، وَزیره

گلدی دَر درباریده تار اَلده دایاندی
یاداِئتدی کئچَن گونلرینی صبری جالاندی

امیدیله دربارین او دَم زَنگینی چالدی
دربان اوجادان سَسلدی آدین خبر آلدی

سَس وئردی کَمالم تاریمون شُهرتی واردی
قصر اهلی منیم صوتیمیله اُلفَتی واردی

بو قصریده من چوخ گجه لَر عمریمی قویدوم
افسوس ولی عیش لباسین بِله سویدوم

گَل آچ قاپونی قویما اولا کونلومی شان شان
سلطانه دیوم دردیمی بَلکه ائده درمان

آچدی قاپونی غیضیله دربان حکومت
تَعلیم آغاجی اَلده وِروب تارینه ضَربت

دورما دئدی تِز گِئت سنه وئردیم بِله هُشدار
حاشا که سنی بیرده قبول ایلیَه دربار

فرمان مولوکانَه دی، ای مَردک جاهل
هر بی هنر اشخاص اِئده بیلمَز اولا داخل

آغلار گوزیلن دوشدی یولا تاری شکسته
بو غمده اولوب اوستَه لیگ اول غملَرین اوسته

گون باتدی گجه گلدی شَفق رنگی قَرالدی
چولدن چوله دوشدی یولی ویرانیه سالدی

بیر گوشه ی ویرانه ده اَگلشدی پریشان
سینه دولی غم ،قلبی سینیق،گوزلری گریان

پاره چاریقا بیرده سینان تارینه باخدی
هی آه شَرر باری چَکوب گوزیاشی آخدی

دیواره قویوبدور یوزونی گَلدی نوایه
تاری بیر اَلینده بیر اَلی قالخوب هوایه

عرض ائتدی بِله ساحَت مَعبوده اوساعت
ای سائله رَحم ایلین ای صاحب عِزَّت

سندنصورا یوخ ایندی منیم حالیمه آگاه
چالّام سنه خاطیر بو گئجه تاریمی آلله

بیر هاتِف غیبی ائله بیل گلدی نِدایَه
سَس قوشدی او دیوار خرابه بو نَوایه

خوش گلموسن ای بنده گِجیلَه منه ساری
عشقیله بو ویرانه ده دور چال گِنه تاری

سینماقی بو تارین سنه قویما اولا نِسگیل
وئردی او سینان تارووُه قیمت بوسِینان دِل

گر اولماسا شهر ایچره سنه ایندی خریدار
قویما اَلووِی قوینووا دور ایستیَه نون وار

حسرت داشین آت ایله او مِضرابوی حاضر
من مشتریم چالماقووا ، چال منه خاطر

بو یرده اِلهی ئورگیم داده گلوبدور
خامه اوخ اولوب مَخزَن آلامی دَلوبدور

ای لطفی کمالون یازیلان بَختینه همراه
رَافَتله سینان تاره بَها بَذل ائدن الله

منده اوخورام مجلس اَرا ای حَقِ مَنّان
نالَم اِئلیَر اهل دِلی بَزمیده نالان

هر کیم غزلی خوشلادی بیر نور دو عِینَه
منده یازارام فاطمه نون اوغلی حُسینه

آتدیم او جوانلیق گوهرین مَقدم یاره
اول یاره کی باشدان اَیاقا پیکری یاره

رَه توشه سی یولدا قوتاران اِبن سَبیلَم
بیر قوملارون اوستونده یاتان شاهه دَخیلم

وئررم سنی یارَب قسم اول شاه حجازه
گودالیده کی سجده یلَن راز و نیازه

عَدلونله یامان گونده بیزی چَکمه حِسابه
عُفو ایله حسین خاطیرینه سالما عذابه

کیم تاپدی حسینون قاپوسین (نادر) اوجالدی
عِزَّت قازانوب کیمسَه بو دَرگَه ده قوجالدی

