اشعار ترکی مخصوص امام جعفر صادق

مرتب سازی براساس
 مهدی عبادی(بیکس)

شهادت جعفر صادق(ع) -(عزادار اولوب شیعه بوگون) * مهدی عبادی(بیکس)

206

شهادت جعفر صادق(ع) -(عزادار اولوب شیعه بوگون) عزادار اولوب شیعه بوگون گیوب رخت ماتم سراسر
غم حضرت صادقیله یانیر سینه لرده اورکلر
یتیم اولدی موسی بن جعفر سیه پوش اولوب عرش داور
وورار باشه جنّتده زهرا قوروب بزم غم ایندی حیدر

وار عشقیم اورکدن بوسالار دینه
بو قلبیمده واردی هوای مدینه

مولانا یابن الزهرا

گینه دیلده وار سوز ناله بهار ابری تک دولموشام من
عزاخانه اولدی مدینه خزانه دونوب باغ و گلشن
باتوب یاسه آل پیمبر یانار غصه دن جانیله تن
عجب رسمیدور رسم دوران یتیشدی گینه کامه دشمن

عزادار اولوبدی گینه آل یاسین
ملائک دوتوبدی بقیعین فضاسین

مولانا یابن الزهرا

سالیب زهر کین قلبینه اوت نواسی اوجالدی سمایه
یانار قلبیله سسلنوبدی آنا فاطمه گل هرایه
الیمدن آلوب تاب و طاقت یوخ امّیدیم آخر دوایه
مدینه اولوب کربلا گل آنا دوشموشم من بلایه

سالوب زهر ایاقدان پریشان و زارم
بو آخر نفسده سنه انتظارم

مولانا یابن الزهرا

ازلدن غم و ابتلالر بیزه همره وهمنشیندی
ولی آل هاشم همیشه فدایی آیین و دیندی
بو آتمیش بش ایلده مصیبت انیس بو قلب حزیندی
یاناندا قاپوم گوردوم آخر ایوین یانماقی چوخ چتیندی

سنون پشت درده جمالون سولوبدی
اوگون اهلبیته قیامت اولوبدی

مولانا یابن الزهرا

بو مذهب بو مکتب جهاندا به اذن خدا زایل اولماز
نقدری تلاش ایتسه دشمن اونون نیتی حاصل اولماز
بویوردی ئولن دمده مولا کی پیرولاریم غافل اولماز
نمازی سبُک سایسا هرکیم شفاعت اونا شامل اولماز

جواز ورود بهشت بریندی
عمل لر ایچینده نماز اصل دیندی

مولانا یابن الزهرا

  • پنج شنبه
  • 21
  • اسفند
  • 1399
  • ساعت
  • 16:42
  • نوشته شده توسط
  • یوسف اکبری
ادامه مطلب
فروشگاه پرچم
 ابوالفضل عباسی معروفان

نوحه شهادت امام صادق(ع) -(ای امامت آناسی،باشلانور شیعه یاسی) * ابوالفضل عباسی معروفان

262
1

نوحه شهادت امام صادق(ع) -(ای امامت آناسی،باشلانور شیعه یاسی) ای امامت آناسی
باشلانور شیعه یاسی
آنا گل اوغلون ئولور
وار ئورکده یاراسی
گوزی یوللاردا باخور یوللارووا
گل ووروم بوسه سئنان قوللاروا

یئتیشوب پیک اجل
اوخیور غملی غزل
سرفراز ایله منی
سنده بالینیمه گل
غم منه دست فلک یازدی ننه
تئز یئتیش فرصتیمیز آزدی ننه

دشمنیم ائتدی ستم
دولدوروب سینه می غم
عمریمون آخری گل
قوی گوزوم اوسته قدم
منی جدیم کیمی سال یاده آنا
ئولورم گل یئتیش امداده آنا

جگریم یاندی ننه
قلبیم اوتلاندی ننه
او طبیبانه باخیش
منه درماندی ننه
منی درک ایلدی بو ساعت ئولوم
گل گوروم گوزلریوی راحت ئولوم

یورولوب روح و تنیم
اریوبدور بدنیم
لطف ائدوب گلسن اگر
گتور الده کفنیم
آنا خوشدور باشیم اوسته گله سن
قبلیه ساری منی دوندره سن

گل دولی گوزلریلن
گوزده اشک تریلن
منه یاس ساخلاماقا
گل قرا معجریلن
دوت عزا اوخشاما دِ آغلا منه
ئولورم گل گوزومی باغلا ننه

پایگاه حفظ و نشر آثار عباسی معروفان اهری

  • یکشنبه
  • 23
  • آذر
  • 1399
  • ساعت
  • 15:25
  • نوشته شده توسط
  • یوسف اکبری
ادامه مطلب
 محمدرضا محمدی (ناعم)

زمزمه شهادت امام صادق(ع) -(آنا زهرا ئوز دیاریمده) * محمدرضا محمدی (ناعم)

214

زمزمه شهادت امام صادق(ع) -(آنا زهرا ئوز دیاریمده) آنازهرا،ئوزدیاریمده
گورنئجه غریبم من۲
اوره کده اللر،گوزوم یولدا
زاروغم نصیبم من
گورنئجه غریبم من
گل آناپرشانم غملیم نواخوانم

منیمده درگاهیمی دشمن
ظلم الیله یاندیردی
بالالاریمدان او اَثناده
چوخ منی اوتاندیردی
علینی سالدی بوغم یاده
حالیمی دولاندیردی
اوره کده چوخدورغم ودردیم
زاروبی شکیبم من
گورنئجه غریبم من
گل آناپریشانم غملیم نواخوانم

علی تک منده بوعالمده
دائم اولمیشام مغموم
نقدری حقدن دفاع ائتدیم
ائتدیلرمنی مظلوم
وئروبلرزهرجفاآخر،
صادقون اولوب مسموم
دوایوخدوردردیمه گرچه
عالمه طبیبم من
گورنئجه غریبم من
گل آناپریشانم غملیم نواخوانم

مداری سینسون بودنیانون
هئچ اوناوفا اولماز
چیخارجانیم کنج غربتده
دردیمه دوا اولماز
ولایت جانبازینون باشی
گرچه بی بلااولماز
ولایت جانبازیم یرِ
خالق مُجیبم من
گورنئجه غریبم من

  • چهارشنبه
  • 13
  • اسفند
  • 1399
  • ساعت
  • 17:42
  • نوشته شده توسط
  • یوسف اکبری
ادامه مطلب

شهادت حضرت امام جعفر صادق علیه السلام -(ای یار ملک منظر صادق آدیوا قربان) * جمال حبیبی زنجانی

207

شهادت حضرت امام جعفر صادق علیه السلام -(ای یار ملک منظر صادق آدیوا قربان) ای یار ملک منظر ، صادق آدیوا قربان
آرام دل حیدر ، صادق آدیوا قربان
گوزلرون سوزلرون عالم فداسی
رئیس مذهبیم زهرا بالاسی

زهرانون عزیز اوغلی کان هنریم صادق
اسپهر ولایتده رخشان قمریان صادق
بند دل باقر سن نور بصریم صادق
محبوب حق داور صادق آدیوا قربان

ای جعفریلر شاهی سن قلزم تقواست
شان و شرف مکتب محبوب ودل آراسن
سن حجت رحمان سان عالملره مولاسن
دردانه پیغمبر صادق آدیوا قربان

ای کنز علوم اوغلی ای ناصر دین لبیک
سن طیب و طاهرسن الله معین لبیک
آزاده حسین اوغلی ای زهره جبین لبیک
بحر ادبه گوهر صادق آدیوا قربان

سن ایلدون احبابه تدریس عزاداری
شیعه بو پیاموندن ایلر آقا جان یاری
قیمتلی حدیثون وار داغدور هله بازاری
عشق اهلی ائدوب ازبرصادق آدیوا قربان

تاپشورموسان عشاقه ئوز دینون ادا ایتسون
اللرده ئولن شاهه عشق اهلی بکا ایتسون
سسلنسون حسینیم وای عاشوری به پا ایتسون
دلداده لره دلبر صادق آدیوا قربان

آتمیش بش ایل عمر ایتدون ای عشاق فرزانه
اولدون سن اوتوز دورد ایل حجت حق سبحانه
ظلمیله شهید اولدون یثربده غریبانه
اولدون ئورگی مضطر صادق آدیوا قربان

منصورین الی سینسون زهریلن ائدوب مسموم
سنده گوزلیم اولدون جدین کیمی چوخ مظلوم
یات سایه ی زهرا ده قدرین اولا تا معلوم
درد اهلینه اول یاور صادق آدیوا قربان

ای خاک بقیع سنده دفن اولدی در نابیم
سجاد و حسن باقر آیدی ، بودا مهتابیم
سینه نده یاتوب زهرا خورشید جهان تابیم
ای هم نفس مادر صادق آدیوا قربان

من شاعر نالانم اوخشور سوزوم احساسه
آدیمدی(حبیبی)من عبدم شرف الناسه
تاپشور منی صادق جان قولسوز عمون عباسه
یازسون آدیمی نوکر صادق آدیوا قربان

  • چهارشنبه
  • 5
  • خرداد
  • 1400
  • ساعت
  • 21:33
  • نوشته شده توسط
  • یوسف اکبری
ادامه مطلب

حضرت امام جعفر صادق(ع) -(رئیس اهل شریعت امام جعفر صادق) * ستار رزاقی

187

حضرت امام جعفر صادق(ع) -(رئیس اهل شریعت امام جعفر صادق) رئیس اهل شریعت امام جعفر صادق
مراد اهل طریقت امام جعفر صادق
مقنّن بشریت امام جعفر صادق
مدبّرمدنیّت امام جعفر صادق
محیط خلقته زینت امام جعفر صادق
ویریبدی دینه مزیّت امام جعفر صادق

وجودی آیت عظمای حیِّ لم یزلی دور
امام و حجت برحق جهانیانه ولی دور
پیمبرین نوه سی هم گوزللرین گوزلی دور
گونَش مثالی بوتون کایناته نورجلی دور
اونوندی ملک امامت او جانشین علیدور
امیرکشورحکمت امام جعفر صادق

حسن حسین نوه سی نور چشم حضرت باقر
لقبده صادق و فاضل نسبده طیّب و طاهر
نسبده طیب وطاهر حسبده نیِّر و باهر
امام صادق آدیلان حدیث وار متواتر
تاپیپ حدیثیله شهرت امام جعفر صادق

اودور مدبّر امرامور کشور ایمان
اودور معلم عرفان اودور مفسّر قرآن
اونون وجودینه فخرایلییربوعالم امکان
مقام ومنزلتین درک قیلساهر آییق انسان
اشاره ایلسه جانین ایدراو حضرنه قربان
اونیلا باغلییارالفت امام جعفر صادق

