اشعار ترکی مخصوص امام زمان (عج)

مژده ویرون شیعیان ماه دلارا گلدی
نیمه ی ماه شعبان فرزندزهراگلدی
زیبادی گوزلری*شیریندی سوزلری
قامت سروی رعنا//آخرین نورهدی
گلدی صاحب زمانه *پیغمبردن نشانه۲
جان جان یامهدی۲ آدووه قربان یامهدی

بوگلن افتخارحضرت مصطفادی
رتبه سی فوق جاه موسی وهم عیسادی
صورتی زیبادی*ماه دلارادی
صولتده مثل حیدر//بویی عباسه بنذر
گلدی صاحب زمانه*پیغمبردن نشانه۲
جان جان یامهدی۲ آدووه قربان یامهدی

وارالینده آقامون حیدرین ذوالفقاری
گلسه اگر دنیادن ظلمی ایلرفراری
شاه بی پروادی*فرزند زهرادی
کفرین ریشه سین قیرارمکه ده پرچم ویرار
گلدی صاحب زمانه پیغمبردن نشانه۲
جان جان یامهدی۲ آدووه قربان یامهدی

• دوشنبه
• 11
• اسفند
• 1399
• ساعت
• 22:49
• نوشته شده توسط
• یوسف اکبری

شده امشب دل ما غرق مسرت
آمده از آسمان صوت بشارت
شده زهرا و علی از دل و جان شاد
چون که امشب آمده عید امامت
عهد غصه ها تمام است
ذکر شیعه این کلام است
امشب برتمام دنیا
مهدی سرور و امام است
مولا مولا یامهدی

قدسیان کرده به پابزم طرب را
پرشده زنور حق عالم بالا
متبرک شده از غنچه نرگس
عالم خاکی و هم عالم عقبا
غنچه واشده به بستان
دنیا گشته نور باران
بلبل شاد و نغمه خوان شد
گشته عالمی خرامان
مولا مولا یامهدی

مهدی چون گل بهار است
قلب شیعه را قرار است
امشب در سمای ایمان
مهدی ماه گلعذار است

ترکی

نهم ماه ربیع عید ولادی
مهدی صاحب زمان نورهدادی
باشینا قویدی آقا تاج امامت
بوگجه حجت حق درده دوادی
سن سن گوزلرین ضیاسی
سن سن دیللرین صفاسی
تبریک صاحب زمانه
اولدون عالمین آقاسی
مولا مولا یامهدی

گل آقا جیسملره دوباره جان ویر
کعبه بامیندن اوزون بیرده اذان ویر
گل بقیعه تجلیل ایله دورد امامی
فاطمه قبرینی عشاقه نشان ویر
گل ایت عالمی گلستان
شیعه دردینه قیل درمان
چک بیلدن او ذوالفقاری
ای منتقم شهیدان
مولا مولا یامهدی

• چهارشنبه
• 1
• بهمن
• 1399
• ساعت
• 12:07
• نوشته شده توسط
• یوسف اکبری

مرحبایتیشدی نیمه ی شعبان
باغلاردابلبللر اولدی غزلخوان
فاطمه جناندا اولدی خرامان
آچدی گوز جهانه صاحب دوران
یاوری بودنیاداتبارک اولسون
قدومی مهدینون مبارک اولسون
گلدی جهانه/صاحب زمانه/
تهنیت اولسون/اهل جهانه
دیون مبارک۴

لطفینی قوتاردی حی توانا
سویوندی جنتده حضرت زهرا
آچدی گوزجهانه ماه دل آرا
بزندی عشقیلن پهنه ی دنیا
گلدی بوگون عالمه امام زمان
سویوندی مرتضی فاطمه خندان
گلدی جهانه//.....
دیون مبارک۴

گوزلرینون احمده بنذری واردی
صولتیندن حیدره بنذری واردی
عسکری سویوندی نیمه ی شعبان
الده اومولانین گوهری واردی
مهدی زهرادی بو گوهررخشان
پورعسکری دی صاحب دوران
گلدی جهانه.....
دیون مبارک۴

• دوشنبه
• 11
• اسفند
• 1399
• ساعت
• 23:10
• نوشته شده توسط
• یوسف اکبری

ای گدایان مژده شاه آمد
حجت قائم ز راه آمد
چاه ظلمت راچو ماه آمد
جشن میلاد است....فاطمه شاد است
مهدی یا مهدی۲

نیمه شعبان شده خورشید تابان آمده .... شاه خوبان آمده
بلبل شوریده برطرف گلستان آمده ... چون بهاران آمده
خسرو گردون پناه آمد
جشن میلاد است....فاطمه شاد است
مهدی یا مهدی۲

آمده آیینه دار عشق و ایمان علی .... جان جانان علی
روشن از رخسارماهش گشته عالم منجلی ... آمده جان علی
ظلمت شب را تباه آمد
جشن میلاد است....فاطمه شاد است
مهدی یا مهدی۲

سامره از مقدمش شد مثل جنات برین .... مرحبا صدآفرین
مرحبا بر خالق مهدی هزاران آفرین... مرحبا صدآفرین
مظهر عشق اله آمد
جشن میلاد است....فاطمه شاد است
مهدی یا مهدی۲

جشن میلاد آمده یاران همه کف میزنند.... تنبک و دف میزنند
مرد وزن پیرو جوان آهنگ شادی می زنند....جملگی کف می زنند
چون عزیز خوش نگاه آمد
جشن میلاد است....فاطمه شاد است
مهدی یا مهدی۲

• چهارشنبه
• 1
• بهمن
• 1399
• ساعت
• 18:00
• نوشته شده توسط
• یوسف اکبری

سلام آقا
سلام ای منجی دنیا

سلام آقا
سلام ای یوسف زهرا اباصالح (۲)

سلام آقا
سلام ای عالمه سلطان

هایانداسان
گلن یوللاریوا قربان اباصالح (۲)

نه چوخ چکدی
فراقون ای کَرم کانی

آقا تز گَل
سنی زهرا آنان جانی اباصالح (۲)

بو هجراندان
اورکلر قان اواوب مولا

بیزه سن سیز
جهان زندان اولوب مولا اباصالح (۲)

دعامیزدا
اثر یوخدی گنهکاروخ

نه اولساخ دا
حسینه بیز عزاداروخ اباصالح (۲)

بولورسن کی
بیزه طعنه وورور دشمن

دعا ایله
ظهور ایسته خدادن سن اباصالح (۲)

• جمعه
• 29
• اسفند
• 1399
• ساعت
• 15:33
• نوشته شده توسط
• یوسف اکبری

ای سَروَر جهان گل دیللر اولدی قان
مولا بس هارداسان یا صاحب الزمان

یاصاحب الزمان(عج)

ای فاطمه گلی خلّاقه سویگولی
حلّ ایت بو مشکلی
وار بیزده چوخ خطا ای معدن عطا
عفو ایله سن آقا

یاصاحب الزمان(عج)

وار سنده چوخ کَرَم ای مَحرم حَرم
هی داده سسلرم
ای خسرو ولا عالملره صفا
وار دردمیز آقا

یاصاحب الزمان(عج)

ای ماه بی مثال محبوب لایزال
جدون قانین گل آل
ای گوزلره ضیا ای ائل لره صفا
ویر کربلا آقا

یاصاحب الزمان(عج)

• جمعه
• 29
• اسفند
• 1399
• ساعت
• 15:49
• نوشته شده توسط
• یوسف اکبری

ای یادگارمرتضی*روح دعایابن الحسن
میسوزدازهجران تو*دلهای مایابن الحسن
بیاای عشقت تمام دار و ندارم
به راه توعاشقانه در انتظارم
ندارم من آرزویی غیرازوصالت
به یادتوجمعه ها را من میشمارم
بیا یابن زهرا