• یکشنبه
• 13
• تیر
• 1400
• ساعت
• 22:03
• نوشته شده توسط
• یوسف اکبری

غُربت سَرای عشقیده بیمارووَم حسین
بوننان چَتین بلاده گِنه یارووَم حسین

نقّاش دَهر چکسه بَلیّاتَه دایره
صبرعالمینده نقطهء پرگارووَم حسین

مین یول یولوندا جانیمی گرجان سِتان آلا
هرجان وِئرنده طالب دیدارووَم حسین

ای شاه ملک جان بو یری پایتخت ائله
منده سَفیر دولت بیدارووَم حسین

گون باتدی آی چیخوب گوزه گلدی ستاره لر
گلدیم گجه یله مقتله ،زوّارووَم حسین

مندن قاباق کیمیدی قوناقون بیان ائله
سانما غریبه مَحرم اَسراروَم حسین

عطری گلور جوان نَنَه مون قتلگاهیدن
من جان نثار عطرووَم عَطّارووَم حسین

پَرپَر گورنده ئوز گُلونی نیلدی نَنَم
بونسگیلونده دیده سی خونبارووَم حسین

آز قالدی چوللَری قولی باغلی باجون گَزه
یوخدور سوزوم که ناشِر گفتارووَم حسین

بیر غم وَلیک بو سفر اوسته یورار منی
سن چاره ایله سائل دربارووَم حسین

بو گُل جنازووِی کیمه من تاپشوروم گئدیم
ای غسلی قان ئولونجه عزادارووَم حسین

(نادر) اگر چه شعر یازار ،لیک من ئوزوم
هر بیر مکاندا ناشِر اَشعارووم حسین

• یکشنبه
• 13
• تیر
• 1400
• ساعت
• 22:12
• نوشته شده توسط
• یوسف اکبری

حسین که ایلَر ، وداع آخر ،
یول اوسته یولّار حسینه آغلار

نه واردی یاور ، نه بیر برادر
یول اوسته یولّار حسینه آغلار

قدم آتاندا جهاده مَرکب
گوروبدی جام غمی لَبالب
اَل آتدی باشه وفالی زینب

غَریب و مُضطر ، گور اوندا نیلَر
یول اوسته یولّار حسینه آغلار

دئدی آماندور ، حالیم یاماندور
او ذوالجناحی بیر آز دایاندور
نَنَم دِیَن گون بوگون هماندور

دوزولدی غملر ، هایاندا مادر
یول اوسته یولّار حسینه آغلار

او غملریمدن بو غم گلور باش
دِیَم جهاندا همیشه ایکاش
باجی ئولیدی قالیدی قارداش

روادی گویلَر ، دئسونله یکسر
یول اوسته یولّار حسینه آغلار

روادی گلسون جهان فغانه
باجون فدادور او خسته جانه
دونوبدی قَدّون نَدن کمانه

اوولدی گُللر ، اَسَنده صَرصَر
یول اوسته یولّار حسینه آغلار

• دوشنبه
• 14
• تیر
• 1400
• ساعت
• 12:09
• نوشته شده توسط
• یوسف اکبری

در آهنگ این ندا آمد زسوی ...

شد شکوفا غنچه ی باغ جنان مولا حسین
شمس نورانیِّ ارض و آسمان مولا حسین
سرور آمد دلبر آمد
شیعیان را رهبر آمد
یا حسین جان 2

جشن میلاد حسیـــــن خُـــرَّم دل اهل ولا
موج شادی پر کشیده تا سما عرش خدا
نور باران شد بهشت و اهل جنت شادمان
مژده بــــر زهرا و پیغمبر ،علی شیر خدا
نور حیِّ داور آمد
شیعیان را رهبر آمد

جان فدای مقدمت آن مقدم نیلوفـری
آسمان عشق را تابنــــده نور اخـتری
لَنگر دیـــن مُبینی دِلبر خــــیرالنساء
شاه دشت کربلایی بند قلب حیدری
نو گل پیغمبر آمد
شیعیان را رهبر آمد

ترکی

گلـــــــدی دنیایه شَـــــهِ والا مقام کربلا
غنچــــــه ی باغ پیمبر میوه ی خیرالنساء
مژده اولسون حضرت شاه ولایت حیدره
اولدی نورانی بوگون بیت علی المرتضا
غیرتین معناسی گلدی
شیعه نون آقاسی گلدی

سرور اهل ولا محبــــوب جنتدور حسین
بیر امیر با درایت کــــان عزتدور حسین
بیر گوزل پایدور ویروب الله بونی دنیالره
رهبریم تاج ســریم والله قیامتدور حسین
قلبیمون احساسی گلدی
شیعه نون آقاسی گلدی

بو گجه جشــــــن ولادتدور عنـایت قیل آقـــا
عیدیانه ویــــر بیزه ای معــــدن جود و ســـخا
سسله (پویا ) هامی بیلسون که حسینون مستی سن
ویر بو جـــمعه یا حسین عیدی بــــرات کربلا
جنتون زیباسی گلدی- شیعه نون آقاسی گلدی

• جمعه
• 18
• تیر
• 1400
• ساعت
• 13:33
• نوشته شده توسط
• یوسف اکبری

واروم دی دیلده آقا هوای کرببلا
دیــوللر گورملیدی صفای کرببلا

آقا ارورک داریخور نجه دوزوم غمیوه
سن ایسته تا که گلــــوم او قنلی مقتلیوه
باخوم او گنبــدین اوسته قانلی پرچمیوه
نه غمـــــــلی منظـــره دورلوای کرببلا

حسین حسین نه حسین تمام عشق و وجود
تمام ما خلـــــق ایلیر او شــــاهه سجود
فــــدای اکبــــر اولار تمـام بود و نبود
حسیندن عزت آلــــــوب بهای کرببلا