اوگون کی قبض ایلییب ظلم و فتنه روی جهانی
چوخ اولدی جور وستم چون بنی امیه زمانی
گیچیب زمانه بِنْ عباس اولوبدی بدعته بانی
گینه ده دایره ی تنگه سالدی اهل ولانی
بیرعده ایله دی بازیچه الده دین خدانی
او قومه ویرمه دی فرصت امام جعفر صادق

بدان که وعده ی حق است کاخ ظلم نپاید
زمانه میدهدش کیفری که موسمش آید
مثال میزنم این نکته بلکه درد بکاهد
"عدوشود سبب خیراگرخدایْ بخواهد "
اولوبدی منجی امت امام جعفر صادق

کلیم دهر کلامین یِتیردی اوجِ کلامه
جهانِ عقل تمایل تاپیپ کلامِ امامه
مسیحِ علم گینه بحثِ دینی ویردی ادامه
مصمّم اولدی اِیده حُکمِ دینِ حقی اقامه
گورَن دییه گینه ده مرحبا رسولِ گرامه
ایدیبدی جدّینه خدمت امام جعفر صادق

شُعاعِ دایره ی علمی اِیتدی عالمی ماوا
مدینه شهری اولوب مرکزهدایت عظما
سوالی دیلده جوابه گلور یهود و نصارا
امام مُفتَرَض الطّاعه قیلدی حلِّ معما
کلام جعفر صادق اورکلرایچره اِیدیب جا
دیئردی درس دیانت امام جعفر صادق

کلاس درسینه دورت مین نفرکی شرکت ایدردی
گیدن او مکتبه احساس معنویت ایدردی
بوتون گلنلره مولا اوزی محبت ایدردی
متانتیله پیمبرمثالی صحبت ایدردی
دُرِ کلامینی شاگردیلرکتابت ایدردی
وِیرردی صحبته قیمت امام جعفر صادق

دوباره مکتب توحید آچیلدی اهلِ جهانه
طبیب دهرایدیرچاره ایندی دردِ نهانه
اولوبدی پیر وجوان بابِ شهرِ علمه روانه
قدم قویوب هامی دانشگهِ امامِ زمانه
حدیثلردییلیرشهریلرده خانه به خانه
آچیب دی باب فضیلت امام جعفر صادق

بوعلته گوره شیعه جهاندا شهرت آپاردی
دیلینده صادق آل محمد ین(ص)آدی واردی
اونیلا گلشنِ آلِ علی همیشه بهاردی
وجود پاکینه خاطرجهان صفاده یاشاردی
بالاسی باب الحوائج لقبدی مشکل آچاردی
بیزه ده ایلرعنایت امام جعفر صادق

فضایلینده یازیلدی رئیس مذهب شیعه
اونون وجودینه چوخ مفتخردی مکتب شیعه
رَهینِ منّت صادق دی جمله منصب شیعه
سپهرِ عزّته خورشید اولوبدی کوکب شیعه
یازیبلا قیرخ مین حدیثین رُواةِ مطلب شیعه
کی ایلییب دی روایت امام جعفر صادق

کُتُبِ اَرْبَعَه مشهوریدور رُواٰتی موثّق
یازیبلا جمله احادیثِ نابِ صادقِ اَصْدَق
امام صادق آدیلان بوایش تاپیپدی مُحَقَّق
کلامِ حقّیله تزیین اولوب سِپِهرِ مُطَبَّق
روادی شیعه لری فخر اِیده بونعمته اَلحَق
وِیریب کتابته عزّت امام جعفر صادق

  • سه شنبه
  • 6
  • مهر
  • 1400
  • ساعت
  • 18:48
  • نوشته شده توسط
  • یوسف اکبری
ادامه مطلب
میرزا حسین کریمی مراغه ای

سینه زنی شهادت امام صادق(ع) -(ای ظلم اشقیادن مسموم امام صادق) *میرزا حسین کریمی مراغه ای

343
1

سینه زنی شهادت امام صادق(ع) -(ای ظلم اشقیادن مسموم امام صادق) ای ظلم اشقیادن-مسموم امام صادق
اوز اهلینون الینده-مظلوم امام صادق
مظلوم امام صادق

سالدی سنی ایاقدان-منصور بی مروت
ایستردی سنده ائتسون -ایجاد رعب و وحشت
گه مجلسینده ائتدی -ظالم سنه جسارت
حکم قضایه اولدون-محکوم امام صادق
مظلوم امام صادق

گاهی بنی امیه -ائتدی سنه اذیت
عباسیان ظالم-غصب ایلدی خلافت
دین مقدس اوسته-چکدون نقدری زحمت
دوزدون هامی جفایه-مهموم امام صادق
مظلوم امام صادق

قبرون قالوب بقیعده-گونلر ایونده ویران
نه گنبد و ضریحی-گلدسته صحن و ایوان
ایلر سلام او قبره-زواریلر اوزاقدان
شیعه زیارتوندن محروم امام صادق
مظلوم امام صادق

جدّون حسینون عالی-صحنی گوزل رواقی
هر سمتدن قویوب یوز-دربارینه قوناقی
هرگون اَسر لواسی -هرشب یانار چراغی
سن تک هانی بلا کش -معصوم امام صادق
مظلوم امام صادق

موسی بن جعفرین وار-خوش مرقدی عراقدا
یاتمیش بابا نوه یله-آسوده بیر رواقدا
قبری بالون رضا نین -گرچه قالوب اوزاقدا
سن تک دگول جفادن-مغموم امام صادق
مظلوم امام صادق

قالمیش خرابه قبرون-جنب آتا باباده
بیر شمع یاندیران یوخ -درگاه مجتباده
بیر جوت بالان یاتوبلار-حسرتله سامراده
غربت سیز اهلبیته-مرقوم امام صادق
مظلوم امام صادق

هئچ کس غریب اولانماز-سلطان کربلا تک
طوفان گورنمز عالم -طوفان کربلا تک
قربان منا گورنمز-قربان کربلا تک
آغلار حسینه هم لیل-هم یوم امام صادق
مظلوم امام صادق

  • سه شنبه
  • 13
  • آبان
  • 1399
  • ساعت
  • 20:15
  • نوشته شده توسط
  • یوسف اکبری
ادامه مطلب
 ابراهیم تون خوش قلم

شهادت امام جعفر صادق(ع) -(گینه فغان سسی عرش و فلک لره گئدیب الله) * ابراهیم تون خوش قلم

237

شهادت امام جعفر صادق(ع) -(گینه فغان سسی عرش و فلک لره گئدیب الله) به سبک حسین آدین‌ نه گوزلدی.....

گینه فغان سسی عرش و
فلک لره گئدیب الله
رئیس مذهَبِ شیعه
جهانی ترک ائدیب الله

بو عزاده شیعه آغلا وای آقا دئ سینه داغلا

غم و محن دِلِه دولدی
امامیمیز شهید اولدی
اولوب جفائیله مسموم
مثالِ گول یوزی سولدی

بو عزاده شیعه آغلا وای آقا دئ سینه داغلا

بالالاری سینه داغلار
باشا قراسینی باغلار
بهشتده وای بالا دئلده
آناسی فاطمه آغلار

بو عزاده شیعه آغلا وای آقا دی سینه داغلا

حسین و حیدره بنزر
مَرامِ جعفَرِ صادق
اوجاتدی شیعه باشینی
امامِ جعفَرِ صادق

بو عزاده شیعه آغلا وای آقا دئ سینه داغلا

  • شنبه
  • 29
  • آذر
  • 1399
  • ساعت
  • 23:17
  • نوشته شده توسط
  • یوسف اکبری
ادامه مطلب

ولادت امام جعفر صادق(ع) -(مژده مژده امشب دو عالم پر از صفا شده) * حاج روح الله رمضانی

254

ولادت امام جعفر صادق(ع) -(مژده مژده امشب دو عالم پر از صفا شده) سبک: از صلابت و ارتش...

مژده مژده امشب دو عالم پر از صفا شده
بزم شور و شادی به ارض و بپا شده

از قدوم با صفا و پاک مصطفی
سرزمین مکه گشته جنت العلا

واگیر:
آمده حبیب دلها محمد
عزیز خدای یکتا محمد (۲)

واگیر:
یا محمد ، خوش آمدی یا محمد (2)

بزم شور و شادی بپا شده
دل ز بند غصه رها شده

بیائید ای امت خوش مرام
به بزم میلاد خیرالانام

یا محمد ، خوش آمدی یا محمد (2)

از جمال ماهش سراسر جهان منور است
وز شمیم مویش مشام زمان معطر است

می تراود ازوجود پاک مصطفی
دمبدم به هرکرانه عطر جانفزا

یا محمد ، خوش آمدی یا محمد (2)

سر به سر جهان گلستان شده
مظهر خدا چون عیان شده

چو آمد آن رهبر حق پرست
زهیبتش طاق کسری شکست

یا محمد ، خوش آمدی یا محمد (2)

رسول اکرم چوبر این جهان قدم نهاد
شکسته شد جسم لات و هبل زپا فتاد

گرد غصه بر عذار مشرکین نشست
طاق کاخ با شکوه ظالمان شکست

یا محمد ، خوش آمدی یا محمد (2)

دست ظلم و کینه چو بسته شد
طاق کاخ کسری شکسته شد

سر آمده عمر قوم شرور
نمی رود زنده دختر به گور

یا محمد ، خوش آمدی یا محمد (2)

عطر دل پذیری که در سوسن و شقایق است
از وجود پیغمبر و از امام صادق است

هرچه آفریده خالق اندرین سرا
از وجود صادق است و ختم الانبیا

یا محمد ، خوش آمدی یا محمد (2)

این بزرگواران برای ما
رهنما شدند از سوی خدا

برای ما هر دو تا رهبرند
که هم امامند و پیغمبرند

یا محمد ، خوش آمدی یا محمد (2)

  • یکشنبه
  • 7
  • دی
  • 1399
  • ساعت
  • 15:45
  • نوشته شده توسط
  • یوسف اکبری
ادامه مطلب

میلاد امام صادق(ع) -(گلدی گل باغ احمد) *کربلایی رحیم شایان

212

میلاد امام صادق(ع) -(گلدی گل باغ احمد) سبک: مرغ سحر ناله سر کن...