نارفراقت میزند*آتش بجان عاشقان
ذکرلب مستضعفان*ادرکنی یاصاحب زمان
بیاای آنکه امیر ملک وفایی
نداردشیعه بغیر ازتومقتدایی
جهان گشته غرق ظلم وجوروسیاهی
بیاای تنها امید روز رهایی
بیایابن زهرا

یاحجت بن العسکری*ای ماهیمیز مهتاببمیز
عالم ائشیتسون بوسوزی*سنسن بیزیم اربابیمیز
گل ای غمنن قورتاران مخلوق جهانی
گل ای زهرانون بوعالمده قان آلانی
یورولدی شیعه آقاجان یول گوزلمکدن
یوبانسون غم لر سالاردیلدن شیعیانی
آقام گل

آل ذولفقارحیدری*خلقه دئنن مهدی منم
بنیانگذاردولت*جاوید هم عهدی منم
قسم وئروک بیزسنی جدون مصطفایه
عدالت اوسته آخان قانی مرتضایه
آقاتزگل لنگ اولوب یکسر کاروانلار
سنیله بیر،،یول سالاق باهم کربلایه
آقام گل

• سه شنبه
• 12
• اسفند
• 1399
• ساعت
• 12:33
• نوشته شده توسط
• یوسف اکبری

ای اولان امید جهانیان آدیوون فداسی هایانداسان
بو گدای خونجگرین گینه اوجالیب نواسی هایانداسان

یاین فاطمه یابن فاطمه

اورگیم بهانه وی هی دوتور نگران باخور یولا گوزلریم
یخوب آیریلیق ایویمی اینان، بئله قویما سن دولا گوزلریم
گل اوزون قوتار بو فراقوی گوزوه فدا اولا گوزلریم
منه فخریدور که اولام اوگون قاپوون گداسی هایانداسان

بولورم گناهیم اولوب سبب که گورنمورم او جمالوی
بو عمللریمدی که آرتیرور اورگونده درد و ملالیوی
یوزی قاریم ولی نیلیوم آتا بولمورم بو خیالوی
گرک اوز غلامینی عفو ایده ال آچیق آقاسی هایانداسان

یری دولدوروبدی بوتون فساد چوخالیبدی خولی و حرمله
دوتوب عالمی غم و ابتلا منه چوخ چتیندی بو مرحله
آقاجان الیمدن اوزون یاپیش ایله (بیکَسم) منه رحم ایله
منی قووما، نوکریوون مگر واریدی هاراسی هایانداسان

• پنج شنبه
• 21
• اسفند
• 1399
• ساعت
• 15:25
• نوشته شده توسط
• یوسف اکبری

آقا
می وصلیوین خمار و مستیم
غم و غصه لر الینده خستیم
دیمَرم اورک سوزون غریبیه
من او زلفوون تلینه بستیم

ای عزیز فاطمه عالمین صفاسی سان
گَل فدا اولوم سنه دردیمین دواسی سان

یابن فاطمه آقا یابن فاطمه آقا

آقا
ای اولان ایکی جهاندا سروریم
ای امامیم ای گول اوزلی دلبریم
او گوزل جمالی من گورنمیرم
کور اولوب گناهیله بو گوزلریم

باخما یوخ لیاقتیم سن آقالیق ایله بیر
سسلینده آدیوی بو یانان دیلیم اسیر

آقا
ای اولان قرار قلب بیقرار
چکوری بو هیئت اهلی انتظار
سنی فاطمه یوبانما بسدی گَل
آقا جان بو انتظاری تز قوتار

خواب جهلیدن بیزی کاش اوزون اویالداسان
هفته لر گَلیر گیدیر گلمدون هایانداسان

آقا
بولوسن کی (بیکَسم) زمانه ده
یارالی قوشام بو آشیانه ده
نه اولار اجل گلینجه کاش آقا
اولا بیرنفر یریوی گورسه ده

اوزگه دن گِلایه یوخ چونکی بی لیاقتم
نچّه ایلدی نوکرم او جماله حسرتم

• پنج شنبه
• 21
• اسفند
• 1399
• ساعت
• 15:40
• نوشته شده توسط
• یوسف اکبری

نگران گوزوم باخور یوللارا مولا
دولانیم باشیوه ای یوسف زهرا

بولورم دلیل غیبَتون منم من
اودی یابن فاطمه خجالتم من

سیّدی یابن الحسن
ای امیدِ پَنج تن
یولووی گوزلییورم تز گَلَه سن
یابن الحسن

مولای من
ای دین و ای دنیای من
یابن الحسن

آقای من
ای شافِعِ عُقبای من
یابن الحسن

منی هجرونده ایله درده سالیبسان
دوزه بولمورم آقا هاردا قالیبسان

هارا باخسان گوروسن جنگیدی مولا
غُصّه دن جهان منه تنگیدی مولا

ریشه ی کفری کَسَن
عالَمین پناهی سن
یولووی گوزلییورم تز گَلَه سن
یابن الحسن

مولای من
ای دین و ای دنیای من
یابن الحسن

آقای من
ای شافِعِ عُقبای من
یابن الحسن

ساییرام جُمعه لری قوتولسون هجران
اَیاقون آتدا منی گَل ایله قربان

منی مجنون ایلییوب فکر و خیالون
گوروم ایکاش ئولمه میش گوزل جمالون

مندن ای شاهِ زَمن
حَقلیسَن اینجییه سن
یولووی گوزلییورم تز گَلَه سن
یابن الحسن

مولای من
ای دین و ای دنیای من
یابن الحسن

آقای من
ای شافِعِ عُقبای من
یابن الحسن

بیزدن آرتیخ یولووی آنان گوزَتلیر
ایندی جَنّتده سنی فاطمه سَسلیر

شیعه لر (بیکَس) و تنهادی جهاندا
هی دییولر آقامیز الله هایاندا؟

نه اولار یابن الحسن
بیزه احسان ایله سن
یولووی گوزلییورم تز گَلَه سن
یابن الحسن

مولای من
ای دین و ای دنیای من
یابن الحسن

آقای من
ای شافِعِ عُقبای من
یابن الحسن

• یکشنبه
• 24
• اسفند
• 1399
• ساعت
• 20:25
• نوشته شده توسط
• یوسف اکبری

هر گوز گوزلیم لایق دیدار اولا بیلمز
هر مدعی عشق کی دلدار اولا بیلمز

چوخلار چکیلر داره ولو عشقینه خاطر
هیچ‌کیمسه ولی میثم تمّار اولا بیلمز

عشق اوسته چکر عاشق بی چاره مصائب
اما گوره سن عشقه وفادار اولا بیلمز

مجنونی اگر یاندیرالار کوی وفاده
صبر ایلمه سه یاره سزاوار اولا بیلمز

بیر یوسف کنعانه گره پیچم الهی
اول شاهه من زار گرفتار اولا بیلمز

گردیده ی لطفون چکه بیر لحظه باشیمدان
یر گوی هامیسی گلسه مددکار اولا بیلمز

عرضیم بودی بیر لحظه منه لطف ایله ارباب
من تک سنه دوزدی آقا سرباز اولا بیلمز

هرچند سنون لایق شانون دگولم من
سن تک گله همسایه من خوار اولا بیلمز

چوخلار اولوب عالمده شها حسنووه عاشق
سویله گوروم آخر بو گنه کار اولا بیلمز؟

بیر پرده چکوب گوزلریمه ظلمت عصیان
علّت اودی رخساریوه زوّار اولا بیلمز

سن باخما منه غرق گناهم، کَرم ایله
من روسیهَ سن کیمی غمخوار اولا بیلمز

گر گلشن جنّتده گوزل گوللر آچیلسا
شاها ولی سن تک گل بی خار اولا بیلمز

عمروم ده قوتولسا غم عشقون قوتولانماز
هرچند گدا شاهه هوادار اولا بیلمز

(بیکَس)نچه ایلدی یانیسان نار فراقه
هر گوز ولی بول دیده ی بیمار اولا بیلمز

• جمعه
• 29
• اسفند
• 1399
• ساعت
• 15:14
• نوشته شده توسط
• یوسف اکبری

ای اولان امید جهانیان
آدیوون فداسی هایانداسان
بو گدای خونجگرین گینه
اوجالیب نواسی هایانداسان