نه کربلا ایشیدن چیخر هـوشی باشدان
یاتوب اویرده حسین یـارالیدی باشدان
دیوبدی آنناداش سـوزور قانی قاشدان
نجه یانقلی اولـــــــوب بلای کرببلا

زمین کرببلا نـــــــــوالی نغمه سی وار
اویر بلالی اولوب غریبه صحنه سی وار
یارالی فاطمــــه تک نجه رقیه سی وار
عجب ایشیتملیدی نــــــوای کـــرببلا

او یرده زینبون آهی گوگلره اوجـالوب
یارالی قارداش اولوب باجی قرارین آلوب
حسین غمینده باجی قرانـی باشه سالوب
کی قلبی قــــــان ایلیر عــــزای کرببلا

حسین حسین نه حسین فدا اولوم آدینا
گجه گونوز اورگیم اسر اونـون یادینا
بهشتی ویــــرمیرم بـــــالاجا بیر باغینا
بو قلب زاریم اولوب گــدای کرببلا

اویـــــرده قـــــانه باتوب پیمبـره بنذر
اون اوچ یــاشوندا بالا حسینه بیـر دلبر
یتمیش ایکی عاشق هر تکی بیر لشگر
ایدوبله جانلارینی فــــدای کـــرببلا

قاچوبدی چوللره اهــــل بیت اطهاری
دیردیلر عمو جان دای ایتمروخ زاری
گل اولدورله عمــــــو یتیمه قیزلاری
سمالره اوجـــــــالوب صدای کرببلا

یاتوبدی بیر یـــــــــارالی کنار علقمده
سو مشکی پاره لنوب اولوبدب شرمنده
که یعنی من خجلم اورک یانور غمده
علم یاتوبدی اولــــــوب قوای کرببلا

وروبدی حرمله اوخ علی کیمین ماهه
او یرده خسته یاتوب یارالـی ششماهه
غمینده اوت قالانوب یانقلی در گاهه
اودور که احمر اولوب سمای کرببلا

• دوشنبه
• 21
• تیر
• 1400
• ساعت
• 22:23
• نوشته شده توسط
• یوسف اکبری

شهید لر بــــــاشه قــــویدی تاج جاهی
حق اوستونده یاتــــوبلار ،قان ، گواهی

هامی مدیـــــــون یــــاران خُــــدایوخ
بولار دور اللــــّهون مُخـــــلص سپاهی

گلون قــــــدرین بیـــلاخ یاران عشقین
بولاردور آسمـــــانــــــون نور و ماهی

لیـــــاقــت ایستیــــر والله شهــــــادت
گرک اخــــلاص اولا ،اطـــهر نگاهی

شهید لـــــر گیتدیلر دیـن زنده قالسون
بوکشـــــور ده اولاردی دیـــن تباهی

بو یول بیـــــر یولدی مقصد کربلادی
گرگ بیـــــزده گیداخ اول شاهراهی

دیـــــدی اربابیمــــــیز کرب و بلاده
چخـــــــان جـــــــانلـار یـــــا الهی

باشیـــــن کسدی اوقــــوم بی مروت
گویه قــــــوزاندی زهرا سوز و آهی

دیــــدی یا رب حسینیمدور بو قربان
حق اوستونــده یاتوبدور یوخ گناهی

جدایـــــه وردولار بـــاشین حسینون
داشیلـــــن وردولار اول نازلی شاهی

یارلیــــــدی حسیـــــن اول قتلگهده
دنن (پویـــا ) یوخیــدی داد خواهی

• سه شنبه
• 22
• تیر
• 1400
• ساعت
• 11:14
• نوشته شده توسط
• یوسف اکبری

ترک ایلدی جهانی بوگون نوکر حســین
بیر عمر اولـــــدی ذکر دلی اَزبر حــسین

استـــــاد مکتب اولــــدی زمانــی، اهالیه
نشـــــر ایلیوبدی عِلمینی بی مـــزدِ عـالیه

زحمت چکوبدی مسجد و هیئتده شوقیلن
اولدی بیر عمری خــادم سلطــان بی کفن

عمری حسین فاطــمیه اولدی روضه خوان
گه سینـــه وردی گــه اولوب اربابه آغلیان

پنج شنبه نون گونونده ایدوب ترک عالمی
محــــزون ایدوبدی اهل عزانی بونون غمی

سسلنــــدی هر اذانیـــــده الله و اکــــبرین
یا رب باغشـــــلا شــــاه شهیدانه نوکرین