گلدی گل باغ احمد
صـــادق آل مــــحمد
نور درخشان سـرمد
صـــادق آل مــــحمد
نور باران _ اولـــــدی عـــالم
چون گلستان _ اولدی عالم
گوزلرین آچدی او گوزل نور سرمدی
بـــــــحر خـــروشــان عـــــلوم مـــحمدی
شهر یثرب ، اولدی گلشن
چشم زهرا ، اولدی روشن

اخــتـر بـــــرج ولایـــــت
بــحر کـرم کان رحمت
هیکل و تندیس عزت
مــعدن فیاض حکمت

حــضرت باقر _ مـــثالی
گلدی زهرا نون مارالی
مـــاه ربیع ده ائلــــیوب عـالمی جنان
شادلیق ائدوللربو گونی کل شیعیان
شهر یثرب ، اولدی گلشن
چشم زهرا ، اولدی روشن

کاشف بحر حقایق
ای کتاب الله ناطق
وئـر بـو حـــضورا فـــیض زیارت
اول بقیعی بیزه ای له قسمت

شهر یثرب ، اولدی گلشن
چشم زهرا ، اولدی روشن

  • یکشنبه
  • 7
  • دی
  • 1399
  • ساعت
  • 15:47
  • نوشته شده توسط
  • یوسف اکبری
ادامه مطلب
 زعفر آزادمهر شیخ درآبادی

دین و مذهب -(اولوبدی نور حق ساطع یر اوستونده آچا مکتب) * زعفر آزادمهر شیخ درآبادی

248

دین و مذهب -(اولوبدی نور حق ساطع یر اوستونده آچا مکتب) اولوبدی نور حق ساطع یر اوستنده آچا مکتب

شعاسیندن ایشقلاندی کرات و اَنجُم و کوکب

ایکی مولودی بیر گونده عنایت ایلیوب خالق

بو ایشدن آشکار اولدی جهانه سرّی بیر مطلب

که یعنی عالمون اهلی اولون آگاه بو امره

گلوب دنیایه بیر گونده رئیس دین و هم مذهب

محمد(ص) دینه رهبردی رئیس مذهبیم صادق(ع)

اطاعت بو ایکی امره اولوبدی واجب اُوجَب

اطاعت ائتمسه هر کس جزاسی نار دوزخدی

بیلون اتمام حجتدی سیزه گورستدی حقّین رب

  • پنج شنبه
  • 11
  • دی
  • 1399
  • ساعت
  • 14:46
  • نوشته شده توسط
  • یوسف اکبری
ادامه مطلب
 حاج اصغر فرشچی

شهادت حضرت امام صادق(ع) -(صادق آل رسولون قلبی القاندی بوگون) * حاج اصغر فرشچی

193

شهادت حضرت امام صادق(ع) -(صادق آل رسولون قلبی القاندی بوگون) سبک: زینبم جان اوستیم...

صادق آل رسولون قلبی القاندی بوگون
زهر کين مسموميدی دل لر نواخواندی بوگون

ماتمينده شيعه لر قلبی يانور آغلور گوزی
وای امام ايوای امام سسلور اولوبدی بو سوزی
باش آچوب صاحب عزا جدّی پيمبردی اوزی
قدسيان گلموش نوايه مات و حيراندی بوگون

زهر کين ايتدی اثر فرياده پيغمبر گلوب
باشی اوسته فاطمه هم مجتبی حيدر گلوب
کربلا شاهی گلنده ناليه گويلر گلوب
جمع اولوب اهل کساء بير يرده گرياندی بوگون

اشکينی خون دله باب الحوائج قاتوری
بابا فکرين ديمه بير آنی باشيندان آتوری
نه بير آز دينجلوری بالش غمده ياتوری
آغلوري آغلادوری صبر ايوی تالاندی بوگون

شمعي پروانه کيمي دوره ليوب چون بالالار
آز قالور روحی چخا وصلتی فصله آلالار
آغلاشولّار دل خونی غم اشکه قاتالار
آيرولوق مرحله دی چون دم هجراندی بوگون

شمع ياندوقجا ارور عمر آزالور هر ثانيه
اوخشادولّار اوزلرين پر يانديران پروانيه
تاپشورندا جان امام اوز جاننی جانانيه
وای بابا وای ناله سی افلاکه قوزاندی بو گون

خسته تندن روح پاکی آيرولوب ئوولدی امام
باش آچوب موسی ابن جعفر زادۀ خَيرالاَنام
شيعه قلبی زخميدن تاپمودی تاپماز التيام
پيشواسين ئولدوروبلر چشمی گرياندی بوگون

ياندولار پروانه تک ياندوردولار عالم لری
تازه لنسين ايل به ايل اولسون مرور بو غم لری
فرصتون وار«عدلی»سن ياز بول غنيمت دم لری
اولماسان تابع امامه سنده نقصاندی بوگون

  • چهارشنبه
  • 17
  • دی
  • 1399
  • ساعت
  • 22:55
  • نوشته شده توسط
  • یوسف اکبری
ادامه مطلب
 حاج اصغر فرشچی

مدح و میلاد حضرت رسول اکرم(ص) و حضرت امام صادق(ع) -(یریوزی گویلر بولورسن نیه معطر اولوب) * حاج اصغر فرشچی

179

مدح و میلاد حضرت رسول اکرم(ص)  و حضرت امام صادق(ع) -(یریوزی گویلر بولورسن نیه معطر اولوب) یریوزی گویلر بولورسن نیه معطر اولوب
ایکی مولود سبب دور که مشک عنبر اولوب

رخساریدن کناره چکوب پرده آفتاب و ماه
اون یدّی ربیع عید مُوَقّراولوب

مقصود آفتابیدن محمّد دی عقل کل
ازلدی خلقتی لیک ختم پیمبر اولوب

تجلیل ایده مقامنی یوخ قدرت قلم
بیر یرده که واصفی خلاّق داور اولوب

تشبیه ناقص اولار مهر و ماهه دیسم
محضرینده کرّوبیان عبدو چاکر اولوب

الله اوزی ملائکیلن اولوب ثنا خوانی
قرآنه باخ صَلّو عَلَی النّبی حق داور اولوب

شأنینده منحصردی وجودونا خُلق عظیم
جمالی جلوه لی دیمه محتاج زیور اولوب

علیم و عالم و اعلم سراپا جذبه و شور
شاگرد مکتب اونا دامادی حیدر اولوب

مقصود ماهیدن که علمینه پُر ضیادی جهان
ملقّبدی صادقه که امام جعفر اولوب

بیز شیعه لر که جعفری مذهب مخاطبوخ
چراغ شیعه چون بو امامیدن منّور اولوب

فضل امام صادقدی بدون قید و شرط
حوزه لر زیوری زیب محراب و منبر اولوب

دین حنیف حضرت ختمی مآبی بودور
احیا ایدوب جهاندا مسلمینه اَزهَر اولوب

ایکی مولود گونونده چکن نظمه بو اشعاری
حسین خادمی (عدلی) دور که اسمی اصغر اولوب

  • پنج شنبه
  • 18
  • دی
  • 1399
  • ساعت
  • 22:04
  • نوشته شده توسط
  • یوسف اکبری
ادامه مطلب
 ودود آذرین خلخال

شهادت حضرت امام صادق(ع) -(ياسه گل قاره گی سينه داغلا) * ودود آذرین خلخال

201

شهادت حضرت امام صادق(ع) -(ياسه گل قاره گی سينه داغلا) به سبک(ای قلم سوزلرینده...)

ياسه گل قاره گي سينه داغلا
آغلا شيعه شهيد اولدي صادق
باغدا بلبل باتوب ياسه الله
سولدي ظلميله باغ شقايق

جورمنصوريلن اولدي مسموم
ششمين اختر ذات قائم
اؤز مدارينده دوشدي بلايه
سوزدي گويده افول ايتدي دائم

قلبي قانيله دولدي ستمدن
مذهب شيعه نين سرسپاهي
فاني دنياني باشدان آتوبدي
اولدي مهمان خوان الهي

ياندي اكبادي استادعشقين
مكتب و مدرسه اولدي تعطيل
سنده گل شيعه بامروت
جعفر صادقه ايله تجليل

بيربيله غصه دن گل فغانه
باشه قاره ساليب دائم آغلا
سينوي چاك ايله بومحنده
قلبووي بو مصيبتده داغلا

مشعل معرفت سوندي الله
نورحق ظلم اليله تار اولدي
ماتمه باتدي گلشنده قوشلار
غنچه گوللر گلستاندا سولدي

گيتدي الدن عداوت اليلن
دورت مين آزادمردين دبيري
معدن معدلت مير احرار
اولدي اهريمن دون اسيري

ماتم حضرت صادق اولدي
يابن زهرا ئوزون سينه داغلا
موسي جعفره تسليت دي
شال ماتم ساليب قاره باغلا

آغليا آغليا يابن زهرا
ياد ايله كربلا تشنه سيندن
سونمدي آتش قلب شيعه
دشمنين سونمين كينه سيندن

عصر روز دهم قتلگهده
زينب اولدي قرين قارداشيلان
گوردي بير صحنه ني باشه ويردي
چون دوليدي چوخور ير داشيلان

صاق سولا باخدي ام المصائب
سسلدي هارداسان غمگساريم
اولميا جور و ظلم عدودن
داشلار آتدا قاليبسان نگاريم

قوپدي دشت بلا ايچره طوفان
سن اولنده قرا يللر اسدي
حمله ايتدي قوشون خيمه گاهه
تشنه قزلاره آخر نفسدي

سن بيله ياتما بو غملي چولده
خيمه لر ياندي قهر شراره
يوخ مروت اخا دشمنونده
ال آچوب غارته هر سواره

قورخورام گوشواره سوياندا
ذبح اولا گوش و گوشواره باهم
يا كه خلخال اياقدان يولاندا
جان ويره دخت سه ساله دردم

ياتما اي غم گوني غمگساريم
دور يولا سال گيدور شامه زينب
باشلانوبدي اسارت بلاسي
قوش كيمي باغلانوب دامه زينب

(آذرين) ساخلا ال گوزياشون سيل
قان آلان گلسه دلشاد اولارسان
شاه عشقين آلار انتقامين
غصه و غمدن آزاد اولارسان

  • جمعه
  • 26
  • دی
  • 1399
  • ساعت
  • 19:25
  • نوشته شده توسط
  • یوسف اکبری
ادامه مطلب
 ودود آذرین خلخال

سینه زنی امام صادق(ع) ترکی و فارسی -(دل شده از داغ مصیبت کباب) * ودود آذرین خلخال

282

سینه زنی امام صادق(ع) ترکی و فارسی -(دل شده از داغ مصیبت کباب) سبک:گلدیم حسین وای دییم...