یاین فاطمه یابن فاطمه

اورگیم بهانه وی هی دوتور
نگران باخور یولا گوزلریم
یخوب آیریلیق ایویمی اینان،
بئله قویما سن دولا گوزلریم
گل اوزون قوتار بو فراقوی
گوزوه فدا اولا گوزلریم
منه فخریدور که اولام اوگون
قاپوون گداسی هایانداسان

بولورم گناهیم اولوب سبب
که گورنمورم او جمالوی
بو عمللریمدی که آرتیرور
اورگونده درد و ملالیوی
یوزی قاریم ولی نیلیوم
آتا بولمورم بو خیالوی
گرک اوز غلامینی عفو ایده
اَل آچیق آقاسی هایانداسان

یری دولدوروبدی بوتون فساد
چوخالیبدی خولی و حرمله
دوتوب عالمی غم و ابتلا
منه چوخ چتیندی بو مرحله
آقاجان الیمدن اوزون یاپیش
ایله (بیکَسم) منه رحم ایله
منی قووما، نوکریوون مگر
واریدی هاراسی هایانداسان

• جمعه
• 29
• اسفند
• 1399
• ساعت
• 15:27
• نوشته شده توسط
• یوسف اکبری

رحمت یزدان اولوب عیان
گوزلروز آیدین ای شیعیان
اولدی مَلَک لر ترانه سی
ادرکنی یا صاحب الزمان عج

سروِ رَوان/اهلِ جهان/
سسله له یا/صاحب الزمان

یا اباصالح خوش آمدی

گلشنده گول لر چیچک لنیب
بلبل چمنده فَرَحلنیب
زیبا جمالون گورَن کیمی
خجالتدن آیدا گیزلنیب

بیت الغَزل/حُسنی مَثَل/
گلمز داخی/سندن گوزل

یا ابا صالح خوش آمدی

حیدر و زهرا سِرشتیدی
عشقی بیزه سَرنوشتیدی
بویوروب خَتمِ پیمبران
مهدی طاووس بهشتیدی

ای مقتدا/ کانِ سَخا/
سنسن آقا / اوغلی آقا

یا ابا صالح خوش آمدی

سَروِ دل آرایه عشق اولا
مظهرِ طاهایه عشق اولا
یوسف کنعان اوزی دییَر
یوسف زهرایه عشق اولا

ای مه لقا /کَنزِ عطا/
درباریوه/ شهلر گدا

یا ابا صالح خوش آمدی

عزّ و وقاریم هایانداسان
باغ و بهاریم هایانداسان
یولدا قالوب منتظر گوزوم
دار و نداریم هایانداسان

عبدِ دَرَم / یول گوزلررم/
هجرونده من / دیده تَرَم

یا ابا صالح خوش آمدی

سائل کوی محبتم
مست شرابِ ولایتم
نوکر اولاندان قاپوندا من
صاحب شأن و جلالتم

ای با وفا / روحه صفا
یاز (بیکَسه) / بیر سامرا

یا ابا صالح خوش آمدی

• جمعه
• 29
• اسفند
• 1399
• ساعت
• 21:05
• نوشته شده توسط
• یوسف اکبری

ای حجت الهی
یابن الحسن آقا جان
عالم لرین پناهی
یابن الحسن آقا جان
یابن الحسن آقا جان

یولون اوسته دایانام
اشگ غمه بویانام
گورسم گوزل جمالون
من باشیوه دولانام

ای فاطمه بالاسی
ای قلبیمین صفاسی
قوما منی قاپوندان
ای دردلرین دواسی

احسانه گلمیشم من
درمانه گلمیشم من
یوخ آیری تکیه گاهیم
افغانه گلمیشم من

سن سن عزیز طاها
نور دوچشم زهرا
ایله دعا ظهوره
ای روح پاک تقوا

• یکشنبه
• 17
• مرداد
• 1400
• ساعت
• 11:44
• نوشته شده توسط
• یوسف اکبری

کونول بیر باخماقیله مست اولوب مستانه گوزلردن
خمارم بیرده دولدور ویر ایچیم پیمانه گوزلردن

او گوزلر گوز آچاننان، قَدّر و قیمت مِی دن اسگیلدی
سینوب پیمانه دوشدی، اَرزش میخانه گوزلردن

گوزوندن گوز یاشون تک، گوزلره قربان منی سالما
اماندور قویما دوشسون بیر دقیقم یانه گوزلردن

کمند عشقیله زلفون سالوب چاه زنخدانه
قانادی باغلانان صیده، ویر آب و دانه گوزلردن

او گوزلر بیر باخیشدا قلبیمی گور نه ایدوب گوز گوز
ویریلدیم کوی عشقونده، بویاندیم قانه گوزلردن

فقیرم، مستحقم احتیاجیم بیر نگاهندور
گدای درگهه پای ویر بو گون شاهانه گوزلردن

گلوبدی طوطی طبعون دیله (اصلی) اوخور دستان
شیرین دور قندیدن نقل ایلماخ افسانه گوزلردن

• چهارشنبه
• 10
• شهریور
• 1400
• ساعت
• 14:35
• نوشته شده توسط
• یوسف اکبری

ای وارث پیغمبر مدنی
ای باغ عشقین یاسلی یاسمنی
دیللر قان اولدو آختارینجا سنی
اولسون سنه جانلار فدا آقاجان

«یا حجت بن العسکری الأمان»
«عالم سنه اولسون فدا آقاجان»

یوخدور مثالی یئرده شوکتیوون
قربانی اولسون شیعه عزّتیوون
تنها علاجی درد غربتیوون
چاتسون بودور غیبت باشا آقاجان

بیر آیری عالم تئزلیقه گلوری
ماه محرّم تئزلیقه گلوری
گل سنده باهم تئزلیقه گلوری
تشکیل ائدخ بزم عزا آقاجان

ائتمز بیلورسن عرضه ردّین حسین
آچمیش دعانین گویده سدّین حسین
سن بیل ایا مهدی او جدّین حسین
عهدِ ظهوره قیل وفا آقاجان

آبِ شفا توش اِیله علقمه‌دن
گل بزم یاسه غملی فاطمه‌دن
سن سیز دوشور هیئت‌ده روحیه‌دن
یوخدور مجالس‌ده صفا آقاجان

ای دوشه آلمیش رایتِ حُججی
نه زمزم ایستور گونلوموز نه حجی
ماه عزا نذر ائتمیشوک فرجی
بیرده بیزه وئر کربلا آقاجان

عُمروموزون سن‌سیز هدر دی چوخی
دَلمیش سینَمده قلبی هجران اوخی
گل نینوانین روضه‌سین سن اوخی
بیزده اوجالداق بیر نوا آقاجان

ای اهل عشقین یارِ محترمی
چوخ نیسگیل اولموش شاعرین قلمی
ساکت قالیبدور عمّه‌وین حرمی
گلمور رواقیندن صدا آقاجان

آند اولسون عشقیمدن گلن سخنه
آماجیدور عاشقلرون محنه
دنیا اولوب سن‌سیز غریبه منه
یوخ سس‌وئرن بیر آشنا آقاجان