چوخ ذکر یا حسین دیوب هیئتده آغلادی
بزم عــــزاده باشه وروب سینـــه داغلادی

تشییع اولـــــوبدی پیکری گور نه جلالیلن
اما حسین فاطـــــمه دفـن اولدی بی کفن

هیچ غم حـــسین غـــمینه یتیشمز جهانیده
مظلوم اولــــوبدی شـــــاه شهیدان زمانیده

اوچ گون قالوبدی کرب و بلاده جنازه سی
ایستی قــوم اوسته یاتدی جنانون ستاره سی

زهرا و حیـــــدر آغلادی سسلندی جان بالا
لای لای سوســـوز یارالی اولــن شاه کربلا

بو حاله کیـم سالوب سنی شل اولسون اللری
آغلاتـــدی کــــــربلا غمی زهرا و حیدری

کیم سسلســـه حسین آدینــــی سرفراز اولار
درگاهینه کیــــم اولســــا گدا بی نیـاز اولار

خوش حالینه او کس کی حسین دادینه گـله
تاریکیـــــده ایشیق ســــالا فــــریادینه گـله

آقا دیسون نکیر و منــــکره خادمدی بـو منه
زینت اولوبــــــدی یـاسیمه هم غملی گلشنه

(پویا) امید ین اولسو حسین ، جان ویرن زمان
باشمــــیز اوستـــــه حاظر اولار اولما ناگران

• سه شنبه
• 22
• تیر
• 1400
• ساعت
• 11:15
• نوشته شده توسط
• یوسف اکبری

شد شکوفا غنچه ی باغ جنان مولا حسین
شمس نورانیِّ ارض و آسمان مولا حسین
سرور آمد دلبر آمد
شیعیان را رهبر آمد
یا حسین جان 2

جشن میلاد حسیـــــن خُـــرَّم دل اهل ولا
موج شادی پر کشیده تا سما عرش خدا
نور باران شد بهشت و اهل جنت شادمان
مژده بــــر زهرا و پیغمبر ،علی شیر خدا
نور حیِّ داور آمد
شیعیان را رهبر آمد

جان فدای مقدمت آن مقدم نیلوفـری
آسمان عشق را تابنــــده نور اخـتری
لَنگر دیـــن مُبینی دِلبر خــــیرالنساء
شاه دشت کربلایی بند قلب حیدری
نو گل پیغمبر آمد
شیعیان را رهبر آمد

ترکی

گلـــــــدی دنیایه شَـــــهِ والا مقام کربلا
غنچــــــه ی باغ پیمبر میوه ی خیرالنساء
مژده اولسون حضرت شاه ولایت حیدره
اولدی نورانی بوگون بیت علی المرتضا
غیرتین معناسی گلدی
شیعه نون آقاسی گلدی

سرور اهل ولا محبــــوب جنتدور حسین
بیر امیر با درایت کــــان عزتدور حسین
بیر گوزل پایدور ویروب الله بونی دنیالره
رهبریم تاج ســریم والله قیامتدور حسین
قلبیمون احساسی گلدی
شیعه نون آقاسی گلدی

بو گجه جشــــــن ولادتدور عنـایت قیل آقـــا
عیدیانه ویــــر بیزه ای معــــدن جود و ســـخا
سسله (پویا ) هامی بیلسون که حسینون مستی سن
ویر بو جـــمعه یا حسین عیدی بــــرات کربلا
جنتون زیباسی گلدی- شیعه نون آقاسی گلدی