فارسی

دل شده از داغ مصیبت کباب
مهر درخشان شده زیر سحاب
حضرت صادق شرف اولیا
کشته شد اندر ره دین و خدا
""ای شه مشکل گشا .... صادق آل عبا
کشته راه خدا .... صادق آل عبا"""

گل به گلستان شده غرق عزا
بلبل خوشخوان شده نوحه سرا
باغ و چمن را زده باد خزان
دل شده غمدیده و غرق نوا
""ای شه مشکل گشا .... صادق آل عبا
کشته راه خدا .... صادق آل عبا"""

اهل سماوات و زمین دلغمین
مرغ سحر گریه کند بس حزین
در غم جانسور شه انس و جان
گریه کند ملت زار و انین
""ای شه مشکل گشا .... صادق آل عبا
کشته راه خدا .... صادق آل عبا"""

زهر عدو گشته خدا کارگر
غرق عزا خلق حق دادگر
موسی جعفر شده صاحب عزا
هیئت غم گشته جنان سربسر
""ای شه مشکل گشا .... صادق آل عبا
کشته راه خدا .... صادق آل عبا"""

عالمیان غرقه به تاب و تب است
حضرت صادق زجهان شسته دست
شیعه اثنی عشری در عزاست
صاحب مکتب ز جهان دیده بست
""ای شه مشکل گشا .... صادق آل عبا
کشته راه خدا .... صادق آل عبا"""

ترکی

زهر عدو حضرته ایلوب اثر
آه چکوب اولدی آقا خونجگر
ارض و سما دوتدی عزا سربسر
حضرت باقرده اولوب دیده تر
""ای شه مشکل گشا .... صادق آل عبا
کشته راه خدا .... صادق آل عبا"""

حضرت صادق غمینه دل دولوب
ماتمینه باغ و گلستان سولوب
باد خزان ریشه یاسی یولوب
دفنیده اما اونا تجلیل اولوب
""ای شه مشکل گشا .... صادق آل عبا
کشته راه خدا .... صادق آل عبا"""

یاده دوشوب شاه شهیدان غمی
یاسلی ایدوب حشره کیمی عالمی
زینبی دق مرگ ایلدی ماتمی
گوردی چوخوریرده سوسوز ضیغمی
""ای شه مشکل گشا .... صادق آل عبا
کشته راه خدا .... صادق آل عبا"""

سسلدی جان قانینه غلطان حسین
صورتی قان سجده گهی قان حسین
قلبی یارا سینه سی شان شان حسین
زینب اولا جانوه قربان حسین
""ای شه مشکل گشا .... صادق آل عبا
کشته راه خدا .... صادق آل عبا"""

قانه باتان گول کیمی پرپرحسین
دسته گل گلشن حیدر حسین
کامه چاتوب لشکر کافرحسین
هانی باشون بس هانی اللرحسین
""ای شه مشکل گشا .... صادق آل عبا
کشته راه خدا .... صادق آل عبا"""

خرمنوه باد مخالف اسوب
چاره یولون کیم سنه آیا کسوب
کوینگوی غارت ایدوب دینجلوب
سویله حسینیم الوی کیم کسوب
""ای شه مشکل گشا .... صادق آل عبا
کشته راه خدا .... صادق آل عبا"""

خرمنوه باد مخالف اسوب
چاره یولون کیم سنه آیا کسوب
کوینگوی غارت ایدن دینجلوب
سویله حسینیم الوی کیم کسوب
""ای شه مشکل گشا .... صادق آل عبا
کشته راه خدا .... صادق آل عبا"""
.....
قتلگهون جلوه گه یاریدور
قانلی سینون مخزن الاسراریدور
دور و برونده هامی دلداریدور
سندن اوزاق تشنه علمداریدور
""ای شه مشکل گشا .... صادق آل عبا
کشته راه خدا .... صادق آل عبا"""

  • چهارشنبه
  • 1
  • بهمن
  • 1399
  • ساعت
  • 11:41
  • نوشته شده توسط
  • یوسف اکبری
ادامه مطلب
 ودود آذرین خلخال

زبانحال امام صادق(ع) گریز به سوختن درب حضرت زهرا (س) و غارت اخیام -(جان اوسته دوشوب یادیمه ای حضرت دادار) * ودود آذرین خلخال

193

زبانحال امام صادق(ع) گریز به سوختن درب حضرت زهرا (س) و غارت اخیام -(جان اوسته دوشوب یادیمه ای حضرت دادار) جان اوسته دوشوب یادیمه ای حضرت دادار
یاندیردیلا زهرا قاپیسین فرقه اشرار

زهرا دایانوب پشت دره قوپدی قیامت
صدقیله ایدوم قوی سیزه بو مطلبی اقرار

اودلاندی منیم گرچه قاپیم ظلمون الینده
قان سالمادی سینمده فشار در و دیوار

گرچه اوز ایویمده منه بی حرمتی اولدی
اما ننه جان سینمی سیندرمادی مسمار

چکدیله منی ذلتیله کوچه ایچنده
زهرایه ولی قمچی ویروب قنفذ غدار

هم غش ایلدی همده گیدوب محسنی الدن
باخ راه ولایتده ایدوب گورنجه ایثار

بیرده یادیما دوشدی غم و غصه غارت
اودویردیلار اخیامه یانوب خانه احرار

قیزلار توکولوب چوللره افغانه گلوبلر
سسلندی علیکن بفراری شه بیمار

بیلمم نه قیامت ایلدی زمره شیطان
دستور ویریب غارته چون شمرستمکار

کیم چخدی خیمدن باشینا ویردیلاقمچی
تاراجه گیدوب معجر و خلخالیله گوشوار

اوندا بالا قیزلار ایدوب عباسه توسل
سسلندیله گل دادیمیزه قولسیز علمدار

والله داخی سندن عمو دای ایستمیروک سو
باخ گور گتیروب جانه بیزی قوم جفاکار

گل پرپر اولان گوللری آل خارین الیندن
پامال ایلیور گوللری بو فوج ستمکار

اما سنیده دست ستم پرپر ایدوبدی
علقمده یاتوبسان یارالی سینه سی خونبار

قولاروی ایلوبله قلم قلبوی شان شان
بیرآهن عمودیله ویروب نوفل بی عار

بیر اوخ دا ویروبدورگوزوه حرمله دون
آغلور سنون احوالوه داغلاریله داشلار

بو روضه لرین بعضی داشادا اثر ایلر
عباسه ولی(آذرین)عمرینده چوخ آغلار

گریز
لا یوم کیومک یا اباعبدالله

گرچه اکبادیم منیم زهر جفاییله یانوب
باکرامت درگهیم دست ستمله اودلانوب
آسمانه عترتیمدن آه و افغان قوزانوب
باتمیوب قانه ستملن آیلاریم اولدوزلاریم
قالمیوبدی قمچی آلتیندا حیالی قیزلاریم

  • چهارشنبه
  • 1
  • بهمن
  • 1399
  • ساعت
  • 11:44
  • نوشته شده توسط
  • یوسف اکبری
ادامه مطلب

شهادت امام صادق(ع) -(دیولّه بیزلره عالمده جعفری مذهب) *سعدی زمان سیدرضا حسینی

189

شهادت امام صادق(ع) -(دیولّه بیزلره عالمده جعفری مذهب) دیولّه بیزلره عالمده جعفری مذهب
عیاندی مسئله، روشندی گون کیمی مطلب
امام جعفر صادقدی رکن دین مبین
اودور مروّج احکام و مذهب و آئین
آتاسی حضرت باقردی حجّت باری
آناسی بنت محمّددور، امّ فروه یقین
یازولّا هجرتین هشتاد اوچومجی سالینده
قدم بو عالم امکانه قویدی بو شه دین
ربیعُ الاوّلین اون یِدّیسی دوشنبه گونی
بو شاه دینه ولادت گونی اولوب تعیین
وجودی صفحه ی غَبرایه اولدی زینت بخش
تفاخر ایلدی عرش خدایه سطح زمین
ازل موسّس قانون شرع مصطفوی
بونی یازولّا تواریخیده معارف بین
همین که سنّ شریفی اوتوز بیره یتدی
آتاسی اُلدی، غم و ابتلایه اولدی قرین
بنی امیه او وقته کیمی مسلّطیدی
ائمّة تحت فشار عدوده زار و حزین
ائمّه قورخودان احکام دین دینموردی
فشاره سالموشیدی هر امامی بیر بی دین
بونون زمانی خروج ایلدی بنی عباس
بنی امیّه ایله باشلادی عداوت و کین
بیری بیریله اولار جنگه اولدولار مشغول
بو، خلقه ایلدی احکام مذهبی تلقین
اودور سبب که شیاع ایتدی جعفری مذهب
شریعه نبوی روشن اولدی چون پروین
بنی امیّه نی محو ایلدی بنی عباس
یتوب خلافته منصور شوم و کینه گزین
دوشوب بو فکره اوکافر امامی الدورسون
بهشت عدنیده ایتسون پیمبری غمگین
دیدی امور سیاستده پیشرفت اولماز
امام صادق اگر ایتمسه منه تمکین
امام ده گِچینوردی تقیّه حالینده
ز بس رئوفیدی ایتمزدی دشمنی نفرین
دوانقی ولی اَل چَکمدی او سروردن
امامه ایتدی او بی شرم گونده بیر توهین
چاقوردی بیر گئجه خلوتده محرم رازین
دیدی اگرچه اولوبدور امام خانه نشین
ولی وجودی منه مانع ریاست دور
او اولماسا اولور عالم اَلیمده نقش نگین
گئجیله فوراً اونی ایله مجلسه احضار
شهید ایدوم تاپا بلکه بو خاطریم تسکین
ولی نه حالیله گورسن او حالتیاه گَتور
حقارتیله یتور مجلسه ملول و غمین
گَلوب نه گوردی نماز اوسته راکع و ساجد
امام تَکدی، یاتوب سر به سر بنات و بنین
قویوبدی سجدیه باش، دل آچوب مناجاته
ایدور دعا، گَلوری غیبیدن صدا آمین
ایله سیزیلدیری تاثیر ایدور جماداته
اولور عیان در و دیواریدن صدای اَنین
عمامه یوخ، باشینا باغلیوبدی بیر دسمال
گِیوبدی اَگنینه اول شاه بیر لباس خَشین
ایدوبدی منزلینی رشکِ وادی طور
دوشوب کلیم کیمی شاه یوم باز پسین
حضور یاریده گوزدن آتوبدی اغیاری
ایدور خدائیله راز و نیاز امام مبین
تحمّل ایتدی نمازین امام قورتاردی
و لیک قویمادی ایتسون عوض لباس لرین
اَیاق یالین باش آچوق گَتدی حجّتُ اللهی
یتیشدی مجلس منصوره شاه عرش مکین
گیرنده مجلسه ویردی سلام منصوره
یره توکولمدی علّت ندور سپهر برین
قوجا امام اَیاق اوستونده قالدی بیر ساعت
و لیک ایلمدی اعتنا او شوم و لعین
بیر آز گیچوب باشینی قوزادی تکبّریله
اولیدی لال گوروم، آچدی ناسزایه دلین
امام صادقه شرم ایتمیوب دیوب کاذب
ایدوب بو لفظیله قلب عوالمی تحزین
خیال سلطنته دوشموسن دیدی گورورم
دوزَلدوسن اوزیوه دور و برده یار و معین
بویوردی حضرت صادق منه دیمه کاذب
لقب ویروب منه صادق بابام رسول امین
جوان لیقیمدا ریاست خیالی ایتمَمیشم
قوجا لیقیمدا دوشم بیله بیر خیاله چَتین
دوانقی ایشیدوب بو سوزی غضبلندی
آپاردی غبضه ی شمشیر خون فشانه اَلین
غلافیدن قلجین بیر وجب ایدوب خارج
دوباره قویدی غلافه او مرتد بی دین
ایکیمجی دفعه ایدوب بیر ذِراع بویی خارج
امام قتلینه آرتوردی دلده کی هوسین
اوچومجی دفعه ایدوب تیغی غیظیله عریان
ایدوب او حالیده خاموش آتشِ غضبین
محبّتیله چاقوردی یانیندا یِر ویردی
محبّته عوض اولدی عداوت دیرین
امامه غالیه ی خاصّینی تعارف ایدوب
ایدوب او غالیه ایله محاسینین تزئین
چوخ عزّتیله یولا سالدی حجّتُ اللهی
ربیع سرّینی ایتدی سوال ماوقعین
جواب ویردی خلیفه سنه بیان ایدرم
و لیک بیر کسه بُلدورمه بو ایشین سببین
همین که ایتدیم اراده امام قتلینی من
اَیاق یالین باش آچوق گَلدی حضرت یاسین
بویوردی ایتمه اذیّت، بالامی اینجیتمه
هلاک ایلرم اولسان امام عصره ظنین
گَلِیدی کاش پیمبر یزید مجلسینه
امام قتلینه فرمان ویرن زمان او لعین
دییدی سیّد سجّادی ظالم اینجیتمه
اسیرلیق غمی بسدور، زیاده ایتمه غمین
قولونی باغلاموسان بسدی، جسمی ناخوشدی
بو غُلّ جامه مجروح ایلیوب بدنین
بو بیر بیوک، اوشاق، عورت، تیکوب بو ناخوشه گوز
اَلیندن آلما بو بی کس لرین اماندی کسین
ترحّم ایله بو بیچاره هاشمیّه لره
اوجاتما زینب و کلثومین آه و ناله سسین
سنه ((حسینی)) بو اشعار خوش نتیجه ویرر
قالار او گون که هامی ایتدوقی عملده رهین