• چهارشنبه
• 4
• فروردین
• 1400
• ساعت
• 22:14
• نوشته شده توسط
• یوسف اکبری

یا امام زمان هارداسان گل

یار مستضعفان هارداسان گل

محنت و غم دوتوبدور جهانی

قلبیلر اولدی قان هارداسان گل

یا امام زمان - یابن زهرا

یانمیشوخ بیز سنین هجر اودوندا

قالدی بو یاشلی گوزلر یولوندا

گَل آقا گُل یوزون آشکار ایت

گزمه چوخ ابر غیبت دالیندا

یا امام زمان - یابن زهرا

غم الیندن گل و غنچه سولموش

قلبیمیز لخته قانیله دولموش

وردیمیز تک بو غیبت زمانی

یا ابا صالح المهدی اولموش

یا امام زمان - یابن زهرا

ای یوزی مثل خورشید تابان

چیخ بو آفاقی ایله درخشان

وی گوزلّیقدا طاهایه بنزر

جانیوه عالمین جانی قربان

یا امام زمان - یابن زهرا

باده ی عشقیوین مستیم من

عاشقم گرچه دل خستیم من

باشیوه گل نجه گور دولانّام

ایندیده عهدیمین اوستیم من

یا امام زمان - یابن زهرا

هارداسان گل ای آرام جانیم

واردی سینمده درد نهانیم

ذکر عجّل ظهورک اولوبدور

گوزلریم یولدا ورد - زبانیم

یا امام زمان - یابن زهرا

قویما ظالملری کامه چاتسون

بوندان آرتوق آقا باش اوجاتسون

ای اولان قائم آل احمد

قویما مظلومیلر قانی باتسون

یا امام زمان - یابن زهرا

ای علینون گوزل یادگاری

آل اله قبضه‌ی - ذوالفقاری

گل بقیعده ازل شیعیانه

آشکار ایت او ایتگین مزاری

یا امام زمان - یابن زهرا

توک عذاره آقا اشگ ماتم

غرق اولا محنته کلّ عالم

اوز الونله او گونده آناوین

زخم مسمارینه باغلا مرهم

یا امام زمان - یابن زهرا

‌‌‌‌‌‌‌‌‌

شیعه نی قویما بو غمده آغلار

اولدی گوندوز بیزه چون شب تار

لطف قیل کربلا یوللارین آچ

سن او قبره بیزی ایله زوّار

یا امام زمان - یابن زهرا

اوردا غم‌مجلسین ایله برپا

باشون آچ قلبیوی داغلا مولا

جدّیوین قلبینون اوخ یاراسین

ایله گوز یاشیویله - مداوا

یا امام زمان - یابن زهرا

یاده سال اول امام خجسته

تشنه لب یاره لی دلشکسته

ووردی پهلوسینه بیر دنی اوخ

دوشدی توپراقه آتدان یوز اوسته

یا امام زمان - یابن زهرا

جسمینون یاره‌سی سان ویروردی

هر یارا چشمه تک قان ویروردی

باش یارا، یوز یارا، سینه یاره

مقتل ایچره سوسوز جان ویروردی

یا امام زمان - یابن زهرا

• دوشنبه
• 9
• فروردین
• 1400
• ساعت
• 11:35
• نوشته شده توسط
• یوسف اکبری

اي خدا دل تنگه گلدي دلستانيم گلمدي
جان يورولدي غصّه دن آرام جانيم گلمدي
گل لريم سولدي سارالدي باغبانيم گلمدي
هرج و مرج اولدي زمان صاحب زمانيم گلمدي
جمعه سايماقدان يورولديم مهربانيم گلمدي

هی دعاده سسلدوخ أین معز الاوليا
هر سحرگاهان ظهورين ايستدوخ ائتدوخ دعا
بولمورم آیا نه دن ائتمز مشیّت اقتضا
سهله دن یا جمکراندا سسلدوخ یا ليتنا
یوسف زهرا چراغ جمکرانيم گلمدي
جمعه سايماقدان يورولدوم مهربانيم گلمدي

قوم کفارين اهانت قصدی وار پيغمبره
وار جسارت فکری بعثی لر مقام حيدره
منتظر دی روح زهرا انتقام و کيفره
بير نظر قیل مجتبی ده قانه باتميش لبلره
دادگاه کيفره دادستانیم گلمدي
جمعه سايماقدان يورولدوم مهربانیم گلمدي

قالدي راکد بایگانی کربلا برنامه سی
چيخميوب یاد دان حسينين قتلنين هنگامه سی
سینه ليلاده قالدي اکبرين عمامه سی
قامت عباسه زينتدي شهادت جامه سی
سسلنر امّ البنين اللّه جوانيم گلمدي
جمعه سايماقدان يورولدوم مهربانيم گلمدي

شام زین العابدینه ائتدي صبحی تیره شام
اود دوتوب باشدا عمامه گئتدي قلبيندن دوام
بولمورم قالدي نه حاله ناقه نین اوسته امام
سسلدي یا لیت اُمّی لم تُلدني والسّلام
پاک قانلار يرده قالدي قان آلانيم گلمدي
جمعه سايماقدان يورولدوم مهربانیم گلمدي

آغلارام یانّام امام باقره لیل و نهار
جعفر صادق غمينده دلار اولدي داغدار
محبس بغداديده موسي بن جعفر دلفکار
ملک ايراندا قويوب اوغلي رضاني اشگبار
عرض ائدر یا رب جواديم نوحه خوانیم گلمدي
جمعه سايماقدان يورولدوم مهربانیم گلمدي

زهر مسمومي نقی گوزلر ظهورون ناگران
هم امام عسکری هجرونده اولميش باغري قان
شیعه لر عجّل ديوب آغلار ائدر شور و فغان
آچ جمالوندن نقاب ای مهدی صاحب زمان
ياشلي گوزلر جمله یول گوزلر امانيم گلمدي
جمعه سايماقدان يورولدوم مهربانیم گلمدي

چهارده معصومه خاطر ای خدای نُه قباب
حضرت صاحب زمانين قیل ظهورينده شتاب
آخ بو قدری پردهٔ ظلمتده گزمز آفتاب
دولدوروب کوني فساد و ظلم و شور انقلاب
تنگه گلدوخ مصلح کل جهانيم گلمدي
جمعه سايماقدان يورولدوم مهربانيم گلمدي

• یکشنبه
• 9
• خرداد
• 1400
• ساعت
• 17:45
• نوشته شده توسط
• یوسف اکبری

ای شرف شمعنه پروانه . دئنن یامهدی

عاشق اول جلوهءجانانه. دئنن یامهدی

تشنه سن گر می قرآنه . دئنن یامهدی

می وئریر ساقی میخانه دئنن یا مهدی

قدح.آل.نوش.ائله مستانه.دئنن یامهدی

یوسف فاطمنون اوج سعادت گئجه.سی

دشمنی کور ائله مردانه دئنن یامهدی

گول گتیر مجلس.عرفانه دئنن. یا مهدی

وئر صفا بزم محبانه . دئنن یامهدی

لا یق اول رتبه ی شایانه دئنن یا مهدی

بلی پرواز ائله کیهانه دئنن یا مهدی

قوناق.اول.عرشده.سبحانه.دئنن یامهدی

شادائدوب.عالمی.حق لطف.وکرامت.گئجه.سی

جان گلور عالم امکانه دئنن یا مهدی

نقل.و شیرینی.وئرون مجلسه.مهمان.گلجک

شربت.احسان.ائلیون.صاحب.احسان.گلجک

عرشد ن .فرشه ملک فوجیدی.هر.آن.گلجک

درد قرآنه دیون نسخهء درمان گلجک

باشدا دیهیم ولایت .آقام الآن .گلجک

آناسی. فاطمه. الده .گل.خوش.بوی.بهشت

گلجک محفل عرفانه دئنن یا مهدی

دم غنیمتدی بو امکانه دئنن یامهدی

قیل نظر سیل خروشانه دئنن یامهدی

وارد اول حلقه ی رندانه دئنن یامهدی

مالک اول ملک سلیمانه دئنن یامهدی

حامی.اول.خون شهیدانه دئنن یامهدی

قائم آل محمد آقامون بایرامیدی

مشت وور پوزهءشیطانه دئنن.یامهدی

مدعی کور اولاسان باخ بوجلال و حشمه

فکرتاریکیوی بیراهه ده سال پیچ و خمه

نقش نقاشیوی هی چک گینه نقش عدمه

کشتی عمووی گئت غرق ائله دریای غمه

گور بو اجلالی، گینه مهدیه تعظیم ائلمه

حقه.اقرارائله.قوی.حق.سنی.تائیداله.سین

صورا اول عشقده دیوانه دئنن یامهدی

درک ائله مکتب اسلامده عالی هدفی

دوزمه بیر رشتیه الماسله. کهنه .خذفی

چوخ.دولاشدیرماقیزیل.گوللره.هرزه.علفی

قویما حراجه .بئله. شئان و شعر و شرفی

ساتما وجدانیوی.اهریمنه.سیندیرما صفی

خواب.غفلتدن اویان.گل بو کرملی قاپیا

باب رحمتدی بو کاشانه دئنن یامهدی

• پنج شنبه
• 10
• تیر
• 1400
• ساعت
• 14:00
• نوشته شده توسط
• یوسف اکبری

مُژده گلدی صــــاحب الزمان
روشــن اولـــدی چشم شیعیان
گُلشن اولـــدی بــــاغ مصطفا
چون گُل آچدی غُنچه ی جنان