• پنج شنبه
• 24
• تیر
• 1400
• ساعت
• 14:06
• نوشته شده توسط
• یوسف اکبری

یاحسین بیر سنون عشقون منی بازاره چکوب
شکَّر لطفودی طوطی کیمی گفتاره چکوب

روز ازلده سنون عکسوی دل ملکونده
مانی عشق گوزل وجهیله دیواره چکوب

گر تاپام عشقی مُنقّش ایلین نقّاشی
سوروشام او منی علّت ندی آواره چکوب

ناز چکماقلقا عاشق، ولی نقّاش ازل
ایتماقا ناز همیشه نیه دلداره چکوب

سلطنت ایلوری ملک دله عشقون شاهی
من مسکینی اوزی اولدوقی درباره چکوب

رشته زلفی سالوب گردنیمه لیلی مثال
منی مجنون ایلیوب آردیجا کوهساره چکوب

آتش شمعه گرکدور یانا هر پروانه
عشقیده بلبل شوریده نی گلزاره چکوب

من یعقوبونی عشقوندی ایدوب دیوانه
هر گون، هر آی، هر ایلی کوچه و بازاره چکوب

• دوشنبه
• 28
• تیر
• 1400
• ساعت
• 15:25
• نوشته شده توسط
• یوسف اکبری

امام ساجده امر ایتدی خالق بی چون
وجود شاه شهیدانی ایلسون مدفون

گلوبدی دشت غمه امر کردگاریله
بنی اسد ائلینی گوردی آه و زاریله

بلا چولون دولانوللا غمین و سرگردان
بو امره چاره تاپانموب ائدوله آه و فغان

بویوردی سید سجاد اولمیون محزون
منه کمک لیق ایدون، ایلیوم اوزوم مدفون

یتیشدی قتلگه ایچره عیان و بی پرده
گلوب دایاندی آتاسی یخلدیقی یرده

او کعبهء دلی اوّل طواف ائدیب محزون
گوتوردی اللری اوسته آلوب، اولوب دلخون

دیدی بو حنجریوه کیم قویوبدی خنجرینی
جفا الیله بابا کیم سویوبدی پیکریوی

اووپوبدی گل کیمی ایگلردی جسم یاره سینی
حصیره قویدی او دم نعش پاره پاره سینی

گیدوب تاپوب گتیروب اول ایکی گل ترینی
قویوبدی سینه سی اوسته کسیلمیش اللرینی

گینه بلا چولونون آختاراردی توپراقینی
تاپوب گتیردی فغانیله خیردا بارماقینی

قویوب مزاره حسینی گوزونده اشگ روان
باخوب وجودینه گویا ایدوب بو نوعی بیان

یات ای جنازه سی اوچ گون قوری یر اوسته قالان
یات ای عیالینی بو فرقتیله درده سالان

یات ای آناسینی جنّتده نالیه گتیرن
یات ای اوز عهدینی معشوقیله باشا یتیرن

یات ای خیامینی اشرار ایلین غارت
یات ای قیامی اولان کل عالمه عبرت

یات ای شرار جفائیله خیمه گاهی یانان
جفا الیله سولوب گلشنی، گلی سارالان

یات ای باشی کسیلن، ای بناتی غارت اولان
یات ای کرملی الی ساربان الینده قالان

یات ای باشی دالیدان ذبح اولان بابام لای لای
حنوطی خاک اولان غسلی قان بابام لای لای