  • شنبه
  • 18
  • بهمن
  • 1399
  • ساعت
  • 19:45
  • نوشته شده توسط
  • یوسف اکبری
ادامه مطلب
معجزه ای برای رفع مشکلات حنجره
 محمدرضا محمدی (ناعم)

شهادت حضرت امام صادق(ع) -(روز عزای شیعیان جهان است) * محمدرضا محمدی (ناعم)

168

شهادت حضرت امام صادق(ع) -(روز عزای شیعیان جهان است) ((روزعزای شیعیان جهان است
صاحب عزامهدی صاحب زمان است))
آجرک الله بقیه اللـــــــه
واویلا واویلا واویلا۲

ارض وسماگریدازماتم صادق
عالم سیه پوشیده درغم صادق
دل مبتلاشد غرق عزاشد
آجرک الله...... واویلا۳

زهرکینه بنشسته برجسم وجانش
ذکریازهراجاری شدبرزبانش
بیاای مادر این دم آخر
آجرک الله.... واویلا۳

قاره گیون شیعه لرباشلاندی ماتم
جنتده آغلوربوگون حضرت خاتم
دل مبتلادی روزعزادی
آجرک الله .... واویلا۳

زهرجفادن یانوب یکسراعضاسی
قوزانوب عرشه یاران آه ونواسی
اکبادیم یاندی سینم اودلاندی
آجرک الله..... واویلا۳

  • چهارشنبه
  • 13
  • اسفند
  • 1399
  • ساعت
  • 17:28
  • نوشته شده توسط
  • یوسف اکبری
ادامه مطلب
 محمدرضا محمدی (ناعم)

زبانحال امام صادق(ع -(بگویم با سوز سینه) * محمدرضا محمدی (ناعم)

232

زبانحال امام صادق(ع -(بگویم با سوز سینه) بگویم باسوزسینه
غریبم من درمدینه
بیامادرلحظه ی آخرسربه روی دامن گذارم
به وقت جان دادنم مادرآرزوی روی تودارم
توراازدل عاشقم من
بیامادرصادقم من
ببین مادر سیّدی پیرم کنج این خانه بیقرارم
بیا مادرلحظه ی آخرسربه روی دامن گذارم

فقیه آل عبایم
همیشه غرق نوایم
منم نجل احمدخاتم درمدینه زاروغریبم
زشوق دیدارتومادراینچنین بی صبروشکیبم
دل زارمن شکسته
به خاک،محنت نشسته
منم آن مردغریبی که درمدینه یاری ندارم
بیامادرلحظه ی آخرسربه روی دامن گذارم

ببین ای غمدیده مادر
بسوی تومیکشم پر
بسوزداز زهراهل کین ذره ذره این جسم وجانم
نشسته زهرجفامادربروجود وبراستخوانم
دگرمادر،جان ندارم
به سجده سر میگذارم
به لب دارم ذکریازهرا ،جان به جانانم میسپارم
بیامادرلحظه ی آخرسربه روی دامن گذارم

ترکی

آناجان گل بیقرارم
غمینم درده دچارم
اوره ک یاندی سینَم اودلاندی جانیمی سالدی غم بلایه
چیخورعرشه آه وافغانیم دوشموشم دردوابتلایه
آنااوغلون صادقم من
اجل گلسه شایقم من
غمیم چوخدی همدمیم یوخدی شهریثربده من غریبم
آناجان گل دویمیشام جانه وصلته بی صبروشکیبـــم

ویروبلار اود ظالمانه
یانوب اوتدا آشیانه
جفااهلی مزرع عشقه ظلم وطغیانون بذرین اکدی
قولومی باغلادی ظلمیله کوچه لرده جبریله چکدی
چکنده چوخ شدتیلن
یره دگدیم صورتیلن
دیدیم الله شاهداول صادق حق یولوندا دوشدی بلایه
علی مثلی صبرائدوب درده،اگمدی باش قوم دغایه

اوره کده چوخلی سوزوم وار
سنون لطفونده گوزوم وار
گوزومی گل باغلا ای باغ مصطفانون یورقون غزالی
آناجان گل باشیمون اوسته جان ویروراوغلون دل یارالی
چیخورعرشه سوزسینه
منه زنداندی مدینه
منه اوزشهریم اولوب غربت دائماً سینه داغلورام من
اگرچه جان اوستیَم شاهه کربلایه چوخ آغلورام من

  • چهارشنبه
  • 13
  • اسفند
  • 1399
  • ساعت
  • 17:33
  • نوشته شده توسط
  • یوسف اکبری
ادامه مطلب
 محمدرضا محمدی (ناعم)

شهادت حضرت امام صادق(ع) -(بیر غریبم الله اورکده چوخدی دردیم) * محمدرضا محمدی (ناعم)

162

شهادت حضرت امام صادق(ع) -(بیر غریبم الله اورکده چوخدی دردیم) بیر غریبم الله اورکده چوخدی دردیم
اوج ایدوبدی یردن سمایه آه سردیم
دوشموشم نفسدن قیامه یوخ توانیم
ایله بیر نظر ای کریم مهربانیم
جهانه رهبرم من
غریب ومضطرم من

اود وروبدی دشمن یانوبدی آشیانیم
قورخوشوبدی یکسر حیالی خانمانیم
شعله لر ایچینده دوشوبدی یاده زهرا
باشیمه اوساعت دولاندی کل دنیا
جهانه رهبرم من
غریب ومضطرم من

کوچه ده عباسیز آپاردی منی بو قوم اشقیا
نچه یول یخیلدیم او یولدا دیزیمده قالمادی قوا
مجلش شرابه بو دشمن جفائیلن چکوب منی
جانه گلمیشم من اودور کی هرایه سسلورم سنی
ای حق داوریم
تتریور دیزلریم
یتیش هراییمه غریبم

دوشسه گر جهاندا کیمون باشی بلایه
آغلیا نه خوشدور شهید کربلایه
باشه چاتسا عمروم جهانی داغلارام من
جان ویرن زماندا حسینه آغلارام من
جهانه رهبرم من...

آغلارام اوشاهه اورکدن کسیلدی دالدان حنجری
گون ایوینده اوچ گون کفنسیز قالوب یارالی پیکری
باغلانوبدی یکسر طنابه عیال وآل و عترتی
قانلی باشی اما اوشاهون جدانون اولدی زینتی
باجیسی آغلادی
چوخ اورک داغلادی
دیدی حسین یارالی قارداش

  • چهارشنبه
  • 13
  • اسفند
  • 1399
  • ساعت
  • 17:38
  • نوشته شده توسط
  • یوسف اکبری
ادامه مطلب
 مهدی عبادی(بیکس)

شهادت امام صادق(ع) -(ویرار شیعه لر باشه یکسر یتوب موسم درد و محنت) * مهدی عبادی(بیکس)

179

شهادت امام صادق(ع) -(ویرار شیعه لر باشه یکسر یتوب موسم درد و محنت) ویرار شیعه لر باشه یکسر یتوب موسم درد و محنت
جفائیله منصور بی دین ایدوبدی جنایت

مسموم اولوبدی بوگون شیعیانون آقاسی
قوزاندی عرشه امامین اورکدن نواسی
آهیله دولدی سراسر مدینه فضاسی
یتشدی زمان عزاسی

ایوای آقام وای آقام وای آقام وای(2)
آقام وای آقام وای

اولوب صادق آل طاها بیر عمری غمیله هم آغوش
یانوب قلبی زهر جفادن اولوبدی کفن پوش

چوخ ظلم اولوبدی امامی ایدوبلر پریشان
حاشا مسلمانه بیر بیله ظلم فراوان
زهراکیمین درگهین یاندروب قوم عدوان
اولوبدی همیشه اورک قان

ایوای آقام وای آقام وای آقام وای(2)
آقام وای آقام وای

یانور گرچه قلبیم بوغمده ولی دیلده آیری نواوار
اورک قانیله دولدی نیلیم غم کربلا وار

دفن ایتدی کاظم آتاسین بقیعده نواخوان
امّا حسینون وجودی قالوب یرده عریان
توپراقلاراوسته یاتوبدی حسین قانه غلطان
اولوب غسلی اَلقان