ای - نــور قلب مــرتضی و خَیرةُ النِّساء
ای اُمیــد عـــاشقان و خَلقه رهنما
مهدی ولایت زاده سن - ســـن رهبر آزاده سن

خوش گلموسن – بو جهانه آقا یابن الحسن
آسمانـــــدا اولان مـــــــاه پــاره سن

یَابنَ الزَّهـــرا ای گُـــل وِلا
ســـن ســـن مــولا معدن سخا
بُــــرج عِزَّت تاجداری سن
فُلـــک عشقــــهَ سالِک وفا

ســن - معنــی عدالت و شــــرافت و وقار
کـــوی وحــــدته یگانه یار و اعتبار

سن مرتضی دلبنــدیسن - خیر النساء فرزندیسن

شیعه فدا – ســن گلــــن یولّارا جان جهان
لبیک سسلــــروخ صاحب الزمان

مهدی سن سن شیعه رهبری
عرش حَقّـون زیب و زیوری
مَقدمونـــــــدن آسمان اوپر
گُنبـــد عشقـــــــون کبوتری

ای - حکمت اوسته غیبت و نهانیده قالان
درس استقــــــامتی حُسینیدن آلان

ای غیرتین آئینه سی - سن معرفت گَنجینه سی

یابن الحسن- هجریوه شیعه نین یوخ طاقتی
گل آقا تز قوتار سن بو فُرقتی

• یکشنبه
• 20
• تیر
• 1400
• ساعت
• 15:59
• نوشته شده توسط
• یوسف اکبری

آمـــــده نور ولایت – آخرین ماه امامت
غنچــه ی گلزار حیدر- شافع روز قیامت
نور چشـــم شیعیانی
نوگــــل باغ جنانی
هستیِ عالم تویی تو
نــور قلب شیعیانی2
یا اباصالح مدد4

ای امیــــــد مستمندان – یاورو یار ضعیفان
معنی جود و سخاوت – دستگیر بی پناهان
شاه مظلومان کجایی
معنـــی قران کجایی
نور ایـزد ابر رحمت
حافظ ایمــان کجایی2
یا اباصالح مدد4

ای سراپا عشق و احساس-عطر و بویت چون گل یاس
مَظهــــر مِهــر و وفایی – غِیــــرتِ تو همچو عباس
بر ابوالفضــــل نور عینــی
عشــــق شـــاه عالمینــی
بــر عَــــدو بـــی اعتنایی
در شجاعت چون حسینی2
یا اباصالح مدد4

ترکی

اولدی خُرم باغ جنت – سایه سالدی نور رحمت
مهــــدی آل محمد – گلـــــدی دنیایه ،بشارت
معنــــی آیـــــات قران
حق کلامی عین عــرفان
عشقه عزت ،عرشه زینت
آخرین معصوم یزدان2
یا اباصالح مدد4

سن سن عالم افتخاری - اهل عشقین تاجداری
فاطمه دلبنــــدی مولا – مــــرتضانین یادگاری
ای گـــــل اهل تَولّا
گوزلری مانند شهلا
آسمــــاندا ماه نَیــِّر
مسکنی عرش مُعلّا 2
یا اباصالح مدد4

عسگریّه بیر گوزل پای – ویردی چون حَیِّ تبارک
نیمه ی شعبان گلوبــــدی – سسلیـــون بادا مبارک
یازدی (پوریا) شعری خندان
ای صـــفای بــــــــاغ ایمان
ویر بــــو جَمعه عیــــــدیانه
کربــــلا ،ای جــــان جانان2
یا اباصالح مدد4

• جمعه
• 25
• تیر
• 1400
• ساعت
• 11:30
• نوشته شده توسط
• یوسف اکبری

فدا اولوم گوزوه انتظاروام تیز گل
دونوبدی قانه گویول بی قراروام تیز گل

انیسیم آهئدی بو گوزیاشیم منه مونس
یوخومدی هجره دوزوم، اشکباروام تیز گل

شراب وصلویله مست ایلدون گیتدون
ترحم ایله دوباره خماروام تیز گل

گجه گونوز بودی فکریم ایاقون آلتندا
فدا بو جانی ایدم جانثاروام تیز گل

سنون یولوندا باشیم داره گیتسه لا دیمرم
سنه فدا من اولوم یار، یاروام تیز گل

سنون‌همیشه آچوقدور او خوان احسانون
منیده دعوت ایله، ریزه خواروام تیز گل

یاخوندی درد فراقون منی هلاک ایلیه
علاجی سنده دی، بیمار زاروام تیز گل

نَیَم‌ سنونکی ام ای گل لره اولان زیور
گلون یانندا اولار خار، خاروام تیز گل

گئجه صباحه کیمی نی کیمین نوا ایدرم
گورم جمالوی چشم انتظاروام تیز گل

سیزون مقاموزا لایق الیمده بیر زاد یوخ
فقیر در به در و شرمساروام ‌تیز گل

سلوک عشقده ای یار مرشدیم سنسن
گدای خاک نشین دیاروام تیز گل

گل ای نگار قدم قوی بو گوزلریم اوسته
ایاقوه دوشنیم، خاکساروام تیز گل

ایاقلارون توزونی کیپریگیمله پاک ایدرم
رقیبلر گوره خدمتگزاروام تیز گل

ویروبدی حافظی یعقوبیه ادب درسی
بقیع ده دیه بیر انتظاروام تیز گل

• جمعه
• 1
• مرداد
• 1400
• ساعت
• 21:01
• نوشته شده توسط
• یوسف اکبری

گینه ده نیمه ی شعباندی مبارکدی بو گون
جشن میلاد وصیّ فتبارکدی بو گون
آقانین نور جمالی یایلیب ئولکه میزه
چپ باخانمز بیری دیواره دوشن کولگه میزه

اهل ایران چوخی اثنی عشری مسلکدی
اودی قرآنله عترت بیزه مایملکدی
اونادا حکم خدا ختم رُسُل مدرکدی
کیم بو ارکان تشیّعده اوزین لا بیلسه
ردّ اولار هر عملی حجّت سبحان گلسه

صاحب عصرکی دائم بیز اونا مفتخروک
روز میلادی هر ایل شهر و دیاری بزروک
گینه بیر جمعه ظهور ایلیجک با خبروک
گوزوموز یولدا قولاق سسده اودور جمعه لری
گزروک حضرتین عشقیله هامی تکیه لری

اودی خورشیده وئرن نور فروزان قمر
اونا خاطر وئرر اشجار گنه کاره ثمر
اونا خاطر گل آچار دشت و بیابان گورر
اونون عشقیله عناصر بیزه نور افشاندی
اونا خاطر نعم باری بیزه احساندی

آقانون لیل ولادت هر ایل ایلوبله رقم
مقدمیندن چوخالور آب طهور زمزم
مؤمنینه آچور آلله او گئجه باب کرم
شب رحمتدی مسلمانه شب زیبادی
یازیلور نار سقردن هامیا آزادی