باشی جدایه گئچن، نعشی اوسته آت چاپیلان
اَتی قانی سوموگی بوردا توپراقا قاتیلان

یات ای گئدن اوزوگی بارماقیلا یغمایه
قرآن کیمی داغیلان جسمی آیه به آیه

اجازه صادر ایله ای جهانیانه امیر
قالوبدی گونلر ایوینده یارالی طفل صغیر

گیدوم تاپوم گتیروم یاره وه سالوم مرهم
قویوم مزاریده راحت یاتون ایکیز باهم

دوروب ایاقه گوزینده سرشگی قانه دونوب
دیدی الهی بیزه گردش زمانه دونوب

بیر آز دولاندی او ساعت دیاری سرگردان
ساتاشدی گوزلرینه اوندا غنچهء خندان

آلوب قوجاقه دوداقین قویوبدی اوخ یرینه
قبیله اهلی ایدیب ناله، دگدی بیر بیرینه

دیدیله کیمدی بو غنچه بو نوعی پوزدی سنی
بیزیده نالیه گتدی بونون غم و محنی

اورکلنوبدی توکوب عارضه گوزیندن یاش
آناما سویگولی بو طفلدور منه قارداش

آتامون اللری اوستونده قانینه بویانوب
دگوب بوغازینه پیکان دیسگینوب اویانوب

بونون غمی هامی آل اللهه بیوک غم اولوب
اودور کی اشگیم آخور عارضیمده بیر یم اولوب

گلون سسیمه ویرون سس دیاخ اورکدن وای
آناسینون دیلیجه اوخشیاق دیاخ لای لای

دیاخ قانین سو یرینه ایچن بالام لای لای
قلج کیمی بوغازین اوخ بیچن بالام لای لای

آغ اونوگی بویانان قانه وای بالام لای لای
کنوز عشقیده دُردانه وای بالام لای لای

غم آتشی آقامون قلبینی آلیشدیردی
گتیردی سینه شاهنشهه یاپیشدیردی

بویوردی یات آتاوون سینه سینده ناز ایله
آنان فراقینه دوز آجّا سوز و ساز ایله

یات ای شرار عطشدن یانان دلی دوداقی
یات ای قانا بویانان ظلمیله الی ایاقی

یات ای آخان قانی عرش خدایه زیور یات
اولان خدنگیله غنچه زمانی پرپر یات

یات ای جنازه سی نیزه باشندا عرشه چیخان
شهید اولماقی، محکم بنای ظلمی یخان

یات ای آناسی دِین تشنه شیر خوارم یات
آی آردی، گون قاباقنجا آخان ستارم یات

یات ای گیدن علی اکبردن اوتری جنّاته
باشون دالیجا چکولّه ربابی شاماته

یات ای شرار عطشدن اَلولانان قارداش
غزال دشت خطن مثلی اُولانان قارداش

شرار غم اورگین یاندروب ایدوبدی کباب
یوزون بابا سینه دوتدی ایدوبدی بیله خطاب

دیدی بابا ایلدیم من وصیّتون اجرا
اجازه ویر ایلیوم آیری محشری پیدا

دوزوبدی داشلاری تا اوستونه توکوب توپراق
گتیردی اکبری، یابن الحسن گوزیندن ایراق

اَیاق طرفده ده بیر قبر قازدی قارداشینا
باخوبدی قارداشینا اذن ویردی گوز یاشینا

اورکلنوب دیدی ایوای یارالی قارداش وای
خدنگ تیغیله جسمی یارالی قارداش وای

بویوردی وار یری اشگیله گوزلروز دولسون
کمک ایدین آتامون امری جابجا اولسون

مزاره دوشدی آلوب صاق طرفده قویدی یره
اگیلدی اوپدی بوغازین دله تسلی ویره

بویوردی یات یورولوبسان اولوم سنه قربان
گوروم اولا علی سندن صورا جهان ویران

یات ای جمالی شبیه رسول عالمیان
یات ای وجودی اولان یرده گل کیمی خندان

یات ای عزیز آتامون گوزلرینده نور بصر
یات ای تمام صفاتی پیمبره مظهر

یات ای آناسینی صحرالره سالان گریان
یات ای خلوصیله اوز دینینه اولان قربان

یات ای شهید اولان اوّلده آل حیدردن
قرار و صبر آپاران عترت پیمبردن

یات ای ازلده اولان مست جام صهبادن
یات ای مزاری اولان برتر عرش اعلادن

یات ای باباسی علی تک باشی اولان منشق
یات ای یارالی اولان جد پاکینه ملحق

او قدری آغلادی هوشدان گیدیب گلوب هوشه
توکوبدی توپراقی ایتدی او قبری شش گوشه

اُلونجه آغلیا بو محنت و غمه آزدی
مزاری اوستونه اسم مبارکین یازدی

بو قبر صاحبیدی نور ذات لم یزلی
سوسوز یارالی ویرن جان حسین اِبن علی

اورکده غملرینه ووردی بیر سرا پرده
هامی شهیدلری دفن ایدوبدی بیر یرده

اورکده دردینه بو دفن ایلدی درمان
حبیبی ده ایلدی اوز آتاسینه دربان

بیر آه چکدی دوباره بولوت کیمی دولدی
ایله فغان ایلدی کربلا چولی دولدی

دیدیله اهل قبیله ندن گوزون دولدی
خزان گلون مَثَلی رنگ صورتون سولدی

گلوب بیانه بویوردی بیله او اشرف ناس
فرات اوسته قالوب نعش حضرت عباس

عمومدی، مثلی اونون گلمیوبدی دنیایه
اونون نظیرینه هیهات گوی سالا سایه

فغان و ناله سی دوتدی او عرش مینانی
دولاندی تاپدی اولان قطعه قطعه اعضانی

یغوبدی بیر یره اول قطعه قطعه پیکرینی
گیدیب تاپوب گتیروبدور کسیلمیش اللرینی

بو فکردیدی یغا گوهری خزینه سینه
یارالی اللرینی گتدی قویدی سینه سینه

او سرو قامته بیر خیردا قبر ایدوب تعیین
او خردا قبریده مدفون ایدوب امام مبین

قویولدی قبره، توکوب توپراق ایلدی فریاد
دیدی خدا ایلسین ای عمو ایوین آباد

جنازه دفن اولوناندا آچاللا صاق یوزونی
گوروب کی یوخدی باشی دولدوروب ایکی گوزونی

بویوردی یات ای ایدن عشقی عالمی حیران
یات ای صداقتیله دینینه اولان قربان

یات ای جمالی ووران طعنه مهریله ماهه
یات ای نثار ایلین ثار، ثارِ اَللّهه

یات ای کمک سیز حسینون رشید علمداری
یات ای سپاه خدانین وفالی سرداری

یات ای عمو، بالاجا قبریوه جانیم قربان
بو قبر حشره کیمی شیعه نی قویار گریان

یات ای سو اوسته ایکی اللرین کسن دشمن
او اللروندی آلوب طاقتی عمو مندن

آنام بتولی او اللردی ایلین راضی
خدا او اللره محشر گونی اولار قاضی

بو اللرین بولونر قیمتی قیامتده
آنام الینده دوتار موقع شفاعتده

توکنده توپراقی قبر اوسته ایلدی فریاد
دیدی آناوین اولا ای عمو ایوی آباد

یازیلدی قبرینون اوسته بودور او اشجع ناس
بو قبر صاحیبدور یعنی حضرت عباس

گلوب ابوالفضل آدی اوت نهادیمه دوشدی
حسینی داده چاغیرماقی یادیمه دوشدی ...