ایوای آقام وای آقام وای آقام وای(2)
آقام وای آقام وای

بودور شیعه لر افتخاری کی واردور بیله مقتداسی
اولار جعفری مذهبی لر جهانین آقاسی

بیر گون اولار عالمی چولقالار فقه جعفر
مهدی گلر ریشه ی کفر و عصیانی پی لر
اهل جهانی گلنده آقام شیعه ایلر
گلنده بو سبط پیمبر

ایوای آقام وای آقام وای آقام وای(2)
آقام وای آقام وای

  • پنج شنبه
  • 21
  • اسفند
  • 1399
  • ساعت
  • 16:36
  • نوشته شده توسط
  • یوسف اکبری
ادامه مطلب
 امین اسماعیل زاده ماکوئی

امام جعفر صادق(ع) و گریز به سوختن درب خانه مولا علی(ع) -(باشلا یا حق دِی قلم باغلا ریانین گؤزونی) * امین اسماعیل زاده ماکوئی

154
-1

امام جعفر صادق(ع) و گریز به سوختن درب خانه مولا علی(ع) -(باشلا یا حق دِی قلم باغلا ریانین گؤزونی) باشلا یا حق دِی قلم باغلا ریانین گؤزونی
نقش ائله دفتره استاد قلم لر سؤزونی

ششمین هور فروزان امامتدن دِی
فضلیدن،منطق دن،عشق و عبادتدن ده

عِلمینون بحرینی تشریح ائله سن مُردابه
توشۀ حُبّیله بیر تحفه گئتور احبابه

مکتبین یازگیلان اول عزّت پا برجاسین
افتخاریله چاغور شیعه لرین مولاسین

قوی بیلوب فخر ائلسین شیعه لرون اولادی
کیمه نوکردی اولوب مذهبینون استادی

فاش ائله خوان تشیع دَه کی غیرت دادینی
خط چکیب دفتره یاز حضرت صادق آدینی

گَلجَگین صادق آدی گَلدی بو طبعیم شوره
گئتدی تاریکیِ دل،وئردی مکانین نوره

کیمدی صادق که آدی دهره سالیب آوازه
جنّتین باغلارینا عشقی اولوب دروازه

کیمدی صادق که ساچور نور کمالاتیندن
علم ئوزی بهره توتور جمله رسالاتیندن

صادقون مدحتینه کلمه گلور نا کافی
وصف معناسینی توصیف ائلییر اوصافی

شیعه نین شامینه جهدی وئروب آیدین سحری
بجروب دانشی تسخیر ائدن علّامه لری

عِلمینون کلمه سی مین لرجه مجلّد پندی دی
بارماقین بؤلسن اونون مین بئله دانشمندی دی

صادقون علمی اولوب دینه آغیر سرمایه
عُلما لر له ووروب دین طاقینا مین پایه

نه فقط علمی ،که غیرتله وجودی جالانیب
شیعه بُحراندا اونون غیرتینه دالدالانیب

کیمدی صادق که کراماتیله لبریز اولموش
تیغ اسلامیدی که منطقیله تیز اولموش

درس عزّت قازانیب یدّی ملک منظردن
مدرک شأنی آلیبدور خود پیغمبردن

اخذ ائدوب عصمیتینی فاطمۀ اطهردن
غیرتی ارث آپاریبدور آتاسی حیدر دن

مجتبی وئرمیش اونا صبر و سخاوت درسی
کربلا شاهی وئروب شور شهادت درسی

ساجدین سجده سی هر سجده سینه ناظر اولوب
شاخه علمینه باعث شجر باقر اولوب

اونون احساسینه جبریل اوزوده مشتریدی
شهپر کلّ ملک صادقون انگشتریدی

فقهیدن جمجمۀ شیعه نی سرشار ائلیوب
مکتبین مُنکرینی منطقیله خوار ائلیوب

شیعه نین کوچۀ تنگین ائلدی آزاد راه
منطقیلن وئروب هر شیعه یه بُرّنده سلاح

خفقان دوره ده موسیٰ کیمی بیر طور ائلیوب
مکتبین هر نقدر دشمنی وار کور ائلیوب

نهضت عشقی جهانی ائلین صادق دی
کیم اونی ردّ ائلسه پست دی نالایق دی

بیله فکر ائتمه تقیّه ، یولونی تنگ ائلدی
غاصب حقیله تا واردی نَفَس جنگ ائلدی

روبرو اولدی اوگون دشمن سر سختیندن
سالدی بیرنطقیله منصوری شرف تختیندن

دیدی جان فکری اگر ایلسم عاشق دگولم
یخماسام دولت عصیانگری صادق دگولم

یعنی پاینده دی هر برهه ده حریتیمیز
ایلمز ننگی پذیرش بلی شخصیتیمیز

بیز هدی مشعلیوخ ، حقدن عدول ایلمروخ
باشیمیز گیتسه ده ظلامی قبول ایلمروخ

کربلائی ام،حسینی ام و هم جعفریم
سنی رسوا ایدرم زینبی ام،حیدریم

حاکم جور اودم گوردی شرایط بئله دی
خطری دایره مسندینه حس ایلدی

ظلم تاریخینی قیتردی دوباره دالیا
قصد ایدوب باب امامتده گئنه اود قالیا

حاکم وقت حجازه یتیروب فرمانی
اودلایون بیت امامی قوتارون جریانی

تائب اعراب گینه جهلینی اظهار ائلدی
سیندیروب توبه سینی ظلمینی تکرار ائلدی

بورویوب حضرت صادق قاپیسین شعله نار
آتش ظلمیله تشویشه دوشوب محرم یار

یر زبانه چکیب اود منزله چاتدیردی اوزون
اولیاء اوددا که مظلومه باخیب یومدی گوزون

قویمادی لیک یانا حضرتی اهل ایمان
مین مشقّتله امامی قوتاریبلار اوددان

گر روا گورسه خدا واردی بی نیسگیل عرضیم
یازماسام بو سوزی درد اهلینه وار چوخ قرضیم

اَسینوب باد خزان گئچدی سوزوم یازلیخدان
گینه سوز غربت اولوبدور وای آدامسیزلیخدان

بو همان اوددی یانییب درب خانم زهراده
بو همان اوددی قویوب داغ دل مولاده

صادقی یاری باشندا واریدی روز بلا
قویمادی یاری اونی شعله آتش ده قالا

ولی زهرانون او لحظه ئورگی داغلیدی
واریدی بیر نفری تک که قولی باغلیدی

ظلمیدن توسدی او هنگام گویه قوزاندی
باخدی چشمان علی،سینه زهرا یاندی

یاز *امین* تا که بیلینسون نجه بیر ظلم اولدی
نجه اشکیله اودم دیده زینب دولدی

  • سه شنبه
  • 3
  • فروردین
  • 1400
  • ساعت
  • 13:41
  • نوشته شده توسط
  • یوسف اکبری
ادامه مطلب
کربلایی رحیم فیضی اردبیلی

سینه زنی امام صادق(ع) -(اهل یقینون رهبری جعفر صادق جعفر صادق) *کربلایی رحیم فیضی اردبیلی

271
2

سینه زنی امام صادق(ع) -(اهل یقینون رهبری جعفر صادق جعفر صادق) اهل یقینون رهبری- جعفرِ صادق
جعفرِ صادق
سنسن حقیقت مظهری- جعفرِ صادق
جعفرِ صادق

یامولا - یامولا (۲)

مبهوت ائدوبدور عالمی- مذهبِ صادق
مبهوت ائدر هرمکتبی- مکتبِ صادق
طعنه ویرار هر منصبه- منصبِ صادق
اسلامین اعلا گوهری- جعفرِ صادق
جعفرِ صادق

یامولا - یامولا (۲)

زهرا کیمین یاندیردیلار- درگهِ پاکون
دوشدی فشاره غصّه دن- قلب صدچاکون
باتدی سِرشک ماتمه- چشم غمناکون
ای قان اولان اشکِ تری- جعفرِ صادق
جعفرِ صادق

یامولا - یامولا (۲)

ای قلبینه غملر دولان- سَروَرِ خوبان
انگوریله مسموم اولان- ناطقِ قرآن
ضعف ایلیوب٬ گُل‌تک سولان- پیکره قربان
ای اهل ایمان سَروَری- جعفرِ صادق
جعفرِ صادق

یامولا - یامولا (۲)

زوّاریسیز قبروون بیزی- آغلادار مولا
محزون ائدوبدور شیعه‌نی- بو غمِ عظما
نوحه دیوب اوخشار سنی- باغریقان زهرا
آغلار غمونده گوزلری- جعفرِ صادق
جعفرِ صادق

یامولا - یامولا (۲)

یاز (فیضی) بوغمده جهان- قاره‌پوش اولدی
اهل زمین و آسمان- درده توش اولدی
ائتدی تلاطم ماسوا- پُرخروش اولدی
اهل‌سمانین ازبری-جعفرِ صادق
جعفرِ صادق

یامولا - یامولا (۲)

  • شنبه
  • 7
  • فروردین
  • 1400
  • ساعت
  • 12:52
  • نوشته شده توسط
  • یوسف اکبری
ادامه مطلب
 احمد پوریا

شهادت امام صادق(ع) -(مولا ؛ شهادتونده عالم آغلار) * احمد پوریا

158

شهادت امام صادق(ع) -(مولا ؛ شهادتونده عالم آغلار) مولا – شهادتونده عالم آغلار
بو غمده شیعه سینه داغلار
یاس ساخلیوب سنه ملکلر
عرش خدایه قاره باغلار

مولا - دشمن سنی ایدوبدی مسموم
زهرا اولوب بو غمده مغموم
قربان سنون غمیوه مولا
سنـــــه فـدا امـــــام مظلوم

مولا -- فدا او قبر بی چراغه
نجــه دوزوم بیله فراغه
بقیعیده غریب یاتوبسان
شیعـــه گرک اوله بو داغه

مولا -- بیر گون اولار بقیعی آلوخ
عالملـــــره شـــراره سالوخ
بر پا ایدوب بزم عـــــزاوی
صـادق دیوب بقیعده قالوخ

مولا - دنیانی سن گوزوندن آتدون
گون تک صولوب سماده باتدون
سن جعفری مُوءسِس اولدون
شیعه لرون باشین اوجالتدون

مولا -- قبرون اگر چه بی حرمدی
بی شمعیدی غریبه غمدی
آدون اولوب حک سینمیزده
شیعه هــامی سنه خدمدی

مولا - هیچ غم حسین غمینه چاتماز
هیچ گون حسین تک بیله باتماز
باشسیز یاتوب دی قتلگهده
هیـــــچ بیلــــه یارالی یاتماز

مولا - (پویا ) غمونده ناگراندی
سنسیز بهاری چوخ خزاندی
کرب و بــــــلانی سندن ایستر
عنایت ایلـــــه آغلیـــاندی