وار خبر حضرت باقر و آقا صادقدن
چوخ فضیلت او گئجه اهلینه وار خالقدن
بیر منادا بئله سسلور فلق صادقدن
نقدر اولسا حسینون بو گئجه زوّاری
هاموسین عفو ائلدی حضرته خاطر باری

محترمدی نقدر گور بو حسین آللّهه
منتسب ایلدی آلله اونی ثار آللّهه
هم عزیز ایلدی کلّیه ی خلق آللّهه
او عزیز هامی خلق آللّهه جانیم قربان
جان نه ارزش واردی روح روانیم قربان

حجّت بن الحسن عسگری باباسی حسن
آناسی نرجس خاتونیدی رومیّه وطن
خواستگار اولدی اونا فاطمه رؤیاده علن
تاپدی توفیق سعادت بو خانم رؤیاده
کسب ایمان پیمبر علی و اولاده

اوصیاء خاتمی سمّی محمّد صلوات
یازیلا نامه ی اعمالیمزه قوی حسنات
وئرر آلله بیزه ده بو مه احساندا برات
چارده نور و بو ایّامی اوزی رحمتدن
بیزه خاطر قویوب آلله قوتاراق زحمتدن

کیمدی مهدی عجّل الله تعالی و شریف
چون ظهور ایلدی اولماز اونا مانند و حریف
سلفی _ داعش و تکفیری نقدر اولسا ردیف
دول کفر تماماً یغیشا بیر طرفه
هاموسین منهدم ایلر آقامیز بیر هدفه

زره جعفر طیّار آقانون تن پوشی
باشدا دستار پیمبر علوی سر دوشی
ذوالفقار الده مسلمانه آچیق آغوشی
اوچ یوز اون اوچ فدوی لشکر عزّت جاهی
جمله توحیدی مسلمان هامی حزب اللهی

گئجه گوندوز یره رحمت یاغاجاق گولردن
بهره مند اولسون هامی لطف مه انوردن
کاش بیزده یتیشک کامه او دوز رهبردن
ای خدا رحم ائله دنیاده مسلمان قلیل
قویما وهّابی الینده اولا اسلامی ذلیل

گرچه شعبان آیی ماه شعف و شادیدی
دوز حسینی لره اوتدان مه آزادیدی
آخرت ملکینه خوش فرصت آبادیدی
الده وار یاخچی بهانه بیر آز اولسون شادلیق
کربلا شاهینه آغلا آلاغون بایراملیق

بیر حسین کی اونی آللّهدا چوخ ایستر هامیدان
یا حسین سسله گوزون یاشینی قیل سنده روان
بلکه آلله بیزیده عفو ائده بو عید گران
عمر نوح ایلیه سن گر بو جهان فانیدی
فکر عقبی ائله دائم سنه بارانیدی

گور نه طرزیله حسین دین محکیندن کچدی
دگدی بیر اوخ اورگیندن کورگیندن کچدی
اورگین یاردی پی و لحم و رگیندن کچدی
دئدی آلله نه وئریبسن هامی قرباندی سنه
سنده محشر گونی عفو ایله عزاداری منه

قطعه قطعه بولونوب اکبر و عباس جوان
قالمیوبدی اوزینون صاف یری مقتلده عیان
قان ایچینده چوبالور زینب ائدور آه و فغان
گینه اول حالده قیزلارینا فکر ایلمیور
هی رضایم بقضا اوز اوزینه ذکر ائلیور

اوخ گلور نیزه گلور تیغه ی شمشیر گلور
یوخ دفاع ایلمگه حالی گینه تیر گلور
ذوالفقاری دوشوب الدن گوزه دلگیر گلور
قورخوسیندان قاچان اشرار گلوبلر یوخینا
باش کسنلر آلیب اطرافینی یاز آغلا «صفا»

یوخ وفا عمره نه دنیایه نه مال و حشمه
قالیب ایش محشر کبرا حق صاحب کرمه
وئره جک عفو عمومی بیزه زهرایه گوره
شیعه نی اوغلی حسین هاویه دن قورتاراجاق
نار دوزخده فقط دشمن زهرا یاناجاق

• یکشنبه
• 3
• مرداد
• 1400
• ساعت
• 17:39
• نوشته شده توسط
• یوسف اکبری

نار هجـرونده وجـودیم آلشورصبـح و مسا
فیـض دیداریوی هرلحظـده حسرت چکـــرم

لـوح دیلـده اوگوزل حسنوی ترسیم ائلیوب
ســـرو تک قـامت مـُوزونـی قیــامت چکـــرم

دولانـور هفتـه لـر آیـلار گئچـور ایللر چاپاراق
ای نگاریم گـور هـاچـاندان سنه منت چکـــرم

غملـی رخساریم اولـوب گـوزیاشیما جوی روان
فـرقتـونده نچه ایللـــردی که محنت چکـــرم

قفس عشقیـــده تحلیـله گئدوبـدور بدنیم
اریب آتش هجــــرونـــده مشقــت چکـــرم

قیل قدم رنجه گوزوم اوسته ایاقوندان اوپوم
مقـدمون اوپمـاقــا هـرچنـد خجـالت چکـــرم

عفـوائله بولممشم هــرســوزی فـاش ائتمزله
اولـــدی بـاعث عملــیم آه نــدامت چکـــرم

سایـورام گلمــــاقـوا گـونلـری آدیـنه لـــری
دوشمـوری وصلـون اله رنج فـراقت چکـــرم

مدحتـونده یازا هرقـدری (جوانـی) اشعار
حـاشه لله دیـَه بو یـازماقـا زحمت چکـــرم

• دوشنبه
• 11
• مرداد
• 1400
• ساعت
• 11:57
• نوشته شده توسط
• یوسف اکبری

قویوب یاران بو دنیایه قدم صاحب زمان گلدی
ورون مژده گونه آیه فروغ کهکشان گلدی
گَلَن یولارینه اولسون آتام قربان آنام قربان
که سالسین باشلارا سایه امام انس و جان گلدی

بو گون بیر عرش ساقیندن گوزل قندیل آسلاندی
اونین نور جمالیندن بوتون دنیا ایشقلاندی
سؤال ایتدیم اَسَن یل دن ددی دهره سلیمان دی
اونا قالیچه گلمیشدی بونا تخت روان گلدی

اوتورموش نوریدن تخت روان تخت زر اوستونده
قویولموش تختی بیر آشقین گل و برگ تر اوستونده
ملکلر حوریلر آچمش اونین بال و پر اوستونده
یره قصد ریارتلن عموم عرشیان گلدی

اونین خلقت کتابینده ازلدن ثبت اولوب آدی
ایدوب خلاق او مولانی بشر اقوامینه هادی
زمان و عصره تا روز قیامت میر و مولادی
حقیقت جانب حق دن بیزه پای ارمغان گلدی

او شاهنشاهیدن بیرگون سفارش وردی پیغمبر
بویوردی اون بیر اولادیم اولار دنیالره سرور
او آخرده گلن میر خلایق جدینه بنزر
دیون گَل یا رسول الله بویورموشدون همان گلدی

چکور خجلت تماشایه چخاندا آی جمالیندن
قالور جن و ملک حیران اونین حُسن کمالیندن
فقط یللر اوپور لعل لبیندن قاره خالیندن
گورورسن یل اسنده هر یورولموش جسمه جان گلدی

او بیر دلبردی که دللر اونی مین آیه ورمزلر
اگر دنیاچی لر ورسه کلان سرمایه ورمزلر
سیاهی زلفی مین هر بیر توکین دنیایه ورمزلر
اونی الدن ورن سوداگره چوخلی زیان گلدی

حسینین با وقار اوغلی حسینی لر طرفداری
چپاول گر لرین ضدی اولوب مستضعفان یاری
اودور ویران ایدن آخر زمان دا نسل کفاری
گلر بیر گون دیسینلر یا حسین دور قان آلان گلدی