• جمعه
• 1
• مرداد
• 1400
• ساعت
• 20:59
• نوشته شده توسط
• یوسف اکبری

ای دینین اوستونده اولان قانینه غلطان
وی پیکری صحرای بلاده قالان عریان
انگشتره خاطر کسیلن اللره قربان
مبهوت ائلیبدور منی بو مسئله قارداش
مندن سورا بیگانه گلوب مقتله قارداش؟

آیرلدی کچن گون کی باجون زینبی سندن
تندیدی بو ال کی کسیلیب ظلمیله تندن
گیزلتمه بو سودانین اخا سرینی مندن
کیم مقتله گلمیشدی مگر ای شه خوبان؟
انگشتر اونا بذل ایلیوبسن سنه قربان

هر چند یتوب عرش معلایه فغانیم
باخدوقجا کسیلمیش اله ای روح و روانیم
قارداش او کرملی اله قربان اولا جانیم
اهریمنه ده سن بو گون احسان ایلیوبسن
احسانیوه عالملری حیران ایلیوبسن

آند اولسون آنام فاطمه اطهره قارداش
هر حسنیده سن اوخشاموسان حیدره قارداش
قربان اوزوگون بذل ایلین اللره قارداش
معلوم اولوری ایندیدن ای شاه ولایت
دنیانی بغشلندیره سن روز قیامت