  • دوشنبه
  • 21
  • تیر
  • 1400
  • ساعت
  • 22:25
  • نوشته شده توسط
  • یوسف اکبری
ادامه مطلب
حاج ناصر تبسمی اردبیلی

شهادت امام صادق(ع) -(یا امام صادق ای در یگانه) *حاج ناصر تبسمی اردبیلی

113

شهادت امام صادق(ع) -(یا امام صادق ای در یگانه) یا امام صادق - ای دُر یگانه
یوم رحلتوندی - گلمیشوک فغانه

دعوت ایله قبرون - ایلیک زیارت
قالماسین اورکده - عاشقانه حاجت
ای امام رحمت - ای شفیع امّت
ایلروک تقاضا - سندن عاجزانه

باغلامیشدون همّت - سن رواج دینه
خالصانه خدمت - ربُّ العالمینه
حاصل تلاشون - اولدی بی قرینه
لاجرم عداوت - گتدی دشمنانه

ای امام منصب - وی رئیس مذهب
سن مؤسّس اولدون - قوردون عالی مکتب
جعفری یازیلدی - بوندان اوتری مطلب
چونکی سندن اولدی - نشر دین جهانه

دوتدی زنگ کینه - قلب دشمنانی
دوز یولا چکدون - سنکی عاشقانه
حاکم مدینه - کیدلن نهانی
بیلمورم نه جرمی - ایلدی بهانه

اولدی مرتکب بیر - ظلم جانستانه
زهر وئردی آخر - صاحب زمانه
قلب دوستانی - دوندریبدی قانه
اشک غم عذاره - توکدی اهل خانه

گلدی دفن و کفنه - پور با وقاری
حمل اولوب جنازه - آچدیلار مزاری
تاپشریب ترابه - گنج آشکاری
فاطمه جوارین - قیلدی آشیانه

قبره عزّتیله - گئتدی جسم پاکی
جدّینه یتیشدی - روح تابناکی
بزم انس قوردی - آل سینه چاکی
باخ حسینه امّا - غملی داستانه

قالدی نعشی چولده - بی کفن اراده
اولمادی مسلمان - دشت کربلاده
دفن ائده حسینی - خاک نینواده
سالدی قانلی بستر - اوچ گون اوچ شبانه

بارگاه وحدت - قوردی مقتلینده
اللری وئرور قان - ساربان الینده
گلدی تا بروزه - ظلمی بجدلینده
قیلدی یار دعوت - روضه ی جنانه

گوردی نیمه ی شب - قتلگاهی خلوت
ذبح اولان بوغازدان - سسلیوب او ساعت
گل قیزیم رقیّه - یاخجی واردی فرصت
قورخما ال ایاقون - یولدا باتسا قانه

پیک مهر فوراً - دگدی خسته دلدن
دوردی تز رقیّه - آیرلیبدی ائلدن
قصد ائدیب باباسین - گلدی تند یلدن
اوچ یاشیندا دختر - قلبی شانه شانه

  • دوشنبه
  • 4
  • مرداد
  • 1400
  • ساعت
  • 12:03
  • نوشته شده توسط
  • یوسف اکبری
ادامه مطلب

شهادت امام صادق(ع) گریز به مجلس یزید -(منصور ایدوب آزارلر از بس امام جعفره) * ناشناس ؟؟؟

158

شهادت امام صادق(ع) گریز به مجلس یزید -(منصور ایدوب آزارلر از بس امام جعفره) مَنصور ایدوب آزارلر از بس امام جَعفره
جور و جفا و کینه سی ایتدی اثر پَیغمبره

حکم ایلدی حاضر اولوب بزم سیاستده امام
قالدی ایاق اوستنده اول عرش خداونده قوام
ویردی فسرده حالیله منصور بیرحمه سلام
واللهی چوخ مشکلدی بو توهین آتاسی حیدره

زهرا بهشتی ایلسه بَیت الحَزَن ذی حقّ دور
گورسون ننوعی عترتی دریای غمده غرق دور
در حالتیکه فاطمه ملکی بو غرب و شرق دور
خصم جفا پیشه سالوب اولاد پاکین چُوللره

بیر نوعی مظلوم عالم آل محمد اولدی آه
آتلار دوشینده چکدیلر مَین زَحمتیله گاه گاه
تائیر ایتدی دشمنه حال امام بیگناه
اما اَثر ایتموب دل منصور او نسل ابتره

بیر نامناسب حالت تحقیریله اول بَیحَیا
ایتدی دوباره حاضر بزم سیاست بر ملا
بی دین و لامذهب دیوب بر حقّ امامه ناسزا
طغیان کفریله آچوب دل نامناسب سوزلره

بهتان دیوب هم سویلدی ظلمیله ناحقّ اِفترا
صادق امامه نسبت کذبیله اول نسل زنا
شمشیر الینده دمبدم قصد هلاک ایلردی تا
ظلم ایلسون جدی اولوب ناصر او بیکس سروره

علت ندور بلمم نچون بو رحمةً للعالمین
چوخ صبر ایتدی ایتمدی ویران یزیدین مجلسین
گوردی الینده خیزران گتدی بروزه کینه سین
پی هم ووروب چوب جفا تشنه یارالی لبلره

هر چند فوق العاده بیر غمدور امام جعفره
اما امام سید سجادیده باخ غملره
بزم شراب ایچره دوروب حیران باخوب دشمنلره
طعن و شماتت آتشی اود ووردی خونین دللره

چکدی امام جعفر صادق نلر مَنصوریدن
بیر کافرانه ضد حقِّ مذهب اولان منظوریدن
آخرده تسلیم ایلدی جان زهریلی انگوریدن
زهر آتشیندن اود دوتوب اودلاندی اعضا یکسره

(منصور) هرآن ذکر اولور منصورین اسمی سر بزیر
شرمنده نار محنت حسرتله یانام اول شریر
بیر ظلم ایدوبدی دائما فریاد ائدر خرد و کبیر
سال یاده هر آن شوریله قان آغلا قربان گوزلره

  • شنبه
  • 13
  • شهریور
  • 1400
  • ساعت
  • 12:39
  • نوشته شده توسط
  • یوسف اکبری
ادامه مطلب

شهادت امام جعفر صادق(ع) گریز به قتلگاه -(ای جعفری مذهبلرین آرام جانی) * صادق تائب

172

شهادت امام جعفر صادق(ع) گریز به قتلگاه -(ای جعفری مذهبلرین آرام جانی) ای جعفری مذهبلرین آرام جانی
گیتدون عزادار ایلدون اهل ولانی

ای دللّره داغلار قویان ای وای آقام وای
امید ائوین باغلار قویان ای وای آقام وای
ای شیعه نی آغلار قویان ای وای آقام وای
ای ایلین ماتم زده پیر و جوانی

ای سینه سی گنجینۀ عِلم اِلهی
ای مَحضر درسی اولان دین پایگاهی
ای سایۀ قُدسی اولان حق شاهراهی
مذهبده روشن ایلین اهل ولانی

جسم بیانه ای ئوزی بیر روح ناطق
ای خالق فضل و ادب مخلوق خالق
تعلیم ائدن ای اهل صدقه فقهِ صادق
ای اوستاد مکتب علم و معانی

گمراه ایدوبدی امتی باطل یازانلار
حقّ علمینی مدفون ایدوب مدفن قازانلار
تاپمازدی یول سن اولماسیدون یول آزانلار
فقهیله آگاه ایلدون کلّ جهانی

سن آچماسیدون مکتب درس و دیانت
سن سالماسیدون عالمه نور فقاهت
تاریک اولاردی عالم دین و شریعت
سن زنده ائتدون شَرع حُکم مُصطفانی

سن فقهیله دانانی جاهلدن آیردون
سن علمیله نادانی عاقلدن آیردون
چکدون ریاضت حقّی باطلدن آیردون
وار دور سنون فقهونده روح جاودانی

مولا سنون اسلامیده چوخ خدمتون وار
هر بیر پریشان جمعده جمعیّتون وار
اهل تَشیُّع گردنینده منّتون وار
سنسن سرافراز ایلین بو شیعیانی

سن حکم شرع ذات بیچونی دیریتدون
عاشورده ناحقّ آخان قانی دیریتدون
قاندان حسین یازمیش او قانونی دیریتدون
دوتدون مرام شهسوار کربلانی

آچدون سن اسلام اهلینه راه سعادت
مَنصور جانی ائتدی بو امره حِسادت
آری اولار گمراه اولانلاردا بو عادت
قصد ائتدی خاموش ایلسون نور خدائی

ائتمیشدی بسکه مست اونی جام غروری
حقّی گورنده خیره اولدی چشم کوری
حقّونده آرتوردی سنون هر ظلم و زوری
ظلمینده چخدی حدّدن اُول خَصم جانی

باخموب که سن دلبند پاک مُصطفاسن
باخموب که سن فرزند شاه لافتاسن
باخموب که سن صبر دل خِیرالنساسن
بُلدی روا حقّونده هر جور و جفانی

باخموب که سن چشم چراغ ماسواسن
باخموب که سن بیر یادگار مُجتباسن
باخموب که نُور چشم شاه کربلاسن
گتدی بَلالی باشیوه هر بیر بَلانی

ئوز کینه سین زهرایه معلوم ائتدی آخر
سن تک امید خلقی مظلوم ائتدی آخر
انگور مسمومیله مسموم ائتدی آخر
سندن او زَهر آلدی داخی تاب و توانی

آچدون گوزون باخدون دوشنده احتضاره
گوردون بالان موسی آلوب باشون کناره
جدون حسین اما دوشنده پاره پاره
گوردی باش اوسته زینبِ بی خانمانی

فرمایش ائتدی ای منه جانانه زینب
شمع وفایه ای اولان پروانه زینب
بوردا دایانما بوردا وار بیگانه زینب
گئت خیمه گاهه باشه یغ آل عبانی

ال آچسا ظلمه آل فرزند سمیه
قویما وورا قزلاریمی آل امیه
قویما خصوصاً آغلاسون نازلی رقیه
چوخ ایسترم اول دختر شیرین زبانی

بیر کوچه مشگی نوحه خوان ائتدی تقاضا
شوقیله (تائب) ائتدی بیله نوحه اِنشا
امّید وار روز جزا خاتونی زهرا
اوتدان قوتارسون شاعریله نوحه خوانی

  • شنبه
  • 13
  • شهریور
  • 1400
  • ساعت
  • 12:42
  • نوشته شده توسط
  • یوسف اکبری
ادامه مطلب

شهادت امام صادق(ع) -(جان ویروبدی حضرت صادق جهان قان آغلوری) *مرحوم صدیق تبریزی

240

شهادت امام صادق(ع) -(جان ویروبدی حضرت صادق جهان قان آغلوری) جان ویروبدی حضرتِ صادق جهان قان آغلوری
وای اوغول دلده پیمبر اِیلور اَفغان آغلوری