غرض ماه امامت دور دوتوب دنیانی نوریلن
عجب گوزلر اولوب روشن دولوب باشلاردا شوریلن
قرانقلار کوچوب عالم دونوب طوره ظهوریلن
کلیم اللهی سیناده قویوبدور سرگران گلدی

گوروب نرگس گلین گللر گلستانلار صفا تاپدی
اورک ملکین محبت لر دوتوب مهر و وفا تاپدی
گلوب پیرولرین حاصل نبیر مرتضی تاپدی
هدایت پرچمی الده امیر شیعیان گلدی

اوشاخلقدان او مولانین آدین ورد ایلرم دلده
امامیم دور دیسم یاریم اولار شرعی مسائلده
آقام اوز شیعه سین قویماز قالا بیر آنی مشکلده
چاغیرسا کیم خلوصیله گورر مشکل آچان گلدی

"امینی " سن قلم الده آچورسان دفتر و دیوان
یازیرسان مدح و مرثیه ائمه شأنینه هر آن
شهید کربلادن چوخ آلوبسان دردیوه درمان
سنه اول شه دن عمرونده محبت لر کلان گلدی

• یکشنبه
• 24
• مرداد
• 1400
• ساعت
• 14:29
• نوشته شده توسط
• یوسف اکبری

یابن العسکری ای گل خوشبوی محمدی
سامراشده روشن ازنورتوخوش آمدی
جلوه جلال حضرت پیمبری
جان فدای تو ایاعزیزعسکری
یابن الحسن آقام آقام یابن الحسن۴

ای گل علی صاحب الزمان
پورفاطمه منجی جهان
توزاده ی دامن نرگسی
تویاورشیعه بی کسی
یابن الحسن آقام آقام یابن الحسن۴

نیمه مه عاشقان آمدی براین جهان
می رسد بوی جشن میلاد تو زجمکران
ای مه مدینه تو گل ولایتی
برموالیان خودنماعنایتی
یابن الحسن آقام آقام یابن الحسن۴

جشن تو بود جشن انتظار
می رسد به ما عطری از بهار
تویی نگاردل منتظر
به جان زهرا نمایک نظر
یابن الحسن آقام آقام یابن الحسن۴

یاحجت بن الحسن سیدی پناه ما
شده مهیا برای ظهور سپاه ما
می رسد زپشت ابروپرده نورتو
برمشام جان رسد بوی ظهورتو
یابن الحسن آقام آقام یابن الحسن۴

جان شیعیان خصم داعشی
باعدونداری توسازشی
شودزمستان به عشقت بهار
بیا بیا وارث ذوالفقار
یابن الحسن آقام آقام یابن الحسن۴

بشارت ای شیعه لر گل آچیب بهاریدی
ورون جهانه خبر مولد نگاریدی
دولدی نوریلن بوگجه شهرسامرا
گلدی منتقم شهریار کربلا
یابن الحسن آقام آقام یابن الحسن۴

صاحب الزمان یابن العسکری
نرگسین گولی شیعه رهبری
سنه فدا ای مه پنج تن
نگاریمیز حجت بن الحسن
یابن الحسن آقام آقام یابن الحسن۴

گچدی عمروموز گورمدیک روی پر زنوریوی
الله ایلسین بیرعنایت گورک ظهوریوی
سنسیز ای آقا جهاندایوخدی امنیت
چوخ رجز اوخوربوداعش ووهابیت
یابن الحسن آقام آقام یابن الحسن۴

فاطمه گولی باخ بوملته
دشمنی سالوب خاک ذلته
بوملته سال آقا بیرنظر
هایانداسان ای شه منتطر
یابن الحسن آقام آقام یابن الحسن۴

• سه شنبه
• 26
• مرداد
• 1400
• ساعت
• 11:12
• نوشته شده توسط
• یوسف اکبری

دلبریم بسدور بوقدری غارت جان ایلَمَه
آفتابی زلفِ مشکین آلتدا پنهان ایلَمَه

گورهاچاندور دیدۀ مَخمورون مجنونیم
قلبیمی، ای یاس نَرجس چوخ پریشان ایلَمَه

دوشمشم جاندان اگرچه انتظارم وصلوه
بوندان آرتیق سائلی سَردَر گریبان ایلَمَه

خنجر ابرولرون جان آلسامندن راضی ام
صیدی ای صیاددل، چوللرده حیران ایلَمَه

بیرجهان دل باغلیدورجانا شکنجِ زلفووه
یا ظهور ایله و یا قصد دل و جان ایلَمَه

صبریوسف یوخدی منده ای مَلَک سیمانگار
روحیمی زندانی چاه زنخدان ایلمه

شهرغیبتدن کناراول یوسفیم بازاره گَل
عشقیمون کاشانه سین هجرونله ویران
ایلَمَه
یاحجاب آچ صورتوندن باشه چاتسون
افتراق
طرّۀ طرّاروی یا عنبر افشان ایلَمَه