• جمعه
• 1
• مرداد
• 1400
• ساعت
• 21:19
• نوشته شده توسط
• یوسف اکبری

گون تا افول ایدوب طرف کارزاریدن
آی رد ایدوب حجابی دوشوب انتظاریدن

باخدی نه گوردی یتمیش ایکی نور منجلی
یرده تلالو ایلیوری نور یاریدن

عرض و سمایه گوسترری نورینی مدام
یوخدور خبر کچن گیجه کی لیل تاریدن

معناده پنج تن جمع اولوب بیر چوخور یره
زهرا آچوبدی باش ، او گیجه کچدی یاریدن

باتدی خلاصه آی دولانوب گون گلوب گوروب
زهرا قیزی تاپوبدی گولون لاله زاریدن

بلبل کیمی باخور گولونه شیون ایلیور
قان یاش توکور عذارینه چشم خماریدن

آغلار گوزیله سسلوری جانیم سنه فدا
سالدی غمون بو دیزلریمی اختیاریدن

ایستی قوم اوستونی اوزیوه مسکن ایتموسن؟
واردور یری اولم بو غم آشکاریدن

ای وای منه کی پیکریوین یوخدی صاف یری
جسمینده اوخ یاراسی چخوبدور شماریدن

آخر نه قدری ظلم ایلیوب شامیان سنه
آثار گورسنور او کی وار انکساریدن

مندن سورا گلیبدور الون ساربان کسوب
بیر قوخمادی کسنده الون کردگاریدن

سندن کچن گیجه اورکیم ناگرانیدی
اما باشیم آیلمادی اول گیر و داریدن

نصفی یانان چادردا هراسان قیزلارون
آز قالدلار هلاک اولالار آه و زاریدن

ایله سزلدیردی سنخ نی کیمی رباب
مبهوت اولوبدی اول خبر ناگواریدن

بیر جرعه سو دئیوردی بو چولده تاپلمادی
اولدوم خجل سو اوسته سوسوز شیر خواریدن

قالدی حرم الینده غرض دامنیم منیم
دلده مزید اولوبدی غمیم انتظاریدن

الله بولور او بحبوحه ده چکمیشم نلر
حیرتدیم کی اولممیشم اول فشاریدن

امدادیمه آتام شه مردانی سسلدیم
بیر سس یتوشدی سمعیمه اول تاجداریدن

سسلوردی آغلاما بالا گلدیم هرایوه
امید وئردی قالمادیم انجام کاریدن

معلومیدور آنامدا گلوب قانلی مقتله
عطری گلور جوان آنامون بو دیاریدن

قبرینده ده جوان آنامیز دینجلنمدی
اولسم دیردی دینجلرم روزگاریدن

زهرایه خاطر آچ الیوی ایله بیر دعا
صبر ایسته بو بلا کشه پروردگاریدن

آغلار گوزیله شامه گیدور زینبون ، ولی
گتمز غمون اولونجه دل داغداریدن

• یکشنبه
• 3
• مرداد
• 1400
• ساعت
• 11:01
• نوشته شده توسط
• یوسف اکبری

گوردیلر نطقه گلوب شمس هدایت نیزه ده
آیه آیه ایلیور قران تلاوت نیزه ده

چهره سینده نور حق پیدا و ناپیدا رخین
ساکنان نُه فلک ایلور زیارت نیزه ده

محو اولور، هر کیم گورور اول جلوهء نور حقی
گورسنور دنیا بویی بس که ملاحت نیزه ده

عیسیِ عیسا قویویوب عیسانی حیران عشقینه
وصفه گلمز مطلقا اصلِ حکایت نیزه ده

حیرته معناده داود خوش الحانی سالوب
صوت و لحنی ایلیوب بر پا قیامت نیزه ده

واردی لحنینده ز بس شور و شعور عاشقی
گورسنور ذوق و صفای بی نهایت نیزه ده

ساقی خَمرِ الهی نرگس خماریله
تشنگان وصلینی ایلور سقایت نیزه ده

آشنا بی آشنا اولماز مقام سیریده
سیره سیر اهلی ویرور عز و جلالت نیزه ده

مسجد الاقصادی معراجه شهید مطلقه
بو نجه معراجیدی اولموش بدایت نیزه ده

افسرین باشدان آتوب جبرئیل چرخ چارده
الله الله حق ایدوب گور نه سکونت نیزه ده

زینبین احوالینه طوبی، که شوق و ذوقیله
ناقه ده باجی، ایدور قارداشی رفعت نیزه ده

شعشعات نیزیه مبهوت اولوب غملی رباب
ایلیور بیر اولدوزا عشقیله رویت نیزه ده

شقه شقه زلف اصغردن صبا خوشحال و زار
اهل عشقه بذل ایدور انوار نکهت نیزه ده

طبلهء عطاردور زلف شبیه احمدی
گو مشام لیلیه وار عطر جنت نیزه ده

نو عروسه شعشعات قاسمی انوار محض
وار تلاءلؤده عجب مشکات منّت نیزه ده

نیزه نین باشینده یوخدور بس ندن راس وزیر
شه وزیره ایلیور عشقین اشارت نیزه ده

بو فراز داریدن عیسایه در عهد (عتیق)
عیسیِ عیسا ویرور عیسایه غیرت نیزه ده

• یکشنبه
• 3
• مرداد
• 1400
• ساعت
• 11:40
• نوشته شده توسط
• یوسف اکبری

باجین بو آیریلیقا بی قراریدور یارالی
مثال بلبل اِیشیم آه و زاریدور یارالی

نَه قدری آغلیورام دویمورام بو هجرانه
گوزوم یاشی ایله بیر جویباریدور یارالی

سنه من آغلامیوم نئینیوم اورک دوزمور
دوشوبدی قلبیمه اود شعله باریدور یارالی

بو گون بو چولده منه گوئیا قیامتیدور
غریبه یردی، عجب بیر گذاریدور یارالی

اَلون اَلیمدن اوزولدی بو دشت پرغمده
آنام دئمیشدی، بو یر غم دیاریدور یارالی

بویرده قتلیوه آچمیشدی ال جفا اهلی
بیری بیریندن عجب نابکاریدور یارالی

اوزون بویوردون اودم شمر خنجرین بوشلا
قائیت خیامه حرم انتظاریدور یارالی

نه ظلم ایدوب سنه من بولمورم خدا بولوری
ولی بو قاتل عجب کین شعاریدور یارالی

سَسیمی آلسان اگر سَس یِتور منیم سَسیمه
اورکده درد و غمیم بی شماریدور یارالی

بویور گوروم بو نجه نعشیدی سنه قربان
غریبه منظرهء ناگواریدور یارالی

نه قَدری یاره ووروب اشقیا بو گول بدنه
که پیکرون باشا باش زخمداریدور یارالی

گونون حرارتی دگدیکجه آغلیور یارا قان
قالیبدی عور، عجب روزگاریدور یارالی

خطور خاطر اولور، زینبه کچن بیر گون
هوای یثرب او گون پر شراریدور یارالی

عباوی سالمیشیدون اوستومه محبتدن
گوزومده جلوه لنور آشکاریدور یارالی

ددیم او لطفه عوض اِیلرم سنه ، بیر گون
ولیک ایندی سوزوم اعتذاریدور یارالی

اَلیم چیخوب بوشا غارتده عفو قیل باجیوی
قالان بو معجری دار و نداریدور یارالی

یانان اورکده ده بیر آیری نیسکیلم واردور
بو نیسکیلیم نَده گور جانشکاریدور یارالی

چوخ ایستیرم که اوپم بیرده بیر بوغازیندان
بو فعله مانع اولان بیر حصاریدور یارالی

ویروبدی باش باشا اوخلار بو جسم پاکونده
اوخ آتدا گول بدنون استتاریدور یارالی

گلاب ایدوب گولومی نیزه اوخ قلج یاراسی
فضاده عطری هنوز استواریدور یارالی

تمام دشت بلانی آلوبدی گول عطری
ملائک متقرب خماریدور یارالی

مشام جانه یِتَن عطریوه اوزوم قربان
صفاسی گلشنیوین صد بهاریدور یارالی

آلوب کناریوی گلشنده سوسن و سنبل
دوشن کناره، او سرو کناریدور یارالی

خجالتیننیدی گلمدی خیامه طرف
آتام علیدن عجب یادگاریدور یارالی

(عتیق) عجزیله قویموش بو آستانیه یوز
دِیَر یانان اورکیم غم دچاریدور یارالی

برات کرب و بلا ایستیور نه مدتدی
گوزون تیکوبدی یولا انتظاریدور یارالی

• یکشنبه
• 3
• مرداد
• 1400
• ساعت
• 12:08
• نوشته شده توسط
• یوسف اکبری