مذهبِ شیعه اِمامِ صادقه مدیونیدی
علمی باعث دور شَریعت قامتی موزونیدی
ظلمِ اَعدادَن ولیکن حیف اُولا دل خونی دی
بو اِمامِ دل غمی نه عَرشیان قان آغلوری

یِر تلاطم اِیلوری آغلور اونا عرشِ بَرین
باش آچوب بو غمده وا ویلا دیور روح الاَمین
بیر اِیله اَحواله سالمیش گُول وجودین زَهرِ کین
چرخِ اطلس دَه اوشاهه شاهِ مَردان آغلوری

وار یِری قان آغلاسا گر گنبدِ مینا بوگُون
سولسا باجادور گلستانِ اِرم یک جا بوگُون
ناله و اَفغانه گلمیش حضرتِ زَهرا بوگُون
وای بالام اِیوای دلین دَه دیده گریان آغلوری

جان ویروبدی ظلمیله ذاتِ خداوندِ رَحیم
زَهرِ کینی له اِیدوب مَسموم مَنصورِ لَئیم
گُور نجه مظلوم اولوب پورِ صِراط المستقیم
قلبِ قرآنِ مُبی نه آلِ عُمران آغلوری

آغلوری موسی ابن جَعفر سینهُ پر سوزی له
دل یانور شعله چکور نارِ فراق اَفروزی له
حالی نه شب زنده دارین آغلوری شب روزی له
آفتابِ دین اوچون خورشیدِ رَخشان آغلوری

الغرض اِیتدی کفن اُوغلی اوشاهین آغلادی
دیده تر قیلدی نمازین سینه سینی داغلادی
اولدی تشییعِ مُجلّل شهرِ یَثرب باغلادی
ایله بول طاها ئولوب یَثرب کماکان آغلوری

اولدی بیرتشییعی دَه یَثرب دَه با حُزن و مُحَن
شرحی نه یوخ دلده یارا عَفو اِیله یابن الحسن
تیر باران اُولدی چوخ ظلمی له تابوتِ حسن
گُوردولر چکدیق جا اوخ شاهِ شَهیدان آغلوری

ای قرارِ سینۀ خیرالنسا یا مُجتبی
نورِ چشمانِ علیّ المُرتضی یا مُجتبی
لطف قیل (صدیق) زاره کربلا یا مُجتبی
یاسری له تاگُوره اُولموش نَوا خوان آغلوری

  • چهارشنبه
  • 31
  • شهریور
  • 1400
  • ساعت
  • 17:00
  • نوشته شده توسط
  • یوسف اکبری
ادامه مطلب
 محمدرضا صادقی

شهادت امام صادق(ع) -(گلوبدی باب توسلده خامه غوغایه) * محمدرضا صادقی

213

شهادت امام صادق(ع) -(گلوبدی باب توسلده خامه غوغایه) گلوبدی باب توسلده خامه غوغایه
صحیفده سوز آچوب اهل بیت طاهایه

اورکده حضرت صادقدی عمده منظوری
کیم اولسا مشتری کیم قائل اولسا عقبایه

ازل گلوب اوزینه , جدینه سلام ایلسون
ایکمجیسی او حرمسیز آناسی زهرایه

ربیع الاولین اون یدیسی اذان وقتی
گلوبدی هجرتین هشتاداوچونده دنیایه

گلنده فخر ایلدی گویلره زمین و زمان
ویروبدی جمله ملک مژده سطح غبرایه

کیم اولدی جعفری مذهب اوجاتدی باش عرشه
شریعت نبوینی گتوردی احیایه

اولاندا عمری اوتوز بیر آتاسی جان ویردی
توکوبدی گوز یاشنی اول ملال عظمایه

خروج ایدوبدی زمانینده چون بنی عباس
حکومت امویله دوشوبدی دعوایه

اولار اولوبلار او حربه نه مدتی مشغول
بو حکم دینی دیوب خلقه آیه به آیه

بنی امیه نی مغلوب ائدوب بنی عباس
خلافته یتشوب بیر دنی فرومایه

دوانقی دی لقبده او پست آدی منصور
سالوبدی دین خدایه دوباره دن سایه

امامیده دولانوب سیر ائدردی شهرینده
محبتیله جماعت باخاردی مولایه

دوانقی گینه ظلمونده ایلدی طغیان
امامی گونده او ظالم گتوردی ایذایه

گچوبدی بیر نچه مدت چاغوردی محضرینه
تکًبریله دل آچدی او ماه سیمایه

دوزلدوسن دئدی لشکرائشیتمیشم بو سوزی
جواب وئر ندی منظور بو قضایایه

بیوردی حضرت صادق بو کذب مطلقدور
جوانلقیمدا دا هیچ دوشمدوم بو رویایه

دوانقی قیزاروب چهره سی غضبلندی
چکوبدی تیغی نه نوعی چکللر اعدایه

کرار ائدوبدی او اوچ دفعه تیغی گیزلتدی
دوباره باخدی محبتله شاه والایه

امامه وئردی چوخ عزتله عطر سلطانی
بو عطریلن یوزینی ایلیوبدی پیرایه

ربیع سوال ایلدی بو عمل ندور سنده
تعجبم من ئوزوم بیر بیله معمایه

بیان ائدوبدی بو طرزیله مرد بی ایمان
چکنده تیغیمی بوردا امام تنهایه

اماندی وورما بالامی دئدی هلاک ائلرم
نه گوردوم اوندا گوزوم دوشدی شاه بطحایه

گلیدی کاش پیمبر ووراندا سجاده
قولونا بند و رسن شمر , غملی صحرایه

دییدی وورما بالامی ملکلر آغلولار
چکوبد ی قاره خدا نه رواق مینایه

چکنده قافله نی شامه اول دنی ملعون
بالالار آغلادلار حالت غم افزایه

میننده ناقه لره عترت رسول الله
حیا ائدوب نه باخوب زینبه نه یکتایه

وورون دئدی یولا دوشسون سپاه و قافله میز
اوجالدی واابتا ناله سی ثریایه

چوخ آغلا « صادقی » یان بو سوزه او گون زینب
یاناردی حال ربابیله ام لیلایه

  • شنبه
  • 6
  • دی
  • 1399
  • ساعت
  • 20:05
  • نوشته شده توسط
  • یوسف اکبری
ادامه مطلب
 حاج اصغر فرشچی

مدح و میلاد حضرت امام صادق(ع) -(کیمدی بو هر نفسه معجز عیسی ایلدی) * حاج اصغر فرشچی

196

مدح و میلاد حضرت امام صادق(ع) -(کیمدی بو هر نفسه معجز عیسی ایلدی) کیمدی بو هرنفسه معجز عیسی ایلدی
دم جان بخشیله هر مرده نی احیا ایلدی

کیمدی عالم به عمل ایتدی تلاش هرشب و روز
آچدی دانشگه دین علمیده غوغا ایلدی

مرکز دایرۀ علم لره نقطه اولوب
اونا شاگرد اولانی خالقی والا ایلدی

صادق آل محمدی آچوب مکتب عشق
دورت مین استاد جهان درسنی انشا ایلدی

ایستیوب آب بقا خاک دریندن خود خضر
بلی عیسی لب جان بخشی تمنا ایلدی

گوشۀ چشمیله گر ایتسه نظرکعبۀ دل
گوره سن لطفی سنی صاحب تقوا ایلدی

کاش گوره جان جهان بیرده دوتوب الده قلم
سند نوکری (عدلینی) امضاء ایلدی

  • شنبه
  • 20
  • دی
  • 1399
  • ساعت
  • 18:59
  • نوشته شده توسط
  • یوسف اکبری
ادامه مطلب
 حاج اصغر فرشچی

مدح و میلاد امام صادق(ع) -(گل لنوب بوگون گلشن بتول) * حاج اصغر فرشچی

174

مدح و میلاد امام صادق(ع) -(گل لنوب بوگون گلشن بتول) گل لنوب بوگون گلشن بتول
شادمان اولوب حضرت رسول
جهل اولدوزی ایلیوب افول
یر لره ملائک ایدوب نزول

آفتاب زهراآچدی گوز زمانه
باقراوغلی صادق گلدی تا جهانه
مژده شیعیانه مژده عاشقانه

طبل شادی ویر اولما بیقرار
قورتولوب خزان گلدی نو بهار
شیعه لراولون سیز امیدوار
کونه بو ویررقدر و اعتبار

بلبلان گلشن اولدولار غزلخوان
واریری بو محفل تا اولا چراغان
مژده شیعیانه مژده عاشقانه

گل چمن گولور آخدی جویبار
گل آچوب گلستان اولوب دیار
لطف ایدوب بونی حیّ کردگار
مثلینی گورنمز بو روزگار

عالم اهلین ایلر علمینه هدایت
نچه مین حدیثی بو ایدرکتابت
مژده شیعیانه مژده عاشقانه

بو سُلالۀ احمد و محمود
هیکل تقوا بندۀ معبود
عالمینه بو علت موجود
بو امام دور سایه سی ممدود

نورچشم زهرا رهبر جهاندی
سبط پاک احمد صاحب بیاندی
مژده شیعیانه مژده عاشقانه

گوهرصدفدی بوخلقته
سرو قد گلِ نازْ رسالته
معنی وفا دورفضیلته
درّ دور بو بحر محبّته
جدّی شاه حسین تک جان ایدندی ایثار
مکتبی قالاندی تا که بو جهان وار
مژده شیعیانه مژده عاشقانه

(عدلی) اول گدا بو شب مولود
صاحب کرم گلدی کان جود
یاخشی ساعتدی هم دم مسعود
تحفه سی ایدر قلبیوی خشنود

مدح و نوحه سین یاز ایله عالی خدمت
گیت بقیعده ایله مدفنین زیارت
مژده شیعیانه مژده عاشقانه

  • شنبه
  • 20
  • دی
  • 1399
  • ساعت
  • 19:32
  • نوشته شده توسط
  • یوسف اکبری
ادامه مطلب
راهنمای علائم موجود در فهرست:
عدد کنار این علامت نشانگر تعداد کاربرانی ست که این مطلب را پسندیده و به دفترچه شعر خود افزوده اند
عدد کنار این علائم نشانگر میزان محبوبیت شعر یا سبک از نظر کاربران می باشد
اشعار ویژه در سایت برای کاربران قابل دسترس نیست و فقط از طریق خرید اپلیکیشن مورد نظر این اشعار در داخل اپلیکیشن اندرویدی قابل رویت خواهند بود
این علامت نشانگر تعداد کلیک یا بازدید این مطلب توسط کاربران در سایت یا اپلیکیشن می باشد