گوزلریم قربان نقدری آخ دیوم یول گوزلیوم
قامتی خَم عاشقی هجرونده ویلان ایلمه

"سیفی ام"من هفت شهرعشقوون عطّاریم
صبح امیدی منه شام غریبان ایلَمَه

• یکشنبه
• 31
• مرداد
• 1400
• ساعت
• 17:21
• نوشته شده توسط
• یوسف اکبری

سالوب فشاره منی روزگار کینه نهاد
ایدم امام زَمان دان گرکدی استمداد

محسّناتیده گر چه نگاریم اکملدور
ولی یوزین گوره بُلمز او گوز که احولدور

جمال شاهد غیبی گورنمز اهل شهود
بو باب قدرت قهّاریله مقفّلدور

یازوب جمالینه والشّمسی کاتب قدرت
گون اوسته پرده چکوب زلفی لیل اَلیَلدور

جمالی گوندی، اوزی آی کیمی بولوتدا گزر
نه گون نه آی قمر و شمس دن بو افضلدور

بونون یوزیندن ایدر کسب نور شمس و قمر
اولار سراجیدی بو نور حقّه مشعلدور

اولوبدی خلقتی انوار خمسه دن مشتق
باباسی احمد محمود شاه مُرسلدور

وجودی نور اوزی نور اصلی نور باطنی نور
ولیک صورت انسانیله مُشَکّلدور

بو منتظَردی بونا منتظِردی کون و مکان
نه انبیا نه ائمّه اولار که اعقلدور

دیوب خدا بونا حتّی اوزیمده منتظرم
بو لفظه فَانتَظِروا آیه سی مُدَلّلدور

بو نور اوّل ایدوب سُرَّ مَن رَآده ظهور
بیانی مُجمَل اوزی قصّهء مفصّلدور

ایدوب بو نور دوباره غروب ظاهرده
غروبی لفظ معمّادی حلّی مُعضَلدور

او آفتاب منیره چکوبدی پرده سحاب
شعاعی گون کیمی عالملره مسلسلدور

بو نور بیر گون اولور شرق مکّه دن طالع
گورر هامی او جمالی که سرّ مُنزَلدور

ظهور علائمینی جدّی حضرت صادق
خبر ویروبدی، روایت ایدن مفضّلدور

او گونکه یر یوزینی جور و ظلم دولدوراجاق
بنای ظلمی یخان بو امام اَعدَلدور

ظهور ایدر یر اوزین دولدولار عدالتیله
جفا عدالته عالم گورر مبدّلدور

لوای ظلم هامی شهرلرده پرچم آچوب
یاخوندی گَلماقی معلوم اولار معجّلدور

ازل ظهوریده دیوار کعبیه دایانور
بو مختصر خبرین شرحی چوخ مطوّلدور

قویار مبارک الین ذوالفقار قبضه سینه
گورلّه تاج شرفدن باشی مُکَلَّلدور

بلند صوتیله اوّل کمک لرین چاقورور
گیدن کومکلیقا اوچ یوز اون اوچ مکمّلدور

قاباقجا جدّی حسینون او شاه قانین آلار
بو قانی آلماق عدودن اونا محوّلدور

بنی امیّه الینده حسین اولوب مظلوم
او منتقم آلا بو انتقامی اجملدور

حسینه شام غریبان دوتانمیوب زینب
همین عبارت مستور لفظ مقتلدور

آناسی فاطمه گَلدی جنازه سی اوسته
نه گوردی شام غریبانی خیلی ارذلدور

نه واردی شام غریبان دوتان نه آغلیانی
یانان چادردا قیزی نیلسون معطّلدور

ورق ورق یازیلوب جسم پاکی قرآن تک
قلجلارین یری گویا که سرخ جدولدور

اوغول قانین گوتوروب زلفینه یاخوب اوّل
بو قان او زلف مطرّایه زیب اوّلدور

بویوردی حرمتیوی هتک ایدوب بو قوم ندن؟
خیال ایدوبدیله قانون مگر محلّلدور

شکسته تیر و سِنانیله پیکرون بَزَنوب
سپهر تک بدنون نجمیله مجلّلدور

گورنده اللرینی ووردی باشه غشّ ایتدی
او طول مُحنته بو بیر بیان مَجمَلدور

گَلنده هوشه دیدی کیم سنی بو حاله سالوب
کسن بو اللری هانسی خطالی بیر اَلدور

گَلوب کسوک بوغازیندان حزین سسیله صدا
منی بو حاله سالان بیر لعین اعجلدور

کسوب بیلکدن آنا ساربانیم اللریمی
ولیک بارماقیمون قطعی ظلم بَجدَلدور

(حسینی) دلده حسین آدینی ایدوب ازبر
اُلونجه ترکین ایدنمز بو مشق ازّلدور

مدرّس ازلی درسینی ویروبدی اَزَل
مدیر مکتب عشّاقیدن محصّلدور

• سه شنبه
• 9
• شهریور
• 1400
• ساعت
• 20:08
• نوشته شده توسط
• یوسف اکبری

ساقی گینه قوی باشیمه میخانه دولانسون
میخانه ده الدن اله پیمانه دولانسون

مسجدلیق ایشیم یوخ، منی دَنگ ایلمه زاهد
بسدور بو قدر حیله و رنگ ایلمه زاهد
عاشقلریله بیر بیله جنگ ایلمه زاهد
عاشق اودی گوندوز گیجه میخانه دولانسون

میخانه بیزه کعبهء مقصودیدی، مقصود
گَل فاش دییم جنّتِ مُوعودیدی، مُوعود
عاشقلره میر، کوثرِ معهودیدی، معهود
قوی مِیکده ده، عاشق رندانه دولانسون

بیز وار یوخی خرج ایلمشوق بادهء صافه
میخانیه چوخ گلمیشوق ای شیخ، طوافه
آز کعبه نی تعریف ایله گَل ایتمه کَلافه
عادت دی گَرک شُعلیه پروانه دولانسون

مجنون ایلموب عقلینی یر سیز یره مصرف
مین فنّیله لیلایه ایدوب عشقی مُکلّف
بازارِ جنونه چکه عاقل لری صَف صَف
بوینوندا گرک سلسه ، دیوانه دولانسون

جام و مِی و میخانه غرض اولدی بهانه
بو طرزیله تا شور سالام کون و مکانه
اظهار ایدم اُوز عشقیمی سلطانِ جهانه
تا سُوز صفتِ مدحتِ سلطانه دولانسون

هو حقّ مدد اُوز بندوه امداد ایله یا ربّ
گر مصلحت اولسا، اوره گین شاد ایله یا ربّ
شاگردیدی امّا اُوزون استاد ایله یا ربّ
مدحه قلمی لوحده جانانه دولانسون

بیز بنده یوق عالمده بیزه شاهیدی مهدی
شاهِ مَلک انصار و فَلک جاهیدی مهدی
هر حُسنده چون مظهر آللّهیدی مهدی
یِر گُوی یِری وار عشقینه مستانه دولانسون

گُل طَلعَتی هر حُسنده ، پیغمبره بَنزیر
صولتده، صلابتده خودِ حیدره بَنزیر
باخ هاشمی خالی آقامون گوهره بَنزیر
باعث دی او خال، عالَمِ امکانه، دولانسون

سلطانلارا، سلطان بودی بو ماه شمایل
حاتم لر اولوب درگهِ احسانینه سایل
هر کیمسه اُولا حُبّ تَولّاسینه قایل
عالمده گرک فَخریله مَردانه دولانسون

منظور دعادن بودی هر مقصد و مقصود
تعجیلِ ظهوروندا عنایت ایده معبود
دَجّال خروج ایلیوب ای مهدی موعود
گَل قُویما آغزلاردا بو افسانه دولانسون

گَلسون آقا جان، وضعِ جهان بیله قاریشماز
عاشقلروین قانینه هر کیمسه داریشماز
حَشر اولسادا، دشمنلریله، شیعه باریشماز
دشمن گرک عالمده ذلیلانه دولانسون

گَل آل قاباغین، ایشلری تزویره چکیرلر
آزاده لری، ظلمیله زنجیره چکیرلر
حقّ حقّ دانشان عاشقی شمشیره چکیرلر
یوخ صبر داهی، خَصم، دلیرانه دولانسون

ای شیعه لرون دَهریده اُمّید و رَجاسی
هجروندا چخوب اُمَّتوین عرشه نواسی
سنسیز بیزه غربتدی جهان، یوخدی وفاسی
آخر نه قدَر شیعه غریبانه دولانسون

بو مملکتِ شیعه سَنون مملکتوندی
محتاج عطا و کَرم و مَغفَرتوندی
شامل بیزه هر دم نظرِ مرحمتوندی
گَل باشیوه بو ملّت فرزانه دولانسون

(شبخیز) بو طَبعین سنون الطافِ اَزَلدور
(واحد) یازان اشعار ولی گُور نه گُوزلدور
بو مصرعی تکلیقدا اوزی شاه غزلدور
قویما بو حَرمخانیه بیگانه دولانسون

• چهارشنبه
• 10
• شهریور
• 1400
• ساعت
• 14:28
• نوشته شده توسط
• یوسف اکبری

جمالون نَقشینی اِیستردی نقاش قَدر چکسون
قالوب حیرتده بولمزدی او صورتده نه لر چکسون

قیام قامتونده گوردی آثار قیامت وار
تعجب ایتدی گتدی تا مُوثردن اَثر چکسون

مجانین رِه عشقه گوروب زنجیر لازمدور
چکوب بیر زلفی کیم هر تاریده یوز مین نفر چکسون

آیردی زلفدن بیر تل چکوب سالدی جبین اوسته
سپهر حسنیده ایستردی بیر شَق القَمَر چکسون

جَبینون چَکدی اما ایلدی عاشقلره مقتل
که هر کس ایستسه لازمدی دَرد تَرک سَر چکسون

چکَنده قاشلارون طرحین هلال آسا گوروب گردون
بو فکره دوشدی آی نَقشین پوزوب نقش دگر چکسون

گوزون بنزتدی بیر آهویه سالدی سنبل ستانه
دِدی بو صِید اَلیندن هانسی صیاد ال چکر چکسون

یتشدی صفحه رُخساریوه قالدی تعجبده
یوزوی بولمدی خورشید چِکسون یا قَمر چکسون

دهانون اوخشادا گوردی خطادور نقطه میمه
اگر چکسه گرک اُول نقطه دن هر میم لر چکسون

زِ بِس که قیلدی شیرین کاریلق چکدوقجا هر نقشین
گل عطری ویردی ایستردی لبون گلبرگ تر چکسون

دوشوب مدهوش (صافی) تک قلم الده قلم اولدی
قریلدی رشته، ممکن اولمادی نظمه قلم چکسون

• چهارشنبه
• 10
• شهریور
• 1400
• ساعت
• 14:33
• نوشته شده توسط
• یوسف اکبری